EuroCham ប្រតិកម្មចំពោះដំណើការនៃការដកអនុគ្រោះព័ន្ធ (EBA)

February 12, 2019

ដោយវុត្ថា

ភ្នំពេញ៖ បន្ទាប់ពីសហភាពអឺរ៉ុប (EU) បានចាប់ផ្ដើមផ្អាកបណ្តោះអាសន្នលើប្រព័ន្ធអនុគ្រោះពន្ធគ្រប់ប្រភេទលើកលែង តែអាវុធ( Everything But Armed) ពីប្រទេសកម្ពុជា EuroCham ប្រចាំនៅកម្ពុជាដែលជាដំណាងឪ្យ ៣៥០ ជាងក្រុមហ៊ុន បានចេញសេក្តីថ្លែងការណ៍សំដែងការខកចិត្តចំពោះការដកប្រព័ន្ធអនុគ្រោះពន្ធនេះ។

សេចក្តីថ្លែងការណ៍នេះ បានសេរសេរថា ការសម្រេចចិត្តក្នុងការដំណើរការដកប្រពន្ធនេះ Everything But Arms (EBA) ដោយគណៈកម្មការសហភាពអឺរ៉ុប បានធ្វើឪ្យមានផលប៉ះពាល់ និងព្រួយបារម្ភដល់ការធ្វើពាណិជ្ជកម្មរវាងប្រទេសកម្ពុជា និងសហភាពអឺរ៉ុប។

សេចក្តីថ្លែងការណ៍នេះ បន្តថា ចាប់តាំងពីឆ្នាំ ២០១៥ សហភាពអឺរ៉ុបបានវិនិយោគយ៉ាងច្រើនក្នុងការកសាង និងពង្រឹងទំនាក់ទំនងពាណិជ្ជកម្មជាមួយប្រទេសកម្ពុជាតាមរយៈសកម្មភាពរបស់ EuroCham ដែលអាចឱ្យអង្គការនេះក្លាយទៅជាអ្នកសម្របសម្រួលដ៏សំខាន់នៃកិច្ចសហការសាធារណៈ និងឯកជននិងការអភិវឌ្ឍសេដ្ឋកិច្ចប្រកបដោយជោគជ័យ។

សេចក្តីថ្លែងការណ៍មានកំរាស់ ២ ទំព័រ ជាភាសាអង់គ្លេសនេះ បន្ថែមថា ការសម្រេចចិត្តនេះមិនត្រឹមតែធ្វើឱ្យប៉ះពាល់ដល់សមិទ្ធផលនាពេលកន្លងមក និងអនាគក្នុងភាពជាដៃគូនេះប៉ុណ្ណោះទេថែមទាំងប៉ះពាល់ដល់មូលនិធិពីរបស់សហភាពអ៊ឺរ៉ុបក្នុងរយៈពេលពីរទសវត្សរ៍កន្លងមកដែលបានជួយធ្វើអោយស្ថានភាពប្រជាជនកម្ពុជារាប់លាននាក់កាន់តែប្រសើរឡើង។

លោក Arnaud Darc ប្រធាន EuroCham ប្រចាំនៅកម្ពុជាបានឪ្យដឹងថា «យើងមានការព្រួយបារម្ភយ៉ាងខ្លាំងដែលថាការដក EBA នេះ ព្រោះវានឹងបញ្ជូនសញ្ញាមិនល្អអំពីអនាគតនៃទីផ្សារដល់វិនិយោគិនដែលមានសក្ដានុពលក្នុងឆ្នាំ ២០១៩ ហើយការដកប្រព័ន្ធអនុគ្រោះពន្ធ (EBA)នេះដែរ ដែលនឹងធ្វើឡើងនៅឆ្នាំ ២០២០ នឹងមានផលប៉ះពាល់យ៉ាងធ្ងន់ធ្ងរទៅលើការងារកម្មកររាប់រយពាន់នាក់ ស្ត្រីដែលងាយរងគ្រោះ និងអ្នកផ្សេងទៀតដែលទទួលបានប្រយោជន៍ពីសហភាពអឺរ៉ុប ”។

សហភាពអឺរ៉ុបបានកាលពីថ្ងៃទី ១១ ខែកុម្ភៈម្សិលមិញនេះ បានចាប់ផ្តើមដំណើរការផ្អាកជាបណ្តោះអាសន្ន នូវប្រព័ន្ធអនុគ្រោះពន្ធរបស់ទំនិញកម្ពុជាលើទីផ្សារសហភាពអឺរ៉ុប ក្រោមគម្រោងពាណិជ្ជកម្ម Everything But Arms (EBA)ក្រោយពីពិនិត្យឃើញថា ប្រទេសកម្ពុជាមិនគោរពសិទិ្ធមនុស្ស និងសិទ្ធិការងារសំខាន់ៗ ។

កិច្ចព្រមព្រៀងអនុគ្រោះពន្ធ ឬ EBA (Everything But Arms) ជាកិច្ចព្រមព្រៀងដែលសហភាពអឺរ៉ុប បានផ្តល់ឲ្យកម្ពុជា និងប្រទេសអភិវឌ្ឍន៍តិចតួចផ្សេងទៀត នូវឱកាសនាំគ្រប់ផលិតផលទាំងអស់ (លើកលែងតែអាវុធ) ចូលទៅក្នុងទីផ្សាររួមតែមួយរបស់សហភាពអឺរ៉ុប ដោយមិនជាប់ពន្ធគយ និងមិនជាប់កូតា។

មួយគ្នានោះដែរ ក្រសួងការបរទេស និងសហប្រតិបត្តិការអន្តរជាតិរបស់កម្ពុជា កាលពីថ្ងៃទី១១ ខែតុលា ឆ្នាំ២០១៨បានចេញសេចក្តីថ្លែងការណ៍ដ៏ពិសេសមួយឆ្លើយតបទៅនឹងសហភាពអឺរ៉ុប ស្តីពីការអនុគ្រោះពន្ធគ្រប់មុខទំនិញលើកលែងតែសព្វាវុធ (EBA) សម្រាប់ទំនិញរបស់កម្ពុជា ហើយបានចាត់ទុកជាការសម្រេចដ៏អយុត្តិធម៌បំផុត។

