ជាមួយនឹងភាពវិជ្ជមាននៃការនាំចេញផលិតផលសរុប នៅត្រឹមរយៈពេល6ខែនាដើមឆ្នាំ2018 នេះ កម្ពុជានៅតែរក្សាបានកំណើនដដែល ដែលស្ថិតនៅក្នុងរង្វង់ជាង5ភាគរយ បើធៀបទៅនឹងរយៈពេលដូចគ្នាកាលពីឆ្នាំ2017កន្លងទៅ ។

យោងតាមរបាយការណ៍របស់អគ្គនាយកដ្ឋានសេវានាំចេញនាំចូលនៃក្រសួងពាណិជ្ជកម្មបានបង្ហាញថា នៅត្រឹមឆមាសទី1 នៃឆ្នាំ2018 ការនាំចេញពីកម្ពុជាទៅកាន់ទីផ្សារអន្តរជាតិសរុបប្រមាណជាង ៥លានដុល្លារអាមេរិក កើនឡើងប្រមាណ 5,70 % បើធៀបនឹងរយៈដូចគ្នាក្នុងឆ្នាំ2017 ដែលមានត្រឹមប្រមាណជិត 4លានដុល្លារអាមេរិក។

ផ្អែកតាមរបាយការណ៍ដដែល ដែលទទួលបានកាលពីព្រឹកថ្ងៃទី01 ខែសីហា ឆ្នាំ2018នេះ បានឱ្យដឹងថា ការនាំចេញពីកម្ពុជាគិតជាទឹកប្រាក់សរុបប្រមាណជាង 5,2លានដុល្លារអាមេរិក ដែលក្នុងនោះរួមមានទំនិញផ្នែក វាយនភណ្ឌ សម្លៀកបំពាក់ ស្បែកជើង និងអង្ករជាដើម ឆ្ពោះទៅកាន់ទីផ្សារ សហរដ្ឋអាមេរិក សហគមអឺរ៉ុប កាណាដា និងជប៉ុន ។ល។

លោក ហូ ស៊ីយ៉ុង ប្រធាននាយកដ្ឋាននាំចេញនាំចូលនៃក្រសួងពាណិជ្ជកម្មកម្ពុជាបានប្រាប់ឱ្យដឹងថា ការបញ្ជារទិញនៅឆ្នាំនេះអាចកើនឡើងរង្វង់ជាង10% ក្នុងនោះមានម៉ាកល្បីៗទូទាំងពិភពលោក រួមមាន អាឌីដាស (Addidas) និង ហាសអេនអឹម (H&M) ជាដើម។

លោកបញ្ជាក់ទៀតថា ការបញ្ជារទិញ ក៏ដូចជាការនាំចេញរបស់កម្ពុជានឹងនៅតែល្អប្រសើរថែមទៀត បើទោះបីជាការបោះឆ្នោតត្រូវបានបញ្ចប់ ខណៈដែលប្រទេសកម្ពុជានៅតែរក្សាបានកំណើនសេដ្ឋកិច្ចដ៏រឹងមាំ ជាពិសេស ស្ថិរភាពនយោបាយនៅតែរក្សាបានភាពល្អប្រសើរ ៕

ក្រុមហ៊ុន អេសស៊ីជី (SCG) ដែលជាក្រុមហ៊ុនមានកេរ្តិ៍ឈ្មោះល្បីល្បាញ និងឈានមុខគេ លើផ្នែកផលិត និងផ្គត់ផ្គង់សម្ភារៈវិស័យសំណង់ បានចូលរួមផ្សព្វផ្សាយឱ្យមានការស្រឡាញ់ និងអភិរក្សផ្នែកធនធានធម្មជាតិ ក៏ដូចជំរុញកំណើនសេដ្ឋកិច្ចកម្ពុជា តាមរយៈការអនុវត្តនូវទស្សនទាន «សេដ្ឋកិច្ចវិលជុំ» ។

