បច្ចេកវិទ្យាថ្មីចំនួន៣ នឹងផ្លាស់ប្តូរទិដ្ឋភាពឧស្សាហកម្មនានាលើពិភពលោកក្នុងឆ្នាំ២០២៥នេះ

ដោយ: គង់ លាងហួរ
អន្តរជាតិ: សព្វថ្ងៃនេះ វិស័យបច្ចេកវិទ្យានៅលើពិភពលោករបស់យើងកំពុងបោះជំហានវិវឌ្ឍន៍ទៅមុខក្នុងល្បឿនយ៉ាងលឿន ដោយធ្វើឱ្យមានការផ្លាស់ប្តូរ និងវឌ្ឍនភាពកាន់តែឆាប់រហ័ស។

ខាងក្រោមនេះជានិន្នាការបច្ចេកវិទ្យា ដែលកំពុងរីកចម្រើនកំពូលទាំង៣នៅលើពិភពលោក សម្រាប់ឆ្នាំ២០២៥៖

ទី១: បច្ចេកវិទ្យា Generative AI ។

“Generative AI” ឬ AI ជំនាន់ថ្មីនឹងក្លាយជានិន្នាការបច្ចេកវិទ្យាដ៏សំខាន់បំផុតនៅក្នុងឆ្នាំ២០២៥ ដោយផ្លាស់ប្តូរទិដ្ឋភាពនៃឧស្សាហកម្មនានា តាមរយៈសមត្ថភាពបង្កើតមាតិកា ដែលមានភាពស្មុគ្រស្មាញខ្ពស់ដូចជាមនុស្ស មិនថា ការសរសេរអត្ថបទ និងរូបភាព ព្រមទាំងការក្លែងធ្វើសំឡេង។

បច្ចេកវិទ្យានេះមិនត្រឹមតែបង្កើនផលិតភាពប៉ុណ្ណោះទេ ប៉ុន្តែថែមទាំងធ្វើបដិវត្តន៍អំពីរបៀប ដែលអាជីវកម្មនានាអាចឈានទៅរកការដោះស្រាយបញ្ហា ការទំនាក់ទំនងជាមួយអតិថិជន និងដំណើរការប្រកបដោយភាពច្នៃប្រឌិត ដែលធ្វើឱ្យឧបករណ៍កាន់តែងាយស្រួលប្រើប្រាស់ និងអាចប្រើប្រាស់បានក្នុងវិស័យផ្សេងៗ។

នៅឆ្នាំ២០២៥ អង្គភាពនានានឹងបន្តរួមបញ្ចូលបច្ចេកវិទ្យា AI ជំនាន់ថ្មីទៅក្នុងលំហូរការងារ ដើម្បីច្នៃប្រឌិតលឿនជាងមុន និងផ្តល់សេវាកម្មផ្ទាល់ខ្លួនរបស់អតិថិជន។

ទី២: បច្ចេកវិទ្យា Quantum Computing ។

Quantum computing ជា បច្ចេកវិទ្យា ដែលពឹងផ្អែកលើច្បាប់ Quantum Machanics ដើម្បី ដោះស្រាយបញ្ហាដែលមានភាពស្មុគស្មាញខ្លាំងលើសពី សមត្ថភាពសម្រាប់កុំព្យូទ័រធម្មតា។ Quantum Computer ត្រូវបានគេស្គាល់ជាទូទៅ Supercomputers។

Super Computer ត្រូវបានគេ ប្រើប្រាស់ក្នុងវិស័យសំខាន់ៗជាច្រើន ដូចជា ការគ្រប់គ្រងទិន្នន័យ អាកាសធាតុ ការសិក្សា Simulation ផ្សេងៗ (ដូចជាការប្រើ Quantum Computing របស់ក្រុមហ៊ុន Pfizer-BioNTech ក្នុងការបង្កើតវ៉ាក់សាំងកូវីដ-១៩) ការគ្រប់គ្រងទិន្នន័យពលរដ្ឋ និងប្រព័ន្ធសន្តិសុខជាតិជាដើម។

នៅឆ្នាំនេះ Quantum Computing ត្រូវបានអនុវត្តន៍នៅក្នុងផ្នែកនានាដូចជា ការបំប្លែងទិន្នន័យ ដែលបច្ចេកវិទ្យានេះអាចបំបែកកូដសុវត្ថិភាព។

Quantum Computing ក៏ត្រូវបានប្រើប្រាស់ក្នុងការស្រាវជ្រាវថ្នាំ ដោយបង្កើនល្បឿននៃដំណើរការ ដោយការក្លែងធ្វើរចនាសម្ព័ន្ធម៉ូលេគុលបានយ៉ាងត្រឹមត្រូវ។

