អ្នកអភិវឌ្ឍន៍បុរីវិមានសំណាងៈយើងបានឈរជើងលើទីផ្សារជាមួយជំនឿចិត្តដោយសារយើងស្គាល់អតិថិជនច្បាស់

ដោយៈ ស៊ីវ ម៉េង

ភ្នំពេញៈ ផ្តើមអាជីពជាភ្នាក់ងារអចលនទ្រព្យសាមញ្ញ រហូតមានលទ្ឋភាពបើកក្រុមហ៊ុនភ្នាក់ងារអចនទ្រព្យ កាលពីជាង១០ឆ្នាំមុនលោកជំទាវឧកញ៉ាគង់ សំណាងអគ្គនាយិកាបុរីវិមានសំណាងបានក្លាយជាអ្នកអភិវឌ្ឍន៍ដ៏លេចធ្លោ។ក្នុងអាជីពនៃភាពជាភ្នាក់ងារអចលនទ្រព្យ ពិសេសធ្វើការវិនិយោគលើដីធ្លី បានធ្វើឲ្យគូស្វាមី ភរិយាមួយគូនេះ អាចសិក្សាស្វែងយល់ពីទឹកចិត្ត និងរសនិយមរបស់អតិថិជនពិតប្រាកដថា ពួកគេត្រូវការអ្វី ហើយក្នុងនាមជាអ្នកអភិវឌ្ឈន៍ថ្មី ត្រូវធ្វើអ្វីដែលមិនធ្លាប់មានពីមុនមក។
លោកជំទាវឧកញ៉ាគង់ សំណាង អគ្គនាយិកាបុរីវិមានសំណាង និងលោកឧកញ៉ាបណ្ឌិតគីម ហ៊ាងជាគូស្វាមី និងភរិយា ដែលមាននិស្ស័យចូលចិត្តសិក្សារៀនសូត្រដូចគ្នា។

លោកជំទាវឧកញ៉ាគង់ សំណាងបានមានប្រសាសន៍ថា ការរីកចម្រើនសេដ្ឋកិច្ចជាតិរបស់ប្រទេស ក្រោមការដឹកនាំរបស់សម្តេចតេជោ បានធ្វើឲ្យប្រជាពលរដ្ឋខ្មែរ ក្លាយជាអ្នកមានកាន់តែច្រើន ហេតុនេះទើបធ្វើឲ្យលោកជំទាវ និងស្វាមី សម្រេចចិត្តវិនិយោគបុរីនេះឡើង ស្របតាមនិន្នាការនៃការរស់នៅសម័យថ្មី និងបែបផែនជីវិតបែបស៊ីវិល័យ។

ជាអ្នកចូលចិត្តសង្កេតលើការងារ និងម៉ូតផ្ទះ លោកជំទាវឧកញ៉ាគង់ សំណាង បានក្លាយជាស្ថាបត្យករ ដោយមិនដឹងខ្លួនមួយរូប តាមរយៈការចូលរួមគូសវាស និងផ្តល់ជាគំនិតដល់ស្ថាបត្យករ ដែលបានគូម៉ូតផ្ទះរបស់បុរីវិមានសំណាងដោយខ្លួនឯង និងតែងតែស្វែងរកភាពច្នៃប្រឌិត និងការបង្កើតថ្មី សម្រាប់រចនាបទម៉ូតផ្ទះក្នុងបុរីដ៏ស៊ីវិល័យនេះ។

លោកជំទាវបានមានប្រសាសន៍ឲ្យដឹង កាលពីពេលថ្មីៗនេះថា “ខ្ញុំបានចូលរួមគូ និងកែចុះឡើងៗលើម៉ូតផ្ទះនៅក្នុងបុរីនេះ ដែលជាម៉ូតផ្ទះបែបក្លាសិក និងមានការចំណាយច្រើន ធៀបជាមួយម៉ូតផ្ទះសាមញ្ញៗ”។ លោកជំទាវបន្តថា “ជាលទ្ឋផលពីការខិតខំនេះ បានធ្វើឲ្យអតិថិជននិងអ្នកបានកក់បុរីនេះ មានការរំភើបលើអ្វីដែលពួកគេទទួលបាន និងមិនដែលគិតដល់”។ជាមួយនឹងការកសាងកេរ្ត៍ឈ្មោះ ក្នុងនាមអ្នកអភិវឌ្ឍន៍ លោកជំទាវឧកញ៉ាគង់ សំណាងបានលើកឡើងថា “ការវិនិយោគនេះ មិនផ្តោតលើផលចំណេញតែមួយមុខនោះទេ ប៉ុន្តែក្រុមហ៊ុនចង់អភិវឌ្ឍន៍ដែលផ្តល់នូវស្នាដៃ និងកិត្តិនាម”។ជាអ្នកចូលចិត្តចែករំលែក លើបណ្តាញទំនាក់ទំនងសង្គម ពីចំណេះដឹងទាក់ទងអចលនទ្រព្យ ចំណេះដឹងទាក់ទងនឹងអាជីវកម្ម និងការអភិវឌ្ឍខ្លួន លោកឧកញ៉ាបណ្ឌិតគីម ហ៊ាងប្រធានKW Cambodia បានក្លាជាអ្នកមានយ៉ាងលឿន ដោយសារលោកបានវិនិយោគផ្នែកដីធ្លី ដែលលោកបានចាត់ទុកថា “អ្នកមាននៅកម្ពុជាប្រមាណ៧០ភាគរយ មានបានដោយសារដីធ្លី”។

