អត្រាអតិផរណានៅក្នុងប្រទេស ដែលមានសេដ្ឋកិច្ចធំជាងគេបំផុតរបស់សហភាពអឺរ៉ុប ធ្លាក់ចុះដល់៣,២ភាគរយ

ដោយ: គង់ លាងហួរ
អន្តរជាតិ: សម្ពាធតម្លៃទំនិញក្នុងប្រទេសអាល្លឺម៉ង់បានបន្តថយចុះ ខណៈអត្រាអតិផរណាបានធ្លាក់ចុះដល់៣,២ភាគរយក្នុងខែវិច្ឆិកា ដែលជាកម្រិតទាបបំផុត គិតចាប់តាំងពីខែមិថុនា ឆ្នាំ២០២១។ នេះបើយោងតាមតួលេខបឋមដែលចេញផ្សាយដោយការិយាល័យស្ថិតិសហព័ន្ធ (Destatis)។

អតិផរណាក្នុងប្រទេសអាល្លឺម៉ង់ បាននិងកំពុងមានភាពប្រក្រតីឡើងវិញយឺតជាង បណ្តាប្រទេសផ្សេងទៀតនៅតំបន់អឺរ៉ុប ។ តួយ៉ាង កាលពីខែសីហាកន្លងទៅ អត្រាអតិផរណានៅប្រទេសអាល្លឺម៉ង់ ដែលជាប្រទេសមានសេដ្ឋកិច្ចធំបំផុតរបស់សហភាពអឺរ៉ុបនៅតែស្ថិតក្នុងរង្វង់៦,១ភាគរយ។

ការិយាល័យស្ថិតិសហព័ន្ធ (Destatis) បានគូសបញ្ជាក់ឱ្យដឹងថា “ការធ្លាក់ចុះ៤,៥ភាគរយនៃតម្លៃថាមពលធៀបមូលដ្ឋានប្រចាំឆ្នាំ បានជះឥទ្ធិពលជាពិសេសទៅលើអត្រាអតិផរណា។ នេះគឺដោយសារតែឥទ្ធិពលមូលដ្ឋាន ដែលបណ្តាលមកពីកម្រិតតម្លៃថាមពលដ៏ខ្ពស់បំផុតកាលពីឆ្នាំមុន”។ម្យ៉ាងវិញទៀត តម្លៃអាហារបានបន្តកើនឡើងលឿនជាងអត្រាអតិផរណាទាំងមូល ក្នុងកម្រិត៥,៥ភាគរយលើមូលដ្ឋានប្រចាំឆ្នាំ។ ទោះជាយ៉ាងនេះក្តី តម្លៃម្ហូបអាហារមិនបានកើនឡើងខ្លាំងគួរឱ្យកត់សម្គាល់ដូចកាលពីខែមុនៗទៀតឡើយ។

ទោះបីជាមានការវិវឌ្ឍន៍បែបនេះយ៉ាងណាក្តី វិទ្យាស្ថានស្រាវជ្រាវសេដ្ឋកិច្ចអាល្លឺម៉ង់ (DIW) បានបញ្ជាក់ឱ្យដឹងថា “ការធ្លាក់ចុះបន្តិចម្តងៗនៃអតិផរណា និងការកើនឡើងប្រាក់ឈ្នួលពិតប្រាកដ មិនបានធ្វើឱ្យអារម្មណ៍នៃការចំណាយរបស់មនុស្សប្រសើរឡើងនោះទេ គិតរហូតមកដល់ពេលនេះ”។

យោងតាមការស្ទង់មតិដែលចេញផ្សាយដោយទីភ្នាក់ងារឥណទាន Schufa Holding AG នៅពាក់កណ្តាលខែវិច្ឆិកា បានឱ្យដឹងថា ៧៤ភាគរយនៃអ្នកប្រើប្រាស់នៅប្រទេសអាល្លឺម៉ង់បាននិយាយថា ពួកគេមានស្មារតីចំណាយតិចជាងមុន នៅពេលដើរទិញទំនិញ៕Xinhua៕

តើក្រុមអ្នកជំនាញអចលនទ្រព្យមានសុទិដ្ឋិនិយមបែបណា សម្រាប់ឆ្នាំ២០២៤ ស្របពេលមានសញ្ញាវិជ្ជមានសម្រាប់សេដ្ឋកិច្ច?

