ក្រុមហ៊ុន រ៉ូយ៉ាល់គ្រុប និងក្រុមហ៊ុន Seaplane Asia Limited វិនិយោគរួមគ្នា ដើម្បីបើកដំណើរការសេវាកម្មយន្តហោះ ចុះលើទឹកដំបូងបង្អស់នៅកម្ពុជា

ដោយ: គង់ លាងហួរ
ក្រុមហ៊ុន រ៉ូយ៉ាល់គ្រុប របស់អ្នកឧកញ៉ា គិត ម៉េង និងក្រុមហ៊ុន Seaplane Asia Limited វិនិយោគរួមគ្នា ដើម្បីបើកដំណើរការសេវាកម្មយន្តហោះ ចុះលើទឹកដំបូងបង្អស់នៅកម្ពុជា

ភ្នំពេញ៖ នៅថ្ងៃទី៩ ខែមិថុនា ឆ្នាំ២០២៣នេះ ក្រុមហ៊ុន Senplane Asia Limiter នៃទីក្រុងហុងកុង និងក្រុមហ៊ុន រ៉ូយ៉ាល់គ្រុប របស់អ្នកឧកញ៉ា គិត ម៉េង បានចុះហត្ថលេខាលើកិច្ចព្រមព្រៀងបណ្ដាក់ទុនរួមគ្នាដើម្បីបង្កេីតក្រុមហ៊ុន Royal Group Samra Seaplane Cambodia ដោយបើកដំណើរការសេវាកម្មយន្តហោះ ចុះលើទឹកនៅក្នុងព្រះរាជាណាចក្រកម្ពុជា។តាមរយៈការបង្កើតក្រុមហ៊ុន Royal Group Samra Seaplane ក្រុមហ៊ុនទាំងពីរ បានបង្ហាញពីចេតនារួមគ្នា ក្នុងការបង្កើតប្រតិបត្តិការសេវាកម្មយន្តហោះចុះលើទឹកប្រកបដោយនិរន្តរភាពនៅក្នុងព្រះរាជាណាចក្រកម្ពុជា ដែលត្រូវបានរៀបចំឡើង ដើម្បីបង្កើនការប្រើប្រាស់ផ្លូវអាកាស ក៏ដូចជា ការតភ្ជាប់គ្នាទៅវិញទៅមកសម្រាប់ប្រជាជនទូទៅ អាជីវកម្ម និងភ្ញៀវទេសចរនានា។ លើសពីនេះ សេវាកម្មយន្តហោះចុះទឹក នឹងបង្កើនការផ្តល់ជូននិង បទពិសោធន៍បន្ថែមសម្រាប់ភ្ញៀវទេសចរនាពេលបច្ចុប្បន្ន។

កិច្ចសហការនេះ គឺជាព្រឹត្តិការណ៍ដ៏សំខាន់មួយនៅក្នុងឧស្សាហកម្មអាកាសចរណ៍របស់កម្ពុជា ដោយបានបង្កើតសេវាកម្មយន្តហោះចុះលើទឹកលំដាប់ប្រណិតដំបូងគេបង្អស់នៅក្នុងប្រទេសកម្ពុជា។ ក្រុមហ៊ុន Royal Group Samra Seaplane មានគោលដៅកំណត់ស្តង់ដាថ្មីសម្រាប់ការដឹកជញ្ជូនតាមយន្តហោះចុះលើទឹកប្រកបដោយគុណភាពខ្ពស់ និងសេវាកម្មបែបស៊ីវិល័យ ដោយបម្រើជូនតម្រូវការដ៏សម្បូរបែបលើសពីសេវាកម្មទេសចរណ៍។ ទន្លេ បឹងបួ និងតំបន់ឆ្នេរសមុទ្រដ៏អស្ចារ្យនានារបស់ប្រទេសកម្ពុជា ក្លាយជាគោលដៅដ៏ល្អឥតខ្ចោះសម្រាប់ការដឹកជញ្ជូនតាមយន្តហោះចុះលើទឹក ដោយផ្តល់ឱកាសដល់ភ្ញៀវទេសចរ ដើម្បីទទួលយកបទពិសោធន៍នៃទិដ្ឋភាពពីលើអាកាសដ៏គួរឱ្យស្ញប់ស្ញែង នៅពេលធ្វើដំណើរតភ្ជាប់ទៅទិសដៅផ្សេងៗនៅទូទាំងប្រទេស។ ក្រុមហ៊ុន Royal Group Samra Seaplane នឹងផ្លាស់ប្តូរការដឹកជញ្ជូននៅប្រទេសកម្ពុជា ជាវិជ្ជមាន ដោយផ្តល់នូវភាពងាយស្រួល ភាពប្រណិត និងការតភ្ជាប់ដែលមិនអាចប្រៀបផ្ទឹមបាន។

ដោយរួមបញ្ចូលគ្នានូវបទពិសោធន៍ ធនធាន និងជំនាញរបស់ក្រុមហ៊ុន រ៉ូយ៉ាលគ្រុប និងក្រុមហ៊ុន Seaplane Asia, ក្រុមហ៊ុន Royal Group Samra Soaplane ត្រៀមខ្លួនជាស្រេចដើម្បីធ្វើឱ្យប្រសើរឡើងនូវការធ្វើដំណើរ និងបង្កើនការទទួលបានសេវាកម្មធ្វើដំណើរក្នុងប្រទេសកម្ពុជាយើង។ ក្រុមហ៊ុន រ៉ូយ៉ាល់គ្រុប មានចំណេះដឹងយ៉ាងស៊ីជម្រៅអំពីទីផ្សារក្នុងស្រុក មានបណ្តាញដៃគូដ៏រឹងមាំ និងមានកំណត់ជោគជ័យរាល់ការបណ្តាក់ទុនប្រកបដោយវិជ្ជមាន ចំណែកក្រុមហ៊ុន Seaplane Asia ផ្ដល់ជូននូវជំនាញសេវាកម្មយន្តហោះចុះលើទឹកនៅទូទាំងតំបន់ មានចំណេះដឹងផ្នែកបច្ចេកទេស និងបែបបទប្រតិបត្តិការ និងបញ្ហាយន្ដហោះចុះលើទឹកប្រភេទ, Cessna Grand Caravans។

