ទីផ្សារអចលនទ្រព្យរបស់កម្ពុជាកំពុងរងឥទ្ឋិពលបែបណាពីវិបត្តិភូមិសាស្រ្តនយោបាយ និងសង្រ្គាមពន្ឋ?

ដោយ: គង់ លាងហួរ

ភ្នំពេញ: ភាពមិនច្បាស់លាស់នៃម៉ាក្រូសេដ្ឋកិច្ច ភាពតានតឹងភូមិសាស្ត្រនយោបាយសកល ការកើនឡើងនូវអតិផរណា និងអត្រាការប្រាក់ រួមទាំងការផ្គត់ផ្គង់អចលនទ្រព្យលើសតម្រូវការ នៅក្នុងរាជធានីភ្នំពេញ បានជះផលប៉ះពាល់ដល់តម្លៃទីផ្សារ និងតម្លៃជួល។

បញ្ហាប្រឈមជាសកលជាបន្តបន្ទាប់ បានបន្តជះឥទ្ធិពលដល់កំណើនសេដ្ឋកិច្ចរបស់កម្ពុជានៅលើគ្រប់វិស័យ រួមទាំងវិស័យអចលនទ្រព្យផងដែរ។ ជាក់ស្តែង តម្លៃលំនៅដ្ឋាន និងដីធ្លីបានដាំក្បាលចុះ។

ទោះបីជាប្រឈមមុខនឹងវិបត្តិខាងលើយ៉ាងណាក្តី ក៏ប៉ុន្តែទំហំទីផ្សារអចលនទ្រព្យនៅកម្ពុជា ត្រូវបានគេរំពឹងថា នឹងកើនឡើងជាមធ្យមប្រមាណ២,៨៥ភាគរយក្នុងមួយឆ្នាំ ដល់ទំហំទឹកប្រាក់ចំនួន៦១៩,៥៥ពាន់លានដុល្លារនៅឆ្នាំ២០២៥នេះ។

ក្នុងនោះ ទីផ្សារលំនៅដ្ឋាន នឹងកាន់កាប់ចំណែកចំនួន៥៧៤,១០ពាន់លានដុល្លារ នៃទំហំទីផ្សារអចលនទ្រព្យសរុបនៅកម្ពុជា ក្នុងឆ្នាំ២០២៥។ នេះបើយោងតាមវេទិកាអនឡាញ Statista របស់ប្រទេសអាល្លឺម៉ង់ដែលមានជំនាញ ក្នុងការប្រមូលចងក្រងទិន្នន័យស្ថិតិ។

ការដាំក្បាលចុះនៃតម្លៃដីធ្លី បានក្លាយជាឱកាសល្អ សម្រាប់បណ្តាអ្នកវិនិយោគ ក្នុងការទិញដីក្នុងអត្រាបញ្ចុះតម្លៃយ៉ាងច្រើន បើធៀបនឹងតម្លៃមុនផ្ទុះការរាតត្បាតនៃជំងឺកូវីដ-១៩។

ទោះជាយ៉ាងណាក្តី ភាពមិនច្បាស់លាស់ នៃបរិយាកាសម៉ាក្រូសេដ្ឋកិច្ច និងភូមិសាស្ត្រនយោបាយ និងកម្រិតអត្រាការប្រាក់ខ្ពស់នឹងបន្តជះឥទ្ធិពលដល់ទំនុកចិត្ត របស់វិនិយោគិនក្នុងរយៈពេលខ្លី។

ក្រុមហ៊ុនប្រឹក្សាអចលនទ្រព្យ Knight Frank អះអាងថា “ខណៈការរំពឹងទុករយៈពេលខ្លី បង្កជាបញ្ហាប្រឈម ការដាំក្បាលចុះនៃតម្លៃដី បង្ហាញពីឱកាស សម្រាប់អ្នកអភិវឌ្ឍន៍ ក្នុងការទិញដីក្រោមតម្លៃសមរម្យ សម្រាប់ការអភិវឌ្ឍន៍អចលនទ្រព្យនាពេលអនាគត”។

យ៉ាងណាមិញ សង្គ្រាមពន្ធគយរវាងសហរដ្ឋអាមេរិក និងប្រទេសចិន អាចជះផលប៉ះពាល់យ៉ាងធ្ងន់ធ្ងរ ដល់ទីផ្សារអចលនទ្រព្យរបស់កម្ពុជា ខណៈកម្ពុជាពឹងផ្អែកខ្លាំង លើលំហូរវិនិយោគផ្ទាល់ពីប្រទេសចិន។ ចំណែក សហរដ្ឋអាមេរិក ជាទិសដៅនាំចេញទំនិញដ៏ធំបំផុតរបស់កម្ពុជា។

សង្គ្រាមពន្ធរវាងសហរដ្ឋអាមេរិក និងចិននឹងបន្ថែមភាពមិនច្បាស់លាស់ និងភាពស្មុគស្មាញបន្ថែមទៀត ដល់សេដ្ឋកិច្ចពិភពលោក ដែលកំពុងជួបប្រទះ ការលំបាករួចស្រាប់ទៅហើយ និងបណ្តាលឱ្យមានការរំខានដល់ខ្សែសង្វាក់ផ្គត់ផ្គង់ពិភពលោក៕ប្រភព: Statista៕

