តើនៅទូទាំងពិភពលោកមានសេដ្ឋីសរុបប៉ុន្មាននាក់ និងមានសេដ្ឋីប៉ុន្មាននាក់ជ្រុះពីបញ្ជីឈ្មោះសេដ្ឋីក្នុងឆ្នាំ២០២២?

តែម សុខុម

ញូវយ៉ក: សេដ្ឋី ឬជាភាសាអង់គ្លេស ថា Millionaire សំដៅដល់អ្នកដែលមានទ្រព្យសម្បត្តិខ្ទង់លានដុល្លារ ឡើងទៅ។ ហើយអ្នកដឹងទេថា តើនៅទូទាំងពិភពលោកមានសេដ្ឋីសរុបប៉ុន្មាននាក់ក្នុងឆ្នាំ២០២៣ និងមានសេដ្ឋីប៉ុន្មាននាក់ដែលបានជ្រុះបាត់ពីបញ្ជីឈ្មោះសេដ្ឋីក្នុងឆ្នាំ២០២២?

កាលពីឆ្នាំមុន ខណៈអត្រាការប្រាក់ធនាគារបានកើនឡើងជាបន្តបន្ទាប់ ហើយអតិផរណាក៏បានហក់ឡើងខ្ពស់ខ្លាំង ទ្រព្យសម្បត្តិគ្រួសារ (Household Wealth) សរុបទូទាំងពិភពលោកដ៏បានធ្លាក់ចុះជាលើកដំបូងមិនធ្លាប់មានចាប់តាំងពីវិបត្តិហិរញ្ញវត្ថុពិភពលោកក្នុងឆ្នាំ២០០៨។ នេះបើយោងតាមសារព័ត៌មាន CNN ចុះផ្សាយកាលពីថ្ងៃពុធ ទី១៦ ខែសីហា។

យោងតាមរបាយការណ៍ទ្រព្យសម្បត្តិទូទាំងពិភពលោកប្រចាំឆ្នាំរបស់ធនាគារស្វីស ចំនួនពីរគឺធនាគារ Credit Suisse និងធនាគារ UBS បានបង្ហាញថា ទ្រព្យសម្បត្តិឯកជនសរុបទាំងអស់ក្នុងពិភពលោកបានធ្លាក់ចុះ២,៤%មកនៅត្រឹម៤៥៤,៤ទ្រីលានដុល្លារ។ មួយចំនួនធំនៃការធ្លាក់ចុះទ្រព្យសម្បត្តិទាំងនោះគឺដោយសារការខាតបង់ក្នុងផ្សារហ៊ុន និងផ្សារមូលបត្រដែលបានធ្វើឱ្យក្រុមអ្នកមានបាត់បង់ទ្រព្យសម្បត្តិយ៉ាងច្រើន។

ដោយសារតែស្ថានភាពនេះ សេដ្ឋីប្រមាណ៣,៥លាននាក់ទូទាំងពិភពលោកបានជ្រុះបាត់ពីបញ្ជីឈ្មោះសេដ្ឋីបើធៀបនឹងឆ្នាំ២០២១ ដែលមានសេដ្ឋីសរុបប្រមាណ៦០លាននាក់។

ប្រទេសមួយចំនួនបានបាត់បង់សេដ្ឋីច្រើនជាងគេ ដោយគ្រាន់តែសហរដ្ឋអាមេរិក មួយបានបាត់បង់សេដ្ឋីរហូតដល់ទៅ១,៨លាននាក់ទៅហើយ ខណៈលេខ២ គឺប្រទេសចិន ដែលបានបាត់បងសេដ្ឋីចំនួនត្រឹមតែ៣៣.០០០នាក់ប៉ុណ្ណោះ៕ CNN៕

Coca-Cola franchisee posts $236M revenue in Vietnam

Swire Coca-Cola, a franchisee of the Coca-Cola Company, recorded a revenue of US$236.32 million in the first six months in Vietnam.

Its pre-tax profit was around $33.21 million in the period.

Swire Coca-Cola is a partner of the Coca-Cola Company with a franchise to manufacture, market and distribute products of the Coca-Cola Company in China, Cambodia, Vietnam and the western U.S.

Among its top markets in the first half, Vietnam ranked third in revenues behind the U.S. and mainland China.

Swire Coca-Cola entered the Southeast Asia market in July last year by purchasing the manufacturing line of Coca-Cola in Vietnam and Cambodia for over $1 billion.

Leaders of Swire Coca-Cola considered the Vietnam purchase successful as it had made considerable contributions to the company, while its unit in Cambodia is posting a loss.

Coca-Cola entered Vietnam in 1994, producing its beverage in three factories.

Source: VNexpress

Oman unveils plans for 100,000-person ‘smart’ city

Oman has unveiled ambitious plans for a new 100,000-person “smart” city outside its capital, Muscat.

Set across 14.8 square kilometers (5.7 square miles), Sultan Haitham City will be roughly equivalent in size to Beverly Hills — but with almost three times as many residents.

The plan, which was shared exclusively with CNN by the US architecture firm Skidmore, Owings & Merrill (SOM), includes 20,000 homes, as well as a university, schools, health facilities and mosques. It is due to be built on a largely undeveloped site in Al-Seeb, several kilometers west of Muscat.

