គំរោងអភិវឌ្ឈន៍មួយដែលផ្តោតលើចក្ខុវិស័យ

ដោយៈ ជេស៊ីកា

ព្រៃវែងៈ ធ្វើដំណើរពីស្ពានព្រែកតាមាក់ យើងបានជជែកគ្នាបណ្តើរៗជាមួយអ្នករួមដំណើរ ឆ្លងកាត់ទីប្រជុំជនមួយចំនួន ហើយមួយម៉ោងក្រោយមក យើងបានទៅដល់ទីរួមស្រុកធំមួយ ស្ថិតនៅក្នុងខេត្តព្រៃវែង។

ជាទីប្រជុំជននៃស្រុកស្វាយអន្ទរ ដែលកំពុងអភិវឌ្ឍន៍យ៉ាងលឿនក្រោមម្លប់សន្តិភាព អ្នកអភិវឌ្ឍន៍ក្រុងស្រុកមួយចំនួនបាននិងកំពុងសម្លឹងទៅកាន់តំបន់នេះ ជាមួយនឹងបច្ចុប្បន្នភាព ផ្សារភ្ជាប់ជាមួយចក្ខុវិស័យអនាគត។

មង្គលវីឡា ព្រៃវែងបុរីបាននិងកំពុងបង្កើតឡើង ជាមួយអ្នកអភិវឌ្ឍន៍ពោរពេញដោយភាពច្នៃប្រឌិត ការបង្កើតថ្មីឬនវានុវត្តន៍ ដោយប្រែក្លាយផ្ទៃវាលស្រែ ដែលខៀវស្រងាត់នារដូវវស្សា និងព៌ណលឿងទុំនារដូវប្រាំង ទៅជាសហគមន៍ស៊ីវិល័យមួយ ដែលសាធារណៈជនអាចជិះកាយ៉ាក់ អង្គុយគយគន់ទេសភាពថ្ងៃរះ និងថ្ងៃលិចលើខ្ទូសសាងសង់ឡើងប្របមាត់បឹងសម្បនិម្មិត។

ជាមួយនឹងទស្សនវិស័យចំពោះមុខ ក្នុងការបង្កើតកូនទីក្រុងមួយនៅតំបន់ប្រជុំជន ដែលពីមុនមានសភាពស្ងប់ស្ងាត់ ទៅជាតំបន់មួយ ដែលមិនត្រឹមតែអាចលំហែរកាយនោះទេ តែជាទីកន្លែងដែលប្រជាពលរដ្ឋ អាចរស់នៅប្រកបដោយផាសុខភាព និងអាចបង្កើតបានចំណូលផងដែរ។

ជាអ្នកសិក្សាពីផែនការអភិវឌ្ឍន៍ទីក្រុង ពីវិទ្យាស្ថានដ៏ល្បីនៅប្រទេសថៃ លោកឌិន សុមេធារិទ្ឋបានមានប្រសាសន៍ឲ្យដឹងកាលពីពេលថ្មីៗនេះថា យើងមានចក្ខុវិស័យអភិវឌ្ឍន៍ទីនេះ ជាទីក្រុងមួយនាពេលអនាគត តាមរយៈការសាងសង់ផ្ទះអាជីវកម្ម ផ្សារសហគមន៍ ផ្សារពាក់កណ្តាលទំនើប រមណីយដ្ឋាន សួនទឹកកំសាន្តទំហំ១០ហិកតា សាលារៀន និងសហគមន៍អាជីវកម្ម ពោរពេញដោយភាពរសរវើក។

លោកបន្តថា “យើងមានមហិច្ឆតាចូលរួមជាមួយរដ្ឋាភិបាល ក្នុងការអភិវឌ្ឍន៍មូលដ្ឋាន និងលើកស្ទួយជីវភាពប្រជាពលរដ្ឋ ដើម្បីកសាងសង្គមមួយពោរពេញដោយភាពមនោរម្យ”។លោកបន្តថា “យើងចង់ផ្សារភ្ជាប់តំបន់ជនបទ កាន់តែកៀកនឹងទីក្រុង កសាងសហគមន៍ជនបទ ក្លាយជាទីក្រុង ខណៈប្រជាជននៅតំបន់នេះ កាន់តែរីកចម្រើនលើជីវភាព ស្របនឹងការកសាងហេដ្ឋារចនាសម្ព័ន្ឋរបស់រដ្ឋាភិបាលកាន់តែប្រសើរឡើងពីមួយថ្ងៃទៅមួយថ្ងៃ”។

លោកឌិន សុមេធារិទ្ឋដែលជាប្រធានសមាគមសណ្ឋាគារ និងបដិសណ្ឋារកិច្ច បានមានប្រសាសន៍ឲ្យដឹងផងដែរថា ជាមួយទស្សនទាននៃការអភិវឌ្ឍន៍ចម្រុះ ការផ្សារភ្ជាប់ធម្មជាតិ និងជីវិតកាន់តែមានសារៈសំខាន់ឡើង ក្នុងការរស់នៅនិងលើកកំពស់សេដ្ឋកិច្ចបៃតង។ លោកបន្តថា “ដោយមើលឃើញពីសារៈសំខាន់ទាំងនេះ ទើបយើងបាននិងកំពុងចំណាយធនធានយ៉ាងច្រើន កសាងទីក្រុងតូចមួយនៅតំបន់នេះ ដើម្បីឲ្យប្រជាពលរដ្ឋបានរស់នៅ ក្នុងសហគមន៍មួយ មិនចាញ់ទីក្រុងភ្នំពេញឡើយ”៕

រដ្ឋមន្រ្តីទេសចរណ៍ៈ កម្ពុជាទទួលបានភ្ញៀវទេសចរណ៍សរុបជិត១៤លាននាក់ក្នុងពិធីបុណ្យចូលឆ្នាំរយៈពេល៣ថ្ងៃ

ដោយៈ ច្រាយ ចំណាន

ភ្នំពេញៈ មន្រ្តីជាន់ខ្ពស់ក្រសួងទេសចរណ៍ បានបង្ហាញតួលេខដ៏គួរឲ្យភ្ញាក់ផ្អើលថា រយៈពេល៣ថ្ងៃនៃពិធីបុណ្យចូលឆ្នាំថ្មី ប្រពៃណីជាតិខ្មែរ ចាប់ពីថ្ងៃទី១៤-១៦ ខែមេសា ឆ្នាំ២០២៣ នៅទូទាំងប្រទេសកម្ពុជា ទទួលបានភ្ញៀវទេសចរសរុប១៣,១៨៧,៧៧១នាក់។

