China’s trade with Russia surges at double-digit pace in Jan-Feb

BEIJING : China’s exports and imports with Russia surged at a double-digit pace in January-February from a year earlier, customs data showed on Tuesday, as China said it had to advance relations with its northern neighbour in an increasingly turbulent world.

China’s exports to Russia jumped 19.8 per cent in the first two months, to a total of $15 billion, while it recorded shrinking demand from markets elsewhere. Imports from Russia soared by 31.3 per cent to $18.65 billion.

That left the world’s second-biggest economy’s trade deficit with Russia at about $3.6 billion.

China’s seaborne imports of Russian oil are set to hit a record this month after refiners took advantage of cheap prices as domestic fuel demand rebounded following the lifting of COVID-19 curbs, Reuters reported last week.

Foreign Minister Qin Gang told a news conference on the sidelines of an annual parliamentary session in Beijing on Tuesday that China had to advance its relations with Russia as the world becomes more turbulent.

Asked whether it was possible that China and Russia would abandon the U.S. dollar and euro for bilateral trade, Qin said that countries should use whatever currency was efficient, safe and credible.

“Currencies should not be the trump card for unilateral sanctions, still less a disguise for bullying or coercion,” he said.

China’s trade with Russia hit a record high in 2022 as Western countries imposed sanctions on Russia over its invasion of Ukraine.

Source: Reuters

ChatGPT គ្រោងដាក់ឱ្យប្រើប្រាស់ជាភាសាខ្មែរនាពេលអនាគត

ដោយៈ ច្រាយ ចំណាន

ភ្នំពេញៈ ប្រមាណជាង៦ខែកន្លងមកនេះ គណៈកម្មាធិការរដ្ឋាភិបាលឌីជីថលបានប្រើប្រាស់ ChatGPT ដើម្បីសម្រួលដល់ការបំពេញការងារប្រចាំថ្ងៃរបស់ខ្លួន និងការងារផ្នែកខ្លះរបស់ក្រសួងប្រៃសណីយ៍ និងទូរគមនាគមន៍ ឱ្យកាន់តែមានប្រសិទ្ធភាពស្របតាមការវិវត្តនៃបច្ចេកវិទ្យា។

ទន្ទឹមនឹងនេះ គណៈកម្មាធិការរដ្ឋាភិបាលឌីជីលថលបាន និងកំពុងសិក្សា ស្វែងយល់អំពីប្រព័ន្ធនេះបន្ថែម និងបានពិភាក្សាជាមួយក្រុមហ៊ុន ដើម្បីធ្វើយ៉ាងណាឱ្យ ChatGPT អាចប្រើប្រាស់បានជាភាសាខ្មែរ បន្ទាប់មកនឹងដាក់ឱ្យស្ថាប័នរដ្ឋនិងឯកជន រួមទាំងសាធារណជនទាំងអស់អាចប្រើប្រាស់បានទូលំទូលាយ។

ChatGPT គឺជាប្រព័ន្ធបញ្ញាសិប្បនិម្មិត (Artificial Intelligence-AI) បានអភិវឌ្ឍកាលពីឆ្នាំ២០១៨ ដោយក្រុមហ៊ុន Open AI នៅទីក្រុងសាន់ហ្វ្រាន់ស៊ីស្កូ សហរដ្ឋអាមរិក និងប្រកាសដាក់ឱ្យដំណើការជាផ្លូវការក្នុងឆ្នាំ២០២២។

ពាក្យ GPT នេះមានពាក្យពេញថា Generative Pre-Trained Transformer (GPT) គឺជាគំរូភាសា ដែលជាក្បួនដោះស្រាយប្រើប្រាស់ AI ហើយត្រូវរចនាឡើងដើម្បីស្វែងយល់ និងបង្កើតភាសាឱ្យដូចមនុស្ស។

ChatGPT ពិតជាមានសមត្ថភាពខ្ពស់ ក្នុងការសម្រួលដល់ការងារប្រចាំថ្ងៃ ដូចជា ការងាររដ្ឋបាល ការងារគ្រប់គ្រងធនធានមនុស្ស ការឆ្លើយតបនឹងសំណួរ សរសេរអត្ថបទ បកប្រែ វិភាគ សរសេរកូដ និងការងារផ្សេងជាច្រើនទៀត ដែលប្រៀបបានទៅនឹងជំនួយការម្នាក់របស់យើង។ ChatGPT បានប្រើប្រាស់ Large Language Model (មានជាង ១៧៥ ប៊ីលាន មាត្រដ្ឋាន) ដែលត្រូវបានអភិវឌ្ឍឡើង ឱ្យមានសមត្ថភាពយល់ដឹង ពីភាសារបស់មនុស្សយើង ហើយឆ្លើយតបវិញបានឆាប់រហ័សដូចជាមនុស្សដែរ។

មិនតែប៉ុណ្ណោះ ChatGPT ក៏អាចរៀនពីសារចាស់ៗ ដែលយើងបាន Chat ជាមួយ ដើម្បីឆ្លើយឆ្លងត្រូវបរិបទ ជាមួយមនុស្សម្នាក់ៗដោយឡែកពីគ្នា។

ដើម្បីទទួលបានឱកាសល្អៗ និងព័ត៌មានថ្មីៗអំពីបច្ចេកវិទ្យាឌីជីថល សូមចូលក្នុងឆានែលតេឡេក្រាម របស់ក្រសួងតាមរយៈតំណរភ្ជាប់ https://t.me/mptcgovkh៕

Will Russia sanctions dethrone ‘King Dollar’?

