កម្ពុជានឹងរៀបចំFAM TRIPទៅកាន់ប្រទេសអេស្បាញ អឺរ៉ុប និងអាមេរិកឡាទីន

ដោយៈ ចំណាន

ភ្នំពេញៈ កម្ពុជាគ្រោងផ្សព្វផ្សាយសក្តានុពល ទេសចរណ៍កម្ពុជានឹងទៅដល់ប្រជាពលរដ្ឋអេស្ប៉ាញ អឺរ៉ុប និងទ្វីបអាម៉េរិកឡាទីន តាមរយៈ FAM Trip របស់ក្រុមហ៊ុនទេសចរណ៍អេស៉្បាញដ៏ធំ Avasa Travel Group ។

តបតាមការគោរពអញ្ជើញរបស់អ្នករៀបចំ FAM Trip លោក ហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញជួបពិភាក្សាការងារជាមួយប្រតិភូ FAM Trip ជាថ្នាក់ដឹកនាំជាន់ខ្ពស់ក្រុមហ៊ុន Avasa Travel Group ពីប្រទេសអេស៉្បាញ និងលោក លោកស្រីជាប្រធានក្រុមហ៊ុនទេសចរណ៍ធំៗ ពីប្រទេសអេស៉្បាញ អឺរ៉ុប និងពីទ្វីបអាម៉េរិកឡាទីន នៅសណ្ឋាគារ Rosewood។

ក្នុងជំនួបដ៏សំខាន់ដល់ការផ្សព្វផ្សាយ សក្តានុពលទេសចរណ៍កម្ពុជាដល់ប្រទេសអេស្ប៉ាញ អឺរ៉ុប និងអាម៉េរិកឡាទីន លោករដ្ឋមន្រ្តី បានថ្លែងអំណរគុណដល់ក្រុមប្រតិភូ ដែលបានចាប់អាម្មរណ៍ពីសក្តានុពលទេសចរណ៍ កាលានុវត្តភាពវិនិយោគ និងជួយបន្តផ្សព្វផ្សាយពីព័ត៌មានពិតជាក់ស្តែងដែលបានជួបក្នុងអំឡុងទស្សនកិច្ចនេះដែរ។

ទន្ទឹមនឹងនេះ លោករដ្ឋមន្រ្តី ក៏បានគូសបញ្ជាក់ជូនប្រតិភូទាំងអស់ពីសក្តានុពលទេសចរណ៍ ដ៏សំបូរបែបរបស់ប្រទេសកម្ពុជា ដែលជាទីផ្សារកំពុងរះយ៉ាងចិញ្ចែងចិញ្ចាច កត្តាសុខសន្តិភាព ស្ថិរភាពនយោបាយ សន្តិសុខ សណ្តាប់ធ្នាប់សាធារណៈល្អប្រសើរ ការអភិវឌ្ឍន៍លើគ្រប់វិស័យពិសេស គឺហេដ្ឋារចនាសម្ព័ន្ធទាំងផ្លូវគោក ទឹក និងអាកាស ការស្នាក់នៅ និងបដិសណ្ឋារកិច្ចដ៏រួសរាយរាក់ទាក់ល្បីល្បាញ “ស្នាមញញឹមកម្ពុជា” ប្រាសាទអង្គរវត្ត ដែលជាសម្បត្តិបេតិកភណ្ឌពិភពលោក ការធានាសុខសុវត្ថិភាពជូនភ្ញៀវទេសចរជាតិ និងអន្តរជាតិ។

លោករដ្ឋមន្រ្តី ក៏បានគូសបញ្ជាក់បន្ថែម ពីយន្តការលើកទឹកចិត្ត និងផ្តល់អាទិភាពផ្តល់ជូន ដល់វិនិយោគិនបរទេស ពីសំណាក់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិត និងឈ្លាសវៃបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដែលបន្តវេនពីសម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងជាប្រធានព្រឹទ្ធសភា៕

សម្តេចតេជោ ហ៊ុន សែន ណែនាំពង្រឹងកិច្ចសហប្រតិបត្តិការពាណិជ្ជកម្មជាមួយវៀតណាម ឱ្យឡើងដល់២០ពាន់លានដុល្លារ

(ស្វាយរៀង)៖ សម្តេចតេជោ ហ៊ុន សែន ប្រមុខរដ្ឋស្តីទី បានណែនាំមន្ត្រីឱ្យចិត្តទុកដាក់ពង្រឹងកិច្ចសហប្រតិបត្តិការនៃការឆ្លងកាត់ព្រំដែនរវាងប្រទេសទាំងពីរ ទាំងការធ្វើពាណិជ្ជកម្ម ការឆ្លងកាត់របស់អ្នកទេសចរ និងប្រជាពលរដ្ឋ។

