តើតំបន់សេដ្ឋកិច្ចពិសេសខេត្តព្រះសីហនុក្រោមការវិនិយោគរួមគ្នាដោយចិន និងកម្ពុជា សម្រេចបានវឌ្ឍនភាពអ្វីខ្លះ?

January 8, 2025

ដោយ: គង់ លាងហួរ
ភ្នំពេញ: យោងតាមទិន្នន័យគយ ដែលបានចេញផ្សាយនៅដើមសប្តាហ៍នេះបានឱ្យដឹងថា ទំហំនៃការនាំចូល និងការនាំចេញឆ្លងកាត់តំបន់សេដ្ឋកិច្ចពិសេសខេត្តព្រះសីហនុ (SSEZ) ក្នុងប្រទេសកម្ពុជាសម្រេចបានវឌ្ឍនភាពល្អប្រសើរបំផុត។

ទិន្នន័យបានបង្ហាញថា ទំហំពាណិជ្ជកម្មសរុបរបស់សហគ្រាសនៅក្នុងតំបន់សេដ្ឋកិច្ចពិសេសបានកើនឡើងដល់ទំហំទឹកប្រាក់ចំនួន៤,០៧ពាន់លានដុល្លារអាមេរិកកាលពីឆ្នាំមុន កើនឡើង២១,៣ភាគរយធៀបនឹងឆ្នាំ២០២៣។

តំបន់សេដ្ឋកិច្ចពិសេសខេត្តព្រះសីហនុជាគម្រោងដ៏លេចធ្លោមួយក្រោមគំនិតផ្តួចផ្តើមខ្សែក្រវ៉ាត់ និងផ្លូវ (BRI) របស់ប្រទេសចិន តាមរយៈការវិនិយោគរួមគ្នាដោយវិនិយោគិនចិន និងកម្ពុជា។

ប្រតិបត្តិករតំបន់ SSEZ បានបញ្ជាក់នៅក្នុងសេចក្តីប្រកាសព័ត៌មានថា បច្ចុប្បន្ន តំបន់នេះមានលក្ខណៈពិសេសនៃការអភិវឌ្ឍន៍ប្រកបដោយគុណភាពខ្ពស់ និងការលើកកម្ពស់ការរួមបញ្ចូលឧស្សាហកម្ម និងទីក្រុង។

សេចក្តីប្រកាសព័ត៌មានបានបន្តថា ការសាងសង់តំបន់សេដ្ឋកិច្ចពិសេសខេត្តព្រះសីហនុ (SSEZ) កម្រិត២.០ បានបោះជំហានយ៉ាងធំឆ្ពោះទៅកាន់កម្រិតថ្មីមួយ។

តំបន់ដែលមានទំហំ១១គីឡូម៉ែត្រការ៉េនេះបានទាក់ទាញបណ្តាសហគ្រាសថ្មីចំនួន២៨ ក្នុងឆ្នាំ២០២៤ ដែលនាំឱ្យចំនួនសហគ្រាសសរុបនៅក្នុងតំបន់នេះកើនឡើងដល់ចំនួន២០២ ជាមួយនឹងការបង្កើតការងារប្រហែល៣២.០០០កន្លែង។

សហគ្រាសទាំងនោះមានប្រភពមកពីប្រទេសចិន បណ្តាប្រទេសនៅតំបន់អឺរ៉ុប សហរដ្ឋអាមេរិក និងបណ្តាប្រទេសនៃតំបន់អាស៊ាន ក្នុងចំណោមប្រទេស និងតំបន់ផ្សេងទៀត។

សេចក្តីប្រកាសព័ត៌មានបានបន្ថែមថា“តំបន់សេដ្ឋកិច្ចពិសេសបានបញ្ចូលសន្ទុះថ្មីក្នុងការពង្រឹងក្របខណ្ឌកិច្ចសហប្រតិបត្តិការត្បូងពេជ្រចិន-កម្ពុជា និងការកសាងច្រករបៀងអភិវឌ្ឍន៍
ឧស្សាហកម្មរបស់កម្ពុជា”។

លោក នាគ ចាន់ដារិទ្ធ ប្រធានមជ្ឈមណ្ឌលស្រាវជ្រាវផ្លូវសូត្រសមុទ្រសតវត្សរ៍ទី ២១ នៃកម្ពុជា បានមានប្រសាសន៍ឱ្យដឹងថា តំបន់ SSEZ មានទីតាំងនៅជិតកំពង់ផែស្វយ័តក្រុងព្រះសីហនុ ដែលបង្កភាពងាយស្រួលសម្រាប់ការផ្លាស់ប្តូរពាណិជ្ជកម្មរវាងកម្ពុជា និងពិភពលោក។

លោកបានថ្លែងប្រាប់សារពត៌មាន Xinhua ថា “តំបន់សេដ្ឋកិច្ចពិសេសនេះបានរួមចំណែកក្នុងការជំរុញកំណើនសេដ្ឋកិច្ចរបស់ប្រទេសកម្ពុជា និងបង្កើតការងារជាច្រើនសម្រាប់ប្រជាពលរដ្ឋក្នុងតំបន់មូលដ្ឋាន”។

ការអភិវឌ្ឍន៍តំបន់ SSEZ រួមជាមួយនឹងការកសាងគម្រោងហេដ្ឋារចនាសម្ព័ន្ធសំខាន់ៗផ្សេងទៀតក្រោមគំនិតផ្តួចផ្តើម BRI បាននិងកំពុងដើរតួនាទីយ៉ាងសំខាន់ ក្នុងការជួយឱ្យកម្ពុជាសម្រេចបាននូវគោលដៅប្រកបដោយមហិច្ឆតារបស់ខ្លួនក្នុងការក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០។

លោក សុឺន សំ អ្នកវិភាគគោលនយោបាយនៅរាជបណ្ឌិត្យសភាកម្ពុជា បានមានប្រសាសន៍ឱ្យដឹងថា តំបន់ SSEZ ជាកត្តាមួយដ៏សំខាន់សម្រាប់ជំរុញការអភិវឌ្ឍន៍កំណើនសេដ្ឋកិច្ច និងពាណិជ្ជកម្មរបស់កម្ពុជា។