ទី៣: ការពង្រីកបណ្តាញអុីនធឺណេត 5G។

បណ្តាញទូរសព្ទចល័តជំនាន់ទី៥ “5G” នឹងមានល្បឿនទាញយកទិន្នន័យ និងល្បឿនផ្ទុកទិន្នន័យកាន់តែលឿន ព្រមទាំងគ្របដណ្តប់កាន់តែធំទូលាយ និងបង្កើនការតភ្ជាប់ឱ្យមានស្ថិរភាពជាងមុន។

ការពង្រីកបណ្តាញអុីនធឺណេត 5G មានសារៈសំខាន់ណាស់សម្រាប់ដំណើរការទិន្នន័យក្នុងបរិមាណដ៏ច្រើន ជាមួយនឹងការរអាក់រអួលតិចតួចបំផុត ដោយគាំទ្រដល់បដិវត្តន៍ថ្មីនៃការច្នៃប្រឌិតបច្ចេកវិទ្យា៕ប្រភព: SimpliLearn៕

តើការប្តេជ្ញាបោះទុនវិនិយោគចំនួន១ពាន់លានដុល្លាររបស់ក្រុមហ៊ុនយក្ស Apple នៅឥណ្ឌូនេស៊ីមានន័យដូចម្តេចសម្រាប់ប្រទេសនេះ?

ដោយ: គង់ លាងហួរ
អន្តរជាតិ: យុទ្ធសាស្ត្ររបស់ប្រទេសឥណ្ឌូនេស៊ីក្នុងការដាក់សម្ពាធលើក្រុមហ៊ុន Apple ឱ្យបង្កើនទុនវិនិយោគនៅក្នុងប្រទេសនេះដើម្បីទទួលបានសិទ្ធិលក់ទូរសព្ទ IPhone 16 នៅឥណ្ឌូនេស៊ី ហាក់ទទួលបានជោគជ័យ។

ជោគជ័យក៏ដោយសារតែក្រុមហ៊ុនយក្សរបស់សហរដ្ឋអាមេរិកបានប្តេជ្ញាបោះទុនវិនិយោគចំនួន១ពាន់លានដុល្លារនៅឥណ្ឌូនេស៊ី ដើម្បីជាថ្នូរនឹងការអនុញ្ញាតឱ្យក្រុមហ៊ុន Apple អាចលក់ទូរសព្ទ IPhone សេរ៊ីថ្មីចុងក្រោយរបស់ខ្លួនក្នុងប្រទេស ដែលមានទំហំសេដ្ឋកិច្ចធំជាងគេក្នុងតំបន់អាស៊ាន។

យ៉ាងណាមិញ ក្រុមអ្នកវិភាគបានធ្វើការព្រមានថា ក្រុមហ៊ុន Apple នៅតែអាចប្រឈមមុខនឹងឧបសគ្គផ្សេងទៀត ព្រោះថា ច្បាប់ស្តីពីមាតិកាក្នុងស្រុករបស់ឥណ្ឌូនេសុីមានភាពតឹងរឹង។

រដ្ឋាភិបាលឥណ្ឌូនេស៊ីបានហាមឃាត់ការលក់ទូរសព្ទ iPhone 16 សេរ៊ីថ្មីនៅក្នុងខែតុលា ឆ្នាំ២០២៤ ដោយលើកឡើងថា ក្រុមហ៊ុន Apple មិនបានបំពេញតាមច្បាប់មាតិកាក្នុងស្រុករបស់ឥណ្ឌូនេសុី ដែលកំណត់ថា សមាសធាតុមួយចំនួន ឬដំណើរការផលិតត្រូវតែមានប្រភពនៅក្នុងប្រទេសមួយនេះ។

ជាការឆ្លើយតបដំបូង ក្រុមហ៊ុន Apple បានស្នើសុំបណ្តាក់ទុនវិនិយោគថ្មីចំនួន១០លានដុល្លារនៅប្រទេសឥណ្ឌូនេស៊ី ហើយក្រោយមក Apple បានបង្កើនការប្ដេជ្ញាបោះទុនដល់ចំនួន១០០លានដុល្លារអាមេរិក។ ប៉ុន្តែ ក្រុមមន្ត្រីនៅទីក្រុងហ្សាការតានៅតែមិនពេញចិត្ត។

ក្រោយមកទៀតទើប ក្រុមហ៊ុន Apple បានប្រកាសថា ខ្លួននឹងបោះទុនវិនិយោគ១ពាន់លានដុល្លារនៅក្នុងប្រទេសឥណ្ឌូនេសុី។ នេះជាទំហំទឹកប្រាក់ដែលប្រធានាធិបតីឥណ្ឌូនេស៊ីលោក Prabowo Subianto ចាត់ទុកថា អាចទទួលយកបាន។ នេះបើយោងតាមប្រភពដែលដកស្រង់ដោយសារពត៌មាន Bloomberg។