នៅព្រឹកថ្ងៃព្រហស្បតិ៍ ទី១៤ ខែឧសភា ឆ្នាំ២០២៦នេះ សម្តេចតេជោ ហ៊ុន សែន បន្តជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពជុំវិញខេត្តស្វាយរៀង។

ពីលើទឹកដីខេត្តស្វាយរៀង ដែលមានព្រំដែនជាប់ជាមួយប្រទេសវៀតណាម សម្តេចតេជោ ហ៊ុន សែន បានជំរុញឱ្យប្រឹងប្រែងជំរុញការធ្វើពាណិជ្ជកម្មរវាងកម្ពុជា និងវៀតណាម ឱ្យឡើងដល់២០ពាន់លានដុល្លារអាមេរិក។

ពីខេត្តស្វាយរៀង សម្តេចតេជោ ហ៊ុន សែន ក៏រំលឹកពីគោលនយោបាយនានា ពាក់ព័ន្ធទំនាក់ទំនង និងការធ្វើពាណិជ្ជកម្មនៅលើទឹកដីខេត្តស្វាយរៀង។ ក្នុងនោះសម្តេចតេជោ បានសង្កត់ធ្ងន់ថា មិនមាននរណានឹកស្មានដល់នៅក្រុងបាវិត ក្លាយជាតំបន់ឧស្សាហកម្មដូចពេលបច្ចុប្បន្ននោះឡើយ ខណៈពីអតីតកាលសុទ្ធតែជាតំបន់ជម្លោះ។

ជាខេត្តជាប់ព្រំដែន តែក្រោមគោលនយោបាយកិច្ចសហប្រតិបត្តិការល្អលើផ្នែកវិនិយោគ និងការធ្វើពាណិជ្ជកម្មជាមួយប្រទេសវៀតណាម បានធ្វើឱ្យខេត្តស្វាយរៀង ក្លាយទៅជាខេត្តមានសក្តានុពលខ្ពស់លើការវិនិយោគ និងជាតំបន់ឧស្សាហកម្មដ៏ទាក់ទាញ។

លោក ប៉េង ពោធិ៍សា អភិបាលខេត្តស្វាយរៀង បានឱ្យដឹងថា ទោះបីប្រទេសជាតិបានជួបប្រទះនឹងបញ្ហាប្រឈមនានាយ៉ាងណាក្តី ខេត្តស្វាយរៀង នៅតែបន្តទទួលបាននូវទំនុកចិត្តពីវិនិយោគិន និងជាខេត្តគោលដៅឈានមុខមួយសម្រាប់
ការបណ្តាក់ទុនវិនិយោគបើករោងចក្រ សហគ្រាស និងតំបន់សេដ្ឋកិច្ចពិសេស។ ក្នុងឆ្នាំ
២០២៥ ខេត្តស្វាយរៀងមានតំបន់សេដ្ធកិច្ចពិសេសបើកដំណើរការថ្មីចំនួន ៣កន្លែង និងមានរោងចក្របើកថ្មី ចំនួន ៨៥កន្លែង បង្កើតកាំរងារធ្វើបានចំនួន ៣៣.៦៦៦នាក់។

តាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា ខេត្តស្វាយរៀង ជាខេត្តទទួលបានគម្រោងចុះទុនវិនិយោគច្រើនជាងគេទី២ នៅក្នុងប្រទេស គឺចំនួន ១៣៩គម្រោង។ គិតត្រឹមខែឧសភា ឆ្នាំ២០២៦នេះ នៅទូទាំងខេត្តស្វាយរៀង មានតំបន់សេដ្ឋកិច្ចពិសេស ចំនួន ១៣កន្លែង។ ក្នុងនោះកំពុងដំណើរការចំនួន ១២កន្លែង និងមានរោងចក្រ សហគ្រាស ក្រុមហ៊ុនឯកជន ចំនួន ១ ០៩៩កន្លែង ដែលបានផ្តល់ការងារជូនប្រជាពលរដ្ឋ ចំនួន ១៦១ ០០៣នាក់។

តាមរយៈការងារនេះ កម្មករ និយោជិតទទួលបានចំណូលប្រមាណ ៤០លានដុល្លារ/១ខែ និងប្រមាណ ៤៨៥លានដុល្លារ/១ឆ្នាំ។

រោងចក្រ សហគ្រាស ដែលបានវិនិយោគនៅខេត្តស្វាយរៀង មានប្រភពមកពី១៦ប្រទេស រួមមាន៖ ចិន, តៃវ៉ាន់, ហុងកុង, ជប៉ុន, កូរ៉េខាងត្បូង, វៀតណាម, ម៉ាឡេស៊ី, សឹង្ហបុរី, អាឡឺម៉ង់, អាមេរិក, កាណាដា, បង់ក្លាដែស, កម្ពុជា, ថៃ, ហ្វីលីពីន និង ឥណ្ឌូនេស៊ី៕

