Ministry Will Sign MoU With Hainan Province to promote Tourism

By MoT

Phnom Penh, Ministry of Tourism of Cambodia and Hainan Province to ink MoU on Tourism Cooperation to gear up tourism promotion and tourist growth.

H.E. Huot Hak, Minister of Tourism, led a delegation and representatives from the private sector to hold a high-level and in-depth working discussion and exchange of views with H.E. Liu Xiaoming, Governor of Hainan Province of the People’s Republic of China, and his colleagues on strengthening and expanding tourism cooperation between Cambodia and Hainan Province in a more practical and fruitful manner in Haikou City, Hainan Province.

During the meeting, H.E. Liu Xiaoming warmly welcomed the working visit of H.E. the Minister, senior leaders of the Ministry of Tourism, and representatives of Cambodia’s private sector to Hainan Province.

អាគារតាំងបង្ហាញនៃគំរោងធី អាយ អេ ស៊ីធីបានបើកដំណើរ ជួលជាផ្លូវការ

ដោយៈ ឡាឌី

ភ្នំពេញៈ Showroom សម្រាប់ជូល ខ្នាតធំ លើមហាវិថីផ្លូវ៦០ម៉ែត្រ ក្បែរព្រលានយន្តហោះអន្តរជាតិតេជោ ជួលភ្លាម ចូលបើកអាជីវកម្មភ្លាមៗ។

អគារ Showroomនេះ ជាអាគារសម្រាប់ជួលដ៏ប្រណិត និងទំនើប បានបើកជួលជាផ្លូវការ ដែលការសាងសង់នឹងរួចរាល់ក្នុងខែ មិថុនា ឆ្នាំ២០២៦ នេះ ស្ថិតក្នុងគម្រោងធី អាយ អេ ស៊ីធី ដែលជាតំបន់ពាណិជ្ជកម្មចំរុះ មានសក្ដានុពលដ៏មមារញឹក និងកំពុងតែរីកចម្រើនឥតឈប់ឈរ លើមហាវិថី សម្ដេចតេជោ ហ៊ុនសែន (60 ម៉ែត្រ)។

ទីតាំងអាគារនេះ ជាតំបន់ដែលមានចរាចរណ៍មមាញឹក ស័ក្តិសម និងល្អដាច់គេ សម្រាប់គ្រប់ប្រភេទអាជីវកម្ម showroom តាំងបង្ហាញ ភោជនីយដ្ឋាន ហាងកាហ្វេ Retail ហាងលក់គ្រឿងអលង្ការ ហាងលក់សម្លៀកបំពាក់ ផ្សារទំនើប។

អគារ កញ្ចក់កម្ពស់៨ម៉ែត្រ និងទំហំធំរហូតដល់៨០០ម៉ែត្រការ៉េ មានទីធ្លាចតរថយន្ត បានច្រើន ធំទូលាយ និងមានដីទំនេរខាងក្រោយ និងសងខាង ដែលងាយស្រួលសម្រាប់ការប្រើប្រាស់។

ធី អាយ អេ ស៊ីធី-TIA CITY ផ្តល់នូវឱកាសសម្រាប់ក្រុមហ៊ុន ម្ចាស់អាជីវកម្ម អ្នកវិនិយោគិនធំ ដែលកំពុងស្វែងរកទីតាំង ដើម្បីពង្រីកសក្តានុពលអាជីវកម្ម អោយកាន់តែរីកចម្រើនយូរអង្វែង។

ធ្វើការណាត់ជួបនៅទីតាំងផ្ទាល់ ដើម្បីប្រឹក្សារយោបល់ សម្រាប់ព័ត៌មានបន្ថែម សូមទំនាក់ទំនងក្រុមការងារតាមរយៈ៖ 087 888 501 (ខ្មែរ | អង់គ្លេស) 011 888 501 (ចិន | អង់គ្លេស) 011 888 502 (ចិន | អង់គ្លេស)។

សូមអញ្ជើញមកកាន់ការិយាល័យផ្នែកលក់ ដែលមានចំនួន២ទីតាំង៖ ទី១ -ការិយាល័យផ្នែកលក់TIA CITY នៅលើផ្លូវ៦០ម៉ែត្រ កែងផ្លូវក្រវ៉ាត់ក្រុងទី៣ ឆ្ពោះទៅអាកាសយានដ្ឋានអន្តរជាតិតេជោ ស្ថិតនៅស្រុកកណ្តាលស្ទឹង ខេត្តកណ្តាល។🌐Google Maps៖ https://maps.app.goo.gl/thXas1JXpJpxv6GT6

ទី២ -ការិយាល័យផ្តល់ព័ត៌មាន នៅក្នុងធនាគារកាណាឌីយ៉ា សាខាពោធិ៍សែនជ័យ (ទល់មុខព្រលានពោធិ៍ចិនតុង)។🌐Google Mapshttps://maps.app.goo.gl/iWhBttfGmvR22Ma4A៕

ក្រសួងទេសចរណ៍ រដ្ឋបាលខេត្តហៃណាន នឹង MoU ដើម្បីជម្រុញទេសចរណ៍ និងជម្រុញជើងហោះហើរត្រង់