រាជរដ្ឋាភិបាលកម្ពុជា ចាត់ទុកការសម្រេចចិត្តនេះ ថាជាភាពអយុត្តិធម៌បំផុត ព្រោះនេះបង្ហាញឲ្យឃើញថា សហភាពអ៊ឺរ៉ុបបានបដិសេធដោយចំហរ អំពីវឌ្ឍនភាពគួរឲ្យកត់សម្គាល់ដែលប្រទេស កម្ពុជាសម្រេចបាន ទោះបីរងគ្រោះដោយសោកនាដកម្មកន្លងមកថ្មីៗនេះយ៉ាងណាក៏ដោយ ក្នុងការអនុវត្តអនុសញ្ញាអន្តរជាតិជាច្រើន ដែលត្រូវបានផ្សារភ្ជាប់នឹងកម្មវិធីនេះ ជាពិសេសនៅក្នុងវិស័យសិទ្ធិការងារ និងសិទ្ធិដីធ្លី។

រដ្ឋាភិបាលកម្ពុជាបានសម្តែងសោកស្តាយយ៉ាងខ្លាំង ចំពោះការចោទប្រកាន់យ៉ាងធ្ងន់ធ្ងរប្រឆាំងនឹងរាជរដ្ឋាភិបាល ដោយឈរលើមូលដ្ឋាននៃរបាយការណ៍បេសកកម្មរបស់សហភាពអឺរ៉ុប កាលពីខែកក្កដាកន្លងទៅ។ រាជរដ្ឋាភិបាលមានការខកចិត្តចំពោះកង្វះតម្លាភាពរបស់សហភាពអឺរ៉ុប ដែលមិនបានបង្ហាញនូវខ្លឹមសារនៃរបាយការណ៍នោះ ដែលសហភាពអឺរ៉ុបបានយកធ្វើជាមូលដ្ឋាន នៃសេចក្តីសម្រេចចិត្តលំអៀងរបស់ខ្លួន៕

អ្នកជំនាញ៖ តម្លៃដីធ្លីនៅក្រុងបាវិតនឹងកើនឡើងខ្ពស់នាពេលឆាប់ៗនេះ

February 12, 2019

0

ដោយ គង់ សូរិយា

ភ្នំពេញ៖ តម្លៃដីធ្លីនៅក្រុងបាវិត នឹងកើនឡើងខ្ពស់នាពេលអនាគត ខណៈបច្ចុប្បន្នតម្លៃដីបានកើនឡើងមួយកម្រិតរួចទៅហើយ ដោយសារការសាងសង់ទីក្រុងរណបចំនួនពីរ និងកំនើនវិស័យឧស្សាហកម្ម។

បច្ចុប្បន្នក្រុងបាវិតមានតំបន់សេដ្ឋកិច្ចពិសេសប្រមាណ១០ទីតាំង និងមានកម្មករ និយោជិតបំពេញការងារប្រមាណ ៤០,០០០នាក់ ហើយកាលពីដើមឆ្នាំនេះក្រុមហ៊ុន Empire World បានប្រកាសសាងសង់ ទីក្រុងរណបដំណាក់កាលទី១ទំហំ៥២ហិកតា និងទីក្រុងរណបហេង ហេងបានវិនិយោគលើផ្ទៃដី៧ហិកតា។

អនុប្រធានសមាគមអ្នកជំនាញអចលនទ្រព្យកម្ពុជា និងជាអ្នកជំនាញអចលនទ្រព្យលំដាប់អន្តរជាតិ លោក សោម កែវម៉ាលីដា បានមានប្រសាសន៍ឲ្យដឹងកាលពីពេលថ្មី ៗនេះថា ស្ថានភាពទីក្រុងបាវិតបច្ចុប្បន្ន មានសភាពដូចគ្នានឹងក្រុងព្រះសីហនុកាលពី៣ឆ្នាំមុន ដែលពេលនោះតម្លៃដីធ្លីនៅក្រុងព្រះសីហនុ មិនមានតម្លៃខ្ពស់នោះទេ ប៉ុន្តែបច្ចុប្បន្នតម្លៃដីនៅក្រុងព្រះសីហនុបានកើនឡើងស្ទើរមិនគួរឲ្យជឿ។

លោកបន្តថា “ខ្ញុំគិតថាតម្លៃដីនៅក្រុងបាវិតនឹងមានសភាពដូចគ្នា នារយៈពេល៣ទៅ៥ឆ្នាំខាងមុខ ខណៈបច្ចុប្បន្នតម្លៃដីនៅទីក្រុងនេះ បានកើនឡើងមួយកម្រិតរួចទៅហើយតែស្ថិតក្នុងតម្លៃមួយអាចវិនិយោគបាននៅឡើយ”។ លោកបន្តថា “តម្លៃដីចេញពីផ្លូវជាតិកាលពីឆ្នាំមុនមានចន្លោះពី៤ទៅ៧ដុល្លារ ប៉ុន្តែបច្ចុប្បន្នបានកើនឡើងចន្លោះពី២៥ទៅ៤០ដុល្លារអាមេរិកក្នុងមួយម៉ែត្រការ៉េ”។

រដ្ឋាភិបាលបានដាក់បញ្ចូលក្រុងបាវិត ជាតំបន់ឧស្សាហកម្មពិសេសមួយ នៅក្នុងគោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥ ២០២៥ ដែលការដាក់បញ្ចូលនេះ ជាមូលដ្ឋានដ៏សំខាន់សំរាប់ការវិនិយោគ ព្រោះរដ្ឋាភិបាលនឹងមានផែនទីចង្អុលទិសអភិវឌ្ឍន៍ប្រកបដោយរបៀបរៀបរយ និងកសាងហេដ្ឋារចនាសម្ព័ន្ឋនានាដើម្បីជំរុញការវិនិយោគពីវិស័យឯកជន។

