វៀតណាមប្រគល់អាកាសយានដ្ឋានNong Khangឱ្យ ប្រទេសឡាវ

ដោយៈ សុខុម

វៀងចន្ទរ៍: ពិធីមួយត្រូវបានរៀបចំឡើង នៅស្រុកសាំនឿ នៃខេត្តហួផាន់ (Houaphanh) ប្រទេសឡាវ កាលពីថ្ងៃច័ន្ទ ទី១៥ ខែឧសភា ដើម្បីប្រគល់ និងដាក់ឱ្យដំណើរការអាកាសយានដ្ឋាន Nong Khang ដែលគេរំពឹងថា នឹងដើរតួនាទីជាយុទ្ធសាស្ត្រ ក្នុងការអភិវឌ្ឍសេដ្ឋកិច្ចនៃតំបន់ភាគឦសានរបស់ប្រទេសឡាវ ជាពិសេសខេត្តហួផាន់។

អាកាសយានដ្ឋាន Nong Khang គឺជាផ្នែកមួយនៃយុទ្ធសាស្ត្រអភិវឌ្ឍន៍ហេដ្ឋារចនាសម្ព័ន្ធ របស់រដ្ឋាភិបាលឡាវ ក្នុងគោលបំណងផ្លាស់ប្តូរឡាវ ពីប្រទេសគ្មានដែនសមុទ្រ (Landlocked Country) ទៅជាប្រទេសដែលតភ្ជាប់ទំនាក់ទំនងក្នុងតំបន់។

គម្រោង Build-Transfer (BT) នេះមានទុនវិនិយោគសរុបចំនួន៨២លានដុល្លារអាមេរិក ដែលទទួលបានហិរញ្ញប្បទានតាមរយៈកម្ចីពីក្រុមហ៊ុនវៀតណាម Hoang Anh Gia Lai Agriculture JSC។

អាកាសយានដ្ឋាននេះ ត្រូវបានសាងសង់ឡើងតាមស្ដង់ដារ 3C របស់អង្គការអាកាសចរណ៍ស៊ីវិលអន្តរជាតិ (ICAO) ដែលអាចទទួលអ្នកដំណើរបាន១០០.០០០នាក់ក្នុងមួយឆ្នាំ និងអាចទទួលយន្តហោះដែលអាចផ្ទុកអ្នកដំណើរ ចន្លោះពី៧០ទៅ១០០កៅអី។

លោក Vanxay Phengsoumma អភិបាលខេត្តហួផាន់ បានលើកឡើងថា ពិធីសម្ពោធដាក់ឱ្យដំណើរការ អាកាសយានដ្ឋាន Nong Khang មិនត្រឹមតែជាព្រឹត្តិការណ៍ដ៏សំខាន់ ក្នុងកិច្ចសហប្រតិបត្តិការឡាវ-វៀតណាមប៉ុណ្ណោះទេ ថែមទាំងបានបំពេញក្ដីរំពឹងទុកជាយូរមកហើយរបស់ពលរដ្ឋ ក្នុងមូលដ្ឋានទៀតផង ដោយផ្តល់ឱកាសឱ្យខេត្តរីកចម្រើនលើគ្រប់វិស័យ។

យោងតាមនាយកដ្ឋានអាកាសចរណ៍ស៊ីវិលឡាវ បានឱ្យដឹងថា អាកាសយានដ្ឋាន Nong Khang ជួយសម្រួលការតភ្ជាប់រហ័សរវាងតំបន់ភាគឦសាននៃប្រទេសឡាវ និងរដ្ឋធានីវៀងច័ន្ទ ក៏ដូចជាទីក្រុង និងខេត្តផ្សេងទៀត៕ Vietnam News៕

ក្រុមហ៊ុនថៃធំៗចំនួនពីរគ្រោងបោះទុន១.០០០លានដុល្លារសាងសង់មជ្ឈមណ្ឌលពាណិជ្ជកម្ម

ដោយ: គង់ លាងហួរ

អន្តរជាតិ: ក្រុមហ៊ុន ESR Thailand គ្រោងនឹងបណ្តាក់ទុនចំនួន១ពាន់លានដុល្លារអាមេរិក ចន្លោះពីឆ្នាំ២០២៣ដល់ឆ្នាំ២០២៧ដើម្បីអភិវឌ្ឍន៍ គម្រោងអចលនទ្រព្យផ្នែកដឹកជញ្ជូន និងអចលនទ្រព្យបែបឧស្សាហកម្មទំហំ២លានម៉ែត្រការ៉េ(២០០ហិកតា)។

