តើសេដ្ឋកិច្ចអង់គ្លេសបន្តមានផលវិបាកអ្វីខ្លះ ក្រោយការដើរចេញពីសមាជិកភាពរបស់ EU

ដោយ: គង់ លាងហួរ

ក្រុងឡុងដ៍: រដ្ឋាភិបាលអង់គ្លេស បានពន្យារពេលការត្រួតពិនិត្យបញ្ហាសុខភាព និងសុវត្ថិភាព លើការនាំចូលអាហារពីសហភាពអឺរ៉ុបជាលើកទី៥ក្នុងរយៈពេល៣ឆ្នាំ ស្របពេលមានការព្រួយបារម្ភថា ការត្រួតពិនិត្យបន្ថែម នឹងជំរុញឱ្យតម្លៃអាហារកើនឡើង និងរំខានដល់ការផ្គត់ផ្គង់សំខាន់ៗ។

ការពន្យារពេលចុងក្រោយបំផុតនេះបង្ហាញថា ចក្រភពអង់គ្លេសនៅតែពិបាកទប់ទល់នឹងផលវិបាក នៃការចាកចេញពីសហភាពអឺរ៉ុប កាលពីខែមករា ឆ្នាំ២០២០ ដែលបានបង្កើនថ្លៃចំណាយលើអាជីវកម្មរបស់ប្រទេសអង់គ្លេស និងបានធ្វើឱ្យពាណិជ្ជកម្ម ការវិនិយោគ និងចុងក្រោយគឺកំណើនសេដ្ឋកិច្ចមានការធ្លាក់ចុះ។

Brexit បានជំរុញឱ្យអតិផរណាហក់ឡើងខ្ពស់កប់ពពក នៅចក្រភពអង់គ្លេសរួចមកហើយ តាមរយៈការមិនយល់ស្របគ្នា ក្នុងទំនាក់ទំនងពាណិជ្ជកម្ម ដ៏សំខាន់បំផុតរបស់ប្រទេសនេះ ដោយធ្វើឱ្យប្រាក់ផោនធ្លាក់ថ្លៃ និងជំរុញឱ្យការនាំចូលមានតម្លៃថ្លៃជាងមុន។ Brexit គឺជាការដកខ្លួនរបស់ចក្រភពអង់គ្លេស (UK) ចេញពីសមាជិកភាពរបស់សហភាពអឺរ៉ុប (EU) កាលពីថ្ងៃទី៣១ ខែមករា ឆ្នាំ២០២០។

យោងតាមការសិក្សាថ្មីៗនេះ ដោយសាលាសេដ្ឋកិច្ចទីក្រុងឡុងដ៍បានរកឃើញថា Brexit ទទួលខុសត្រូវចំពោះអតិផរណាតម្លៃម្ហូបអាហាររបស់ចក្រភពអង់គ្លេសប្រហែល១/៣ ចាប់តាំងពីឆ្នាំ២០១៩ ដោយបន្ថែមទឹកប្រាក់ជិត៧ពាន់លានផោន (៨,៨ពាន់លានដុល្លារ) ទៅក្នុងវិក័យប័ត្រគ្រឿងទេស។រដ្ឋាភិបាលអង់គ្លេស មានការព្រួយបារម្ភ និងអន្ទះសារយ៉ាងខ្លាំង ដើម្បីជៀសវាងចំពោះការធ្វើអ្វីមួយ ដែលអាចបង្កឲ្យបញ្ហាវិវឌ្ឍកាន់តែអាក្រក់។

យោងតាមសេចក្តីប្រកាសកាលពីថ្ងៃអង្គារ បានបង្ហាញថា ការត្រួតពិនិត្យព្រំដែន លើការនាំចូលស្បៀងអាហារ ពីសហភាពអឺរ៉ុប ដែលផ្គត់ផ្គង់២៨% នៃអាហារប្រើប្រាស់ក្នុងចក្រភពអង់គ្លេស អាចរំខានដល់ការផ្គត់ផ្គង់។រដ្ឋាភិបាលបានអះអាង កាលពីថ្ងៃអង្គារកន្លងមកថា “ការពន្យារពេលលើកាលកំណត់ នឹងផ្តល់ពេលវេលាបន្ថែម ដល់ភាគីពាក់ព័ន្ធដើម្បីរៀបចំសម្រាប់ការត្រួតពិនិត្យថ្មី”៕

Thai Honda jittery on domestic sales

Thai Honda Manufacturing Co, a local motorcycle manufacturer and distributor, is concerned rising household debt and the Bank of Thailand’s plan to regulate operators of auto hire-purchase and leasing businesses will affect the country’s motorcycle sales this year.