A flood of nations is trying to cut dependance on the dollar, fearing ‘weaponisation’ by the US. But it won’t be easy.

The United States dollar has ruled the financial world for nearly eight decades since the end of World War II. Now, another war is setting the stage for many countries to explore a move away from the dollar for trade, raising questions over the currency’s future dominance.

Russia’s invasion of Ukraine in February 2022 triggered a wave of US-led financial sanctions against Moscow.

The two most powerful among them have been the decision by Western governments to freeze nearly half ($300bn) of Russia’s foreign currency reserves and the removal of major Russian banks from SWIFT, an interbank messaging service that facilitates international payments.

These sanctions, which some have called the “weaponisation” of the dollar, have predictably made Russia and China, the two biggest geopolitical rivals of the US, promote their alternative financial infrastructures.

But it isn’t just Beijing and Moscow. From India to Argentina, Brazil to South Africa and the Middle East to Southeast Asia, nations and regions have accelerated efforts in recent months towards arrangements aimed at reducing their dependence on the dollar.

At the heart of these de-dollarisation initiatives is the fear in many capitals that the US could someday use the power of its currency to target them the way it has sanctioned Russia, according to political economists and sanctions experts.

The short answer: The dollar’s dominance is unlikely to change in the near future, and it will remain the principal currency of international trade and transactions, analysts told Al Jazeera.

No other currency is close to replacing it. But its stranglehold on the global financial system could weaken if more countries start trading in other currencies and reduce their exposure to the dollar.

Source: Aljazeera

ទីផ្សារអចលនទ្រព្យថៃ ក្នុងឆ្នាំ២០២៣ នៅតែពឹងផ្អែកខ្លាំងលើ តម្រូវការពីបរទេស

ដោយៈ សុខុម

បាងកក: ទោះបីជាសេដ្ឋកិច្ចប្រទេសថៃ ងើបឡើងវិញយ៉ាងណាក្ដី ក៏ទីផ្សារអចលនទ្រព្យក្នុងប្រទេសនេះសម្រាប់ឆ្នាំ២០២៣ អាចនៅតែពឹងផ្អែកខ្លាំងលើតម្រូវការបរទេស ដោយសារកត្តាអវិជ្ជមាននានាបន្តជះផលប៉ះពាល់ដល់អ្នកទិញក្នុងស្រុក។ នេះបើយោងតាមក្រុមអ្នកជំនាញសេដ្ឋកិច្ច និងអ្នកវិភាគអចលនទ្រព្យ។

លោក Piyasak Manason អនុប្រធានជាន់ខ្ពស់នៃផ្នែកស្រាវជ្រាវទ្រព្យសម្បត្តិរបស់ក្រុមហ៊ុនមូលបត្រ InnovestX Securities លើកឡើងថា កំណើនទីផ្សារអចលនទ្រព្យថៃ ក្នុងឆ្នាំនេះទំនងជានឹងធ្លាក់ចុះ ដោយសារតែគោលនយោបាយ ហិរញ្ញវត្ថុផ្សេងៗគ្នា។

លោកបានបន្តថា “នៅពេលអតិផរណាហក់ឡើងខ្ពស់ ធនាគារកណ្តាលថៃ (BoT) នឹងដំឡើងអត្រាការប្រាក់ ដើម្បីទប់ទល់នឹងអតិផរណា។ ហើយជាមួយនឹងការលុបចោល នូវការបន្ធូរបន្ថយលក្ខខណ្ឌផ្ដល់ប្រាក់កម្ចី ដែលប៉ះពាល់ដល់តម្រូវការលំនៅដ្ឋានតម្លៃទាប យើងមិនរំពឹងថាទីផ្សារអចលនទ្រព្យ នឹងទទួលបានកំណើនរឹងមាំក្នុងពេលអនាគតដ៏ខ្លីនេះឡើយ”។

លោក Piyasak Manason បានថ្លែងថា តាមការរំពឹងទុក សេដ្ឋកិច្ចថៃ នឹងងើបឡើងវិញបន្តិចម្តងៗ នៅក្នុងឆមាសទី១ ដើមឆ្នាំ២០២៣ ដោយវិស័យទេសចរណ៍ បានដើរតួនាទីយ៉ាងសំខាន់នៅក្នុងការជំរុញកំណើន។ សេដ្ឋកិច្ចថៃ ត្រូវបានព្យាករណ៍ថានឹងសម្រេចបានកំណើនក្នុងរង្វង់៣%នៅឆ្នាំនេះ។

ទោះជាយ៉ាងណា តម្រូវការនឹងធ្លាក់ចុះ ក្នុងចំណោមអ្នកដែលមានប្រាក់ចំណូលទាប។ ហើយជាលទ្ធផល មានការកើនឡើងនូវប្រាក់កម្ចីមិនដំណើរការ (កម្ចីខូច) និងប្រាក់កម្ចីពិសេសសម្រាប់ទិញរថយន្ត កម្ចីទិញរំលស់និងប័ណ្ណឥណទាន។

កត្តាមិនអំណោយផលផ្សេងៗទៀត រួមមានការចំណាយខ្ពស់ជាងមុននៅក្នុងការអភិវឌ្ឍ ដែលរួមមានថ្លៃសាងសង់ ថ្លៃសម្ភារៈ ថ្លៃដី និងប្រាក់ឈ្នួលជាដើម។

