សេដ្ឋកិច្ចរបស់ប្រទេសឥណ្ឌាកើនឡើងក្នុងល្បឿនលឿនបំផុតក្នុងត្រីមាសទី២

ដោយ: គង់ លាងហួរ

អន្តរជាតិ: សេដ្ឋកិច្ចរបស់ប្រទេសឥណ្ឌាបានកើនឡើងក្នុងល្បឿនដ៏លឿនបំផុតក្នុងត្រីមាសទី២ ដែលត្រូវបានជំរុញដោយសកម្មភាពសេវាកម្មខ្លាំងក្លា និងតម្រូវការដ៏រឹងមាំ ប៉ុន្តែការស្ងួតជាងរដូវវស្សាធម្មតាអាចរារាំងកំណើននាពេលអនាគត។

ផលិតផលក្នុងស្រុកសរុប (GDP) របស់ឥណ្ឌាបានកើនឡើង៧,៨% លើមូលដ្ឋានប្រចាំឆ្នាំនៅក្នុងត្រីមាសទី២ ដោយបង្កើនល្បឿនពីកំណើន៦,១% ដែលបានកត់ត្រានៅក្នុងត្រីមាសទី១។

វាជាតួលេខខ្ពស់បំផុតគិតចាប់តាំងពីត្រីមាសទី២ ឆ្នាំ២០២២ ដែលនៅពេលនោះកំណើនសេដ្ឋកិច្ចឥណ្ឌាសម្រេចបាន១៣,១ភាគរយ បើធៀបឆ្នាំ២០២១។

ឥណ្ឌានៅតែជាប្រទេសមួយក្នុងចំំំណោមប្រទេសដែលមានសេដ្ឋកិច្ចធំលូតលាស់លឿនបំផុតលើពិភពលោក ជាពិសេសស្របពេលដែលការស្ទុះងើបឡើងវិញក្រោយជំងឺរាតត្បាតនៅប្រទេសចិនបានថយចុះ។

ជាមួយគ្នានេះ លោក V. Anantha Nageswaran ប្រធានទីប្រឹក្សាសេដ្ឋកិច្ចរបស់ប្រទេសឥណ្ឌា បានរក្សាការព្យាករកំណើនសេដ្ឋកិច្ចឥណ្ឌាក្នុងរង្វង់៦,៥% សម្រាប់រយៈពេលពេញមួយឆ្នាំ។

លោក Nageswaran បានមានប្រសាសន៍ថា “ការរំពឹងទុកនៃកំណើនសេដ្ឋកិច្ចមានភាពភ្លឺស្វាង ទោះបីជាកត្តាខាងក្រៅបង្កឱ្យមានហានិភ័យដែលទាញឱ្យកំណើនធ្លាក់ចុះយ៉ាងណាក្តី”។

លោកស្រី Thamashi De Silva ជំនួយការសេដ្ឋវិទូនៅក្រុមហ៊ុន Capital Economics បានអះអាងថា ទិន្នន័យ GDP របស់ប្រទេសឥណ្ឌាមានភាពរឹងមាំ ទោះបីជាមានការរឹតបន្តឹងគោលនយោបាយដោយធនាគារកណ្តាលឥណ្ឌា (RBI) យ៉ាងណាក្តី។ RBI បានដំឡើងអត្រាការប្រាក់របស់ខ្លួន២,៥ភាគរយចាប់តាំងពីខែឧសភា ឆ្នាំ២០២២៕

ទីក្រុងហាណូយគ្រោងប្រែក្លាយអាផាតមុិនពាណិជ្ជកម្មចំនួន៣២០០យូនីត ទៅជាលំនៅដ្ឋានសង្គមសម្រាប់ប្រជាជនមានចំណូលទាប

ដោយ: គង់ លាងហួរ

អន្តរជាតិ: អាជ្ញាធរទីក្រុងហាណូយកំពុងពិចារណាលើសំណើរបស់អ្នកអភិវឌ្ឍម្នាក់ក្នុងការប្រែក្លាយគម្រោងលំនៅដ្ឋានពាណិជ្ជកម្មរបស់ក្រុមហ៊ុននោះ ដែលមានអាផាតមុិនចំនួន៣.២០០យូនីត ទៅជាលំនៅដ្ឋានសង្គម។

