ក្រុមហ៊ុនOOCL បើកដំណើរការសេវាកម្មរវាងប្រទេសចិន -កម្ពុជានិងប្រទេសថៃ

ដោយៈ គង់ ហ្វីអូណា

ភ្នំពេញៈ ក្រុមហ៊ុន Orient Overseas Container Line Ltd. (OOCL) បានណែនាំសេវាកម្មថ្មី ចិន-កម្ពុជា-ថៃ (CCT1និង CCT2)។

CCT1 និង CCT2រិះរកមធ្យោបាយធ្វើឱ្យប្រសើរឡើង នូវបណ្តាញគ្របដណ្តប់របស់OOCL នៅក្នុងតំបន់ ក្នុងតំបន់អាស៊ីនិងផ្តល់ឱ្យអតិថិជនរបស់ខ្លួន នូវជម្រើសទំនិញដែលអាចប្រកួតប្រជែង និងអាចទុកចិត្តបាន។

យោងតាម OOCL ចរាចរសេវាច្រកមានដូចខាងក្រោម៖ ចរាចរកំពង់ផែ CCT1៖ បាងកក (PAT) – បាងកក (Suksawat) – Laem Chabang – ហូជីមិញ – Ningbo – សៀងហៃ – Laem Chabang – បាងកក (PAT)។ចរាចរកំពង់ផែ CCT2៖ បាងកក (PAT) – Laem Chabang – Ningbo – សៀងហៃ– Shekou – ខេត្តព្រះសីហនុ – បាងកក (PAT)។

CCT1 និង CCT2 នឹងចេញដំណើរពីទីក្រុងបាងកក នៅថ្ងៃទី៤ និង៥ ខែវិច្ឆិកា ឆ្នាំ២០២៣បន្តបន្ទាប់គ្នា។នៅក្នុងខែកក្កដា OOCL បានប្រកាសពីសេវាកម្មថ្មីមួយនៅក្នុងបណ្តាញអឺរ៉ុប គឺEast Coast South America network (EEX) ដើម្បីបង្កើនការគ្របដណ្តប់បណ្តាញរបស់ OOCL នៅអាមេរិកឡាទីន។

មួយខែក្រោយមក OOCL បានប្រកាសពីសេវាTurkeySpain Morocco Express (TSM) ថ្មីនៅក្នុងបណ្តាញអឺរ៉ុបរបស់ខ្លួន៕

Cambodia attracts 3.76 bln USD investment in first 9 months, up 8.6 pct

Cambodia attracted fixed-asset investment of 3.76 billion U.S. dollars in the first nine months of 2023, up 8.6 percent from 3.46 billion dollars over the same period last year, a Council for the Development of Cambodia’s report showed on Saturday.

The Southeast Asian nation approved 191 investment projects during the January-September period this year, up 27 percent from 150 projects over the same period last year, the report said.

Five top foreign investors to Cambodia were from China, Malaysia, British Virgin Islands, Singapore and Vietnam. Source: Xinhua

ការព្យាកររបស់ស្ថាប័នអន្តរជាតិធំៗចំនួន៣ បង្ហាញសញ្ញាវិជ្ជមានសម្រាប់កំណើនសេដ្ឋកិច្ចកម្ពុជា ក្នុងឆ្នាំ២០២៤

ដោយ: គង់ លាងហួរ
អន្តរជាតិ: ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣ (AMRO) នៅខែតុលានេះ បានបន្ទាបការព្យាករកំណើនសេដ្ឋកិច្ចរបស់កម្ពុជាក្នុងឆ្នាំ២០២៣ មកនៅត្រឹម៥,៣% បើធៀបនឹងការព្យាករ៥,៧%កាលពីខែកក្កដា។

ទោះបីជាយ៉ាងនេះក្តី ស្ថាប័ន AMRO បានរក្សាការព្យាករកំណើនសេដ្ឋកិច្ចរបស់កម្ពុជាសម្រាប់ឆ្នាំ២០២៤ក្នុងរង្វង់៦,២ភាគរយ ពោលគឺដូចទៅនឹងការព្យាករកាលពីខែកក្កដាកន្លងទៅ។

កាលពីពេលថ្មីៗនេះ ធនាគារពិភពលោកក៏បានចេញផ្សាយរបាយការណ៍បច្ចុប្បន្នភាពលើសេដ្ឋកិច្ចរបស់កម្ពុជាផងដែរ។ ធនាគារពិភពលោកបានរក្សាការព្យាករកំណើនសេដ្ឋកិច្ចកម្ពុជានៅកម្រិត៥,៥ភាគរយ សម្រាប់ឆ្នាំ២០២៣នេះ និងបង្កើនការព្យាករដល់៦,១ភាគរយសម្រាប់ឆ្នាំ២០២៤។

ធនាគារពិភពលោកលើកឡើងថា កំណើនសេដ្ឋកិច្ចរបស់កម្ពុជា ត្រូវបានជំរុញដោយការនាំចេញសម្លៀកបំពាក់ វិស័យទេសចរណ៍ កសិកម្ម សំណង់ និងអចលនទ្រព្យ។

លោក Aaditya Mattoo ប្រធានសេដ្ឋវិទូប្រចាំតំបន់អាស៊ីបូព៌ា និងប៉ាស៊ីហ្វិករបស់ធនាគារពិភពលោក ធ្លាប់បានមានប្រសាសន៍ថា “ទស្សនវិស័យសេដ្ឋកិច្ចរបស់កម្ពុជា នៅតែមានភាពវិជ្ជមាន ដែលជំរុញភាគច្រើន ដោយការងើបឡើងវិញ នៃវិស័យសេវាកម្ម ជាពិសេសទេសចរណ៍ និ ងការកែលម្អផលិតកម្មកសិកម្ម”។