ទោះជាយ៉ាងណា តម្លៃលំនៅដ្ឋានមិនអាចដំឡើងថ្លៃច្រើនបានឡើយ។

លោក Piyasak Manason បានលើកឡើងទៀតថា “កត្តាដែលនឹងជំរុញកំណើន ក្នុងវិស័យអចលនទ្រព្យ នៅពេលអនាគតគឺការវិនិយោគពីបរទេស។ ប្រទេសថៃ នឹងក្លាយជាមូលដ្ឋានផលិតកម្មនៃតំបន់ Altasia បន្ទាប់ពីជម្លោះរវាងសហរដ្ឋអាមេរិក និងប្រទេសចិន”។

តំបន់ Altasia មាន១៤ប្រទេសនៅអាស៊ី ដែលត្រៀមខ្លួនជាស្រេច ដើម្បីផ្ដល់ជម្រើសខ្សែសង្វាក់ផ្គត់ផ្គង់ ជំនួសឱ្យខ្សែសង្វាក់ផ្គត់ផ្គង់របស់ប្រទេសចិន។

កាលពីឆ្នាំមុន ប្រទេសចិន ជាអ្នកវិនិយោគផ្ទាល់ពីបរទេសធំជាងគេបំផុតនៅប្រទេសថៃ ជាមួយនឹងទុនវិនិយោគជាង២,២ពាន់លានដុល្លារអាមេរិក ពីគម្រោងចំនួន១៥៨។

បន្ទាប់មកគឺប្រទេសជប៉ុន ជាមួយនឹងទុនវិនិយោគ១,៤៥ពាន់លានដុល្លារអាមេរិក ពីគម្រោងចំនួន២៩៣ ហើយបន្ទាប់មកទៀតគឺសហរដ្ឋអាមេរិក ជាមួយនឹងទុនវិនិយោគ១,៤៣ពាន់ លានដុល្លារអាមេរិក ពីគម្រោងចំនួន៣៣៕ Bangkok Post៕

វិភាគៈតើការដាក់ទណ្ឌកម្មរុស្ស៊ីនឹងទម្លាក់តំណែងប្រាក់ដុល្លារ ដែលជាស្តេចរូបិយប័ណ្ណនៅក្នុងពាណិជ្ជកម្មពិភពលោកឬយ៉ាងណា?

ដោយ: គង់ លាងហួរ

អន្តរជាតិ: រូបិយប័ណ្ណប្រាក់ដុល្លារអាមេរិក បានគ្រប់គ្រងពិភពលោកហិរញ្ញវត្ថុ អស់រយៈពេលជិត៨ទសវត្សរ៍ ចាប់តាំងពីការបញ្ចប់ទៅនៃសង្គ្រាមលោកលើកទី២។

ប៉ុន្តែខណៈនេះ ប្រទេសជាច្រើនកំពុងព្យាយាម កាត់បន្ថយការពឹងផ្អែកលើប្រាក់ដុល្លារ ដោយខ្លាចអាមេរិកយកវាធ្វើជាអាវុធ ប៉ុន្តែរឿងនេះ នឹងមិនងាយស្រួលនោះទេ។

បច្ចុប្បន្ននេះ សង្រ្គាមមួយទៀតកំពុង កំណត់ដំណាក់កាលសម្រាប់បណ្តាប្រទេសជាច្រើន ដើម្បីស្វែងរកចំណាត់ការផ្លាស់ប្តូរចេញឆ្ងាយពីប្រាក់ដុល្លារ សម្រាប់ការធ្វើពាណិជ្ជកម្ម ដោយបង្កជាសំណួរជាច្រើនឡើង អំពីការគ្រប់គ្រងនាពេលអនាគត របស់រូបិយប័ណ្ណដុល្លារអាមេរិក។

ការឈ្លានពានរបស់រុស្ស៊ី មកលើអ៊ុយក្រែន បានបង្កឱ្យមានរលកនៃទណ្ឌកម្មហិរញ្ញវត្ថុ ដែលដឹកនាំដោយសហរដ្ឋអាមេរិក ប្រឆាំងនឹងទីក្រុងម៉ូស្គូ។

ទណ្ឌកម្មដ៏មានឥទ្ធិពលបំផុតចំនួន២ ក្នុងចំណោមទណ្ឌកម្មទាំងនោះ គឺជាការសម្រេចចិត្តរបស់រដ្ឋាភិបាល លោកខាងលិចក្នុងការបង្កកប្រាក់បម្រុងរូបិយ ប័ណ្ណបរទេសជិតពាក់កណ្តាល (៣០០ពាន់លានដុល្លារ)របស់រុស្ស៊ី និងការដកធនាគារធំៗរបស់រុស្ស៊ី ចេញពីប្រព័ន្ធផ្ទេរប្រាក់អន្តរជាតិ SWIFT ។

ទណ្ឌកម្មទាំងនេះ ដែលអ្នកខ្លះហៅថា “ការយកប្រាក់ដុល្លារធ្វើជាអាវុធ”បានព្យាករណ៍ទុកថា ប្រទេសរុស្ស៊ី និងចិន ដែលជាគូប្រជែងភូមិសាស្ត្រនយោបាយ ដ៏ធំបំផុតរបស់សហរដ្ឋអាមេរិក នឹងខិតខំជំរុញហេដ្ឋារចនាសម្ព័ន្ធហិរញ្ញវត្ថុជំនួសរបស់ពួកគេ។

ទោះបីជាយ៉ាងនេះក្តី វាមិនមែនមានត្រឹមតែទីក្រុងប៉េកាំង និងទីក្រុងមូស្គូនោះទេដែលធ្វើដូច្នេះ។

