លោកចូ បៃឌិន ប្ដេជ្ញាវេតូប្រឆាំងការយកពន្ធឡើងវិញលើបន្ទះសូឡាពីកម្ពុជា

ដោយៈ សុខុម

វ៉ាស៊ីនតោន: ព្រឹទ្ធសភារបស់សហរដ្ឋអាមេរិក កាលពីថ្ងៃពុធ ទី៣ ខែឧសភា បានបោះឆ្នោតសម្រេចនិរាករណ៍ ការផ្អាកយកពន្ធរបស់ប្រធានាធិបតីចូ បៃឌិន លើផលិតផលបន្ទះសូឡាពីកម្ពុជា និងប្រទេសមួយចំនួនទៀតក្នុងតំបន់អាស៊ាន។វិធានការនេះ ធ្វើឡើងក្នុងគោលបំណងជួយគាំទ្រ ដល់ឧស្សាហកម្មផលិតបន្ទះសូឡា នៅក្នុងសហរដ្ឋអាមេរិក។ នេះបើយោងតាមកាសែត Bangkok Post ចុះផ្សាយកាលពីថ្ងៃព្រហស្បតិ៍ ទី៤ ខែឧសភា។
ទោះជាយ៉ាងណា លោក ចូ បៃឌិន បានប្ដេជ្ញាវេតូប្រឆាំងនឹងសេចក្ដីសម្រេចរបស់ព្រឹទ្ធសភា ដែលបានបញ្ជូនសេចក្ដីសម្រេចនេះទៅរដ្ឋសភាកាលពីសប្តាហ៍មុន។
សហរដ្ឋអាមេរិក បាននិងកំពុងព្យាយាម ធ្វើឱ្យមានតុល្យភាពរវាងការជួយគាំទ្រ ដល់ការបង្កើតខ្សែសង្វាក់ផ្គត់ផ្គង់បន្ទះសូឡា ក្នុងស្រុក ខណៈបន្តនាំចូលបន្ទះសូឡាតម្លៃធូរថ្លៃ សម្រាប់គម្រោងនានាដែលមានតម្រូវការ ដើម្បីកាត់បន្ថយការពឹងផ្អែកលើឥន្ធនៈហ្វូស៊ីល។

លោក ចូ បៃឌិន ដែលមកពីគណបក្សប្រជាធិបតេយ្យបានលើកលែងពន្ធ លើការនាំចូលផលិតផលបន្ទះសូឡា ពីប្រទេសកម្ពុជា ប្រទេសថៃ ប្រទេសម៉ាឡេស៊ី និងប្រទេសវៀតណាម សម្រាប់រយៈពេល២ឆ្នាំកាលពីខែមិថុនា ឆ្នាំ២០២២ បន្ទាប់ពីបណ្ដាលអ្នកអភិវឌ្ឍន៍គម្រោងសូឡាព្រមានថា ពួកគេនឹងដំឡើងថ្លៃដើម ហើយនឹងផ្អាកការអភិវឌ្ឍ។ផលិតផលបន្ទះសូឡាពីប្រទេសទាំង៤ខាងលើ ជាទីឈរជើងរបស់បណ្ដាក្រុមហ៊ុនផលិតបន្ទះសូឡាចិន មានចំណែកគ្របដណ្ដប់រហូតដល់ទៅប្រមាណ៨០ភាគរយ នៃការផ្គត់ផ្គង់សរុបទូទាំងសហរដ្ឋអាមេរិក។
ដោយសារតែបែបនេះហើយ ទើបបណ្ដាក្រុមហ៊ុនផលិតបន្ទះសូឡាក្នុងស្រុកបានត្អូញត្អែរថា ពួកគេមិនអាចប្រកួតប្រជែងជាមួយផលិតផលតម្លៃធូរថ្លៃដែលផលិតនៅបរទេសបានឡើយ៕ Bangkok Post៕

ក្រុមហ៊ុនចិនពិភាក្សាបន្ថែមជាមួយក្រសួងលើគំរោងសាងសង់ផ្លូវក្រវ៉ាត់ក្រុងទី៣ភាគខាងកើតប្រវែងជាង៣៣គីឡូម៉ែត្រ

ដោយៈ ជេស៊ីកា

ភ្នំពេញៈ ក្រុមមន្រ្តីក្រសួងសាធារណៈការ និងដឹកជញ្ជូននិងថ្នាក់ដឹកនាំក្រុមហ៊ុនចិន បានជួបប្រជុំគ្នាជាថ្មីដើម្បីពិភាក្សាលើលទ្ធផលនៃការសិក្សាសមិទ្ធិលទ្ធភាពបន្ថែម នៃគម្រោងខ្សែក្រវាត់ទី៣ ប៉ែកខាងកើតរាជធានីភ្នំពេញ។
ថ្នាក់ដឹកនាំក្រុមហ៊ុនសំណង់សៀងហៃ ដែលទទួលបន្ទុកសិក្សាលើគំរោងនេះ បានលើកយកមកធ្វើបទបង្ហាញ ជូនថ្នាក់ដឹកនាំក្រសួង ដើម្បីពិនិត្យពិភាក្សា។

