តើអំឡុងវិបត្តិបែបនេះ អ្នកវិនិយោគដីធ្លីគួរជ្រើសរើសយកទីតាំងណា?

ដោយៈ គង់ សូរិយា

ភ្នំពេញៈ ការសម្រេចចិត្តវិនិយោគដីធ្លីនាពេលនេះ អាចជារឿងត្រឹមត្រូវ ឬមានបញ្ហា អាស្រ័យលើលំហូរសាច់ប្រាក់របស់អ្នក។

ប៉ុន្តែប្រសិនជាអ្នកមានទឹកប្រាក់វិនិយោគ គួរជ្រើសរើសទីតាំងណា? ដើម្បីមានទីផ្សារ និងនៅតែមានឱកាសលក់ចេញ និងមានផលចំណេញលឿនសម្រាប់ពេលអនាគត?។

លោកយិន លាងគង់សហស្ថាបនិក និងជាអគ្គនាយកគេហទំព័រPropertyarea.aia ដែលបានតាមដានដំណើរវិវត្តន៍ ក្នុងវិស័យនេះបានលើកឡើងថា អ្នកវិនិយោគដីធ្លីអំឡុងពេលនេះ គួរសិក្សាលើមូលដ្ឋានមួយចំនួនដូចជា ទីតាំង លំហូរសាច់ប្រាក់ល្អ ការប្រឈមនឹងការជាប់គាំងរយៈពេលវែង និងកត្តាសេដ្ឋកិច្ចមូលដ្ឋាន។

ទីតាំង
ទីតាំង ទីតាំង ទីតាំង នៅតែមានសារៈសំខាន់សម្រាប់ការវិនិយោគនាពេលនេះ និងគ្រប់ពេលវេលា ហេតុនេះការជ្រើសរើសទីតាំងត្រឹមត្រូវពិតជាមានាសារៈសំខាន់ណាស់ ព្រោះទីតាំងវាជាប់ពាក់ព័ន្ឋនឹងកត្តាប្រជាសាស្រ្ត នគរូបនីយកម្ម និងតម្រូវការរបស់ទីផ្សារ។

ដូច្នេះ តំបន់ជាយក្រុង ផ្លូវក្រវ៉ាត់ក្រុងទី៣ និងទី៤ ដែលនឹងសាងសង់បន្តនាពេលខាងមុខ នៅតែមានឱកាសចំណេញ និងងាយលក់ចេញ ដោយសារកត្តាប្រជាសាស្រ្ត ការរីកចម្រើននៃហេដ្ឋារចនាសម្ព័ន្ឋ និងកត្តាមួយចំនួនទៀត។

លំហូរសាច់ប្រាក់ល្អ
ក្នុងស្ថានភាពនេះ ការគិតគូរពីលំហូរសាច់ប្រាក់ ពិតជារឿងត្រូវពិចារណាម្តងហើយម្តងទៀត ដោយសារភាពមិនច្បាស់លាស់នៃសេដ្ឋកិច្ចសកល បើទោះបីជាសេដ្ឋកិច្ចកម្ពុជា បានបង្ហាញសញ្ញារ៉ឹងមាំក្តី។

ដូច្នេះការសម្រេចចិត្ត គួរតែធ្វើឡើងលើមូលដ្ឋានមួយចំនួន ដូចជា ភាពចាំបាច់ ការទិញដើម្បីគោលបំណងជាក់លាក់ ទិញអាចបង្កើតប្រាក់ចំណូលត្រលប់មកវិញ និងមូលដ្ឋានហិរញ្ញវត្ថុឬលំហូរសាច់ប្រាក់មានស្ថេរភាពរយៈពេលវែង។ការប្រឈមនឹងភាពជាប់គាំងរយៈពេលវែង
ដោយសារភាពមិនច្បាស់លាស់ នៃនិន្នាការជាសាកល រួមទាំងវិបត្តិសេដ្ឋកិច្ចផង បាននិងកំពុងធ្វើឲ្យការវិនិយោគ លើអចលនទ្រព្យ ពិសេសដីធ្លី ត្រូវចំណាយពេលយូរជាងមុន ដើម្បីលក់ចេញ និងទទួលបានផលចំណេញ។

អ្វីដែលអ្នកទិញ ឬអ្នកវិនិយោគត្រូវគិត គឺហានិភ័យនៃការលក់មិនចេញ និងការជាប់គាំងអចលនទ្រព្យរយៈពេលវែង។ នេះជាចំណុចគួរពិចារណាបំផុត។

កត្តាសេដ្ឋកិច្ចមូលដ្ឋាន
ការទិញដីនៅខេត្តឆ្ងាយៗពីរាជធានីភ្នំពេញ គួរតែពិចារណាផងដែរ ប៉ុន្តែបើទិញដីសម្រាប់សាងសង់ផ្ទះលំហែរ វាជារឿងគួរឲ្យចាប់អារម្មណ៍ ប៉ុន្តែការទិញដីដើម្បីវិនិយោគយកផលចំណេញ ឬធ្វើអាជីវកម្មអ្វីមួយ គួរពិចារណាលើកត្តាសេដ្ឋកិច្ចមូលដ្ឋានជាចម្បង។

សេដ្ឋកិច្ចមូលដ្ឋានសំដៅដល់ កត្តាប្រជាសាស្រ្ត ឬតំបន់ដែលមានសកម្មភាពសេដ្ឋកិច្ច និងមានមនុស្សរស់នៅច្រើន ព្រោះតំបន់មនុស្សរស់នៅច្រើន ជាតំបន់ដែលនៅតែមានតម្រូវការដីធ្លី ព្រោះជាតំបន់ដែលមានលំហូរសាច់ប្រាក់សកម្ម៕