ប៉ុន្តែចាប់ពីប្រទេសឥណ្ឌាដល់អាហ្សង់ទីន ប្រេស៊ីល រហូតដល់អាហ្វ្រិកខាងត្បូង និងមជ្ឈិមបូព៌ា រហូតដល់តំបន់អាស៊ីអាគ្នេយ៍ ប្រជាជាតិ និងតំបន់នានា បានពន្លឿនកិច្ចខិតខំប្រឹងប្រែង ក្នុងរយៈពេលប៉ុន្មានខែថ្មីៗនេះ ឆ្ពោះទៅរកការរៀបចំ ដែលមានបំណងកាត់បន្ថយការពឹងផ្អែកលើប្រាក់ដុល្លារ។

ចំណុចស្នូលនៃគំនិតផ្តួចផ្តើម ដកប្រាក់ដុល្លារទាំងនេះ គឺជាការភ័យខ្លាចសម្រាប់ប្រទេសជាច្រើន ដែលថ្ងៃណាមួយ សហរដ្ឋអាមេរិកអាចប្រើប្រាស់អំណាចនៃរូបិយប័ណ្ណរបស់ខ្លួន ដើម្បីកំណត់គោលដៅពួកគេតាមវិធី ដែលខ្លួនបានដាក់ទណ្ឌកម្មរុស្ស៊ី។ នេះបើយោងតាមអ្នកសេដ្ឋកិច្ចនយោបាយ និងអ្នកជំនាញផ្នែកទណ្ឌកម្ម។

ដូច្នេះ តើចលនាទាំងនេះ ពិតជាអាចទម្លាក់តំណែងរបស់រូបិយបណ្ណអាមេរិក ដែលគេហៅថា “ដុល្លារស្តេច” នៅក្នុងរង្វង់ហិរញ្ញវត្ថុ ពីតំណែងជារូបិយវត្ថុដ៏សំខាន់បំផុត នៅក្នុងពាណិជ្ជកម្មពិភពលោកដែរឬទេ?

ចម្លើយខ្លីៗ ក្រុមអ្នកវិភាគបានបញ្ជាក់ប្រាប់សារពត៌មាន Al Jazeera ថា “ឥទ្ធិពលរបស់ប្រាក់ដុល្លារ ទំនងជាមិនផ្លាស់ប្តូរក្នុងពេលដ៏ខ្លីខាងមុខនេះទេ ហើយវានឹងនៅតែជារូបិយប័ណ្ណសំខាន់ នៃពាណិជ្ជកម្ម និងប្រតិបត្តិការអន្តរជាតិ ហើយមិនមានរូបិយប័ណ្ណផ្សេងទៀតដែលនៅកៀតជិតនឹងជំនួសវានោះទេ”។

ទោះបីជាយ៉ាងនេះក្តី ការគ្រប់គ្រងផ្តាច់មុខរបស់ប្រាក់ដុល្លារនៅលើប្រព័ន្ធហិរញ្ញវត្ថុសកលអាចចុះខ្សោយ ប្រសិនបើប្រទេសជាច្រើនទៀត ចាប់ផ្តើមជួញដូររូបិយប័ណ្ណផ្សេងទៀត និងកាត់បន្ថយការប៉ះពាល់ជាមួយប្រាក់ដុល្លារ៕

ទំនប់វារីអគ្គិសនីតម្លៃជាង២៣០លានដុល្លារនៅខេត្តពោធិសាត់នឹងបញ្ចប់នៅឆ្នាំ២០២៦

ដោយៈ គង់ សួរិយា

ពោធិសាត់ៈ អភិបាលនៃគណៈអភិបាល ខេត្តពោធិសាត់លោក ខូយ រីដាបានមានប្រសាសន៍ថា វារីអគ្គិសនីស្ទឹងពោធិ៍សាត់ មានអានុភាព៨០មេហ្គាវ៉ាត់ (MW) ដែលវិនិយោគដោយក្រុមហ៊ុនកូរ៉េ SPHP (Cambodia) Co Ltd ជាមួយទឹកប្រាក់វិនិយោគប្រមាណ២៣១លានដុល្លារ នឹងបញ្ចប់ការសាងសង់នៅពេលខាងមុខនេះ។

ថាមពលវារីអគ្គិសនីនេះ នឹងជួយផ្តត់ផ្គង់ដល់ខ្សែចង្វាក់ផលិតកម្មក្នុងស្រុក និងថាមពលប្រកដោយសុវត្ថិភាព។

លោក ខូយ រីដា អភិបាលខេត្តពោធិ៍សាត់ ថ្លែងក្នុងសន្និសីទសារព័ត៌មានស្តីពី “ភាពជោគជ័យរយៈពេល៥ឆ្នាំ របស់រដ្ឋបាលខេត្តពោធិ៍សាត់” នៅទីស្តីការគណៈរដ្ឋមន្ត្រី នាថ្ងៃទី៧ ខែមីនា ឆ្នាំ២០២៣ បានឱ្យដឹងថា វារីអគ្គិសនីស្ទឹងពោធិ៍សាត់១ ដែលមានអានុភាព៨០ មេហ្គាវ៉ាត់ (MW) ស្ថិតនៅភូមិស្ទឹងថ្មី ឃុំប្រមោយ ស្រុកវាលវែង គ្រោងនឹងដាក់ឱ្យដំណើរការនៅក្នុងឆ្នាំ២០២៦ នាពេលខាងមុខនេះដោយបច្ចុប្បន្ន ក្រុមហ៊ុនកំពុងដំណើរការសាងសង់ទំនប់។