កិច្ចប្រជុំនេះដឹកនាំដោយ លោកលឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញ ដឹកនាំកិច្ចប្រជុំជាមួយក្រុមហ៊ុនសំណង់សៀងហៃ (Shanghai Construction Group Co,.Ltd.) ដើម្បី ពិភាក្សាលើលទ្ធផល នៃការសិក្សាសមិទ្ធិលទ្ធភាព បន្ថែមផ្នែកបច្ចេកទេសលើគម្រោងខ្សែក្រវាត់ទី៣ ប៉ែកខាងកើត ដោយមានការអញ្ជើញ ចូលរួមពីថ្នាក់ដឹកនាំក្រសួង និងមន្ត្រីជំនាញបច្ចេកទេសពាក់ព័ន្ធជាច្រើនរូប។

កិច្ចប្រជុំនេះរៀបចំឡើង ក្នុងគោលបំណង ដើម្បីពិនិត្យពិភាក្សា និងផ្តល់យោបល់ដល់ក្រុមការងារ បច្ចេកទេសរបស់ក្រុមហ៊ុនសំណង់សៀងហៃ ក៏ដូចជាដើម្បីប្រមូលធាតុចូល មតិយោបល់ល្អៗបន្ថែមទៀតពីក្រុមការងារជំនាញ បច្ចេកទេសពាក់ព័ន្ធទាំងអស់ សំដៅធ្វើយ៉ាងណាឱ្យការសិក្សាផ្នែកបច្ចេកទេស នៃគម្រោងនេះមានលក្ខណៈកាន់តែល្អប្រសើរ បន្ថែមទៅលើការសិក្សា ដែលធ្លាប់បានធ្វើកន្លងមក។ យោងតាមលទ្ធផលនៃការសិក្សា សមិទ្ធិលទ្ធភាពបន្ថែមរបស់ក្រុមហ៊ុនសំណង់សៀងហៃ គម្រោងខ្សែក្រវាត់ទី៣ ប៉ែកខាងកើតនេះ មានប្រវែងប្រមាណ៣៣,៤៦ គីឡូម៉ែត្រ សាងសង់ជាផ្លូវ៤គន្លង (ពីរគន្លងទៅ ពីរគន្លងមក) ចាប់ពីមហាវិថីឈ្នះឈ្នះ (ចំណុចប្រសព្វផ្លូវជាតិលេខ៦) រហូតដល់ចំណុចប្រសព្វផ្លូវលេខ៧០បេ។
ផ្លូវនេះនឹងត្រូវសាងសង់ ស្ពានឆ្លងទន្លេមេគង្គចំនួនបី ដោយឆ្លងកាត់កោះចំនួនពីរ គឺកោះដាច់ និងកោះតាង៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

មន្រ្តីជាន់ខ្ពស់នៃកម្ពុជាជម្រុញឲ្យអ្នកធុរកិច្ចកូរ៉េបង្កើនការវិនិយោគនៅកម្ពុជា និងទាញយកអត្ថប្រយោជន៍