ក្រុមមន្រ្តីចុះពិនិត្យគំរោងវិនិយោគតាមបណ្តាកោះ ឆ្នេរនៅខេត្តព្រះសីហនុ និងខេត្តកោះកុង

ដោយៈ គង់ សូរិយា

ព្រះសីហនុៈ ក្រុមមន្រ្តីបានចុះ ចុះពិនិត្យការអនុវត្តគម្រោងវិនិយោគ របស់បណ្តាក្រុមហ៊ុនអភិវឌ្ឍន៍កោះ ឆ្នេរ និងរមណីយដ្ឋាននានា នៅខេត្តកោះកុង និងខេត្តព្រះសីហនុ។

គណៈកម្មការអន្តរក្រសួងសម្រាប់សិក្សាវាយតម្លៃ និងរៀបចំប្លង់មេលើបណ្តាកោះ ដែលមានសក្តានុពលសេដ្ឋកិច្ច ដឹកនាំដោយ លោកជា វុទ្ធី អគ្គលេខាធិការគណៈកម្មាធិការវិនិយោគកម្ពុជា បានចុះពិនិត្យការអនុវត្តគម្រោងវិនិយោគ របស់បណ្តាក្រុមហ៊ុនអភិវឌ្ឍន៍កោះ និងឆ្នេរនានា នៅខេត្តកោះកុង និងខេត្តព្រះសីហនុ ដោយមានការចូលរួមពីសំណាក់ថ្នាក់ដឹកនាំ និងមន្ត្រីជំនាញនៃក្រសួង ស្ថាប័នពាក់ព័ន្ធមានសមត្ថកិច្ច រួមទាំងអាជ្ញាធរដែនដីផង ក្នុងភូមិសាស្ត្រខេត្តកោះកុង និងខេត្តព្រះសីហនុ។

ការចុះពិនិត្យខាងលើ ត្រូវបានធ្វើឡើងរៀងរាល់ឆ្នាំ ក្នុងគោលបំណង ដើម្បីពិនិត្យលើវឌ្ឍនភាពនៃការអនុវត្តគម្រោង ការផ្តល់មតិយោបល់លើផ្នែកបច្ចេកទេស ព្រមទាំងស្តាប់នូវបញ្ហាប្រឈម និងសំណូមពរនានារបស់វិនិយោគិន សំដៅជំរុញការអនុវត្តគំរោងស្របតាមខ្លឹមសារនៃកិច្ចសន្យា និងដើម្បីរៀបចំរបាយការណ៍បូកសរុបគោរពរាយការណ៍ជូនរាជរដ្ឋាភិបាល។

ឆ្លៀតក្នុងឱកាសនៃការបំពេញភារកិច្ចនេះដែរ គណៈកម្មការអន្តរក្រសួង ក៏បានឆ្លៀតចុះជួបសំណេះសំណាល និងសាកសួរសុខទុក្ខនាយនាវី នាយនាវីរង និងពលនាវិក កងការពារកោះតាងលេខ៣ ដែលបានឈរជើងនៅមូលដ្ឋានកោះតាងផងដែរ៕

លោកកំពូលមហាសេដ្ឋី Mark Zuckerberg ត្រៀមបញ្ចប់យុគសម័យនៃការប្រើប្រាស់ទូរសព្ទស្មាតហ្វូន

ដោយ: គង់ លាងហួរ
អន្តរជាតិ: ក្នុងរយៈពេលជិត៣ទសវត្សរ៍កន្លងមកនេះ ផលិតផលទូរសព្ទស្មាតហ្វូនបានក្លាយជាវត្ថុប្រើប្រាស់មិនអាចខ្វះបាននៅក្នុងស្ថានភាពរស់នៅប្រចាំថ្ងៃរបស់មនុស្សនៅទូទាំងពិភពលោក។

ប៉ុន្តែ ខណៈពេលដែលវិស័យបច្ចេកវិទ្យាកំពុងបន្តបោះពួយទៅមុខឥតឈប់ឈរ លោកកំពូលមហាសេដ្ឋី Mark Zuckerberg នាយកប្រតិបត្តិក្រុមហ៊ុន Meta បានប្រកាសពីការត្រៀមបញ្ចប់យុគសម័យនៃការប្រើប្រាស់ទូរសព្ទស្មាតហ្វូន និងដាក់ជំនួសមកវិញដោយបច្ចេកវិទ្យាថ្មី។

លោកបានព្យាករណ៍ថា “វ៉ែនតាឆ្លាតវៃ(Smart Glass) នឹងក្លាយជាឧបករណ៍តភ្ជាប់ទំនាក់ទំនងដ៏សំខាន់មួយរបស់យើងទៅនឹងពិភពឌីជីថល ដោយនឹងធ្វើឱ្យស្មាតហ្វូនក្លាយជាវត្ថុដែលគេប្រើប្រាស់កាលពីអតីតកាល”។

