ដោយៈ ជេស៊ីកា

ភ្នំពេញៈ ប្រមុខរាជរដ្ឋាភិបាលកម្ពុជា សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានថ្លែងថា រាជរដ្ឋាភិបាលកំពុងពិចារណាលើការពង្រីកវិសាលភាពប័ណ្ណព្រំដែន ដើម្បីទាក់ទាញភ្ញៀវទេសចរ​ណ៍អន្តរជាតិ ដោយសាកល្បងធ្វើនៅខេត្តសៀមរាប ជាមុនសិន និងចាប់ផ្តើមពីឆ្នាំ២០២៤។

ឆ្លើយតបសំណើរពីវិស័យឯកជន
ផែនការនេះបានធ្វើឡើង តាមសំណើរបស់ផ្នែកឯកជនវិស័យទេ​សចរណ៍ រាជរដ្ឋាភិបាលកំពុងពិចារណា លើការពង្រីកវិសាលភាពបណ្ណព្រំដែន (Border Pass) ដើម្បីបង្កើនការទាក់ទាញភ្ញៀវទេសចរ ដែលរស់នៅតាមខេត្ត ជាប់ព្រំដែនជាមួយប្រទេសកម្ពុជាបន្ថែមទៀត ដោយអាចសាកល្បងធ្វើ នៅគោលដៅទេសចរណ៍ ខេត្តសៀមរាប ជាមុនសិនចាប់ពីឆ្នាំ២០២៤ មុនអនុវត្តន៍នៅតាមគោលដៅផ្សេងទៀត។

សម្ដេចមហាបវរធិបតី ហ៊ុន ម៉ាណែតបានបញ្ជាក់បែបនេះ នៅក្នុងវេទិការាជរដ្ឋាភិបាល​-ផ្នែក​ឯក​ជនលើកទី១៩ នាព្រឹកថ្ងៃទី១៣ ខែវិច្ឆិកា ឆ្នាំ២០២៣ នៅវិមានសន្តិភាព។

សម្ដេចធិបតីបានបញ្ជាក់ថា វិស័យឯកជនបានលើកសំណើ និងសំណូមពរឱ្យពង្រីកវិសាលភាពបណ្ណព្រំដែន ដើម្បីអនុញ្ញាតឱ្យភ្ញៀវទេសចរដែលរស់នៅតាមខេត្ត ជាប់ព្រំដែនជាមួយប្រទេសកម្ពុជា មានលទ្ធភាពធ្វើដំណើរ មកលេងដល់ខេត្តសៀមរាបតែម្ដង ដោយមិនចាំបាច់ប្រើប្រាស់លិខិតឆ្លងដែន (Passport)។ សម្ដេចធិបតីបានបញ្ជាក់ថា “ពាក់ព័ន្ធនឹងសំណើពង្រីកវិសាលភាពបណ្ណព្រំដែននេះ រាជរដ្ឋាភិបាលទទួលយកសំណើនេះ ដើម្បីពិភាក្សា”។

ជាមួយគ្នានេះ សម្ដេចធិបតី ហ៊ុន ម៉ាណែត ក៏បានពិភាក្សាជាមួយនាយករដ្ឋមន្ត្រីថៃ លោកស្រេដ្ឋា ថាក់វីស៊ីន (Srettha Thavisin) ហើយក៏មានគោលការណ៍ឯកភាពថា នឹងពិនិត្យមើលលទ្ធភាព ដើម្បីឱ្យប្រជាពលរដ្ឋដែលមកពីខាងថៃ អាចចូលមកដល់ខេត្តសៀមរាប ដោយមិនចាំបាច់កាន់លិខិតឆ្លងដែន។

សាកល្បងនៅខេត្តសៀមរាបមុនគេ
សម្ដេចធិបតីបានផ្ដល់គោលការណ៍ថា “ការពង្រីកវិសាលភាពបណ្ណព្រំដែននេះ អាចសាកល្បងធ្វើនៅខេត្តសៀមរាប ចាប់ពីឆ្នាំ២០២៤” ដើម្បីពិនិត្យមើលលទ្ធភាពបន្តទៀតថា តើអាចធ្វើនៅគោលដៅទេសចរណ៍ដទៃទៀតបានដែរឬទេ? ដោយហេតុថា ក្រៅពីសៀម​រាប-អង្គរ កម្ពុជាក៏មានគោលដៅទេសចរណ៍ច្រើនទៀត ដូចជានៅតំបន់ប្រាសាទសំបូរព្រៃគុក ក្នុងខេត្តកំពង់ធំជាដើម។

ការសាកល្បងស្ទាបស្ទង់នេះដែរ ក៏ព្រោះមិនមែនមានតែរឿងទេសចរណ៍ គឺមានទាំងផ្នែកសន្តិសុខ និងបញ្ហាផ្សេងៗទៀត ដែលចាំបាច់ត្រូវពិនិត្យមើលឱ្យបានច្បាស់។

សម្ដេចធិបតីបានបន្តទៀតថា ការពង្រីកវិសាលភាពបណ្ណព្រំដែននេះ គឺមានការកែសម្រួល លើកិច្ចព្រមព្រៀងឆ្លងដែនឡើងវិញ ហើយសម្ដេចធិបតី បានស្នើឱ្យក្រសួងមហាផ្ទៃ ក្រសួងការបរទេសនិងសហប្រតិបត្តិការអន្តរជាតិរួមគ្នា ជំរុញកិច្ចការនេះឱ្យបានឆាប់។

ភាគីកម្ពុជាមានការឯកភាពគ្នាតែជាមួយភាគីថៃ ដោយអនុញ្ញាតឱ្យប្រជាពលរដ្ឋនៅខេត្តជាប់ព្រំដែនកម្ពុជា -ថៃអាចធ្វើដំណើរឆ្លងកាត់ដោយមិនចាំបាច់មានលិខិតឆ្លងដែន ក្នុងនោះខាងប្រទេសកម្ពុជាមានខេត្តកោះកុង ពោធិ៍សាត់ ខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ខេត្តឧត្តរមានជ័យ និងខេត្តព្រះវិហារ រីឯខាងប្រទេសថៃមានខេត្តត្រាត ខេត្តចន្ទបុរី ខេត្តស្រះកែវ ខេត្តបុរីរម្យ ខេត្តសុរិន្ទ្រ ខេត្តសិរីសាកេត ឬស៊ីសាកេត និងខេត្តឧត្បលរាជធានី ឬអ៊ូបុនរ៉ាត់ឆាថានី។