លោកបន្តថា គម្រោងវារីអគ្គិសនីស្ទឹងពោធិ៍សាត់១ គឺជាគម្រោងវារីអគ្គិសនីទី២ របស់ខេត្តពោធិ៍សាត់ បន្ទាប់ពីគម្រោងវារីអគ្គិសនីទី១ គឺវារីអគ្គិសនីស្ទឹងអាតៃ ស្ថិតនៅភូមិឆាយលូក ឃុំអូរសោម ស្រុកវាលវែង មានអានុភាព១២០មេហ្គាវ៉ាត់ (MW) កំពុងដំណើរការ។

លោកខូយ រីដាបានបន្តថា វារីអគ្គិសនីនេះ គឺមានថាមពលជារៀងរាល់ថ្ងៃ អត់មានរដូវវស្សានិងរដូវប្រាំងទេ គឺមានជាប់រហូត ដោយសារតែទឹកស្ទឹងពោធិ៍សាត់មានទឹកគ្រប់រដូវ។

ជាមួយគ្នានេះ លោក វិចទ័រ ហ្សូនា អគ្គនាយកនៃអគ្គនាយកដ្ឋានថាមពលនៃក្រសួងរ៉ែ និងថាមពលបានមានប្រសាសន៍ឲ្យដឹងផងដែរថា ក្រសួងរ៉ែ និងថាមពល បានផ្ដល់អាជ្ញាប័ណ្ណឱ្យក្រុមហ៊ុននេះ សិក្សាលទ្ធភាពនៅលើទីតាំងនេះ ចាប់តាំងពីឆ្នាំ២០១២។

លោកបន្តថា ក្រុមហ៊ុននេះបានចុះ កិច្ចព្រមព្រៀងរួចហើយជាមួយអគ្គិសនីកម្ពុជា (EDC) សម្រាប់ការលក់ថាមពលទាំងអស់ដែលខ្លួនផលិតបាន ដើម្បីភ្ជាប់ទៅបណ្តាញជាតិជាមួយនឹងតម្លៃ០,៧ សេន ដុល្លារក្នុង ១ គីឡូវ៉ាត់ម៉ោង។

លោក ស៊ុយ សែម រដ្ឋមន្ត្រីក្រសួងរ៉ែ និងថាមពល បានថ្លែងនៅក្នុងវេទិកាសាធារណៈកាលពីខែតុលា ឆ្នាំមុនថា បច្ចុប្បន្នអគ្គិសនីកើនឡើងដល់៩៨,៥ ភាគរយនៃភូមិជាង ១៤០០០របស់ប្រទេសកម្ពុជា។ ដោយមានតែ១ភាគតូច នៃគ្រួសារដែលដាច់ដោយឡែក ដែលនៅសេសសល់ក្រៅបណ្តាញជាតិ៕

អ្នកជំនាញទីផ្សារខុនដូនៅក្រុងព្រះសីហនុចាប់ផ្តើមមានសញ្ញា ល្អប្រសើរ

ដោយៈ ជេស៊ីកា

ភ្នំពេញៈ អ្នកជំនាញបានលើកឡើងថា ទីផ្សារខុនដូនៅក្រុងព្រះសីហនុចាប់ផ្តើម មានសញ្ញាប្រសើរឡើងវិញបណ្តើរៗហើយ ដោយសារកត្តាមួយចំនួន។

អគ្គនាយកក្រុមហ៊ុនERA Cambodiaលោកខន គង្គាបានមានប្រសាសន៍ឲ្យដឹងតាមបណ្តាញ តេឡេក្រាមកាលពីល្ងាចថ្ងៃទី៨ មិនាថា សកម្មភាពទិញ លក់ ជួល ខុនដូ ក៏ដូចជាអចលនទ្រព្យមួយចំនួនទៀត នៅក្រុងព្រះសីហនុ បានងើបឡើងវិញ បន្ទាប់ពីការបើកដំណើរការផ្លូវល្បឿនលឿន និងការមកដល់របស់ភ្ញៀវទេសចរណ៍បរទេស និងអ្នកវិនិយោគចិនមួយចំនួន។

លោកបន្តថា “អ្វីៗមានភាពប្រសើរ ជាមួយនឹងសុទិដ្ឋិនិយម ស្របពេលតម្លៃជួលនៅទីតាំងមួយចំនួន ទទួលបានតម្លៃខ្ពស់ផងដែរ”។ លោកបន្តថា “ទីផ្សារនេះបាននិងកំពុងបង្ហាញសញ្ញាវិជ្ជមាន ជាមួយនឹងការមកដល់របស់ភ្ញៀវទេសចរណ៍ និងអ្នកវិនិយោគកាន់តែច្រើន”។

អភិបាលខេត្តព្រះសីហនុ លោកគួច ចំរើនបានមានប្រសាសន៍ឲ្យដឹងកាលពីពេលថ្មីៗនេះថា អាគារជាប់គាំងចំនួន៨៩ បានចាប់ផ្តើមសាងសង់ឡើងវិញនៅក្រុងព្រះសីហនុ ក្នុងចំណោមអាគារដែលរដ្ឋបាលខេត្ត បានកំណត់អត្តសញ្ញាណជាង៣០០ទីតាំង។

