Indonesia gears up for family offices

July 10, 2024

The Indonesian government is implementing strategic initiatives to establish family offices, private entities aimed at managing the business affairs of affluent families. This move will enable ultra-high-net-worth individuals from various countries to make investments without incurring tax liabilities.

Indonesian President Joko Widodo has directed the formation of a special team under the leadership of Coordinating Minister for Maritime Affairs and Investment, Luhut Binsar Pandjaitan, involving some ministries and the World Bank, to assess the family office investment scheme and prepare the necessary regulations and infrastructure.

“Some foreign investors have already shown initial interest as the first registrants. We will provide more detailed information in the next two or three weeks,” Luhut said on Friday.

The family office is set to be located in Bali, an island resort that draws tourists from around the world, as well as in Nusantara, the country’s new capital.

About 11 trillion U.S. dollars of global financial assets are presently invested outside their native economies, said Luhut, adding that this amount is expected to rise. The United Arab Emirates, Singapore and China’s Hong Kong are the main locations for these funds.

Luhut referenced The Wealth Report, which projects that the number of ultra-high-net-worth persons in Asia will rise by 38.34 percent between 2023 and 2028, with a 34 percent increase predicted for Indonesia.

He also emphasized how the United Arab Emirates, with more than 400 family offices in Dubai handling trillions of dollars, was a pioneer in the establishment of wealth management centres.

“Indonesia, with its strong economic growth, vast investment prospects, and neutral geopolitical policies, has the opportunity to attract foreign investment and become an alternative destination for capital placement,” he said.

In addition to benefiting ultra-high-net-worth individuals, investment funds will be used for domestic projects, thereby boosting national economic growth. Jobs are expected to become more available as domestic capital circulation increases, helping boost local consumption and increase the gross domestic product, Luhut added.

Source: Xinhua

តើការស្នាក់នៅសណ្ឋាគារដ៏អច្ឆរិយ: Atlantis The Royal នៅទីក្រុងឌូបៃមានតម្លៃប៉ុន្មានក្នុងមួយយប់?

July 10, 2024

ដោយ: គង់ លាងហួរ

អន្តរជាតិ: សណ្ឋាគារលំដាប់ខ្ពស់នៅទីក្រុងឌូបៃ ប្រទេសអារ៉ាប់រួម ដែលមានឈ្មោះថា Atlantis The Royal បានចំណា យរយៈពេលសាងសង់អស់៨ឆ្នាំ និងទុនវិនិយោគប្រមាណ១,២៥ពាន់លានដុល្លារ។

សណ្ឋាគារលំដាប់ខ្ពស់មួយនេះ មានកម្ពស់ចំនួន១៩៣ម៉ែត្រ ដែលមាន៤៤ជាន់ និងមានបន្ទប់ចំនួន៧៩៥បន្ទប់ និងត្រូវបានបំពាក់ ទៅដោយគ្រឿងបរិក្ខារប្រណីតៗ ភោជនីយដ្ឋាន បារ និងក្លឹបនៅលើកំពូលអគារ ព្រមទាំងមានអាងហែលទឹកចំនួន៩៤ផងដែរ។

សណ្ឋាគារនេះក៏រួមមានផងដែរ នូវម៉ាកយីហោភោជនីយដ្ឋានជប៉ុនល្បីៗ ដូចជា ក្រុមហ៊ុនNobu និងក្រុមហ៊ុន Hakkasan និងមានមេចុងភៅល្បីៗ រួមមានលោក Heston Blumenthal លោក José Andrés លោកស្រី Ariana Bundy និងលោក Gordon Ramsay។

សណ្ឋាគារ Atlantis The Royal មានបន្ទប់ធំទូលាយ ដែលពោរពេញទៅដោយពន្លឺ និងបំពាក់ដោយគ្រឿងសង្ហារឹមប្រណីតៗ។ អតិថិជនដែលចូលមកស្នាក់នៅ អាចមានឱកាសគយ គន់មើលទិដ្ឋភាពសមុទ្រ ដ៏ស្រស់ស្អាតនៅខាងក្រៅ។

បន្ថែមពីលើនេះ សណ្ឋាគារ Atlantis The Royal ក៏ផ្តល់ជូនសេវាកម្មស្ប៉ា ដែលរួមមាន អាងហែលទឹក ស្ទីមសូណា និងកន្លែងសមាធិ ព្យាបាលជំងឺផ្លូវចិត្ត ដោយប្រើប្រាស់ពណ៌(Chromotherapy)។

សណ្ឋាគារ Atlantis The Royal ស្ថិតនៅលើកោះសិប្បនិម្មិត ដែលមានឈ្មោះថាPalm Jumeirah។ សណ្ឋាគារនេះបានចាប់ផ្តើមសាងសង់កាលពីឆ្នាំ២០១៦ និងបានបញ្ចប់ការសាងសង់រួចរាល់ជាស្ថាពរនៅក្នុងឆ្នាំ២០២៣។

គម្រោងនេះគឺជាស្នាដៃដ៏អច្ឆរិយ: ដែលទាមទារស្ថាបត្យករដែលមានជំនាញខ្ពស់ ដោយសារតែសណ្ឋាគារនេះ មានការរចនាឌីហ្សាញម៉ូដដ៏ស្មុគស្មាញបំផុត។ ជាក់ស្តែង អ្នកអភិវឌ្ឍន៍ បានជ្រើសរើសទីប្រឹក្សា សរុបចំនួន៥៤នាក់មកពីបណ្តាប្រទេ សចំនួន១៤ ដើម្បីធ្វើការរួមគ្នា និងសម្រេចបាននូវការរចនាសណ្ឋាគារមួយនេះឡើង។

