ដោយ វុត្ថា
ភ្នំពេញ៖ យោងតាមច្បាប់ស្តីពីពន្ធដាររបស់កម្ពុជាបានឲ្យដឹងថា អាករលើតម្លៃបន្ថែម គឺជាអាករកំណត់ទៅលើការចំណាយទិញរបស់អ្នកប្រើប្រាស់។ អាករនេះត្រូវប្រមូលពីការប្រកបអាជីវកម្ម និងការនាំចូល។
ការប្រកបអាជីវកម្មភាគច្រើន ទាក់ទិនទៅនិងការផ្គត់ផ្គង់ទំនិញឬសេវា។ការប្រកបអាជីវកម្មទាំងនោះ ត្រូវជាប់អាករលើតម្លៃបន្ថែម ប្រសិនបើការផ្គត់ផ្គង់បានធ្វើឡើងក្នុងព្រះរាជាណាចក្រកម្ពុជា ធ្វើឡើងដោយបុគ្គលជាប់អាករ និងធ្វើឡើងក្នុងដំណាក់កាលប្រកបអាជីវកម្មឬដំណាក់កាលពង្រីកអាជីវកម្ម។
ច្បាប់នេះ គ្មានការបញ្ជាក់ច្បាស់លាស់ថា មិនជាប់អាករឬជាប់អាករតាមអត្រា០% ការផ្គត់ផ្គង់ ធ្វើឡើងដោយបុគ្គលជាប់អាករ នៅក្នុងព្រះរាជាណាចក្រកម្ពុជា ដែលមិនមែន ជាការផ្គត់ផ្គង់មិន ជាប់អាករហៅថាការផ្គត់ផ្គង់ជាប់អាករ។
បុគ្គលជាប់អាករ គឺជារូបវ័ន្តបុគ្គល ក្រុមហ៊ុនសហកម្មសិទ្ធិ ក្រុមហ៊ុនមហាជនឬបុគ្គលណាមួយ ដែលមានផលរបរបានមកពីការផ្គត់ផ្គង់ជាប់អាករ លើសពីកំរិតអប្បបរមានៃផលរបរត្រូវចុះបញ្ជី ត្រូវទៅចុះបញ្ជីអាករលើតម្លៃបន្ថែម។
ការផ្គត់ផ្គង់ត្រូវនៅក្រៅដែនអនុវត្តន៍អាករលើតម្លៃបន្ថែម ប្រសិនបើការផ្គត់ផ្គង់នោះ ធ្វើឡើងដោយបុគ្គលដែលមិនមែនជាបុគ្គលជាប់អាករ ឬមិនធ្វើឡើងក្នុងដំណាក់កាលប្រកបអាជីវកម្ម ឬដំណាក់កាលពង្រីកអាជីវកម្ម៕
ចំណេះដឹង! ដូចម្តេចដែលហៅថាអាករលើតម្លៃបន្ថែម?
អស្ចារ្យ៖ ឥណ្ឌូនេស៊ីកំពុងសាងសង់គំរោងមហិមាដើម្បីការពារទឹកជំនន់នៅ ក្រុងហ្សាការតា
ដោយវុត្ថា
ឥណ្ឌូនេស៊ី ៖ ប្រទេសបាននឹងកំពុងអភិវឌ្ឃន៍ឆ្នេរសមុទ្រ សមាហរណទីក្រុងជាតិ National Capital Integrated Coastal Development (NCICD) រួមបញ្ចូលទាំងការកសាងមហាកំផែងជញ្ជាំងសមុទ្រ ដ៏ធំនៅភាគខាងជើងនៃទីក្រុងហ្សាការតា ជាវិធានការថ្មីរបស់រដ្ឋាភិបាល ដើម្បីការពារទីក្រុងកុំឪ្យមានទឹកជំនន់ពីសមុទ្រ។
ការសាង់ជញ្ជាំងមហាសមុទ្រជញ្ជាំងសមុទ្រដ៏ធំនេះ នឹងត្រូវបានសាងសង់នៅក្នុងទំរង់Garuda ជាសត្វស្លាបដ៏ធំដែលជានិមិត្តសញ្ញាជាតិ របស់ប្រទេសឥណ្ឌូណេស៊ី (the large mythical bird which is Indonesia’s national symbol) ហើយវានឹងក្លាយទៅជារចនាសម្ព័ន្ធដែលមានរូបរាងជាប្រទេសឥណ្ឌូនេស៊ី។
តាមការគ្រោងទុក គម្រោងធំនេះគឺនឹងត្រូវសាងសង់ជា២ដំណាក់កាល ដោយដំណាក់កាលទី១ ត្រូវបានគេពង្រឹងនិងលើកកំពស់ឆ្នេរសមុទ្រ ដែលមានស្រាប់ដែលមានបណ្តោយ៣០គឡូម៉ែត្រ និងការសាងសង់កោះសិប្បនិម្មិតចំនួន១៧ នៅត្រង់ចន្លោះច្រកចូលទីក្រុងហ្សាកាតា ហើយត្រូវបានបុកគ្រឹះសាងសង់ ក្នុងដំណាក់កាលដំបូងកាលពីខែតុលា ឆ្នាំ ២០១៤។ និងដំណាក់កាលទី ២ គឺសាងសង់មហាកំផែងជញ្ជាំងយក្ស( Giant Sea Wall) ដែលមានបណ្តោយ៣២ គីឡូម៉ែត្រ រួមមាន ព្រលានយន្តហោះ កំពង់ផែ ផ្លូវថ្នល់ តំបន់លំនៅដ្ឋាន តំបន់ឧស្សាហកម្ម អាងបង្ហូរសំណល់ អាងស្តុកទឹក និងតំបន់បៃតងដែលមានទំហំដីប្រហែល៤០០០ហិកតា។
ក្នុងរយៈពេលប៉ុន្មានឆ្នាំចុងក្រោយនេះ ទីក្រុងហ្សាកាតានៃប្រទេសឥណ្ឌូនេស៊ីបានទទួលរងនៅទឹកជំនន់យ៉ាងធ្ងន់ធ្ងរ ដែលបណ្តាលឲ្យមានកំពស់នីវូទឹកជំនន់លិចលង់ក្នុង ចន្លោះពី៧,៥ ទៅ១៤សង់ទីម៉ែត្រក្នុងមួយឆ្នាំៗ ដោយសារតែការទាញយកទឹកក្រោមដីរួមជាមួយសម្ពាធពីអគារខ្ពស់ៗនៅក្នុងទីក្រុងទាំងមូល។
ក្នុងរយៈពេល៥០ឆ្នាំខាងមុខ កម្រិតទឹកសមុទ្រត្រូវបានគេរំពឹងថា នឹងមានកម្ពស់ពី ៣ ទៅ៥ ម៉ែត្រ នឹងអាចលិចផ្លូវក្នុងទីក្រុងហ្សាកាតាទាំងមូល។ នៅឆ្នាំ២០២៥ នឹងកើនមានការកើនឡើងនូវទឹកជំនន់ពីទន្លេ ខណៈទឹកទន្លេភាគច្រើននឹងឈប់ហូរចេញក្រោមទំនាញផែនដីទៅកាន់ទន្លេ៕
OCIC will build a new satellite city over 100 hectares of land In the islands of Nara