ជាលទ្ឋផលក្រុងបាវិតបានក្លាយជាមជ្ឈមណ្ឌលពាណិជ្ជកម្ម ឧស្សាហកម្ម ទេសចរណ៍ និងកាស៊ីណូព្រោងព្រាត ដែលបាននិងកំពុងសាងសង់បន្តកាន់តែច្រើន ដោយសារកំនើននៃការវិនិយោគរបស់ចិន។

ថ្នាក់ដឹកនាំក្រុមហ៊ុនស្ពានថ្នល់របស់ប្រទេសចិន ក្នុងកំឡុងជួបសម្តែងការគួរសមជាមួយសម្តេចតេជោហ៊ុន សែននាយករដ្ឋមន្រ្តីកម្ពុជា បានប្រកាសពីការសាងសង់ផ្លូវល្បឿនលឿនភ្នំពេញបាវិតនាពេលខាងមុខផងដែរ។

លោក Eric Loo អគ្គនាយកក្រុមហ៊ុន Empire World បានមានប្រសាសន៍ថា ក្រុងបាវិតមានលក្ខខ័ណ្ឌពិសេសមួយទាក់ទងនឹងទីតាំងភូមិសាស្រ្ត ដោយសារវាស្ថិតនៅចន្លោះកណ្តាលរវាងក្រុងហូ ជីម៉ិញ និងក្រុងភ្នំពេញ និងមានចម្ងាយជិតសំរាប់ដឹកជញ្ជូនទំនិញចេញពីទីក្រុងបាវិត ទៅកាន់កំពង់ផែទឹកជ្រៅនៃប្រទេសវៀតណាម។លោកបន្តថា លោកបានសិក្សាយ៉ាងលំអិត និងស៊ីជម្រៅ ទើបសម្រេចចិត្តជ្រើសរើសទីក្រុងនេះជាតំបន់សំរាប់វិនិយោគ។

លោកបន្តថា “នាពេលអនាគតឆាប់ៗនេះ ទីក្រុងនេះនឹងមានមនុស្សរស់នៅកាន់តែច្រើន និងមានការវិនិយោគកាន់តែច្រើនពីអ្នកវិនិយោគជាតិ អន្តរជាតិ”៕

តើក្រុមហ៊ុនអចលនទ្រព្យអន្តរជាតិលំដាប់ពិភពលោកមកកាន់កម្ពុជាជួយអ្វីខ្លះ ដល់វិស័យនេះ

February 12, 2019

0

ដោយៈ រ៉ាវី
ភ្នំពេញ៖ ជាមួយនឹងកំណើននៃក្រុមហ៊ុនអចលនទ្រព្យក្នុងស្រុកនៅកម្ពុជា កំពុងតែមានការកើនឡើងជាបន្តបន្ទាប់ ក្រុមហ៊ុនអន្តរជាតិលំដាប់ពិភពលោកធំមួយចំនួនក៏បានបង្ហាញវត្តនៅក្នុងទីផ្សារអចលនទ្រព្យ ដែលកំពុងរីកចម្រើនខ្លាំងនៅកម្ពុជាផងដែរ។

ការបង្ហាញវត្តមានការិយាល័យតំណាង ក្រុមហ៊ុនអចលនទ្រព្យលំដាប់ពិភពលោកទាំងនោះ ត្រូវបានអ្នកជំនាញផ្នែកអចលនទ្រព្យបញ្ជាក់ប្រាប់ថា វាជាសញ្ញាបង្ហាញពីភាពល្អប្រសើរបស់វិស័យអចលនទ្រព្យនៅកម្ពុជា ហើយវាក៏ជាឱកាសដែលអាចការិយាល័យតំណាងក្រុមហ៊ុនធំៗទាំងនោះ ទទួលបានអត្ថប្រយោជន៍ តបទៅនឹងប្រតិបត្តិការរបស់ខ្លួននៅក្នុងប្រទេសដែលកំពុងតែអភិវឌ្ឍមួយនេះផងដែរ។

លោកស្រី Grace Rachny Fong នាយិកាក្រុមហ៊ុន Century 21 Cambodia ជាក្រុមហ៊ុនអចលនទ្រព្យអន្តរជាតិដ៏ធំ ដែលមានរហូតដល់ទីចំនួន៨១ទីតាំងនៅលើពិភពលោកបានមានប្រសាសន៍ឲ្យដឹងតាមទូរស័ព្ទកាលពីល្ងាចថ្ងៃទី១១ កុម្ភៈកន្លងមកថា ជាធម្មតា នៅពេលដែលគេបណ្តាក់ទុនវិនិយោគលើអ្វីមួយ គឺទាល់តែគេសម្លឹងឃើញពីភាពវិជ្ជមាន ដែលជាឱកាសទទួលបានភាពចំណេញ ។ ដោយឡែក ចំពោះវត្តមានរបស់ប ណ្តាក្រុមហ៊ុនអចលនទ្រព្យអន្តរជាតិ លំដាប់ពិភពលោកនៅក្នុងប្រទេសកម្ពុជា ក៏ដូចគ្នាផងដែរ ។

លោកស្រីបន្តថា “មុនពេលគេសម្រេចចិត្តមកបង្ហាញខ្លួននៅប្រទេសណាមួយ គឺគេបានសិក្សាយ៉ាងច្បាស់ពីស្ថានភាពនយោបាយ ស្ថានភាពសេដ្ឋកិច្ច ក៏ដូចជាសក្តានុពលផងដែរ”។ លោកស្រីបន្តថា “ជាក់ស្ដែងដូចជាក្រុមហ៊ុន Century 21 Cambodia ជាដើម មុនពេលទទួលបានសិទ្ធិ ធ្វើជាការិយាល័យតំណាងប្រចាំនៅកម្ពុជា គឺក្រុមហ៊ុនមេបានសិក្សាយ៉ាងលម្អិត ទាំងកេរ្តិ៍ឈ្មោះរបស់អ្នកតំណាងស្នើសុំ ទាំងកេរ្តិឈ្មោះក្រុមហ៊ុន ជាពិសេសភាពរីកចម្រើននៃសេដ្ឋកិច្ច និងកម្រិត GDP ក្នុងស្រុកផងដែរ”។