លោកបានបញ្ជាក់ថា “តំបន់ SSEZ ជាលទ្ធផលផ្លែផ្កានៃគម្រោង BRI នៅក្នុងប្រទេសកម្ពុជា។ តំបន់សេដ្ឋកិច្ចពិសេសនេះបានទាក់ទាញលំហូរវិនិយោគផ្ទាល់ពីបរទេសយ៉ាងច្រើន និងបានជំរុញវិស័យផលិតកម្មរបស់កម្ពុជា ដែលនាំទៅដល់ការបង្កើតការងារ និងកំណើននៃការនាំចេញ”៕ប្រភព: Xinhua៕

តម្លៃហាងឆេងមាសបានធ្លាក់ថ្លៃចុះនៅថ្ងៃពុធនេះ

January 8, 2025

ដោយ: គង់ លាងហួរ
អន្តរជាតិ: តម្លៃហាងឆេងមាសបានធ្លាក់ថ្លៃចុះក្នុងការជួញដូរនៅព្រឹកថ្ងៃពុធនេះ ខណៈក្រុមអ្នកវិនិយោគរំពឹងថា ធនាគារកណ្តាលអាមេរិក(Fed)នឹងអាចពន្យឺតល្បឿននៃការកាត់បន្ថយអត្រាការប្រាក់របស់ខ្លួន បន្ទាប់ពីទិន្នន័យនានាបានបង្ហាញថា ស្ថានភាពសេដ្ឋកិច្ច និងទីផ្សារការងាររបស់សហរដ្ឋអាមេរិកនៅតែមានស្ថិរភាព។

តួយ៉ាង តម្លៃមាស Spot Gold បានធ្លាក់ចុះ០,១១ភាគរយដល់២៦៤៦,៤៤ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,១៦ភាគរយដល់២៦៦១,១០ដុល្លារក្នុងមួយអោនគិតត្រឹមម៉ោង១០:៣៧នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៩៥,២ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី២៩ ខែមករានេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់១០៨,៦៥ពិន្ទុនៅព្រឹកថ្ងៃពុធនេះបន្ទាប់ពីបិទការជួញដូរត្រឹម១០៨,៥៤ពិន្ទុកាលពីថ្ងៃអង្គារម្សិលមិញ។

ចំណែក តម្លៃលោហៈធាតុប្រាក់ Spot silver បានធ្លាក់ចុះ០,១២ភាគរយដល់៣០,៦៥ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,៣ភាគរយដល់៩៧៣,៨ដុល្លារក្នុងមួយអោន ហើយតម្លៃ palladium បានធ្លាក់ចុះ០,២៧ភាគរយដល់៩២៥,៥ដុល្លារក្នុងមួយអោនគិតត្រឹមម៉ោង១០:៣៩នាទីព្រឹក៕

អារ៉ាប៊ីសាអូឌីតបោះទុនវិនិយោគលើមនុស្សយន្ត ដើម្បីជួយកសាងទីក្រុងខ្នាតយក្ស Neom លើតំបន់វាលខ្សាច់ របស់ខ្លួន

January 8, 2025

ដោយ: គង់ លាងហួរ
អន្តរជាតិ: ប្រទេសអារ៉ាប៊ីសាអូឌីតបានប្រើប្រាស់មនុស្សយន្ត ដែលបំពាក់ដោយបច្ចេកវិទ្យាទំនើបជាន់ខ្ពស់ដើម្បីបង្កើនប្រសិទ្ធភាព និងពន្លឿនការស្ថាបនាទីក្រុងអនាគតធំៗនៅលើតំបន់វាលខ្សាច់ដ៏ធំល្វឹងល្វើយ ក្រោមចក្ខុវិស័យប្រកបដោយមហិច្ឆតា។

ជាក់ស្តែង គម្រោងទីក្រុងខ្នាតយក្ស Neom នឹងអាចដឹកនាំផែនការជំរុញរបស់អារ៉ាប៊ីសាអូឌីត ក្នុងការធ្វើពិពិធកម្មសេដ្ឋកិច្ចរបស់ខ្លួន ដែលពឹងផ្អែកលើធនធានប្រេងទៅកាន់វិស័យទេសចរណ៍ ខណៈការប្រើប្រាស់ឥន្ធនៈហ្វូស៊ីលនឹងត្រូវបានកាត់បន្ថយដោយជៀសមិនរួចនៅក្នុងរយៈពេលប៉ុន្មានឆ្នាំខាងមុខនេះ។

ហេដ្ឋារចនាសម្ព័ន្ធមួយចំនួន ដែលស្ថិតនៅក្រោមក្របខណ្ឌនៃគម្រោងទីក្រុង Neom នេះរួមមានទីក្រុង “The Line” និងអគារភ្លោះខ្ពស់កប់ពពក “Epicon” ។

ជាធម្មតា ការស្ថាបនាគម្រោងខ្នាតយក្សបែបនេះត្រូវចំណាយសម្ភារៈច្រើន ហើយក៏ទាមទារកម្លាំងពលកម្មច្រើនផងដែរ។

ដើម្បីកាត់បន្ថយទាំងចំនួនសម្ភារៈសំណង់ និងកម្លាំងមនុស្ស ប្រទេសមហាសេដ្ឋីប្រេងមួយនេះបានងាកទៅប្រើប្រាស់មនុស្សយន្តស្វ័យប្រវត្តិដើម្បីជួយពន្លឿនប្រសិទ្ធិភាព និងពេលវេលា។

ជាក់ស្ដែង មូលនិធិវិនិយោគ Neom (NIF) ក្នុងនាមជាស្ថាប័នវិនិយោគយុទ្ធសាស្ត្ររបស់គម្រោងទីក្រុង Neom បានបោះទុនវិនិយោគយ៉ាងធំនៅក្នុងក្រុមហ៊ុនផលិតមនុស្សយន្តរបស់អឺរ៉ុប GMT Robotics។

លោក Ulrich Deichmann នាយកប្រតិបត្តិក្រុមហ៊ុន GMT Robotics បានលើកឡើងថា “អត្ថប្រយោជន៍នៃការប្រើប្រាស់មនុស្សយន្តនៅក្នុងវិស័យសំណង់មានច្រើនណាស់ រួមមានការបង្កើនប្រសិទ្ធភាពការងារ កាត់បន្ថយថ្លៃចំណាយប្រតិបត្តិការ កែលម្អសុខភាព និងសុវត្ថិភាព និងបង្កើនភាពបត់បែននៃការរចនាម៉ូដ”៕ប្រភព: New Atlas៕

