ក្រុមហ៊ុនជាតិ អន្តរជាតិជាង៦០០កំពុងបោះទីតាំងនៅទី ក្រុងកោះពេជ្រ

ដោយៈ គង់ សូរិយា

ភ្នំពេញៈ បច្ចុប្បន្ននេះ ការវិវឌ្ឍនៃកោះពេជ្រ បើប្រៀបធៀបទៅនឹងពេលចាប់ផ្តើម គឺកំពុងឆ្ពោះទៅក្លាយជាបរិស្ថាន បែបអន្តរជាតិ និងវប្បធម៌ខ្មែរ។

នេះជាការលើកឡើងរបស់លោកTea Thierry អគ្គនាយករងក្រុមហ៊ុនOCIC Group កាលពីពេលថ្មីៗនេះ។ លោកបានមានប្រសាសន៍ឲ្យដឹង ក្នុងកិច្ចសម្ភាសន៍ពិសេសផ្តាច់មុខ ជាមួយគេហទំព័រPropertyarea.asia កាលពីពេលថ្មីៗនេះថា សព្វថ្ងៃនេះ យើងឃើញមានក្រុមហ៊ុនជាង៦០០ ដែលបានប្រតិបត្តិអាជីវកម្មនៅកោះពេជ្រ ដែលមានដូចជា ផ្សារទំនើប ហាងកាហ្វេថ្មីៗ សាលាអន្តរជាតិ មកពីប្រទេសកាណាដាCIS ដែលមានសិស្សរៀនជាង១០០០នាក់ សាលាបារាំងអន្តរជាតិ។លោកបន្តថា ម្យ៉ាងវិញទៀត នៅកោះពេជ្រមានសួនឧទ្យានចំនួន២ ដូចជាសួនដូង Coconut Park និងសួនTreellion។ ដូច្នេះនេះគឺជាកន្លែងមួយដ៏ពិសេស នៅចំកណ្តាលបេះដូង នៃរាជធានីភ្នំពេញ ដែលមនុស្សអាចនាំគ្នាទៅញុំាកាហ្វេ ដើរលេងដើម្បីសម្រាកធូរស្បើយក្នុងអារម្មណ៍ ហើយយើងបានអភិវឌ្ឍកន្លែង សម្រាប់ដើរលេងតាមមាត់ទន្លេ ខណៈនៅក្នុងអំឡុងពេលកូវីដ មានមនុស្សជាច្រើនបានដើរលេងតាមមាត់ទន្លេរ ដើម្បីរំសាយអារម្មណ៍ និងស្រូបយកខ្យល់អាកាសបរិសុទ្ធ។

លោកបញ្ជាក់ថា “សព្វថ្ងៃនេះ ការដើរលេងតាមសួនមាត់ទន្លេរកាន់តែមានការពេញនិយម ហើយយើងបានបង្កើតផ្សាររាត្រី ដែលអាចទាក់ទាញមនុស្ស ដើរកំសាន្តចំនួន១០.០០០នាក់ នៅពេលចុងសប្តាហ៍”។ លោកបន្តថា “យើងមានកន្លែងជាច្រើន សម្រាប់រៀបចំព្រឹត្តិការណ៍នានាដូចជា ខនសឺត និងកម្មវិធីជាច្រើនផ្សេងទៀត ដែលបានប្រមូលផ្តុំមនុស្សរាប់ពាន់នាក់”។

លោកបានឱ្យដឹងទៀតថា ក្រុមហ៊ុនរបស់យើង បានធ្វើពិពិធកម្មក្នុងវិស័យជាច្រើន ក្រៅពីវិស័យអចលនទ្រព្យ ដូចជា ការអប់រំ និងបានបោះទុនវិនិយោគ ទៅលើការថែទាំសុខភាព ដូចជាការបង្កើត Olympia Medical Hub និងIntercare Medical Center ហើយយើងក៏វិនិយោគទៅលើបដិសណ្ឋារកិច្ច និងការសាងសង់ហេដ្ឋារចនាសម្ព័ន្ធ នានាដូចជាស្ពាន ផ្លូវ និង គម្រោងជាច្រើនទៀត៕

ក្រុមហ៊ុនដ៏ធំSPG Global របស់អូស្រ្តាលីស្វែងរកឱកាស វិនិយោគនៅកម្ពុជា

ដោយៈ ម៉ាលីនណា

ភ្នំពេញៈ ថ្នាក់ដឹកនាំក្រុមហ៊ុន SPC Global ដែលផ្តោតលើអាជីវកម្មកសិឧស្សាហកម្ម ដ៏ល្បីល្បាញរបស់អូស្ត្រាលី បានមកធ្វើទស្សនកិច្ចនៅខេត្តកំពង់ស្ពឺ និងរាជធានីភ្នំពេញ ដើម្បីស្វែងយល់ពីការវិនិយោគ និងសក្តានុពលពាណិជ្ជកម្មនៅកម្ពុជា។

ថ្នាក់ដឹកនាំក្រុមហ៊ុននេះ បានអញ្ជើញមកទស្សនកិច្ច និងសិក្សាស្វែងយល់ពីសក្តានុពលកម្ពុជាកាលពីសប្តាហ៍មុន។

