China removes Qin Gang as foreign minister after month-long absence

Qin Gang, who has not been seen in public since June, has been removed as the country’s foreign minister, state broadcaster CCTV reports.

The abrupt announcement of Qin’s removal came after weeks of speculation about his fate. His absence has dominated domestic political discussions, and evolved into one of the biggest crises for Chinese President Xi Jinping since his unprecedented third term began last year.

CCTV’s short statement said Wang Yi, who outranks Qin and serves as Xi’s top foreign policy aide, is the new foreign minister. Wang, the director of the Office of the Central Foreign Affairs Commission, has been standing in as foreign minister for the past few weeks.

He has been attending a series of diplomatic activities including the Brics summit under way in South Africa and meetings with former US secretaries of state Henry Kissinger and John Kerry in China last week.

Wang was China’s foreign minister in Xi’s first and second term before Qin was promoted in December. The decision to remove Qin from his post was made at a special session of the National People’s Congress Standing Committee, which took place one day after the top decision-making body, the Politburo, convened on Monday.

According to rules updated in June last year, the NPC Standing Committee holds a session once every two months, but in practice, usually holds them near the end of even-numbered months. An interim session for special cases can be scheduled by the committee’s chairman.

Qin’s removal as foreign minister is in line with the Organic Law of the National People’s Congress, which came into effect in March 2021. The rule empowers the Standing Committee rather than a national congress to appoint or remove from office some members of the State Council.

Qin was last seen in public during a meeting of senior diplomats from Russia, Vietnam and Sri Lanka on June 25, according to China’s foreign ministry.

Source: SCMP

សម្តេចតេជោ ហ៊ុន សែន ប្រកាសថា សម្តេចមិនបន្តតំណែងជានាយករដ្ឋមន្ត្រីក្នុងអាណត្តិថ្មីនោះឡើយ

(ភ្នំពេញ)៖ សម្តេចតេជោ ហ៊ុន សែន ប្រកាសថា សម្តេចមិនបន្តតំណែងជានាយករដ្ឋមន្ត្រីក្នុងអាណត្តិថ្មីនោះឡើយ នេះបើយោងតាមប្រសាសន៍សម្តេចតេជោ ហ៊ុន សែន នារសៀលថ្ងៃទី២៦ ខែកក្កដា ឆ្នាំ២០២៣។
សម្តេចតេជោ បានថ្លែងថា ការដែលសម្តេចប្រញាប់ប្រញាល់លាឈប់ពីតំណែងជានាយករដ្ឋមន្ត្រីនេះ គឺជាការរៀបចំទុកជាមុនសម្រាប់ការរក្សាស្ថេរភាពរយៈពេលវែង ដែលជាមូលដ្ឋានគ្រឹះសម្រាប់ការអភិវឌ្ឍន៍។
សម្តេចតេជោ ហ៊ុន សែន បានថ្លែងថា ការចូលកាន់តំណែងរបស់លោក ហ៊ុន ម៉ាណែត ជានាយករដ្ឋមន្ត្រី មិនបានរំលងនីតិវិធីទាំងឡាយនោះឡើយ។

សម្តេចតេជោ ហ៊ុន សែន បានថ្លែងថា ក្រោយពេលសម្តេចលាឈប់ពីរាជរដ្ឋាភិបាល សម្តេចនឹងត្រូវព្រះមហាក្សត្រត្រាស់បង្គាប់តែងតាំងជាប្រធានឧត្តមក្រុមប្រឹក្សាព្រះមហាក្សត្រ។
សម្តេចតេជោ ហ៊ុន សែន បានថ្លែងថា សម្តេចក៏នឹងត្រូវក្លាយទៅជាប្រធានព្រឹទ្ធសភាជំនួសសម្តេច សាយ ឈុំ ក្រោយការបោះឆ្នោតព្រឹទ្ធសភានាថ្ងៃទី២៥ ខែកុម្ភៈ ឆ្នាំ២០២៤។
សម្តេចតេជោ ហ៊ុន សែន បានថ្លែងថា សម្តេចមិនជ្រៀតជ្រែកការងាររបស់លោក ហ៊ុន ម៉ាណែត ក្នុងឋានៈជានាយករដ្ឋមន្ត្រីនោះឡើយ។
សម្តេចតេជោ ហ៊ុន សែន បានថ្លែងថា លោក ហ៊ុន ម៉ាណែត នឹងក្លាយជានាយករដ្ឋមន្ត្រីក្នុងរយៈពេលប្រមាណជា៣សប្តាហ៍ទៀតប៉ុណ្ណោះ។

គម្រោងអភិវឌ្ឍដ៏ធំមួយកំពុងលេចរូបរាងនៅកណ្តាលរាជធានីភ្នំពេញ

ដោយ: គង់ លាងហួរ
ភ្នំពេញ: គម្រោងអភិវឌ្ឍខុនដូដ៏ធំមួយស្ថិតនៅតាមបណ្តោយមហាវិថី៦០ម៉ែត្របាននិងកំពុងបង្កើតសកម្មភាពចម្រុះប្រចាំសប្តាហ៍។

យោងតាមសេចក្តីប្រកាសពត៌មានរបស់គម្រោងនេះបានឱ្យដឹងថា អ្នករៀបចំគម្រោងបានធ្វើការសាងសង់ និងកែលំអអាងហែលទឹក ដើម្បីធ្វើឱ្យការរស់នៅរបស់អ្នករស់នៅក្នុងខុនដូកាន់តែមានភាពប្រសើរឡើង ក្នុងការសម្រាកលំហែ និងបន្ធូរអារម្មណ៍។ក្រុមហ៊ុនបញ្ជាក់ទៀតថា ជាមួយនឹងលក្ខណៈពិសេស និងការរចនាថ្មី អាងហែលទឹករបស់យើងគឺជាកន្លែងដ៏ល្អឥតខ្ចោះសម្រាប់ការហែលទឹកកម្សាន្ត និងទទួលយកបទពិសោធន៍ថ្មីនៃការរស់នៅដ៏ប្រណីតភាព។

ក្រុមហ៊ុនដែលរៀបចំគម្រោងនេះបានអះអាងទៀតថា “យើងមានសេចក្តីសោមនស្សរីករាយក្នុងការផ្តល់ជូននូវភាពប្រសើរឡើងដល់សហគមន៍របស់យើង ហើយយើងមានការជឿជាក់ថា វានឹងធ្វើឱ្យជីវិតរស់នៅទីនេះកាន់តែរីករាយសម្រាប់អ្នករស់នៅរបស់យើងទាំងអស់”។បន្ថែមពីនេះ សកម្មភាពចម្រុះខាងលើក៏មានការរៀបចំជាព្រឹត្តិការណ៍ប្រដាល់សេរីផងដែរ។ជាក់ស្តែង ប្រសិនបើអ្នកជាអ្នកគាំទ្រសិល្បៈក្បាច់គុន អ្នកនឹងមិនចង់ខកខានព្រឹត្តិការណ៍ប្រដាល់សេរី របស់ Cambodia Interclub Martial Arts! នោះទេហើយអ្នកក៏អាចរីករាយពេលរាត្រីជាមួយឌីជេ ការសម្តែង អាហារឆ្ងាញ់ៗ ស្រាបៀរ និងស្រាក្រឡុកផងដែរ។

ជាពិសេស អ្នកក៏អាចជួបជាមួយអ្នកសិល្បៈក្បាច់គុនដ៏មានទេពកោសល្យនៅកម្ពុជាជាច្រើននាក់នៅក្នុងសហគមន៍របស់យើងនាថ្ងៃសៅរ៍ខាងមុខនេះផងដែរ។កម្មវិធីនេះនឹងត្រូវរៀបចំឡើងចាប់ពីម៉ោង៤រសៀល រហូតដល់ម៉ោង១០យប់ ស្របតាមកាលបរិច្ឆេទនា៖ ថ្ងៃទី២៩ ខែកក្កដា ឆ្នាំ២០២៣ និងមានទីតាំងស្ថិតនៅ Urban Village & Factory Phnom Penh និងចំណតរថយន្ត : ខុនដូ Urban Village ៕
ទំនាក់ទំនងទូរស័ព្ទលេខ:078959567/086485566