តម្លៃស្នាក់នៅសណ្ឋាគារ Atlantis The Royal មានការប្រែប្រួលទៅតាមថ្ងៃនីមួយៗក្នុងមួយសប្តាហ៍។ ជាក់ស្តែង នៅថ្ងៃអាទិត្យ ការស្នាក់នៅក្នុងមួយយប់ មានតម្លៃ៧១៥ដុល្លារ។ នៅថ្ងៃច័ន្ទ ការស្នាក់នៅក្នុងមួយយប់មានតម្លៃ៨៩៨ដុល្លារ។

ចំណែក នៅថ្ងៃអង្គារ ការស្នាក់នៅក្នុងមួយយប់មានតម្លៃ៦៧១ដុល្លារ ខណៈនៅថ្ងៃពុធ ការស្នាក់នៅក្នុងមួយយប់មានតម្លៃ៧២៧ដុល្លារ។ រីឯ នៅថ្ងៃព្រហស្បតិ៍ ការស្នាក់នៅក្នុងមួយយប់មានតម្លៃ៧៧៤ដុល្លារ ខណៈនៅថ្ងៃសុក្រ ការស្នាក់នៅក្នុងមួយយប់មានតម្លៃ៥៩០ដុល្លារ ហើយនៅថ្ងៃសៅរ៍ ការស្នាក់នៅក្នុងមួយយប់មានតម្លៃ៧៤៨ដុល្លារ៕ប្រភព:Kayak.com៕

ដំណឹងល្អៈរដ្ឋាភិបាលចំណាយថវិកាចំនួន៥០លានដុល្លារដើម្បីផ្សព្វផ្សាយវិស័យទេសចរណ៍

July 10, 2024

ដោយៈ គង់ សូរិយា

ភ្នំពេញៈ រដ្ឋាភិបាលកម្ពុជា ក្រោមការដឹកនាំដោយសម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា គ្រោងចំណាយថវិកា៥០លានដុល្លារលើការផ្សព្វផ្សាយ ដើម្បីទាក់ទាញភ្ញៀវទេសចរណ៍អន្តរជាតិ សម្រាប់ឆ្នាំ២០២៤ ២០២៥។

ដើម្បីជម្រុញប្រសិទ្ឋភាពការងារនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី១០ ខែកក្កដា ឆ្នាំ២០២៤ នេះ បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាព និងកំណត់ទិសដៅការងារ ជាមួយក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា។

លោកហូ វណ្ឌីទីប្រឹក្សាសមាគមទីភ្នាក់ងារទេសចរណ៍កម្ពុជាបានមានប្រសាសន៍ឲ្យដឹងតាមទូរស័ព្ទ បន្ទាប់ពីបានចូលរួមកិច្ចប្រជុំកាលពីថ្ងៃទី៩ កក្កដាកន្លងមកថា វាជាលទ្ឋផលនៃតស៊ូ មតិរយៈពេល២០ឆ្នាំមកហើយ ដែលនេះជាអ្វីដែលក្រុមការងារផ្នែកឯកជនបានសម្តែងការអបអរសាទរ ដែលថវិកានេះនឹងប្រើប្រាស់លើការងាររដ្ឋបាល ការផ្សព្វផ្សាយ ការងារធ្វើទីផ្សារ។

លោកបន្តថា “ថវិកានេះជាបដិភាគរបស់រដ្ឋាភិបាល ការចូលរូមពីវិស័យអាកាសចរណ៍ និងព្រលានយន្តហោះនានា”។លោកបន្តថា “សមាគមទីភ្នាក់ងារទេសចរណ៍កម្ពុជា(CATA)បានដើរតួនាទីមួយជំហ៊ានហើយ ដែលថ្នាក់ដឹកនាំនាំសមាគមនេះ បានចំណាយទាំងពេលវេលា ថវិកាផ្ទាល់ខ្លួនដើម្បីផ្សព្វផ្សាយទេសចរណ៍ពីកម្ពុជា ទៅកាន់ពិភពលោក”។

លោកហូ វណ្ឌីបានបន្តថា យើងត្រូវការបញ្ចុះតម្លៃសេវាកម្ម ការរឹតបន្តឹងការងារមួយចំនួន ការងារទាក់ទងនឹងទិដ្ឋាការ ដែលគូរលើកលែង។ បញ្ហាសណ្តាប់ធ្នាប់ អនាម័យ សវុត្ថិភាព យើងមិនគួរមើលរំលង ព្រោះវាជាភាពទាក់ទាញមួយ។ លោកបន្តថា “បញ្ហាតម្លៃសំបុត្រយន្តហោះមកកម្ពុជា ថ្លៃជាងគោលដៅដទៃទៀត ដោយសារយន្តហោះរបស់គេ មានភ្ញៀវជិះពេញៗ ប៉ុន្តែមកកាន់គោលដៅកម្ពុជា មានភ្ញៀវជិះចន្លោះពី៥០ទៅ៧០ភាគរយ នៃកៅអីយន្តហោះសរុបប៉ុណ្ណោះ។

