ក្នុងស្ថាប័នមួយ គឺត្រូវការកត្តាចូលរួមជាច្រើន ដើម្បីធ្វើឱ្យអាជីវកម្ម ឬស្ថាប័នមួយរីកចម្រើនបានលឿន និងរឹងមាំយូរអង្វែងតជំនាន់បាន។ ក្រុមហ៊ុនដែលមានការរីកចម្រើនតែងពឹងផ្អែក​ចាំបាច់ លើការសហការគ្រប់ផ្នែកទាំងអស់ ទើបដំណើរការបានល្អ បានន័យថា ទាំងមេដឹកនាំ ទាំងបុគ្គលិក  ក៏ដូចជាបរិយាកាសខាងក្រៅ និងខាងក្នុង បានរួមចំណែកយ៉ាងសំខាន់ក្នុងការអភិវឌ្ឍក្រុមហ៊ុនឱ្យទទួលបានសមិទ្ធិផលល្អ ដែលជាដំណើរការនៃអាជីវកម្មឬស្ថាប័នលោកអ្នក។ ក្នុងនោះបុគ្គលិកក៏ជាកត្តាសំខាន់ដែលធ្វើឱ្យអាជីវកម្មរីកចម្រើន ឬធ្លាក់ចុះ។ ការជ្រើសរើសបុគ្គលិក ការថែរក្សាបុគ្គលិក គឺជារឿងដ៏សំខាន់មួយ ក្នុងចំណោមរឿងសំខាន់ដទៃ ដែលជាលំហូរក្នុងការធ្វើឱ្យដំណើរការអាជីវកម្មរបស់លោកអ្នកទទួលបានលទ្ធផលល្អគាប់ប្រសើរ។ ការដែលមានមេដឹកនាំពូកែ ជារឿងល្អមួយហើយ  ប៉ុន្តែស្ថាប័នមួយមានបុគ្គលិកឆ្នើមទៀត នោះរឹតតែអំណោយផលល្អសម្រាប់ក្រុមហ៊ុនទាំងឡាយ។៨សំណួរ ដើម្បីឆ្លុះបញ្ចាំង ទៅកាន់បុគ្គលិករបស់លោកអ្នក៖

1. តើបុគ្គលិករបស់អ្នកមានសមត្ថភាពខ្លាំងហើយឬនៅ?
2. តើពួកគេមានទឹកចិត្តប្រយុទ្ធនៅក្នុងសមរភូមិការងារមុះមុតខ្លាំងក្លាដែរឬទេ?
3. តើពួកគេស្រលាញ់គ្នា សហការគ្នា ក្នុងការបំពេញការងារឱ្យមានប្រសិទ្ធភាពខ្ពស់ដែរឬទេ?
4. តើពួកគេស្រលាញ់ក្រុមហ៊ុនរបស់អ្នកដូចជាក្រុមហ៊ុនរបស់ពួកគេដែរឬទេ?
5. តើពួកគេបានទុកចិត្ត ជឿជាក់ គោរព ដឹងគុណ មានភាពស្មោះត្រង់ និងអនុវត្តតាមការដឹកនាំរបស់អ្នកដែរឬទេ?
6. តើពួកគេជួយលើកកេរ្តិ៍ឈ្មោះ ការពារកេរ្តិ៍ឈ្មោះក្រុមហ៊ុនរបស់អ្នកខ្លាំងក្លាដែរឬទេ?
7. តើពួកគេនឹងអាចក្លាយជាកម្លាំងអ្នកដឹកនាំបន្តវេនរបស់អ្នកបានដែរឬទេ?
8. តើពួកគេជាបុគ្គលិកទ្រព្យ ឬ បុគ្គលិកបំណុល?

ជាការពិតណាស់ស្ថាប័ននីមួយៗ ត្រូវការចំណូលធំជាងចំណាយ ទើបទទួលបានប្រាក់ចំណេញ។ ស្ថាប័នឬអាជីវកម្មណាក៏ដោយ ក៏ចង់ឱ្យអាជីវកម្មរបស់ខ្លួនទទួលបានភាពរីកចម្រើន ជាពិសេសក៏ចង់ទទួលបានបុគ្គលិកទ្រព្យសម្រាប់ក្រុមហ៊ុនផងដែរ។ យ៉ាងណាមិញ លោកអ្នក ជាថ្នាក់ដឹកនាំក្រុមហ៊ុន ឬស្ថាប័ន មានបានចាប់អារម្មណ៍ជាមួយបញ្ហាខាងលើនេះដែឬទេ? ហើយអ្នកគិតថាបុគ្គលិករបស់លោកអ្នក យល់ពីសុខទុក្ខរបស់អ្នក ដូចអ្នកខ្វាយខ្វល់ពីពួកគេដែរឬទេ?គ្មានអ្វីថ្មី ឬចំឡែកនោះទេ បញ្ហារបស់បុគ្គលិក ជាបញ្ហារបស់ស្ថាប័ន ភាពរីកចម្រើនរបស់បុគ្គលិក ជាភាពរីកចម្រើនរបស់ស្ថាប័ន។ ស្ថាប័នគ្រាន់តែជាឈ្មោះតែប៉ុណ្ណោះ ភាពរីកចម្រើនពិតប្រាកដ គឺស្ថិតលើអ្នកដែលជ្រកក្រោមដំបូលស្ថាប័ននោះ។ តើលោកអ្នកបន្តឱ្យក្រុមហ៊ុនរបស់លោកអ្នក បន្តជួបបញ្ហាដោយសាបុគ្គលិក ដល់ពេលណាទៀត?ការវិនិយោគរបស់លោកអ្នក គឺជាការវិយោគដ៏ធំធេងសម្រាប់ភាពរីកចម្រើនក្រុមហ៊ុនរបស់លោកអ្នក។
ចូលរួមកម្មវិធីបង្វឹក “ក្លាយជាបុគ្គលិកឆ្នើម” ថ្ងៃទី19 ខែវិច្ឆិកា ឆ្នាំ2023 ធានាថាបុគ្គលិករបស់លោកអ្នកនឹងក្លាយទៅជាធនធានមនុស្សដ៏មានគុណតម្លៃសម្រាប់ក្រុមហ៊ុន និងប្រទេសជាតិយើងទាំងមូល ។
📌ទីតាំងកម្មវិធី៖ អគារ CEO Building  #មិនពេញចិត្តជូនថវិកាវិញ100%
☎️ចាប់អារម្មណ៍ចុះឈ្មោះចូលរួមសូមទាក់ទង
𝟎𝟖𝟕 𝟖𝟖𝟕 𝟕𝟏𝟖 – 𝟎𝟖𝟓 𝟑𝟏𝟏 𝟏𝟖𝟑 – 𝟎𝟏𝟎 𝟑𝟑𝟑 𝟎𝟒𝟏 – 𝟎𝟏𝟎 𝟕𝟖𝟎 𝟏𝟗𝟑
🥇. បុគ្គលិកខ្លាំងក្រុមហ៊ុនខ្លាំង: https://bit.ly/3e5aZIK
🥈. ទ័ពខ្សោយមិនអាចឈ្នះសមរភូមិបានទេ: https://bit.ly/3edXzdf
🔴 𝐅𝐨𝐥𝐥𝐨𝐰 𝐔𝐩:
𝐓𝐞𝐥𝐞𝐠𝐫𝐚𝐦: https://www.youtube.com/c/CEOTV
𝗬𝗼𝘂𝗧𝘂𝗯𝗲: https://t.me/ceomasterclubchannel
អត្ថបទ៖ អ៊ឹម ភ័ស