ADBអនុម័តកម្ចី ៤០ លានដុល្លារ សម្រាប់កំណែទម្រង់សំខាន់ៗក្នុងការផ្តល់សេវានៅកម្ពុជា

ដោយ៖សហការី
ភ្នំពេញ៖ធនាគារអភិវឌ្ឍន៍អាស៊ី (ADB) បានអនុម័តប្រាក់កម្ចីផ្អែកលើគោលនយោបាយចំនួន ៤០ លានដុល្លារដើម្បីគាំទ្រដល់កិច្ចខិតខំប្រឹងប្រែង របស់រាជរដ្ឋាភិបាល កម្ពុជា ក្នុងការពង្រឹងបន្ថែម ការផ្តល់សេវាសាធារណៈដោយរដ្ឋបាលមូលដ្ឋាន តាមរយៈ កំណែ ទម្រង់ជាបន្តបន្ទាប់ក្នុងវិស័យហិរញ្ញវត្ថុសាធារណៈនិងវិមជ្ឈការ។ នេះបើ យោងតាមសេចក្តីប្រកាសពត៌មានរបស់ADBនាថ្ងៃទី២៦ខែកក្កដា។

កម្ចីកម្មវិធីរងទីពីរ និងចុងក្រោយ ក្រោមកម្មវិធីអភិវឌ្ឍន៍វិស័យសេវាសាធារណៈនិងការគ្រប់គ្រង ហិរញ្ញវត្ថុដែលបានធ្វើវិមជ្ឈការ លើកទីពីរនេះនឹងបញ្ចប់កំណែទម្រង់ ជាបន្តបន្ទាប់ដើម្បីពង្រឹងតួនាទី និង សមត្ថភាព របស់រដ្ឋបាលមូលដ្ឋាន ក្នុងការផ្តល់សេវាសាធារណៈប្រកបដោយប្រសិទ្ធភាព។កំណែទម្រង់ ក្រោមកម្មវិធីរង ទីពីរនេះ ត្រូវបានរៀបចំឡើងដើម្បី ពង្រឹងការធ្វើផែនការនិងរៀបចំថវិកា ការគ្រប់គ្រងចំណូលនិងចំណាយនិងសមត្ថភាពបុគ្គលិកនៅកម្រិតរដ្ឋបាលមូលដ្ឋានដើម្បីផ្តល់សេវាកម្ម ប្រសើរឡើង,លើកកម្ពស់ការធ្វើផែនការរដ្ឋាភិបាលមូលដ្ឋាន, និង កែលម្អលទ្ធភាពទទួលបានសេវាសាធារណៈរបស់ ប្រជាពលរដ្ឋ។

នាយិកា ធនាគារអភិវឌ្ឍន៍អាស៊ីប្រចាំប្រទេសកម្ពុជា លោកស្រី Jyotsana Varma មាន ប្រសាសន៍ថា«កំណែទម្រង់ និងដំណោះស្រាយឌីជីថលដែលត្រូវបាន អនុវត្តក្នុងកម្មវិធីនេះនឹងជួយតម្រង់ផែនការ កម្រិតមូលដ្ឋាន ជាមួយនឹងថវិកាជាតិនិងខេត្តសម្រាប់ការផ្តល់សេវាសាធារណៈនៅមូលដ្ឋាន ប្រកបដោយប្រសិទ្ធភាពនិង សមធម៌ ដូចជាការទទួលបានទឹកស្អាតអនាម័យ និង ការអប់រំជាដើម។វិធានការ ដែលអនុវត្តក្នុងកម្មវិធីនេះក៏នឹងជំរុញការចូលរួមរបស់ស្ត្រីក្នុងការធ្វើសេចក្តីសម្រេចចិត្តក្នុងកម្រិត មូលដ្ឋានផងដែរ។»កម្មវិធីនេះបង្កើតឡើងផ្អែកលើមូលដ្ឋាននៃការគាំទ្រយូរអង្វែងរបស់ADBលើកំណែទម្រង់វិមជ្ឈ ការ ក្នុងប្រទេសកម្ពុជា រួមទាំងការបង្កើតគោលនយោបាយនិងក្របខ័ណ្ឌ បទប្បញ្ញត្តិសម្រាប់ដំណើរការ វិមជ្ឈការ ក៏ដូចជាការគាំទ្រក្នុងការពង្រឹងនិងគ្រប់គ្រងប្រាក់ចំណូលនៅថ្នាក់ក្រោមជាតិ។ ADBបានជួយបង្កើតការិយាល័ សេវាច្រកចេញ ចូលតែមួយ សម្រាប់ការផ្តល់សេវាដែលឆ្លើយតបនឹងតម្រូវការក៏ដូចជា ការិយាល័យភ្នាក់ងារស៊ើបអង្កេតបណ្តឹងតវ៉ា ដើម្បីត្រួតពិនិត្យភាពប្រសើរឡើងនៃ វិសាលភាព
និងគុណ ភាព នៃសេវាកម្មដែលបានផ្តល់។

កម្មវិធីរងទីពីរនេះផ្តោតលើ ការពង្រឹងការសម្របសម្រួលការផ្តល់សេវាដែលឆ្លើយតបនឹងតម្រូវការនិងប្រកបដោយគណនេយ្យភាព និងការលើកកម្ពស់ការគ្រប់គ្រង ចំណូលនិងចំណាយ ដើម្បីបំពេញតម្រូវការនៅថ្នាក់រដ្ឋាភិបាលមូលដ្ឋាន។ វានឹងធ្វើឱ្យស៊ីជម្រៅបន្ថែមទៀតនូវកំណែទម្រង់ ដែលត្រូវបានអនុម័តក្រោមកម្មវិធីរង ទីមួយ ដែលមានគោលបំណងអភិវឌ្ឍជំនាញរដ្ឋបាលសាធារណៈ និងសមត្ថភាពសម្រាប់មន្ត្រីរដ្ឋបាលមូលដ្ឋាន តាមរយៈដំណើរការនៃសាលាជាតិ រដ្ឋបាលមូលដ្ឋាន។
ADB គឺជាដៃគូរបស់កម្ពុជាក្នុងការគាំទ្រកំណែទម្រង់លើការគ្រប់គ្រងហិរញ្ញវត្ថុសាធារណៈនិងវិមជ្ឈការចាប់តាំងពីឆ្នាំ២០០២ដោយសង្កត់ធ្ងន់ លើការបន្តគោលនយោបាយ ដើម្បីធ្វើឱ្យស៊ីជម្រៅ ទាំងវិធានការវិមជ្ឈការផ្នែករដ្ឋបាលនិងសារពើពន្ធសម្រាប់ ការកែលម្អការផ្តល់សេវា ការអភិវឌ្ឍសេដ្ឋកិច្ច មូលដ្ឋាន
និងការកាត់បន្ថយភាពក្រីក្រ។ កម្ចីកម្មវិធីថ្មីនេះគឺស្របតាមយុទ្ធសាស្ត្រភាពជាដៃគូប្រចាំប្រទេសរបស់ADB សម្រាប់កម្ពុជាឆ្នាំ ២០១៩-២០២៣៕

ប្រទេសថៃ និងអឺរ៉ុបនឹងរៀបចំកិច្ចប្រជុំលើកដំបូងស្តីពីកិច្ចព្រមព្រៀងពាណិជ្ជកម្មសេរីនៅខែកញ្ញាខាងមុខ

