ថៃ មិនបារម្ភចំពោះស្ថានភាពទីផ្សារអចលនទ្រព្យរបស់ចិននោះទេ ហើយរំពឹងថានឹងទទួលបានភ្ញៀវទេសចរចិន៥លាននាក់ក្នុងឆ្នាំនេះ

សុខុម

បាងកក: អាជ្ញាធរទេសចរណ៍ថៃ (TAT) គ្មានការព្រួយបារម្ភចំពោះការធ្លាក់ចុះនៃវិស័យអចលនទ្រព្យរបស់ប្រទេសចិន នោះឡើយ ហើយនៅតែមានជំនឿចិត្តថានឹងទទួលបានភ្ញៀវទេសចំនួន៥លាននាក់ពីសេដ្ឋកិច្ចធំបំផុតទី២ របស់ពិភពលោកមួយនេះក្នុងឆ្នាំនេះ។

លោក Yuthasak Supasorn ប្រធានអាជ្ញាធរទេសចរណ៍ថៃ (TAT) លើកឡើងថា លោកជឿថា ភ្ញៀវទេសចរចិន ភាគច្រើននៅតែមានបំណងចង់ធ្វើដំណើរកម្សាន្ត បន្ទាប់ពីសន្សំលុយអំឡុងវិបត្តិកូវីដ-១៩ ត្រៀមទុកសម្រាប់ដើរលេងនៅបរទេសក្រោយវិបត្តិកូវីដ-១៩ ចប់។ នេះបើយោងតាមកាសែត Bangkok Post ចុះផ្សាយកាលពីថ្ងៃអង្គារ ទី២០ ខែមិថុនា។

លោកបានបន្ថែមថា អាជ្ញាធរនេះមានបំណងទាក់ទាញភ្ញៀវទេសចិន ឱ្យបានចំនួន៥លាននាក់ឱ្យធ្វើដំណើរកម្សាន្តមកកាន់ប្រទេសថៃ ដែលស្មើ៥០%បើធៀបនឹងចំនួនភ្ញៀវទេសចរចិន ប្រមាណ១០លាននាក់ដែលប្រទេសថៃ ទទួលបានក្នុងឆ្នាំ២០១៩។

ការរំពឹងទុកនេះគឺអាចទៅរួច ព្រោះប្រទេសចិន ជាមហាយក្សដែលមានប្រជាជនច្រើនរហូតដល់ទៅជាង១,៤ពាន់លាននាក់។

ពីខែមករា ដល់ខែឧសភា ភ្ញៀវទេសចរចិន ដែលថៃ ទទួលបានមានចំនួនសរុបជា១,១លាននាក់ ខណៈទេសចរម៉ាឡេស៊ី មានចំនួន១,៦លាននាក់។

លោក Yuthasak Supasorn ថ្លែងថា អាជ្ញាធរទេសចរណ៍ថៃ (TAT) បានពិភាក្សាជាមួយនាយកដ្ឋានកិច្ចការកុងស៊ុលក្នុងកិច្ចប្រឹងប្រែងដើម្បីបន្ធូរបន្ថយដំណើរការដាក់ពាក្យស្នើសុំទិដ្ឋាការ និងជួយពិនិត្យមើលឡើងវិញនូវឯកសារដាក់ពាក្យស្នើសុំទិដ្ឋាការរបស់ភ្ញៀវទេសចរចិន មុនពេលបញ្ជូនទៅអនុម័ត៕ Bangkok Post៕

ការនាំចេញរបស់កម្ពុជា ទៅកាន់ប្រទេសថៃ កើនឡើងជិត១០ភាគរយក្នុងពេល៥ខែដើមឆ្នាំ២០២៣

សុខុម

បាងកក: ទិន្នន័យគយថៃ បង្ហាញថា ការនាំចេញទំនិញរបស់កម្ពុជា ទៅកាន់ប្រទេសថៃ សម្រេចបានជាង៤៨០លានដុល្លារអាមេរិក ក្នុងរយៈពេល៥ខែដើមឆ្នាំ២០២៣ ដោយកើនឡើង៩.៤៧%បើធៀបនឹងជាង៤៣៨លានដុល្លារ ដែលសម្រេចបានក្នុងរយៈពេលដូចគ្នាកាលពីឆ្នាំមុន។