លោកបញ្ជាក់ថា “ខ្ញុំសុំខ្នាតគំរូមួយ សម្រាប់ការធ្វើការទាក់ទងនឹងវិស័យនេះ ទាំងព្រលានយន្តហោះ សេវាកម្មផ្សេងៗដែលពាក់ព័ន្ឋនឹងវិស័យនេះ”។

រដ្ឋមន្រ្តីក្រសូងទេសចរណ៍លោកសុខ សូកេនបានប្តេជ្ញាចិត្តជាមួយវិស័យឯកជន ដើម្បីធ្វើការងារនេះ ទោះបីធ្វើការមិនបានសម្រាកក៏ដោយ៕

ឥណ្ឌូនេស៊ីដាក់គោលដៅទាក់ទាញការិយាល័យគ្រួសារ មកពីជុំវិញពិភពលោក

July 10, 2024

ដោយ: គង់ លាងហួរ

ហ្សាការតា: រដ្ឋាភិបាលឥណ្ឌូនេស៊ី កំពុងដាក់ឱ្យអនុវត្តន៍គំនិតផ្តួចផ្តើមជាយុទ្ធសាស្ត្រ ដើម្បីបង្កើតការិយាល័យគ្រួសារ អង្គភាពឯកជន ក្នុងគោលដៅគ្រប់គ្រងចាត់ចែង កិច្ចការជំនួញរបស់គ្រួសារអ្នកមានទ្រព្យសម្បត្តិស្តុកស្តម្ភ។

ផែនការនេះ នឹងអនុញ្ញាតឱ្យមហាសេដ្ឋី មកពីបណ្តាប្រទេសផ្សេងៗ អាចចូលមកធ្វើការបណ្តាក់ទុនវិនិយោគ នៅប្រទេសឥណ្ឌូនេស៊ីបាន ដោយមិនចាំបាច់មានបំណុលពន្ធ។

ទន្ទឹមនឹងនេះ លោក Joko Widodo ប្រធានាធិបតីឥណ្ឌូនេស៊ី បានដឹកនាំបង្កើតក្រុមការងារពិសេសមួយ ដោយមានការចូលរួមពីក្រសួងមួយចំនួន និងធនាគារពិភពលោក ដើម្បីវាយតម្លៃគម្រោងវិនិយោគ របស់ការិយាល័យគ្រួសារ ព្រមទាំងរៀបចំបទប្បញ្ញត្តិ និងហេដ្ឋារចនាសម្ព័ន្ធចាំបាច់។

លោក Luhut Binsar Pandjaitan រដ្ឋមន្ត្រីក្រសួងសម្របសម្រួលកិច្ចការសមុទ្រ និងការវិនិយោគ បានលើកឡើងថា “វិនិយោគិនបរទេសមួយចំនួន បានបង្ហាញចំណាប់អារម្មណ៍ និងត្រៀមចុះឈ្មោះឱ្យបានមុនដំបូងគេ ហើយយើងគ្រោងផ្តល់ព័ត៌មានលម្អិតបន្ថែមទៀត ក្នុងរយៈពេលប៉ុន្មានសប្តាហ៍ខាងមុខ”។

ជាមួយគ្នានេះ រដ្ឋាភិបាលបានកំណត់យកទីតាំង បង្កើតការិយាល័យគ្រួសារនៅកោះបាលី ព្រោះកោះនេះគឺជារមណីយដ្ឋាន ដែលអាចទាក់ទាញភ្ញៀវទេសចរណ៍ មកពីជុំវិញពិភពលោក ក៏ដូចជានៅទីក្រុង Nusantara ដែលជារដ្ឋធានីថ្មីរបស់ប្រទេសឥណ្ឌូនេស៊ី។

លោក Luhut បានអះអាងថា “បច្ចុប្បន្ននេះ ទំហំទឹកប្រាក់ប្រហែល១១ទ្រីលានដុល្លារអាមេរិក ត្រូវបានវិនិយោគនៅខាងក្រៅប្រទេសកំណើត របស់វិនិយោគិនទូទាំងពិភពលោក ហើយចំនួននេះ ត្រូវបានគេរំពឹងថា នឹងកើនឡើងបន្ថែមទៀតនាពេលខាងមុខ”។

លោកបានបន្ថែមថា “ប្រទេសឥណ្ឌូនេស៊ី ដែលមានកំណើនសេដ្ឋកិច្ចដ៏រឹងមាំ ទស្សនវិស័យវិនិយោគដ៏ធំ និងគោលនយោបាយភូមិសាស្ត្រនយោបាយអព្យាក្រឹត មានឱកាសទាក់ទាញទុនវិនិយោគពីបរទេស និងក្លាយជាគោលដៅ សម្រាប់ការបណ្តាក់ទុន”។

លោក Sandiaga Uno រដ្ឋមន្ត្រីក្រសួងទេសចរណ៍ និងសេដ្ឋកិច្ចច្នៃប្រឌិត បានចាត់ទុកការិយាល័យគ្រួសារថា ជាឱកាស សម្រាប់ប្រទេសឥណ្ឌូនេស៊ី ក្នុងការពង្រឹងប្រព័ន្ធអេកូវិនិយោគក្នុងស្រុក ព្រោះការិយាល័យគ្រួសារ អាចដើរតួជាកាតាលីករ សម្រាប់ជំរុញកំណើនសេដ្ឋកិច្ច ប្រកបដោយបរិយាប័ន្ន និងមាននិរន្តរភាព។

លោក Uno បាននិយាយថា “ប្រសិនបើប្រទេសឥណ្ឌូនេស៊ីអាចទាក់ទាញបានត្រឹមតែ៥ភាគរយ នៃចំនួនការិយាល័យគ្រួសារសរុបនៅលើពិភពលោក នោះមានន័យថា យើងអាចទាក់ទាញទុនវិនិយោគ ពីបរទេសលើសពី៥០០ពាន់លានដុល្លារ ដែលនេះជាឱកាសដ៏ធំមួយ”៕ប្រភព:Xinhua៕

ដំណាក់កាលថ្មីនៃគម្រោងបុរី ប៉េង ហួត គ្រោងបើកលក់ជាផ្លូវការ ចំណេញកាន់តែខ្លាំង!

