លោកជំទាវអភិបាលខេត្តកោះកុងពន្យល់ពីការពន្យាពេលជាថ្មីនៃការដាក់ឲ្យដំណើរការព្រលានយន្តហោះតារាសាគរ

ដោយៈ គង់ សូរិយា

ភ្នំពេញៈ អភិបាលខេត្តកោះកុងលោកជំទាវភូថង មិថុនាបានបញ្ជាក់ឲ្យដឹងពីមូលហេតុ ដែលព្រលានយន្តហោះតារាសាគរ ខេត្តកោះកុង អាចពន្យាពេលបើកដំណើរការសារជាថ្មី។

លោកជំទាវបានមានប្រសាសន៍ឲ្យដឹង កាលពីចុងសប្តាហ៍មុនថា គម្រោងដាក់ឱ្យដំណើរការអាកាសយានដ្ឋានអន្តរជាតិ តារាសាគរខេត្តកោះកុង អាចនឹងត្រូវលើកពេលបន្តទៀត ដោយសារក្រុមហ៊ុនអភិវឌ្ឍន៍ត្រូវការពេលវេលាបន្ថែម ដើម្បីបញ្ចប់ការសាងសង់ និងកែប្រែចំណុចខ្វះខាត ដែលនៅសេសសល់ មុននឹងអាចបើកដំណើរការសាកល្បងបាន។

លោកជំទាវបញ្ជាក់ទៀតថា “គម្រោងដាក់ឱ្យដំណើរការនេះទំនង ជាអាចត្រូវពន្យារទៅពេលក្រោយទៀត ដោយសារមកទល់ពេលនេះ ក្រុមហ៊ុនអភិវឌ្ឍន៍មិនទាន់ បានបញ្ជាក់ពីភាពរួចរាល់របស់ខ្លួននៅឡើយ”។

យ៉ាងណាលោកស្រី មិថុនា ភូថង បានបង្ហាញសុទិដ្ឋិនិយមថា ក្រោយព្រលានយន្តហោះនេះ ដាក់ឱ្យដំណើរការវានឹងជួយធ្វើឱ្យវិស័យទេសចរណ៍របស់ខេត្តនេះ កាន់តែមានភាពរីកចម្រើនបន្ថែមទៀត ពិសេសជួយស្រូបទាញភ្ញៀវទេសចរបរទេស ឱ្យមកកម្សាន្តនៅខេត្តនេះកាន់តែច្រើនថែមទៀត។ លើសពីនេះព្រលានយន្តហោះនេះ នឹងរួមចំណែកជួយសម្រួល ដល់ការដឹកជញ្ជូនតាមផ្លូវអាកាស ទាក់ទាញការវិនិយោគ និងជំរុញការធ្វើពាណិជ្ជកម្ម ជាមួយបណ្តាប្រទេសផ្សេងៗជាដើម។

អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល លោក ស៊ីន ចាន់សិរីវុត្ថា បានមានប្រសាសន៍ឲ្យដឹងថា គម្រោងដាក់ឱ្យដំណើរការហោះហើរសាកល្បង នៅពាក់កណ្តាលឆ្នាំនេះ អាចនឹងត្រូវពន្យារពេលបន្ថែមទៀតពិតមែន៕

តម្លៃដីនៅក្រុងបាវិតនឹងងើបឡើងក្រោយពេលផ្លូវល្បឿនលឿនភ្នំពេញ បាវិតបញ្ចប់ការសាងសង់

ដោយៈ គង់ សូរិយា

ភ្នំពេញៈ ស្របពេលផ្លូវល្បឿនលឿនភ្នំពេញ បាវិតនឹងបើកការដ្ឋានសាងសង់នាថ្ងៃទី៧ មិថុនាខាងមុខ ក្តីសង្ឃឹមសម្រាប់អ្នកក្រុងបាវិតបាននិងកំពុងលេចស្នាមញញឹម។

ជាទីក្រុងមួយដែលស្ថិត ក្នុងគោលនយោបាយអភិវឌ្ឍន៍វិស័យឧស្សាហកម្មរបស់រដ្ឋាភិបាលឆ្នាំ២០១៥ ២០២៥ ក្រុងបាវិតបានក្លាយជាទីតាំងមួយ មានភាពទាក់ទាញវិស័យឧស្សាហកម្ម ដោយតំបន់សេដ្ឋកិច្ចពិសេសជាច្រើន បានបោះទីតាំងនៅក្នុងទីក្រុង ដែលស្ថិតនៅចន្លោះទីក្រុងធំពីរ គឺរាជធានីភ្នំពេញ និងទីក្រុងហូ ជីម៉ិញប្រទេសវៀតណាម។