        ដោយៈ គង់ សូរិយា

        ភ្នំពេញៈ មន្ទីរព្យាបាលធ្មេញសន្តិភាព សហការជាមួយក្រុម CEO PEAK POWER TEAM មូលនិធិឈាមនី មុនីនាថ និងមជ្ឈ​មណ្ឌលជាតិផ្តល់ឈាម បានរៀបចំបរិច្ចាកឈាម ដើម្បីសង្រ្គោះជីវិតមនុស្សជាតិ”។

លោកស្រីទន្តបណ្ឌិត ឃាម ស្រីហ៊ុច និងលោកទន្តបណ្ឌិត ភាវ សូវ ស្ថាបនិកមន្ទីរព្យាបាលធ្មេញសន្តិភាព សហការជាមួយមជ្ឈ​មណ្ឌ​លជាតិផ្ដល់ឈាម និងCEO Peak Power Team ក្នុងការបង្កើតកម្មវិធីសប្បុរសធ៌មជាអ្នករៀបចំកម្មវិធីនេះ។

កម្មវិធីនេះធ្វើឡើង ក្រោមវត្តមាន លោកបណ្ឌិត អោម សេងបូរ៉ា និងលោកជំទាវ ស្ថាបនិក CEO Master Club លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្ដល់ឈាម និងកញ្ញា​នី មុនីនាថ ប្រ​ធា​​នមូលនិធិឈាមនី មុនីនា នៅមន្ទីរព្យាបាលធ្មេញសន្តិភាព សាខានរោត្តម កាលពីថ្ងៃទី៩ ខែវិច្ឆិកា ឆ្នាំ២០២៣ ។

ការរៀបចំនូវកម្មវិធីសប្បុរសធម៌ បរិច្ចាគឈាមនេះ បានឡើងក្នុងគោលបំណងចូលរួមចំណែកជួយដល់សង្គម ដែលជាការងារមួយរបស់ CEO PEAK POWER TEAM និងសូវហ៊ុចគ្រុប តែងតែធ្វើកន្លង ក៏ដូចជាការចូលរួមចំណែកក្នុងការបំពេញ ធនាគារឈាម នៃមជ្ឈមណ្ឌលជាតិផ្តល់ឈាម ដែលបាននិងកំពុងមានបញ្ហាប្រឈមកង្វះឈាម ដើម្បីជួយសង្រ្គោះដល់ជនរងគ្រោះ និងអ្នកជំងឺដែលត្រូវការឈាមចំបាច់ជារៀងរាល់ថ្ងៃ។

លោកស្រីទន្តបណ្ឌិត ឃាម ស្រីហ៊ុច ប្រធាននាយកប្រតិបត្តិនៃ មន្ទីរព្យាបាលធ្មេញសន្តិភាព បានមានប្រសាសន៍ថា កម្មវិធីបរិច្ចាគឈាមនេះ គឺជាកិច្ចការចូលរួមចំណែកជួយដល់សង្គម ដែលជាការងារមួយរបស់ CEO Peak Power Team និង សូវហ៊ុចគ្រុបតែងតែធ្វើកន្លងផលដែរ។

លោកស្រីបន្តថា “ក្នុងនាមជាសហគ្រិនស្រ្តីមួយរូប ដែលឈរជើងជាងដប់ឆ្នាំកន្លងមក ដែលរស់នៅនិងរកទទួលទានពីសង្គមគឺត្រូវតែតបស្នងសងគុណជូនសង្គមវិញ តាមរយៈសកម្មភាពនានា ហើយបើទោះជាកាលៈទេសៈនេះ អ្នករកស៊ីជាច្រើនរួមទាំងនាងខ្ញុំកំពុងឆ្លងការលំបាក ប្រយុទ្ធប្រឆាំងជាមួយវិបត្តិសកលក៏ដោយ យើងខ្ញុំនៅតែព្យាយាមរិះរកមធ្យោបាយនានា ដែលអាចធ្វើទៅបានក្នុងការបន្តជួយដល់សង្គម តាមរយៈការផ្ដល់ឈាមដូចក្នុងថ្ងៃនេះផងដែរ”។ អ្នកស្រីបន្តថា “សូមផ្ដល់ភាពជាគំរូមួយដល់សហគ្រិនទាំងអស់ ក្នុងការចូលរួមជាចំណែកជួយដល់សង្គមជាតិយើង ដូចជាក់ស្ដែងក្នុងថ្ងៃនេះជាការផ្ដល់ឈាមជាដើម”។