ដោយៈ ចំណាន

ប្រទេសចិនៈ ក្រសួងទេសចរណ៍ និងរដ្ឋបាលប្រជាជនខេត្តហៃណាននឹងចុះអនុស្សរណៈយោគយល់គ្នា(MoU)ស្តីពី កិច្ចសហប្រតិបត្តិការទេសចរណ៍ ដែលជាក់ស្តែង និងប្រកបដោយផ្លែផ្កា ដើម្បីជំរុញការផ្សព្វផ្សាយទេសចរណ៍ និងកំណើនភ្ញៀវទេសចរទៅវិញទៅមក។

ព័ត៌មាននេះត្រូវបានលើកឡើងក្នុងឱកាស លោកហួត ហាក់ រដ្ឋមន្ត្រីក្រសួងទេសចរណ៍ បានដឹកនាំគណៈប្រតិភូ និងវិស័យឯកជន ជួបពិភាក្សាការងារ និងផ្លាស់ប្តូរយោបល់កម្រិតខ្ពស់ និងស៊ីជម្រៅជាមួយលោក Liu Xiaoming អភិបាលខេត្តហៃណាន នៃសាធារណរដ្ឋប្រជាមានិតចិន និងសហការី លើការអនុវត្តពង្រឹង និងពង្រីកកិច្ចសហប្រតិបត្តិការ លើវិស័យទេសចរណ៍រវាងកម្ពុជា និងខេត្តហៃណានឱ្យកាន់តែជាក់ស្តែង និងប្រកបដោយផ្លែផ្កា នៅទីក្រុងហៃគូ ខេត្តហៃណាន។

ក្នុងជំនួបពិភាក្សានេះ លោក Liu Xiaoming អភិបាលខេត្តហៃណាន បានស្វាគមន៍យ៉ាងកក់ក្តៅ ចំពោះដំណើរទស្សនកិច្ចការងាររបស់ឯកឧត្តមរដ្ឋមន្ត្រី និងថ្នាក់ដឹកនាំជាន់ខ្ពស់ក្រសួងទេសចរណ៍ និងវិស័យឯកជនមកខេត្តហៃណាន ព្រមទាំងបានបង្ហាញការចាប់អារម្មណ៍យ៉ាងខ្លាំងចំពោះសុខសន្តិភាព ស្ថិរភាពនយោបាយ ការអភិវឌ្ឍលើគ្រប់វិស័យ និងសក្តានុពលវិស័យទេសចរណ៍របស់កម្ពុជា ជាពិសេសគោលដៅទេសចរណ៍វប្បធម៌ ប្រវត្តិសាស្ត្រ និងធម្មជាតិដ៏ល្បីល្បាញ ដូចជាប្រាសាទអង្គរវត្ត និងតំបន់ឆ្នេរសមុទ្រ ដែលអាចទាក់ទាញភ្ញៀវទេសចរចិនទៅទស្សនា កាន់តែច្រើន។

លោកអភិបាលខេត្ត ក៏បានគូសបញ្ជាក់ ពីស្ថានភាពសេដ្ឋកិច្ចរបស់ខេត្តហៃណា ជាមួយនឹងសក្តានុពលទេសចរណ៍ដ៏ទាក់ទាញ និងលក្ខណៈពិសេសនៃកំពង់ផែពាណិជ្ជសេរី ដែលមានតែមួយគត់នៅប្រទេសចិននាពេលបច្ចុប្បន្ននេះ ព្រមទាំងគោលដៅប្រែកា្លយខេត្តហៃណានជាចំណុចកណ្តាល នៃការតភ្ជាប់រវាងខេត្តនានា នៃប្រទេសចិន និងកម្ពុជា រួមទាំងបណ្តាប្រទេសផ្សេងៗ ទៀតក្នុងតំបន់ផងដែរ។

តាមរយៈជំនួបប្រកបដោយផ្លែផ្កា ភាគីទាំងពីរ បានឯកភាពពិនិត្យលទ្ធភាព លើការចុះអនុស្សរណៈនៃការយោគយល់គ្នា (MoU)ស្តីពីកិច្ចសហប្រតិបត្តិការទេសចរណ៍ រវាងក្រសួងទេសចរណ៍កម្ពុជា និងរដ្ឋបាលប្រជាជនខេត្តហៃណាន ឱ្យជាក់ស្តែង និងស៊ីជំរៅ ដើម្បីពង្រឹង និងពង្រីកកិច្ចសហប្រតិបត្តិការ ទេសចរណ៍ឱ្យកាន់តែមានប្រសិទ្ធភាព និងទទួលបានផលប្រយោជន៍ទៅវិញទៅមកផងដែរ។

បន្ថែមពីនេះទៀត ការជំរុញការតភ្ជាប់ជើងហោះហើរត្រង់ រវាងខេត្តហៃណាន និងគោលដៅទេសចរណ៍សំខាន់ៗរបស់កម្ពុជា ជាពិសេសរាជធានីភ្នំពេញ ខេត្តសៀមរាប និងខេត្តព្រះសីហនុ ដើម្បីបង្កើនភាពងាយស្រួល ក្នុងការធ្វើដំណើររបស់ភ្ញៀវទេសចរ និងពង្រឹងការផ្លាស់ប្តូរប្រជាជននិងប្រជាជន ការលើកទឹកចិត្តឱ្យមានជំនួបរវាងវិស័យឯកជនកម្ពុជា និងខេត្តហៃណាន ដើម្បីរៀបចំជាកញ្ចប់ទស្សនកិច្ច ក៏ត្រូវបានលើកឡើង និងឯកភាពផងដែរ។