គម្រោងនោះមានឈ្មោះថា Him Lam Phuc Loi ដែលស្ថិតនៅក្នុងស្រុក Long Bien និងជាកម្មសិទ្ធិរបស់ក្រុមហ៊ុន Him Lam ត្រូវបានអនុម័តក្នុងឆ្នាំ២០១៨ ដោយមានអាផាតមុិនចំនួន៣.២០០យូនីត លំនៅដ្ឋានសង្គមចំនួន១.៩៤៤យូនីត និងផ្ទះផ្លាស់ប្តូរទីលំនៅចំនួន៥០៤យូនីត។

ប៉ុន្តែនៅពេលក្រោយមក ក្រុមហ៊ុន Him Lam បានស្នើសុំដើម្បីប្តូរទៅជាគម្រោងលំនៅដ្ឋានសង្គមវិញ លើកលែងតែ២០%នៃដី ដែលទុកសម្រាប់អភិវឌ្ឍអចលនទ្រព្យពាណិជ្ជកម្មប៉ុណ្ណោះ។

ឥឡូវនេះ អាជ្ញាធរទីក្រុងហាណូយកំពុងព្យាយាមស្វែងរកការអនុម័តពីក្រសួងសំណង់សម្រាប់ការផ្លាស់ប្តូរនេះ។

ជាមួយគ្នានេះ ទីក្រុងហាណូយបានអះអាងថា ខ្លួនត្រូវការដីធ្លីចំនួន១,២១លានម៉ែត្រការ៉េសម្រាប់អភិវឌ្ឍលំនៅដ្ឋានសង្គមនៅឆ្នាំ២០២១រហូតដល់ឆ្នាំ២០២៥។

លើសពីនេះ ទីក្រុងហាណូយក៏គ្រោងនឹងអភិវឌ្ឍគម្រោងលំនៅដ្ឋានសង្គមចំនួន ៥ នៅតំបន់ជាយក្រុងផងដែរ ដូចជាតំបន់ Dong Anh តំបន់ Gia Lam តំបន់ Thanh Tri និងតំបន់ Thuong Tin។

គម្រោងទាំង៥នេះនឹងអាចជួយរួមចំណែកក្នុងការផ្គត់ផ្គង់ទំហំលំនៅដ្ឋានសង្គមលើផ្ទៃដីរហូតដល់២,៥លានម៉ែត្រការ៉េនៅពេលសាងសង់បញ្ចប់រួចរាល់។

លំនៅដ្ឋានសង្គម ឬ Social housing គឺជាផ្ទះ និងផ្ទះល្វែងដែលគ្រប់គ្រងដោយរដ្ឋាភិបាល ឬដោយអង្គការផ្សេងទៀតដែលមិនរកប្រាក់ចំណេញ ហើយត្រូវបានជួលឱ្យប្រជាជនដែលមានប្រាក់ចំណូលទាប៕

តើប្រទេសជប៉ុន នឹងជួបវិនាសកម្មធ្ងន់ធ្ងរកម្រិតណាស់ ប្រសិនបើក្រុងតូក្យូ មានគ្រោះរញ្ជួយដ៏ធំដីកើតឡើងម្ដងទៀត?

តែម សុខុម

តូក្យូ: ដោយប្រទេសជប៉ុន មានឱកាសជួបគ្រោះរញ្ជួយដីដ៏ធំរហូតដល់ទៅ៧០%ដែលនឹងវាយប្រហារដោយផ្ទាល់ទៅលើតំបន់កណ្ដាលក្រុងតូក្យូ នៅ៣០ឆ្នាំខាងមុខ ការរស់នៅប្រមូលផ្តុំគ្នាខ្លាំងក្នុងរដ្ឋធានីនេះនាពេលបច្ចុប្បន្ន បានបង្កើនហានិភ័យបង្កវិនាសកម្ម។ នេះបើយោងតាមសារព័ត៌មាន Japan Times ចុះផ្សាយកាលពីថ្ងៃព្រហស្បតិ៍ ទី៣១ ខែសីហា។

នៅថ្ងៃទី០១ ខែកញ្ញា ឆ្នាំ១៩២៣ តំបន់ក្រុងតូក្យូ ត្រូវបានវាយប្រហាដោយគ្រោះរញ្ជួយដីដ៏ធំមួយ។ គ្រោះរញ្ជួយដ៏ធំដែលគេឱ្យឈ្មោះថា The Great Kanto Earthquake នោះបានបង្កភាពចលាចលដល់សេដ្ឋកិច្ចជប៉ុន ដែលទីបំផុតបាននាំទៅរកវិបត្តិហិរញ្ញវត្ថុ។