លោកឧកញ៉ាបណ្ឌិតគីម ហ៊ាងបានមានប្រសាសន៍ថា ការរីកចម្រើនរបស់ប្រទេសយើង បានធ្វើឲ្យអ្នកក្រក្លាយជាអ្នកមានលំដាប់មធ្យម អ្នកមានលំដាប់មធ្យម ក្លាយជាអ្នកមានកម្រិតខ្ពស់ ហើយអ្នកមានកម្រិតខ្ពស់បានក្លាយជាសេដ្ឋី ឬឧកញ៉ាច្រើនណាស់។

ជាមួយនឹងចក្ខុវិស័យច្បាស់លាស់ និងផែនការចំពោះមុខប្រកបដោយចក្ខុវិស័យ លោកឧកញ៉ាបណ្ឌិតគីម ហ៊ាងបានមើលឃើញថា តំបន់ភាគខាងជើងរាជធានីភ្នំពេញ ជាតំបន់ដែលបាន និងកំពុងទាក់ទាញអ្នកមានកាន់តែច្រើនចូលទៅរស់នៅ ដោយសារកត្តាសំខាន់ៗជាច្រើន ដូចជា មានមជ្ឈមមណ្ឌលពាណិជ្ជកម្មធំៗនៅក្បែរ មានក្រសួងមន្ទីរធំៗបានរើ និងបោះទីតាំងមកកាន់តំបន់នេះ ជាតំបន់ដែលអភិវឌ្ឍន៍ថ្មី ងាយស្រួលរៀបចំហេដ្ឋារចនាសម្ព័ន្ឋ និងជាតំបន់រៀបចំកីឡាស៊ីហ្គេមនាពេលឋខាងមុខឆាប់ៗនេះ។

លោកបណ្ឌិតបន្តថា “ក្នុងនាមជាអ្នកអភិវឌ្ឍ ដែលផ្តើមចេញពីជីវិតភ្នាក់ងារអចលនវត្ថុសាមញ្ញមួយរូប យើងបានដឹងពីរសនិយមអតិថិជន ហើយយើងនៅតែអាចឈរជើងបាន ទោះក្នុងបរិបទវិបត្តិកូវីដរយៈពេល៣ឆ្នាំ និងវិបត្តិសង្រ្គាមរវាងរុស្ស៊ី និងអ៊ុយក្រែនក្តី”។ លោកបន្តថា “ក្នុងពេលនេះ មានតែអ្នកខ្លាំងប៉ុណ្ណោះអាចឈរជើងបាន ហើយយើងនឹងបន្តឈរជើងយ៉ាងរ៉ឹងមាំ ក្នុងវិស័យនេះតទៅទៀត”៕

កម្ពុជាជំរុញការផ្សព្វផ្សាយសក្តានុពលទេសចរណ៍កម្ពុជានៅ លើទីផ្សារកូរ៉េ

ដោយៈ ហ្វីអូណា

ភ្នំពេញៈ ក្រសួងទេសចរណ៍នៃកម្ពុជា សហការជាមួយស្ថានឯកអគ្គរាជទូតកម្ពុជា ប្រចាំប្រទេសកូរ៉េ និងស្ថានតំណាងក្រសួងទេសចរណ៍ប្រចាំនៅប្រទេសកូរ៉េ បានដឹកនាំផ្នែកឯកជនជាង១០ក្រុមហ៊ុនចូលរួមពិពរ័ណ៍ទេសចរណ៍អន្តរជាតិ Seoul International Travel Fair 2023 ដែលប្រព្រឹត្តិទៅចាប់ពីថ្ងៃទី៤-៧ ខែឧសភា ឆ្នាំ២០២៣នៅទីក្រុងសេអ៊ូល ប្រទេសកូរ៉េ។
ការចូលរួមក្នុងពិព៌ណនេះ ដើម្បីអនុវត្តយុទ្ធសាស្ត្រនៃចក្ខុវិស័យស្តីពីផែនការស្តារ និងលើកស្ទួយវិស័យទេសចរណ៍កម្ពុជាឡើងវិញក្នុងនិងក្រោយវិបត្តិជំងឺកូវីដ-១៩ ដំណាក់កាលទី២ (២០២០-២០២៥) និងបន្តផ្សព្វផ្សាយយុទ្ធនាការ “ឆ្នាំទស្សនាកម្ពុជា ២០២៣” និងកម្ពុជាជាគោលដៅទេសចរណ៍កីឡា “កីឡារស់ក្នុងសន្តិភាព”។ តាមរយៈព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣ និងព្រឹត្តិការណ៍កីឡាយុវជនអាស៊ីឆ្នាំ២០២៩ ដែលកម្ពុជានឹងធ្វើជាម្ចាស់ផ្ទះ និងផ្សព្វផ្សាយគោលដៅទេសចរណ៍ កម្ពុជាជាគោលដៅ ទេសចរណ៍ផ្តល់ភាពកក់ក្តៅ សុវត្ថិភាព ស្អាត និងបៃតង ក្រោមពាក្យស្លោក “គ្រប់ថ្ងៃគឺជាអច្ឆរិយភាព”ដោយផ្ដោតសំខាន់ទៅលើកីឡា និងMICE ផ្សារភ្ជាប់ទំនាក់ទំនងជាមួយប្រជាជនខ្មែរដែលរស់នៅប្រទេសកូរ៉េ ដោយមានការចូលរួម ពីសំណាក់ប្រតិបត្តិករផ្នែកទេសចរណ៍កូរ៉េ អ្នកលក់ អ្នកទិញ អ្នកសារពត៌មានជាតិ និងអន្តរជាតិកូរ៉េ ប្រមាណ៥០០ក្រុមហ៊ុន មកពីបណ្តាប្រទេសក្នុងពិភពលោក។ កាលពីថ្ងៃទី៤ ខែឧសភាឆ្នាំ២០២៣ ក្រសួងទេសចរណ៍បានរៀបចំកម្មវិធី Cambodian Tourism Roadshow ដោយមានការចូលរួមពីប្រតិបត្តិករកម្ពុជាជាង១០ក្រុមហ៊ុន និងប្រតិបត្តិករទេសចរកូរ៉េជាង១០០ក្រុមហ៊ុន។ដោយឡែកនាព្រឹកថ្ងៃទី៤ខែឧសភា ឆ្នាំ២០២៣ លោកជំទាវ ឡុង ភិរម្យ រដ្ឋលេខាធិការក្រសួងទេសចរណ៍ បានចូលរួមពិធីបើកក្នុងកម្មវិធីពិព័រណ៍អន្តរជាតិ Seoul International Travel Fair ។