លោក Dedi Dinarto អ្នកវិភាគនៅក្រុមហ៊ុនប្រឹក្សាគោលនយោបាយសាធារណៈ Global Counsel ក្នុងប្រទេសសិង្ហបុរីបានអះអាងថា “ការប្តេជ្ញារបស់ក្រុមហ៊ុន Apple ជាសញ្ញាបង្ហាញថា ផែនការជំរុញរបស់ឥណ្ឌូនេស៊ីសម្រាប់ច្បាប់មាតិកាក្នុងស្រុក និងការផលិតក្នុងស្រុកកំពុងចាប់ផ្តើមទទួលបានផ្លែផ្កា”។

ច្បាប់របស់ឥណ្ឌូនេស៊ីបានចែងថា ផលិតផលស្មាតហ្វូន និងថេប្លេតរបស់ក្រុមហ៊ុនបរទេស ដែលដាក់លក់ក្នុងស្រុកត្រូវតែប្រើប្រាស់គ្រឿងបង្គុំ ដែលផលិតឡើងក្នុងប្រទេសឥណ្ឌូនេសុីឱ្យបានយ៉ាងតិច៣៥ភាគរយ និងត្រូវបំពេញតាមគោលដៅនៃទំហំទុនវិនិយោគ ដែលត្រូវបានកំណត់ និងឯកភាពដោយរដ្ឋាភិបាល។

ក្រុមអ្នកវិភាគបានអះអាងថា ការដាក់ចេញបទបញ្ញត្តិទាំងនេះលើក្រុមហ៊ុនបរទេស អាចជួយជំរុញវិស័យផលិតកម្មក្នុងស្រុក និងជួយដល់កិច្ចខិតខំប្រឹងប្រែងរបស់ឥណ្ឌូនេស៊ីក្នុងការចូលរួមក្នុងខ្សែសង្វាក់ផ្គត់ផ្គង់ពិភពលោក។ ប៉ុន្តែ វាក៏អាចបង្កឧបសគ្គសម្រាប់ក្រុមហ៊ុនទាំងនេះផងដែរ។

លោក Josua Pardede ប្រធានសេដ្ឋវិទូនៅធនាគារ Permata ក្នុងប្រទេសឥណ្ឌូនេស៊ី បានលើកឡើងថា ច្បាប់ទាំងនេះអាចធ្វើឱ្យក្រុមហ៊ុនបរទេសប្រឈមមុខនឹងថ្លៃដើមផលិតកម្មខ្ពស់ និងការកើនឡើងនូវឧបសគ្គខាងការិយាធិបតេយ្យ៕ប្រភព: SCMP៕

ការសាងសង់ស្ពានឆ្លងកាត់ទន្លេបាសាក់ព្រែកប្រា ចក្រអង្រែក្រោមសម្រេចបានវឌ្ឍនភាព

ដោយៈ គង់ សូរិយា

ភ្នំពេញៈ ក្រសួងសាធារណៈការ និងដឹកជញ្ជូន បានឲ្យដឹងថា គិតត្រឹមដំណាច់ឆ្នាំ២០២៤នេះ គម្រោងស្ថាបនាស្ពានកាត់ឆ្លងទន្លេបាសាក់ (ចាក់អង្រែក្រោម-ព្រែកប្រា) សម្រេចវឌ្ឍនភាពការងារសាងសង់បាន១៦ភាគរយហើយ។

ក្រសួងបានប្រកាសថា បន្ទាប់ពីសម្ពោធបើកការដ្ឋានសាងសង់ កាលពីថ្ងៃទី១៩ ខែកុម្ភៈ ឆ្នាំ២០២៤ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកវ៉ាង វិនធៀន ឯកអគ្គរដ្ឋទូតចិនប្រចាំកម្ពុជា។

របាយយការណ៍បានបង្ហាញថា បច្ចុប្បន្នការងារសម្រេចបានការងារមួយចំនួនដូចជា ១.)ផ្នែកគ្រឹះស្ពាន សម្រេចបានប្រមាណ ៤០,៣៨% ក្នុងនោះសសរគ្រឹះចំនួន១៥៦ដើម ចាក់បេតុងរួចចំនួន ៦៣ដើម ២០ជើងតាងសម្រេចបានចំនួន៦ និងធ្នឹមភ្ជាប់ក្រោមចំនួន១២ សម្រេចបាន ៨ធ្នឹម។

២.)រចនាសម្ព័ន្ធក្រោមស្ពានសម្រេចបាន៣១.៥% រួមមានតួសសរស្ពាន១២ សម្រេចបានចំនួន៦សសរ ធ្នឹមភ្ជាប់ក្បាលសសរទទឹងស្ពានចំនួន៣៤ សម្រេចបាន១០ធ្នឹម ព្រមទាំងការងារសំខាន់ៗមួយចំនួនទៀត។ បន្ថែមពីនេះដែរ នៅដើមឆ្នាំ២០២៥ ក្រុមការងារកំពុងរៀបចំដំណើរការខួង និងចាក់សសរគ្រឹះ នៅត្រើយខាងលិចទន្លេ។