ជាមួយគ្នានេះ រាជរដ្ឋាភិបាលកម្ពុជា កំពុងបន្តជំរុញការអនុវត្ត កម្មវិធីប្រតិបត្តិករសេដ្ឋកិច្ច – Authorize economic operators (ACO) និងកែលម្អប្រព្រឹត្តកម្ម លើកទឹកចិត្តសម្រាប់ធុរកិច្ចល្អបំផុត (Best Trader)។

រដ្ឋាភិបាលចង់ដើរតួនាទីជាអ្នកគាំទ្រវិស័យឯកជន
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា​ បានលើកឡើងថា “ការធ្វើបែបនេះ ជាការធានាដល់ទំនុកចិត្តរវាងរដ្ឋ និងឯកជន ដែល រដ្ឋអត់ចង់ដើរតួនាទីជាប៉ូលិសទេ រដ្ឋចង់ដើរតួនាទីជាអ្នកគាំទ្រវិស័យឯកជន”។

សម្តចបានបានបញ្ជាក់ថា បច្ចុប្បន្ន កម្ពុជាមានក្រុមហ៊ុនចំនួន៤៩ ​បានក្លាយជាBest Traders ហើយមានក្រុមហ៊ុនចំនួន២ គឺក្រុមហ៊ុនមីនីបៀ និងក្រុមហ៊ុន Huawei កំពុងស្នើសុំដាក់ឱ្យទៅជាACO ហើយសង្ឃឹមថា មានក្រុមហ៊ុនច្រើនទៀត នឹងចូលជា AEO និង BT។ សម្តេចបានបន្ថែមថា “ការចូលជាក្រុមហ៊ុនបែបនេះ ជាការធានាទំនុកចិត្តរវាងវិស័យឯកជន និងរដ្ឋ ហើយបើភាគីទាំងពីរមានទំនុកចិត្តបែបនេះ នឹងងាយស្រួលក្នុងការអនុវត្ត”។

មិនអាចបញ្ចុះតម្លៃ ពន្ធនាំចូលរថយន្តដឹកទំនិញ និងលើកលែងកម្រៃទិដ្ឋាការភ្ញៀវទេសចរ
សម្តេចធិបតី ហ៊ុន ម៉ាណែតបានបញ្ជាក់ថា រាជរដ្ឋាភិបាលកម្ពុជាមិនទាន់អាចមានលទ្ធភាព បញ្ចុះតម្លៃពន្ធនាំចូលរថយន្តដឹកទំនិញ និងការលើកលែងកម្រៃទិដ្ឋាការ សម្រាប់ការចូលមករបស់ភ្ញៀវទេស​ចរបរទេសនោះទេ ដោយសារតែជាប្រភពចំណូល ដ៏សំខាន់សម្រាប់ថវិកាជាតិ។

សម្តេចបានថ្លែងទៀតថា ចំពោះការស្នើឱ្យពិនិត្យពិចារណាលើប្រព័ន្ធទិដ្ឋាការ ដែលមានភាពបត់បែន និងទាក់ទាញសម្រាប់ទីផ្សារអាទិភាព។ សំណូមពរនេះ មិនមែនជាដំណោះស្រាយ ដែលឆ្លើយតបចំបញ្ហានោះទេ ព្រោះថាកម្ពុជាបាន និងកំពុងផ្តល់នូវកិច្ចសម្រួលច្រើនរួចទៅហើយ តាមរយៈការផ្តល់ទិដ្ឋាការពេលមកដល់ និងការផ្តល់ទិដ្ឋាការអេឡិចត្រូនិក ហើយបញ្ហាថ្លៃមិនមែនជារបាំងរារាំងភ្ញៀវទេស​​ចរមកកម្ពុជានោះឡើយ។

សម្តេចបានបញ្ជាក់ថា “សម្រាប់ប្រទេសកម្ពុជា ចំណូលពីទិដ្ឋាកា​រគឺជាប្រភពចំណូលចម្បងមួយ នៃចំណូលមិនមែនសារពើពន្ធ ក្នុងន័យនេះ ការដាក់ស្នើសុំដាក់ចេញ នូវគោលនយោបាយលើកលែងទិដ្ឋាការកម្រៃទិដ្ឋាការ គឺហាក់មិនទាន់ដល់ពេលវេលាសមស្រប សម្រាប់បរិបទកម្ពុជានោះទេ”។

សម្តេចពន្យល់ថា កម្ពុជាមិនទាន់មានប្រភពចំណូលផ្សេង មកប៉ះប៉ូវទំហំចំណូល ដែលខាតបង់ជាយថាហេតុ ពីគោលនយោបាយនេះ កិច្ចការដែលយើងត្រូវធ្វើនៅពេលនេះ គឺក្រសួងស្ថាប័នពាក់ព័ន្ធទាំងអស់ ត្រូវខិតខំប្រឹងប្រែងកែលម្អ និងនីតិវិធីសម្រួល និងធ្វើឱ្យប្រសើរឡើង នូវសេវាសាធារណៈនេះ ដើម្បីឱ្យទេសចរមកកម្ពុជា មានភាពកក់ក្តៅ និងរីករាយទាំងពេលមុនមកដល់ ពេលមកដល់ ពេលស្នាក់នៅ និងពេលត្រឡប់ទៅវិញ៕

        ដោយៈ គង់ សូរិយា

        សៀមរាបៈ គណៈប្រតិភូក្រុងស៊ូវុន ប្រទេសកូរ៉េខាងត្បូង បានអញ្ជើញទស្សនកិច្ច គម្រោងអភិវឌ្ឍភូមិភ្នំក្រោម-ស៊ូវ៉ុន សង្កាត់សៀ​មរាប ក្រុងសៀមរាប។

លោកHwang In-Guk អភិបាលរងក្រុងស៊ូវ៉ុន បានដឹកនាំគណៈប្រតិភូក្រុងស៊ូវ៉ុន នៃសាធារណរដ្ឋកូរ៉ ចំនួន៦៩នាក់ ដែលមកបំពេញទស្សនកិច្ចនៅខេត្តសៀមរាប និងបានទៅទស្សនកិច្ចគម្រោងអភិវឌ្ឍភូមិភ្នំក្រោម-ស៊ូវ៉ុន សង្កាត់សៀមរាប ក្រុងសៀមរាប ដោយលោកបានដាក់បញ្ជូលភូមិនេះ ជាសង្កាត់ទី៤៥ ជាសង្កាត់ប្អូនពៅ របស់ក្រុងស៊ូវ៉ុន ដើម្បីទទួលបានគម្រោងអភិវឌ្ឍបន្ត ដោយផ្តោតលើវិស័យអប់រំ បរិស្ថាន និងសុខាភិបាល។