ទំហំនៃការជួញដូររវាងកម្ពុជា និងថៃ ពីខែមករា ដល់ខែឧសភា ឆ្នាំ២០២៣ សម្រេចបានជាង១,៧ពាន់លានដុល្លារ ដោយធ្លាក់ចុះ៨,៧៨%ដូចបានបង្ហាញតាមរយៈតួលេខគយថៃ ដែលត្រូវបានប្រមូលចងក្រងក្នុងព្រឹត្តិបត្រ “ស្ថិតិពាណិជ្ជកម្មទំនិញអន្តរជាតិ”។ នេះបើយោងតាមកាសែតថៃ The Nation ចុះផ្សាយកាលពីថ្ងៃអង្គារ ទី២០ ខែមិថុនា។ទន្ទឹមនឹងនេះដែរ កម្ពុជា បាននាំចូលទំនិញពីប្រទេសថៃ ក្នុងទំហំជាង១,២ពាន់លានដុល្លារ ដោយធ្លាក់ចុះ១៤,៣៨%បើធៀបនឹងរយៈពេលដូចគ្នាកាលពីឆ្នាំមុន។ ប្រទេសថៃ គឺជាដៃគូពាណិជ្ជកម្មទំនិញធំបំផុតទី៤ របស់កម្ពុជា សម្រាប់រយៈពេល៥ខែដើមឆ្នាំនេះ បន្ទាប់ពីចិនដីគោក (ក្នុងទំហំ៥,០៧ពាន់លានដុល្លារ) សហរដ្ឋអាមេរិក (ក្នុងទំហំជាង៣,២៩ពាន់លានដុល្លារ) និងប្រទេសវៀតណាម (ក្នុងទំហំជិត២,៩ពាន់លានដុល្លារ)។

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានលើកឡើងថា ការនាំចេញភាគច្រើនរបស់កម្ពុជា ទៅកាន់ប្រទេសថៃ គឺជាផលិតផលកសិកម្ម ឬគ្រឿងអេឡិចត្រូនិកដែលផលិតនៅជិតព្រំដែន។

លោកអះអាងថា ការកើនឡើងនូវការនាំចេញរបស់កម្ពុជា បង្ហាញពីការកើនឡើងនូវសមត្ថភាពផលិតក្នុងស្រុក ខណៈក្រុមហ៊ុនបរទេសកាន់តែច្រើនចូលមកវិនិយោគនៅកម្ពុជា និងធ្វើពិពិធកម្មការវិនិយោគរបស់ពួកគេលើគ្រប់វិស័យ។

កំណើននៃប្រាក់ចំណូលបានពីការនាំចេញមិនត្រឹមតែជួយជំរុញសេដ្ឋកិច្ចកម្ពុជា ប៉ុណ្ណោះទេ ថែមទាំងជួយបង្កើតការងារជូនប្រជាពលរដ្ឋផងដែរ ដោយលោកអះអាងថា ព្រំដែនរួមរបស់របស់កម្ពុជា និងថៃ នឹងធ្វើឱ្យទំហំពាណិជ្ជកម្មទ្វេភាគីកើនឡើងឈានដល់កម្រិតខ្ពស់មិនធ្លាប់មាន៕ Bangkok Post៕

វៀតណាម ចាប់ផ្ដើមសាងសង់ផ្លូវល្បឿនលឿនដំបូងបង្អស់តំលៃជិត២ពាន់លានដុល្លារ ឆ្លងកាត់តំបន់ដីសណ្ដទន្លេមេគង្គភ្ជាប់មកកម្ពុជា

សុខុម

ហាណូយ: គម្រោងផ្លូវល្បឿនលឿន ចូវដុក-កានថូ-សុកត្រាង (Chau Doc – Can Tho – Soc Trang Expressway) ឬដែលខ្មែរ ស្គាល់ថា ផ្លូវល្បឿនលឿន មាត់ជ្រូក-ព្រែកឫស្សី-ខេត្តឃ្លាំង ប្រវែង១៨៨គីឡូម៉ែត្រដែលនឹងរត់កាត់ភូមិសាស្ត្រតំបន់ដីសណ្តទន្លេមេគង្គ បានចាប់ផ្ដើមដំណើរការសាងសង់កាលពីថ្ងៃសៅរ៍ ចុងសប្ដាហ៍កន្លងទៅ។