អ្នកឧកញ៉ា គិត ម៉េង ប្រធានក្រុមហ៊ុន រ៉ូយ៉ាល់គ្រុប បានមានប្រសាសន៍ថា យើងមានមោទនភាពដែលបានចូលរួមជាមួយក្រុមហ៊ុន Seaplane Asia និងសូមណែនាំក្រុមហ៊ុន Royal Group Samra Seaplane ដែលជាសេវាកម្មយន្តហោះចុះលើទឹកដ៏ប្រណិតដំបូងគេនៅកម្ពុជា។ ការបណ្ដាក់ទុនរួមគ្នានេះ តំណាងឱ្យការប្តេជ្ញាចិត្តរបស់យើងក្នុងការជំរុញភាពច្នៃប្រឌិត និងការកែលម្អជម្រើសនៃការដឹកជញ្ជូន សម្រាប់ទាំងប្រជាជនក្នុងស្រុក និងអ្នកទេសចរនៅក្នុងប្រទេសកម្ពុជា។ ជាមួយនឹងក្រុមហ៊ុន Royal Group Samra Seaplane យើងមានគោលបំណងបង្កើតបទពិសោធន៍នៃការធ្វើដំណើរដ៏អស្ចារ្យ និងមិនអាចបំភ្លេចបាន ដោយផ្សារភ្ជាប់នូវទេសភាពដ៏គួរឲ្យស្ញប់ស្ញែងអស្ចារ្យរបស់ប្រទេសកម្ពុជាតាមរបៀបដែលមិនធ្លាប់មានពីមុនមក។

លោក Dennis Keller អគ្គនាយកប្រតិបត្តិនៃក្រុមហ៊ុន Seaplane Asia Limited ក៏បានសម្តែងការសាទចំពោះកិច្ចសហការនេះ ដោយមានប្រសាសន៍ថា ប្រទេសកម្ពុជាមានសក្តានុពលយ៉ាងខ្លាំងសម្រាប់ប្រតិបត្តិការយន្តហោះចុះលើទឹក ដោយសារសម្រស់ធម្មជាតិដ៏វិសេសវិសាល និងសេដ្ឋកិច្ចរីកលូតលាស់ ព្រមទាំងឧស្សាហកម្ម ទេសចរណ៍។ ដើម្បីបង្កើតសេវាកម្មយន្តហោះចុះលើទឹកដ៏ប្រណិតរបស់យើងនៅក្នុងព្រះរាជាណាចក្រកម្ពុជា យើងមិនអាចជ្រើសរើសដៃគូប្រសើរណាផ្សេងក្រៅពីជាមួយក្រុមហ៊ុន រ៉ូយ៉ាល់គ្រុប ដែលជាក្រុមហ៊ុនដ៏ល្បីល្បាញ និងមានទស្សនៈវិស័យឆ្ពោះទៅមុខជានិច្ច។ ជាមួយគ្នា យើងនឹងបើកទំព័រថ្មីមួយនៅក្នុងវិស័យអាកាសចរណ៍ និងដឹកជញ្ជូន កម្ពុជា ហើយយើងនឹងបើកឱកាសនៃការធ្វើដំណើរ និងរបៀបរស់នៅដ៏ស៊ីវិល័យដែលមិនអាចប្រៀបផ្ទឹមបាន។

ខណៈពេលដែលវិស័យទេសចរណ៍ គឺជាចំណុចស្នូលនៃគំរូអាជីវកម្ម ក្រុមហ៊ុន Royal Group Samra Seaplane មានគោលបំណងផងដែរ គឺដើម្បីដោះស្រាយចំពោះតម្រូវការសំខាន់ៗដែលពាក់ព័ន្ធគ្នានឹងវិស័យផ្សេងៗទៀត។សេវាកម្មយន្តហោះចុះលើទឹក នឹងបង្កើនលទ្ធភាពធ្វើដំណើរទៅកាន់តំបន់ដាច់ស្រយាល កោះនានា និងតំបន់គោលដៅទេសចរណ៍ផ្សេងៗទៀត ដោយបើកសក្តានុពលសេដ្ឋកិច្ច និងជំរុញអភិវឌ្ឍន៍ហេដ្ឋារចនាសម្ព័ន្ធ ពាណិជ្ជកម្ម និងកំណើនអាជីវកម្មនៅក្នុងស្រុក។ ជាងនេះទៅទៀត សេវាកម្មយន្តហោះចុះលើទឹក អាចដើរតួនាទីរួមចំណែកក្នុងសេវាកម្មសង្គ្រោះបន្ទាន់ផ្នែកវេជ្ជសាស្ត្រ ការសម្របសម្រួលភាពបន្ទាន់ និងការជម្លៀសផ្នែកវេជ្ជសាស្ត្រប្រកបដោយប្រសិទ្ធភាព ដើម្បីបង្កើនហេដ្ឋារចនាសម្ព័ន្ធសេវាកម្មផ្នែកសុខាភិបាល។

លើសពីនេះទៅទៀត ការទទួលបានសេវាកម្មធ្វើដំណើរតាមយន្តហោះ និងភាពបត់បែនរបស់យន្តហោះ អាចជួយគាំទ្រដល់សកម្មភាពត្រួតពិនិត្យដូចជា ការអភិរក្សបរិស្ថាន ការគ្រប់គ្រងធនធានធម្មជាតិ និងការការពារសត្វព្រៃផងដែរ។ វាក៏អាចដើរតួនាទីជាទ្រព្យដ៏មានតម្លៃក្នុងប្រតិបត្តិការស្វែងរក និងជួយសង្គ្រោះ ដោយផ្តល់នូវការឆ្លើយតបរហ័ស និងការគ្របដណ្ដប់ប្រកបដោយប្រសិទ្ធភាពក្នុងអំឡុងពេលមានអាសន្ន និងក្នុងស្ថានភាពគ្រោះមហន្តរាយនានា។

លោក Captain Lionel Vincent Mougel អគ្គនាយកផ្នែកប្រតិបត្តិការនៃក្រុមហ៊ុន Seaplane Asia បាន សង្កត់ធ្ងន់ថា ក្រុមហ៊ុន Royal Group Samra Seaplane មិនត្រឹមតែប្រាថ្នាចង់ក្លាយជាសេវាកម្មទេសចរណ៍ដ៏ប្រណីតមួយប៉ុណ្ណោះទេ ប៉ុន្តែយើងក៏បានស្រមៃមើលពីដំណោះស្រាយនៃការដឹកកជញ្ជូនដ៏ទូលំទូលាយ ដែលឆ្លើយតបនឹងតម្រូវការផ្សេងៗ និងរួមចំណែកដល់ការអភិវឌ្ឍទាំងមូលនៃប្រទេសកម្ពុជាផងដែរ។ តាមរយៈការទាញយក សមត្ថភាពរបស់យន្តហោះចុះលើទឹក យើងអាចបង្កើតផលជាវិជ្ជមានក្នុងវិស័យដូចជា៖ ការថែទាំសុខភាព ការដឹកជញ្ជូន និងសេវាសង្គ្រោះបន្ទាន់ ដែលនឹងធ្វើឱ្យការរស់នៅរបស់ប្រជាជនកម្ពុជាមានភាពកាន់តែប្រសើរឡើង។