ក្រុមហ៊ុនSPC Global ដែលមានមូលដ្ឋាននៅទីក្រុង វីកតូរៀ ប្រទេសអូស្ត្រាលី មានបទពិសោធន៍ជាងមួយសតវត្សហើយ ក្នុងការកែច្នៃ និងវេចខ្ចប់ផលិតផលផ្លែឈើ និងបន្លែ។ ក្រុមហ៊ុននេះទិញផលិតផលមួយចំនួន ពីបណ្តាប្រទេសនៅក្នុងតំបន់អាស៊ី ហើយក៏ចាប់អារម្មណ៍ចង់ពង្រីកការ វិនិយោគរបស់ខ្លួនដោយការនាំចេញពីកម្ពុជា នូវផលិតផលដូចជា ស្វាយ សាវម៉ាវ មៀន និងស្រកានាគ។

ស្ថានទូតអូស្ត្រាលី និងកម្មវិធីអភិវឌ្ឍន៍សេដ្ឋកិច្ច ដ៏សំខាន់របស់យើង ហៅថា កម្មវិធីភាពជាដៃគូកម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់(CAPRED) បានស្វាគមន៍ លោក Hussein Rifai ប្រធាន និងជាអគ្គនាយកប្រតិបត្តិក្រុមហ៊ុនអូស្ត្រាលី SPCGlobal និងលោក Matthew McMichael ប្រធានផ្នែកប្រតិបត្តិការ មកកាន់ប្រទេសកម្ពុជា។

ក្នុងដំណើរទស្សនកិច្ចរយៈពេលពីរថ្ងៃកន្លះនេះ ក្រុមហ៊ុន SPC Global បានធ្វើដំណើរទៅទស្សនកិច្ចនៅ រោងចក្រផលិតកម្មចំណីអាហារគីរីរម្យ នៅក្នុងខេត្តកំពង់ស្ពឺ និងក្រុមហ៊ុនលីលី នៅក្នុងរាជធានីភ្នំពេញ។ តំណាងក្រុមហ៊ុន SPC Global ទាំងពីរអ្នកនេះ ក៏បានជួបជាមួយម្ចាស់អាជីវកម្មកសិឧស្សាហកម្មធំៗ ចំនួនបួនផងដែរ ដែលមាន ក្រុមហ៊ុន Navita Food Production ក្រុមហ៊ុន Misota Food Cambodia ក្រុមហ៊ុន SHE Agrocam និង ក្រុមហ៊ុន Royal Trust។តំណាងក្រុមហ៊ុន SPC Global ក៏មានឱកាសជួបជាមួយមន្ត្រីសំខាន់ៗ មកពីក្រសួងកសិកម្ម រុក្ខាប្រមាញ់ និងនេសាទ ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម សភាពាណិជ្ជកម្មកម្ពុជា និងទីភ្នាក់ងារវិនិយោគ នៃក្រុមប្រឹក្សាអភិវឌ្ឍន៍កម្ពុជាផងដែរ។

លោកRifaiបានថ្លែងថា “កម្ពុជាជាប្រទេសដ៏ល្អមួយ សម្រាប់យើង ក្នុងការស្វែងរកឱកាសថ្មីៗផ្នែកកសិកម្ម ជាពិសេសបន្លែ និងផ្លែឈើ ដែលមិនមានការដាំដុះ ឬបច្ចុប្បន្ននេះមិនមានវត្តមាននៅក្នុងប្រទេសអូស្ត្រាលី”។

លោកបន្តថា ក្រុមហ៊ុន SPC អាចផ្ដល់ជំនាញ និងចំណេះដឹងផ្នែកចំណីអាហាររបស់អូស្ត្រាលី ដែលអាចជួយឱ្យមានការអភិវឌ្ឍផលិតផលចំណីអាហារ ប្រកបដោយភាពច្នៃប្រឌិត និងមានគុណភាពខ្ពស់បំផុត ខណៈពេលដែលឧស្សាហកម្មកសិ- ចំណីអាហារនៅកម្ពុជាកំពុងតែមានការអភិវឌ្ឍ។

លោកបន្តថា វិស័យកសិ-ចំណីអាហារ គឺជាវិស័យផ្តោតសំខាន់មួយរបស់កម្ពុជា ហើយអូស្ត្រាលី ក៏កំពុងគាំទ្រការអភិវឌ្ឍរបស់កម្ពុជា លើវិស័យនេះដែរ។ យើងសូមអរគុណចំពោះ កម្មវិធីCAPRED ដែលបានណែនាំឱកាសនេះ មកកាន់ក្រុមហ៊ុនរបស់យើង ហើយយើងកំពុងបន្តការពិភាក្សាជាមួយ នឹងក្រុមហ៊ុនមួយចំនួនដែលយើងបានជួប។

គិតត្រឹមចន្លោះឆ្នាំ ២០១៧ ដល់ឆ្នាំ ២០២២ ផលិតកម្មផ្លែស្វាយរបស់កម្ពុជាកើនឡើង១៦០% ហើយការនាំចេញផ្លែឈើស្ងួតបានកើនឡើងរហូតដល់៦៥០០% ។ ប្រទេសកម្ពុជាមានសមត្ថភាពខ្ពស់លើកសិផលដែលមានតម្លៃខ្ពស់ រួមមាន ស្វាយ ចេក ស្វាយចន្ទី ដំឡូងជ្វា ល្ង ម្ទេស និងម្រេចកំពតដ៏ល្បីល្បាញលើពិភពលោក៕