Work on the project is set to begin next year and will be completed in four stages. The first phase, which runs until 2030, will develop the 5-square-kilometer (1.9-square-mile) city center and six of the development’s 19 planned neighborhoods. The final phase is not scheduled to be completed until 2045.

In a press release, SOM said that the project will offer “vibrant public space, high-quality and affordable housing and smart urban

mobility.”

‘Biophilic’ skyscraper bursting with 80,000 plants opens in Singapore

While there is no universally accepted definition of a “smart city,” the term usually describes the use of sensors, cameras, and internet-enabled devices — the so-called “internet of things” — to gather and use data from the built environment.

While critics have raised privacy concerns, many urban planners believe big data can help cities deliver more effective and efficient public services, from traffic management to environmental monitoring.

Source: CNN

ក្រុមហ៊ុន Swire Coca-Cola ខាតបង់នៅកម្ពុជា ប៉ុន្តែទទួលបានផលចំណេញនៅប្រទេសវៀតណាម

ដោយ: គង់ លាងហួរ

អន្តរជាតិ: ក្រុមហ៊ុន Swire Coca-Cola ដែលជាអាជីវកម្មទិញ/លក់សិទិ្ធបន្ត ឬFranchisee របស់ក្រុមហ៊ុន កូកា-កូឡា រកបានប្រាក់ចំណូល២៣៦,៣២លានដុល្លារអាមេរិក ក្នុងរយៈពេល៦ខែដំបូងនៅក្នុងប្រទេសវៀតណាម។

ចំនួនប្រាក់ចំណេញមុនកាត់ពន្ធរបស់ក្រុមហ៊ុនមានប្រហែល៣៣,២១លានដុល្លារអាមេរិកក្នុងរយៈពេល៦ខែដំបូងដើមឆ្នាំនេះ។

Swire Coca-Cola គឺជាដៃគូរបស់ក្រុមហ៊ុន Coca-Cola ជាមួយនឹងសិទ្ធិផ្តាច់មុខក្នុងការផលិត ទីផ្សារ និងចែកចាយផលិតផលរបស់ក្រុមហ៊ុន Coca-Cola នៅក្នុងប្រទេសចិន កម្ពុជា វៀតណាម និងភាគខាងលិចសហរដ្ឋអាមេរិក។

ក្នុងចំណោមទីផ្សារកំពូលរបស់ខ្លួនក្នុងឆមាសទីមួយ វៀតណាមបានជាប់ចំណាត់ថ្នាក់លេខ៣ បើគិតពីចំណូល ដោយស្ថិតនៅពីក្រោយសហរដ្ឋអាមេរិក និងចិនដីគោក។

Swire Coca-Cola បានឈានជើងចូលទីផ្សារនៅតំបន់អាស៊ីអាគ្នេយ៍កាលពីខែកក្កដា ឆ្នាំ២០២២ តាមរយៈការទិញខ្សែសង្វាក់ផលិតកម្ម Coca-Cola នៅប្រទេសវៀតណាម និងកម្ពុជាក្នុងតម្លៃជាង១ពាន់លានដុល្លារ។

ក្រុមថ្នាក់ដឹកនាំក្រុមហ៊ុន Swire Coca-Cola បានចាត់ទុកថា ការទិញខ្សែសង្វាក់ផលិតកម្មនៅប្រទេសវៀតណាម ជាភាពជោគជ័យ ដោយសារវាបានរួមចំណែកយ៉ាងច្រើនដល់ក្រុមហ៊ុននេះ ខណៈអង្គភាពរបស់ខ្លួននៅកម្ពុជាកំពុងប្រកាសការខាតបង់៕

រដ្ឋបាលលោក Joko Widodo គ្រោងវិភាជន៍ថវិកាចុងក្រោយចំនួន២,៦ពាន់លានដុល្លារបន្ថែម សម្រាប់គម្រោងសាងសង់រដ្ឋធានីថ្មី

ដោយ: គង់ លាងហួរ

អន្តរជាតិ: រដ្ឋាភិបាលឥណ្ឌូនេសុីគ្រោងវិភាជន៍ថវិកាចំនួន៤០,៦ពាន់ពាន់លានរូពៀ (២,៦ពាន់លានដុល្លារ) ចេញពីកញ្ចប់ថវិកាជាតិ ដែលបានស្នើសម្រាប់ឆ្នាំ២០២៤ ដើម្បីសាងសង់គម្រោងរដ្ឋធានីថ្មី Nusantara។

ថវិកាយ៉ាងហោចណាស់៣៥ពាន់ពាន់លានរូពៀ ឬស្មើនឹង៨៦,២% នៃថវិកាសរុប ត្រូវបានផ្តល់ជូនក្រសួងសាធារណការ និងលំនៅដ្ឋាន ដើម្បីអភិវឌ្ឍហេដ្ឋារចនាសម្ព័ន្ធសំខាន់ៗ រួមទាំងអាកាសយានដ្ឋាន VVIP ផងដែរ។