ចក្ខុវិស័យរបស់លោក Mark Zuckerberg មិនមែនគ្រាន់តែជាការស្រមើស្រមៃនោះទេ។ ប៉ុន្តែ វាកំពុងចាប់ផ្តើមលេចចេញជារូបរាងហើយ។

គម្រោងដែលមានឈ្មោះថា “Meta’s Orion” ត្រូវបានគេចាត់ទុកថា ជាការច្នៃប្រឌិតវ៉ែនតាឆ្លាតវៃទំនើបបំផុតដែលមិនធ្លាប់មាន។វ៉ែនតានាពេលអនាគតទាំងនេះមានលក្ខណៈពិសេសបែប Holographic ដែលធ្វើឱ្យអ្នកប្រើប្រាស់វ៉ែតាឆ្លាតវៃអាចផ្ញើសារ ហៅទូរសព្ទ ឬស្វែងរក ដោយមិនចាំបាច់ចុចទូរសព្ទ។

ក្រុមហ៊ុន Meta ក៏បានចាប់ដៃគូជាមួយក្រុមហ៊ុនម៉ាកយីហោវ៉ែនតាប្រណីត Ray-Ban ដើម្បីនាំយកវ៉ែនតាឆ្លាតវៃទៅកាន់ពិភពលោកផងដែរ។ វ៉ែនតាឆ្លាតវៃ Ray-Ban Meta កើតចេញពីការច្របាច់បញ្ចូលគ្នារវាងវ៉ែនតារបស់ក្រុមហ៊ុន Ray-Ban ជាមួយនឹងបច្ចេកវិទ្យា AI-driven របស់ក្រុមហ៊ុន Meta។

ការផលិតវ៉ែនតាទាំងនេះជាការបោះជំហានដ៏សំខាន់នៅក្នុងវិស័យបច្ចេកវិទ្យា។ប្រសិនបើមនុស្សមានភាពងាយស្រួលក្នុងការប្រើប្រាស់មុខងាររបស់វ៉ែនតាឆ្លាតវៃសម្រាប់ការស្តាប់តន្ត្រី ការថតរូប និងការហៅទូរសព្ទ នោះការងាកចេញឆ្ងាយពីស្មាតហ្វូននឹងអាចក្លាយជាការពិត។

បណ្តាក្រុមហ៊ុនផ្សេងទៀត រួមទាំងក្រុមហ៊ុនអាមេរិក Google និងក្រុមហ៊ុនកូរ៉េខាងត្បូង Samsung ក៏កំពុងព្យាយាមធ្វើការលើការផលិតវ៉ែនតាឆ្លាតវៃ ដែលដំណើរការដោយបញ្ញាសិប្បនិម្មិត (AI) ផ្ទាល់ខ្លួនរបស់ពួកគេផងដែរ ក្នុងគោលបំណងដូចគ្នាដើម្បីចូលមកជំនួសស្មាតហ្វូន។

វ៉ែនតាឆ្លាតវៃនឹងមិនត្រឹមតែជាអេក្រង់ដែលបំពាក់ជាប់នឹងមុខរបស់អ្នកនោះទេ។ វ៉ែនតាទាំងនេះនឹងក្លាយជាជំនួយការផ្ទាល់ខ្លួនរបស់មនុស្ស ដែលដំណើរការដោយប្រព័ន្ធបច្ចេកវិទ្យា AI ។ អ្នកប្រើប្រាស់អាចធ្វើការបញ្ជាដោយសំឡេង ដោយមិនចាំបាច់ចុចប៉ះផ្ទៃអេក្រង់។

វ៉ែនតាឆ្លាតវៃក៏មានមុខងារបកប្រែភាសាយ៉ាងឆាប់រហ័ស ដែលអាចនឹងលុបបំបាត់របាំងភាសាចេញ។ វ៉ែនតាឆ្លាតវៃក៏អាចផ្តល់ព័ត៌មានជុំវិញពិភពលោកដោយស្វ័យប្រវត្តិ មុនពេលអ្នកប្រើប្រាស់សាកសួរទៅទៀត៕ប្រភព: The Daily Galaxy៕

ប្រទេសថៃប្រកាសដាក់ចេញវិធានការថ្មីដើម្បីជួយស្រោចស្រង់វិស័យអចលនទ្រព្យក្នុងស្រុក

ដោយ: គង់ លាងហួរ
អន្តរជាតិ: ធនាគារកណ្តាលរបស់ប្រទេសថៃ(BoT)បានប្រកាសអំពីការបន្ធូរបន្ថយច្បាប់ស្តីពីការកំណត់ទំហំនៃការផ្តល់ប្រាក់កម្ចីធៀបនឹងតម្លៃអចលនទ្រព្យ ដែលនឹងចូលជាធរមានចាប់ពីខែឧសភា ឆ្នាំនេះរហូតដល់ខែមិថុនាឆ្នាំ២០២៦។