ចំណែកឯ ធនាគារអភិវឌ្ឍន៍អាសុី(ADB) បានចេញផ្សាយរបាយការណ៍ព្យាករកំណើនសេដ្ឋកិច្ចរបស់កម្ពុជាសម្រាប់ឆ្នាំ២០២៣ និងឆ្នាំ២០២៤ កាលពីខែកញ្ញាកន្លងទៅថ្មីៗនេះ។ ធនាគារអភិវឌ្ឍអាស៊ី (ADB) បានបន្ទាបការព្យាករកំណើនសេដ្ឋកិច្ចរបស់កម្ពុជាសម្រាប់ឆ្នាំ២០២៣នេះ មកនៅត្រឹម៥,៣ភាគរយ បើធៀបនឹងការព្យាករពីមុន៥,៥ភាគរយ ដោយសារឧស្សាហកម្មមានកំណើនយឺតជាងការរំពឹងទុក។ ទោះបីជាយ៉ាងនេះក្តី ធនាគារ ADB បានរក្សាការព្យាករណ៍កំណើនសេដ្ឋកិច្ច របស់កម្ពុជាសម្រាប់ឆ្នាំ២០២៤ក្នុងរង្វង់៦ភាគរយដដែល។

ទន្ទឹមគ្នានេះ របាយការណ៍របស់ធនាគារ ADB ក៏បានរក្សាការព្យាករណ៍អត្រាអតិផរណានៅកម្ពុជាសម្រាប់ឆ្នាំ២០២៣នេះក្នុងកម្រិត៣ភាគរយ និងសម្រាប់ឆ្នាំ២០២៤ក្នុងកម្រិត៤ភាគរយផងដែរ។

លោកស្រី Jyotsana Varma នាយិកាធនាគារ ADB ប្រចាំប្រទេសកម្ពុជា ធ្លាប់បានគូសបញ្ជាក់នៅក្នុងសេចក្តីថ្លែងការណ៍មួយថា “ទស្សនវិស័យកំណើនកាន់តែប្រសើរឡើងនៅក្នុងបណ្តាប្រទេសមានសេដ្ឋកិច្ចជឿនលឿនធំៗ នឹងអាចជំរុញការនាំចេញរបស់កម្ពុជាសម្រាប់រយៈពេលដែលនៅសេសសល់ក្នុងឆ្នាំ២០២៣នេះ”៕

កម្ពុជាទាក់ទាញបានទុនវិនិយោគ៣,៧៦ពាន់លានដុល្លារក្នុងរយៈពេល៩ខែដំបូង

ដោយ: គង់ លាងហួរ

ភ្នំពេញ: យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា(CDC) បានបង្ហាញកាលពីថ្ងៃសៅរ៍ថា កម្ពុជាបានទាក់ទាញការវិនិយោគទ្រព្យសកម្មថេរ ក្នុងទឹកប្រាក់ចំនួន៣,៧៦ពាន់លានដុល្លារអាមេរិកក្នុងរយៈពេល៩ខែដំបូង ឆ្នាំ២០២៣នេះ។

តួលេខខាងលើនេះ បានបង្ហាញសញ្ញានៃការកើនឡើង៨,៦ភាគរយ ពី៣,៤៦ពាន់លានដុល្លារអាមេរិក ក្នុងរយៈពេល៩ខែដំបូងដូចគ្នាកាលពីឆ្នាំ២០២២។ នេះបើយោងតាមសារពត៌មានរបស់រដ្ឋចិន Xinhua បានចុះផ្សាយកាលពីថ្ងៃសៅរ៍ ទី៧ ខែតុលា ឆ្នាំ២០២៣។របាយការណ៍ដដែលបានបន្តថា ក្រុមប្រឹក្សាអភិវឌ្ឍន៍កម្ពុជាបានអនុម័ត គម្រោងវិនិយោគចំនួន១៩១ ក្នុងអំឡុងពេលខែមករា ដល់ខែកញ្ញាឆ្នាំនេះ កើនឡើង២៧ភាគរយពីគម្រោងចំនួន១៥០ ក្នុងរយៈពេលដូចគ្នាកាលពីឆ្នាំមុន។

ចំណែកឯ ប្រភពនៃអ្នកវិនិយោគបរទេសធំៗចំនួន៥ ចូលមកបណ្តាក់ទុននៅកម្ពុជា រួមមាន អ្នកវិនិយោគមកពីប្រទេសចិន ម៉ាឡេស៊ី កោះ British Virgin សិង្ហបុរី និងវៀតណាម។

ទោះបីជាពិភពលោក កំពុងជួបវិបត្តិសេដ្ឋកិច្ចសកលយ៉ាងណាក្តី ការវិនិយោគរបស់បរទេសនៅកម្ពុជា នៅតែមានសន្ទុះគួរឱ្យកត់សម្គាល់។ ជាក់ស្តែង ត្រឹមរយៈពេល៦ខែ ឆ្នាំ២០២៣នេះ មានក្រុមហ៊ុនបរទេសជិត១០០ក្រុមហ៊ុន បានដាក់ទុនវិនិយោគនៅកម្ពុជា៕