ជាមួយគ្នានេះ អ្នកស្រីអាន សុធីតាអគ្គនាយិកាក្រុមហ៊ុនPropNex Cambodiaបានមានប្រសាសន៍ឲ្យដឹងផងដែរថា បន្ទាប់ពីរាជធានីភ្នំពេញ ខេត្តព្រះសីហនុ ហាក់មានសញ្ញាងើបឡើងប្រសើរជាងគេលើវិស័យអចលនទ្រព្យ បន្ទាប់ពីផ្លូវល្បឿនលឿនបើកដំណើរការកាលពីចុងឆ្នាំមុន។

អ្នកស្រីបន្តថា “យ៉ាងណាទីផ្សារនេះ នៅតែត្រូវការពេលវេលាបន្ថែមទៀត ដើម្បីឲ្យអចលនទ្រព្យនៅទីក្រុងនេះ មានសកម្មភាពរសរវើកឡើងវិញ”៕

លោកបណ្ឌិតហ៊ុន ម៉ាណែតៈក្នុងវិស័យការងាររដ្ឋាភិបាលយកចិត្តទុកដាក់លើផ្នែកសំខាន់ចំនួន៣

ដោយៈ គង់ សូរិយា

ភ្នំពេញៈ លោកបណ្ឌិតហ៊ុន ម៉ាណែតអគ្គមេបញ្ជាការកងទ័ពជើងគោក និងជាបេក្ខភាពអនាគតនាយករដ្ឋមន្រ្តីបានថ្លែងថា រាជតរដ្ឋាភិបាលក្រោមការដឹកនាំរបស់សម្តេចតេជោ បានយកចិត្តទុកដាក់លើវិស័យសំខាន់ៗចំនួន៣។

វិស័យសំខាន់ៗចំនួន៣នោះរួមមានដូចជា ទី១ ការបង្កើតការងារ តាមរយៈការកៀរគរវិនិយោគិន មកពីទូទាំងសាកលលោក ដោយបានខិតខំថែរក្សានូវបរិយាកាសសន្តិភាព ស្ថិរភាព និងសន្តិសុខ រួមជាមួយនឹងការកសាងហេដ្ឋារចនាសម្ព័ន្ធរូបវ័ន្តសំខាន់ៗ ក៏ដូចជាការបង្កើតគោលនយោបាយ លើកទឹកចិត្តនានា ដើម្បីធានាបានថា កម្ពុជាគឺជាគោលដៅដ៏ទាក់ទាញ សម្រាប់ការវិនិយោគរយៈពេលវែង ដែលធានាដល់លំនឹង នៃឱកាសការងារជូនប្រជាពលរដ្ឋ។

ទី២ ការថែរក្សាឱកាសការងារ តាមរយៈការរក្សាបាននូវស្ថិរភាពម៉ាក្រូសេដ្ឋកិច្ច និងបរិស្ថានការងារ ប្រកបដោយភាពសុខដុមរមនារវាងនិយោជិត និងនិយោជក ដែលជាតួអង្គសំខាន់ ក្នុងការធានាបាននូវមូលដ្ឋានរីកលូតលាស់ ចម្រុងចម្រើនរបស់រោងចក្រ-សហគ្រាស។

ទី៣. ការបង្កើនបន្ថែមទៀត នូវឱកាសការងារទាំងលើបរិមាណ, គុណភាព និងអត្ថប្រយោជន៍នានា សំដៅបង្កើនកម្រិតជីវភាព សុខុមាលភាព និងសមត្ថភាពជំនាញរបស់ប្រជាពលរដ្ឋកម្ពុជា នៅក្នុងបរិបទនៃការប្រកួតប្រជែង ក្នុងចរន្តសាកលភាវូបនីយកម្ម។

លោកបណ្ឌិត ហ៊ុន ម៉ាណែតបានថ្លែងបែបនេះ ក្នុងពិធីសម្ពោធរោងចក្រ Aroma Success Garment Co., LTD. នៅក្នុងខេត្តកំពង់ស្ពឺ កាលពីថ្ងៃទី៨ ខែមីនា ឆ្នាំ២០២៣។

លោកបណ្ឌិតហ៊ុន ម៉ាណែតបានថ្លែងនូវការកោតសរសើរ និងវាយតម្លៃខ្ពស់ ចំពោះសមិទ្ធផលរោងចក្រថ្មីរបស់ក្រុមហ៊ុន Sabrina Group ដែលមានវត្តមាននៅកម្ពុជាប្រមាណ២៥ឆ្នាំ កន្លងមកហើយ។ ការសម្រេចចិត្តវិនិយោគរបស់ក្រុមហ៊ុននៅកម្ពុជា គឺចាប់ផ្តើមដំបូងនៅក្នុងឆ្នាំ១៩៩៨ នៅពេលដែលកម្ពុជាទើបទទួលបានសុខសន្តិភាពពេញលេញ ក្រោមនយោបាយឈ្នះ-ឈ្នះរបស់ សម្តេចតេជោ នាយករដ្ឋមន្ត្រី។

លោកបន្តថា “ការសម្រេចចិត្តនេះ ពិតជាបានឆ្លុះបញ្ចាំងឱ្យឃើញ អំពីស្មារតីជឿជាក់មកលើរាជរដ្ឋាភិបាលកម្ពុជា និងស្មារតីរួមសុខរួមទុក្ខជាមួយប្រជាជនកម្ពុជា”។ លោកបន្តថា “ពិតណាស់ ការពង្រីកការបណ្តាក់ទុនវិនិយោគជាបន្តបន្ទាប់ មិនត្រឹមតែបង្ហាញអំពីភាពជោគជ័យ របស់ក្រុមហ៊ុនប៉ុណ្ណោះទេ ប៉ុន្តែក៏អាចបញ្ជាក់ឱ្យឃើញអំពីការចូលរួមរបស់ក្រុមហ៊ុន នៅក្នុងកិច្ចដំណើរការ នៃការអភិវឌ្ឍសង្គម-សេដ្ឋកិច្ចរបស់កម្ពុជាផងដែរ”។