ដោយ: គង់ លាងហួរ

អន្តរជាតិ: កិច្ចប្រជុំលើកដំបូង ឆ្ពោះទៅរកកិច្ចព្រមព្រៀងពាណិជ្ជកម្មសេរី (FTA) រវាងប្រទេសថៃ និងសហភាពអឺរ៉ុប (EU) គ្រោងរៀបចំ ធ្វើឡើងនៅខែកញ្ញាខាងមុខ នៅទីក្រុងប្រ៊ុចសែល។

លោកស្រី Auramon Supthaweethum អគ្គនាយកនៃនាយកដ្ឋានចរចាពាណិជ្ជកម្មថៃ (DTN) បានមានប្រសាសន៍ថា កិច្ចប្រជុំនេះមានគោលបំណងពិភាក្សា អំពីការរៀបចំសម្រាប់ការចរចា កិច្ចព្រមព្រៀង FTA ។

លោកស្រីបានអះអាងថា “ការចរចានឹងត្រូវធ្វើឡើងចំនួន៣ដង ប៉ុន្តែ ការប្រជុំជាច្រើនដងលើសពីនេះ អាចនឹងត្រូវបានធ្វើឡើងបន្ថែមទៀត ប្រសិនបើមានភាពចាំបាច់”។លោកស្រីបានពន្យល់ថា ក្រុមចរចាចំនួន១៩ ត្រូវបានបង្កើតឡើងដោយផ្អែកលើកត្តាដូចជា ពាណិជ្ជកម្ម ច្បាប់ប្រភពដើម នីតិវិធីគយ និងការសម្របសម្រួលពាណិជ្ជកម្ម មធ្យោបាយដោះស្រាយពាណិជ្ជកម្ម និងរបាំងពាណិជ្ជកម្មបច្ចេកទេស។សហភាពអឺរ៉ុប នឹងធ្វើជាម្ចាស់ផ្ទះ កិច្ចប្រជុំលើកដំបូងនៅទីក្រុងប្រ៊ុចសែល ខណៈដែលប្រទេសថៃ នឹងធ្វើជាម្ចាស់ផ្ទះបន្ទាប់នៅទីក្រុងបាងកក ក្នុងខែមករាឆ្នាំ២០២៤។ ចំំណែកឯការប្រជុំលើកទី៣ នឹងរៀបចំនៅទីក្រុងប្រ៊ុចសែលវិញ ក្នុងខែមិថុនា ឆ្នាំ២០២៤។រដ្ឋមន្ត្រីក្រសួងពាណិជ្ជកម្មថៃ លោក Jurin Laksanawisit និងស្នងការពាណិជ្ជកម្ម EU លោក Valdis Dombrovskis បានព្រមព្រៀងគ្នា ចាប់ផ្តើមការចរចាស្តីពីកិច្ចព្រមព្រៀង FTA ថៃ-សហភាពអឺរ៉ុបកាលពីខែមីនាឆ្នាំនេះ ក្នុងគោលបំណងសម្រេចឈាន ដល់កិច្ចព្រមព្រៀងមួយនៅឆ្នាំ២០២៥។នៅក្នុងរយៈពេល៥ខែដំបូង ឆ្នាំ២០២៣នេះ ពាណិជ្ជកម្មទ្វេរភាគីរវាងប្រទេសថៃ និងសហភាពអឺរ៉ុបសម្រេច បានទំហំទឹកប្រាក់ចំនួន៥៩៩,៣៦ពាន់លានបាត (ប្រហែល១៧,៥៩ពាន់លានដុល្លារ)៕

តើកម្ពុជាមានតំបន់ការពារធនធានធម្មជាតិប៉ុន្មាន?

ដោយៈ ជេស៊ីកា

ភ្នំពេញៈ តើបច្ចុប្បន្ននេះកម្ពុជា មានតំបន់ការពារធនធានធម្មជាតិប៉ុន្មាន ហើយមានផ្ទៃដីស្មើនឹងប៉ុន្មានភាគរយ នៃផ្ទៃដីរបស់ប្រទេសកម្ពុជាទាំងមូល?។

តំបន់ការពារធនធានធម្មជាតិ គឺជាដែនដីសម្បត្តិសាធារណៈរបស់រដ្ឋ រួមមាន ដែនដីគោក ឬដែនទឹក រួមទាំងឆ្នេរសមុទ្រ និងសមុទ្រ ស្ថិតនៅក្នុងតំបន់ដែលទទួលស្គាល់ ដោយបញ្ញត្តិនៃច្បាប់ ឬតំបន់ដែលបង្កើតថ្មី ក្នុងដែនសមត្ថកិច្ចរបស់ក្រសួងបរិស្ថាន ដែលធានាបាននូវការការពារប្រភេទសត្វព្រៃ និងរុក្ខជាតិសំខាន់ៗ ក៏ដូចជាសហគមន៍ធម្មជាតិ។

សំណួរសួរថា តើបច្ចុប្បន្ននេះ កម្ពុជាមានតំបន់ការពារធនធានធម្មជាតិប៉ុន្មានកន្លែង ហើយមានវិសាលភាពសរុប ស្មើនឹងប៉ុន្មានភាគរយនៃផ្ទៃដីប្រទេសទាំងមូល?។

លោកនេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានឱ្យដឹងកាលពីពេលថ្មីៗនេះថា រហូតមកដល់ឆ្នាំ២០២១នេះ កម្ពុជាមានតំបន់ការពារធនធានធម្មជាតិចំនួន៧៣ ដែលមានផ្ទៃដីសរុប ៧,២៩៧,៣១៤ ហិកតា ស្មើនឹង៤១% នៃផ្ទៃដីប្រទេសកម្ពុជាទាំងមូល។
តំបន់ការពារធនធានធម្មជាតិចំនួន៧៣នេះ គឺស្ថិតនៅក្នុងប្រភេទតំបន់ការពារធំៗចំនួន៨ រួមមាន

ទី១ តំបន់ឧទ្យានជាតិ
តំបន់ឧទ្យានជាតិនេះមានចំនួន១១ តំបន់ផ្សេងៗគ្នា និងមានផ្ទៃដីសរុប១,៧១៧,៦១៤ ហិកតា រួមមាន ឧទ្យានជាតិកែប ឧទ្យានជាតិព្រះមុនីវង្ស”បូកគោ” ឧទ្យានជាតិព្រះសុរាម្រិត-កុសមៈ”គិរីរម្យ” ឧទ្យានជាតិសីហនុ-រាម ឧទ្យានជាតិបុទុមសាគរ ឧទ្យានជាតិព្រះជ័យវរ្ម័ន-នរោត្តម “ភ្នំគូលែន” ឧទ្យានជាតិវីរជ័យ ឧទ្យានជាតិវើនសៃ-សៀមប៉ាង ឧទ្យានជាតិអូរយ៉ាដាវ ឧទ្យានជាតិជួរភ្នំក្រវាញកណ្តាល និងឧទ្យានជាតិជួរភ្នំក្រវាញខាងត្បូង។តំបន់ឧទ្យានជាតិទាំងនេះ សម្បូរទៅដោយសត្វព្រៃកម្រជាច្រើនប្រភេទ និងសម្បត្តិទៅដោយព្រៃស្រោង ព្រៃរបោះ និងជាតំបន់ទាក់ទាញភ្ញៀវទេសចរឱ្យចូលទស្សនាបានយ៉ាងច្រើនផងដែរ។

