សម្តេចតេជោៈ ផ្លូវល្បឿនលឿនភ្នំពេញ-សៀមរាប និងប៉ោយប៉ែត នឹងចុះហត្ថលេខាសិក្សាសាងសង់នៅល្ងាចថ្ងៃនេះហើយ

ដោយៈ គង់ សូរិយា

ភ្នំពេញៈ ជាដំណឹងដ៏រីករាយមួយ សម្រាប់សមិទ្ឋផលថ្មីរបស់កម្ពុជានាពេលអនាគត ដោយសម្តេចតេជោលើកឡើងថា ផ្លូវល្បឿនលឿនភ្នំពេញ-សៀមរាប និងប៉ោយប៉ែត នឹងចុះហត្ថលេខាសិក្សាសាងសង់នៅល្ងាចថ្ងៃនេះហើយ។

សម្តេចតេជោ ហ៊ុន សែនបានមានប្រសាសន៍ឲ្យដឹងបែបនេះ ក្នុងពេលសម្តេច អញ្ជើញជាអធិបតីដ៏ខ្ពង់ខ្ពស់ ក្នុងការបើកការដ្ឋានសាងសង់ផ្លូវល្បឿនលឿនភ្នំពេញ បាវិតនាព្រឹកថ្ងៃទី៧ មិថុនានេះ។

ទាក់ទងនឹងគំរោងខ្សែក្រវ៉ាត់១ ផ្លូវ១របស់ប្រទេសចិន សម្តេចតេជោបានថ្លែងថា កិច្ចសហប្រតិបត្តិការគំនិតផ្តួចផ្តើមខ្សែក្រវាត់ និងផ្លូវ របស់ចិន បានផ្តល់អត្ថប្រយោជន៍ជាច្រើនដល់ប្រទេសកម្ពុជា។

សម្តេចបានថ្លែងថា “គំនិតផ្តួចផ្តើមខ្សែក្រវាត់ និងផ្លូវ មិនបានរារាំងដល់កិច្ចអភិវឌ្ឍន៍ របស់ប្រទេសណាមួយនោះឡើយ”។សម្តេច បានថ្លែងថា “ការសាងសង់ផ្លូវល្បឿនលឿន មិនបានប្រើប្រាស់លុយកម្ចីនោះទេ គឺជាការសាងសង់ដោយប្រើលុយ របស់អ្នកវិនិយោគចិនទាំងអស់”។

សម្តេចតេជោ ហ៊ុន សែន បានថ្លែងថា រដ្ឋាភិបាលចិន តែងគោរពការសម្រេចចិត្តរបស់កម្ពុជា លើការសាងសង់សមិទ្ធផលដែលប្រើកម្ចីចិន។ ចិន មិនដែលបង្គាប់បញ្ជាឱ្យកម្ពុជា ធ្វើតាមខ្លួននោះឡើយ។

សម្តេចបានថ្លែងថា “សម្តេចមានសំណាង ដែលមានរដ្ឋមន្ត្រីសេដ្ឋកិច្ចពីររូបហើយ មិនមែនជារដ្ឋមន្ត្រីខ្ជិលធ្លុះនោះឡើយ”។

សម្តេចតេជោ ហ៊ុន សែន បានថ្លែងថា ការអភិវឌ្ឍន៍របស់ជាតិ បានធ្វើឱ្យសម្តេចវង្វេងភូមិសាស្ត្រ មិនត្រឹមតែក្នុងរាជធានីភ្នំពេញប៉ុណ្ណោះទេ រួមទាំងនៅតាមទីជនបទផងដែរ។

សម្តេចតេជោបានថ្លែងថា “ផ្លូវល្បឿនលឿនមានអត្ថប្រយោជន៍ខ្លាំង”។សម្តេចតេជោបន្តថា “ផ្លូវល្បឿនលឿនភ្នំពេញ-បាវិត គឺជាការតភ្ជាប់មួយដ៏សំខាន់រវាងកម្ពុជា និងវៀតណាម ព្រមទាំងអាស៊ានផងដែរ”៕

រដ្ឋាភិបាលចាប់ផ្តើមព្រាងផែនការកសាងសហគមន៍វាសនារួម កម្ពុជា ចិន

ដោយៈ ជេស៊ីកា

ភ្នំពេញៈ សេចក្តីព្រាងផែនការ សកម្មភាពស្តីពីការកសាង សហគមន៍វាសនារួមកម្ពុជា-ចិន នៅក្នុងយុគសម័យថ្មី ឆ្នាំ២០២៤-២០២៨ (Draft Action Plan on Building a Cambodia-China Community with a Shared Future in the New Era 2024-2028) រវាងរាជរដ្ឋាភិបាលកម្ពុជា និងរដ្ឋាភិបាល នៃសាធារណរដ្ឋប្រជាមានិតចិនបានបើកកិច្ចប្រជុំ និងពិភាក្សាផ្លូវការ។

កិច្ចប្រជុំនេះ ដឹកនាំដោយលោក វង្សី វិស្សុត រដ្ឋមន្រ្តីប្រតិភូអមនាយករដ្ឋមន្រ្តី រដ្ឋលេខាធិការប្រចាំការ ក្រសួងសេដ្ឋកិច្ចនិងហិរញ្ញវត្ថុ និងជាអគ្គលេខាធិការកម្ពុជា នៃគណ:កម្មាធិការសម្របសម្រួល អន្តររដ្ឋាភិបាលកម្ពុជា-ចិន ព្រឹកថ្ងៃទី៦ ខែមិថុនា ឆ្នាំ២០២៣ ដោយបានដឹកនាំកិច្ចប្រជុំអន្តរក្រសួង ជាមួយក្រសួង ស្ថាប័នពាក់ព័ន្ធចំនួន៣០ ដើម្បីពិភាក្សាលើខ្លឹមសារនេះ។