ដំណឹងល្អ! សម្ដេចធិបតី ហ៊ុន ម៉ាណែត អនុញ្ញាតឱ្យប្រើប្រាស់ស្ពានកោះនរាជាបណ្ដោះអាសន្ន ក្នុងអំឡុងពេល៣ថ្ងៃនៃពិធីបុណ្យភ្ជុំបិណ្ឌ

ដោយៈ គង់ ហ្វីអូណា

ភ្នំពេញៈ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានសម្រេចអនុញ្ញាតឱ្យប្រើប្រាស់បណ្ដោះអាសន្ន ស្ពានកោះពេជ្រ កោះនរា ក្នុងរយៈពេល៣ថ្ងៃ នៃពិធីបុណ្យភ្ជុំបិណ្ឌ។ការសម្រេចនេះ គឺដើម្បីកាត់បន្ថយការកកស្ទះចរាចរណ៍ និងបង្កលក្ខណៈងាយស្រួល លើការធ្វើដំណើររបស់ប្រជាពលរដ្ឋ ពីថ្ងៃទី១៣ ដល់ថ្ងៃទី១៥ ខែតុលា ឆ្នាំ២០២៣។

ក្រោយផុតរយៈពេល៣ថ្ងៃ ការធ្វើចរាចរណ៍នឹងត្រូវផ្អាកវិញ ដោយរង់ចាំរហូត ដល់ការដ្ឋានសាងសង់បញ្ចប់ទាំងស្រុង នៅអំឡុងថ្ងៃទី២០ ឬថ្ងៃទី២៣ ខែតុលា ឆ្នាំ២០២៣ខាងមុខ។ ក្រោយបញ្ចប់ការស្ថានទាំងស្រុង អាជ្ញាធរនឹងដាក់ឱ្យប្រើប្រាស់តែម្ដង។ នេះបើតាមឯកឧត្តម ឃួង ស្រេង អភិបាលរាជធានីភ្នំពេញ។

ក្រុមហ៊ុន O.C.I.C បាននិងកំពុងដំណើរការសាងសង់ស្ពានខ្សែកាប តភ្ជាប់ចរាចរណ៍ រវាងតំបន់អភិវឌ្ឍកោះនរា និងតំបន់អភិវឌ្ឍកោះពេជ្រ ដែលត្រូវបានបើកការដ្ឋានសាងសង់ កាលពីថ្ងៃទី២៦ ខែតុលា ឆ្នាំ២០២០ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នីតិកាលទី៦ នៃរដ្ឋសភា។

មកទល់បច្ចុប្បន្ន ក្រុមហ៊ុនបានអនុវត្តគម្រោងបានប្រមាណ៩៥%។ កន្លងមក ដើម្បីដោះស្រាយបញ្ហាកកស្ទះចរាចរណ៍ នៅចំណុចស្ពានព្រះមុនីវង្ស បើទោះបីរដ្ឋបាលរាជធានីភ្នំពេញ បានដាក់ឲ្យដំណើរការសាឡាងដឹកអ្នកដំណើរ រវាងតំបន់ខណ្ឌច្បារអំពៅ និងតំបន់ខណ្ឌចំការមនក្តី ក៏នៅមិនទាន់ឆ្លើយតបនឹងតម្រូវការ និងកំណើនមធ្យោបាយដឹកជញ្ជូននៅឡើយ គ្រាន់តែធ្វើឲ្យស្ថានភាពចរាចរណ៍មានភាពធូរស្រាល។

ជាការកត់សម្គាល់ សម្រាប់ការប្រើប្រាសជាបណ្ដោះអាសន្ននូវស្ពានកោះពេជ្រ កោះនរានោះ សម្តេចធិបតី ហ៊ុន ម៉ាណែត បានអនុញ្ញាតឱ្យប្រើប្រាស់ជាបណ្តោះអាសន្ន ដោយប្រើប្រាស់ផ្លូវស្ពានមួយចំហៀង សម្រាប់ការធ្វើចរាចរណ៍ទ្វេទិស និងកំណត់ទម្ងន់មធ្យោបាយដឹកជញ្ជូនឆ្លងកាត់ ត្រឹមទម្ងន់៥តោនចុះក្រោម៕

ចិន សាងសង់ស្ថានីយអគ្គិសនីដើរដោយថាមពលខ្យល់ខ្ពស់បំផុតក្នុងរយៈកម្ពស់ជាង៥.០០០ម៉ែត្រ

ដោយ៖ តែម សុខុម

ប៉េកាំង: ដោយងាកទៅរកប្រភពថាមពលស្អាត ប្រទេសចិន ពេលនេះកំពុងសាកល្បងទួប៊ីនខ្យល់ (Wind Turbine) នៅលើភ្នំក្នុងតំបន់ទីបេតិ៍ ក្នុងរយៈកម្ពស់ជាង៥.០០០ម៉ែត្រពីកម្រិតទឹកសមុទ្រ។

នៅក្នុងតំបន់ស្វយ័តទីបេត៍ (Tibet) ដំណាក់កាលទី២ នៃស្ថានីយអគ្គិសនីដើរដោយថាមពលខ្យល់ Zhegu Wind Farm ដែលស្ថិតនៅជើងភ្នំហេមពាន្ត (Himalayas) ត្រូវបានដាក់ឱ្យដំណើរការកាលពីថ្ងៃពុធ សប្ដាហ៍នេះ នៅពេលទួប៊ីនខ្យល់ដំឡើងថ្មីចំនួន១៥ត្រូវបានតភ្ជាប់ទៅបណ្តាញថាមពលអគ្គិសនីក្នុងស្រុក។