តើរឿងវិជ្ជមានអ្វីខ្លះកំពុងកើតមានលើវិស័យអចលនទ្រព្យ នៅឆ្នាំ២០២៥

January 8, 2025

ដោយៈ ស៊ីវ ម៉េង

ភ្នំពេញៈ ទាំងអ្នកជំនាញជាតិ អន្តរជាតិសុទ្ឋតែមានសុទិដ្ឋិនិយម សម្រាប់ទីផ្សារអចលនទ្រព្យសម្រាប់ឆ្នាំនេះ ជាមួយនឹងការដាក់ចេញនូវវិធានការណ៍ និងគោលការណ៍លើកទឹកចិត្តជាច្រើនពីរដ្ឋាភិបាល។

គោលនយោបាយសំខាន់ៗទាំងនោះ នឹងជួយជម្រុញឲ្យទីផ្សារនេះងើបឡើងវិញ។

ការលើកលែងពន្ឋប្រថាប់ត្រាដល់ចុងឆ្នាំ២០២៥

ប្រមុខរាជរដ្ឋាភិបាលកម្ពុជា សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា ក្នុងពេលអញ្ជើញបិទសន្និបាត ការងាររបស់ក្រសួងរៀបចំដែនដី នគរូបនីយកម្ម និងសំណង់កាលពីពេលថ្មីៗនេះ បានប្រកាសលើកលែងពន្ឋប្រថាប់ត្រា ដល់អ្នកទិញផ្ទះនៅតាមបុរីនានា ដែលមានតម្លៃចាប់ពី៧ម៉ឺនដុល្លារចុះ និងលើកលែងពន្ឋលើអតិថិជន ដែលទិញផ្ទះលើកទី១ សម្រាប់អចលនទ្រព្យ ដែលមានតម្លៃ២១ម៉ឺនដុល្លារចុះ។

ការដោះស្រាយបញ្ហាក្នុងវិស័យនេះ

រដ្ឋាភិបាលតាមរយៈក្រសួងរៀបចំដែនដី នគរូបនីយកម្ម និងសំណង់បាន និងកំពុងដោះស្រាយបញ្ហាលើគំរោងបុរី ដីឡូត៍ ខុនដូ និងផ្សារចំនួនជាង១០០ករណី ជាលទ្ឋផល គំរោងជា៥០ភាគរយបានដោះស្រាយបញ្ចប់រវាងអ្នកអភិវឌ្ឍន៍ និងអតិថិជន។

សម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបាន អំពាវនាវឲ្យភាគីពាក់ព័ន្ឋទាំងអស់ សូមអត់ធ្មត់ និងដោះស្រាយបញ្ហានេះដោយសន្តិវិធី។

ការទម្លាក់អត្រាការប្រាក់ពី១២ មក៨ភាគរយ

ក្រុមការងារឯកជនផ្នែកសំណង់ និងអចលនទ្រព្យ ដែលដឹកនាំដោយលោកឧបនាយករដ្ឋមន្រ្តីសាយ សំអាល់ បានដឹកនាំស្ថាប័នជំនាញពាក់ព័ន្ឋ ធនាគារពាណិជ្ជនានា ដើម្បីរិះរកវិធីសាស្រ្ត ដើម្បីជម្រុញការផ្តល់ឥណទានក្នុងវិស័យនេះ ពិសេសជួយអ្នកអភិវឌ្ឍន៍លំនៅដ្ឋាន ទទួលបានឥណទានយកមកអភិវឌ្ឍន៍ឡើងវិញ ជាមួយការបន្ឋូរបន្ថយលក្ខខ័ណ្ឌក្នុងការផ្តល់ឥណទាន។

អ្វីកាន់តែពិសេសធនាគារពាណិជ្ជនានា បានសម្រេចបញ្ចុះអត្រាការប្រាក់ពី១២ មកត្រឹម៨ភាគរយ សម្រាប់អ្នកទិញលំនៅដ្ឋាននានា។

អ្នកទិញលំនៅដ្ឋានអាចសងត្រលប់រយៈពេលដល់៣០ឆ្នាំ

រដ្ឋាភិបាលតាមរយៈក្រសូង ស្ថាប័នពាក់ព័ន្ឋ បាននិងកំពុងធ្វើការរួមគ្នា ដើម្បីឲ្យអតិថិជនដែលមានបំណងទិញផ្ទះ និងទិញផ្ទះហើយមានបញ្ហាបំណុល អាចទទួលបានអត្រាការប្រាក់ទាបជាងមុន និងរយៈពេលសងត្រលប់ចន្លោះពី២៥ទៅ៣០ឆ្នាំ។

ក្នុងកិច្ចប្រជុំកាលពីសប្តាហ៍មុន ក្រោមការដឹកនាំដោយលោកឧបនាយលរដ្ឋមន្រ្តីសាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងមានការចូលរួមពីលោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានដឹកនាំគណៈប្រតិភូធនាគារជាតិនៃកម្ពុជា ចូលរួមកិច្ចប្រជុំជាមួយក្រុមការងារផ្នែកសំណង់ និងអចលនទ្រព្យ ផ្នែកឯកជន “ក្រុមឌ” នៃវេទិការាជរដ្ឋាភិបាល-ផ្នែកឯកជន ដឹកនាំដោយលោកអ្នកឧកញ៉ាលី ហួរ ប្រធានសមាគមអ្នកអភិវឌ្ឍលំនៅឋានកម្ពុជា និងស្ថាប័នពាក់ព័ន្ឋជាច្រើនទៀត។

រដ្ឋាភិបាលអនុញ្ញាត្តឲ្យមានការទូទាត់រូបិយប័ណ្ណគ្រីបតូផ្លូវការ

រដ្ឋាភិបាលតាមរយៈធនាគារជាតិនៃកម្ពុជា កាលពីថ្ងៃទី២៧ ធ្នូ ឆ្នាំ២០២៤ បានចេញសេចក្តីប្រកាសលេខធ៧០២៥៧៣៥ ចុះថ្ងៃទី២៦ ធ្នូ បានចេញសេចក្តីប្រកាសស្ដីពី ប្រតិបត្តិការពាក់ព័ន្ធនឹងទ្រព្យសកម្មគ្រីបតូ។