សេចក្តីព្រាងផែនការសកម្មភាពនេះ ត្រូវបានរៀបចំឡើងដើម្បីពង្រឹងការកសាងកិច្ចសហប្រតិបត្តិការ នៃប្រទេសទាំងពីរកម្ពុជា-ចិន ដែលជាមិត្តដែកថែប សម្រាប់រយៈពេល៥ឆ្នាំតទៅមុខទៀត ឱ្យកាន់តែទូលំទូលាយ ស៊ីជម្រៅ កាន់តែជិតស្និត មានគុណភាពខ្ពស់ កម្រិតខ្ពស់ និងស្តង់ដារខ្ពស់ នៅក្នុងក្របខ័ណ្ឌនៃកិច្ចសហប្រតិបត្តិការត្បូងពេជ្រ ដែលជាលទ្ធផល នៃជំនួបកំពូលនៅកប្រទេសចិន រវាងថ្នាក់ដឹកនាំ នៃប្រទេសទាំងពីរគឺសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងលោក Xi Jinping ប្រធានាធិបតី នៃសាធារណរដ្ឋប្រជាមានិតចិន កាលពីថ្ងៃទី១០ ខែកុម្ភ: ឆ្នាំ២០២៣ កន្លងទៅ។សេចក្តីព្រាងផែនការសកម្មភាពស្តីពី ការកសាងសហគមន៍វាសនារួមកម្ពុជា-ចិន នៅក្នុងយុគសម័យថ្មី ដែលជាក្របខ័ណ្ឌ នៃកិច្ចសហប្រតិបត្តិការត្បូងពេជ្រ កម្ពុជា-ចិនខាងលើនេះ គ្របដណ្តប់លើវិស័យអាទិភាពចំនួន ៦ រួមមាន ទី១ កិច្ចសហប្រតិបត្តិការនយោបាយ, គុណភាព និងសមត្ថភាពផលិតកម្ម, កសិកម្ម, ថាមពល, សន្តិសុខ និងការផ្លាស់ប្តូរប្រជាជននិងប្រជាជន។ សេចក្តីព្រាងផែនការសកម្មភាពនេះ នឹងត្រូវដាក់ជូនថ្នាក់ដឹកនាំ នៃប្រទេសទាំងពីរពិនិត្យ និងសម្រេច នាពេលខាងមុខ។

កាលពីខែមេសា ឆ្នាំ២០២៣ កន្លងមក រដ្ឋាភិបាលនៃសាធារណរដ្ឋប្រជាមានិតចិន បានចាត់លោក Nong Rong ឧបការីរដ្ឋមន្ត្រី ការបរទេស នៃសាធារណរដ្ឋប្រជាមានិតចិន ដែលទើបនឹងត្រូវបានតែងតាំង ជាអគ្គលេខាធិការចិនថ្មី នៃគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន ដឹកនាំគណៈប្រតិភូចិនមកបំពេញទស្សនកិច្ចនៅប្រទេសកម្ពុជា និងបានជួបពិភាក្សាជាមួយលោក វង្សី វិស្សុត ដើម្បីជំរុញការរៀបចំសេចក្តី ព្រាងផែនការសកម្មភាពស្តីពីការកសាងសហគមន៍វាសនារួម កម្ពុជា-ចិន នៅក្នុងយុគសម័យថ្មីនេះ ឱ្យបានឆាប់ តាមដែលអាចធ្វើទៅបាន ដើម្បីជាឧត្តមប្រយោជន៍ នៃប្រទេសទាំងពីរ កម្ពុជា-ចិន៕

ក្រុមមន្រ្តីជម្រុញបើកប្រតិបត្តិការបណ្តោះអាសន្នច្រកទ្វារ ស្ទឹងបត់ ណងអៀន

ដោយៈ គង់ សូរិយា

ភ្នំពេញៈ ក្រុមមន្រ្តីក្រសួងសាធារណៈការ និងដឹកជញ្ជូនបានពិភាក្សាអំពីការរៀបចំ និងជំរុញបើកប្រតិបត្តិការជាបណ្តោះអាសន្ន ច្រកទ្វារស្ទឹងបត់-បានណងអៀនព្រំដែនកម្ពុជា ថៃ។

លើសពីនេះ ក្រុមមន្រ្តីក៏បានជម្រុញឲ្យមាន ការរៀបចំសាកល្បងកែសម្រួលការគ្រប់គ្រងចរាចរណ៍ និងការងាររបស់សមត្ថកិច្ចនៅច្រកទ្វារបាវិត ការសិក្សាទីតាំងសក្តានុពល សម្រាប់ជាជម្រើសក្នុងការពង្រីក និងរៀបចំច្រកទ្វារព្រំដែនថ្មីនៅបាវិត នាពេលអនាគតផងដែរ។

កិច្ចប្រជុំនេះបានដឹកនាំ ដោយលោកជំទាវរដ្ឋលេខាធិការ កុយ សុដានី តំណាងដ៏ខ្ពង់ខ្ពស់ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញជាអធិបតីក្នុងពិធីបើកសិក្ខាសាលាស្តីពីសមិទ្ធផលនានា នៃគម្រោងធ្វើឱ្យប្រសើរឡើងនូវប្រព័ន្ធភស្តុភារកម្មកម្ពុជា ជំហានទី២ (Wrap-up Workshop on Achievement of Project for Improving the Logistics System of Cambodia- Phase 2) ដោយមានការអញ្ជើញចូលរួមពីឯកឧត្តម លោកជំទាវ លោកឧកញ៉ា សមាជិក សមាជិកា ដែលជាតំណាងក្រសួង-ស្ថាប័ន ក្រុមហ៊ុន សមាគម និងតំណាងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ផងដែរ។

ដំណាក់កាលនៃការអនុវត្តគម្រោងលើកនេះ មានសកម្មភាព និងឯកសារជាច្រើនត្រូវបានរៀបចំឡើង និងបញ្ចប់ដូចជា ឯកសារគោលនយោបាយ គោលការណ៍ណែនាំ ផែនការសកម្មភាពផ្សេងៗទាក់ទងនឹងភស្តុភារកម្មបៃតង ខ្សែច្រវាក់ផ្គត់ផ្គង់ត្រជាក់ មជ្ឈមណ្ឌលភស្តុភារកម្មតំបន់ ទំនើបកម្មរថយន្តដឹកទំនិញធុនធ្ងន់ បម្រែបម្រួលអាកាសធាតុ ទិន្នន័យភស្តុភារកម្ម បណ្តាញភស្តុភារកម្មឆ្លងកាត់ព្រំដែន និងទស្សនកិច្ចសិក្សាបណ្តាញភស្តុភារកម្ម ក្រៅប្រទេស របាយការណ៍វឌ្ឍនភាពឆ្នាំ២០១៩ និង២០២០ របាយការណ៍ប្រចាំឆ្នាំ២០២១ និង២០២២ សេចក្តីព្រាងប្រកាស របាយការណ៍សិក្សាពេលបំពេញការងារ របាយការណ៍ទស្សនកិច្ចសិក្សា (ថៃ និងវៀតណាម) ការប្រមូល និងវិភាគទិន្នន័យពាក់ព័ន្ធនឹងការងារដឹកជញ្ជូន និងភស្តុភារកម្មជាដើម។