គម្រោងផ្លូវល្បឿនលឿនក្រោមទុនវិនិយោគរហូតដល់ទៅ១,៨៩ពាន់លានដុល្លារអាមេរិក នេះនឹងចាប់ផ្តើមពីចំណុចភូមិសាស្ត្រកំពង់ផែ Tran De នៃខេត្តឃ្លាំង (Soc Trang) រត់កាត់ខេត្តហូវយ៉ាង (Hau Giang) និងក្រុងព្រែកឫស្សី (Can Tho) និងបញ្ចប់ត្រង់ភូមិសាស្ត្រក្រុងមាត់ជ្រូក (Chau Doc) នៃខេត្តអានយ៉ាង (An Giang)។

ផ្លូវនេះត្រូវបានរចនាដោយមានទទឹង១៧ម៉ែត្រ ដោយមានគន្លងផ្លូវចំនួន៤ក្នុងដំណាក់កាលទី១ ដែលអនុញ្ញាតឱ្យបើកបរក្នុងល្បឿន៨០គីឡូម៉ែត្រក្នុងមួយម៉ោង។ បន្ទាប់មកផ្លូវល្បឿនលឿននេះនឹងត្រូវពង្រីកដល់៦គន្លងផ្លូវដែលមានទទឹងជាង៣២ម៉ែត្រ។ដោយទទួលបានទុនពីថវិកាថ្នាក់ជាតិ និងថ្នាក់មូលដ្ឋាន គម្រោងទាំងមូលនេះត្រូវបានរំពឹងថានឹងបញ្ចប់ជាស្ថាពរនៅឆ្នាំ២០២៧។

ថ្លែងក្នុងពិធីបញ្ចុះបឋមសិលាបើកការដ្ឋានសាងសង់ផ្លូវនេះ នាយករដ្ឋមន្ត្រីវៀតណាម លោក Pham Minh បានលើកឡើងថា ផ្លូវល្បឿនលឿននេះគឺជាផ្លូវដំបូងគេដែលរត់កាត់លើខ្សែអ័ក្សផ្តេកនៅតំបន់ដីសណ្ដទន្លេមេគង្គ (Mekong Delta) ដោយតភ្ជាប់តំបន់នេះជាមួយប្រព័ន្ធផ្លូវល្បឿនលឿនទូទាំងប្រទេស។

លោកគូសបញ្ជាក់ថា គម្រោងនេះនឹងក្លាយជាផ្នែកមួយនៃបណ្តាញហេដ្ឋារចនាសម្ព័ន្ធថ្នាក់តំបន់ដែលតភ្ជាប់ដីសណ្ដទន្លេមេគង្គ នៃប្រទេសវៀតណាម ជាមួយប្រទេសកម្ពុជា និងបណ្តាប្រទេសផ្សេងទៀតនៅអាស៊ីអាគ្នេយ៍។គម្រោងនេះគឺជាផ្លូវល្បឿនលឿនមួយក្នុងចំណោមផ្លូវល្បឿនលឿនចំនួន៦ខ្សែ ដែលលាតសន្ធឹងប្រវែងសរុប១.១៨៨គីឡូម៉ែត្រសម្រាប់តំបន់ដីសណ្តទន្លេមេគង្គ នៅត្រឹមឆ្នាំ២០៥០ ដើម្បីបង្កើនការតភ្ជាប់រវាងមជ្ឈមណ្ឌលកសិកម្មរបស់ប្រទេសវៀតណាម ជាមួយក្រុងហូជីមិញ និងមជ្ឈមណ្ឌលសេដ្ឋកិច្ចផ្សេងៗទៀត៕ Vietnam Express៕

រដ្ឋាភិបាលម៉ាឡេស៊ីគ្រោងធ្វើកំណែច្បាប់នៅខែកក្កដាខាងមុខនេះ ដើម្បីទាក់ទាញអ្នកវិនិយោគ