លោកបណ្ឌិតថោង ខុន រដ្ឋមន្ត្រីក្រសួងទេសចរណ៍ បានវាយតម្លៃថាចរន្តភ្ញៀវទេសចរនេះ គឺកើនច្រើនជាងកាលពីមិនទាន់ មានវិបត្តិជំងឺកូវីដ១៩ទៅទៀត។

លោកបញ្ជាក់ថា “រយៈពេល៣ថ្ងៃ នៃពិធីបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី១៤-១៦ ខែមេសា ឆ្នាំ២០២៣ នៅទូទាំងប្រទេសកម្ពុជាទទួលបាន ភ្ញៀវទេសចរសរុប១៣,១៨៧,៧៧១នាក់ ក្នុងនោះភ្ញៀវជាតិមានចំនួន១៣,១៣២,០៨០នាក់ និងភ្ញៀវអន្តរជាតិមានចំនួន៥៥,៦៩១នាក់”។

តួលេខភ្ញៀវទេសចរប្រចាំថ្ងៃនីមួយៗ៖
* ថ្ងៃទី១៤ ខែមេសា មានចំនួន២,០៩៨,៥០១នាក់។
* ថ្ងៃទី១៥ ខែមេសា មានចំនួន៤,២៣៧,៧៨០នាក់។
* ថ្ងៃទី១៦ ខែមេសា មានចំនួន៦,៨៥១,៤៩០នាក់។

គោលដៅទេសចរណ៍សំខាន់ៗរយៈពេល៣ថ្ងៃនេះ រួមមាន៖
* ខេត្តសៀមរាប២,១២០,៣៧៣នាក់
* ខេត្តបាត់ដំបង១,៥០០,១៦៨នាក់
* ខេត្តកំពង់ចាម១,៤០៨,៨១១នាក់
* រាធានីភ្នំពេញ១,០៨០,៥០៩នាក់
* ខេត្តព្រះសីហនុ៨៨៧,៨៩៣នាក់
* ខេត្តកំពត៨៧០,៣៩៩នាក់
* ខេត្តស្វាយរៀង៧៦០,៣៩៩នាក់
* ខេត្តកំពង់ឆ្នាំង៧៣៩,១៥៩នាក់
* ខេត្តបន្ទាយមានជ័យ៦៥០,០១៣នាក់
* ខេត្តកំពង់ស្ពឺ៥១២,៨៩៨នាក់។

លោកថោង ខុនវបានកត់សម្គាល់ថា ចំនួនភ្ញៀវទេសចរ និងប្រជាពលរដ្ឋជាង១៣លាននាក់ ក្នុងរយៈពេល៣ថ្ងៃនេះ គឺជាចំនួនដ៏ច្រើនលើសលុបហួសពីការរំពឹងទុក និងច្រើនជាងពេលមុនវិបត្តិជំងឺកូវីដ-១៩ទៅទៀត។

លោកបានបន្តថា ចំនួនភ្ញៀវទាំងជាង១៣លាននាក់នេះ គឺរដ្ឋបាលរាជធានី-ខេត្ត បានរាប់បញ្ចូលទាំងភ្ញៀវទេសចរ ដែលទៅលេងកម្សាន្ត នៅតាមរមណីយដ្ឋានទេសចរណ៍ គោលដៅទេសចរណ៍ ទីតាំងដែលមានការរៀបចំកម្មវិធីសង្រ្កាន្ត ព្រមជាមួយប្រជាពលរដ្ឋដែលលេងកម្សាន្តនៅតាមភូមិ/ស្រុក និងកន្លែងជួបជុំនានាទូទាំងប្រទេស។

ព្រឹត្តិការណ៍អង្គរសង្រ្កាន្ត (ខួប១០ឆ្នាំ) ដែលបើកទំព័រឡើងក្រោមអធិបតីភាពសម្តេចតេជោនាយករដ្ឋមន្រ្តី និងសម្តេចកិត្តិព្រឹទ្ធិបណ្ឌិត និងការរៀបចំកម្មវិធីសង្រ្កាន្តនៅគ្រប់រាជធានី-ខេត្ត ពិសេសនៅតាមទីប្រជុំជនទីរួមខេត្ត ទីរួមស្រុក តំបន់គោលដៅទេសចរណ៍សំខាន់ៗ វត្តអារាម និងនៅតាមភូមិ/ស្រុកនានា គឺជាកត្តាដែលបានទាក់ទាញឱ្យភ្ញៀវទេសចរ និងប្រជាពលរដ្ឋដើរលេងកម្សាន្តយ៉ាងច្រើនកុះករ។

ក្នុងពិធីបុណ្យចូលឆ្នាំថ្មីរយៈពេល៣ថ្ងៃនេះដែរ បណ្តារាជធានី-ខេត្តបានបង្កើនទំហំ នៃការជួបជុំកម្សាន្តកម្មវិធីសង្រ្កាន្ត នៅតាមទីប្រជុំជនសំខាន់ៗ ដូចជា ការបន្ថែមឡានទឹក សម្រាប់បាញ់ទឹកកម្សាន្ត និងការប្រគុំតន្រ្តីបន្ថែមជាដើម។

ទន្ទឹមនឹងនេះ សកម្មភាពនៃការដើរកម្សាន្ត របស់ភ្ញៀវទេសចរ និងប្រជាពលរដ្ឋ មានតាំងពីពេលព្រឹក រហូតដល់យប់អាធ្រាត្រ ពិសេសការកម្សាន្តបាញ់ទឹក លាបម្សៅ និងចាក់ភ្លេងកម្សាន្តជាដើម។