By Siv Meng
Phnom Penh: senior manager of OCIC, said that the company will actually build a new satellite city project along the river on the island of Norea in Kien Svay district, Kandal province.
OCIC Deputy General Director Touch Samnang said by phone on Tuesday that the company is currently drafting a legal procedure to request the government for the project. However, he did not disclose how many investment capital will be invested in this project.
“What I can confirm now is that this project is going to be done in the future and the size of the new city is more than 100 hectares,” he said, adding that the project would be Developed like Koh Pich today. ”
The new satellite city will be filled with sand on the river bank from Norea Island to the Tonle Touch to Kien Svay district, Kandal province.
Ministry of Land Management and Construction spokesman Seng Lot said he had yet to see a proposal from the company, but said that such a technological era such development that would take place at the riverside can be done even the mountain can be pierced to make it through.
The president of the Association of Valuers and Real Estate Agents of Cambodia, Chrek Soknim, said that in the context of peace, stability, political stability and economic growth, such a new city is normal and the new city will be built and help the construction and real estate sector in Cambodia become even more confident.
“Building such satellite cities will contribute to better socio-economic development, especially in Phnom Penh,” he said.
រដ្ឋមន្រ្តីក្រសួងទេសចរណ៍៖ ប្រជាជនចំណាយប្រាក់ប្រមាណ ៧០លានដុល្លារដើរកំសាន្តបុណ្យចូលឆ្នាំចិន
ដោយ គង់ សូរិយា
ភ្នំពេញ៖ រដ្ឋមន្រ្តីក្រសួងទេសចរណ៍លោក ថោង ខុន បានអះអាងថា ប្រជាពលរដ្ឋជាប់ខ្សែស្រឡាយចិនជិត១លាននាក់ បានដើរកំសាន្តនៅទូទាំងប្រទេសក្នុងឱកាសចូលឆ្នាំប្រពៃណីចិនដែលបានចាប់ផ្តើមពីថ្ងៃទី៥ដល់ទី៧ កុម្ភៈកន្លងមកនេះ។
លោក ថោង ខុន បានមានប្រសាសន៍ឲ្យដឹងតាមទូរស័ព្ទនៅរសៀលថ្ងៃទី៨ កុម្ភៈនេះថា ប្រជាជនជិត១លាននាក់បានដើរកំសាន្ត ហើយបើគិតជាមធ្យមមនុស្សម្នាក់ចំណាយ ៧០ដុល្លារអាមេរិក មានន័យថាក្នុងឳកាសបុណ្យចូលឆ្នាំប្រពៃណីចិនឆ្នាំនេះ ប្រជាពលរដ្ឋកម្ពុជាចំណាយប្រាក់ប្រមាណ៧០លានដុល្លារអាមេរិក។
លោកបន្តថា ចំនួនប្រជាពលរដ្ឋដើរកំសាន្តនេះ មិនទាន់គិតបញ្ចូលចំនួនប្រជាពលរដ្ឋដើរកំសាន្តនៅក្រៅប្រទេសនោះទេ និងមិនទាន់គិតពីការចំណាយ លើការសែនព្រេនរបស់គ្រួសារនិមួយៗ ដែលមានការចំណាយជាមធ្យមចន្លោះពី២០០ ទៅ៣០០ដុល្លារអាមេរិកនោះទេ។
លោកបន្តថា “ចូលឆ្នាំប្រពៃណីចិនឆ្នាំនេះ បើសិនជាធ្វើឡើងចំថ្ងៃសៅរ៍ និថ្ងៃអាទិត្យដូចឆ្នាំមុន នឹងមានប្រជាពលរដ្ឋដើរកំសាន្តច្រើនជាងឆ្នាំមុន ដោយសារផ្លូវគមនាគមន៍កាន់តែមានភាពងាយស្រួល និងជីវភាពប្រជាពលរដ្ឋកាន់តែសម្បូរសប្បាយ”។ លោកបន្តថា“ប្រជាពលរដ្ឋកម្ពុជាមិនខ្វល់ពីសុខសុវត្ថិភាពទៀតនោះទេ ព្រោះប្រទេសមានសុខសន្តិភាព និងមានការអភិវឌ្ឍរីកចម្រើនយ៉ាងលឿន ក្រោមការដឹកនាំរបស់សម្តេចតេជោ”។