ក្រសួងផ្តោតលើការពង្រឹងគុណភាព និងសុវត្តិភាពជណ្តើរយន្ត និងសំណង់

ដោយៈ ម៉ាណា

ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់បានបើកសិក្ខាសាលាស្តីពី ការពង្រឹងគុណភាព និងសុវត្តិភាពជណ្តើរយន្ត និងសំណង់ ក្រោមអធិបតីភាពលោកទេព ធន រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់។

តំណាងសភាពាណិជ្ជកម្ម មានការចូលរូមពីឧកញ៉ា នួន រិទ្ធី សមាជិកជ្រើសតាំងសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) រួមជាមួយនឹង សមាជិកនៃក្រុមការងារ “ឌ” ផ្នែកឯកជន បានអញ្ជើញចូលរួមក្នុង។

សិក្ខាសាលានេះក៏មានការចូលរួមផងដែរ ពីសំណាក់មន្ត្រីពាក់ព័ន្ធនៃក្រសួងរៀបចំដែនដី នគរូបនីយកម្ម និងសំណង់, គណៈវិស្វករកម្ពុជា, តំណាងមន្ទីររៀបចំដែនដី នគរូបនីយកម្ម និងសំណង់ ជាពិសេសក្រុមហ៊ុនឯកជន ក្នុងវិស័យសំណង់ និងជណ្តើរយន្តជាច្រើនទៀតផងដែរ។

សិក្ខាសាលាដ៏មានសារៈសំខាន់នេះ មានគោលបំណងដើម្បី ទី

១. បង្កើនប្រសិទ្ធភាពការងារ និងការប្រកបវិជ្ជាជីវៈពាក់ព័ន្ធនឹងការដំឡើងជន្តើរយន្ត។ ២. ពង្រឹងគុណភាព និងសុវត្ថិភាពជណ្តើរយន្តមុននឹងដាក់ឱ្យប្រើប្រាស់ ដោយតម្រូវឱ្យមានរបាយការណ៍បញ្ជាក់គុណភាព និងសុវត្ថិភាពនៃការដំឡើងពីក្រុមហ៊ុនដំឡើង និងមានលិខិតបញ្ជាក់អនុលោមភាព នៃការដំឡើងជណ្តើរយន្ត និងទី៣. បញ្ជ្រាបការយល់ដឹក ក្នុងន័យកាត់បន្ថយគ្រោះថ្នាក់ ដែលអាចកើតមានឡើង ការការពារទ្រព្យសម្បត្តិ និងអាយុជីវិតរបស់ម្ចាស់សំណង់ អ្នកប្រើប្រាស់ និងសាធារណជនផងដែរ៕

Cambodia’s potential will be promoted in the Netherlands through FAM Trip, jointly organized by major Spanish travel conglomerate- Avasa Travel Group

By MoT

Phnom Penh. At the invitation of FAM trip organizer, H.E. Mr. HUOT Hak Minister of Tourism, holds a working discussion with a delegation of senior leaders of Avasa Travel Group from Spain and the owners of travel agencies from Spain, European countries and Latin America continent, at the Rosewood Hotel.

In an important meeting to promote Cambodia’s tourism potential to Spain, European countries and Latin America countries; H.E. Minister thanked the delegation for recognizing the tourism potential, investment opportunies and helping to continue to disseminate the factual information they encountered during the visit.

At the same time, H.E. Minister also highlighted to all delegates the rich tourism potential of Cambodia, which is a emerging market, the factors of peace, political stability, security, good public order, development in all sectors, especially infrastructure on land, water and air, accommodation and warm hospitality known as “Cambodian Simle”, the world heritage- Angkor Wat temple, ensuring safety for national and international tourists.

Moreover, H.E. Minister underscore the mechanisms for encouraging and giving priority to foreign investors by the Royal Government of Cambodia under the wise leadership of Samdech Moha Borvor Thipadei Hun Manet, Prime Minister who succeeded Samdech Akka Moha Sena Padei Techo Hun Sen, Acting Head of State and President of the Senate.