ដោយៈ ជេស៊ីកា

ភ្នំពេញៈ ក្រុមអ្នកជំនាញនិងជាថ្នាក់ដឹកនាំ នៃសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) បានសម្តែងសុទិដ្ឋិនិយម និងមើលឃើញសញ្ញានៃក្តីសង្ឃឹម សម្រាប់វិស័យអចលនទ្រព្យនៅកម្ពុជា។

លោកសេង សុភ័ក្រ អនុប្រធានប្រតិបត្តិCVEAបានមានប្រសាសន៍ ក្នុងពិធីបើកសន្និបាតការងារសមាគម និងបានថ្លែងក្នុងសន្និសីទសារព័ត៌មានកាលពីថ្ងៃទី១១ ធ្នូកន្លងមកថា នៅឆ្នាំ២០២៤ នឹងមានចំណុចវិជ្ជមានច្រើន ព្រោះឆ្នាំ២០២៣ ជាឆ្នាំដ៏លំបាករួចហើយ។ លោកបញ្ជាក់ថា “វាជាពេលម្ចាស់អចលនទ្រព្យ ដែលត្រូវត្រលប់មកវិញ យើងសង្ឃឹមនឹងមានការទិញ ដោះដូរច្រើនជាងមុន ប៉ុន្តែតម្លៃមិនកើនឡើងទេ”។បើតាមលោកសេង សុភ័ក្របានឲ្យដឹងថា រដ្ឋាភិបាលកំពុងធ្វើគោលនយោបាយ ដើម្បីជួយជម្រុញវិស័យនេះផងដែរ ដើម្បីជម្រុញការវិនិយោគក្នុងស្រុក និងទាក់ទាញការវិនិយោគពីបរទេស។

រដ្ឋាភិបាលបានបង្ហាញការព្យាករណ៍ កំណើនសេដ្ឋកិច្ចកម្ពុជា នឹងហក់ឡើងដល់កម្រិត៦,១ភាគរយ នៅឆ្នាំ២០២៤ខាងមុខ ខណៈវិស័យដែលជាកំលាំងចលករជម្រុញកំណើន បាននិងកំពុងបង្ហាញសញ្ញាវិជ្ជមាន។ជាមួយគ្នានេះ លោកស្រីតាំង ហួរអនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឲ្យដឹងផងដែរថា ស្ថានភាពទីផ្សារបាននិងកំពុងផ្តល់ក្តីសង្ឃឹម ខណៈធនាគារនានានឹងចាប់ផ្តើមបញ្ចេញឥណទាន នៅឆ្នាំ២០២៤ខាងមុខនេះ ស្របពេលឆ្នាំ២០២៣កន្លងមក ធនាគារភាគច្រើនបានបិទឥណទានសម្រាប់វិស័យនេះ។ លោកស្រីបន្តថា “ទីផ្សារនឹងមានការដោះដូរច្រើន តម្លៃដីធ្លីនឹងកើនឡើងនៅតំបន់មួយចំនួន ពិសេសតំបន់ជាយក្រុងភ្នំពេញ”។ចំណែកលោកឧកញ៉ាចេង ខេង ប្រធានក្រុមហ៊ុនCPL បានមានប្រសាសន៍ឲ្យដឹងផងដែរថា ពេលនេះល្អសម្រាប់អ្នកទិញ អ្នកវិនិយោគសាំនឹងសង្រ្គាម ពួកគេសាំនឹងជម្ងឺកូវីដហើយ ហេតុនេះពួកគាត់នឹងចាប់ផ្តើមវិនិយោគឡើងវីញ។ លោកបន្តថា “វាជាសញ្ញាល្អសម្រាប់ស្វាគមន៍ឆ្នាំថ្មី គឺចាប់ផ្តើមល្អ។ ពេលសម្រេចចិត្តទិញត្រូវ រើសបានល្អ និងទិញនឹងចំណេញ មិនចាំបាច់ទុកយូរទេ”។អ្នកជំនាញម្នាក់ទៀត គឺលោកវ៉ា វីរៈ អនុប្រធានសមាគមដដែលបានមានប្រសាសន៍ថា នៅឆ្នាំ២០២៤ អ្នកធ្វើដំណើរទេសចរណ៍នៅលើពិភពលោក នឹងកើនឡើងលើសមុនវិបត្តិកូវីដ១៩ នេះបើយោងតាមការព្យាករណ៍របស់អង្គការទេសចរណ៍ពិភពលោក។ លោកបន្តថា “អ្វីសំខាន់ដែលអ្នកទិញត្រូវចាំ គឺទិញអចលនទ្រព្យបានទទួលផលចំណេញ គឺទិញក្នុងតម្លៃល្អ បើទិញក្នុងតម្លៃខ្ពស់ គឺគាំង៥ឆ្នាំ ឬមានបញ្ហាគាំងលំហូរសាច់ប្រាក់តែម្តង”។ លោកបន្តថា “ទីតាំងឬLocation ជាចំណុចសំខាន់បំផុត ហើយត្រូវចាំថាការវិនិយោគអចលនទ្រព្យ គឺត្រូវការរយៈពេលវែង”។

ចំណែកប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកសន សៀប បានមានប្រសាសន៍ដោយប្រុងប្រយ័ត្ន និងបានលើកឡើងនូវទលឡ្ហីករណ៍មួយចំនួន មុននិយាយពីទីផ្សារនេះ។លោកបានបញ្ជាក់ថា លោកបានទៅទស្សនាប្រទេសថៃ និងបានឃើញភ្ញៀវទេសចរណ៍កើនឡើងច្រើន នៅព្រលានយន្តហោះសុវណនញភូមិប្រទេសថៃ ដែលធ្វើឲ្យលោកអាចសន្និដ្ឋានថា វិស័យទេសចរណ៍កម្ពុជា នឹងកើនឡើងខ្ពស់ផងដែរនៅឆ្នាំ២០២៤។ លោកបន្តថា “អ្នកវិនិយោគហុងកុងដ៏ធំមួយរូប បានប្រាប់ខ្ញុំថា អាស៊ីប៉ាស៊ីហ្វិកនឹងរះឡើង ពិសេសតំបន់អាស៊ីអាគ្មេយ៍”៕

