​ដោយ​វុត្ថា

​ភ្នំពេញ​៖​ សាលា​រាជធានី​ភ្នំពេញ​ដាក់​ផែនការ​រៀបចំ​ការ​ផ្លាស់​ប្តូរ​ទីតាំង​រោងចក្រ​ ​សហគ្រាស​ ​ឃ្លាំង​ស្តុក​ទំនិញ​ ​និង​យានដ្ឋាន​ជួសជុល​រថ​យន្ត​ធំៗ​ ​ពី​តំបន់​ទីប្រជុំជន​ទៅ​តំបន់​ជាយក្រុង​ ​ស្ថិតនៅ​តាម​បណ្តោយ​ផ្លូវ​ក្រវាត់ក្រុង​ទី៣​ ​ក្នុង​ភូមិសាស្ត្រ​រាជធានី​ភ្នំពេញ​។​

​យោង​តាម​សេចក្តី​ជូន​របស់​សាលា​រាជធានី​ភ្នំពេញ​លេខ​ ​០២១​/​១៩ សជណ.ច​ ​ដែល​ចុះហត្ថលេខា​ដោយ​លោក​ ​ឃួង​ ​ស្រេង​ ​អភិបាល​រាជធានី​ភ្នំពេញ​ ​កាលពី​ថ្ងៃទី​ ​២៦​ ​ខែកុម្ភៈ​ ​ឆ្នាំ​ ​២០១៩​ ​កន្លងមក​នេះ​ ​បាន​ឲ្យដឹង​ថា​ ​ដើម្បីឲ្យ​រាជធានី​ភ្នំពេញ​រក្សា​បាន​នូវ​សុវត្ថិភាព​ ​សណ្តាប់​ធ្នាប់​ ​និង​របៀបរៀបរយ​សាធារណៈ​ ​ព្រមទាំង​បញ្ចៀស​បានការ​កកស្ទះ​ចរាចរណ៍​ ​និង​កាត់បន្ថយ​គ្រោះថ្នាក់​ចរាចរណ៍​ ​រដ្ឋា​បាល​រាជធានី​ភ្នំពេញ​ ​សូម​ស្នើ​បងប្អូន​ប្រជាពលរដ្ឋ​ជ​ម្ចាស់​រោងចក្រ​ ​សហគ្រាស​ ​ឃ្លាំង​ស្តុក​ទំនិញ​ ​និង​យា​នដ្ឋា​ជួសជុល​រថ​យន្ត​ធំៗ​ ​ដែល​មាន​ទីតាំងនៅ​ក្នុង​តំបន់​ទីប្រជុំជន​ក្នុង​រាជធានី​ភ្នំពេញ​ទាំងអស់​ ​រៀបចំ​ផ្លាស់​ប្តូរ​ទីតាំង​អាជីវកម្ម​របស់​ខ្លួន​ឲ្យ​ទៅ​ស្ថិតនៅ​តាម​បណ្តោយ​ផ្លូវ​ក្រ​វ៉ាត់​ក្រុង​ទី​ ​៣​ ​ដែល​ក្រសួង​សាធារណៈ​ការ​ ​និង​ដឹកជញ្ជូន​បាន​នឹង​កំពុង​ស្ថាបនា​ផ្លូវ​ឆ្លងកាត់​រាជធានី​ភ្នំពេញ​និ​ត​ខេត្តកណ្តាល​ ​ចាប់ពី​ស្ពាន​ព្រែ​ក​ភ្នៅ​ ​មហាវិថី​ឈ្មះ​ ​ឈ្នះ​ ​ផ្លូវ​កប់​ស្រូវ​ ​ផ្លូវជាតិ​លេខ​ ​៤​ ​ត្រង់​គីឡូម៉ែត្រ​លេខ​ ​១៤​+​១០៥​ ​ទៅ​ផ្លូវជាតិ​លេខ​ ​១​ ​ត្រង់​គីឡូម៉ែត្រ ២៤​+​៨៤០​ ​ដោយ​កាត់​ផ្លូវជាតិ​លេខ​ ​៣​ ​ផ្លូវជាតិ​លេខ​ ​២​ ​និង​ផ្លូវជាតិ​លេខ​ ​២១​ ​ដែល​ជា​គម្រោង​សាងសង់​ផ្លូវ​ក្រ​វ៉ាត់​ក្រុង​ទី​ ​៣​ ​រួចរាល់​នៅ​ឆ្នាំ​ ​២០២១​ ​ខាងមុខនេះ​។​