ទោះបីជាគម្រោងធ្វើឱ្យប្រសើរឡើង នូវប្រព័ន្ធភស្តុភារកម្មកម្ពុជា ជំហានទី២ នឹងត្រូវបញ្ចប់នៅចុងខែមិថុនានេះក៏ដោយ ក៏នៅមានសកម្មភាពសំខាន់ៗជាច្រើនទៀត ចាំបាច់ត្រូវបំពេញបន្ត ដើម្បីលើកកម្ពស់វិស័យភស្តុភារកម្មនៅកម្ពុជា។

ដោយឡែកគម្រោងថ្មីមួយ ត្រូវបានគ្រោងឡើងដោយមានការបន្តគាំទ្រពីក្រុមជំនាញការរបស់ទីភ្នាក់ងារ JICA ក្នុងគោលបំណងចម្បងធ្វើយ៉ាងណា ដើម្បីបង្កើតបរិយាកាសភស្តុភារកម្ម ឱ្យកាន់តែប្រសើរឡើង តាមរយៈការបង្កលក្ខណៈ ឱ្យមានកិច្ចសហការពីភាគីពាក់ព័ន្ធផ្សេងៗទៀត។

ទោះជាយ៉ាងណាក៏ដោយ ក្រសួងសាធារណការ និងដឹកជញ្ជូន នឹងបន្តការខិតខំប្រឹងប្រែង ជំរុញការអនុវត្តគោលនយោបាយភស្តុភារកម្ម និងការអភិវឌ្ឍលើវិស័យភស្តុភារកម្មបន្ថែមទៀត៕
សិក្ខាសាលាស្តីពីសមិទ្ធផលនានានៃគម្រោងធ្វើឱ្យប្រសើរឡើងនូវប្រព័ន្ធភស្តុភារកម្មកម្ពុជា ជំហានទី២

ភ្នំពេញ៖ ថ្ងៃចន្ទ ២រោច ខែជេស្ឋ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៥ ខែមិថុនា ឆ្នាំ២០២៣
សិក្ខាសាលានេះត្រូវបានរៀបចំឡើង ក្នុងគោលបំណង ដើម្បីចែករំលែក និងផ្សព្វផ្សាយអំពីសមិទ្ធផល និងលទ្ធផលនានា នៃការអនុវត្តគម្រោងធ្វើឱ្យប្រសើរឡើង នូវប្រព័ន្ធភស្តុភារកម្មកម្ពុជាជំហានទី២ តាមរយៈការធ្វើបទបង្ហាញរបស់អ្នកជំនាញ តាមក្រុមប្រតិបត្តិការ ងារនៃគម្រោងនីមួយៗ ក្នុងនោះរួមមាន៖ (១) ក្រុមប្រតិបត្តិការងារភស្តុភារកម្មបៃតង (Green Logistics) (២) ក្រុមប្រតិបត្តិការងារខ្សែច្រវាក់ផ្គត់ផ្គង់ត្រជាក់ (Cold Chain) (៣) ក្រុមប្រតិបត្តិការងារមជ្ឈមណ្ឌលភស្តុភារកម្មតំបន់ (៤) ក្រុមប្រតិបត្តិការងារទំនើបកម្មរថយន្តដឹកទំនិញធុនធ្ងន់ (Truck Modernization) (៥) ក្រុមប្រតិបត្តិការងារបម្រែបម្រួលអាកាសធាតុ (៦) ក្រុមប្រតិបត្តិការងារតាមដានត្រួតពិនិត្យ និងវាយតម្លៃ (Monitoring & Evaluation) គ្រប់គ្រងទិន្នន័យភស្តុភារកម្ម (៧) បណ្តាញភស្តុភារកម្មឆ្លងកាត់ព្រំដែន និងទស្សនកិច្ចសិក្សា និង (៨) ក្រុមប្រតិបត្តិការងារធ្វើឱ្យប្រសើរឡើងច្រកទ្វារព្រំដែនកម្ពុជា-ថៃ កម្ពុជា-វៀតណាម (Vietnam and Thailand Border Points Improvement)។

សម្ដេចតេជោ ហ៊ុន សែនអញ្ជើញជាអធិបតីបើកការដ្ឋានសាងសង់ ផ្លូវល្បឿនលឿនភ្នំពេញ-បាវិតជាប្រវត្តិសាស្រ្តនៅព្រឹកនេះ

ដោយៈ គង់ សូរិយា

ភ្នំពេញៈ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា និងលោក Wang Wentian ឯកអគ្គរដ្ឋទូតចិន ប្រចាំនៅកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ នៅក្នុងពិធីបើកការដ្ឋានសាងសង់ ផ្លូវល្បឿនលឿនភ្នំពេញ-បាវិត។

ផ្លូវល្បឿនលឿនភ្នំពេញ-បាវិត ជាផ្លូវល្បឿនលឿនខ្សែទី២ក្នុងប្រទេសកម្ពុជា បន្ទាប់ពីផ្លូវល្បឿនលឿនភ្នំពេញ-ព្រះសីហនុ ដែលដាក់ឱ្យប្រើប្រាស់ជាផ្លូវការ កាលពីឆ្នាំ២០២២កន្លងទៅនេះ។

ពិធីថ្ងៃនេះ ក្រៅតែពីការបើកការដ្ឋានសាងសង់ផ្លូវល្បឿនលឿនភ្នំពេញ-បាវិតហើយនោះ ក៏ភ្ជាប់ជាមួយនូវការបើកការដ្ឋានសាងសង់ស្ពានឆ្លងកាត់ទន្លេមេគង្គ និងផ្លូវតភ្ជាប់ក្បាលស្ពានផងដែរ។