ចំណែក ថវិកាដែលនៅសេសសល់ត្រូវបានចាត់ចែងសម្រាប់ក្រសួងពាក់ព័ន្ធផ្សេងទៀត ដើម្បីអភិវឌ្ឍសម្ភារៈបរិក្ខារចាំបាច់នៅក្នុងរដ្ឋធានីថ្មី រួមទាំងមន្ទីរពេទ្យផងដែរ។

លោកស្រី Sri Mulyani Indrawati រដ្ឋមន្ត្រីក្រសួងហិរញ្ញវត្ថុឥណ្ឌូនេសុី បានប្រាប់អ្នកសារព័ត៌មានកាលពីថ្ងៃពុធថា មូលនិធិនេះមានគោលបំណងអភិវឌ្ឍហេដ្ឋារចនាសម្ព័ន្ធសំខាន់ៗសម្រាប់អគាររដ្ឋបាលរបស់ប្រទេស ក៏ដូចជាលំនៅដ្ឋានសម្រាប់មន្ត្រីរាជការដែលតម្រូវឱ្យផ្លាស់ប្តូរទីលំនៅពីទីក្រុងហ្សាកាតាទៅកាន់រដ្ឋធានីថ្មី។

ទន្ទឹមគ្នានេះ អាណត្តិទីពីរ និងជាអាណត្តិចុងក្រោយរបស់លោកប្រធានាធិបតី Joko Widodo នឹងត្រូវបញ្ចប់នៅខែតុលា ឆ្នាំ២០២៤ខាងមុខ ដែលមានន័យថា នេះគឺជាឆ្នាំចុងក្រោយហើយ ដែលលោកអាចចាត់ចែងធនធានដើម្បីតម្រង់ឆ្ពោះទៅការកសាងរដ្ឋធានីថ្មី៕

ដំណឹងល្អៈ ក្រសួងចំនួន២រកឃើញតំបន់ការពារធម្មជាតិចំនួន២៧កន្លែងនៅកម្ពុជា

ដោយៈ គង់ សូរិយា

ភ្នំពេញៈ ក្រសួងបរិស្ថាន និងក្រសួងវប្បធម៌ និងវិចិត្រសិល្បៈ បានរកឃើញ តំបន់ការពារធម្មជាតិចំនួន២៧កន្លែង ដែលមានទីតាំងបេតិកភណ្ឌវប្បធម៌ នៃតំបន់ការពារធម្មជាតិទាំង៧៣កន្លែង។

ព័ត៌មាននេះ ជាការផ្សព្វផ្សាយនៅក្នុងពិធី “ផ្សព្វផ្សាយផែនទីកំណត់ទីតាំងបេតិកភណ្ឌវប្បធម៌ ដែលស្ថិតក្នុងតំបន់ការពារធម្មជាតិ”ក្រោមអធិបតីភាព លោកជំទាវបណ្ឌិតសភាចារ្យ ភឿង សក្ខណា រដ្ឋមន្រ្តីក្រសួងវប្បធម៌ និងសិល្បៈ និងលោកសាយ សំអាល់ រដ្ឋមន្រ្តីក្រសួង បរិស្ថាន នៅព្រឹកថ្ងៃទី១៧ ខែសីហា ឆ្នាំ២០២៣។

ថ្លែងទៅកាន់អង្គពិធី លោកជំទាវបណ្ឌិតសភាចារ្យ ភឿង សក្ខណា រដ្ឋមន្រ្តីក្រសួងវប្បធម៌ និងសិល្បៈ បានមានប្រសាសន៍ថ្លែងអំណរគុណ និងកោតសរសើរចំពោះកិច្ចខិតខំប្រឹងប្រែង របស់ក្រុមការងារក្រសួងទាំង២ ក្នុងគោលបំណង ចូលរួមថែរក្សា ការពារ និងអភិរក្សតំបន់បេតិកភណ្ឌវប្បធម៌ ដែលមានទីតាំងស្ថិតក្នុងតំបន់ការពារធម្មជាតិ និងជាតឹកតាងប្រវត្តិសាស្រ្ត អរិយធម៌ វប្បធម៌ ប្រពៃណីទំនៀមទំលាប់សាសនា និងព្រលឹងដូនតាបុព្វបុរសខ្មែរ តាំងពីសម័យបុរេប្រវត្តិមកម្ល៉េះ ។

លោក សេង សោត អគ្គនាយករងនៃអគ្គនាយកដ្ឋានតំបន់ការពារធម្មជាតិ និងជាតំណាងអោយក្រុមការងារ បានបង្ហាញថា សមិទ្ធិផលដ៏ត្រចះត្រចង់ និងមានសារប្រយោជន៍ដល់សង្គមជាតិ ដល់ការថែររក្សាការពារ និងអភិរក្សធនធានធម្មជាតិ និងមរតកវប្បធម៌ឱ្យបានគង់វង្ស អាចលេចចេញជារូបរាងបាននាពេលនេះ ក៏ដោយសារតែគំនិត ផ្តួចផ្តើមប្រកបដោយចក្ខុវិស័យវែងឆ្ងាយ និងការណែនាំរបស់ លោករដ្ឋមន្ត្រីសាយ សំអាល់ និងមានកិច្ចសហការល្អពីក្រុមការងារនៃក្រសួងវប្បធម៌ និងវិចិត្រសិល្បៈ ដែលបានធ្វើការយ៉ាងជិតស្និតជាមួយគ្នា ប្រកបដោយស្មារតីទទួលខុសត្រូវ និងតម្កល់ផលប្រយោជន៍ជាតិជាធំ។