អ្នកស្រីបានបន្តទៀតថា “នាងខ្ញុំសូមផ្តល់កម្លាំងចិត្តដល់សហគ្រិនគ្រប់រូបពង្រឹងស្មារតី ខិតខំបន្ថែមឆ្លងផុតដំណាក់កាលលំបាកមួយនេះ នោះយើងនឹងកាន់តែខ្លាំងជាងមុន ហើយនេះជាអ្វីដែល CEO Peak Power Team តែងតែជួយជ្រោមជ្រែងគ្នាជាមួយសមាជិកតាមរយៈការពិគ្រោះយោបល់ និងអញ្ជើញអ្នកមានបទពិសោធមកផ្ដល់ជាការបណ្ដុះបណ្ដាលជាបន្តបន្ទាប់”។

ជាមួយគ្នានេះលោកស្រីបានថ្លែងអំណរគុណ ជូនចំពោះអ្នកចូលរួមស្ម័គ្រចិត្ត បរិច្ចាគឈាមប្រមាណ100នាក់ និងក្រុមហ៊ុនដែលបានឧបត្ថមគាំទ្រកម្មវិធីសប្បុរសធម៌ មានដូចជា ហាងពេជ្រជម្ពូ ហាងរក្សាសម្រស់ហាន់ណា ក្រុមហ៊ុន001VTG Electric គ្រីស្ទីណា សាលាបង្រៀនថែរក្សាសម្ផស្ស អារីតាបេប៊ី Signature Coffee and Pub ក្រុមហ៊ុនវីស្តា​Queen Auto Service ដេប៉ូ វេងងួនហេង បណ្ណាគារ លាង ហេង មន្ទីរសំរាកព្យាបាលឯកទេសបេះដូង និងសម្ភ​ពហេមេតអ៊ឹង សុខទ្រី ផលិតសំបកដបប្លាស្ទីច Niron Floral Boutique & Events Design ភោជនីយដ្ឋានបាយ័ន និងក្រុមហ៊ុន Heng Sreang SH។

ជាពិសេសលោកវេជ្ជបណ្ឌិតប្រធានមជ្ឈមណ្ឌល លោកគ្រូពេទ្យ អ្នកគ្រូពេទ្យ ដែលបានសម្របសម្រួលកម្មវិធីផ្តល់ឈាម និងសូមអំពាវនាវ និងលើកទឹកចិត្តដល់ប្រជាជន ដែលមិនទាន់បានស្ម័គ្រចិត្តផ្តល់ឈាម សូមចូលរួមស្ម័គ្រចិត្តផ្តល់ឈាមទាំងអស់គ្នា និងកុំមានភាពភ័យខ្លាច ហើយក៏សូមលើកទឹកចិត្តដល់អ្នក ដែលធ្លាប់បានធ្វើការបរិច្ចាគឈាមពីមុនមក សូមបន្តបរិច្ចាគឈាមបន្ថែមទៀត ដើម្បីបង្កើននូវការផ្គត់ផ្គង់ឈាមជា បន្ទាន់សម្រាប់ការព្យាបាលឲ្យកាន់តែមានប្រសិទ្ធភាព៕

តែម សុខុម
សិង្ហបុរីៈ ពេលឮពាក្យថា “ទិវាអ្នកនៅលីវ” ឬ Singles Day ឬ ដែលគេនិយាយបែបលេងសើចថា “ទិវាអ្នកខ្វះលិឍ” វាពិតជាគួរឱ្យចង់សើច និងស្ទើរមិនគួរឱ្យជឿ។

ទោះជាយ៉ាងណា ទិវានេះត្រូវបានរៀបចំឡើងជារៀងរាល់ឆ្នាំនៅប្រទេសចិន និងជាព្រឹត្តិការណ៍ដែលមានមនុស្សជះលុយទិញអីវ៉ាន់ ឬ Shopping ច្រើនបំផុតរបស់ពិភពលោក។ នេះបើយោងតាមសារព័ត៌មាន CNA ចុះផ្សាយកាលពីថ្ងៃសុក្រ ទី១០ ខែវិច្ឆិកា។

តើទិវានេះមានប្រវត្តិបែបណា ហើយប្រារព្ធឡើងដើម្បីអ្វី? ដើមឡើយទិវានេះត្រូវបានប្រារព្ធឡើងតែមួយថ្ងៃប៉ុណ្ណោះដើម្បីអបអរភាពនៅលីវដែលផ្ទុយពី “ទិវានៃក្ដីស្រលាញ់” ឬ Valentine’s Day។ ប៉ុន្តែក្រោយមក ទិវានេះបានក្លាយជាព្រឹត្តិការណ៍ទិញអីវ៉ាន់តាមអនឡាញរយៈពេលមួយសប្តាហ៍ដែលនឹងមានមនុស្សសម្រុកទិញអីវ៉ាន់ច្រើនបំផុតនៅថ្ងៃទី១១ ខែវិច្ឆិកា។