គម្រោងទទួលបានហិរញ្ញប្បទានពីក្រុមហ៊ុនសាជីវកម្ម Three Gorges Corporation ដែលគ្រប់គ្រងដោយរដ្ឋនេះត្រូវបានលើកសរសើរថា ជាស្ថានីយអគ្គិសនីដើរដោយថាមពលខ្យល់ក្នុងរយៈកម្ពស់បំផុតប្រចាំប្រទេសចិន ជាមួយនឹងកម្ពស់៥.២០០ម៉ែត្រពីលើនីវ៉ូទឹកសមុទ្រ។

ទួប៊ីនដំឡើងថ្មីទាំង១៥នេះ ត្រូវបានរំពឹងថានឹងផលិតថាមពលអគ្គីសនីស្អាតបាន២០០លានគីឡូវ៉ាត់ម៉ោង (kWh) ក្នុងមួយឆ្នាំ។

ចំនួននោះគឺស្មើនឹងការប្រើប្រាស់ថាមពលអគ្គិសនីប្រចាំឆ្នាំរបស់ប្រជាជន១៤០.០០០គ្រួសារ ឬ ជាង១០%នៃគ្រួសារទាំងអស់ក្នុងតំបន់ទីបេត៍។ នេះបើយោងតាមសេចក្តីថ្លែងការណ៍របស់ក្រុមហ៊ុន Three Gorges Corporation នៅលើបណ្ដាញទំនាក់ទំនងសង្គម WeChat។

យោងតាមទីភ្នាក់ងារព័ត៌មានរដ្ឋ Xinhua ឱ្យដឹងថា ប្រសិនបើសម្រេចឱ្យបានពេញលេញ ការផលិតថាមពលប្រចាំឆ្នាំរបស់ខ្លួននឹងអាចជួយសន្សំសំចៃធ្យូងថ្មបានជាង៦០.០០០តោនជារៀងរាល់ឆ្នាំ ដោយកាត់បន្ថយការបញ្ចេញកាបូនឌីអុកស៊ីតបានចំនួន១៧៣.០០០តោន និងការបញ្ចេញស្ពាន់ធ័រឌីអុកស៊ីតចំនួន២០តោន៕ South China Morning Post៕

ក្លឹបវាយកូនហ្គោលឯកជនលំដាប់សេដ្ឋីពិភពលោកដែលថ្លៃចូលជាសមាជិកក្លឹបត្រូវបង់ខ្ទង់លានដុល្លារ

ដោយ៖ តែម សុខុម

អាមេរិក: ក្លឹបវាយកូនហ្គោលលំដាប់សេដ្ឋីពិភពលោកមួយដែលរួមបញ្ចូលមជ្ឈមណ្ឌលសីរ៉ាកែត ក្លឹបនាវាកម្សាន្តឯកជន និងមានអ្វីពិសេសជាច្រើនទៀតនោះត្រូវបានបើកដំណើរការហើយ ហើយដើម្បីក្លាយសមាជិកក្លឹបត្រូវបង់ប្រាក់ចំនួន១លានដុល្លារ។

ក្លឹបវាយកូនហ្គោល Shell Bay Club នៅក្នុងទីក្រុង Hallandale Beach រដ្ឋហ្វ្លរីដា សហរដ្ឋអាមេរិក បានបើកសម្ពោធកាលពីថ្ងៃអង្គារ ដើមសប្ដាហ៍នេះ។ ក្លឹបវាយកូនហ្គោលនេះស្ថិតក្នុងគម្រោងអភិវឌ្ឍន៍កន្លែងលម្ហែកាយ និងលំនៅឋានឯកជនដែលត្រូវបានឌីហ្សាញឡើងដោយក្រុមហ៊ុន Witkoff Group និងក្រុមហ៊ុន PPG Development ដើម្បីផ្ដល់បទពិសោធន៍រស់នៅដ៏អស្ចារ្យបែបអភិជនពិតៗ។

លាតសន្ធឹងតាមបណ្តោយផ្លូវទឹក Intracoastal Waterway ក្លឹបវាយកូនហ្គោលនៅលើផ្ទៃដីទំហំ៦០,៧ហិកតានេះមានឡូត៍កូនហ្គោលចំនួន១៨ឡូត៍ ដែលត្រូវបានឌីហ្សាញឡើងដោយស្ថាបត្យករជនជាតិអូស្ត្រាលី លោក Greg Norman ដែលបានឈ្នះពានរង្វាន់ធំចំនួន២លើក។

លោក Greg Norman បានលើកឡើងក្នុងសេចក្តីប្រកាសព័ត៌មានថា “ជាការពិតណាស់ ក្លឹបវាយកូនហ្គោល Shell Bay Club នឹងក្លាយជាក្លឹបវាយកូនហ្គោលដ៏ពិសេសគ្មានពីរដែលខ្ញុំមិនធ្លាប់បានឌីហ្សាញកន្លងមក”។

អ្នកដែលរស់នៅក្នុងខុនដូកម្ពស់២០ជាន់ដែលមានលំនៅឋាន និងផ្ទះ Penthouse ចំនួន១០៨យូនីតស្ថិតក្នុងគម្រោងអភិវឌ្ឍន៍ នឹងទទួលបានប័ណ្ណសមាជិកក្លឹបសង្គមដោយស្វ័យប្រវត្តិជាមួយនឹងជម្រើសបង់ថ្លៃបន្ថែមសម្រាប់ចូលជាសមាជិកក្លឹបវាយកូនហ្គោល។