​សេចក្តី​ជូនដំណឹង​នេះ​បន្ត​ថា​ ​ក្រោយពេល​ផ្លូវ​ក្រ​វ៉ាត់​ក្រុង​ទី​ ​៣នេះ​ ​សាងសង់​រួចរាល់​ ​រដ្ឋបាល​រាជធានី​ភ្នំពេញ​ ​នឹង​ធ្វើការ​ហាមឃាត់​រថយន្ត​ធុន​ធំ​គ្រប់​ប្រភេទ​ទាំងអស់​មិន​អនុញ្ញាត​ឲ្យ​ចរាចរ​ចូល​រាជធានី​ភ្នំពេញ​ទៀត​ឡើយ​៕

​ដោយ​ ​វុត្ថា

​ភ្នំពេញ​៖​ ​មន្រ្តី​ជាន់ខ្ពស់​ធនាគារជាតិនៃកម្ពុជា​បាន​អះអាង​ថា​ ​ប្រជាពលរដ្ឋ​កម្ពុជា​ជិត ២លាន​គ្រួសារ​ ​បាន​និង​កំពុង​ប្រើប្រាស់​ឥណទាន​របស់​ស្ថាប័ន​មីក្រូហិរញ្ញវត្ថុ​នានា​ ​នៅ​កម្ពុជា​គិត​ត្រឹម​ដំណាច់ឆ្នាំ២០១៨​។​ ​

​មានប្រសាសន៍​ក្នុង​សិក្ខាសាលា​ផ្សព្វផ្សាយ​ស្ដីពី​ ​វិស័យ​មីក្រូហិរញ្ញវត្ថុ​នៅ​កម្ពុជា​ ​កាលពី​ព្រឹក​ថ្ងៃទី២៦​ ​ខែកុម្ភៈ​ ​ឆ្នាំ២០១៩​ ​នៅ​ខេ​ត្ដ​ព្រៃវែង​កន្លងមក​ ​លោក​ ​គិត​ ​សុ​វណ្ណា​រិទ្ធ​ ​អគ្គនាយករង​ត្រួតពិនិត្យ​ធនាគារជាតិនៃកម្ពុជា​បាន​ឲ្យដឹង​ថា​ ​មក​ត្រឹម​ដំណាច់ឆ្នាំ២១០៨កន្ល​មមក​នេះ​ ​ប្រជាពលរដ្ឋ​ប្រមាណ​ជិត២លាន​គ្រួសារ​បាន​ទទួល​ ​សេវា​ហិ​រញ្ញ​វត្ដុ​ពី​គ្រឹះស្ថាន​មីក្រូហិរញ្ញវត្ថុ​មាន​ដូចជា​ ​សេវា​កម្ចី​ ​សេវា​សន្សំ​ ​សេវា​ផ្ទេរ​ប្រាក់​ ​និង​ទូទាត់​ជាដើម​។​

​ជាក់ស្ដែង​វិស័យ​នេះ​ ​បាន​ផ្ដល់​ប្រាក់កម្ចី​ដល់​ប្រជាពលរដ្ឋ​ជាង៥,៥០០លាន​ដុល្លារ​សហរដ្ឋអាមេរិក​ ​ទទួល​ប្រាក់សន្សំ​ច្រើនជាង២.០០០លាន​ដុល្លារ​ ​តាម​ការិយាល័យ​តំណាង​ជិត១.៤០០កន្លែង​ ​និង​មាន​បុគ្គលិក​បម្រើការ​ងារ​សរុប​ប្រមាណ៣០.០០០នាក់​ ​នៅ​ទូទាំង​ប្រទេស២៥រាជធានី​ ​ខេត្ត​នៃ​ព្រះរាជាណាចក្រ​កម្ពុជា​។​