ESR Thailand គឺជាក្រុមហ៊ុនបណ្តាក់ទុនរួមគ្នា រវាងក្រុមហ៊ុនវិនិយោគអចលនទ្រព្យ ESR Group ដែលមានមូលដ្ឋាននៅទីក្រុងហុងកុង និងក្រុមហ៊ុនថៃ Asia Industrial Estate។

លោក Sayarm Tongkrabin នាយកផ្នែកវិនិយោគ និងគ្រប់គ្រងទ្រព្យសកម្មរបស់ក្រុមហ៊ុន ESR Thailand បានអះអាងថា ផែនការវិនិយោគរយៈពេល៥ឆ្នាំ របស់ក្រុមហ៊ុនគឺផ្តោតលើទីតាំងយុទ្ធសាស្ត្រ រួមមាន Bang Na-Trat ស្ថិតនៅខេត្ត Samut Prakan ស្រុក Wang Noi នៅខេត្តអាយុធ្យា និងបណ្តាខេត្តនៃច្រករបៀងសេដ្ឋកិច្ចភាគខាងកើត East Economic Corridor (EEC)។

ចំណែកឯ ទីតាំងយុទ្ធសាស្ត្របន្ទាប់ នឹងស្ថិតនៅក្នុងខេត្តធំៗក្នុងតំបន់ រួមមាន ខុនកែន ឈៀងម៉ៃ និងស៊ូរ៉ាតថានី។

ដោយបង្កើតឡើងក្នុងខែមីនា ឆ្នាំ២០២២ ជាមួយនឹងដើមទុនចុះបញ្ជីចំនួន៧៥លានបាត ក្រុមហ៊ុន ESR Thailand កំពុងធ្វើការលើសួនឧស្សាហកម្ម ដែលជាភាពជាដៃគូរវាង ESR និងក្រុមហ៊ុន Asia Industrial Estate។

ក្រុមហ៊ុន Asia Industrial Estate គឺជាអ្នកអភិវឌ្ឍន៍អចលនទ្រព្យឧស្សាហកម្ម ដែលមានម្ចាស់ភាគហ៊ុនធំៗ ដូចជាក្រុមហ៊ុន City Realty ក្រុមហ៊ុនវិនិយោគដែលគ្រប់គ្រង ដោយក្រុមគ្រួសារ Sophonpanich និងធនាគារបាងកក។

នៅក្នុងខែមីនា ឆ្នាំ២០២៣នេះ ក្រុមហ៊ុន ESR Thailand បានបណ្តាក់ទុនចំនួន២៣៥លានដុល្លារ ទៅក្នុងគម្រោងដឹកជញ្ជូន និងឧស្សាហកម្មថ្មីចំនួនពីរ។

នៅតំបន់អាស៊ីអាគ្នេយ៍ ក្រុមហ៊ុន ESR Group មានទ្រព្យសម្បត្តិក្រោមការគ្រប់គ្រង (AUM) សរុបចំនួន១១ពាន់លានដុល្លារ។ ក្នុងនោះទឹកប្រាក់៦ពាន់លានដុល្លារ ត្រូវបានវិនិយោគនៅសិង្ហបុរី ខណៈចំណែកធំបំផុត នៃទឹកប្រាក់ចំនួន៥ពាន់លានដុល្លារ ដែលនៅសេសសល់ ត្រូវបានបែងចែកទៅកាន់ប្រទេសឥណ្ឌូនេស៊ី វៀតណាម និងថៃ៕

Big C Hypermarket to Open in Laos Next Year

Big C, a Bangkok-based grocery and general merchandising retailer, has commenced construction of its first hypermarket in Laos, with plans to open its doors next year.

Thailand’s second-largest hypermarket operator has operations in four countries, namely Thailand, Vietnam, Cambodia, and Laos. The new hypermarket which will open in Laos is part of the company’s expansion plan for the region.

According to an insider, the Big C hypermarket in Laos will be specially adapted to the Lao market, with products ranging from canned foods, fresh meat and vegetables, appliances, and clothes. The hypermarket will showcase products sourced locally and imported products from Thailand, China, Vietnam, and European countries.