សូមបញ្ជាក់ថា ការបណ្ដាក់ទុនរួមគ្នារវាងក្រុមហ៊ុន រ៉ូយ៉ាល់គ្រុប និងក្រុមហ៊ុន Seaplane Asia នាំមកនូវភាពរឹងមាំ និងជំនាញ រួមគ្នា ដើម្បីបង្កើតក្រុមហ៊ុន Royal Group Samra Seaplane ជាដៃគូដ៏គួរឱ្យទុកចិត្តសម្រាប់សេវាកម្មដឹកជញ្ជូនដ៏សម្បូរបែប និងគួរឱ្យទុកចិត្តនៅកម្ពុជា។ ការបណ្តាក់ទុននេះ មានការប្តេជ្ញារក្សានូវស្តង់ដារសុវត្ថិភាពខ្ពស់បំផុត ការអនុលោម តាមបទប្បញ្ញត្តិ និងការអនុវត្តប្រកបដោយនិរន្តរភាព ដោយសហការយ៉ាងជិតស្និទ្ធជាមួយភាគីពាក់ព័ន្ធទាំងអស់៕

Phase 1 of high-speed rail ready ‘by 2026’

Bangkok-Korat line part of a system that will ultimately reach Kunming

The first phase of a high-speed railway that will eventually link the Chinese city of Kunming with Bangkok will be completed in 2026, government spokesman Anucha Burapachaisri said on Thursday.

The 251-kilometre first-phase line will have six stops from Bangkok to Nakhon Ratchasima: Bangsue Grand Station, Don Muang, Ayutthaya, Saraburi and Pak Chong.

The Fuxing Hao CR300AF train — capable of carrying at least 600 passengers — is expected to be used for the project, Mr Anucha said.

The project consists of 15 construction contracts: one for system construction and 14 for civil engineering work. Construction has been completed on just one contract, with 10 others under way and three others awaiting authorities’ signatures.

One major sticking point was financing, with Thailand insisting that it would fund the project, as it did not want to repeat the experiences of other countries that had borrowed from China to fund megaprojects.

Source: Bangkok Post

NATO អាចនឹងដាក់មូលដ្ឋានទ័ពនៅស៊ុយអែត មុនប្រទេសនេះចូលជាសមាជិកNATO

ដោយៈសុខុម

ស្តុកខុល: ស៊ុយអែត នឹងអនុញ្ញាតឱ្យអង្គការ NATO ដាក់មូលដ្ឋានទ័ពលើទឹកដីរបស់ខ្លួន សូម្បីមុនពេលខ្លួនចូលជាសមាជិក នៃអង្គការបក្សសម្ព័ន្ធយោធានេះជាផ្លូវការទៅទៀត។

នេះបើយោងតាមនាយករដ្ឋមន្ត្រី និងរដ្ឋមន្ត្រីការពារជាតិស៊ុយអែត បានលើកឡើងកាលពីថ្ងៃសុក្រ ទី៩ ខែមិថុនា។ប្រទេសស៊ុយអែត កាលពីឆ្នាំមុនបានដាក់ពាក្យសុំ ចូលជាសមាជិករបស់អង្គការNATO ជាលទ្ធផលដោយសាររុស្ស៊ី ក្រោមការដឹកនាំរបស់ប្រធានាធិបតី វ្ល៉ាឌីមៀ ពូទីន បានបញ្ឆេះភ្លើងសង្គ្រាមចូលឈ្លានពានប្រទេសអ៊ុយក្រែន នៅថ្ងៃទី២៤ ខែកុម្ភៈ ឆ្នាំ២០២២។ ដោយសារមានការជំទាស់ ពីសំណាក់ប្រទេសតួកគី និងប្រទេសហុងគ្រី បានធ្វើឱ្យប្រទេសស៊ុយអែត មិនអាចចូលជាសមាជិកអង្គការ NATO រហូតមកទល់ពេលនេះ។ ប្រទេសស៊ុយអែត ពេលនេះសង្ឃឹមថា នឹងចូលរួមកិច្ចប្រជុំកំពូលរបស់អង្គការ NATO ក្នុងប្រទេសលីទុយអានី នៅខែក្រោយ។

នាយករដ្ឋមន្ត្រីUlf Kristersson និងរដ្ឋមន្ត្រីការពារជាតិ Pal Jonson បញ្ជាក់ថា “រដ្ឋាភិបាលស៊ុយអែត បានសម្រេចថា កងកម្លាំងប្រដាប់អាវុធស៊ុយអែត អាចធ្វើការត្រៀមខ្លួនជាមួយអង្គការ NATO និងបណ្ដាប្រទេសជាសមាជិករបស់ NATO ដើម្បីបើកប្រតិបត្តិការរួមគ្នានាពេលអនាគត”។

លោកទាំងពីរបានលើកឡើង ក្នុងបទវិចារណថាចុះផ្សាយក្នុងកាសែតចេញផ្សាយប្រចាំថ្ងៃ Dagens Nyheter ថា “ការត្រៀមរៀបចំនេះអាចជាការបោះមូលដ្ឋានសព្វាវុធ និងកងទ័ពបរទេសបណ្ដោះអាសន្ននៅលើទឹកដីស៊ុយអែត។

សេចក្ដីសម្រេចនេះ បញ្ជូនសារយ៉ាងច្បាស់ ទៅកាន់ប្រទេសរុស្ស៊ី និងពង្រឹងការការពារជាតិរបស់ស៊ុយអែត”។
លោកទាំងពីរនិយាយទៀតថា ប្រទេសរុស្ស៊ី នៅថ្ងៃអនាគតដ៏ខ្លីនៅតែជាការគំរាមកំហែង ចំពោះបណ្ដាប្រទេសជិតខាង ហើយពួកលោកមិនអាចស្មានដឹង ពីទំហំមហិច្ឆតាទឹកដីរបស់ប្រធានាធិបតី វ្ល៉ាឌីមៀ ពូទីន នោះឡើយ។

ប្រទេសហ្វាំងឡង់ ដែលមានព្រំដែនយ៉ាងវែង ជាមួយប្រទេសរុស្ស៊ី បានចូលជាសមាជិករបស់អង្គការNATO កាលពីខែមេសា ឆ្នាំនេះ៕ Reuters៕

End of ‘Zero Covid’ fails to boost German investment in China – survey

BERLIN : China’s decision to abandon its strict “zero-COVID” policy has not sparked a rebound in German firms’ plans to invest there as a sluggish recovery and geopolitical tensions weigh on the business outlook, a survey showed on Thursday.