នាថ្ងៃដដែល លោកជំទាវ រដ្ឋលេខាធិការ ចូលរួមជាអធិបតីក្នុងពិធី Cambodian Tourism Roadshow ជាតំណាងដ៏ខ្ពង់ខ្ពស់ឯកឧត្តមបណ្ឌិតរដ្ឋមន្រ្តីក្រសួងទេសចរណ៍ និងមានការចូលរួមពីសំណាក់លោកជំទាវ ជ្រឹង បុទុមរង្សីយ៍ ឯកអគ្គរាជទូតកម្ពុជាប្រចាំប្រទេសកូរ៉េ និង ឯកឧត្តម KIM HAE-YONG អគ្គលេខាធិការនៃមជ្ឈមណ្ឌលអាស៊ាន-កូរ៉េ និងលោក KIM MYOUNG CHUL ស្ថានតំណាងទេសចរណ៍កម្ពុជា ប្រចាំប្រទេសកូរ៉េ។

យោងតាមស្ថិតិទេសចរណ៍ប្រចាំឆ្នាំ២០២២ កម្ពុជាទទួលបានទេសចរចំនួន២,២៧៦,៦២៦នាក់ កើនឡើង១០៥៨.៦% ធៀបនឹងឆ្នាំ២០២១ ដែលក្នុងនោះទេសចរកូរ៉េ មានចំនួន៦៤,០៤០នាក់ មានការកើនឡើង៩៥៤.៣% បើធៀបនឹងឆ្នាំ២០២១។ ដោយឡែកត្រឹមរយៈពេល៣ខែ ដើមឆ្នាំ២០២៣ កម្ពុជាទទួលបានទេសចរកូរ៉េ៥២,៥៧៨នាក់ មានការកើនឡើង១១១៥.៤% ធៀបនឹងរយៈពេលដូចគ្នាឆ្នាំ២០២២។ នេះសបញ្ជាក់ថា ស្ថានភាពទេសចរណ៍កម្ពុជា កំពុងវិលទៅរកសភាពល្អប្រសើរឡើងវិញ ដោយកម្ពុជារំពឹងថា នឹងទទួលបានទេសចរកូរ៉េប្រមាណ៨ម៉ឺននាក់ សម្រាប់ឆ្នាំ២០២៣នេះ៕

ការវិនិយោគផ្លូវដែករថភ្លើងរបស់ប្រទេសចិនកើនឡើង៦,៦ភាគរយ នៅក្នុងត្រីមាសទី១

ដោយ: គង់ លាងហួរ

ប៉េកាំង: យោងតាមទិន្នន័យពីក្រុមហ៊ុន China State Railway Group Co., Ltd. បានបង្ហាញថា ការវិនិយោគទ្រព្យសកម្មថេរ នៅក្នុងផ្លូវដែករបស់ប្រទេសចិន បានកើនឡើង៦,៦ភាគរយ ពីមួយឆ្នាំទៅមួយឆ្នាំនៅក្នុងត្រីមាសទីមួយ (Q1) នៃឆ្នាំ២០២៣នេះ។
ក្រុមហ៊ុនChina State Railway Groupនេះ បានអះអាងថា ទឹកប្រាក់សរុប ប្រហែល១៦,៤ពាន់លានដុល្លារអាមេរិក ត្រូវបានវិនិយោគលើផ្លូវដែករបស់ប្រទេសនេះ ដោយបន្ថែមថា កំណើននៃការវិនិយោគនេះគឺខ្ពស់ បើធៀបនឹងរយៈពេលប៉ុន្មានឆ្នាំថ្មីៗនេះ។ ប្រាក់ចំណូលរបស់ក្រុមហ៊ុន បានកើនឡើង១៨,២ភាគរយពីមួយឆ្នាំទៅមួយឆ្នាំ ក្នុងអំឡុងពេលដូចគ្នានេះ រហូតដល់២៧១,៩ពាន់លានយ័ន។

នៅក្នុងរយៈពេលបីខែដំបូង ផ្លូវដែករបស់ប្រទេសចិនបានគ្រប់គ្រង អ្នកដំណើរចំនួន៧៥៣លាននាក់ ពោលគឺកើនឡើង៦៦ភាគរយពីមួយឆ្នាំទៅមួយឆ្នាំ។

ចំណែក បរិមាណដឹកជញ្ជូនតាមផ្លូវដែក របស់ប្រទេសចិន ដែលជាសូចនាករសំខាន់ នៃសកម្មភាពសេដ្ឋកិច្ច បានកើនឡើង២,៣ភាគរយពីមួយឆ្នាំ ទៅមួយឆ្នាំរហូតដល់៩៧០លានតោន ក្នុងរយៈពេលដូចគ្នានេះ៕