ដំណើរទស្សនកិច្ចនេះកាលពីចុងចចុងសប្តាហ៍មុន មានការទទួលស្វាគមន៍ ពីលោកស្រី ម៉ននី រង្សី អភិបាលរងខេត្តតំណាងរបស់ លោកប្រាក់​ សោភ័ណ​ អភិបាល​ នៃគណៈអភិបាលខេត្ត​។ លោក Hwang In-Guk អភិបាលរងក្រុងស៊ូវ៉ុនបានមានប្រសាសន៍ឲ្យដឹងថា ភូមិភ្នំក្រោម-ស៊ូវ៉ុន ដែលទទួលបាន គម្រោងអភិវឌ្ឍចាប់ពីឆ្នាំ២០០៧ រហូតដល់បច្ចុប្បន្ន ដោយបានកែប្រែមុខមាត់ភូមិមួយនេះជាបន្តបន្ទាប់។

លោកស្រី​ អភិបាលរងខេត្ត​ បានថ្លែងអំណរគុណយ៉ាងជ្រាលជ្រៅចំពោះប្រតិភូ​ ពិសេសលោក​ អភិបាលរងក្រុងស៊ូវ៉ុនដែលបានកៀងគរសម្បុរសជន​ និងប្រជាជនកូរ៉េ​ ដើម្បីកថវិកា​ ក៏ដូចជាសម្ភារៈឧបត្ដម្ភផ្តល់មកប្រជាជនខ្មែរសម្រាប់ប្រើប្រាស់ផងដែរ។ជាមួយគ្នានេះ​ គណៈប្រតិភូទាំងអស់ នឹងធ្វើពិធីចែកអំណោយមានដូចជា ផ្ទះ សម្ភារសិក្សា កង់ អង្គរ នាឡិកា សម្ភារកីឡា បរិក្ខាពេទ្យ និងកាបូប ឯកសណ្ឋានសិស្សជូនដល់ប្រជាពលរដ្ឋ និងសិស្សានុសិស្សនៅភូមិភ្នំក្រោម-ស៊ូវ៉ុន ចំនួន១០០០នាក់ ដែលមានការចូលរួមពី លោកស្រី អភិបាលរងខេត្ត ប្រធានមន្ទីរ-អង្គភាពជុំវិញខេត្ត និងគណៈប្រតិភូទាំងអស់ ទីតាំង នៅក្នុងវិទ្យាល័យភូមិភ្នំក្រោម-ស៊ូវ៉ុន សង្កាត់សៀមរាប ក្រុងសៀមរាប ខេត្តសៀមរាប៕

        ដោយៈ គង់ សូរិយា

        ហ្លួងព្រះបាងៈ រដ្ឋមន្ត្រីក្រសួងសាធារណការ និងដឹកជញ្ជូនកម្ពុជា-ឡាវ លោកប៉េង ពោធ៍នា បានជួបពិភាក្សាការងារទ្វេភាគីជាមួយរដ្ឋមន្រ្តីក្រសួងសាធារណៈការ និងដឹកជញ្ជូននៅប្រទេសឡាវ។

ជំនួបនេះធ្វើឡើង ក្នុងគោលបំណងពង្រឹង និងពង្រីកកិច្ចសហប្រតិបត្តិការលើវិស័យដឹកជញ្ជូន រវាងប្រទេសកម្ពុជា និងឡាវ ដែលជាប្រទេសមានភូមិផងរបងជាប់គ្នា។

លោកប៉េង ពោធិ៍នា រដ្ឋមន្ដ្រីក្រសួងសាធារណការ និងដឹកជញ្ជូនកម្ពុជា និងឯកឧត្តម Ngampasong Muongmany រដ្ឋមន្រី្តក្រសួងសាធារណការ និងដឹកជញ្ជូនឡាវបានពិភាក្សាគ្នា នៅទីក្រុងហ្លួងព្រះបាង ប្រទេសឡាវ។ លោករដ្ឋមន្រ្តីដឹកជញ្ជូនឡាវ បានស្នើឱ្យភាគីកម្ពុជា ពិនិត្យ ពិចារណាទៅលើការបង្កើន ការតភ្ជាប់ហេដ្ឋារចនាសម្ព័ន្ធ បង្កើនការកែលម្អច្រករបៀងដឹកជញ្ជូន និងបង្កើនរំហូរទំនិញ-ទេសចរណ៍-សេវា រវាងប្រទេសពីរ ឱ្យកាន់តែប្រសើរឡើង សំដៅរួមចំណែកជំរុញដល់ការអភិវឌ្ឍសេដ្ឋកិច្ច សង្គម និងវប្បធម៌ ទាំងក្នុងក្របខណ្ឌទ្វេភាគី និងតំបន់។

ឆ្លើយតបទៅនឹងការលើកឡើងរបស់ភាគីឡាវ លោកប៉េង ពោធិ៍នា បានគូសបញ្ជាក់ថា ការតភ្ជាប់ហេដ្ឋារចនាសម្ព័ន្ធរវាងប្រទេសទាំងពីរ ពិតជាមានសារៈសំខាន់ណាស់ ក្នុងការអភិវឌ្ឍសង្គម-សេដ្ឋកិច្ច ហើយដែលការតភ្ជាប់នេះ គឺស្របទៅតាមផែនការមេគ្រប់ជ្រុងជ្រោយ ស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុភារកម្ម ២០២៣-២០៣៣ ដែលរាជរដ្ឋាភិបាលកម្ពុជា ទើបបានអនុម័តកាលពីពេលថ្មីៗនេះផងដែរ។លោករដ្ឋមន្រ្តីទាំងពីររូប បានឯកភាពគ្នាបង្កលក្ខណៈងាយស្រួ​លទៅវិញទៅមក ដើម្បីបន្ត និងពង្រីកកិច្ចសហប្រតិបត្តិការរវាងប្រទេសទាំងពីរ ពិសេសការអនុវត្តគម្រោងនានា ដែលនឹងផ្តល់ផលប្រយោជន៍ទៅវិញ ទៅមកជូនប្រជាពលរដ្ឋប្រទេសទាំងពីរ៕