ក្រសួងសាធារណការ និងដឹកជញ្ជូន ស្នើដល់សាធារណជន ប្រជាពលរដ្ឋ ប្រតិបត្តិករ និងក្រុមហ៊ុនដឹកជញ្ជូនតាមផ្លូវទឹកទាំងអស់ ដែលធ្វើដំណើរតាមដងទន្លេបាសាក់ ឆ្លងកាត់តំបន់ការដ្ឋានសាងសង់ មេត្តាយកចិត្តទុកដាក់ក្នុងការបើកបរ ដោយមានការប្រុងប្រយ័ត្នខ្ពស់ ជៀសវាងឧបទ្ទវហេតុកើតឡើងជាយថាហេតុ ដោយគោរពតាមសេចក្តីណែនាំរបស់ក្រសួង។

គម្រោងសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) មានប្រវែងសរុប ១ ៦៥០ម៉ែត្រ (ប្រវែងស្ពាន ៨៤៥,៧០ម៉ែត្រ, ទទឹងផ្លូវ២៧ម៉ែត្រ ផ្លូវតភ្ជាប់ក្បាលស្ពានប្រវែង ៨០៤,៣០ម៉ែត្រ ទទឹងធម្មតាផ្លូវ ២០ម៉ែត្រ) សាងសង់ដោយក្រុមហ៊ុនសំណង់សៀងហៃ និងទីប្រឹក្សាគម្រោងដោយក្រុមហ៊ុនក្វាងចូវវ៉ានអាន ហើយគ្រោងនឹងបញ្ចប់ការសាងសង់ក្នុងរយៈពេល៤២ខែ៕

លោកយិន លាងគង់ ផ្ញើរសារគោរពជូនពរសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ក្នុងឱកាសខួប៤៩ឆ្នាំ នៃចំណងអាពាហ៍ពិពាហ៍

ដោយៈ គង់ សូរិយា

ភ្នំពេញៈ លោកយិន លាងគង់ សហស្ថាបនិក និងជាអគ្គនាយកគេហទំព័រPropertyarea.asia & Cambodiafinancialtimes.com និងថ្នាក់ដឹកនាំ ព្រមទាំងបុគ្គលិកទាំងអស់បានផ្ញើសារលិខិតគោរពជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសខួប៤៩ឆ្នាំ នៃចំណងអាពាហ៍ពិពាហ៍ ដែលប្រព្រឹត្តទៅនៅថ្ងៃទី៥ ខែមករា ឆ្នាំ២០២៥។

នៅក្នុងឱកាសដ៏សិរីមង្គលាភិរម្យប្រសើរថ្លៃថ្លានេះ យើងខ្ញុំសូមគោរពអនុញ្ញាតសម្តែងនូវអំណរសាទរ យ៉ាងស្មោះអស់ពីដួងចិត្ត ប្រកបដោយមនោសញ្ចេតនា រំភើបរីករាយក្រៃលែង និងសូមបួងសួងដល់ទេវតា វត្ថុស័ក្តិសិទ្ធិទាំងឡាយក្នុងលោក សូមប្រសិទ្ធពរជ័យដល់ចំណងអាពាហ៍ពិពាហ៍ ដែលបានកើតឡើងក្នុងគ្រាដ៏សែនកម្សត់នោះ ឱ្យកាន់តែផ្អែមល្ហែម ត្រជាក់ត្រជំដូចទឹកអម្រឹត និងសូមប្រកបដោយសុខភាពល្អបរិបូរណ៍ កម្លាំងពលំមាំមួន ជន្មាយុយឺនយូរ និងសម្រេចបាន ជោគជ័យយ៉ាងត្រចះត្រចង់ ក្នុងការបន្តចូលរួមដឹកនាំប្រទេស ដើម្បីអភិវឌ្ឍលើគ្រប់វិស័យ មានភាពរីកចម្រើនរុងរឿង ក្រោមដំបូលមហាសន្តិភាព ស្ថិរភាពជានិច្ចនិរន្តរ៍តរៀងទៅ។