ទីក្រុងហុងកុង និងចិនដីគោកកំពុងជំរុញសន្ទុះនៃការវិនិយោគអចលនទ្រព្យពាណិជ្ជកម្មតំបន់នៅអាស៊ីប៉ាស៊ីហ្វិក

ដោយ: សហសេវិក
អន្តរជាតិ: ក្រុមអ្នកវិភាគបានអះអាងថា ការវិនិយោគអចលនទ្រព្យពាណិជ្ជកម្មនៅតំបន់អាស៊ីប៉ាស៊ីហ្វិកបានកើនឡើងយ៉ាងគំហុកនៅត្រីមាសទី១ ស្របពេលទីផ្សារការិយាល័យ និងលក់រាយនៅហុងកុង និងចិនដីគោកបានបង្ហាញសញ្ញាងើបឡើងវិញ។

ការវិនិយោគសរុបលើការិយាល័យ អចលនទ្រព្យលក់រាយ ឧស្សាហកម្ម មជ្ឈមណ្ឌលទិន្នន័យ សណ្ឋាគារ អាផាតមុិនលំនៅឋានសម្រាប់មនុស្សចាស់និងទ្រព្យសកម្មផ្សេងទៀតបានកើនឡើង២២ភាគរយ ដល់៥១,១ពាន់លានដុល្លារអាមេរិក ធៀបនឹងរយៈពេលដូចគ្នាក្នុងឆ្នាំ២០២៥។

យោងតាមក្រុមហ៊ុនទិន្នន័យ និងវិភាគ MSCI បានឱ្យដឹងថា ទីក្រុងហុងកុងបានគ្របដណ្តប់ចំណែកចំនួន១,៨ពាន់លានដុល្លារអាមេរិក ហក់ឡើង ៣៦៧ ភាគរយ ដោយឈរនៅលេខរៀងទី២ បន្ទាប់ពីប្រទេសសិង្ហបុរី ដែលបានហក់ឡើង៤៣៩ភាគរយ។

តំបន់ចិនដីគោកជាទីផ្សារកំពូល ដោយមានការវិនិយោគអចលនទ្រព្យពាណិជ្ជកម្មក្នុងទំហំទឹកប្រាក់ចំនួន១៣,៤ពាន់លានដុល្លារអាមេរិក ហក់ឡើង៥៥ភាគរយចន្លោះពីខែមករាដល់ខែមីនា ឆ្នាំ២០២៦។

លោក Benjamin Chow ប្រធានផ្នែកស្រាវជ្រាវទ្រព្យសកម្មឯកជនសម្រាប់តំបន់អាស៊ីនៅក្រុមហ៊ុន MSCI បានលើកឡើងថា «ការងើបឡើងវិញនៃទីផ្សារអចលនទ្រព្យនៅតំបន់អាស៊ីប៉ាស៊ីហ្វិកបានកើនឡើងយ៉ាងគំហុកនៅត្រីមាសទី១ ហើយហុងកុងជាទីផ្សារសំខាន់មួយនៅពីក្រោយកំណើននេះ»៕ប្រភព: SCMP៕

ក្រសួងដែនដីចុះ MoC ជាមួយ TIKA ដើម្បីគាំទ្រដល់ការសាងសង់ផ្លូវនៅក្រុងកែប

ដោយៈ ចំណាន

ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់ បានចុះហត្ថលេខាលើអនុស្សរណៈ នៃកិច្ចសហប្រតិបត្តិការ (MoC) ជាមួយទីភ្នាក់ងារសហប្រតិបត្តិការ និងសម្របសម្រួលតួកគី (TİKA) នៃសាធារណរដ្ឋតួកគី ដើម្បីគាំទ្រដល់ការស្ថាបនាផ្លូវបេតុងប្រវែង ១២០០ម៉ែត្រ នៅសហគមន៍នេសាទអង្គោល ខេត្តកែប។

ពិធីចុះហត្ថលេខានេះ ធ្វើឡើងក្រោមអះធិបតីភាព លោកថេង ច័ន្ទសង្វារ និងលាង មុនីរិទ្ធ រដ្ឋលេខាធិាការក្រសួងរៀបចំដែនដី នគរូបនីយកម្មនិងសំណង់។

យោងតាមព័ត៌មានពីក្រសួងដែនដីបានបញ្ជាក់ឲ្យដឹងថា គម្រោងនេះនឹងរួមចំណែកសម្រួល ដល់ការធ្វើដំណើររបស់ប្រជាពលរដ្ឋក្នុងមូលដ្ឋាន កែលម្អលទ្ធភាពចូលទៅកាន់សហគមន៍ ជំរុញសកម្មភាពសេដ្ឋកិច្ចមូលដ្ឋាន និងគាំទ្រដល់ការអភិវឌ្ឍសក្ដានុពល អេកូទេសចរណ៍សហគមន៍នេសាទអង្គោល ប្រកបដោយចីរភាព៕