ដោយ: គង់ លាងហួរ
ភ្នំពេញ: សមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជា គ្រោងនឹងរៀបចំសន្និសីទសារព័ត៌មានស្តីពី ពិព័រណ៍គ្រឿងអលង្ការ និងត្បូងកម្ពុជាអន្តរជាតិ លើកទី១៥ ឆ្នាំ២០២៤ ក្នុងពេលឆាប់ៗខាងមុខនេះ។
យោងតាមសេចក្តីប្រកាសពត៌មាន របស់សមាគមបានឱ្យដឹងថា សន្និសីទសារព័ត៌មាននេះ គ្រោងនឹងប្រព្រឹត្តទៅនៅថ្ងៃទី១៥ ខែវិច្ឆិកា ឆ្នាំ២០២៣ វេលាម៉ោង២:០០ ដល់ម៉ោង ៥:០០សៀល នៅសាលប្រជុំអគារព្រីនស៍ (Prince Holding Group) ជាន់ទី៥ ក្នុងទីក្រុងកោះពេជ្រ រាជធានីភ្នំពេញ។

ជាមួយគ្នានេះ សមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជាក៏បានប្រកាសអញ្ជើញ ឯកឧត្តម លោកឧកញ្ញ៉ា លោកជំទាវ លោក លោកស្រី អាជីវករ ក្រុមហ៊ុនគ្រឿងអលង្ការ និងបណ្តាក្រុមហ៊ុនដូចជា វិស័យធនាគារ វិស័យរថយន្ត វិស័យទូរស័ព្ទ វិស័យអចលនទ្រព្យ និងវិស័យពាក់ព័ន្ធផ្សេងៗ ក៏ដូចភ្ញៀវជាតិ-អន្តរជាតិ ដើម្បីចូលរួមទទួលបានព័ត៌មាន លំអិតសំខាន់ៗអំពីការតាំងពិព័រណ៍នេះផងដែរ។
លោក អ៊ួន ពេជ្រភីរម្យ នាយកបត្តិបត្តិក្រុមហ៊ុន ស៊ី.អាយ.ជី.ជេ.អេហ្វ.ខូអិលធីឌី នឹងថ្លែងអំពីគោលបំណង នៃការចុះអនុស្សរណៈយោគយល់ និងការរៀបចំកម្មវិធីដេញថ្លៃម្កុដ របស់កម្មវិធីនារីឯកគ្រឿងអលង្ការ និងត្បូងអន្តរជាតិក្នុងសន្និសីទនេះ។
លើសពីនេះ កម្មវិធីនេះ នឹងមានការរៀបចំពិធីចុះអនុស្សរណៈយោគយល់គ្នា រវាងសមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជា និងក្រុមហ៊ុន ស៊ី.អាយ.ជី.ជេ.អេហ្វ.ខូអិលធីឌី។
សេចក្តីប្រកាសព័ត៌មានបានបញ្ជាក់ថា ថ្នាក់ដឹកនាំក្រុមហ៊ុនឯកជននានា ដែលមានបំណងចង់ចូលរួមក្នុងសន្និសីទនេះ ដើម្បីសាកសួរព័ត៌មាន អាចចូលរួមកម្មវិធីនេះបានដោយសេរី ហើយអ្នកសារព័ត៌មានជាតិ អន្តរជាតិនឹងត្រូវស្វាគមន៍ដោយភាពកក់ក្តៅផងដែរ៕
ពត៌មានលំអិត: https://docs.cigjf.org/CIGJF-Group-Companies

ដោយៈ ជេស៊ីកា

        ភ្នំពេញៈ ការអភិវឌ្ឍន៍ហេដ្ឋារចនាសម្ព័ន្ឋ នៅភាគខាងត្បូងរាជធានីភ្នំពេញ បានធ្វើឲ្យផ្ទុះតម្លៃដីធ្លីយ៉ាងខ្លាំង មុនវិបត្តិមកដល់ ប៉ុន្តែតើ​ស្ថានភាពបច្ចុប្ប​ន្នកំពុងមានសភាពបែបណា?។

ចម្លើយចំពោះសំណួរនេះ យើងគួរងាកមកមើលពីការអភិវឌ្ឍហេដ្ឋារចនាសម្ព័ន្ឋធំៗ ដូចជា ផ្លូវក្រវ៉ាត់ក្រុងទី៣ គំរោងសាងសង់ផ្លូវុំក្រវ៉ាត់ក្រុងទី៤ ការសាងសង់ព្រលានយន្តហោះតេជោ តម្លៃ១៥០០លាន​ដុល្លារ និងការបញ្ចប់ការស្ថាបនា និងពង្រីកផ្លូវជាតិលេខ២ បាននិងកំពុងជម្រុញការអភិវឌ្ឍ នៅតំបន់ភាគខាងត្បូងយ៉ាងលឿន។

អគ្គនាយិកាក្រុមហ៊ុនPropNex Cambodia លោកស្រីអាន សុធីតាបានមានប្រសាសន៍ឲ្យដឹង កាលពីចុងសប្តាហ៍មុនថា ហេដ្ឋារចនាសម្ព័ន្ឋពិតជាមានការរីកចម្រើន នៅភាគខាងត្បូងរាជធានីភ្នំពេ​ញ ប៉ុន្តែវាមិនទាន់បានធ្វើឲ្យតម្លៃដីធ្លី ងើបឡើងនៅឡើយទេ ដោយ​សារកត្តាមួយចំនួន ទី១ ដីនៅតំបន់នេះមានសភាពធំទូលាយ ធ្វើឲ្យអ្នកអភិវឌ្ឍន៍មានជម្រើសច្រើន ទី២ ស្ថានភាពសេដ្ឋកិច្ចមិនច្បាស់​លាស់ និងទី៣ ការទិញដូរនៅមានសកម្មភាពតិចតួចនៅឡើយ ប៉ុន្តែស្ថានភាពនឹងមានសភាពប្រសើរឡើងនាពេលអនាគត។អតីតវីរស្ថាបត្យករកម្ពុជា លោកវណ្ណ ម៉ូលីវណ្ណបានជម្រុញឲ្យអ្នកអភិវឌ្ឈន៍ ងាកមកកាន់ភាគខាងត្បូងរាជធានី នាពេលអនាគត ដោយលោកមើលឃើញថា តំបន់នេះងាយស្រួលអភិវឌ្ឈន៍ មានសណ្ឋា​នដីខ្ពស់ មិនប្រឈមការលិចទឹកនៅរដូវស្សាជាដើម។