ជាថ្មីម្តងទៀត ឆ្លៀតក្នុងឱកាសដ៏មង្គលាភិរម្យនេះ យើងខ្ញុំទាំងអស់គ្នា សូមលើកហត្ថបួងសួងដល់ទេវតាថែរក្សាទឹកដី នៃព្រះរាជាណាចក្រកម្ពុជា គុណបុណ្យព្រះរតនត្រ័យកែវទាំងបី វត្ថុស័ក្តិសិទ្ធិទាំងឡាយក្នុងលោក សូមព្រះអង្គតាមជួយបីបាច់ ថែរក្សា អភិបាលប្រោះព្រំជូនសម្តេចតេជោ ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ព្រមទាំងបុត្រា បុត្រី បុត្រប្រសា ចៅប្រុស ចៅស្រី ជាទីស្រឡាញ់ និងសូមសមប្រកបដោយពុទ្ធពរដ៏ប្រពៃថ្លៃថ្លាបួនប្រការ គឺ អាយុ វណ្ណៈ សុខៈ និងពលៈ ជានិច្ចនិរន្តរ៍តរៀងទៅ៕

សារពត៌មាន CNN ដាក់បញ្ចូលអាកាសយានដ្ឋានអន្តរជាតិតេជោរបស់កម្ពុជាក្នុងចំណោមគម្រោងស្ថាបត្យកម្មអស្ចារ្យទាំង១១នៅលើពិភពលោក

ដោយ: គង់ លាងហួរ
អន្តរជាតិ: ខណៈឆ្នាំ២០២៤បានកន្លងផុតទៅ សារពត៌មាន CNN របស់សហរដ្ឋអាមេរិកបានបង្ហាញនូវគម្រោងសំណង់ស្ថាបត្យកម្មយ៉ាងអស្ចារ្យចំនួន១១នៅលើពិភពលោក ដែលគ្រោងនឹងលេចរូបរាងឡើងនៅក្នុងឆ្នាំ២០២៥នេះ។

នៅក្នុងចំណោមគម្រោងស្ថាបត្យកម្មដ៏៏អស្ចារ្យទាំង១១នោះ ក៏រួមមានគម្រោងអាកាសយានដ្ឋានអន្តរជាតិតេជោនៅកម្ពុជាផងដែរ។

សារពត៌មាន CNN បានសរសេររៀបរាប់នៅក្នុងអត្ថបទរបស់ខ្លួនថា “ប្រទេសកម្ពុជាកំពុងសាងសង់ព្រលានយន្តហោះថ្មី ដែលមានលទ្ធភាពទទួលភ្ញៀវទេសចរណ៍បានច្រើនជាងព្រលានយន្តហោះអន្តរជាតិភ្នំពេញចំនួន៦ដង”។

ព្រលានយន្តហោះថ្មីជាផ្នែកមួយនៃផែនការប្រកបដោយមហិច្ឆតារបស់ប្រទេសកម្ពុជាក្នុងការជំរុញចំនួនភ្ញៀវទេសចរណ៍ និងប្រែក្លាយកម្ពុជាទៅជាមជ្ឈមណ្ឌលអាកាសចរណ៍ក្នុងតំបន់។

នៅក្នុងដំណាក់កាលដំបូង អាកាសយានដ្ឋានអន្តរជាតិតេជោថ្មីនឹងមានសមត្ថភាពទទួលអ្នកដំណើរចំនួន១៣លាននាក់ក្នុងមួយឆ្នាំ ហើយចំនួននេះនឹងកើនឡើងដល់៣០លាននាក់នាពេលអនាគត។

សារពត៌មាន CNN បានសរសេរបន្តថា អាកាសយានដ្ឋានអន្តរជាតិតេជោ ដែលស្ថិតក្នុងចម្ងាយប្រមាណ២០គីឡូម៉ែត្រ ភាគខាងត្បូងនៃរាជធានីភ្នំពេញនឹងក្លាយជាអាកាសយានដ្ឋានមួយក្នុងចំណោមបណ្តាអាកាសយានដ្ឋានធំបំផុតនៅតំបន់អាស៊ាន។

យោងតាមក្រុមហ៊ុនស្ថាបត្យកម្ម Foster + Partners របស់អង់គ្លេសបានឱ្យដឹងថា គម្រោងផលិតថាមពល តាមរយៈការបង្កើតកសិដ្ឋានថាមពលពន្លឺព្រះអាទិត្យនៅនឹងកន្លែង ក៏បានធ្វើឱ្យអាកាសយានដ្ឋានដ៏ធំរបស់កម្ពុជាស្ថិតក្នុងចំណោមតំបន់បៃតងបំផុតរបស់ពិភពលោក។

ចំណែក គម្រោងស្ថាបត្យកម្មដ៏អស្ចារ្យផ្សេងទៀត រួមមាន អគារ New Sydney Fish Market នៅទីក្រុងស៊ីដនីនៃប្រទេសអូស្ត្រាលី អគារ Grand Ring នៅទីក្រុងអូសាកានៃប្រទេសជប៉ុន សាលារៀន Canadian School នៅទីក្រុង Cholula របស់ប្រទេសកាណាដា និងអគារ Life and Mind Building នៅសាកលវិទ្យាល័យ Oxford របស់ប្រទេសអង់គ្លេសជាដើម៕ប្រភព: CNN៕