ព្រឹត្តិការណ៍កីឡាស៊ីហ្គេមជំរុញឱ្យមានកំណើនហោះហើរតាមផ្លូវអាកាសនៅក្នុងខែឧសភានេះ

ដោយ: គង់ លាងហួរ

ភ្នំពេញ: ព្រឹត្តិការណ៍កីឡាស៊ីហ្គេមនៅកម្ពុជាក្នុងខែឧសភានេះជាសញ្ញាមួយធ្វើឲ្យការធ្វើដំណើរតាមអាកាសមានការកើនឡើង ដោយមានអត្តពលិកជាង១០.០០០នាក់មកពីគ្រប់តំបន់បានធ្វើដំណើរមកចូលរួមការប្រកួតនេះក្នុងទឹកដីកម្ពុជា។អ្នកនាំពាក្យរដ្ឋលេខាធិការដ្ឋានអាកាសចរស៊ីវិលលោក ស៊ិន ចាន់សិរីវុត្ថា បានមានប្រសាសន៍ថា ការធ្វើដំណើរតាមផ្លូវអាកាសនៅក្នុងខែឧសភានេះមានការកើនឡើង១៥ភាគរយ បើប្រៀបធៀបនឹងខែមុន។
លោកបានមានប្រសាសន៍បន្តថា ការធ្វើដំណើរតាមផ្លូវអាកាសតាមរយៈអាកាសដ្ឋានអន្តរជាតិភ្នំពេញបានបង្ហាញពីការកើនឡើងគួរឲ្យកត់សម្គាល់។លោកអះអាងថា “ជាធម្មតា ជើងហោះហើរកម្ពុជាបានកើនឡើងក្នុងអត្រាជាមធ្យមប្រហែល១០ភាគរយក្នុងមួយខែ។ ប៉ុន្តែក្នុងអំឡុងពេលព្រឹត្តិការណ៍ស៊ីហ្គេម អត្រាហោះហើរបានកើនឡើងជិត២៥ភាគរយ មានន័យថា វាកើនឡើង១៥ភាគរយបើប្រៀបធៀបនឹងខែមុន”។ព្រឹត្តិការណ៍ស៊ីហ្គេមលើកទី៣២នឹងរៀបចំធ្វើឡើងនៅប្រទេសកម្ពុជាចាប់ពីថ្ងៃទី៥ដល់ទី១៧ ខែឧសភានេះ។ រាល់ការចំណាយ ក្នុងព្រឹត្តិការណ៍កីឡាគឺជាការចំណាយរបស់រដ្ឋាភិបាល រួមទាំងថ្លៃស្នាក់អាហាររបស់គណប្រតិភូ និងអត្តពលិកមកពីគ្រប់ប្រទេសចូលរួមការប្រកួត ក៏ដូចជាសំបុត្រចូលទស្សនាផងដែរ។កម្ពុជា រំពឹងទទួលបានភ្ញៀវទេសចរអន្តរជាតិប្រមាណ៥០ម៉ឺននាក់ នៅក្នុងព្រឹត្តិការណ៍ស៊ីហ្គេមលើកទី៣២។ នេះបើយោងតាមលោក ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍នៃគណៈកម្មាធិការជាតិ CAMSOC បានថ្លែងក្នុងសន្និសីទសារព័ត៌មានស្ដីពីព្រឹត្តិការណ៍កីឡាស៊ីហ្គេម នារសៀលថ្ងៃទី២៨ ខែមេសា ឆ្នាំ២០២៣។

លោកបានមានប្រសាសន៍ថា ព្រឹត្តិការណ៍កីឡាស៊ីហ្គេម ជាផលិតផលទេសចរណ៍មួយដ៏សំខាន់ ដែលអាស៊ានបានចាត់ទុកជាព្រឹត្តិការណ៍ទេសចររបស់អាស៊ាន មិនមែនត្រឹមតែជារបស់កម្ពុជាប៉ុណ្ណោះទេ ប៉ុន្តែគឺជាការចូលរួមរបស់អាស៊ាន និងអាស៊ីអាគ្នេយ៍ទាំងមូល។លោកបានបញ្ជាក់ថា ឥទ្ធិពលនៃការរៀបចំព្រឹត្តិការណ៍អង្គរសង្ក្រាន្តឆ្នាំ២០២៣ និងព្រឹត្តិការណ៍កីឡាស៊ីហ្គេម និងកីឡាប៉ារ៉ាហ្គេម នឹងរួមចំណែកទាក់ទាញភ្ញៀវទេសចរជាតិ និងអន្តរជាតិ រហូតដល់ឆ្នាំ២០២៤-២០២៥ និងឆ្នាំ២០២៦ ជាបន្តបន្ទាប់ទៀត៕

ប្រទេសគួតគីតែងតាំងទីប្រឹក្សាពាណិជ្ជកម្មដំបូងប្រចាំកម្ពុជា ដើម្បីជម្រុញពាណិជ្ជកម្ម និងការវិនិយោគ