រដ្ឋមន្រ្តីទេសចរណ៍លោក ថោង ខុន បានបន្តថា នៅកម្ពុជាមានពិធីបុណ្យធំៗបី គឺចូលឆ្នាំខ្មែរ ចូលឆ្នាំចិន និងចូលឆ្នាំសាកល ហើយពិធីបុណ្យចូលឆ្នាំចិនឆ្នាំនេះនិងបណ្តាឆ្នាំមុនៗ នៅតាមដងផ្លូវមានសភាពស្ងប់ស្ងាត់ ហើយផ្សារមួយចំនួនស្ទើរតែបិទទ្វារ ដែលនេះជានិន្នាការធម្មតានៃតឋភាពសង្គម ហើយវាមិនមែនជាការធ្វើតាមគ្នានោះទេ។
ទីប្រឹក្សាសមាគមទីភ្នាក់ងារទេសចរណ៍កម្ពុជា លោក ហូ វណ្ឌី បានយល់ស្របនឹងការលើកឡើងរបស់រដ្ឋមន្រ្តីក្រសួងទេសចរណ៍ ដោយលោកបានមានប្រសាសន៍ថា ប្រជាជនកម្ពុជាបច្ចុប្បន្ន បានចំណាយកាន់តែច្រើនលើការទទួលទាន និងការដើរកំសាន្ត ជាក់ស្តែងយើងឃើញនៅក្នុងទីក្រុងក្នុងប៉ុន្មានថ្ងៃមកនេះ ដែលយើងតែងចំណាយពេលលើការធ្វើដំណើរ ១,៣០នាទី ទៅ២ម៉ោង គឺកាត់បន្ថយមកនៅត្រឹម១៥នាទីប៉ុណ្ណោះក្នុងការ ធ្វើដំណើរដល់គោលដៅ។
លោកបន្តថា “ជាមួយគ្នានេះ ខ្ញុំសង្កេតឃើញថាប្រជាជនកម្ពុជាបានធ្វើដំណើរទៅកាន់ក្រៅប្រទេសច្រើនផងដែរ ដូចជា ក្រុងហុងកុង សៀវហៃ វៀតណាម ថៃ ម៉ាឡេស៊ី សឹង្ហបុរី កូរ៉េ ជប៉ុន និងទៅកំសាន្តនៅទីក្រុងឌូបៃជាដើម”។
លោក ធួន ស៊ីណាន ប្រធានសមាគមទីភ្នាក់ទេសចរណ៍ អាស៊ីប៉ាហ្វិកបានមានប្រសាសន៍ថា ចំនួនទេសចរណ៍ដើរកំសាន្តពិតជាកើនឡើងច្រើន និងមានការចំណាយកើន ឡើង ដែលក្នុងម្នាក់ចន្លោះពី៧០ទៅ៨០ដុល្លារអាមេរិកជាមធ្យម។ ជាអ្វីដែលលោកឯកភាពជាមួយនឹងលោករដ្ឋមន្រ្តីក្រសួងទេសចរណ៍។
លោកបន្តថា “កំនើនជីវភាពប្រជាពលរដ្ឋ បានជំរុញឲ្យប្រជាពលរដ្ឋដើរកំសាន្តច្រើន និងកត្តាសុខសន្តិភាពនិងផ្លូវថ្នល់កាន់តែប្រសើរ បានធ្វើឲ្យប្រជាពលរដ្ឋដើរកំសាន្តកាន់តែឆ្ងាយ”៕
Developers and experts in Cambodia’s real estate sector remain optimistic
By Vutha
Phnom Penh, domestic investors and real estate experts in Cambodia continue to have positivity even though some projects have been delayed.
Ann Sothida, country director of CBRE Cambodia, said by phone on the afternoon of February 7 that some projects had been delayed due to the lack of real expertise in the company and the sale of the company in the market or because the import of building materials is in slow process, but property sector in Cambodia still continue to be better.
However, she acknowledged that, “the delay of some projects has some problems for the market, but the delay in the construction sector is not a problem.”
Kheang Puthy, president of the Cambodian Real Estate Association , said that the real estate sector in Cambodia has continued to be good, but it is simple when it comes to business and some are closed. However, it depends on the efforts of the company’s leaders and project owners.
“When there are many construction projects that are competitive, so when there are competitors, the company has a lot of resources, experiences and management, and it’s very successful,” he said. “When the company has a poor experience, it is going to fail. ”
However, Mr. Puthy, do not worry too much about this issue, saying that, “we are optimistic for the development and growth of Cambodia.
Oknha Sear Rithy, a founding and council board director of the World Bridge Group, said that the real estate sector in 2019 did not have any problems because the remainder of investment in 2018 continues until 2019.