ទីផ្សារអចលនទ្រព្យនៅប្រទេសចិនឈានជើងចូលឆ្នាំ២០២៥ ជាមួយសន្ទុះវិជ្ជមានពីដំំណាច់ចុងឆ្នាំចាស់

ដោយ: គង់ លាងហួរ
ប៉េកាំង: ក្តីសង្ឃឹមរបស់អ្នកអភិវឌ្ឍន៍អចលនទ្រព្យនៅក្នុងប្រទេសចិនសម្រាប់ឆ្នាំ២០២៥ ហាក់មានសន្ទុះ ខណៈការលក់ផ្ទះបានកើនឡើងនៅចុងឆ្នាំ២០២៤ បន្ទាប់ពីអាជ្ញាធរចិនប្តេជ្ញាទប់ស្កាត់តម្លៃផ្ទះមិនឱ្យធ្លាក់ចុះបន្ថែមទៀត។

ការលក់ផ្ទះជាមធ្យមនៅទូទាំងទីក្រុងធំៗចំនួន៣០ របស់ប្រទេសចិនបានកើនឡើង៨៦ភាគរយនៅក្នុងត្រីមាសទី៤ បើធៀបនឹងត្រីមាសទី៣ ឆ្នាំ២០២៤កន្លងទៅ។ នេះបើយោងតាមទិន្នន័យពីក្រុមហ៊ុន China Real Estate Information Corp (CRIC) ។

យោងតាមក្រុមហ៊ុន CRIC ដដែលបានឱ្យដឹងថា ការលក់ផ្ទះនៅក្នុងទីក្រុងខ្នាតយក្សទាំង៤ដូចជា រដ្ឋធានីប៉េកាំង ទីក្រុងសៀងហៃ ទីក្រុងក្វាងចូវ និងទីក្រុងសិនជុិន បានកើនឡើង៣៥ភាគរយនៅក្នុងខែធ្នូ ឆ្នាំ២០២៤ធៀបនឹងឆ្នាំ២០២៣ ហើយបើធៀបនឹងមធ្យមភាគប្រចាំខែក្នុងត្រីមាសទី៣ ការលក់ក្នុងខែធ្នូបានកើនឡើង៨០ភាគរយ។

ជាមួយគ្នានេះ បណ្តាក្រុមហ៊ុនអភិវឌ្ឍន៍កំពូលទាំង១០០របស់ប្រទេសចិនបានរាយការណ៍នៅក្នុងខែធ្នូ ឆ្នាំមុនថា ការលក់ផ្ទះសរុបសម្រេចបានទំហំទឹកប្រាក់ចំនួន៤៥១,៤ពាន់លានយ័ន (ប្រហែល៦១,៨ពាន់លានដុល្លារ) កើនឡើងជាង២៤ភាគរយធៀបនឹងខែវិច្ឆិកា ឆ្នាំ២០២៤។

លោក Ding Zuyu នាយកប្រតិបត្តិនៃក្រុមហ៊ុន E-House China Enterprise Holdings បានអះអាងថា “នេះជាសញ្ញាដ៏សំខាន់បំផុតមួយដែលបង្ហាញពីស្ថិរភាព។ ការលក់ផ្ទះមាននិន្នាការកើនឡើង បន្ទាប់ពីគោលនយោបាយលើកទឹកចិត្តនានាត្រូវបានបង្ហាញ”។

លោក Ding បានបន្តទៀតថា “ការផ្លាស់ប្ដូរដ៏ធំមួយនឹងកើតមានឡើងនៅឆ្នាំ២០២៥នេះ។ តម្លៃផ្ទះថ្មីត្រូវបានគេរំពឹងថា នឹងកើនឡើងដល់កម្រិតក្នុងឆ្នាំ២០១៩ ហើយតម្លៃផ្ទះប្រភេទទី២នឹងកើនឡើងដល់កម្រិតក្នុងឆ្នាំ២០១៧”។

លោក Lynn Song ប្រធានសេដ្ឋវិទូប្រចាំតំបន់ Greater China នៅក្រុមហ៊ុន ING បានគូសបញ្ជាក់នៅក្នុងរបាយការណ៍មួយថា “យើងគិតថា តម្លៃអចលនទ្រព្យនឹងធ្លាក់ចុះដល់បាតនៅឆ្នាំ២០២៥ ហើយវានឹងងើបឡើងវិញសន្សឹមៗ”។

ដើម្បីជួយសង្គ្រោះវិស័យអចលនទ្រព្យ និងពង្រឹងសេដ្ឋកិច្ចជាតិ ការិយាល័យនយោបាយ ដែលជាស្ថាប័នធ្វើសេចក្តីសម្រេចចិត្តកំពូលនៃគណៈបក្សកុម្មុយនិស្តចិនបានប្តេជ្ញាធ្វើឱ្យទីផ្សារលំនៅដ្ឋានមានស្ថិរភាព និងទប់ស្កាត់តម្លៃផ្ទះមិនឱ្យធ្លាក់ចុះបន្ថែមទៀត៕ប្រភព: SCMP៕

Reserves at US Fed sink below US$3 tril to the lowest since 2020

The US banking system’s reserves, a key factor in the Federal Reserve’s decision to keep shrinking its balance sheet, tumbled below US$3 trillion (RM13.4 trillion) to the lowest since October 2020.