សម្តេចតេជោបញ្ជាក់ជាថ្មីថា ក្រុងអរិយក្សត្រនិងសំពៅពូននឹងមិនកាត់ចូលរាជធានីភ្នំពេញទេ

ដោយៈ គង់ សូរិយា

ភ្នំពេញៈ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ជាថ្មីថា ក្រុងអរិយក្សត្រ និងក្រុងសំពៅពូន ជាក្រុងដែលបង្កើតថ្មីសម្រាប់ខេត្តកណ្តាល មិនត្រូវកាត់ចូលជាក្រុងរបស់រាជធានីភ្នំពេញនោះទេ។

ថ្លែងក្នុងពិធីសម្ពោធរោងចក្រផលិតទឹកស្អាតបាក់ខែង នៅខណ្ឌជ្រោយចង្វារ រាជធានីភ្នំពេញ កាលពីព្រឹកថ្ងៃទី១៩ ខែមិថុនា ឆ្នាំ២០២៣ សម្ដេចតេជោ ហ៊ុន សែន មានប្រសាសន៍ថា “សូមបញ្ជាក់ ក្រុងអរិយក្សត្រអត់មានឱ្យភ្នំពេញទេ បង្កើតក្រុងមួយ [….] ឥលូវយើងបង្កើតក្រុង២នៅខេត្តកណ្តាល ក្រុងសំពៅពូន នៅកោះធំ និងក្រុងអរិយក្សត្រមួយ”។

រាជរដ្ឋាភិបាលបានចេញ អនុក្រឹត្យនាថ្ងៃទី២៣ ខែធ្នូ ឆ្នាំ២០២២ ដោយសម្រេចបង្កើតក្រុងថ្មីគឺ “ក្រុងអរិយក្សត្រ” ដោយកាត់យកឃុំចំនួន៦ ពីស្រុកខ្សាច់កណ្តាល និងឃុំចំនួន៥ ពីស្រុកល្វាឯម ខេត្តកណ្តាល។ក្នុងនោះ ឃុំចំនួន៦ នៃស្រុកខ្សាច់កណ្តាល ដែលត្រូវកាត់ចេញទៅជាក្រុងអរិយក្សត្រគឺមាន ឃុំបាក់ដាវ ឃុំកោះឧកញ៉ាតី ឃុំព្រែកអំពិល ឃុំព្រែកលួង ឃុំព្រែកតាកូវ និងឃុំស្វាយជ្រំ។ ឃុំចំនួន៥នៃស្រុកល្វាឯម ក៏ត្រូវកាត់ទៅឱ្យក្រុងអរិយក្សត្រផងដែរ គឺឃុំអរិយក្សត្រ ឃុំសារិកាកែវ ឃុំពាមឧកញ៉ាអុង ឃុំព្រែកក្មេង និងឃុំបារុង។

អនុក្រឹត្យដដែលបានបញ្ជាក់ថា ក្រុងអរិយក្សត្រ នឹងក្លាយជាក្រុងទី២នៃខេត្តកណ្តាល បន្ទាប់ពីក្រុងតាខ្មៅ។ ក្រុងអរិយក្សត្រមានសង្កាត់ចំនួន១១ គឺសង្កាត់បាក់ដាវ សង្កាត់កោះឧកញ៉ាតី សង្កាត់ព្រែកអំពិល សង្កាត់ព្រែកលួង សង្កាត់ព្រែកតាកូវ សង្កាត់ស្វាយជ្រំ សង្កាត់អរិយក្សត្រ សង្កាត់សារិកាកែវ សង្កាត់ពាមឧកញ៉ាអុង សង្កាត់ព្រែកក្មេង និងសង្កាត់បារុង។

សម្រាប់ទីតាំងរដ្ឋបាល ក្រុងអរិយក្សត្រ ត្រូវស្ថិតនៅក្នុងសង្កាត់អរិយក្សត្រ។ ជាមួយគ្នានេះ រដ្ឋាភិបាលកម្ពុជានៅថ្ងៃទី២៣ ខែធ្នូ ឆ្នាំ២០២២ ដូចគ្នា ដែលបានសម្រេចបង្កើតក្រុង “ក្រុងសំពៅពូន” នៃខេត្តកណ្តាល ដោយកាត់យកឃុំចំនួន៥ ពីស្រុកកោះធំ គឺឃុំឈើខ្មៅ ឃុំព្រែកជ្រៃ ឃុំព្រែកស្ដី ឃុំជ្រោយតាកែវ និងឃុំសំពៅពូន។ បើតាមអនុក្រឹត្យរបស់រាជរដ្ឋាភិបាល ឃុំចំនួន៥នៃស្រុកកោះធំ នឹងកាត់យកដើម្បីបង្កើត “ក្រុងសំពៅពូន” ថ្មីដែលឃុំទាំង៥នោះ នឹងក្លាយជាសង្កាត់ឈើខ្មៅ សង្កាត់ព្រែកជ្រៃ សង្កាត់ព្រែកស្តី សង្កាត់ ជ្រោយតាកែវ និងសង្កាត់សំពៅពូន ឯសម្រាប់ទីតាំងរដ្ឋបាល ក្រុងសំពៅពូន ត្រូវស្ថិតនៅក្នុងសង្កាត់សំពៅពូន។

ខេត្តកណ្តាលគឺមានក្រុងចំនួន៣ គឺក្រុងសំពៅពូន ក្រុងអរិយក្សត្រ និងក្រុងតាខ្មៅ៕

ចរាចរណ៍អ្នកដំណើរតាមផ្លូវអាកាសសកលនឹងកើនឡើងដល់៤,៣៥ពាន់លាននាក់ក្នុងឆ្នាំនេះ

ដោយ: គង់ លាងហួរ
អន្តរជាតិ: ចរាចរណ៍អ្នកដំណើរតាមផ្លូវអាកាសសកលត្រូវបានគេរំពឹងថានឹងកើនឡើង២៨,៣ភាគរយដល់៤,៣៥ពាន់លាននាក់ក្នុងឆ្នាំនេះ ដោយត្រឡប់ទៅជិតកម្រិតមុនជំងឺរាតត្បាតឆ្នាំ២០១៩។