ទិវានេះមានប្រភពដើមចេញពីសកលវិទ្យាល័យក្រុងណានជីង (Nanjing University) ក្នុងប្រទេសចិន ក្នុងឆ្នាំ១៩៩៣ ហើយដើមឡើយមានឈ្មោះថា “ទិវាកំលោះចាស់” ឬ Bachelor’s Day។ នៅក្នុងថ្ងៃនោះ អ្នកដែលនៅលីវនាំគ្នាទិញកាដូជូនខ្លួនឯងទុកជាការលើកទឹកចិត្ត ហើយអ្នកខ្លះក៏រៀបចំពិធីជួបជុំ ឬពិធីជប់លៀងផឹកស៊ីសប្បាយផងដែរ។

តើប្រជាជនចំណាយច្រើនប៉ុនណាក្នុងមួយឆ្នាំៗសម្រាប់ទិវាដែលមានរយៈពេល៧ថ្ងៃនេះ? យោងតាមទិន្នន័យពីក្រុមហ៊ុនពិគ្រោះយោបល់អាមររិក Bain បង្ហាញថា កាលពីឆ្នាំមុន តម្លៃសរុបនៃទំនិញដែលត្រូវបានលក់ចេញអំឡុងព្រឹត្តិការណ៍ទិញអីវ៉ាន់ដែលគេស្គាល់ថា “Double 11” ដែរនេះ មានទំហំសរុបដល់ទៅ១៥៧,៩៧ពាន់លានដុល្លារអាមេរិក៕ Reuters ៕

1. មុខជំនាញគ្រប់គ្រងពាណិជ្ជកម្មអន្តរជាតិ

International Business Management ជំនាញគ្រប់គ្រងពាណិជ្ជកម្មអន្តរជាតិគឺជាការសិក្សាអំពីការគ្រប់គ្រងអាជីវកម្មអន្តរជាតិ ឬប្រតិបត្តិការអាជីវកម្ម រួមបញ្ចូលទាំងការណែនាំនៅក្នុងគោលការណ៍និងដំណើរការនៃការលក់ការនាំចេញការត្រួតពិនិត្យពាណិជ្ជកម្មប្រតិបត្តិការបរទេសនិងបញ្ហាពាក់ព័ន្ធបញ្ហារូបិយវត្ថុគោលនយោបាយជំនួញអន្តរជាតិនិងការអនុវត្តន៍ក្នុងការធ្វើជំនួញនៅក្នុងប្រទេសនិងទីផ្សារជាក់លាក់។

2. ចំណេះដឹងដែលនិស្សិតទទួលបានក្រោយពីបញ្ចប់ការសិក្សារយៈពេល ៤ ឆ្នាំ ៖

• យល់ដឹងពីមូលដ្ឋានគ្រឹះនៃពាណិជ្ជកម្មអន្តរជាតិ ការគ្រប់គ្រងសង្វាក់ផលិតកម្ម និងនវានុវត្តន៍
• យល់ដឹងពីច្បាប់និងគោលនយោបាយពាណិជ្ជកម្ម
• យល់ដឹងពីការស្រាវជ្រាវទីផ្សារ ការគ្រប់គ្រងយុទ្ធសាស្រ្ត ការគ្រប់គ្រងគណនេយ្យ និង ហិរញ្ញវត្ថុ
• យល់ដឹងពីការគ្រប់គ្រងការវិនិយោគ
• មានសមត្ថភាពក្នុងការប្រាស្រ័យទាក់ទងជាមួយទស្សនិកជនផ្សេងគ្នា
• មានសមត្ថភាពក្នុងការ​ត្រិះរិះ​ពិចារណា
• មានសមត្ថភាពក្នុងការបង្កើតផែនការនិងការគ្រប់គ្រង
• មានសមត្ថភាពក្នុងការដោះស្រាយបញ្ហា
• មានសមត្ថភាពក្នុងការស្រាវជ្រាវនិងការវិភាគ
• មានសមត្ថភាពក្នុងការធ្វើការងារជាក្រុម

3. អង្គភាព ឬមូលដ្ឋានដែលនិស្សិតចប់នូវជំនាញគ្រប់គ្រងពាណិជ្ជកម្មអន្តរជាតិ អាចទៅបម្រើការងារ ៖

• អ្នកគ្រប់គ្រងអភិវឌ្ឍន៍អាជីវកម្ម
• អ្នកវិទ្យាសាស្ត្រទិន្នន័យ
• សវនករខាងក្រៅ
• ពាណិជ្ជករហិរញ្ញវត្ថុ
• មន្រ្តីធនធានមនុស្ស
• នាយកប្រតិបត្តិទីផ្សារ
• នាយកប្រតិបត្តិគណនេយ្យទំនាក់ទំនងសាធារណៈ
• នាយក​ប្រតិបត្តិ​ផ្នែក​លក់
• អ្នកគ្រប់គ្រងខ្សែសង្វាក់ផ្គត់ផ្គង់
• មន្រ្តីអនុវត្តតាម
• មេធាវីថ្លៃដើម
• អ្នកទីផ្សារឌីជីថល
• អ្នកគ្រប់គ្រងហិរញ្ញវត្ថុ
• ទីប្រឹក្សាគ្រប់គ្រង
• អ្នករៀបចំផែនការប្រព័ន្ធផ្សព្វផ្សាយ
• ទីប្រឹក្សាផ្នែកកិច្ចការសាធារណៈ
• អ្នកប្រឹក្សាជ្រើសរើសបុគ្គលិក