A source close to the development declined to comment on which companies are involved in the project, but did confirm that Laotian investors are also participating. The opening of this hypermarket is expected to have a positive impact on the Lao economy, providing jobs and foreign investments into the country.

With construction on the hypermarket beginning early this year, the first Big C supercenter in Laos aims to open its doors to the public by April next year.

Source: Laotian Times

លំហូរវិនិយោគិនចូលក្នុងតំបន់សេដ្ឋកិច្ចពិសេសក្រុងព្រះសីហនុនឹងកើនឡើងកាន់តែច្រើន

ដោយ: គង់ លាងហួរ

ភ្នំពេញ: រោងចក្រ ឬសហគ្រាសប្រមាណ១៧៥ ដែលជួយផ្តល់ការងារជាង៣ម៉ឺនកន្លែង កំពុងបើកដំណើរការ នៅក្នុងតំបន់សេដ្ឋកិច្ចពិសេស ក្រុងព្រះសីហនុ (SSEZ) ដែលភាគច្រើនមានម្ចាស់ជាវិនិយោគិនមកពីប្រទេសចិន និងតំបន់អាស៊ីអាគ្នេយ៍។

រោងចក្រ ឬសហគ្រាសទាំងនោះ មានប្រភពមកពីប្រទេសចិន តំបន់អាស៊ីអាគ្នេយ៍ អឺរ៉ុប និងអាមេរិកសរុបចំនួន១៧៥ បានបោះទុនវិនិយោគ ដើម្បីធ្វើអាជីវកម្មនៅតំបន់សេដ្ឋកិច្ចពិសេស ក្រុងព្រះសីហនុ។

ប្រធានសមាគមពាណិជ្ជករដឹកជញ្ជូន និងខ្សែចង្វាក់ផ្គត់ផ្គង់នៅកម្ពុជា លោកជា ចាន់ដារ៉ា បានមានប្រសាសន៍ថា ភាពអំណោយផលនៃទីតាំងភូមិសាស្ត្រ ដែលនៅជិតកំពង់ផែអន្តរជាតិ បានជួយឱ្យតំបន់សេដ្ឋកិច្ចពិសេសក្រុងព្រះសីហនុ ទាក់ទាញបានគម្រោងវិនិយោគជាបន្តបន្ទាប់ ឱ្យទៅបើករោងចក្រ ឬសហគ្រាស នៅទីនោះ ដែលមានដូចជា រោងចក្រដេរសម្លៀកបំពាក់ បរិក្ខារធ្វើដំណើរ គ្រឿងបង្គុំអគ្គិសនី-អេឡិចត្រូនិក គ្រឿងសង្ហារឹម ផលិតបរិក្ខារសូឡា និងសម្បកកង់រថយន្ត ជាដើម។

លោកបានថ្លែងថា “មូលហេតុដែលធ្វើឱ្យតំបន់សេដ្ឋកិច្ចពិសេសក្រុងព្រះសីហនុ មានក្រុមហ៊ុន ឬសហគ្រាស កំពុងដំណើរការច្រើន គឺដោយសារវាស្ថិត ក្នុងទីតាំងមានសក្តានុពលខ្ពស់ ដែលផ្តល់នូវភាពងាយស្រួលក្នុងការជ្រើសរើសកម្មករ ក៏ដូចជាការដឹកជញ្ជូនទំនិញចេញ-ចូល ព្រោះនៅជិតកំពង់ផែអន្តរជាតិក្រុងព្រះសីហនុតែម្តង”។

លោកអះអាងទៀតថា “ទោះបីជាវិនិយោគិន ដែលបណ្តាក់ទុននៅក្នុងតំបន់ SSEZ ភាគច្រើនមានប្រភពមកពីប្រទេសចិន ប៉ុន្តែទំនិញដែលផលិតបានភាគច្រើន ត្រូវបានគេនាំចេញទៅទីផ្សារអាមេរិក អឺរ៉ុប និងមួយចំនួនទៀតក្នុងទ្វីបអាស៊ី”។

ទាក់ទិននឹងចំនួនក្រុមហ៊ុន ដែលមកបណ្តាក់ទុននៅកម្ពុជានាពេលខាងមុខ លោក ជា ចាន់ដារ៉ា មានជំនឿថា “ចំនួនក្រុមហ៊ុន ឬសហគ្រាស ដែលចូលមកបណ្តាក់ទុននៅកម្ពុជា ពិសេសក្នុងតំបន់សេដ្ឋកិច្ចពិសេសក្រុងព្រះសីហនុ នឹងមានចំនួនកាន់តែច្រើន នៅពេលសេដ្ឋកិច្ចសកលដំណើរការល្អឡើងវិញ បន្ទាប់ពីវិបត្តិនានាដែលកំពុងកើតមាននៅពេលនេះបញ្ចប់ទៅវិញ”។