ទន្ទឹមនឹងនេះ បណ្តាក្រុមហ៊ុនអាកាសចរណ៍នៅតំបន់អាស៊ីប៉ាស៊ីហ្វិកទទួលបានអត្ថប្រយោជន៍ពីការស្ទុះងើបឡើងវិញយ៉ាងខ្លាំងក្លានៃតម្រូវការធ្វើដំណើរតាមផ្លូវអាកាស។

សមាគមដឹកជញ្ជូនផ្លូវអាកាសអន្តរជាតិបានឱ្យដឹងនៅក្នុងរបាយការណ៍ថ្មីៗនេះថា ចំនួនអ្នកដំណើរដែលបានព្យាករណ៍ទុកគឺខ្ពស់ជាង៣,៣៩ពាន់លាននាក់ក្នុងឆ្នាំ២០២២ និងតំណាងឱ្យប្រហែល៩៦ភាគរយនៃអ្នកដំណើរសរុបចំនួន៤,៥៤ពាន់លាននាក់កាលពី៤ឆ្នាំមុន ដោយសារតែការដកចេញនូវវិធានការត្រួតពិនិត្យព្រំដែន។តម្រូវការធ្វើដំណើរតាមផ្លូវអាកាសត្រូវបានគេរំពឹងថានឹងកើនឡើងនៅទូទាំងពិភពលោក។ សមាគមខាងលើបានបញ្ជាក់ទៀតថា ក្រុមហ៊ុនអាកាសចរណ៍ដែលមានមូលដ្ឋាននៅក្នុងតំបន់អាស៊ីប៉ាស៊ីហ្វិកត្រូវបានគេរំពឹងថា នឹងរីករាយជាមួយនឹងកំណើននៃតម្រូវការខ្ពស់បំផុត៦៣% ខណៈដែលគ្រប់បណ្តាប្រទេសនៅក្នុងតំបន់នេះបានបញ្ចប់ការរឹតបន្តឹងការធ្វើដំណើរ។

ចំណែក ក្រុមហ៊ុនអាកាសចរណ៍ដែលមានមូលដ្ឋាននៅទ្វីបអាហ្រ្វិក និងមជ្ឈិមបូព៌ាត្រូវបានគេព្យាករណ៍ថានឹងមានការកើនឡើង៣០,១ភាគរយ និង២០,៨ភាគរយរៀងៗគ្នានៅក្នុងចរាចរណ៍អ្នកដំណើរតាមផ្លូវអាកាស។

លើសពីនេះ ក្រុមហ៊ុនអាកាសចរណ៍អាមេរិកខាងជើងត្រូវបានគេរំពឹងថានឹងនាំមុខគេជាមួយនឹងប្រាក់ចំណេញសុទ្ធចំនួន១១,៥ពាន់លានដុល្លារ កើនឡើង២៦,៤ភាគរយធៀបនឹងឆ្នាំ២០២២ ហើយប្រាក់ចំណេញសុទ្ធរបស់ក្រុមហ៊ុនអាកាសចរណ៍នៅអឺរ៉ុបត្រូវបានគេព្យាករណ៍ថានឹងកើនឡើង២៤,៤ភាគរយរហូតដល់៥,១ពាន់លានដុល្លារ៕

វិស័យទេសចរណ៍ និងកំណើនសេដ្ឋកិច្ចជប៉ុនកំពុងស្រូបទាញលំហូរវិនិយោគបរទេសក្នុងផ្នែកសណ្ឋាគារ

ដោយ: គង់ លាងហួរ
អន្តរជាតិ: ការរីកចម្រើននៃវិស័យទេសចរណ៍របស់ប្រទេសជប៉ុនកំពុងទាក់ទាញការវិនិយោគ ពីអ្នកទិញបរទេស ដែលកំពុងស្វែងរកឱកាសអចលនទ្រព្យ ជាមួយនឹងសេដ្ឋកិច្ចរឹងមាំផ្តល់នូវកម្លាំងជំរុញបន្ថែមទៀត។

ផ្នែកសណ្ឋាគារនៅក្នុងប្រទេសសេដ្ឋកិច្ចធំទី៣ របស់ពិភពលោកបានទទួលទឹកប្រាក់ជិត៩៨ពាន់លានយ៉េន(ប្រហែល៦៩១លានដុល្លារ) ក្នុងការវិនិយោគពីក្រៅប្រទេសនៅចន្លោះខែមករា និងពាក់កណ្តាលខែមិថុនាឆ្នាំនេះ ពោលគឺច្រើនជាងមុន៥ដង បើធៀបនឹង១៧,៨ពាន់លានយ៉េនក្នុងឆមាសទីមួយនៃឆ្នាំ២០២២។ នេះបើតាមទិន្នន័យពីក្រុមហ៊ុនស្រាវជ្រាវ MSCI Real Assets។លោក Pamela Ambler ប្រធានផ្នែកស៊ើបការណ៍វិនិយោគសម្រាប់អាស៊ីប៉ាស៊ីហ្វិកនៅក្រុមហ៊ុន JLL បានលើកឡើងថា “អ្វីដែលខ្ញុំគិតថាកំពុងកើតឡើងគឺថាមានមនុស្សមកពីក្រៅ និងមូលធនបរទេសកាន់តែច្រើន កំពុង សម្លឹងមើលវិស័យជាច្រើនដើម្បីវិនិយោគ”។