វិធានការនេះមានគោលដៅដើម្បីគាំទ្រដល់វិស័យអចលនទ្រព្យថៃដែលកំពុងជួបប្រទះការលំបាក។ ធនាគារកណ្តាលថៃបានប្រកាសចាត់ទុកវិធានការមួយនេះថា នឹងមិនបង្កហានិភ័យធ្ងន់ធ្ងរដល់ស្ថិរភាពហិរញ្ញវត្ថុនោះទេ។

វិធានការនេះត្រូវបានប្រកាសឡើង បន្ទាប់ពីបណ្តាក្រុមហ៊ុនអភិវឌ្ឍន៍អចលនទ្រព្យបានស្នើសុំជំនួយពីរដ្ឋាភិបាលថៃដើម្បីស្រោចស្រង់វិស័យអចលនទ្រព្យក្នុងស្រុក ដែលកំពុងរងផលប៉ះពាល់ ដោយសារការធ្លាក់ចុះនៃតម្រូវការ ការផ្គត់ផ្គង់លើសតម្រូវការ លក្ខណៈវិនិច្ឆ័យតឹងរ៉ឹងលើការផ្តល់ប្រាក់កម្ចីទិញផ្ទះ និងកម្រិតបំណុលក្នុងគ្រួសារកើនឡើង។

ធនាគារកណ្តាលថៃ(BoT)បានគូសបញ្ជាក់នៅក្នុងសេចក្តីថ្លែងការណ៍មួយថា “វិស័យអចលនទ្រព្យថៃកំពុងធ្លាក់ចុះជាបន្តបន្ទាប់ ដោយមិនទាន់បង្ហាញសញ្ញាច្បាស់លាស់ណាមួយនៃការស្ទុះងើបឡើងវិញនៅឡើយ”។

នៅក្រោមវិធានការថ្មីនេះ អ្នកទិញលំនៅដ្ឋាននឹងមានសិទ្ធិទទួលបានប្រាក់កម្ចីចំនួន១០០ភាគរយនៃតម្លៃលំនៅដ្ឋាន ដែលខ្លួនទិញ។តួលេខនេះមានការកើនឡើងបើធៀបនឹងការកំណត់បច្ចុប្បន្នក្នុងការផ្តល់ប្រាក់កម្ចីត្រឹមតែ៧០ភាគរយទៅ៩០ភាគរយនៃតម្លៃផ្ទះ។

ធនាគារកណ្តាលថៃរំពឹងថា ការបន្ធូរបន្ថយច្បាប់ស្តីពីការកំណត់ទំហំប្រាក់កម្ចីធៀបនឹងតម្លៃអចលនទ្រព្យនឹងជួយដោះស្រាយបញ្ហានៃការផ្គត់ផ្គង់លំនៅដ្ឋានលើសតម្រូវការ។យ៉ាងណាមិញ ច្បាប់នេះជះផលវិជ្ជមានតិចតួចប៉ុណ្ណោះទៅលើការជំរុញសន្ទុះសេដ្ឋកិច្ចថៃ។

លោក Pichai Chunhavajira រដ្ឋមន្ត្រីក្រសួងហិរញ្ញវត្ថុថៃ បានអះអាងថា រដ្ឋាភិបាលគ្រោងនឹងប្រកាសពីការកាត់បន្ថយថ្លៃសេវាផ្ទេរ និងចុះបញ្ជីអចលនទ្រព្យក្នុងរយៈពេល១ខែខាងមុខ ដើម្បីគាំទ្រវិស័យនេះ ដែលជាក្បាលម៉ាស៊ីនសេដ្ឋកិច្ចដ៏សំខាន់។

លោក Pichai បានថ្លែងប្រាប់ក្រុមអ្នកយកព័ត៌មានថា “ម៉ាស៊ីនសេដ្ឋកិច្ចមួយនេះមានទំហំធំណាស់។ វាមិនបានដំណើរការពេញលេញអស់រយៈពេលជាង១០ឆ្នាំមកហើយ”៕ប្រភព: Bloomberg៕

បណ្តាអ្នកអភិវឌ្ឍន៍រំពឹងថា ការលក់អចលនទ្រព្យនៅប្រទេសម៉ាឡេសុីនឹងកើនឡើងនៅឆ្នាំនេះ

ដោយ: គង់ លាងហួរ
អន្តរជាតិ: បណ្តាអ្នកអភិវឌ្ឍន៍អចលនទ្រព្យម៉ាឡេស៊ីបានបង្ហាញសុទិដ្ឋិនិយមថា តម្រូវការអចលនទ្រព្យនឹងកើនឡើងនៅក្នុងឆមាសទីពីរនៃឆ្នាំ២០២៥នេះ។ប៉ុន្តែ ពួកគេនៅតែរក្សាការប្រុងប្រយ័ត្នចំពោះការកើនឡើងនៃថ្លៃដើមក្នុងការអភិវឌ្ឍន៍គម្រោងអចលនទ្រព្យ។

យោងតាមការស្ទង់មតិដោយសមាគមអ្នកអភិវឌ្ឍន៍អចលនទ្រព្យ និងលំនៅដ្ឋាន (Rehda) បានរកឃើញថា “ចំនួនជាង៥០ភាគរយនៃបណ្តាអ្នកអភិវឌ្ឍន៍បានបង្ហាញពីទំនុកចិត្តលើនិន្នាការរបស់ទីផ្សារអចលនទ្រព្យ និងការលក់”។