តាមការឲ្យដឹងពីឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ផ្លូវល្បឿនលឿននេះ គឺជាសមិទ្ធផលថ្មីមួយបន្ថែមទៀត នៅក្នុងចំណោមសមិទ្ធផលជាតិសំខាន់ៗជាច្រើននៅទូទាំងប្រទេស ដែលបានកើតចេញពីកិច្ចខិតខំប្រឹងប្រែង របស់អគ្គមគ្គុទ្ទេសក៍ដ៏ឆ្នើមរបស់កម្ពុជា គឺសម្តេចតេជោនាយករដ្ឋមន្ត្រី និងការចូលរួមចំណែកមិនអាចខ្វះបាន ពីបណ្តាប្រទេសជាមិត្តរបស់កម្ពុជា និងដៃគូអភិវឌ្ឍន៍នានា។

គម្រោងសាងសង់ផ្លូវល្បឿនលឿនភ្នំពេញ -ក្រុងបាវិត មានប្រវែងសរុប១៣៥,១០គីឡូម៉ែត្រ មានចំណុចចាប់ផ្តើមពីឃុំថ្មគរ ស្រុកល្វាឯម ខេត្តកណ្តាល ទៅដល់សង្កាត់ច្រកម្ទេស ក្រុងបាវិត ខេត្តស្វាយរៀង។ ផ្លូវនេះ មានខ្សែផ្លូវឆ្លងកាត់ខេត្តកណ្តាល ប្រវែង៤,១គីឡូម៉ែត្រ ខេត្តព្រៃវែងប្រវែង៧០,៩គីឡូម៉ែត្រ និងខេត្តស្វាយរៀងប្រវែង៦០,១គីឡូម៉ែត្រ។

គម្រោងនេះនឹងត្រូវអនុវត្តការងារបច្ចេកទេសសាងសង់ ដូចខាងក្រោម៖ -ក្រាលបេតុងកៅស៊ូ(AC) កម្រាស់ ១០សង់ទីម៉ែត្រ និងថ្មលាយកៅស៊ូ(ATB)១២សង់ទីម៉ែត្រ ទទឹងតួផ្លូវ២៤,៥ម៉ែត្រមានគន្លងផ្លូវសម្រាប់រថយន្ដធ្វើចរាចរណ៍ចំនួន៤គន្លង (២គន្លងទៅ-២គន្លងមក) ដែលគន្លងនីមួយៗមានទទឹង ៣,៧៥ម៉ែត្រ ខឿនសួនចែកទិសចរាចរណ៍ នៅចំកណ្តាលទ្រូងផ្លូវទទឹង៣ម៉ែត្រ ចិញ្ចើមផ្លូវក្រាលបេតុងកៅស៊ូ ទទឹង២,៥ម៉ែត្រ និងចិញ្ចើមផ្លូវក្រាលក្រួសក្រហម ទទឹង ០,៧៥ម៉ែត្រ ទាំងសងខាង។

-សាងសង់ស្ពានធំ និងស្ពានមធ្យមចំនួន ២៦កន្លែង ប្រវែងសរុប ២.២៦៦ម៉ែត្រ ស្ពានតូចចំនួន១៦កន្លែង ប្រវែងសរុប២៥៦ម៉ែត្រ និងដាក់លូគ្រប់ប្រភេទចំនួន១៩៧កន្លែង។
-សាងសង់ផ្លូវប្តូរទិសចរាចរណ៍(Interchange) ចំនួន៥កន្លែង ផ្លូវរូងក្រោមដីទំហំធំ និងទំហំតូចចំនួន២០៤កន្លែង។
-សាងសង់តំបន់សេវាកម្ម ឬចំណតឈប់សម្រាក(Service Area) ចំនួន ២កន្លែង ចំណតរថយន្ត(Parking Area) ចំនួន ១កន្លែង មណ្ឌលប្រតិបត្តិការ និងថែទាំផ្លូវ(Maintenance Center) ចំនួន ៣កន្លែង និងបញ្ជរបង់ប្រាក់ចំនួន ៦កន្លែង។
-រៀបចំបំពាក់សម្ភារបរិក្ខារផ្លូវថ្នល់រួមមាន ផ្លាកសញ្ញាចរាចរណ៍ ភ្លើងសញ្ញា គំនូសសញ្ញា បង្គោលគីឡូម៉ែត្រ និងរបាំងសុវត្ថិភាពទៅតាមបទដ្ឋានបច្ចេកទេសរបស់ផ្លូវល្បឿនលឿន។
-ផ្លូវល្បឿនលឿននេះ អនុញ្ញាតឱ្យយានយន្តគ្រប់ប្រភេទអាចបើកបរ ក្នុងល្បឿន រហូតដល់ ១០០ និង១២០គីឡូម៉ែត្រ/ក្នុងមួយម៉ោង។
-គម្រោងនេះ នឹងរួមបញ្ចូលការសាងសង់ ហេដ្ឋារចនាសម្ព័ន្ធឆ្លងកាត់ព្រំដែន ដោយ រាជរដ្ឋាភិបាល ទទួលបន្ទុកកិច្ចលទ្ធកម្មដីសម្រាប់ទីតាំង និងសាងសង់ហេដ្ឋារចនា សម្ព័ន្ធឆ្លងកាត់ព្រំដែននេះ។

ទន្ទឹមនឹងការសាងសង់ផ្លូវល្បឿនលឿនភ្នំពេញ -បាវិតនេះ រាជ រដ្ឋាភិបាល ក៏បានសម្រេចឱ្យមានការសាងសង់ស្ពាន ឆ្លងកាត់ទន្លេមេគង្គ ដែលតភ្ជាប់ពីឃុំដីឥដ្ឋ ស្រុកកៀនស្វាយ (ពីផ្លូវក្រវាត់ក្រុងខ្សែទី៣) ទៅដល់ឃុំថ្មគរ ស្រុកល្វាឯម និងតភ្ជាប់ទៅផ្លូវល្បឿនលឿនភ្នំពេញ-ក្រុងបាវិត។

ស្ពាននេះជាប្រភេទស្ពានបេតុង មានប្រវែង១,៦០០ម៉ែត្រ ទទឹង ២៦ម៉ែត្រ និងផ្លូវតភ្ជាប់ទាំងសងខាង ពីក្បាលស្ពានមានប្រវែង ២,១០០ម៉ែត្រ ទទឹង ២៦ម៉ែត្រ ក្រាលបេតុងកៅស៊ូAC កម្រាស់ ១០សង់ទីម៉ែត្រ រួមទាំងការសាងសង់ផ្លូវប្តទិសចរាចរណ៍ (Interchange) ចំនួន ១កន្លែង និងផ្លូវក្រោមស្ពាន(Underpass) ចំនួន ២កន្លែង។

