ដោយ វុត្ថា
ភ្នំពេញ៖ គណៈរដ្ឋមន្ត្រីបានផ្តើមពិភាក្សាគម្រោងទិញប្រភពអគ្គិសនីផ្ទាល់ពីរោងចក្រផលិតអគ្គិសនីដុតធ្យុងថ្មចំនួន ២ របស់ប្រទេសឡាវ ដែលមានអានុភាពសរុប ២៤០០ មេហ្កាវ៉ាត ឋិតនៅតំបន់រ៉ែធ្យុងថ្មនៃខេត្តសេកុង ប្រទេសឡាវ ក្រោមអធិតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
យោងតាមខ្លឹមសារនៃកិច្ចប្រជុំពេញអង្គគណៈរដ្ឋមន្ត្រី នៅថ្ងៃទី ១១ ខែកញ្ញា ឆ្នាំ ២០១៩ នេះ បានឱ្យដឹងថា ការទិញអគ្គិសនីបន្ថែមនេះ គឺដើម្បីផ្គត់ផ្គង់សេចក្តីត្រូវការឲ្យបានគ្រប់គ្រាន់នៅក្នុងប្រទេសកម្ពុជា។
ប្រភពដដែលបន្តថា ស្ថេរភាពនយោបាយ និងសន្តិភាពនៅកម្ពុជា បាននាំមកនូវការវិនិយោគផ្នែកសេដ្ឋកិច្ចដ៏ច្រើនលើគ្រប់វិស័យជាបន្ទាប់ រួចស្ថានភាពកាន់តែល្អនៅក្រោយការបោះឆ្នោតសកលឆ្នាំ ២០១៨ បានធ្វើឲ្យសកម្មភាពវិនិយោគនេះកើនលើពេលមុនៗ ជះឥទ្ធិពលឲ្យសេចក្តីត្រូវការប្រើបា្រស់អគ្គិសនីកើនឡើងច្រើនលើសពីការគ្រោងទុក ។
គម្រោងវិនិយោគលើរោងចក្រផលិតអគ្គិសនីទាំង ២ ដែលមានអានុភាព ២៤០០ មេហ្កាវ៉ាត់ ក្នុងទឹកដីប្រទេសឡាវ គឺជាគម្រោងប្រើបា្រស់រ៉ែធ្យូងថ្មនៅនឹងកន្លែង ហើយត្រូវផ្គត់ផ្គង់អគ្គិសនីផ្តាច់មុខទាំងអស់មកប្រទេសកម្ពុជា ដោយភ្ជាប់ផ្ទាល់មកប្រព័ន្ធផ្គត់ផ្គង់អគ្គិសនីរបស់កម្ពុជា ដូចគម្រោងប្រភពអគ្គិសនីក្នុងប្រទេសកម្ពុជា មិនឆ្លងកាត់ប្រព័ន្ធផ្គត់ផ្គង់អគ្គិសនីឡាវឡើយ ។
ទំហំវិនិយោគរបស់គម្រោងទាំង ២ សរុបចំនួន ៤៩៧០ លានដុល្លារអាមេរិក ដែលគិតទាំងហេដ្ឋារចនាសម្ព័នអណ្តូងរ៉ែធ្យុងថ្ម រោងចក្រផលិតអគ្គិសនី អនុស្ថានីយ និងខែ្សបណ្តាញបញ្ជូនអគ្គិសនីមកដល់ព្រំដែនកម្ពុជា-ឡាវ ៕
ជាមួយនឹងការសាងសង់ផ្លូវក្រវ៉ាត់ក្រុងទី៣នេះ បានធ្វើឲ្យតម្លៃដីធ្លីស្ថិតនៅតំបន់នេះ ដែលមានតម្លៃចន្លោះពី២៥ទៅ៤៥ដុល្លារកាលពីឆ្នាំ២០១៦ កើនឡើងដល់ចន្លោះពី១៣០ ទៅ១៦០ដុល្លារ(តម្លៃទាររបស់ម្ចាស់ដី)ក្នុងមួយម៉ែត្រការ៉េ ហើយដីនៅតាមតំបន់ជាប់់ក្រវ៉ាត់ក្រុងទី៣បានប្តូរពីម្ចាស់ដើម ទៅជាកម្មសិទ្ឋឯកជនរបស់អ្នកមាន និងមន្រ្តីមានអំណាចមួយចំនួន ដែលកំពុងវិនិយោគលើវិស័យនេះ៕
ចំនួននៃប្រជាជនរស់នៅក្នុងខេត្តព្រះសីហនុ នៅពេលបច្ចុប្បន្ននេះមានការកើនឡើងរហូតដល់ជាង៣០ម៉ឺននាក់ ស្របពេលដែលសន្ទុះនៃកំណើនសេដ្ឋកិច្ចនៅក្នុងខេត្តទាំងមូលមានភាពល្អប្រសើរ ដែលជំរុញឱ្យប្រជាពលរដ្ឋក្នុងតំបន់មានលទ្ធភាពក្នុងការរកបានចំណូលខ្ពស់ និងមានតម្រូវការកាន់តែច្រើន។
លោកបានបន្តទៀតថា “តាមការពិនិត្យឃើញជាក់ស្ដែង បច្ចុប្បន្ននេះ នៅក្នុងខេត្តព្រះសីហនុ មានមណ្ឌលលក់ទំនិញបែបទំនើបមានចំនួនតិចនៅឡើយ ខណៈដែលតម្រូវការរបស់អតិថិជន ដែលមានជីវភាពកម្រិតមធ្យមមានចំនួនច្រើន”។ លោកបានបន្តទៀតថា “ដោយសារតែមើលឃើញសក្ដានុពលលើការផ្គត់ផ្គង់ខាងលើនេះ មានក្រុមហ៊ុនធំៗជាច្រើនដែលសុទ្ធតែមានកេរ្តិ៍ឈ្មោះល្បីល្បាញ លំដាប់អន្តរជាតិបានបង្ហាញខ្លួនព្រោងព្រាត ជាមួយនឹងក្ដីរំពឹងថា អាចទទួលបានចំណែកទីផ្សារប្រកបដោយភាពជោគជ័យ”។
របាយការណ៍ដែលមានឈ្មោះថា The Government at a Glance: Southeast Asia 2019 ផ្តល់នូវទិន្នន័យប្រៀបធៀបអន្តរជាតិទាក់ទងនឹងធនធាន ដំណើរការ និងលទ្ធផលរបស់រដ្ឋាភិបាល លើអភិបាលកិច្ចសាធារណៈ នៅក្នុងប្រទេសជាសមាជិកនៃសមាគមប្រជាជាតិអាស៊ីអាគ្នេយ៍(អាស៊ាន)។ របាយការណ៍នេះរួមបញ្ចូលទាំងសូចនាករចំនួន ៣៤នៅក្នុងវិស័យ ដូចជាសេវាកម្មសាធារណៈ រួមទាំងការលើកកម្ពស់រដ្ឋាភិបាលឌីជីថល បង្កើតតម្លាភាពបន្ថែមទៀត និងផ្តល់ឱកាសការងារកាន់តែប្រសើរសម្រាប់ស្ត្រី។