ដោយគ្រោងបើកសម្ពោធនៅឆ្នាំក្រោយ គម្រោងអគារខុនដូនេះនឹងមានតម្លៃថោកបំផុតចាប់ពី៣លានដុល្លារ ឡើងទៅក្នុងមួយយូនីត ដោយផ្ទះ Penthouse មានតម្លៃចាប់ពី១១លានដុល្លារ ឡើងទៅ៕ CNN៕

អង្គការពាណិជ្ជកម្មពិភពលោក WTO បន្ទាបការព្យាករកំណើនពាណិជ្ជកម្មទំនិញសកលលោកសម្រាប់ឆ្នាំនេះ

ដោយ: គង់ លាងហួរ

អន្តរជាតិ: អង្គការពាណិជ្ជកម្មពិភពលោក(WTO) បញ្ជាក់ថា ពាណិជ្ជកម្មទំនិញសកលនឹងកើនឡើងតិចជាងការព្យាកររបស់ខ្លួនកាលពី៦ខែមុន ដោយសារអតិផរណានៅអាមេរិក និងអឺរ៉ុប សង្គ្រាមអូសបន្លាយក្នុងប្រទេសអ៊ុយក្រែន និងការស្ទុះងើបឡើងវិញយឺតរបស់ប្រទេសចិន។

ស្ថាប័នដែលមានមូលដ្ឋាននៅទីក្រុងហ្សឺណែវមួយនេះរំពឹងថា ទំហំពាណិជ្ជកម្មទំនិញសកលនៅឆ្នាំ២០២៣នេះ នឹងកើនឡើង០,៨% ធៀបនឹងឆ្នាំមុន បើធៀបនឹងការព្យាករក្នុងខែមេសាសម្រាប់ការកើនឡើង១,៧%។

តួលេខព្យាករណ៍ថ្មីនេះគឺទាបជាងមធ្យមភាគនៃកំណើនប្រចាំឆ្នាំ២,៦% ដែលបានចុះបញ្ជី ចាប់តាំងពីវិបត្តិហិរញ្ញវត្ថុពិភពលោក។នេះបើតាមរបាយការណ៍ចេញផ្សាយកាលពីថ្ងៃព្រហស្បតិ៍។

ស្ថាប័ន WTO លើកឡើងថា ការធ្លាក់ចុះនៃពាណិជ្ជកម្មសកលហាក់ដូចជាមានមូលដ្ឋានទូលំទូលាយ ដែលពាក់ព័ន្ធនឹងប្រទេសមួយចំនួនធំ និងទំនិញជាច្រើនប្រភេទ ជាពិសេសប្រភេទទំនិញមួយចំនួន ដែលបានមកពីការផលិតដូចជាដែកថែប និងដែក ឧបករណ៍ការិយាល័យ និងទូរគមនាគមន៍ វាយនភ័ណ្ឌ និងសម្លៀកបំពាក់។

ស្ថាប័ននេះបន្តថា “បញ្ហាអតិផរណា អត្រាការប្រាក់ដ៏ខ្ពស់ ការហក់ឡើងថ្លៃនៃប្រាក់ដុល្លារអាមេរិក និងភាពតានតឹងភូមិសាស្ត្រនយោបាយ សុទ្ធតែរួមចំណែកដល់ការធ្លាក់ចុះនេះ”។

លោកស្រី Ngozi Okonjo-Iweala អគ្គនាយិកាអង្គការ WTO លើកឡើងថា ការធ្លាក់ចុះនៃពាណិជ្ជកម្មសម្រាប់ឆ្នាំ២០២៣ គឺជាមូលហេតុនៃការព្រួយបារម្ភ ដោយសារតែវាមានការជាប់ពាក់ព័ន្ធជាអវិជ្ជមានដល់កម្រិតជីវភាពរស់នៅរបស់មនុស្សនៅជុំវិញពិភពលោកហើយការបែកខ្ញែកសេដ្ឋកិច្ចសកលនឹងធ្វើឱ្យបញ្ហាប្រឈមទាំងនេះកាន់តែអាក្រក់ទៅៗ។

ចំណែក សម្រាប់ឆ្នាំ២០២៤ ការព្យាកររបស់អង្គការ WTO សម្រាប់កំណើនពាណិជ្ជកម្មទំនិញសកលស្ថិតក្នុងរង្វង់៣,៣% ពោលគឺស្ទើរតែមិនផ្លាស់ប្តូរពីការព្យាករក្នុងខែមេសាកន្លងទៅ៕

Biden plans November meeting with China’s Xi: Report

WASHINGTON: The White House plans a face-to-face meeting between US President Joe Biden and Chinese leader Xi Jinping in San Francisco next month as the two countries seek to stabilize troubled relations, the Washington Post reported on Thursday (Oct 5).

Ties between the world’s two largest economies have been strained in recent years due to a number of issues including Taiwan, the origins of the COVID-19 pandemic, allegations of spying, human rights issues, and trade tariffs, among others.

The newspaper, which cited senior unnamed US officials, quoted one of them saying the possibility of a meeting was “pretty firm.”

“We’re beginning the process” of planning, the official was quoted as saying by the newspaper.

The meeting would follow other high-level engagements between the two countries in recent months that have seen visits from US officials to China like Secretary of State Antony Blinken in June, Treasury Secretary Janet Yellen in July, and Commerce Secretary Gina Raimondo in August.

More recently, Blinken met Chinese Vice President Han Zheng in New York and US national security adviser Jake Sullivan met Chinese Foreign

Minister Wang Yi in Malta.

The Chinese embassy in Washington did not immediately respond to a request for comment on the Washington Post report. The White House did not have an immediate comment.