​លោក​បន្ត​ថា​ ​ជាមួយគ្នា​នេះ​លោក​បាន​លើកឡើង​បញ្ហា​ពាក់​ព័ន្​ឋ​មួយចំនួន​ ​ដែល​មាន​គ្រឹះស្ថាន​មីក្រូហិរញ្ញវត្ថុ​មួយចំនួន​ ​បាន​យកការប្រាក់​លើស១៨ភាគរយ​ពី​ប្រជាពលរដ្ឋ​ ​ហើយ​ដើម្បី​ដោះស្រាយ​ចំពោះ​បញ្ហា​ប្រឈម​ទាំងនោះ​ ​លោក​បាន​ស្នើ​គ្រប់​ភាគី​ពាក់ព័ន្ធ​ទាំងអស់​ ​សូម​ចូលរួម​ជួយ​ផ្សព្វផ្សាយ​ ​និង​អប់រំ​ប្រជាពលរដ្ឋ​ឱ្យ​យល់ដឹង​អំពី​ប្រភព​ស្របច្បាប់​នៃ​ការខ្ចី​ប្រាក់​ ​ការប្រើ​ប្រាស់​ប្រាក់កម្ចី​ឱ្យ​ចំ​គោលដៅ​ ​និង​ការគោរព​តាម​ ​កាតព្វកិច្ច​សង​ប្រាក់កម្ចី​។​ ​

​លោក​បន្ត​ថា​ ​ទន្ទឹម​នេះ​អាជ្ញាធរ​ត្រូវ​ទប់ស្កាត់​ដើម្បី​ ​ប្រជាពលរដ្ឋ​កុំឱ្យ​ចាញ់បោក​ការឃោសនា​ ​របស់​ជនខិលខូច​ដែល​បាន​កំពុង​ធ្វើសកម្មភាព​ ​ផ្ដល់​សេវា​ប្រាក់កម្ចី​ដោយ​ពុំ​មានច្បាប់​អនុញ្ញាត​ត្រឹមត្រូវ​។​ ​

​លោក​ឧកញ៉ា​ ​ហួត​ ​អៀង​តុង​ ​ប្រធាន​សមាគម​មីក្រូហិរញ្ញវត្ថុ​កម្ពុជា​បាន​មានប្រសាសន៍​ថា​ ​សុខភាព​ក្នុង​ប្រព័​ន្ឋ​មីក្រូហិរញ្ញវត្ថុ​នៅ​កម្ពុជា​មាន​ភាពល្អ​ប្រសើរ​កាលពី​ឆ្នាំមុន​ ​ដោយ​អត្រា​កម្ចី​សង​ត្រលប់​យឺត​មានការ​ថយ​ចុះ​មក​ក្រោម១ភាគរយ​ ​ទន្ទឹម​នឹង​កំនើន​ឥណទាន​ ​និង​ការ​ដាក់​ប្រាក់​បញ្ញើ​រមា​នកា​រកើន​ឡើង​ក្នុង​វិស័យ​នេះ​។​

​លោក​បន្ត​ថា​ ​សំរាប់​ឆ្នាំ២០១៩នេះ​ ​លោក​គិតថា​វិស័យ​នេះ​នៅតែ​មា​នកំនើន​ល្អ​ប្រសើរ​ ​ដោយសារ​ការ​រីកចម្រើន​នៃ​សេដ្ឋកិច្ច​សង្គម​កម្ពុជា​ ​ពិសេស​ស្ថេរ​ភាព​នយោបាយ​ ​និង​សកម្មភាព​អាជីវកម្ម​នានា​បាន​និង​កំពុង​កើនឡើង​ ​ហើយ​មាន​ភាព​រីកចម្រើន​ជា​វិជ្ជមាន​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​មន្រ្តី​ជាន់ខ្ពស់​ក្រសួងសេដ្ឋកិច្ច​ ​និង​ហិរញ្ញវត្ថុ​បាន​អះអាង​ថា​ ​រដ្ឋាភិបាល​ជប៉ុន​ ​បាន​ផ្តល់​ជំនួយឥតសំណង​ដល់​កម្ពុជា១៣២លាន​ដុល្លារ​អាមេរិក​ ​ក្នុង​នោះ​ជំនួយឥតសំណង​ចំនួន១១៧លាន​ដុល្លារ​អាមេរិក​។​