ដំណឹងល្អៈរដ្ឋាភិបាកប្រកាសដាក់ឲ្យប្រើប្រាស់ប័ណ្ណបើកបរជីជីថលជាផ្លូវការហើយ

ដោយៈ ម៉ាលីនណា

ភ្នំពេញៈ រដ្ឋាភិបាលតាមរយៈក្រសួងប្រៃសណីយ៍ និងក្រសួងសាធារណការ បានប្រកាសដាក់ឱ្យប្រើប្រាស់ជាផ្លូវការ បណ្ណបើកបរឌីជីថល ដែលអាចផ្ទៀងផ្ទាត់ភាពត្រឹមត្រូវ តាមថ្នាលផ្ទៀងផ្ទាត់ឯកសារ verify.gov.kh។

ពិធីនេះធ្វើឡើងក្រោមអធិបតីភាព លោកប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន និងលោកជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍ និងជាប្រធានគណៈកម្មាធិការរដ្ឋាភិបាលឌីជីថល (គ.រ.ខ.) អញ្ជើញជាសហអធិបតីក្នុងពិធីប្រកាសដាក់ឱ្យប្រើប្រាស់ជាផ្លូវការបណ្ណបើកបរឌីជីថល ដែលអាចផ្ទៀងផ្ទាត់ភាពត្រឹមត្រូវតាមថ្នាល ផ្ទៀងផ្ទាត់ឯកសារverify.gov.kh។ និងមន្រ្តីពាក់ព័ន្ធ។

ការដាក់ឱ្យប្រើប្រាស់ជាផ្លូវការ បណ្ណបើកបរឌីជីថលដែលអាចផ្ទៀងផ្ទាត់ភាពត្រឹមត្រូវ លើថ្នាលផ្ទៀងផ្ទាត់ឯកសារ verify.gov.kh នាពេលនេះ សាធារណជន អាចស្នើសុំបណ្ណបើកបរឌីជីថល ដាក់ក្នុង Personal Wallet លើ DG SuperApp របស់ក្រសួងប្រៃសណីយ៍ និងទូរគមនាគមន៍ និងអាចប្រើប្រាស់រហូតដល់បណ្ណផុតសុពលភាព។

ការដាក់ឱ្យប្រើប្រាស់ជាផ្លូវការ បណ្ណបើកបរឌីជីថលដែលអាចផ្ទៀងផ្ទាត់ភាពត្រឹមត្រូវ លើថ្នាលផ្ទៀងផ្ទាត់ឯកសារ verify.gov.kh គឺជាជំហានដ៏សំខាន់មួយ ក្នុងការចូលរួមអនុវត្តគោលនយោបាយរដ្ឋាភិបាលឌីជីថលកម្ពុជា២០២២ -២០៣៥ សំដៅជំរុញការធ្វើបរិវត្តកម្មរដ្ឋាភិបាលឌីជីថល និងការផ្តល់សេវាសាធារណៈ ជូនប្រជាពលរដ្ឋឱ្យកាន់តែមានភាពល្អប្រសើរ និងប្រសិទ្ធភាពខ្ពស់។

ថ្នាលផ្ទៀងផ្ទាត់ឯកសារverify.gov.kh នេះនឹងចូលរួមចំណែក ក្នុងការលុបបំបាត់ឯកសារក្លែងក្លាយ តាមរយៈបច្ចេកវិទ្យាស្កែន QR Code ស្តង់ដារដែលមាន សុវត្ថិភាពខ្ពស់។

ស្ថាប័នពាក់ព័ន្ធ និងសាធារណជន អាចផ្ទៀងផ្ទាត់ភាពត្រឹមត្រូវនៃឯកសារបានភ្លាមៗ ដែលជាកត្តានាំឱ្យកាត់បន្ថយចំណាយ និងចំណេញពេលវេលា ពីព្រោះប្រជាពលរដ្ឋមិន ចាំបាច់យកឯកសារទៅធ្វើនីត្យានុកូលកម្ម ជាក្រដាសច្រើនច្បាប់ឡើយ៕

លោកប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន

លោកជា វ៉ាន់ដេត រដ្ឋមន្រ្តីក្រសួងប្រៃសណីយ៍ និងទូរគមនាគមន៍

តំបន់ភាគខាងកើតរាជធានីនឹងវិវត្តបែបណានៅឆ្នាំ២០៣០ ខណៈមនុស្សនៅក្នុងទីក្រុងកើនដល់ ៣លាននាក់?