Biden and Xi’s last meeting was on the sidelines of the G20 summit in Indonesia in November 2022, which was their first in-person meeting since Biden became president. They previously had five exchanges by phone and video conference after Biden

took office.

China’s top security agency hinted last month that any meeting between Xi and Biden would depend on the United States “showing sufficient sincerity.”

US officials like Raimondo and Yellen have recently said the United States did not want to decouple from China but Beijing has expressed concern over US approval of arms sales and military financing to Taiwan.

San Francisco will host an Asia-Pacific Economic Cooperation (APEC) summit in November that Xi may attend. Xi recently skipped the G20 summit in New Delhi that Biden attended.

Source: CNA/yb

អារ៉ាប់រួមអេមីរ៉ាត និងម៉ាឡេស៊ី ចុះកិច្ចព្រមព្រៀងថាមពលកកើតឡើងវិញតម្លៃ៨ពាន់លានដុល្លារ

ដោយ៖ តែម សុខុម

គូឡាឡាំពួ: នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានទម្លាយឱ្យដឹងថា ម៉ាឡេស៊ី និងអារ៉ាប់រួមអេមីរ៉ាត នឹងពង្រឹងកិច្ចសហប្រតិបត្តិការវិនិយោគរបស់ខ្លួនដើម្បីជំរុញទំនាក់ទំនងដែលមានស្រាប់ និងជំរុញឱ្យការរីកចម្រើនបន្ថែមទៀត។

លោកថ្លែងថា កិច្ចសហប្រតិបត្តិការវិនិយោគរវាងប្រទេសទាំងពីរត្រូវបានពង្រឹងបន្ថែមទៀតតាមរយៈការចុះអនុស្សរណៈនៃការយោគយល់គ្នា (MoU) រវាងអាជ្ញាធរអភិវឌ្ឍន៍ការវិនិយោគម៉ាឡេស៊ី (MIDA) និងក្រុមប្រឹក្សាវិនិយោគអន្តរជាតិនៃប្រទេសអារ៉ាប់រួមអេមីរ៉ាត។ នេះបើយោងតាមសារព័ត៌មាន The Edge Markets ចុះផ្សាយកាលពីថ្ងៃសុក្រ ទី៦ ខែតុលា។

លោកបានបន្ថែមទៀតថា ប្រទេសទាំងពីរបានឈានដល់កិច្ចព្រមព្រៀងសហការគ្នាក្នុងវិស័យថាមពលប្រកបដោយនិរន្តរភាព ហើយកិច្ចសហប្រតិបត្តិការនេះនឹងត្រូវបានសម្របសម្រួលតាមរយៈ MoU រវាងអាជ្ញាធរអភិវឌ្ឍន៍ការវិនិយោគម៉ាឡេស៊ី (MIDA) និងក្រុមហ៊ុន Abu Dhabi Future Energy Company PJSC នៃប្រទេសអារ៉ាប់រួមអេមីរ៉ាត។

គោលបំណងនៃកិច្ចព្រមព្រៀងភាពជាដៃគូសហការនេះ គឺដើម្បីរួមគ្នាបង្កើតសមត្ថភាពផលិតថាមពលកកើតឡើងវិញក្រោមទុនវិនិយោគ៨ពាន់លានដុល្លារអាមេរិក ជាមួយនឹងសមត្ថភាពផលិតថាមពលទំហំ១០ជីហ្គាវ៉ាត់ (GW) ក្នុងប្រទេសម៉ាឡេស៊ី នៅត្រឹមឆ្នាំ២០២៥។

លោក អាន់វ៉ា អ៊ីប្រាហ៊ីម បានគូសបញ្ជាក់តាមរយៈហ្វេសប៊ុកផុសកាលពីថ្ងៃព្រហស្បតិ៍ ទី៥ ខែតុលា ថា “តាមបំណងរបស់ព្រះជាម្ចាស់ ប្រទេសម៉ាឡេស៊ី និងប្រទេសអារ៉ាប់រួមអេមីរ៉ាត នឹងបន្តស្វែងរកកិច្ចសហប្រតិបត្តិការ និងទំនាក់ទំនងកាន់តែជិតស្និទ្ធដើម្បីពង្រឹងសេដ្ឋកិច្ចនៃប្រទេសទាំងពីរ”៕ The Edge Markets៕

អ្នកជំនាញលើកឡើងថា ការធ្លាក់ចុះនៃសេដ្ឋកិច្ចចិនជះផលប៉ះពាល់តិចតួចប៉ុណ្ណោះមកលើសេដ្ឋកិច្ចរបស់កម្ពុជា

ដោយ: គង់ លាងហួរ

ភ្នំពេញ: តើការធ្លាក់ចុះនៃសេដ្ឋកិច្ចរបស់ប្រទេសចិននឹងអាចជះផលប៉ះពាល់យ៉ាងដូចម្តេច និងកម្រិតណាមកលើសេដ្ឋកិច្ចរបស់កម្ពុជា?

