រដ្ឋាភិបាលនឹងសាងសង់រថភ្លើងលើអាកាសនិងគំរោងហេដ្ឋារចនាសម្ព័ន្ឋធំៗ ជាច្រើនទៀត

February 7, 2019

ដោយនៅ វឌ្ឈនា
ភ្នំពេញ៖ រដ្ឋាភិបាលតាមរយៈក្រសួងសាធារណៈការ និងដឹកជញ្ជូនកំពុងគ្រោងកសាងហេដ្ឋារចនាសម្ព័ន្ឋជាច្រើនទៀត ទាំងរថភ្លើងលើអាកាស Smart City និងកំពង់ផែលំដាប់អន្តរជាតិ។

ទេសរដ្ឋមន្រ្តី រដ្ឋមន្រ្តីក្រសួងសាធារណៈការ និងដឹកជញ្ជូន លោកស៊ុន ចាន់ថុលបានបើកកិច្ចប្រជុំអន្តរក្រសួង និងជាមួយដៃគូអភិវឌ្ឍន៍នានានៅរសៀលថ្ងៃទី៧ កុម្ភៈនេះបានឲ្យដឹងថា រដ្ឋាភិបាលនឹងសាងសង់ផ្លូវរថភ្លើងលើអាកាស(AGT) ប្រព័ន្ធដឹកជញ្ជូនដោយប្រើផ្លូវដែក(Tramways) និងគម្រោងសាកល្បងស្មាតស៊ីធីដែលប្រកបដោយ បរិស្ថានស្រស់ស្អាត និងផាសុកភាព និងគម្រោងសាងសង់ផែកុងតេន័រថ្មីមួយប្រវែង៣៥០ម៉ែត្រ និងជម្រៅ១៤,៥ម៉ែត្រ ដែលអនុញ្ញាតឱ្យប្រភេទនាវាធំៗ៩៣ភាគរយលើពិភពលោកអាចប្រើប្រាស់សេវាកំពង់ផែនេះបាន ពេលសាងសង់ចប់។

លោកបានគូសបញ្ជាក់ពីគម្រោងសម្រេចបាន និងកំពុងបន្តសំខាន់ៗដែលរួមមាន ការដាក់ឱ្យប្រើប្រាស់ជាផ្លូវការ នូវមជ្ឈមណ្ឌលបណ្ដុះបណ្ដាលបើកបររថយន្តធុនធ្ងន់ យុទ្ធនាការជិះកង់មើលផ្លូវ គម្រោងពង្រីកនិងធ្វើឱ្យប្រសើរឡើងផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ៥ ផ្លូវជាតិលេខ៦ ពីខេត្តសៀមរាបទៅប៉ោយប៉ែត ផ្លូវជាតិលេខ៧ ផ្លូវជាតិលេខ៤៨ ផ្លូវជាតិលេខ៥៥ពោធិ៍សាត់ទៅថ្មដា ផ្លូវក្រវាត់ក្រុងទី៣ និងគម្រោងផ្លូវពីបាត់ដំបង ទៅកោះកុងប្រវែង១៩៧គីឡូម៉ែត្រ ដែលគ្រោងបើកការដ្ឋាននៅឆ្នាំនេះ។

លោកបន្តថា “ការអភិវឌ្ឍហេដ្ឋារចនាសម្ព័ន្ធនៅកម្ពុជាឱ្យមានការរីកចម្រើន ដើម្បីកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ប្រជាជនកម្ពុជា”។

កិច្ចប្រជុំនេះ រៀបចំឡើងមានគោលបំណង លើកកម្ពស់ការអភិវឌ្ឍហេដ្ឋារចនាសម្ព័ន្ធ តាមរយៈការប្រើប្រាស់ធនធានប្រកបដោយប្រសិទ្ធភាព កិច្ចសម្របសម្រួល និងការចែករំលែកព័ត៌មាន ដោយមានការចូលរួមធ្វើបទបង្ហាញ ពីតំណាងក្រសួងអភិវឌ្ឍន៍ជនបទ ក្រសួងសាធារណការនិងដឹកជញ្ជូន រដ្ឋលេខា ធិការដ្ឋានអាកាសចរណ៍ស៊ីវិល ក្រសួងឧស្សាហកម្មនិងសិប្បកម្ម ក្រសួងរ៉ែនិងថាមពល ក្រសួងប្រៃសណីយ៍និងទូរគមនាគមន៍ តំណាងក្រសួងសេដ្ឋកិច្ចនិងហិរញ្ញវត្ថុ ទីភ្នាក់ងារJICA និងតំណាងដៃគូ អភិវឌ្ឍន៍នានា។

ជាមួយគ្នានេះផងដែរ លោកស៊ុន ចាន់ថុល បានស្នើឱ្យដៃគូអភិវឌ្ឍន៍ធ្វើការជាមួយក្រសួងសាធារណការ និងដឹកជញ្ជូនក្នុងការបង្កើតផែនការយុទ្ធសាស្ត្រ ដើម្បីកាត់បន្ថយគ្រោះថ្នាក់ចរាចរណ៍ ដែលបង្កឡើងដោយការបើកបរហួសល្បឿនកំណត់ និងអត់ពាក់មួកសុវត្ថិភាព និងបានស្នើឱ្យបរិច្ចាគមួកសុវត្ថិភាព ដើម្បីចែកជូនដល់ប្រជាពលរដ្ឋដោយឥតគិតថ្លៃដើម្បីកាត់បន្ថយគ្រោះថ្នាក់ចរាចរណ៍៕

Cambodia and Indonesia to Operate Direct Flights in this Year

February 7, 2019

0

By Kong Soriya

Indonesian airline Citilink will launch a direct flight to Indonesia in the second half of 2019, with direct flights to boost tourism between the two countries.