ដោយៈ គង់ សូរិយា

ភ្នំពេញៈ មន្ត្រីជាន់ខ្ពស់ក្រសួងពាណិជ្ជកម្ម ទទួលជួបពិភាក្សាការងារជាមួយ ឯកអគ្គរដ្ឋទូតតួកគីប្រចាំកម្ពុជា និងទីប្រឹក្សាពាណិជ្ជកម្មដំបូងនៃស្ថានទូតតួកគីប្រចាំកម្ពុជា។
ជំនួបនេះធ្វើឡើងរវាងលោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម តំណាងលោក ប៉ាន សូរស័ក្ដិ រដ្ឋមន្រ្តីក្រសួងពាណិជ្ជកម្ម បានទទួលជួបលោកជំទាវ Ülkü Kocaefe ឯកអគ្គរដ្ឋទូតនៃសាធារណរដ្ឋតួកគីប្រចាំកម្ពុជា អមដោយលោកស្រី Zöre AKŞAHİN ŞİMŞEK ទីប្រឹក្សាពាណិជ្ជកម្មដំបូង នៃស្ថានទូតតួកគី ដើម្បីពិភាក្សា លើលទ្ធភាពក្នុងការពង្រឹង និងពង្រីកកិច្ចសហប្រតិបត្តិការក្នុងវិស័យសេដ្ឋកិច្ច ពាណិជ្ជកម្ម និងវិនិយោគ ឱ្យកាន់តែល្អប្រសើរថែមទៀត។លោកជំទាវក៏បានអបអរសាទរជូនចំពោះ លោកស្រីZöre ក្នុងឱកាសត្រូវបានតែងតាំង ជាទីប្រឹក្សាពាណិជ្ជកម្មដំបូងនៃស្ថានទូតតួកគីប្រចាំកម្ពុជា។
ទន្ទឹមនោះ លោកជំទាវរដ្ឋលេខាធិការ បានជម្រាបជូនអំពីកាលានុវត្តភាពធុរកិច្ច និងបរិយាកាសវិនិយោគ និងបានស្នើលោកជំទាវអគ្គរដ្ឋទូត និងលោកស្រីទីប្រឹក្សាពាណិជ្ជកម្ម លើកទឹកចិត្តនិងកៀងគរធុរជន និងវិនិយោគិនតួកគីមកបណ្តាក់ទុននៅកម្ពុជា ជាពិសេសក្នុងវិស័យកសិកម្ម កសិ-ឧស្សាហកម្ម និងការកែច្នៃម្ហូបតាមស្តង់ដាហាឡាល ដែលកម្ពុជាមានវត្ថុធាតុដើមសំបូរបែប រួមមាន៖ កៅស៊ូ ដំឡូងមី ស្រូវ-អង្ករ គ្រាប់ស្វាយចន្ទី ស្វាយ ចេក ជាដើម។ ជាកិច្ចឆ្លើយតប លោកជំទាវអគ្គរដ្ឋទូត បានសម្តែងនូវក្តីសោមនស្សរីករាយ ដែលទំនាក់ទំនង និងកិច្ចសហប្រតិបត្តិការទ្វេភាគី ជាពិសេសក្នុងវិស័យពាណិជ្ជកម្ម បានឈានដល់ចំណុចរបត់ថ្មីមួយពោពេញដោយថាមវ័ន្ត និងការសហការស្អិតរមួត។លោកជំទាវបន្តថា “ការណ៍នេះបានញ៉ាំងឱ្យតួកគី បញ្ជូនទីប្រឹក្សាពាណិជ្ជកម្មដំបូង និងបង្កើតការិយាល័យពាណិជ្ជកម្មប្រចាំកម្ពុជា ដែលនឹងចូលរួមចំណែកបន្ថែម ក្នុងកិច្ចសម្របសម្រួលការធ្វើធុរកិច្ច ពាណិជ្ជកម្ម និងវិនិយោគរវាងវិស័យឯកជន នៃប្រទេសទាំងពីរឱ្យកាន់តែមានប្រសិទ្ធភាពខ្ពស់។លោកស្រីZore ទីប្រឹក្សាពាណិជ្ជកម្មបានប្តេជ្ញាចិត្ត ក្នុងការបន្តជំរុញកំណើនទំហំពាណិជ្ជកម្ម ការផ្សារភ្ជាប់ទំនាក់ទំនង រវាងវិស័យឯកជននៃប្រទេសទាំងពីរ និងការចែករំលែកចំណេះដឹង តាមរយៈការផ្តល់វគ្គបណ្តុះបណ្តាលពាក់ព័ន្ធជាដើម។

បន្ថែមពីលើនេះ ភាគីទាំងពីរក៏បានអបអរ ចំពោះភាពជោគជ័យក្នុងការរៀបចំកិច្ចប្រជុំលើកទី៣ នៃគណៈកម្មការសេដ្ឋកិច្ចចម្រុះកម្ពុជា-តួកគី កាលពីថ្ងៃទី១០-១១ ខែមករា ឆ្នាំ២០២៣ នៅភ្នំពេញ និងបានឯកភាព ជំរុញការអនុវត្តសកម្មភាពការងារ ដូចបានព្រមព្រៀងគ្នា ក្នុងកំណត់ហេតុរួមនៃកិច្ចប្រជុំខាងលើ ព្រមទាំងកិច្ចព្រមព្រៀង និងអនុស្សរណៈ ដែលបានចុះហត្ថលេខារួមគ្នាកន្លងមក។

គិតត្រឹមត្រីមាសទី១ នៃឆ្នំា២០២៣ ទំហំពាណិជ្ជកម្មរវាងកម្ពុជា-តួកគីសម្រេចបានប្រមាណ៥២ លានដុល្លាអាមេរិក ជាមួយនឹងអត្រាកំណើនប្រមាណ៨០% បើធៀបនឹងរយៈពេលដូចគ្នា ក្នុងឆ្នាំ២០២២។ ទំនិញនាំចេញសក្តានុពលពីកម្ពុជាទៅតួកគី រួមមាន៖ សម្លៀកបំពាក់ កង់ ស្វាយ មៀន កៅស៊ូ ដំឡូងមី ពោត ម្រេច អង្ករ គីមីសរីរាង្គ និងថ្នាំជក់ជាដើម។ រីឯកម្ពុជានាំចូលទំនិញសក្តានុពលពីតួកគី រួមមាន៖ វាយនភ័ណ្ឌនិងសម្លៀកបំពាក់ គ្រឿងម៉ាស៊ីននិងបរិធានអគ្គិសនី យានយន្តនិងគ្រឿងបន្លាស់ និងវត្ថុផ្សេងៗធ្វើពីស្ពាន់ជាដើម៕

Marcos, Biden expand security, environment protection, trade ties; affirm commitment to international law

President Ferdinand R. Marcos Jr. and US President Joseph Biden on Monday affirmed a series of partnerships aimed at strengthening the alliance of Manila and Washington.

