ដោយៈ គង់ ហ្វីអូណា
ភ្នំពេញៈ ក្រុមអ្នកវិភាគសង្គមកម្ពុជា បានបង្ហាញក្តីសង្ឃឹម និងជឿជាក់ថា ចំណងមិត្តភាពសាមគ្គីភាព និងកិច្ចសហប្រតិបត្តិការដ៏ល្អរវាងកម្ពុជា និងចិននឹងកាន់តែរឹងមាំគង់វង្សស្ថិតស្ថេរ ដើម្បីជាគុណប្រយោជន៍ដ៏ធំធេង សម្រាប់ប្រជាជននៃប្រទេសទាំងពីរ ទាំងពេលបច្ចុប្បន្ន និងក្នុងពេលអនាគត។
ផ្នែកលើទំនាក់ទំនងដ៏ល្អ រវាងប្រទេសទាំងពីរ ដែលបានពង្រឹងពង្រីកកាលពីឆ្នាំចាស់កន្លងទៅ និងការសហការគ្នាជាបន្តបន្ទាប់រវាងថ្នាក់ដឹកនាំកម្ពុជាចិន គឺប្រទេសទាំងពីរកាន់តែយល់ចិត្តគ្នា ហើយគាំទ្រគ្នាគ្រប់កាលៈទេសៈ។
កាលពីឆ្នាំ២០២៣កន្លងទៅថ្មីៗនេះ កម្ពុជាចិនបានប្រារព្ធខួបអនុស្សាវរីយ៍លើកទី៦៥ នៃការបង្កើតទំនាក់ទំនងការទូតកម្ពុជា-ចិនធ្វើឱ្យទំនាក់ទំនង និងកិច្ចសហប្រតិបតិ្តការ រវាងប្រទេសទាំងពីរបានឈានដល់កម្រិតខ្ពស់បំផុត។
លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិនបានមានប្រសាសន៍ថា ប្រសិនជាមិនរាប់បញ្ចូលដល់ប្រវត្តិទំនាក់ទំនង រវាងប្រជាជន និងប្រជាជន នៃប្រទេសយើងទាំងពីរ កម្ពុជានិងចិន ដែលមានអាយុកាលមិនតិចជាង២០០០ឆ្នាំ នោះឆ្នាំ២០២៤នេះ គឺជាការបើកទំព័រនៃខួប៦៦ឆ្នាំ នៃទំនាក់ទំនងការទូតរវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិនសម្រាប់ឆ្នាំថ្មីឆ្នាំ២០២៤នេះ។ លោកបញ្ជាក់ថា “ខ្ញុំរំពឹងថាទំនាក់ទំនងកម្ពុជា-ចិនកាន់តែរឹងមាំនិងពោរពេញដោយវឌ្ឍនភាពចម្រើនបន្ថែមទៀត”។
លោកបណ្ឌិត ជា មុនីឫទ្ធិបានបន្តថា កម្ពុជា និងចិនជាដៃគូដ៏មានសក្តានុពលរួមគ្នា នៅក្នុងកិច្ចកសាង “ខ្សែក្រវាត់និងផ្លូវ” ដែលមានអាយុកាលជាង១ទសវត្សរ៍កន្លងមកនេះ។ ឆ្នាំ២០២៤នេះ កិច្ចសហប្រតិបត្តិការរវាងប្រជាជន និងប្រជាជន នឹងបង្កើនកម្លាំងកាន់តែខ្លាំង ដល់ការងើបឡើងវិញ នៃសេដ្ឋកិច្ចរបស់ប្រទេសយើងទាំងពីរ ហើយក៏ជាការជំរុញបន្ថែមទៀតនូវការតភ្ជាប់ ជាមិត្តភាពរវាងប្រទេសយើងទាំងពីរ។