ប្រធានសម្ព័ន្ធសមាគមសហគ្រាសធុនតូច និងមធ្យមកម្ពុជា លោក តែ តាំងប៉រ បានមានប្រសាសន៍ថា “ប្រសិនបើកម្ពុជាអាចធ្វើឱ្យតម្លៃអគ្គិសនីកាន់តែទាបថែមទៀតនោះ វានឹងក្លាយជាចំណែកដ៏សំខា ន់ក្នុងការទាក់ទាញអ្នកវិនិយោគឱ្យបញ្ចេញទុនកាន់តែច្រើនមកវិនិយោគនៅកម្ពុជា”។

លោកបន្ថែមថា “តម្លៃប្រេង និងតម្លៃអគ្គិសនី ជាកត្តាគួបផ្សំដ៏សំខាន់ ក្នុងការទាក់ទាញវិនិយោគិនក្រៅប្រទេស ព្រោះប្រេង និងអគ្គិសនី គឺជាធាតុផ្សំដ៏សំខាន់សម្រាប់ផ្នែកផលិតកម្ម ក្រៅពីការចំណាយលើវត្ថុធាតុដើម និងកម្លាំងពលកម្ម ហើយកាលណាតម្លៃប្រេង រួមទាំងតម្លៃអគ្គិសនីមានស្ថិរភាព និងតម្លៃទាប អ្នកវិនិយោគក្រៅស្រុកនឹងមើលឃើញឱកាសផ្សេងៗចេញពីកត្តាទាំងអស់នោះ”៕

S Korean house prices fall in April for 11th straight month

SEOUL : South Korean house prices weakened for an 11th consecutive month in April – its longest streak of declines in 11 years – but the pace of falls continued to slow, data showed on Monday.

The nationwide house price index fell 0.47 per cent in April from the previous month, according to data from the Korea Real Estate Board.

That compares with a 0.78 per cent drop in March and marks the fourth straight month that the pace of decline has slowed, a sign that aggressive interest rate hikes and cooling economic growth are having
an impact.

The data showed the house price index fell by a combined 8.53 per cent during the 11-month period, the worst since 2003 when the board began to release the data.

Still, the current cycle of decline was partly due a price correction following a non-stop rally over 32 months until May 2022, the data showed.

The government has responded to weakness in the property market by easing financial regulations for home buyers.

Source: Reuters

ការលក់ផ្ទះឯកជនថ្មីៗនៅសិង្ហបុរីហក់ឡើងខ្ពស់បំផុតកាល ពីខែមេសា

ដោយៈ សុខុម

សិង្ហបុរី: ការលក់ផ្ទះឯកជនថ្មីៗនៅសិង្ហបុរី បានកើនឡើង៨០%ក្នុងខែមេសា ដល់កម្រិតខ្ពស់បំផុត មិនធ្លាប់មានរយៈពេល៧ខែ ដែលជំរុញដោយការបើកលក់ គម្រោងដ៏ល្បីពីរគឺគម្រោង Blossoms By The Park នៅជិតតំបន់ One-north និងគម្រោង Tembusu Grand ក្នុងតំបន់ Katong។

ដោយមិនរាប់បញ្ចូលខុនដូ Executive Condominium (ប្រភេទខុនដូសម្រាប់អ្នកមានវណ្ណៈកណ្ដាល) ក្រុមហ៊ុនអភិវឌ្ឍន៍លក់ផ្ទះបានចំនួន៨៨៧យូនីតក្នុងខែមេសា ដោយកើនឡើងពី៤៩២យូនីតដែលលក់បានក្នុងខែមីនា។

យោងតាមទិន្នន័យដែលចេញផ្សាយ ដោយអាជ្ញាធរអភិវឌ្ឍន៍ទីក្រុង (URA) កាលពីថ្ងៃច័ន្ទ ទី១៥ ខែឧសភា បង្ហាញថា ផ្អែកលើមូលដ្ឋានឆ្នាំធៀបនឹងឆ្នាំ ការលក់បានកើនឡើង៣៤%។

