IMF បង្កើនការព្យាករកំណើនសេដ្ឋកិច្ចពិភពលោកនឹងកើនរហូតដល់៣ភាគរយនៅឆ្នាំនេះ

ដោយ: គង់ លាងហួរ

វ៉ាស៊ីនតោនៈ មូលនិធិរូបិយវត្ថុអន្តរជាតិ(IMF) បានព្យាករណ៍ពីភាពប្រសើរឡើងបន្តិច នូវទស្សនវិស័យរបស់ខ្លួន សម្រាប់កំណើនសេដ្ឋកិច្ចពិភពលោកនៅឆ្នាំនេះ ដោយផ្អែកលើសកម្មភាពផ្នែកសេវាកម្មដែលអាចធន់ទ្រាំបាន នៅក្នុងត្រីមាសទីមួយ និងទីផ្សារការងារដ៏រឹងមាំ។

IMF បានប្រកាសនៅក្នុងរបាយការណ៍ថ្មីមួយថា ទោះបីជាមានទស្សនវិស័យសេដ្ឋកិច្ចល្អ ប្រសើរបន្តិចយ៉ាងណាក្តី ក៏កំណើនសេដ្ឋកិច្ចពិភពលោកត្រូវបានគេរំពឹងថា នឹងថយចុះមកត្រឹម៣% នៅឆ្នាំ២០២៣នេះ។

លោក Pierre-Olivier Gourinchas ប្រធានសេដ្ឋវិទូរបស់ IMF បានបញ្ជាក់ប្រាប់សារពត៌មាន AFP ក្នុងបទសម្ភាសន៍មួយមុនការបោះពុម្ពរបាយការណ៍ថា “យើងមិនទាន់ចេញផុតពីគ្រោះថ្នាក់ ឬការលំបាកនៅឡើយទេ ហើយកំណើននៅតែស្ថិត ក្នុងកម្រិតទាបជាងមធ្យមភាគ”។

ការព្យាករកំណើនសេដ្ឋកិច្ចសកល សម្រាប់ឆ្នាំ២០២៣នេះ ត្រូវបានបង្កើន០,២ភាគរយ ពីការព្យាករចុងក្រោយរបស់ IMF ក្នុងខែមេសា ដែលធ្វើឱ្យសេដ្ឋកិច្ចពិភពលោក ស្ថិតនៅលើផ្លូវសម្រាប់ឆ្ពោះទៅរកកំណើន៣% ក្នុងឆ្នាំនេះ និងឆ្នាំ២០២៤ខាងមុខ។ជាក់ស្តែង IMF បានបង្កើនទស្សនវិស័យរបស់ខ្លួន សម្រាប់កំណើនរបស់សហរដ្ឋអាមេរិកនៅឆ្នាំនេះ រហូតដល់១,៨% ពោលគឺកើនឡើង០,២ភាគរយ ធៀបនឹងការព្យាករក្នុងខែមេសា ដោយ IMF លើកឡើងពីកំណើន នៃការប្រើប្រាស់ដ៏មានភាពធន់ របស់អាមេរិកនៅក្នុងត្រីមាសទី១។

ការព្យាករអំពីកំណើនសេដ្ឋកិច្ចឆ្នាំ២០២៣ របស់ IMF សម្រាប់ប្រទេសចិន នៅតែគ្មានអ្វីផ្លាស់ប្តូរ ពោលគឺ IMF បានរក្សាការព្យាករកំណើនសេដ្ឋកិច្ចរបស់ប្រទេសនេះ ក្នុងរង្វង់៥,២%ដដែ

ផ្ទុយទៅវិញ មូលនិធិរូបិយវត្ថុអន្តរជាតិ IMF បានបង្កើនទស្សនវិស័យកំណើនសេដ្ឋកិច្ចឆ្នាំ២០២៣ របស់ប្រទេសឥណ្ឌារហូតដល់៦,១% ពោលគឺកើនឡើង០,២% ធៀបនឹងការព្យាករក្នុងខែមេសា៕