កម្ពុជា ហ្វីលីពីនពិនិត្យលទ្ឋភាពតភ្ជាប់ពង្រីកជើងហោះហើរត្រង់

ដោយៈ គង់ សូរិយា

ភ្នំពេញៈ រដ្ឋាភិបាលកម្ពុជា និងហ្វីលីពីន បានបង្ហាញពីបំណងក្នុងការជំរុញវិស័យទេសចរណ៍សាជាថ្មី តាមរយៈការពិនិត្យលទ្ធភាពតភ្ជាប់ជើងហោះហើរត្រង់ ទៅកាន់តំបន់ទេសចរណ៍ដទៃទៀ តដែលមានសក្ដានុពលសម្រាប់ប្រទេសទាំងពីរ។

ព័ត៌មាននេះ ត្រូវបានលើកឡើងក្នុងពេលលោក សុខ ចិន្តាសោភា រដ្ឋមន្ត្រីការបរទេស និងសហប្រតិបត្តិការអន្តរជាតិ ទទួលជំនួបសម្ដែងការគួរសម និងពិភាក្សាការងារប្រកបដោយផ្លែផ្កាជាមួយលោកស្រី Maria Amelita C. Aquino ឯកអគ្គរដ្ឋទូតនៃសាធារណរដ្ឋហ្វីលីពីន ប្រចាំកម្ពុជា កាលពីថ្ងៃទី៥ ខែតុលា ឆ្នាំ២០២៣។ នេះបើតាមខ្លឹមសារនៃជំនួប ដែលក្រសួងការបរទេស បានបង្ហោះនៅតាមបណ្តាញតេឡេក្រាម។ភាគីទាំងពីរ បានផ្តោតការពិភាក្សាលើការទូតសេដ្ឋកិច្ច និងការបន្តពង្រឹងកិច្ចសហប្រតិបត្តិការលើវិស័យ ពាណិជ្ជកម្ម និងវិនិយោគ កសិកម្ម ការពារជាតិ និងទំនាក់ទំនងរវាងប្រជាជន និងប្រជាជន ខណៈភាគីទាំងពីរ បានសង្កត់ធ្ងន់អំពីសារៈសំខាន់ ក្នុងការធ្វើការយ៉ាងជិតស្និទ្ធ ដើម្បីរៀបចំកិច្ចប្រជុំលើកទី៤ នៃគណៈកម្មការចម្រុះសម្រាប់កិច្ចសហប្រតិបត្តិការទ្វេភាគីរវាងកម្ពុជា និងហ្វីលីពីន ឱ្យបានឆាប់តាមពេលវេលាសមស្រប។

ក្នុងឱកាសនោះដែរ លោក សុខ ចិន្តាសោភា បានថ្លែងអំណរគុណ ហ្វីលីពីន ដែលបាននាំចូលអង្ករពីកម្ពុជា។កម្ពុជាធ្លាប់បានរៀបចំកម្មវិធី ផ្សព្វផ្សាយដំណើរទេសចរណ៍កម្ពុជា ក្រោមយុទ្ធនាការ ទស្សនាកម្ពុជាបន្ទាប់ ដែលជាគោលដៅទេសចរណ៍ប្រកបដោយភាពកក់ក្តៅ សុវត្ថិភាព ស្អាត និងបៃតង នៅទីក្រុងម៉ានីល ប្រទេសហ្វីលីពីន កាលពីថ្ងៃទី៣ ដល់ថ្ងៃទី៧ ខែឧសភា ឆ្នាំ២០២២។

កម្មវិធីនេះសំដៅផ្សព្វផ្សាយ អំពីសក្តានុពលវិស័យទេសចរណ៍កម្ពុជា ពង្រឹងទំនាក់ទំនង និងកិច្ចសហការល្អរវាងផ្នែកឯកជន កម្ពុជា-ហ្វីលីពីន ឱ្យបង្កើនការលក់កញ្ចប់ទស្សនកិច្ចទេសចរណ៍កម្ពុជា លើទីផ្សារហ្វីលីពីន រួមជាមួយការផ្សព្វផ្សាយ អំពីការបើកដំណើរការសេវាទិដ្ឋាការពេលមកដល់ (Visa On Arrival) សម្រាប់អ្នកដំណើរពីបរទេសចូលមកកម្ពុជាតាមផ្លូវអាកាស ផ្លូវគោក និងផ្លូវទឹក៕

រដ្ឋមន្រ្តីក្រសួងព័ត៌មានអំពាវនាវកុំឲ្យមានការចែករំលែករឿងអវិជ្ជមានលើបណ្តាញសង្គម

ដោយៈ គង់ សូរិយា

ភ្នំពេញៈ រដ្ឋមន្រ្តីក្រសួងព័តមាន លោកនេត្រ ភ័ត្រា បានស្នើឲ្យប្រជាពលរដ្ឋ កុំមានការចែករំលែករឿងអវិជ្ជមាន លើបណ្តាញទំនាក់ទំនងសង្គម។