លោកបញ្ជាក់ថា “ក្នុងរយៈពេល១០ឆ្នាំកន្លងមក គម្រោងស្តីពីការរួមគ្នាកសាង “ខ្សែក្រវាត់និងផ្លូវ” ត្រូវបានអនុវត្តនិងទទួលបានសមិទ្ធផលជាផ្លែផ្កា ជាក់ស្តែងគម្រោងផ្លូវល្បឿនលឿន ពីរាជធានីភ្នំពេញទៅកាន់ខេត្តព្រះសីហនុ ត្រូវបានដាក់ឱ្យប្រើប្រាស់ជាផ្លូវការរយៈពេលជាង១ឆ្នាំកន្លងមកនេះ បន្ថែមពីលើកិច្ចព្រមព្រៀងRCEPក៏បានចូលជាធរមានរយៈពេល២ឆ្នាំកន្លងមក ដែលបានបំពេញបន្ថែមកម្លាំងចលករយ៉ាងខ្លាំង ដល់កិច្ចសហប្រតិបតិ្តការ ផ្នែកសេដ្ឋកិច្ចរបស់កម្ពុជា ដែលទទួលបានការគាំទ្រពីប្រទេសចិន លើកិច្ចសហប្រតិបត្តិការត្បូងពេជ្រឆកោណ។
ក្នុងន័យនេះបានផ្តល់សក្ខីកម្ម យ៉ាងប្រត្យក្សពីទឡ្ហីករណ៍ ដែលគូសរំលេចពីកាតាលីករ នាំឱ្យទំនាក់ទំនងប្រទេសទាំងពីរ កម្ពុជានិងចិនឈានដល់កម្រិតខ្ពស់បំផុត។
ជាមួយគ្នានេះ លោកគង់ សិរីរ័ត្ន អ្នកតាមដានផ្នែកទំនាក់ទំនងកម្ពុជា- ចិនបានបង្ហាញការមើលឃើញថា មានមូលហេតុច្រើនយ៉ាងដែលនឹងជំរុញឱ្យទំនាក់ទំនងកម្ពុជាចិន នឹងកាន់តែរឹងមាំក្នុងឆ្នាំ២០២៤នេះ។លោកបញ្ជាក់ថា “មានមូលហេតុច្រើនណាស់ ដែលធ្វើឱ្យទំនាក់ទំនងកម្ពុជា ចិនឈានដល់កម្រិតខ្ពស់បំផុត គឺកត្តាគាំទ្រគ្នា ការទុកចិត្តគ្នា មានទំនាក់ទំនងវិស័យការទូត នយោបាយគ្រប់កម្រិតទាំងអស់”។
ជាក់ស្តែងក្នុងកិច្ចប្រជុំខ្សែក្រវាត់និងផ្លូវ កាលពីខែតុលាឆ្នាំ២០២៣ នៅទីក្រុងប៉េកាំងប្រទេសចិន យើងឃើញថា សម្តេចធិបតីហ៊ុនម៉ាណែត និងឯកឧត្តមស៊ី ជីងពីង បានឯកភាពគាំទ្រការកំណត់យកឆ្នាំ២០២៤ ជា “ឆ្នាំនៃការផ្លាស់ប្ដូរប្រជាជន និងប្រជាជនរវាងកម្ពុជា និងចិន” ។ក្នុងនោះយើងក៏ឃើញភាគីទាំងពីរ បានជំរុញការផ្លាស់ប្ដូរពាណិជ្ជកម្ម ទេសចរណ៍ រវាងប្រទេសទាំងពីរ ហើយថ្នាក់ដឹកនាំចិន និងកម្ពុជាតែងតែបញ្ជាក់ច្បាស់ៗថា នឹងគាំទ្រគ្នាទៅវិញទៅមក។
ជាមួយគ្នានេះ ក្រុមអ្នកវិភាគ និងសង្គមស៊ីវិលនៅកម្ពុជាបានវាយតម្លៃថា ឆ្នាំ២០២៤នេះ គឺជាការបើក នៃទំនាក់ទំនងការទូតលើកទី៦៦ឆ្នាំរវាងកម្ពុជាចិន ពោលគឺមិនថាក្នុងក្របខ័ណ្ឌទ្វេភាគី ឬពហុភាគីឡើយកម្ពុជា ចិន តែងតែបង្ហាញការគាំទ្រគ្នាជានិច្ច ដើម្បីនាំមកនូវផលប្រយោជន៍សម្រាប់ប្រជាជន និងប្រទេសទាំងពីរ និងរួមចំណែកដល់សន្តិភាព ស្ថិរភាព វិបុលភាពក្នុងតំបន់ និងអន្តរជាតិ៕