ក្នុងជំនួបប្រកបដោយផ្លែផ្កានេះ លោករដ្ឋមន្ត្រី ក៏បានស្នើឱ្យភាគីខេត្តហៃណាន ជួយជំរុញ និងផ្សព្វផ្សាយពីសក្តានុពលទេសចរណ៍កម្ពុជា ទៅកាន់ប្រជាពលរដ្ឋចិន ជាពិសេសប្រជាពលរដ្ឋខេត្តហៃណាន តាមរយៈបណ្តាញផ្សព្វផ្សាយ វេទិកាទេសចរណ៍ និងក្រុមហ៊ុនទេសចរណ៍នានា ដើម្បីទាក់ទាញភ្ញៀវទេសចរចិន មកទស្សនាកម្ពុជាកាន់តែច្រើន ព្រមទាំងស្នើជំរុញការរៀបចំ កម្មវិធីទស្សនកិច្ចសិក្សា (FAM Trip) សម្រាប់ក្រុមហ៊ុនទេសចរណ៍ អ្នកសារព័ត៌មាន អ្នកផលិតមាតិកា និង KOLs ពីខេត្តហៃណាន មកទស្សនាកម្ពុជា ដើម្បីផ្សព្វផ្សាយសក្តានុពលទេសចរណ៍កម្ពុជា ទៅកាន់ទីផ្សារចិនឱ្យកាន់តែទូលំទូលាយ។

ខេត្តហៃណាន គឺជាគោលដៅទេសចរណ៍អន្តរជាតិ ដ៏សំខាន់មួយរបស់ប្រទេសចិន ដែលមានសក្តានុពលខ្ពស់ លើវិស័យទេសចរណ៍ឆ្នេរ វប្បធម៌ និងទេសចរណ៍កម្សាន្ត ហើយក្នុងរយៈពេលចុងក្រោយនេះ កម្ពុជា និងខេត្តហៃណាន បានបន្តពង្រឹងកិច្ចសហប្រតិបត្តិការលើវិស័យទេសចរណ៍ តាមរយៈការផ្សព្វផ្សាយរួម ការតភ្ជាប់ជើងហោះហើរ និងការផ្លាស់ប្តូរទស្សនកិច្ចរវាងភាគីទាំងពីរ។

នាពេលកន្លងមក សហគ្រាសទេសចរណ៍នៃខេត្តហៃណាន បានសហការយ៉ាងសកម្ម ដោយបាននាំភ្ញៀវទេសចរចិន មកទស្សនាកម្ពុជាជាង៣០ម៉ឺននាក់។ ជាមួយយុទ្ធនាការលើកលែងទិដ្ឋាការនេះ គ្រោងនាំភ្ញៀវទេសចរមកកម្ពុជា បន្ថែមទៀតឱ្យបាន៥០ម៉ឺននាក់៕

កម្ពុជានឹងរៀបចំសន្និសីទម៉ាក្រូសេដ្ឋកិច្ចនៅចុងឆ្នាំនេះ និងស្វាគមន៍សំណើរស្រាវជ្រាវ

ដោយៈ ចំណាន

ភ្នំពេញៈ កម្ពុជានឹងរៀបចំសន្និសីទម៉ាក្រូសេដ្ឋកិច្ច លើកទី១៣ សម្រាប់ឆ្នាំ២០២៦ នៅខែវិច្ឆិកា ខាងមុខ ក្រោមប្រធានបទគោល “ការលើកកម្ពស់ផលិតកម្មក្នុងស្រុក និងការជំនួសផលិតផលនាំចូលប្រកបដោយចីរភាព”។

សន្និសីទនេះ ក៏នឹងបើកឱកាសឱ្យសាធារណជន ដែលមានចំណាប់អារម្មណ៍ អាចផ្ញើសំណើស្រាវជ្រាវ ទៅកាន់ក្រុមការងាររៀបចំ សន្និសីទនេះផងដែរ។

សេចក្តីជូនដំណឹងរបស់ធនាគារជាតិនៃកម្ពុជា(NBC )បានឲ្យដឹងកាលពីសប្តាហ៍មុនថា ផលិតកម្មក្នុងស្រុកត្រូវបានចាត់ទុកជាកម្លាំងចលករ ក្នុងការជំរុញសកម្មភាពសេដ្ឋកិច្ច ប្រកបដោយចីរភាព ជាពិសេសនៅក្នុងស្ថានភាព ដែលសេដ្ឋកិច្ចពិភពលោកកំពុងប្រឈមនឹងភាពមិនប្រាកដប្រជាខ្ពស់។

រាជរដ្ឋាភិបាលកម្ពុជា បានផ្តល់អាទិភាពលើផលិតកម្មក្នុងស្រុកតាមរយៈគំនិតផ្តួចផ្តើមជាច្រើនរួមមាន ការបណ្តុះបណ្តាលសហគ្រិនភាពដល់សហគ្រាសធុនមីក្រូ តូច និងមធ្យម ព្រមទាំងសហគ្រិនស្ត្រី ការធ្វើកំណែទម្រង់ការចុះបញ្ជីអាជីវកម្ម ការធ្វើទំនើបកម្មប្រព័ន្ធបច្ចេកវិទ្យា និងការដាក់ចេញនូវគោលនយោបាយ លើកទឹកចិត្តជាច្រើនផ្សេងទៀត។