លោកបានសរសេរលើបណ្តាញ ទំនាក់ទំនងសង្គមរបស់ខ្លូនកាលពីចុងសប្តាហ៍មុនថា នៅប៉ុន្មានថ្ងៃនេះ សង្កេតឃើញថាមានការចែករំលែក និងផ្សព្វផ្សាយរូបភាពហិង្សា និងឃាតកម្មនៅតាមហ្វេសប៊ុក តិកតុក ប្រព័ន្ធទំនាក់ទំនងតេឡេក្រាម និងបណ្តាញសង្គមផ្សេងទៀត, សូមបងប្អូនអ្នកប្រើប្រាស់បណ្តាញសង្គម គ្រប់ប្រភេទកុំបន្តចែករំលែក និងផ្សព្វផ្សាយនូវរូបភាពទាំងនោះ ព្រោះវាបានប៉ះពាល់ដល់ផ្លូវចិត្ត និងអារម្មណ៍របស់ក្រុមគ្រួសារជនរងគ្រោះ ដែលកំពុងតែរងនូវភាពឈឺចាប់ និងការបាត់បង់សមាជិកគ្រួសាររបស់ខ្លួន និងក៏បានប៉ះពាល់ដល់ផ្លូវចិត្ត និងសតិអារម្មណ៍របស់បងប្អូនប្រជាពលរដ្ឋផ្សេងៗទៀតផងដែរ។

លោកបន្តថា ចំពោះបងប្អូនអ្នកសារព័ត៌មាន សូមគោរពគោលការណ៍នៃក្រមសីលធម៌ ដែលចែងក្នុងច្បាប់ស្តីពីរបបសារព័ត៌មាន គឺហាមបោះពុម្ពផ្សាយអត្ថបទ ឬរូបភាពអាសអាភាស និងរូបភាពនៃអំពើហិង្សា។ ដើម្បីគោរពដល់ក្រុមគ្រួសារនៃជនរងគ្រោះ និងជនរងគ្រោះ បងប្អូនអាចចែករំលែករូបភាព ដែលមិនប៉ះពាល់ដល់សេចក្តីថ្លៃថ្នូរ និងឯកជនភាពរបស់ជនរងគ្រោះ ឬធ្វើឱ្យរូបភាពនោះប្ល័រ (រូបមិនច្បាស់) មុននឹងផ្សព្វផ្សាយ និងចែករំលែក។ លោកនេត្រ ភ័ត្រាបានបញ្ជាក់ថា “ធ្វើដូច្នេះ គឺគោរពក្រមសីលធម៌វិជ្ជាជីវៈផង និងគោរពដល់ជនរងគ្រោះផង”៕

Prince Happiness Plaza Opening A New Era of Eco-habitat

What are the development trends of the construction industry? Designer Stefano Boeri has always been advocating connection between architecture and nature. If an architecture could serve as an intermediary for the harmonious coexistence of human and nature, then it will become the architecture of future and hope.

Ideal housing trendsz
Urbanization has greatly improved people’s living standard. Nowadays, a residence is not just a place to live, but also a comfortable lifestyle. It is not only a variety of size or space, but also a place where people can resonate with each other, where human and nature create symbiosis together.

After extensive research and discussion, a new form of architecture was created by reinstating green into cities by adding sky gardens and reinvigorating our bond with nature. The industry refers to this kind of practice as the fourth generation housing!

Stefano Boeri and the Fourth Generation Housing

Showcase of fourth generation housing
After early exploration and practice, the fourth generation housing has evolved into a mature and innovative architectural model. Among which, the Newton Suites in Singapore is a 36-storey residential tower designed to create houses in the sky, integrating sun shading elements and creeper screens; 25 Green, a new residential building in Turin, Italy, generally known as the urban treehouse, has diversified green throughout the building; The famous Kensington roof garden in UK is divided into three themed gardens: a Spanish garden, a Tudor style garden and an English water garden…..

Photo of Newton Suites apartment in Singapore

Photo of Kensington roof garden in London, UK

Phnom Penh’s first fourth-generation residence
To meet the high-end residential needs of urban elites, Prince integrates the fourth-generation housing concepts into the first CLD urban complex – Prince Happiness Plaza. The sky garden located on the fourth floor is a manifestation of fourth-generation housing concept.

The designers introduce sunshine, breeze and waterfront scenery to the project to create a humanistic vibe. Three themed amenities are in place to create a journey of happiness: the realm of love: the love square to witness the persistence of love; the realm of water: the 700㎡ sky swimming pool with landscape; the realm of time: a 160m-long circular fluorescent runway… Every urbanite can escape from the hustle and bustle of the city and explore the beauty, tranquility and comfort of life here.

Rendering picture 160m circular fluorescent runway

An urban benchmark
Prince Happiness Plaza is based on the concept of ecological living and depicts idyllic lifestyle in the heart of bustling city. It will become a benchmark for ecological housing and lead Phnom Penh’s real estate industry into a new era.

Building a better life
Floor area varies from 32 m² to 96m². The 32m² studio features on lighting and high space utilization; The 52m² one-bedroom apartment has a square layout, excellent ventilation and lighting; the 96m² apartment offers two comfortable bedrooms. The project offers multiple options for urban elites.

Prince Group will continue to uphold the concept of “Building a Better Life” and provide lifestyle solution that create harmony between human and nature.

Buy now and enjoy more offerings:

Buying a risk-free property: monthly payments start before handover, guaranteed “buyback” at original price 5 years after handover.
Additional benefits: buyers will become exclusive Black Card holders, granting them access to exclusive VIP services such as exclusive discounts at Cambodia Airways and Prince Manor, customized high-end entertainment services at Prince Club, among many others.

Hotline: (+855) 23 951 666 / 23 952 666
Address: No. 93, Preah Monivong Blvd, Sangkat Tonle Bassac, Chan Chamkarmon, Phnom Penh.