សមាសភាពរដ្ឋមន្រ្តីក្រសួងនានា នៃអាណត្តិទី៧ត្រូវបានបង្ហាញ

ដោយៈ ជេស៊ីកា

ភ្នំពេញៈ សមាសភាពសមាជិករាជរដ្ឋាភិបាលទី៧ ក្រោមការដឹកនាំដោយឯកឧត្តមបណ្ឌិតហ៊ុន ម៉ាណែតត្រូវបានបង្ហាញ និងចែកចាយពេញបណ្តាញទំនាក់ទំនងសង្គម។

សមាសភាពគណៈរដ្ឋមន្រ្តីថ្មីនេះ ភាគច្រើនសុទ្ឋតែជាយុវជនជំនាន់ថ្មី។ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងក្នុងសារពិសេសកាលពីថ្ងៃទី២៦ កក្កដាថា ឯកឧត្តមបណ្ឌិតហ៊ុន ម៉ាណែតនឹងក្លាយជានាយករដ្ឋមន្រ្តីនៅថ្ងៃទី២២ សីហាខាងមុខនេះ។
សូមអាន និងពិនិត្យសមាសភាពគណរដ្ឋមន្រ្តីថ្មី នៅអាណត្តិទី៧ ខាងមុខនេះ៕ទោះជា យ៉ាងណា សមាសភាពនេះមិនទាន់បញ្ជាក់ច្បាស់ជាផ្លូវការនៅឡើយទេ ថាជាការពិតរឺយ៉ាងណា សូមរង់ចាំតាមដានលទ្ធផលនៃការប្រជុំគណៈរដ្ឋមន្រ្តី សំរាប់អាណត្តិថ្មីនេះ ដែលនឹងប្រព្រឹត្តទៅនៅពេលខាងមុខ

គំរោងបុរីនិងអាគារខុនដូថ្មីៗត្រៀមចាប់ផ្តើមសាងសង់ ក្រោយការបោះឆ្នោតបញ្ចប់

ដោយៈគង់ សូរិយា

ភ្នំពេញៈ ប្រភពបានបង្ហើបឲ្យដឹងថា គំរោងអាគារខុនដូ និងបុរីលំនៅដ្ឋានថ្មីៗមួយចំនួន ត្រៀមបើកការដ្ឋានសាងសង់ ចាប់ពីខែសីហាខាងមុខនេះ រហូតដល់ចុងឆ្នាំនេះ។

អគ្គនាយកក្រុមហ៊ុនERA Cambodia លោកខន គង្គាបានមានប្រសាសន៍ឲ្យដឹងតាមបណ្តាញ តេឡេក្រាមកាលពីសប្តាហ៍មុនថា ក្រោយការបោះឆ្នោត និងការបង្កើតរដ្ឋាភិបាលថ្មី ម្ចាស់គំរោងខុនដូថ្មីៗមួយចំនួន នឹងបើកការដ្ឋានសាងសង់ នៅអំឡុងខែសីហា រហូតដល់ដំណាច់ឆ្នាំនេះ ប៉ុន្តែសម្រាប់ឆ្នាំ២០២៤ លោកមិនទាន់អាចបញ្ជាក់បាននៅឡើយទេ។

លោកបន្តថា “អ្នកវិនិយោគបរទេស បាននិងកំពុងត្រៀមសាងសង់ខុនដូរបស់ខ្លួនហើយ នៅពេលស្ថានភាពនយោបាយកំពុងមានភាពល្អប្រសើរបែបនេះ”។

ប្រមុខរាជរដ្ឋាភិបាលសម្តេចតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងសារពិសេសនៅថ្ងៃទី២៦ កក្កដានេះថា លោកបណ្ឌិតហ៊ុន ម៉ាណែតនឹងឡើងកាន់ដំណែងជានាយករដ្ឋមន្រ្តី នៅថ្ងៃទី២២ ខែសីហាខាងមុខនេះ។

លោកខន គង្គាបានបន្តថា ស្ថានភាពទីផ្សារនឹងវិវត្តន៍ល្អប្រសើរឡើងវិញបណ្តើរៗ ក្រោយការបោះឆ្នោត ដោយអ្នកវិនិយោគក្នុងស្រុក និងបរទេសនឹងចាប់ផ្តើមបញ្ចេញទុនរបស់ពួកគេ។