ជាលទ្ធផល នៅក្នុងចំណោមតំបន់ ការពារធម្មជាតិទាំង៧៣កន្លែងក្រុមការងារបានរកឃើញតំបន់ ការពារធម្មជាតិចំនួន២៧កន្លែង ដែលមានទីតាំងបេតិកភណ្ឌវប្បធម៌ ដោយមិនរាប់បញ្ចូលតំបន់ការពារទេសភាពអង្គរ តំបន់ការពារទេសភាពព្រះវិហារ និងតំបន់ការពារទេសភាពសម្បូរព្រៃគុក ដែលមានព្រះរាជក្រឹត្យនិងមានអង្គភាពគ្រប់គ្រងដោយឡែករួចទៅហើយ។

សំខាន់ជាងនេះទៅទៀត ក្រុមការងារបានរកឃើញទីតាំងបេតិកភណ្ឌវប្បធម៌ នៅតាមតំបន់ការពារធម្មជាតិមួយចំនួន ដូចបានគោរពជម្រាបជូនខាងលើមានចំនួនកើនឡើង បើប្រៀបធៀបជាមួយទិន្នន័យដែលបានស្រាវជ្រាវ និងធ្វើការផ្សព្វផ្សាយកន្លងមក ដោយសាលាបារាំងចុងបូព៌ា (EcoleFrancaise Extreme- Orient)។

ជាក់ស្តែងក្រុមការងារបានរកឃើញ ទីតាំងបេតិកភណ្ឌវប្បធម៌ ដែលមានក្នុងឧទ្យានជាតិ ព្រះជ័យវរ្ម័ន-នរោត្តម “ភ្នំគូលែន” មានចំនួនរហូតដល់ទៅ១០៦៩កន្លែង។

នៅអាណត្តិទីមួយ នៃព្រះរាជាណាចក្រកម្ពុជាទី២ រាជរដ្ឋាភិបាល បានបង្កើតតំបន់ការពារធម្មជាតិចំនួន២៣កន្លែង តាមព្រះរាជក្រឹត្យចុះថ្ងៃទី១ ខែវិច្ឆិកា ឆ្នាំ១៩៩៣។ ប៉ុន្តែនេះមិនមែនមានន័យថា ព្រះរាជាណាចក្រកម្ពុជា ទើបចាប់ផ្តើមបង្កើតតំបន់ការពារធម្មជាតិនោះទេ។ ជាអាទិ តំបន់អង្គរ ធ្លាប់មានងារជាឧទ្យានជាតិតាំងពីឆ្នាំ១៩២៥មកម៉្លេះ ដែលជាតំបន់ការពារធម្មជាតិទី១នៅកម្ពុជា ហើយក៏ជាតំបន់ការពារធម្មជាតិទី១នៅអាស៊ីអគ្នេយ៍៕

ក្រុមហ៊ុនអភិវឌ្ឍន៍លំនៅឋានវៀតណាមផ្ដល់ការបង់រំលស់គ្មានការប្រាក់ជិត១០ឆ្នាំដើម្បីទាក់ទាញអ្នកទិញ

ដោយៈ តែម សុខុម

ហាណូយ: ដើម្បីជំរុញតម្រូវការឱ្យកើនឡើង ក្រុមហ៊ុនអភិវឌ្ឍន៍លំនៅឋានមួយចំនួន ក្នុងប្រទេសវៀតណាម កំពុងផ្តល់ប្រូម៉ូសិនមហាពិសេសជាមួយការបង់រំលស់ គ្មានការប្រាក់រហូតដល់៨ឆ្នាំ ដើម្បីទាក់ទាញអ្នកទិញផ្ទះ ជំនួសឱ្យការរំលស់គ្មានការប្រាក់ជាធម្មតាពី១ទៅ២ឆ្នាំ។

តួយ៉ាង ក្រុមហ៊ុនអភិវឌ្ឍន៍មួយ កំពុងលក់អាផាតម៉ិននៅភាគខាងកើតទីក្រុងហាណូយ ជាមួយនឹងលក្ខខណ្ឌឱ្យអ្នកទិញបង់រំលស់ដោយគ្មានការប្រាក់ ចាប់ពីពេលនេះរហូតដល់ខែសីហា ឆ្នាំ២០៣១។ នេះបើយោងតាមសារព័ត៌មាន VN Express ចុះផ្សាយកាលពីថ្ងៃព្រហស្បតិ៍ ទី១៧ ខែសីហា។

ជាធម្មតាប្រាក់កម្ចីទិញផ្ទះ គ្របដណ្ដប់ចន្លោះពី៤៥% ទៅ៧០% នៃតម្លៃសរុបរបស់អាផាតម៉ិន ដោយអាស្រ័យលើទំហំផ្ទះ និងពេលវេលាប្រគល់ផ្ទះ។