ចាប់តាំងពីប្រទេសជប៉ុនបានលុបចោលទាំងស្រុងនូវការរឹតបន្តឹងការធ្វើដំណើរទាក់ទងនឹងជំងឺរាតត្បាតនៅដើមខែតុលា បន្ទាប់ពីមានភាពឯកោអស់រយៈពេលជាងពីរឆ្នាំ ប្រទេសនេះបានទាក់ទាញចំនួនអ្នកចូលទស្សនាជាច្រើនឡើងវិញ។

នៅក្នុងខែមេសា ទឹកដីដែលល្បីល្បាញដោយសារផ្កាសាគូរ៉ា ទឹកសមុទ្រ និងភាពយន្តគំនូរជីវចល និងរឿងភាគដ៏ពេញនិយមមួយនេះ បានស្វាគមន៍ភ្ញៀវទេសចរជិត២លាននាក់ ដែលជាកម្រិតដ៏ខ្ពស់មួយក្រោយជំងឺរាតត្បាត។នេះបើយោងតាមតួលេខចុងក្រោយពីអង្គការទេសចរណ៍ជាតិជប៉ុន។

លើសពីនេះបន្ទាប់ពីបានជាប់គាំងអស់រយៈពេលជាច្រើនឆ្នាំសេដ្ឋកិច្ចរបស់ប្រទេសនេះក៏កំពុងបង្ហាញសញ្ញានៃការងើបឡើងវិញផងដែរ។

ជាក់ស្តែង ផលិតផលក្នុងស្រុកសរុបរបស់ជប៉ុនបានកើនឡើង២,៧ភាគរយនៅក្នុងខែមករាដល់ខែមីនាធៀបនឹងឆ្នាំមុន ពោលគឺខ្ពស់ខ្លាំងជាងការប៉ាន់ស្មានបឋមនៃកំណើន១,៦ភាគរយ ដោយសារកំណើននៃការចំណាយដើមទុន និងការប្រើប្រាស់ឯកជនបានជួយប៉ះប៉ូវដល់ការធ្លាក់ចុះនៃតម្រូវការខាងក្រៅ៕

Asian stocks off to a slow start, eyeing China stimulus, Powell testimonies

SYDNEY : Asian shares started cautiously on Monday after their best weekly run in five months, as investors looked ahead to China’s rate decision and U.S. Federal Reserve Chair Jerome Powell’s testimonies for clues on the rate path ahead.

S&P 500 futures rose 0.1 per cent early in Asia while Nasdaq futures firmed 0.3 per cent. Cash U.S. Treasuries were untraded owing to the Juneteenth holiday, while futures were up a fraction with little liquidity.

In Asia, Japan’s Nikkei fell 0.5 per cent, having clinched a fresh three-decade top on Friday, buoyed by the Bank of Japan’s (BOJ) decision to leave its ultra-easy policy setting unchanged, which has sent the yen to a 7-month low against the U.S. dollar.
MSCI’s broadest index of Asia-Pacific shares outside Japan was 0.1 per cent lower, after hitting a four-month high on Friday and finishing up 3 per cent for the week, the best since January.

In China, market hope for more forceful stimulus is growing after the cabinet met on Friday to discuss measures to spur economic growth. Also, the People’s Bank of China is widely expected to cut its benchmark loan prime interest rates on Tuesday, following a similar reduction in medium-term policy loans last week.

Morgan Stanley’s chief China economist Robin Xing expects an imminent stimulus package given second-quarter gross domestic product (GDP) growth is tracking at 0 per cent, lagging the government’s target of around 5 per cent for the year.

“This requires more policy easing to stabilise investment – the key drag to 2Q GDP growth – and prevent weakness from spreading to household sentiment and services,” said Xing.

Source: Reuter

លោកសាយ សំអាល់:មន្ត្រីរាជការបានចូលរួមចំណែកក្នុងការប្រែក្លាយខេត្តព្រះសីហនុ មកជាប៉ូលសេដ្ឋកិច្ចទី២

ដោយៈ គង់ សូរិយា

ព្រះសីហនុៈ រដ្ឋមន្រ្តីក្រសួងបរិស្ថាន លោកសាយ សំអាល បានលើកឡើងថា កំពង់ផែស្វយ័តក្រុងព្រះសីហនុ បានដើរលើផ្លូវដ៏វែងឆ្ងាយ និងបានធ្វើសមាហរណកម្ម និងសុខដុមនីយកម្មជាមួយបណ្តាប្រព័ន្ធកំពង់ផែអន្តរជាតិធំៗ នៅលើពិភពលោក។

លោកបន្តថា “កំពង់ផែស្វយ័តក្រុងព្រះសីហនុ គឺជាម៉ាស៊ីនសេដ្ឋកិច្ច ដែលរួមចំណែកជំរុញការអភិវឌ្ឍខេត្តព្រះសីហនុ និងកំណើនសេដ្ឋកិច្ចជាតិទាំងមូល”។