ជាមួយគ្នានេះ លោកស៊ុន មេសាប្រធានក្រុមលក់នៃក្រុមហ៊ុនCentury21 Mekongបានមានប្រសាសន៍ឲ្យដឹងថា នាពេលឆាប់ៗខាងមុខនេះ បុរីថ្មីមួយនឹងបើកដំណើរការសាងងសង់ជាផ្លូវការ ដោយសារពួកគេមើលឃើញថា ស្ថានភាពទីផ្សារកំពុងវិវត្តន៍ ល្អប្រសើរបណ្តើរៗឡើ់ងវិញ។

ទោះជាយ៉ាងណាទាំងលោកខន គង្គា និងលោកស៊ុន មេសាមិនទាន់បង្ហើបឲ្យដឹងពីឈ្មោះ គំរោងទាំងនោះនៅឡើយទេ ដោយសារម្ចាស់គំរោង មិនទាន់អនុញ្ញាត្តឲ្យដឹង ដល់បណ្តាញសារព៌តមាននានា៕

តំបន់សេដ្ឋកិច្ចពិសេសក្រុងព្រះសីហនុក្លាយជាមូលដ្ឋានសម្រាប់ការ វិនិយោគឆ្លងព្រំដែននៅក្រោមគំនិតផ្តួចផ្តើមខ្សែក្រវ៉ាត់ និងផ្លូវ

ដោយ: គង់ លាងហួរ

ព្រះសីហនុ: បន្ទាប់ពីបញ្ចប់ការសិក្សា នៅថ្នាក់មហាវិទ្យាល័យ លោក Yue Xiduo ដែលកើតក្នុងទស្សវត្សរ៍ឆ្នាំ១៩៩០ កំពុងបម្រើការងារនៅក្នុងក្រុមហ៊ុន ផលិតសំបកកង់រថយន្តមួយ នៅក្នុងតំបន់សេដ្ឋកិច្ចពិសេសក្រុងព្រះសីហនុ។

បុរសរូបនោះបានលើកឡើងថា លោកជ្រើសរើសធ្វើការនៅទីនេះ ដោយសារតែតំបន់សេដ្ឋកិច្ចពិសេស គឺជាគម្រោងដ៏សំខាន់មួយសម្រាប់ប្រទេសមួយ ដែលស្ថិតនៅតាមបណ្តោយគម្រោង ខ្សែក្រវ៉ាត់ និងផ្លូវរបស់ប្រទេសចិន។នេះបើយោងតាមការចុះផ្សាយឱ្យដឹង ដោយសារពត៌មានចិន People’s Daily កាលពីពេលថ្មីៗនេះ។ទីក្រុង Wuxi ក្នុងខេត្តJiangsu ភាគខាងកើតប្រទេសចិន និងខេត្តព្រះសីហនុ របស់កម្ពុជា បានប្តេជ្ញាចិត្តជាយូរមកហើយ ក្នុងការសាងសង់ តំបន់សេដ្ឋកិច្ចពិសេសក្រុងព្រះសីហនុ ដោយព្យាយាមប្រែក្លាយវាទៅជាមូលដ្ឋាន នៃការវិនិយោគឆ្លងព្រំដែន សម្រាប់បណ្តាសហគ្រាសនានាមកពីជុំវិញពិភពលោក។

ជាក់ស្តែង ក្រុមហ៊ុនចិនជាច្រើន បានចូលមកបណ្តាក់ទុនក្នុងតំបន់សេដ្ឋកិច្ចពិសេសក្រុងព្រះសីហនុ ដែលអាចបង្កើតការងារបានជិត៣ម៉ឺននាក់ ហើយក៏មានជនជាតិចិនជាង១ពាន់នាក់ ចូលមកធ្វើការនៅក្នុងតំបន់នេះផងដែរ។