តាមរយៈសេចក្តីប្រកាសនេះ ស្ថាប័ននេះបានលើកឡើងថា ធនាគារជាតិនៃកម្ពុជា សម្រេចដាក់ឱ្យអនុវត្តប្រកាសស្តីពី ប្រតិបត្តិការពាក់ព័ន្ធនឹងទ្រព្យសកម្មគ្រីបតូ ក្នុងគោលបំណងគ្រប់គ្រងប្រតិបត្តិការនិងអាជីវកម្មពាក់ព័ន្ធនឹងទ្រព្យសកម្មគ្រីបតូ ក្រុម១ ស្របតាមច្បាប់ស្ដីពី គ្រឹះស្ថានធនាគារនិងហិរញ្ញវត្ថុ។ ប៉ុន្តែប្រកាសនេះមិនអនុញ្ញាតឱ្យធនាគារពាណិជ្ជកាន់កាប់ទ្រព្យសកម្មគ្រីបតូ ក្រុម២ ដែលជាប្រភេទទ្រព្យសកម្មគ្រីបតូមិនមានការធានា (Unbacked Cryptoassets) និងមានហានិភ័យខ្ពស់ ដូចជា ប៊ីតខ័ញ (Bitcoin) នោះទេ។

ប្រកាសនេះអនុញ្ញាតឱ្យធនាគារពាណិជ្ជ និងគ្រឹះស្ថានផ្ដល់សេវាទូទាត់សងប្រាក់ ដែលស្ថិតក្រោមអាណាព្យាបាល របស់ធនាគារជាតិនៃកម្ពុជា ព្រមទាំងនីតិបុគ្គលផ្សេងទៀត ធ្វើប្រតិបត្តិការពាក់ព័ន្ធនឹងទ្រព្យសកម្មគ្រីបតូ ដោយត្រូវស្នើសុំការអនុញ្ញាត ឬ អាជ្ញាបណ្ណជាមុនពីធនាគារជាតិនៃកម្ពុជា។

បន្ទាប់ពីទទួលបានការអនុញ្ញាតពីធនាគារជាតិនៃកម្ពុជា ធនាគារពាណិជ្ជ អាចមានកាន់កាប់ទ្រព្យសកម្មគ្រីបតូ ដែលមានការធានានិងសុវត្ថិភាពខ្ពស់ ដូចជា៖

– ប្រភេទទ្រព្យសកម្មគ្រីបតូ ក្រុម១ក (ថូខិនទ្រព្យសកម្មប្រពៃណី -Tokenized Traditional Assets) ដែលមានលក្ខណៈស្រដៀងនឹងឧបករណ៍ហិរញ្ញវត្ថុធម្មតា និងប្រភេទទ្រព្យសកម្មគ្រីបតូ ក្រុម១ខ ដែលជាស្ដេប៊លខ័ញ (Stablecoin) មានយន្តការស្ថិរភាពប្រកបដោយប្រសិទ្ធភាព។

ការអនុញ្ញាត្តឲ្យចរាចរណ៍លុយគ្រីបតូនឹងទាក់ទាញការវិនិយោគ

ការអនុញ្ញាត្តឲ្យមានការទូទាត់រូបិយប័ណ្ណគ្រីបតូ ជាយុទ្ឋសាស្រ្តដ៏វាងវៃមួយរបស់រដ្ឋាភិបាល ខណៈបណ្តាប្រទេសនានា ក្នុងតំបន់អាស៊ី មិនទាន់សម្រេចចិត្តលើរឿងនេះជាក់លាក់នៅឡើយ។

លោកយិន លាងគង់ប្រធានសមាគមសហគ្រិនសារព័ត៌មានសេដ្ឋកិច្ចកម្ពុជា ដែលបានកំពុងសិក្សាលើរឿងនេះ បានលើកឡើងកាលពីថ្ងៃទី៧ មករា ឆ្នាំ២០២៥ថា ការប្រកាសនេះ នឹងធ្វើឲ្យកម្ពុជាទាក់ទាញទុនវិនិយោគ ពីបរទេសយ៉ាងច្រើននៅពេលឆាប់ៗនេះ ប៉ុន្តែវាទាមទារឲ្យកម្ពុជាត្រៀមខ្លួនរួចរាល់ផងដែរ ដោយសារឧស្សាហកម្មគ្រីបតូ ជារឿងរសើប និងថ្មីមួយសម្រាប់គ្រឹះស្ថានហិរញ្ញវត្ថុនានា និងប្រជាពលរដ្ឋកម្ពុជាលើសលុបផងដែរ។

លោកបញ្ជាក់ថា “ធម្មតាទឹកជំនន់កើតមាន និងហូរមកដល់ទីណាមួយទាល់តែមានភ្លៀង និងព្យុះ។ ដូចគ្នានេះដែរ ដើម្បីកម្ពុជាទាក់ទាញទុនវិនិយោគកាន់តែច្រើនពីអ្នកកាន់លុយគ្រីបតូ ទាមទារឲ្យកម្ពុជារៀបចំស្ថាប័ន និងធនធានមនុស្សឲ្យបានលឿន និងរួចរាល់សិន ទើបអ្វីៗនឹងមកដល់ ហើយយើងទទួលបានផលនោះ”។

អ្នកអភិវឌ្ឍន៍ក្នុងស្រុកចាប់ផ្តើមបញ្ចេញសកម្មភាព

បណ្តាអ្នកអភិវឌ្ឍន៍ខ្នាតធំ និងមធ្យមបានចាប់ផ្តើមបញ្ចេញសកម្មភាពលើការអភិវឌ្ឍន៍គំរោងលំនៅដ្ឋាន ទីក្រុងរណប សួនឧស្សាហកម្ម តំបន់សេដ្ឋកិច្ច ពិសេសកាន់តែច្រើននៅដើមឆ្នាំ២០២៥នេះ។

ជាក់ស្តែងក្រុមហ៊ុនធំមួយ បានប្រកាសសាងសង់ទីក្រុងរណបMekong Quay នៅទីក្រុងរណបអរិយក្សត្រ លើទំហំផ្ទៃដីជាង២០០ហិកតា ដែលពិធីបើកការដ្ឋានសាងសង់ធ្វើឡើង ក្រោមអធិបតីភាពសម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា។