Some 55 per cent of German companies plan to further invest within the next two years, according to a survey of 288 firms conducted last month by the German Chamber of Commerce (DIHK) in China. That was slightly above the 51 per cent recorded last year, but well below the more than 70 per cent in 2020 and 2021.

Berlin is expected to publish its new China strategy later this year, though the three-way coalition is divided on how far to go. The junior partners, the Greens and the Free Democrats (FDP), have pushed for a more hawkish stance.

A draft strategy paper from the Greens-run economy ministry leaked last December included proposals for checks on outbound German investments in China. Economy Minister Robert Habeck has also argued for export controls in certain sectors.

“Geopolitics have a profound impact on companies on the ground, prompting them to drive forward localization and diversification strategies as risk management measures,” said Jens Hildebrandt, head of the DIHK China.

Nearly a fifth of surveyed companies had put planned business in China on hold and were diversifying investment away from the country, according to the survey. A sixth were preparing for “worst case” scenarios including possible withdrawal from China.

German Chancellor Olaf Scholz, a Social Democrat, is betting on German firms slowly diversifying business abroad over the course of 10-20 years in order to reduce Beijing’s economic leverage over Berlin. Critics say that will take too long in case of a spat in coming years.

Germany and China are due to hold government consultations later this month.

German companies would like Berlin to lobby China for a more transparent regulatory environment, less state influence on business decisions, better access to public tenders and better IP production, according to the survey.

Source: Reuters

រាជរដ្ឋាភិបាលបន្តលើកកម្ពស់ការតភ្ជាប់ និងការអភិវឌ្ឍតំបន់ព្រំដែន

ដោយៈ គង់ សូរិយា

ភ្នំពេញៈ រាជរដ្ឋាភិបាលបាន និងកំពុងពលើកកំពស់ការតភ្ជាប់និងអភិវឌ្ឍន៍តំបន់នៅជាប់ព្រំដែននានា ដោយការពង្រីក និងលើកកម្រិត ផ្លូវខេត្តលេខ៣១២ ជាង២៨គ.ម ដែលជាផ្លូវយុទ្ធសាស្រ្តភ្ជាប់ពីផ្លូវជាតិលេខ១ ទៅច្រកទ្វារព្រំដែន។

លោកទេសរដ្ឋមន្រ្តីស៊ុន ចាន់ថុល ទេសរដ្ឋមន្រ្តី រដ្ឋមន្ដ្រីក្រសួងសាធារណការ និងដឹកជញ្ជូនកាលពីថ្ងៃទី៩ មិថុនា បានអញ្ជើញចូលរួមអមដំណើរ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តព្រៃវែង តំណាងដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញជាអធិបតី ក្នុងពិធីប្រកាសបើកការដ្ឋានលើកកម្រិត ជួសជុល និងថែទាំផ្លូវខេត្តលេខ៣១២ ក្រោមឥណទានសម្បទានរបស់ធនាគារអភិវឌ្ឍន៍អាស៊ី។

ការដ្ឋានលើកកម្រិត ជួសជុល និងថែទាំផ្លូវខេត្តលេខ៣១២ មានប្រវែង ២៨,៣៧២ គ.ម ចាប់ផ្តើមពីភូមិសំរោង ឃុំល្វា (ត្រង់បំបែកផ្លូវជាតិលេខ១ គីឡូម៉ែត្រលេខ ៧៧+០៨២) រហូតដល់ភូមិករគោ ឃុំបន្ទាយចក្រី (ព្រំប្រទល់កម្ពុជា-វៀតណាម) ក្នុងភូមិសាស្រ្តស្រុកព្រះស្តេច នៃខេត្តព្រៃវែង។

គម្រោងនេះ នឹងត្រូវស្តារពង្រីកទទឹងតួផ្លូវ រហូតដល់១២ម៉ែត្រ និងលើកកម្រិតគុណភាព ពីប្រភេទផ្លូវក្រាលកៅស៊ូពីរស្រទាប់(DBST) ទៅជាប្រភេទផ្លូវក្រាលបេតុងកៅស៊ូ (AC) និងផ្នែកខ្លះក្រាលបេតុងសរសៃដែក កម្រាស់២៥ស.ម ដែលមានទទឹងរួម ១១ម៉ែត្រ និងមាន២គន្លងទៅ-មក។ ការដាក់លូគ្រប់ប្រភេទនៅតាមបណ្តោយផ្លូវ ព្រមទាំងការបំពាក់ស្លាកសញ្ញា គំនូសសញ្ញា បង្គោលគីឡូម៉ែត្រ និងបង្គោលសុវត្ថិភាពទៅតាមបទដ្ឋានបច្ចេកទេស ក៏នឹងត្រូវបានរួមបញ្ចូលក្នុងគម្រោងនេះផងដែរ។

លោកស៊ុន ចាន់ថុលបានលើកឡើងថា ផ្លូវខេត្តលេខ៣១២ ដែលប្រារព្ធពិធីបើកការដ្ឋាននាពេលនេះ នឹងត្រូវអនុវត្តការសាងសង់ដោយក្រុមហ៊ុន ILSUNG-KR JOINT VENTURE គ្រោងសាងសង់ក្នុងរយៈពេល១៨ខែ និងថែទាំរយៈពេល៦០ខែ ដោយប្រើប្រាស់ថវិកា ដែលជាឥណទានសម្បទានរបស់ធនាគារអភិវឌ្ឍន៍អាស៊ី សរុបប្រមាណ២៤,៨៩លានដុល្លារអាមេរិក សម្រាប់ការសាងសង់ ការបោសសម្អាតគ្រាប់មីនយុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ រួមជាមួយនឹងថវិកាបដិភាគ របស់រាជរដ្ឋាភិបាល សម្រាប់ការដោះស្រាយផលប៉ះពាល់។