Bank reserves fell by about US$326 billion in the week through Jan 1 to US$2.89 trillion, according to Fed data released on Thursday. That’s the largest weekly slide in over two-and-a-half years.

The decline comes as year-end dynamics force banks to pare balance-sheet intensive activities like repurchase agreement transactions in order to shore up their books for regulatory purposes. That means cash is directed to places like the central bank’s overnight reverse repo facility, draining liquidity from other liabilities on the Fed’s ledger.

Balances at RRP swelled by US$375 billion between Dec 20 and Dec 31 before falling by US$234 billion on Thursday.

As the same time, the Fed has also been removing excess cash from the financial system through its quantitative tightening programme, just as institutions continue to repay loans from the Bank Term Funding Programme.

With US policymakers continuing QT, Wall Street strategists have been paying close attention to the lowest comfortable level of reserves — which some have estimated between US$3 trillion and US$3.25 trillion, including a buffer. Policymakers said at last month’s gathering it was continuing to shrink its balance sheet.

It also adjusted the offering rate on the RRP facility so that it’s in line with the bottom of the target range for the fed funds rate.

That put downward pressure on short-term interest rates and some think that it could be enough to stave off reserve scarcity for a little bit longer.

Source: Bloomberg

Property sector to keep thriving in 2025

KUALA LUMPUR: The property sector is expected to continue its positive momentum in 2025, building on last year’s strong performance, RHB Investment Bank Bhd (RHB Research) said.

The firm said the sector continued to outperform the market in 2024 with the KL Property Index rising by 31.5 per cent following a 34.5 per cent increase in 2023.

“2024 saw a greater involvement of many developers in data centre (DC)-related investments and land transactions, as well as industrial developments.

“Many developers also managed to acquire sizeable land parcels during the year, with the focus shifting more towards Iskandar Malaysia,” it said in a note.

RHB Research said the sector valuations in 2025 will likely be driven by value crystalisation of non-development businesses, especially from recurring income-generating property asset portfolio and businesses such as healthcare.

The firm also expects stronger contributions from the industrial development segment as the Donald Trump 2.0 era begins, along with new catalysts if the Kuala Lumpur-Singapore High Speed Rail (KL-SG HSR) and Penang Special Financial Zone (SFZ) are implemented.

Source: NST Online

តម្រូវការដីសម្រាប់តំបន់ឧស្សាហកម្មនឹងកើនឡើងនៅឆ្នាំនេះ

ដោយៈ ស៊ីវ ម៉េង

ភ្នំពេញៈ ក្រុមអ្នកជំនាញបាននិយាយថា តម្រូវការដីសម្រាប់អភិវឌ្ឍន៍តំបន់ឧស្សាហកម្ម នឹងកើនឡើងនៅឆ្នាំ២០២៥នេះ ស្របពេលនិន្នាការរបស់អ្នកអភិវឌ្ឍន៍រោងចក្រ ឧស្សាហកម្មកំពុងកើនឡើង។

អគ្គនាយិកាក្រុមហ៊ុនAmatak Property Service Co, Ltd លោកស្រីតាំង ហួរបានមានប្រសាសន៍ឲ្យដឹង កាលពីដើមសប្តាហ៍នេះថា លោកស្រីបានទទួលព័ត៌មានមួយចំនួន ដែលរោងចក្រ ឧស្សាកម្ម និងតំបន់ឧស្សាហកម្មនានាកំពុងកើនឡើងនៅកម្ពុជា។

លោកស្រីបន្តថា “តាមព័ត៌មានពីអ្នកនៅក្នុងវិស័យនេះ បានបង្ហើបឲ្យដឹងថា អ្នកវិនិយោគបរទេសជាច្រើន បានចូលមកកាន់កម្ពុជា និងខ្លះកំពុងស្វែងរកឱកាសវិនិយោគនៅក្នុងវិស័យនេះ”។