លោករដ្ឋមន្ត្រី ថោង ខុន ចរន្តភ្ញៀវទេសចរដ៏ច្រើននេះបានបង្កើតជាផលប្រយោជន៍សេដ្ឋកិច្ចដ៏ច្រើន ទាំងនៅថ្នាក់ជាតិ និងនៅតាមមូលដ្ឋាន។ បណ្តាសណ្ឋាគារ ផ្ទះសំណាក់ និងសេវាស្នាក់នៅផ្សេងៗនៅស្ទើរគ្រប់ខេត្ត បានទទួលភ្ញៀវស្ទើរពេញស្ទើរ១០០%។ បណ្តាភោជនីយដ្ឋាន និងអាហារដ្ឋានក៏មានភ្ញៀវចូលពេញៗ ក្នុងរយៈពេល៣ថ្ងៃនេះ ដែលមានភាពខុសគ្នាធៀប នឹងពេលកំពុងមានវិបត្តិកូវីដ-១៩ខ្លាំង ដែលពួកគាត់ភាគច្រើន បានរៀបចំម្ហូបអាហារដោយខ្លួនឯងសម្រាប់បរិភោគ។

វិស័យឯកជនសម្ដែងការរីករាយជាពន់ពេក ចំពោះចរន្តភ្ញៀវដ៏ច្រើនលើសពីការរំពឹងទុក នាឱកាសពិធីបុណ្យចូលឆ្នាំថ្មីនេះ និងបន្តមានសុទិដ្ឋិនិយមខ្ពស់ ចំពោះការងើបឡើងវិញ នៃវិស័យទេសចរណ៍ ខណៈដែលឆ្នាំ២០២៣ គឺជាឆ្នាំទស្សនាកម្ពុជា Visit Cambodia Year។

លោករដ្ឋមន្ត្រីបានវាយតម្លៃបានថា “ចរន្តភ្ញៀវទេសចរដ៏ច្រើនកុះករមិនធ្លាប់មានក្នុងឱកាសចូលឆ្នាំនេះ គឺបានមកពីការជឿជាក់លើភាពស៉ាំសហគមន៍ ក្នុងការគ្រប់គ្រងជំងឺកូវីដ-១៩ ការរៀបចំព្រឹត្តិការណ៍កម្សាន្តដ៏សម្បូរបែប ពិសេសព្រឹត្តិការណ៍អង្គរសង្រ្កាន្ត និងការធានាបាននូវសុខសន្តិភាពពេញលេញ ដែលអនុញ្ញាតឱ្យប្រជាពលរដ្ឋដើរកម្សាន្តបានទូទាំងប្រទេស ដោយឥតភ័យព្រួយ”៕

រដ្ឋាភិបាលអនុម័តគំរោងចំនួន៥តម្លៃជាង១០៣លានដុល្លារ អាមេរិក

ដោយៈ គង់ សូរិយា

ភ្នំពេញៈ រដ្ឋាភិបាលតាមរយៈក្រុមប្រឹក្សាអភិវឌ្ឍន៍កម្ពុជា បានអនុម័តគំរោងវិនិយោគចំនួន៥ ដែលមានទុនវិនិយោគ១០៣,៣លានដុល្លារអាមេរិក។

យោងតាមសេចក្តីប្រកាសលើបណ្តាញ ទំនាក់ទំនងសង្គមរបស់ក្រុមប្រឹក្សាអភិវឌ្ឍន៍កម្ពុជា ដែលបានចេញផ្សាយនៅថ្ងៃទី១៧ មេសានេះបានឲ្យដឹងថា តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជី គម្រោងវិនិយោគជូនដល់ក្រុមហ៊ុនដូចខាងក្រោម

ទី១ ក្រុមហ៊ុន- “EASTERN RUBBER (CAMBODIA) CO., LTD” គម្រោងបង្កើតកសិដ្ឋានចិញ្ចឹមគោពូជ និងគោសាច់ខ្នាតធំដែលមានទីតាំងវិនិយោគស្ថិតស្រុកស្នួល ខេត្តក្រចេះ ក្នុងទុនវិនិយោគប្រមាណ៧៣,៤លានដុល្លារអាមេរិក និងអាចបង្កើតការងារបានចំនួន ៧៩កន្លែង។

ទី២-ក្រុមហ៊ុន “RITHY RUBBER (CAMBODIA) CO., LTD” គម្រោងបង្កើតកសិដ្ឋានដាំដំណាំកសិ-ឧស្សាហកម្ម (ដើមកៅស៊ូ) និងសាងសង់រោងចក្រកែច្នៃ ដែលមានទីតាំងវិនិយោគស្ថិតនៅតំបន់ប្រើប្រាស់ដោយចីរភាពនៃដែនជម្រកសត្វព្រៃបឹងពែរ នៅឃុំរមណី ស្រុករវៀង ខេត្តព្រះវិហារ ក្នុងទុនវិនិយោគប្រមាណ ១២លានដុល្លារអាម៉េរិក និងអាចបង្កើតការងារបានចំនួន១៥៨កន្លែង។

ទី៣-ក្រុមហ៊ុន “GE NEW ENERGY TECHNOLOGY (CAMBODIA) CO., LTD” គម្រោងបង្កើតរោងចក្រផ្គុំដំឡើងបន្ទះសូឡា ដែលមានទីតាំងវិនិយោគស្ថិតនៅភូមិតានួន សង្កាត់កំបូល ខណ្ឌកំបូល រាជធានីភ្នំពេញ ក្នុងទុនវិនិយោគប្រមាណ៧លានដុល្លារអាម៉េរិក និងអាចបង្កើតការងារបានចំនួន ២០៥កន្លែង។

ទី៤-ក្រុមហ៊ុន “JINGMAOGUOJI (CAMBODIA) GARMENT CO., LTD” គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ ក្នុងទុនវិនិយោគប្រមាណ៥,៧លានដុល្លារអាម៉េរិក និងអាចបង្កើតការងារបានចំនួន ៤៧៥កន្លែង។ឮ

ទី៥-ក្រុមហ៊ុន “EBELNO (CAMBODIA) CO., LTD” គម្រោងបង្កើតរោងចក្រផ្គុំដំឡើង សម្ភារៈអេឡិចត្រូនិក ដែលមានទីតាំងវិនិយោគស្ថិតនៅភូមិចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ ក្នុងទុនវិនិយោគ ប្រមាណ៥,២លានដុល្លារអាម៉េរិក និងអាចបង្កើតការងារបានចំនួន ២៥១កន្លែង៕

បុរីប៉េង ហួតៈចំណេញភ្លាមៗ! ទិញផ្ទះឈ្នះដេគ័របន្ទប់មេគ្រួសារ និងបញ្ចុះតម្លៃដល់រាប់ម៉ឺនដុល្លារ