តំបន់សេដ្ឋកិច្ចពិសេសក្រុងព្រះសីហនុ បានស្រូបទាញលំហូរនៃការវិនិយោគផ្ទាល់ពីប្រទេសចិន ក្នុងរយៈពេលប៉ុន្មានឆ្នាំថ្មីៗនេះ ដែលជាផ្នែកមួយ នៃគំនិតផ្តួចផ្តើមខ្សែក្រវ៉ាត់ និងផ្លូវ (BRI)។

លោក Yue Xiduo ដែលជានិស្សិតបញ្ចប់ការសិក្សានៅមហាវិទ្យាល័យ បានធ្វើការសម្រេចចិត្តធ្វើការ នៅក្នុងតំបន់សេដ្ឋកិច្ចពិសេសនេះ ដោយសារតែសារៈសំខាន់របស់តំបន់នេះ នៅក្នុងគំនិតផ្តួចផ្តើម BRI ។មូលដ្ឋានផលិតកម្ម ដែលលោកYue កំពុងធ្វើការ មានសមត្ថភាពផលិតសំបកកង់រថយន្ត ដឹកអ្នកដំណើរដែលមានសមត្ថភាពខ្ពស់ចំនួន៥លានគ្រាប់ ព្រមទាំងអាចផលិតសំបកកង់រថយន្ត ដឹកទំនិញ និងសំបកកង់រថយន្តក្រុង ដឹកអ្នកដំណើរចំនួន៩០ម៉ឺនគ្រាប់ក្នុងមួយឆ្នាំ៕

Cambodia makes 187 mln USD from rubber exports in H1

Cambodia exported 139,220 tons of dry rubber in the first half of 2023, up 2.72 percent from 135,537 tons over the same period last year, said a report from the General Directorate of Rubber on Wednesday.

The country made 187 million U.S. dollars in revenue from exports of the commodity during the January-June period this year, down 13.5 percent from 216.3 million dollars over the same period last year, the report said.

“A ton of dry rubber averagely cost 1,344 U.S. dollars during the first semester of 2023, about 252 dollars lower than that of the same period last year,” Him Oun, director general of the General Directorate of Rubber, said in the report.

The Southeast Asian nation exports the commodity mainly to Malaysia, Vietnam, Singapore, and China.

The report said Cambodia has so far planted rubber trees in a total area of 404,578 hectares, in which the trees on 315,332 hectares, or 78 percent, are old enough to be tapped.

Source: Xinhua

បណ្ដាធនាគាររដ្ឋធំៗនៃប្រទេសចិនសម្រុកលក់ចេញប្រាក់ដុល្លារ អាមេរិក ហើយទិញចូលប្រាក់យ័ន

ដោយៈ តែម សុខុម

ប៉េកាំងៈ ប្រភពច្បាស់ការបានទម្លាយឱ្យដឹងថា ធនាគាររដ្ឋធំៗរបស់ប្រទេសចិន កំពុងសម្រុកលក់ចេញប្រាក់ដុល្លារអាមេរិក ដើម្បីទិញចូលប្រាក់យ័ន ទាំងនៅទីផ្សារក្នុងស្រុក និងក្រៅប្រទេសនៅក្នុងការជួញដូរនៅអាស៊ី នាថ្ងៃអង្គារ ទី២៥ ខែកក្កដា នេះដើម្បីគាំទ្ររូបិយប័ណ្ណចិន។

ជាធម្មតាបណ្ដាធនាគាររដ្ឋនៃប្រទេសចិន ធ្វើការជួញដូរជួសមុខឱ្យធនាគារកណ្តាល នៅក្នុងទីផ្សារប្តូរប្រាក់បរទេស របស់ប្រទេសនេះ ប៉ុន្តែធនាគារទាំងនោះ ក៏អាចធ្វើការជួញដូរ ក្នុងនាមស្ថាប័នខ្លួនឯងបានផងដែរ។ការសម្រុកលក់ចេញប្រាក់ដុល្លារអាមេរិកនេះ បានកើតឡើង បន្ទាប់ពីមេដឹកនាំកំពូលៗនៃប្រទេសចិន បានសន្យាកាលពីថ្ងៃច័ន្ទ ទី២៤ កក្កដា ថា នឹងបង្កើនការគាំទ្រគោលនយោបាយ សម្រាប់សេដ្ឋកិច្ច ស្របពេលសេដ្ឋកិច្ចចិន ងើបឡើងយ៉ាងលំបាកក្រោយវិបត្តិកូវីដ-១៩ ដោយផ្តោតលើការជំរុញតម្រូវការក្នុងស្រុក និងផ្ដល់សញ្ញាដាក់ចេញវិធានការបន្ថែមទៀត ដើម្បីជំរុញកំណើនសេដ្ឋកិច្ច។