លោក រ៉ុងរ៉ូត រាំងស៊ីយូផាស (Roongrote Rangsiyopash) ប្រធានក្រុមប្រឹក្សាភិបាល និងជានាយកប្រតិបត្តិក្រុមហ៊ុន អេស ស៊ី ជី បានឲ្យដឹងថា ការអនុវត្តនូវទស្សនទាន «សេដ្ឋកិច្ចវិលជុំ» គឺជាដំណើរការផលិតកម្មដែលប្រព្រឹត្តទៅដោយការយកក្រដាស អេតចាយ យកមកកែច្នៃប្រើប្រាស់ឡើងវិញ ដោយផ្សំជាមួយនឹងវត្ថុធាតុដើមមួយចំនួន ដើម្បីផលិតចេញជាក្រដាសថ្មី ដោយការប្រើប្រាស់វត្ថុធាតុដើមតិចតួចប៉ុណ្ណោះ។

ដូច្នេះ ក្នុងការផលិតក្រដាសចំនួន1ពាន់តោនជារៀងរាល់ថ្ងៃ ក្រុមហ៊ុនជួយធានាបានថា មិនមានការធ្វើឲ្យខូចបរិស្ថានពីសំណាក់ឧស្សាហកម្មនេះឡើយ ។ នេះជាការអនុវត្តមួយ ក្នុងចំណោមការអនុវត្តផ្សេងៗ ដែលអនុលោមតាមទស្សនទាន «សេដ្ឋកិច្ចវិលជុំ» ដែលក្រុមហ៊ុន អេសស៊ីជី ព្យាយាមអនុវត្ត ដើម្បីក្លាយជាក្រុមហ៊ុនឈានមុខគេដែលអនុវត្តទស្សនទាននេះក្នុងដំណើរការអាជីវកម្មរបស់ខ្លួន។

លោកបន្តថា សព្វថ្ងៃ ទស្សនទាន «សេដ្ឋកិច្ចវិលជុំ» នេះបានទាញចំណាប់អារម្មណ៍ទូទាំងសកលលោក ហើយក្រុមហ៊ុនអេសស៊ីជី កំពុងជំរុញការអនុវត្តទស្សនទាននេះនៅក្នុងតំបន់អាស៊ាន រាប់បញ្ចូលទាំងនៅកម្ពុជាផងដែរ។

លោកបញ្ជាក់ថា ក្រុមហ៊ុនបានអនុវត្តទស្សនទាន «សេដ្ឋកិច្ចវិលជុំ» នេះតាមរយៈយុទ្ធសាស្រ្តគោលធំៗចំនួន៣ ៖ គឺការកាត់បន្ថយការប្រើប្រាស់វត្ថុធាតុដើម ឫបង្កើនគុណភាពក្នុងការផលិតដើម្បីឲ្យប្រើប្រាស់បានយូរ ការកែលម្អ និងការជំនួស និងការប្រើប្រាស់ឡើងវិញ និងការកែច្នៃឡើងវិញ ដើម្បីលើកកម្ពស់ការកែច្នៃឡើងវិញ និងការប្រើប្រាស់ឡើងវិញ ៕

ដោយ ៖ គង់ សូរិយា

ភ្នំពេញ ៖ ជាមួយនឹងភាពវិជ្ជមាននៃការនាំចេញផលិតផលសរុប នៅត្រឹមរយៈពេល6ខែនាដើមឆ្នាំ2018 នេះ កម្ពុជានៅតែរក្សាបានកំណើនដដែល ដែលស្ថិតនៅក្នុងរង្វង់ជាង5ភាគរយ បើធៀបទៅនឹងរយៈពេលដូចគ្នាកាលពីឆ្នាំ2017កន្លងទៅ ។