The central bank’s new regulations are aimed at preventing the rate of household debt from rising and controlling the non-finance sector, which could affect the volume of motorcycle sales in the country, said Wiwat Lertpati, the company’s chief sales and marketing officer.

“This may affect the sales volume in the domestic market. The company expects the country’s sales volume to drop by 5-10% this year,” he said.

Thai Honda is monitoring the household debt and the government’s measures to control the non-finance sector. The company is optimistic as the inflation rate continues to decelerate, which increases people’s purchasing power, said Mr Wiwat.

The new government’s stimulus measures are also expected to boost economic growth and purchasing power in the country, he said.The enforcement of a Bank of Thailand draft royal decree on auto hire-purchase businesses is expected to come into effect between the end of this year and the beginning of next year.

The central bank plans to
oversee the sector in two core areas: market conduct and macroprudential regulation.
Thai Honda expects the country’s volume of motorcycle sales this year to reach 1.85 million units, an increase of 3% year-on-year. Source: Bangkok Post

ដំណឹងល្អ! ផ្លួវថ្មីមួយខ្សែតភ្ជាប់ជាមួយអាកាសយានដ្ឋានអន្តរជាតិសៀមរាបថ្មីបានបញ្ចប់រួចរាល់ហើយ

ដោយៈ គង់ សូរិយា

សៀមរាបៈ ផ្លូវទៅអាកាសយានដ្ឋានអន្តរជាតិសៀមរាប អង្គរថ្មីមួយខ្សែ ទើបតែបញ្ចប់ការសាងសង់ថ្មីៗនេះ ដើម្បីសម្រួលដល់ការធ្វើចរាចរណ៍តភ្ជាប់ចេញចូលទៅព្រលានយន្តហោះថ្មី។

លោកស៊ីន ចាន់សិរីវុត្ថាអនុរដ្ឋលេខាធិការ និងជាអ្នកនាំពាក្យនៃរដ្ឋលេខាធិការដ្ឋានអាកាសចរណ៍ស៊ីវិល បានមានប្រសាសន៍ឲ្យដឹងកាលពីពេលថ្មីៗនេះថា ផ្លូវថ្មីដែលទើបសាងសង់រួចរាល់នោះ គេហៅថា Special Airport Highway ដែលជាប្រភេទផ្លូវបេតុងកៅស៊ូ មិនមែនជាប្រភេទផ្លូវល្បឿនលឿនទេ តែជាប្រភេទផ្លូវកាត់ដែលតភ្ជាប់ពីផ្លូវជាតិលេខ៦ ទៅដល់ Airport មានប្រវែង ២៤.៥ គីឡូម៉ែត្រ។លោកបន្តថា “ក្រៅពីផ្លូវថ្មីដែលស្ថាបនារួចរាល់ ក្នុងគម្រោងមិនមានការសាងសង់ផ្លូវថ្មីបន្ថែម ដោយត្រូវប្រើប្រាស់ផ្លូវចាស់ ដែលមានស្រាប់ដដែល”។

ទាក់ទងការអភិវឌ្ឍអាកាសយានដ្ឋានថ្មីខេត្តសៀមរាប អ្នកនាំពាក្យរូបនេះថា នឹងផ្ដល់ផលប្រយោជន៍យ៉ាងច្រើន ដូចជា ទី១ ព្រលានថ្មីនេះស្ថិតនៅតំបន់មួយ ដែលមិនមានផលប៉ះពាល់ផ្នែកបរិស្ថាន សង្គម និងវប្បធម៌ និងទី២ មានសមត្ថភាពគ្រប់គ្រាន់ទទួលយន្តហោះប្រភេទធំៗគ្រប់ប្រភេទអាចចុះចតបាន។បើតាមមន្រ្តីអ្នកនាំពាក្យរូបនេះ សម្រាប់គម្រោងអភិវឌ្ឍន៍បន្ថែម ព្រលានថ្មីនេះ លោកមិនអាចកំណត់បាននោះទេ គឺអាស្រ័យស្ថានភាពជាក់ស្តែងនៃកំណើនភ្ញៀវទេសចរ។