ទី២ តំបន់ដែនជម្រកសត្វព្រៃ
តំបន់ដែនជម្រកសត្វព្រៃ ត្រូវបែងចែកជា១៩ តំបន់ផ្សេងៗគ្នា និងមានផ្ទៃដីសរុប៣,៤៣៣,៣៣៦ ហិកតា រួមមាន ដែនជម្រកសត្វព្រៃឱរ៉ាល់ ដែនជម្រកសត្វព្រៃពាមក្រសោប ដែនជម្រកសត្វព្រៃភ្នំសំកុស ដែនជម្រកសត្វព្រៃគូលែន-ព្រហ្មទេព ដែនជម្រកសត្វព្រៃបឹងពែរ ដែនជម្រកសត្វព្រៃលំផាត់ ដែនជម្រកសត្វព្រៃភ្នំព្រេច ដែនជម្រកសត្វព្រៃភ្នំណាមលៀរ ដែនជម្រកសត្វព្រៃព្រៃឡង់ ដែនជម្រកសត្វព្រៃព្រះរកា ដែនជម្រកសត្វព្រៃឆែប ដែនជម្រកសត្វព្រៃតាតៃ ដែនជម្រកសត្វព្រៃកែវសីមា ដែនជម្រកសត្វព្រៃស្រែពក ដែនជម្រកសត្វព្រៃភ្នំត្នោត-ភ្នំពក ដែនជម្រកសត្វព្រៃសង្ឃរុក្ខវ័ន្ត ដែនជម្រកសត្វព្រៃព្រែកប្រសព្វ ដែនជម្រកសត្វព្រៃសំបូរ និងដែនជម្រកសត្វព្រៃសៀមប៉ាង។

តំបន់ដែនជម្រកសត្វព្រៃទាំងនេះ សម្បូរទៅដោយប្រភេទសត្វព្រៃជិតផុតពូជ សត្វព្រៃកម្រ សត្វព្រៃរងការគំរាមកំហែង ពពួកមច្ឆាជាតិជិតផុតពូជ និងកម្រ ព្រមទាំងជាជម្រកសត្វព្រៃ និងជីវចម្រុះជាច្រើនប្រភេទ ពិសេសសម្បូរទៅដោយធនធានធម្មជាតិ ព្រៃស្រោង និងព្រៃរបោះជាដើម។

ទី៣ តំបន់ទេសភាព
តំបន់ទេសភាព ត្រូវបែងចែកជា១៣តំបន់ផ្សេងៗគ្នា និងមានផ្ទៃដីសរុប១៥៣,៦០៤ ហិកតា រួមមាន តំបន់រមណីយដ្ឋានអង្គរ តំបន់បន្ទាយឆ្មារ តំបន់ព្រះវិហារ តំបន់អង្លង់ព្រីង តំបន់ទំនាបខាងជើងទន្លេសាប តំបន់បឹងព្រែកល្ពៅ តំបន់អាងត្រពាំងថ្ម តំបន់ប្រាសាទបាកាន “ព្រះខ័នកំពង់ស្វាយ” តំបន់រនាមដូនសំ តំបន់សំបូរព្រៃគុក តំបន់បឹងលំកុដ តំបន់ភ្នំក្រាំងដីមាស និងតំបន់បឹងយ៉ាកអោម-យ៉ាកការ៉ា។ សម្រាប់តំបន់ទេសភាពនេះ គឺសម្បូរទៅដោយប្រាង្គប្រាសាទបុរាណ សម្បត្តិបេតិកភណ្ឌវប្បធម៌ ព្រៃឈើ និងធនធានធម្មជាតិជាច្រើនទៀត។

ទី៤ តំបន់ប្រើប្រាស់ច្រើនយ៉ាង
តំបន់ប្រើប្រាស់ច្រើនយ៉ាង ត្រូវបែងចែកជា៨ តំបន់ផ្សេងៗគ្នា និងមានផ្ទៃដីសរុប៤១៥,៧៩៦ ហិកតា រួមមាន តំបន់ដងព្រែក តំបន់សំឡូត តំបន់ទន្លេសាប តំបន់ពញាក្រែក តំបន់ព្រែកទឹកសាបក្បាលឆាយ តំបន់ភ្នំនាងកង្រី-ភ្នំទូកមាស តំបន់សសរស្តម្ភសត្វតោ និងតំបន់បឹងយក្ខឡោម។

ទី៥ តំបន់រ៉ាមសារ
តំបន់រ៉ាមសារ ត្រូវបែងចែកជា៥តំបន់ និងមានផ្ទៃដីទំហំសរុប ៦០,៩៩៥ហិកតា រួមមាន តំបន់ស្ទឹងត្រែង តំបន់កោះកាពិ បឹងទន្លេឆ្មារ តំបន់ព្រែកទាល់ និងតំបន់ស្ទឹងសែន។

ទី៦ តំបន់ស្នូលនៃបឋនីយជីវមណ្ឌល

តំបន់ស្នូលនៃបឋនីយជីវមណ្ឌលនេះ ត្រូវបែងចែកជា ៣ តំបន់ផ្សេងៗគ្នា និងមានផ្ទៃសរុប៤២,២៥៧ ហិកតា រួមមាន តំបន់ព្រែកទាល់ តំបន់ស្ទឹងសែន និងតំបន់បឹងទន្លេឆ្មារ។

ទី៧ តំបន់បេតិកភណ្ឌធម្មជាតិ

តំបន់បេតិកភណ្ឌធម្មជាតិនេះត្រូវបែងចែកជា ១១ តំបន់ផ្សេងៗគ្នា និងមានផ្ទៃដីសរុប ៣៣,៩៥១ ហិកតា រួមមាន តំបន់ភ្នំត្បែង តំបន់ភ្នំយ៉ាត តំបន់ភ្នំប្រាំពីរ តំបន់ជញ្ជាំង តំបន់គិរីយង់ តំបន់ភ្នំទាក់ទ្រាំង តំបន់ភ្នំព្រះនេត្រព្រះ តំបន់ភ្នំព្រះ-ភ្នំវែង តំបន់ភ្នំយាយសំ តំបន់ភ្នំបាក់ និងតំបន់ភ្នំស្វាយ។

ទី៨ តំបន់ឧទ្យានសមុទ្រ

តំបន់ឧទ្យានសមុទ្រនេះ មានផ្ទៃដីសរុប៥២,៤៤៨ ហិកតា គឺតំបន់សមុទ្រកោះរ៉ុង។ ក្រៅពីនេះ ក៏នៅមានតំបន់អភិរក្សទឹកសាបបឹងព្រែកទប់ ដែលមានផ្ទៃដីសរុប ១,៦៣០ ហិកតា និងរបៀងអភិរក្សជីវចម្រុះដែលមានផ្ទៃដីសរុប ១៤២,៧៩៤០ ហិកតា។

ការបង្កើតឱ្យមានតំបន់ការពារទាំងអស់នេះ របស់រាជរដ្ឋាភិបាល គឺក្នុងគោលបំណងកែប្រែតំបន់នានា ឱ្យក្លាយទៅជាតំបន់បេតិកភណ្ឌធម្មជាតិភ្នំ លើកស្ទួយតម្លៃទៅលើប្រវត្តិសាស្ត្រ វប្បធម៌ ការអភិរក្ស ជីវចម្រុះ លើកស្ទួយជីវភាពប្រជាពលរដ្ឋ និងវិស័យទេសចរណ៍នៅតំបន់ទាំងនោះ។

លោកនេត្រ ភក្ត្រា បានបញ្ជាក់ទៀតថា ជាមួយកិច្ចខិតខំប្រឹងប្រែងការពារ និងអភិរក្សបានល្អ ក្រុមហ៊ុនបរទេសធំបានទិញឥណទានកាបូនពីកម្ពុជា។ ចាប់តាំងពីឆ្នាំ២០១៦មក កម្ពុជាបានលក់ឥណទានកាបូន ក្នុងទីផ្សារស្ម័គ្រចិត្តបានថវិកា១១.៦ លានដុល្លារអាមេរិក ដើម្បីយកមកពង្រឹងការងារការពារ និងអភិរក្សព្រៃឈើ និងអភិវឌ្ឍសហគមន៍មូលដ្ឋាន បង្កើតមុខរបរ និងប្រាក់ចំណូលជូនប្រជាសហគមន៍ កសាងជារបងការពាររឹងមាំ ការពារតំបន់ការពារធម្មជាតិផងដែរ៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