4.ជ្រើសរើសសាកលវិទ្យាល័យ
CEO Institute គឺជាវិទ្យាស្ថានបណ្ដុះបណ្ដាល ថ្នាក់ឧត្តមសិក្សាបរិញ្ញាបត្រ និងបរិញ្ញាបត្ររង ជួយឱ្យនិស្សិតក្លាយជា និស្សិតឆ្នើម បុគ្គលិកឆ្នើម អ្នកដឹកនាំឆ្នើម សហគ្រិនឆ្នើម និងអ្នកមានចំណូលខ្ពស់ក្នុងវ័យ៣០ឆ្នាំ។ផ្ដល់ជូនដោយឥតគិតថ្លៃ ជំនាញភាសាអង់គ្លេស ជំនាញភាសាចិន ជំនាញកុំព្យូទ័រ និងជំនាញនិយាយជាសាធារណៈ ក្នុងកំឡុងពេលសិក្សា។និស្សិតនៅទីនេះរៀនទ្រឹស្ដី ២០% អនុវត្ត៨០% ដែលធ្វើឱ្យនិស្សិតមានគុណភាពនិងមានសមត្ថភាពរកប្រាក់ចំណូលបានចាប់ពីឆ្នាំទី២តទៅ។និស្សិតរៀនចប់មានផែនការអាជីវកម្ម ដោយទទួលបានការវាយតម្លៃខ្ពស់ពីគណៈកម្មការក្រុមប្រឹក្សាភិបាល និងឱកាសជួបជាមួយម្ចាស់អាជីវកម្មដែលជាសមាជិក ដៃគូសហការនៃ CEO Institute។
តោះចូលរួមដាក់ពាក្យប្រឡងទាំងអស់គ្នា https://forms.gle/WmJ5v6nnUDBoTgEM8
ព័ត៌មានបន្ថែមសូមទំនាក់ទំនងមកកាន់លេខទូរស័ព្ទ៖
015 753 760 – 𝟎𝟔𝟔 𝟓𝟖 𝟕𝟖 𝟖𝟕 – 𝟎𝟗𝟔 𝟒𝟏 𝟗𝟐 𝟓𝟑𝟔
𝟎𝟗𝟕 𝟐𝟖 𝟖𝟕 𝟐𝟎𝟒 – 𝟎𝟗𝟑 𝟕𝟖𝟗 𝟑𝟕𝟕-097 5917492
Pageវិទ្យាស្ថានស៊ីអ៊ីអូ:https://www.facebook.com/ceoinstitute2014
Page អ្នកបន្តវេន: https://www.facebook.com/Neak.bontorvein
អត្ថបទ​ ៖ សេន ស៊ីណា និស្សិតឆ្នាំទី២នៃវិទ្យាស្ថានស៊ីអ៊ីអូ

ដោយ: គង់ លាងហួរ
អន្តរជាតិ: ទីក្រុង Austin ក្នុងរដ្ឋតិចសាស់នៅសហរដ្ឋអាមេរិក បានបង្កើត“ទំនាក់ទំនងទីក្រុងមិត្តភាព” ចំនួន៣ រួមមាន ទីក្រុងសៀមរាបនៅកម្ពុជា ទីក្រុង Villefranche-sur-mer នៅប្រទេសបារាំង និងទីក្រុង Tehuacán នៅប្រទេសម៉ិកស៊ិក។

ទីក្រុងទាំង៣នេះ កំពុងស្ថិតក្នុងដំណើរការក្លាយជាទីក្រុង ដែលភ្ជាប់ចំណងមេត្រីភាព(Sister city)ជាមួយនឹងទីក្រុង Austin។ ចំណែក ទីក្រុងឈៀងម៉ៃនៅប្រទេសថៃនឹងក្លាយទៅជាទីក្រុងដែលមានចំណងមេត្រីភាព (Sister city)ជាមួយនឹងទីក្រុង Austin ជាផ្លូវការនៅចុងសប្តាហ៍នេះ។ជាក់ស្តែង លោក Nirat Phongsittithaworn អភិបាលខេត្តឈៀងម៉ៃ នឹងចុះហត្ថលេខាលើអនុស្សរណៈនៃការយោគយល់គ្នានៅសាលាក្រុង Austin នៅថ្ងៃអាទិត្យ ទី១២ ខែវិច្ឆិកា ជាមួយអភិបាលក្រុង Austin លោក Kirk Watson ដើម្បីចាប់ផ្តើមគំនិតផ្តួចផ្តើមនេះ។

លោក Watson បានមានប្រសាសន៍ថា “ទីក្រុង Austin និងទីក្រុងឈៀងម៉ៃ មានភាពស្រដៀងគ្នាជាច្រើន។ ទីក្រុងទាំងពីរឈរ ក្នុងនាមជាមជ្ឈមណ្ឌលសកលសម្រាប់សិល្បៈ វប្បធម៌ តន្ត្រី អាហារ និងភាពយន្ត”។
បច្ចុប្បន្ននេះ ទីក្រុង Austin បានបង្កើត ចំណង មេត្រីភាព (Sister City)ជាមួយនឹងទីក្រុងចំនួន១៣ នៅក្នុងប្រទេសជាច្រើន រួមមានប្រទេសមុិកសុិក ប៉េរូ អូស្ត្រាលី បារាំង ចក្រភពអង់គ្លេស និងឥណ្ឌា។

យោងតាមគេហទំព័រ City of Austin បានឱ្យដឹងថា កិច្ចព្រមព្រៀងទីក្រុងចំណងមេត្រីភាពនេះមានគោលបំណងជួយសម្រួលដល់កិច្ចសហការរវាងរដ្ឋបាលទីក្រុង Austin និងរដ្ឋបាលទីក្រុងឈៀងម៉ៃ ព្រមទាំងជំរុញពាណិជ្ជកម្ម ការវិនិយោគ និងការអភិវឌ្ឍសេដ្ឋកិច្ចសម្រាប់ផលប្រយោជន៍ទៅវិញទៅមក និងបណ្តុះទំនាក់ទំនងអប់រំ និងវប្បធម៌ថ្មី៕

ដោយ: គង់ លាងហួរ
អន្តរជាតិ: យោងតាមទិន្នន័យផ្លូវការបានបង្ហាញថា សេដ្ឋកិច្ចអាល្លឺម៉ង់បានធ្លាក់ចុះបន្តិចនៅក្នុងត្រីមាសទី៣ ដែលការណ៍នេះបានបង្កើនហានិភ័យនៃវិបត្តិសេដ្ឋកិច្ចនៅក្នុងប្រទេសដែលមានសេដ្ឋកិច្ចធំជាងគេបំផុតនៅតំបន់អឺរ៉ុបមួយនេះ។