ដោយ: គង់ លាងហួរ

គូឡាឡាំពួៈ នាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម បានប្រកាសនៅថ្ងៃចន្ទនេះថា ប្រទេសម៉ាឡេស៊ីគ្រោងអនុវត្តន៍កំណែទម្រង់នៅឆ្នាំនេះ ដើម្បីបង្កភាពងាយស្រួល ដល់ក្រុមហ៊ុននានាក្នុងការចុះបញ្ជីនៅផ្សារហ៊ុនជាតិ ក្នុងគោលបំណងទាក់ទាញអ្នកវិនិយោគកាន់តែច្រើន។

លោក អាន់វ៉ា អ៊ីប្រាហ៊ីម បានថ្លែងនៅក្នុងព្រឹត្តិការណ៍ឧស្សាហកម្មមួយថា និយតករមូលបត្រ និងផ្សារហ៊ុននឹងពន្លឿនដំណើរការនៃការបោះផ្សាយមូលបត្រ ជាសាធារណៈលើកដំបូង (IPO) ដើម្បីធានាបាននូវការប្រកួតប្រជែង និងភាពទាក់ទាញរបស់ប្រទេសម៉ាឡេស៊ី។លោកក៏បានប្រកាសកាត់បន្ថយការបង់ ពន្ធប្រថាប់ត្រាសម្រាប់ភាគហ៊ុន ដែលត្រូវបានជួញដូរនៅផ្សារហ៊ុន Bursa Malaysia ដើម្បីបង្កើនចំណាប់អារម្មណ៍របស់វិនិយោគិនផងដែរ។

លោកបានបន្តថា ចាប់ពីខែកក្កដាខាងមុខ ពន្ធប្រថាប់ត្រានឹងត្រូវកាត់បន្ថយពី០,១៥ភាគរយ បច្ចុប្បន្នមកត្រឹម០,១០ភាគរយ នៃតម្លៃកិច្ចសន្យា។ លោកបន្តថា “ការផ្លាស់ប្តូរនេះនឹងកាត់បន្ថយដោយផ្ទាល់ នូវការចំណាយលើប្រតិបត្តិការមូលបត្រ និងធ្វើឱ្យទីផ្សារភាគហ៊ុនម៉ាឡេស៊ីកាន់តែមានភាពប្រកួតប្រជែង”។

លោកបានបញ្ជាក់ថា រដ្ឋាភិបាលក៏កំពុងសម្លឹងមើលទៅកាន់គោលនយោបាយ ដើម្បីទាក់ទាញការិយាល័យគ្រួសារ(family offices)ទៅប្រទេសម៉ាឡេស៊ី និងកែលម្អភាពងាយស្រួល ក្នុងការធ្វើអាជីវកម្មផងដែរ។

ចាប់តាំងពីឡើងកាន់អំណាច ក្នុងខែវិច្ឆិកាឆ្នាំមុនមក រដ្ឋបាលរបស់លោកនាយករដ្ឋមន្ត្រី អាន់វ៉ា អ៊ីប្រាហ៊ីម បានចាប់ផ្ដើមធ្វើកំណែទម្រង់ច្បាប់ និងសេដ្ឋកិច្ចមួយចំនួន ដូចជាការកាត់បន្ថយការឧបត្ថម្ភធនសម្រាប់ក្រុមអ្នកមាន និងការលុបចោលទោសប្រហារជីវិតជាកាតព្វកិច្ច៕

Decline in population poses challenge for Bangkok’s housing market

Recent decline in population has raised concerns about the sustainability of Bangkok’s housing market. Over the next two decades, statistical trends indicate a decrease in population across all age groups, particularly a significant decline of approximately 6-7% among younger age groups.

Currently, Bangkok’s population is around 5.5 million people, showing no clear growth trend but rather occasional fluctuations. Although some communities experience population decline, new community developments help offset the decrease.

In contrast, the provinces surrounding Bangkok have a population of approximately 5.5 million people, with a growth rate of 1.5% per year. Considering the combined population of Bangkok and its surrounding provinces as a whole, the increasing population on the outskirts contributes to the region’s overall expansion.

According to a study conducted by the Bangkok Metropolitan Administration (BMA) a decade ago, the informal or undocumented population accounted for roughly 50% of the official population in both Bangkok and its metropolitan region. This suggests that the total population, including undocumented residents, could reach up to 16.5 million people.