ក្រុមអ្នកបង្កើតគោលនយោបាយក៏លើកឡើងដែរថា ប្រទេសចិន នឹងរក្សាអត្រាប្តូរប្រាក់យ័នឱ្យនៅថេរ ជាមូលដ្ឋានក្នុងកម្រិតសមរម្យ និងមានតុល្យភាព ហើយបានប្តេជ្ញាថា នឹងធ្វើឱ្យទីផ្សារមូលធនមានភាពរឹងមាំ និងស្តារទំនុកចិត្តរបស់អ្នកវិនិយោគឡើងវិញ។អាជ្ញាធររូបិយវត្ថុរបស់ប្រទេសចិន កាលពីពេលថ្មីៗនេះបានបង្កើនកិច្ចខិតខំប្រឹងប្រែង ដើម្បីការពាររូបិយប័ណ្ណយ័ន ដែលធ្លាក់ចុះ។ កាលពីសប្តាហ៍មុន ក្រុមនិយ័តករបានបន្ធូរបន្ថយច្បាប់ ដើម្បីអនុញ្ញាតឱ្យក្រុមហ៊ុននានា ខ្ចីប្រាក់នៅបរទេសបន្ថែមទៀត ខណៈធនាគារកណ្ដាលចិនបាន និងកំពុងកំណត់អត្រាការប្រាក់យ៉ាងម៉ឺងម៉ាត់ជាជាងធ្វើការព្យាករទីផ្សារ៕ Reuters៕

First meeting on Thailand-EU free trade to be held in September

Department of Trade Negotiations (DTN) director-general Auramon Supthaweethum said on Wednesday that the Thai team involved in the negotiations had, on Tuesday, met Christophe Kiener, head of Unit for South and Southeast Asia, Australia and New Zealand, Directorate-General for Trade, European Commission.

The meeting aims to discuss preparations for the FTA negotiations, she said.The negotiations will be held three times, Auramon said, adding more meetings could be held if necessary.She explained that 19 negotiation teams have been set up based on factors, such as trade, rules of origin, customs procedures and trade facilitation, trade remedies, and technical trade barriers.

The EU will host the first meeting in Brussels, while Thailand will host the next in Bangkok in January next year. The third round would again return to Brussels in June next year.

Commerce Minister Jurin Laksanawisit and EU trade commissioner Valdis Dombrovskis agreed to kick off negotiations on a Thailand-EU FTA in March this year, aiming to reach a deal by 2025.Bilateral trade between Thailand and the EU in the first five months of this year totalled 599.36 billion baht (US$17.59 billion).

Thailand’s exports to the EU totalled 319.87 billion baht ($9.39 billion). Key export products include computers and its components, gems and jewellery, air-conditioners and its components, and rubber products.Thai imports from the EU last year totalled 279.46 billion baht ($8.20 billion). Major imports included machinery and its components, pharmaceuticals, chemicals, electrical machinery and its components.

Twitter អាចបាត់បង់តម្លៃរហូតដល់ទៅ២០ពាន់លានដុល្លារ ក្រោយក្រុមហ៊ុននេះប្ដូរឈ្មោះទៅ X

តែម សុខុម

ញូវយ៉ក: កាលពីចុងសប្តាហ៍កន្លងទៅ កំពូលមហាសេដ្ឋី Elon Musk បានសម្រេចប្ដូរឈ្មោះក្រុមហ៊ុនបណ្ដាញទំនាក់ទំនងសង្គម Twitter ទៅ “X” ហើយថា លោកនឹងលុបចោលឡូហ្គោរូបបក្សី និងរាល់ពាក្យពេចន៍ពាក់ព័ន្ធទាំងអស់រួមទាំងពាក្យថា “Tweet” ផងដែរ។