ដោយៈ សហការី

ភ្នំពេញៈ កម្មវិធីប្រូម៉ូសិនសម្រាប់ខែមេសារបស់បុរី ប៉េង ហួត បានផ្ដល់ជូនអតិថិជនកាន់តែសម្បើម និងចំណេញលើសពីធម្មតា។

សម្រាប់ការទិញផ្ទះគ្រប់ប្រភេទ និងគ្រប់គម្រោង ចាប់ពីថ្ងៃនេះរហូតដល់ដំណាច់ខែមេសា ឆ្នាំ2023 អតិថិជននឹងទទួលបានការផ្ដល់ជូនដ៏ពិសេសដូចជា៖

🎁 ការដេគ័របន្ទប់មេគ្រួសារតាមស្តង់ដារផ្ទះគំរូ

🎁 ការបញ្ចុះតម្លៃរហូតដល់ $30,000ភ្លាមៗ

🎁 កូនទន្សាយនាំសំណាងជាមួយរង្វាន់ជាច្រើនដូចជា ទូរស័ព្ទ iPhone 14 Pro Max, Apple Watch Ultra និង Air Pods Pro

🎁 គោលការណ៍បង់ប្រាក់កាន់តែងាយស្រួលជាងមុន

⚡️រួសរាន់ឡើង! ការផ្តល់ជូនដ៏អស្ចារ្យនេះមានសុពលភាពត្រឹមដំណាច់ខែមេសានេះប៉ុណ្ណោះ។

សម្រាប់ព័ត៌មានបន្ថែម សូមអញ្ជើញមកកាន់ការិយាល័យលក់គ្រប់ទីតាំង របស់បុរី ប៉េង ហួត ឬទាក់ទងណាត់ជួបសហការីផ្នែកលក់តាមទូរសព្ទលេខ៖ 𝟎𝟗𝟖 / 𝟎𝟏𝟔 / 𝟎𝟏𝟕 𝟓𝟗𝟔 𝟕𝟖𝟗៕

ដំណឹងល្អៈកម្ពុជាបានដំណើរការជើងហោះហើរចំនួន៤៩៤ជើង ក្នុងមួយសប្តាហ៍

ដោយ: គង់ លាងហួរ

ភ្នំពេញ: កម្ពុជាបានទទួល និងដំណើរការជើងហោះហើរចំនួន៤៩៤លើក ក្នុងមួយសប្តាហ៍នៅអាកាសយានដ្ឋានចំនួន៣ ក្នុងរយៈពេល៣ខែដំបូងនៃឆ្នាំនេះ។

នេះបើយោងតាមទិន្នន័យបឋម ពីរដ្ឋលេខាធិការដ្ឋានអាកាសចរណ៍ស៊ីវិល (SSCA) ដែលជាទីភ្នាក់ងារគ្រប់គ្រង និងអភិវឌ្ឍន៍សម្រាប់សកម្មភាពអាកាសចរណ៍ស៊ីវិល និងហេដ្ឋារចនាសម្ព័ន្ធរបស់កម្ពុជា។

លោកថោង រដ្ឋសក្តិ រដ្ឋលេខាធិការក្រសួងទេសចរណ៍ បានមានប្រសាសន៍ឲ្យដឹងកាលពីសប្តាហ៍មុនថា ជើងហោះហើរចំនួន៤៩៤ ក្នុងមួយសប្តាហ៍ ស្មើនឹង៩៨៨ជើងក្នុងមួយសប្តាហ៍ នៅអាកាសយានដ្ឋានអន្តរជាតិទាំង៣។

ថ្លែងក្នុងពិធីសម្ពោធជើងហោះហើរត្រង់ ភ្នំពេញ-ហ្សាការតា របស់ក្រុមហ៊ុន Air Asia Indonesia លោក ថោង រដ្ឋសក្តិ បានមានប្រសាសន៍ថា អាកាសយានដ្ឋានអន្តរជាតិភ្នំពេញ អាកាសយានដ្ឋានអន្តរជាតិសៀមរាប និងអាកាសយានដ្ឋានអន្តរជាតិ បានទទួលជើងហោះហើរកាន់តែច្រើនផងដែរ។

លោក ថោង រដ្ឋស័ក្តិ បានចង្អុលបង្ហាញនៅក្នុងព្រឹត្តិការណ៍នេះ ដែលមានការចូលរួមពីភ្ញៀវជាតិ និងអន្តរជាតិប្រមាណ១៥០នាក់ នៅស្ថានទូតឥណ្ឌូនេស៊ី នៅទីក្រុងភ្នំពេញថា កម្ពុជាមានជើងហោះហើរត្រង់ពី១២ប្រទេស និងទីក្រុងចំនួន៣៧ក្នុងរដូវកាលនេះ។

លោកបានបន្តឱ្យដឹងទៀតថា អាកាសយានដ្ឋានអន្តរជាតិសៀមរាបអង្គរថ្មី គ្រោងនឹងបើកសម្ពោធនៅថ្ងៃទី២៣ ខែតុលា ឆ្នាំ២០២៣ខាងមុខនេះ។

លោកបានថ្លែងអំណរគុណចំពោះភាគីពាក់ព័ន្ធ និងអ្នកពាក់ព័ន្ធទាំងអស់ដែលបានសហការ និងគាំទ្រដល់ក្រសួងក្នុងការលើកកម្ពស់ការអភិវឌ្ឍសេដ្ឋកិច្ចសង្គមនៅក្នុងប្រទេស ជាពិសេសលើវិស័យទេសចរណ៍ ដោយបន្ថែមថា អាកាសយានដ្ឋានអន្តរជាតិភ្នំពេញតេជោ នឹងត្រូវសម្ពោធដាក់ឲ្យប្រើប្រាស់នៅឆ្នាំ ២០២៤។

លោកបានអះអាងថា អាកាសយានដ្ឋានអន្តរជាតិតារាសាគរអង្គរ គ្រោងនឹងសម្ពោធនៅចុងឆ្នាំ២០២៤ ជាព្រលានយន្តហោះប្រភេទ4E ដែលមានលេខកូដ ICAO VDDS និងលេខកូដ IATA ឈ្មោះ DYSA ដែលនឹងបម្រើអ្នកដំណើរ រហូតដល់ទៅ៧លាននាក់ក្នុងមួយឆ្នាំ៕

បុរីបុស្បាផ្តល់នូវតម្លៃពិសេសជាមួយនឹងការទទួលបានពានរង្វាន់ឆ្នើមលើការធ្វើយុទ្ឋសាស្រ្តទីផ្សារ