ជាមួយគ្នានេះ បុរីធៗដូចជាបុរីប៉េង ហូតសាខាបឹងស្នោ បានចាប់ផ្តើមគំរោងថ្មីរបស់ខ្លួន បុរីវិមានសំណាង បុរីជីប ម៉ុងជាដើមបាននិងកំពុងចាប់ផ្តើមគំរោងថ្មីៗរបស់ខ្លួនផងដែរ ដោយរំពឹងទីផ្សារនេះនឹងមានសភាពប្រសើរឡើងនៅឆ្នាំ២០២៥នេះ។

ជាមួយគ្នានេះ អ្នកមានលទ្ឋភាពខ្ពស់ឬអ្នកមានប្រាក់ បាននិងកំពុងចាប់ផ្តើមសម្លឹង ឱកាសវិនិយោគក្នុងវិស័យនេះ ពិសេសលើទីផ្សារដីធ្លី ដែលមានលក្ខខ័ណ្ឌតម្លៃ និងទីតាំងល្អ៕

អ្នកិញផ្ទះអាចប្រើប្រាស់ឥណទានពីធនាគារដែលមានការប្រាក់ទាបជាងមុន និងមានរយៈពេលសងត្រលប់រហូតដល់៣០ឆ្នាំ

January 8, 2025

ដោយៈ ស៊ីវ ម៉េង

ភ្នំពេញៈ រដ្ឋាភិបាលតាមរយៈក្រសូង ស្ថាប័នពាក់ព័ន្ឋ បាននិងកំពុងធ្វើការរួមគ្នា ដើម្បីឲ្យអតិថិជនដែលមានបំណងទិញផ្ទះ និងទិញផ្ទះហើយមានបញ្ហាបំណុល អាចទទួលបានអត្រាការប្រាក់ទាបជាងមុន និងរយៈពេលសងត្រលប់ចន្លោះពី២៥ទៅ៣០ឆ្នាំ។

ក្នុងកិច្ចប្រជុំកាលពីសប្តាហ៍មុន ក្រោមការដឹកនាំដោយលោកឧបនាយលរដ្ឋមន្រ្តីសាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងមានការចូលរួមពីលោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា បានដឹកនាំគណៈប្រតិភូធនាគារជាតិនៃកម្ពុជា ចូលរួមកិច្ចប្រជុំជាមួយក្រុមការងារផ្នែកសំណង់ និងអចលនទ្រព្យ ផ្នែកឯកជន “ក្រុមឌ” នៃវេទិការាជរដ្ឋាភិបាល-ផ្នែកឯកជន ដឹកនាំដោយលោក អ្នកឧកញ៉ា លី ហួរ ប្រធានសមាគមអ្នកអភិវឌ្ឍលំនៅឋានកម្ពុជា និងស្ថាប័នពាក់ព័ន្ឋជាច្រើនទៀត។

កិច្ចប្រជុំនេះមានការចូលរួម ពីម្ចាស់ក្រុមហ៊ុនអភិវឌ្ឍន៍អចលនទ្រព្យ (ម្ចាស់បុរី) ប្រធានសមាគមធនាគារនៅកម្ពុជា ប្រធានសមាគមមីក្រូហិរញ្ញវត្ថុកម្ពុជា និងតំណាងមកពីគ្រឹះស្ថានធនាគារនិងហិរញ្ញវត្ថុ ក្នុងគោលបំណងពិភាក្សា លើបញ្ហាប្រឈមនានាក្នុងវិស័យសំណង់និងអចលនទ្រព្យ ជាពិសេសការស្វែងរកដំណោះស្រាយ ចំពោះបញ្ហារបស់អតិថិជន ដែលទិញផ្ទះបង់រំលស់ ជាមួយក្រុមហ៊ុនអភិវឌ្ឍន៍អចលនទ្រព្យ (ម្ចាស់បុរី)។

អង្គប្រជុំក៏បានពិភាក្សាលើការស្វែងរកលទ្ធភាព ក្នុងការផ្ទេរអតិថិជនទាំងនោះ ទៅគ្រឹះស្ថានធនាគារនិងហិរញ្ញវត្ថុ ដែលជាទូទៅផ្តល់ជូនឥណទានដែលមានអត្រាការប្រាក់ទាបជាង និងមានការវាយតម្លៃលទ្ធភាពសងត្រលប់បានល្អប្រសើរជាង។

កិច្ចសម្របសម្រួលនេះ នឹងជួយម្ចាស់បុរីដែលជាប់គាំងទុនបង្វិល បានទទួលដើមទុនមកវិញ ដើម្បីបន្តការអភិវឌ្ឍរបស់ពួកគេ ហើយក៏នឹងជួយអតិថិជន ឱ្យទទួលបានឥណទានទិញផ្ទះ ពីគ្រឹះស្ថានធនាគារ ដែលមានការប្រាក់ទាបជាង និងមានរយៈពេលសងត្រលប់យូរជាងរហូតដល់ទៅ២៥ឆ្នាំ ឬ៣០ឆ្នាំ។

លោកជំទាវបណ្ឌិត ជា សិរី បានលើកឡើងពីការបន្ធូរបន្ថយបទប្បញ្ញត្តិមួយចំនួននាពេលកន្លងមក ដើម្បីផ្តល់លទ្ធភាពដល់គ្រឹះស្ថានធនាគារនិងហិរញ្ញវត្ថុ ក្នុងការផ្តល់លក្ខខណ្ឌអនុគ្រោះដល់អតិថិជនទទួលឥណទាន ដែលរួមមានដូចជាការអនុញ្ញាត ឱ្យរៀបចំឥណទានឡើងវិញ ការពន្យាររយៈពេលសងត្រលប់ និងការសម្រួលក្នុងការផ្តល់ឥណទានការប្រាក់ទាប សម្រាប់អ្នកទិញផ្ទះលើកដំបូងជាដើម។

លោកជំទាវទេសាភិបាលបានលើកឡើងថា នឹងបន្តផ្តល់កិច្ចសម្របសម្រួលនានាបន្ថែមទៀត ស្របតាមភាពចាំបាច់ជាក់ស្តែង និងបានជំរុញឱ្យអង្គប្រជុំលើកឡើង ពីកត្តាប្រឈមជាក់ស្តែង ដើម្បីកំណត់បញ្ហាបានត្រឹមត្រូវផងដែរ។