លើសពីនេះ ការស្ទង់មតិដដែលបានរកឃើញថា ចំនួន៤១ភាគរយនៃបណ្តាអ្នកអភិវឌ្ឍន៍ទាំងនោះ មានចំនួនលំនៅដ្ឋានដែលលក់មិនដាច់ភាគច្រើនក្នុងតម្លៃចន្លោះពី៤០០.០០១រីងហ្គីត ទៅ៥០០.០០០រីងហ្គីតក្នុងមួយយូនីត។

លោក Ho Hon Sang ប្រធានសមាគមអ្នកអភិវឌ្ឍន៍អចលនទ្រព្យ និងលំនៅដ្ឋាន (Rehda) បានអះអាងថា “អ្នកអភិវឌ្ឍន៍បន្តមានក្តីបារម្ភ ដោយសារភាពមិនច្បាស់លាស់នៃតម្លៃថាមពល ការពិនិត្យឡើងវិញលើការឧបត្ថម្ភធនរបស់រដ្ឋាភិបាលម៉ាឡេសុីលើតម្លៃប្រេងឥន្ធនៈ ពន្ធ និងបន្ទុកនៃការចំណាយផ្សេងៗទៅកាន់ភ្នាក់ងារអចលនទ្រព្យ”។

ការស្ទង់មតិបានរកឃើញទៀតថា អ្នកអភិវឌ្ឍន៍ភាគច្រើនបានរាយការណ៍ពីការកើនឡើងនៃការចំណាយចន្លោះពី៣%ទៅ៦%។លើសពីនេះទៀត ចំនួន៥៦ភាគរយនៃបណ្តាអ្នកអភិវឌ្ឍន៍បានព្រមានពីបញ្ហាប្រឈមនានា ដូចជាការកើនឡើងនៃតម្លៃសម្ភារៈសំណង់ កង្វះការផ្គត់ផ្គង់ និងកង្វះកម្លាំងពលកម្ម។

លោក Ho បានកត់សម្គាល់ថា “ខណៈរដ្ឋាភិបាលម៉ាឡេសុីកំពុងធ្វើការដើម្បីដោះស្រាយកង្វះនៃការផ្គត់ផ្គង់ និងកង្វះកម្លាំងពលកម្ម បញ្ហាប្រឈមទាំងនេះកំពុងក្លាយជាបន្ទុកនៃការចំណាយកាន់តែខ្ពស់សម្រាប់ទាំងឧស្សាហកម្មអចលនទ្រព្យ និងសេដ្ឋកិច្ចជារួម”។

ស្របពេលមានភាពមិនប្រាកដប្រជាផ្នែកសេដ្ឋកិច្ច បណ្តាអ្នកអភិវឌ្ឍន៍ជាងមួយភាគបីបានចាត់វិធានការកាត់បន្ថយការចំណាយ រួមមានការផ្អាកការជ្រើសរើសបុគ្គលោក ការកាត់បន្ថយទំហំនៃគម្រោង និងការពន្យារពេលក្នុងការបើកដំណើរការ៕ប្រភព: The Edge Malaysia៕

កម្ពុជានឹងសម្រេចបានអត្រាកំណើននៃទំហំពាណិជ្ជកម្មប្រចាំឆ្នាំខ្ពស់ជាងគេលំដាប់ទី៨នៅលើពិភពលោក

ដោយ: គង់ លាងហួរ
ភ្នំពេញ: របាយការណ៍មួយបានព្យាករណ៍ថា ប្រទេសកម្ពុជានឹងសម្រេចបាននូវអត្រាកំណើននៃទំហំពាណិជ្ជកម្មប្រចាំឆ្នាំខ្ពស់ជាងគេលំដាប់ទី៨ ក្នុងចំណោមបណ្តាប្រទេសចំនួន១៧០នៅលើពិភពលោក(គិតជាភាគរយ)។

យោងតាមរបាយការណ៍សិក្សាស្រាវជ្រាវ ដែលមានចំណងជើងថា“DHL TRADE ATLAS ”ប្រចាំឆ្នាំ២០២៥ បានបង្ហាញថា ទំហំពាណិជ្ជកម្មប្រចាំឆ្នាំរបស់កម្ពុជានឹងកើនឡើងក្នុងរង្វង់៩ភាគរយចន្លោះពីឆ្នាំ២០២៤ ដល់ឆ្នាំ២០២៩ខាងមុខ។

ចំណែក ប្រទេសហ្វីលីពីនត្រូវបានគេរំពឹងថា នឹងសម្រេចបាននូវអត្រាកំណើននៃទំហំពាណិជ្ជកម្មប្រចាំឆ្នាំខ្ពស់ជាងគេលំដាប់ទី១៥ នៅលើពិភពលោក ខណៈទំហំពាណិជ្ជកម្មប្រចាំឆ្នាំរបស់ហ្វីលីពីននឹងកើនឡើងក្នុងរង្វង់៧ភាគរយចន្លោះពីឆ្នាំ២០២៤ ដល់ឆ្នាំ២០២៩។