បន្ថែមពីនេះ ក្រសួងសាធារណការ និងដឹកជញ្ជូន បានស្នើសុំទៅក្រសួងសេដ្ឋកិច្ច និងហិរញ្ញវត្ថុ ដើម្បីប្រើប្រាស់ថវិកាសន្សំ ក្នុងគម្រោងលើកកម្រិតបណ្ដាញផ្លូវថ្នល់ជំហាន២ (RNIP Phase2) ដើម្បីធ្វើការស្ថាបនាអគារ ឆ្លងកាត់ព្រំដែនអន្តរជាតិបន្ទាយចក្រី-ឌីញបា ដែលគ្រោងនឹងប្រើប្រាស់ថវិកាប្រមាណ ៨,៥លានដុល្លារអាមេរិក។

ផ្លូវខេត្តលេខ៣១២នេះ ជាខ្សែផ្លូវយុទ្ធសាស្រ្តដ៏សំខាន់មួយ ឆ្លងកាត់ឃុំចំនួន៤ ក្នុងភូមិសាស្រ្តស្រុកព្រះស្តេច នៃខេត្តព្រៃវែង រួមមាន៖ ឃុំល្វា ឃុំជ័យកំពក ឃុំអង្គររាជ និងឃុំបន្ទាយចក្រី។ ខ្សែផ្លូវនេះមានភាពប្រទាក់ក្រឡាគ្នា ជាមួយនឹងផ្លូវជាតិលេខ១ ផ្លូវខេត្តលេខ៣១២A និងផ្លូវក្រវាត់ព្រំដែន ដែលបានតភ្ជាប់តំបន់ទីប្រជុំជន ទៅកាន់តំបន់ព្រំដែន(កម្ពុជា-វៀតណាម)។

ក្រោយបញ្ចប់ការសាងសង់ ខ្សែផ្លូវនេះនឹងជួយសម្រួលដល់ការធ្វើដំណើររបស់បងប្អូនប្រជាពលរដ្ឋ ទៅកាន់មន្ទីរពេទ្យ សាលារៀន និងសម្រួលការដឹកជញ្ជូនទំនិញ ក៏ដូចជាកសិផលផ្សេងៗ ទៅកាន់ទីផ្សារមូលដ្ឋាន និងតំបន់ជុំវិញ ជាពិសេសរំពឹងថានឹងចូលរួមលើកកម្ពស់នូវសកម្មភាព ផ្លាស់ប្តូរពាណិជ្ជកម្មរវាងកម្ពុជា និងវៀតណាម ឱ្យកាន់តែល្អប្រសើរឡើងបន្ថែមទៀត។

សម្តេចក្រឡាហោម ឧបនាយករដ្ឋមន្ត្រីស ខេងបានលើកឡើងថា តម្រូវការអភិវឌ្ឍន៍វិស័យហេដ្ឋារចនាសម្ព័ន្ធផ្លូវ-ស្ពាននៅកម្ពុជា គឺត្រូវបានរាជរដ្ឋាភិបាល នៅតែចាត់ទុកជាយុទ្ធសាស្រ្តអាទិភាព ដែលជំរុញកំណើនសេដ្ឋកិច្ច ហើយក៏ជាមធ្យោបាយដ៏មានប្រសិទ្ធភាព សម្រាប់កាត់បន្ថយភាពក្រីក្ររបស់ប្រជាជនផងដែរ។

សម្តេចបន្តថា “ការអភិវឌ្ឍរីកចម្រើននៅកម្ពុជា អាចសម្រេចទៅបាន គឺអាស្រ័យដោយមានការឧបត្ថម្ភគាំទ្រ តាមរយៈការផ្ដល់ហិរញ្ញប្បទានសម្បទាន និងជំនួយឥតសំណងពីសំណាក់ បណ្ដាប្រទេសជាមិត្ត និងដៃគូអភិវឌ្ឍន៍នានា ដែលក្នុងនោះធនាគារអភិវឌ្ឍន៍អាស៊ី គឺជាដៃគូអភិវឌ្ឍន៍ដ៏សំខាន់មួយ ដែលតែងតែផ្តល់ល់ការគាំទ្រដល់ការអភិវឌ្ឍនៅកម្ពុជា”។

សម្តេចក្រឡាហោម បានធ្វើការកោតសរសើរ និងវាយតម្លៃខ្ពស់ចំពោះក្រសួងសាធារណការ និងដឹកជញ្ជូន ក្រសួងសេដ្ឋកិច្ច និងហិរញ្ញវត្ថុ ក៏ដូចជាធនាគារអភិវឌ្ឍន៍អាស៊ី ដែលបានជួយពន្លឿនក្នុងការរៀបចំ នីតិវិធី ដើម្បីជំរុញឱ្យគម្រោងលើកកម្រិត ជួសជុល និងថែទាំផ្លូវខេត្តលេខ៣១២ អាចប្រកាសបើកការដ្ឋានបាននាពេលនេះ៕

ដំណាក់កាលទី១នៃផ្លូវរថភ្លើងល្បឿនលឿនបាងកក-គុនមីង នឹងសាងសង់បញ្ចប់នៅឆ្នាំ២០២៦

ដោយ: គង់ លាងហួរ

អន្តរជាតិ: អ្នកនាំពាក្យរដ្ឋាភិបាលថៃ លោក Anucha Burapachaisri បានឱ្យដឹងកាលពីថ្ងៃព្រហស្បតិ៍ថា ដំណាក់កាលដំបូងនៃផ្លូវរថភ្លើងល្បឿនលឿន ដែលនឹងតភ្ជាប់ទីក្រុង Kunming របស់ប្រទេសចិន ជាមួយទីក្រុងបាងកក នឹងត្រូវបញ្ចប់នៅឆ្នាំ២០២៦។

ខ្សែរថភ្លើងដំណាក់កាលទីមួយ មានប្រវែង២៥១គីឡូម៉ែត្រ និងមានចំណតចំនួន6 ពីទីក្រុងបាងកកទៅកាន់ខេត្ត Nakhon Ratchasima គឺ Bangsue Grand Station Don Muang Ayutthaya Saraburi និង Pak Chong។

លោក Anucha បានបន្តថា រថភ្លើង Fuxing Hao CR300AF ដែលមានសមត្ថភាព ផ្ទុកអ្នកដំណើរយ៉ាងហោចណាស់៦០០នាក់ ត្រូវបានគេរំពឹងថា នឹងប្រើប្រាស់សម្រាប់គម្រោងនេះ។