ផ្លូវល្បឿនលឿនភ្នំពេញ-ក្រុងបាវិត គ្រោងចំណាយថវិកាវិនិយោគសរុបប្រមាណ១,៣៥ប៊ីលានដុល្លារអាមេរិក ក្រោមទម្រង់វិនិយោគសាងសង់-ប្រតិបបត្តិការ -ផ្ទេរ(BOT) ដែលមានរយៈពេលប្រតិបត្តិការចំនួន ៥០ឆ្នាំ ក្នុងនោះ ២០ភាគរយ ជាទុនវិនិយោគរបស់ក្រុមហ៊ុនសាជីវកម្មស្ពាន និងថ្នល់ចិន និង៨០ភាគរយ ជាប្រាក់កម្ចីរបស់ក្រុមហ៊ុន។

ដោយឡែកស្ពានឆ្លងកាត់ទន្លេមេគង្គ គ្រោងចំណាយថវិកាសរុបប្រមាណ ២៣២,៥៨លានដុល្លារអាមេរិក ដែលជាថវិកាវិនិយោគរបស់រាជរដ្ឋាភិបាល រួមជាមួយនឹងថវិកាបដិភាគ សម្រាប់ការបោសសម្អាតគ្រាប់មីន យុទ្ធភណ្ឌមិនទាន់ផ្ទុះ និងពន្ធអាករផ្សេងៗ។ គម្រោងទាំងពីរនេះ នឹងអនុវត្តការសាងសង់ ដោយក្រុមហ៊ុនសាជីវកម្មស្ពាន និងថ្នល់ចិន (CRBC) ប្រើប្រាស់រយៈពេលសាងសង់ចំនួន ៤៨ខែ គ្រោងនឹងបញ្ចប់នៅក្នុងអំឡុងឆ្នាំ២០២៧៕

ការនាំគ្រាប់ស្វាយចន្ទីឆៅពីកម្ពុជាទៅវៀតណាម សរុបស្មើទឹកប្រាក់៣២០លានដុល្លារ ថយចុះ១២,៩៥ភាគរយ បើធៀបនឹងឆ្នាំ២០២២

ភ្នំពេញៈ សមាជិកសមាគមស្វាយចន្ទីកម្ពុជា នឹងបានទទួលអត្រាការអនុគ្រោះអត្រាការប្រាក់ពីធនាគារសហគ្រាសធុនតូច និងមធ្យម ពី ៩ ភាគរយទៅ ១២ ភាគរយ មកនៅត្រឹម ៥,៥ ភាគរយ បន្ទាប់ពីស្ថាប័នទាំង ២ ចុះ MoU ស្តីពីការជំរុញលទ្ធភាពទទួលបានហិរញ្ញប្បទានសម្រាប់សហគ្រាសធុនតូច និងមធ្យម ក្នុងអាជីវកម្មកែច្នៃគ្រាប់ស្វាយចន្ទី (មិនមែនជាកសិករដាំដុះ) កាលពីពេលថ្មីៗនេះ។

លោក អួន ស៊ីឡុត ជាប្រធានសមាគមស្វាយចន្ទីកម្ពុជា បានប្រាប់ឱ្យដឹងនៅថ្ងៃទី៤ ខែមិថុនាថា តាមរយៈការអនុគ្រោះលើអត្រាការប្រាក់នេះ បានផ្តល់សារៈសំខាន់យ៉ាងច្រើនដល់វិស័យកែច្នៃគ្រាប់ស្វាយចន្ទីកម្ពុជា ព្រោះបញ្ហាកង្វះដើមទុន បានចាក់ស្រែះ នៅក្នុងឧស្សាហកម្មកែច្នៃគ្រាប់ស្វាយចន្ទីជាយូរមកហើយ។លោកបានថ្លែងថា ៖ «កាលណាយើងមិនមានទុនបង្វិលសម្រាប់ទិញគ្រាប់ស្វាយចន្ទីទេនោះ លំហូរគ្រាប់ស្វាយចន្ទីឆៅរបស់យើង បានហូរយ៉ាងច្រើនទៅក្រៅប្រទេស។ដូចនេះវិនិយោគិនក្នុងស្រុកមិនអាចប្រជែងទិញបាន ដោយសារតែគាត់ខ្វះទុន ដូច្នេះធ្វើឱ្យខ្សែចង្វាក់ផលិតកម្មរបស់គាត់មិនបានពេញលេញទេក្នុង១ឆ្នាំ ដោយក្រុមហ៊ុនខ្លះធ្វើបាន៣ខែ ឬ៨ខែអស់គ្រាប់ស្តុក ខណៈដែលមានក្រុមហ៊ុនតែ២ទេ ដែលធ្វើបានពេញ១ឆ្នាំ»។

លោកអួន ស៊ីឡុត បានបន្ថែមថា បញ្ហានេះ បានធ្វើឱ្យមានការកង្វះខាតកម្លាំងពលកម្មជំនាញ ដោយសារតែនៅពេលមិនមានការងារធ្វើទៀងទាត់ ធ្វើឱ្យបុគ្គលិកទៅរកការងារផ្សេងៗ ឬសម្រេចបោះបង់ការងារក្នុងសហគ្រាសកែច្នៃគ្រាប់ស្វាយចន្ទីចោល ធ្វើឱ្យសិប្បកម្ម ឬសហគ្រាសកែច្នៃ ឬក្រុមហ៊ុន ត្រូវរើសបុគ្គលិកថ្មី មកបង្រៀនជានិច្ចកាល សម្រាប់បម្រើការក្នុងវិស័យស្វាយចន្ទីនេះ។

លោកបានបញ្ជាក់បន្ថែមទៀតថា៖«កម្ចីអនុគ្រោះ សមាជិកយើងដែលមិនមែនជាកសិករដាំដុះនឹងប្រើប្រាស់សម្រាប់ការទិញគ្រាប់ឆៅមកស្តុក និងការកែច្នៃសម្រាប់ការនាំចេញ។បើសិនជារដ្ឋាភិបាល តាមរយៈធនាគារSMEដែលគាត់គិតថា នឹងត្រៀមថវិកា១០០លានដុល្លារនេះ វាមិនច្រើនក៏ពិតមែន ប៉ុន្តែយើងអាចដោះទាល់បានក្នុងពេលខាងមុខ»។