In a meeting with Sudirman Haseng, Indonesian Ambassador to Cambodia on February 7, Cambodian Tourism Minister Thong Khon said that Cambodia and Indonesia had missed operating the flights for long time and the decision to launch direct flights between Cambodia and Indonesia is made as the influx of tourists between Cambodia and Indonesia has increased about 11 percent.

“In 2018, there were about 55,000 visitors from Indonesia to Cambodia and currently, with the 10 member countries of ASEAN, only Indonesia and Brunei has no direct flight to Cambodia,” Mr. Khon said.

Sudirman Haseng, Indonesian Ambassador to Cambodia, said the launch of the flight is with Indonesian Embassy’s aims to mark the 60th anniversary of diplomatic relations between Cambodia and Indonesia in 2019 as the launch date of the first direct flights between Cambodia and Indonesia.

Thoun Sinan, president of Asia Pacific Travel Association, welcomed the good news, saying that having more airline companies directly to Cambodia will be good, which will help boost tourism and trade between the two countries.

“For me, I welcome having all the direct flights which are to bring benefits to our country, so the more flight we get, the better we get,” Mr. Sinan said.

ក្រុមហ៊ុនយក្សចំនួន៧០ហើយ បានមកបណ្តាក់ទុនវិនិយោគនៅប្រទេសកម្ពុជា

February 7, 2019

0

ដោយ វុត្ថា

ភ្នំពេញ៖ គិតត្រឹមដំណាច់ឆ្នាំ២០១៨ កន្លងទៅនេះ មានក្រុមហ៊ុនយក្សចំនួន៧០ហើយ បានមកបណ្តាក់ទុនវិនិយោគលើវិស័យផ្សេងៗជាច្រើន នៅក្នុងប្រទេសកម្ពុជា ក្នុងចំណោមក្រុមហ៊ុនយក្សទាំង៥០០លើពិភពលោក។

អ្នកនាង អាន សុធីតា នាយិកាប្រចាំប្រទេសនៃក្រុមហ៊ុន CBRE Cambodia បានឪ្យដឹងទូរស័ព្ទនាព្រឹកថ្ងៃទី៧ កុម្ភៈនេះថា ការមកបណ្តាក់ទុនរកស៊ីពីសំណាក់ក្រុមហ៊ុនធំៗជាច្រើនមកប្រទេសកម្ពុជាជាច្រើនបែបនេះ ដោយសារតែច្បាប់នៃការវិនិយោគនៅក្នុងប្រទេសកម្ពុជា បានបង្កលក្ខណៈអំណោយផលដល់អ្នករកស៊ីច្រើន បើធៀនឹងបណ្តាប្រទេសជិតខាងមួយចំនួន។

តែយ៉ាងណាក៏ដោយអ្នកនាង អាន សុធីតា បានអះអាងថា កាលណាច្បាប់ប្រទេសយើងបង្ករលក្ខណៈងាយស្រួលពេក ធ្វើឪ្យអ្នកស៊ីមិនពិប្រាកដចេះតែមកវិនិយោគធ្វើឲ្យទីផ្សារច្របូកច្របល់ ដូច្នេះរដ្ឋាភិបាលគួរតែធ្វើច្បាប់វិនិយោគឲ្យមានតុល្យភាពគ្នា ក្នុងការកាត់បន្ថយហានិភ័យក្នុងការវិនិយោគ និងជួយលើកទឹកចិត្តអ្នកវិនិយោគមកបណ្តាក់ទុនវិនិយោគឪ្យបានកាន់តែច្រើនថែមទៀត។

អ្នកនាងបន្តថា “ក្រុមហ៊ុនធំសម្រេចចិត្តមកវិនិយោគនៅក្នុងប្រទេសកម្ពុជា ដោយសារប្រទេសកម្ពុជាកម្លាំងពលកម្មនៅមានតម្លៃទាប និងតម្លៃដីធ្លីក៏នៅទាប តែយ៉ាងណាក៏ដោយក៏មានបញ្ហាខ្លះដែរ ដូចជាហេដ្ឋារចនាសម្ព័ន្ធផ្លូវថ្នល់នៅមានកម្រិតនៅឡើយ ដែលទាមទាររដ្ឋាភិបាលពន្លឿន ការសាងសង់ហេដ្ឋារចនសម្ព័ន្ធឲ្យមានគុណភាព និងបញ្ហាតម្លៃទឹកភ្លើងក៏នៅខ្ពស់ ជាពិសេសប្រទេសកម្ពុជានៅបញ្ហាជំនាញ របស់ពលរដ្ឋនៅមានកម្រិតផងដែរ”។