ក្រុងបាវិតបានក្លាយជាទីក្រុងមួយ ដែលមានសភាពរសរវើក និងការអភិវឌ្ឈយ៉ាងសកម្ម មុនពេលវិបត្តិកូវីដ១៩មកដល់ ប៉ុន្តែទីក្រុងនេះ ក៏ដូចជា ទីក្រុងដទៃទៀត រួមមាន ក្រុងព្រះសីហនុ ក្រុងប៉ោយប៉ែតបានជួបភាពស្ងប់ស្ងាត់ ដោយសារវិបត្តិកូវីដ១៩ និងសង្រ្គាមរវាងរុស្ស៊ី និងអ៊ុយក្រែន។

សហស្ថាបនិកនិងជាអគ្គនាយកគេហទំព័រPropertyarea.asia លោកយិន លាងគង់ដែលបានតាមដានដំណើរវិវត្តន៍ នៃវិស័យអចលវត្ថុបានមានប្រសាសន៍ឲ្យដឹងកាលពីថ្ងៃទី១៥ ឧសភាថា ការដាក់ចេញគោលនយោយបាយរយៈពេលខ្លី មធ្យម និងរយៈពេលវែងររបស់រដ្ឋាភិបាល ដើម្បីអភិវឌ្ឍន៍ប៉ូលសេដ្ឋកិច្ចនៅតំបន់ណាមួយ បានលើកស្ទួយការរីកចម្រើនសេដ្ឋកិច្ចរបស់តំបន់ឬទីក្រុងនោះ។

លោកបន្តថា “ជាក់ស្តែងទីក្រុងបាវិត បានប្រែក្លាយពីដីវាលស្រែទៅជាតំបន់ឧស្សាហកម្ម កាស៊ីណូ សណ្ឋាគារ និងលំនៅដ្ឋាន ដោយសារកំនើនប្រជាពលរដ្ឋ”។ លោកបន្តថា “ទីក្រុងបាវិតមានលក្ខណៈពិសេស ដោយសារស្ថិតនៅក្នុងគោលនយោបាយ អភិវឌ្ឍន៍ត្បូង ត្បូងរបស់អាស៊ាន និងតំបន់សេដ្ឋកិច្ចរបស់កម្ពុជា”។

លោកយិន លាងគង់បានបន្តថា ការរីកចម្រើនសេដ្ឋកិច្ចសង្គម ប្រជាសាស្រ្ត បាននិងកំពុងលើកកំពស់មុខមាត់ទីក្រុងនេះ និងកំពុងជម្រុញឲ្យមានតម្រូវការសំណង់លំនៅដ្ឋាន និងអចលនវត្ថុដទៃទៀត បើទោះជាសេដ្ឋកិច្ចពិភពលោក កំពុងមានបញ្ហាប្រឈមក្តី ប៉ុន្តែសេដ្ឋកិច្ចកម្ពុជាបានងើបឡើងវិញ ក្នុងសភាពធន់ជាងមុនជាមួយការដាក់ចេញគោលនយោបាយច្បាស់លាស់របស់រដ្ឋាភិបាល”៕

សម្តេចតេជោអរគុណមិត្តចិនដែលជួយសាងសង់ពហុកីឡដ្ឋាន និងឧទ្ទិសជោគជ័យនៃការរៀបចំស៊ីហ្គេមជូនប្រជាជាតិ

ដោយៈ គង់ សូរិយា

ភ្នំពេញៈ សម្តេចតេជោ ហ៊ុន សែន នាយរដ្ឋមន្ត្រីកម្ពុជា បានថ្លែងអំណរគុណចំពោះរដ្ឋាភិបាល និងប្រជាជនចិន ដែលបានផ្តល់អំណោយនូវពហុកីឡដ្ឋានមរតកតេជោ ដ៏ស្រស់ស្អាត និងរឹងមាំ ដែលជាឱកាសសម្រាប់កម្ពុជារៀបចំព្រឹត្តិការណ៍ប្រកួតស៊ីហ្គេម។

សម្តេចតេជោ ថ្លែងបែបនេះ ក្នុងឱកាសសម្តេចអញ្ជើញជាអធិបតី ក្នុងពិធីប្រគល់សញ្ញាបត្រជូននិស្សិតបញ្ចប់ការ សិក្សាផ្នែកកសិកម្មជាង៣ពាន់នាក់ នៅមជ្ឈមណ្ឌលសន្និបាត និងពិព័រណ៍កោះពេជ្រ នាថ្ងៃទី១៥ ខែឧសភា ឆ្នាំ២០២៣ម្សិលម៉ិញនេះ។