ផលិតផលក្នុងស្រុកសរុបរបស់អាល្លឺម៉ង់បានធ្លាក់ចុះ០,១% ក្នុងត្រីមាសទី៣ បើធៀបនឹងកំណើន០,១%នៅត្រីមាសទី២។ នេះបើយោងតាមទិន្នន័យរបស់ការិយាល័យស្ថិតិសហព័ន្ធ (Destatis) របស់ប្រទេសអាល្លឺម៉ង់។
ទិន្នន័យ ខាងលើនេះ បានបង្កជាការព្រួយបារម្ភសម្រាប់ តំបន់ ដែល ចាយប្រាក់អឺរ៉ូទាំងមូល ព្រោះអាល្លឺម៉ង់ជា ប្រទេសដែលមានសេដ្ឋកិច្ចធំជាងគេបំផុតនៅតំបន់នេះ។

លោក Claus Vistesen ប្រធានសេដ្ឋវិទូប្រចាំតំបន់ចាយប្រាក់អឺរ៉ូនៅក្រុមហ៊ុន Pantheon Macroeconomics បានអះអាងថា “សេដ្ឋកិច្ចរបស់ប្រទេសអាល្លឺម៉ង់កំពុងធ្លាក់ចុះជាថ្មីម្តងទៀត និងស្ថិតនៅលើមាត់ជ្រោះដែលអាចធ្លាក់ទៅក្នុងវិបត្តិសេដ្ឋកិច្ច”។

GDP របស់អាល្លឺម៉ង់បានធ្លាក់ចុះក្នុងរយៈពេល៣ខែចុងក្រោយនៃឆ្នាំ២០២២ មុនពេលស្ថិតនៅទ្រឹងក្នុងត្រីមាសទីមួយនៃឆ្នាំនេះ។ នេះបើយោងតាមទិន្នន័យដែលបានកែសម្រួលពីការិយាល័យស្ថិតិសហព័ន្ធ (Destatis)។

ក្រុមសេដ្ឋវិទូលើកឡើងថា រូបភាពនេះទំនងជាមិនអាចប្រសើរឡើងវិញ ក្នុងពេលឆាប់ៗនេះទេ ដោយសារវិស័យផលិតកម្មរបស់ប្រទេសអាល្លឺម៉ង់ប្រឈមមុខនឹងការធ្លាក់ចុះនៃតម្រូវការ  តម្លៃថាមពលហក់ឡើងខ្ពស់ និងការដំឡើងអត្រាការប្រាក់។

ម្យ៉ាងទៀត បណ្តាក្រុមហ៊ុននានានៅក្នុងវិស័យផលិតកម្មនេះ កំពុងកាត់បន្ថយការងារក្នុងអត្រាលឿនបំផុត ក្នុងរយៈពេល៣ឆ្នាំ ដោយសារការបញ្ជាទិញថ្មីបានធ្លាក់ចុះ ហើយទំនុកចិត្តនៅតែមានសញ្ញាអវិជ្ជមានយ៉ាងខ្លាំង៕

ដោយៈ តែម សុខុម

ញូវយ៉កៈ ក្រុមហ៊ុនផលិតយន្តហោះ ឈានមុខគេរបស់រុស្ស៊ី អះអាងថា ខ្លួនបានបញ្ចប់ការធ្វើតេស្តសាកល្បង ដោយជោគជ័យលើយន្តហោះដឹកអ្នកដំណើរធុនធំ ដែលខ្លួនអះអាងថាអាចជំនួសយន្តហោះផលិតដោយលោកខាងលិចបាន។

ក្រុមហ៊ុន United Aircraft Corporation (UAC) និយាយថា យន្តហោះដឹកអ្នកដំណើរធុនធំម៉ូឌែល គំរូរបស់ខ្លួនIL-96-400M បានធ្វើការហោះហើរ ជាលើកដំបូងរយៈពេល២៦នាទី និងបានហោះឡើងដល់រយៈកម្ពស់២.០០០ម៉ែត្រ ជាមួយល្បឿនដល់ទៅ៣៩០គីឡូម៉ែត្រក្នុង១ម៉ោង។ នេះបើយោងតាមសារព័ត៌មាន CNN ចុះផ្សាយកាលពីថ្ងៃពុធ ទី៨ ខែវិច្ឆិកា។

ក្រុមហ៊ុន UAC ដែលគ្រប់គ្រងម៉ាកយីហោអាកាសចរណ៍រុស្ស៊ី រួមមានទាំង Tupolev, Ilyushin និង Sukhoi ផងដែរនេះបានចេញសេចក្ដីប្រកាសព័ត៌មានកាលពីសប្ដាហ៍មុនថា យន្តហោះម៉ូឌែលគំរូខាងលើនេះ នឹងមានសមត្ថភាពដឹកអ្នកដំណើរ ចំនួន៣៧០នាក់ ជាសមត្ថភាពដ៏ខ្លាំង ដែលអាចប្រជែងជាមួយយន្តហោះធុនA340 របស់ក្រុមហ៊ុន Airbus និងយន្តហោះធុន 777 របស់ក្រុមហ៊ុន Boeing។

ក្រុមហ៊ុននេះអះអាងថា យន្តហោះម៉ូឌែលគំរូនេះ ត្រូវបានអភិ​វឌ្ឍន៍ចេញពីយន្តហោះធុន IL-96-300 ដែលការផលិតត្រូវបានផ្អាកកាលពីជាង១ទសវត្សរ៍មុន ដោយសារតែវាមិនអាចប្រកួតប្រជែងជាមួយម៉ូឌែលយន្តហោះ ផលិតដោយលោកខាងលិចបាន។