យោងតាមអ្នកនាំពាក្យរូបនេះ បានឱ្យដឹងទៀតថា អាជ្ញាធរចិនបានសន្យាជាមួយរដ្ឋាភិបាលថៃ ក្នុងការផ្ទេរចំណេះដឹងទាក់ទងនឹងការសាងសង់ផ្លូវរថភ្លើងល្បឿនលឿន រួមទាំងសម្ភារៈ ការសាងសង់ខ្សែរថភ្លើងលើប្រភេទដីផ្សេងៗគ្នា ការរចនាស្ថានីយ៍ និងការសាងសង់ស្ពាន និងផ្លូវរូងក្រោមដីផងដែរ។គម្រោងផ្លូវដែកនេះ ត្រូវបានហ៊ុមព័ទ្ធដោយការពន្យាពេល ចាប់តាំងពីវាត្រូវបានស្នើឡើងដំបូង ទៅកាន់រដ្ឋាភិបាលកាលពីឆ្នាំ២០១០។

ចំណុចជាប់គាំងដ៏សំខាន់មួយ គឺការផ្តល់ហិរញ្ញប្បទាន ដោយប្រទេសថៃបានទទូចថា ខ្លួននឹងផ្តល់មូលនិធិដល់គម្រោងនេះ ដោយសារថៃ មិនចង់យកតាមបទពិសោធន៍ របស់ប្រទេសផ្សេងទៀតដែលបានខ្ចីពីប្រទេសចិន ដើម្បីផ្តល់មូលនិធិដល់គម្រោងធំៗ៕

ខេត្តបាត់ដំបងជ្រើសរើសយកបឹងរ៉ាជាតំបន់ដីសើមដើម្បីកាត់ បន្ថយទឹកជំនន់

ដោយៈ និស្ស័យ

បាត់ដំបងៈ ខេត្តបាត់ដំបង បានជ្រើសរើសយកតំបន់បឹងរ៉ា ស្ថិតនៅតំបន់ស្ថានីយ៍រទេះភ្លើង ជាតំបន់ដីសើមជាតំបន់ដីសើម ក្នុងនោះមានមុខងារជាអាងស្ដុកទឹក សម្រាប់ទឹកជំនន់ក្នុងតំបន់ និងកន្លែងស្ដុកទឹកសង្រ្គោះបន្ទាន់ សម្រាប់ទឹកហូរចេញពីស្ទឹងសង្កែ។

គោលបំណងចម្បងរបស់Nbs នៅក្នុងខេត្តបាត់ដំបង បានជ្រើសរើសបឹងរ៉ា ស្ថិតនៅក្នុងតំបន់ស្ថានីយរថភ្លើង ដែលចាត់ទុក ហើយក៏ចូលរួម ក្នុងការកែលំអគុណភាពទឹក ដែលបានប្រើប្រាស់នៅតាមផ្ទះ និងជំនន់ទឹកភ្លៀង ដោយប្រើដំណោះស្រាយធម្មជាតិ រួមបញ្ជូលទាំងការបង្កើតឧទ្យានទីក្រុង សម្រាប់ការរស់នៅ ជីវចម្រុះ ទេសចរណ៍ធម្មជាតិ និងសោភ័ណភាព ហើយមិនត្រឹមតែប៉ុណ្ណោះកែប្រែស្ថានីយរថភ្លើងចាស់ ទៅជាកន្លែងទេសចរណ៍ តាមរយៈការលាយបញ្ចូលគ្នានៃគម្រោងNbsនេះ។លោកសុខ លូ អភិបាលនៃគណៈអភិបាលខេត្តបាត់ដំបង បានសម្ដែងនូវការសប្បាយរីករាយ ចំពោះក្រុមការងារដែលចង់សិក្សាអនុវត្តនៃគម្រោងនេះ បើទោះបីជាមិនទាន់មានថវិកាគ្រប់គ្រាន់ សម្រាប់ធ្វើការអនុវត្តគម្រោងនេះក៏ដោយ ប៉ុន្តែត្រូវធ្វើការសិក្សាស្រាវជ្រាវឱ្យបានជាមុនសិន ហើយប្រសិនជាថ្ងៃទៅមុខទៀត យើងមានថវិកាគ្រប់គ្រាន់ គឺយើងនឹងធ្វើការអនុវត្តគម្រោងនេះតែម្ដង។

លោកបន្តទៀតថា គម្រោងនេះផងដែរ ក៏ជាអ្វីដែលរដ្ឋបាលខេត្ត ក៏កំពុងធ្វើការសិក្សាស្រាវជ្រាវផងដែរ ព្រោះជាតម្រូវការចាំបាច់ របស់ប្រជាពលរដ្ឋដែលកំពុងត្រូវការ ដោយសារតែបញ្ហាកំណើនយ៉ាងឆាប់រហ័សរបស់ប្រជាពលរដ្ឋ។

លោកបន្តថា ក្រុងបាត់ដំបងជាក្រុងបុរាណ ដូចនេះហើយប្រព័ន្ធលូនៅក្នុងក្រុងបាត់ដំបង ក៏មានសភាពចាស់ទ្រុឌទ្រោម គួបផ្សំជាមួយកំណើនដ៏ឆាប់រហ័ស របស់ប្រជាពលរដ្ឋសព្វថ្ងៃបែបនេះ ដោយឡែកដោយមានការសហការជាមួយADB ជាមួយនឹងក្រសួងសាធារណការ និងដឹកជញ្ជូនក៏កំពុង តែធ្វើការកសាងប្រព័ន្ធរំដោះទឹកកខ្វក់ទាំងផ្នែកខាងកើតស្ទឹង និងខាងលិចស្ទឹងនៅក្នុងក្រុងបាត់ដំបង ឱ្យបានរួចរាល់នៅចុងឆ្នាំ២០២៤ ខាងមុខនេះផងដែរ។

កិច្ចប្រជុំពិភាក្សាការងារស្ដីពី ដំណោះស្រាយផ្អែកលើធម្មជាតិ (Nbs) សម្រាប់ការវិនិយោគ ដែលមានភាពបត់បែនជាមួយអាកាសធាតុនៅក្នុងសហគមន៍ បរិស្ថាន និងសេដ្ឋកិច្ចនៅក្នុងតំបន់ទន្លេមេគង្គ រវាងរដ្ឋបាលខេត្តបាត់ដំបង ជាមួយនិង ក្រុមការងារសិក្សាស្រាវជ្រាវ នៃមជ្ឈមណ្ឌលអន្តរជាតិ សម្រាប់ការគ្រប់គ្រងបរិស្ថាន (ICEM)។