ដោយៈ និស្ស័យ

ភ្នំពេញៈ រដ្ឋមន្ត្រីក្រសួងពាណិជ្ជកម្មកម្ពុជា លោក ប៉ាន សូរស័ក្តិ ជំរុញឱ្យវិនិយោគិនកូរ៉េ មកបណ្តាក់ទុននៅកម្ពុជា នៅលើវិស័យនានា ដើម្បីទាញយកអត្ថប្រយោជន៍ នៃការអនុវត្តកិច្ចព្រមព្រៀងពាណិជ្ជកម្មសេរីរវាងប្រទេសទាំង២។ កិច្ចព្រមព្រៀងពាណិជ្ជកម្មសេរីកម្ពុជា កូរ៉េបានចូលជាធរមានកាលពីដើមឆ្នាំ២០២៣នេះ។ លោក ប៉ាន សូរស័ក្តិបានថ្លែងបែបនេះ ក្នុងជំនួបទ្វេភាគីជាមួយលោក PARK JUNG-WOOK ឯកអគ្គរដ្ឋទូតកូរ៉េខាងត្បូង ប្រចាំនៅកម្ពុជា ដែលទើបតែងតាំងថ្មី នាថ្ងៃទី៣ ខែឧសភា ឆ្នាំ២០២៣ ដោយបានធ្វើការពិភាក្សា លើការពង្រឹងទំនាក់ទំនង និងកិច្ចសហប្រតិបត្តិការទ្វេភាគីលើវិស័យពាណិជ្ជកម្ម និងសេដ្ឋកិច្ច។ នេះបើយោងតាមសេចក្តីប្រកាសព័ត៌មាន របស់ក្រសួងបន្ទាប់ពីកិច្ចប្រជុំ។លោកបានគូសបញ្ជាក់ថា “ប្រទេសកូរ៉េបានដើរតួនាទីយ៉ាងសំខាន់ ក្នុងការចូលរួមចំណែក ដល់ការអភិវឌ្ឍសេដ្ឋកិច្ចកម្ពុជា តាម រយៈការជំរុញ នៃការដោះដូរពាណិជ្ជកម្មរវាងប្រទេសទាំងពីរ”។
លោកបន្តថា ជាមួយនឹងសមិទ្ធផលនេះ មានការរួមចំណែកយ៉ាងសំខាន់ពី កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ ដែលបានចូលជាធរមានកាលពីថ្ងៃទី១ ខែធ្នូ ឆ្នាំ២០២២ កន្លងទៅនេះ។លោកបានថ្លែងថា ក្នុងន័យនេះភាគីទាំង២ គួរចាប់ផ្តើមពិភាក្សា និងត្រៀមរៀបចំការចរចាលើសេវាកម្ម និងវិនិយោគ ដើម្បីជំរុញ និងលើកកម្ពស់កិច្ចព្រមព្រៀង ពាណិជ្ជកម្មទ្វេភាគីបន្ថែមទៀត ហើយភាគីទាំង២ត្រូវសហការគ្នា ក្នុងកិច្ចព្រមព្រៀងពាណិជ្ជកម្មសេរីនានា ដែលភាគីទាំង២ ជាសមាជិកមានដូចជា អាសិប អាស៊ាន-កូរ៉េ ដើម្បីទាញយកប្រយោជន៍ និងបំពេញបន្ថែមឱ្យគ្នាផងដែរ។លោក PARK JUNG-WOOK បានគាំទ្រនូវអនុសាសន៍របស់លោករដ្ឋមន្ត្រី ក្នុងការទាញយកប្រយោជន៍ ពីកិច្ចព្រមព្រៀងពាណិជ្ជកម្មសេរីទ្វេភាគី និងកិច្ចព្រមព្រៀងនានា ដែលភាគីទាំង២ជាសមាជិក តាមរយៈការផ្សព្វផ្សាយ សិក្ខាសាលា ការកសាងសមត្ថភាពមន្ត្រីជំនាញពាក់ព័ន្ធនានាជាដើម។លោកនឹងប្តេជ្ញាជម្រុញបង្កើន ទំហំពាណិជ្ជកម្មទ្វេភាគី ក៏ដូចជាការកៀរគររកវិនិយោគិនកូរ៉េ និងបរទេសមកវិនិយោគនៅកម្ពុជាឱ្យកាន់តែច្រើនបន្ថែមទៀត។រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា លោកសុខ ចិន្តាសោភា បានលើកឡើងថា កាលពីចុងឆ្នាំ២០២២ កន្លងទៅ រដ្ឋាភិបាលនៃប្រទេសទាំង២ បានចុះហត្ថលេខាលើកិច្ចព្រមព្រៀង ឥណទានសម្បទាន សម្រាប់គម្រោងសាងសង់ស្ពានមិត្តភាពកម្ពុជា -សាធារណរដ្ឋកូរ៉េ នៅរាជធានីភ្នំពេញ និងក្រុងអរិយក្សត្រ ក្នុងទឹកប្រាក់ប្រមាណ២៤៦ លានដុល្លារ ដែលនឹងជួយពង្រឹងផ្នែកដឹកជញ្ជូន និងឡូជីស្ទិកនៅកម្ពុជាឱ្យកាន់តែប្រសើរ។លោកបន្តថា “វិនិយោគិនកូរ៉េ គួរធ្វើការបណ្តាក់ទុននៅកម្ពុជាដោយចាប់យកនូវឧត្តមភាព ដែលកម្ពុជាទទួលបានពីកិច្ចព្រមព្រៀងពាណិជ្ជកម្មសេរីនានា ជាពិសេសកិច្ចព្រមព្រៀងពាណិជ្ជកម្មកម្ពុជា-កូរ៉េ”។
លោកបានលើកទឹកចិត្ត ជាពិសេសដល់វិនិយោគិនកូរ៉េ ក្នុងវិស័យយានយន្ត និងអេឡិចត្រូនិក ពិចារណាធ្វើការវិនិយោគនៅកម្ពុជា ជាផ្នែកមួយនៃខ្សែចង្វាក់ផ្គត់ផ្គង់តំបន់ ដោយសារវិនិយោគិនកូរ៉េ មានឧត្តមភាពក្នុងវិស័យនេះ ហើយរាជរដ្ឋាភិបាលកម្ពុជា ទើបអនុម័តផែនទីបង្ហាញផ្លូវការ អភិវឌ្ឍវិស័យយានយន្ត និងអេឡិចត្រូនិកកម្ពុជា កាលពីថ្ងៃទី៩ ខែធ្នូឆ្នាំ២០២២កន្លងទៅនេះ។
យោងតាមទិន្នន័យពីអគ្គនាយកដ្ឋានគយ និងរដ្ឋាករកម្ពុជា ការផ្លាស់ប្តូរពាណិជ្ជកម្មរវាងកម្ពុជា និងសាធារណរដ្ឋកូរ៉េខាងត្បូង ក្នុងឆ្នាំ២០២២ សម្រេចបានក្នុងទំហំទឹកប្រាក់៧៧៨,៩ លានដុល្លារកើនឡើង០,៦ភាគរយ បើធៀបនឹងរយៈពេលដូចគ្នា ក្នុងឆ្នាំ២០២១។ ក្នុងនោះការនាំចេញពីកម្ពុជា មានទំហំទឹកប្រាក់ជាង២៣៣,៦លានដុល្លារ កើនឡើង២០ភាគរយ ខណៈការនាំចូលមកវិញមានទឹកប្រាក់ជាង៥៤៥,២លានដុល្លារ ថយចុះ៦ភាគរយ៕សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