ឧបនាយករដ្ឋមន្ត្រីរុស្ស៊ី លោក Denis Manturov បានលើកឡើងតាមរយៈសេចក្ដីប្រកាសព័ត៌មានថា “ការហោះហើរដំបូងប្រកប​ដោយជោគជ័យ នៃយន្តហោះដ៏ទំនើបធុន IL-96-400M បង្ហាញពីសមត្ថភាពកម្រិតខ្ពស់បំផុត របស់ក្រុមហ៊ុនផលិតយន្តហោះក្នុងស្រុក”៕ CNN៕

ដោយៈ គង់ ហ្វីអូណា

        ភ្នំពេញៈ រដ្ឋាភិបាល​កម្ពុជា ​គ្រោង​ថវិកាប្រមាណ​៩​៩​០​លាន​ដុល្លារ ​សម្រាប់​ចំណាយ​លើ​ការ​អប់រំ​នៅ​ឆ្នាំ​២​០​២​៤​ ​ដើម្បី​លើក​ក​ម្ពស់​កំណែ​ទម្រង់​បន្ថែម ​នៃ​ប្រព័ន្ធ​អប់រំ​ដែល​ដាក់​ចេញ ​ដោយ​រដ្ឋាភិបាល​របស់សម្តេចធិបតីហ៊ុន ម៉ាណែត។

លោក​ ​គីម​ សុភៈ ​រដ្ឋលេខាធិការ​ក្រសួង​សេដ្ឋកិច្ច ​និង​ហិរញ្ញវត្ថុ​ ​បាន​មានប្រសាសន៍ឲ្យដឹងថា ផែនការ​ចំណាយ​របស់​រដ្ឋាភិបាល​លើ​វិ​ស័​យ​អប់រំ​នៅ​ឆ្នាំ​ថ្មី ​មានការ​កើន​ឡើង​៩​.​៤​ភាគរយ​ បើ​ធៀប​នឹង​ឆ្នាំ​២​០​២​៣​ ​ដែល​មានការ​ចំណាយ​ចំនួន​ ៣ ៧៣០ ១៥៧ ​លាន​រៀល​ ​ឬ​ស្មើ​ប្រមាណ​​៩​០​៥​លាន​ដុល្លារ​។​

លោក​បន្ថែម​ថា​ ​ការ​បង្កើន​ការ​ចំណាយ​ លើ​វិ​ស័​យ​អប់រំ​នៅ​ឆ្នាំ​២​០​២​៤​ ​គឺ​សម្រាប់​ចំណាយ​ចរន្ត​​ស្មើនឹង​ប្រមាណ​៩​១​៤​លាន​ដុល្លារ​ ​ដោយ​គិត​ប​ញ្ជូ​ល​ទាំ ង​ការដំឡើង​ប្រាក់​អាហារូបករណ៍​សម្រាប់​គរុសិស្ស​និស្សិត​ចំនួន​២​៩,​៥​៨​៦​លាន​រៀល​ ​ឬ​ស្មើ​នឹង​ប្រមាណ​ជាង​ប្រាំពីរ​លាន​ដុល្លារ​។​

លោកបានបន្ត​ថា​ ​ចំណែក​ចំណាយ​មូលធន​ មាន​ចំនួន​ ​៣១៥ ៧៧០ ​លាន​រៀល​ ​ឬ​ស្មើនឹង​ប្រមាណ​ជាង​៧​៦​លាន​ដុល្លារ​។​

កាល​ពី​ឆ្នាំ​២​០​២​១​ ​ក្រសួង​អប់រំ​បាន​ទទួល​ថវិកា ​ប្រមាណ​៨​១​០​លាន​ដុល្លារ​ ​ខណៈ​នៅ​ឆ្នាំ​២​០​២​២​ ​ក្រសួង​អប់រំ​បាន​ទទួល​ថវិកា​ប្រមាណ​៧​៩​៧​លាន​ដុល្លារ​ ​បន្ទាប់​ពី​រដ្ឋាភិបាល​បាន​កាត់​បន្ថយ​ប្រមា​ណ​១​.​៦​ភាគរយ​។​

លោកស្រី​ ​ឃួន​ ​វិច្ឆិកា​ ​អ្នកនាំពាក្យ​ក្រសួង​អប់រំ​ ​យុវជន​ ​និង​កីឡា​ ​បាន​លើកឡើង​ថា​ ​ជា​រៀងរាល់​ឆ្នាំ​រដ្ឋាភិបាល ​តែងតែ​បង្កើន​ថវិកា​លើ​វិ​ស័​យ​អប់រំ ​ក្នុងរង្វង់​តិច​ជាង​១​០​ភាគរយ​ ​ប៉ុន្តែ​លើក​លែងតែ​ក្នុង​ស្ថានភាព​ការ​រាតត្បាត​ជំងឺ​កូ​វី​ដ​-​១​៩​។​