​លោក​ឧបនាយក​រដ្ឋមន្រ្តី​អូន​ ​ព័ន្ធ​មុនី​រ័ត្ន​រដ្ឋមន្រ្តី​ក្រសួងសេដ្ឋកិច្ច​ ​និង​ហិរញ្ញវត្ថុ​បាន​មានប្រសាសន៍​ឲ្យដឹង​ ​ក្នុង​ពិធី​ចុះ​ហត្ថេ​ល​ខា​លើ​ការ​ផ្តល់​ជំនួយឥតសំណង​ ​ពី​រដ្ឋាភិបាល​ជប៉ុន​ ​ដល់​កម្ពុជា​ក្នុង​ទំហំ​ទឹកប្រាក់៤៥លាន​ដុល្លារ​អាមេរិក​នា​ថ្ងៃទី២៦​ ​កុម្ភៈ​កន្លងមក​ថាបើ​រាប់ទាំង​កិច្ច​ព្រមព្រៀង​ទាំងពីរ​នេះ​ ​ក្នុង​ឆ្នាំ​សារ​ពើ​រ​ពន្ធ​ជប៉ុន២០១៨​ ​រដ្ឋាភិបាល​ជប៉ុន​ ​តាមរយៈ​ ​JICA​ ​បាន​ចុះហត្ថលេខា​លើ​ឯកសារ​ស្តី​ពី​ ​ជំនួយ​អ​ភិ​ឌ្ឍ​ន៍​ផ្លូវការ​របស់​ជប៉ុន​ជាមួយ​កម្ពុជា​សរុប​ចំនួន​ជាង១៤ពាន់​លាន​យ៉េន​ជប៉ុន​ ​ត្រូវ​ប្រមាណ​ជាង១៣២លាន​ដុល្លារ​ ​ក្នុង​នោះ​ជំនួយឥតសំណង​មាន​ប្រមាណ​ ​១១៧លាន​ដុល្លារ​។​

​ការ​ចុះហត្ថលេខា​នៃ​ជំនួយឥតសំណង​ ​ក្នុងទឹក​ប្រាក់៤៥លាន​ដុល្លារ​អាមេរិក​បាន​ធ្វើឡើង​ក្រោម​អធិបតីភាព​ ​លោក​បណ្ឌិតសភា​ចារ្យ​ ​អូន​ ​ព័ន្ធ​មុនី​រ័ត្ន​ ​និង​លោក​ ​Yuichi​ ​SUGANO​ ​ប្រធាន​ ​JICA​ ​ប្រចាំ​កម្ពុជា​ ​បាន​ចុះហត្ថលេខា​លើ​កិច្ច​ព្រមព្រៀង​ហិរញ្ញប្បទាន​ ​សហប្រតិបត្តិ​ការ​សម្រាប់​គម្រោង​ចំនួន២​ ​ក្នុង​ទំហំ​ទឹកប្រាក់៤៥,៣០លាន​ដុល្លា​អាមេរិក​ ​ក្នុង​នោះ​សម្រាប់​គម្រោង​ទី១​ ​មាន​ហិរញ្ញប្បទាន​ឥត​សំណង​ចំនួន១១,៨លាន​ដុល្លារ​សម្រាប់​គម្រោង​ផ្លាស់​ប្តូរ​ប្រព័ន្ធ​អគ្គិសនី​នៅ​កំពង់ផែ​ ​ដើម្បី​ការ​ធ្វើ​ទំនើបកម្ម​កំពង់ផែ​ ​ដោយ​គម្រោង​នេះ​មាន​ទិសដៅ​ធ្វើ​បច្ចុប្បន្នភាព​ ​និង​ទំនើបកម្ម​លើ​ប្រព័ន្ធ​ចាំបាច់​នានា​ ​សម្រាប់​ការ​ផ្លាស់​ប្តូរ​ទិន្នន័យ​ឌីជីថល​ ​ទៅលើ​ការ​ស្នើរ​សុំ​ ​និង​ការ​ផ្តល់​ព័ត៌មាន​ជាដើម​ទៅកាន់​អ្នកគ្រប់គ្រង​កំពង់ផែ​ ​ដែល​គ្រោង​នឹង​រៀបចំ​សម្រាប់​កំពង់​ផែ​រស្វ័​យត​ ​ក្រុង​ព្រះសីហនុ​ ​និង​កំពង់ផែ​ស្វ័យ​ត​រាជធានី​ភ្នំពេញ​។​ ​