In a joint statement, Marcos and Biden hailed the “remarkable ties of friendship, community, and shared sacrifice that serve as the foundation of the U.S.-Philippines alliance.”

“In efforts to promote inclusive and broad-based prosperity, invest in the clean energy transition and the fight against climate change, uphold international peace and stability, and ensure respect for human rights and the rule of law, the United States and the Philippines will remain the closest of allies, working together to deliver a better future for our citizens and tackle the emerging challenges of the twenty-first century,” the joint statement read.Security cooperation, humanitarian aid

Marcos and Biden welcomed the identification of new sites under the US-Philippines Enhanced Defense Cooperation Agreement (EDCA).

In the joint statement, both leaders said this “will strengthen Philippine security and support the Armed Forces of the Philippines’ modernization goals, while driving US investment to local communities across the Philippines and improving our shared ability to rapidly deliver humanitarian assistance and disaster relief.”

Both leaders underscored their “unwavering commitment” to freedom of navigation and overflight in the South China Sea, as well as the importance of respecting the sovereign rights of states within their exclusive economic zones consistent with international law.

“The leaders support the right and ability of Filipino fisherfolk to pursue their traditional livelihoods. The leaders note the ruling of the 2016 arbitral tribunal, constituted pursuant to the United Nations Convention on the Law of the Sea (UNCLOS),” the statement added.

They also affirmed the importance of maintaining peace and stability across the Taiwan Strait, which they described as an “indispensable element of global security and prosperity.”

Source: pco.gov.ph

ក្រុងឌូបៃ គ្រោងសាងសង់ព្រះវិហារអ៊ិស្លាមព្រីន3D ដំបូងបង្អស់ នៅលើពិភពលោក

ដោយៈ សុខុម

ឌូបៃ: ក្នុងប៉ុន្មានឆ្នាំចុងក្រោយនេះ បច្ចេកវិទ្យាព្រីន 3D ត្រូវបានប្រើដើម្បីសាងសង់អ្វីៗគ្រប់យ៉ាង រាប់ចាប់ពីផ្ទះរហូតដល់ក្រុមហ៊ុន និងសូម្បីតែស្ពាន។
ពេលនេះ ក្រុងឌូបៃ នៃប្រទេសអារ៉ាប់រួមអេមីរ៉ាត គ្រោងសាងសង់ព្រះវិហារអ៊ិស្លាម ព្រីន3D ដំបូងបង្អស់របស់ពិភពលោក។លោក Ali Mohammad Alhalyan Alsuwaidi ប្រធានផ្នែកវិស្វកម្មនៅមន្ទីរកិច្ចការអ៊ិស្លាម និងសកម្មភាពសប្បុរសធម៌ (IACAD) នៃក្រុងឌូបៃ បានឱ្យដឹងថា ព្រះវិហារអ៊ិស្លាម ព្រីន3D កម្ពស់២ជាន់ដែលមានផ្ទៃ២.០០០ម៉ែត្រការ៉េនេះ នឹងអាចផ្ទុកអ្នកគោរពបូជា បានចំនួន៦០០នាក់។យោងតាមសារព័ត៌មាន CNN ចុះផ្សាយកាលពីថ្ងៃពុធ ទី៣ ខែឧសភា ឱ្យដឹងថា ព្រះវិហារនេះនឹងត្រូវសាងសង់ឡើង ពីបេតុងលាយ ដោយការសាងសង់គ្រោង នឹងចាប់ផ្តើមនៅចុងឆ្នាំ២០២៣ ហើយរំពឹងថានឹងបញ្ចប់ជាស្ថាពរនៅត្រីមាសទី១ ដើមឆ្នាំ២០២៥។ការសាងសង់អាគារ ដោយប្រើបច្ចេកវិទ្យាព្រីន 3D ត្រូវការម៉ាស៊ីនព្រីនធំៗដែលត្រូវបានបញ្ចូលកម្មវិធី ជាមួយនឹងព័ត៌មានឌីហ្សាញ។ ម៉ាស៊ីនព្រីនទាំងនោះ ច្របាច់បេតុងលាយចេញ តាមក្បាលទុយោ ហើយបេតុងលាយ នឹងបាញ់គរលើគ្នាជាស្រទាប់ៗ ដើម្បីឱ្យចេញជារូបរាងអគារ។

អគារព្រីន 3D ភាគច្រើនត្រូវបានសាងសង់ពីបេតុង ប៉ុន្តែក៏អាចព្រីនដោយប្រើសម្ភារៈផ្សេងទៀត ដូចជាដីឥដ្ឋជាដើមបានផងដែរ។ក្រុងឌូបៃ បានកំណត់គោលដៅក្លាយជារដ្ឋធានីព្រីន 3D របស់ពិភពលោក ហើយក្នុងឆ្នាំ២០១៨ ក្រុងឌូបៃ បានដាក់ចេញ “យុទ្ធសាស្រ្តព្រីន 3D” ដែល២៥%នៃសំណង់ថ្មីៗក្នុងក្រុងឌូបៃ គ្រោងសាងសង់ដោយព្រីន 3D នៅត្រឹមឆ្នាំ២០៣០៕ CNN៕
សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