សម្តេចតេជោបានបញ្ជាក់ថា ខ្ញុំផ្ញើជូនប្រជាជនចិន ជាពិសេសចំពោះឯកឧត្តមប្រធានាធិបតី ស៊ី ជិនពីង នូវការអរគុណដែលឯកឧត្តម ក៏ដូចជាប្រជាជនចិន ដែលបានផ្តល់ជាអំណោយនូវស្តាតដ៏ស្រស់ស្អាត និងរឹងមាំ ប្រកបដោយសោភ័ណ្ឌភាព ដែលជាឱកាសឱ្យកម្ពុជាមានមុខមាត់ ក្នុងការបើកស៊ីហ្គេម ឆ្នាំ២០២៣”។

ទន្ទឹមគ្នានេះ សម្តេចបានអរព្រះគុណ ព្រះករុណា ព្រះបីតាព្រះបរមរតនកោដ្ឋ នរោត្តម សីហនុ ដែលព្រះអង្គទុកជាកេរ្តិ៍មរតក ដល់កូនចៅធ្វើជាកន្លែង នៃការប្រកួតស៊ីហ្គេម បន្ទាប់ពី៦៤ឆ្នាំមុនដែលព្រះអង្គបានធ្វើនៅទីនោះ និងព្រះមហាក្សត្រ ព្រមទាំងហ្លួងម៉ែ ដែលបានផ្ញើជាសារសំឡេងកោតសរសើរ ចំពោះរាជរដ្ឋាភិបាល។

ជាមួយគ្នានេះ សម្តេចបាន ថ្លែងអំណរគុណប្រទេសនានាជាសមាជិកអាស៊ាន ដែលបានបញ្ជូនកីឡាករកីឡាការិនី មកចូលរួមប្រកួតកីឡាស៊ីហ្គេមនៅកម្ពុជា និងផ្តល់ការគាំទ្រ ដល់កម្ពុជាក្នុងឋានៈជាម្ចាស់ផ្ទះ។

សម្តេចតេជោ ហ៊ុន សែន បានថ្លែងថា ព្រឹត្តិការណ៍ស៊ីហ្គេម បានធ្វើឱ្យសម្តេចរំជួលចិត្ត និងស្រក់ទឹក រំភើប មិននឹកស្មានកម្ពុជាមានថ្ងៃនេះឡើយ។

សម្តេចតេជោសង្ឃឹមថា ព្រឹត្តិការណ៍ប្រកួតកីឡាស៊ីហ្គេមនេះ នឹងបញ្ចប់ដោយជោគជ័យ និងមានសុវត្ថិភាពទាំងអស់។

សម្ដេចតេជោបានអះអាងថា ជោគជ័យដែលបានពីការរៀបចំព្រឹត្តិការណ៍ស៊ីហ្គេម មិនមែនជាកម្មសិទ្ធិរបស់សម្ដេចតេជោ ឬរបស់រាជរដ្ឋាភិបាល ឬគណបក្សប្រជាជនកម្ពុជានោះទេ តែជាសមិទ្ធផលរបស់ប្រជាជាតិកម្ពុជាទាំងមូល។កម្ពុជាបាននិងកំពុងធ្វើជាម្ចាស់ផ្ទះ រៀបចំព្រឹត្តិការណ៍ស៊ីហ្គេមលើកទី៣២ ចាប់ពីថ្ងៃទី៥-១៧ ខែឧសភា ឆ្នាំ២០២៣ និងត្រៀមរៀបចំការប្រកួតកីឡា អាស៊ានប៉ារ៉ាហ្គេមលើកទី១២ នៅដើមខែមិថុនាខាងមុខទៀតដែរ។

សម្តេចតេជោ ហ៊ុន សែន បានថ្លែងថា មូលដ្ឋានដែលកម្ពុជាបានកសាងសម្រាប់ព្រឹត្តិការណ៍កីឡាទាំងនេះ គឺជាមរតកសម្រាប់កូនចៅជំនាន់ក្រោយទាំងអស់គ្នា។

សម្ដេចតេជោនាយករដ្ឋមន្ត្រីបានបន្តថា “ជោគជ័យដែលបានពីការរៀបចំព្រឹត្តិការណ៍ស៊ីហ្គេមនេះ មិនមែនជាកម្មសិទ្ធិរបស់សម្ដេចតេជោ ឬរបស់រាជរដ្ឋាភិបាល ឬគណបក្សប្រជាជនកម្ពុជានោះទេ តែជាសមិទ្ធផលរបស់កម្ពុជាទាំងមូល ក៏ដូចជាប្រជាជាតិអាស៊ានផងដែរ”។