រយៈ១០០ឆ្នាំក្រោយមក សារៈសំខាន់នៃតួនាទីរបស់ក្រុងតូក្យូ ជាមជ្ឈមណ្ឌលនយោបាយ និងសេដ្ឋកិច្ចរបស់ប្រទេសជប៉ុន និងជាមជ្ឈមណ្ឌលប្រមូលផ្ដុំដោយប្រជាជនក៏បានកើនឡើងជាលំដាប់។

តាមរយៈឯកសារឆ្នាំ២០២៣ ស្ដីពីការគ្រប់គ្រងគ្រោះមហន្តរាយរបស់ខ្លួន រដ្ឋាភិបាលជប៉ុន បានលើកឡើងពីការព្រួយបារម្ភថា ការរស់នៅប្រមូលផ្តុំគ្នាខ្លាំងបែបនេះបាននាំឱ្យហានិភ័យនៃផលប៉ះពាល់ធ្ងន់ធ្ងរកើនឡើង។

នៅក្នុងគ្រោះរញ្ជួយដីឆ្នាំ១៩២៣ ផ្ទះរហូតដល់ទៅប្រមាណ២៩០.០០០ខ្នងក្នុងតំបន់កណ្ដាលក្រុងតូក្យូ ត្រូវបានបំផ្លាញ ឬឆេះទាំងស្រុងរួមជាមួយមនុស្សប្រមាណ១០៥.០០០នាក់បានស្លាប់ ឬបាត់ខ្លួន។

មុខងារនានានៅក្នុងប្រទេសជប៉ុន ត្រូវបានជាប់គាំងជាបណ្ដោះអាសន្ន ដោយអគារនៃក្រសួងមហាផ្ទៃដែលពេលនេះលែងមានទៅហើយ និងស្នងការដ្ឋានប៉ូលិសក្រុងតូក្យូ ត្រូវបានឆាបឆេះដោយអណ្តាតភ្លើង។

ការខូចខាតដោយផ្ទាល់រួមមានអគារ និងទ្រព្យសម្បត្តិផ្សេងៗដែលបង្កឡើងដោយគ្រោះរញ្ជួយដីដ៏ធំនេះមានទំហំរហូតដល់៥,៥ពាន់លានយ៉េន ឬ ៣៧.៨លានដុល្លារអាមេរិក ដែលស្មើនឹង៣៧%នៃផលទុនជាតិសរុប (GDP) របស់ប្រទេសជប៉ុន ក្នុងសម័យនោះ។

ទំហំនៃការខូចខាតពីគ្រោះរញ្ជួយដី The Great Kanto Earthquake គឺមានទំហំធំជាងឆ្ងាយណាស់បើធៀបទៅនឹងគ្រោះរញ្ជួយដី Great Hanshin Earthquake ក្នុងឆ្នាំ១៩៩៥ ដែលស្មើត្រឹមតែ២%នៃ GDP និងគ្រោះរញ្ជួយដីដែលបង្កជារលកយក្សស៊ូណាមិ នៅខែមីនា ឆ្នាំ២០១១ ដែលស្មើត្រឹមតែ៣%នៃ GDP របស់ប្រទេសជប៉ុន។

បន្ទាប់ពីគ្រោះរញ្ជួយដីក្នុងឆ្នាំ១៩២៣ ប្រទេសជប៉ុន បានកសាងផ្លូវថ្នល់ និងឧទ្យានសំខាន់ៗដែលនៅតែជាឆ្អឹងខ្នងដ៏សំខាន់នៃទីក្រុងតូក្យូ រហូតមកដល់សព្វថ្ងៃនេះ។

សម្រាប់គ្រោះរញ្ជួយដីដែលគេរំពឹងថានឹងកើតឡើងនាពេលអនាគត រដ្ឋាភិបាលជប៉ុន ក្នុងឆ្នាំ២០២៣ នេះបានប៉ាន់ប្រមាណថា នឹងមានមនុស្សស្លាប់ប្រមាណ២៣.០០០នាក់ ហើយទំហំនៃការខូចខាតដោយផ្ទាល់នឹងឈានដល់ប្រមាណ៤៧ទ្រីលានយ៉េន ឬ ៣២៣ពាន់លានដុល្លារអាមេរិក។