ទី២: ផ្ទះ មានរូបរាងជាយន្តហោះ Airplane House
ទី៣: អគារមានរូបរាងជាត្រី Fish Building
ទី៤: សារមន្ទីរ ArtScience
ទី៥: ផ្ទះ Cubic
តំបន់ Fangchenggang ដែលមានកំពង់ផែសមុទ្រធំជាងគេនៅភាគខាងលិចប្រទេសចិនដើរតួជាច្រកទ្វារទំនាក់ទំនងសេដ្ឋកិច្ចដ៏សំខាន់មួយសម្រាប់សមាគមប្រជាជាតិអាស៊ីអាគ្នេយ៍ឬហៅកាត់ថាអាស៊ាន ព្រោះតំបន់នេះជាកន្លែងផ្ទុក និងផ្ទេរទំនិញដ៏ធំរវាងប្រទេសចិន និងអាស៊ាន។
យោងតាមមន្ត្រីរបស់ក្រុមហ៊ុនផ្លូវដែករដ្ឋចិន បានមានប្រសាសន៍ឱ្យដឹងថា “ផ្លូវរថភ្លើងថ្មីនេះមានសារសំខាន់ណាស់ក្នុងការជួយសម្រួលដល់ការធ្វើដំណើរ ជំរុញទេសចរណ៍ព្រំដែន ការផ្លាស់ប្តូរសេដ្ឋកិច្ច និងពាណិជ្ជកម្ម និងការលើកកម្ពស់ការតភ្ជាប់ហេដ្ឋារចនាសម្ព័ន្ធសម្រាប់គំនិតផ្តួចផ្តើមខ្សែក្រវ៉ាត់ និងផ្លូវ”។
ជាវិធានការដោះស្រាយ រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ចកម្ពុជា បានដាក់ចេញនូវវិធានការលើកលែងពន្ធ សម្រួលលើលិខិតនានា និងអនុញ្ញាតឱ្យវិស័យឯកជន បង្កើតមូលនិធិនៃគម្រោងវិនិយោគរួម និងតាមរយៈបរធនបាលកិច្ចរបស់ក្រសួងសេដ្ឋកិច្ចផងដែរ។
លោកឡុង ឌីម៉ង់អភិបាលរងខេត្ត និងជាមន្រ្តីទទួលបន្ទុកបញ្ហាអាគារជាប់គាំងនៅក្រុងព្រះសីហនុ ធ្លាប់បានមានប្រសាសន៍ឲ្យដឹងកាលពីពេលថ្មីៗនេះថា ក្រុមការងារអន្តរក្រសួង បានបញ្ចប់ការកំណត់អត្តសញ្ញាណអគារជាប់គាំងរួចហើយ ដែលបច្ចុប្បន្ននេះយើងកំពុងរៀបចំកំណត់Zooningអាគារទាំងនោះថា អាចប្រើប្រាស់សម្រាប់ផ្នែកអ្វីខ្លះ ខណៈកន្លងមកក្រុមការងារ គ្រោងរៀបចំអាគារជាប់គាំងទាំងនោះ ជា៤ផ្នែកសម្រាប់គោលដៅប្រើប្រាស់ខុសៗគ្នា៕
ដោយឡែក ប្លង់ទន់ត្រូវបានផ្ដល់ជូន ដោយការិយាល័យសង្កាត់ឬស្រុកនិងមិនត្រូវបាន ចុះឈ្មោះនៅថ្នាក់ជាតិនោះទេ ប៉ុន្តែនៅតែត្រូវបានគេចាត់ទុកជាឯកសារ ម្ចាស់កម្មសិទ្ធិពេញសិទ្ធិ។ ភាគច្រើននៃការផ្ទេរអចលនទ្រព្យ ត្រូវបានគេធ្វើឡើងជាប្លង់ទន់ ដើម្បីចៀសវាងការបង់ពន្ធ និងតម្លៃសេវាទៅកាន់រដ្ឋ។