Dollar falls after Fed signals pause; banking woes dent confidence

SINGAPORE : The dollar slipped against most major currencies on Thursday after the U.S. Federal Reserve opened the door to a pause in its aggressive tightening cycle, though markets were buffeted by risk aversion amid a rout in regional U.S. bank shares.

The Fed on Wednesday raised its benchmark overnight interest rate by a quarter of a percentage point, as expected, but in doing so dropped from its policy statement language that it “anticipates” further rate
increases would be needed.

That sent the U.S. dollar down broadly and Treasury yields sliding, with traders taking the comments as a signal for a peak in U.S. rates had been reached and moved to price in rate cuts later this year.

In thinned Asian trade on Thursday, the British pound held at a roughly 11-month high of $1.2590, having reached that level in the previous session.
Markets in Japan remain closed for a holiday.

The euro was last 0.2 per cent higher at $1.1083, flirting with its recent one-year peak.

“The most notable part of (the) statement was the section outlining the outlook for policy going forward, as the FOMC watered down its language regarding the need for additional monetary tightening,” said Jay Bryson, chief economist at Wells Fargo.

“Additional tightening may be needed … but the FOMC does not appear to be pre-committing to another rate hike on June 14.”

The U.S. dollar index was last 0.12 per cent lower at 101.11, after dropping more than 0.6 per cent in the previous session.

Source: Reuters

កម្ពុជា ស្នើគុយបាឲ្យជួយសម្របសម្រួលផ្លូវច្បាប់នានា ដើម្បីជំរុញដល់ការវិនិយោគ

ដោយ:សា សា

ភ្នំពេញ៖ មន្រ្តីជាន់ខ្ពស់នៃកម្ពុជា បានស្នើភាគីគុយបា ធ្វើការសម្របសម្រួលជួយដល់ផ្លូវច្បាប់នានា ដើម្បីឱ្យការវិនិយោគមានដំណើរការរលូន និងឆាប់រហ័ស ខណៈដែលកម្ពុជាត្រៀមខ្លួនរួចជាស្រេច ដើម្បីជួយគាំទ្រប្រទេសគុយបា ទាំងផ្នែកបច្ចេកទេស និងការរវិនិយោគជាមួយវិស័យឯកជន។

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ក្នុងជំនួបពិភាក្សាការងារ ជាមួយលោក ម៉ូរី ហីឆាវ៉ារៀ បឺមូដេស (Maury Hechavarria Bermúdez) អនុរដ្ឋមន្ត្រីក្រសួងកសិកម្ម នៃសាធារណរដ្ឋគុយបា នៅទីស្តីការក្រសួង កាលពី ព្រឹកថ្ងៃទី៣ ខែឧសភា ឆ្នាំ២០២៣នេះ បានថ្លែងអំណរគុណចំពោះកិច្ចសហប្រតិបត្តិការល្អ និងទំនាក់ទំនងយូរអង្វែង រវាងប្រទេសទាំងពីរ កម្ពុជា-គុយបា ដែលកន្លងមក គុយបាបានចូលរួមជួយកម្ពុជាលើការបណ្តុះបណ្តាលធនធានមនុស្ស និងការអភិវឌ្ឍលើគ្រប់វិស័យ ហើយកម្ពុជាក៏ធ្លាប់ជួយគុយបានៅពេលមានបញ្ហាខ្វះខាតអង្ករ ដើម្បីឱ្យមានចីរភាព និងទាន់ពេលវេលា ស្របតាមអនុសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលកម្ពុជាបានប្រែក្លាយពីប្រទេសខ្វះខាតអង្ករ ទៅជាប្រទេសអ្នកនាំអង្ករចេញ ហើយឯកឧត្តមរដ្ឋមន្ត្រី ក៏រំពឹងថា គុយបា នឹងប្រែក្លាយខ្លួនទៅជាប្រទេសនាំចេញអង្ករដូចគ្នា តាមរយៈការប្រើប្រាស់បច្ចេកទេសទំនើប ពូជសុទ្ធល្អ ផ្តល់ទិន្នផលខ្ពស់ ប្រើរយៈពេលខ្លី និងមានរសជាតិឆ្ងាញ់។
តាមរយៈជំនួបខាងលើនេះ លោករដ្ឋមន្ត្រី បានស្នើរបន្ថែមទៀតដល់ភាគីគុយបា អាចពិនិត្យលទ្ធភាពលើការធានានិងផ្តល់សេចក្តីទុកចិត្ត ការផ្តល់ដីសម្បទានសម្រាប់អ្នកវិនិយោគ និងសេរីភាពពាណិជ្ជកម្មនាំចេញនាំចូលក៏ដូចជាធាតុចូលដែលរួចពន្ធ ព្រមទាំងការចេញចូលរបស់អ្នកវិនិយោគផងដែរ៕