​តាមរយៈ​វិសាលភាព​នេះ​ ​នីតិវិធី​សម្រាប់​ការ​ចេញចូល​កំពង់ផែ​ ​បស់​នាវា​ ​នឹង​ត្រូវ​បា​នប្តូ​មក​ប្រើប្រាស់​តាម​ទិន្នន័យ​ឌីជីថល​ ​ហើយ​ការ​បង្កើន​ប្រសិទ្ធភាព​នៃ​ប្រព័ន្ធ​ឡូ​ជី​ស្ទិ​ក​ ​និង​ទំនើបកម្ម​ ​នៃ​រដ្ឋបាល​កំពង់ផែ​ ​ក៏​នឹង​ត្រូវ​ដាក់ឲ្យ​អនុវត្តន៍​ផង​ដែរ​។​

​រី​ឯ​ឥណទាន​សម្បទាន​ចំនួន៣៣,៥លាន​ដុល្លា​អាមេរិក​ ​គម្រោង​ស្តារ​ ​ឡើងវិញ​នូវ​ប្រព័ន្ធ​ស្រោចស្រព​ ​និង​ប្រព័ន្ធ​រំដោះ​ទឹក​ខាងលិច​ទន្លេសាប​ ​គម្រោង​ស្តារ​ឡើងវិញ​នៃ​ប្រព័ន្ធ​ស្រោចស្រព​ ​និង​និង​ប្រព័ន្ធ​រំដោះ​ទឹក​ខាងលិច​ទន្លេសាប​នេះ​ ​មាន​ទិសដៅ​សាងសង់​ ​និង​ជួសជុល​ប្រព័ន្ធ​ធារា​សាស្រ្ត​ដែល​និង​អាច​ស្រោច​ ​ស្រព​លើ​ផ្ទៃដី​កសិកម្ម​សរុប​ប្រមាណ​ជាង១២ពាន់​ហិច​តា​ ​តាមរយៈ​គម្រោង​នេះ​យើង​នឹង​រៀបចំ​បង្កើត​ ​និង​ពង្រឹង​សហ​គម​កសិករ​ប្រើប្រាស់​ទឹក​ ​និង​ផ្សព្វផ្សាយ​ស្តី​ពី​ការ​គ្រប់គ្រង់​កសិកម្ម​ ​នៅ​តាម​តំបន់ជនបទ​ចំនួន៦​ ​អនុ​គម្រោង​នៃ​ខេត្ត​ចំនួន៣​ ​នៅ​ភាគ​ខាងលិច​បឹងទន្លេសាប​រួមមាន​ ​អនុ​គម្រោង​លំ​ហោច​ ​(​ខេត្ត​កំពង់ឆ្នាំង​)​ ​អនុ​គម្រោង​ដំណាក់អំពិល​ ​អនុ​គម្រោង​វត្ត​លឿង​ ​អនុ​គម្រោង​វត្ត​ជ្រេ​ ​(​ខេត្ត​ពោធិ​សាត់​)​ ​អនុ​គម្រោង​រៀម​កូន​ ​និង​អនុ​គម្រោង​ប្រឡាយ​ប៉ោ​ ​ខេត្ត​បាត់​ដំ​បង់​ជាដើម​។​