អភិបាលរងខេត្តកោះកុងចូលរួមទស្សនកិច្ចនៅប្រទេសចិន ដើម្បីទាក់ទាញការវិនិយោគ

ដោយៈ អូហ្វីណា

ភ្នំពេញៈ លោកបណ្ឌិត អ៊ុក ភ័ក្ត្រាអភិបាលរង នៃគណៈអភិបាលខេត្តកោះកុង បានដឹកនាំប្រតិភូខេត្តកោះកុង អញ្ជើញចូលរួមទស្សនកិច្ចសិក្សា និងទំនាក់ទំនងកិច្ចសហប្រតិបត្តិការ លើវិស័យវិនិយោគ នៅទីក្រុងសាន់យ៉ា និងទីក្រុងហៃខូវខេត្តហៃណាំ នៃសាធារណរដ្ឋប្រជាមានិតចិន។ទស្សនកិច្ចនៅទីក្រុងសាន់យ៉ា និងទីក្រុងហៃខូវ ខេត្តហៃណាំ មានរយៈពេល៣ថ្ងៃ ចាប់ពីថ្ងៃទី២-៤ ខែឧសភា ឆ្នាំ២០២៣ ដោយបានជួបសំដែងការគួរសម ជាមួយអគ្គកុងស៊ុលប្រចាំក្រុងហៃខូវ នៃខេត្តហៃណាំ ប្រទេសចិន និងបានជួបអ្នកវិនិយោគចិន ខេត្តហៃណាំ មួយចំនួនផងដែរ។

តាមរយៈទស្សនកិច្ចសិក្សា និងទំនាក់ទំនងកិច្ចសហប្រតិបត្តិការនេះ លោកបណ្ឌិត អ៊ុក ភ័ក្ត្រា ប្រធានប្រតិភូខេត្តមានប្រសាសន៍ថាខេត្តហៃណាំ នៃប្រទេសចិន ជាខេត្តមានសក្តានុពលលើវិស័យកសិកម្ម និងជាខេត្តតំបន់សមុទ្រ មានអាកាសធាតុស្រដៀងគ្នា និងខេត្តកោះកុង នៃព្រះរាជាណាចក្រកម្ពុជា។

គោលបំណងនៃប្រតិភូខេត្ត អញ្ជើញមកទស្សនកិច្ច នាឱកាសនេះ គឺដើម្បីបង្ហាញសក្តានុពលខេត្ត និងជំរុញការងារវិនិយោគ ពីអ្នកវិនិយោគទុនចិន ខេត្តហៃណាំ ចូលមកវិនិយោគក្នុងខេត្តកោះកុង និងកសាងទំនាក់ទំនងកិច្ចសហប្រតិបត្តិការផ្សេងៗទៀត។ តាមរយៈការអញ្ជើញមក ស្ថានអគ្គកុងស៊ុលប្រចាំក្រុងហៃខូវ លោកអគ្គកុងស៊ុលកម្ពុជា ក៏បានស្នើរដ្ឋបាលខេត្តកោះកុង រៀបចំឯកសារស្នើសូម ដើម្បីចងសម្ព័ន្ធមេត្រីភាព រវាងខេត្តកោះកុង នៃប្រទេសកម្ពុជា និងខេត្តហៃណាំ នៃសាធារណៈរដ្ឋប្រជាមានិតចិន នាពេលឆាប់ៗខាងមុខនេះ៕

ក្រុមហ៊ុនRoyal Railway យល់ព្រមឱ្យក្រុមហ៊ុនចំនួន៣អភិវឌ្ឍថាមពលកកើតឡើងវិញលើដីតាមបណ្តោយផ្លូវរថភ្លើង

ដោយ: គង់ លាងហួរ

ភ្នំពេញ: ក្រុមហ៊ុន Royal Railway Cambodia PLC ដែលបុត្រសម្ព័ន្ធរបស់ក្រុមហ៊ុន Royal Group បានអនុញ្ញាតឱ្យក្រុមហ៊ុនចំនួន៣ ប្រើប្រាស់ដីតាមបណ្តោយផ្លូវរថភ្លើង ដើម្បីអភិវឌ្ឍគម្រោងថាមពលកកើតឡើងវិញ និងសកម្មភាពសេដ្ឋកិច្ចផ្សេងៗទៀត។