ដោយៈ ជេស៊ីកា

ភ្នំពេញៈ ជាមួយនឹងការដាក់ចេញយុទ្ឋសាស្រ្តទីផ្សារ ដ៏សម្បូរបែប និងរសរវើកបុរីបុស្បាបានផ្តល់នូវការ បញ្ចុះតម្លៃពិសេសដល់អតិថិជន។

លើសពីនេះ អ្វីដែលគួរឲ្យមោទនភាព គឺបុរីនេះទទួលបានពានរង្វាន់ឆ្នើមលើយុទ្ឋសាស្រ្តការលក់ និងទីផ្សារប្រចាំឆ្នាំពីសមាគមអ្នកវាយតម្លៃ និងភ្នាក់ងារអចលនវត្ថុ្កកម្ពុជា។

លោកឧកញ៉ាឈាង រ័ត្នអគ្គនាយកបុរីបុស្បាបានសរសេរលើបណ្តាញទំនាក់ទំនងសង្គមរបស់ខ្លួនកាលពីសប្តាហ៍មុនថា បុរី បុស្បា មានមោទនភាពយ៉ាងក្រៃលែង ក្នុងការទទួលបានពានរង្វាន់ឆ្នើមលើការរៀបចំយុទ្ធសាស្ត្រការលក់ និងទីផ្សារប្រចាំឆ្នាំ “Sales and Marketing Strategy of the Year” ដែលរៀបចំដោយសមាគមវាយតម្លៃ និងភ្នាក់ងារអចលនវត្ថុកម្ពុជា។ ការធ្វើទីផ្សារដោយភាពថ្លៃថ្នូរ ផ្តោតលើគុណតម្លៃនៃគម្រោង។

លោកបញ្ជាក់បន្តថា “ឥឡូវនេះ បុស្បា ចេញលក់វីឡាកូនកាត់តម្លៃក្រោម១០ម៉ឹនដុល្លារប៉ុណ្ណោះ”។ លោកបន្តថា “វីឡាកូនកាត់ទំនើប បញ្ចុះតម្លៃ33% សល់តែ72,900$ ប៉ុណ្ណោះ”៕

គម្រោងខុនដូ Urban Village បង្កើតសហគមន៍រស់នៅដ៏ធំបំផុតសម្រាប់យុវជនកម្ពុជាជំនាន់ក្រោយ

ដោយៈ វិច្ឆិកា

ភ្នំពេញៈ ស្ថិតនៅតាមបណ្តោយមហាវិថីសម្ដេច ហ៊ុន សែន គម្រោងខុនដូ Urban Village គឺជាគម្រោងខុនដូ ដែលផ្ដោតលើការរស់នៅបែបសហគមន៍ ដំបូងគេបង្អស់នៅក្នុងទីក្រុងភ្នំពេញ ដែលការរចនារបស់គម្រោងខុនដូនេះ ត្រូវបានបំផុសគំនិតតាមបៀបរស់នៅជាសហគមន៍របស់ប្រជាជនខ្មែរកាលពីបុរាណ។

បំពាក់ដោយគ្រឿងបរិក្ខារលំដាប់ពិភពលោក ក៏ដូចជាការរចនាស្ថាបត្យកម្មដែលអាចបត់បែនបាន ម្ចាស់ផ្ទះទាំងអស់នឹងទទួលបានអារម្មណ៍ស្រស់ស្រាយនៅផ្ទះរបស់ពួកគេ ជាមួយនឹងខ្យល់អាកាសល្អ និងពន្លឺព្រះអាទិត្យធម្មជាតិចេញ និងចូលក្នុងផ្ទះ ដែលបង្កើតបរិយាកាសដ៏មានផាសុខភាពសម្រាប់គ្រួសារដ៏កក់ក្តៅ។

ជាមួយនឹងទំហំផ្ទៃដី7,6 ហិចតា គម្រោងខុនដូ Urban Village គឺមិនត្រឹមតែជាផ្ទះសម្រាប់រស់នៅនោះទេ តែវាជាគម្រោងខុនដូមួយដែលរចនាឡើង ជាមួយទីធ្លាពណ៌បៃតងធំទូលាយ ដែលអាចឲ្យអ្នករស់នៅទីនោះទទួលបានភាពរីករាយ និងកម្សាន្តសប្បាយជាមួយនឹងសកម្មភាពនៅខាងក្រៅផ្ទះ ដើម្បីបង្កើនភាពស្និទស្នាល ក្នុងគ្រួសារ សម្រាកលំហែរ នៅខាងក្រៅជាមួយបរិយាកាសល្អ និងបង្កើតមិត្តភាពថ្មីៗនៅក្នុងសហគមន៍ដ៏ធំនេះផងដែរ។

ស្ថិតនៅជាប់ Factory Phnom Penh ដែលជាមជ្ឈមណ្ឌលច្នៃប្រឌិតធំជាងគេនៅអាស៊ីអាគ្នេយ៍ អ្នករស់នៅក្នុងខុនដូ Urban Village ក៍អាចលេងកម្សាន្ត និងរីករាយជាមួយគ្រឿងបរិក្ខារជាច្រើនដូចជា ភោជនីយដ្ឋាន កន្លែងហាត់ប្រាណ ស្ប៉ា ហាងលក់ទំនិញ បណ្ណាល័យ សាលសិល្បៈ កន្លែងលោតត្រែមផូលីន សាលាអន្តរជាតិ ម៉ុងតេសូរី សាលាមត្តេយ្យសិង្ហបុរី កន្លែងធ្វើការរួមគ្នា ការិយាល័យ និងការកម្សាន្តនៅថ្ងៃចុងសប្តាហ៍ជាច្រើន។

Urban Village គឺជាសហគមន៍ដែលអ្នកអាចរស់នៅ ធ្វើការ និងលេងកម្សាន្តបានយ៉ាងរីករាយ។

Urban Village បង្កើតសហគមន៍ដ៏រស់រវើក ដែលភាពសប្បាយរីករាយនៅត្រឹមតែពីរបីនាទីពីផ្ទះរបស់អ្នកប៉ុណ្ណោះ។