July 10, 2024

នៅថ្ងៃទី12-13-14 ខែកក្កដា ខាងមុខនេះ បុរី ប៉េង ហួត នឹងបើកលក់ជាផ្លូវការនូវដំណាក់កាលថ្មីនៃគម្រោងដែលនៅចំកណ្ដាលក្រុងភ្នំពេញ ដោយនឹងផ្តល់ឱកាសចំណេញកាន់តែច្រើន សម្រាប់អតិថិជនដែលមានបំណងចង់បានលំនៅដ្ឋានដ៏កក់ក្ដៅជាមួយការផ្ដល់ជូនដ៏ពិសេស។

គម្រោងដែលនឹងបើកលក់នេះគឺ ដឹស្តា ណេតឈឺរ៉ល ដំណាក់កាលទី 2 (នៅតាមបណ្តោយផ្លូវ 371 ទល់មុខផ្សារ ប៉េសេ) ដែលដំណាក់កាលទី1ត្រូវបានបញ្ចប់ជាច្រើនឆ្នាំមកហើយ ប៉ុន្តែដោយសារមានតែការគាំទ្រ និងសំណូមពរជាច្រើន ទើបដំណាក់កាលទី2 ត្រូវបានបើកលក់ជាផ្លូវការជាមួយប្រភេទផ្ទះដែលមានរចនាបទថ្មីសុទ្ធសាធ រាប់ចាប់ពីប្រភេទវីឡា ភ្លោះ រហូតដល់វីឡាទោលម៉ូតថ្មី រីឯតម្លៃវិញចាប់ពីម្ភៃម៉ឺនស្ដើងឡើងទៅតែប៉ុណ្ណោះ។

អ្វីដែលគួរឱ្យចាប់អារម្មណ៍ ទោះបីមិនទាន់ដល់ថ្ងៃបើកលក់ជាផ្លូវការក៏ដោយ ក៏មានអតិថិជនដែលចាប់អារម្មណ៍ និងបានកក់ផ្ទះស្ទើរតែពាក់កណ្ដាលទៅហើយ ព្រោះចំនួនស្តុកផ្ទះក្នុងដំណាក់កាលទី2នេះមានចំនួនកំណត់។

អតិថិជនទាំងអស់ប្រាកដជាចង់ដឹងហើយ ថា តើការបើកសម្ពោធលក់ជាផ្លូវការ មានឱកាសចំណេញ និង កាន់តែពិសេសអ្វីខ្លះ តោះមកដឹងទាំងអស់គ្នា ។ សម្រាប់អតិថិជនដែលកក់ផ្ទះក្នុងថ្ងៃកម្មវិធី នឹងទទួលបានប្រូម៉ូសិននៃការបញ្ចុះតម្លៃភ្លាមៗរហូតដល់ 9% ព្រមទាំងការផ្ដល់ជូនជាច្រើនទៀត។ ជាងនេះទៅទៀត អតិថិជនអាចបង់រំលស់ជាមួយធនាគាដៃគូរហូតដល់ 90% ជាមួយអត្រាការប្រាក់ត្រឹមតែ 3% ប៉ុណ្ណោះ។

Link Bumper: https://www.youtube.com/watch?v=ofd5bV5hSFU

កុំឱ្យឱកាសនេះកន្លងផុតសូមអតិថិជនទាំងអស់អញ្ជើញសាកសួរព័ត៌មាន និងចូលរួមដោយផ្ទាល់នៅថ្ងៃទី 12-13-14 ខែ កក្កដា ឆ្នាំ 2024 ដើម្បីទទួលបានឱកាសពិសេសនេះមុនគេ!

កុំភ្លេចណា សូមកុំឱ្យឱកាសចំណេញដ៏ច្រើនសន្ធឹកសន្ធាប់នេះរំលងផុតឱ្យសោះ!

ដើម្បីជ្រាបព័ត៌មានកាន់តែច្បាស់ សូមទាក់ទងមកកាន់បុគ្គលិកផ្នែកលក់របស់បុរី ប៉េង ហួត តាមរយៈលេខទូរសព្ទ៖ 016 / 017 596 789 ឬចូលរួមជាមួយ Telegram Channel https://t.me/boreypenghuoth ៕

រដ្ឋាភិបាលរក្សាទុកផ្ទៃដីជិត៥៤ហិកតានៅតំបន់ភ្នំព្រះ ភ្នំវែងជាបេតិកភ័ណ្ឌធម្មជាតិរបស់រដ្ឋ

July 10, 2024

ដោយៈ គង់ សូរិយា

ឧត្តរមានជ័យៈ ក្រសួងរៀបចំដែនដី នគរូបនីយកម្មនិងសំណង់បានរក្សាទុក តំបន់បេតិកភណ្ឌធម្មជាតិ ភ្នំព្រះ–ភ្នំវែង ស្ថិតក្នុងខេត្តឧត្តរមានជ័យ មានទំហំ៥៣.៨០ហិកតាត្រូវបានចុះបញ្ជីជាដីសាធារណៈរបស់រដ្ឋ។