បច្ចុប្បន្ននេះចំនួនភ្ញៀវទេសចរ មានការធ្លាក់ចុះបន្ទាប់ពីបញ្ហាកូវីដ១៩ ដោយក្នុងមួយសប្ដាហ៍ មានជើងហោះហើរតែ៨ជើងប៉ុណ្ណោះ៕

អ្នកជំនាញលើកឡើងពីទីផ្សារខុនដូនៅភ្នំពេញ និងក្រុងព្រះសីហនុដូចម្តេចក្រោយការរៀបចំរដ្ឋាភិបាលថ្មី?

ដោយៈ ជេស៊ីកា

ភ្នំពេញៈ ស្របពេលស្ថានភាពស្ងប់ស្ងាត់ កាលពីដើមឆ្នាំនេះ ស្ថានភាពទីផ្សារខុនដូ កំពុងវិវឌ្ឍន៍យ៉ាងដូចម្តេច ក្រោយការរៀបចំបង្កើតរដ្ឋាភិបាលថ្មី?។

អគ្គនាយកក្រុមហ៊ុនERA Cambodia លោកខន គង្គាបានមានប្រសាសន៍ឲ្យដឹង តាមបណ្តាញតេឡេក្រាម នារសៀលថ្ងៃទី៣១ សីហានេះថា ស្ថានភាពទីផ្សារចាប់ផ្តើម មានសកម្មភាពឡើងវិញបណ្តើរៗ នៅរាជធានីភ្នំពេញ ដោយមានសកម្មភាពទិញ លក់កើនឡើងវិញតិចតួច ប៉ុន្តែមិនទាន់ដល់កម្រិតដែលយើងចង់បាននៅឡើយទេ។

លោកបន្តថា “ស្ថានភាពទីផ្សារ ត្រូវការពេលវេលាបន្ថែមទៀត ដើម្បីឲ្យមានចរន្តទិញ លក់ប្រសើរឡើងវិញ ខណៈវិនិយោគិនអន្តរជាតិហាក់នៅបន្តស្ងប់ស្ងាត់នៅឡើយ”។ លោកបន្តថា “ទីផ្សារនេះនៅតែល្អ សម្រាប់អ្នកវិនិយោគ ដោយសារតម្លៃមានភាពសមរម្យ និងអាចចចារបាន”។

ទាក់ទងនឹងទីផ្សារនៅក្រុងព្រះសីហនុ កំពុងមានការវិវត្តន៍បែបណា? លោកខន គង្គាបានមានប្រសាសន៍ឲ្យដឹងថា សម្រាប់ការទិញ ឬការវិនិយោគលើខុនដូ មិនមានសកម្មភាពច្រើននៅឡើយទេ ប៉ុន្តែសកម្មភាពជួលមានការកើនឡើង ដោយសារកំណើនភ្ញៀវទេសចរណ៍ក្នុងស្រុក និងភ្ញៀវទេសចរណ៍លំដាប់អន្តរជាតិ។

លោកបន្តថា “ទីផ្សារខុនដូ ក្នុងក្រុងព្រះសីហនុ ទាមទារពេលវេលាផងដែរ ខណៈរដ្ឋាភិបាលបាន និងកំពុងរៀបចំដោះស្រាយបញ្ហាអាគារជាប់គាំងនៅក្នុងទីក្រុងនេះ”៕

China’s Shenzhen eases mortgage rules for first-home purchases

BEIJING :

The Chinese tech hub of Shenzhen issued a notice on Wednesday saying it would let people take preferential loans for first-home purchases regardless of their credit record from Aug. 31, the second major city to ease mortgage rules.

The move came after Chinese authorities called on cities on Friday to broaden the definition of first-home mortgages to revive the troubled property market.