​ឯកឧត្តម​ឧបនាយក​រដ្ឋមន្ត្រី​ ​និយាយ​ថា​ ​កិច្ច​ព្រមព្រៀង​ទាំងពីរ​ដែល​បាន​ចុះហត្ថលេខា​នេះ​ ​គឺជា​ឯកសារ​គតិយុត្តិ​មួយ​ ​ទៀត​ ​បន្ទាប់ពី​លិ​ខិ​ប្តូរ​សារ​ដែល​បាន​ចុះហត្ថលេខា​ ​កាលពី​ថ្ងៃ២០​ ​កុម្ភៈ​ ​ឆ្នាំ២០១៩​ ​កន្លងទៅ​នេះ​ ​រវាង​ក្រសួង​ការបរទេស​ ​និង​សហប្រតិបត្តិ​ការអន្តរជាតិ​កម្ពុជា​ ​និង​ស្ថានទូត​ជប៉ុន​ប្រចាំ​នៅ​កម្ពុជា​ ​ដែល​អាច​នាំឲ្យ​ឈាន​ដល់​ការអនុវត្ត​ន៍​នីតិវិធី​បន្ត​ ​បន្ទាប់​ទៀត​ ​សម្រាប់​ការអនុវត្ត​ន៍​គម្រោង​ជាក់ស្តែង​៕

ដោយ​ ​គង់​ ​សូ​រិយា​

​ភ្នំពេញ​៖​ ​ស្ថានទូត​អាមេរិក​ ​ដោយ​សហការ​ជាមួយ​ ​សភា​ពាណិជ្ជកម្ម​អាមេរិក​ ​នៅ​កម្ពុជា​ ​និង​រដ្ឋលេខាធិការ​ដ្ឋាន​អាកាសចរណ៍​ស៊ីវិល​កម្ពុជា​ ​រៀបចំ​ព្រឹត្តិ​ការណ៍​ពាណិជ្ជកម្ម​មួយ​ ​ដែល​ផ្តោត​លើ​វិស័យ​អាកាសចរណ៍​ ​ដែល​មានការ​វិវត្តន៍​យ៉ាង​ឆាប់រហ័ស​នៅ​កម្ពុជា​។​ ​

​សិក្ខាសាលា​ស្តី​ពី​ ​«​អាកាសចរណ៍​ ​និង​អនុសញ្ញា​ទីក្រុង​ ​Cape​ ​Town​»​ ​រៀបចំឡើង​នៅ​សណ្ឋាគារ​ ​Rosewood​ ​នា​ថ្ងៃទី២២ខែកុម្ភៈ​ ​ឆ្នាំ២០១៩​ ​នា​រាជធានី​ភ្នំពេញ​ ​។​

​គោលបំណង​នៃ​សិក្ខាសាលា​ ​គឺ​ដើម្បី​ជួយ​ក្រុមហ៊ុន​អាកាសចរណ៍​នៅ​ប្រទេស​កម្ពុជា​ ​ឱ្យ​យល់​កាន់តែ​ច្បាស់​ពីអ​ត្ថ​ប្រយោជន៍​នៃ​អនុសញ្ញា​ ​Cape​ ​Town​ ​និង​សិក្សា​បន្ថែម​ពី​របៀប​ ​ដែល​អាច​ជួយ​ដល់​ក្រុមហ៊ុន​អាកាសចរណ៍​ ​និង​ក្រុមហ៊ុន​ឧទ្ធម្ភាគចក្រ​​កាន់តែ​ច្រើន​ឡើង​ៗ​របស់​ប្រទេស​ ​ដែល​រួមមាន​វិធី​កាត់បន្ថយ​ការ​ចំណាយ​លើ​ការទិញ​ ​និង​ជួល​យន្តហោះ​ក៏ដូចជា​ផ្តល់​ប្រភព​ថ្មី​ ​នៃ​ការ​ផ្តល់​ហិរញ្ញប្បទាន​។​ ​ព្រឹត្តិ​ការណ៍​នេះ​ ​ក៏​នឹង​ភ្ជាប់​ក្រុមហ៊ុន​អាមេរិក​ជាច្រើន​ ​ជាមួយ​សម​ភាគី​កម្ពុជា​ដើម្បី​ពិភាក្សា​គ្នា​ ​ពី​ភាពជា​ដៃគូ​ទៅ​អនាគត​និង​ឱកាស​ធ្វើ​ពាណិជ្ជកម្ម​។​