សមាគម IATA: ប្រាក់ចំណេញសុទ្ធរបស់ឧស្សាហកម្មអាកាសចរណ៍ពិភពលោក នឹងឈានឡើងដល់២៥,៧ពាន់លានដុល្លារ ក្នុងឆ្នាំ២០២៤

ដោយ: គង់ លាងហួរ
អន្តរជាតិ: យោងតាមសមាគមដឹកជញ្ជូនផ្លូវអាកាសអន្តរជាតិ (IATA) បានឱ្យដឹងថា ប្រាក់ចំណេញសុទ្ធរបស់ឧស្សាហកម្មអាកាសចរណ៍ពិភពលោកត្រូវបានគេរំពឹងថានឹងកើនឡើងដល់២៥,៧ពាន់លានដុល្លារក្នុងឆ្នាំ២០២៤ ដែលតំណាងឱ្យអនុបាតប្រាក់ចំណេញសុទ្ធក្នុងរង្វង់២,៧ភាគរយ។

សមាគម IATA បានគូសបញ្ជាក់ឱ្យដឹងនៅក្នុងសេចក្តីថ្លែងការណ៍មួយថា សម្រាប់ឆ្នាំ២០២៣នេះ ឧស្សាហកម្មអាកាសចរណ៍ពិភពលោកត្រូវបានគេរំពឹងថា នឹងបង្កើតបានប្រាក់ចំណេញសុទ្ធចំនួន២៣,៣ពាន់លានដុល្លារ ជាមួយនឹងអនុបាតប្រាក់ចំណេញសុទ្ធក្នុងរង្វង់២,៦ភាគរយ។

សេចក្តីថ្លែងការណ៍បានបន្តថា ប្រាក់ចំណេញប្រតិបត្តិការរបស់ឧស្សាហកម្មអាកាសចរណ៍ពិភពលោកត្រូវបានគេរំពឹងថា នឹងកើនឡើងដល់៤៩,៣ពាន់លានដុល្លារក្នុងឆ្នាំ២០២៤ កើនឡើងពី៤០,៧ពាន់លានដុល្លារក្នុងឆ្នាំ២០២៣។

ចំណែក ប្រាក់ចំណូលសរុបរបស់ឧស្សាហកម្មអាកាសចរណ៍ក្នុងឆ្នាំ២០២៤ ត្រូវបានគេរំពឹងថានឹងកើនឡើង៧,៦ភាគរយធៀបនឹងឆ្នាំ២០២៣ ដល់កម្រិតខ្ពស់បំផុត៩៦៤ពាន់លានដុល្លារ។

សមាគម IATA បានធ្វើការព្យាករណ៍ថា មនុស្សប្រហែល៤,៧ពាន់លាននាក់នឹងធ្វើដំណើរតាមផ្លូវអាកាសនៅឆ្នាំ២០២៤ បើធៀបនឹង៤,៥ពាន់លាននាក់ក្នុងឆ្នាំ២០១៩ ពោលគឺលើសពីកម្រិតមុនផ្ទុះជំងឺរាតត្បាតទៅទៀត។

រីឯ បរិមាណដឹកជញ្ជូនទំនិញតាមផ្លូវអាកាសត្រូវបានគេរំពឹងថា នឹងឈានដល់៥៨លានតោន និង៦១លានតោនក្នុងឆ្នាំ២០២៣ និងឆ្នាំ២០២៤ រៀងៗគ្នា។

លោក Willie Walsh អគ្គនាយកសមាគម IATA បានលើកឡើងថា ដោយពិចារណាលើការខាតបង់ធំៗក្នុងរយៈពេលប៉ុន្មានឆ្នាំថ្មីៗនេះ ប្រាក់ចំណេញសុទ្ធចំនួន២៥,៧ពាន់លានដុល្លារដែលរំពឹងទុកសម្រាប់ឆ្នាំ២០២៤ គឺជាភស្តុតាង ដែលបង្ហាញពីភាពធន់របស់វិស័យអាកាសចរណ៍៕

លោកឧកញ៉ាចេង ខេងៈទីផ្សារដីធ្លីនឹងងើបឡើងវិញនៅឆ្នាំ២០២៤

ដោយៈ គង់ សូរិយា

ភ្នំពេញៈ លោកឧកញ៉ាចេង ខេងប្រធានក្រុមហ៊ុនCPLបានថ្លែងថា ទីផ្សារដីធ្លីនឹងងើបឡើងវិញ នៅឆ្នាំ២០២៤ខាងមុខនេះ ស្របពេលបណ្តាធនាគារនានា នឹងបញ្ចេញឥណទានសម្រាប់វិស័យនេះ។