Guangzhou was the first major city to respond and ease mortgage curbs.
China’s property industry has been mired in a historic downturn in the past two years. Households have grown reluctant to purchase new homes, as the now-defunct Covid curbs, falling home prices and rising unemployment discouraged would-be buyers.Source: Reuters

ក្រសួងកសិកម្មគ្រោងសិក្សាលើស្ថានភាពកសិករទូទាំងប្រទេសធៀបនឹងផ្ទៃដី និងខ្សែច្រវ៉ាក់ផលិតកម្ម

ដោយៈ គង់ សូរិយា

ភ្នំពេញៈ រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ លោកឌិត ទីណា បានណែនាំឱ្យមន្រ្តីជំនាញពិនិត្យលទ្ធភាព លើកិច្ចសហការគ្នារវាងក្រសួងកសិកម្ម និងវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) ក្នុងការសិក្សាពីស្ថានភាពរបស់កសិករទូទាំងប្រទេស ដោយមានការវិភាគសេដ្ឋកិច្ច នៃផលិតភាពកសិកម្មធៀបនឹងផ្ទៃដីនិងខ្សែចង្វាក់ផលិតកម្មគ្រប់ដំណាំទាំងអស់។

លោករដ្ឋមន្ត្រីលើកឡើងបែបនេះ នៅអំឡុងពេលចូលរួមកិច្ចប្រជុំពិភាក្សាការងារ ជាមួយក្រុមការងាររបស់ CDRI កាលពីថ្ងៃទី២៩ ខែសីហា ឆ្នាំ២០២៣ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។

ជាមួយគ្នានោះដែរ លោករដ្ឋមន្ត្រីក៏បានលើកឡើងពីការងារទាក់ទងនឹងកម្មវិធីគំរូនវានុវត្តន៍ ក្នុងវិស័យកសិកម្មផងដែរ ដោយលោកបានណែនាំឱ្យខាងវិទ្យាស្ថាន CDRI សហការជាមួយសាកលវិទ្យាល័យកសិកម្មក្នុងប្រទេស ដើម្បីឱ្យសិស្សនិស្សិតទទួលបានគំនិតថ្មីៗបន្ថែមក្នុងការច្នៃប្រឌិតនេះ។

យោងតាមទំព័រហ្វេសប៊ុករបស់ក្រសួងកសិកម្ម លោក ឌិត ទីណា បានថ្លែងថា ក្រសួងនឹងជួយគាំទ្របច្ចេកទេស និងជំរុញឱ្យមានសហគមន៍កសិកម្មគំរូថ្មី ដែលអាចមានលទ្ធភាពពង្រឹងខ្សែចង្វាក់តម្លៃ មានភាពម្ចាស់ការពិតប្រាកដ និងមានទុនគ្រប់គ្រាន់ ដើម្បីបង្កើនផលិតភាព គុណភាព សុវត្ថិភាព កាត់បន្ថយថ្លៃដើម មានប្រសិទ្ធភាព និងនិរន្តរភាពសេដ្ឋកិច្ច ដើម្បីសម្រេចនូវគោលនយោបាយ និងចក្ខុវិស័យរួម ក្នុងការចូលរួមជំរុញសេដ្ឋកិច្ចប្រទេសកម្ពុជា ឱ្យក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០។

នាយកវិទ្យាស្ថានបណ្ដុះបណ្ដាល និងស្រាវជ្រាវដើម្បីអភិវឌ្ឍន៍កម្ពុជា (CDRI) លោកស្រី អេង នេត្រា បានឱ្យដឹងនៅថ្ងៃទី៣០ ខែសីហាថា វិទ្យាស្ថានលោកស្រី កំពុងតែរៀបចំក្រុមការងារជំនាញ និងឯកសារពាក់ព័ន្ធនានា ដើម្បីសិក្សាលម្អិត មុននឹងចាប់ផ្តើមអនុវត្តការងារនាពេលខាងមុខ។

លោកស្រីបានបន្ថែមថា កិច្ចសហការរវាងវិទ្យាស្ថានជាមួយនឹងក្រសួងកសិកម្ម មានយូរមកហើយ តែនេះដោយសារតែជាអាណត្តិនៃថ្នាក់ដឹកនាំថ្មី ទើបវិទ្យាស្ថានត្រូវចាប់ផ្តើមកិច្ចពិភាក្សាថ្មី ដើម្បីជំរុញការងារអភិវឌ្ឍន៍វិស័យកសិកម្ម។