សម្ដេចតេជោ ហ៊ុន សែន ថ្លែងថា “មនុស្សប្រហែល៨០%ក្ដុកក្ដួលស្រក់ទឹកភ្នែក នៅពេលឃើញព្រឹត្តិការណ៍បើកស៊ីហ្គេម ស្រក់ទឹកភ្នែកនេះ មិនមែនកើតទុក្ខនោះទេ តែដោយសារមោទនភាពជាតិ។ នេះមិនមែនរបស់ ហ៊ុន សែន ឬរបស់រាជរដ្ឋាភិបាល ឬគណបក្សប្រជាជនទេ តែជារបស់មនុស្សទាំងអស់”។

សម្ដេចតេជោបានបង្ហើបឲ្យដឹងថា ពហុកីឡដ្ឋានជាតិមរតកតេជោ ដែលភាគីចិនជួយកសាង ក្នុងតម្លៃប្រមាណ១៥០លានដុល្លារនេះ នៅតែជាកន្លែង សម្រាប់ការប្រកួតកីឡា សម្រាប់កីឡាករកម្ពុជា និងការប្រកួតក្នុងតំបន់ ឬការប្រកួតអន្តរជាតិដទៃទៀត ហើយក៏នឹងក្លាយជាកន្លែងកម្សាន្តសម្រាប់ទេសចរទូទៅផងដែរ៕

ក្រុមហ៊ុនថៃBig C កំពុងពង្រីកអាជីវកម្មនៅកម្ពុជា វៀតណាម និងប្រទេសឡាវ

ដោយ: គង់ លាងហួរ

អន្តរជាតិ: ក្រុមហ៊ុនលក់គ្រឿងទេស និងទំនិញទូទៅBig C ដែលមានមូលដ្ឋាននៅទីក្រុងបាងកក បានចាប់ផ្តើមសាងសង់ផ្សារទំនើបដំបូងរបស់ខ្លួន នៅក្នុងប្រទេសឡាវ ជាមួយនឹងផែនការបើកទ្វារជាផ្លូវការនៅឆ្នាំ២០២៤ខាងមុខ។

ប្រតិបត្តិករផ្សារទំនើបធំបំផុតលំដាប់ទីពីរ របស់ប្រទេសថៃ Big C មួយនេះកំពុងមានប្រតិបត្តិការ នៅក្នុងប្រទេសចំនួន៤ គឺប្រទេសថៃ វៀតណាម កម្ពុជា និងប្រទេសឡាវ។ ចំណែក ផ្សារទំនើបថ្មីដែលគ្រោងនឹងបើកនៅក្នុងប្រទេសឡាវនេះ គឺជាផ្នែកមួយនៃផែនការពង្រីកខ្លួនរបស់ក្រុមហ៊ុនសម្រាប់តំបន់។

ផ្សារទំនើប Big C នៅប្រទេសឡាវ នឹងត្រូវសម្របខ្លួនជាពិសេសទៅនឹងទីផ្សារឡាវ ជាមួយនឹងផលិតផលជាច្រើនដូចជា អាហារកំប៉ុង សាច់ស្រស់ បន្លែ គ្រឿងប្រើប្រាស់ និងសម្លៀកបំពាក់។ ផ្សារទំនើបនេះ នឹងបង្ហាញផលិតផល ដែលមានប្រភពក្នុងស្រុក និងនាំចូលពីប្រទេសថៃ ចិន វៀតណាម និងបណ្តាប្រទេសនៅអឺរ៉ុប។

ប្រភពដែលជិតស្និទ្ធនឹងការអភិវឌ្ឍ បានបដិសេធសុំមិនធ្វើការអត្ថាធិប្បាយថា តើក្រុមហ៊ុនណាខ្លះដែលពាក់ព័ន្ធ ក្នុងគម្រោងនេះនោះទេ ប៉ុន្តែប្រភពនោះបានបញ្ជាក់ថា អ្នកវិនិយោគឡាវក៏ចូលរួមផងដែរ។

ការបើកផ្សារទំនើបនេះត្រូវបានគេរំពឹងថា នឹងមានផលប្រយោជន៍ជាវិជ្ជមានដល់សេដ្ឋកិច្ចឡាវ ព្រមទាំងបង្កើតការផ្តល់ការងារ និងជួយបង្កើនលំហូរវិនិយោគផ្ទាល់ ពីបរទេសចូលមកក្នុងប្រទេសឡាវ។ ផ្សារទំនើប Big C ដំបូងគេក្នុងប្រទេសឡាវមួយនេះ គ្រោងបើកទ្វារជាសាធារណៈនៅខែមេសា ឆ្នាំ២០២៤ខាងមុខ៕

Asia Pacific real estate investments down 30% in Q1

AISA: According to the latest research by JLL, Asia Pacific’s commercial real estate investment activity amounted to US$27 billion in 1Q2023, a significant drop of 30% compared to the same period in the previous year.
Most of the region saw lower volumes of investment activity.