លោកសាយ សំអាល់ បានលើកឡើងពីការកំណត់បញ្ហាត្រូវចំណុចចេញពីកិច្ចប្រជុំនេះ ដោយបានបញ្ជាក់ថា នឹងបង្កើតក្រុមការងារ ដែលមានសមាសភាពពីគ្រប់ភាគីពាក់ព័ន្ធ ដើម្បីបន្តធ្វើការលើបញ្ហាជាក់ស្តែងនីមួយៗឱ្យបានលម្អិត សំដៅរកដំណោះស្រាយឱ្យបានឆាប់ៗ។

លោកអ្នកឧកញ៉ាលី ហួរប្រធានសមាគមអ្នកអភិវឌ្ឍន៍លំនៅដ្ឋានកម្ពុជាបានមានប្រសាសន៍ថា ការជួបប្រជុំនេះ គឺផ្តោតលើអតិថិជនដែលទិញលំនៅដ្ឋាននៅបុរីណាមួយ អាចទាក់ទងជាមួយម្ចាស់បុរីឬអ្នកអភិវឌ្ឍន៍ ដើម្បីរុញករណីរបស់គាត់ទៅធនាគារពាណិជ្ជ ដោះស្រាយបញ្ហានេះ។

លោកបញ្ជាក់ថា “ករណីនេះមិនមែនធ្វើទាំងអស់ទេ គឺធ្វើទាក់ទងនឹងករណីជាក់ស្តែង ព្រោះរដ្ឋាភិបាលគ្រាន់តែជាអ្នកជួយសម្របសម្រួលប៉ុណ្ណោះ មិនមែនរដ្ឋាភិបាលជួយឲ្យខ្ចីលុយទេ”៕

ក្រសួងដែនដីបានដាក់សំណើទៅរាជរដ្ឋាភិបាលរួចហើយ ដើម្បីរៀបចំផ្លូវជិះកង់ឆ្លងកាត់ខេត្តជាប់តំបន់ឆ្នេរទាំងបួន

January 8, 2025

ដោយៈ គង់ សូរិយា

ព្រះសីហនុៈ លោកឧបនាយករដ្ឋមន្រ្តីសាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់បានលើកឡើងថា ក្រសួងបាន ដាក់សំណើទៅរាជរដ្ឋាភិបាលរួចហើយ ដើម្បីរៀបចំផ្លូវជិះកង់ឆ្លងកាត់ខេត្តជាប់តំបន់ឆ្នេរទាំងបួន។

លោកបានមានប្រសាសន៍ក្នុងកិច្ចប្រជុំ ក្របខណ្ឌគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា (គ.អ.ឆ.ក)កាលពីថ្ងៃទី៧ មករា ឆ្នាំ២០២៥កន្លងមកថា ស្របពេលដែលផ្លូវជាតិលេខ៤៨ និងផ្លូវជាតិលេខ១០ នឹងបញ្ចប់ការសាងសង់នាពេលឆាប់ៗនេះ ក្រសួងរៀបចំដែនដី នគរូបនីយកម្ម និងសំណង់ បានដាក់សំណើជូនទៅរាជរដ្ឋាភិបាលរួចហើយ ដើម្បីរៀបចំផ្លូវជិះកង់ ដែលហេដ្ឋារចនាសម្ព័ន្ធទាំងនេះ នឹងជំរុញឱ្យមានការផ្សារភ្ជាប់ សហគមន៍នេសាទជាច្រើន ទីតាំងលាតសន្ធឹងពីទឹកដីខេត្តកោះកុង រហូតដល់ខេត្តកែប ឱ្យក្លាយជាគោលដៅទេសចរណ៍ ក្នុងស្រុកថ្មីៗ ជាពិសេសសម្រាប់អ្នកទេសចរក្នុងស្រុក ដែលនឹងផ្តល់ជាឱកាសការងារ និងប្រាក់ចំណូលបន្ថែមជាច្រើនជូនដល់ប្រជាជនកម្ពុជា។

កិច្ចប្រជុំនេះរៀបចំឡើងក្នុងគោលបំណង ឱ្យមានការពិភាក្សាផ្លាស់ប្តូរមតិយោបល់ ដើម្បីពិនិត្យសក្តានុពលធនធាន នៅក្នុងតំបន់ឆ្នេរសមុទ្រកម្ពុជាជារួម សំដៅគិតគូរដល់ការរៀបចំផែនការឯកភាព សម្រាប់បន្តអភិវឌ្ឍន៍ និងអភិរក្សឱ្យសមស្របទៅនឹងសក្តានុពល និងលក្ខខណ្ឌដែលអំណោយផល ឈានទៅលើកកម្ពស់វិស័យទេសចរណ៍ វិនិយោគ និងពាណិជ្ជកម្ម ដើម្បីបន្តរក្សាសក្តានុពលតំបន់នេះ ជារបៀង សេដ្ឋកិច្ចសំខាន់របស់ប្រទេសជាតិ ដែលបានបង្កើតឱកាសការងារ ស្រូបយកចំណូលយ៉ាងច្រើនផ្តល់ជូនប្រជាជន។

តាមរយៈការចូលរួមមតិ យោបល់របស់សមាជិកកិច្ចប្រជុំ លោកឧបនាយករដ្ឋមន្ត្រី សាយ សំអាល់ បានសម្រេចប្រគល់ភារកិច្ចជូនលេខាធិការដ្ឋានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ដើម្បីរៀបចំការចុះបញ្ជីដី ព្រមទាំងសិក្សាសក្តានុពលតំបន់ឆ្នេរសមុទ្រទាំងអស់ជារបៀងសេដ្ឋកិច្ចរួម៕

PM urges HCMC for policy changes to attract $200B investment by 2030

January 7, 2025

HCMC needs VND5 quadrillion (US$200 billion) in the next five years to invest in infrastructure and urban development, prompting the need for policies to mobilize resources, Prime Minister Pham Minh Chinh has said.

The city’s latest development plan for this decade has outlined key projects, but it needs to mobilize resources from the people and local and foreign businesses to implement its plan, Chinh said at a forum Saturday.