លោកស្រីបានបញ្ជាក់ថា “ក្រុមការងារយើងកំពុងពិភាក្សាគ្នា ដើម្បីរៀបចំឯកសារ ការងារអាទិភាព និងយុទ្ធសាស្ត្រថ្មីៗ មុននឹងដល់ការចុះអនុវត្តស្រាវជ្រាវផ្ទាល់នៅទូទាំងប្រទេស ដែលអាចនឹងជំរុញឱ្យការអនុវត្តគម្រោងនេះ ទទួលបានជោគជ័យនាពេលខាងមុខ”។វិទ្យាស្ថាន CDRI មានមជ្ឈមណ្ឌលស្រាវជ្រាវគោលនយោបាយក្នុងវិស័យកសិកម្ម និងអភិវឌ្ឍន៍ជនបទ (CPARD) ដែលមានអ្នកស្រាវជ្រាវមានបទពិសោធន៍ មានជំនាញផ្នែកសេដ្ឋកិច្ច កសិកម្ម និងការអភិវឌ្ឍសេដ្ឋកិច្ច អភិវឌ្ឍន៍ និងប្រើប្រាស់ឧបករណ៍បរិមាណនិងគុណភាពប្រកបដោយភាពច្នៃប្រឌិត ដើម្បីសិក្សាពីបញ្ហាសំខាន់ៗជាច្រើនក្នុងវិស័យកសិកម្ម រួមទាំងអាហារូបត្ថម្ភនិងសុវត្ថិភាពចំណីអាហារ ខ្សែចង្វាក់តម្លៃកសិកម្ម និរន្តរភាពកសិកម្ម ការអភិវឌ្ឍកសិកម្មនិងការលើកកម្ពស់ជីវភាពរស់នៅជនបទ៕

រដ្ឋាភិបាលបក្សភឿថៃ គ្រោងសាងសង់អាកាសយានដ្ឋានថ្មីចំនួន២នៅឈាងម៉ៃ និងភូកេត

តែម សុខុម

បាងកក: នាយករដ្ឋមន្ត្រីទើបចូលកាន់តំណែងរបស់ថៃ លោក Srettha Thavisin បានប្រកាសកាលពីថ្ងៃព្រហស្បតិ៍ សប្ដាហ៍មុន រដ្ឋាភិបាលរបស់លោកគ្រោងជួសជុលលម្អអាកាសយានដ្ឋានទូទាំងប្រទេស ហើយក៏គ្រោងសាងសង់អាកាសយានដ្ឋានថ្មីពីរផងដែរ ដោយមួយនៅឈៀងម៉ៃ និងមួយទៀតនៅភូកេត។

លោកថ្លែងថា រដ្ឋាភិបាលដែលដឹកនាំដោយគណបក្សភឿថៃ របស់លោកនឹងប្រឹងប្រែងដើម្បីជំរុញវិស័យទេសចរណ៍ដែលគ្របដណ្ដប់ទាំងផ្ទាល់ និងប្រយោលប្រមាណ១ភាគ៥នៃសេដ្ឋកិច្ចរបស់ប្រទេសថៃ។ លោកបន្ថែមថា អាកាសយានដ្ឋានទាំងអស់នៅទូទាំងប្រទេសថៃ នឹងត្រូវធ្វើការជួសជុលកែលម្អឡើងវិញដើម្បីស្វាគមន៍ភ្ញៀវទេសចរមកពីជុំវិញពិភពលោក។លោកលើកឡើងថា គណបក្សរបស់លោកក៏បានកំណត់គោលដៅសាងសង់អាកាសយានដ្ឋានថ្មីៗផងដែរនៅឈៀងម៉ៃ និងភូកេត ដែលជាគោលដៅដ៏សំខាន់ពីរសម្រាប់អ្នកធ្វើដំណើរក្នុងស្រុក និងអន្តរជាតិ។នៅឈៀងម៉ៃ អាកាសយានដ្ឋានថ្មីនឹងធ្វើឱ្យភ្ញៀវទេសចរធ្វើដំណើរទៅមកអំឡុងពេលយប់កាន់តែមានផាសុកភាព។ លោកបានគូសបញ្ជាក់ថា អាកាសយានដ្ឋានដែលមានស្រាប់នៅមានកម្រិតនៅឡើយ ឬគ្មានលក្ខណសម្បត្តិល្អគ្រប់គ្រាន់។