ក្រុមហ៊ុនអភិវឌ្ឍន៍នេះ ក៏បានសន្យាជាមួយអ្នកទិញដែរថា អាផាតម៉ិន ដែលពួកគេទិញនឹងអាចដាក់ជួលបាន ក្នុងអត្រា១២,៥%ក្នុងមួយឆ្នាំៗ។

ក្រុមហ៊ុនអភិវឌ្ឍន៍មួយទៀត នៅក្រុងហូជីមិញបាននិយាយថា អ្នកទិញអាចចូលស្នាក់នៅ ឬជួលអាផាតម៉ិនរបស់ពួកគេបាន បន្ទាប់ពីបង់ប្រាក់មុនត្រឹមតែ៣០% ហើយនៅសល់ប៉ុន្មានបង់រំលស់ក្នុងរយៈពេល១៨ខែ។

គម្រោងអាផាតម៉ិនមួយនៅទីក្រុងធូ ដាវ ម៉ូត (Thu Dau Mot) ក្នុងខេត្តប៊ិញ ឌួង (Binh Duong) កំពុងផ្តល់ប្រូម៉ូសិនស្រដៀងគ្នា ប្រសិនបើអ្នកទិញបង់ប្រាក់ដំបូង២០%នៃតម្លៃផ្ទះ។

នៅក្នុងរបាយការណ៍ថ្មីបំផុតរបស់ខ្លួន សមាគមភ្នាក់ងារអចលនវត្ថុវៀតណាម និយាយថា គម្រោងអាផាតម៉ិនមួយចំនួនរបស់បណ្ដាក្រុមហ៊ុនអភិវឌ្ឍន៍ល្បីឈ្មោះ បានផ្ដល់ប្រូម៉ូសិនដ៏ទាក់ទាញផ្សេងៗគ្នាដែលបានជួយជំរុញឱ្យការកក់ផ្ទះ ពីសំណាក់អតិថិជនកើនឡើង។

ទោះជាយ៉ាងណា ក្រសួងសំណង់របស់វៀតណាម និយាយថា ចំនួនអាផាតម៉ិន និងលំនៅឋាន ដែលបានលក់ក្នុងត្រីមាសទី២ ដើមឆ្នាំ២០២៣ បានធ្លាក់ចុះ៥០%ធៀបនឹងឆ្នាំ និង២៥%ធៀបនឹងត្រីមាស។

ក្រុមហ៊ុនប្រឹក្សាអចលនទ្រព្យ Colliers Vietnam លើកឡើងថា តម្លៃលំនៅឋានក្នុងប្រទេសវៀតណាម នៅតែខ្ពស់ខ្លាំងពេកដែលពលរដ្ឋវៀតណាម ជាច្រើនគ្មានលទ្ធភាពទិញ។

ក្រុមហ៊ុនប្រឹក្សាយោបល់ និងអ្នកជំនាញជាច្រើនជឿថា ទីផ្សារអចលនទ្រព្យវៀតណាម នឹងមិនងើបឡើងវិញក្នុងឆមាសទី២ ចុងឆ្នាំនេះឡើយ៕ VN Express៕

អគារកប់ពពកខ្ពស់បំផុតបំផុតទី៣នៅប្រទេសកូរ៉េខាងត្បូងបាន បើកការដ្ឋានសាងសង់ហើយ

ដោយ: គង់ លាងហួរ

អន្តរជាតិ: គម្រោងសំណង់អគារខ្ពស់កប់ពពក Busan Lotte Tower ដែលត្រូវបានពន្យារពេលអស់ជាយូរមកហើយនោះ បានចាប់ផ្តើមពិធីបើកការដ្ឋានសាងសង់ នៅទីក្រុងBusan កាលពីថ្ងៃព្រហស្បតិ៍ម្សិលមិញនេះ។

Lotte Shopping ដែលជាសាខាលក់រាយរបស់ក្រុមហ៊ុន Lotte Group បានរៀបចំពិធីបើកការដ្ឋានសាងសង់អគារនេះ ដែលមានកំពស់៦៧ជាន់ ស្មើនឹង៣៤២,៥ម៉ែត្រ ដែលនឹងត្រូវសាងសង់នៅលើទីតាំងអតីតសាលាក្រុង Busan នៅឆ្នាំ២០២៦។

Busan Lotte Tower នឹងក្លាយទៅជាអគារខ្ពស់ជាងគេបំផុតទី៣របស់ប្រទេសកូរ៉េខាងត្បូង បន្ទាប់ពីអគារLotte World Tower ដែលមានកំពស់៥៥៥ម៉ែត្រ ស្ថិតនៅភាគខាងត្បូងទីក្រុងសេអ៊ូល និងអគារ LCT Landmark Tower កំពស់៤១១ម៉ែត្រនៅទីក្រុងប៊ូសាន។

ការបើកការដ្ឋានសាងសង់ បានធ្វើឡើងប្រហែល២០ឆ្នាំ បន្ទាប់ពីគម្រោងនេះ ត្រូវបានប្រកាសជាលើកដំបូង។ Lotte Shopping បានទទួលលិខិតអនុញ្ញាតសាងសង់ហាងLotte Department Store នៅទីតាំងនោះក្នុងឆ្នាំ២០០០ ក្នុងលក្ខខណ្ឌដែលក្រុមហ៊ុននេះ ក៏ត្រូវសាងសង់អគារ Busan Lotte Tower នៅទីនោះផងដែរ។