NBCបានបន្តថា ការកើនឡើងនៃការផលិតក្នុងស្រុកនឹងរួមចំណែកយ៉ាងសំខាន់ ដល់ការជំនួសការនាំចូលលើផលិតផលណា ដែលមានវត្ថុធាតុដើម ហើយអាចផលិតផលក្នុងស្រុកបាន ដែលនឹងបង្កើតការងារ និងបង្កើនប្រាក់ចំណូលរបស់ប្រជាពលរដ្ឋ។ ទោះយ៉ាងណា ការជំរុញផលិតកម្មក្នុងស្រុក នៅតែមានបញ្ហាប្រឈមជាច្រើន ដែលទាមទារឱ្យគ្រប់ភាគីពាក់ព័ន្ធ រួមចំណែកដោះស្រាយបន្ថែមទៀត។

សេចក្តីជូនដំណឹងបានបញ្ជាក់ថា ដោយពិនិត្យឃើញពីសារៈសំខាន់នេះ ធនាគារជាតិនៃកម្ពុជា នឹងរៀបចំសន្និសីទម៉ាក្រូសេដ្ឋកិច្ច លើកទី១៣ សម្រាប់ឆ្នាំ២០២៦ ក្រោមប្រធានបទគោលស្តីពី “ការលើកកម្ពស់ផលិតកម្មក្នុងស្រុក និងការជំនួសផលិតផលនាំចូល ប្រកបដោយចីរភាព”។

សម្រាប់បេក្ខជនដែលមានចំណាប់អារម្មណ៍ គឺអាចផ្ញើសំណើស្រាវជ្រាវមកកាន់នាយកដ្ឋាននយោបាយ រូបិយវត្ថុនិងស្រាវជ្រាវ តាមរយៈអ៊ីម៉េល [email protected]។

យន្តការទាក់ទងការធ្វើដំណើរតាមរថភ្លើងធុនស្រាលនៅរាជធានីត្រូវបានលើកយកមកពិភាក្សាហើយ

ដោយៈ ចំណាន

ភ្នំពេញៈ ក្រុមមន្រ្តីបានជួបប្រជុំពិភាក្សា លើការរៀបចំចងក្រងមគ្គុទេសក៍ណែនាំស្តីពីបរិយាបន្នពិការភាព សម្រាប់ការដឹកជញ្ជូនអ្នកដំណើរតាមរថភ្លើងធុនស្រាលនៅរាជធានីភ្នំពេញ។

ក្រសូងបានឲ្យដឹងថា ការចងក្រងមគ្គុទ្ទេសក៍ណែនាំស្តីពី បរិយាបន្នពិការភាពសម្រាប់ការដឹកជញ្ជូនអ្នកដំណើរ តាមរថភ្លើងធុនស្រាល(LRT) បានគ្រោងបឋមបែងចែកជា៩ជំពូក ក្នុងនោះរួមមាន ១). ទិដ្ឋភាពទូទៅ ២). គោលការណ៍រចនាប្រកបដោយបរិយាបន្ន ៣). តម្រូវការរបស់អ្នកប្រើប្រាស់។

៤). បរិយាយពីស្ថានីយ និងចំណតមានលក្ខណៈបរិយាបន្ន៥). ទីធ្លាឡើងចុះទូររថភ្លើង ៦). តម្រូវការបរិយាបន្នក្នុងទូររថភ្លើង ៧). បញ្ជរលក់សំបុត្រ និងព័ត៌មាន ៨). វិធានសុវត្ថិភាព និងសន្តិសុខ និង៩). ស្តង់ដារគំនូរបច្ចេកទេស។

កិច្ចប្រជុំនេះដឹកនាំដោយលោកគឹម សាន់ អនុរដ្ឋលេខាធិការ ក្រសួងសាធារណការ និងដឹកជញ្ជូន និងជាអនុប្រធានក្រុមការងារមនុស្សចាស់អន្តរជំនាន់ និងពហុមុខងារ បានអញ្ជើញដឹកនាំកិច្ចប្រជុំផ្តល់ធាតុចូលលើសេចក្តីព្រាង (លើកទី១) មគ្គុទ្ទេសក៍ណែនាំស្តីពីបរិយាបន្នពិការភាពនៅក្នុងសេវាដឹកជញ្ជូនអ្នកដំណើរ តាមផ្លូវគោក និងផ្លូវដែក ដោយមានការអញ្ជើញចូលរួមពី លេខាធិការដ្ឋាន នៃក្រុមការងារជំនាញការអង្គការមូលនិធិអាស៊ី បុគ្គលិកអង្គការជនពិការកម្ពុជា មន្ត្រីជំនាញ និងមន្ត្រីស្ម័គ្រចិត្តផងដែរ។

កិច្ចប្រជុំនេះ រៀបចំឡើងក្នុងគោលបំណង ដើម្បីប្រមូលផ្តល់ធាតុចូលបន្ថែម និងការផ្តល់គំនិតយោបល់ លើការចងក្រងសៀវភៅមគ្គុទ្ទេសក៍សម្រាប់ការរៀបចំបំពាក់បរិក្ខារ ផ្លាកសញ្ញាប្រើប្រាស់របស់ជនពិការ មនុស្សចាស់ ស្ត្រីមានផ្ទៃពោះ និងកុមារនៅតាមយានជំនិះ នៅតាមបណ្តាញផ្លូវធ្វើដំណើរ និងនៅតាមទីធ្លាលំហសាធារណៈ ស្របទៅតាមការណែនាំដូចមានចែងនៅច្បាប់ស្តីពី កិច្ចការពារ និងលើកកំម្ពស់សិទ្ធិជនពិការ និងគោលនយោបាយជាតិស្តីពី មនុស្សវ័យចាស់២០១៧-២០៣០ តាមរយៈការណែនាំរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា សំដៅជំរុញឱ្យការអនុវត្តសកម្មភាពគាំទ្រ និងជួយសម្រួល ដល់ការបម្លាស់ទីរបស់មនុស្សវ័យចាស់ និងជនមានពិការភាពកាន់តែមានភាពងាយស្រួលឡើងថែមទៀត៕