ក្រុមអ្នកជំនាញជើងចាស់លើកឡើងពីដំណោះស្រាយដើម្បីរកច្រកចេញពីវិបត្តិអចលនទ្រព្យនៅកម្ពុជា

ដោយៈ ជេស៊ីកា

ភ្នំពេញៈ ស្របពេលវិស័យអចលនវត្ថុ និងសំណង់នៅកម្ពុជាកំពុងជួបផលលំបាក អ្នកជំនាញជើងចាស់ក្នុងវិស័យនេះ បានលើកឡើងនូវគំនិតមួយចំនួន ដើម្បីដោះស្រាយបញ្ហានេះ។

វិស័យនេះ បាននិងកំពុងជួបបញ្ហាប្រឈមជាច្រើន ដោយសារវិបត្តិជំងឺកូវីដ១៩ និងការអូសបន្លាយនៃសង្រ្គាមរវាងរុស្ស៊ី និងអ៊ុយក្រែនដែលបានធ្វើឲ្យសេដ្ឋកិច្ចពិភពលោក កំពុងងើបឡើងវិញយឺតៗ និងស្ថិតក្នុងសញ្ញាមិនច្បាស់លាស់។

អគ្គនាយកក្រុមហ៊ុនR- Investment Group លោកឧកញ៉ាបណ្ឌិតតេង រិទ្ឋីបានមានប្រសាសន៍ឲ្យដឹង តាមបណ្តាញតេឡេក្រាមកាលពីល្ងាចថ្ងៃទី២៥ កក្កដាថា ការដោះស្រាយបញ្ហានេះ ទាមទារនូវយន្តការសំខាន់ៗចំនួនបីដូចជា ទី១ ការចូលរួមរបស់រដ្ឋាភិបាល ដែលត្រូវតែមានដំណោះស្រាយ និងជួយដល់ផ្តល់នូវលក្ខខ័ណ្ឌល្អដូចជាការ អនុគ្រោះលើឯកសារច្បាប់ផ្សេងៗ ដែលធ្វើឲ្យអ្នកវិនិយោគមិនមានបញ្ហាផ្លូវចិត្ត និងជួយសម្រួលបែបបទនិតិវិធីឲ្យបានលឿន ទាក់ទងការទិញលក់អចលនទ្រព្យ និងជួយសម្រួលឯកសារច្បាប់ ដើម្បីឲ្យអ្នកវិនិយោគមានភាពងាយស្រួល ដើម្បីឲ្យប្រជាពលរដ្ឋទិញ លក់ ដោយគ្មានការភ័យខ្លាច។ ទី២ វិស័យហិរញ្ញវត្ថុ គឺគ្រឹះស្ថានធនាគារនានាគួរផ្តល់ឥណទាន និងអនុគ្រោះដល់កម្ចីនានា ដោយសារបច្ចុប្បន្នធនាគារនានា មិនផ្តល់ឥណទាន ដល់អ្នកវិនិយោគអចលនទ្រព្យសោះ ដែលធ្វើឲ្យអ្នកវិនិយោគមិនអាចសាងសង់ផ្ទះ សណ្ឋាគារ និងដីបានឡើយ។ បច្ចុប្បន្នឲ្យតែនិយាយពីការអភិវឌ្ឍន៍ និងវិនិយោគក្នុងវិស័យអចលនទ្រព្យ ធនាគារមិនផ្តល់ឲ្យឡើយ ដែលបញ្ហានេះធនាគារ គួរតែផ្តល់ការអនុគ្រោះ និងផ្តល់ឥណទានលើវិស័យនេះឡើងវិញ។

លោកឧកញ៉ាបណ្ឌិតតេង រិទ្ឋី(រូបភាពពី Facebook )អគ្គនាយកក្រុមហ៊ុនR- Investment Group

ទី៣ លោកឧកញ៉ាបានបន្តថា ”ខ្ញុំយល់ថាអចលនាប្រជាជនយើង គួរត្រូវបានលើកទឹកចិត្ត កុំចាំមើលគ្នា និងមានអារម្មណ៍ភ័យខ្លាចក្នុងការទិញ លក់ផ្ទះសម្បែង ដែលធ្វើឲ្យវិស័យនេះជាប់គាំងទាំងអស់គ្នា”។ លោកបន្តថា “បច្ចុប្បន្ន ខ្ញុំសង្កេតឃើញគាត់មានតម្រូវការតែគាត់មិនធ្វើសកម្មភាព ដោយសារតែគាត់ខ្លាចឬបារម្ភ ដែលធ្វើឲ្យប៉ះពាល់ទាំងអស់គ្នា”។ លោកបន្តទៀតថា តាមពិតវិស័យអចលនទ្រព្យយើង នៅតែដំណើរការនៅឡើយទេ គឺប្រជាពលរដ្ឋនៅតែមានតម្រូវការផ្ទះ សម្បែងធម្មតា តែផលប៉ះពាល់ក្រោយកូវីដ១៩ មិនសូវមានផលប៉ះពាល់ដល់វិស័យផ្សេងធ្ងន់ធ្ងរទេ តែវិស័យអចលនទ្រព្យបានរងផលប៉ះពាល់ ដោយសារការភ័យខ្លាច និងវិបត្តិសាកល ដែលធ្វើឲ្យមានបញ្ហាដល់សង្គមទាំងមូល។

លោកបណ្ឌិតតេង រិទ្ឋីបានបន្តថា “អ្វីជាសំណូមពរ គឺប្រជាពលរដ្ឋកុំមានការភ័យខ្លាច តែគួរវិនិយោគផ្ទះសម្បែងសម្រាប់ការស្នាក់នៅគួរតែធ្វើចុះ ប៉ុន្តែបើការវិនិយោគ ដោយមានការបញ្ចុះបញ្ចូលដោយប្រាប់ពីផលចំណេញ ពួកគាត់គួរប្រុងប្រយ័ត្នផងដែរ”។

ជាមួយគ្នានេះ លោកច្រឹក សុខនីម អតីតប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា និងជាអគ្គនាយកក្រុមហ៊ុនCentury21 Mekong បានមានប្រសាសន៍ឲ្យដឹងផងដែរថា ការគាំទ្រពីរដ្ឋាភិបាលពិតជាមានសារៈសំខាន់ណាស់ ដើម្បីជម្រុញឲ្យវិស័យនេះងើបឡើងមកវិញ។ អ្វីដែលលោកសំដៅ គឺរដ្ឋាភិបាលគួរបញ្ចេញកញ្ចប់ឥណទានពិសេសណាមួយ ដើម្បីជួយដល់អ្នកនៅក្នុងវិស័យនេះអាចធ្វើសកម្មភាពបាន។ លោកបន្តថា “លើសពីនេះ ធនាគារនានាក៏គួរផ្តល់នូវការអនុគ្រោះលើឥណទាន និងបញ្ចេញឥណទាន ដើម្បីជួយស្រោចស្រង់វិស័យនេះឲ្យងើបឡើងវិញបានឆាប់រហ័ស”។