ព្រីនស៍ ហេបភីនេស ផ្លាហ្សា ផ្សារភ្ជាប់ការស់នៅបែបអេកូឡូស៊ី

ភ្នំពេញ:មនុស្សចូលចិត្តរស់នៅកន្លែងដែលមានលក្ខណៈធម្មជាតិ មានពណ៌បៃតង មានខ្យល់អាកាស និងពន្លឺធម្មជាតិគ្រប់គ្រាន់។ បើផ្តោតលើវិស័យសំណងវិញ ការរចនាបែបធម្មជាតិពិតជាជួយបន្ថែមភាពស្រស់ស្អាត គុណតម្លៃ និងភាពទាក់ទាញសម្រាប់ការរស់នៅ។ ព្រីនស៍ ហេបភីនេស ផ្លាហ្សា ត្រូវបានរចនាឡើងស្របតាមស្តង់ដារលំនៅឋានក្នុងទីក្រុង អមដោយការរស់នៅបែបអេកូឡូស៊ី ដើម្បីធ្វើឲ្យជីវិតមានភាពស្រស់បំព្រង។

អ្នករចនាគម្រោងដ៏ល្បីល្បាញ លោក Stefano Boeri ធ្លាប់បាននិយាយថា “មនុស្សយើងគួរតែស្វែងយល់និងដឹងអំពីរបៀបរួមរស់ជាមួយបរិស្ថាន។ ប្រសិនបើស្ថាបត្យកម្មអាចធ្វើជាស្ពានផ្សារភ្ជាប់ការរស់របស់មនុស្សទៅនឹងធម្មជាតិបាន នោះវាគឺជាស្ថាបត្យកម្មនៃអនាគត និងស្ថាបត្យកម្មនៃក្តីសង្ឃឹម”។

និន្នាការនៃលំនៅឋានក្នុងក្តីស្រមៃ
ជាមួយនឹងការអភិវឌ្ឍទីក្រុង និងការរីកចម្រើននៃអរិយធម៌ កម្រិតជីវភាពរបស់ប្រជាជនមានភាពប្រសើរឡើងយ៉ាងខ្លាំង។ ពេលមានកន្លែងរស់នៅហើយ យើងចាប់ផ្តើមមានតម្រូវការកាន់តែខ្ពស់ចំពោះបរិយាកាសរស់នៅ និងការរស់នៅប្រកបដោយផាសុកភាព។ វាមិនត្រឹមតែជាការផ្លាស់ប្តូរសម្រាប់ទំហំផ្ទះប៉ុណ្ណោះទេ ថែមទាំងជាកន្លែងដែលអាចប្រាស្រ័យទាក់ទងគ្នាទៅវិញទៅមក និងជាកន្លែងដែលមនុស្ស និងធម្មជាតិអាចរួមរស់ជាមួយគ្នាដោយសុខដុមរមនា។

បន្ទាប់ពីការស្រាវជ្រាវយ៉ាងទូលំទូលាយនិងស៊ីជម្រៅ យើងបានស្វែងរកទម្រង់ស្ថាបត្យកម្មថ្មីមួយស្រឡាង នោះគឺការបញ្ចូលគំនិតអេកូឡូស៊ីពណ៌បៃតងទៅក្នុងការអនុវត្តស្ថាបត្យកម្មទីក្រុង ហើយបន្ថែមសួនច្បារលើអាកាសនិងផ្លូវដើរលើអាកាស ដើម្បីធ្វើឲ្យទេសភាពមានភាពស្រស់បំព្រងបែបធម្មជតិ។ លំនៅឋានប្រភេទនេះត្រូវបានអ្នកក្នុងវិស័យដាក់ឈ្មោះថា លំនៅឋានជំនាន់ទី4!

ករណីជាក់ស្តែងសម្រាប់លំនៅឋានជំនាន់ទី4
បន្ទាប់ពីការអនុវត្តក្នុងដំណាក់កាលដំបូង លំនៅឋានជំនាន់ទី 4 ឥឡូវនេះត្រូវបានអភិវឌ្ឍទៅជាគំរូស្ថាបត្យកម្មដែលមានភាពចាស់ទុំ និងប្រកបដោយភាពច្នៃប្រឌិត។ ជាក់ស្តែង អាផាតមិន Newton Suites ក្នុងប្រទេសសិង្ហបុរី បានរួមបញ្ចូលគ្នាយ៉ាងល្អឥតខ្ចោះនូវស្ថាបត្យកម្ម និងទេសភាព សួនច្បារ ដោយបញ្ចូលកន្លែងរស់នៅទៅក្នុងសួនច្បារលើអាកាស។ 25Green ក្នុងប្រទេសអ៊ីតាលី បានរួមបញ្ចូលលំហ និងសួនរុក្ខជាតិនៅទូទាំងអគារ។ Kensington Roof Garden ក្នុងទីក្រុងឡុងដ៍ ចក្រភពអង់គ្លេស បានរួមបញ្ចូលគ្នានូវទេសភាពសួនច្បារលើអាកាសបីបែបផ្សេងគ្នា (រចនាបទបែបអេស្ប៉ាញ ធូឌ័រ និងអង់គ្លេស) ដែលធ្វើឲ្យគ្រប់កន្លែងមានសុទ្ធតែទេសភាពបៃតងស្រស់…