ដោយៈ គង់ សូរិយា

កណ្តាលៈ ចំនួនប្រជាជនរាជធានី នឹងកើនឡើងដល់ប្រមាណ៣លាននាក់នៅឆ្នាំ២០៣០ លំហូរចរាចរណ៍កាន់តែកកស្ទះ ការរីកចម្រើនផ្នែកនគរូបនីយកម្ម នឹងត្រូវបានគាំទ្រដោយហេដ្ឋារចនាសម្ព័ន្ធ និងកំណើនប្រជាសាស្រ្ត។

អ្នកវិភាគបានមើលឃើញថា តំបន់ភាគខាងកើតនៃទីក្រុងភ្នំពេញ ជាពិសេសតំបន់ដូចជា ច្បារអំពៅ កោះនរា អរិយក្សត្រ និងតំបន់មេគង្គភាគខាងកើតត្រូវបានគេរំពឹងថា នឹងក្លាយជាច្រករបៀងអចលនទ្រព្យមួយដែលមានការរីកចម្រើនលឿនបំផុតនៅឆ្នាំ ២០៣០ ដោយសារតែហេដ្ឋារចនាសម្ព័ន្ធ ស្ពាន ទីក្រុងរណប និងការពង្រីកចំនួនប្រជាជន។

១. ហេដ្ឋារចនាសម្ព័ន្ធធំៗនឹងជំរុញឱ្យតម្លៃដីធ្លីកើនឡើង

រដ្ឋាភិបាលកម្ពុជា និងអ្នកអភិវឌ្ឍន៍ឯកជន កំពុងសាងសង់ស្ពាន និងផ្លូវថ្មីៗជាច្រើន ដែលតភ្ជាប់ភាគខាងកើត នៃទីក្រុងភ្នំពេញទៅកាន់កណ្តាលទីក្រុង។ នៅឆ្នាំ២០៣០ រាជធានីភ្នំពេញមានគម្រោងសាងសង់ស្ពានឆ្លងកាត់ទន្លេកើនឡើងដល់១០ទីតាំង។

គម្រោងសំខាន់ៗរួមមាន ការតភ្ជាប់ស្ពានកោះនរា ទៅកាន់គំរោង Mekong Quay នៃក្រុងអរិយក្សត្រ ស្ពានមិត្តភាពកម្ពុជា-កូរ៉េខាងត្បូង ស្ពានចាក់អង្រែ-ព្រែកប្រា ផ្លូវរង្វង់ថ្មី និងការតភ្ជាប់អាកាសយានដ្ឋានជាដើម។

ការអភិវឌ្ឍគម្រោងទាំងនេះ នឹងកាត់បន្ថយពេលវេលាធ្វើដំណើរ និងធ្វើឱ្យផ្នែកខាងកើត កាន់តែទាក់ទាញសម្រាប់ការអភិវឌ្ឍបុរី លំនៅដ្ឋាន ខុនដូ មជ្ឈមណ្ឌលពាណិជ្ជកម្ម ភស្តុភារកម្ម និងឃ្លាំង។

អ្នកជំនាញ និងអ្នកអភិវឌ្ឍន៍បានរាយការណ៍រួចហើយ អំពីការកើនឡើងយ៉ាងខ្លាំងនៃដីធ្លីនៅជិតស្ពានថ្មីៗ។

២. ទីក្រុងរណបនឹងពង្រីកលឿន

ភាគខាងកើតនៃរាជធានីភ្នំពេញ កំពុងក្លាយជាតំបន់ “ទីក្រុងរណប” ស្រដៀងគ្នាទៅនឹងរបៀបដែលកោះពេជ្រ និងជ្រោយចង្វារបានអភិវឌ្ឍពីមុន។

គម្រោងផែនការមេសំខាន់ៗ ត្រូវបានគេរំពឹងថានឹងមាននៅជុំវិញមានដូចជា ទីក្រុងនរា ក្រុងអរិយក្សត្រជាប់មាត់ទន្លេមេគង្គ តំបន់មួយចំនួននៃខ័ណ្ឌច្បារអំពៅជាដើម។

ការអភិវឌ្ឍទាំងនេះនឹងបង្កើតឲ្យមាន សហគមន៍ដែលមានច្រកទ្វារកាន់តែច្រើន ការអភិវឌ្ឍចម្រុះ ការរីកចម្រើននៃផ្សារទំនើប សាលារៀនអន្តរជាតិ និងគម្រោងអគារខ្ពស់ៗ។

ក្រុមហ៊ុនOCIC និងអ្នកអភិវឌ្ឍន៍ធំៗផ្សេងទៀត បាននិងកំពុងចូលរួមយ៉ាងខ្លាំងនៅក្នុងតំបន់ទាំងនេះ។

៣. កំណើនប្រជាជននឹងផ្លាស់ប្តូរទៅទិសខាងកើត

ចំនួនប្រជាជននៅរាជធានីភ្នំពេញ ត្រូវបានគេព្យាករណ៍ថា នឹងកើនឡើងយ៉ាងខ្លាំងឆ្ពោះទៅឆ្នាំ២០៣០ ដោយការពង្រីកទីក្រុងរីករាលដាលនៅខាងក្រៅមជ្ឈមណ្ឌលប្រពៃណី។