រីឯ ប្រទេសឥណ្ឌូនេសុីត្រូវបានគេរំពឹងថា នឹងសម្រេចបាននូវអត្រាកំណើននៃទំហំពាណិជ្ជកម្មប្រចាំឆ្នាំខ្ពស់ជាងគេលំដាប់ទី២៥ នៅលើពិភពលោក ខណៈទំហំពាណិជ្ជកម្មប្រចាំឆ្នាំរបស់ឥណ្ឌូនេសុីនឹងកើនឡើងក្នុងរង្វង់៧ភាគរយចន្លោះពីឆ្នាំ២០២៤ ដល់ឆ្នាំ២០២៩។

ប្រទេសវៀតណាមត្រូវបានគេព្យាករណ៍ថា នឹងសម្រេចបាននូវអត្រាកំណើននៃទំហំពាណិជ្ជកម្មប្រចាំឆ្នាំខ្ពស់ជាងគេលំដាប់ទី២៩ នៅលើពិភពលោក ខណៈទំហំពាណិជ្ជកម្មប្រចាំឆ្នាំរបស់វៀតណាមនឹងកើនឡើងក្នុងរង្វង់៦ភាគរយចន្លោះពីឆ្នាំ២០២៤ ដល់ឆ្នាំ២០២៩។

ចំណាត់ថ្នាក់លេខ៥៦ បានទៅលើប្រទេសមីយ៉ាន់ម៉ា ខណៈទំហំពាណិជ្ជកម្មប្រចាំឆ្នាំរបស់ប្រទេសនេះត្រូវបានគេរំពឹងថា នឹងកើនឡើងក្នុងរង្វង់៥ភាគរយចន្លោះពីឆ្នាំ២០២៤ ដល់ឆ្នាំ២០២៩។

ចំណាត់ថ្នាក់លេខ៧០ បានទៅលើប្រទេសម៉ាឡេសុី ខណៈទំហំពាណិជ្ជកម្មប្រចាំឆ្នាំរបស់ប្រទេសម៉ាឡេសុីត្រូវបានគេរំពឹងថា នឹងកើនឡើងក្នុងរង្វង់៤ភាគរយចន្លោះពីឆ្នាំ២០២៤ ដល់ឆ្នាំ២០២៩។

ប្រទេសសិង្ហបុរីឈរនៅចំណាត់ថ្នាក់លេខ៧៨ ខណៈទំហំពាណិជ្ជកម្មប្រចាំឆ្នាំរបស់សិង្ហបុរីត្រូវបានគេរំពឹងថា នឹងកើនឡើងក្នុងរង្វង់៤ភាគរយចន្លោះពីឆ្នាំ២០២៤ ដល់ឆ្នាំ២០២៩។

ចំណែក ប្រទេសថៃរំពឹងឈរនៅលេខរៀងទី៩១ ខណៈប្រទេសប្រ៊ុយណេរំពឹងជាប់ចំណាត់ថ្នាក់លេខ១២៥ ហើយប្រទេសឡាវរំពឹងឈរនៅលេខរៀងទី១៦៩ ក្នុងចំណោមបណ្តាប្រទេសចំនួន១៧០នៅលើពិភពលោក។

របាយការណ៍ខាងលើនេះត្រូវបានរៀបរៀងឡើងដោយលោក Steve A Altman អ្នកស្រាវជ្រាវជាន់ខ្ពស់ និងជាសាស្រ្តាចារ្យនៅសាលាធុរកិច្ច NYU Stern នៃសាកលវិទ្យាល័យញូវយ៉ក (New York University Stern School of Business)៕ប្រភព: DHL.Com៕

ក្រុមហ៊ុនផលិតនាវាធំមួយរបស់ចិនមានបំណងសិក្សាពីឱកាសវិនិយោគនៅកម្ពុជា

ដោយៈ ម៉ាណា

ប្រទេសចិនៈ លោកឧបនាយករដ្ឋមន្ត្រីស៊ុន ចាន់ថុលអនុប្រធានទី១ ក្រុមប្រឹក្សាអភិវឌ្ឍន៍កម្ពុជា បន្តដឹកនាំគណៈប្រតិភូទស្សនកិច្ចក្រុមហ៊ុន Shanghai Hantang Shipping Co., Ltd. ដែលមានមុខសញ្ញាវិនិយោគ លើការផ្គុំដំឡើងនាវា ប្រព័ន្ធដឹកជញ្ជូនអន្តរមធ្យោបាយ មជ្ឍមណ្ឌលភស្តុភារកម្ម និងវិស័យភស្តុភារកម្មផ្សេងៗ។

ទស្សនកិច្ចការងារនារសៀលនេះ ត្រូវបានទទួលស្វាគមន៍យ៉ាងរាក់ទាក់ពីសំណាក់ លោក Jason Fan នាយកប្រតិបត្តិក្រុមហ៊ុន Shanghai Hantang Shipping Co., Ltd. និងសហការី។