“For 2019, this is the year of production and development, and the trade in the sector is still well underway and the same, but when it comes to investment growth, I think it is similar to that of 2018,” he said. “.
សារព្រមាន៖ ការទិញ-លក់ដីធ្លីក្នុងតំបន់រមណីយដ្ឋានអង្គរគឺខុសច្បាប់
ដោយវុត្ថា
សៀមរាប៖ ក្រសួងវប្បធម៌ និងវិចិត្រ បានប្រកាសឱ្យប្រជាពលរដ្ឋឱ្យដឹងថាការការទិញ-លក់ដីធ្លីដូរដីធ្លីក្នុងតំបន់១ និងតំបន់២ នៃរមណីយដ្ឋានអង្គរ គឺខុសច្បាប់។
ក្រសួងបញ្ជាក់ថា ថ្មីៗ នេះ អាជ្ញាធរជាតិអប្សរាសង្កេតឃើញថា ការប្រកាសលក់ដូរដីធ្លីក្នុងតំបន់១ និងតំបន់២នៃរមណីយដ្ឋានអង្គរ កំពុងតែបានប្រព្រឹត្តទៅយ៉ាងសកម្មតាមប្រព័ន្ធផ្សព្វផ្សាយព័ត៌មានសង្គម ដែលការប្រកាសលក់ដូរដីធ្លីនេះផ្ទុយនឹងច្បាប់ដូចមានចែងក្នុងព្រះរាជក្រឹត្យលេខ០០១ ន.ស ចុះថ្ងៃទី២៨ ខែឧសភា ឆ្នាំ១៩៩៤ ស្តីពីការកំណត់ និងការចាត់ចែងគ្រប់គ្រងតំបន់សៀមរាបអង្គរ និងសេចក្តីសម្រេចលេខ៧០ សសរ ចុះថ្ងៃទី១៦ ខែវិច្ឆិកា ឆ្នាំ២០០៤ របស់រាជរដ្ឋាភិបាល ស្តីពីការកំណត់បទដ្ឋាននៃការប្រើប្រាស់ដីធ្លីនៅតំបន់១ និងតំបន់២។
ក្រសួងបន្តថា ដើម្បីទប់ស្កាត់សកម្មភាពផ្ទុយពីគោលការណ៍ច្បាប់ក្នុងកិច្ចការអភិរក្ស និងអភិវឌ្ឍន៍រមណីយដ្ឋានអង្គរប្រកបដោយចីរភាព ព្រមទាំងបញ្ចៀសការខូចខាតផលប្រយោជន៍របស់សាធារណជនដែលកើតឡើងពីការបោកបញ្ឆោតរបស់បុគ្គលមួយចំនួនអំពីការទិញ-លក់ដីធ្លី ក្នុងតំបន់រមណីយដ្ឋានអង្គរ អាជ្ញាធរជាតិអប្សរាបានសហការជាមួយអាជ្ញាធរភូមិ ឃុំ-សង្កាត់នៃរដ្ឋបាលសាលាខេត្តសៀមរាប ដំឡើងផ្ទាំងព័ត៌មានហាមទិញ-លក់ដីធ្លីក្នុងតំបន់រមណីយដ្ឋានអង្គរក្នុងភូមិសាស្ត្ររដ្ឋបាលក្រុងសៀមរាបដូចជា ភូមិអញ្ចាញ ភូមិអារក្សស្វាយ សង្កាត់នគរធំ ចំនួន៣ផ្ទាំង ភូមិខ្វៀន សង្កាត់គោកចក ចំនួន១ផ្ទាំង ភូមិជ្រៃ សង្កាត់ទឹកវិល ចំនួន១ផ្ទាំង ភូមិថ្នល់ សង្កាត់ស្រង៉ែ ចំនួន១ផ្ទាំង។
ក្រៅពីទីតាំងដូចរៀបរាប់ខាងលើ អាជ្ញាធរជាតិអប្សរានឹងដំឡើងផ្ទាំងព័ត៌មាននេះនៅតាមទីតាំងភូមិសាស្ត្រមួយចំនួនទៀតដែលសកម្មភាពទិញ-លក់ដីធ្លីកំពុងតែកើតឡើង។
ក្រសួងបន្តថា “ក្នុងនាមយើងទាំងអស់គ្នាជាម្ចាស់អង្គរ ជាម្ចាស់បេតិកភណ្ឌពិភពលោក និងអង្គរជាដួងព្រលឹងជាតិខ្មែរ អាជ្ញាធរជាតិអប្សរាសូមធ្វើការអំពាវនាវដល់បុគ្គលដែលកំពុងតែប្រព្រឹត្តសកម្មភាពទិញ-លក់ដីធ្លីក្នុងតំបន់រមណីយដ្ឋានអង្គរ សូមបញ្ឈប់ជាបន្ទាន់នូវសកម្មភាពអវិជ្ជមានរបស់ខ្លួន និងសូមឲ្យយើងម្នាក់ៗចូលរួមបំពេញតួនាទីជាអ្នកទប់ស្កាត់ ថែរក្សា ការពារ និងអនុវត្តច្បាប់យ៉ាងដាច់ខាតចំពោះការទិញ-លក់ដីធ្លីក្នុងតំបន់រមណីយដ្ឋានអង្គរ”។