BoI woos Chinese EV battery giant

Thai authorities are in talks with China-based CATL, the world’s biggest electric vehicle battery maker, and others to build production facilities in the country to fuel its EV production hub ambitions, according to the head of the Board of Investment (BoI).

The discussions come as the country pushes to become a key player in the global EV supply chain outside of China by offering tax cuts and subsidies to drive adoption and production of green
vehicles.

“We are talking to many companies, not only CATL but many companies in the battery industry,” Narit Therdsteerasukdi said on Wednesday.

“This is one of our goals — that we would like to attract battery cell producers to set up their factory in Thailand.”
Mr Narit did not give details and it was not clear how advanced the discussions were.

CATL (Contemporary Amperex Technology Co Ltd) did not immediately respond to a request for comment.
CATL, the world’s dominant battery supplier with a 37% market share, currently has no production facilities in Southeast Asia, its website shows.

Based in Ningde, Fujian, the company last year announced a strategic collaboration with a subsidiary of PTT Plc to “explore potential cooperation and development opportunities in battery-related business” in the region.

Source: Reuters

សម្ដេចតេជោស្នើឡាវពិនិត្យលើការរៀបចំកិច្ចព្រមព្រៀងមិនយកពន្ធត្រួតគ្នា

ដោយ៖ វឌ្ឍនៈ

ភ្នំពេញ ៖ ក្នុងជំនួបជាមួយ លោក ថងលុន ស៊ីសូលីត នៃសាធារណរដ្ឋប្រជាធិបតេយ្យប្រជាមានិតឡាវ កាលពីព្រឹកថ្ងៃទី៤ ឧសភា ២០២៣ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានស្នើឱ្យភាគីឡាវ រួមគ្នាពិនិត្យលើរៀបចំកិច្ចព្រមព្រៀងមិនយកពន្ធត្រួតគ្នា ដើម្បីធ្វើយ៉ាងណាជំរុញការវិនិយោគរវាងប្រទេសទាំងពីរឱ្យកាន់តែច្រើនបន្ថែមទៀត ។

លោកថនលុន ស៊ីសូលីត ប្រធានរដ្ឋឡាវ បានមានប្រសាសន៍ ទំនាក់ទំនងរវាងកម្ពុជា និងឡាវ កំពុងតែស្ថិតដល់ចំណុចកំពូល ហើយអ្វីដែលត្រូវធ្វើបន្ត គឺរួមគ្នាសម្របសម្រួលគ្នា ធ្វើឱ្យទំនាក់ទំនងនេះ ឈានឆ្ពោះឡើងមួយកម្រិតទៀត តាមរយៈការរួមគ្នាអនុវត្តន៍តាមកិច្ចព្រមព្រៀងដែលមានស្រាប់និងស្វែងរកកិច្ចសហប្រតិបត្តិការផ្សេងបន្ថែមទៀត ដូចជា លើវិស័យទេសចរណ៍ វិស័យវិនិយោគវិស័យសន្តិសុខ រួមគ្នាត្រៀមដោះស្រាយគ្រោះមហន្តរាយជាយថាហេតុនានា ។

លោកមានជំនឿជាក់ថា កម្ពុជានឹងទទួលបានជោគជ័យ និងទទួលបានមេដៃមាសច្រើនក្នុងព្រឹត្តិការណ៍ស៊ីហ្គេម ដែលកម្ពុជាធ្វើជាម្ចាស់ផ្ទះ ។សម្ដេចតេជោបានមានប្រសាសន៍ថាសម្ដេចបានឯកភាពជាមួយប្រធានរដ្ឋឡាវ លើទំនាក់ទំនងរវាងកម្ពុជា និងឡាវ និងអ្វីដែលត្រូវធ្វើបន្ត ៕

រដ្ឋាភិបាលចិនអាចនឹងបន្តដាក់ចេញវិធានការលើកទឹកចិត្តបន្ថែម លើវិស័យអចលនទ្រព្យ

ដោយ: គង់ លាងហួរ

ប៉េកាំង: យោងតាមអ្នកវិភាគបានឱ្យដឹងថា ទីក្រុងប៉េកាំងអាចនឹងបន្តដាក់ចេញវិធានការលើកទឹកចិត្ត ដើម្បីគាំទ្រដល់វិស័យអចល នទ្រព្យរបស់ប្រទេសចិន ខណៈដែលការលក់ផ្ទះនៅខែមេសា មើលទៅមានការធ្លាក់ចុះយ៉ាងឆាប់រហ័ស។