បន្ថែមពីលើការខូចខាតដោយផ្ទាល់ រដ្ឋាភិបាលជប៉ុន រំពឹងថា គ្រោះរញ្ជួយដីនេះនឹងបណ្តាលឱ្យខូចខាតសេដ្ឋកិច្ចប្រមាណ៤៨ទ្រីលានយ៉េន ឬ ៣៣០ពាន់លានដុល្លារអាមេរិក តាមរយៈការបញ្ឈប់សកម្មភាពសាជីវកម្មទាក់ទងនឹងផលិតកម្ម និងសេវាកម្មដែលបង្កឡើងដោយការអាក់ខានបណ្តាញដឹកជញ្ជូន និងការដាច់ចរន្តអគ្គិសនី។

ការខូចខាតសរុបដែលបង្កឡើងដោយគ្រោះរញ្ជួយនេះ នឹងមានទំហំស្មើកញ្ចប់ថវិកាជាតិទាំងមូលរបស់ប្រទេសជប៉ុន៕ Japan Times៕

គោលនយោបាយផ្តល់ទិដ្ឋាការឥតគិតថ្លៃរបស់រដ្ឋាភិបាលថៃនឹងជំរុញការលក់ខុនដូ

ដោយ: គង់ លាងហួរ

បាងកក: មជ្ឈមណ្ឌលព័ត៌មានអចលនទ្រព្យ (REIC) បានរាយការណ៍ថា គោលនយោបាយរបស់លោកនាយករដ្ឋមន្ត្រី ស្រេតថា ថាវីស៊ីន ក្នុងការផ្តល់ទិដ្ឋាការដោយឥតគិតថ្លៃជូនដល់ភ្ញៀវទេសចរចិន និងឥណ្ឌា នឹងជួយជំរុញការលក់ខុនដូ។

លោក Wichai Wiratkapan នាយកស្តីទីនៃមជ្ឈមណ្ឌលព័ត៌មានអចលនទ្រព្យ (REIC) រំពឹងថា វិស័យអចលនទ្រព្យថៃនឹងងើបឡើងវិញបន្តិចពីការថយចុះនៃសេដ្ឋកិច្ច និងបទប្បញ្ញត្តិរបស់ស្ថាប័នហិរញ្ញវត្ថុដ៏តឹងរឹងលើការខ្ចីប្រាក់។

លោកបានបន្តថា ការស្ទុះងើបឡើងវិញនៃសេដ្ឋកិច្ចដ៏យឺតយ៉ាវ ការដំឡើងអត្រាការប្រាក់ និងកំណើនបំណុលគ្រួសារធៀបទៅនឹងសមាមាត្រផលិតផលក្នុងស្រុកសរុប ស្ថិតក្នុងចំណោមកត្តាជាច្រើនផ្សេងៗទៀត ដែលបានជះផលប៉ះពាល់ដល់តម្រូវការ និងការផ្គត់ផ្គង់ក្នុងរយៈពេលពីរត្រីមាសកន្លងមក។

លោកបានណែនាំឱ្យរដ្ឋាភិបាលដាក់ចេញវិធានការជំរុញការលក់អចលនទ្រព្យ ដូចជាវិធានការកម្ចីធៀបទៅនឹងតម្លៃ (LTV) បង្កើនកូតាសម្រាប់ម្ចាស់ខុនដូបរទេស និងអនុញ្ញាតឲ្យវិស័យឯកជនទិញអចលនទ្រព្យមកវិញ។

លោកក៏រំពឹងផងដែរថា គោលនយោបាយរបស់លោក ស្រេតថា ក្នុងការផ្តល់ទិដ្ឋាការដោយឥតគិតថ្លៃដល់ភ្ញៀវទេសចរចិន និងឥណ្ឌានឹងជួយបង្កើនការលក់ខុនដូ។

លោកបានបន្ថែមថា វិធានការច្បាស់លាស់ដើម្បីជំរុញការលក់អចលនទ្រព្យគឺជាផ្នែកមួយនៃគោលនយោបាយសេដ្ឋកិច្ចរបស់រដ្ឋាភិបាល។

លោក Surachet Kongcheep នាយកគ្រប់គ្រងក្រុមហ៊ុនប្រឹក្សាអចលនទ្រព្យ Property DNA បានមានប្រសាសន៍ថា ជនបរទេសនៅតែមានតម្រូវការខុនដូខ្លាំងនៅក្នុងប្រទេសថៃ ហើយការលក់ទំនងជាកើនឡើង។

យោងតាម REIC បានឱ្យដឹងថា ការផ្ទេរកម្មសិទ្ធិខុនដូទៅឱ្យជនបរទេសសម្រាប់គោលបំណងរស់នៅ និងការវិនិយោគបានងើបឡើងវិញដល់កម្រិតរយៈពេលមុនផ្ទុះជំងឺរាតត្បាតហើយ ៕