ក្នុងជំពូក១ មាត្រា៣ និងមាត្រា៤នៃព្រះរាជក្រឹត្យខាងលើបញ្ជាក់ថា តំបន់១ជាតំបន់ដែលមានស្ថានីយ៍បុរាណវត្ថុសំខាន់ៗហើយត្រូវទទួលកិច្ចការពារខ្ពស់បំផុត។ តំបន់២ជាតំបន់ដែលសម្បូរសំណល់បុរាណវត្ថុ ដែលត្រូវការពារទប់ទល់នឹងការប្រើប្រាស់ដីធ្លីផ្តេសផ្តាសនិងការអភិវឌ្ឍមិនសមស្រប។ តំបន់២មានសារៈសំខាន់ចម្បងដោយសារជាតំបន់ទ្រនាប់សម្រាប់ការពារតំបន់១។ រីឯក្នុងជំពូក២ មាត្រា៨បញ្ជាក់ថា ទិសដៅសំរាប់តំបន់ត្រូវការពារនៃរមណីយដ្ឋានអង្គរ ត្រូវប្រកាន់ទិសដៅអភិវឌ្ឍន៍ដូចតទៅ៖ តំបន់១និងតំបន់២ ហាមឃាត់ការអភិវឌ្ឍក្នុងរមណីយដ្ឋានមានប្រាសាទ លើកលែងតែការអភិវឌ្ឍណាដែលមានសារប្រយោជន៍សម្រាប់កិច្ចការពារ និងការលើកស្ទួយតម្លៃរមណីយដ្ឋានឬបុរាណវត្ថុនោះ ឬសម្រាប់ការថែរក្សារបៀបរស់នៅរបស់មនុស្សនៅតំបន់នោះ។
រាជរដ្ឋាភិបាលកម្ពុជាក៏បានចេញសេចក្តីសម្រេចលេខ៧០.សសរ ដោយកំណត់ដីធ្លីស្ថិតក្នុងតំបន់១និងតំបន់២នៃរមណីយដ្ឋានបេតិកភណ្ឌពិភពលោកអង្គរជាដីទ្រព្យសាធារណរបស់រដ្ឋ ដែលអាជ្ញាធរជាតិអប្សរាមានភារកិច្ច កាតព្វកិច្ចត្រូវគ្រប់គ្រង ថែរក្សានិងអភិវឌ្ឍន៍ប្រកបដោយចីរភាព។ រីឯការប្រើប្រាស់ដីធ្លីក្នុងតំបន់១និងតំបន់២ត្រូវបានកំណត់ដូចតទៅ៖ ១) ប្រជាពលរដ្ឋដែលមានលំនៅដ្ឋាននិងរស់នៅយូរលង់មកហើយ អាចបន្តរស់នៅតទៅទៀតបានដោយមិនមានការដេញឲ្យចាកចេញពីភូមិដ្ឋានឡើយ ២) ប្រជាពលរដ្ឋអាចរុះរើជួសជុលផ្ទួះចាស់ទ្រុឌទ្រោម ឬសាងសង់ផ្ទះថ្មីជំនួសផ្ទះចាស់បានដោយមានការសុំអនុញ្ញាតពីសមត្ថកិច្ចនៃអាជ្ញាធរជាតិអប្សរា ៣) ប្រជាពលរដ្ឋមានសិទ្ធិគ្រប់គ្រងនិងចាត់ចែងដីធ្លីតាមរូបភាពដូចជា ផ្ទេរមរតកទៅឲ្យញាតិសន្តានពីឪពុកម្តាយទៅកូនក្មួយ ឬលក់ដូរឲ្យអ្នកភូមិផងជាមួយគ្នាដើម្បីដោះស្រាយជីវភាព ប៉ុន្តែហាមឃាត់លើសកម្មភាពទិញ-លក់ដីរបស់ឈ្មួញ ក្នុងគោលដៅធ្វើអាជីវកម្មយកចំណេញសម្រាប់ក្រុមហ៊ុនឬបុគ្គល ឬការទិញ-លក់សម្រាប់យកទៅសាងសង់សណ្ឋាគារ ភោជនីយដ្ឋាន ខារ៉ាអូខេ ជាដើម។ល។
សូមធ្វើការទំនាក់ទំនងមកកាន់អាជ្ញាធរជាតិអប្សរា នូវរាល់ចម្ងល់ទាំងឡាយណាពាក់ព័ន្ធនឹងការគ្រប់គ្រងដីធ្លីក្នុងតំបន់រមណីយដ្ឋានបេតិកភណ្ឌពិភពលោកអង្គរតាមលេខទូរសព្ទ ០៩២ ៨៩ ៩៩ ៦៦ ឬតាមលេខទូរសព្ទថ្នាក់ដឹកនាំអាជ្ញាធរជាតិអប្សរា ដែលបានប្រកាសតាមគេហទំព័រផ្លូវការរបស់អាជ្ញាធរជាតិអប្សរា ៕
អភិបាលខេត្តព្រះសីហនុថា អ្នកវិនិយោគនិងទេសចរចិនជួយជំរុញកំនើនសេដ្ឋកិច្ចយ៉ាងឆាប់រហ័ស
ដោយ នៅ វឌ្ឍនា
ខេត្តព្រះសីហនុ៖ អភិបាលខេត្តព្រះសីហនុ លោក យន្ត មីន បានអះអាងថា អ្នកវិនិយោគ និងទេសចរចិនស្នាក់នៅខេត្តព្រះសីហនុ មានប្រមាណ៧ម៉ឺននាក់ បាននិងកំពុងជួយឱ្យបង្កើនកំណើនសេដ្ឋកិច្ចយ៉ាងឆាប់រហ័ស។