លោក Srettha Thavisin ថ្លែងថា អាកាសយានដ្ឋានថ្មីនៅភូកេត នឹងសម្រាប់តែជើងហោះហើរអន្តរជាតិប៉ុណ្ណោះ។ អាកាសយានដ្ឋានដែលមានស្រាប់ដំណើរការទាំងជើងហោះហើរក្នុងស្រុក និងជើងហោះហើរអន្តរជាតិ ហើយបានឈានដល់សមត្ថភាពពេញលេញរបស់ខ្លួនហើយសម្រាប់អ្នកដំណើរ១៤លាននាក់ក្នុងមួយឆ្នាំ។

បច្ចុប្បន្នអាកាសយានដ្ឋានឈៀងម៉ៃ កំពុងដំណើរការដំណាក់កាលទី១ នៃគម្រោងពង្រីកដើម្បីបង្កើនសមត្ថភាពទទួលអ្នកដំណើររបស់ខ្លួនពី១១លាននាក់នៅពេលនេះ ឱ្យឈានដល់១៦,៥លាននាក់ក្នុងមួយឆ្នាំ។ គម្រោងពង្រីកនេះរំពឹងបញ្ចប់ជាស្ថាពរនៅឆ្នាំ២០២៩៕ Bangkok Post៕

Prince One Tropica–Phnom Penh Art Garden

The famous Impressionist painter Claude Monet is keen to integrate natural lighting into painting, which makes his work warm and a delight to gaze at.

Inspired by Monet’s impressionist paintings, Prince One Tropica aims to the create a garden landscape with an idyllic ambiance themed around Impressionism sunshine.

The Impressionism sunshine garden is divided into six functional spaces, namely yoga garden, Kids’ swing garden, health and fitness garden for senior residents, outdoor living room for business elites, The Wizard of Oz garden and the party garden. These gardens are painted with the color green as far as the eye can see.

After eight years of growth, Prince Real Estate Group has become an industry leader committed to ‘building a better life’ for its customers. As the first high-end garden villa project launched by Prince, One Tropica serves as a cornerstone for future product upgrades that will surprise the Cambodia market.

Buy now and take advantage of the limited offers below!

Prince One Tropica, top-selling villa project in Chan Sen Sok, total price starting from US$160,000;
45 days unconditional refund after handover, what you see is what you get, quality guaranteed;
10% down payment, interest-free installment of US$399/month, developer loan up to 25 years, easy to apply;
Owners automatically become Prince Black Holders and gain access to all VIP services provided by Prince.

Hotline: (0)763099999
Location: No.1667, St 1019, Sangkat Khmuonh, Chan Sen Sok, Phnom Penh

ព្រីនស៍ វ័ន ត្រូពិកា បង្កើតសួនច្បារធម្មជាតិបែបសិល្បៈច្នៃប្រឌិតក្នុងទីក្រុងភ្នំពេញ

ដោយៈ ជេស៊ីកា

ភ្នំពេញៈ លោក Claude Monet ជាវិចិត្រករលទ្ធិអារម្មណ៍និយម ឬគំនូបែបស្រមើស្រមៃ ដ៏ល្បីល្បាញ មួយរូបរបស់បារាំង ដោយលោកចូលចិត្តការគូររូប ដោយរួមបញ្ចូលឲ្យមានពន្លឺព្រះអាទិត្យ ដែលធ្វើឲ្យគំនូររបស់លោក មានភាពរស់រវើក និងគួរឲ្យចង់សម្លឹងមើល។

ដោយយកគំរូតាមសិល្បៈគំនូរ ដ៏មានភាពទាក់ទាញរបស់ លោក Claude Monet ធ្វើជាមូលដ្ឋាន គម្រោងព្រីនស៍ វ័ន ត្រូពិកា បានរៀបចំ ដើម្បីបង្កើតជាសួនច្បារធម្មជាតិ ដែលរួមបញ្ចូលគ្នារវាង ពន្លឺព្រះអាទិត្យ ជាមួយនឹងសិល្បៈ នៃការរៀបចំតំបន់បៃតងនៅក្នុងគម្រោងលំនៅឋាន។