បច្ចុប្បន្ននេះ Century21 Cambodia បានពង្រីកការិយាល័យនៅក្នុងប្រទេសកម្ពុជាបានរហូតដល់២១ ហើយក្នុងនោះមានចំនួន៥ការិយាល័យ បានបំបែកសាខារបស់ខ្លួននៅតាមបណ្តាខ័ណ្ឌនានាផងដែរ ។

ជាមួយគ្នានេះអ្នកនាង អាន សុធីតានាយិកាប្រចាំប្រទេសនៃក្រុមហ៊ុន CBRE Cambodiaបានលើកឡើងស្រដៀងគ្នាថា ការបង្ហាញវត្តមានរបស់ក្រុមហ៊ុនអចលនទ្រព្យអន្តរជាតិលំដាប់ពិភពលោកនៅកម្ពុជានាពេលនេះ វាគឺជាសញ្ញាវិជ្ជមានដែលបញ្ជាក់ថា វិស័យអចលនទ្រព្យនៅកម្ពុជា កំពុងតែមានចរន្តល្អប្រសើរបំផុត។

អ្នកនាងបន្តថា «មូលហេតុដែលជំរុញឱ្យបណ្តាក្រុមហ៊ុនអចលនទ្រព្យធំនៅលើសាកលលោកងាកមកចាប់អារម្មណ៍ និងបង្ហាញវត្តមានរបស់ខ្លួននៅកម្ពុជានាពេលនេះ ក៏ព្រោះតែក្រុមហ៊ុនទាំងនោះ បានសម្លឹងឃើញច្បាស់ពីសន្ទុះនៃភាពរីកចម្រើន និងការអភិវឌ្ឍន៍លើវិស័យអចលនទ្រព្យនៅកម្ពុជា”។

អ្នកនាងអាន សុធីតាបានពន្យល់ថា ហេតុផលសំខាន់ៗចំនួន ៣ ដែលធ្វើឱ្យក្រុមហ៊ុនលំដាប់ពិភពលោកទាំងនោះ សម្រេចចិត្តដាក់ការិយា័យតំណាងក្រុមហ៊ុនរបស់ខ្លួននៅកម្ពុជាក៏ព្រោះតែ ទី១ ដោយសារតែច្បាប់វិនិយោគនៅកម្ពុជា មានភាពអំណោយផលដល់ពួកគេ និងមានភាពល្អប្រសើរជាងបណ្តាប្រទេសនានា ដែលស្ថិតនៅជិតខាងកម្ពុជា ។ ទី២ បើទោះជាចរន្តនៃការវិនិយោគលើវិស័យអចល្រព្យនៅកម្ពុជា កំពុងតែមានភាពផុលផុសយ៉ាងយ៉ាងណា ប៉ុន្តែវានៅមិនទាន់អាចផ្គត់ផ្គង់នូវតម្រូវការ នៅលើទីផ្សារបាននៅឡើយនោះទេ ដូច្នេះការចូលខ្លួនមកកាន់ប្រទេស ដែលកំពុងតែមានការអភិវឌ្ឍមួយនេះ អាចជាឱកាសល្អសម្រាប់ពួកគេក្នុងការទទួលបានភាគលាភ ឬប្រាក់ចំណេញត្រឡប់ទៅវិញយ៉ាងងាយ ហើយទី៣ អ្វីដែលសំខាន់នោះ គឺដោយសារគេសម្លឹងយ៉ាងច្បាស់ថា កំណើនផលិតផលក្នុងស្រុក(ការរីកចម្រើនលើវិស័យអចលនទ្រព្យ) នៅកម្ពុជា មានភាពលឿនរហ័ស និងមានទីផ្សារធំទូលាយ បើប្រៀបធៀបទៅនឹងប្រទេសជិតខាងនៅក្នុងតំបន់។

អ្នកនាងបានបន្តថា “វាជារឿងល្អដែលមានបណ្តាក្រុមហ៊ុនអន្តរជាតិលំដាប់ពិភពលោកមកកាន់កម្ពុជា ព្រោះនៅពេលដែលមានវត្តមានក្រុមហ៊ុនធំៗ ចូលមកកាន់តែច្រើន ការប្រកួតប្រជែងនៅលើទីផ្សារមួយនេះ ក៏កាន់តែមានភាពល្អប្រសើរដែរ ដោយទាំងក្រុមហ៊ុនតូច-ធំ នៅក្នុងស្រុកនឹងខិតខំពង្រឹងទាំងផ្នែកសេវាកម្ម ទាំងផ្នែកគុណភាព ក៏ដូចជាតម្លៃ ដើម្បីធ្វើយ៉ាងណាអាចអូសទាញអតិថិជនបានប្រកបដោយភាពជឿជាក់ និងទំនុកចិត្តខ្ពស់”។

អ្នកនាងបន្ថែមថា អ្វីដែលជាចំណែកវិជ្ជមានដល់សង្គម និងប្រទេសជាតិនោះ គឺនៅពេល ដែលវិស័យអចលនទ្រព្យកាន់តែមានការអភិវឌ្ឍ ផ្នែកខាងហេដ្ឋារចនាសម្ពន្ធក៏មានភាពរីកចម្រើនផងដែរ ក្រៅពីនេះក៏បានរួមចំណែកបង្កើត ឱកាសការងារដល់ប្រជាជនក្នុងស្រុក រួមជាមួយនឹងការប្រាក់ចំណូលដល់ប្រទេសជាតិ តាមរយៈការបង់ពន្ធទៅលើដំណើរប្រតិបត្តិការរបស់ក្រុមហ៊ុនអចលនទ្រព្យទាំងនោះផងដែរ ៕

ចំណេះដឹង! ដូចម្តេចដែលហៅថាគោលនយោបាយសារពន្ធ?