លោកសាយ សំអាល់ ក៏ប្រធានក្រុមការងារគណបក្សចុះមូលដ្ឋានខេត្តព្រះសីហនុ បានថ្លែងបែបនេះ ក្នុងពេលជួបសំណេះសំណាលជាមួយថ្នាក់ដឹកនាំ បុគ្គលិកកំពង់ផែស្វយ័តក្រុងព្រះសីហនុ និងលោកគ្រូ អ្នកគ្រូ និងបុគ្គលិកមន្ទីរអប់រំ យុវជន និងកីឡាខេត្តព្រះសីហនុ នាថ្ងៃទី១៧ ខែមិថុនា ឆ្នាំ២០២៣ នៅក្រុងព្រះសីហនុ។លោកសាយ សំអាល់ បានកោតសរសើរ និងវាយតម្លៃខ្ពស់ ចំពោះកិច្ចខិតខំប្រឹងប្រែង របស់មន្ត្រីបុគ្គលិកគ្រប់ផ្នែក គ្រប់ថ្នាក់ ជាពិសេសថ្នាក់ដឹកនាំ និងបុគ្គលិកនៃកំពង់ផែស្វយ័ត ក្រុងព្រះសីហនុ ដែលបានខិតខំបំពេញភារកិច្ចរបស់ខ្លួន ក្នុងការអភិវឌ្ឍកំពង់ផែស្វយ័តក្រុងព្រះសីហនុ ឱ្យមានការរីកចម្រើនជាបន្តបន្ទាប់។

ក្នុងជំនួបនេះដែរ លោកក៏បានចាត់ទុកលោកគ្រូ អ្នកគ្រូ និងបុគ្គលិកអប់រំ ជាតួអង្គដ៏សំខាន់ក្នុងការកសាងធនធានមនុស្ស ព្រមទាំងរួមចំណែកអភិវឌ្ឍខេត្ត ព្រះសីហនុ ឱ្យប្រែក្លាយមកជាក្បាលរថភ្លើងនៃកំណើនសេដ្ឋកិច្ចជាតិ ដូចសព្វថ្ងៃនេះ។

លោកបានបង្ហាញសុទិដ្ឋិនិយមថា ខេត្តព្រះសីហនុនឹងបន្តរីកចម្រើនឥតឈប់ឈរ ហើយកំពង់ផែស្វយ័តក្រុងព្រះសីហនុ នឹងដើរតួនាទីកាន់តែសំខាន់មួយ សម្រាប់ទ្រទ្រង់ការសម្រេច បាននូវផែនការប្រែក្លាយខេត្តព្រះសីហនុ ជា “តំបន់សេដ្ឋកិច្ចពិសេសគំរូពហុបំណង” ក៏ដូចជា ចក្ខុវិស័យកម្ពុជា២០៣០ ជាប្រទេសចំណូលមធ្យមកម្រិតខ្ពស់ និងចក្ខុវិស័យកម្ពុជា២០៥០ ជាប្រទេសចំណូលខ្ពស់ តាមការគ្រោងទុក៕

កូរ៉េខាងត្បូងស្នើបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយជាមួយអាស៊ានទៅកាន់អគ្គលេខាធិការអាស៊ាន

ដោយ: គង់ លាងហួរ

សេអ៊ូល: រដ្ឋមន្ត្រីការបរទេសរបស់ប្រទេសកូរ៉េខាងត្បូង កាលពីថ្ងៃសុក្រសប្តាហ៍មុនបានស្នើបង្កើត ភាពជាដៃគូយុទ្ធសាស្ត្រគ្រប់ជ្រុងជ្រោយ ជាមួយសមាគមប្រជាជាតិអាស៊ីអាគ្នេយ៍ (អាស៊ាន) នៅឆ្នាំ២០២៤ខាងមុខ ក្នុងអំឡុងពេលកិច្ចពិភាក្សារបស់លោក ជាមួយអគ្គលេខាធិការអាស៊ាន។

នេះបើយោងតាមចុះផ្សាយឱ្យដឹង ដោយសារពត៌មានរបស់ប្រទសកូរ៉េខាងត្បូង Yonhap។រដ្ឋមន្ត្រីការបរទេសកូរ៉េលោក Park Jin និងអគ្គលេខាធិការអាស៊ាន លោកបណ្ឌិតកៅ គឹមហួន បានជួបប្រជុំគ្នានៅទីក្រុងសេអ៊ូល ខណៈដែលប្រទេសកូរ៉េ បានផ្តោតជាសំខាន់លើការពង្រឹងទំនាក់ទំនងជាមួយសមាជិកអាស៊ានទាំង១០ ដែលជាដៃគូដ៏សំខាន់របស់ប្រទេសកូរ៉េ សម្រាប់កិច្ចសហប្រតិបត្តិការការទូត និងសេដ្ឋកិច្ច។លោក Park Jin បានធ្វើសំណើដើម្បីបង្កើតចំណុចរបត់ថ្មីមួយសម្រាប់ការអភិវឌ្ឍន៍ទំនាក់ទំនងទ្វេរភាគី ខណៈដែលឆ្នាំក្រោយគឺជាខួបលើកទី៣៥ នៃការបង្កើតភាពជាដៃគូសន្ទនារវាងភាគីទាំងពីរ។

ជាការឆ្លើយតបបណ្ឌិតលោក កៅ គឹមហួន បានសម្តែងការរំពឹងទុកថា កិច្ចសហប្រតិបត្តិការរវាងប្លុកអាស៊ាន និងប្រទេសកូរ៉េ ដែលជាដៃគូសន្ទនាដ៏សំខាន់របស់ខ្លួន នឹងអភិវឌ្ឍបន្ថែមទៀត ហើយលោកបានអំពាវនាវ ឱ្យមានកិច្ចសហប្រតិបត្តិការជិតស្និទ្ធ ក្នុងដំណើរការបង្កើតភាពជាដៃគូយុទ្ធសាស្ត្រនេះ។