These figures shed light on the challenges faced in the surrounding provinces related to housing. Typically, first-time homebuyers opt for detached houses or townhomes.

The growing population on the outskirts creates a demand for affordable housing options and residential land suitable for these buyers. However, within the city of Bangkok itself, high land prices make it challenging to create affordable housing within the desired price range.

Source: The Nation

ការធ្លាក់ចុះនៃចំនួនប្រជាជនបង្កបញ្ហាប្រឈមសម្រាប់ទីផ្សារលំនៅដ្ឋាននៅក្នុងទីក្រុងបាងកក

ដោយ: គង់ លាងហួរ

អន្តរជាតិ: ការធ្លាក់ចុះនៃចំនួនប្រជាជននាពេលថ្មីៗនេះ បានធ្វើឱ្យមានការព្រួយបារម្ភ អំពីនិរន្តរភាពនៃទីផ្សារលំនៅដ្ឋាន របស់ទីក្រុងបាងកក។

និន្នាការស្ថិតិបានបង្ហាញពីការថយចុះ នៃចំនួនប្រជាជននៅគ្រប់ក្រុមអាយុនៅក្នុងរយៈពេលពីរទសវត្សរ៍ខាងមុខ។ បច្ចុប្បន្ននេះ ចំនួនប្រជាជនរស់នៅក្នុងទីក្រុងបាងកក មានប្រ ហែល៥,៥លាននាក់ ដែលបង្ហាញថា មិនមាននិន្នាការកំណើនច្បាស់ លាស់ ប៉ុន្តែមានការប្រែប្រួលម្តងម្កាល។ ផ្ទុយទៅវិញ បណ្តាខេត្តជុំវិញទីក្រុងបាងកក មានប្រជាជនប្រមាណ៥,៥លាននាក់ ជាមួយនឹងអត្រាកំណើន១,៥%ក្នុងមួយឆ្នាំៗ។តួលេខទាំងនេះ បានបង្ហាញពីបញ្ហាប្រឈម ដែលជួបប្រទះនៅក្នុងបណ្តាខេត្តជុំវិញទីក្រុងបាងកក ទាក់ទងនឹងលំនៅដ្ឋាន។ ជាធម្មតា អ្នកទិញផ្ទះដំបូងចូលចិត្ត ជ្រើសរើសសម្រាប់ផ្ទះទោល ឬផ្ទះប្រភេទTownhome។

ការកើនឡើងចំនួនប្រជាជន នៅតំបន់ជាយក្រុងបង្កើតឱ្យមានតម្រូវការសម្រាប់ជម្រើសលំនៅដ្ឋាន ដែលមានតម្លៃសមរម្យ និងដីលំនៅដ្ឋានសមរម្យ សម្រាប់អ្នកទិញទាំងនេះ។ ទោះជាយ៉ាងណាក្តី តម្លៃដីដ៏ខ្ពស់ នៅក្នុងទីក្រុងបាងកកផ្ទាល់ បានធ្វើឱ្យអ្នកអភិវឌ្ឍន៍មានការពិបាក ក្នុងការសាងសង់លំនៅដ្ឋានដែលមានតម្លៃសមរម្យ។

កំណើនទីផ្សារលំនៅដ្ឋាន ពឹងផ្អែកលើកំណើនប្រជាជនជាបន្តបន្ទាប់ទាំងនៅក្នុងទីក្រុងបាងកក និងបណ្តាខេត្តជុំវិញទីក្រុងនេះ។ ខណៈដែលតួលេខបានបង្ហាញថា កំណើនប្រជាជនរស់នៅក្នុងទីក្រុងបាងកកនៅមានកម្រិត នោះទីផ្សារលំនៅដ្ឋាននឹងរីកចម្រើន នៅក្នុងបណ្តាខេត្តជុំវិញទីក្រុងបាងកក ដែលមានអត្រាកំណើនប្រជាជនខ្ពស់ជាងនេះ៕

Goldman Sachs cuts China growth forecast as property slowdown bites

SINGAPORE : Goldman Sachs analysts have cut forecasts for China’s economic growth, citing persistently weak confidence and the cloud over the property market as stronger-than-expected headwinds.