រូបភាពអាផាតមិន Newton Suites ក្នុងប្រទេសសិង្ហបុរី

រូបភាព Kensington Roof Garden ក្នុងទីក្រុងឡុងដ៍ ចក្រភពអង់គ្លេស

លំនៅឋានជំនាន់ទី4ដំបូងនៅភ្នំពេញ
ដើម្បីឆ្លើយតបទៅនឹងតម្រូវការលំនៅឋានលំដាប់ខ្ពស់របស់ឥស្សរជនក្នុងទីក្រុងភ្នំពេញ ព្រីនស៍ គ្រុប បានរួមបញ្ចូលគ្នានូវគំនិតលំនៅឋានជំនាន់ទី 4 ចុងក្រោយបង្អស់ដើម្បីបង្កើតជាអគារពហុមុខងារបែបទីក្រុង CLD ដំបូងគេបង្អស់នៅភ្នំពេញ “ព្រីនស៍ ហេបភីនេស ផ្លាហ្សា”។ សួនច្បារលើអាកាសដែលស្ថិតនៅជាន់ទី 4 គឺជាការបង្ហាញពីគំនិតស្នូលនៃលំនៅឋានជំនាន់ទី 4 របស់គម្រោង។

ដោយផ្អែកលើគំនិតស្ថាបត្យកម្មទីក្រុងទំនើប CLD អ្នករចនាបានរួមផ្សំកត្តាធម្មជាតិជាច្រើនដូចជា ពន្លឺព្រះអាទិត្យ ខ្យល់អាកាស និងទេសភាពមាត់ទន្លេ ដើម្បីបង្ហាញពីការបញ្ជ្រាបធម្មជាតិចូលក្នុងការរស់នៅរបស់យើង ដែលក្នុងនោះរួមមានអាងហែលទឹកលើអាកាសដែលមានទំហំ700㎡ ដែលធំទូលាយនិងអាចគយគន់ទេសភាពទីក្រុងដ៏ស្រស់ស្អាត ផ្លូវរត់ប្រវែង 160m ដែលមានពន្លឺភ្លើងផ្លាតពេលរាត្រី ដែលធ្វើឲ្យគ្រប់គ្នាអាចទទួលបានបទពិសោធន៍កាន់តែសម្បូរបែបនៅទីនេះ។ អ្នកអាចរីករាយនឹងភាពស្ងប់ស្ងាត់ និងផាសុកភាពនៅខាងក្នុង ហើយអ្នកក៏អាចទទួលបានភាពអ៊ូអរនៃទីក្រុងនៅខាងក្រៅ។ ការរស់នៅបែបទីក្រុង និងការរស់នៅបែបធម្មជាតិអាចទទួលបានក្នុងពេលតែមួយ។

បង្កើតគំរូនៃទីក្រុង
ផ្អែកលើគោលគំនិតនៃការរស់នៅបែបអេកូឡូស៊ី ព្រីនស៍ ហេបភីនេស ផ្លាហ្សានឹងផ្តល់នូវជីវិតរស់នៅបែបអេកូឡូស៊ីនៅចំកណ្តាលទីក្រុងដ៏អ៊ូអរនេះ។ ក្រោយពេលបញ្ចប់ការសាងសង់ ទីនេះនឹងក្លាយជាគំរូសម្រាប់លំនៅឋានបែបអេកូឡូស៊ី និងនាំលោកអ្នកទៅកាន់យុគសម័យថ្មីមួយសម្រាប់ការរស់នៅភ្នំពេញ។

កសាងជីវិតឲ្យកាន់តែប្រសើរ
ព្រីនស៍ ហេបភីនេស ផ្លាហ្សា បានរចនាយ៉ាងផ្ចិតផ្ចង់នូវបន្ទប់ខុនដូដែលមានរាងបួនជ្រុង និងមានទំហំប្រមាណ 32- 96m²។ ខុនដូ 32m² មានទំហំតូចតែប្រណិត ហើយមានពន្លឺភ្លឺច្បាស់ និងមានការប្រើប្រាស់លំហខ្ពស់។ ខុនដូ 52m² ជាខុនដូបន្ទប់គេង1ដែលមានប្រណិត រាងបួនជ្រុង និងមានខ្យល់ចេញចូលនិងពន្លឺភ្លឺល្អ។ ខុនដូ 96m² ជាខុនដូបន្ទប់គេងពីរដែលមានផាសុខភាព។ យើងផ្តល់ជម្រើសច្រើនប្រភេទ ដែលអាចបំពេញនូវរាល់តម្រូវការរបស់អតិថិជន និងដើម្បីបង្កើតការរស់នៅបែបទីក្រុងសម្រាប់ឥស្សរជនក្នុងទីក្រុងភ្នំពេញ។

ព្រីនស៍ គ្រុប តែងតែប្រកាន់ខ្ជាប់នូវគោលគំនិត “កសាងជីវិតឱ្យកាន់តែប្រសើរ” និងបន្តផ្តល់នូវ ការរស់នៅប្រកបដោយសុខដុមរមនា។

ទិញខុនដូ ព្រីនស៍ ហេបភីនេស ផ្លាហ្សាឥឡូវនេះ នឹងទទួលបានអត្ថប្រយោជន៍ និងការបញ្ចុះតម្លៃជាច្រើន ដូចជា៖