យោងតាមសេចក្តីប្រកាសរបស់ក្រសួង ដែលបានបង្ហាញលើបណ្តាញទំនាក់ទំនងសង្គមបានឲ្យដឹងថា តំបន់បេតិកភណ្ឌធម្មជាតិ ភ្នំព្រះ–ភ្នំវែង ត្រូវបានចុះបញ្ជីតាមបច្ចេកទេសសុរិយោដី និងច្បាប់ភូមិបាល ដោយក្រសួងរៀបចំដែនដី នគរូបនីយកម្ម និងសំណង់ និងកាន់កាប់ដោយក្រសួងបរិស្ថាន តាមក្រមបរិស្ថាន ដោយមានការគ្រប់គ្រងពីក្រសួងសេដ្ឋកិច្ច និងហិរញ្ញវត្ថុ ទៅតាមច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរបស់រដ្ឋ៕

តំបន់សេដ្ឋកិច្ចពិសេសថ្មីមួយត្រៀមលេចរូបរាងនៅ ខេត្តពោធិសាត់

July 10, 2024

ដោយៈ គង់ សូរិយា

ពោធិសាត់ៈ ក្រុមមន្រ្តី គណៈកម្មការអន្តរក្រសួង បានចុះពិនិត្យទីតាំងនៃគម្រោងស្នើសុំបង្កើត “តំបន់សេដ្ឋកិច្ចពិសេស”ក្នុងស្រុកក្រគរ ខេត្តពោធិ៍សាត់។

គម្រោងនេះ គ្រោងនឹងរៀបចំឡើង លើផ្ទៃដីទំហំជាង ១៤០ហិកតា ដែលបង្ហាញពីសញ្ញាល្អ សម្រាប់សេដ្ឋកិច្ចកម្ពុជា។

ការចុះពិនិត្យកាលពីថ្ងៃទី៨ កក្កដា បានដឹកនាំដោយលោកហេង សុខណាង អគ្គលេខាធិការរងគណៈកម្មាធិការវិនិយោគកម្ពុជា បានដឹកនាំគណៈកម្មការអន្តរក្រសួង –ស្ថាប័នចំនួន១៣ ចុះពិនិត្យទីតាំងនៃគម្រោងស្នើសុំ បង្កើតតំបន់សេដ្ឋកិច្ចពិសេស របស់ក្រុមហ៊ុន Pursat Special Economic Zone Co., Ltd.។

គម្រោងស្នើសុំនេះ មានទីតាំងស្ថិតនៅក្បាលដីលេខ ៤៦៦ត្រង់គីឡូម៉ែត្រលេខ១៥៤ លើផ្លូវជាតិលេខ៥ ភូមិសារវ័ន ឃុំស្នាអន្សា ស្រុកក្រគរ ខេត្តពោធិ៍សាត់ លើផ្ទៃដីទំហំជាង ១៤០ហិកតា។

បើតាមក្រុមប្រឹក្សាអភិវឌ្ឍន៍កម្ពុជា (CDC) ចាត់ទុកការស្នើសុំគម្រោងវិនិយោគថ្មីនាពេលនេះ បង្ហាញអំពីភាពជោគជ័យក្នុងការរីកចម្រើន របស់សង្គមសេដ្ឋកិច្ចកម្ពុជា ជាពិសេសការផ្តល់នូវជំនឿទុកចិត្ត ពីសំណាក់វិនិយោគិន មកលើការដឹកនាំរបស់រាជរដ្ឋាភិបាលកម្ពុជា។

កិច្ចប្រជុំអន្តរក្រសួង និងការចុះពិនិត្យទីតាំងស្នើសុំបង្កើតតំបន់សេដ្ឋកិច្ចពិសេសខាងលើ បានបញ្ចប់ប្រកបដោយជោគជ័យ ក្រោមបរិយាកាសរីករាយ និងស្និតស្នាលជាទីបំផុត ដោយគណៈកម្មាការអន្តរក្រសួង បានពិនិត្យយ៉ាងម៉ត់ចត់ គ្រប់ជ្រុងជ្រោយ និងបានលើកឡើងនូវកាតព្វកិច្ច ដែលក្រុមហ៊ុនត្រូវបំពេញឱ្យសមស្រប តាមលក្ខណៈបច្ចេកទេស និងនីតិវិធីច្បាប់ជាធរមាន។

ប្រធានCEMEAលើកឡើងកុំឲ្យពលរដ្ឋអស់សង្ឃឹម ព្រោះវិស័យអចលនទ្រព្យនឹងងើបឡើងវិញ

July 10, 2024

ដោយៈ គង់ សូរិយា

ភ្នំពេញៈ ប្រធានសមាគមសហគ្រិនសារព័ត៌មានសេដ្ឋកិច្ចកម្ពុជា(CEMEA) លោកយិន លាងគង់បានថ្លែងថា សេដ្ឋកិច្ចកម្ពុជា នឹងមានសុខភាពរឹងមាំក្នុងរយៈពេលវែង ជាមួយការធ្វើពិពិធកម្មសេដ្ឋកិច្ច ដែលផ្តល់តម្លៃបន្ថែម ដល់កំលាំងពលកម្មជំនាញ។