February 12, 2019

0

ដោយវុត្ថា

ភ្នំពេញ ៖ គោលនយោបាយសារពើពន្ធគឺសំដៅលើការយកពន្ធ និងវិធីរកចំណូលផ្សេងៗទៀតរបស់រដ្ឋ និងចំណាយដោយបែងចែកធនធានសេដ្ឋកិច្ច ក្នុងគោលបំណងជំរុញឲ្យមានកំណើនសេដ្ឋកិច្ចប្រកបដោយចីរភាព និងសមធម៌។

ដើម្បីលើកកម្ពស់ប្រសិទ្ធភាពគោលនយោបាយសារពើពន្ធ រដ្ឋត្រូវអនុវត្តសកម្មភាពសំខាន់ៗដូចជា ១. ប្រសិទ្ធភាពនៃការគ្រប់គ្រង និងគៀងគរចំណូល និង២. ការធ្វើវិចារណៈកម្មចំណាយ គឺបែងចែកចំណាយថវិការដ្ឋរវាងការប្រើប្រាស់ និងការវិនិយោគសាធារណៈឲ្យបានសមស្រប។

គោលនយោបាយសារពើពន្ធប្រទេសនីមួយៗ គួរមានគោលដៅជាគោលការណ៍ចំនួនបួនគឺ៖ 1 ការបែងចែកធនធាន 2 ស្ថេរភាពវូបនីយកម្ម កំណើន និងការបែងចែកនៃប្រាក់ចំណូលនៃទ្រព្យសម្បត្តិឲ្យស្មើគ្នា។

តាមរយៈពន្ធ និងចំណាយសាធារណៈរដ្ឋាភិបាល ដើតួនាទីសំខាន់ក្នុងការបែងចែកបណ្តាធនធាននៅក្នុងសេដ្ឋកិច្ច និងជំរុញខ្សែសង្វាក់ផលិតកម្មឲ្យកើន ឬមិនកើនឡើង៕

The Royal Government of Cambodia will push for the construction of Stung Pursat Hydropower Plant in 2019

February 11, 2019

0

By Nov Vathana
Phnom Penh: The government is pushing for the construction of a new hydropower plant in Pursat province with a capacity of 80 megawatts in 2019, after completion of the study to meet the needs of electricity users, industrial, and handicraft sector and benefits to the national economy.

Victor Jona, spokesman for the Ministry of Mines and Energy, said on 11 February 2019 the government is negotiating the cost of selling electricity with companies from China and Korea for between 7 cents and 8 cents per kilowatt hour.

If both sides achieved the negotiation, it can lead to the development of hydropower plants soon in 2019, and plans to use the construction period of 3 to 4 years, he said.
The further development of the Pursat hydropower plant is great importance to respond to the needs of the people in the industry, crafts and other services, and ensure domestic energy security, which will reduce importing foreign sources of electricity, he added.

The spokesman confirmed that the study of the Stung Pursat Hydropower Project could cost up to $160 million, with a power output of up to 80 megawatts, and the impact is minimal.

Suy Sem, Minister of Mines and Energy, said that in 2019, the Royal Government plans to add additional sources of electricity, develop national network to all provinces and cities and distribute distribution lines to all villages by 2020, responding to the needs of the people.

So far, Cambodia has seven hydropower plant with six in the southwestern part of Cambodia, such as the Arai, Russei Chum, Kamchay, Kiriorom 1 and Kirirom 3, and Tatai hydropower dams. Another part is the Sesan 2 Hydropower Power Plant in Steung Treng Province, northeastern Cambodia.

The Cambodia-China Friendship Bridge of Steung Trang is constructed faster than the plan

February 11, 2019

0

By Vutha
Phnom Penh: A spokesman for the Ministry of Public Works and Transport said that the construction of the Cambodia-China Friendship Bridge in Steung Trang, Krouch Chhmar district now appears to be faster than planned.

The construction of the Cambodia-China Friendship Bridge of Steung Trang, Kroch Chhmar District so far has reached about 33.3 percent as the construction team is actively working and, if according to the project plan, it would be 23 percent of the plan, he said.

“Sometimes it can be fast and sometimes it can be slow in the next phase. I do not dare to say anything now and when completed is completed, the plan is scheduled to end in 2021,” he added.

Samdech Techo HUN SEN, Prime Minister of the Kingdom of Cambodia on February 9, 2018, called for the construction of the “Cambodia-China Friendship Bridge of Steung Trang, Kroch Chhmar,” a new crossing bridge connecting the Mekong River to the territory from Kampong Cham to the territory of Tbong Khmum.

The bridge being constructed is from the west riverbank, located at Boeung Deng Village, Prek Kak Commune, Steung Trang District, Kampong Cham Province, crossing the Mekong River to the east side of Kdoul Leu village, Trea Commune, Kroch Chhmar District, Tboung Khmum Province, totaling 1,131 meters long and width of 13.50 meters and the bridge is a type of concrete bridge.

According to the project, the bridge will cost $ 56.99 million in concessional loans from the Government of China, along with the Royal Government of Cambodia’s contribution to solve the impact and clearance of unexploded ordnance.