លោក Raymond Cheng នាយកគ្រប់គ្រងក្រុមហ៊ុន CGS-CIMB Securities ដោយដកស្រង់ទិន្នន័យពី CRIC ដែលជាឈ្មួញកណ្តាលអចលនវត្ថុដ៏ធំ នៅក្នុងប្រទេសចិនបានមានប្រសាសន៍ថា ការលក់បឋមនៅក្នុងខែមេសា សម្រាប់អ្នកអភិវឌ្ឍន៍សំខាន់ៗរបស់ប្រទេ សចិន មើលទៅមិនល្អខ្លាំងហើយក៏មិនអាក្រក់ខ្លាំងដែរ។លោកបានបន្តថា “ខណៈវិស័យអចលនទ្រព្យ គឺជាសសរស្តម្ភដ៏សំខាន់មួយនៃសេដ្ឋកិច្ចចិន យើងជឿជាក់ថា រដ្ឋាភិបាលននឹងចាត់វិធានការគាំទ្របន្ថែមទៀត ប្រសិនបើការលក់សម្រាប់វិស័យនេះ នៅតែបន្តធ្លាក់ចុះ”។

CRIC ព្យាករណ៍ថា ការលក់ផ្ទះនៅខែមេសា របស់ក្រុមហ៊ុនអភិវឌ្ឍចុះបញ្ជីធំៗចំនួន២៥ នឹងធ្លាក់ចុះជាមធ្យម១៧ភាគរយ ធៀបនឹងខែមីនា។

យោងតាមទិន្នន័យ ដែលចងក្រងដោយក្រុមហ៊ុម CGS-CIMB Securities បានឱ្យដឹងថា ក្រុមហ៊ុន Guangzhou R&F Properties មើលទៅនឹងជួបការធ្លាក់ចុះ៤៦ភាគរយ នៃការលក់ដល់២,១១ពាន់លានយ័ន ដែលជាការធ្លាក់ចុះដ៏ខ្លាំងបំផុត ក្នុងចំណោមក្រុមហ៊ុនសាងសង់ផ្ទះជាច្រើន។

លោក Cheng បានវាយតម្លៃថា នេះបណ្តាលមកពីទំនុកចិត្តរបស់អ្នកទិញផ្ទះចុះខ្សោយ ដែលជាលទ្ធផលនៃសេដ្ឋកិច្ចជាប់គាំង និងការកើនឡើងនៃអត្រា គ្មានការងារធ្វើនៅក្នុងប្រទេសចិន ក៏ដូចជាមូលដ្ឋានខ្ពស់នៅក្នុងខែមីនាផងដែរ។

ឧស្សាហកម្មអចលនទ្រព្យរបស់ប្រទេសចិន ដែលគ្របដណ្តប់ប្រហែល១/៤ នៃសេដ្ឋកិច្ចរបស់ប្រទេសនេះ បាននិងកំពុងងើបឡើងវិញ បន្ទាប់ពីទីក្រុងប៉េកាំង បានចាត់វិធានការមួយចំនួន ដើម្បីជួយសង្គ្រោះវិស័យនេះ។

វិធានការទាំងនេះរួមបញ្ចូល ការលុបចោលការរឹតបន្តឹងលើការទិញផ្ទះនៅក្នុងទីក្រុងមួយចំនួន កាត់បន្ថយអត្រាកម្ចីទិញផ្ទះ និងជួយសម្រួលដល់ការទទួលបានមូលនិធិ ដើម្បីសម្រួលវិបត្តិសាច់ប្រាក់របស់អ្នកអភិវឌ្ឍន៍៕

FDI into Indonesia Rises 20.2% YoY in Q1

Foreign direct investment into Indonesia (excluding investment in banking and the oil and gas sectors) increased 20.2 percent year-on-year to a new record peak of IDR 177 trillion (USD 11.96 billion) in the first quarter of 2023, amid efforts by the government to ease business and licensing rules.

Singapore (USD 4.3 billion) was the biggest source of investment, followed by Hong Kong (USD 1.5 billion), China (USD 1.2 billion), and Japan (USD 1 billion) while base metals were the biggest recipient amid efforts to boost investment in processed minerals.

In total, Indonesia recorded IDR 328.9 trillion of foreign and domestic investment during the first quarter, up 16.5 percent from a year earlier, boosted by a rise in investment in base metals, transportation, and the mining sector.

For 2023, the government has set a target to draw IDR 1,400 trillion (USD 95.5 billion) of investment from domestic and foreign sources.