លោក លឹម អូន អគ្គនាយកធនាគារសហគ្រាសធុនតូច និងមធ្យម (SME Bank) បានឱ្យដឹងថា កិច្ចសហប្រតិបតិ្តការនេះ គឺជាគោលដៅយុទ្ធសាស្ត្រដែលធនាគារបានកំណត់ ដើម្បីគាំទ្រដល់ការរីកចម្រើននៃវិស័យស្វាយចន្ទីនៅក្នុងប្រទេសកម្ពុជា។

លោកបានបញ្ជាក់ទៀតថា៖«ធនាគារជឿជាក់យ៉ាងមុតមាំថា ការចុះអនុស្សរណៈនៃការយោគយល់គ្នានេះ គឺជាផ្នែកមួយក្នុងការដោះស្រាយបញ្ហាប្រឈមក្នុងខ្សែចង្វាក់ផលិតកម្មស្វាយចន្ទី ក៏ដូចជាជួយលើកកម្ពស់វិស័យឧស្សាហកម្មកែច្នៃស្វាយចន្ទីនៅកម្ពុជា ឱ្យកាន់តែប្រសើរឡើងថែម១កម្រិតទៀត»។

ដោយឡែក ចំពោះការមិនផ្តល់ជូនកសិករដាំដុះវិញ ត្រូវបានលោក លឹម អូន បញ្ជាក់ថា សម្រាប់កម្ចី ផ្តល់ជូនកសិករ ខាងធនាគារអភវិឌ្ឍន៍ជនបទ ARDB ជាអ្នកជួយលើបញ្ហាទាំងនេះ ដូចនេះខាងSME Bank ជួយតែអ្នកកែច្នៃចន្ទីតែប៉ុណ្ណោះ។ថ្វីដ្បិតតែនេះជាការចូលរួមមួយចំណែកតូចមែន តែធនាគារ SME រំពឹងថា សមាជិកសមាគម ដែលជាសហគ្រាសកែច្នៃនឹងទទួលបានអត្ថប្រយោជន៍បន្ថែមពិតប្រាកដពីកម្ចីដែលមានអត្រាការប្រាក់ទាបនេះ។

អ្នកស្រី ឡឹង ម៉ានុត អ្នកគ្រប់គ្រងសិប្បកម្មកែច្នៃស្វាយចន្ទី CCN ចម្ការលើ យល់ឃើញដែរថា កម្ចីក្នុងអត្រាការប្រាក់ទាបបែបនេះ អាចនឹងលើកទឹកចិត្តដល់អ្នកកែច្នៃក្នុងវិស័យស្វាយចន្ទី ឱ្យពង្រីកផលិតកម្មបន្ថែមទៀត ខណៈដែលកន្លងទៅការកង្វះទុន បានធ្វើឱ្យអ្នកកែច្នៃជួបការលំបាកច្រើន។

អ្នកស្រីបានបញ្ជាក់ថា៖«ខាងខ្ញុំមានគម្រោងនឹងពង្រីកសិប្បកម្មបន្ថែមទៀត តែមិនទាន់បានគិតគូររកដើមទុន ថាត្រូវយកពីធនាគារឬអត់នោះទេ ព្រោះថាយើងត្រូវការសិក្សាឱ្យបានច្បាស់ពីនីតិវិធីក្នុងការទទួលបានកម្ចី និងលក្ខខណ្ឌផ្សេងៗក្នុងការខ្ចីផងដែរ។ប៉ុន្តែទោះជាយ៉ាងអត្រាការប្រាក់៥ភាគរយនេះ គឺទាបហើយ ដែលអ្នកនៅក្នុងសហគ្រាសកែច្នៃស្វាយចន្ទីអាចពិចារណាបាន»។

ទិន្នន័យពីសមាគមស្វាយចន្ទីកម្ពុជា បានបង្ហាញថា ក្នុងរយៈពេល៣ខែ ចាប់ពីខែ មករា ដល់ខែមីនា ឆ្នាំ២០២៣ កម្ពុជាផលិតគ្រាប់ស្វាយចន្ទីឆៅ ២៦០ ០០០ តោន។ ក្នុងនោះនាំចេញទៅវៀតណាមបានសរុប ២៣ ៣០៥០ តោន ស្មើទឹកប្រាក់ ៣២០ លានដុល្លារ ថយចុះ ១២,៩៥ភាគរយ បើធៀបរយៈពេលដូចគ្នា ទៅនឹងឆ្នាំ២០២២។

ចំពោះទិន្នន័យនេះសមាគមស្វាយចន្ទីកម្ពុជាប្រមូលពីឃ្លាំងនាំចេញទៅវៀតណាមពី៦ខេត្តការនាំចេញតាមសមុទ្រ សសក យកតាមក្រសួងកសិកម្ម និងទិន្នន័យនេះប្រៀបធៀបជាមួយគយវៀតណាមនិងសមាគមស្វាយចន្ទីវៀតណាម (Vinacas)៕

China’s property shares surge as investors bet on stimulus hopes

HONG KONG: China property stocks listed in Hong Kong jumped nearly 8 per cent on Tuesday (Jun 6) as investors clung to hopes that Beijing would roll out supportive measures soon to bolster the
embattled sector.

Shares of major developer Longfor Group surged 11 per cent while defaulted peers Sunac China and KWG Group gained 12 per cent and 18.6 per cent, respectively, versus a 1.2 per cent rise in the broader Hang Seng Index.
Investors’ hopes to see further national stimulus policies increased last Friday after several second-tier cities announced their own
supportive measures.

The property sector, once a pillar of economic growth, slumped sharply last year with developers defaulting on debt or bonds and suspending construction of presold housing projects.

Policymakers have rolled out measures since the second half of 2022 to stabilise the property market that has been further boosted by the lifting of tough COVID-19 curbs in December.

Potential measures could include lower down payment and home purchase requirements, and refined measures to boost developers’ liquidity, analysts have said.

Property stocks listed in mainland China posted modest gains on Tuesday, with the CSI 300 Real Estate
Index rising 2.3 per cent.