ជាក់ស្តែង គិតមកដល់ថ្ងៃនេះ ក្រុមហ៊ុន Sabrina Group បានបង្កើតការងារសរុបចំនួន១៤.០០០ កន្លែង ដែលផ្តល់ផលប្រយោជន៍ដោយផ្ទាល់ និងដោយប្រយោលដល់ប្រជាពលរដ្ឋកម្ពុជា ជាពិសេសដល់បងប្អូន ដែលរស់នៅក្នុងមូលដ្ឋាន ស្រុកសំរោងទងផ្ទាល់។

លោកបណ្ឌិតហ៊ុន ម៉ាណែតបានបន្តថា ក្រោមការដឹកនាំប្រកបដោយចក្ខុវិស័យ យុទ្ធសាស្ត្រ និងភាពប៉ិនប្រសប់ របស់ សម្តេចតេជោ, កម្ពុជាទទួលបាននូវសន្តិភាព និងសន្តិសុខពេញលេញ។ សមិទ្ធផលដ៏មហាសាល និងមិនអាចកាត់ថ្លៃបាននេះ ពិតជាបាន និងកំពុងផ្តល់នូវផលជាក់ស្តែង ដល់ប្រទេសជាតិទាំងមូល ក្រោមរូបភាពនៃការកើនឡើងនូវទុនវិនិយោគពីបរទេស និងជាពិសេសការកើនឡើងនូវឱកាសការងារល្អៗ សម្រាប់លើកកម្ពស់កម្រិតជីវភាព របស់កម្មករ-និយោជិត៕

លោកបណ្ឌិតគីម ហ៊ាងបង្ហើបពីទីតាំងដីនៅតែមានសក្តានុពល ក្នុងការរកផលចំណេញ

ដោយៈ ស៊ីវ ម៉េង

ភ្នំពេញៈ ប្រធានក្រុមហ៊ុនKW Cambodia លោកឧកញ៉ាបណ្ឌិតគីម ហ៊ាងបានបង្ហើបពីទីតាំងដី ដែលនៅតែមានសក្តានុពលក្នុងការទាញផលចំណេញពីការវិនិយោគ។

លោកឧកញ៉ា ដែលបានទទួលស្គាល់ថា លោកទទួលភាពមានបាន ដោយសារការវិនិយោគដីធ្លី បានមានប្រសាសន៍ឲ្យដឹងកាលពីពេលថ្មីៗនេះថា ការវិនិយោគដីដែលល្អជាងគេ និងទីតាំងល្អជាងគេគឺដីនៅតំបន់ជាយក្រុង ប៉ុន្តែការនិយាយបែបនេះ មិនមែនមានន័យថា ដីនៅតាមបណ្តាខេត្តមិនចំណេញនោះទេ ដីនៅតាមខេត្តនៅតែចំណេញ តែត្រូវការពេលវេលាច្រើន។

លោកឧកញ៉ាបណ្ឌិតគីម ហ៊ាងបានបន្តទៀតថា ទោះជាយ៉ាងណាការវិនិយោគដីធ្លី នៅកម្ពុជាមិនសូវទទួលបានផលចំណេញខ្ពស់ដូចរយៈពេល៥ ទៅ១០ឆ្នាំមុនឡើយ ព្រោះស្ថានភាពពេលនេះមានអ្នកវិនិយោគដីកាន់តែច្រើន ដែលប្រៀបបាននឹងបឹង១ មានត្រី១០០០ក្បាល ដែលមានអ្នកចាប់កើនឡើងដល់១០០នាក់ ខណៈពីមុនមានអ្នកចាប់ត្រីតែ១០ ទៅ២០នាក់។

លោកឧកញ៉ាបានបន្តទៀតថា ទោះជាយ៉ាងណាក្តី ការវិនិយោគដីធ្លី នៅតែជាការវិនិយោគដែលមានភាពប្រាកដប្រជា និងផលចំណេញខ្ពស់ ធៀបនឹងផ្នែកផ្សេងទៀតនៃអចលនទ្រព្យ បើយើងទិញត្រូវទីតាំង និងត្រូវនឹងពេលវេលា ពិសេសការទិញដីបានតម្លៃល្អ៕

ប្រជាជនខ័ណ្ឌកំបូលនឹងលែងខ្វះទឹកស្អាតប្រើប្រាស់ បន្ទាប់ពីរោងចក្រ ប្រព្រឹត្តកម្មទឹកស្អាតថ្មីមួយបានចាប់ផ្តើមសាងសង់

ដោយៈ គង់ សូរិយា

ភ្នំពេញៈ បញ្ហាកង្វះទឹកស្អាត នៅតំបន់ប៉ែកខាងលិចរាជធានីភ្នំពេញ បាននិងកំពុងដោះស្រាយហើយ ដោយរដ្ឋាភិបាលកម្ពុជា និងជប៉ុនបានវិនិយោគទឹកប្រាក់ជាង២លានដុល្លារ ដើម្បីសាងសង់រោងចក្រប្រព្រឹត្តកម្មទឹកស្អាតកាលពីចុងសប្តាហ៍មុននេះ។