លោកនាយកប្រតិបត្តិ បានសម្តែងនូវសេចក្តីសោមនស្សចំពោះគណៈប្រតិភូ ដែលបានឆ្លៀតពេលវេលាអញ្ជើញ មកធ្វើទស្សនកិច្ចមកកាន់ក្រុមហ៊ុនរបស់លោកនាឱកាសនេះ។ បន្ថែមពីនេះ លោកបានធ្វើការពិព័ណ៌នាអំពីសាវតាររបស់ក្រុមហ៊ុន ក៏ដូចជា វឌ្ឍនភាពថ្មីៗនៃប្រតិបត្តិការរបស់ខ្លួន។

ស្របគ្នានេះដែរ លោកJason ក៏បានបង្ហាញចំណាប់អារម្មណ៍ក្នុងការពង្រីកផែនការវិនិយោគរបស់ខ្លួន មកកាន់ព្រះរាជាណាចក្រកម្ពុជា តាមរយៈការរចនានាវាចរណ៍ពហុបំណង ការនាំចេញនាវាពីសៀងហៃចូលមកទីផ្សារកម្ពុជា ការធ្វើស្ថាបនូបនីយកម្មក្រុមហ៊ុន ក្រោមរូបភាពភាគហ៊ុនិក និងការបោះទីតាំងផលិតនាវាជាដើម។

លោកឧបនាយករដ្ឋមន្ត្រី បានសម្តែងនូវការវាយតម្លៃខ្ពស់ជូនចំពោះភាពរីកលូតលាស់របស់ក្រុមហ៊ុន ដែលគួរយកជាករណីសិក្សា។ ជាមួយគ្នានេះ លោកឧបនាយករដ្ឋមន្ត្រី បានអញ្ជើញលោកនាយកប្រតិបត្តិ និងសហការី ពិនិត្យលទ្ធភាព និងឱកាសមកធ្វើទស្សនកិច្ចការងារនៅព្រះរាជាណាចក្រកម្ពុជា ដើម្បីសិក្សាឈ្វេងយល់បន្ថែមពីបរិយាកាសវិនិយោគ និងធុរកិច្ច សំដៅពង្រឹង និងពង្រីកមុខសញ្ញាវិនិយោគរបស់ខ្លួនបន្ថែមទៀត តាមរយៈការច្បាមយកឱកាសវិនិយោគលើវិស័យដែលមានសក្តានុពល និងស្របតាមឯកទេសរបស់ក្រុមហ៊ុនផ្ទាល់៕

Why wealthy Koreans shop for real estate in Japan

Weak yen, Seoul’s regulations drive up demand for Japanese properties.By Yi Whan-woo

More wealthy Koreans are on a real estate buying spree in Japan, as these properties are more affordable and lucrative compared to those in Korea, real estate industry officials said Tuesday.

The persistently weak yen has been attracting Korean buyers, who either take out cash from Korea or apply for loans from Japanese banks, they said. Korean investors are expected to go shopping for real estate in Japan for a while, as the exchange value of 100 yen is still lower than the yearslong norm of 1,000 won despite the Japanese central bank’s recent shift to a rate hike policy.

In Korea, a housing bubble
that has shown no sign of letting up, along with strict regulations, is seemingly driving buyers away from the domestic market to the Japanese market.

“Buyers possibly do not want to miss an opportunity of owning properties in Japan for affordability and profitability reasons,” Kwon Dae-jung, a real estate professor at Sogang University, said.

The professor was referring to data concerning Korean nationals’ purchase of properties overseas, which was compiled by the Ministry of Economy and Finance and submitted to the National Assembly.

Data showed that Korean nationals remitted a total of $39.2 million to Japan in property payments there in 2024, which nearly tripled from $13.1 million in 2023.

In particular, the remittance to Japan last year accounted for 9.4 percent of the entire amount sent abroad for real estate purchases the same year. The figure was the highest in the past seven years, according to the finance ministry.

Kwon said the actual amount spent by Korean buyers in Japan in 2024 is about twice larger than the aforementioned $39.2 million, considering they generally finance about 50 percent of the cash they need through loans from Japanese banks.

Another real estate expert said on condition of anonymity that demand for Japanese properties is likely to go on as buyers can find more profitable assets for more affordable prices than the ones in Seoul.

“For instance, buying an apartment in a neighborhood where public transportation, shopping malls and hospitals are easily accessible requires more than 1 billion won ($689,000) in Seoul,” he said.

“But it is surprisingly not the case in Japan,” he said, noting multiple Korean individuals have bought such units for less than 1 billion won in Tokyo and other
metropolitan areas.

Kim Woong, the head of Hana Bank’s Estate Investment Center, also said that, for wealthy Koreans, the value of the yen is still low against the won and as such, “weak Japanese currency will sustain real estate shopping in Japan.”