ជាមួយគ្នានេះ លោកហឿន សំនៀងអគ្គលេខាធិការរងក្រុមប្រឹក្សាអភិវឌ្ឍន៍កម្ពុជាបានមានប្រសាសន៍ឲ្យដឹង កាលពីពេលថ្មីៗនេះថា មានកត្តាជាច្រើន ដែលកម្ពុជានឹងទទួលបានផលប្រយោជន៍ច្រើនពីវិស័យឧស្សាហកម្ម ដោយពេលោកប្រធានាធិបតីដូណាល់ ត្រាំឡើងកាន់អំណាចនៅថ្ងៃទី២០ មករា ខាងមុខ សង្រ្គាមពាណិជ្ជកម្មអាមេរិក និងចិន និងជាមួយបណ្តាប្រទេសមួយចំនួនទៀត នឹងកើតមានឡើង ដែលធ្វើឲ្យរោងចក្រ សហគ្រាសនៅប្រទេសមួយចំនួន នឹងមកកាន់កម្ពុជា និងបណ្តាប្រទេសមួយចំនួនទៀត។

លោកបន្តថា “ជាមួយគ្នានេះ ការខិតខំប្រឹងប្រែងរបស់រដ្ឋាភិបាលម្ពុជា ការអនុគ្រោះនិងការលើកទឹកចិត្តជាច្រើន លើច្បាប់វិនិយោគថ្មី នឹងផ្តល់ឱកាសសម្រាប់កម្ពុជា”។ លោកបន្តថា “ការខិតខំរបស់ប្រមុខ រដ្ឋាភិបាលសម្តេចធិបតីហ៊ុន ម៉ាណែតនាយករដ្ឋមន្រ្តីកម្ពុជា បានធ្វើឲ្យកម្ពុជាត្រូវបានគេដឹងលឺទូលំទូលាយ ពីបរិយាកាសវិនិយោគនៅកម្ពុជាកាន់តែប្រសើរឡើង”។

លោកហឿន សំនៀងបានបន្តថា លើសពីនេះការដើរគោះទ្វារអ្នកវិនិយោគនៅអាមេរិក អឺរ៉ុប ចិន កូរ៉េ ជប៉ុនជាច្រើន បានធ្វើឲ្យគេស្គាល់កម្ពុជា ហើយជាលទ្ឋផលអ្នកវិនិយោគបរទេសកាន់តែច្រើន នឹងមកសិក្សានិងស្វែងរកឱកាសវិនិយោគនៅកម្ពុជានៅឆ្នាំនេះ៕

គំរោងពង្រីកនិងលើកកម្រិតផ្លូវជាតិលេខ៧ជាបួនគន្លងពីស្គន់ ដល់ក្រុងកំពង់ចាមកំពុងសម្រេចបានជិត៣០ភាគរយហើយ

ដោយៈ និស្ស័យ

កំពង់ចាមៈ

មន្រ្តីក្រសួងសាធារណៈការបានឲ្យដឹងថា គម្រោងពង្រីក និងលើកកម្រិតផ្លូវជាតិលេខ៧ជា៤គន្លង (ស្គន់-កំពង់ចាម) សម្រេចបាន ២៨,៧៦% គិតត្រឹមដំណាច់ខែធ្នូ២០២៤។

ព័ត៌មាននេះ លើកឡើងបន្ទាប់ពីលោកលឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគ្រប់គ្រងគម្រោងស្ថាបនាផ្លូវជាតិលេខ៧ (រង្វង់មូលស្គន់ ដល់រង្វង់មូលស្ពានគីហ្សូណា ក្រុងកំពង់ចាម) បានអញ្ជើញដឹកនាំក្រុមការងារបច្ចេកទេស និងក្រុមហ៊ុនម៉ៅការសាងសង់ (CRBC) ចុះត្រួតពិនិត្យវឌ្ឍនភាព ការងារគម្រោងពង្រីក និងលើកកម្រិតផ្លូវជាតិលេខ៧ជា៤គន្លង (ស្គន់-កំពង់ចាម) នៅកំណាត់ទី១ ដែលមានប្រវែង១៩គីឡូម៉ែត្រ ដើម្បីពិនិត្យវឌ្ឍនភាព និងដោះស្រាយបញ្ហាប្រឈមមួយចំនួន។

គម្រោងពង្រីកផ្លូវជាតិលេខ៧ជា៤គន្លង ចាប់ពីរង្វង់មូលស្គន់ ក្នុងស្រុកជើងព្រៃរហូត ដល់រង្វង់មូលស្ពានគីហ្សូណា ទីរួមខេត្តកំពង់ចាម ដែលមានប្រវែង៤៥.៤៨គ.ម ។ គិតត្រឹមដំណាច់ខែធ្នូ ២០២៤ នេះ គម្រោងពង្រីក និងលើកកម្រិតផ្លូវជាតិលេខ៧ជា៤គន្លង គិតត្រឹមដំណាច់ខែធ្នូ ២០២៤ សម្រេចបាន២៨,៧៦%ហើយ ៕

1...455456457...3,378 Page 456 of 3,378