ប្រធានសមាគមន៍អ្នកជំនាញចលទ្រព្យកម្ពុជា លោក ឃាង ពុទ្ឋី បានមានប្រសាសន៍ឲ្យដឹងដែរថា មូលហេតុដែលក្រុមហ៊ុនធំៗមកវិនិយោគ នៅក្នុងប្រទេសកម្ពុជាកាន់តែច្រើន ដោសារតែតម្លៃធ្លីគឺមតម្លៃសមរម្យ ទីតាំងភូមិសាស្ត្ររបស់កម្ពុជាមានស្ថាបនភាពល្អ ទាំងកត្តានយោបាយ និងសេដ្ឋកិច្ច ជាពិសេសក៏មានធនធានមនុស្ស ក៏កាន់តែច្រើនក្នុងការបំពេញការងារយ៉ាងមានសក្តានុពល ហើយប្រទេសកម្ពុជាក៏ជាប្រទេសកម្ពុជាអភិវឌ្ឍន៍ដោយមានហេដ្ឋារចនាសម្ពន្ធកំពុងតែកើតឡើងថ្មីជាច្រើនផងដែរ។

លោកឧកញ៉ា សៀ ឬទ្ធី ប្រធានក្រុមបប្រឹក្សាភិបាលនៃក្រុមហ៊ុន World Bridge Group បានឲ្យដឹងដែរថា ការដែលមានក្រុមហ៊ុនវិនិយោគបរទេសមកវិនិយោគ នៅក្នុងប្រទេសកម្ពុជាច្រើន ដោយសារតែពួកគេមើលឃើញពីស្ថានភាពនយោបាយ នៅក្នុងប្រទេសល្អ សេដ្ឋកិច្ចរីកចម្រើន និងអ្នកដែលមានចំណូលធម្យមក៏កើនឡើង ជាពិសេសម្រាប់ផលិតនៅក្នុងស្រុក និងការនាំចេញទៅក្រៅ។

លោកបន្តថា “នៅពេលមានក្រុមហ៊ុនក្រៅស្រុក ចូលមកកាន់តែច្រើន គឺក្រុមហ៊ុននៅក្នុងត្រូវតែត្រៀមខ្លួន ដើម្បីធ្វើការប្រកួតប្រជែងជាមួយអ្នកវិនិយោគក្រៅស្រុក”៕

ក្រុមហ៊ុនអាកាសចរណ៍ឥណ្ឌូនេស៊ីបើកជើងហោះហើរត្រង់មកកម្ពុជានៅឆមាសទី២ឆ្នាំនេះs

February 7, 2019

0

ដោយ គង់ សូរិយា

ភ្នំពេញ៖ ក្រុមហ៊ុនអាកាសចរណ៍ឥណ្ឌូនេស៊ី Citilink នឹងបើកជើងហោះហើរត្រង់ឥណ្ឌូនេស៊ី មកកាន់កម្ពុជានៅក្នុងឆមាសទី២ ឆ្នាំ២០១៩នេះ ដែលការហោះត្រង់នេះនឹងជម្រុញពាណិជ្ជកម្ម ទេសចរណ៍រវាងប្រទេសទាំងពីរ។

ក្នុងជំនួបពិភាក្សាជាមួយ លោកស៊ូឌីរ៉ាម៉ាន់ ហាស់សេង ឯកអគ្គរដ្ឋទូតឥណ្ឌូនេស៊ីប្រចាំនៅកម្ពុជា នាព្រឹកថ្ងៃទី៧ ខែកុម្ភៈនេះ លោកថោង ខុន រដ្ឋមន្ត្រីក្រសួងទេសចរណ៍ បានមានប្រសាសន៍ថា ប្រទេសទាំងពីរកម្ពុជា ឥណ្ឌូនេស៊ី បានខកខានបើកជើងហោះហើរយូរណាស់មកហើយ ហើយតាមរយៈការសម្រេចចិត្ត បើកជើងហោះហើរត្រង់កម្ពុជា ឥណ្ឌូនេស៊ី បានធ្វើឡើងខណៈលំហូរភ្ញៀវទេសចរទៅមកកម្ពុជា ឥណ្ឌូនេស៊ីមានកំណើនឡើងប្រមាណ១១ភាគរយ។

លោកបន្តថា “កាលពីឆ្នាំ២០១៨ ទំហំភ្ញៀវទេសចររវាងកម្ពុជាឥណ្ឌូនេស៊ី គឺមានប្រមាណតែ៥៥,០០០នាក់បានមកទស្សនាកម្ពុជា”។លោកបន្តថា “បច្ចុប្បន្ននៅក្នុងបណ្តាប្រទេសទាំង១០សមាជិកអាស៊ាន គឺមានតែប្រទេសឥណ្ឌូនេស៊ី និងប្រទេសប្រ៊ុយណេ ដែលមិនទាន់មានជើងហោះហើរត្រង់មកកាន់កម្ពុជា”។

ឯកអគ្គរដ្ឋទូតឥណ្ឌូនេស៊ីប្រចាំនៅកម្ពុជា លោកស៊ូឌីរ៉ាម៉ាន់ ហាសសេង បានមានប្រសាសន៍ថា ការបើកជើងហោះហើរនេះ គឺស្ថានទូតឥណ្ឌូនេស៊ីមានបំណងចង់យកថ្ងៃរំលឹកខួបលើកទី៦០ ទំនាក់ទំនងការទូតរវាងកម្ពុជាឥណ្ឌូនេស៊ី ឆ្នាំ២០១៩នេះ ធ្វើជាថ្ងៃបើកជើងហោះហើរត្រង់ជាលើកដំបូងរវាងកម្ពុជាឥណ្ឌូនេស៊ី។