អគ្គលេខាធិការអាស៊ាន បានធ្វើដំណើរមកដល់ទីក្រុងសេអ៊ូលកាលពីថ្ងៃព្រហស្បតិ៍សប្តាហ៍មុន សម្រាប់ដំណើរទស្សនកិច្ចរយៈពេល៤ថ្ងៃ នៅក្នុងដំណើរជាលើកដំបូងរបស់លោកនៅទីនេះ ចាប់តាំងពីចូលកាន់តំណែងកាលពីខែមករាកន្លងទៅ៕

រដ្ឋាភិបាលអនុម័តគម្រោងវិនិយោគថ្មីៗចំនួន៦ ក្នុងរាជធានីនិងខេត្តចំនួន៣ទៀត សរុបទុនវិនិយោគជាង១២៨លានដុល្លារ

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនដូចខាងក្រោម៖

១-“DONGFANG JUNMA CEMENT CO., LTD” គម្រោងបង្កើតរោងចក្រផលិតស៊ីម៉ង់ត៍ ដែលមានទីតាំងវិនិយោគស្ថិតនៅភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង ក្នុងទុនវិនិយោគប្រមាណ ៩៥លានដុល្លារអាម៉េរិក និងអាចបង្កើតការងារបានចំនួន ៩៧៩កន្លែង។២-“TWPC INVESTMENT (CAMBODIA) CO., LTD” គម្រោងបង្កើតរោងចក្រកែច្នៃដំឡូងមីដែលមានទីតាំងវិនិយោគស្ថិតនៅភូមិអូរស្រម៉ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ក្នុងទុនវិនិយោគប្រមាណ ១០,៤លានដុល្លារអាម៉េរិក និងអាចបង្កើតការងារបានចំនួន ៩៩កន្លែង។ ៣-“WICKIMED (CAMBODIA) SUPPLY CO., LTD” គម្រោងបង្កើតរោងចក្រផលិតឧបករណ៍បរិក្ខាពេទ្យដែលមានទីតាំងវិនិយោគស្ថិតនៅផ្លូវជាតិលេខ ៤១ អគារលេខ ៦ ភូមិត្រពាំងឈូក ឃុំបរសេដ្ឋ ស្រុកបរសេដ្ឋ ខេត្តកំពង់ស្ពឺ ក្នុងទុនវិនិយោគប្រមាណ ៦,៣លានដុល្លារអាម៉េរិក និងអាចបង្កើតការងារបានចំនួន ២១៨កន្លែង។ ៤-“CMB & CHN CO., LTD” គម្រោងបង្កើតរោងចក្រកែច្នៃម្ហូបអាហារដែលមានទីតាំងវិនិយោគស្ថិតនៅភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ ក្នុងទុនវិនិយោគប្រមាណ ៦,១លានដុល្លារអាម៉េរិក និងអាចបង្កើតការងារបានចំនួន ១២០កន្លែង។

៥- “ELITE ENTERPRISE (CAMBODIA) CO., LTD” គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ក្នុងទុនវិនិយោគប្រមាណ ៥,៣លានដុល្លារអាម៉េរិក និងអាចបង្កើតការងារបានចំនួន ២.៧២៣កន្លែង។ ៦-“L T K J (CAMBODIA) CO., LTD” គម្រោងបង្កើតរោងចក្រផលិតទុយោគ្រប់ប្រភេទដែលមានទីតាំងវិនិយោគស្ថិតនៅភូមិផ្តៅពេន ឃុំតាំងក្រូច ស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ ៥,២លានដុល្លារអាម៉េរិក និងអាចបង្កើតការងារបានចំនួន ៥៨៨កន្លែង។

កាន់តែសម្បូរបែប! ផ្សារ ឡាក់គីអ៊ិចប្រេស បានបើកដំណើរការសាខាទីបួន នៅក្នុង បុរី ប៉េង ហួត គម្រោង ដឹស្តាដាយមិន ដែលជាទីតាំងមានសក្តានុពលស្ថិតតាមបណ្តោយមហាវិថីសម្តេច តេជោ ហ៊ុន សែន (ផ្លូវ ៦០ ម៉ែត្រ) ។

17.PR , Promotion Feb (W. 1280px x H.671px)

នៅថ្ងៃទី២០ ខែឧសភា ឆ្នាំ២០២៣ នេះ ក្រុមហ៊ុន ឌី អេហ្វ អាយ ឡាក់គី ប្រាយវេត លីមីធីត បានបើកសម្ពោធផ្សារ ឡាក់គីអ៊ិចប្រេស ជាផ្លូវការ ដែលបាននាំមកនូវការបញ្ចុះតម្លៃពិសេសទៅលើទំនិញជាច្រើនមុខ ដែលទីតាំងនេះគឺជាសាខាទីបួនហើយដែលស្ថិតនៅក្នុងបុរី ប៉េង ហួត បន្ថែមពីលើសាខាទាំងបី ដែលបានកំពុងបើកដំណើរការក្នុងពេលបច្ចុប្បន្ននេះ។