គម្រោងវិនិយោគតម្លៃ២២២លានដុល្លារត្រូវបានអនុម័តដោយរដ្ឋាភិបាលស្ថិតក្នុងខេត្ត ក្រុងណាខ្លះ?

ដោយៈ ចំណាន

ភ្នំពេញៈ រដ្ឋាភិបាលតាមរយៈក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគសរុបចំនួន៤២ ក្នុងខែមេសា ឆ្នាំ ២០២៦នេះ ដោយមានទំហំទុនវិនិយោគសរុបប្រមាណ២២២លានដុល្លាអាមេរិក។

តាមព័ត៌មានបានឲ្យដឹងថា គំរោងនេះ អាចបង្កើតការងារសរុបប្រមាណ២៤ពាន់កន្លែង ហើយខេត្តចំនួន៣ទៀត ក៏នឹងទទួលបានគម្រោងថ្មីចំនួន៧ ក្រោមទុនវិនិយោគ៤៥០លានដុល្លារអាមេរិកផងដែរ។

យោងតាមសេចក្តីប្រកាសព័ត៌មានរបស់ ក្រុមប្រឹក្សាអភិវឌ្ឍន៍កម្ពុជា (CDC ដែលបានចេញផ្សាយកាកពីថ្ងៃទី ២០ ខែឧសភានេះ បានឱ្យដឹងថា គម្រោងវិនិយោគចំនួន៤២គម្រោងនេះ ត្រូវបានចុះបញ្ជីនៅកម្ពុជា តាមរយៈក្រុមប្រឹក្សាអភិវឌ្ឍន៍កម្ពុជា និងការចុះបញ្ជីដោយអនុគណៈកម្មាធិការវិនិយោគរាជធានី-ខេត្ត។

ក្រុមប្រឹក្សាអភិវឌ្ឍន៍កម្ពុជា បានបញ្ជាក់តាមសេចក្តីប្រកាសនេះថា នៅក្នុងចំណោមគម្រោងវិនិយោគទាំង៤២នេះ មានគម្រោង វិនិយោគចំនួន២៣គម្រោង គឺក្រៅតំបន់សេដ្ឋកិច្ចពិសេសចំនួន១៣គម្រោង និងក្នុងតំបន់សេដ្ឋកិច្ចពិសេសចំនួន១០គម្រោង ត្រូវបានចុះបញ្ជីដោយCDC ក្នុងទំហំទុនវិនិយោគប្រមាណ១៥៨លានដុល្លារ និងអាចបង្កើតការងារបានប្រមាណ១៨ពាន់កន្លែង។

ចំពោះប្រភពទុនវិនិយោគ លើគម្រោងទាំង៤២នេះ មកពីប្រទេសចិន៦៧ភាគរយ និងកម្ពុជា៣៣ភាគរយ ដោយក្នុងនោះទុនវិនិយោគលើវិស័យកសិកម្ម និងកសិ-ឧស្សាហកម្ម មានចំនួន១៩,៦លានដុល្លារ និងឧស្សាហកម្មចំនួន២០២,៧លានដុល្លារអាមេរិក ហើយខេត្តចំនួន៩ សុទ្ធតែទទួលបានគម្រោងវិនិយោគនេះ ដោយត្រូវបានកំណត់រួចហើយ។

នៅក្នុងខេត្តកណ្តាល ទទួលបានគម្រោងវិនិយោគនេះច្រើនជាងគេ មានដល់១២គម្រោង ខេត្តកំពង់ស្ពឺ១០គម្រោង ខេត្តតាកែវ៦គម្រោង ខេត្តស្វាយរៀង និងខេត្តព្រះសីហនុ៥គម្រោងដូចគ្នា ហើយខេត្តបាត់ដំបង កោះកុង ត្បូងឃ្មុំ និងខេត្តកំពត ទទួទបាន១គម្រោងដូចគ្នា។

ចំពោះគម្រោងវិនិយោគថ្មីចំនួន៧ ដែលមានទុនវិនិយោគសរុបប្រមាណ៤៥០លានដុល្លារអាមេរិកនេះ អាចបង្កើតការងារបានប្រមាណ៩០០កន្លែង និងមានមុខសញ្ញាវិនិយោគ ក្នុងវិស័យឧស្សាហកម្មចំនួន២គម្រោង គឺរោងចក្របោកគក់ ជ្រលក់ពណ៌ និងបោះពុម្ភ និងសាងសង់អាងប្រព្រឹត្តកម្ម និងឡចំហាយ រីឯវិស័យកសិ-ឧស្សាហកម្មចំនួន១គម្រោង គឺរោងចក្រចម្រាញ់ប្រេងឆា (ប្រេងកន្ទក់, ប្រេងសណ្តែកសៀង, ប្រេងពោត និងប្រេងអូលីវ)។