ក្រុមហ៊ុន Strategic Realty Investment កំពុងបោះជំហានទៅមុខយ៉ាងធំ ជាមួយការជ្រោមជ្រែងពីអ្នកជំនាញអន្តរជាតិ

ដោយ: គង់ លាងហួរ

ភ្នំពេញ: ក្រុមហ៊ុន Strategic Realty Investment កំពុងបោះជំហានទៅមុខយ៉ាងធំជាមួយនឹងគម្រោងខ្នាតធំរបស់ខ្លួនគឺ Banteay Srei Eco City។

ក្រុមហ៊ុននេះកំពុងផ្តោតការយកចិត្តទុកដាក់ និងបង្កើនកិច្ចខិតខំប្រឹងប្រែងជាច្រើនទៅលើតំបន់ធម្មជាតិបៃតង និងការរចនាប្រកបដោយភាពច្នៃប្រឌិត ដែលមិនប៉ះពាល់ដល់បរិស្ថាន ដើម្បីបង្ហាញពីភាពស្រស់ស្អាតដ៏គួរឱ្យភ្ញាក់ផ្អើលនៃទីតាំងគម្រោងនេះ។

មិនយូរប៉ុន្មានទេ ទីក្រុងនេះនឹងក្លាយជា Eco City ដ៏អស្ចារ្យ ខណៈពេលនេះក្រុមហ៊ុនក៏កំពុងរៀបចំធ្វើការសិក្សាលើគំនិតសាងសង់វីឡានៅលើកោះឋានសួគ៌ដ៏អស្ចារ្យរបស់ខ្លួនផងដែរ។

ជាមួយគ្នានេះ ក្រុមហ៊ុន V. BilCC Design & Construction Ltd. បានស្វាគមន៍យ៉ាងកក់ក្តៅចំពោះលោកបណ្ឌិត Alexander Evengroen ក្នុងនាមជាអ្នកប្រឹក្សាជាន់ខ្ពស់។ ហើយក្រុមហ៊ុនពិតជាមានក្តីរំភើបខ្លាំងណាស់ ព្រមទាំងទន្ទឹងរង់ចាំធ្វើការជាមួយលោក។

ក្រុមហ៊ុនបញ្ជាក់ថា ក្នុងនាមជាទីប្រឹក្សា ជំនាញ និងការណែនាំរបស់លោកបណ្ឌិតនឹងមានតម្លៃមិនអាចកាត់ថ្លៃបានសម្រាប់យើង នៅពេលដែលយើងជួបប្រទះបញ្ហាប្រឈម និងឱកាសនៅពេលខាងមុខ។លើសពីនោះ ចំណេះដឹង និងការយល់ដឹងរបស់លោកនឹងជួយឱ្យក្រុមហ៊ុនធ្វើការសម្រេចចិត្តប្រកបដោយការយល់ដឹង និងសម្រេចបាននូវគោលបំណងរបស់ខ្លួន។

ជាថ្មីម្ដងទៀត ក្រុមហ៊ុននេះបានលើកឡើងថា ខ្លួនពិតជាមានក្តីរំភើបរីករាយណាស់ ដែលទទួលបានលោកបណ្ឌិត Alexander Evengroen ក្លាយជាផ្នែកមួយនៃក្រុមហ៊ុនរបស់ខ្លួន៕

Vietnam ranks first in Southeast Asia in search volume growth rate for foreign travel

The figure was measured by the level of interest and search for air tickets and accommodation of users on the Google Search.

This demand from the Philippines, Malaysia and Singapore grew steadily every quarter from more than 50% to more than 100%. Up to 65% of the search volume by Vietnamese people targeted destinations in the Southeast Asian region.

Outside the region, Vietnamese travelers are most interested in Australia, Japan, India and the U.S. Destinations in Southeast Asia are also increasingly popular with foreign visitors.

In the beach category, the five most popular names are Kupang (Indonesia), Mersing (Malaysia), Bang Sak (Thailand), SantaFe (the Philippines) and Quy Nhon (Vietnam).

To learn about culture, heritage and history, tourists most search for information about Bukittinggi (Indonesia), Tawau (Malaysia), Ban Saeo (Thailand), San Fernando (the Philippines), and Vinh (Vietnam).