ពិធីបើកការដ្ឋានសាងសង់នេះ ធ្វើឡើងក្រោមអធិបតីភាពលោក ចម ប្រសិទ្ធ ទេសរដ្ឋមន្រ្តី រដ្ឋមន្រ្តី ក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងលោក UENO Atsushi ឯកអគ្គរាជទូត ជប៉ុន ប្រចាំកម្ពុជា។

ការដ្ឋានសាងសង់រោងចក្រប្រព្រឹត្តិកម្មទឹកស្អាត បឹងធំ ដែលមានទីតាំងស្ថិតនៅភូមិបឹងធំទី៣នេះ ស្ថិតក្នុងសង្កាត់បឹងធំ ខណ្ឌកំបូល រាជធានីភ្នំពេញ ។

លោកឡុង ណារ៉ូ អគ្គនាយក រដ្ឋាករទឹកស្វយ័តក្រុងភ្នំពេញ បានបញ្ជាក់ថា គម្រោងសាងសង់ រោងចក្រប្រព្រឹត្តកម្មទឹកស្អាត បឹងធំ រដ្ឋាករទឹកស្វយ័តក្រុងភ្នំពេញ បានទទួលហិរញ្ញប្បទានឥតសំណងពីរាជរដ្ឋាភិបាលជប៉ុន តាមរយៈស្ថានទូតជប៉ុនប្រចាំកម្ពុជា ។ ក្នុងនោះទុនវិនិយោគ បានពីហិរញ្ញប្បទានឥតសំណងរបស់ជប៉ុន មានចំនួនជិត ១.៥លានដុល្លារអាមេរិក ថវិកាបដិភាគរបស់ រដ្ឋាករទឹកស្វយ័តក្រុងភ្នំពេញ ចំនួន៩៣១.៩០០ដុល្លារអាមេរិក រយៈពេលសាងសង់០៧ ខែ ចាប់ ពី ខែ មីនា ដល់ ខែ តុលា ឆ្នាំ ២០២៣។

រោងចក្រនេះ មានសម្ថភាព ផលិតទឹកស្អាតបាន ៥.០០០ ម៉ែតត្រីគុណ ក្នុងមួយថ្ងៃ និងមានប្រវែងបណ្តាញចំនួន៥១គីឡូម៉ែត្រ ។

លោកUENO Atsushi ឯកអគ្គរាជទូតជប៉ុនប្រចាំកម្ពុជា បានមានប្រសាសន៍ថា រដ្ឋាភិបាលជប៉ុន ធ្វើការជាមួយកម្ពុជាលើវិស័យទឹកស្អាតនេះ ចាប់តាំងពីឆ្នាំ១៩៩៣មក ។ ចាប់ផ្តើមពីកិច្ចសហប្រតិបត្តិការនេះមក ក្រសួងឧស្សាហកម្ម គឺជាដៃគូមួយយ៉ាងសំខាន់ ក្នុងការអនុវត្ត នូវគម្រោងទឹកស្អាតមួយចំនួន ប្រកបដោយឆន្ទ:ខ្ពស់ និងការចូលរួមយ៉ាងសកម្ម។

មានប្រសាសន៍នាឱកាសនោះ លោកទេសរដ្ឋមន្រ្តី ចម ប្រសិទ្ធ បានថ្លែងអំណរគុណយ៉ាងជ្រាលជ្រៅ ដល់រដ្ឋាភិបាលជប៉ុន ដែលបានរួមចំណែកយ៉ាងសកម្ម ក្នុងផែនការអភិវឌ្ឍនៅកម្ពុជា និយាយជារួម និងដោយឡែកវិស័យទឹកស្អាត ជប៉ុន បានដើរតួយ៉ាងសំខាន់នៅម្ពុជា ។ និយាយឲ្យចំគឺប្រជាពលរដ្ឋកម្ពុជា ពេលបានទឹកស្អាតប្រើប្រាស់ ពិតជានឹកឃើញ និងដឹងគុណដល់រដ្ឋាភិបាល និងប្រជាជនជប៉ុនជានិច្ច ។ ជាក់ស្តែងតំបន់នេះ ដែលរាជរដ្ឋាភិបាលទើបកាត់បញ្ចូលក្នុងដែនដីរដ្ឋបាល រាជធានីភ្នំពេញ។

លោកបន្តថា “បើមិនមានជំនួយរបស់ជប៉ុនទេ សង្កាត់ទាំង៣ ក្នុងខណ្ឌតំបូល រួមមាន សង្កាត់ បឹងធំ សង្កាត់ ប្រទះឡាង និងពងទឹក នេះ គឺរង់ចាំដល់ឆ្នាំ២០៣០ ទើបមានទឹកស្អាតចូលដល់”។

រាជរដ្ឋាភិបាលកម្ពុជា ដែលដឹកនាំដោយ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា មានការគិតគូខ្ពស់ណាស់ចំពោះសុខទុក្ខ និងសុខមាលភាព ប្រជាពលរដ្ឋ ទូទៅ ពិសេស ត្រូវមានទឹកស្អាត ជូនប្រជាពលរដ្ឋប្រើប្រាស់ឲ្យបានគ្រប់គ្នាក្នុងទីប្រជុំជន នៅឆ្នាំ២០២៥ និងទឹកស្អាតសម្រាប់ទាំងអស់គ្នា នៅឆ្នាំ ២០៣០៕

1...1,0171,0181,019...3,259 Page 1,018 of 3,259