ការសិក្សាទីក្រុងមួយចំនួនថែមទាំងរំពឹងថា ចំនួនប្រជាជននៅក្រុងភ្នំពេញ នឹងកើនដល់ប្រមាណ៣លាននាក់ ដោយសារតែកណ្តាលទីក្រុងភ្នំពេញកាន់តែមានតម្លៃថ្លៃ និងមានមនុស្សច្រើន គ្រួសារវណ្ណៈកណ្តាលត្រូវបានគេរំពឹងថា នឹងផ្លាស់ទៅទិសខាងកើត ដែលដីមានតម្លៃថោកជាង ផ្លូវថ្នល់មានសភាពថ្មីជាង គម្រោងលំនៅដ្ឋានមានទំហំធំជាង និងបរិស្ថានមានដង់ស៊ីតេតិចជាង។

សេណារីយោនេះបង្កើតតម្រូវការ សម្រាប់ការអភិវឌ្ឍលំនៅដ្ឋានដែលមានតម្លៃសមរម្យ វីឡាតូចៗ ខុនដូកម្រិតមធ្យម និងកន្លែងលក់រាយ។

ជាអ្នកតាមដានលើការវិវត្តន៍សេដ្ឋកិច្ច សង្គម និងអចលនទ្រព្យលោកយិន លាងគង់មានស្ថាប័នផ្សព្វផ្សាយឯករាជ្យ លើវិស័យនេះអស់រយៈពេលប្រមាណ១០ឆ្នាំមកហើយ។

លោកបានលើកឡើងថា តំបន់ភាគខាងកើតរាជធានី នឹងរីកចម្រើនលឿនឬយឺត អាស្រ័យលើហេដ្ឋារចនាសម្ព័ន្ធតភ្ជាប់ ស្ថានភាពសេដ្ឋកិច្ច និងការរីកចម្រើននគរូបនីយកម្ម។ លោកបន្តថា តាមអ្នកជំនាញ និងការអង្កេតផ្ទាល់ដីនៅភាគខាងកើត ភាពច្រើនជាតំបន់ទំនាប លិចទឹក ដែលទាមទារឲ្យអ្នកអភិវឌ្ឍ ត្រូវចាក់បញ្ចូលនូវតម្លៃបន្ថែមខ្ពស់ ហេតុនេះការសាងសង់លំនៅដ្ឋានតម្លៃសមរម្យ ទាមទារនូវតម្រូវការខ្ពស់ ប៉ុន្តែមានផលចំណេញទាប។

លោកបន្តថា “តាមខ្ញុំដឹងក្រុមហ៊ុនលំដាប់យក្សក្នុងស្រុកជាច្រើន បានទិញដីនៅតំបន់នោះរួចហើយ ហេតុនេះការសាងសង់ស្ពានពីទីក្រុងនរា ទៅអរិយក្សត្រ កាន់តែលឿនតំបន់នោះនឹងមានការអភិវឌ្ឍលឿន”។ លោកព្រមានថា “ទោះជាយ៉ាងណា ការទាមទារនូវតម្លៃដីខ្ពស់ពីប្រជាជនមូលដ្ឋាន នឹងអាចជាឧបសគ្គរារាំងការអភិវឌ្ឍ និងការសាងសង់ហេដ្ឋារចនាសម្ព័ន្ធផងដែរ”។

លោកបន្តថា ការរៀបចំ Master Plan និងការរៀបចំ Zone អភិវឌ្ឍន៍ឲ្យស្របតាមផែនការមេ នឹងជួយជម្រុញការអភិវឌ្ឍតំបន់ភាគខាងកើតប្រកបដោយចីរភាព និងនិរន្តរភាពផងដែរ”៕

រដ្ឋាភិបាលគ្រោងរៀបចំផ្លូវច្រករបៀងសេដ្ឋកិច្ចពីខេត្តព្រះសីហនុ ទៅកាន់ស្រុកស្រែអំបិលក្នុងខេត្តកោះកុង

ដោយៈ និស្ស័យ

ភ្នំពេញៈ មន្រ្តីជាន់ខ្ពស់ក្រសួងសាធារណការ និងដឹកជញ្ជូនបានកិច្ចប្រជុំប្រកាសសមាសភាព អង្គភាពគ្រប់គ្រងគម្រោងផ្លូវរបៀងសេដ្ឋកិច្ចតាមបណ្តោយឆ្នេរសមុទ្រពីទំនប់រលក ខេត្តព្រះសីហនុ ភ្ជាប់ទៅកាន់ស្រែអំបិល ខេត្តកោះកុង។