Four destinations with beautiful scenery are most loved by tourists, namely Lembang (Indonesia), Bentong (Malaysia), Na Suan (Thailand) and Ha Long (Vietnam), according to the Google Search. Source: vnexpress

អតិផរណានៅអឺរ៉ុបហក់ឡើងក្នុងរង្វង់៥,៣ភាគរយក្នុងខែសីហា ពេលថាមពលឡើងថ្លៃ

ដោយៈ តែម សុខុម

ក្រុងឡុងដ៍: ទំនិញប្រើប្រាស់ក្នុងប្រទេសចំនួន២០ ដែលប្រើប្រាស់ប្រាក់អឺរ៉ូ បានហក់ឡើងថ្លៃជាមធ្យម៥,៣%ក្នុងខែសីហា បើធៀបនឹងឆ្នាំមុន។ នេះបើយោងតាមការប៉ាន់ប្រមាណបឋម ដោយការិយាល័យស្ថិតិរបស់អឺរ៉ុប កាលពីថ្ងៃព្រហស្បតិ៍ ទី៣១ ខែសីហា។

អតិផរណាស្នូល (Core inflation) ដែលមិនរាប់បញ្ចូលថ្លៃចំណីអាហារ និងថាមពលបានធ្លាក់ចុះពី៥,៥% ក្នុងខែកក្កដា មកនៅត្រឹម៥,៣%ក្នុងខែសីហា។

ចំណីអាហារ គ្រឿងស្រវឹង ថ្នាំជក់ និងសេវាកម្មគឺជាកត្តាធំៗបំផុត ដែលជំរុញឱ្យអតិផរណាកើនឡើង ក្នុងខែសីហា ទោះបីជាតម្លៃទាំងនោះបានកើនឡើង ក្នុងល្បឿនប្រចាំឆ្នាំយឺតជាង ក្នុងខែកក្កដា យ៉ាងណាក្ដី។ បើធៀបនឹងខែកក្កដា តម្លៃថាមពលបានកើនឡើង៣,២%។

ក្រុមអ្នកជំនាញសេដ្ឋកិច្ច ដែលត្រូវបានស្ទង់មតិដោយទីភ្នាក់ងារព័ត៌មាន Reuters រំពឹងថា អតិផរណាជារួម នឹងធ្លាក់ចុះមកត្រឹម៥,១% ដែលនៅតែខ្ពស់ខ្លាំង បើធៀបនឹងពីអត្រាគោលដៅ២% ដែលកំណត់ដោយធនាគារកណ្តាលអឺរ៉ុប (ECB)។

អតិផរណារយៈពេលវែង អាចបង្កើនសម្ពាធលើធនាគារកណ្តាលអឺរ៉ុប ឱ្យដំឡើងអត្រាការប្រាក់ជាថ្មីម្តងទៀត ឈានដល់កម្រិតខ្ពស់បំផុតថ្មីមួយ នៅពេលធនាគារនេះ កោះប្រជុំនៅខែក្រោយ ទោះបីជាមានភ័ស្តុតាងកាន់តែច្រើនឡើងបង្ហាញថា សេដ្ឋកិច្ចអឺរ៉ុប ប្រឈមហានិភ័យធ្លាក់ចូលក្នុងវិបត្តិសេដ្ឋកិច្ចយ៉ាងណាក្ដី។

ធនាគារកណ្ដាលអឺរ៉ុប កាលពីខែកក្កដា បានដំឡើងអត្រាការប្រាក់៩ខែជាប់ៗគ្នា ដែលធ្វើឱ្យថ្លៃដើមនៃការខ្ចីប្រាក់ ក្នុងតំបន់ប្រើប្រាស់ប្រាក់អឺរ៉ូ កើនឡើងដល់៣,៧៥%៕ CNN៕

The US economy grew more slowly in the second quarter than previously estimated

The US economy grew more slowly in the second quarter than previously estimated — a good sign for the Federal Reserve, which is attempting to cool demand to bring down price increases.

Gross domestic product, the broadest measure of economic output, rose at an annualized rate of 2.1% in the second quarter, according to the Commerce Department’s second estimate, released Wednesday morning. That’s a slightly slower pace than the 2.4% the department initially estimated.

The second estimate factored in greater consumer spending, government outlays and exports, compared with the initial estimate. Meanwhile, business investment and inventories were revised lower.

Business investment — referred to as nonresidential fixed investment — was revised to a 6.1% rate of growth, compared with a 7.7% rate in the first estimate. Residential fixed investment, which reflects conditions in the US housing market, had less of a drag on growth than previously estimated.

Economic growth in the second quarter was mostly broad based, but there were some signs of weakened demand for goods purchases and imports.