ក្រុមអ្នកវិភាគ និងទីភ្នាក់ងារម៉ាកយីហោ (Brand Agency) លើកឡើងថា ការផ្លាស់ប្តូរដ៏គួរឱ្យភ្ញាក់ផ្អើលរបស់លោក Elon Musk អាចធ្វើឱ្យក្រុមហ៊ុនបណ្ដាញទំនាក់ទំនងសង្គម Twitter បាត់បង់តម្លៃចន្លោះពី៤ពាន់លានដុល្លារ ទៅ២០ពាន់លានដុល្លារ។លោក Steve Susi នាយកផ្នែកទំនាក់ទំនងម៉ាកយីហោ (Brand Communication) នៅទីភ្នាក់ងារកសាងម៉ាកយីហោលំដាប់ពិភពលោក Siegel & Gale លើកឡើងថា “ដើម្បីរកបានភាគហ៊ុនច្រើនដល់ម៉្លឹងនៅទូទាំងពិភពលោក គឺត្រូវចំណាយពេលរហូតដល់១៥ឆ្នាំឡើងទៅ ដូច្នេះការបាត់បង់ម៉ាកយីហោ Twitter បង្កផលប៉ះពាល់ធ្ងន់ធ្ងរផ្នែកហិរញ្ញវត្ថុ”។

លោក Elon Musk ដែលក្រុមហ៊ុន Twitter របស់លោកបានធ្លាក់ចុះតម្លៃយ៉ាងខ្លាំងចាប់តាំងពីលោកបានទិញយកវាក្នុងតម្លៃ៤៤ពាន់លានដុល្លារក្នុងខែតុលា ឆ្នាំ២០២២ បានប្រកាសពីការផ្លាស់ប្តូរនេះកាលពីចុងសប្តាហ៍កន្លងទៅ។ក្រុមអ្នកវិភាគ និងទីភ្នាក់ងារកសាងម៉ាកយីហោបានចាត់ទុកការប្តូរឈ្មោះក្រុមហ៊ុន Twitter នេះថាជាកំហុសដ៏ធំ៕ Japan Times៕

លោកយិន លាងគង់ ប្រកាសគាំទ្រប្រសាសន៍សម្តេចតេជោ ហ៊ុន សែន និងគាំទ្រឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តីថ្មី នីតិកាលទី៧ នៃរដ្ឋសភា

(ភ្នំពេញ)៖ លោកយិន លាងគង់ ស្ថាបនិក និងអគ្គនាយកនៃគេហទំព័រProperty area និង Cambodia Financial Time រួមទាំងបុគ្គលិកទាំងអស់ សូមប្រកាសគាំទ្រទាំងស្រុង នូវសារនយោបាយ ពិសេសរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងប្រធានគណបក្សប្រជាជនកម្ពុជា ដែលបានថ្លែងនៅរសៀលថ្ងៃទី២៦ ខែកក្កដា ឆ្នាំ២០២៣ ក្នុងការរៀបចំឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្រ្តី សម្រាប់នីតិកាលទី៧ នៃរដ្ឋសភានេះ ហើយទន្ទឹមនឹងនេះ សូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់តួនាទីជា នាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភានេះ។

តាមរយៈសារនយោបាយពិសេសនេះ សម្តេចតេជោ ហ៊ុន សែន បានប្រកាសថា ឯកឧត្តមបណ្ឌិត ហ៊ុន ម៉ាណែត នឹងក្លាយជានាយករដ្ឋមន្ត្រីថ្មីនៅល្ងាចថ្ងៃទី២២ ខែសីហា ឆ្នាំ២០២៣ខាងមុខ។