យោងតាមរបាយការណ៍របស់អគ្គនាយកដ្ឋានសេវានាំចេញនាំចូលនៃក្រសួងពាណិជ្ជកម្មបានបង្ហាញថា នៅត្រឹមឆមាសទី1 នៃឆ្នាំ2018 ការនាំចេញពីកម្ពុជាទៅកាន់ទីផ្សារអន្តរជាតិសរុបប្រមាណជាង 5ពាន់លានដុល្លារអាមេរិក កើនឡើងប្រមាណ 5,70 % បើធៀបនឹងរយះដូចគ្នាក្នុងឆ្នាំ2017 ដែលមានត្រឹមប្រមាណជិត 4ពាន់លានដុល្លារអាមេរិក។
ផ្អែកតាមរបាយការណ៍ដដែល ដែលទទួលបានកាលពីព្រឹកថ្ងៃទី01 ខែសីហា ឆ្នាំ2018នេះ បានឱ្យដឹងថា ការនាំចេញពីកម្ពុជាគិតជាទឹកប្រាក់សរុបប្រមាណជាង 5,2លានដុល្លារអាមេរិក ដែលក្នុងនោះរួមមានទំនិញផ្នែក វាយនភណ្ឌ សម្លៀកបំពាក់ ស្បែកជើង និងអង្ករជាដើម ឆ្ពោះទៅកាន់ទីផ្សារ សហរដ្ឋអាមេរិក សហគមអឺរ៉ុប កាណាដា និងជប៉ុន ។ល។

លោក ហូ ស៊ីយ៉ុង ប្រធាននាយកដ្ឋាននាំចេញនាំចូលនៃក្រសួងពាណិជ្ជកម្មកម្ពុជា​បានប្រាប់ឱ្យដឹងថា ការបញ្ជារទិញនៅឆ្នាំនេះអាចកើនឡើងរង្វង់ជាង10% ក្នុងនោះមានម៉ាកល្បីៗទូទាំងពិភពលោក រួមមាន អាឌីដាស (Addidas) និង ហាសអេនអឹម (H&M) ជាដើម។ លោកបញ្ជាក់ទៀតថា ការបញ្ជារទិញ ក៏ដូចជាការនាំចេញរបស់កម្ពុជានឹងនៅតែល្អប្រសើរថែមទៀត បើទោះបីជាការបោះឆ្នោតត្រូវបានបញ្ចប់ ខណៈដែលប្រទេសកម្ពុជានៅតែរក្សាបានកំណើនសេដ្ឋកិច្ចដ៏រឹងមាំ ជាពិសេស ស្ថិរភាពនយោបាយនៅតែរក្សាបានភាពល្អប្រសើរ ៕

ដោយ វុត្ថា
ភ្នំពេញៈ រដ្ឋាភិបាលកម្ពុជាបន្តអោយពលរដ្ឋកម្ពុជាជិះកាណូតដឹកជញ្ជូនអ្នកដំណើរសាធារណៈពីព្រែកព្នៅ-ភ្នំពេញ-តាខ្មៅ មិនគិតថ្លៃសេវារហូតដល់ចុងឆ្នាំ ២០១៨ ពោល គឺរហូតដល់ខែមករាឆ្នាំ ២០១៩ទើបចាប់ផ្តើមគិតថ្លៃសេវាឡើងវិញ។

ថ្លែងប្រាប់ក្រុមអ្នកសារព័ត៌មាននៅក្នុងពិធីសម្ពោធដាក់ឲ្យដំណើរការជាផ្លូវការសេវាដឹកអ្នកដំណើរតាមផ្លូវទឹក នៅថ្ងៃទី១ ខែសីហា ឆ្នាំ២០១៨ សម្តេចនាយករដ្ឋមន្ត្រី ហ៊ុន សែន ថ្លែង ថា “ ខ្ញុំសម្រេចការប្រើប្រាស់ ជិះកាណូតនេះ ពីព្រែកព្នៅ-ភ្នំពេញ-តាខ្មៅ ដែលគ្រោងនឹងយកប្រាប់នៅថ្ងៃនេះតែម្តង ឥឡូវនេះសូមពន្យារហូតដល់ដាច់ឆ្នាំ ២០១៨ ពលរដ្ឋជិះដោយមិនចាំបាច់បង់ថ្លៃ តែ ចាប់ពីដើមខែមករា ឆ្នាំ ២០១៩ ទៅ នឹងដំណើរការយកថ្លៃ”។