Consumer spending, which accounts for about 70% of economic output, was revised slightly higher in the second estimate.

“The economy is slowing to a pace that will help bring demand in line with the US’s productive capacity and tame inflation,” wrote Bill Adams, chief economist at Comerica Bank, in an analyst note Wednesday. Source: CNN

ឧបនាយករដ្ឋមន្រ្តីសាយ សំអាល់ស្នើភាគីជប៉ុនបង្កើនការវិនិយោគនៅកម្ពុជា

ដោយៈ គង់ សូរិយា

ភ្នំពេញៈ ឧបនាយករដ្ឋមន្រ្តី និងជារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់បាន ស្នើសុំឱ្យភាគីជប៉ុនពិនិត្យលទ្ធភាព ក្នុងការពង្រីកកិច្ចសហប្រតិបត្តិការ លើវិស័យផ្សេងៗទៀតនាពេលអនាគត រួមទាំងពិនិត្យលទ្ធភាពឱ្យអ្នកវិនិយោគជប៉ុន មកវិនិយោគនៅកម្ពុជាកាន់តែច្រើន។

លោកបានថ្លែងបែបនេះ នៅក្នុងជំនួបជាមួយ លោកUENO ATSHUSHI ឯកអគ្គរដ្ឋទូតជប៉ុនប្រចាំកម្ពុជា នៅថ្ងៃទី៣១ ខែសីហា ឆ្នាំ២០២៣។

លោកសាយ សំអាល់បានបញ្ជាក់ប្រាប់ពីគោលបំណងសំខាន់របស់លោកគឺ ចែករំលែកផ្លែផ្កានៃសន្តិភាព ដែលប្រជាជាតិយើងទទួលបានដោយលំបាក ក្រោមការលះបង់គ្រប់បែបយ៉ាងរបស់ សម្តេចតេជោ ដល់ប្រជាជនយើងតាមរយៈផ្តល់ឱកាស និងលទ្ធភាពឱ្យប្រជាពលរដ្ឋយើង ទទួលបានផ្ទះសមរម្យ ទីក្រុង ទីប្រជុំជន មានបរិស្ថានរស់នៅល្អអាចរស់នៅបាន មាននិរន្តភាពនៃប្រាក់ចំណូល និងបន្តរៀបចំផែនការប្រើប្រាស់ដី ដើម្បីលើកកម្ពស់ប្រយោជន៍សេដ្ឋកិច្ច។

ទាក់ទងចំណងមិត្តភាពកម្ពុជា ជប៉ុន លោកឧបនាយករដ្ឋមន្ត្រី សាយ សំអាល់ បានបញ្ជាក់យ៉ាងច្បាស់ពីគោលជំហរ ក្នុងការលើកកម្ពស់ឧត្តមប្រយោជន៍ជាតិ និងបានថ្លែងអំណរគុណដល់រដ្ឋាភិបាលជប៉ុន និងប្រជាជនជប៉ុន ដែលបានគាំទ្រ និងចូលរួមយ៉ាងសកម្ម ក្នុងការចរចាសន្តិភាពនៅកម្ពុជា ដែលអាចធ្វើឱ្យកិច្ចព្រមព្រៀងសន្តិភាពឆ្នាំ១៩៩១ បានចុះហត្ថលេខា និងឈានដល់ការបោះឆ្នោតឆ្នាំ១៩៩៣ ហើយបានធ្វើឱ្យកម្ពុជារីកចម្រើនមកដល់ពេលនេះ។

លោកបន្តថា រាជរដ្ឋាភិបាលអាណត្តិទី៧នេះ នឹងបន្តនិរន្តរភាព នៃគោលនយោបាយអាណត្តិទី៧ ហើយក្រសួងរៀបចំដែនដី នគរូបនីយកម្ម និងសំណង់ នឹងបន្តនិរន្តរភាព គោលនយោបាយរបស់ លោកឧបនាយករដ្ឋមន្ត្រី ជា សុផារ៉ា ដើម្បីធ្វើឱ្យមានប្រយោជន៍កាន់តែច្រើនថែមទៀត សម្រាប់វិស័យដីធ្លី ជាប្រយោជន៍ដល់ការអភិវឌ្ឍជាតិ។