ជាមួយគ្នានេះ សាលាបារាំងចុងបូព៌ា កាលពីប៉ុន្មានឆ្នាំកន្លងមកនេះ បានសហការជាមួយរដ្ឋបាលរាជធានីភ្នំពេញ ដើម្បីរៀបចំកសាងផែនការមេសម្រាប់អភិវឌ្ឍន៍ តំបន់ភាគខាងត្បូងជាតំបន់បៃតង និងរៀបចំផែន​ការ កសាងហេដ្ឋារចនាសម្ព័ន្ឋនៅតំបន់នេះ ដើម្បីកាត់បន្ថយលំហូរកកស្ទះចរាចរណ៍នាពេលអនាគត។សហស្ថាបនិក និងជាអគ្គនាយកគេហទំព័រPropertyarea.asia លោកយិន លាងគង់ ដែលបានតាមដានដំណើរវិវត្តន៍ នៃវិស័យអច​លនទ្រព្យ និងសេដ្ឋកិច្ច បានមានប្រសាសន៍ថា ការរីកចម្រើនហេដ្ឋារចនាសម្ព័ន្ឋ និងការវិនិយោគរបស់រដ្ឋាភិបាល ក្នុងប៉ុន្មានឆ្នាំចុងក្រោ​យនេះ បានធ្វើឲ្យវិស័យអចលនទ្រព្យ បានបង្កើនតម្លៃបន្ថែមយ៉ាងសម្បើម នៅគ្រប់ទិសទាំងអស់នៅរាជធានីភ្នំពេញ និយាយជារួម ប៉ុន្តែបើនិយាយដោយឡែក តំបន់ភាគខាងត្បូងរាជធានី ត្រូវបានគេចាប់អារម្មណ៍ជាងគេ ដោយសារវត្តមានព្រលានយន្តហោះអន្តរជាតិតេជោតម្លាំ១៥០០លានដុល្លារបានសាងសង់នៅតំបន់នេះ និងការសាងសង់ហេដ្ឋារចនាសម្ព័ន្ឋនានា។ ​

លោកបន្តថា “ការចាក់បញ្ចូលមូលធនហិរញ្ញវត្ថុរបស់រដ្ឋាភិបាល បាននិងកំពុងលើកស្ទួយសេដ្ឋកិច្ច និងបង្កើនប្រភពចំណូល និងមូលដ្ឋានហិរញ្ញវត្ថុយ៉ាងច្រើន ដល់ប្រជាពលរដ្ឋនៅជុំវិញរាជធានី”។ លោ​ក​បន្តថា “ការកសាងហេដ្ឋារចនាសម្ព័ន្ឋជាតិ ជាការជម្រុញកំនើន​សេដ្ឋ​កិច្ចមូលដ្ឋានរយៈពេលវែង ហើយវាបាននិងកំពុងជម្រុញការលើកស្ទួយវិស័យសំណង់ និងអចលនទ្រព្យបន្ថែមទៀតនាពេលអនាគតផងដែរ”៕

        ដោយៈ គង់ សូរិយា

        ភ្នំពេញៈ លោកជា វុទ្ឋី អគ្គលេខាធិការគណៈកម្មការវិនិយោគកម្ពុជា បានអនុញ្ញាតឱ្យលោក ម៉ីនីហ្ស៊ីកា ណាអូតូ នាយកប្រតិបត្តិ ប្រចាំតំបន់អាស៊ីនៃក្រុមហ៊ុនដេនស្លូ (Denso) និងក្រុមការងារចូលសម្តែងការគួរសម និងពិភាក្សាការងារ។

ក្នុងជំនួបនោះ លោកអគ្គលេខាធិការបានសម្ដែងនូវការស្វាគមន៍ និងគាំទ្រដល់ក្រុមហ៊ុនជប៉ុនមួយនេះ ដែលមានសកម្មភាពវិនិយោគនៅព្រះរាជណាចក្រកម្ពុជា តាំងពីឆ្នាំ២០១៣ ហើយឆ្នាំនេះផងដែរ។ជាខួបរយៈពេល១០ឆ្នាំ ក្នុងការបង្កើតក្រុមហ៊ុន Denso នៅក្នុងប្រទេ​សកម្ពុជា។លោក អ៊ូនីហ្សីកា ណាអូតូបានជម្រាបជូនលោកអគ្គលេខា​ធិការថា នាពេលបច្ចុប្បន្ន មានកម្មករប្រមាណជាង៥០០នាក់ បាននិងកំពុងបម្រើការងារនៅក្នុងរោងចក្រ Denso ហើយនៅឆ្នាំក្រោយនេះ ក្រុមហ៊ុននឹងមានគម្រោងផ្តល់ ឱកាសការងារបន្ថែមទៀតប្រមាណ៧០០កន្លែង។

លើសពីនេះទៀត លោក អ៊ីនីហ្ស៊ីកា ណាអូតូ បានជម្រាបជូនឯកឧត្តមអគ្គលេខាធិការ ពីកិច្ចសហប្រតិបត្តិការរវាងក្រុមហ៊ុន Denso និងវិទ្យាស្ថានបច្ចេកវិទ្យាកម្ពុជា (សាលាតិចណូ) រហូតឈានដល់ការចុះអនុស្សារណៈយោគយល់គ្នា ស្ដីពីការអភិវឌ្ឍមូលធនមនុស្ស។ ក្នុងនោះផងដែរ បុគ្គលិកដែលជាវិស្វករចំនួន១០០នាក់ ដែលបាននិងកំពុងបម្រើការ នៅក្នុងរោងចក្រDenso បច្ចុប្បន្នមាន៥០នាក់គឺជាសិស្ស ដែលបានបញ្ចប់ការសិក្សាមកពីសាលាតិចណូ។លោកជា វុទ្ឋីបានសម្តែងនូវការអបអរសាទរ ចំពោះការរីកចំរើនរបស់ក្រុមហ៊ុនដែល ឈានទៅដល់គម្រោងពង្រីករោងចក្រ ជាពិសេ​សការបណ្តុះបណ្តាលមូលធនមនុស្សកម្ពុជា ដើម្បីបង្កើនផលិតភាពរបស់ក្រុមហ៊ុន៕