សួនច្បារធម្មជាតិនេះបែងចែកជា៦ផ្នែករួមមាន សួនយ៉ូហ្គា សួនកុមារ (មានទោងយោលកម្សាន្ត) សួនសុខភាពនិងលំហាត់ប្រាណ សួនសម្រាប់ការពិភាក្សាការងារ សួនសម្រាប់កម្មវិធីជួបជុំ និងសួនសម្រាកលំហែកាយ។ គ្រប់ទីកន្លែងមានទិដ្ឋភាពស្រស់ស្អាត ដោយបានគិតគូរទាំងមុខងារ និងសោភ័ណភាព ដើម្បីបង្កើតតំបន់វីឡាបែបទំនើប អមដោយសិល្បៈដែលមានសួនច្បារស្រស់ បំព្រង និងធ្វើឱ្យលោក អ្នកអាចគយគន់ទេសភាពធម្មជាតិ ស្តាប់សម្លេងទឹកហូរ និងដើរកម្សាន្តបាន ក្នុងពេលតែមួយ។

“ជីវិតស្រស់បំព្រង” – ជាអ្វីដែល ព្រីនស៍ គ្រុប ចង់ផ្តល់ជូនអតិថិជនទាំងអស់។ បន្ទាប់ពីការខិតខំប្រឹងប្រែងអភិវឌ្ឍខ្លួន អស់រយៈពេល8ឆ្នាំមក ក្រុមហ៊ុន ព្រីនស៍ រៀល អ៊ីស្ទេត គ្រុប បានក្លាយជាក្រុមហ៊ុននាំមុខគេក្នុងការអភិវឌ្ឍលំនៅឋាន ដែលមានគុណភាពខ្ពស់ជាងគេ ក្នុងរាជធានីភ្នំពេញ។

ក្នុងនាមជាគម្រោងបុរីវីឡាដំបូងគេ របស់ក្រុមហ៊ុន ព្រីនស៍ រៀល អ៊ីស្ទេត គ្រុប ព្រីនស៍ វ័ន ត្រូពិកា នឹងក្លាយជាមូលដ្ឋានគ្រឹះនៃការធ្វើឲ្យប្រសើរឡើងនូវគុណភាព និងស្តង់ដារ គម្រោងរបស់ក្រុមហ៊ុន។ នាពេលអនាគត ព្រីនស៍ រៀល អ៊ីស្ទេត គ្រុប នឹងបង្កើតគម្រោងជាច្រើនបន្ថែមទៀត ដើម្បីបង្កើនទំនុកចិត្ត និងបំពេញតម្រូវការកាន់តែច្រើនក្នុងទីផ្សារកម្ពុជា។

ទិញព្រីនស៍ វ័ន ត្រូពិកាឥឡូវនេះ នឹងទទួលបានការបញ្ចុះតម្លៃជាច្រើនដូចជា ទី១ព្រីនស៍ វ័ន ត្រូពិកា គម្រោងបុរីវីឡាលក់ដាច់បំផុតក្នុងខណ្ឌសែនសុខ តម្លៃចាប់ពី $160,000 ឡើងទៅ។ ទី ធានាសងប្រាក់វិញ ដោយគ្មានលក្ខខណ្ឌក្នុងរយៈពេល 45 ថ្ងៃ ធានាគុណភាពសំណង់។

ទី៣ បង់ដំបូង 10% រំលស់ប្រចាំខែ$399 ដោយគ្មានការប្រាក់។ កម្ចីទិញផ្ទះ ជាមួយក្រុមហ៊ុនអភិវឌ្ឍន៍ផ្ទាល់ រយៈពេលរហូតដល់25 ឆ្នាំ ងាយស្រួលក្នុងការស្នើសុំ និងពិនិត្យ។ ទី៤ ទទួលបានកាតសមាជិកព្រីនស៍ រៀលអ៊ីស្ទេត (Prince Black Card) ភ្លាមៗរាល់ការទិញផ្ទះ ដែលអាចទទួលបាននូវសេវាកម្ម VIP ដែលផ្តល់ដោយក្រុមហ៊ុនបុត្រសម្ព័ន្ធរបស់ ព្រីនស៍ គ្រុប។