ទន្ទឹមនឹងនេះ លោកឧកញ៉ានួន រិទ្ឋី អគ្គនាយកក្រុមហ៊ុនអចលនទ្រព្យKFA ដែលជាជើងចាស់មួយរូបក្នុងវិស័យនេះ បានលើកឡើងនូវគំនិតមួយចំនួន ទាក់ទងនឹងវិបត្តិនេះផងដែរ។ លោកឧកញ៉ាបានមានប្រសាសន៍ឲ្យដឹងនៅថ្ងៃដដែលថា ដើម្បីធ្វើឲ្យវិស័យនេះ កំរើកឡើងវិញនៅក្នុងដំណាក់កាលនេះ គឺពាក់ព័ន្ឋនឹងវិបត្តិលំហូរសាច់ប្រាក់ទាំងក្នុង និងក្រៅប្រទេស ដែលតាមពិតវិស័យនេះ មិនទាន់ឆ្អែតនៅឡើយទេ។ លោកបន្តថា “វិស័យនេះពាក់ព័ន្ឋនឹងចរន្តសាច់ប្រាក់ ដែលបញ្ហានេះបានគាំងជាសាកល មិនមែនតែកម្ពុជានោះទេ”។ លោកបន្តថា “ហេតុនេះ ដើម្បីឲ្យវិស័យនេះងើបឡើងវិញ គួរមានយន្តការលើកទឹកចិត្ត គឺការផ្តល់ការស្នាក់នៅរយៈពេលវែង ការផ្តល់សញ្ជាតិ និងការវិនិយោគនៅតំបន់ណាមួយ ដែលជនបរទេសអាចទិញដីធ្លីបាន”។

លោកបានលើកជាឧទាហរណ៍ថា វិស័យអចលនទ្រព្យមានបួនផ្នែកដូចជា កសិកម្ម ឧស្សាហកម្ម លំនៅដ្ឋាន និងពាណិជ្ជកម្ម ហេតុនេះរដ្ឋាភិបាល ចង់ជម្រុញវិស័យណាឲ្យងើបឡើងវិញ គឺរដ្ឋាភិបាលគួរមានយន្តការលើកទឹកចិត្តជនបែបណា ដើម្បីឲ្យពួកគេមកវិនិយោគនៅកម្ពុជា។ លោកឧកញ៉ានួន រិទ្ឋីបានបន្តថា អញ្ចឹងត្រូវមើលច្បាប់របស់យើងដែរថា តើរដ្ឋធម្មនុញ្ញរបស់យើងអនុញ្ញាត្តឲ្យជនបរទេស មានសិទ្ឋទិញដីឬទេ? បើមិនទាន់អនុញ្ញាត្ត រដ្ឋាភិបាលគួរបង្កើតហ្សូនណាមួយឲ្យជនបរទេសអាចទិញដីបាន ឬក៏ជនបរទេសវិនិយោគក្នុងទំហំទឹកប្រាក់ប៉ុណ្ណា អាចផ្តល់សញ្ជាតិជូនពួកគាត់បាន។

លោកបន្តថា ដូចជាក់ស្តែងនៅខេត្តរ៉ាក់យ៉ង ប្រទេសថៃ គឺជនបរទេសអាចមានសិទ្ឋទិញដីបាន ដោយសារខេត្តនោះមានការអភិវឌ្ឍយឺត ដូច្នេះរដ្ឋាភិបាលថៃ លើកទឹកចិត្តឲ្យជនបរទេសទិញដី នៅខេត្តរ៉ាក់យ៉ងបាន ហើយធ្វើឲ្យតម្លៃដី និងសេដ្ឋកិច្ចនៅតំបន់នោះងើបឡើងវិញ។ ចំណែកផ្នែកខុនដូវិញ ដើម្បីយើងអាចស្តារខុនដូបាន រដ្ឋាភិបាលអាចផ្តល់នូវការស្នាក់នៅ រយៈពេលវែងនៅកម្ពុជា ឬជនបរទេសវិនិយោគក្នុងទំហំទឹកប្រាក់២០ ទៅ៣០ម៉ឺនដុល្លារ ពួកគេអាចទទួលបានប័ណ្ណស្នាក់នៅអចិន្រ្តៃយ៍នៅកម្ពុជា គឺសុទ្ឋតែជាយន្តការដែលរដ្ឋាភិបាលគួរពិចារណាផងដែរ។

ចំណែកលោកឧកញ៉ាបណ្ឌិតគីម ហ៊ាង ប្រធាន KW Cambodia និងជាអ្នកអភិវឌ្ឍន៍បុរីវិមានសំណាង ធ្លាប់បានលើកឡើងកន្លងមកផងដែរថា រដ្ឋាភិបាលគួរបង្កើតតំបន់មួយ ដែលអនុញ្ញាត្តឲ្យជនបរទេសអាចមានសិទ្ឋទិញដីបាន និងបង្កើតតំបន់សេដ្ឋកិច្ចពិសេស នៅតំបន់នោះ ដោយសាងសង់រោងចក្រឲ្យអ្នកវិនិយោគបរទេស ប្រើប្រាស់ដោយឥតគិតថ្លៃ និងលើកទឹកចិត្តទាំងថ្លៃទឹក ថ្លៃភ្លើង លោកជឿថាតំបន់នោះនឹងរីកចម្រើនខ្លាំង និងទាក់ទាញការវិនិយោគកាន់តែច្រើន ហើយតំបន់ជុំវិញនោះពី៥ ទៅ១០គីឡូម៉ែត្រ ក៏នឹងទទួលបានផលពីតំបន់នោះផងដែរ។

លោកបណ្ឌិតបានបន្តថា ជាមួយគ្នានេះ រាជរដ្ឋាភិបាលក៏គួរលើកទឹកចិត្តឲ្យជនជនជាតិខ្មែរ រស់នៅក្រៅប្រទេសឲ្យចូលមកវិនិយោគនៅកម្ពុជាឲ្យបានច្រើន ព្រោះជនជាតិខ្មែររស់នៅបរទេសមានប្រាក់ច្រើនណាស់។ លោកបន្តថា “ទំហំទឹកប្រាក់របស់ជនជាតិខ្មែរ រស់នៅបរទេស មានទំហំធំណាស់ ហេតុនេះបើសិនជាពួកគាត់ ត្រូវបានលើកទឹកចិត្តមកវិនិយោគនៅក្នុងស្រុកវិញ ខ្ញុំជឿថាវិស័យអចលនទ្រព្យនឹងរីកចម្រើនខ្លាំង ហើយសេដ្ឋកិច្ចកម្ពុជានឹងមានសន្ទុះឡើងវិញលឿន”៕

ផែនការអនាគតដ៏ត្រចះត្រចង់មួយនឹងរះឡើងនៅទីក្រុងកោះពេជ្រ

ដោយ: គង់ លាងហួរ

ភ្នំពេញ: អគ្គនាយករងក្រុមហ៊ុនOCIC Group លោក Tea Thierry បានមានប្រសាសន៍ថា កោះពេជ្រត្រូវបានបំផុសគំនិតបង្កើតឡើងកាលពីជិត២០ឆ្នាំមុន។

លោកបញ្ជាក់ក្នុងកិច្ចសម្ភាសន៍ផ្តាច់មុខ ជាមួយសហស្ថាបនិកគេហទំព័រPropertyarea.asia កាលពីពេលថ្មីៗនេះថា ដូចដែលយើងដឹងកាលពីរយៈពេល១៦ ទៅ១៧ឆ្នាំមុន កោះពេជ្រប្រៀបដូចជាផ្ទៃទឹក ដែលត្រូវការធ្វើដំណើរតាមអូប័រ ហើយយើងដល់ពេលហើយ ក្នុងការធ្វើឱ្យកោះពេជ្រមានរចនាសម្ព័ន្ធ និងមានការអភិវឌ្ឍ។

លោកបន្តថា កោះពេជ្រត្រូវបានស្រមើស្រមៃ បង្កើតឡើងដោយលោកឧកញ៉ា ពុង ឃាងសែ ប្រធានក្រុមហ៊ុនOCIC Group ហើយមហិច្ឆិតាដ៏ធំរបស់កោះពេជ្រ គឺចូលរួមចំណែកដល់ការអភិវឌ្ឍ ប្រព័ន្ធអេកូឡូស៊ីឱ្យកាន់តែប្រសើរឡើង និងបង្កើតLifestyle នៅក្នុងរាជធានីភ្នំពេញ។