ដោយច្រានចោលការអះអាងរបស់ប្រព័ន្ធផ្សព្វផ្សាយលោកខាងលិចធំៗទាំងអស់ និងអ្នកវិភាគសេដ្ឋកិច្ចអំពីការធ្លាក់ចុះនៃសេដ្ឋកិច្ចចិន ដែលបង្កឡើងដោយវិបត្តិក្នុងវិស័យអចលនទ្រព្យ អ្នកជំនាញកម្ពុជាបានប្រាប់សារពត៌មានក្នុងស្រុកថា ទីក្រុងប៉េកាំងកំពុងជួបប្រទះបញ្ហាប្រឈមបណ្តោះអាសន្នមួយចំនួន ដែលអាចយកឈ្នះបាន តាមរយៈការដាក់ចេញយន្តការគោលនយោបាយសមស្រប។

អ្នកជំនាញក៏បានយល់ឃើញផងដែរថា ការធ្លាក់ចុះនៃសេដ្ឋកិច្ចចិននឹងជះឥទ្ធិពលតិចតួចប៉ុណ្ណោះមកលើសេដ្ឋកិច្ចរបស់កម្ពុជា ខណៈដែលគោលដៅនាំចេញរបស់កម្ពុជា រួមជាមួយនឹងកញ្ចប់វិនិយោគផ្ទាល់ពីបរទេស (FDI) មានភាពចម្រុះ។

លោក ឡោ វិចិត្រ អនុប្រធានសមាគមពាណិជ្ជកម្មចិន-កម្ពុជា បានមានប្រសាសន៍ថា ប្រទេសចិននឹងបន្តជំរុញម៉ាស៊ីនកំណើនសេដ្ឋកិច្ចពិភពលោក រួមជាមួយនឹងសហរដ្ឋអាមេរិក និងតួអង្គសេដ្ឋកិច្ចសំខាន់ៗផ្សេងទៀតនៅថ្ងៃខាងមុខ។

លោកបានបន្តថា “បញ្ហានៃការធ្លាក់ចុះសេដ្ឋកិច្ចរបស់ប្រទេសចិនបានបង្កឱ្យមានការជជែកវែកញែកក្នុងចំណោមអ្នកបង្កើតគោលនយោបាយក្នុងតំបន់អំពីរបៀបដោះស្រាយឱ្យបានកាន់តែប្រសើរឡើងដើម្បីកាត់បន្ថយផលប៉ះពាល់មកលើទីផ្សារផ្ទាល់ខ្លួនរបស់ប្រទេសពួកគេ”។

លោក ឡោ វិចិត្រ បញ្ជាក់ថា អ្នកបង្កើតគោលនយោបាយក្នុងតំបន់មិនអាចព្យាករ ឬដឹងជាមុនអំពីវិធានការជាក់ស្តែង ឬឧបករណ៍ហិរញ្ញវត្ថុរបស់ប្រទេសចិន ដែលនឹងត្រូវដាក់ឱ្យដំណើរការដើម្បីស្តារសេដ្ឋកិច្ចឡើងវិញនោះទេ។

លោកបានអះអាងថា “បញ្ហាប្រឈមគឺធ្វើយ៉ាងណា ដើម្បីធានាឱ្យមានការធ្លាក់ចុះនៃសេដ្ឋកិច្ចប្រកបដោយភាពរលូន បន្ទាប់ពីមានកំណើនយ៉ាងខ្លាំង។ មានវិធានការជាច្រើន ដែលអាចត្រូវបានដាក់ឱ្យអនុវត្តដើម្បីលើកទឹកចិត្តដល់ការប្រើប្រាស់ក្នុងស្រុក តាមរយៈការផ្តល់នូវការលើកទឹកចិត្តពន្ធបន្ថែម និងការផ្អាកយកពន្ធសម្រាប់ការវិនិយោគក្នុងប្រទេសចិន ដើម្បីលើកទឹកចិត្តឱ្យអាជីវកម្មក្នុងស្រុកធ្វើការពង្រីកខ្លួន”។

លោក ឡោ វិចិត្រ បានចង្អុលបង្ហាញថា រដ្ឋាភិបាលចិនអាចបោះជំហានឈានមុខគេឆ្ពោះទៅរកការបង្កើនការនាំចេញ ដោយបញ្ជូនតំណាងពាណិជ្ជកម្មរបស់ខ្លួនទៅចរចាជាមួយតួអង្គទីផ្សារក្នុងតំបន់ជាមួយនឹងការចុះអនុស្សរណៈនៃការយោគយល់គ្នា ដែលគ្របដណ្តប់លើកូតានៃការផ្លាស់ប្តូរទំនិញ និងសេវាកម្មទៅវិញទៅមកជាមួយប្រទេសនីមួយៗក្នុងតំបន់។

លោកបន្ថែមថា“របៀបដែលប្រទេសចិននឹងដោះស្រាយតម្រូវការទីផ្សារក្នុងស្រុករបស់ខ្លួន គឺជាអ្វីដែលយើងគួរព្រួយបារម្ភ ជាជាងការធ្លាក់ចុះនៃសេដ្ឋកិច្ចរបស់ប្រទេសចិន”។

លោក ឡោ វិចិត្រ លើកឡើងថា យើងបានមើលឃើញច្រើនដងហើយ ដែលប្រទេសចិនបានរះត្រដែតឡើងលើសពីការរំពឹងទុក ចាប់តាំងពីការបើកសេដ្ឋកិច្ចរបស់ខ្លួននៅឆ្នាំ១៩៧៨ និងការធ្វើសមាហរណកម្មសេដ្ឋកិច្ចរបស់ខ្លួនបន្ថែមទៅក្នុងខ្សែសង្វាក់ផ្គត់ផ្គង់ពិភពលោក និងទីផ្សារហិរញ្ញវត្ថុអន្តរជាតិ តាមរយៈការចូលជាសមាជិករបស់អង្គការពាណិជ្ជកម្មពិភពលោកក្នុងឆ្នាំ២០០១។

លោក ឡោ វិចិត្រ បានសង្កត់ធ្ងន់ថា “ការដួលរលំនៃរឿងសេដ្ឋកិច្ចចិនគ្រាន់តែជាការប្រឌិតតែម្ខាងប៉ុណ្ណោះ ដែលបង្កើតឡើងដោយអ្នក ដែលមិនមានការយល់ដឹងអំពីសមត្ថភាពបង្កើតគោលនយោបាយរបស់ទីក្រុងប៉េកាំង”។