        ដោយៈ គង់ សូរិយា

        ភ្នំពេញៈ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់បញ្ជា ឲ្យក្រុមប្រឹក្សាអភិវឌ្ឍន៍កម្ពុជាតាមដាន និងវាយតម្លៃ លើវឌ្ឍនភាព នៃការអនុវត្តវិធានការចំនួន១០ចំណុច ដែលសម្តេចបានដាក់ចេញនៅថ្ងៃនេះ ពាក់ព័ន្ធវិស័យឯកជន។

ថ្លែងពេលអញ្ជើញជាអធិបតី ក្នុងវេទិការាជរដ្ឋាភិបាល-ផ្នែក ឯកជន លើកទី១៩ នៅថ្ងៃទី១៣ ខែវិច្ឆិកា ឆ្នាំ២០២៣ សម្តេចនាយករដ្ឋមន្ត្រី ក៏បានប្រាប់ទៅក្រុមប្រឹក្សាអភិវឌ្ឍន៍កម្ពុជា រាយការណ៍ជូនរាជរដ្ឋាភិបាលប្រចាំ រៀងរាល់៦ខែម្តង។

ជាមួយគ្នានេះ ក្រសួងស្ថាប័ន-ពាក់ព័ន្ធត្រូវខិតខំអនុវត្តវិធានការ ដែលបានដាក់ចេញខាងលើ ក្រោមដែនសមត្ថកិច្ចរបស់ខ្លួន ដែលមានការរៀបចំនៅសូចនាករគន្លឹះ និងក្របខណ្ឌ ពេលវេលាច្បាស់​លាស់ ប្រកបដោយស្មារតីទទួលខុសត្រូវខ្ពស់បំផុត។វិធានការណ៍ទាំង១០នោះ រួមមាន ទី១ សម្របសម្រួលបរិយា​កាសធុរកិច្ច និងការវិនិយោគ ទី២ ការសម្រាលបន្ទុកលើអនុលោមភាព ទី៣ ការសម្រួលធុរកិច្ចនៅក្រោមដែនសមត្ថកិច្ចពន្ថដារ ទី៤ ការលើកកម្ពស់កិច្ចសម្រួលពាណិជ្ជកម្ម នៅក្រោមដែនសមត្ថកិច្ចគយ, ទី៥ ការលើកកម្ពស់ការដឹកជញ្ជូន និងហេដ្ឋារចនាសម្ព័ន្ធ ទី៦ ការស្តារ និងការលើកស្ទួយការអភិវឌ្ឍវិស័យទេសចរណ៍។

ទី៧ ការជំរុញការអភិវឌ្ឍនវិស័យកសិកម្ម និងកសិ-ឧស្សាហកម្មទី៨ ការជំរុញការចូលរួមចំណែករបស់វិស័យធនាគារ ដើម្បីបង្កើនលទ្ធភាពទទួលបានឥណទាន សម្រាប់វិស័យឯកជន ដោយរក្សាឲ្យបាននូវស្ថិរភាពហរិញ្ញវត្ថុ ទី៩ ការជំរុញការអភិវឌ្ឍវិស័យរ៉ែ និងថាម​ពល និងទី១០ការគាំទ្រដល់វិស័យសំណង់ និងអចលនទ្រព្យ។

សម្តេចធិបតី ហ៊ុន ម៉ាណែទបានបញ្ជាក់ថា “ក្រុមប្រឹក្សាអភិវឌ្ឍន៍កម្ពុជា ត្រូវតាមដាន និងវាយតម្លៃ លើវឌ្ឍនភាពនៃការអនុវត្តវិធានការខាងលើ និងរាយការណ៍មកជូនរាជរដ្ឋាភិបាលប្រចាំ រៀងរាល់៦ខែម្តង”។

សម្តេចធិបតី ហ៊ុន ម៉ាណែតបានបញ្ជាក់ថា វិធានការខាងលើអាចមានចរិតជារចនាសម្ព័ន្ធ ប្រព័ន្ធ ឬអន្តរវិស័យ ព្រមទាំងមានលក្ខណៈផ្ទាល់។ ជាការពិតបញ្ហាមួយចំនួន ដែលបានលើកឡើងដោយវិស័យឯកជន នៅមិនទាន់ដោះស្រាយរួចទេ តែនឹងត្រូវបានដោះស្រា​យ នៅក្នុងរយៈពេលមធ្យម។

សម្តេចបានបញ្ជាក់ថា “ក្នុងន័យនេះ ខ្ញុំសូមប្រគល់ការងារនេះជូនគណៈកម្មការ គោលនយោបាយសេដ្ឋកិច្ច និងហិរញ្ញវត្ថុ ក្នុងការងាររៀបចំកម្មវិធី លើកកម្ពស់ភាពប្រកួតប្រជែង បង្កើនពិពិធកម្ម និងពង្រីកភាពធន់ ដើម្បីកំណើនសេដ្ឋកិច្ច នៅក្នុងបរិការណ៍សកល ដែលមានភាពមិនពិតប្រាកដប្រជាខ្ពស់ សម្រាប់រយៈពេល៤ឆ្នាំ ចាប់ពីឆ្នាំ២០០៤ ដល់ឆ្នាំ២០២៨”។

កម្មវិធីនេះត្រូវរួមបញ្ចូលផងដែរ នូវការគិតគូរការដោះស្រាយបញ្ហាធំៗមួយចំនួន ដែលវិស័យឯកជនបានលើកឡើងរួមមាន ការអភិវឌ្ឍធនធានមនុស្ស និងបណ្តុះបណ្តាលវិជ្ជាជីវៈ ការជំរុញ ការអភិវឌ្ឍសហគ្រាស ធុនមីក្រូ តូច និងមធ្យម ការបង្កើតភាពទាក់ទាញសម្រាប់ការវិនិយោគផ្ទាល់ពីបរទេស ការអភិវឌ្ឍហេដ្ឋរចនាសម្ព័ន្ធ ដើម្បីលើកកម្ពស់ភាពប្រកួតប្រជែង ការអនុវត្តផែនការមេអភិវឌ្ឍន៍ខេត្តព្រះសីហនុ ឲ្យទៅជាតំបន់សេដ្ឋកិច្ចពិសេសគំរូពហុបំណង ការជំរុញការអភិវឌ្ឍនវិស័យកសិកម្ម និងវិស័យទេសចរណ៍។