លោកឧកញ៉ាបានមានប្រសាសន៍ឲ្យដឹង ក្នុងពិធីបើកសន្និបាតសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា កាលពីថ្ងៃទី១១ ធ្នូថា ទីផ្សារនឹងមានសភាពល្អប្រសើរ បើទោះបីតម្លៃដីអាចមិនទាន់កើនឡើងច្រើនក្តី ប៉ុន្តែវានឹងមានភាពប្រសើរឡើង និងអាចកើនតម្លៃនៅតាមតំបន់មួយចំនួន។លោកបបន្តថា “ការបញ្ចេញឥណទានរបស់ធនាគារ ប្រៀងដូចជាមនុស្សស្រេកទឹក ហើយត្រូវគេផ្តល់ទឹកឲ្យផឹកចឹង ឥណទានវានឹងជួយដល់វិស័យនេះ”។ លោកបន្តថា “ការរីកចម្រើនវិស័យនេះ នឹងបន្តមានទៀត ប៉ុន្តែវាទាមទារនូវការរួបរួមមួយ ដើម្បីជម្រុញវិស័យនេះឲ្យមានភាពរីកចម្រើន”។

លោកឧកញ៉ាចេង ខេងបានបន្តថា នៅប្រទេសយើង ធនធានមនុស្សបស់យើង កាន់តែមានភាពប្រសើរឡើង ដែលអាចផ្តល់ទំនុកចិត្តដល់អ្នកវិនិយោគ ព្រោះអ្នកវិនិយោគត្រូវការធនធានមនុស្សល្អ ទើបពួកគេមកវិនិយោគនៅកម្ពុជាយើង ហើយបើយើងគ្មានធនធានមនុស្សមានសមត្ថភាពទេ យើងក៏មិនអាចទាក់ទាញការវិនិយោគពីបរទេសបានឡើយ៕

ក្រុមហ៊ុន Wonder Capital គ្រោងបញ្ចេញទុនវិនិយោគពីមូលនិធិបង្កើតថ្មី ដល់គម្រោងសាងសង់អគារខ្ពស់ជាងគេបំផុត Mesong Tower នៅកម្ពុជា

ដោយ: គង់ លាងហួរ
អន្តរជាតិ: គម្រោងសាងសង់អគារប្រើប្រាស់ចម្រុះ Mesong Tower នៅរាជធានីភ្នំពេញ នឹងក្លាយជាគោលដៅដំបូងគេបង្អស់ ដែលទទួលបានទុនវិនិយោគពីមូលនិធិវិនិយោគរួម CMAG Funds ដែលទើបនឹងត្រូវបានបង្កើតថ្មី។

Mesong Tower គឺជាគម្រោងសាងសង់អគារខ្ពស់ជាងគេបំផុតនៅកម្ពុជា ដែលមានកម្ពស់២៥២ម៉ែត្រ ដោយស្មើនឹង៧១ជាន់។

គម្រោងអគារ Mesong Tower ត្រូវបានសាងសង់ឡើងដោយក្រុមហ៊ុន Wonder Development ដែលជាបុត្រសម្ព័ន្ធរបស់ក្រុមហ៊ុន Wonder Capital Group។សមាជិកម្នាក់មកពីគ្រួសារមហាសេដ្ឋីនៅប្រទេសថៃកំពុងចាប់ដៃគូជាមួយក្រុមហ៊ុនគ្រប់គ្រងទ្រព្យសម្បត្តិ Wonder Capital Group ដែលមានមូលដ្ឋាននៅទីក្រុងហុងកុង ដើម្បីបោះទុនវិនិយោគលើទីផ្សារអចលនទ្រព្យប្រណីតនៅតំបន់អាស៊ីអាគ្នេយ៍។

លោក Chatchaval Jiaravanon សមាជិកគ្រួសារមហាសេដ្ឋីថៃ ដែលកាន់កាប់ក្រុមហ៊ុន Charoen Pokphand Group កំពុងដឹកនាំអ្នកវិនិយោគមួយក្រុម នៅក្នុងមូលនិធិវិនិយោគរួមថ្មី CMAG Funds ដែលគ្រប់គ្រងដោយក្រុមហ៊ុន Wonder Capital Group ។លោកស្រី Gigi Chan ស្ថាបនិក និងជានាយកប្រតិបត្តិនៃក្រុមហ៊ុន Wonder Capital បានលើកឡើងថា ក្រុមហ៊ុនរបស់លោកស្រី រួមជាមួយទីភ្នាក់ងារអចលនៈទ្រព្យថៃ (IFCG) កំពុងកំណត់គោលដៅវិនិយោគលើទីផ្សារអចលនទ្រព្យប្រណីត ក្នុងតំបន់អាសុី ដោយមានផែនការរៃអង្គាសប្រាក់ឱ្យបានរហូតដល់១០០លានដុល្លារសម្រាប់មូលនិធិ CMAG Funds។លោកស្រី Chan បានគូសបញ្ជាក់ឱ្យដឹងនៅក្នុងសេចក្តីថ្លែងការណ៍មួយថា “យើងពិតជាជឿជាក់ថា ទីផ្សារនៅតំបន់អាស៊ីអាគ្នេយ៍គឺជាឱកាស ដែលអាចនឹងជោគជ័យបំផុតមួយសម្រាប់អ្នកវិនិយោគសកល”។