Under the plan, HCMC by 2030 aims to become a global city characterized by a high-quality workforce, modern service and industrial sectors, and a leading hub for green economy, digital economy, and social innovation.
It targets a GRDP per capita of at least VND385 million by 2030, and to grow its permanent population to 11 million.

The plan outlines the development of a synchronized transportation network, including roads, railways, waterways, seaports, airports, static traffic systems, and dry ports.
Key projects include roads along the Saigon River from Cu Chi to Can Gio and southern coastal routes. For rail, the plan incorporates new tracks and 12 urban railway lines.

The PM praised the comprehensive planning approach, which tackles bottlenecks in transportation, human resources, and funding. He emphasized that effective implementation is critical to generating tangible outcomes for residents.
“A well-crafted plan attracts good advisors, quality projects, and reputable investors, fostering development,” he said.

“The plan must align with global trends such as green economy, digital economy, creative economy, digital transformation, and cloud computing,” he added.

The PM acknowledged the successful completion of the Ben Thanh-Suoi Tien metro line, the first of its kind in the city. He encouraged the city to further explore the potential
of its underground spaces.

He also mentioned discussions with billionaire Pham Nhat Vuong, chairman of Vietnam’s biggest private company Vingroup, about constructing a subway system from downtown HCMC to the suburban district of Can Gio, noting Vuong’s enthusiasm for the project.
Chinh suggested that assigning significant projects to large enterprises could help unlock new development drivers and resources.

Source: Vnexpress

ស្ថាប័នជំនាញ: ទីផ្សារលំនៅដ្ឋានរបស់ហ្វីលីពីនស្រូបទាញបានឥទ្ធិពលវិជ្ជមានមួយផ្នែកពីកំណើនវិស័យឧស្សាហកម្ម

January 7, 2025

ដោយ: គង់ លាងហួរ
អន្តរជាតិ: ក្រុមហ៊ុនប្រឹក្សាយោបល់អចលនទ្រព្យ Colliers Philippines បានលើកឡើងថា ឆ្នាំ២០២៤បានផ្តល់នូវមេរៀនជាច្រើនដល់អ្នកអភិវឌ្ឍន៍នៅប្រទេសហ្វីលីពីន ខណៈទីផ្សារអចលនទ្រព្យកំពុងវិវឌ្ឍន៍ឥតឈប់ឈរ។ ហេតុនេះ អ្នកអភិវឌ្ឍន៍ត្រូវចាប់ឱកាសដើម្បីស្ដារភាពរីកចម្រើននៅឆ្នាំ២០២៥។

តួយ៉ាង វិធានការនានា ដែលបានអនុម័តដោយរដ្ឋាភិបាលរបស់ប្រធានាធិបតីហ្វីលីពីនលោក Ferdinand Marcos, Jr. ដើរតួនាទីយ៉ាងសំខាន់ក្នុងការជួយប្រែក្លាយហ្វីលីពីនជាមជ្ឈមណ្ឌលទាក់ទាញលំហូរវិនិយោគផ្ទាល់ពីបរទេស (FDI) នៅក្នុងតំបន់។ ការវិនិយោគផ្ទាល់ពីបរទេសទាំងនេះនឹងជះផលវិជ្ជមានដល់វិស័យអចលនទ្រព្យហ្វីលីពីន។

ក្នុងចំណោមវិធានការទាំងនោះ ដំណើរការនៃការស្តារឡើងវិញនូវស្ថានភាពផ្នែកហិរញ្ញវត្ថុរបស់បណ្តាក្រុមហ៊ុនសាជីវកម្មនានា និងការលើកទឹកចិត្តផ្នែកពន្ធសម្រាប់សហគ្រាស មានគោលដៅធ្វើឱ្យប្រទេសហ្វីលីពីនមានសមត្ថភាពប្រកួតប្រជែងជាសកល។

វិធានការទាំងនេះបានជះឥទ្ធិពលជាវិជ្ជមានទៅលើវិស័យឧស្សាហកម្ម ដែលបានសម្រេចកំណើនប្រកបដោយនិរន្តរភាព ដោយសារការកើនឡើងនៃតម្រូវការបរិក្ខារខ្សែសង្វាក់ត្រជាក់ និងការផ្តល់សេវាភស្តុភារ។

Colliers អះអាងថា “តម្រូវការឧស្សាហកម្ម ដែលកំពុងកើនឡើងនេះក៏បានជះឥទ្ធិពលវិជ្ជមានមួយផ្នែកលើទីផ្សារលំនៅដ្ឋានផងដែរ ហើយនេះជាហេតុផលចម្បងមួយ ដែលអ្នកអភិវឌ្ឍន៍អចលនទ្រព្យចាប់ផ្តើមរួមបញ្ចូលគម្រោងលំនៅដ្ឋានទៅក្នុងតំបន់សួនឧស្សាហកម្មរបស់ពួកគេ”។

ការចាប់អារម្មណ៍កាន់តែខ្លាំងឡើងពីសំណាក់បណ្តាក្រុមហ៊ុនផលិតកម្មរបស់ប្រទេសកូរ៉េខាងត្បូង និងប្រទេសជប៉ុន នឹងជំរុញឱ្យមានតម្រូវការបង្កើតសហគមន៍វាយកូនហ្គោល ដែលមិនត្រឹមតែមានទីលានវាយកូនហ្គោលប៉ុណ្ណោះទេ ប៉ុន្តែក៏ថែមទាំងមានគម្រោងលំនៅដ្ឋានផងដែរ។

ក្រុមហ៊ុន Colliers ជឿជាក់ថា ការរួមបញ្ចូលការអភិវឌ្ឍន៍លំនៅដ្ឋានទៅក្នុងសហគមន៍កីឡាវាយកូនហ្គោលនឹងជួយទាក់ទាញចំណាប់អារម្មណ៍យ៉ាងខ្លាំងពីអ្នកធ្វើដំណើរក្នុងស្រុក និងបរទេស ព្រមទាំងបណ្តាវិនិយោគិនហ្វីលីពីន៕ប្រភព: Inquirer.Net៕

វៀតណាមគ្រោងបោះទុន២០០ពាន់លានដុល្លារអាមេរិកដើម្បីអភិវឌ្ឍន៍ហេដ្ឋារចនាសម្ព័ន្ធ ក្នុងទីក្រុងហូជីមិញ