កិច្ចប្រជុំនេះដឹកនាំដោយលោកសួង ហេង រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង អញ្ជើញដឹកនាំកិច្ចប្រជុំប្រកាសសមាសភាព អង្គភាពគ្រប់គ្រងគម្រោងផ្លូវរបៀងសេដ្ឋកិច្ចតាមបណ្តោយឆ្នេរសមុទ្រ ពីទំនប់រលក ខេត្តព្រះសីហនុ ភ្ជាប់ទៅកាន់ស្រែអំបិល ខេត្តកោះកុង ដោយមានការចូលរួមពីឯកឧត្ដមអនុរដ្ឋលេខាធិការ ជាអនុគម្រោង លោក-លោកស្រី ជាសមាជិក-សមាជិកាគម្រោងផងដែរ។

កិច្ចប្រជុំនេះរៀបចំឡើងក្នុងគោលបំណង ដើម្បីប្រកាសសមាសភាពអង្គភាពគ្រប់គ្រងគម្រោង ផ្លូវរបៀងសេដ្ឋកិច្ចតាមបណ្តោយឆ្នេរសមុទ្រពីទំនប់រលក ខេត្តព្រះសីហនុ ភ្ជាប់ទៅកាន់ស្រែអំបិល ខេត្តកោះកុង ក្រោមក្របខ័ណ្ឌធនាគារអភិវឌ្ឍន៍អាស៊ី (ADB) ពីការអនុវត្តតួនាទី ភារកិច្ចទៅតាមបច្ចេកទេស ដែលបានប្រកាសក្នុងសេចក្ដីសម្រេច។

បន្ថែមពីនេះ លោកសួង ហេង បានមានមតិណែនាំដល់សមាជិក-សមាជិការគម្រោងទាំងអស់ ត្រូវសហការគ្នាឱ្យបានល្អ និងចុះពិនិត្យ ការងារជាក់ស្ដែងឱ្យបានច្បាស់លាស់ ទៅតាមផែនការដែលបានគ្រោងទុក៕

កម្ពុជាតភ្ជាប់ផ្លូវតំបន់កណ្តាល ដែលភ្ជាប់ពីខេត្តកំពង់ឆ្នាំង កំពង់ស្ពឺ តាកែវ កណ្តាល និងរាជធានីភ្នំពេញ

ដោយៈ គង់ សូរិយា

ភ្នំពេញៈ មន្រ្តីជាន់ខ្ពស់ក្រសួងសាធារណការ និងដៃគូអភិវឌ្ឍន៍បានបើកកិច្ចប្រជុំប្រកាសសមាសភាព អង្គភាពគ្រប់គ្រងគម្រោងតភ្ជាប់ផ្លូវតំបន់កណ្តាល ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី (AIIB)សម្រាប់ផ្លូវរបៀងចំនួន២ខ្សែ តភ្ជាប់ពីខេត្តកំពង់ឆ្នាំង កំពង់ស្ពឺ តាកែវ រាជធានីភ្នំពេញ និងខេត្តកណ្តាល។

កិច្ចប្រជុំនេះធ្វើឡើងក្រោមអធិបតីភាព លោកយិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោង អញ្ជើញដឹកនាំកិច្ចប្រជុំ ប្រកាសសមាសភាពអង្គភាពគ្រប់គ្រaងគម្រោងតភ្ជាប់ផ្លូវតំបន់កណ្តាល ក្រោមក្របខ័ណ្ឌហិរញ្ញប្បទានពីធនាគារវិនិយោគហេដ្ឋារចនាសម្ព័ន្ធអាស៊ី។

កិច្ចប្រជុំនេះរៀបចំឡើងក្នុងគោលបំណង ដើម្បីប្រកាសសមាសភាពអង្គភាពគ្រប់គ្រងគម្រោង តភ្ជាប់ផ្លូវតំបន់កណ្តាល ក្រោមក្របខ័ណ្ឌហិរញ្ញប្បទានពីធនាគារ វិនិយោគហេដ្ឋារចនាសម្ព័ន្ធអាស៊ី (AIIB) សម្រាប់ផ្លូវរបៀងចំនួន២ខ្សែ តភ្ជាប់ពីខេត្តកំពង់ឆ្នាំង កំពង់ស្ពឺ តាកែវ រាជធានីភ្នំពេញ និងខេត្តកណ្តាល ពីការអនុវត្តតួនាទី ភារកិច្ចដែលបានរៀបចំនៅក្នុងប្រកាស។

បន្ថែមពីនេះ លោករដ្ឋលេខាធិការ បានណែនាំដល់សមាជិក-សមាជិការគម្រោងទាំងអស់ ត្រូវអនុវត្តការងារដោយប្រកបដោយស្មារតីទទួលខុសត្រូវខ្ពស់ ធ្វើយ៉ាងណាដើម្បីធានាឱ្យការអនុវត្តគម្រោងខាងលើទទួលបានជោគជ័យ ទៅតាមផែនការដែលបានគ្រោងទុក៕