ទោះជាយ៉ាងនេះក្តី ដោយសារតែការសាងសង់អគារខ្ពស់កប់ពពកនេះ មិនបានបង្ហាញអំពីវឌ្ឍនភាពណាមួយសោះ រដ្ឋបាលក្រុងប៊ូសានបានបដិសេធ មិនបន្តលិខិតអនុញ្ញាតប្រតិបត្តិការ ជាបណ្តោះអាសន្ន សម្រាប់ហាងទំនិញកាលពីឆ្នាំមុន។

ក្រុមហ៊ុន Lotte Shopping បានបញ្ជាក់ថា អគារខ្ពស់កប់ពពកនេះ នឹងបង្ហាញនូវកន្លែងទាក់ទាញទេសចរណ៍ជាច្រើន រួមជាមួយនឹងទិដ្ឋភាពទីក្រុង៣៦០ដឺក្រេ និងអគារផ្សារទំនើបដែលមានហាងទំនើបប្លែកៗ និងអាចទាក់ទាញភ្ញៀវទេសចរក្នុងស្រុក និងបរទេស៕

ធនាគារហត្ថាប្រារពពិធីបិទបញ្ចប់ការសាងសង់គ្រោងអាគារការិ យាល័យកណ្តាលកំពស់២២ជាន់

ដោយៈ គង់ សូរិយា

ភ្នំពេញៈ ថ្នាក់ដឹកនាំ និងប្រធានសាខាធនាគារហត្ថា បានប្រារពពិធីបិទបញ្ចប់ការសាងសង់ គ្រោងអាគារការិយាល័យកណ្តាលរបស់ខ្លួនកំពស់២២ជាន់ នៅលើមហាវិថីសម្តេចតេជោ។

ប្រធានអគ្គនាយកធនាគារហត្ថា លោកឧកញ៉ាហួត អៀងតុងបានមានប្រសាសន៍ ក្នុងពិធីបិទបញ្ចប់គ្រោងអាគារនេះ នាព្រឹកថ្ងៃទី១៨ សីហានេះថា ការបិទបញ្ចប់ និងចាក់បេតុងដំបូលអគារនេះ គឺប្រៀបដូចជា ការការពារនូវកំដៅ ព្យុះភ្លៀងទាំងឡាយ ប៉ុន្តែមូលដ្ឋានរឹងមាំរបស់អាគារនេះ គឺគ្រឹះរបស់អគារ ដែលទ្រទ្រង់អគារឲ្យមានភាពរឹងមាំ ប្រៀបដូចជាធនាគារហត្ថា ដែលប្រធានសាខានិមួយៗត្រូវប្រតិបត្តិការ និងធ្វើតាមគោលនយោបាយ ដែលបានដាក់ចេញដោយការិយាល័យកណ្តាល។

លោកបន្តថា អាគារការិយាល័យកណ្តាលកំពស់២២ជាន់ និងមានផ្ទៃក្រឡាទំហំជាង៥០,០០០ម៉ែត្រការ៉េនេះ នឹងប្រើប្រាស់សម្រាប់ការិយាល័យធ្វើការរបស់ថ្នាក់ដឹកនាំ និងបុគ្គលិករបស់ធនាគារ ដែលយើងមានសេវាកម្មជាច្រើន សម្រាប់ថ្នាក់ដឹកនាំ បុគ្គលិក ដូចជា កន្លែងធ្វើការ កន្លែងហាត់ប្រាណ ស្ទីម សូណា ភោជនីយដ្ឋាន ហាងកាហ្វេ តារាងបាល់ជាដើម។

ការសាងសង់អាគារនេះ នឹងបញ្ចប់ទាំងស្រុងនៅខែ កក្កដា ឆ្នាំ២០២៤ខាងមុខនេះ។

លោកឧកញ៉ាហួត អៀងតុងបានបន្តថា ការសាងសង់អាគារនេះ គឺបង្ហាញពីមូលដ្ឋានរឹងមាំ និងផ្តល់ទំនុកចិត្តដល់សាធារណៈជនកាន់តែខ្លាំង ព្រោះធនាគារពាណិជ្ជនៅកម្ពុជា មិនសូវមានការិយាល័យកណ្តាលធំៗបែបនេះនៅឡើយទេ។

លោកបន្តថា សុខភាពធនាគារហត្ថា នៅតែមានភាពប្រសើរ បើទោះបីជាអត្រាសងត្រលប់យឺតយ៉ាវបន្តិចក្តី តែសុខភាពនៅក្នុងធនាគារនៅតែរឹងមាំ ប៉ុន្តែទំហំប្រាក់ចំណេញរបស់យើង បានថមថយបន្តិចប៉ុណ្ណោះ៕

Banteay Srei Eco City បង្កើតឡើងសម្រាប់មនុស្សជំនាន់ថ្មី វិនិយោគិនជាតិ និងអន្តរជាតិ ដើម្បីចាប់យកឱកាសឈ្នះ-ឈ្នះរួមគ្នា