វិស័យអចលនទ្រព្យសកលបានរងផលប៉ះពាល់យ៉ាងខ្លាំងកាលពីឆ្នាំមុន ដែលមួយផ្នែកគឺដោយសារតែការដំឡើងអត្រាការប្រាក់ ដែលធ្វើឲ្យអគារការិយាល័យជាច្រើនទុកនៅទំនេរចោល។ ប៉ុន្តែ លោក Chatchaval មើលឃើញថា មូលនិធិថ្មីនេះជាឱកាសរយៈពេលវែងនៅក្នុងទីផ្សារដែលលោកធ្លាប់ស្គាល់៕Bangkok Post៕

Chief Bank Embarks on Next Decade with Vibrant Rebranding for Digital Era

By Tonic

Phnom Penh Marking a decade of operation in the Kingdom of Cambodia, Chief (Cambodia) Commercial Bank has unveiled its new logo, a move that signifies more than just a corporate rebrand—it announces the bank’s readiness to embrace an era of digital-first banking. The fresh, dynamic logo is part of a strategic initiative to resonate with Cambodia’s younger, tech-savvy generation as Chief Bank commences its tenth year in the industry.Dr. Soeung Morarith, Chief Executive Officer of Chief Bank, explained the significance of the new logo as a representation of an institution re-aligning itself with the forward-thinking and digitally native customers that are increasingly becoming a focal point of the wider financial sector in Cambodia. “Chief Bank’s new emblem is a visual testament to our commitment to innovation and our readiness to cater to the digital era,” Dr. Morarith stated. “It is not just a change in design but a signal to the market that we are evolving with the changing needs of our clients, particularly the dynamic young generation that is poised to lead Cambodia’s future.”Strategic Planning and Responsive Approach to Market Demands
Since launching in the Cambodian market in 2013, Chief Bank has matured from a specialized bank to a comprehensive commercial bank in 2018. Its journey has been marked by an impressive resilience in the face of global and local economic fluctuations. This resilience is reflected in the growth of its total deposits, now exceeding $160 million, and its total assets amounting to over $240 million as of November this year. This financial solidity is a direct result of the bank’s strategic planning and its responsive approach to market demands.The CEO recalled the bank’s strategic evolution, emphasizing the values that have steered its course, “We have built a foundation of trust with our customers through a dedication to professional ethics, integrity, prudence, and transparency. These are not just principles but the pillars that have supported our decade-long journey.” Chief Bank’s commitment to keeping pace with the latest in financial technologies has led to strategic partnerships with technology frontrunners from the Hong Kong, India etc. These partnerships have been crucial in ensuring that the bank’s technological infrastructure remains leading-edge and efficient, a necessity for serving the new generation of customers.As Chief Bank looks to the horizon, Dr. Morarith unveiled plans to reinforce corporate branding, adhere strictly to compliance standards, and extend their presence in key locations within Phnom Penh. The CEO also shared wisdom for emerging talents in the banking industry, highlighting the importance of continuous learning, a robust track record of achievement, and maintaining integrity. Youthful & Innovative Rebrand Signals Shift to Digital-First Banking The rebranding initiative marks a significant pivot point for Chief Bank as it transitions into its second decade of operation. The new logo not only reflects a youthful and innovative spirit but also stands as an emblem of Chief Bank’s relentless pursuit of being a digital-first banking institution that can effectively respond to and meet the distinctive banking needs of the Cambodian youth.

Chief Bank’s decade-long story offers a profound narrative of growth and tenacity within a challenging economic environment post COVID-19. It is a narrative that underscores the power of customer trust, strategic vision, and embracing digital technology in the competitive banking sector.

As the bank ventures into 2024, the new logo is not just an aesthetic update but a declaration of Chief Bank’s future-oriented strategy and its ambition to continue being an integral part of Cambodia’s financial landscape, resonating particularly with the aspirations of the next generation.

កម្ពុជា អូស្រ្តាលីសហការគ្នាផលិតពូជស្រូវជិត៥០ប្រភេទ ខណៈរដ្ឋមន្រ្តីក្រសួងអះអាងពីការត្រៀមជួយអ្នកវិនិយោគ

ដោយៈ ម៉ាលីនណា

ភ្នំពេញៈ លោកឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានលើកឡើងថា ក្រសួងបើកទូលាយសម្រាប់ការវិនិយោគ និងស្វាគមន៍គម្រោងអភិវឌ្ឍវិស័យកសិកម្មនៅកម្ពុជា។