ការជំរុញការអភិវឌ្ឍឧស្សាហកម្មថ្មីៗ ដូចជាវិស័យយានយន្ត និងអេឡិចត្រូនកិចនៅកម្ពុជា ជាដើម, កិច្ចសម្រួលពាណិជ្ជកម្ម ជាពិសេសការជំរុញការប្រើប្រាស់ប្រព័ន្ធបច្ចេកវិទ្យាព័ត៌មាន ដើម្បីកាត់បន្ថយឲ្យអស់ នូវការប្រើប្រាស់ឯកសារចេញចូល ក្នុងទម្រង់រឹងឲ្យបានក្នុងរយៈពេល៤ឆ្នាំ ការអភិវឌ្ឍការដឹកជញ្ជូនតាមផ្លូវដែក ដែលមានបច្ចុប្បន្ន កាន់តែមានប្រសិទ្ធភាព និងតម្លៃសមរម្យ និងការជំរុញការកែសម្រួល ឲ្យមានភាពប្រកួតប្រជែងបន្ថែមទៀត នូវបរិយាកាសធុរកិច្ច និងការវិនិយោគជាដើម៕នេះជាការបញ្ជាក់បន្ថែមរបស់សម្តេចធិបតីហ៊ុន ម៉ាណែត៕

ដោយ: គង់ លាងហួរ

អន្តរជាតិ: រដ្ឋមន្ត្រីរតនាគារអាមេរិក លោកស្រី Janet Yellen បានសង្កត់ធ្ងន់លើតម្រូវការសម្រាប់ ទំនាក់ទំនងសេដ្ឋកិច្ច ដែលមានសុខភាពល្អ រវាងប្រទេសចិន និងសហរដ្ឋអាមេរិក។លោកស្រីបានជំរុញឱ្យទីក្រុងប៉េកាំង បង្ក្រាបក្រុមហ៊ុនចិនទាំងឡាយណា ដែលជួយដល់ការធ្វើសង្គ្រាមរបស់រុស្ស៊ី នៅប្រទេសអ៊ុយក្រែន។

លោកស្រី Yellen បានបន្តថា ទីក្រុងវ៉ាស៊ីនតោនមិនមានបំណងកាត់ផ្តាច់ទំនាក់ទំនង រវាងសេដ្ឋកិច្ចអាមេរិក និងចិននោះទេ ប៉ុន្តែរដ្ឋបាលរបស់លោកប្រធានាធិបតី ចូ បៃដិន នឹងមិនបោះបង់សកម្មភាពឯកតោភាគីប្រឆាំង នឹងក្រុមហ៊ុនចិនទាំងឡាយណា ដែលផ្គត់ផ្គង់ឧបករណ៍សព្វាវុធដល់ទីក្រុងម៉ូស្គូនោះឡើយ។

លោក Yellen បានថ្លែងប្រាប់អ្នកយកព័ត៌មាន បន្ទាប់ពីកិច្ចប្រជុំរយៈពេលពីរថ្ងៃ ជាមួយឧបនាយករដ្ឋមន្ត្រីចិន លោក He Lifeng នៅទីក្រុងសាន់ហ្វ្រាន់ស៊ីស្កូថា “យើងមិនមានបំណងក្នុងការកាត់ផ្តាច់ទំនាក់ទំនងសេដ្ឋកិច្ច របស់យើងពីប្រទេសចិននោះទេ”។ទំនាក់ទំនងរវាងអាមេរិក និងចិនបានធ្លាក់ចុះដុនដាប ក្រោមអាណត្តិ របស់អតីតប្រធានាធិបតីអាមេរិក លោក Donald Trump ដែលបានដាក់ចេញនូវពន្ធគយលើទំនិញរបស់ចិន ដើម្បីជំរុញការផលិតក្នុងស្រុក និងដាក់ទណ្ឌកម្មប្រឆាំងនឹងក្រុមហ៊ុនចិន ជុំវិញការចោទប្រកាន់អំពីការរំលោភសិទ្ធិមនុស្ស។ ទោះជាយ៉ាងនេះក្តី ទំនាក់ទំនងរវាងមហាអំណាចទាំង២ នៅតែមានភាពតានតឹង ស្ថិតក្រោមរដ្ឋបាលដឹកនាំបច្ចុប្បន្នរបស់លោកប្រធានាធិបតី ចូ បៃដិន។

ជាក់ស្តែងរដ្ឋបាលថ្មីនេះ បានបន្តកិច្ចខិតខំប្រឹងប្រែងរបស់លោកDonald Trump ក្នុងការស្តារការផលិតក្នុងស្រុកឡើងវិញ និងបានគាបសង្កត់ទៅលើក្រុមហ៊ុនបច្ចេកវិទ្យារបស់ចិន។ ចំណែក កាលពីថ្ងៃទី៨ ខែវិច្ឆិកា អនុប្រធានាធិបតីចិន លោក Han Zheng បានអះអាងថា ទីក្រុងប៉េកាំង ត្រៀមខ្លួនរួចជាស្រេចដើម្បីធ្វើឱ្យប្រសើរឡើង នូវទំនាក់ទំនងជាមួយទីក្រុងវ៉ាស៊ីនតោន។

លោក Han Zheng បានបញ្ជាក់ប្រាប់សារព័ត៌មាន Bloomberg ក្នុងវេទិកាសេដ្ឋកិច្ច នៅប្រទេសសិង្ហបុរី ថា ជំនួបកម្រិតខ្ពស់រវាងមន្ត្រីចិន និងអាមេរិក កាលពីពេលថ្មីៗនេះ បានបញ្ជូនសញ្ញាវិជ្ជមាន និងបានធ្វើឱ្យសហគមន៍អន្តរជាតិមានក្ដីរំពឹងថា ទំនាក់ទំនងរវាងប្រទេសចិន និងសហរដ្ឋអាមេរិក នឹងអាចប្រសើរឡើង៕

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានប្រកាសកំណត់យកភ្នំគូលែន ជាគោលដៅទេសចរណ៍ធម្មជាតិ។ ភ្នំគូលែន មានទីតាំងស្ថិតនៅក្នុងស្រុកស្វាយលើ ប៉ែកខាងកើត និងប៉ែកខាងជើង ស្រុកបន្ទាយស្រីនៅប៉ែកខាងត្បូង និងស្រុកវ៉ារិន នៅប៉ែកខាងលិច ហើយគ្របដណ្តប់លើឃុំចំនួន២ គឺឃុំខ្នងភ្នំនៃស្រុកស្វាយលើ និងឃុំឃុនរាម នៃស្រុកបន្ទាយស្រី។