Singapore, for instance, recorded a 66.8% year-on-year decline to US$1.9 billion, South Korea experienced a 69.5% year-on-year drop to US$2.5 billion, while China’s investment volume fell 16.4% year-on-year to US$6.9 billion. Australia also experienced a 25.6% year-on-year fall to just under US$6 billion.

However, Japan was the only nation in the region to see an increase in investment volume, rising 4.7% year-on-year to US$8.9 billion. JLL’s report attributed this surge to headquarters building disposals from Japanese corporates and a flurry of acquisitions by J-REITs in the office sector.

JLL’s report also highlighted that investment volumes fell across all sectors during the first quarter of 2023. The office market investments fell 26.6% year-on-year to $12.7 billion, which JLL notes as one of the sector’s softest quarters on record. Similarly, investment volumes in the logistics and industrial sector fell by 24% year-on-year, largely due to a new cycle of price discovery and funding challenges.

In the retail sector, investment volumes totaled US$5.3 billion in 1Q2023, which is lower than the five-year quarterly average of US$7.5 billion.

While Singapore saw some retail deals, such as the sale of a 50% stake in Nex shopping mall by Mercatus Co-operative to Frasers Property and Frasers Centrepoint Trust for $652.5 million, large-scale shopping mall trades were absent from the rest of the region.

Source: Estatedia

Asian shares braced for China data, Fed speakers

SYDNEY : Asian stocks started cautiously on Monday as investors braced for a China policy rate decision and economic data this week, while awaiting a host of U.S. Federal Reserve officials to speak to vindicate market pricing of rate cuts this year.

Early action was sluggish following a report on Friday showed U.S. consumer sentiment slumped to a six-month low in May and long-term inflation expectations jumped to the highest since 2011, boosting the U.S. dollar and Treasury yields.

In emerging markets, the Turkish lira touched a fresh two month low of 19.70 to the dollar as the country appeared headed for a runoff presidential election. The Thai Baht was 0.7 per cent stronger after the opposition secured a stunning election
win on Sunday.

MSCI’s broadest index of Asia-Pacific shares outside Japan was 0.16 per cent lower, while Japan’s Nikkei bucked the trend with a gain of 0.5 per cent, building on the optimism from last week during the earnings season.

Investors are keenly awaiting China’s central bank rate decision on Monday. Market watchers polled by Reuters expect the medium-term policy rate to be left unchanged despite disappointing data last week that fuelled concerns about a global slowdown.

The country is due to report monthly industrial production, retail sales and fixed asset investment data on Tuesday.

“A big year-on-year improvement shouldn’t surprise given it is measured against a stagnant economy that was in lockdown,” said Chris Weston, head of research at Pepperstone.

“However, with China’s data throwing up a few concerns of late – we’ve seen poor import, PPI, and loan data – China’s growth is very much at the heart of market moves,” said Weston.

Also this week, a host of Federal Reserve officials are speaking, with Chair Jerome Powell set for Friday, and could generate plenty of headlines to move the dial further.

Source: Reuters

សម្តេចតេជោ៖ប្រគល់ភាពជោគជ័យ និងសមិទ្ធផលនៃការរៀបចំស៊ីហ្គេមជូនប្រជាជាតិកម្ពុជា

(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអះអាងថា ជោគជ័យដែលបានពីការរៀបចំព្រឹត្តិការណ៍ស៊ីហ្គេម មិនមែនជាកម្មសិទ្ធិរបស់សម្ដេចតេជោ ឬរបស់រាជរដ្ឋាភិបាល ឬគណបក្សប្រជាជនកម្ពុជានោះទេ តែជាសមិទ្ធផលរបស់ប្រជាជាតិកម្ពុជាទាំងមូល។

សម្តេចតេជោ ហ៊ុន សែន ថ្លែងបែបនេះក្នុងពិធីប្រគល់សញ្ញាបត្រជូននិស្សិតបញ្ចប់ការសិក្សាផ្នែកកសិកម្មជាង៣ពាន់នាក់ ដែលប្រារព្ធឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ នាព្រឹកថ្ងៃទី១៥ ខែឧសភា ឆ្នាំ២០២៣។