ផ្ទះសរុបចំនួន៧៧៩យូនីតត្រូវបានដាក់លក់ ដោយកើនឡើង៣៦%ធៀបនឹងខែមីនា ហើយខ្ពស់ជាង៩៦%បើធៀបនឹងឆ្នាំមុន។

ក្រុមអ្នកវិភាគបានលើកឡើងថា តួលេខកំណើននៃការលក់ក្នុងខែមេសា នេះបង្ហាញថា វិធានការរម្ងាប់ទីផ្សារអចលនទ្រព្យឱ្យមានស្ថិរភាពកាលពីពេលថ្មីៗនេះ មានផលប៉ះពាល់តិចតួចបំផុតមកលើអ្នកទិញជាពលរដ្ឋសិង្ហបុរី។

ផ្អែកតាមទិន្នន័យពីទីភ្នាក់ងារអចលនទ្រព្យ OrangeTee & Tie បង្ហាញថា ពលរដ្ឋសិង្ហបុរី គ្របដណ្ដប់ប្រមាណ៨៤%នៃអ្នកទិញក្នុងគម្រោង Blossoms By The Park ដែលត្រូវបានបើកលក់មិនយូរប៉ុន្មានបន្ទាប់ពីវិធានរម្ងាប់ទីផ្សារ ឱ្យមានស្ថិរភាពបានចាប់ផ្តើមចូលជាធរមាននៅថ្ងៃទី២៧ ខែមេសា។

ទន្ទឹមនឹងនេះ ៩០%នៃអ្នកទិញក្នុងគម្រោង Tembusu Grand គឺជាពលរដ្ឋសិង្ហបុរី។ គម្រោងនេះ ត្រូវបានបើកលក់កាលពីដើមខែមេសា៕ CNA៕

រដ្ឋាភិបាលចិនចំណាយទុនវិនិយោគមហាសាលដែលផ្តល់ផលប្រយោជន៍ដល់មនុស្សជាង១៥០លាននាក់

ដោយៈ សុខុម

ប៉េកាំងៈ ផ្លូវបញ្ជូនទឹកខាងកើត និងផ្លូវបញ្ជូនទឹកកណ្តាលនៃគម្រោងហេដ្ឋារចនាសម្ព័ន្ធបង្វែរទឹក ពីភាគខាងត្បូងទៅភាគខាងជើង (South-to-North Water Diversion Project) របស់ប្រទេសចិន បានផ្តល់អត្ថប្រយោជន៍ ដល់ប្រជាជនរហូតដល់ទៅជាង១៥០លាននាក់។

ក្រុមហ៊ុន China South-to-North Water Diversion Co., Ltd. បាននិយាយកាលពីថ្ងៃអាទិត្យ ទី១៤ ខែឧសភា ថា គម្រោងនេះបានផ្ទេរទឹកចំនួន៦២លានម៉ែត្រគូប ទៅកាន់ភាគខាងជើងដែលងាយរងគ្រោះដោយសារ គ្រោះរាំងស្ងួតតាមរយៈផ្លូវទឹកខាងកើត និងផ្លូវទឹកកណ្តាល។

គម្រោងបង្វែរទឹកពីភាគខាងត្បូង ទៅភាគជើងរបស់ប្រទេសចិន នេះមានផ្លូវបញ្ជូនទឹកចំនួន៣។ ផ្លូវបញ្ជូនទឹកកណ្តាលគឺជាផ្លូវដែលសំខាន់ជាងគេ ដោយចាប់ផ្តើមពីអាងស្តុកទឹក Danjiangkou ស្ថិតក្នុងខេត្តហ៊ូប៉ី (Hubei) ប្រទេសចិនភាគកណ្តាល ហើយរត់ឆ្លងកាត់ខេត្តហឺណាន (Henan) និងខេត្តហឺប៉ី (Hebei) មុនពេលទៅដល់រដ្ឋធានីប៉េកាំង និងទីក្រុងធានជីន (Tianjin)។

យោងតាមគេហទំព័រ internetgeography.net ឱ្យដឹងថា គម្រោងហេដ្ឋារចនាសម្ព័ន្ធ បង្វែរទឹកខ្នាតយក្សនេះ មានប្រវែងរហូតដល់ទៅជាង១.០០០គីឡូម៉ែត្រ និងចំណាយអស់ទឹកប្រាក់៦២ពាន់លានដុល្លារអាមេរិក ហើយបានចាប់ផ្តើមផ្គត់ផ្គង់ទឹក នៅក្នុងខែធ្នូ ២០១៤។