Source : trading economics

បទប្បញ្ញត្តិច្បាប់បរធនបាលកិច្ចកំពុងទាក់ទាញលំហូរមូលនិធិរយៈពេលវែងជាច្រើនចូលមកកម្ពុជា

ដោយ: គង់ លាងហួរ
ភ្នំពេញ: យោងតាមអ្នកជំនាញខាងឧស្សាហកម្មមួយរូបបានឱ្យដឹងថា ការបំផុសគំនិតរបស់រដ្ឋាភិបាលនៅពីក្រោយការបង្កើតច្បាប់ Trust គឺមានគោលដៅទាក់ទាញការវិនិយោគរយៈពេលវែងមកក្នុងប្រទេសកម្ពុជា។

លោក ឡោ វិចិត្រ អនុប្រធាននៃសមាគមពាណិជ្ជកម្មចិន-កម្ពុជា បានមានប្រសាសន៍នៅខាងក្រៅសិក្ខាសាលាមួយក្រោមចំណងជើងថា “បទប្បញ្ញត្តិនៃបរធនបាលកិច្ចនៅកម្ពុជា” ដែលរៀបចំធ្វើឡើងនៅសណ្ឋាគារ Rosewood។

លោកបន្តថា “វិស័យបរធនបាលកិច្ច Trust គឺផ្តោតជាសំខាន់លើក្រុមវិនិយោគិនរយៈពេលវែង ព្រោះវានៅតែជាគោលបំណងមូលដ្ឋាននៃច្បាប់ Trust ដែលមិនត្រូវបានប្រកាសឱ្យប្រើប្រាស់ជាពិសេសសម្រាប់ប្រាក់ចំណេញរយៈពេលខ្លី។ វាត្រូវបានអនុម័តសម្រាប់បង្កើតមូលដ្ឋានគ្រឹះសម្រាប់កំណើនសេដ្ឋកិច្ចកម្ពុជា និងស្ថិរភាពហិរញ្ញវត្ថុកម្ពុជា”។

លោកបញ្ជាក់ថា “ការបំផុសគំនិតជាមូលដ្ឋានក្នុងការអនុម័តច្បាប់គឺដើម្បីទាក់ទាញអ្នកវិនិយោគរយៈពេលវែងឱ្យចូលមកក្នុងប្រទេសកម្ពុជា ព្រោះអ្នកវិនិយោគរយៈពេលវែងអាចធានាបាននូវស្ថិរភាពនៅក្នុងទីផ្សារហិរញ្ញវត្ថុរបស់កម្ពុជាតាមរយៈបណ្តាញផ្លូវច្បាប់ និងផ្លូវការតែប៉ុណ្ណោះ”។

លោក ឡោ វិចិត្រ បានអះអាងទៀតថា “ប្រទេសកម្ពុជាកំពុងចាប់ផ្តើមដំណើរនៃការផ្លាស់ប្តូរសេដ្ឋកិច្ចដ៏អស្ចារ្យ ហើយនេះតម្រូវឱ្យមានលំហូរនៃមូលនិធិដែលមិនមានការរំខានក្នុងទម្រង់នៃការវិនិយោគរយៈពេលវែង។ លំហូរមូលធនរយៈពេលវែងមានសារៈសំខាន់សម្រាប់កំណើនសេដ្ឋកិច្ចរបស់ប្រទេសណាមួយ និងដាក់គ្រឹះសម្រាប់មូលដ្ឋានគ្រឹះសេដ្ឋកិច្ចដ៏មានឥទ្ធិពល”។

លោកបានចង្អុលបង្ហាញ ថាច្បាប់បរធនបាលកិច្ចបានជួយដល់កម្ពុជា ក្នុងអំឡុងពេលកូវីដ ហើយក្នុងអំឡុងពេលនៃជំងឺរាតត្បាតនេះ វិនិយោគិនចិនជាច្រើនបានចាកចេញពីកម្ពុជា ហើយយើងពិតជាមានចន្លោះប្រហោងក្នុងការវិនិយោគ”។

បន្ថែមលើបញ្ហាជាច្រើន សេដ្ឋកិច្ចជាតិរបស់កម្ពុជាបានធ្លាក់ចុះ៣ភាគរយ។ ពេលដែរនោះហើយ ទើបច្បាប់បរធនបាលកិច្ច Trust ដែលត្រូវបានអនុម័តក្នុងឆ្នាំ២០១៩ បានជួយចាប់ផ្តើមសម្របសម្រួលដល់លំហូរនៃមូលនិធិចូលមកកាន់ប្រទេសកម្ពុជា។

ដោយសង្កត់ធ្ងន់ថាច្បាប់Trust បានបង្ហាញឱ្យឃើញនូវយន្តការដ៏ត្រឹមត្រូវក្នុងការសម្រួលលំហូរនៃមូលនិធិចូលមកកម្ពុជាតាមរយៈបណ្តាញផ្លូវច្បាប់លោក ឡោ វិចិត្រ បានមានប្រសាសន៍ថា “កាលពីឆ្នាំមុន លំហូរ FDI របស់យើងក្នុងវិស័យសំណង់មានចំនួន៣៣៤លានដុល្លារ ខណៈបទប្បញ្ញត្តិច្បាប់ Trust បានជួយយ៉ាងសម្បើមក្នុងការជំរុញលើកស្ទួយស្ថានភាពវិនិយោគ”។