ជាការឆ្លើយតបឯកអគ្គរដ្ឋទូតជប៉ុន ប្រចាំកម្ពុជាបានថ្លែងថា ភាគីជប៉ុនក៏បានបញ្ជាក់ ពីគោលជំហរបន្តគាំទ្រលើគម្រោង ដែលមានពីមុន និងត្រៀមពិនិត្យ លើគម្រោងកិច្ចសហប្រតិបត្តិការថ្មីៗថែមទៀត ព្រមទាំងបន្តជំរុញឱ្យអ្នកវិនិយោគទុន និងអ្នកទេចរណ៍ជប៉ុនមកកម្ពុជាឱ្យកាន់តែច្រើន៕

ឱកាសល្អ! យុវជនខ្មែរត្រូវបានលើកទឹកចិត្តឱ្យដាក់ពាក្យប្រលង ចូលសិក្សានៅតាមវិទ្យាល័យក្នុងប្រទេសកូរ៉េ

ដោយៈ តែម សុខុម

សេអ៊ូល: វាជាដំណឹងដ៏ល្អ ដែលខេត្តគ្យុងសាងខាងជើង (North Gyeongsang) នៃប្រទេសកូរ៉េខាងត្បូង កំពុងជំរុញលើកទឹកចិត្តឱ្យយុវជនខ្មែរ រួសរាន់ដាក់ពាក្យប្រលង ដើម្បីចូលរៀននៅតាមវិទ្យាល័យរបស់ខ្លួន ដើម្បីបណ្តុះប្រជាជន ដែលមានសក្តានុពលនាពេលអនាគត។

ក្រៅពីយុវជនខ្មែរ យុវជនមកពីប្រទេសមួយចំនួនទៀត ក្នុងតំបន់អាស៊ី ក៏មានសិទ្ធិដាក់ពាក្យប្រលង ក្នុងកម្មវីធីនេះដែរ ដើម្បីមានឱកាសទៅសិក្សា នៅក្នុងប្រទេសកូរ៉េខាងត្បូង។ នេះបើយោងតាមសារព័ត៌មាន The Nation ចុះផ្សាយនៅថ្ងៃព្រហស្បតិ៍ ទី៣១ ខែសីហា នេះ។

បច្ចុប្បន្នខេត្តគ្យុងសាងខាងជើង កំពុងស្ថិតក្នុងដំណើរការជ្រើសរើសយុវជនចំនួន៧២នាក់ មកពី៦ប្រទេសក្នុងអាស៊ី រួមមានចិន វៀតណាម ថៃ ឥណ្ឌូនេស៊ី ម៉ុងហ្គោលី និងកម្ពុជា សម្រាប់ការចូលរៀននៅតាមសាលាក្នុងខេត្តនេះ សម្រាប់ឆ្នាំសិក្សាខាងមុខ ដែលនឹងចាប់ផ្តើមនៅខែមីនា ឆ្នាំ២០២៤។

លោកស្រី គីម មីចុង (Kim Mi-jeong) ប្រធានកម្មវិធីនេះនៅការិយាល័យអប់រំខេត្តខាងលើនេះ បានប្រាប់សារព័ត៌មាន The Korea Herald ថា “ដូចសិស្សជនជាតិកូរ៉េ ដទៃទៀតដែរ គឺសិស្សបរទេស នឹងមិនត្រូវតម្រូវឱ្យបង់ថ្លៃសិក្សាឡើយ ប៉ុន្តែពួកគេនឹងត្រូវចេញថ្លៃចំណាយ លើការរស់នៅផ្ទាល់ខ្លួន ដូចជា ថ្លៃអន្តេវាសិកដ្ឋានជាដើម”។

លោកស្រីបញ្ជាក់ថា “ការអប់រំតាមសាលារដ្ឋ ក្នុងប្រទេសកូរ៉េខាងត្បូង មិនគិតថ្លៃចាប់ពីកម្រិតបឋមសិក្សាដល់កម្រិតវិទ្យាល័យ”។សាលាចំនួន៩ដែលភាគច្រើន ជាសាលាបណ្ដុះបណ្ដាលវិជ្ជាជីវៈ នឹងទទួលសិស្សបរទេសតាមរយៈកម្មវិធីនេះ។

បេក្ខជនដាក់ពាក្យក្នុងកម្មវិធីនេះ ត្រូវដាក់ជូនកំណត់ត្រាសិក្សាពីអនុវិទ្យាល័យ និងពិន្ទុកម្រិត២ ឬខ្ពស់ជាងនេះ នៅក្នុងការតេស្តសមត្ថភាពភាសាកូរ៉េ ដែលគេស្គាល់យ៉ាងទូលំទូលាយថា TOPIK៕ The Nation៕

1...932933934...3,380 Page 933 of 3,380