​តំណាង​ក្រុមហ៊ុន​ចំនួន១៣​ ​រូប​មក​ពី​វិស័យ​អាកាសចរណ៍​ទូទាំង​ប្រទេស​អា​មេ​រិច​ ​នឹង​ចូលរួម​ក្នុង​ព្រឹត្តិ​ការណ៍​នេះ​ ​ដែល​រួមមាន​ ​Boeing​,​ ​General​ ​Electric​,​ ​Sikorsky​,​ ​Aircastle​,​ ​Rossch​ ​Group​,​ ​CFM​ ​International​,​ ​Bosa​-​Thayaan​,​ ​ក្រុម​ ​Magellan​ ​Aviation​ ​Group​ ​និង​ ​AerSale​ ​។​ ​អ្នក​រួមចំណែក​ចូលរួម​រួមមាន​អ្នកជំនាញ​អាកាសចរណ៍​មក​ពី​អាជ្ញាធរ​អាកាសចរណ៍​ស៊ីវិល​សិង្ហបុរី​ ​និង​រដ្ឋបាល​អាកាសចរណ៍​សហព័ន្ធ​នៃ​សហរដ្ឋអាមេរិក​។​

​ ​លោក​ភារធារី​ ​Michael​ ​Newbill​ ​បាន​មានប្រសាសន៍​ថា​ ​សេដ្ឋកិច្ច​របស់​ប្រទេស​កម្ពុជា​មាន​កំណើន​យ៉ាង​លឿន​ ​ហើយ​ធ្វើ​ពាណិជ្ជកម្ម​កាន់តែ​ច្រើន​។​ពលរដ្ឋ​របស់​ខ្លួន​ ​ព្រមទាំង​អ្នកទេសចរ​ ​តម្រូវ​អោយ​មាន​សេវា​ ​និង​ហេដ្ឋារចនាសម្ព័ន្ធ​អាកាសចរណ៍​ទំនើប​ ​ដើម្បី​ទ្រទ្រង់​ដល់​ពាណិជ្ជកម្ម​ ​និង​ការ​ធ្វើដំណើរ​អន្តរជាតិ​កាន់តែ​ច្រើនឡើង​។​ ​ការ​អនុម័ត​យល់ព្រម​តាម​អនុសញ្ញា​ ​Cape​ ​Town​ ​អាច​អនុញ្ញាត​អោយ​ក្រុមហ៊ុន​ ​អាកាសចរណ៍​កម្ពុជា​ជួល​ ​ឬ​ទិញ​យន្តហោះ​ ​និង​ឧទ្ធម្ភាគចក្រ​ ​នៅក្នុង​តំលៃ​ថោក​ ​ព្រមទាំង​ទាមទារ​បច្ចេកវិជ្ជា​អាកាសចរណ៍​ចុងក្រោយ​ខ្លះ​ ​នៅ​លើ​ទីផ្សារ​។​ ​

​លោក​បន្ត​ថា​ ​“​នេះ​អាច​ជា​ជោគជ័យ​មួយ​របស់​កម្ពុជា​ ​និង​សំរាប់​អ្នក​ដែល​ចង់​មក​ទស្សនា​ប្រទេស​ដ៏​ល្អ​នេះ​៕​

​ដោយគង់ សូរិយា
​ភ្នំពេញ៖​ មន្រ្តីជាន់ខ្ពស់ធនាគារជាតិនៃកម្ពុជា បានអំពាវនាវដល់ប្រជាពលរដ្ឋ និងអា​ ជ្ញា​ធរទូទាំងស្រុកស្វាយអន្ទរក្នុងខេត្តព្រៃវែងទាំងអស់ ត្រូវរាយការណ៍ជាបន្ទាន់មកកាន់ធ​នាគារជាតិនៃកម្ពុជា ពេលបានឃើញស្ថាប័ន ឬគ្រឹះស្ថានមីក្រូហិរញ្ញវត្ថុណាមួយឲ្យប្រជាពលរដ្ឋខ្ចីប្រាក់យកការប្រាក់លើសពី១៨ភាគរយក្នុងមួយឆ្នាំ។