លោកបានបន្តថា ច្បាប់បរធនបាលកិច្ចក៏មានតួនាទីក្នុងការធ្វើពិពិធកម្ម ភូមិសាស្ត្រ ក្នុងលក្ខខណ្ឌនៃការ វិនិយោគផងដែរ។ លោកពន្យល់ថា “ប្រសិនបើអ្នកមើលឃើញថា មុនពេលបង្កើតវិស័យ Trust ការវិនិយោគភាគច្រើនបានហូរចូលមកពីប្រទេសចិន ហើយក្នុងអំឡុងពេលនៃជំងឺរាតត្បាត ការវិនិយោគទាំងនេះបាននិងកំពុងរីងស្ងួត”។

លោកអះអាងថា “ឥឡូវនេះ ប្រទេសកម្ពុជាកំពុងទទួលបានការវិនិយោគកាន់តែច្រើនឡើងពីទូទាំងពិភពលោក រួមទាំងសហរដ្ឋអាមេរិក សហភាពអឺរ៉ុប ជប៉ុន និងអូស្ត្រាលី តាមរយៈបណ្តាញផ្លូវច្បាប់”។ នេះជាទិដ្ឋភាពដ៏អស្ចារ្យ បំផុតនៃជោគជ័យផ្នែកសេដ្ឋកិច្ច ដែលប្រទេសកម្ពុជាមិនធ្លាប់បានឃើញវិស័យបរធនបាលកិច្ច ត្រូវបានបង្កើតឡើងដើម្បីស្តារសេដ្ឋកិច្ចឡើងវិញ ហើយលោក ឡោ វិចិត្រ បង្ហាញការជឿជាក់ថា គំនិតផ្តួចផ្តើមនេះបានទទួលជោគជ័យ។

លោក ឡោ វិចិត្រអះអាងថាទីផ្សារអចលនទ្រព្យ នឹងទទួលបានផលប្រយោជន៍ពីច្បាប់Trustដំបូងគេមុននឹងចុះ ទៅកាន់វិស័យផ្សេងទៀត។ “ការជ្រៀតចូលនៃវិស័យ Trust នៅក្នុងទីផ្សារអចលនទ្រព្យគឺខ្លាំងមែនទែន ព្រោះវាមិនមានការផ្តល់ឱ្យជនបរទេសទិញដីនៅកម្ពុជានោះទេ”។
លោកបន្តទៀតថា “ប្រសិនបើយើងចង់បង្កើនទិន្នផល ឧស្សាហកម្មនិងសមត្ថភាពរបស់យើងវិស័យបរធនបាលកិច្ចត្រូវតែជ្រៀតចូលក្នុងវិស័យអចលនទ្រព្យបន្ថែមពីដំបូង”។

លោក បានឱ្យដឹងទៀតថា “វិស័យទេសចរណ៍ជាវិស័យមួយផ្សេងទៀត ដែលនឹងទទួលលំហូរវិនិយោគពីបរទេស កាន់តែច្រើននាពេលអនាគត។ វិស័យទេសចរណ៍របស់យើងនឹងមានការរីកចម្រើនបន្ទាប់ពីការបញ្ចប់ដោយ ជោគជ័យនៃព្រិត្តិការណ៍កីឡាស៊ីហ្គេម”។
ដែលយើងបានដឹងរួចទៅហើយថា ប្រទេសកម្ពុជាកំពុងឆ្ពោះទៅរកការបោះឆ្នោតនាពេលខាងមុខនេះ ដូច្នេះរដ្ឋាភិបាលថ្មីនឹងចាប់ផ្តើមបង្កើនការតភ្ជាប់ផ្លូវអាកាសកាន់តែច្រើនជាមួយនឹងបណ្តាប្រទេសជាច្រើនទៀត។

លោកបន្ថែមទៀតថា “លើសពីនេះកម្ពុជានឹងមានជើងហោះហើរ ត្រង់ទៅកាន់ប្រទេសឥណ្ឌា ឥណ្ឌូនេស៊ី និង ជប៉ុន ដែលនឹងបម្រើជាការលើកទឹកចិត្ត ក្នុងការជំរុញវិស័យទេសចរណ៍ ។ ចំណែកម៉ាទ្រីស និងស្ថិតិទេសចរណ៍នឹងមានភាពស៊ីសង្វាក់គ្នាកាន់តែខ្លាំង ក្នុងការកំណត់អនាគតនៃវិស័យទេសចរណ៍របស់កម្ពុជា ដែលវានឹងក្លាយជាសាក្សីនៃការវិនិយោគជាច្រើនតាមរយៈវិស័យ Trust”

1...947948949...3,257 Page 948 of 3,257