បន្ថែមពីនេះក្រសួងត្រៀមខ្លួនក្នុងការសម្របសម្រួល និងគាំទ្រ ដើម្បីឱ្យកិច្ចសហប្រតិបត្តិការទទួលបានជោគជ័យ ផ្តល់ប្រយោជន៍ដល់កសិករ មានផលចំណេញ និងមានប្រសិទ្ធភាពសេដ្ឋកិច្ចពិតប្រាកដ។នេះបើតាមប្រសាសន៍របស់រដ្ឋមន្រ្តីរូបនេះ។

លោកឌិត ទីណាបានថ្លែងបែបនេះ ក្នុងជំនួបពិភាក្សាការងារជាមួយឯកឧត្តម Justin Whyatt ឯកអគ្គរដ្ឋទូតអូស្ត្រាលីប្រចាំនៅកម្ពុជាកាលពីសប្តាហ៍មុន។ក្នុងឱកាសនោះ លោករដ្ឋមន្រ្តី បានលើកឡើងនូវគោលនយោបាយរបស់ក្រសួង ដែលកំពុងជំរុញសហគមន៍កសិកម្មទំនើប ដែលមានសមត្ថភាព ដាំដុះផលិតផលកសិកម្ម ក្នុងទ្រង់ទ្រាយធំដូចជាស្រូវ ស្វាយចន្ទី និងម្រេច ដែលមានគុណភាពខ្ពស់ សម្រាប់កែច្នៃដើម្បីនាំចេញ និងទទួលបានតម្លៃបន្ថែមខ្ពស់។

លោកឌិត ទីណាបានបន្តទៀតថា ក្រសួងក៏កំពុងសហការជាមួយស្ថាប័នពាក់ព័ន្ធក្នុងការជ្រើសរើស និងដាក់ពង្រាយមន្ត្រីផ្សព្វផ្សាយកសិកម្ម ដែលមានសមត្ថភាពឆន្ទៈ នៅតាមមូលដ្ឋានភូមិឃុំ ដើម្បីជួយកសិករលើបច្ចេកទេស ការកាត់បន្ថយថ្លៃដើម ទីផ្សារ និងបញ្ហាប្រឈមផ្សេងៗឱ្យបានទាន់ពេលវេលា និងមានប្រសិទ្ធភាព។លោករដ្ឋមន្ត្រី បានសម្តែងនូវការសាទរចំពោះកិច្ចសហប្រតិបត្តិការល្អរវាងប្រទេសទាំងពីរ កម្ពុជា-អូស្ត្រាលី ក្នុងការចូលរួមអភិវឌ្ឍវិស័យកសិកម្មនៅកម្ពុជា ដោយចំពោះការគាំទ្ររបស់អូស្ត្រាលី ក្នុងកិច្ចការស្រាវជ្រាវពូជស្រូវនៅកម្ពុជា រហូតសម្រេចបានពូជស្រូវចំប៉ីស ៧០ និងពូជស្រូវផ្សេងៗទៀតចំនួនជិត៥០ប្រភេទ៕

Cambodia’s total public debt stands at 10.72 bln USD as of September

The Cambodian government had a total public debt of 10.72 billion U.S. dollars as of September 2023, according to the Cambodia Public Debt Statistical Bulletin released by the Ministry of Economy and Finance on Friday.

The public debt comprised 64 percent from bilateral development partners and 36 percent from multilateral development partners, the bulletin said.

The composition of the public debt was comprised of 47 percent in USD, 20 percent in SDR (Special Drawing Rights), 11 percent in CNY, 11 percent in JPY, 7 percent in EUR and the rest in local and other currencies, the bulletin said.

During the January-September period this year, the government had signed new concessional loans with developmentd partners in a total amount of 1 billion dollars, which accounted for 45 percent of the ceiling permitted by law, it said.

“Overall, all the loans are highly concessional with an average grant element of around 43 percent,” the bulletin said. “The purpose of these new signed loans is to finance public investment projects in the priority sectors that support long-term sustainable economic growth and increase economic productivity.”

The bulletin said the Southeast Asian country had paid debt services to development partners in the amount of 437.5 million dollars during the first nine months of this year.

The kingdom’s public debt situation remained “sustainable” and “low risk” of debt distress despite being impacted by the COVID-19 pandemic and other external factors, it said.

The total public debt is at 24.2 percent of the country’s GDP (gross domestic product), which is far lower than the threshold of 40 percent, according to the bulletin. Source: xinhua

ថ្នាក់ដឹកនាំCVEA និងសមាជិកជាង១០០ក្រុមហ៊ុនជួបគ្នាជម្រុញឲ្យមានការរួបរួមគ្នាក្នុងវិស័យអចលនទ្រព្យ

ដោយៈ គង់ សូរិយា

ភ្នំពេញៈ ថ្នាក់ដឹកនាំសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) បានជួបជុំជាមួយសមាជិក សមាជិកាជាង១០០ក្រុមហ៊ុន ដើម្បីលើកឡើងនូវដំណោះស្រាយ សម្រាប់ឆ្នាំ២០២៤ខាងមុខ។