ផ្លូវបញ្ជូនទឹកខាងកើតផ្ទេរទឹកពីខេត្តជាំងស៊ូ (Jiangsu) ប្រទេសចិនភាគខាងកើត ទៅកាន់តំបន់នានារួមមានក្រុងធានជីន និងខេត្តសានតុង (Shandong)។

ចំណែកឯផ្លូវបញ្ជូនទឹកខាងលិច កំពុងស្ថិតក្នុងដំណាក់កាលធ្វើផែនការ ហើយមិនទាន់ត្រូវបានសាងសង់នៅឡើយទេ៕ Xinhua៕

IMF´បញ្ជាក់ថាកម្ពុជាស្ថិតក្នុងចំណោមប្រទេស១៥ដែលមានសេដ្ឋកិច្ចលូតលាស់លឿនជាងគេចំនួន៣

ដោយៈគង់ សូរិយា

ភ្នំពេញៈ មូលនិធិរូបិយវត្ថុអន្តរជាតិ (IMF) បានបញ្ជាក់ក្នុងទស្សនវិស័យ សេដ្ឋកិច្ចពិភពលោកប្រចាំឆ្នាំរបស់ខ្លួន ដែលបានចេញផ្សាយកាលពីខែមុនថា កម្ពុជាស្ថិតក្នុងចំណោមប្រទេសសមាជិកRCEP ចំនួន៣ ដែលទទួលបានកំណើន សេដ្ឋកិច្ចរឹងមាំបំផុតក្នុងឆ្នាំ២០២៣ រួមជាមួយប្រទេសហ្វីលីពីន និងប្រទេសវៀតណាម។

IMF និយាយថា ប្រទេសកម្ពុជា ជាប់ចំណាត់ថ្នាក់លេខ២ ស្មើគ្នាជាមួយនឹងប្រទេសវៀតណាម ដោយសេដ្ឋកិច្ចទាំង២នេះ ត្រូវបានព្យាករថា នឹងសម្រេចបានកំណើន៥,៨%នៅឆ្នាំនេះ ខណៈសេដ្ឋកិច្ចហ្វីលីពីន ត្រូវបានគេព្យាករថានឹងសម្រេចបានកំណើន៦%។

កិច្ចព្រមព្រៀងពាណិជ្ជកម្មសេរី RCEP គ្របដណ្ដប់លើប្រទេសអាស៊ី-ប៉ាស៊ីហ្វិក ចំនួន១៥រួមមាន ប្រទេសជាសមាជិកអាស៊ាន ទាំង១០ និងដៃគូពាណិជ្ជកម្មចំនួន៥ គឺប្រទេសចិន ប្រទេសជប៉ុន ប្រទេសកូរ៉េខាងត្បូង ប្រទេសអូស្ត្រាលី និងប្រទេសនូវែលសេឡង់៕

លោក ប៉ែន សុវិជាតិអ្នកនាំពាក្យនិងជាអនុរដ្ឋលេខាធិការក្រសួងពាណិជ្ជកម្មបានបញ្ជាក់ថា កិច្ចព្រមព្រៀង RCEP នឹងជួយកម្ពុជា បញ្ចប់ឋានៈរបស់ខ្លួន ជាប្រទេសអភិវឌ្ឍន៍តិចតួច នៅឆ្នាំ២០២៨ និងសម្រេចគោលដៅក្លាយជាប្រទេស ដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់ នៅឆ្នាំ២០៥០។

លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចជាន់ខ្ពស់ និងជានាយកវិទ្យាស្ថានសិក្សាចិន នៃរាជបណ្ឌិត្យសភាកម្ពុជាបានមានប្រសាសន៍ឲ្យដឹងផងដែរថា “កិច្ចព្រមព្រៀង RCEP បានជួយឱ្យសេដ្ឋកិច្ច និងពាណិជ្ជកម្មរបស់កម្ពុជា និងប្រទេសផ្សេងទៀតឱ្យងើបឡើងវិញពីវិបត្តិកូវីដ-១៩ កាន់តែឆាប់រហ័ស។

លោកបន្តថា “សម្រាប់រយៈពេលវែង ខ្ញុំជឿថាវានឹងក្លាយជាមជ្ឈមណ្ឌលទំនាញថ្មី សម្រាប់ពាណិជ្ជកម្មពិភពលោក”៕