លោកធួន ស៊ីណានប្រធានសមាគមទេសចរណ៍អាស៊ីប៉ាស៊ីហ្វិកបានមានប្រសាសន៍ស្វាគមន៍ចំពោះដំណឹងល្អនេះ ដោយលោកបានមានប្រសាសន៍ថា ការមានក្រុមហ៊ុនអាកាសចរណ៍កាន់តែច្រើន ហោះត្រង់មកកម្ពុជាកាន់តែល្អ ដែលវានឹងជួយជំរុញទេសចរណ៍ និងពាណិជ្ជកម្មរវាងប្រទេសទាំងពីរកាន់តែល្អប្រសើរថែមទៀត។
លោកបន្តថា “សម្រាប់ខ្ញុំស្វាគមន៍ទាំងអស់ឲ្យតែមានការហោះហើរត្រង់ គឺសុទ្ឋតែនាំផលប្រយោជន៍ដល់ប្រទេសរបស់យើង ហេតុនេះហោះមកកាន់តែច្រើនកាលណាកាន់តែល្អកាលនោះ”៕

បញ្ហាប្រឈម៖ ការបំបែកក្បាលដីមិនបានត្រឹមត្រូវនាំឲ្យអតិថិជនមានហានិភ័យ

February 7, 2019

0

ដោយ រ៉ាវី

ភ្នំពេញ៖ ជារឿយៗការទិញ-លក់ដីពុះឡូតិ៍ តែងត្រូវបានអ្នកជំនាញ ក៏ដូចជាមន្រ្តីជាន់ខ្ពស់របស់ក្រសួងដែនដីនគរូបនីយកម្ម និងសំណង់ ចេញសេចក្ដីប្រកាស និងព្រមានជាហូរហែរដល់អ្នកទិញ ក៏ដូចជាអ្នកអភិវឌ្ឍន៍ផងដែរ ចៀសវាងកើតមានហានិភ័យនានា ដែលប្រាសចាកពីច្បាប់អនុញ្ញាត ជាពិសេសការបំបែបក្បាលដី និងចេញប្លង់កម្មសិទ្ធិស្របច្បាប់មិនបានត្រឹមត្រូវតែម្ដង។

តើការបំបែកក្បាលដី ឬចេញប្លង់កម្មសិទ្ធិខុសនីតិវិធីច្បាប់ នឹងកើតមានបញ្ហាបែបណា?

លោកធី ប៊ុនធឿននាយកផ្នែកទីផ្សារ និងផ្នែកលក់ក្រុមហ៊ុនពុះដីឡូតិ៍នៅស្រុកអង្គស្នួល ស្ថិតនៅតាមបណ្តោយផ្លូវជាតិលេខ៤ ដែលជាតំបន់កំពុងមានការផុសផុលយ៉ាងខ្លាំងលើការពុះដីឡូតិ៍លក់ បានមានប្រសាសន៍ឲ្យដឹងកាលពីថ្ងៃទី៦ កុម្ភៈកន្លងមកថា ជាទូទៅចំពោះការពុះដីឡូតិ៍លក់ ក្រុមហ៊ុនដែលជាអ្នកអភិវឌ្ឍត្រូវទទួលខុសត្រូវទៅលើការរៀបចំឯកសារស្របច្បាប់ទៅឱ្យអតិថិជនរបស់ខ្លួន ដែលក្នុងនោះការបំបែកក្បាលដី ឬការរៀបចំឯកសារស្នើសុំប័ណ្ណម្ចាស់កម្មសិទ្ធិស្របច្បាប់ ដែលទទួលស្គាល់ដោយក្រសួងគឺជារឿងសំខាន់បំផុត ហើយវាក៏ជាការបង្កើនទំនុកចិត្តដល់អតិថិជនផងដែរ។

លោកបន្តថា “ការរៀបចំឯកសារពាក់ព័ន្ធ នឹងការស្នើសុំប័ណ្ណកម្មសិទ្ធិ (វិញ្ញាបនប័ត្រសម្គាល់ម្ចាស់អចលនវត្ថុ) ត្រូវមានការទទួលស្គាល់ពីអជ្ញាធរ ចាប់ពីថ្នាក់មូលដ្ឋានឡើងទៅរហូតដល់ថ្នាក់ខេត្ត (មន្ទីរ) ទើបហៅថាស្របច្បាប់ពេញលេញ”។

លោកធី ប៊ុនធឿនបានបន្តថា កាលពីមុនការរៀបចំឯកសារស្នើសុំ គឺមានភាពងាយស្រួល ប៉ុន្តែចាប់តាំងពីឆ្នាំ២០១៩ រហូតមកហាក់មានភាពពិបាកក្នុងការស្នើសុំ រហូតមានក្រុមហ៊ុនពុះដីឡូតិ៍មួយចំនួនបានរំលងពីនីតិវិធី ឬចេញលិខិតប្រាស់ចាកពីច្បាប់ទៅឱ្យអតិថិជនរបស់ខ្លួន (ឆបោក) ដែលធ្វើយ៉ាងណាឱ្យការលក់របស់ខ្លួនទទួលបានជោគជ័យទៅតាមគម្រោង ដែលប្រការនេះវានឹងផ្តល់ភាពលំបាក ទៅដល់អតិថិជននៅថ្ងៃអនាគត។