ទាក់ទងមកយើងខ្ញុំ៖（+855）76 309 9999។
អាសយដ្ឋាន៖ ផ្ទះលេខ1667 ផ្លូវ1019 សង្កាត់ឃ្មួញ ខណ្ឌសែនសុខ រាជធានីភ្នំពេញ៕

ក្រុមហ៊ុនផលិត និងចែកចាយម៉ូតូ Thai Honda គ្រោងនាំចេញម៉ូដែលម៉ូតូស៊េរីថ្មីមកលក់នៅកម្ពុជា

ដោយ: គង់ លាងហួរ

បាងកក: ក្រុមហ៊ុន Thai Honda Manufacturing Co ដែលជាក្រុមហ៊ុនផលិត និងចែកចាយម៉ូតូក្នុងស្រុកមានការព្រួយបារម្ភជាខ្លាំងអំពីការកើនឡើងនៃបំណុលគ្រួសាររបស់ប្រទេសថៃ។

ទន្ទឹមគ្នានេះ ផែនការរបស់ធនាគារកណ្តាលថៃក្នុងការគ្រប់គ្រងប្រតិបត្តិករអាជីវកម្មជួល និងទិញ-ជួលរថយន្តនឹងជះផលប៉ះពាល់ដល់ការលក់ម៉ូតូរបស់ប្រទេសថៃនៅឆ្នាំនេះ។

លោក Wiwat Lertpati ប្រធានផ្នែកលក់ និងផ្នែកទីផ្សាររបស់ក្រុមហ៊ុនខាងលើបានមានប្រសាសន៍ថា បទប្បញ្ញត្តិថ្មីរបស់ធនាគារកណ្តាលមានគោលបំណងទប់ស្កាត់អត្រានៃបំណុលគ្រួសារពីការកើនឡើង និងគ្រប់គ្រងវិស័យមិនមែនហិរញ្ញវត្ថុ ដែលអាចប៉ះពាល់ដល់បរិមាណនៃការលក់ម៉ូតូនៅក្នុងប្រទេស។

លោកបានបន្តថា “វិធានការនេះអាចប៉ះពាល់ដល់បរិមាណលក់នៅទីផ្សារក្នុងស្រុក ខណៈក្រុមហ៊ុនរំពឹងថា បរិមាណលក់ក្នុងប្រទេសនឹងធ្លាក់ចុះចន្លោះពី៥ ទៅដល់១០% នៅឆ្នាំ២០២៣នេះ”។

ការអនុវត្តសេចក្តីព្រាងព្រះរាជក្រឹត្យរបស់ធនាគារកណ្តាលថៃស្តីពីអាជីវកម្មជួលរថយន្តត្រូវបានគេរំពឹងថានឹងចូលជាធរមាននៅចន្លោះចុងឆ្នាំនេះ និងដើមឆ្នាំ២០២៤ខាងមុខ។

ទោះជាយ៉ាងនេះក្តី ក្រុមហ៊ុនមានសុទិដ្ឋិនិយមថា ឧស្សាហកម្មម៉ូតូក្នុងស្រុកនឹងបន្តកើនឡើង ដោយសារឧស្សាហកម្មទេសចរណ៍បង្កើនកំណើនតម្រូវការ ខណៈពេលដែលកង្វះខាតបន្ទះឈីប semiconductor បានធូរស្រាល ដោយជួយដល់សមត្ថភាពផលិតម៉ូតូ និងបរិមាណលក់។

ក្រុមហ៊ុន Thai Honda បានបញ្ចេញម៉ូតូស៊េរីថ្មីដែលមានឈ្មោះថា New Honda Giorno Plus។ លោកWiwat បានបន្ថែមថា “ក្រុមហ៊ុនក៏មានគម្រោងនាំចេញម៉ូដែលនេះទៅកាន់ប្រទេសមីយ៉ាន់ម៉ា ឡាវ និងកម្ពុជាផងដែរ ខណៈប្រទេសថៃជាមូលដ្ឋានផលិតកម្មរបស់យើង”៕