ការទិញអចលនទ្រព្យដោយគ្មានហានិភ័យ៖ ចាប់ផ្តើមបង់រំលស់ប្រចាំខែមុនពេលប្រគល់ផ្ទះ ការធានា “ទិញវិញក្នុងតម្លៃដើម” ដោយគ្មានលក្ខខណ្ឌក្រោយ 5 ឆ្នាំបន្ទាប់ពីប្រគល់ផ្ទះរួច។
ទិញក្នុងតម្លៃពិសេស៖ តម្លៃសរុបចាប់ផ្តើមពី $49,XXX ដោយបង់ប្រចាំខែពី $2XX។
អត្ថប្រយោជន៍បន្ថែម៖ នៅពេលទិញផ្ទះ លោកអ្នកនឹងទទួលបានកាតសមាជិក Prince Black Card ដែលអាចទទួលបានសេវាកម្ម VIP ពីក្រុមហ៊ុនបុត្រសម្ព័ន្ធរបស់ព្រីនស៍ គ្រុប ដូចជាការបញ្ចុះតម្លៃពី Cambodia Airlines, តម្លៃពិសេសនៅ Prince Manor, និងសេវាកម្មលំដាប់កំពូលនៅ Prince Club ។ល។

លេខទូរសព្ទ៖ 023 951 666 / 023 952 666
អាសយដ្ឋានគម្រោង៖ ផ្ទះលេខ 93 មហាវិថីព្រះមុនីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ

តើអំឡុងវិបត្តិបែបនេះ អ្នកវិនិយោគដីធ្លីគួរជ្រើសរើសយកទីតាំងណា?

ដោយៈ គង់ សូរិយា

ភ្នំពេញៈ ការសម្រេចចិត្តវិនិយោគដីធ្លីនាពេលនេះ អាចជារឿងត្រឹមត្រូវ ឬមានបញ្ហា អាស្រ័យលើលំហូរសាច់ប្រាក់របស់អ្នក។

ប៉ុន្តែប្រសិនជាអ្នកមានទឹកប្រាក់វិនិយោគ គួរជ្រើសរើសទីតាំងណា? ដើម្បីមានទីផ្សារ និងនៅតែមានឱកាសលក់ចេញ និងមានផលចំណេញលឿនសម្រាប់ពេលអនាគត?។

លោកយិន លាងគង់សហស្ថាបនិក និងជាអគ្គនាយកគេហទំព័រPropertyarea.aia ដែលបានតាមដានដំណើរវិវត្តន៍ ក្នុងវិស័យនេះបានលើកឡើងថា អ្នកវិនិយោគដីធ្លីអំឡុងពេលនេះ គួរសិក្សាលើមូលដ្ឋានមួយចំនួនដូចជា ទីតាំង លំហូរសាច់ប្រាក់ល្អ ការប្រឈមនឹងការជាប់គាំងរយៈពេលវែង និងកត្តាសេដ្ឋកិច្ចមូលដ្ឋាន។

ទីតាំង
ទីតាំង ទីតាំង ទីតាំង នៅតែមានសារៈសំខាន់សម្រាប់ការវិនិយោគនាពេលនេះ និងគ្រប់ពេលវេលា ហេតុនេះការជ្រើសរើសទីតាំងត្រឹមត្រូវពិតជាមានាសារៈសំខាន់ណាស់ ព្រោះទីតាំងវាជាប់ពាក់ព័ន្ឋនឹងកត្តាប្រជាសាស្រ្ត នគរូបនីយកម្ម និងតម្រូវការរបស់ទីផ្សារ។

ដូច្នេះ តំបន់ជាយក្រុង ផ្លូវក្រវ៉ាត់ក្រុងទី៣ និងទី៤ ដែលនឹងសាងសង់បន្តនាពេលខាងមុខ នៅតែមានឱកាសចំណេញ និងងាយលក់ចេញ ដោយសារកត្តាប្រជាសាស្រ្ត ការរីកចម្រើននៃហេដ្ឋារចនាសម្ព័ន្ឋ និងកត្តាមួយចំនួនទៀត។

លំហូរសាច់ប្រាក់ល្អ
ក្នុងស្ថានភាពនេះ ការគិតគូរពីលំហូរសាច់ប្រាក់ ពិតជារឿងត្រូវពិចារណាម្តងហើយម្តងទៀត ដោយសារភាពមិនច្បាស់លាស់នៃសេដ្ឋកិច្ចសកល បើទោះបីជាសេដ្ឋកិច្ចកម្ពុជា បានបង្ហាញសញ្ញារ៉ឹងមាំក្តី។

ដូច្នេះការសម្រេចចិត្ត គួរតែធ្វើឡើងលើមូលដ្ឋានមួយចំនួន ដូចជា ភាពចាំបាច់ ការទិញដើម្បីគោលបំណងជាក់លាក់ ទិញអាចបង្កើតប្រាក់ចំណូលត្រលប់មកវិញ និងមូលដ្ឋានហិរញ្ញវត្ថុឬលំហូរសាច់ប្រាក់មានស្ថេរភាពរយៈពេលវែង។ការប្រឈមនឹងភាពជាប់គាំងរយៈពេលវែង
ដោយសារភាពមិនច្បាស់លាស់ នៃនិន្នាការជាសាកល រួមទាំងវិបត្តិសេដ្ឋកិច្ចផង បាននិងកំពុងធ្វើឲ្យការវិនិយោគ លើអចលនទ្រព្យ ពិសេសដីធ្លី ត្រូវចំណាយពេលយូរជាងមុន ដើម្បីលក់ចេញ និងទទួលបានផលចំណេញ។

អ្វីដែលអ្នកទិញ ឬអ្នកវិនិយោគត្រូវគិត គឺហានិភ័យនៃការលក់មិនចេញ និងការជាប់គាំងអចលនទ្រព្យរយៈពេលវែង។ នេះជាចំណុចគួរពិចារណាបំផុត។