Source: Reuters/px

ភាគហ៊ុនរបស់ក្រុមហ៊ុនអចលនទ្រព្យចិនហក់ឡើងថ្លៃ ខណៈវិនិយោគិនសង្ឃឹមលើវិធានការជំរុញរបស់រដ្ឋាភិបាល

ដោយ: គង់ លាងហួរ
ហុងកុង: ផ្សារហ៊ុនអចលនទ្រព្យរបស់ប្រទេសចិនដែលបានចុះបញ្ជីក្នុងទីក្រុងហុងកុងបានហក់ឡើងជិត៨ភាគរយនៅថ្ងៃអង្គារនេះ ខណៈអ្នកវិនិយោគបានប្រកាន់ខ្ជាប់នូវក្តីសង្ឃឹមថា ទីក្រុងប៉េកាំងនឹងដាក់ចេញវិធានការគាំទ្រក្នុងពេលឆាប់ៗនេះដើម្បីជំរុញវិស័យនេះ។

ភាគហ៊ុនរបស់ក្រុមហ៊ុនអភិវឌ្ឍន៍ធំ Longfor Group បានហក់ឡើងថ្លៃ១១ភាគរយ ខណៈភាគហ៊ុនក្រុមហ៊ុន Sunac China និង KWG Group ហក់ឡើងថ្លៃ១២ភាគរយ និង១៨,៦ភាគរយរៀងៗគ្នា ធៀបនឹងការហក់ឡើង១,២ភាគរយនៃសន្ទស្សន៍ Hang Seng។

ក្តីសង្ឃឹមរបស់វិនិយោគិនចំពោះគោលនយោបាយជំរុញបន្ថែមទៀតបានកើនឡើងកាលពីថ្ងៃសុក្រសប្តាហ៍មុន បន្ទាប់ពីទីក្រុងលំដាប់ទីពីរជាច្រើនបានប្រកាសវិធានការគាំទ្រផ្ទាល់ខ្លួនរបស់ពួកគេ។

វិស័យអចលនទ្រព្យ ដែលធ្លាប់ជាសសរស្តម្ភនៃកំណើនសេដ្ឋកិច្ចចិន បានធ្លាក់ចុះយ៉ាងខ្លាំងកាលពីឆ្នាំមុន ដោយមានអ្នកអភិវឌ្ឍន៍ជាច្រើនខកខានមិនបានសងបំណុល ឬសញ្ញាប័ណ្ណ និងការផ្អាកការសាងសង់គម្រោងលំនៅដ្ឋាន។

ក្រុមអ្នកបង្កើតគោលនយោបាយបានដាក់ចេញវិធានការចាប់តាំងពីឆមាសទីពីរនៃឆ្នាំ២០២២ ដើម្បីស្តារស្ថិរភាពទីផ្សារអចលនទ្រព្យ និងត្រូវបានជំរុញបន្ថែមទៀតដោយការដកចេញនូវវិធានការសូន្យកូវីដដ៏តឹងតែងនៅក្នុងខែធ្នូ ឆ្នាំ២០២២។

ភាគហ៊ុនអចលនទ្រព្យដែលបានចុះបញ្ជីនៅក្នុងប្រទេសចិនដីគោកបានបង្ហាញពីការហក់ឡើងតិចតួចនៅថ្ងៃអង្គារនេះ ដោយសន្ទស្សន៍អចលនទ្រព្យ CSI 300 ហក់ឡើងថ្លៃ២,៣ភាគរយ៕

Renewable Energy Surges, Driven by Solar Boom and High Fuel Prices, Report Finds

The world is set to add a record amount of renewable electricity capacity this year as governments and consumers seek to offset high energy prices and take advantage of a boom in solar power, according to a new report Thursday.

The International Energy Agency said high fossil fuel prices — resulting from Russia’s attack on Ukraine — and concerns about energy security had boosted the rollout of solar and wind power installations, which are expected to reach 440 gigawatts in 2023.

That’s about a third more than the world added the previous year, taking the global installed capacity to 4,500 GW, roughly the combined total power output of the United States and China, the Paris-based agency said.

“The global energy crisis has shown renewables are critical for making energy supplies not just cleaner but also more secure and affordable,” said Fatih Birol, the IEA’s executive director.

“Governments are responding with efforts to deploy them faster,” he said. Recent incentives to install renewables introduced by the Biden administration are already driving a significant uptake in the United States.

About two-thirds of this year’s increase in renewable power capacity will come from photovoltaic, with both large-scale solar farms and consumer rooftop installations seeing significant growth.
IEA said manufacturing capacity for PV components was also surging, especially in China.

Construction of new wind farms is predicted to rebound after a period of low growth. However, in contrast to solar manufacturing, the supply chains for wind turbines aren’t growing fast enough to meet demand, the agency said.

Source: AP News

ទីក្រុងប៉េកាំងបន្តជាគោលដៅដ៏ពេញនិយមសម្រាប់ការបណ្តាក់ទុនវិនិយោគរបស់ក្រុមហ៊ុនបរទេស

ដោយ: គង់ លាងហួរ

អន្តរជាតិ: ក្នុងឋានៈជាមជ្ឈមណ្ឌលឈានមុខគេ នៃការច្នៃប្រឌិតវិទ្យាសាស្ត្រ និងបច្ចេកវិទ្យា ទីក្រុងប៉េកាំងនឹងបន្តក្លាយជាគោលដៅទាក់ទាញសម្រាប់ការវិនិយោគពីបរទេស ដោយទាក់ទាញយ៉ាងសកម្ម នូវគម្រោងច្នៃប្រឌិតវិទ្យាសាស្ត្រ និងទេពកោសល្យ។

ក្រុមនាយកប្រតិបត្តិមកពីក្រុមហ៊ុន ដែលផ្តល់មូលនិធិដោយបរទេស វិនិយោគិន និងមន្ត្រីរដ្ឋាភិបាល បានធ្វើការកត់សម្គាល់នៅឯកិច្ចប្រជុំកំពូលវិនិយោគ ប៉េកាំងសកលឆ្នាំ២០២៣ ដែលជាព្រឹត្តិ ការណ៍ក្រៅឆាកនៃវេទិកា Zhongguancun 2023 ដែលបានធ្វើឡើងចាប់ពីថ្ងៃទី២៥ ដល់ថ្ងៃទី៣០ ខែឧសភា នៅក្នុងមជ្ឈមណ្ឌលច្នៃប្រឌិត Zhongguancun ដែលត្រូវបានគេស្គាល់ថាជា Silicon Valley របស់ប្រទេសចិន។