January 7, 2025

ដោយ: គង់ លាងហួរ
អន្តរជាតិ: នាយករដ្ឋមន្ត្រីវៀតណាមលោក Pham Minh Chinh បានអះអាងថា ទីក្រុងហូជីមិញត្រូវការដើមទុនចំនួន២០០ពាន់លានដុល្លារ ក្នុងរយៈពេល៥ឆ្នាំខាងមុខដើម្បីបោះទុនវិនិយោគលើហេដ្ឋារចនាសម្ព័ន្ធ និងការអភិវឌ្ឍន៍ទីក្រុង។

ផែនការអភិវឌ្ឍន៍នេះបានគូសបញ្ជាក់អំពីគម្រោងសំខាន់ៗ ដោយទាមទារឱ្យមានការប្រមូលធនធានពីប្រជាជន អ្នកធុរកិច្ចក្នុងស្រុក និងបរទេស ដើម្បីអនុវត្តន៍ផែនការរបស់ទីក្រុងហូជីមិញឱ្យដំណើរការទៅមុខ។

យោងតាមផែនការនៅឆ្នាំ២០៣០ ទីក្រុងហូជីមិញមានគោលបំណងប្រែក្លាយខ្លួនទៅជាទីក្រុងសកល ដែលមានកម្លាំងពលកម្មប្រកបដោយគុណភាពខ្ពស់ វិស័យសេវាកម្ម និងឧស្សាហកម្មទំនើប និងជាមជ្ឈមណ្ឌលឈានមុខគេផ្នែកសេដ្ឋកិច្ចបៃតង សេដ្ឋកិច្ចឌីជីថល និងនវានុវត្តន៍សង្គម។

ទីក្រុងហូជីមិញបានកំណត់គោលដៅប្រាក់ចំណូលជាមធ្យមសម្រាប់ប្រជាជនម្នាក់ៗយ៉ាងតិចចំនួន៣៨៥លានដុងក្នុងមួយឆ្នាំនៅត្រឹមឆ្នាំ២០៣០ និងបង្កើនចំនួនប្រជាជនអចិន្ត្រៃយ៍ឱ្យកើនឡើងដល់ចំនួន១១លាននាក់។

ផែនការនេះក៏បានគូសបញ្ជាក់ផងដែរអំពីការអភិវឌ្ឍន៍បណ្តាញដឹកជញ្ជូន រួមមានផ្លូវថ្នល់ ផ្លូវដែក ផ្លូវទឹក កំពង់ផែសមុទ្រ អាកាសយានដ្ឋាន ប្រព័ន្ធទិន្នន័យចរាចរណ៍ និងកំពង់ផែស្ងួត។

គម្រោងសំខាន់ៗរួមមាន ការកសាងផ្លូវតាមបណ្តោយដងទន្លេ Saigon ពីស្រុក Cu Chi ទៅកាន់តំបន់ Can Gio ជាយក្រុងហូជីមិញ និងផ្លូវឆ្នេរសមុទ្រភាគខាងត្បូង។ ផែនការនេះក៏រួមបញ្ចូលការស្ថាបនាផ្លូវដែកថ្មី និងខ្សែរថភ្លើងនៅក្នុងទីក្រុងចំនួន១២ខ្សែ។

នាយករដ្ឋមន្ត្រីវៀតណាមរូបនេះបានទទួលស្គាល់អំពីភាពជោគជ័យនៃការបើកដាក់ឱ្យប្រើប្រាស់ខ្សែរថភ្លើងក្រោមដី Ben Thanh-Suoi Tien ដែលជាប្រភេទរថភ្លើងក្រោមដីដំបូងបង្អស់ទីមួយក្នុងទីក្រុងហូជីមិញ ដោយលោកបានលើកទឹកចិត្តឱ្យទីក្រុងហូជីមិញស្វែងយល់បន្ថែមអំពីសក្តានុពលនៃទីធ្លាក្រោមដីរបស់ខ្លួន។

លោកក៏បានបង្ហើបឱ្យដឹងផងដែរពីការពិភាក្សាគ្នាជាមួយកំពូលមហាសេដ្ឋីវៀតណាមលោក Pham Nhat Vuong ប្រធានក្រុមហ៊ុនឯកជនធំបំផុតរបស់វៀតណាម Vingroup អំពីការសាងសង់ប្រព័ន្ធរថភ្លើងក្រោមដីពីទីប្រជុំជនកណ្តាលទីក្រុងហូជីមិញទៅកាន់សង្កាត់ជាយក្រុង Can Gio៕ប្រភព: Vnexpress៕

China steps up drive to break Boeing and Airbus grip on plane market

January 6, 2025

China is stepping up its push to break the grip of Boeing and Airbus on the aircraft market, as the state-run maker of the country’s first homegrown passenger jet seeks certifications for it to fly beyond the country’s shores.

Comac’s heavily subsidised C919, which made its maiden commercial flight in 2023, is already flown on domestic routes by China’s three big state-owned carriers: Air China, China Eastern Airlines and China Southern Airlines.

From this month, China Eastern will fly the C919 between Hong Kong and Shanghai, its first regular commercial route outside China’s mainland.

Yang Yang, the company’s deputy general manager of marketing and sales, told the Financial Times the company was aiming for the single- aisle plane to be flying in south-east Asia by 2026 and to gain European certification as early as this year.

“We hope to operate more of the jets domestically in China and to thoroughly identify any issues before… bringing them to south-east Asia,” he said.

The C919 is a pivotal project in President Xi Jinping’s drive for China to move up the technology value chain, with the ultimate aim of challenging the western duopoly of Boeing and Airbus.

Boeing’s financial woes and delivery delays, as well as wider supply chain problems in the industry that have left it and Airbus facing engine and component shortages, have weighed on the global aviation sector and offered hope for newcomers.

The world will need 42,430 new aircraft over the next two decades, roughly 80 per cent of which will be single-aisle aircraft, according to an Airbus forecast in 2024. Aviation consultancy IBA predicts that Comac can raise its output of C919s – 16 of which have been delivered to Chinese airlines as of December – from one to 11 a month by 2040, by which time it can deliver almost 2,000 units of the aircraft.

Source: Financial Times

1...307308309...3,231 Page 308 of 3,231