លោកTea Thierryបានបញ្ជាក់ថា “នៅពេលដែលអ្នកបង្កើតផែនការមួយ សម្រាប់រយៈពេល១៥ ទៅ១៦ឆ្នាំ ដើម្បីអភិវឌ្ឍទីក្រុងមួយ មានការប្រែប្រួលបរិស្ថានជាច្រើន។ ដូច្នេះអ្នកត្រូវតែដើរតាមផែនការមេ ប៉ុន្តែក៏ត្រូវសម្របទៅតាមការផ្លាស់ប្តូរបរិស្ថានផងដែរ”។

លោកអះអាងទៀតថា ដូចដែលយើងដឹងស្រាប់ហើយ កាលពី២០ឆ្នាំមុន រាជធានីភ្នំពេញ គឺមិនដូចគ្នាទៅនឹងបច្ចុប្បន្ននេះទេ ពិភពលោកក៏បានផ្លាស់ប្តូរ។ កម្ពុជាក៏បានផ្លាស់ប្តូរ ហើយទីក្រុងភ្នំពេញក៏បានផ្លាស់ប្តូរ ដូច្នេះកោះពេជ្រក៏បានផ្លាស់ប្តូរដូចគ្នា”។លោកបន្តថា បច្ចុប្បន្ននេះ ការវិវឌ្ឍនៃទីក្រុងកោះពេជ្រ បើប្រៀបធៀបទៅនឹងពេលចាប់ផ្តើម គឺកំពុងឆ្ពោះទៅក្លាយជាបរិស្ថានបែបអន្តរជាតិ និងវប្បធម៌ខ្មែរ ហើយនេះគឺជាអ្វី ដែលយើងចង់អភិវឌ្ឍនៅកោះពេជ្រ។ សព្វថ្ងៃនេះ យើងឃើញមានក្រុមហ៊ុនជាង៦០០ ដែលបានប្រតិបត្តិអាជីវកម្មនៅកោះពេជ្រ ដូចជាផ្សារទំនើប ហាងកាហ្វេថ្មីៗ សាលាអន្តរជាតិមកពីប្រទេសកាណាដាCIS ដែលមានសិស្សរៀនជាង១០០០នាក់ សាលាបារាំងអន្តរជាតិ។ ដូច្នេះនេះគឺជាគោលដៅមួយដ៏ល្អបំផុត សម្រាប់ការអប់រំ។

ម្យ៉ាងវិញទៀត នៅកោះពេជ្រមានសួនឧទ្យានចំនួន២ ដូចជាសួនដូង (Coconut Park) និងសួនTrillion Park។ ដូច្នេះ នេះគឺជាកន្លែងមួយ ដ៏ពិសេសនៅចំកណ្តាលបេះដូង នៃរាជធានីភ្នំពេញ ដែលមនុស្សអាចនាំគ្នាទៅញុំាកាហ្វេ ដើរលេងដើម្បីរីករាយ និងសម្រាកធូរស្បើយក្នុងអារម្មណ៍ ហើយយើងបានអភិវឌ្ឍកន្លែង សម្រាប់ដើរលេងតាមមាត់ទន្លេ ខណៈនៅក្នុងអំឡុងពេលកូវីដ មានមនុស្សជាច្រើនបានដើរលេងតាមមាត់ទន្លេរ ដើម្បីរំសាយអារម្មណ៍ និងស្រូបយកខ្យល់អាកាសបរិសុទ្ធ។

លោកបញ្ជាក់ថា សព្វថ្ងៃនេះ ការដើរលេងតាមសួនមាត់ទន្លេរកាន់តែមានការពេញនិយម ហើយយើងបានបង្កើតផ្សាររាត្រី ដែលអាចទាក់ទាញមនុស្ស ដើរកំសាន្តចំនួន១០.០០០នាក់ នៅពេលចុងសប្តាហ៍។ យើងមានកន្លែងជាច្រើន សម្រាប់រៀបចំព្រឹត្តិការណ៍នានាដូចជា ខនសឺត និងកម្មវិធីជាច្រើនផ្សេងទៀត ដែលបានប្រមូលផ្តុំមនុស្សរាប់ពាន់នាក់។

លោកបានឱ្យដឹងទៀតថា “ក្រុមហ៊ុនរបស់យើង បានធ្វើពិពិធកម្មក្នុងវិស័យជាច្រើន ក្រៅពីវិស័យអចលនទ្រព្យ ដូចជា ការអប់រំ និងបានបោះទុនវិនិយោគ ទៅលើការថែទាំសុខភាព ដូចជាការបង្កើត Olympia Medical Hub និងIntercare Medical Center ហើយយើងក៏វិនិយោគទៅលើបដិសណ្ឋារកិច្ច និងការសាងសង់ហេដ្ឋារចនាសម្ព័ន្ធ នានាដូចជាស្ពាន ផ្លូវ និង គម្រោងជាច្រើនទៀត”។

លោកបន្តទៀតថា “យើងនឹងបន្តបោះទុនវិនិយោគ ទៅលើអនាគតនៃប្រទេសកម្ពុជា ដោយសារលោកឧកញ៉ាពុង ឃាវសែ មានការជឿជាក់លើអនាគតរបស់កម្ពុជា ចាប់តាំងពី៣០ឆ្នាំមុន និងសម្រាប់រយៈពេល៣០ ទៅ៤០ឆ្នាំខាងមុខទៀត”។ លោកបន្តថា “នេះជាហេតុផល ដែលយើងគ្មានការសង្ស័យទេថា កម្ពុជានឹងបន្តរីកចម្រើនទៅមុខ”។

លោកTea Thierryបានបន្តថា បច្ចុប្បន្ននេះ យើងមានបណ្តុំលំនៅដ្ឋាននៅភាគខាងត្បូង និងបណ្តុំបែបពាណិជ្ចកម្ម នៅភាគខាងជើង ហើយនៅតំបន់កណ្តាល យើងកំពុងអភិវឌ្ឍទៅលើមជ្ឈមណ្ឌលសួនឧទ្យានថ្មី ហើយទើបតែបានផ្តើមគំនិតដើម្បីការពារ និងអភិរក្សដើមឈើ។

លោកបានមានប្រសាសន៍ថា នៅពេលបើកដំណើរការស្ពានឆ្លងពីកោះនរាមកកាន់កោះពេជ្រ ចរាចរណ៍នឹងមានការមមាញឹក សព្វថ្ងៃនេះ យើងមានលំនៅដ្ឋានចំនួន១៥.០០០ខ្នង នៅកោះពេជ្រហើយយើងសប្បាយរីករាយ នៅពេលឃើញជនជាតិខ្មែរកាន់ជាច្រើន មកជួលអចលនទ្រព្យនៅកោះពេជ្រ និងអ្នកការទូតកាន់តែច្រើន ពីព្រោះកោះពេជ្រនៅមិនឆ្ងាយពេក ពីក្រសួងការបរទេសនោះទេ”។

លោកTea Thierryបានបន្ថែមថា ជាមួយនឹងការបើកដំណើរការស្ពានថ្មីនាពេលខាងមុខ យើងនឹងឃើញមានមនុស្សចាប់ពី៥០.០០០ ទៅ៦០.០០០នាក់ ធ្វើដំណើរមកកាន់កោះពេជ្រ ហើយយើងកំពុងអភិវឌ្ឍលើគម្រោងចំនួន៣ ហើយយើងមានបុរីប៊ូទិក ដែលមានទីតាំងនៅជិតសាលា CIS និង Diamond Bay Garden និងប៉ម (Tower) ដំបូងគេទី១ដែលគ្រោងសាងសង់បញ្ចប់នៅឆ្នាំ២០២៤។