លោកបានមានប្រសាសន៍ឲ្យដឹងតាមបណ្តាញតេឡេក្រាមកាលពីថ្ងៃទី៩កក្កដាថាការឈានមកកាន់ខឋានៈជាប្រទេសមានប្រាក់ចំណូលមធ្យមកម្រិតទាបនិងឈានទៅកាន់ឋានៈជាប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ជាឥទ្ឋិពលដ៏សំខាន់មួយក្នុងទីផ្សារព្រោះអំណាចនៃការទិញកំពុងកើនឡើងទោះបីស្ថានភាពសេដ្ឋកិច្ចត្រូវបានប្រទាញប្រទង់ដោយសារបញ្ហាភូមិសាស្រ្តនយោបាយនិងសង្រ្គាមកើនឡើងក្តី។

លោកបញ្ជាក់ថា “ការគាំងលំហូរសាច់ប្រាក់FDIលើវិស័យអចលនទ្រព្យ និងការរឹតបន្តឹងឥណទានពីធនាគារ ក្នុងស្រុក ពិតជាបាន និងកំពុងជះឥទ្ឋិពលលើវិស័យនេះ ប៉ុន្តែវាបានធ្វើឲ្យទីផ្សារនេះ មានភាពធន់ច្រើនជាងមុន ទាំងសុខភាពសេដ្ឋកិច្ច ក៏ដូចជាវិស័យអចលនទ្រព្យ”។

លោកបានបន្តដោយពន្យល់ថាភាពធន់ជាងមុនក្នុងវិស័យនេះគឺមានន័យសំដៅដល់អ្នកអភិវឌ្ឍន៍ធំៗកំពុងធ្វើពិពិធកម្មទីផ្សារនិងកំពុងរកវិធីសាស្រ្តដើម្បីស្តារស្ថានភាពនេះខណៈអ្នកវិនិយោគតូចៗកាន់តែមានចំណេះដឹងច្រើនជាងមុនមុនពួកគេសម្រេចចិត្តវិនិយោគដែលអាចបញ្ចៀសហានិភ័យនាពេលអនាគតបាន។

លោកយិនលាងគង់បានបន្តថា “ពិតមែនហើយ យើងពិតជាត្រូវការភាពអត់ធន់បន្ថែមទៀត ប៉ុន្តែសញ្ញានៃក្តីសង្ឃឹមក៏កើតមានផងដែរ តាមរយៈការខិតខំប្រឹងប្រែងរបស់រដ្ឋាភិបាល ដើម្បីទាក់ទាញការវិនិយោគ ការវិនិយោគលើហេដ្ឋារចនាសម្ព័ន្ឋធំៗកំពុងបន្ត ស្របពេលដែលប្រជាពលរដ្ឋ បានគិតច្រើនជាងមុន ដើម្បីទាញផលប្រយោជន៍ ពីសេដ្ឋកិច្ចមូលដ្ឋានរបស់ខ្លួន”។

លោកបញ្ជាក់ថាការកើនឡើងអំណាចនៃការទិញជាដែកឆក់មួយដែលធ្វើឲ្យអ្នកធុរកិច្ចអន្តរជាតិសម្លឹងមើលមកកាន់ទីផ្សារនេះ។លោកបន្តថាអ្នកវិនិយោគធំៗមុនឈានជើងមកកាន់ប្រទេសមួយពួកគេសម្លឹងអំណាចនៃការទិញឬជីវភាពរបស់ប្រជាជនប្រទេសនោះជាមុនមុនពួកគេសម្រេចចិត្តមកវិនិយោគ។

លោកបន្តទៀតថានៅពេលដែលប្រជាជនគិតកាន់តែច្រើនពួកគេកាន់តែឆ្លាតរដ្ឋាភិបាលខំប្រឹងប្រែងនឹងបានផលកាន់តែច្រើនស្របពេលការផ្លាស់ប្តូរពលកម្មពីអតិពលកម្ម(អតិពលកម្ម សំដៅដល់ការប្រើប្រាស់ពលកម្មគ្មានជំនាញ)មកកកាន់ពលកម្មដែលមានជំនាញ នឹងធ្វើឲ្យចំណូលប្រជាពលរដ្ឋកើនជាងមុន ខណៈសំណាញ់សុវត្ថិភាពសង្គម(បសស) ត្រូវបានយកចិត្តទុកដាក់កាន់តែខ្លាំងពីរដ្ឋាភិបាល ដើម្បីកសាងសង្គមមួយមានភាពរ៉ឹងមាំ និងស៊ីវិល័យ។

លោកយិនលាងគង់បានជម្រុញឲ្យអ្នកអភិវឌ្ឍន៍សិក្សាពីរសនិយមររបស់ប្រជាជនវ័យក្មេងដែលមានអាយុក្រោម៣០ឆ្នាំមាន៦៥ភាគរយដែលពួកគេបាននិងកំពុងក្លាយជាមួលធនមនុស្សនិងជាធនធានដ៏មានសក្តានុពលសម្រាប់ជម្រុញកំនើនសេដ្ឋកិច្ចជាតិ។ លោកបន្តថា ការសិក្សាពីរសនិយមរបស់ពួកគេ ប្រព័ន្ឋនៃការគិតរបស់ពួកគេ យើងនឹងរកឃើញឱកាសធំមួយដែលអាចទាញបានប្រយោជន៍មិននឹកស្មានដល់៕