ជាមួយនឹងទីតាំងដ៏ល្អ នៅក្នុងតំបន់ពាណិជ្ជកម្ម ដែលកំពុងរីកចម្រើនយ៉ាងឆាប់រហ័ស គម្រោង Urban Village មានចម្ងាយត្រឹមតែ 5 នាទីពីផ្សារទំនើប ជីប ម៉ុង២៧១ និងអ៊ីអន៣ ដែលជាផ្សារទំនើបជប៉ុនដ៏ធំបំផុតនៅក្នុងទីក្រុងភ្នំពេញ។

លោកស្រី Catherine Chan នាយកប្រតិបត្តិនៃគម្រោង Urban Village & Factory Phnom Penh មានប្រសាសន៍ថា “យើងចង់បង្កើតសហគមន៍ រស់នៅកណ្តាលទីក្រុង ជាមួយនឹងការរស់នៅបែបទំនើបទាន់សម័យ សម្រាប់យុវជនកម្ពុជាជំនាន់ក្រោយ”។

លោកស្រីបានបន្តទៀតថា “ក្នុងនាមជាអ្នកអភិវឌ្ឍន៍ យើងជឿថាគុណភាពតែមួយមុខមិនគ្រប់គ្រាន់ទេ យើងត្រូវគិតអំពីអ្វីដែលអ្នករស់នៅត្រូវការបន្ថែមទៀត”។ លោកស្រីបន្តថា “ដូចដែលអ្នកបានឃើញអញ្ចឹង យើងបង្កើតសហគមន៍មួយ ដែលអ្នករស់នៅរបស់យើងរស់នៅផង ធ្វើការផង និងលេងកម្សាន្តបានផង ហើយទាំងនេះហើយគឺជាអ្វីដែលធ្វើឲ្យគម្រោងខុនដូ Urban Village ពិសេសជាងគម្រោងដទៃទៀត”។

ជាមួយនឹងតម្លៃសមរម្យ ត្រឹមតែ16$ក្នុងមួយថ្ងៃ អ្នកនឹងក្លាយជាម្ចាស់ខុនដូលំដាប់ពិភពលោក ដែលឋិតនៅចំកណ្ដាលទីក្រុងភ្នំពេញ។

លោកបណ្ឌិត Ben Li ស្ថាបនិក Urban Village & Factory Phnom Penh មានប្រសាសន៍ថា “ជាង60% នៃអ្នកទិញជាជនជាតិខ្មែរ ដូច្នេះយើងពិតជារីករាយណាស់ ដែលបានបង្កើតសហគមន៍ដ៏ធំបំផុតនេះ សម្រាប់ប្រជាជនខ្មែរជំនាន់ក្រោយ ដើម្បីឲ្យពួកគេទទួលបានបទពិសោធន៍ដ៏អស្ចារ្យ ពីគ្រឿងបរិក្ខារទំនើបៗជាមួយនឹង ការរស់នៅដែលមានស្ដង់ដាខ្ពស់”។

គម្រោងខុនដូ Urban Village គឺជាខុនដូដែលលក់ដាច់បំផុតនៅកម្ពុជា និងជាគម្រោងដែលទទួលបានពានរង្វាន់ច្រើន ជាងគេ ជាមួយនឹងពានរង្វាន់ ចំនួន30នៅទូទាំងពិភពលោក។

សម្រាប់ព័ត៌មានបន្ថែមសូមទំនាក់ទំនងទៅកាន់៖

+855 17 999 541

គេហទំព័រ: www.urbanvillage.com.kh

ហ្វេសប៊ុក: Urban Village Phnom Penh

Urban Village creates the largest community living for Cambodia’s young generation

By Vicheka

Phnom Penh Located along Hun Sen Boulevard, Urban Village is the first community-focused lifestyles in Phnom Penh. Its design is inspired by Cambodian traditional lifestyles.

Equipped with world-class facilities as well as flexible architectural design, its residents can feel right at home with good ventilation and natural sunlight in and out of their warm family.

With 7.6 hectares of land, Urban Village is more than just a shelter. Its design features a lot of green space where its residents can enjoy outdoor activities for family bonding, relaxing outside, and making new friends in this huge community.

Adjacent to Factory Phnom Penh, the largest creative hub in Southeast Asia, residents can fully access almost everything here as there are many built amenities, including various food & drinks, gym, spa, retail shops, library, art gallery, trampoline park, Montessori school, Singapore kindergarten, co-working space, offices, and entertainment on the weekends. Urban village is a space where you can live, work, and play. Urban Village creates a vibrant community where fun and excitement can be found within a few minutes.

With it well situated in a fast-growing commercial area, Urban Village is only 5 minutes away from Chip Mong Maga mall and Aeon 3, the largest Japanese shopping mall in Phnom Penh.

Catherine Chan, Executive Director of Urban Village & Factory Phnom Penh said, “We want to create a

community living within the city center with a luxury of modern living for Cambodian young generation.”

“As a developer, we believe that quality alone isn’t enough; we need to think about what more our residents need. As you can see, we create a space where our residents live, work, and play. That is what makes living at Urban Village unique.”, she added.

With an affordable price of only $16 per day, you will become the owner of this world-class condo in Phnom Penh.

Dr. Ben Li, Founder of Urban Village & Factory Phnom Penh, said, “More than 60% of buyers are Cambodian, so we are delighted that we build this largest community living for Cambodia’s next generation to experience the top-notch facilities with a high standard of living.”

Urban Village is the country’s best-selling condominium and most award-winning project, with 30 awards across the world.

For more information please contact:

+855 17 999 541

Website: www.urbanvillage.com.kh

Facebook: Urban Village Phnom Penh

ការសិក្សាថ្មីៈខុនដូចំនួន៣៩០០យូនីតបានបញ្ចប់ការសាងសង់នៅត្រីមាសទី១ឆ្នាំនេះ

ដោយៈ គង់ សួរិយា

ភ្នំពេញៈ គំរោងខុនដូចំនួន៥ ស្មើនឹងប្រមាណ៣៩០០ យូនីត បានប្រកាសបញ្ចប់ការសាងសង់ នៅក្នុងត្រីមាសទី១ ឆ្នាំ ២០២៣ ដែលធ្វើឱ្យចំនួនបន្ទប់ខុនដូ នៅក្នុងរាជធានីភ្នំពេញ គិតត្រឹមចុងខែមីនា កន្លងទៅកើនដល់ប្រមាណ៤៨,៦០០យូនីត។