គួរជម្រាបថា កម្ពុជាបាននិងកំពុងធ្វើជាម្ចាស់ផ្ទះរៀបចំព្រឹត្តិការណ៍ស៉ីហ្គេមលើកទី៣២ ចាប់ពីថ្ងៃទី៥-១៧ ខែឧសភា ឆ្នាំ២០២៣ និងត្រៀមរៀបចំការប្រកួតកីឡាអាស៊ានប៉ារ៉ាហ្គេមលើកទី១២ នៅដើមខែមិថុនាខាងមុខទៀតដែរ។

សម្ដេចតេជោនាយករដ្ឋមន្ត្រីបានបន្តថា ជោគជ័យដែលបានពីការរៀបចំព្រឹត្តិការណ៍ស៊ីហ្គេមនេះ មិនមែនជាកម្មសិទ្ធិរបស់សម្ដេចតេជោ ឬរបស់រាជរដ្ឋាភិបាល ឬគណបក្សប្រជាជនកម្ពុជានោះទេ តែជាសមិទ្ធផលរបស់កម្ពុជាទាំងមូល ក៏ដូចជាប្រជាជាតិអាស៊ានផងដែរ។

សម្ដេចតេជោ ហ៊ុន សែន ថ្លែងយ៉ាងដូច្នេះថា «មនុស្សប្រហែល៨០%ក្ដុកក្ដួលស្រក់ទឹកភ្នែកនៅពេលឃើញព្រឹត្តិការណ៍បើកស៉ីហ្គេម ស្រក់ទឹកភ្នែកនេះមិនមែនកើតទុក្ខនោះទេ តែដោយសារមោទនភាពជាតិ។ នេះមិនមែនរបស់ ហ៊ុន សែន ឬរបស់រាជរដ្ឋាភិបាល ឬគណបក្សប្រជាជនទេ តែជារបស់មនុស្សទាំងអស់»។

បើតាមសម្ដេចតេជោ ពហុកីឡដ្ឋានជាតិមរតកតេជោ ដែលភាគីចិនជួយកសាង ក្នុងតម្លៃប្រមាណ១៥០លានដុល្លារនេះ នៅតែជាកន្លែងសម្រាប់ការប្រកួតកីឡាសម្រាប់កីឡាករកម្ពុជា និងការប្រកួតក្នុងតំបន់ ឬការប្រកួតអន្តរជាតិដទៃទៀត ហើយក៏នឹងក្លាយជាកន្លែងកម្សាន្តសម្រាប់ទេសចរទូទៅផងដែរ៕

តើប្រធានាធិបតីអ៊ុយក្រែនប្ដេជ្ញាចិត្តដូចម្តេចដើម្បីយកឈ្នះសង្គ្រាមលើរុស្ស៊ីនៅឆ្នាំនេះ?

ដោយៈ សុខុម

ប៊ែរឡាំង: ប្រធានាធិបតីអ៊ុយក្រែន លោក Volodymyr Zelenskiy បានប្រកាសពីទីក្រុងប៊ែរឡាំង កាលពីថ្ងៃអាទិត្យ ទី១៤ ខែឧសភា ថា រដ្ឋាភិបាលទីក្រុងគៀវ និងលោកខាងលិច ដែលជាអ្នកគាំទ្ររបស់ខ្លួន នឹងធ្វើឱ្យប្រទេសរុស្ស៊ីទទួលបរាជ័យ ក្នុងសង្គ្រាមនៅអ៊ុយក្រែន “ឱ្យខាងតែបាន” នៅឆ្នាំនេះ។

លោក Zelenskiy អំឡុងដំណើរទស្សនកិច្ច ទៅកាន់ទីក្រុងប៊ែរឡាំង បានបានថ្លែងអំណរគុណយ៉ាងជ្រាលជ្រៅ ដល់ប្រទេសអាល្លឺម៉ង់ ដែលធ្វើជា “មិត្តល្អពិតប្រាកដក្នុងគ្រាមានអាសន្ន” ដោយរដ្ឋាភិបាលអាល្លឺម៉ង់ បានប្រកាសផ្តល់ជំនួយយោធាដល់អ៊ុនក្រែន រហូតដល់ទៅ៣ពាន់លានដុល្លារ កាលពីថ្ងៃសៅរ៍ ទី១៣ ខែឧសភា។នេះគឺជាកញ្ចប់ជំនួយដ៏ធំបំផុត សម្រាប់អ៊ុយក្រែន ចាប់តាំងពីរុស្ស៊ី បានបញ្ឆេះសង្គ្រាមចូលឈ្លានអ៊ុយក្រែន នៅថ្ងៃទី២៤ ខែកុម្ភៈ ឆ្នាំ២០២២។