សាខាថ្មីរបស់ផ្សារ ឡាក់គីឡាក់គីអ៊ិចប្រេស គឺស្ថិតនៅក្នុងគម្រោង បុរី ប៉េង ហួត ដឹស្តាដាយមិន មានទីតាំងស្ថិតនៅតាមបណ្តោយមហាវិថីសម្តេច តេជោ ហ៊ុន សែន (ផ្លូវ ៦០ ម៉ែត្រ) បាននាំយកមកនូវទំនិញប្រើប្រាស់ប្រចាំថ្ងៃជាច្រើនមុខសម្រាប់បម្រើទៅតាមតម្រូវការអតិថិជន ដែលរស់នៅក្នុងបុរី ប៉េង ហួត ដឹស្តាដាយមិន និងអតិថិជនទូទៅ។ លោក គីម សេង នាយកជាន់ខ្ពស់ផ្នែកប្រតិបត្តិការផ្សារទំនើបនិងហ្គាឌៀននៃ ក្រុមហ៊ុន ឌី អេហ្វ អាយ ឡាក់គី ប្រាយវេត លីមីធីត បានបង្ហាញចំណាប់អារម្មណ៍រំភើបចំពោះការបើកដំណើរការសាខាថ្មីនេះ នឹងមានប្រសាសន៍ថា ហាងថ្មីមួយនេះនឹងអាចបំពេញតម្រូវការប្រចាំថ្ងៃរបស់អតិថិជន។លោកបានឲ្យដឹងថា៖ «យើងបានធ្វើអាជីវកម្មជាមួយក្រុមហ៊ុន ប៉េង ហួត អ៊ីនវេសមិន អស់រយៈពេលជាច្រើនឆ្នាំកន្លងមករួចមកហើយ ហើយយើងមានសេចក្តីសោមនស្សរីករាយក្នុងការចាប់យកភាពជាដៃគូនេះទៅកាន់កម្រិតមួយបន្ថែមទៀត ជាមួយនឹងការផ្តល់ជូននូវបទពិសោធន៍លក់រាយដ៏ថ្មីអស្ចារ្យសម្រាប់គម្រោង បុរី ប៉េង ហួត ដឹស្តាដាយមិន ដែលមានទីតាំងស្ថិតនៅតាមបណ្តោយមហាវិថី សម្តេច តេជោ ហ៊ុន សែន (ផ្លូវ ៦០ ម៉ែត្រ) នេះផងដែរ»។

លោកបានបញ្ជាក់បន្ថែមទៀតថា ហេតុផលចម្បងដែលនាំឲ្យក្រុមហ៊ុន ឌី អេហ្វ អាយ ឡាក់គី ប្រាយវេត លីមីធីត បន្តពង្រីកសាខាបន្ថែមមួយទៀត ជាមួយបុរី ប៉េង ហួត ពីព្រោះថា ក្រុមហ៊ុន បានមើលឃើញពីការកើនឡើងនូវតម្រូវការរបស់អតិថិជន និងដោយសារតែមានកំណើនប្រជាពលរដ្ឋដែលចូលមករស់នៅក្នុងតំបន់នេះកាន់តែច្រើនឡើងៗ ជាពិសេសគឺក្នុងគម្រោង បុរី ប៉េង ហួត ដឹស្តាដាយមិន ដែលស្ថិតនៅតាមបណ្តោយមហាវិថីសម្តេច តេជោ ហ៊ុន សែន (ផ្លូវ ៦០ ម៉ែត្រ) នេះផ្ទាល់តែម្តង។

ជាក់ស្តែង ម៉ាកយីហោ ឡាក់គី អ៊ិចប្រេស បានបើកដំណើរការសាខាទីមួយ តាំងពីឆ្នាំ២០១៨ នៅក្នុងគម្រោង ភីអេច ប៉ូឡារីស អេហ្វ អែនប៊ី ដែលមានទីតាំងស្ថិតនៅក្នុងបុរី ប៉េង ហួត ហ្គ្រេនស្តាផ្លាទីនីម (បឹងស្នោ) សាខាទីពីរ ស្ថិតនៅក្នុងគម្រោង បុរី ប៉េង ហួត ដឹស្តាខ្វតធឺរៀ និងសាខាទីបី នៅក្នុងគម្រោង បុរី ប៉េង ហួត ដឹស្តាណេតឈើរ៉ល ។

គួរបញ្ជាក់ផងដែរថា ក្រុមហ៊ុន ឌី អេហ្វ អាយ ឡាក់គី ប្រាយវេត លីមីធីត គឺជាក្រុមហ៊ុនអាជីវកម្មលក់រាយឈានមុខគេនៅក្នុងប្រទេសកម្ពុជា ដែលបានបើកប្រតិបត្តិការផ្សារ ឡាក់គីអ៊ិចប្រេសប្រមាណ ៦៥ សាខាទូទាំងប្រទេសចាប់តាំងពីថ្ងៃទី៨ ខែមីនា ឆ្នាំ១៩៩៣។

ចំណុចទាំងអស់ខាងលើនេះ បានបញ្ជាក់ឲ្យឃើញថា បុរី ប៉េង ហួត ដឹស្តាដាយមិន គឺជាតំបន់ដែលមានការទាក់ទាញយ៉ាងខ្លាំងសម្រាប់ទាំងការរស់នៅ និងការធ្វើអាជីវកម្មនានា ស្របពេលដែលមានផ្សារទំនើប និងទូអេធីអឹមនៃធនាគារជាច្រើន សុទ្ធសឹងមានវត្តមាននៅក្នុងគម្រោងនេះតែម្តង។

1...893894895...3,256 Page 894 of 3,256