ជាមួយគ្នានេះលោកឧកញ៉ានួន រិទ្ធី ដែលជាអ្នកជំនាញផ្នែកវិស័យអចលនទ្រព្យ និងជាអគ្គនាយកក្រុមហ៊ុន Khmer Foundation Appraisal បានលើកឡើងផងដែរថា ភាគច្រើនអ្នកទិញ មិនបានដឹងច្បាស់ពីបញ្ហាផ្លូវច្បាប់នោះទេ ដែលវាក៏ជាការទទួលខុសត្រូវរបស់ក្រុមហ៊ុន ដែលជាអ្នកអភិវឌ្ឍន៍ទាំងស្រុង ហើយចំពោះក្រុមហ៊ុនមួយចំនួនដែលមិនមានលទ្ធភាព ក្នុងការរៀបចំឯកសារក្នុងការស្នើសុំបំបែកក្បាលដី និងចេញបណ្ណសម្គាល់ម្ចាស់កម្មសិទ្ធិឱ្យអតិថិជរបស់ខ្លួន អាចបណ្តាលមកពីក្រុមហ៊ុនទាំងនោះមិនបានចុះបញ្ជីស្របច្បាប់នៅឡើយ ហើយប្រកាសលក់ពុះដីឡូតិ៍បែបអាណាធិបតេយ្យ ដែលប្រការនេះវាបង្កហានិភ័យខ្ពស់ ដល់អតិថិជននៅថ្ងៃអនាគត ឬអាចឈានដល់ការខាតបងទ្រព្យទាំងស្រុង។

លោកបន្តថា “អតិថិជនចាំបាច់ត្រូវស្វែងយល់ ពីកត្តាផ្លូវច្បាប់ពាក់ព័ន្ធមួយចំនួនមុននឹងសម្រេចចិត្តចំណាយលុយទិញដីឡូតិ៍ទាំងនោះ ដូចជា សួរនាំឱ្យដឹងច្បាស់ថា តើក្រុមហ៊ុនដែលជាអ្នកលក់មានចុះបញ្ជីត្រឹមត្រូវឬទេ ? តើក្រុមហ៊ុន មានអាជ្ញាប័ណ្ណ ដែលទទួលស្គាល់ដោយក្រសួង និងមានជាប់ពាក់ព័ន្ធទៅនឹងបណ្ដឹងឬទេ?”។

លោកបន្តថា “ជាមួយគ្នានេះ អតិថិជនក៏ត្រូវដឹងពីប្រវត្តិដី រួមជាមួយនឹងការស្វែងយល់ពីប្លង់គោលរបស់ក្រុមហ៊ុនស្របតាមគោលការណ៍ និងសេចក្ដីជូនដំណឹង (ស,ជ,ណ) របស់ក្រសួងជាដើម ដូចជាទំហំផ្លូវត្រូវទុកយ៉ាងយ៉ាងតិច៨ម៉ែត្រ មានបណ្តាញអគ្គិសនី មានប្រពន្ធបង្ហូរទឹកត្រឹមត្រូវ ដែលទាំងអស់នេះ អតិថិជនត្រូវតែទាមទារស្វែងយល់ឱ្យបានលម្អិត ហើយអ្វីដែលសំខាន់ តើតំបន់អភិវឌ្ឍដែលពុះដីឡូតិ៍ មានជាប់ពាក់ព័ន្ធទៅនឹងគម្រោងប្លង់មេរបស់ក្រសួងដែរឬទេ ដើម្បីចៀសវាងមានបញ្ហាទៅថ្ងៃក្រោយ”៕

CDC អនុម័តម័តគំរោងវិនិយោគពីក្រុមហ៊ុន៤ ដែលមានទុនវិនិយោគ ៣៤លានដុល្លារ

February 7, 2019

0

ដោយ វុត្ថា

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) បានសម្រេចចេញ “វិញ្ញាបនប័ត្រចុះបញ្ជីជាស្ថាពរ” អនុញ្ញាតឪ្យក្រុមហ៊ុនចំនួន៤វិនិយោគនៅកម្ពុជា ដែលមានទុន៣៤លានដុល្លារអាមេរិក។

យោងតាមសេចក្តីប្រកាសព៌តមានរបស់ CDC ដែលបានបង្ហាញលើបណ្តាញទំនាក់ទំនងសង្គមនាព្រឹកថ្ងៃទី៧ កុម្ភៈនេះបានឲ្យដឹងថា គណកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជា បានអនុម័តឲ្យក្រុមហ៊ុនចំនួនបួនវិនិយោគនៅកម្ពុជា ដែលក្រុមហ៊ុនទាំង ៤ រួមមាន ទី១ “FASHION HOUSEWARE (CAMBODIA) CO.,LTD”: គម្រោងបង្កើតរោងចក្រផលិតសម្ភារៈក្នុងផ្ទះ គ្រឿងតុបតែងក្នុងពិធីបុណ្យណូអែល សម្ភារៈសម្រាប់ម៉ាស៊ីនដេរ និងសម្ភារៈផ្សេងៗទៀត មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ មានទុនវិនិយោគចំនួន១០លានដុល្លារអាមេរិក និងអាចបង្កើតការងារបានចំនួន៤៦៤កន្លែង។

ទី២ “TUBAO (CAMBODIA) DECORATION MATERIAL CO.,LTD” គម្រោងបង្កើតរោងចក្រផលិតក្តារប៉ាកេ និងក្តារបន្ទះ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ មានទុនវិនិយោគចំនួន ១,៥លានដុល្លារអាមេរិក និងអាចបង្កើតការងារបានចំនួន ១០០កន្លែង។