សម្ដេចតេជោនាយករដ្ឋមន្ត្រីថ្លែងបន្តថាការបង្កើតឱ្យមានសេវានេះមានគោលបំណងដើម្បីពង្រីកវិស័យដឹកជញ្ជូនឱ្យមានច្រើនជម្រើស ពន្លឿនការដឹកជញ្ជូន កាត់បន្ថយការកកស្ទះចរាចរណ៍ កាត់បន្ថយគ្រោះថ្នាក់ចរាចរណ៍ អភិវឌ្ឍខឿនសេដ្ឋកិច្ចជាតិ និងប្រើឱ្យអស់លទ្ធភាព និងសក្ដានុពលនៃទន្លេនៅក្នុងប្រទេស។

លោកស៊ុន ចាន់ថុល ទេសរដ្ឋមន្ត្រី និងជារដ្ឋមន្ត្រីក្រសួងសាធារណៈការ និងដឹកជញ្ជូន បានគូសបញ្ជាក់ផងដែរថា នាវាដឹកជញ្ជូនអ្នកដំណើរសាធារណៈព្រែកព្នៅ-ភ្នំពេញ-តាខ្មៅ ត្រូវឆ្លងកាត់ចំណតនាវា ចំនួនប្រាំរួមមាន ចំណតឫស្សីកែវ ចំណតផ្សារចាស់ ចំណតចតុមុខ ចំណតច្បារអំពៅ និងចំណតក្រុងតាខ្មៅ។

បច្ចុប្បន្ន មាននាវាចំនួន៤គ្រឿងបានកំពុងប្រតិបត្តិការ ដែលនាវានីមួយៗអាចផ្ទុកអ្នកដំណើរចន្លោះពី៥៤នាក់ទៅ៦០នាក់ បើកបរក្នុងល្បឿន៤០គីឡូម៉ែត្រ ចាប់ពីម៉ោង ៥:៣០នាទីព្រឹក ដល់ម៉ោង ៦:៣០ នាទីល្ងាច ជារៀងរាល់ថ្ងៃ ពីចំណតដើមដល់ចំណតចុងប្រើរយៈពេលតិចជាង១ម៉ោង។

ចាប់តាំងពីថ្ងៃដាក់ឱ្យប្រតិបត្តិការជាបណ្ដោះអាសន្ននៅ ថ្ងៃទី០៦ ខែមេសា ឆ្នាំ២០១៨ រហូតដល់ ថ្ងៃទី២៣ ខែកក្កដា ឆ្នាំ២០១៨ មានអ្នកប្រើប្រាស់សេវានេះចំនួន ៣០ ៦៤៧នាក់ គិតជាមធ្យម ២០០នាក់ក្នុង១ថ្ងៃ លើសពីនេះទៀត អ្នកប្រើប្រាស់សេវានេះ ទាំងជាតិនិងអន្តរជាតិបានសម្តែងសេចក្តីសាទរចំពោះសមិទ្ធផលដ៏ថ្មីស្រឡាងមួយនេះរបស់ប្រទេសជាតិ៕

ដោយ រ៉ាវី

ភ្នំពេញ៖ ខណ:ដែលគ្រឹះស្ថានធនាគារ នៅតែបន្តរីកចម្រើនជាបន្តបន្ទាប់គួរកត់សម្គាល់នោះ បានធ្វើឱ្យទ្រព្យសកម្មរបស់វិស័យធនាគារ មានកំណើនកើនឡើងរហូតប្រមាណជាង១៦,២% ស្មើនឹង៣១ប៊ីលានដុល្លារអាមេរិក ខណៈដែលឥណទានបានកើនឡើងប្រមាណ១៦,៤ ដល់៧០,៦ទ្រីលានរៀល។