ដោយ: គង់ លាងហួរ

ភ្នំពេញ: នៅពេលអ្នកទៅលេងខេត្តសៀមរាប បំណងប្រាថ្នាដំបូងគេគឺទៅទស្សនាប្រាសាទអង្គរវត្ត អង្គរធំ និងទៅលេង Pub Street ប៉ុន្តែនៅមានកន្លែងជាច្រើនផ្សេងទៀត ដែលអ្នកគួរតែទៅទស្សនា និងមិនអាចបំភ្លេចបាន។

ជាក់ស្តែង ស្រុកបន្ទាយស្រីក្នុងខេត្តសៀមរាប បាននិងកំពុងមានការរីកចម្រើនលូតលាស់ និងមានភាពល្បីល្បាញ ដោយសារប្រាសាទបន្ទាយស្រី ដែលរចនាឡើងបានយ៉ាងរសរវើក។

ស្រុកនេះបាន និងកំពុងទាក់ទាញគម្រោងអភិវឌ្ឍន៍ជាច្រើន រួមទាំងគម្រោង Banteay Srei Eco City ដែលកំពុងអភិវឌ្ឍលើផ្ទៃដីជាង៣០០ហិកតាផងដែរ។

លោកបណ្ឌិត Alexander Evengroen ដៃគូសហការ និងជានាយកផ្នែកអភិវឌ្ឍន៍គំរោងនៃក្រុមហ៊ុន Strategic Realty Investment Co., Ltd ដែលបាននិងកំពុងអភិវឌ្ឍន៍គំរោងខាងលើនេះ និងជាអ្នកជំនាញអចលនទ្រព្យលំដាប់អន្តរជាតិ បានមានប្រសាសន៍ កាលពីព្រឹកថ្ងៃទី១៤ ខែសីហា កន្លងមកថា ប្រាសាទបន្ទាយស្រីមានសក្ដានុពលដ៏ធំ និងឱកាសរីកចម្រើនដ៏អស្ចារ្យ ក្នុងពេលឆាប់ៗនេះ ដោយសារមូលដ្ឋានដែលមានស្រាប់ ដូចជា ប្រាសាទបុរាណល្បីៗ ទីតាំងភូមិសាស្រ្ត ភាពទាក់ទាញប្រវត្តិសាស្រ្តពិភពលោក បូករួមទាំងគម្រោងអភិវឌ្ឍជាច្រើនបាន និងកំពុងឆ្ពោះទៅកាន់តំបន់ដ៏អស្ចារ្យនេះ។

ជាមួយនឹងគោលដៅ លើកកម្ពស់វិស័យទេសចរណ៍ ការអភិវឌ្ឍបរិស្ថានក្នុងតំបន់ ការបង្កើតការងារ និងការជំរុញកំណើនសេដ្ឋកិច្ចជាតិ ក្រុមហ៊ុន Strategic Realty Investment Co., Ltd បាននិងកំពុងអភិវឌ្ឍទីក្រុង Banteay Srei Eco City ដែលរហូតមកទល់ពេលនេះ ការរៀបចំប្លង់មេសម្រាប់ គម្រោងបានបញ្ចប់៩៥%ហើយ ដោយក្រុមហ៊ុន កំពុងចាប់ផ្តើមអភិវឌ្ឍលើផ្ទៃដីទំហំ៦០+ហិកតា ក្នុងដំណាក់កាលមេចំនួន៣ ហើយគម្រោងនេះ បាននិងកំពុងទទួលបានការចាប់អារម្មណ៍យ៉ាងខ្លាំង ពីសំណាក់វិនិយោគិនក្នុងស្រុក និងអន្តរជាតិ។

លោក Alexander Evengroen បានមានប្រសាសន៍បន្តទៀតថា ក្រុមហ៊ុនបាននិងកំពុងអភិវឌ្ឍមួយជំហានម្តងៗ ហើយរហូតមកដល់ពេលនេះ យើងបាននិងកំពុងអភិវឌ្ឍជាច្រើនជំហាន នៅក្នុងគម្រោងរបស់យើង ប៉ុន្តែយើងនឹងបន្តការយកចិត្តទុកដាក់ ទៅលើការបង្កើតតម្លៃបន្ថែមសម្រាប់តំបន់ ប្រជាជន សេដ្ឋកិច្ចកម្ពុជា ការបង្កើតរបៀបរស់នៅថ្មី តភ្ជាប់មនុស្សជាមួយនឹងធម្មជាតិ ជុំវិញប្រកបដោយភាពច្នៃប្រឌិត ការអភិវឌ្ឍដែលមិនប៉ះពាល់ដល់បរិស្ថាន និងការកម្សាន្តដ៏គួរឱ្យចាប់អារម្មណ៍ ជាច្រើនសម្រាប់កុមារ និងមនុស្សចាស់។