លោកបន្តថា “ការធ្លាក់ចុះជាលក្ខណៈបណ្ដោះអាសន្ននេះ នឹងជះផលប៉ះពាល់តិចតួចប៉ុណ្ណោះដល់សេដ្ឋកិច្ចកម្ពុជា ខណៈគោលដៅនាំចេញលេខ១របស់កម្ពុជា គឺសហរដ្ឋអាមេរិក មិនមែនចិនទេ ហើយទំនាក់ទំនងពាណិជ្ជកម្មរបស់កម្ពុជាមានភាពចម្រុះ ហើយអាជីវកម្មរបស់ប្រទេសនេះកំពុងស្វែងរកទីផ្សារថ្មីៗជាញឹកញាប់ និងកំពុងចាប់ផ្តើមផ្លាស់ប្តូរចេញពីឧស្សាហកម្ម ដែលប្រើកម្លាំងពលកម្មទៅជាឧស្សាហកម្មដែលមានតម្លៃខ្ពស់”។

លោក ឡោ វិចិត្រ បានថ្លែងថា ទំនាក់ទំនងទ្វេរភាគីរវាងកម្ពុជា និងចិនកំពុងឈានឡើងដល់កម្រិតខ្ពស់ថ្មី។ លោកបានបន្តថា “មេដឹកនាំនៃប្រទេសទាំង២បានប្តេជ្ញាអនុវត្តគំនិតផ្តួចផ្តើមថ្មីដូចជាច្រករបៀងអង្ករត្រីកម្ពុជា-ចិន និងច្រករបៀងឧស្សាហកម្មកម្ពុជា-ចិន ហើយប្រទេសចិននឹងបន្តជំរុញការវិនិយោគផ្ទាល់ពីបរទេសចូលមកកម្ពុជា ដែលនេះជាផ្នែកមួយនៃគំនិតផ្តួចផ្តើមខ្សែក្រវ៉ាត់ និងផ្លូវ (BRI) របស់ចិន”។

លោក Aaditya Mattoo ប្រធានសេដ្ឋវិទូប្រចាំតំបន់អាស៊ីបូព៌ា និងអាស៊ីប៉ាស៊ីហ្វិករបស់ធនាគារពិភពលោក បានលើកឡើងថា វាច្បាស់ណាស់ថា កម្ពុជានឹងរងផលប៉ះពាល់ រួមជាមួយនឹងតំបន់ ប៉ុន្តែយើងត្រូវយល់ថា ប្រទេសចិនគឺជាប្រទេសធ្វើពាណិជ្ជកម្មលេខ១សម្រាប់ប្រទេសជាច្រើននៅក្នុងតំបន់ និងអន្តរជាតិ។

លោកបន្តថា “កម្ពុជាមានទំនាក់ទំនងពហុសមាសភាគជាមួយប្រទេសចិន។ ទោះជាយ៉ាងណាក្តី ផលប៉ះពាល់ពាណិជ្ជកម្មដែលឆ្លុះបញ្ចាំងនៅក្នុងផលិតផលក្នុងស្រុកសរុបរបស់កម្ពុជាគឺមានត្រឹមតែ៤ភាគរយប៉ុណ្ណោះ”។

លោករំពឹងថា អ្នកបង្កើតគោលនយោបាយចិននឹងសម្រេចបាននូវការសម្រេចចិត្តសមស្រប ដែលនឹងជំរុញការចំណាយក្នុងស្រុក និងយកឈ្នះលើបញ្ហាប្រឈមជាច្រើន រួមទាំងវិបត្តិអចលនទ្រព្យផងដែរ៕

ការនាំចេញរបស់កម្ពុជាទៅកាន់បណ្តាប្រទេសសមាជិកកិច្ចព្រមព្រៀង RCEP សម្រេចបានទំហំទឹកប្រាក់៥,២៦ពាន់លានដុល្លារ ក្នុងរយៈពេល៨ខែ

ដោយ: គង់ លាងហួរ

ភ្នំពេញ: កម្ពុជាបាននាំចេញទំនិញ ដែលមានតម្លៃ៥,២៦ពាន់លានដុល្លារ ទៅកាន់បណ្តាប្រទេសសមាជិកកិច្ចព្រមព្រៀង (RCEP) ក្នុងរយៈពេល៨ខែដំបូង ឆ្នាំ២០២៣នេះ កើនឡើង២២ភាគរយពី៤,៣ពាន់លានដុល្លារក្នុងរយៈពេលដូចគ្នាកាលពីឆ្នាំមុន។

នេះបើយោងតាមរបាយការណ៍ចុងក្រោយបង្អស់របស់ក្រសួងពាណិជ្ជកម្ម ដែលបានចេញផ្សាយនៅថ្ងៃសុក្រនេះ។

របាយការណ៍បានបន្តថា ក្នុងអំឡុងខែមករាដល់ខែសីហាឆ្នាំនេះ គោលដៅនាំចេញកំពូលទាំង៣របស់កម្ពុជាក្រោមកិច្ចព្រមព្រៀង RCEP គឺប្រទេសវៀតណាម ប្រទេសចិន និងប្រទេសជប៉ុន។

រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្មកម្ពុជា លោក ប៉ែន សុវិជាតិ បានមានប្រសាសន៍ថា “កិច្ចព្រមព្រៀង RCEP ដែលបានចូលជាធរមាននៅឆ្នាំ២០២២ គឺជាកម្លាំងចលករដ៏សំខាន់សម្រាប់ជំរុញកំណើននៃការនាំចេញរបស់កម្ពុជា ហើយវាបានក្លាយជាមេដែកដើម្បីស្រូបទាញលំហូរវិនិយោគផ្ទាល់ពីបរទេសកាន់តែច្រើនមកកាន់កម្ពុជា”។