ទី៣ “ZHONGQI LIHUI CABLE CO.,LTD” គម្រោងបង្កើតរោងចក្រផលិតខ្សែភ្លើង និងខ្សែកាប មានទីតាំងវិនិយោគស្ថិត នៅក្នុងតំបន់សេដ្ឋកិច្ចពិសេសយូប៊ីអ៊ី ស្នួលខេត្តក្រចេះ មានទុនវិនិយោគចំនួន ២០,១លានដុល្លារអាមេរិក និងអាចបង្កើតការងារបានចំនួន៤៣៩កន្លែង។

៤) “WINTIME (CAMBODIA) CO.,LTD” គម្រោងបង្កើតរោងចក្រផលិតដើមណូអែល គ្រឿងលម្អ និងអំពូលភ្លើងលម្អគ្រប់ប្រភេទ មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសមេនហាតធេន ខេត្តស្វាយរៀង មានទុនវិនិយោគប្រមាណ ២,៤៣លានដុល្លារអាមេរិក និងអាចបង្កើតការងារបានចំនួន ៦៥១កន្លែង៕

The Government To Open A New International Border Gate

February 7, 2019

0

By Nov Vutha
Oddar Meanchey, The government has required Oddar Meanchey’s authorities to open another new international border gate in the near future to attract international tourists and facilitate cross-border trade.

Kheun Nhorn, Deputy Governor of Oddar Meanchey province, said recently that the international border gate to be launched in the future will be at Anlong Veng and Chub Kor Ki, while there are now border gates with Thailand such as O Smachand and Chorm Srongam which are already in the process of pushing up trade with Thailand and
“These international border gates allow national and international tourists to visit historical sites in Oddar Meanchey province and make it easier for people to export goods to neighboring markets,” Mr. Nhorn said.

From year to year, domestic and international tourists increased and for Oddar Meanchey, there are 3 border gates and one international border gate as the three bilateral-border gates are O Smach, Anlong Veng and Chub Kor Ki, according to Mr. Nhorn.

“But we will open a new international border soon. For this opening, we will see that the exchange of goods between Cambodia and Thailand, which can make our people earn a better living, and the tourism sector can be the number one priority as tourists can first come into our region and can pass without staying in Oddar Meanchey, but tourists also park in Oddar Meanchey,” he said.

“Tourists can also travel to Siem Reap via these two entrances to O Smach and Chorm Srongam, so tourists can stay in Siem Reap, and when there are a lot of tourists, we can sell food or some other things, even if the guests don’t stay, they still need to eat or buy things in our province to go back.”

“In historical sites, as well as restaurants and hotels, provincial authorities have advised all businesses to properly dispose of garbage in order to take care of environmental sanitation in line with the slogan that stated Good Service to Attract International Tourists,” Mr. Nhorn said.

In Oddar Meanchey, there are a number of historical sites such as Anlong Veng Resort, Ta Mok House Museum, Ta Moan Temple, Ta Krabey Temple, and Other Resorts.

រដ្ឋាភិបាលកំពុងរៀបចំច្បាប់របបសន្តិសុខសង្គមឲ្យបុគ្គលិកវិស័យឯកជនមានប្រាក់សោធននិវត្តន៍

February 7, 2019

0

ដោយ វុត្ថា

ភ្នំពេញ៖ រាជារដ្ឋាភិបាលប្រទេសកម្ពុជា បាននឹងកំពុងពន្លឿននៃការរៀបចំច្បាប់របបសន្តិសុខសង្គម ដែលឲ្យបុគ្គលិកធ្វើការនៅក្នុងវិស័យឯកជន និងមន្រ្តីរាជការមានប្រាក់សោធននិវត្តន៍ដូចគ្នា។

លោក ស្រី ងួន សុខា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការប្រតិបត្តិ នៃក្រុមប្រឹក្សាជាតិគាំពារសង្គម នៅក្នុងជំនួបពិភាក្សាការងារជាមួយលោក ឡេង ប៉េងឡុង អគ្គលេខាធិការរដ្ឋសភា កាលថ្ងៃទី៦ ខែកុម្ភៈ ឆ្នាំ២០១៩កន្លងមកបានឲ្យដឹងថា ចាប់ពីឆ្នាំ២០១៩ទៅ វិស័យឯកជននឹងមានរបបសោធននិវត្តន៍ដូចមន្រ្តីរាជការដែរ ដោយបច្ចុប្បន្នក្រុមការងារអន្តរក្រសួងមួយ ដែលមានក្រសួងសេដ្ឋកិច្ច និងហិរញ្ញវត្ថុ រួមជាមួយក្រសួងផ្សេងៗទៀត បានរួមគ្នារៀបចំសេចក្តីព្រាងច្បាប់ស្តីពីរបបសន្តិសុខសង្គម។ សេចក្តីព្រាងច្បាប់នេះ មានជំពូកមួយនិយាយពីរបបសោធននិវត្តន៍។

លោកស្រីបន្តថា នៅក្នុងរបបសោធននិវត្តន៍នៃច្បាប់ថ្មីនេះ នឹងបញ្ចូលការដាក់ឲ្យអនុវត្តនូវន៍របបសោធននិវត្តន៍សម្រាប់វិស័យឯកជន និងការធ្វើកំណែទម្រង់របបសោធននិវត្តន៍មន្រ្តីរាជការដែលមានស្រាប់។ សេចក្តីព្រាងច្បាប់ថ្មីបានកំណត់ថា បុគ្គលិកឯកជនដែលធ្វើការក្នុងវិស័យឯកជនដែលធ្វើការបាន៣០ឆ្នាំ នឹងទទួលបានប្រាក់សោធននិវត្តន៍ប្រមាណ ៦០ ភាគរយ នៃប្រាក់បៀវត្សរ៍សរុប ដែលខុសពីបច្ចុប្បន្នមន្រ្តីរាជការ ចូលនិវត្តន៍ទទួលបានប្រាក់សោធននិវត្តន៍៨០ភាគរយនៃប្រាក់បៀវត្សរ៍មូលដ្ឋាន។