ចំណែកវិស័យហេដ្ឋារចនាសម្ព័ន្ធចំនួន៤គម្រោង រួមមានអភិវឌ្ឍន៍ស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព ២០០មេហ្គាវ៉ាត់ អភិវឌ្ឍន៍ស្ថានីយផលិតអគ្គិសនី ដើរដោយថាមពលពន្លឺព្រះអាទិត្យ អានុភាព១០០មេហ្គាវ៉ាត់, អភិវឌ្ឍន៍ស្ថានីយប្រព័ន្ធអាគុយស្តុកទុកថាមពល អានុភាព ៥០០មេហ្គាវ៉ាត់/១០០០មេហ្គាវ៉ាត់ម៉ោង (500 MW/1000 MWH), និងអភិវឌ្ឍន៍ស្ថានីយផលិតអគ្គិសនីដើរដោយថាមពលពន្លឺព្រះអាទិត្យ អានុភាព៣០មេហ្គាវ៉ាត់៕

តម្លៃខុនដូថ្មីនៅកណ្តាលទីក្រុងតូក្យូរបស់ប្រទេសជប៉ុនហក់ឡើងជិត៤០ភាគរយ

ដោយ: សហសេវិក
អន្តរជាតិ: សារព័ត៌មានជប៉ុន Kyodo News បានរាយការណ៍ថា តម្លៃខុនដូថ្មីជាមធ្យមនៅកណ្តាលទីក្រុងតូក្យូរបស់ប្រទេសជប៉ុនក្នុងខែមេសាបានកើនឡើង ៣៨,៩ ភាគរយធៀបនឹងឆ្នាំមុន ដល់ ១២៤,៩៨ លានយ៉េន (ប្រហែល ៧៨៦.០០០ ដុល្លារអាមេរិក)។

សេចក្តីរាយការណ៍នេះបានដកស្រង់ការវាយតម្លៃរបស់វិទ្យាស្ថានសេដ្ឋកិច្ចអចលនទ្រព្យថា ការកើនឡើងនៃតម្លៃខុនដូនៅសង្កាត់ចំនួន ២៣ ដែលមានប្រជាជនរស់នៅច្រើនរបស់ទីក្រុងតូក្យូ បានឆ្លុះបញ្ចាំងពីការស្ទុះងើបឡើងវិញ បន្ទាប់ពីបានធ្លាក់ចុះកាលពីឆ្នាំមុន និងការកើនឡើងនៃថ្លៃដើមសំណង់។

ទន្ទឹមនឹងនេះ តម្លៃខុនដូជាមធ្យមនៅតាមខេត្តជុំវិញរដ្ឋធានីចំនួន៣ រួមមានខេត្ត Kanagawa ខេត្ត Saitama និងខេត្ត Chiba បានកើនឡើង ២៤,៨ ភាគរយបើធៀបនឹងឆ្នាំមុន ដល់ ៨៧,៣៦ លានយ៉េន ប៉ុន្តែបានធ្លាក់ចុះក្រោម ១០០ លានយ៉េនជាលើកដំបូងក្នុងរយៈពេល៣ខែ។

ចំនួនខុនដូថ្មី ដែលត្រូវបានចុះបញ្ជីសម្រាប់ដាក់លក់នៅទីក្រុងតូក្យូ និងបណ្តាខេត្តជុំវិញបានកើនឡើង១៥,៦ភាគរយដល់ចំនួន១.១៦៣យូនីត។

ក្រុមអ្នកជំនាញបានលើកឡើងថា អតិថិជន “កំពុងចំណាយពេលច្រើនដើម្បីពិចារណាទិញខុនដូ” ដោយសារហេតុផលដូចជា ការដំឡើងអត្រាការប្រាក់របស់ធនាគារកណ្តាលនៃប្រទេសជប៉ុន (BoJ)៕ប្រភព: Xinhua៕

តើការវិនិយោគលើលំនៅឋានដើម្បីទទួលបានផលចំណេញនៅតែមានឱកាសខ្ពស់? និងមានភាពបត់បែនបែបណា?

ដោយៈ ចំណាន

ភ្នំពេញៈ អ្នកជំនាញមើលឃើញថា នៅកម្ពុជាក្នុងឆ្នាំ ២០២៦ ការវិនិយោគលើផ្ទះ នៅតែអាចរកប្រាក់ចំណេញបាន ប៉ុន្តែយុទ្ធសាស្ត្រនេះខុសគ្នាខ្លាំងពីរយៈពេលរីកចម្រើនឆ្នាំ ២០១៧-២០១៩។

ទីផ្សារឥឡូវនេះ ផ្តល់រង្វាន់ដល់តម្រូវការពិតប្រាកដ ប្រាក់ចំណូ លពីការជួល និងទីតាំងល្អ មិនមែនគ្រាន់តែការរំពឹងទុកនោះទេ។

របាយការណ៍ក្នុងឆ្នាំ ២០២៦បានបង្ហាញថា លំនៅឋានដែលមានតម្លៃសមរម្យ និងកម្រិតមធ្យមកំពុងដំណើរការល្អជាង គម្រោងប្រណីត។