ក្នុងអំឡុងពេលនៃកិច្ចប្រជុំនេះ ក្រុមហ៊ុនក្នុងស្រុក និងបរទេសបានចុះហត្ថលេខា លើកិច្ចព្រមព្រៀងវិនិយោគ ដែលមានតម្លៃសរុបជាង៦០,៨ពាន់លានយ័ន (ប្រហែល៨,៦១ពាន់លានដុល្លារអាមេរិក) ដែលគ្របដណ្តប់លើគម្រោងចំនួន៣៩ នៅក្នុងវិស័យបច្ចេកវិទ្យាជាន់ខ្ពស់។

គម្រោងវិនិយោគសរុបចំនួន១៥២ ដែលពាក់ព័ន្ធនឹងការផ្តល់ហិរញ្ញប្បទានសហគ្រាស កិច្ចសហប្រតិបត្តិការសួនឧទ្យាន កិច្ចសហប្រតិបត្តិការលើការកសាង និងហិរញ្ញប្បទានដីធ្លី ក៏ត្រូវបានប្រកាស ក្នុងអំឡុងពេលនៃកិច្ចប្រជុំកំពូលនេះផងដែរ ជាមួយនឹងទុនវិនិយោគសរុបចំនួន១៤៣,៤ពាន់លានយ័ន។

លោក Hubertus Troska សមាជិកក្រុមប្រឹក្សាភិបាលនៃក្រុមហ៊ុន Mercedes-Benz Group AG បានលើកឡើងថា ទីក្រុងប៉េកាំងមានចំនួន ទីស្នាក់ការកណ្តាលប្រចាំតំបន់ច្រើនជាងគេ បំផុតនៃសហគ្រាស Fortune 500 ហើយផ្តល់អាទិភាព ដល់ការអភិវឌ្ឍន៍ក្នុងវិស័យនានាដូចជា ពាណិជ្ជកម្មសេវាកម្ម ការច្នៃប្រឌិតបច្ចេកវិទ្យា និងការផលិតឆ្លាតវៃ។

លោក Troska ដែលរស់នៅក្នុងទីក្រុងប៉េកាំងអស់រយៈពេលជាងមួយទសវត្សរ៍បានអះអាងទៀតថា “លោកមានទំនុកចិត្តថា ជាមួ យនឹងការប្តេជ្ញាចិត្តយ៉ាងច្បាស់លាស់ ក្នុងការបន្តកំណែទម្រង់ និងគោលនយោបាយបើកចំហរ និងធ្វើឱ្យបរិយាកាសធុរកិច្ច កាន់តែប្រ សើរឡើងជានិច្ច ទីក្រុងប៉េកាំងនឹងនៅតែជាជម្រើស ដ៏ទាក់ទាញសម្រាប់អ្នកវិនិយោគបរទេស”៕

តម្រូវការធ្វើដំណើរតាមផ្លូវអាកាសនឹងកើនឡើងខ្ពស់ជិតដល់កំណត់ត្រានៅក្នុងឆ្នាំ២០២៣នេះ

ដោយ: គង់ លាងហួរ
អ៊ីស្តង់ប៊ុល: ក្រុមហ៊ុនអាកាសចរណ៍ជាច្រើននៅលើពិភពលោកនឹងត្រលប់មកទទួលប្រាក់ចំណេញខ្ពស់ឡើងវិញ និងទទួលបានអ្នកដំណើរជិត៤,៣៥ពាន់លាននាក់នៅឆ្នាំនេះ ប៉ុន្តែការងើបឡើងវិញក្រោយជំងឺរាតត្បាតនៃវិស័យនេះនៅតែមានភាពផុយស្រួយ។

យោងតាមសមាគមដឹកជញ្ជូនផ្លូវអាកាសអន្តរជាតិ (IATA) បានឱ្យដឹងថា ឧស្សាហកម្មនេះត្រូវបានគេព្យាករណ៍ថានឹងប្រកាសប្រាក់ចំណេញសុទ្ធសរុបចំនួន៩,៨ពាន់លានដុល្លារក្នុងឆ្នាំ២០២៣នេះ ដែលត្រូវបានជំរុញដោយការបញ្ចប់នៃការរឹតបន្តឹងវិធានការសូន្យកូវីដរបស់ប្រទេសចិន។

អគ្គនាយកសមាគម IATA លោក Willie Walsh បានឱ្យដឹងនៅក្នុងសេចក្តីថ្លែងការណ៍មួយក្នុងអំឡុងពេលកិច្ចប្រជុំទូទៅប្រចាំឆ្នាំរបស់សមាគមនៅទីក្រុងអ៊ីស្តង់ប៊ុលថា “ការអនុវត្តហិរញ្ញវត្ថុរបស់ក្រុមហ៊ុនអាកាសចរណ៍ក្នុងឆ្នាំ២០២៣ កំពុងកើនលើសពីការរំពឹងទុក”។

លោក Walsh បានបន្តថា “ប្រាក់ចំណេញកាន់តែរឹងមាំត្រូវបានគាំទ្រដោយការអភិវឌ្ឍន៍វិជ្ជមានជាច្រើន ខណៈប្រទេសចិនបានលុបចោលការរឹតបន្តឹងជំងឺកូវីដ-១៩កាលពីដើមឆ្នាំនេះលឿនជាងការរំពឹងទុក”។

ទន្ទឹមនឹងនោះ អតិផរណាបានកើនឡើងទូទាំងនៅពិភពលោក ខណៈដែលការឈ្លានពានរបស់រុស្ស៊ីទៅលើអ៊ុយក្រែន បានធ្វើឱ្យការចំណាយថាមពលកើនឡើង ប៉ុន្តែតម្លៃប្រេង និងឧស្ម័នធម្មជាតិបានធ្លាក់ចុះចាប់តាំងពីពេលនោះមក។

លោកបានបន្ថែមថា “ភាពមិនប្រាកដប្រជាខាងសេដ្ឋកិច្ចមិនបានធ្វើឱ្យប៉ះពាល់ដល់បំណងប្រាថ្នាក្នុងការធ្វើដំណើរនោះទេ ទោះបីជាតម្លៃសំបុត្រយន្តហោះបានស្រូបយកការហក់ឡើងថ្លៃនៃប្រេងឥន្ធនៈយ៉ាងណាក្តី”៕

1...908909910...3,256 Page 909 of 3,256