លោកឡេង ប៉េងឡុង អគ្គលេខាធិការរដ្ឋសភាបានសម្តែងការឯកភាពចំពោះគោលបំណងដែលចង់អោយមានគោលការណ៍រួមគ្នា រវាងស្ថប័ននីតិប្បញ្ញតិ្ត និងនីតិប្រតិបត្តិ ឬជាមួយវិស័យឯកជននៅលើចំនុចខ្លះនោះ។ លោកបានបញ្ជាក់ថា កន្លងមកមានច្បាប់មួយចំនួនហើយ ដែលស្ថាប័ននីតិប្បញ្ញត្តិ និងនីតិប្រតិបត្តិ ឬវិស័យឯកជន បានអនុវត្តរួមគ្នាដូចជាច្បាប់ពន្ធដារ ច្បាប់ប្រព័ន្ធហិរញ្ញវត្ថុ ច្បាប់លទ្ធកម្ម ដូចេ្នះច្បាប់របបសន្តិសុខសង្គមក៏អាចអនុវត្តបានទាំងអស់គ្នាដែរ។

អគ្គលេខាធិការរដ្ឋសភារូបនេះ បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែងរបស់ប្រមុខរាជរដ្ឋាភិបាល ក្នុងការយកចិត្តទុកដាក់ដំឡើងប្រាក់បៀវត្សរ៍ និងការទទួលបានអត្ថប្រយោជន៍នានាជូនមន្រ្តីរាជការ កម្មករ និយោជិក ដែលធ្វើឲ្យជីវភាពពលរដ្ឋកាន់តែល្អប្រសើរឡើង។

ទាក់ទងសេចក្តីព្រាងច្បាប់ថ្មីនេះ លោកបានស្នើដល់នាយកដ្ឋានពាក់ព័ន្ធនៃអគ្គលេខាធិការដ្ឋានរដ្ឋសភា សហការជាមួយក្រសួងសេដ្ឋកិច្ច និងហិរញ្ញវត្ថុ ក្នុងការសិក្សាឲ្យបានលម្អិតបន្ថែមទៀត៕

មន្រ្តីជាន់ខ្ពស់រដ្ឋសភាអះអាងថា ខេត្តកំពតបច្ចុប្បន្នប្រៀបបាននឹងកូនក្រមុំដ៏ស្រស់មួយ

February 7, 2019

0

ដោយ គង់ សូរិយា

ភ្នំពេញ៖ មន្រ្តីជាន់ខ្ពស់រដ្ឋសភាជាតិ និងជាប្រធានគណៈកម្មការទី៩នៃរដ្ឋសភាបានប្រៀបប្រដូចខេត្តកំពតថា ជាកូនក្រមុំដ៏ស្រស់ស្អាតនៅតំបន់ឆ្នេរប៉ែកនិរតី នៃប្រទេសកម្ពុជាដែលកំពុងមានសក្តានុពលយ៉ាងខ្លាំង។

មានប្រសាសន៍នៅក្នុងដំណើរទស្សនកិច្ចទៅកាន់ខេត្តកំពត កាលពីចុងសប្តាហ៍មុន លោកជំទាវ និន សាផុន ប្រធានគណៈកម្មការទី៩នៃរដ្ឋភាពបានមានប្រសាសន៍ថា លោកជំទាវពិតជារីករាយ និងមោទនភាព នៅពេលដែលបានជាន់ទឹកដីខេត្តកំពត ព្រោះកំពតបច្ចុប្បន្នខុសប្លែកពីមុន។ កំពតជាខេត្តនៅជាប់ឆ្នេរសមុទ្រ ហើយមានទាំងតំបន់ភ្នំ ពិសេសកំពតមានសក្តានុពល និងអំណោយផលពីធម្មជាតិ ដែលជាកត្តាល្អ ជួយជំរុញដល់វិស័យសេដ្ឋកិច្ច ឧស្សាហកម្ម កសិកម្ម ក៏ដូចជាវប្បធម៌ អរិយធម៌ និងទេសចរផងដែរ។ ដូច្នេះលោកជំទាវបានប្រៀបប្រដូចខេតកំពតថា ជាកូនក្រមុំដ៏ស្រស់ស្អាត់។ប៉ុន្តែកាលពីមុនកំពតមិនទាន់មានការអភិវឌ្ឍបានល្អដូចបច្ចុប្បន្ននេះទេ។

លោកជំទាវបន្តថា នៅពេលដែលលោក ជាវ តាយ អភិបាលខេត្ត បានចូលមកកាន់ដំណែងជាអភិបាលខេត្ត ក្នុងរយៈពេលខ្លីសឹងមិនបានមួយឆ្នាំផង តែសមិទ្ធផលថ្មីៗ និងការអភិវឌ្ឍន៍រីកចម្រើនបានលេចឡើងគួរឲ្យភ្ញាក់ផ្អើល។