ចំណុចទាំងនេះ ជាយុទ្ធសាស្ត្រខ្លាំងបំផុតនៅពេលនេះ ដែលវិនិយោគិនគួរពិចារណា

១. ទិញសម្រាប់ប្រាក់ចំណូលពីការជួលជាមុនសិន មិនមែនលក់បន្តលឿនទេ

នេះគឺជាយុទ្ធសាស្ត្រ ដែលមានសុវត្ថិភាពបំផុតនៅកម្ពុជា ឥឡូវនេះ ខណៈតម្រូវការជួលល្អនៅតែមាននៅក្នុងភ្នំពេញ តំបន់ជិតច្រករបៀងអាកាសយានដ្ឋានថ្មី តំបន់ឧស្សាហកម្ម តំបន់សាកលវិទ្យាល័យ និងតំបន់ដែលមានជនបរទេស និងជនជាតិខ្មែរវណ្ណៈកណ្តាល

អ្នកវិភាគមើលឃើញថា ទីផ្សារកំពុងផ្លាស់ប្តូរទៅរកអ្នកប្រើប្រាស់ចុងក្រោយ និងអ្នកជួលរយៈពេលវែងជំនួសឱ្យការប្តូរការរំពឹងទុក។

ប្រភេទផ្ទះល្អបំផុត វីឡាបុរីតូចៗ វីឡាភ្លោះ ផ្ទះអាជីវកម្មនៅជិតសហគមន៍ ខុនដូកម្រិតមធ្យមក្រោម១០០,០០០ដុល្លារ វីឡាភ្លោះនៅតំបន់ជាយក្រុងដែលកំពុងរីកចម្រើន។

២. ផ្តោតលើតំបន់ “កំណើនប្រជាជននាពេលអនាគត”

ប្រាក់ចំណេញច្រើនបំផុតជាធម្មតា កើតឡើងនៅកន្លែងដែលមានការពង្រីកផ្លូវ រោងចក្រកើនឡើង ចំនួនប្រជាជនផ្លាស់ទីទៅខាងក្រៅហេដ្ឋារចនាសម្ព័ន្ធលេចឡើង។

អ្នកជំនាញបានចង្អុលទៅកាន់តំបន់ភាគខាងលិច និងភាគនិរតីនៃទីក្រុងភ្នំពេញ និងតំបន់ជុំវិញកំបូល អង្គស្នួល ផ្លូវជាតិលេខ៤ ផ្លូវក្រវ៉ាត់ក្រុង និងតំបន់ច្រករបៀងអាកាសយានដ្ឋានអន្តរជាតិតេជោ ដែលតំបន់ទាំងនេះ នៅតែមានសក្តានុពលកំណើនរយៈពេលវែង ពីព្រោះការពង្រីកទីក្រុងនៅតែបន្តចេញពីទីក្រុងភ្នំពេញ។

៣. ទិញក្រោមតម្លៃទីផ្សារ

នៅឆ្នាំ២០២៦ ម្ចាស់ផ្ទះជាច្រើនត្រូវការសាច់ប្រាក់ ដែលវិនិយោគិនល្អឥឡូវនេះ គួរផ្តោតលើការចរចាយ៉ាងម៉ត់ចត់ ទិញអចលនទ្រព្យដែលមានបញ្ហា ទិញពីអ្នកដែលត្រូវការសាច់ប្រាក់ ជៀសវាងការទិញដោយអារម្មណ៍ ស្របពេលទីផ្សារនេះពេញចិត្តអ្នកទិញសាច់ប្រាក់ដោយការអត់ធ្មត់៕

ភាគខាងជើងរាជធានីតំបន់ដែលនៅតែមានសក្តានុពល សម្រាប់រយៈពេលវែង

ដោយៈ គង់ សូរិយា

ភ្នំពេញៈ ភាគខាងជើងនៃទីក្រុងភ្នំពេញក្នុងឆ្នាំ ២០២៦ គឺជាស្ថានភាព “កំណើនយឺតជាមួយនឹងសក្តានុពលរយៈពេលវែង” ជាជាងការរីកចម្រើនយ៉ាងឆាប់រហ័សនៃការប៉ាន់ស្មាន។

តំបន់ដូចជាជ្រោយចង្វារ ព្រែកព្នៅ ច្រករបៀងផ្លូវវីនវីន ផ្នែកខ្លះនៅជិតផ្លូវជាតិលេខ៥ និងស្រុកភាគខាងជើងខាងក្រៅ កំពុងផ្លាស់ប្តូរបន្តិចម្តងៗ ដោយសារតែហេដ្ឋារចនាសម្ព័ន្ធ ការពង្រីកប្រជាជន និងការអភិវឌ្ឍភស្តុភារ។

ស្ថានភាពបច្ចុប្បន្ននៅភាគខាងជើងនៃទីក្រុងភ្នំពេញ មានសភាពដែលត្រូវបានគេមើលឃើញដូចជា

១. ទីផ្សារមានភាពស្ងប់ស្ងាត់ជាងភាគខាងត្បូង និងខាងលិចនៃទីក្រុងភ្នំពេញ

ស្របពេលមានការចាប់អារម្មណ៍ខ្លាំងបំផុត របស់វិនិយោគិនក្នុងឆ្នាំ២០២៥-២០២៦បានផ្លាស់ប្តូរឆ្ពោះទៅរក ច្រករបៀងអាកាសយានដ្ឋានអន្តរជាតិតេជោ ផ្លូវក្រវ៉ាត់ក្រុងលេខ៣ ភាគខាងត្បូងនៃទីក្រុងភ្នំពេញ ការពង្រីកឧស្សាហកម្មនៅភាគខាងលិចនៃទីក្រុងភ្នំពេញ។