លោកអភិបាលខេត្តព្រះសីហនុមានប្រសាសន៍នៅក្នុង កិច្ចប្រជុំបូកសរុបការស្រង់ស្ថិតិជំហានដំបូងជនបរទេសស្នាក់នៅ និងធ្វើអាជីវកម្មក្នុងខេត្តព្រះសីហនុកាលពីថ្ងៃទី ៧ ខែកុម្ភៈ ឆ្នាំ ២០១៩ កន្លងមកនេះថា ការវិនិយោគរបស់ចិននៅខេត្តព្រះសីហនុ ផ្តល់ផលវិជ្ជមានយ៉ាងច្រើន ជួយឱ្យខេត្តបង្កើនកំណើនសេដ្ឋកិច្ចយ៉ាងឆាប់រហ័ស ក៏ប៉ុន្តែវាមានផលអវិជ្ជមានតិចតួចដែរ។
លោកបានបន្តដោយប៉ាន់ប្រមាណថា នៅខេត្តព្រះសីហនុ ប្រជាពលរដ្ឋចន្លោះពី៩០ ទៅ៩៥ភាគរយ បានអបអរសាទរចំពោះការវិនិយោគ និងទេសចរចិនមកខេត្តព្រះសីហនុ។ អាជ្ញារធរខេត្តបានអនុវត្តន៍គោលនយោបាយ គៀងគរចំពោះអ្នកវិនិយោគ និងទេសចរ ដើម្បីបង្កើនចំណូលថវិកាជាតិ បន្តជម្រុញគ្រប់គ្រងជនបរទេស ធានាការពារសន្តិសុខ សុវត្ថិភាពដល់វិនិយោគ និងទេសចរ ធ្វើឱ្យខេត្តមានការអភិវឌ្ឍលឿន ថ្វីត្បិតការវិនិយោគវាមានផលប៉ះពាល់ដល់ហេដ្ឋារចនាសម័្ពន្ធ បរិស្ថាន ប្រព័ន្ធលូ ។
បច្ចុប្បន្នមានសំណង់អគារធំ ខ្ពស់ៗប្រមាណជាង២០០អគារ កំពុងតែកើតឡើងនៅលើទឹកដីខេត្តព្រះសីហនុ ហើយសង្ឃឹមថានៅមានសំណង់ជាច្រើនទៀតបន្តកើតឡើងជាបន្តបន្ទាប់នាពេលខាងមុខ។
នាយឧត្តមសេនីយ៍ គៀត ច័ន្ទថារិទ្ធ អគ្គនាយកអន្តោប្រវេសន៍ឲ្យដឹងថា ការហូរចូលយ៉ាងលឿនពីជនបរទេសរាប់ម៉ឺននាក់ និងការអភិវឌ្ឍរីកចម្រើនយ៉ាងឆាប់រហ័សនូវសណ្ឋាគារ កាស៊ីណូ រីសត ខុនដូ រោងចក្រ សហគ្រាស ផ្ទះសំណាក់ និងអាជីវកម្មផ្សេងៗទៀត ភាគច្រើនការវិនិយោគ និងអាជីវកម្មជាជនជាតិចិន។ ដូច្នេះសមត្ថកិច្ចនគរបាលមូលដ្ឋាន ក្រុង ស្រុក ខេត្ត បន្តអនុវត្តនូវយន្តការទទួលខុសត្រូវក្នុងភូមិសាស្ត្រ តាមច្បាប់អន្តោប្រវេសន៍ ច្បាប់ការងារ ច្បាប់ពាណិជ្ជកម្ម ផ្តល់ព័ត៌មានទិន្នន័យជនបរទេសស្នាក់នៅ ដើម្បីជម្រុញឱ្យជន បរទេសទៅឱ្យសុំប័ណ្ណការងារ សៀវភៅការងារ បង្កើនវិធានការត្រួតពិនិត្យផ្លូវច្បាប់ ចំពោះជនបរទេសដែលស្នាក់នៅក្នុងភូមិសាស្ត្ររបស់ខ្លួន គ្រប់គ្រងអោយបានត្រឹមត្រូវ។
យោងតាមរបាយការណ៍ស្តីពី ស្ថិតិជនបរទេសស្នាក់នៅ ធ្វើអាជីវកម្មក្នុងខេត្តព្រះសីហនុតាមគោលដៅអាជីវកម្ម ២.០៥២ បានរកឃើញថា ខេត្តព្រះសីហនុមានជនបរទេសស្នាក់នៅអចិន្ត្រៃយ៍ចំនួន៤០.៧៧០នាក់ ស្រី៨.៣៨៧នាក់ និងមាន ៥៧សញ្ជាតិ ព្រម ទាំងមានអាជីវកម្មធុនតូច១៦៧ប្រភេទ៕
ច្បាស់ហើយ! ក្រុមហ៊ុន OCIC នឹងសាងសង់ទីក្រុងរណបថ្មីលើផ្ទៃដីជាង ១០០ហិកតានៅតំបន់កោះនរា
ដោយ ស៊ីវ ម៉េង
ភ្នំពេញ៖ ថ្នាក់ដឹកនាំក្រុមហ៊ុន OCIC បានមានប្រសាសន៍ឲ្យដឹងថា ក្រុមហ៊ុនពិតជានឹងសាងសង់គំរោងទីក្រុងរណបថ្មីមួយ ស្ថិតនៅតាមដងទន្លេរដោយចាកចេញពីតំបន់កោះនរា ទៅកាន់ស្រុកកៀនស្វាយក្នុងខេត្តកណ្តាល។