ការសិក្សារបស់ក្រុមហ៊ុនCBRE Cambodiaបានឲ្យដឹងកាលពីសប្តាហ៍មុនថា ក្នុងពេលដំណាលគ្នានេះ ខុនដូចំនួន២គំរោងបានប្រកាសបើកលក់។

ការស្រាវជ្រាវរបស់ក្រុមហ៊ុនCBRE Cambodiaបានឱ្យដឹងទៀតថា ការបើកដំណើរការសេដ្ឋកិច្ចសង្គមឡើងវិញ របស់ប្រទេសនានាលើពិភពលោក បន្ទាប់ពីការឆ្លងរាលដាលជំងឺកូវីដ១៩ ធូរស្រាល បានធ្វើឱ្យសកម្មភាពនៃការសាងសង់ថ្មី និងការបញ្ចប់គម្រោងចាស់ៗ មានដំណើរទៅមុខល្អប្រសើរនាដើមឆ្នាំនេះ។ ទោះយ៉ាងណា សម្រាប់ចលនាទិញលក់អចលនទ្រព្យ គឺនៅតែបន្តភាពស្ងប់ស្ងាត់ដដែល។

ក្រុមហ៊ុនCBRE Cambodiaបានឲ្យដឹងផងដែរថា បើគិតចន្លោះពីខែមករា -ខែមីនា ឆ្នាំ ២០២៣ ក្នុងរាជធានីភ្នំពេញ មានគម្រោងអភិវឌ្ឍន៍ខុនដូ៥ បានបញ្ចប់ការសាងសង់ និងបើកឱ្យអតិថិជនចូលស្នាក់នៅ។ ក្នុងចំណោមគម្រោងទាំងនោះ មានគំរោងចំនួន២ ជាប្រភេទតម្លៃមធ្យម (Mid Range) និង៣គម្រោងទៀត ជាប្រភេទតម្លៃសមរម្យ (Affordable)។

ចំណែកគម្រោង២ ដែលប្រកាសចាប់ផ្តើមលក់ រួមមានJ Tower 3 និងគម្រោង Morgan Champs elysees (Phase 1)។ គម្រោងទាំង ២ មានបន្ទប់ស្នាក់នៅសរុបជាង១៣០០យូនីត។

យោងតាម CBRE Cambodia សម្រាប់តម្លៃលក់ក្នុងត្រីមាសទី ១ ឆ្នាំ ២០២៣ គឺស្ថិតក្នុងតម្លៃប្រហាក់ប្រហែលត្រីមាសទី៤ ឆ្នាំ ២០២២ ដោយបន្ទប់ខុនដូប្រណីត (High-End) មានតម្លៃលក់ជាមធ្យម២៦០៩ ដុល្លារក្នុង១ម៉ែត្រការ៉េ តម្លៃនៅដដែលធៀបនឹងត្រីមាសទី៤ ឆ្នាំ២០២២។

ខុនដូតម្លៃមធ្យម (Mid-Range) ២ ០០១ ដុល្លារ ថយចុះ ០,៤ ភាគរយ និងប្រភេទតម្លៃសមរម្យ (Affordable)១៣៧១ដុល្លារធ្លាក់ចុះ ០,១ភាគរយ៕

តើអ្វីជាសារៈសំខាន់ទាំង៥ដែលពេលទិញលក់អចលនទ្រព្យ គួរប្រើប្រាស់ភ្នាក់ងារជំនាញ?

ដោយៈ ជេស៊ីកា

ភ្នំពេញៈ ភ្នាក់ងារអចលនទ្រព្យមានជំនាញ ដើរតួនាទីក្នុងការជួយគាំទ្រទាំងផ្នែកបច្ចេកទេស និងការប្រឹក្សាយោបល់។

ទោះបីជាយ៉ាងណា បើពិនិត្យលើស្ថានភាពជាក់ស្តែង ក្នុងវិស័យអចលនទ្រព្យកម្ពុជាបច្ចុប្បន្ន ប្រជាពលរដ្ឋមួយចំនួន នៅតែងមានទស្សនយល់ថា មិនចង់ជួលភ្នាក់ងារអចលនទ្រព្យ ដោយសារតែមានការតម្រូវឱ្យបង់ប្រាក់ជាដើម។

ទន្ឬឹមជាមួយគ្នានេះ ការវិនិយោគអចលនទ្រព្យ បានក្លាយជាផ្នត់គំនិតថ្មីមួយ សម្រាប់របស់ប្រជាជនក្នុងស្រុក ។ ជាការពិតណាស់ សម្រាប់អ្នកដែលវិនិយោគបានត្រឹមត្រូវ ពួកគេអាចទទួលបានផលចំណេញខ្ពស់ជាទីគាប់ចិត្ត។

ប៉ុន្តែពួកគេប្រហែលជាមិនដឹងទេថា ភ្នាក់ងារអាចជួយគេបានច្រើនបំផុត និងចំណេញច្រើនលើសពីហិរញ្ញវត្ថុ ។ ខាងក្រោមនេះគឺជាហេតុផល និងអត្ថប្រយោជន៍មួយចំនួន ដែលអ្នកគួរតែដឹង និងសិក្សាស្វែងយល់។

ទី១- ទទួលបានផ្ទះតាមក្តីស្រមៃរបស់អ្នក

ជាធម្មតា នៅពេលមានបំណងចង់ទិញផ្ទះ អ្នកតែងតែស្រមៃឃើញពីលក្ខណៈ និងស្ថានភាពផ្ទះដែលអ្នកចង់បាន ។ ប៉ុន្តែមិនមានមនុស្សច្រើនប៉ុន្មានទេ ដែលទទួលបានផ្ទះ ដូចការស្រមៃរបស់ខ្លួន។

អ្នកខ្លះចង់បានផ្ទះ ដែលមានទីតាំងជិត សាលារៀន មន្ទីរពេទ្យ ឬកន្លែងកម្សាន្តនានា ជាមួយនឹងបរិយាកាសសមប្រកប ប៉ុន្តែអ្វីដែលគេទទួលបាន គឺគ្រាន់តែជាផ្ទះសាមញ្ញធម្មតា ។ អ្វីទាំងអស់នេះ អាចកើតឡើងដោយសារតែការមិនមាន ការជួយជ្រោមជ្រែងពីភ្នាក់ងារអចលនទ្រព្យ ក្នុងការជួយរកផ្ទះតាមការចង់បានរបស់ របស់ពួកគេ ។ ម្ចាស់ផ្ទះមួយចំនួនដាក់លក់ផ្ទះ តាមរយៈភ្នាក់ងារ (ដោយមិនមានការដាក់ផ្លាកផ្សព្វផ្សាយនោះទេ) ។