ដោយសារតែបញ្ហានោះ តំបន់ភាគខាងជើងមិនឡើងកំដៅខ្លាំងពេកទេ។ នេះពិតជាកាត់បន្ថយហានិភ័យនៃការប៉ាន់ស្មាន។

២.តម្លៃដីមានស្ថេរភាពជាងមុន

ភាគខាងជើងនៃទីក្រុងភ្នំពេញ តម្លៃអចលនទ្រព្យមិនបានកើនឡើងខ្លាំងដូច បណ្តាស្រុកមួយចំនួនដួចជា ស្រុកកណ្តាលស្ទឹង ខ័ណ្ឌដង្កោ ច្រករបៀងអាកាសយានដ្ឋាន ផ្នែកខ្លះនៃកំបូលនោះទេ។

ដូច្នេះវិនិយោគិនដែលមានចក្ខុវិស័យ រយៈពេលមធ្យមកំពុងប្រមូលផ្តុំដីនៅទីនោះដោយស្ងៀមស្ងាត់ ជាពិសេសនៅជិត មហាវិថីឈ្នះឈ្នះផ្លូវជាតិលេខ៥ ការតភ្ជាប់ផ្លូវក្រវ៉ាត់ក្រុង។ តំបន់ភស្តុភារកម្មនាពេលអនាគត។

៣. ហេដ្ឋារចនាសម្ព័ន្ធកំពុងមានភាពប្រសើរឡើងជាលំដាប់

ភាគខាងជើងទទួលបានអត្ថប្រយោជន៍ពី ការវិនិយោគលើហេដ្ឋារចនាសម្ព័ន្ធរបស់រដ្ឋាភិបាលដូចជា ការពង្រីកផ្លូវក្រវ៉ាត់ក្រុង ការតភ្ជាប់ស្ពានកាន់តែប្រសើរ ការធ្វើឱ្យប្រសើរឡើងនូវផ្លូវឆ្ពោះទៅព្រែកព្នៅ និងជ្រោយចង្វារ និងកំណើនឧស្សាហកម្ម និងឃ្លាំង។

ហេដ្ឋារចនាសម្ព័ន្ធឥឡូវនេះ គឺជាកត្តាជំរុញដ៏ធំបំផុតនៃតម្លៃអចលនទ្រព្យតំបន់ក្រៅទីក្រុងភ្នំពេញ នេះបើយោងតាមការវិភាគទីផ្សារជាច្រើន៕

ដំណឹងល្អៈគម្រោងសាងសង់ស្ពានឆ្លងទន្លេមេគង្គថ្មី មានទំហំធំជាងគេនៅកម្ពុជាសម្រេចបាន៥០,៨ភាគរយហើយ

ដោយៈ ចំណាន

កណ្តាលៈ ក្រសួងបានឲ្យដឹងថា គិតត្រឹមពាក់កណ្តាលខែឧសភា ឆ្នាំ២០២៦ គម្រោងសាងសង់ស្ពានឆ្លងកាត់ទន្លេមេគង្គ(ដីឥដ្ឋ-ថ្មគរ) សម្រេចបាន៥០,៨% បន្ទាប់ពីពិធីបើកការដ្ឋានសាងសង់រួមគ្នាជាមួយគម្រោងផ្លូវល្បឿនលឿនភ្នំពេញ-បាវិត កាលពីថ្ងៃទី៧ ខែមិថុនា ឆ្នាំ២០២៣។

ការសាងសង់ស្ពាននេះ ធ្វើឡើងក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាអតីតនាយករដ្ឋមន្រ្តី នៃព្រះរាជាណាចក្រកម្ពុជា និងលោកវ៉ាង វិនធៀន ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិនប្រចាំកម្ពុជា។

គម្រោងនេះ មានទីតាំងស្ថិតនៅខេត្តកណ្ដាល ឆ្លងកាត់តាមទន្លេមេគង្គ ផ្លូវនៅត្រើយខាងលិច ស្ថិតក្នុងឃុំដីឥដ្ឋ តភ្ជាប់នឹងមហាវិថី ស៊ី ជីនពីង (ផ្លូវក្រវាត់ក្រុងទី៣) និងផ្លូវជាតិលេខ១ ផ្លូវនៅត្រើយខាងកើតស្ថិត ក្នុងឃុំថ្មគរ តភ្ជាប់នឹងផ្លូវល្បឿនលឿនភ្នំពេញ-បាវិត ដែលគ្រោងនឹងសាងសង់។

គម្រោងនេះមានប្រវែងសរុប៣,៧ គីឡូម៉ែត្រ រួមមានស្ពានដែលឆ្លងទន្លេ និងស្ពានអាកាសតភ្ជាប់ផ្លូវ លូ និងការងារវិស្វកម្មបន្ទាប់បន្សំ។ ស្ពានឆ្លងទន្លេមេគង្គ មានប្រវែងសរុប១៦០០ម៉ែត្រ និងទទឹង២៦ម៉ែត្រ ដោយមានគន្លងផ្លូវរថយន្ត ផ្លូវទោចក្រយានយន្ត និងផ្លូវថ្មើរជើង ព្រមទាំងមានគន្លងនាវាចរណ៍ចំនួន៣គន្លង ដែលគន្លងនីមួយៗមានចន្លោះសុវត្ថិភាព ទទឹង១១០ម៉ែត្រ និងកម្ពស់១៥ម៉ែត្រ៕