ការអំពាវនាវនេះរបស់លោកគិត សុវណ្ណារិទ្ឋ អគ្គនាយករងនិងជាប្រធាននាយកដ្ឋា​នត្រួតពិនិត្យ ​ដល់ទីកន្លែងធនាគារជាតិនៃកម្ពុជា ជាការឆ្លើយតបទៅនឹងកង្វល់របស់លោ​កប៉ិច សុង អភិបាលស្រុកស្វាយអន្ទរក៏ដូចសិក្ខាកាម ដែលលើកឡើងពីបញ្ហានេះ និងស្វះស្វែងរកការអន្តរាគមន៍ និងរកដំណោះស្រាយដែលសុទ្ធតែជាបញ្ហា ដែលប្រជាពលរដ្ឋក្នុងមូលដ្ឋានរបស់ពួកគាត់ជួបប្រទះកន្លងមក។

លោកបន្តទៀតថា ដើម្បីបញ្ជៀសពីបំណុលវ័ណ្ឌករ ពីការប្រាក់កម្ចីនោះគប្បីអាជ្ញាធរគ្រប់លំដាប់ថ្នាក់បន្តផ្សព្វផ្សាយ និងអប់រំប្រជាពលរដ្ឋឲ្យយល់ដឹងអំពីច្បាប់ នៃការខ្ចីប្រាក់ ការប្រើប្រាស់ប្រាក់កម្ចីឲ្យចំគោលដៅនិងកាតព្វកិច្ចសងប្រាក់។ ទន្ទឹមនឹងនេះដែរគឺត្រូវសកម្មចូលរួមទប់ស្កាត់ កុំឲ្យប្រជាពលរដ្ឋចាញ់បោកជនខិលខូចឃោសនា។ ដោយឡែកចំពោះគ្រឹះស្ថានធនាគារ និងមីក្រូហិរញ្ញវត្ថុ ត្រូវកំណត់គោលនយោបាយឲ្យច្បា​ស់លាស់ និងដាក់ចេញនូវវិធានការចំពោះមន្ត្រី និងបុគ្គលិករូបណាដែលមិនគោលរពតាមបទបញ្ជាផ្ទៃដែលនាំឲ្យប៉ះពាល់ដល់ប្រតិបត្តិការខ្លួន។

លោកគិត សុវណ្ណារិទ្ឋបានបន្តថា ដើម្បីកុំឲ្យមានការយល់ច្រលំ ដូចរយៈពេលកន្លងមកអាជ្ញាធរគួរបញ្ឈប់សកម្មភាព សហការជាមួយគ្រឹះស្ថានហិរញ្ញវត្ថុ និងប្រតិបត្តិការឥណទានជនបទនានា ក្នុងការដើរទារឬប្រមូលប្រាក់ពីប្រជាពលរដ្ឋ ដែលនាំឲ្យមានការយល់ច្រលំថាគ្រឹះស្ថានមីក្រូហិរញ្ញវត្ថុ ឬប្រតិបត្តិការឥណទានជនបទទាំងនោះ ជារបស់រដ្ឋតទៅទៀត។

លោកបានឲ្យដឹងថា គិតត្រឹមបំណាច់ខែធ្នូឆ្នាំ២០១៨កន្លងមកនេះ ទំហំប្រាក់កម្ចីសរុបមានរហូតប្រមាណ២២,២៦ទ្រីលានរៀល ស្មើនឹងនឹង៥,៥៤លានដុល្លាអាមេរិកត្រូវបានផ្ដល់ឲ្យអថិតិជន ដែលជាអ្នកខ្ចីប្រមាណ២,១៥លាននាក់ ក្នុងក្របខណ្ឌទូទាំងប្រទេស។ ការផ្ដល់ប្រាក់កម្ចីរបស់បណ្ដាគ្រឹះស្ថានមីក្រូទាំងនេះ ត្រូវបានការត្រួតពិនិត្យផ្ទាល់ពីធនាគារជាតិនៃកម្ពុជា៕