យោងតាមរបាយការណ៍ធនាគារជាតិនៃកម្ពុជា នៅក្នុងឆមាសទី១ ឆ្នាំ២០១៨នេះ ដើមទុនមានកំណើនប្រមាណ២២,៧% ដល់១៤,៨ទ្រីលានរៀល ក្នុងនោះកំណើនមូលនិធិកម្ចីប្រមាណ៣៣% កើនឡើងដល់៦,៦ទ្រីលានរៀល និងកំណើនប្រាក់បញ្ញើកើនដល់ប្រមាណ ២១,៥% ដល់៧៧,៨៨ទ្រីលានរៀល។

គ្រឹះស្ថានធនាគារ បានពង្រីកការផ្តល់សេវាឱ្យកាន់តែទូលំទូលាយ និងមានភាពងាយស្រួលជាងមុន តាមរយៈការពង្រីកសាខារហូតល់៨៦២សាខា ម៉ាស៊ីដកប្រាក់និងដាក់ប្រាក់ស្វ័យប្រវត្តិ(ATM)កើនដល់១,៥៩៣ម៉ាស៊ីន។ ចំនែកការប្រើប្រាស់ប័ណ្ណឥណ ទាននិងប័ណ្ណឥណពន្ឋ មានការកើនឡើងគួរឱ្យកត់សម្គាល់ ជាមួយនឹងកំណើន៣៦,៦% ដល់៨៨,៥៣៣ ប័ណ្ណ និង១៦,៤% ដល់១,៩លានប័ណ្ណ។

ឥណទានជាប្រភពទុនយ៉ាងសំខាន់ ដែលគាំទ្រដល់ការបង្កើត និងពង្រីកអាជីវកម្មនិងតម្រូវការប្រើប្រាស់ ដែលជាកត្តារួមចំណែកយ៉ាងសំខាន់ ក្នុងដំណើរការអភិវឌ្ឍន៍សេ​ដ្ឋកិច្ចកម្ពុជា និងការបន្ថយភាពក្រីក្រ។

ឥណទានរបស់គ្រឹះស្ថានធនាគារ បានរួមចំណែកទៅលើវិស័យផ្សេងៗនៃសេដ្ឋកិច្ចរួមមាន៖ ការលក់រាយ១៧,៤% ការលក់បោះដុំកើន ១១,៧% កសិកម្ម រុក្ខាប្រមាញ់នេសាទកើន ៩,៤% សំណង់កើន ៩,៥% ការឱ្យខ្ចីទិញផ្ទះជាកម្មសិទ្ឋិផ្ទាល់ខ្លួន ៩,៤% សេវាកម្មមិនមែនរហិរញ្ញវត្ថុផ្សេងៗទៀត ៧,១% កម្មន្តសាល ៥.៩% ការជួញដូរអចលនទ្រព្យ ៦,៣% សណ្ឋាគារនិងភោជនីយដ្ឋាន៤,៥% និងវិស័យផ្សេងៗ១៨%។

លោកបណ្ឌិតម៉ី កល្យាណទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានថ្លែងថា សុខភាពក្នុងវិស័យធនាគារនៅកម្ពុជា នៅតែមានភាពរីកចម្រើននិងឆ្ពោះទៅមុខ​ដោយរ៉ឹងមាំ ដោយសារគោលនយោបាយម៉ាក្រូសេដ្ឋកិច្ចរបស់រដ្ឋាភិបាលផង និងការចូលមកដល់នៃធនាគារថ្មីៗកាន់តែច្រើនផង។លោកបន្តថា ការចូលមកដល់នៃធនាគារថ្មីៗ ធំៗ បាននាំមកនូវបច្ចេកវិទ្យាថ្មីៗ ដែលរួមចំណែកជួយពង្រឹងប្រព័ន្ឋធនាគារកាន់តែប្រ​សើរ។

លោកបន្តថា “បច្ចេកវិទ្យាថ្មីៗមិនត្រឹមជួយសម្រួល និងពង្រីកការអភិវឌ្ឈក្នុងវិស័យនេះទេ តែវិស័យនេះក៏បានចូលរួមបណ្តុះបណ្តាលធនធានមនុស្សកម្ពុជា ឲ្យមានសមត្ថភា ពកាន់តែល្អប្រសើរផងដែរ”៕