អភិបាលខេត្តកំពត លោកជាវ តាយ បានស្នើឲ្យប្រធានគណៈកម្មការទី៩នៃរដ្ឋសភាជួយពន្លឿន លើការសិក្សាទៅលើភ្នំមួយចំនួន ដែលជាសម្បត្តិបេតិកភណ្ឌ និងភ្នំខ្លះជាកន្លែងរមណីយដ្ឋាន ដែលមានការស្ទះដល់ការចេញអាជ្ញាប័ណ្ណ ក្នុងការអភិវឌ្ឍន៍។ ជាក់ស្តែងភ្នំកំពង់ត្រាច ក្រុមហ៊ុនវិនិយោគលើវិស័យទេសចរគេចង់បាន ប៉ុន្តែខាងរ៉ែទុកសិក្សា ខាងក្រសួងបរិស្ថានថាមិនបាន ដូច្នេះការអភិវឌ្ឍន៍តំបន់នោះត្រូវរាំងស្ទះរាប់ឆ្នាំ អភិវឌ្ឍន៍យឺតយ៉ាវជាងតំបន់ផ្សេងៗ។

ក្នុងពេលអញ្ជើញជួបសំណេះសំណាលជាមួយកម្មករ និយោជិតនៅខេត្តកំពតកាលពីពេលថ្មីៗនេះ សម្តេចតេជោហ៊ុន សែននាយករដ្ឋមន្រ្តីកម្ពុជាបានលើកឡើងពីខេត្តកំពត ដែលមានសក្តានុពលជាច្រើនក្នុងការទាក់ទាញការវិនិយោគ ដោយខេត្តនេះមានឧស្សាហកម្មធុនធ្ងន់ ដោយមានរោងចក្រផលិតស៊ីម៉ងត៍ចំនួន៣ មានកំពង់ផែទឹកជ្រៅនាពេលអនាគត ដែលសម្រួលដល់ការដឹកជញ្ជូននាពេលអនាគត មានតំបន់សេដ្ឋកិច្ចពិសេស និងមានសក្តានុពលលើដំណាំកសិកម្ម ដូចជាម្រេចកំពត ធូររ៉េនកំពត ស្រែអំបិល និងរមណីយដ្ឋានទេសចរណ៍ធម្មជាតិ វប្បធ៌ម ប្រវត្តិសាស្រ្តយ៉ាងច្រើន។

សម្តេចបន្តថា “ជាមួយនឹងការពង្រីកផ្លូវជាតិលេខ៣ជា៤គន្លង ពីរាជធានីភ្នំពេញ ដល់តំបន់បាយគូស នឹងធ្វើឲ្យខេត្តកំពតរីកចម្រើន និងទាក់ទាញការវិនិយោគពីអ្នកវិនិយោគជាតិ អន្តរជាតិជាច្រើនទៀតនាពេលអនាគត” ៕

ចំណេះដឹង! តើការបង់ពន្ធប៉ាតង់ត្រូវចាប់ផ្តើមនៅពេលណា?

February 7, 2019

0

ដោយ វុត្ថា

ភ្នំពេញ៖ យោងតាមច្បាប់ស្តីពីពន្ធដារបានឲ្យដឹងថា ពន្ធប៉ាតង់ ត្រូវបង់ចាប់ពីថ្ងៃទី ១ ខែមករា ដល់ថ្ងៃទី ៣១ ខែមីនា ជារៀងរាល់ឆ្នាំ នៅរដ្ឋបាលសារពើពន្ធ ដែលជាប់ពន្ធមានទីកន្លែងប្រកបអាជីវកម្មពិតប្រាកដ ឬនៅធនាគារជាដៃគូររបស់អគ្គនាយករដ្ឋានពន្ធដារ។

អ្នកជាប់ពន្ធដែលចាប់ផ្តើមអាជីវកម្ម៦ខែ ដើមឆ្នាំនៃឆ្នាំចរន្ត ត្រូវបង់ពន្ធប៉ាតង់ពេញ ១ឆ្នាំ ។ចំណែកអ្នកជាប់ពន្ធដែលចាប់ផ្តើមអាជីវកម្ម៦ខែចុងឆ្នាំ នៃឆ្នាំចរន្តត្រូវបង់ពន្ធប៉ាតង់ពាក់កណ្តាល។

បណ្ណប៉ាត់មានតម្លៃចំពោះអ្នកជាប់ពន្ធ ដែលមានឈ្មោះនៅលើប័ណ្ណប៉ាតង់ប៉ុណ្ណោះ ហើយការចូលរួមដេញថ្លៃ ពិគ្រោះថ្លៃ ឬស្ទង់ថ្លៃ ក្នុងការផ្គត់ផ្គង់ទំនិញឬសេវា គឺត្រូវមានប័ណ្ណប៉ាតង់ ដែលមានសកម្មភាពស្របនឹងកម្មវត្ថុទាំងនោះ។

អ្នកជាប់ពន្ធត្រូវដាក់តាំងព្យួរ និងបង្ហាញប័ណ្ណប៉ាតង់ដែលមានសុពលភាពនៅទីតាំងអាជីវកម្មរបស់ខ្លួន។
ពន្ធប៉ាតង់ គឺជាពន្ធប្រចាំឆ្នាំ ដែលត្រូវបានកំណត់លើសកម្មភាពអាជីវកម្ម ដោយផ្អែកលើប្រភេទអ្នកជាប់ពន្ធ និងកម្រិតផលរបរ៕