ក្នុងឱកាសដែលសម្តេចបានអញ្ជើញជាអធិបតីនៃវេទិកា «រាជរដ្ឋាភិបាល-ផ្នែកឯកជន» លើកទី១៩ នៅថ្ងៃទី១៣ ខែវិច្ឆិកា ឆ្នាំ២០២៣នេះ សម្តេចធិបតី ហ៊ុន ម៉ាណែត បានថ្លែងយ៉ាងដូច្នេះថា៖ «ការបង្កើតខ្សែចង្វាក់បៃតង នៅតាមតំបន់ទេសចរណ៍សំខាន់ៗ ដើម្បីជំរុញការផ្គត់ផ្គង់បន្លែ សាច់ របស់ប្រជាកសិករ នៅមូលដ្ឋានអាជីវកម្មទេសចរណ៍ […] ទី២៖ គឺការអនុវត្តភ្នំគូលែន ជាគោលដៅទេសចរណ៍ធម្មជាតិ»។សម្តេចធិបតី ហ៊ុន ម៉ាណែត ក៏បានណែនាំឱ្យក្រសួងទេចរណ៍ សហការជាមួយក្រសួង ស្ថាប័នពាក់ព័ន្ធ និងវិស័យឯកជនសិក្សាលើសំណើររបស់ ប្រជាពលរដ្ឋដែលរស់នៅតាមតំបន់ទេសចរណ៍ធម្មជាតិនានា ដើម្បីពិនិត្យលទ្ធភាពផ្គត់ផ្គង់ផលិតផលនៅក្នុងមូលដ្ឋានអាជីវកម្មទេសចរណ៍។

ភ្នំគូលែន មានសក្តានុពលធនធានធម្មជាតិ-វប្បធម៌ សេដ្ឋកិច្ច និងសង្គមប្រព័ន្ធអេកូឡូស៊ីព្រៃស្រោង និងពាក់កណ្ដាលស្រោង សម្បូរធនធានជីវៈចម្រុះ សរុបចំនួន ៧៧៩ប្រភេទ ក្នុងនោះដែរ រួមទាំងសត្វ ២៨ប្រភេទ ជាប្រភេទដែលជិតផុតពូជ និងរុក្ខជាតិ ១០ប្រភេទ ជាប្រភេទទទួលរងការគំរាមកំហែងនៅលើពិភពលោក ហើយត្រូវបានកត់ត្រានៅក្នុងបញ្ជី ក្រហមរបស់អង្គការ IUCN ផងដែ។ភ្នំគូលែន គឺជាជួរភ្នំតូចមួយដែលមានកម្ពស់ខ្ពស់ល្មមហើយស្ថិតនៅភាគខាងត្បូងជួរភ្នំដងរែក។ ភ្នំគូលែនលាតសន្ធឹងប្រវែងប្រហែល ៤០គីឡូម៉ែត្រ ពីប៉ែកខាងលិចឈៀងខាងជើង ទៅខាងកើតឈៀងខាងត្បូង ដែលមានចម្ងាយប្រហែល ៤៨គីឡូម៉ែត្រ នៅខាងជើងក្រុងសៀមរាប។ ចំណែកកំពូលភ្នំទាំងអស់មានកម្ពស់ប្រហាក់ប្រហែលគ្នា ដែលមានកម្ពស់ជាមធ្យម ៤០០ម៉ែត្រ។ កំពូលដែលខ្ពស់បំផុតគឺមានកម្ពស់ ៤៨៧ម៉ែត្រ។

គួរបញ្ជាក់ថា យុទ្ធសាស្រ្តបញ្ចកោណរបស់រាជរដ្ឋាភិបាលកម្ពុជា ក្នុងដំណាក់កាលទី១ នៃមុំទី២ ទី៤ និងទី៥ គឺធានាចីរភាពនៃការអភិវឌ្ឍសង្គម សេដ្ឋកិច្ច និងកសាងភាពធន់ទៅនឹងការប្រែប្រួលអាកាសធាតុ ការអភិវឌ្ឍប្រកបដោយភាពធន់ ចីរភាព និងបរិយាបន្នដោយជំរុញការលើកកម្ពស់ ការទាក់ទាញវិនិយោគ ក្នុងឧស្សាហកម្មដែលមានតម្លៃបន្ថែមខ្ពស់ និងឧស្សាហកម្មបៃតង៕

The Saudi Arabian government has revealed the design for the Mukaab, a cube-shaped supertall skyscraper that will become the center of the New Murabba district in downtown Riyadh.

The Mukaab aims to become the largest built structure in the world, measuring 400 meters in height, width, and length. The building will be situated in the North West of Riyadh, in a 19 square kilometers area that will become one of the largest downtown developments in the world.

The Mukaab skyscraper and the Murabba district were announced by His Royal Highness Crown Prince Mohammad bin Salman bin Abdulaziz, Prime Minister and Chairman of the New Murabba Development Company (NMDC).The New Murabba district will feature green areas and walking and cycling paths to create sustainable transportation alternatives for the local communities. The neighborhood will feature its own internal transportation system and is designed to offer living, working, and entertainment facilities within a 15-minute walking radius.

The cultural offerings include a new museum, a technology and design university, and an immersive theater among the over 80 entertainment and culture venues. The development is set to create more than 104,000 residential units in addition to 980,000 square meters of retail spaces, 1.4 million square meters of offices, leisure assets, and community facilities.Located in the center of the Murabba district, the Mukaab skyscraper aims to become the iconic landmark of the new development. Upon completion, the cube-shaped structure is said to become the largest built structure in the world.

Its structure was designed to integrate technological advancements to create an immersive destination within its 2 million square meters of floor space. The exterior triangular-shaped cladding is inspired by the modern Najdi architectural style.

The main feature of the interior of the Mukaab will be a spiraling tower encased in a technological structure to create an immersive experience.

The building will also feature a multitude of retail, cultural, and tourist attractions, along with residential and hotel units, commercial spaces, and recreational facilities. The project is set to be completed by 2030, according to the official statement of the Saudi Arabian government. Source: Arch Daily