លោកបានមានប្រសាសន៍ថា យើងក៏មានមជ្ឈមណ្ឌលសហគមន៍មួយ ដែលស្រដៀងគ្នាទៅនឹងសួនដូងCoconut Park ប៉ុន្តែមានទំហំធំជាង ដែលមជ្ឈមណ្ឌលនេះនឹងប្រមូលផ្តុំ ទៅដោយផ្សារទំនើប ហាងលក់រាយ FNB និងការិយាល័យ។

លោកអះអាងទៀត “គំនិតផ្តួចផ្តើមដែលយើង បានធ្វើការជាមួយដៃគូនានា គឺគម្រោងមួយចំនួន ដូចជា មជ្ឈមណ្ឌលច្នៃប្រឌិត(Innovation Centre) ជាមួយដៃគូចំនួន៤ ទៅ៥ ដើម្បីអភិវឌ្ឍសហគមន៍Start-up ហើយយើងកំពុងពិភាក្សា ជាមួយសាលាអន្តរជាតិ (Programming school)នានា និងដៃគូរបស់យើងមកពី Camtechដើម្បីបើកម៉ាកយីហោនៅកោះពេជ្រ”។

លោកបានបញ្ជាក់ទៀតថា “ជាការពិតណាស់ ក្រុមហ៊ុនOCIC Group មានដៃវិនិយោគគូល្អៗមួយចំនួន ខណៈកាលពីពេលថ្មីៗនេះលោកឧកញ៉ា ពុង ឃាវសែបានចុះអនុស្សរណៈយោគយល់គ្នាជាមួយក្រុមហ៊ុនសិង្ហបុរី ដើម្បីថែរទាំ និងជួសជុលយន្តហោះនៅកម្ពុជា ហើយយើងមានភាពជាដៃគូ ជាមួយក្រុមហ៊ុនបរទេសនានា ដូចជា ម៉ាឡេស៊ី ថៃ សិង្ហបុរី និងផ្សេងៗទៀត ហើយយើងស្វាគមន៍ចំពោះដៃគូនានាដែលចង់ចូលរួមសហការ។

ទាក់ទងតម្លៃដីធ្លីវិញ លោកTea Thierry បានមានប្រសាសន៍ឱ្យដឹងទៀតថា “តម្លៃដីធ្លីដែលវិនិយោគិន ចង់ទិញសម្រាប់ការវិនិយោគ គឺអាស្រ័យទៅលើទីតាំង និងមានការប្រកួតប្រជែង”៕

Investor flight warning FTI slams 10-month wait for government

The Thai economy and foreign investors cannot wait 10 months to see a new Move Forward Party-led government established without objection from senators whose term will end next May, says the Federation of Thai Industries (FTI).

The 10-month idea was floated after Move Forward Party leader Pita Limjaroenrat failed to secure enough votes from the Senate to become prime minister, so its ally Pheu Thai Party may form a new alliance with parties under the Prayut Chan-o-cha coalition government despite fears that this will spark street protests.

“The FTI expects the economy and investment confidence to be severely affected if the country faces such a long delay,” said Kriengkrai Thiennukul, chairman of the FTI.

Foreign investors, especially those from the US and Europe, cannot wait 10 months to see the new government’s economic policies and will decide to invest in other countries instead, he said.

Asian investors, including Chinese, Japanese and South Korean business people, appear to be less concerned over the ongoing political troubles, but the Thai economy needs to move on, and stable politics are among the factors that would support the economy.

“Thailand has already had an export slowdown for eight months, and overseas trade is likely to decrease through the rest of the year,” said Mr Kriengkrai, stressing that the country should not face more economic problems caused by political issues.

Source: Bangkok Post

វិស័យអាកាសចរណ៍ នៅតែមានសញ្ញាវិជ្ជមានជាមួយកំណើនជើងហោះហើរ

ដោយៈ គង់ សូរិយា

ភ្នំពេញៈ វិស័យអាកាសចរណ៍កម្ពុជា នៅតែបង្ហាញសញ្ញាវិជ្ជមាន ជាមួយកំណើនជើងហោះហើរប្រចាំសប្តាហ៍។អនុរដ្ឋលេខាធិការ និងជាអ្នកនាំពាក្យនៃរដ្ឋលេខាធិការដ្ឋានអាកាសចរស៊ីវិលបានឱ្យដឹងកាលពីថ្ងៃទី២៤ កក្កដាថា ទោះបីកម្ពុជារៀបចំការបោះឆ្នោតជាតិ ក្នុងខែនេះក៏ដោយ ក៏ចំនួនជើងហោះហើរនៅតែកើនឡើង និងគ្មានការលុបចោលជើងហោះហើរឡើយ។

លោកបន្តថា គិតត្រឹមខែកក្កដា ឆ្នាំ ២០២៣ កម្ពុជាកំពុងរៀបចំការបោះឆ្នោតជាតិលើកទី៧ ចំនួនជើងហោះហើរ នៅព្រលានយន្តហោះអន្តរជាតិទាំង៣ ព្រលានយន្តហោះអន្តរជាតិ ភ្នំពេញ សៀមរាប និងខេត្តព្រះសីហនុ បានកើនឡើងជាបន្តបន្ទាប់។ លោកបន្ថែមថា ចាប់ពីដើមខែកក្កដា ដល់សប្ដាហ៍ទី២ ខែកក្កដា ជើងហោះហើរនៅព្រលានយន្តហោះ អន្តរជាតិទាំង៣ទទួលបាន៨៥០ លើកក្នុង១សប្តាហ៍ ហើយចំនួននេះកើនដល់៨៧៨ជើង ក្នុង១សប្តាហ៍ចាប់ពីសប្តាហ៍ទី៣ និងទី៤ នៃខែកក្កដា។

លោកស៊ិន ចាន់សេរីវុត្ថាបានបញ្ជាក់ថា “បើផ្អែកលើទិន្នន័យដែលខ្ញុំ ទទួលបានពីក្រុមហ៊ុនអាកាសចរណ៍ ដែលដាក់ជូនពួកយើង គឺខ្ញុំមិនឃើញជើងហោះហើរណាមួយ ត្រូវបានលុបចោល ដោយសារក្តីបារម្ភពីការបោះឆ្នោតជាតិនោះទេ”។ លោកបន្ថែមថា “ផ្ទុយទៅវិញ យើងទទួលបាន ការកើនឡើង២៧ជើងហោះហើរ ក្នុង១សប្ដាហ៍ ចាប់ពីសប្ដាហ៍ទី៣ និងសប្ដាហ៍ទី៤ ខែកក្កដា”។ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា លោកធួន ស៊ីណានបានមានប្រសាសន៍ថា ចំនួនភ្ញៀវទេសចរបានកើនឡើងជាបន្តបន្ទាប់តាំងពីចុងឆ្នាំមុន ប៉ុន្តែវានៅតែទាប បើធៀបមុនពេលមានការរីករាលដាលជំងឺកូវីដ១៩។លោកបានសង្កេតឃើញថា “បើទោះកម្ពុជាកំពុងរៀបចំការបោះឆ្នោតជាតិ ប៉ុន្តែចំនួនភ្ញៀវទេសចរបរទេសនៅតែមកកម្ពុជាដដែល។

យោងតាមតួលេខភ្ញៀវទេសចរបរទេស ឆ្លងកាត់ព្រលានយន្តហោះអន្តរជាតិភ្នំពេញ មានចំនួន៥៧២,៤៧២នាក់ កើន២៦៤ ភាគរយ។ ព្រលានយន្តហោះអន្តរជាតិសៀមរាប ២០១,៤៩០នាក់ កើន ៨៩៣,៦ភាគរយ និងព្រលានយន្តហោះអន្តរជាតិកងកេង ខេត្តព្រះសីហនុ៦៨៣៣នាក់ កើនឡើងជាង៣៧ភាគរយ៕

1...850851852...3,255 Page 851 of 3,255