ថ្លែងក្នុងសន្និសីទសារព័ត៌មានរួមគ្នា ជាមួយអធិការបតីអាល្លឺម៉ង់ លោក Olaf Scholz លោក Zelenskiy បានលើកឡើងថា “ពេលនេះគឺជាពេលវេលា សម្រាប់យើងកំណត់ការបញ្ចប់ សង្រ្គាមនៅឆ្នាំនេះហើយ។ យើងអាចធ្វើឱ្យជនឈ្លានពាន ទទួលបរាជ័យឱ្យខាងតែបាននៅឆ្នាំនេះ”។

ទន្ទឹមនឹងនោះ លោក Olaf Scholz បានគូសបញ្ជាក់ជាថ្មីថា អាល្លឺម៉ង់ សន្យាបន្តជួយគាំទ្រអ៊ុយក្រែន ឱ្យបានយូរតាមដែលអាចធ្វើទៅបាន ប៉ុន្តែបានច្រានចោលសំណួរ អំពីភាពតានតឹងមុននេះ ក្នុងទំនាក់ទំនងទ្វេរភាគី និងសំណួរមួយទៀត អំពីក្តីសង្ឃឹមរបស់ទីក្រុងគៀវ ក្នុងការចូលរួមក្លាយជាសមាជិក របស់អង្គការបក្សសម្ព័ន្ធយោធា NATO។

អាល្លឺម៉ង់ ដែលជាសេដ្ឋកិច្ចធំបំផុតរបស់អឺរ៉ុប បានប្រឈមមុខនឹងការរិះគន់ នៅពេលផ្ទុះសង្រ្គាមឈ្លានពានអ៊ុយក្រែន ភ្លាមៗដោយសារប្រទេសនេះ ធ្វើការឆ្លើយតបបែបស្ទាក់ស្ទើរ។ ទោះជាយ៉ាងណា ពេលនេះអាល្លឺម៉ង បានស្ថិតក្នុងចំណោមអ្នកផ្តល់ ជំនួយផ្នែកហិរញ្ញវត្ថុ និងយោធាដ៏ធំបំផុតសម្រាប់អ៊ុយក្រែន។

តាមការរំពឹងទុក អ៊ុយក្រែន នឹងចាប់ផ្តើមបើកប្រតិបត្តិការវាយលុកទ្រង់ទ្រាយធំ ក្នុងប៉ុន្មានសប្តាហ៍ខាងមុខនេះ ដើម្បីដណ្តើមយកតំបន់ភាគខាងកើត និងខាងត្បូងរបស់ខ្លួនពីកងកម្លាំងរុស្ស៊ី មកវិញ។

ក្នុងដំណើរទស្សនកិច្ចលើកដំបូង របស់លោកទៅកាន់ប្រទេសអាល្លឺម៉ង់ ចាប់តាំងពីរុស្ស៊ី បានបញ្ឆេះសង្គ្រាមចូលឈ្លានពានអ៊ុយក្រែន លោក Zelenskiy បាននិយាយថា រដ្ឋាភិបាលទីក្រុងគៀវ បានត្រៀមខ្លួនរួចជាស្រេច ដើម្បីចរចានៅក្រៅប្រទេស ជុំវិញគំនិតផ្តួចផ្តើមសន្តិភាពនានា ដែលស្នើឡើងដោយប្រទេសផ្សេងៗទៀត ប៉ុន្តែថា សំណើទាំងនោះ ត្រូវតែផ្អែកលើជំហររបស់អ៊ុយក្រែន និងផែនការសន្តិភាពរបស់ខ្លួន៕ Reuters៕

Dubai residential market transactions hit new high in 2023: CBRE report

RIYADH: Dubai’s residential real estate market recorded its highest ever number of transactions in the first four months of 2023, according to a report by a global consultancy firm.

A total of 36,946 deals were logged across the period — a 43.2 percent increase compared to the previous year, according to CBRE’s Dubai Residential Market Snapshot.

The year-on-year increase for April alone was 16.2 percent, underpinned by a 42.5 percent increase in off-plan market sales, whilst secondary market sales dropped by 2.4 percent.

In the year to April 2023, average prices increased by 14.5 percent, a move in keeping with the broader picture across the region, with Saudi Arabia seeing real estate values edging up 1 percent in the first quarter of 2023, compared to the same period a year ago, according to released by the General Authority for Statistics in April.

Taimur Khan, Head of Research for the Middle East and North Africa at CBRE in Dubai, described the city’s residential market as “steadfast,” adding: “That being said, on a monthly basis, a deceleration in activity levels has been witnessed following the record figure registered in March 2023.”