ប្រធានសមាគមCVEA លោកសន សៀបបានមានប្រសាសន៍ក្នុងពិធីបើកសន្និបាតនារសៀលថ្ងៃទី១១ ធ្នូនេះថា ស្ថានភាពវិស័យអចលនទ្រព្យនាពេលនេះ ទាមទារឲ្យយើងមានការរួបរួមគ្នា សហការគ្នា ទើបយើងសម្រេចបាន ជោគជ័យ”។ លោកបន្តថា “បច្ចុប្បន្នធនធានមនុស្សក្នុងវិស័យនេះ មានគុណភាព និងមានភាពត្រដំត្រសងជាមួយប្រទេសជិតខាង”។លោកបានមានប្រសាសន៍ទៅកាន់សមាជិក សមាជិកាដែលបានចូលរួមក្នុងសន្និបាតថា មានមនុស្សជាច្រើនបាននាំគ្នារត់តាមមេអំបៅ ដើម្បីចាប់មេអំបៅ ចុះហេតុអ្វីយើងមិនរួមគ្នាធ្វើសួនច្បារឲ្យបានស្អាត ដើម្បីទាក់ទាញមេអំបៅមករកយើង។

លើសពីនេះ លោកស្រីតាំង ហួរអនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ថា សមាគមនឹងមានរៀបចំព្រឹត្តិការណ៍ធំមួយ នៅឆ្នាំ២០២៤ខាងមុខ តាមរយៈការរៀបចំ ផ្តល់ពានរង្វាន់ដល់ថ្នាក់ដឹកនាំក្រុមហ៊ុន ដែលជាសមាជិក សមាជិការបស់សមាគម។ជាមួយគ្នានេះ លោកឧកញ៉ាចេង ខេងសមាជិកក្រុមប្រឹក្សាភិបាលសមាគមបានមានប្រសាសន៍ឲ្យដឹងថា ស្ថានភាពទីផ្សារអចលនវត្ថកម្ពុជា នឹងមានភាពប្រសើរ ស្របពេលធនធានមនុស្សក្នុងវិស័យនេះបានននិងកំពុងមានភាពប្រសើរ ដែលយើងអាចធ្វើការជាមួយអ្នកអភិវឌ្ឍន៍ធំៗមកពីអន្តរជាតិ។លោកបន្តថា “ធនធានមនុស្សមានសារៈសំខាន់ណាស់ ព្រោះបើធនធានមនុស្សយើងនៅមានកម្រិត យើងនឹងមិនអាចទាក់ទាញក៏ដូចជាផ្តល់ទំនុកចិត្តដល់អ្នកវិនិយោគនោះទេ”។

សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា អាណត្តិទី៨ បាននិងកំពុងរៀបចំកម្មវិធីចំនួន២ ដូចជា ទី១ កម្មវិធីLand Matching ដែលបាននិងកំពុងពង្រីកខ្លូន និងធ្វើឡើងរៀងរាល់សប្តាហ៍ និងទី២ កម្មវិធីវាយតម្លៃអចលនទ្រព្យ ដែលនឹងបាននិងកំពុងសហការគ្នារវាងក្រុមហ៊ុនចំនួន៣២ ដើម្បីជម្រុញវិស័យនេះឲ្យមានការរីកចម្រើន និងទទួលបានទំនុកចិត្តនៅក្នុងទីផ្សារ៕

អ្នកជំនាញសេដ្ឋកិច្ចលើកឡើងនូវយន្តការមួយចំនួនសម្រាប់ប្រជាពលរដ្ឋ និងគ្រឹះស្ថានហិរញ្ញវត្ថុត្រូវដោះស្រាយរួមគ្នា

ដោយៈ គង់ សូរិយា

ភ្នំពេញៈ បញ្ហាគាំងលំហូរសាច់ប្រាក់ បាននិងកំពុងក្លាយជាបញ្ហាប្រឈមមួយនៅកម្ពុជា ដែលត្រូវមានការដោះស្រាយជាមួយយន្តការឈ្នះឈ្នះទាំងអស់គ្នារវាងរដ្ឋាភិបាល វិស័យឯកជននិងប្រជាពលរដ្ឋ។

លោកបណ្ឌិតគី សេរីវឌ្ឍន៍ អ្នកស្រាវជ្រាវសេដ្ឋកិច្ច នៃរាជ្យបណ្ឌិតសភាកម្ពុជា បានលើកឡើងកាលពីចុងសប្តាហ៍មុនថា បើទោះបីជាបញ្ហាវិបត្តិសេដ្ឋកិច្ច ធ្វើឱ្យប្រជាពលរដ្ឋខ្វះលទ្ធភាព សងត្រឡប់ទៅធនាគារវិញក៏ដោយ ប៉ុន្តែអ្នកជាប់បំណុលមិនអាច មិនសងទៅធនាគារវិញបានទេ ព្រោះធនាគារត្រូវការប្រាក់ចំណេញ ដើម្បីធ្វើឱ្យខ្លួនមាននិរន្តភាពក្នុងអាជីវកម្ម និងត្រូវបង់ការប្រាក់ទៅដល់អ្នកដាក់បញ្ញើ និងទៅកាន់ប្រភពទុនពីក្រៅប្រទេស។លោកបានបញ្ជាក់ថា “ការរួមចំណែកដោះស្រាយទាំងអស់គ្នា គឺជាយុទ្ធសាស្រ្តដ៏សំខាន់បំផុត ដើម្បីធ្វើឱ្យវិស័យធនាគារបន្តភាពរឹងមាំ និងរក្សាបាននូវលំនឹងអាជីវកម្ម”។