លោកបញ្ជាក់ទៀតថា លើសពីនេះ យើងកំពុងសាងសង់ផ្ទះវីឡា សួនច្បារ សួនផ្កា ទីលានកីឡា ផ្ទះលំហែរកាយ និងកន្លែងញុំាអាហារ ជាមួយនឹងគំនិតបង្កើតថ្មី ប្រកបដោយភាពច្នៃប្រឌិតខ្ពស់ ដែលមានលក្ខណៈខុសប្លែកពីខេត្តដទៃ ក៏ដូចជារួមចំណែកដល់ការអភិវឌ្ឍសេដ្ឋកិច្ចជាតិផងដែរ ហើយវាមានសារៈសំខាន់ណាស់ សម្រាប់ក្រុមហ៊ុនដើម្បីរីកចម្រើនជាមួយគ្នា។

គម្រោង Banteay Srei Eco City នឹងនាំមកជូននូវសាកលវិទ្យាល័យលំដាប់ពិភពលោក អន្តេវាសិកដ្ឋាន ភោជនីយដ្ឋានប្រណិត ផ្ទះអាជីវកម្ម វីឡា សួនកុមារ ផ្សារទំនើប វីឡាបែបខ្មែរ ស្តាតបាល់ទាត់ទំនើប មជ្ឈមណ្ឌលអាពាហ៍ពិពាហ៍ និងមជ្ឈមណ្ឌលសន្និបាត សកម្មភាពជិះទូកកម្សាន្ត ផ្សារទំនើប កោះប្រណិត ផ្លូវ៣០ម៉ែត្រ និងរបស់ជាច្រើនផ្សេងទៀត។

លោកបណ្ឌិត Alexander Evengroen បានលើកឡើងថា យើងកំពុងអភិវឌ្ឍគម្រោងនេះឡើង ដើម្បីបង្កើត និងផ្តល់ឱកាសដល់យុវជនជំនាន់ក្រោយ ដូចជាអ្នករចនាឌីហ្សាញ អ្នកម៉ៅការ និងស្ថាបត្យករ ព្រោះយើងគិតគូរអំពីអនាគត របស់មនុស្សជំនាន់ថ្មី ដែលពួកគេនឹងធ្វើអ្វីៗដោយគំនិតថ្មីវ័យក្មេង។

វិធីសាស្ត្រាក្នុងការបង្កើត Banteay Srei Eco City នឹងធានាថា ភ្ញៀវទេសចរជាតិ និងអន្តរជាតិ មិនអាចមើលរំលងគម្រោងនេះបានទេ ហើយនឹងមិនអាចបំភ្លេចបាន និងលើកទឹកចិត្តពួកគេឱ្យមកទស្សនាម្តងហើយម្តងទៀត។

នៅពេលស្ថិតនៅរាជធានីភ្នំពេញ ប្រជាពលរដ្ឋកម្ពុជារំភើបចិត្តបំផុត ពេលទៅទស្សនាពហុកីឡដ្ឋានមរតកតេជោ ដែលបានរៀបចំព្រឹត្តិការណ៍កីឡាស៊ីហ្គេមដ៏ជោគជ័យ និងសាយភាពល្បីល្បាញលើឆាកអន្តរជាតិ ប៉ុន្តែនៅសៀមរាប យើងចង់ឲ្យភ្ញៀវទេសចរណ៍នឹកឃើញដល់ កីឡដ្ឋានដ៏ស្រស់ស្អាត និងទាក់ទាញបំផុតនៅស្រុកបន្ទាយស្រី ដែលស្ថិតនៅក្នុងគំរោងទីក្រុង Banteay Srei Eco CITY ដែលនឹងទាក់ទាញសកម្មភាពកីឡាក្នុងស្រុក និងអន្តរជាតិ ប្រកបដោយភាពវិជ្ជមាន និងរួបរួមមនុស្សមកពីជុំវិញពិភពលោក។

លោកបណ្ឌិត Alexander បានបន្ថែមថា ជាមួយនឹងចក្ខុវិស័យច្បាស់លាស់ បេសកកម្ម និងមូលដ្ឋានដ៏រឹងមាំ យើងកំពុងផ្តល់ឱកាសសម្រាប់អ្នកវិនិយោគក្នុងស្រុក និងអន្តរជាតិ ព្រមទាំងសាធារណជនទូទៅ ដើម្បីចូលរួមជាមួយយើង ក្នុងឱកាសវិនិយោគឈ្នះ-ឈ្នះ និងឈ្នះ-ឈ្នះសម្រាប់ក្រុមហ៊ុន ប្រជាជន និងសេដ្ឋកិច្ច ដើម្បីជំរុញការអភិវឌ្ឍសង្គម-សេដ្ឋកិច្ច-នវានុវត្តន៍។

លើសពីនេះ ក្រុមហ៊ុន Strategic Ltd Realty Investment Co., Ltd នឹងចាប់ផ្តើមរៀបចំដំណើរកំសាន្ត Field exploration trips ជាច្រើន ដើម្បីណែនាំ និងបង្ហាញគម្រោង Banteay Srei Eco City ទៅកាន់ពិភពលោក រួមទាំងក្រុមហ៊ុនក្នុងស្រុក និងអន្តរជាតិ ដើម្បីទស្សនា ស្វែងរក និងសិក្សាពីឱកាសវិនិយោគរួមគ្នា៕

1...948949950...3,380 Page 949 of 3,380