ដោយសារទីក្រុងនានា នៅក្នុងតំបន់ទន្លេមេគង្គ កាន់តែមានការរីកចម្រើនយ៉ាងឆាប់រហ័ស អត្រាកំណើន៣ ទៅ៥ភាគរយជារៀងរាល់ឆ្នាំ គឺខ្ពស់ជាងមធ្យមភាគពិភពលោក។

ទន្ទឹមនឹងនេះ ការប្រែប្រួលអាកាសធាតុ កំពុងបង្កើនសម្ពាធ ស្របជាមួយ នឹងការរីកចម្រើនយ៉ាងឆាប់រហ័ស របស់ទីក្រុងនានា ធ្វើឱ្យរងផលប៉ះពាល់ ទៅដល់ប្រភពទឹកនៅជុំវិញតំបន់ទាំងនោះ។ដំណោះស្រាយផ្អែកលើធម្មជាតិ (Nbs) ត្រូវបានគេទទួលស្គាល់ផងដែរថា ជាដំណោះស្រាយហេដ្ឋារចនាសម្ព័ន្ធបៃតង ក្នុងការរៀបចំផែនការទីក្រុងដ៏មានប្រសិទ្ធិភាព និងភាពបត់បែន៕

ទីផ្សារលំនៅដ្ឋានក្រុងហូជីមិញស្ងាត់ដូចចោរលួចសេះ បន្ទាប់ពីអត្រាការលក់ដាំក្បាលចុះរហូតដល់៩៨ភាគរយ

ដោយៈ សុខុម

ហូជីមិញ: ទីផ្សារលំនៅដ្ឋានក្រុងហូជីមិញ ប្រទេសវៀតណាម ស្ងាត់ដូចចោរលួចសេះ ដោយអាផាតម៉ិន និងផ្ទះត្រឹមតែ១៤៣យូនីត/ខ្នងប៉ុណ្ណោះ ដែលត្រូវបានលក់ចេញក្នុងខែឧសភា។

ការលក់លំនៅដ្ឋាននៅទីក្រុងនេះ បានដាំក្បាលចុះរហូតដល់៩៨% ខណៈតម្រូវការអចលនទ្រព្យនៅតែបន្តធ្លាក់ចុះ។ នេះបើយោងតាមសារព័ត៌មាន Vietnam Express ចុះផ្សាយកាលពីថ្ងៃសុក្រ ទី៩ ខែមិថុនា។អាផាតម៉ិនសរុបចំនួន១៣៨យូនីត ត្រូវបានលក់ចេញដោយផ្ទាល់ ពីសំណាក់ក្រុមហ៊ុនអភិវឌ្ឍន៍ កាលពីខែមុននៅក្នុងទីក្រុងហូជីមិញ និងខេត្តក្បែរខាង ប៊ិញ ឌួង (Binh Duong) ដោយធ្លាក់ចុះរហូតដល់ទៅ៩៨% ទោះបីជាអាផាតម៉ិនថ្មីៗចំនួន៣៩០យូនីត ត្រូវបានដាក់លក់លើទីផ្សារយ៉ាងណាក្ដី។ នេះបើយោងតាមទិន្នន័យពីក្រុមហ៊ុនសេវាកម្មអចលនទ្រព្យ DKRA Group។

ក្រុមហ៊ុននេះបានឱ្យដឹងទៀតថា ផ្ទះត្រឹមតែ៥ខ្នងប៉ុណ្ណោះត្រូវបានលក់ចេញអំឡុងពេលនេះ នៅទីក្រុងហូជីមិញ និងបណ្ដាខេត្តក្បែរខាង ដោយធ្លាក់ចុះ៩៩%។ ទោះបីជាក្រុមហ៊ុនអភិវឌ្ឍន៍ជាច្រើន កាលពីខែមុន បានផ្ដល់ប្រូម៉ូសិនលក់ផ្ទះបញ្ចុះតម្លៃពិសេសពី១៥%ទៅ១៨% និងផ្ដល់អត្រាការប្រាក់ទាបយ៉ាងណាក្ដី ក៏នៅតែមានអតិថិជនតិចតួច ដែលមានចំណាប់អារម្មណ៍ចង់ទិញផ្ទះ។សមាគមភ្នាក់ងារអចលនទ្រព្យវៀតណាម លើកឡើងថា កង្វះអតិថិជន និងការធ្លាក់ចុះសាច់ប្រាក់ បានចាប់ផ្តើមកើតមានឡើងកាលពីឆ្នាំមុន ហើយបានបន្តដល់ឆ្នាំនេះ។

សមាគមនេះនិយាយទៀតថា ការលំបាកផ្នែកហិរញ្ញវត្ថុផ្ទាល់ខ្លួនចំពេលស្ថានភាពសេដ្ឋកិច្ចមិនអំណោយផល គឺជាហេតុផលចម្បងដែលធ្វើឱ្យតម្រូវការលំនៅដ្ឋាន ធ្លាក់ចុះខ្លាំងបែបនេះ ហើយថាអត្រាការប្រាក់ខ្ពស់ ក៏បានរារាំងអ្នកទិញពីការទិញផ្ទះផងដែរ ហើយម្យ៉ាងទៀត ពួកគេចូលចិត្តរក្សាប្រាក់របស់ខ្លួន នៅក្នុងធនាគារជំនួសវិញ៕ Vietnam Express៕

ក្រុមប្រឹក្សាអភិវឌ្ឈន៍កម្ពុជាស្នើឲ្យប្រជាពលរដ្ឋដែលត្រូវរឹបអូសផ្ទះ ត្រូវភ្ជាប់ឯកសារចំនូន៣

ដោយៈ ជេស៊ីកា

ភ្នំពេញៈ អនុវត្តន៍តាមប្រសាសន៍ណែនាំ ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រីនៃកម្ពុជា ក្រុមប្រឹក្សាអភិវឌ្ឍន៍កម្ពុជាស្នើប្រជាពលរដ្ឋត្រូវភ្ជាប់ឯកសារចំនួនបី មកកាន់ក្រុមប្រឹក្សាអភិវឌ្ឍន៍កម្ពុជា។

ឯកសារសំខាន់ៗចំនួនបីនោះរួមមាន
ទី១ កិច្ចសន្យាទិញ-លក់ផ្ទះ (ច្បាប់ដើម និងកូពី១ច្បាប់)
ទី២ អត្តសញ្ញាណបណ្ណអតិថិជនទិញផ្ទះ (ច្បាប់ដើម និងកូពី១ច្បាប់) និង
ទី៣ កូពីវិក្កយបត្រឬឯសារដែលបញ្ជាក់ពីការបង់ថវិកាជូនម្ចាស់បុរី តាំងពីលើកដំបូងរហូតដល់លើកចុងក្រោយ១ច្បាប់។