ក្រុមហ៊ុន Royal Group បានចុះអនុស្សរណៈយោគយល់គ្នា (MoU) កាលពីថ្ងៃទី២៨ ខែមេសាកន្លងទៅ ជាមួយនឹងក្រុមហ៊ុន Samaiden Energy (Cambodia)Co., Ltd ក្រុមហ៊ុន Management Venture Asia (Cambodia) Ltd. និងក្រុមហ៊ុន Panna Energy Sdn. Bhd។នៅក្រោមអនុស្សរណៈនៃយោគយល់គ្នានេះ ក្រុមហ៊ុនទាំង៣ នឹងសិក្សាជាបឋម អំពីលទ្ធភាពនៃការអភិវឌ្ឍដី ដែលមិនទាន់ប្រើប្រាស់តាមបណ្ដោយផ្លូវរថភ្លើង ពីក្រុងប៉ោយប៉ែត ទៅកាន់ខេត្តព្រះសីហនុ សម្រាប់ការដំឡើងសូឡាខ្នាតតូច ឧបករណ៍ប្រើប្រាស់ ហេដ្ឋារចនាសម្ព័ន្ធសម្រាប់ជួល និងសកម្មភាពសេដ្ឋកិច្ច ប្រកបដោយនិរន្តរភាពផ្សេងៗទៀត។ក្រុមហ៊ុន Royal Group លើកឡើងថា គម្រោងនេះមានសក្តានុពលខ្លាំង លើវិស័យថាមពលកកើតឡើងវិញ និងកសិកម្ម ដែលវាជាឱកាសដ៏ល្អ ក្នុងការប្រើប្រាស់ដីនោះ សម្រាប់គម្រោងអភិវឌ្ឍន៍ដូចជាថាមពលកកើតឡើងវិញ និងកសិកម្ម។
ទន្ទឹមនឹងនេះ ក្រុមហ៊ុន Samaiden Energy លើកឡើងដែរថា តាមរយៈការចុះ MoU នេះ ក្រុមហ៊ុន ជឿជាក់ថា វានឹងអាចជួយត្រួសត្រាយផ្លូវ សម្រាប់កិច្ចសហការដ៏មានសក្តានុពល នាពេលអនាគត ដែលចុងក្រោយ នឹងជំរុញការអភិវឌ្ឍន៍ថាមពលបៃតងនៅកម្ពុជា។

បច្ចុប្បន្ននេះ កម្ពុជាមានរថភ្លើងចំនួន២ខ្សែ ដោយខ្សែរថភ្លើងភាគខាងជើង មានប្រវែង៣៨៦គីឡូម៉ែត្រ ចេញពីភ្នំពេញទៅក្រុងប៉ោយប៉ែត ដែលត្រូវបានសាងសង់ឡើង ចន្លោះពីឆ្នាំ១៩២៩ដល់ឆ្នាំ១៩៤២ ចំណែកផ្លូវរថភ្លើងភាគខាងត្បូង នឹងសាងសង់ពីឆ្នាំ១៩៦០-១៩៦៩ និងមានប្រវែង២៦៤គីឡូម៉ែត្រ៕

រដ្ឋាភិបាលអូស្រ្តាលីជួយដល់ការពង្រឹងទាក់ទងនឹងគុណភាពហេដ្ឋារចនាសម្ព័ន្ឋផ្លូវថ្នល់

ដោយៈ គង់ សូរិយា

ភ្នំពេញៈ រដ្ឋលេខាធិការក្រសួងសាធារណៈការ និងដឹកជញ្ជូន លោកយិត បុណ្ណាបានដឹកនាំកិច្ចប្រជុំដើម្បីពិនិត្យ និងពិភាក្សាលើធាតុចូលនៃពង្រាងបទដ្ឋាន បច្ចេកទេសសម្រាប់ប្រើប្រាស់ ក្នុងវិស័យហេដ្ឋារចនាសម្ព័ន្ធផ្លូវថ្នល់ ដែលរៀបចំដោយក្រុមការងារបច្ចេកទេស P4I & Austroads។
គំរោងនេះស្ថិតក្រោមជំនួយឥតសំណង ពីរដ្ឋាភិបាលនៃប្រទេសអូស្រ្ដាលី។កិច្ចប្រជុំនេះត្រូវបានរៀបចំឡើង ក្នុងគោលបំណងដើម្បីទទួលបានមតិយោបល់ ក៏ដូចជាធាតុចូលទាក់ទង នឹងបទដ្ឋានបច្ចេកទេសតាមផ្នែកនីមួយៗឱ្យបានលម្អិត និងគ្រប់ជ្រុងជ្រោយ ធ្វើយ៉ាងណាកែសម្រួល និងរៀបចំបទដ្ឋានបច្ចេកទេស ឱ្យកាន់តែមានគុណភាព ប្រសិទ្ធភាព និងសមស្របតាមតម្រូវការស្ថានភាពបច្ចុប្បន្ន។ អង្គប្រជុំបានជជែកពិភាក្សាលម្អិត លើផ្នែកបច្ចេកទេសនីមួយៗ ដោយមានការកែសម្រួល និងបំពេញបន្ថែមនូវតម្រូវការចាំបាច់មួយចំនួន ដើម្បីធ្វើឱ្យប្រសើរឡើងនូវស្ដង់ដារបច្ចេកទេស និងសមស្របតាមស្ថានភាពបច្ចុប្បន្ន សម្រាប់ប្រើប្រាស់នៅកម្ពុជា។លោករដ្ឋលេខាធិការយិន បុណ្ណា បានថ្លែងអំណរគុណដល់ការខិតខំប្រឹងប្រែងរបស់ក្រុមការងារ និងមន្រ្តីបច្ចេកទេសទាំងអស់ ដែលបានសហការយ៉ាងជិតស្និទ្ធ ជាមួយក្រុមការងារបច្ចេកទេស P4I & Austroads នៃប្រទេសអូស្រ្ដាលី សំដៅសម្រេចបាននូវការរៀបចំបទដ្ឋានបច្ចេកទេស សម្រាប់ប្រើប្រាស់ក្នុងវិស័យហេដ្ឋារចនាសម្ព័ន្ធផ្លូវថ្នល់ ឱ្យបានជោគជ័យ និងប្រកបដោយគុណភាព៕

សូមទំនាក់ទំនងផ្សព្វផ្សាយពាណិជ្ជកម្មរបស់លោកអ្នកតាមរយៈទូរស័ព្ទលេខ៖ 086485566 សូមអរគុណ!

1...946947948...3,257 Page 947 of 3,257