អគ្គនាយករងក្រុមហ៊ុន OCIC លោក ទូច សំណាង បានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី៨ កុម្ភៈនេះថា បច្ចុប្បន្នក្រុមហ៊ុនកំពុងរៀបចំនិតិវិធីច្បាប់ ដើម្បីស្នើសុំពីរដ្ឋាភិបាលលើគំរោងអភិវឌ្ឍន៍នេះ។ ទោះជាយ៉ាងណាលោកមិនទាន់បញ្ជាក់ឲ្យដឹងពីទុនវិនិយោគលើគំរោងនេះចំនួនប៉ុន្មាន និងចាប់ផ្តើមសាងសង់នៅពេលណានៅឡើយទេ។
លោកបន្តថា “ខ្ញុំអាចបញ្ជាក់បានថាគំរោងនេះពិតជាធ្វើមែនទែន ហើយទំហំផ្ទៃដីនៃទីក្រុងថ្មីនេះមានទំហំជាង១០០ហិកតា”។ លោកបន្តថា “គំរោងនេះនឹងត្រូវរៀបចំអភិវឌ្ឍន៍ដូចទីក្រុងកោះពេជ្រនាពេលបច្ចុប្បន្ននេះ”។
គំរោងទីក្រុងរណបថ្មីនេះ នឹងត្រូវចាក់ខ្សាច់បំពេញនៅតាមជួរមាត់ទន្លេចាប់ពីតំបន់កោះនរា អូសស្របតាមទន្លេតូចឆ្ពោះទៅស្រុកកៀនស្វាយ ខេត្តកណ្តាល។
អ្នកនាំពាក្រសួងរៀបចំដែនដី នគរូបនីយកម្ម និងសំណង់លោកសេង ឡូតបានមានប្រសាសន៍ថា លោកមិនទាន់បានឃើញឯកសារដាក់សំណើរពីក្រុមហ៊ុនមកនៅឡើយទេ ប៉ុន្តែលោកអះអាងថា សម័យបច្ចេកវិទ្យារីកចំរើនបែបនេះ ការសាងសង់ទីក្រុងនៅតាមមាត់ទន្លេបែបនេះ មិនមានអ្វីដែលធ្វើមិនបាននោះទេ សូម្បីតែភ្នំគេអាចចោះដើម្បីធ្វើផ្លូវឆ្លងកាត់បាន៕
ចំណេះដឹង! អ្វីទៅជាពន្ធលើប្រាក់បៀវត្ស?
ដោយ វុត្ថា
ភ្នំពេញ៖ ពន្ធលើប្រាក់បៀវត្ស គឺជាពន្ធប្រចាំខែកំណត់លើប្រាក់បៀវត្ស ដែលរូបវ័ន្តបុគ្គលបានទទួល ក្នុងក្របខ័ណ្ឌនៃការបំពេញសកម្មភាពបំរើការងារ។ រូបវ័ន្តបុគ្គលនិវាសនជននៅក្នុងព្រះរាជាណាចក្រកម្ពុជា ត្រូវជាប់ពន្ធលើប្រាក់បៀវត្ស ចំពោះប្រាក់បៀវត្សប្រភពកម្ពុជា និងប្រាក់បៀវត្សប្រភពបរទេស។ រូបវ័ន្តអនិវាសនជនត្រូវជាប់ពន្ធលើប្រាក់បៀវត្សចំពោះ ប្រាក់បៀវត្សប្រភពកម្ពុជា។
សហគ្រាសដែលជានិយោជក ត្រូវមានកាតព្វកិច្ចកាត់ទុកពន្ធលើប្រាក់បៀវត្សនៅមុនពេល បើកប្រាក់បៀវត្សឱ្យដល់និយោជិត និងបង់ប្រាក់ពន្ធនេះជូនរដ្ឋបាលសារពើពន្ធយ៉ាងយឺតបំផុតនៅថ្ងៃទី ២០នៃខែបន្ទាប់ ពីខែដែលប្រាក់បៀវត្សត្រូវបានបើក។ សម្រាប់និយោជិតនិវាសនជន ប្រាក់ពន្ធត្រូវបង់ត្រូវកំណត់លើប្រាក់បៀវត្សរ៍ ជាប់ពន្ធប្រចាំខែនិងត្រូវកាត់ទុក តាមអត្រាកំណើនតាមថ្នាក់ដូចតទៅ៖
សម្រាប់និយោជិតអនិវាសនជន ពន្ធលើប្រាក់បៀវត្សត្រូវបានកាត់ទុកតាមអត្រា ២០% នៃទឹកប្រាក់ត្រូវបើកឱ្យមុនការកាត់ទុក។ ពន្ធកាត់ទុកនេះគឺជាពន្ធចុងក្រោយនៃប្រាក់បៀវត្សសម្រាប់អនិវាសនជនជាអ្នកទទួលប្រាក់បៀវត្សរ៍។
ចំពោះអត្ថប្រយោជន៍បន្ថែមជារៀងរាល់ខែ សហគ្រាស ក្រុមហ៊ុនត្រូវកាត់ទុកនិងបង់ប្រាក់ពន្ធតាមអត្រា២០% នៃតម្លៃសរុបរបស់អត្ថប្រយោជន៍បន្ថែម ដែលបានផ្តល់ឱ្យនិយោជិតទាំងអស់។ តម្លៃនៃអត្ថប្រយោជន៍បន្ថែមគឺជាតម្លៃទីផ្សារ រួមទាំងពន្ធអាករទាំងអស់៕