ក្រុងឌូបៃគ្រោងសាងសង់ “គម្រោងស្ដារសម្បទាសមុទ្រ” ជាមួយនឹងការដាំដើមកោងកាងជាង១០០លានដើម

ដោយៈសុខុម

ឌូបៃ: ទីក្រុងឌូបៃ ដែលមានកិត្យានុភាពល្បីរន្ទឺ ដោយសារតែមានអគារខ្ពស់បំផុតក្នុងពិភពលោក Burj Khalifa កម្ពស់៨២៩,៨ម៉ែត្រ និងអគារខ្ពស់កប់ពពកជាច្រើនទៀតនោះ នៅពេលនេះគ្រោងសាងសង់ “គម្រោងស្ដារសម្បទាសមុទ្រ” (Ocean Restoration Project) ធំបំផុតរបស់ពិភពលោក។

ប្រសិនបើសាងសង់ តាមការគ្រោងទុកមែននោះ គម្រោងដែលមានឈ្មោះថា Dubai Reefs នេះនឹងមានថ្មប៉ប្រះទឹកសិប្បនិមិត្ត២០០គីឡូម៉ែត្រការ៉េ ដែលនឹងផ្ដល់ជម្រកដល់ផ្កាថ្ម ជាង១ពាន់លានផ្កាថ្ម និងដើមកោងកាងជាង១០០លានដើម។

ប្លង់គម្រោងនេះ ត្រូវបានប្រកាសនៅសប្តាហ៍នេះ ដោយ URB ដែលជាក្រុមហ៊ុនអភិវឌ្ឍន៍ទីក្រុង ប្រកបដោយនិរន្តរភាពមានមូលដ្ឋាននៅទីក្រុងឌូបៃ ប្រទេសអារ៉ាប់រួមអេមីរ៉ាត។ ក្រុមហ៊ុននេះធ្លាប់បញ្ចេញស្នាដៃឌីហ្សាញល្បីៗជាច្រើន រួមទាំងគម្រោងផ្លូវហាយវ៉េមានដំបូលគ្របបិទជិតនៅក្រុងឌូបៃ និងគម្រោងទីក្រុងប្រកបដោយនិរន្តរភាពនៅប្រទេសអេហ្ស៊ីប និងអាហ្វ្រិកខាងត្បូងផងដែរ។

នាយកប្រតិបត្តិក្រុមហ៊ុន URB លោក Baharash Bagherian បានប្រាប់សារព័ត៌មាន CNN តាមរយៈអ៊ីម៉េលថា “សុខភាពនៃទីក្រុងរបស់យើង គឺជាប់ទាក់ទងនឹងសុខភាព នៃសមុទ្ររបស់យើង”។ លោកបន្តថា “យើងត្រូវការស្មារតីសហគ្រិនភាព ក្នុងការធ្វើផែនការទីក្រុងជាប់មាត់ឆ្នេរ”។

ទន្ទឹមនឹងថ្មប៉ប្រះទឹកសិប្បនិមិត្ត ក្រុមហ៊ុន URB ក៏បានឌីហ្សាញប្លង់លំនៅដ្ឋានបណ្តែតទឹក សណ្ឋារគារ ភោជនីយដ្ឋាន កន្លែងលក់រាយ និងផ្ទះសំណាក់ធម្មជាតិផ្សេងៗផងដែរ ដែលនឹងធ្វើឱ្យទីតាំងនេះក្លាយជាគោលដៅទេសចរណ៍ដ៏ទាក់ទាញ។

នៅចំចំណុចកណ្តាល នៃគម្រោងនេះ នឹងមានវិទ្យាស្ថានសមុទ្រមួយ សម្រាប់ការស្រាវជ្រាវអំពីមហាសមុទ្រ និងការការពារបរិស្ថានឆ្នេរនៃទីក្រុងឌូបៃ។ វិទ្យាស្ថាននេះ ក៏នឹងផ្តល់កម្មវិធីអប់រំជុំវិញការអភិរក្សសមុទ្រផងដែរ។

ក្រុមហ៊ុន URB អះអាងថា ទីតាំងនេះនឹងដំណើរការដោយថាមពលកកើតឡើងវិញ១០០% ដែលផលិតចេញពីស្ថានីយសូឡា ស្ថានីយវារីអគ្គិសនី និងស្ថានីយរលក ខណៈកសិដ្ឋានចិញ្ចឹមសារាយ និងអយស្ទ័រសមុទ្រ ដើរតួនាទីជាអ្នកផលិតស្បៀងអាហារ។