លោកបានពន្យល់ថា ប្រសិនបើប្រជាពលរដ្ឋ បានជួបបញ្ហាហើយបាត់បង់ចំណូលទាំងស្រុង ត្រូវតែរាយការណ៍ទៅកាន់គ្រឹះស្ថានធនាគារ និងហិរញ្ញវត្ថុ ហើយចំពោះគ្រឹះស្ថានធនាគារវិញ គួរតែជូនដំណឹងទៅភ្នាក់ងាររបស់ខ្លួនឱ្យបានយល់ ប្រសិនបើក្នុងលក្ខខណ្ឌ ដែលប្រជាពលរដ្ឋ គ្មានលទ្ធភាពសងពិតប្រាកដ ត្រូវមានរបាយការណ៍ជូនទៅធនាគារជាតិ និងរកវិធីដោះស្រាយ។ បើមិនដូច្នេះទេ ប្រជាពលរដ្ឋដែលជាប់បំណុលទាំងនោះ នឹងងាយធ្លាក់ចូលទៅក្នុងភាពក្រីក្រ។

លោកបណ្ឌិតគី សេរីវឌ្ឍន៍បានបន្ថែមថា គ្រឹះស្ថានធនាគារ និងហិរញ្ញវត្ថុ និងធនាគារជាតិ ត្រូវធ្វើការសិក្សាឱ្យបានច្បាស់លាស់ពីបញ្ហានេះ ដើម្បីពន្យារ ឬផ្អាកការបង់មួយរយៈសិន ឬរដ្ឋាភិបាលត្រូវជួយទំនុកបំរុងបង្កើតមុខរបរ បង្កើតការងារ ឱ្យពួកគាត់មានការងារធ្វើ។

លោកបន្តថា រីឯអ្នកដែលបានបាត់បង់ការងារ ឬមុខរបរវិញ អាចមកចូលរៀនជំនាញវិជ្ជាជីវៈ ដែលរាជរដ្ឋាលបាននឹងកំពុងដាក់ចេញយុទ្ធសាស្រ្ត ផ្តល់ការបណ្តុះបណ្តាលដល់កម្លាំង ជំនាញ១លានសែននាក់។ នៅពេលដែលប្រជាពលរដ្ឋ មានលទ្ធផលរកការងារបាន រកចំណូលបាន នោះពួកគាត់នឹងមានលទ្ធភាពសងបំណុល ត្រឡប់វិញ។ចំណែកអ្នកដែលបាត់បង់ចំណូលខ្លះ គួរស្នើសុំធ្វើឥណទានឡើងវិញ ដើម្បីជួយកាត់បន្ថយចំនួនប្រាក់បង់សងប្រចាំខែ ទៅដល់ធនាគារវិញ។លោកបណ្ឌិតគី សេរីវឌ្ឍន៍បញ្ជាក់។លោកបន្តដោយពន្យល់ថា ការធ្វើឥណទានឡើងវិញ គឺមានសារៈសំខាន់ណាស់ សម្រាប់ជួយពលរដ្ឋដែលរងផលប៉ះពាល់ ជួយកាត់បន្ថយភាពក្រីក្រី ព្រមទាំងការស្តារស្ថានភាព ដ៏លំបាករបស់ប្រជាពលរដ្ឋ។ ប៉ុន្តែយ៉ាងនេះក្តី ការសម្របសម្រួលរបស់រដ្ឋាភិបាល ទៅលើការរៀបចំឥណទានឡើងវិញនេះ គឺសំខាន់ណាស់ ដើម្បីរក្សាកេរ្តិ៍ឈ្មោះរបស់គ្រឹះស្ថានធនាគារ និងហិរញ្ញវត្ថុនោះ និងកុំឱ្យវិស័យធានាគារចូលទៅក្នុងវិបត្តិ។

សម្តេចតេជោហ៊ុន សែនអតីតនាយករដ្ឋមន្រ្តីនៃកម្ពុជាធ្លាប់បានអំពាវនាវឲ្យគ្រឹះស្ថានធនាគារ និងមីក្រូហិរញ្ញវត្ថុ និងអ្នកអភិវឌ្ឍន៍នានាជួយសម្រួល និងរៀបចំឥណទានឡើងវិញ ពិសេសមិនអនុញ្ញាត្តឲ្យធនាគារ មីក្រូហិរញ្ញវត្ថុ និងអ្នកអភិវឌ្ឍន៍នានារឹបអូសយកអចលទ្រព្យរបស់ប្រជាពលរដ្ឋនោះទេ៕

1...695696697...3,250 Page 696 of 3,250