អភិបាលខេត្តព្រះសីហនុចង់ឱ្យយមានក្រុមហ៊ុនឥណ្ឌាមកវិនិយោគក្នុងខេត្ត

February 11, 2019

0

ដោយវុត្ថា

ព្រះសីហនុ៖ អភិបាលខេត្តព្រះសីហនុ លោក យន្ត មីន បានឲ្យដឹងថា ខេត្តព្រះសីហនុ ជាតារារះនាទិសនារតី នៃព្រះរាជាណាចក្រកម្ពុជា ក៏ប៉ុន្តែ មានការសោកស្តាយ ដោយមិនមានក្រុមហ៊ុនវិនិយោគឥណ្ឌា មកធ្វើការវិនិយោគនៅខេត្តព្រះសីហនុ ខណ:ដែលក្រុមហ៊ុនជាច្រើនបាន មកធ្វើការវិនិយោគនៅខេត្តព្រះសីហនុ ក្នុងចំណោមក្រុមហ៊ុនបរទេសមកពី ១៧ប្រទេស ភាគច្រើន គឺជាក្រុមហ៊ុនវិនិយោគមកពីប្រទេសចិន។

មានប្រសាសន៍នៅក្នុងជំនួបសម្តែងការគួរសម និងឈ្វេងយល់ពី សក្តានុពលវិនិយោគទេសចរណ៍ជាមួយ លោកស្រី Manika Jain ឯកអគ្គរដ្ឋទូត នៃស្ថានទូតឥណ្ឌា ប្រចាំព្រះរាជាណាចក្រកម្ពុជា នៅថ្ងៃទី ១១ ខែកុម្ភៈ ឆ្នាំ ២០១៩ នេះ លោកអភិបាលខេត្តបានសំណូមពរដល់លោកស្រីឯកអគ្គរដ្ឋទូតឥណ្ឌា ជួយផ្សព្វផ្សាយពីសក្តានុពលរបស់ខេត្តព្រះសីហនុ មានកោះ ឆ្នេរសមុទ្រ តំបន់កសិកម្ម ឧស្សាសហកម្ម និងទេសចរណ៍ដល់ប្រជាពលរដ្ឋ និងវិនិយោគិនឥណ្ឌា មកធ្វើការ វិនិយោគនៅខេត្តព្រះសីហនុ អាជ្ញាធរនឹងជួយសម្រួល អនុគ្រោះបង្កឱកាសគ្រប់បែបយ៉ាងដល់អ្នកទេសចរ និងវិនិយោគឥណ្ឌា។

លោកយន់ មីនបន្តថា ប្រទេសកម្ពុជា និងប្រទេសឥណ្ឌា ជាបងប្អូននឹងគ្នា ដូចមាននៅក្នុងរឿង (នគរគោកធ្លក)។ ដោយ សារកម្ពុជាមានសង្គ្រាមផ្ទៃក្នុង ប្រទេសឥណ្ឌា បានចូលរួមក្នុងការសម្រប សម្រួលជាអន្តរជាតិ ធ្វើឱ្យកម្ពុជាមានសុខសន្តិភាព សេរីភាព ពេញបរិបូណ៍ លើផ្ទៃប្រទេស ប្រទេសមានការអភិវឌ្ឍរីកចម្រើនយ៉ាងឆាប់រហ័ស ពិសេសការអភិវឌ្ឍយ៉ាងគំហុកនៅ ខេត្តព្រះសីហនុ ឆ្នាំ២០១៨ មានសំណង់អគារពាណិជ្ជកម្ម ខុនដូរ សណ្ឋាគារ ផ្ទះសំណាក់ធំៗប្រមាណជា២០០ កំពង់កើតឡើងជាបន្តបន្ទាប់។

លោកស្រី Manika Jain ឯកអគ្គរដ្ឋទូត នៃស្ថានទូតឥណ្ឌា ប្រចាំព្រះរាជាណាចក្រកម្ពុជា បានឱ្យដឹងថា ឆ្នាំ២០១៨ កន្លងមក រដ្ឋមន្តី្រក្រសួងការពារជាតិ ក្រសួងពាណិជ្ជកម្ម និងក្រសួងការបរទេសឥណ្ឌាបានមកធ្វើទស្សនកិច្ចនៅកម្ពុជា ដែលមានគម្រោងកិច្ចសហប្រតិបត្តិការជាច្រើនត្រូវបានចុះហត្ថលេខាផងដែរ។

លោកស្រីបន្តថា ក្នុងដំណើរ ទស្សនកិច្ចនៅខេត្តព្រះសីហនុ លោកស្រីមានគម្រោងទៅទស្សនា កំពង់ផែអន្តរជាតិ ក្រុងព្រះសីហនុ និងតំបន់មួយចំនួនទៀតក្នុងខេត្ត។ ជាមួយគ្នានោះ លោកស្រីបាន ស្នើសុំការចូលចតនាវាកងទ័ពជើងទឹកឥណ្ឌា នៅចុងខែមីនា ឆ្នាំ២០១៩ខាងមុខនេះ កន្លងមកឯកឧត្តម ក៏ធ្លាប់បានចូលរួមអបអរសាទរ នៃការចូលចតនាវាកងទ័ពជើងទឹកឥណ្ឌានៅកំពង់ផែក្រុងព្រះសីហនុ ២ដងរួចមកហើយ។

នៅឆ្នាំ២០១៧ មានអ្នកទេសចរឥណ្ឌា មកកម្សាន្តខេត្តព្រះសីហនុចំនួន ១.០២៥នាក់ ឆ្នាំ២០១៨មានចំនួន២.៥៧៨នាក់ និងឆ្នាំ២០១៩ នឹងមានការកើន ឡើងបន្ថែមទៀត៕

កម្ពុជានឹងរៀបចំទិវាជាតិទីក្រុងស្អាតលើកទី៧នៅចុងខែនេះ

February 11, 2019

0

ដោយ គង់ សូរិយា

ភ្នំពេញ៖ ប្រទេសកម្ពុជានឹងរៀបចំទិវាជាតិទីក្រុងស្អាតលើកទី៧នៅចុងខែកុម្ភៈនេះ ដើម្បីលើកកម្ពស់វិស័យទេសចរណ៍ និងទាក់ទាញភ្ញៀវទេសចរជាតិ និងអន្តរជាតិឲ្យកាន់តែច្រើនឡើងថែមទៀត។