យើងខ្ញុំទាំងអស់គ្នា សូមប្រកាសគាំទ្រទាំងស្រុងចំពោះការសម្រេចចិត្តដ៏ត្រឹមត្រូវរបស់សម្តេចតេជោ ហ៊ុន សែន និងសូមប្រកាសគាំទ្រទាំងស្រុងចំពោះឯកឧត្តមបណ្ឌិត ហ៊ុន ម៉ាណែត សម្រាប់កាន់តួនាទីជានាយករដ្ឋមន្រ្តីថ្មី សម្រាប់អាណត្តិទី៧នេះ ដើម្បីបន្តដឹកនាំប្រទេសកម្ពុជា ពង្រឹងសុខសន្តិភាពកាន់តែរឹងមាំ, ប្រទេសជាតិកាន់តែមានការអភិវឌ្ឍរីកចំរើន និងមានមោទនភាព ហើយប្រជាជនកាន់តែមានជីវភាពធូរធារ និងរស់នៅប្រកបដោយសេចក្តីសុខសាន្តបន្តទៀត។ក្នុងឱកាសដ៏ប្រសើរថ្លៃថ្លានេះ យើងខ្ញុំទាំងអស់គ្នា សូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សា ការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, ឯកឧត្តមបណ្ឌិត ហ៊ុន ម៉ាណែត និងលោកជំទាវព្រមទាំងបុត្រា បុត្រី ចៅប្រុស ចៅស្រី។

សូមសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន, លោកបណ្ឌិត ហ៊ុន ម៉ាណែត ព្រមទាំងបុត្រា បុត្រី ចៅប្រុស ចៅស្រី បានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

ឱកាសការងារចំនួន ៩៩៩កន្លែង នឹងផ្តល់ជូនក្នុងវេទិការការងារនៅស្អែកនេះ

ភ្នំពេញ៖ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហការជាមួយសហភាពសហព័ន្ធយុវជនកម្ពុជាវិស័យការងារ និងបណ្តុះបណ្តាលវិជ្ជាជីវៈ នាថ្ងៃទី២៧ ខែកក្កដាស្អែកនេះ នឹងរៀបចំកម្មវិធី “វេទិកាការងារ” ដែលនឹងផ្តល់ឱកាសការងារថ្មីបន្ថែមទៀតចំនួន ៩៩៩កន្លែង សម្រាប់អ្នកកំពុងស្វែងរកការងារធ្វើ។នៅក្នុងបណ្តាញសង្គម នៅព្រឹកថ្ងៃទី២៦ ខែកក្កដា ឆ្នាំ២០២៣នេះ ទីភ្នាក់ងារជាតិមុខរបរ និងការងារ បានបញ្ជាក់ថា ក្រុមហ៊ុនធំទាំង៧ ដែលនឹងចូលរួមជ្រើសរើសបុគ្គលិកក្នុងវេទិកាការងារនោះ រួមមាន៖ ផ្សារទំនើប ម៉ាក្រូ ,ក្រុមហ៊ុនប៉ាតេ ពុក,ក្រុមហ៊ុន BS Land&Home, ក្រុមហ៊ុន IK ,ធនាគារឯកទេស អ៊ីអន, ធនាគារ កាថេ យូណៃធីត និងក្រុមហ៊ុន JACCS។

ចំពោះសិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្តូរការងារអាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយ អ្នកតំណាងក្រុមហ៊ុនទាំងនោះបាន ចាប់ពីម៉ោង ៨ព្រឹក ដល់ម៉ោង ៥ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។ វេទិកាការងារនេះដែរ ក៏នឹងត្រូវបានអនុវត្តយ៉ាងម៉ត់ចត់នូវវិធានការណ៍បង្ការអនាម័យ ស្របតាមការណែនាំរបស់ក្រសួងសុខាភិបាល ៣ការពារ ៣កុំ ដើម្បីទប់ស្កាត់ការឆ្លង និងរីករាលនៃជំងឺ កូវីដ-១៩ ដើម្បីអាចធានាបាននូវសុវត្ថិភាព និងទំនុកចិត្តក្នុងការជ្រើសរើសកម្លាំងពលកម្ម និងទទួលបានឱកាសការងារ សម្រាប់ភាគីនិយោជក និងអ្នកស្វែងរកការងារ៕

1...849850851...3,255 Page 850 of 3,255