វិស័យអចលនទ្រព្យនៅកម្ពុជានៅតែដំណើរការល្អបើទោះមានគម្រោងមួយចំនួន បានពន្យាពេលសាងសង់
ដោយវុត្ថា
ភ្នំពេញ៖ អ្នកវិនិយោគក្នុងស្រុក និងអ្នកជំនាញអចលនទ្រព្យនៅក្នុងប្រទេសកម្ពុជានៅតែបន្តមានភាពវិជ្ជមាន បើទោះបីមានគម្រោងមួយចំនួន ត្រូវបានពន្យាពេលសាងសង់ក៏ដោយ។
អ្នកនាងអាន សុធីតា នាយិកាប្រចាំប្រទេសនៃក្រុមហ៊ុន CBRE Cambodia បានឲ្យដឹងតាមទូរស័ព្ទកាលពីរសៀលថ្ងៃទី៧ កុម្ភៈកន្លងមកថា គំរោងមួយចំនួនបានពន្យាពេល ដោយសារតែអ្នកវិនិយោគគ្មានជំនាញពិតប្រកដ បញ្ហាផ្ទៃក្នុងរបស់ក្រុមហ៊ុន និងការដាក់លក់ចូលទៅក្នុងទីផ្សារមិនសូវបានល្អ ឬក៏មកពីបញ្ហាការបញ្ជាទិញសម្ភារៈសំណង់មកធ្វើការសាងសង់ស្ថិតនៅក្នុងស្ថានភាពយឺតយ៉ាវ តែយ៉ាងណាស្ថានភាពវិស័យនៅក្នុងប្រទេសកម្ពុជានៅតែ ល្អប្រសើរដដែល។
ទោះជាយ៉ាងណា អ្នកនាងបានទទួលស្គាល់ថា “ការពន្យាពេលនៃការសាង់ចំពោះគម្រោងមួយចំនួននោះ ក៏មានបញ្ហាខ្លះដែរចំពោះទីផ្សារ តែបើពន្យាពេលចំពោះវិស័យសំណង់វិញ គឺមិនមានអ្វីជាបញ្ហានោះទេ”។
លោក ឃាង ពុទ្ធី ប្រធានសមាគមអ្នកជំនាញចលទ្រព្យកម្ពុជាបានមានប្រសាសន៍ឲ្យដឹងនៅថ្ងៃដដែលថា វិស័យអចលនទ្រព្យនៅក្នុងប្រទេសកម្ពុជា នៅតែមានដំណើរទៅមុខធម្មតា ពុំមានអ្វីប្រែប្រួលនោះទេ តែវាជារឿងធម្មតានៅពេលដែលយើងរកស៊ីតែមានការបិទខ្លះដែរ អាស្រ័យទៅលើការខិតខំប្រឹងប្រែង របស់ថ្នាក់ដឹកនាំរបស់ក្រុមហ៊ុន និងម្ចាស់គម្រោង។
លោកបន្តថា “នៅពេលមានគម្រោងសាងសង់មកច្រើន មានការប្រកួតប្រជែងហើយ ហេតុនេះនៅពេលមានការប្រកួតប្រជែងក្រុមហ៊ុន ដែលមានធនធានច្រើន មានបទពិសោធន៍ និងការគ្រប់គ្រងច្បាស់លាស់ និងទទួលបានបានជោគជ័យ”។លោកបន្តថា “ផ្ទុយទៅវិញនៅពេលដែលក្រុមហ៊ុនមានធនធានខ្សោយ គ្មានបទពិសោធន៍ច្បាស់លាស់ គាត់នឹងបរាជ័យជារឿងធម្មតា”។
តែយ៉ាងណាក៏ដោយលោកពុទ្ឋីថា កុំមានការព្រួយបារម្ភខ្លាំងពេកចំពោះបញ្ហានេះ សំខាន់យើងមានសុទិដ្ឋិយមចំពោះការអភិវឌ្ឍ និងការរីកចម្រើនរបស់ប្រទេសកម្ពុជា។
លោក ឧកញ៉ាសៀ ឬទ្ធីជាស្ថានិកនិងជាប្រធានប្រឹក្សាភិបាលនៃក្រុមហ៊ុន Worldbridge Group ក៏បានឲ្យដឹងដែរថា វិស័យអចលនទ្រព្យនៅក្នុងឆ្នាំ២០១៩នេះ ពុំមានបញ្ហាអ្វីនោះទេ ដោយសារនៅសល់កំអែលនៃការវិនិយោគកាលពីឆ្នាំ២០១៨ កន្លងមកនេះ បន្តមកដល់ឆ្នាំ២០១៩។
លោកបន្តថា “សម្រាប់ឆ្នាំ២០១៩នេះ គឺជាឆ្នាំនៃការផលិត និងអភិវឌ្ឍន៍ ហើយការលក់ដូរផ្សេងៗ ក្នុងវិស័យនេះនៅតែមានចរន្តល្អ និងដំណើការដដែល តែបើនិយាយពីកំណើនវិនិយោគវិញ ខ្ញុំគិតថាមានប្រហាក់ប្រហែលទៅហ្នឹងឆ្នាំ២០១៨ កន្លងមកនេះ”៕