Source: Korea Times

ទីក្រុងហូជីមិញគ្រោងនឹងបង្កើតតំបន់ទេសចរណ៍ខ្នាតយក្សនៅតាមបណ្តោយទន្លេ Saigon

ដោយ: គង់ លាងហួរ
អន្តរជាតិ: យោងតាមកាសែត Vnexpress បានរាយការណ៍ថា ប្រទេសវៀតណាមគ្រោងបង្កើតតំបន់សួនកម្សាន្តថ្មីមួយនៅតាមបណ្តោយមាត់ទន្លេ Saigon ក្នុងទីក្រុងហូជីមិញដើម្បីប្រែក្លាយជាមជ្ឈមណ្ឌលវប្បធម៌ និងការកម្សាន្ត។

គម្រោងនេះត្រូវបានស្នើឡើងរួមគ្នាដោយក្រុមហ៊ុនវៀតណាម Thu Duc Marine និងក្រុមហ៊ុនកាណាដា Scene Plus។ ឧទ្យាននេះនឹងលាតសន្ធឹងលើផ្ទៃដីចំនួន៥ហិកតានៅតាមបណ្តោយទន្លេ Saigon ចាប់ពីផ្លូវរូងក្រោមដី Thu Thiem រហូតដល់ស្ពានអាកាសស្ថិតនៅក្បែរនោះ។

ឧទ្យាននេះត្រូវបានចែកចេញជាតំបន់ចំនួន៧ផ្សេងគ្នា រួមមានតំបន់រៀបចំឆាកព្រឹត្តិការណ៍ រោងកុនជាប់មាត់ទន្លេ ផែទូក និងតំបន់សម្រាប់រៀបចំមហោស្រព
ភាពយន្ត និងការសម្តែងសិល្បៈ។

យោងតាមសំណើបានឱ្យដឹងថា ឧទ្យាននេះនឹងត្រូវអភិវឌ្ឍន៍ជា៣ដំណាក់កាល។តួយ៉ាង ការសាងសង់ហេដ្ឋារចនាសម្ព័ន្ធ សារមន្ទីរភាពយន្ត និងមជ្ឈមណ្ឌលតាំងពិពណ៌ទូក នឹងត្រូវបានបញ្ចប់រួចរាល់នៅក្នុងរយៈពេល២ឆ្នាំទៅ៣ឆ្នាំសម្រាប់ដំណាក់កាលទី១។

នៅដំណាក់កាលទី២ តំបន់លេងកម្សាន្ត និងតំបន់រៀបចំព្រឹត្តិការណ៍ដែលទាក់ទងនឹងខ្សែភាពយន្តនឹងត្រូវបានរៀបចំរួចរាល់។ ចំណែក ដំណាក់កាលទី៣ ជាការច្របាច់បញ្ចូលគ្នារវាងការអភិវឌ្ឍន៍សេវាទេសចរណ៍ និងការកម្សាន្ត។

លើសពីនេះ តំបន់ពាណិជ្ជកម្មនឹងត្រូវបានរៀបចំឱ្យមានហាងកាហ្វេ ភោជនីយដ្ឋាន និងសេវាកម្មនានា ដើម្បីបង្កើនបទពិសោធន៍អ្នកទស្សនា។

ចំណែក តំបន់ផែនឹងផ្តល់សេវាកម្មនានា រួមមាន ការតាំងពិពណ៌ទូក ភោជនីយដ្ឋានបណ្តែតទឹក ដំណើរកម្សាន្តតាមដងទន្លេ និងការដឹកជញ្ជូនតាមផ្លូវទឹក ដើម្បីបង្កើនភាពទាក់ទាញនៃទន្លេ Saigon។

លោក Nguyen Tran Huu Thang ប្រធានសមាគមទេសចរណ៍ផ្លូវទឹក និងជានាយកប្រតិបត្តិនៃក្រុមហ៊ុន Thu Duc Maritime JSC បានសង្កត់ធ្ងន់ថា ទីតាំងយុទ្ធសាស្ត្ររបស់ឧទ្យាននេះស្ថិតនៅចំច្រកផ្លូវចូលទៅកាន់តំបន់កណ្តាលទីក្រុងហូជីមិញ ដោយបង្កភាពងាយស្រួលក្នុងការធ្វើដំណើរទាំងផ្លូវគោក និងផ្លូវទឹកតាមដងទន្លេ៕ប្រភព: Vnexpress៕

UBS sees China property turnaround coming sooner than expected

UBS Group AG is predicting China’s property sector will recover sooner than previously anticipated, led by a revival in top-tier cities.
John Lam, head of China and

Hong Kong property research at the Swiss bank, now expects home prices to “turn stable” at the beginning of next year, compared with an earlier estimation for the middle of 2026, according to a media briefing Wednesday.

Lam is known for shocking markets by downgrading China Evergrande Group at the start of 2021, 11 months before the nation’s most indebted developer defaulted during the housing meltdown. He also went out on a limb last year by turning bullish on the sector when most of his peers were predicting more gloom.

After four years of correction, the inventory turnover time in tier-one cities has returned to an average of 14 months, the same level as in 2015, according to Lam. That could prompt developers to expand land reserves and build better-quality apartments to sell at a higher price, he said.

Still, Lam expects the Chinese property market will grow more polarised. He favours regional developers in top-tier cities, saying those with premium land banks there will have more flexibility to plan projects than builders that operate nationwide.

Source: Bloomberg

1...265266267...3,256 Page 266 of 3,256