ផែនការមេអភិវឌ្ឍន៍ខេត្តព្រះសីហនុគ្រោងទាក់ទាញមនុស្ស១លាននាក់រស់នៅខេត្តមួយនេះនាពេលអនាគត

July 10, 2024

ដោយៈ គង់ សូរិយា

ព្រះសីហនុៈ គណៈកម្មាធិការសម្របសម្រួលអន្តរក្រសួងបានរៀបចំកិច្ចប្រជុំលើកទី៣ ពិភាក្សាលើការរៀបចំផែនការមេដើម្បី អភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង។

កិច្ចប្រជុំកាលពីព្រឹកថ្ងៃទី៩ ខែកក្កដា ឆ្នាំ២០២៤ មានការអញ្ជើញចូលរួមជាអធិបតី ពីលោកអគ្គបណ្ឌិតសភាចារ្យអូន ព័ន្ឋមុនីរ័ត្ន រដ្ឋមន្រ្តីក្រសូងសេដ្ឋកិច្ច និងហិរញ្ញវត្ថុ។

កិច្ចប្រជុំនេះ ធ្វើឡើងក្នុងគោលបំណង ពិនិត្យ និងពិភាក្សាលើ វឌ្ឍនភាពនៃការរៀបចំ ផែនការមេខេត្តព្រះសីហនុ និងសេចក្តីព្រាងរបាយការណ៍ ផែនការមេខេត្តព្រះសីហនុ និងរបាយការណ៍ផ្នែកពាក់ព័ន្ធទាំង១២ ដោយពិនិត្យលើផែនការសកម្មភាព និងទិសដៅការងារបន្ទាប់។

ការរៀបចំផែនការមេ នៃតំបន់សេដ្ឋកិច្ចពិសេសខេត្តព្រះសីហនុ បានដំណើរការជាយូរណាស់មកហើយ ហើយផែនការអភិវឌ្ឍន៍ប្រកបដោយមហិច្ឆតានេះ មានគោលបំណងចង់ឃើញចំនួនប្រជាជន រស់នៅក្នុងទីក្រុងកើនឡើងពីប្រមាណ៣០ម៉ឺន ដល់១លាននាក់ ប្រសិនបើផែនការនេះ ត្រូវបានអនុម័ត និងអនុវត្តន៍បានជោគជ័យ។

យោងតាមឯកសារបានបង្ហាញថា ផែនការមេនេះ កំពុងត្រូវបានបង្កើតឡើង ដោយមានការគាំទ្រពីវិទ្យាស្ថានរៀបចំផែនការទីក្រុង និងរចនាទីក្រុង Shenzhen (UPDIS) របស់ប្រទេសចិន ហើយតំបន់សេដ្ឋកិច្ចពិសេសពហុបំណង មានមហិច្ឆតាក្លាយជាតំបន់សេដ្ឋកិច្ច ដ៏សំខាន់មួយ នៅក្នុងតំបន់អាស៊ីអាគ្នេយ៍ ដែលដោយប្រើប្រាស់បច្ចេកវិទ្យាឆ្លាតវៃ និងបម្រើជាតំបន់ឧស្សាហកម្មទំនើប បម្រើខ្សែសង្វាក់ផលិតកម្មក្នុងតំបន់ និងពិភពលោក។

ផែនការនេះ ត្រូវបានផ្សារភ្ជាប់យ៉ាងជិតស្និទ្ធ ទៅនឹងសេចក្តីប្រាថ្នារបស់កម្ពុជា ក្នុងការក្លាយជាមជ្ឈមណ្ឌលទំនើប ជាមួយការពង្រីកកំពង់ផែ សមុទ្រទឹកជ្រៅ នៅខេត្តព្រះសីហនុ ការអភិវឌ្ឍន៍គម្រោងព្រែកជីកហ្វូណនតេជោ និងផ្លូវសមុទ្រផ្សេងទៀតដែលកំពុងត្រូវបានពង្រីក និងអភិវឌ្ឍន៍។

ការប្រែក្លាយខេត្តព្រះសីហនុ ទៅជាតំបន់សេដ្ឋកិច្ចពិសេសពហុបំណង ក៏ពឹងផ្អែកលើការថែទាំជាបន្តបន្ទាប់ និងការពង្រឹងផ្លូវល្បឿនលឿនភ្នំពេញ -ព្រះសីហនុ ការបង្កើនជើងហោះហើរក្នុងតំបន់ និងអន្តរជាតិ រួមទាំងការអភិវឌ្ឍន៍ឆ្នេរសមុទ្រប្រកបដោយចីរភាព ដើម្បីក្លាយជាបង្គោលនៃការវិនិយោគ និងទេសចរណ៍។

មន្រ្តីជាន់ខ្ពស់គណៈកម្មាធិការនេះបានថ្លែងថា “ផែនការមេដ៏ទូលំទូលាយរបស់យើង មានគោលបំណងទាញ យកអត្ថប្រយោជន៍ពិសេសទាំងនេះ ដើម្បីបង្កើតតំបន់សេដ្ឋកិច្ចរីកចម្រើន ដែលគាំទ្រដល់កំណើនប្រកបដោយចីរភាព លើកកំពស់ជីវភាពរស់នៅ និងទាក់ទាញការវិនិយោគជាអន្តរជាតិ”។