ដូចនេះ ប្រសិនបើអ្នកមិនមែនជាភ្នាក់ងារអចលនទ្រព្យ អ្នកប្រហែលជាមិនអាចដឹងបានថា ផ្ទះនោះត្រូវបានដាក់លក់នោះទេ ។ ដូច្នេះការជួលភ្នាក់ងារអចលនទ្រព្យ អាចជួយអ្នកឱ្យរកបានផ្ទះតាមក្តីស្រមៃ ក្នុងតម្លៃសមរម្យណាមួយ។

ទី២- វិធីសាស្រ្តនៃការចរចា

តម្រូវការទិញលក់ក្នុងពេលបច្ចុប្បន្ន មានការកើនឡើង ប៉ុន្តែការប្រើប្រាស់ភ្នាក់ងារអចលនទ្រព្យ ហាក់នៅមានកម្រិតនៅឡើយ ដោយសារគេសម្រេចចិត្តចរចា ជាមួយអ្នកលក់ដោយខ្លួនឯង ប៉ុន្តែជាធម្មតា ការចរចាតែងភ្ជាប់មួយអារម្មណ៍ ដែលឧបសគ្គយ៉ាងខ្លាំងក្នុងការសម្រេចចិត្ត ឬធ្វើឱ្យអ្នកមិនអាចទទួលបានផ្ទះ ក្នុងតម្លៃដែលអ្នកចង់បាន។

ចំណែកភ្នាក់ងារអចលនទ្រព្យ ដែលប្រកបដោយវិជ្ជាជីវៈ មានសមត្ថភាពបញ្ចុះបញ្ចូលអ្នកលក់ ឱ្យម្ចាស់ផ្ទះព្រមបញ្ចុះតម្លៃទៅតាមការចង់បានរបស់អ្នក។ ដូច្នេះ អ្នកមិនចាំបាច់ចូលនិយាយចរចាដោយផ្ទាល់នោះទេ។

ទី៣- មានភាពច្បាស់លាស់លើលិខិតស្នាមផ្សេងៗ

ជាទូទៅ លិខិតស្នាមផ្លូវច្បាប់តែងត្រូវបានភ្ជាប់ មកជាមួយនៅពេលដែលអ្នកមានសកម្មភាពសេដ្ឋកិច្ចអ្វីមួយ។ លើសពីនេះទៅទៀត លិខិតស្នាមក្នុងវិស័យអចលនទ្រព្យ ប្រហែលជាមានលក្ខណៈស្មុគស្មាញច្រើន ប្រសិនបើអ្នកមិនមែនជាអ្នកប្រឡូក ក្នុងវិស័យនោះ ។

អ្នកអាចជួបបញ្ហាច្រើន ដូចជាការឆបោកផ្សេងៗ ដែលកំពុងតែកើតមានច្រើន នៅក្នុងវិស័យអចលនទ្រព្យសព្វថ្ងៃនេះ ប៉ុន្តែភ្នាក់ងារអចលនទ្រព្យ អាចជួយដោះស្រាយបញ្ហានេះបាន ដោយសារតែពួកគេ បានទទួលការហ្វឹកហ្វឺនទាក់ទងនឹងផ្នែកនេះ ។

គុណសម្បត្តិមួយ គឺអាចជួយឱ្យអ្នកជៀសវាងបាន ពីបញ្ហាផ្សេងៗ និងការឆបោកផងដែរ។

ទី៤- ចំណេះដឹងអចលនទ្រព្យទូលំទូលាយ

ដោយសារតែភ្នាក់ងារអចលនទ្រព្យ ប្រឡូកក្នុងវិស័យនេះ និងបានចំណាយពេលវេលាច្រើន ជាមួយនឹងអចលនវត្ថុ ពួកគេដឹងច្រើនពីស្ថានភាពផ្សេងៗរបស់ផ្ទះ ដី អចលនទ្រព្យណាមួយ ពាក់ព័ន្ធនឹងទីតាំង ប្រព័ន្ធលូ ច្បាប់ទំលាប់ផ្សេងៗ ។

ប្រសិនបើអ្នកទិញដោយខ្លួនឯង អ្នកអាចនឹងមិនដឹងពីព័ត៌មានទាំងអស់នេះ ដែលធ្វើឱ្យប៉ះពាល់ដល់អ្នក នៅពេលដែលអ្នកចូលទៅរស់នៅ ។ ការជួលភ្នាក់ងារអចលនទ្រព្យ អាចធ្វើឱ្យអ្នកដឹងពីស្ថានភាពទាំងនេះ និងធ្វើឱ្យអ្នកសម្រេចចិត្តបានយ៉ាងត្រឹមត្រូវ។

ទី៥- ជួយបិទការលក់ដោយជោគជ័យ

ការចុះកិច្ចសន្យាជាផ្លូវការ អាចមានដំណើរការយូរ ដែលធ្វើឱ្យអ្នកមានភាពធុនទ្រាន់។ ប៉ុន្តែបើអ្នកមានជំនួយពីភ្នាក់ងារតាមដំណាក់កាលនីមួយៗ អ្នកនឹងមិនស្មុកស្មាញច្រើននោះទេ ។ លើសពីនេះក្រោយពីអ្នកបាន សម្រេចចិត្តទិញផ្ទះនោះហើយ អ្នកក៏នៅតែមានរឿងជាច្រើនទៀតត្រូវគិតគូរ ដូចជា ការបង់ពន្ធ ការផ្ទេរទ្រព្យសម្បត្តិជាដើម។

ប្រសិនបើអ្នក មិនមានភ្នាក់ងារអចលនទ្រព្យនោះទេ អ្នកប្រហែលជាពិបាក ក្នុងតំណាក់កាលនេះបន្តិច។ ដូច្នេះការមានភ្នាក់ងារចាំជួយយើង រាល់កិច្ចការស្មុគស្មាញទាំងនេះ វាក៏ជួយយើងឱ្យធូស្រាលមួយកម្រិតទៀតផងដែរ៕

1...970971972...3,258 Page 971 of 3,258