កត្តាសេដ្ឋកិច្ចមូលដ្ឋាន
ការទិញដីនៅខេត្តឆ្ងាយៗពីរាជធានីភ្នំពេញ គួរតែពិចារណាផងដែរ ប៉ុន្តែបើទិញដីសម្រាប់សាងសង់ផ្ទះលំហែរ វាជារឿងគួរឲ្យចាប់អារម្មណ៍ ប៉ុន្តែការទិញដីដើម្បីវិនិយោគយកផលចំណេញ ឬធ្វើអាជីវកម្មអ្វីមួយ គួរពិចារណាលើកត្តាសេដ្ឋកិច្ចមូលដ្ឋានជាចម្បង។

សេដ្ឋកិច្ចមូលដ្ឋានសំដៅដល់ កត្តាប្រជាសាស្រ្ត ឬតំបន់ដែលមានសកម្មភាពសេដ្ឋកិច្ច និងមានមនុស្សរស់នៅច្រើន ព្រោះតំបន់មនុស្សរស់នៅច្រើន ជាតំបន់ដែលនៅតែមានតម្រូវការដីធ្លី ព្រោះជាតំបន់ដែលមានលំហូរសាច់ប្រាក់សកម្ម៕

ដំណឹងល្អ! សម្ដេចធិបតី ហ៊ុន ម៉ាណែត អនុញ្ញាតឱ្យប្រើប្រាស់ស្ពានកោះនរាជាបណ្ដោះអាសន្ន ក្នុងអំឡុងពេល៣ថ្ងៃនៃពិធីបុណ្យភ្ជុំបិណ្ឌ

ដោយៈ គង់ ហ្វីអូណា

ភ្នំពេញៈ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា បានសម្រេចអនុញ្ញាតឱ្យប្រើប្រាស់បណ្ដោះអាសន្ន ស្ពានកោះពេជ្រ កោះនរា ក្នុងរយៈពេល៣ថ្ងៃ នៃពិធីបុណ្យភ្ជុំបិណ្ឌ។ការសម្រេចនេះ គឺដើម្បីកាត់បន្ថយការកកស្ទះចរាចរណ៍ និងបង្កលក្ខណៈងាយស្រួល លើការធ្វើដំណើររបស់ប្រជាពលរដ្ឋ ពីថ្ងៃទី១៣ ដល់ថ្ងៃទី១៥ ខែតុលា ឆ្នាំ២០២៣។

ក្រោយផុតរយៈពេល៣ថ្ងៃ ការធ្វើចរាចរណ៍នឹងត្រូវផ្អាកវិញ ដោយរង់ចាំរហូត ដល់ការដ្ឋានសាងសង់បញ្ចប់ទាំងស្រុង នៅអំឡុងថ្ងៃទី២០ ឬថ្ងៃទី២៣ ខែតុលា ឆ្នាំ២០២៣ខាងមុខ។ ក្រោយបញ្ចប់ការស្ថានទាំងស្រុង អាជ្ញាធរនឹងដាក់ឱ្យប្រើប្រាស់តែម្ដង។ នេះបើតាមឯកឧត្តម ឃួង ស្រេង អភិបាលរាជធានីភ្នំពេញ។

ក្រុមហ៊ុន O.C.I.C បាននិងកំពុងដំណើរការសាងសង់ស្ពានខ្សែកាប តភ្ជាប់ចរាចរណ៍ រវាងតំបន់អភិវឌ្ឍកោះនរា និងតំបន់អភិវឌ្ឍកោះពេជ្រ ដែលត្រូវបានបើកការដ្ឋានសាងសង់ កាលពីថ្ងៃទី២៦ ខែតុលា ឆ្នាំ២០២០ ក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នីតិកាលទី៦ នៃរដ្ឋសភា។

មកទល់បច្ចុប្បន្ន ក្រុមហ៊ុនបានអនុវត្តគម្រោងបានប្រមាណ៩៥%។ កន្លងមក ដើម្បីដោះស្រាយបញ្ហាកកស្ទះចរាចរណ៍ នៅចំណុចស្ពានព្រះមុនីវង្ស បើទោះបីរដ្ឋបាលរាជធានីភ្នំពេញ បានដាក់ឲ្យដំណើរការសាឡាងដឹកអ្នកដំណើរ រវាងតំបន់ខណ្ឌច្បារអំពៅ និងតំបន់ខណ្ឌចំការមនក្តី ក៏នៅមិនទាន់ឆ្លើយតបនឹងតម្រូវការ និងកំណើនមធ្យោបាយដឹកជញ្ជូននៅឡើយ គ្រាន់តែធ្វើឲ្យស្ថានភាពចរាចរណ៍មានភាពធូរស្រាល។

ជាការកត់សម្គាល់ សម្រាប់ការប្រើប្រាសជាបណ្ដោះអាសន្ននូវស្ពានកោះពេជ្រ កោះនរានោះ សម្តេចធិបតី ហ៊ុន ម៉ាណែត បានអនុញ្ញាតឱ្យប្រើប្រាស់ជាបណ្តោះអាសន្ន ដោយប្រើប្រាស់ផ្លូវស្ពានមួយចំហៀង សម្រាប់ការធ្វើចរាចរណ៍ទ្វេទិស និងកំណត់ទម្ងន់មធ្យោបាយដឹកជញ្ជូនឆ្លងកាត់ ត្រឹមទម្ងន់៥តោនចុះក្រោម៕