ប្រសិនបើការសាងសង់ដំណើរការទៅមុខ តាមការគ្រោងទុកមែន ក្រុមហ៊ុនអភិវឌ្ឍន៍រំពឹងថា នឹងបញ្ចប់ការសាងសង់គម្រោងនេះនៅត្រឹមឆ្នាំ២០៤០ ប៉ុន្តែបានធ្វើការកត់សម្គាល់ថា គម្រោងនេះនឹងជួបបញ្ហាប្រឈមក្នុងការធានាថា គំនិតផ្តួចផ្តើមនេះអាចទទួលបានហិរញ្ញប្បទាន ពីវិស័យឯកជនទាំងស្រុងដែរឬទេ។

ទោះជាយ៉ាងណាគ្មានការបង្ហើបឱ្យដឹង ពីទំហំចំណាយសម្រាប់គម្រោងខ្នាតយក្សនេះដែរ៕ CNN៕

លោកជំទាវអភិបាលខេត្តកោះកុងពន្យល់ពីការពន្យាពេលជាថ្មីនៃការដាក់ឲ្យដំណើរការព្រលានយន្តហោះតារាសាគរ

ដោយៈ គង់ សូរិយា

ភ្នំពេញៈ អភិបាលខេត្តកោះកុងលោកជំទាវភូថង មិថុនាបានបញ្ជាក់ឲ្យដឹងពីមូលហេតុ ដែលព្រលានយន្តហោះតារាសាគរ ខេត្តកោះកុង អាចពន្យាពេលបើកដំណើរការសារជាថ្មី។

លោកជំទាវបានមានប្រសាសន៍ឲ្យដឹង កាលពីចុងសប្តាហ៍មុនថា គម្រោងដាក់ឱ្យដំណើរការអាកាសយានដ្ឋានអន្តរជាតិ តារាសាគរខេត្តកោះកុង អាចនឹងត្រូវលើកពេលបន្តទៀត ដោយសារក្រុមហ៊ុនអភិវឌ្ឍន៍ត្រូវការពេលវេលាបន្ថែម ដើម្បីបញ្ចប់ការសាងសង់ និងកែប្រែចំណុចខ្វះខាត ដែលនៅសេសសល់ មុននឹងអាចបើកដំណើរការសាកល្បងបាន។

លោកជំទាវបញ្ជាក់ទៀតថា “គម្រោងដាក់ឱ្យដំណើរការនេះទំនង ជាអាចត្រូវពន្យារទៅពេលក្រោយទៀត ដោយសារមកទល់ពេលនេះ ក្រុមហ៊ុនអភិវឌ្ឍន៍មិនទាន់ បានបញ្ជាក់ពីភាពរួចរាល់របស់ខ្លួននៅឡើយ”។

យ៉ាងណាលោកស្រី មិថុនា ភូថង បានបង្ហាញសុទិដ្ឋិនិយមថា ក្រោយព្រលានយន្តហោះនេះ ដាក់ឱ្យដំណើរការវានឹងជួយធ្វើឱ្យវិស័យទេសចរណ៍របស់ខេត្តនេះ កាន់តែមានភាពរីកចម្រើនបន្ថែមទៀត ពិសេសជួយស្រូបទាញភ្ញៀវទេសចរបរទេស ឱ្យមកកម្សាន្តនៅខេត្តនេះកាន់តែច្រើនថែមទៀត។ លើសពីនេះព្រលានយន្តហោះនេះ នឹងរួមចំណែកជួយសម្រួល ដល់ការដឹកជញ្ជូនតាមផ្លូវអាកាស ទាក់ទាញការវិនិយោគ និងជំរុញការធ្វើពាណិជ្ជកម្ម ជាមួយបណ្តាប្រទេសផ្សេងៗជាដើម។

អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល លោក ស៊ីន ចាន់សិរីវុត្ថា បានមានប្រសាសន៍ឲ្យដឹងថា គម្រោងដាក់ឱ្យដំណើរការហោះហើរសាកល្បង នៅពាក់កណ្តាលឆ្នាំនេះ អាចនឹងត្រូវពន្យារពេលបន្ថែមទៀតពិតមែន៕