ថ្លែងនៅក្នុងកិច្ចប្រជុំគណៈកម្មាធិការជាតិវាយតម្លៃទីក្រុងស្អាត ដើម្បីត្រៀមរៀបចំទិវាជាតិទីក្រុងស្អាតលើកទី៧ ក្រោមប្រធានបទទីក្រុងស្អាត ៖ ទីក្រុងផ្តល់ភាពកក់ក្តៅ នាព្រឹកថ្ងៃទី១១ ខែកុម្ភៈនេះ លោក ថោង ខុន រដ្ឋមន្ត្រីក្រសួង្ទេសចរណ៍បានឪ្យដឹងថា ទិវាជាតិទីក្រុងស្អាតលើកទី៧នេះ គ្រោងនឹងរៀបចំឡើងនៅថ្ងៃទី២៥ខែកុម្ភៈ ឆ្នាំ ២០១៩ សណ្ឋាគាររ៉េស៊ីដង់សុខាភ្នំពេញ ក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។

លោកបន្តថា ទិវានេះ រៀបចំឡើងក្នុងគោលបំណងជំរុញឲ្យទីក្រុងទាំងអស់ឲ្យបង្កើនការប្រគួតប្រជែងគ្នាផ្នែកអនាម័យ បរិស្ថាន ផ្នែកសន្តិសុខ គំនិតឆ្នៃប្រឌិតទាក់ទាញភ្ញៀវទេសចរ។ជាមួយគ្នានោះក៏នឹងមានប្រគល់លាភី“រង្វាន់សម្តេចតេជោនាយករដ្ឋមន្រ្តីសម្រាប់ធុរកិច្ចបៃតងក្នុងវិស័យទេសចរណ៍” លើកទី៣ , ជ័យលាភី“ទីក្រុងដែលមានពិធីបុណ្យចូលឆ្នាំសកលល្អជាងគេប្រចាំឆ្នាំ២០១៨ និងប្រគល់ជ័យលាភី “បង្គន់សាធារណៈកម្ពុជា” លើកទី១ ។

លោក ណេប សាមុត អគ្គលេខាធិកា នៃគណៈកម្មាធិការជាតិវាយតម្លៃទីក្រុងស្អាតបានប្រាប់អ្នកសាព័ត៌មានក្រោយកិច្ចប្រជុំនោះថា នៅក្នុងទិវាជាតិទីក្រុងស្អាតលើកទី៧នេះ ដែរក្រសួងទេសចរណ៍បានត្រៀមប្រកាសឲ្យមានប្រព័ន្ធចំណាត់ថ្នាក់វិថីម្ហូបអាហាតាមដងផ្លូវនិងសេវាកម្មរបស់តូបលក់ម្ហូបអាហារតាមដងផ្លូវដើម្បីបង្កើនប្រសិទ្ធិភាពសេវកម្មទេសចរណ៍ឲ្យកាន់តែល្អប្រសើរថែមទៀត។

នៅក្នុងឆ្នាំ២០១៨កម្ពុជាទទួលភ្ញៀវទេសចរអន្តរជាតិចំនួន៦លាន២សែននាក់ក្នុងនោះភ្ញៀវទេសចរចិនឈរក្នុងលំដាប់ថ្នាក់ទី១មានប្រមាណ២លាននាក់។

តាមការព្យាករណ៍កម្ពុជានឹងទទួលបានភ្ញៀវទេសចរអន្តរជាតិប្រមាណ ៧លាន៥សែននាក់នៅឆ្នាំ២០២០ និងនាំមកនូវចំណូលសរុបប្រមាណ៥០០០លានដុល្លារអាមេរិក បង្កើតនូវឱកាសការងារដោយផ្ទាល់ជូនប្រជាជនកម្ពុជាប្រមាណ១លាននាក់៕

ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ សាងសង់លឿនជាងផែនការ

February 11, 2019

0

ដោយវុត្ថា

ភ្នំពេញ៖ អ្នកនាំពាក្យក្រសួងសាធារណៈការ និងដឹកជញ្ជូន លោកវ៉ា សីុមសូរិយា បានឱ្យដឹងថា ការសាងសង់ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ នាពេលនេះ ហាក់លឿនហួសពីផែនការបន្តិច ។

លោកបន្តថា ការសាងសង់ ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ រហូតមកដល់ពេលនេះ គឺសម្រេចបានប្រមាណជា ៣៣. ៣ភាគរយ ដោយសារតែក្រុមជាងកំពុងសម្រុកធ្វើយ៉ាងសកម្ម បើតាមផែនការមកដល់ពេលនេះ វាអាចត្រឹមតែ ២៣ភាគរយប៉ុណ្ណោះ ។

លោកបន្តថា “ជួនកាលវាអាចលឿនតែដំបូងចឹង តែនៅពេលបន្តបន្ទាប់ទៀតវាយឺតវិញក៏ថាបានដែរ។ ខ្ញុំមិនហ៊ានថាយ៉ាងមិចដែរ តែនៅពេលសាងសង់ចប់គឺចប់ហើយ យ៉ាងណាក៏ដោយបើតាមផែនការស្ពាននេះ គ្រោងបញ្ចប់នៅក្នុងឆ្នាំ២០២១ខាងមុនេះ” ។

សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា កាលថ្ងៃទី០៩ ខែកុម្ភៈ ឆ្នាំ២០១៨នេះ បានអញ្ជើញបើកការដ្ឋានសាងសង់នូវ «ស្ពានមិត្តភាពកម្ពុជា-ចិនស្ទឹងត្រង់ ក្រូចឆ្មារ» នេះ ដែលជាស្ពានឆ្លងកាត់ទន្លេមេគង្គថ្មីមួយទៀតតភ្ជាប់ទឹកដីនៃខេត្តកំពង់ចាម ទៅកាន់ទឹកដីនៃខេត្តត្បូងឃ្មុំ ។

ស្ពានដែលបានកំពុងសាងសង់នេះគឺចាប់ផ្តើមពីត្រើយខាងលិចស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គ ទៅត្រើយខាងកើត ស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ ស្ពាននេះមានប្រវែងសរុប ១,១៣១ម៉ែត្រ និងទទឹង ១៣,៥០ម៉ែត្រ ជាប្រភេទស្ពានបេតុងសរសៃដែក។