លោកស្រី​បន្ត​ថា​ ​ក្នុង​ផែនការ​យុទ្ធសាស្ត្រ​បញ្ចកោណ ​របស់​រដ្ឋាភិបាល​បាន​ផ្ដល់​អ​ទិ​ភាព​ខ្ពស់ ​លើ​ការ​លើក​ក​ម្ពស់​ការ​បណ្ដុះ​បណ្ដាល​ធនធាន​មនុស្ស ​និង​គុណភាព​អប់រំ​ ​ខណៈ​នៅ​ក្នុង​ឆ្នាំ​២​០​២​៤​ ​រដ្ឋាភិបាល​បាន​សម្រេច​ដំឡើង​ ប្រាក់​អាហារូបករណ៍ ​ដល់​គរុសិស្ស​និស្សិត​ ​ដែល​ជា​កត្តា​មួយ ​ជំរុញ​ការ​ចំណាយ​កើន​ឡើង​ដែរ​។​ លោកស្រី​បាន​ពន្យល់​ថា​ “ការ​កើន​ឡើង​ចំណាយ ​ដោយសារ​ការ​បំពាក់​ស​ម្ភារៈ​ឧបទេស​ សម្រាប់​ធ្វើ​ពិសោធន៍​ ខាង​ថ្នាក់​វិទ្យាសាស្ត្រ​ទាំង​ក​ម្រិ​ត​បឋមសិក្សា​រហូ​ត​ដល់​កម្រិត​វិទ្យាល័យ​”។​ លោកស្រី​បន្ថែម​ថា ​ទន្ទឹម​នឹង​នេះ​ ​ក្រសួង​អប់រំ​ទើប​តែ​បាន​កែ​សម្រួល​វិធីសាស្ត្រ​បង្រៀន​ថ្មី ​ផ្នែក​អំណាន​កម្រិត​ដំបូង​ ​ដើម្បី​លើក​ក​ម្ពស់​គុណភាព​អប់រំ​ខាង​ភាសាខ្មែរ​ ​ក៏​ដូចជា​គ​ណិ​ត​វិទ្យា​កាន់តែ​ល្អ​ប្រសើរ​។​

ថ្លែងនៅក្នុង​ពិធី​ទិវា​គ្រូបង្រៀន​លើក​ទី​២​៦​ ​កាល​ពី​ថ្ងៃ​ទី​៥​ ​ខែ​តុលា​ ​សម្តេចធិបតីហ៊ុន​ ​ម៉ា​ណែ​ត​ ​បាន​សម្រេច​ដំឡើង​ប្រាក់​ឧបត្ថម្ភ​ដល់​គរុសិស្ស​ ​ហើយ​ស្នើ​ក្រសួង​អប់រំ​ពង្រឹង​មូលដ្ឋាន ​សិក្សា​របស់​សិស្ស​ចាប់​ពី​ក​ម្រិ​តម​តេយ្យ​សិក្សា ​ដល់​មធ្យមសិក្សា​ទុតិយ​ភូមិ​ ​ព្រមទាំង​ពិនិត្យ​ឡើង​វិញ ​លើ​ការ​ជ្រើសរើស​នាយក​សាលា​រៀន​ ​ដើម្បី​កែ​ទម្រង់​បន្ថែម​នៃ​ប្រព័ន្ធ​អប់រំ​។​

លោក​បញ្ជាក់​ថា​ ​សិស្ស​និស្សិត​ដែល​ប្រឡង​ ចូល​បម្រើ​ការ​ជា​គ្រូបង្រៀន​មាន​បី​ក​ម្រិ​ត​ ​គឺ​គរុសិស្ស​ត​ក​ម្រិ​ត​ “ក​”​ ​ដែល​ទទួល​ប្រាក់ឧបត្ថម្ភ​ពី​រដ្ឋ​ ​៦​០​៣​,​០​០​០​រៀល​នៅ​ឆ្នាំ​​២០២៣​ ​នឹង​ដំឡើង​ដល់​១,​ ​១​៧​០​,០​០​០​រៀល​នៅ​ឆ្នាំ​២០២៤។​ ​គរុសិស្ស​ក​ម្រិ​ត​ “ខ​”​ ​ដែល​ទទួល​ប្រាក់ឧបត្ថម្ភ​ពី​រដ្ឋ​​៥៦២ ០០០រៀល​នៅ​ឆ្នាំ​២​០​២​៣​ ​នឹង​ដំឡើង​ដល់​១,១០០,០០០រៀល​នៅ​ឆ្នាំ​២​០​២​៤​។​ ​ចំណែក​គរុសិស្ស​ត​ក​ម្រិត​ “​គ​”​ ​ដែល​ទទួល​ប្រាក់ឧបត្ថម្ភ​ពី​រដ្ឋ​​៥​៣​០​,០​០​០​រៀល​នៅ​ឆ្នាំ​២​០​២​៣​ ​នឹង​ដំឡើង​ដល់​៩​៨​០,​ ​០​០​០​រៀល​នៅ​ឆ្នាំ​២​០​២​៤​។​

យោងតាមរបាយការណ៍​បឋម​របស់​​​ ក្រសួង​អប់រំ យុវជននិងកីឡា​បាន​បង្ហាញ​ថា​ ​គរុសិស្ស​ដែល​កំពុង​ទទួល បានការ​បណ្ដុះបណ្ដាល​វិជ្ជាជីវៈ​គ្រូ​បង្រៀន ​មាន​ប្រហែល​​៣​​០​០​០​នាក់ ​នៅ​ទូទាំង​ប្រទេស​។​ នៅ​ក្នុង​យុទ្ធសាស្ត្រ​បញ្ចកោណ ​ដំណាក់កាល​ទី​១​ ​បាន​ផ្ដល់​អាទិភាព​លើ​ការ​ពង្រឹង​គុណភាព​វិ​ស័​យ​អប់រំ​ ​កីឡា​ ​វិទ្យាសាស្ត្រ​ ​បច្ចេកវិទ្យា​ ​ព្រមទាំង​បន្ត​កែ​ទម្រង់ ​សាលារៀន​សាធារណៈ​ ​ជំរុញ​ការ​បង្កើត​សា​លារៀន​គំរូ​ ​ពង្រឹង​អភិបាល​កិច្ច​គ្រប់គ្រង​មន្ទីរអប់រំ​ ​ហើយនិង​ជំរុញ​ការ​ចូល​រួម​យ៉ាង​សកម្ម​ពី​អាណាព្យាបាល​ ​សហគមន៍​ ​និង​វិ​ស័យ​ឯកជន​៕