នេះមិនត្រឹមតែជាដំណើរផ្លាស់ប្តូរ ប្រកបដោយមហិច្ឆិតាសម្រាប់ខេត្តព្រះសីហនុប៉ុណ្ណោះទេ ប៉ុន្តែវាត្រូវការគាំទ្រ ជំនឿ និងការវិនិយោគហិរញ្ញវត្ថុដ៏ធំ សម្រាប់តំបន់នេះ ដែលអាចជំរុញកំណើនសេដ្ឋកិច្ច ក៏ដូចជាការអភិវឌ្ឍន៍សង្គម។

ចក្ខុវិស័យរយៈពេលវែង របស់តំបន់សេដ្ឋកិច្ចពិសេសពហុបំណងខេត្តព្រះស៊ីហនុ មានដូចជា

• ច្រកទ្វារអន្តរជាតិ (ផ្លូវគោក ផ្លូវសមុទ្រ និងផ្លូវអាកាស)

• បម្រើជាបង្គោលអភិវឌ្ឍន៍ជាតិ

• ប្រែក្លាយទៅជាទីក្រុង ក្នុងតំបន់អាស៊ានដ៏ទាក់ទាញ។

កាលពីថ្ងៃទី១៧ ខែមិថុនា ឆ្នាំ២០២៤ លោក តឹករ៉េត សំរេច រដ្ឋលេខាធិការប្រចាំការ ក្រសួងរៀបចំដែនដី នគរូបនីយកម្ម និងសំណង់ និងដោយមានការចូលរួម ពីក្រសួងទេសចរណ៍ ក្រសួងបរិស្ថាន និងកម្មវិធីជំរុញការវិនិយោគ ពិសេសខេត្តព្រះសីហនុ ឆ្នាំ២០២៤ បានធ្វើបច្ចុប្បន្នភាព និងពិភាក្សាអំពីការអភិវឌ្ឍន៍តំបន់ និងផែនការសកម្មភាពបន្ថែមទៀត សម្រាប់គម្រោងអភិវឌ្ឍន៍នៅតាមតំបន់អូរត្រេះ និងតំបន់អូរត្រជាក់ចិត្ត ដើម្បីលើកកម្ពស់វិស័យទេសចរណ៍ ស្របតាមចក្ខុវិស័យរយៈពេលវែង ដោយប្រែក្លាយទីតាំងទាំងនេះ ទៅជាមជ្ឈមណ្ឌលសមាហរណកម្មក្នុងតំបន់។

នៅថ្ងៃដដែលនោះ លោក ជា កុកហុង ប្រធានលេខាធិការដ្ឋានក្រុមការងារបច្ចេកទេសអន្តរក្រសួង សម្របសម្រួលការអភិវឌ្ឍន៍ និងអនុវត្តផែនការមេ ដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចពិសេសពហុបំណង បានចូលរួមកិច្ចប្រជុំក្រុមការងារបច្ចេកទេសហិរញ្ញវត្ថុ (TWG) លើកទី៥ ដឹកនាំដោយ លោករស់ សីលវ៉ា រដ្ឋលេខាធិការ និងជាប្រធានមជ្ឈមណ្ឌលហិរញ្ញវត្ថុ ក្រុមការងារដើម្បីពិភាក្សា អំពីសំណើអាជីវកម្មនៃការបង្កើត មជ្ឈមណ្ឌលហិរញ្ញវត្ថុអន្តរជាតិ (IFC) នៅខេត្តព្រះសីហនុ៕

ក្រសួងរៀបចំដែនដីនឹងផ្សព្វផ្សាយកម្មវិធីប្រលងប្រជែងរចនាប្លង់នគរូបនីយកម្មតំបន់ឆ្នេរកម្ពុជា

July 10, 2024

ដោយៈ គង់ សូរិយា

ភ្នំពេញៈ ក្រសួងរៀបចំដែនដីនគរូបនីយកម្ម និង សំណង់ និងគណៈកម្មាធិកាជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ( គ.អ.ឆ.ក) នឹងរៀបចំសិក្ខាសាលាផ្សព្វផ្សាយកម្មវិធីប្រកួតប្រជែង រចនាគម្រោងប្លង់នគរូបនីយកម្ម តំបន់ឆ្នេរសមុទ្រកម្ពុជា។

កម្មវិធីប្រលងប្រជែងនេះ ធ្វើឡើងក្រោមប្រធានបទ “កម្ពុជាមាតុភូមិខ្ញុំ ទីក្រុងខ្ញុំ ឆ្នេរសមុទ្រខ្ញុំ” ដែលនឹងប្រព្រឹត្តទៅនៅថ្ងៃទី១២ ខែកក្កដា ឆ្នាំ២០២៤ វេលាម៉ោង ៨:៣០នាទីព្រឹក នៅសាលប្រជុំលេខ៣៨៦ ជាន់ទី១ នៃទីស្តីការក្រសួងរៀបចំដែនដីនគរូបនីយកម្ម និងសំណង់។

សេចក្តីប្រកាសនេះ ជាការជូនដំណឹងដល់ស្ថាបត្យករ វិស្វករ នគរូបនីយករ នីតិបុគ្គលសិក្សាគម្រោងប្លង់ សាស្ត្រាចារ្យ អ្នកវិជ្ជាជីវៈរចនា និង និស្សិតស្ថាបត្យកម្មវិស្វកម្មទាំងនៅក្របខណ្ឌជាតិ និងអន្តរជាតិជ្រាបជាពត៌មាន និងអញ្ជើញចូលរួមសិក្ខាសាលានេះ តាមកាលបរិច្ឆេទតាមកាលវិភាគខាងលើ៕

1...469470471...3,241 Page 470 of 3,241