He went on: “To put recent price growth into perspective, average prices in all villa communities and in 72.7 percent of apartment communities that CBRE monitors now sit above their 2019 levels (as at April 2023).

Source: Arab News

កំណាត់ផ្លូវខេត្ដលេខ៣១២ ក្នុងស្រុកព្រះស្ដេច ខេត្ដព្រៃវែង ត្រៀមរៀបចំពិធីបើកការដ្ឋាននាពេលឆាប់ៗ

ដោយៈ ហ្វីអូណា

ភ្នំពេញៈ លោកផែង សុវិជ្ជានោ រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មការត្រៀម រៀបចំពិធីបើកការដ្ឋាន បានអញ្ជើញដឹកនាំកិច្ចប្រជុំគណៈកម្មការ អនុគណៈកម្មការត្រៀមរៀបចំពិធីបើកការដ្ឋាន លើកកម្រិត និងជួសជុល ថែទាំកំណាត់ផ្លូវខេត្តលេខ៣១២ ស្ថិតក្នុងស្រុកព្រះស្តេច នៃខេត្តព្រៃវែង ដោយមានការចូលរួមពីថ្នាក់ដឹកនាំក្រសួងទទួលបន្ទុក និងក្រុមការងារជំនាញបច្ចេកទេសពាក់ព័ន្ធ។

កិច្ចប្រជុំនេះធ្វើឡើងក្នុងគោលបំណង ដើម្បីបែងចែកតួនាទី និងភារកិច្ចជូនដល់សមាជិក សមាជិកានៃគណៈកម្មការ និងអនុគណៈកម្មការសម្រាប់ត្រៀមរៀបចំពិធីបើកការដ្ឋាន ដើម្បីឱ្យការដឹកនាំ គ្រប់គ្រង ចាត់ចែង និងសម្របសម្រួលកម្មវិធីខាងលើ ប្រព្រឹត្តទៅបានដោយរលូន ប្រកបដោយសុវត្ថិភាព និងប្រសិទ្ធភាពការងារតាមការបែងចែក ដូចមានចែងនៅក្នុងលិខិតបង្គាប់ការ ។

លោករដ្ឋលេខាធិការប្រធានអង្គប្រជុំ បានណែនាំឱ្យសមាជិក សមាជិកាគណៈកម្មការ សហការឱ្យបានជិតស្និទ្ធជាមួយភាគីពាក់ព័ន្ធ ផ្តល់ព័ត៌មានគ្នាទៅវិញ ទៅមកឱ្យបានគ្រប់ជ្រុងជ្រោយ ដើម្បីដោះស្រាយបញ្ហាប្រឈមឱ្យបានទាន់ពេលវេលា ជាពិសេស ត្រូវអនុវត្តតាមតួនាទី និងភារកិច្ចដែលថ្នាក់ដឹកនាំបានប្រគល់ជូន សំដៅធានាឱ្យពិធីបើកការដ្ឋានបានប្រព្រឹត្តទៅដោយរលូន តាមផែនការដែលបានគ្រោងទុក ។

ជាមួយគ្នានោះដែរ អង្គប្រជុំបានសម្រេចឱ្យក្រុមការងារបច្ចេកទេស និងគណៈកម្មាធិការជាតិរៀបចំបុណ្យជាតិ-អន្តរជាតិ និងក្រុមការងារពាក់ព័ន្ធ ចុះទៅពិនិត្យទីតាំងជាក់ស្តែងនៅថ្ងៃទី១៥ ខែឧសភា ២០២៣ ដើម្បីសិក្សាស្វែងយល់ទីតាំងភូមិសាស្ត្រ សម្រាប់ការរៀបចំពិធី ដែលអាចធានាបាននូវសន្តិសុខ សុវត្ថិភាព សណ្តាប់ធ្នាប់ និងបរិស្ថានល្អសម្រាប់អ្នកចូលរួម។

ពិធីបើកការដ្ឋានលើកកម្រិតគុណភាព និងជួសជុល ថែទាំកំណាត់ផ្លូវខេត្ដលេខ៣១២ (សំរោង-ករគោ ព្រំប្រទល់កម្ពុជា-វៀតណាម) មានប្រវែងសរុប ២៨,៣៧ គ.ម ស្ថិតក្នុងស្រុកព្រះស្ដេច ខេត្ដព្រៃវែង ក្រោមឥណទានសម្បទាន របស់ធនាគារអភិវឌ្ឍន៍អាស៊ី (ADB) គ្រោងនឹងប្រារព្ធឡើងនៅសប្ដាហ៍ទី៣ នៃខែឧសភា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ៕

1...934935936...3,257 Page 935 of 3,257