តាមគម្រោងស្ពាននេះ នឹងត្រូវចំណាយគ្រោងចំណាយថវិកាចំនួន ៥៦,៩៩៨លានដុល្លារអាមេរិក ជាហិរញ្ញប្បទានសម្បទានពីរដ្ឋាភិបាលចិន រួមជាមួយថវិកាបដិភាគ របស់រាជរដ្ឋាភិបាលកម្ពុជា សម្រាប់ដោះស្រាយផលប៉ះពាល់ និងបោសសម្អាតយុទ្ធភណ្ឌមិនទាន់ផ្ទុះ៕

រដ្ឋាភិបាលនឹងសាងសង់វារីអគ្គិសនីស្ទឹងពោធិសាត់នៅក្នុងឆ្នាំនេះ

February 11, 2019

0

ដោយនៅ វឌ្ឍនា
ភ្នំពេញ៖ រាជរដ្ឋាភិបាលជំរុញការសាងសង់រោងចក្រវារីអគ្គិសនីថ្មីមួយបន្ថែមទៀតនៅខេត្តពោធិសាត់ដែលមានអនុភាព៨០ មេហ្គាវ៉ាត់ ឲ្យបាននៅក្នុងឆ្នាំ២០១៩នេះ ក្រោយពីបានបញ្ចប់ការសិក្សារួចរាល់ ដើម្បីឆ្លើយតបទៅនឹងតម្រូវការប្រើប្រាស់ថាមពលអគ្គិសនីរបស់ប្រជាពលរដ្ឋ និងវិស័យឧស្សាហកម្មនិងសិប្បកម្មនានា ព្រមទាំងផ្តល់ប្រយោជន៍ដល់សេដ្ឋកិច្ចជាតិ។

លោក វ៉ិចទ័រ ហ្សូណា អ្នកនាំពាក្យក្រសួងរ៉ែនិងថាមពលបានឪ្យដឹងនៅថ្ងៃទី១១ ខែកុម្ភៈនេះថា រាជរដ្ឋាភិបាលកំពុងចរចាតម្លៃថ្លៃលក់អគ្គិសនីត្រឡប់មកវិញជាមួយក្រុមហ៊ុនវិនិយោគមកពីប្រទេសចិន និងកូរ៉េ ក្នុងតម្លៃចន្លោះពី ៧សេន ទៅ៨ សេន ក្នុងមួយគីឡូវ៉ាត់ម៉ោង។

លោកបន្តថា ប្រសិនបើភាគីទំាង២ចចារត្រូវរូវគ្នាហើយនោះ អាចឈានទៅអភិវឌ្ឍន៍បង្កើតរោងចក្រវារីអគ្គិសនីនាពេលឆាប់ៗនេះ ពោលគឺអាចនៅក្នុងឆ្នាំ២០១៩នេះ ហើយគ្រោងប្រើរយៈពេលសាងសង់ក្នុងចន្លោះ៣ ទៅ៤ឆ្នាំ។

លោកបានបញ្ជាក់ទៀតថា ការអភិវឌ្ឍវារីអគ្គីសនីស្ទឹងពោធិ៍សាត់បន្ថែមនេះមានសារៈសំខាន់ខ្លំាងណាស់ដើម្បី ឆ្លើយតបនឹងតម្រូវការប្រើប្រាស់របស់ប្រជាពលរដ្ឋផង លើវិស័យឧស្សាហកម្ម សិប្បកម្ម សេវាកម្ម ផ្សេងៗទៀត ហើយធានាដល់សន្តិសុខថាមពល ក្នុងស្រុកផង ដែលឈានទៅកាត់បន្ថយការនាំចូលប្រភពថាមពលអគ្គិសនីពីបរទេសថែមទៀតផង។

អ្នកនាំពាក្យរូបនេះបានអះអាងថា តាមការសិក្សាគម្រោងសាងសង់វារីអគ្គិសនីស្ទឹងពោធិ៍សាត់នេះ អាចចំណាយថវិការហូត ដល់ជាង១៦០លានដុល្លាអាមេរិក ដោយមានអនុភាពរហូតដល់៨០មេហ្គាវ៉ាត់ ហើយផ្នែកផលប៉ៈពាល់គឺតិចតួចបំផុត។

លោកស៊ុយ សែម រដ្ឋមន្រ្តីក្រសួងរ៉ែនិងថាមពលធ្លាប់បានឲ្យដឹងថា ក្នុងឆ្នាំ២០១៩នេះ រាជរដ្ឋាភិបាលមានផែនការ បន្ថែមប្រភពថាមពលអគ្គិសនីគ្រប់ប្រភេទ អភិវឌ្ឍន៍ខ្សែបណ្តាញជាតិឲ្យបានគ្រប់ខេត្តនិងរាជធានី និងធ្វើខ្សែចែកចាយឲ្យបានគ្រប់ភូមិទៅដល់ផ្ទះប្រជាពលរដ្ឋនៅឆ្នាំ២០២០ ដែលឆ្លើយតបទៅនឹងតម្រូវការរបស់ប្រជាពលរដ្ឋ។

មកដល់ពេលនេះកម្ពុជាមានវារីអគ្គិសនីចំនួន៧កន្លែងហើយ ដោយ៦កន្លែង ស្ថិតនៅភាគខាងត្បូងឈៀងខាងលិចនៃប្រទេសកម្ពុជាមានដូចជា វារីអគ្គិសនីអាតៃ ឬស្សីជ្រុំ កំចាយ គីរីរម្យ១ គីរីរម្យ៣ និងវារីអគ្គិសនីតាតៃ។ ចំណែកមួយកន្លែងទៀតគឺវារីអគ្គិសនី សេសានក្រោម២ស្ថិតនៅខេត្តស្ទឹងត្រែងភាគឥសាន្តនៃប្រទេសកម្ពុជា៕