សម្តេចតេជោ បានថ្លែងបែននេះ នៅក្នុងពិធីសំណេះសំណាលជាមួយកម្មករ និយោជិត នៅស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី៩ ខែមិថុនា ឆ្នាំ២០២៣។ សម្តេចបានស្នើសូមអតិថិជន ដែលត្រូវបានម្ចាស់បុរីរឹបអូសផ្ទះ មកបំពេញឯកសារព័ត៌មាន (តាមទំរង់ដូចមានជូនភ្ជាប់) ដោយពុំបាច់បង់ប្រាក់ នៅទីស្តីការក្រុមប្រឹក្សាអភិវឌ្ឍន៍កម្ពុជា ដែលមានទីតាំងនៅទល់មុខវត្តភ្នំ រាជធានីភ្នំពេញ ចាប់ពីម៉ោង៨ព្រឹក ដល់ម៉ោង៥ល្ងាច រៀងរាល់ថ្ងៃ។

ប្រជាពលរដ្ឋដែលមានចម្ងល់ សូមទាក់ទងលេខទូរស័ព្ទខាងក្រោម 096 304 8971 ឬ 011 983 896 ឬ 092 627275 ឬ 078 847 464៕

រដ្ឋមន្រ្តីក្រសួងពាណិជ្ជកម្មៈសេដ្ឋកិច្ចកម្ពុជារំពឹងកើនដល់៧ភាគរយនៅឆ្នាំ២០២៤

ដោយៈ គង់ សូរិយា

ភ្នំពេញៈ រដ្ឋមន្រ្តីក្រសួងពាណិជ្ជកម្មលោកប៉ាន សូរស័ក្តិបានលើកឡើងថា តាមរយៈកិច្ចខិតខំប្រឹងប្រែងរបស់រាជរដ្ឋាភិបាល សេដ្ឋកិច្ចរបស់ប្រទេសកម្ពុជា មានកើនឡើងក្នុងរង្វង់ ៥% ក្នុងឆ្នាំ២០២២ ហើយត្រូវបានគេព្យាករណ៍ថា នឹងកើនឡើងដល់ប្រហែល ៦% ក្នុងឆ្នាំ២០២៣ និង៧% នៅឆ្នាំ២០២៤។

កំណើននេះនឹងធ្វើឱ្យប្រទេសកម្ពុជា នឹងឈានទៅកាន់ “ប្រទេសដែលមានចំណូលមធ្យមកម្រិតទាប” និងប្តេជ្ញាឈានទៅ “ប្រទេសដែលមានចំណូលមធ្យមកម្រិតខ្ពស់” នៅឆ្នាំ២០៥០ ខាងមុខនេះ។

រដ្ឋមន្ត្រីក្រសួងពាណិជ្ជកម្មបានថ្លែងបែបនេះ នៅក្នុងពេលអញ្ជើញថ្លែងសុន្ទរកថាបើកក្នុងសិក្ខាសាលាស្ដីពី “កិច្ចសម្រួលពាណិជ្ជកម្ម និងការធ្វើពាណិជ្ជកម្មឌីជីថល រវាងប្រទេសកម្ពុជា និងជប៉ុន” នៅមជ្ឈមណ្ឌលកិច្ចសហប្រតិបត្តិការកម្ពុជា-ជប៉ុន (CJCC)។លោកបន្តថា ជាមួយគ្នានេះ ក្រសួងពាណិជ្ជកម្មបានចូលរួមកិច្ចសម្រួលពាណិជ្ជកម្ម តាមរយៈការធ្វើពាណិជ្ជកម្មឌីជីថលរួមមាន ការបង្កើតគេហទំព័រ ចុះបញ្ជីពាណិជ្ជកម្មតាមប្រព័ន្ធស្វ័យប្រវត្តិកម្ម នៅលើគេហទំព័ររបស់ក្រសួងពាណិជ្ជកម្ម (MoC) ឬតាមរយៈ CamDX ដែលជាប្រព័ន្ធចុះបញ្ជីពាណិជ្ជកម្ម តាមប្រព័ន្ធស្វ័យប្រវត្តកម្មរួមមួយ ដែលរៀបចំ និងបង្កើតដោយក្រសួងសេដ្ឋកិច្ចនិងហិរញ្ញវត្ថុ។

ប្រព័ន្ធស្វ័យប្រវត្តកម្មសំខាន់មួយទៀតគឺ Certificate of Origin Automation ដែលផ្តល់ជូនអ្នកនាំចេញ និងអ្នកផលិត ដើម្បីបង្កើត បញ្ជូន និងទូទាត់តាមប្រព័ន្ធអេឡិចត្រូនិក សម្រាប់វិញ្ញាបនបត្រនៃប្រភពដើមទំនិញ (CO)។

ពាក់ព័ន្ធនឹងគោលនយោបាយ និងយុទ្ធសាស្ត្រ លោករដ្ឋមន្ត្រី ប៉ាន សូរស័ក្តិបានបញ្ជាក់ថា ក្រសួងពាណិជ្ជកម្មបានដឹកនាំបង្កើតយុទ្ធសាស្ត្ររួមមួយ គឺយុទ្ធសាស្ត្រសមាហរណកម្មពាណិជ្ជកម្មកម្ពុជា (CTIS) 2019-2023 ដែលបង្ហាញពីការប្រកួតប្រជែង ការធ្វើពិពិធកម្មការនាំចេញ និងប្រភពថ្មីនៃកំណើនសេដ្ឋកិច្ច។

លោកបន្តថា មិនតែប៉ុណ្ណោះ ក្រសួងពាណិជ្ជកម្ម បានបង្កើតយុទ្ធសាស្ត្រពាណិជ្ជកម្មអេឡិចត្រូនិក សំដៅបង្កើតប្រព័ន្ធអេកូស្សីពាណិជ្ជកម្មអេឡិចត្រូនិក ដែលចុះសម្រុងគ្នា និងរួមបញ្ចូលគ្នា ដែលអនុញ្ញាតឱ្យវិស័យឯកជន ប្រើប្រាស់បច្ចេកវិទ្យាឌីជីថល ក្នុងការលើក កម្ពស់ពាណិជ្ជកម្មក្នុងស្រុក និងឆ្លងកាត់ព្រំដែន៕

1...903904905...3,256 Page 904 of 3,256