លោកបានបន្ថែមថា “កិច្ចព្រមព្រៀងពាណិជ្ជកម្មសេរីដ៏ធំបំផុតរបស់ពិភពលោកនេះ រួមជាមួយនឹងកិច្ចព្រមព្រៀង FTA ទ្វេរភាគីផ្សេងទៀត នឹងជួយកម្ពុជាឱ្យចាកផុតពីស្ថានភាពប្រទេសអភិវឌ្ឍន៍តិចតួចនៅឆ្នាំ២០២៧ និងសម្រេចបាននូវគោលដៅក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០”។

កិច្ចព្រមព្រៀងពាណិជ្ជកម្មសេរី RCEP រួមមានសមាជិកជាប្រទេសនៅតំបន់អាស៊ីប៉ាស៊ីហ្វិកចំនួន១៥ ក្នុងនោះមានបណ្តាប្រទេសសមាជិកអាស៊ានចំនួន១០ (សមាគមប្រជាជាតិអាស៊ីអាគ្នេយ៍) ដូចជាប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម និងមានដៃគូពាណិជ្ជកម្មចំនួន៥ ដូចជា ចិន ជប៉ុន កូរ៉េខាងត្បូង អូស្ត្រាលី និងនូវែលសេឡង់៕

អាជ្ញាធរជាតិអប្សរា អនុញ្ញាតិអោយមានការថត Pre-Wedding វីដេអូ ភាពយន្ត ចម្រៀង នៅតំបន់អង្គរ ដោយមិនពិបាកដូចកាលមុន

អាជ្ញាធរជាតិអប្សរា បានចេញសេចក្ដីជូនដំណឹងដល់សាធារណជន ភ្ញៀវទេសចរជាតិ និងអន្តរជាតិ ទាំងអស់មេត្តាជ្រាបថា ក្នុងគោលដៅសម្រួលដល់ការស្នើសុំការអនុញ្ញាត និងនីតិវិធីនៃការរៀបចំបែបបទពាក់ព័ន្ធ នឹងការស្នើសុំផ្តល់សេវាកម្មផ្សេងៗក្នុងរមណីយដ្ឋានអង្គរ ព្រមទាំងដើម្បីកាត់បន្ថយការចំណាយពេលវេលា អាជ្ញាធរ ជាតិអប្សរា បានសម្រេចបង្កើត និងដាក់ឱ្យប្រើប្រាស់នូវបណ្តាញទំនាក់ទំនងសង្គមតេលេក្រាម (TELEGRAM) និងលេខទូរស័ព្ទ (CALL CENTER) នៃមជ្ឈមណ្ឌលសេវាកម្ម ដូចមានបញ្ជាក់ជូនខាងក្រោម ដែលនឹងអនុញ្ញាត ឱ្យសាធារណៈជនទាំងអស់ ទទួលបាននូវការផ្តល់សេវាកម្មផ្សេងៗ របស់អាជ្ញាធរជាតិអប្សរា តាមប្រព័ន្ធអនឡាញ៖

១- មជ្ឈមណ្ឌលសេវាកម្មនៃអាជ្ញាធរជាតិអប្សរា (ឈ្មោះនៃបណ្តាញទំនាក់ទំនងសង្គម TELEGRAM)

២- លេខទូរស័ព្ទ (CALL CENTER) ០១៤ ២២២ ៥៩៩

បើតាមការបញ្ជាក់ពីឯកឧត្តម ឡុង កុសល អគ្គនាយករង និងជាអ្នកនាំពាក្យអាជ្ញាធរជាតិអប្សរា បានបញ្ជាក់ថា ការថតរូបភាពនិងវីដេអូអនុស្សាវរីយ៍ផ្ទាល់ខ្លួន ពុំមានការតម្រូវឲ្យសុំការអនុញ្ញាតជាមុននោះទេ។

ចំពោះការថតនូវសម្លៀកបំពាក់ប្រពៃណី ការថតរូបភាពមុនអាពាហ៍ពិពាហ៍ ថត YouTube ការថតផ្សាយផ្ទាល់ជាលក្ខណៈមគ្គុទ្ទេសក៍ ការថតខ្សែភាពយន្ត ការថតចម្រៀងកាយវិការ និងការថតរូបក្នុងគោលបំណងអាជីវកម្មផ្សេងៗ ចាំបាច់ត្រូវមានការអនុញ្ញាតជាមុន។

ភាពចាំបាច់នៃការតម្រូវឲ្យមានការអនុញ្ញាតជាមុន ពីព្រោះត្រូវប្រតិបត្តិនូវគោលការណ៍គតិយុត្តដែលមានជាធរមានផង និងដើម្បីឲ្យផ្នែកជំនាញរបស់ក្រសួងវប្បធម៌និងវិចិត្រសិល្បៈ ក៏ដូចជាអាជ្ញាធរជាតិអប្សរា អាចជួយកែតម្រូវ ឬផ្តល់យោបល់កែលម្អនូវខ្លឹមសារផ្សេងៗដូចជា ប្រវត្តិសាស្រ្ត ទម្រង់សិល្បៈ ឲ្យបានត្រឹមត្រូវ ព្រមទាំងចៀសវាងនូវមតិរិះគន់ពីសាធារណជន នៅពេលរូបភាព ឬខ្លឹមសាររឿងទាំងនោះចេញផ្សាយជាសាធារណៈ៕

1...764765766...3,254 Page 765 of 3,254