The U.S. investment bank lowered its full-year real gross domestic product growth forecast for the world’s second biggest economy from 6 per cent to 5.4 per cent, according to a note published late on Sunday. It also lowered its 2024 growth forecast from 4.6 per cent to 4.5 per cent.

The cut follows similar moves by global peers, though still leaves Goldman among the most optimistic, as data shows China’s post-pandemic recovery faltering. The bank had also lately, like others, cut its outlook for China’s currency.

“No reopening boosts have faded as quickly as in China,” said the analysts, headed by economist Hui Shan, citing the property downturn and its flow-on effects as the main reason.

“We judge that growth headwinds are likely persistent while policymakers are constrained by economic and political considerations in delivering meaningful stimulus.”

China’s government has set a modest GDP growth target of about 5 per cent for this year after badly missing its 2022 goal and state media reported the cabinet met on Friday to discuss measures to spur growth.

It has lowered several key interest rates slightly in recent days, seen as paving the way for a cut in benchmark loan prime rates on Tuesday.

Source: Reuters

រដ្ឋាភិបាលកម្ពុជាដកប្រាក់សងបំណុលសាធារណៈជិត២០០លានដុល្លារក្នុងត្រីមាសទី១

ដោយៈ ម៉ាលីនណា

ភ្នំពេញៈ រដ្ឋាភិបាលកម្ពុជាបានបញ្ចេញប្រាក់ជាង១៨០លានដុល្លារកាលពីត្រីមាសទី១ ឆ្នាំ២០២៣នេះ ដើម្បីយកទៅសងបំណុលសាធារណៈ។

ក្នុងទំហំទឹកប្រាក់នេះ គឺថយចុះបន្តិចបន្តួចបើធៀបនឹងរយៈពេលដូចគ្នានៃឆ្នាំ ២០២២។ នេះបើតាមក្រសួងសេដ្ឋកិច្ច និងហិរញ្ញវត្ថុ។

ឯកសារព្រឹត្តិបត្រស្ថិតិបំណុលសាធារណៈកម្ពុជា (Cambodia Public Debt Statistical Bullentin) ដែលចេញផ្សាយកាលពីសប្តាហ៍មុនឱ្យដឹងថា នៅក្នុងត្រីមាសទី១ ឆ្នាំ២០២៣ រដ្ឋាភិបាលកម្ពុជាបានទូទាត់សេវាបំណុលសរុប១៨០,៦៨ លានដុល្លារអាមេរិក ដើម្បីធ្វើការទូទាត់ ក្នុងក្របខ័ណ្ឌបំណុលសាធារណៈក្រៅប្រទេស ដែលមានប្រមាណ១៨០,៥៨ លានដុល្លារអាមេរិក (ប្រាក់ដើម ១៣៩,៩៨ លានដុល្លារ និងការប្រាក់ និងកម្រៃផ្សេងៗ ៤០,៦០ លានដុល្លារ) និង ក្នុងក្របខ័ណ្ឌបំណុលសាធារណៈក្នុងប្រទេស០,១០ លានដុល្លារ (ប្រាក់ដើម ០ ដុល្លារ និងការប្រាក់ ០,១០ លានដុល្លារ។

សម្រាប់ចំនួនទឹកប្រាក់ខាងលើ បើធៀបរយៈពេលដូចគ្នាឆាំ្ន២០២២ គឺការទូទាត់សេវាបំណុល ក្នុងត្រីមាសទី ១ ឆ្នាំ ២០២៣ ថយចុះប្រមាណ៣ភាគរយ ពីចំនួន១៨៧,០៣លានដុល្លារ។

លោកបណ្ឌិតហុង វណ្ណៈ អ្នកសេដ្ឋកិច្ចនៃរាជបណ្ឌិត្យសភាកម្ពុជា បានមានប្រសាសន៍ថា ការសងបំណុលទៅឱ្យម្ចាស់កម្ចី គឺជាកិច្ចការ ដែលរដ្ឋាភិបាលកម្ពុជាយកចិត្តទុកដាក់ និងគោរពខ្ជាប់ខ្ជួនតាមអ្វីដែលសន្យាមុនពេលទទួលកម្ចីពីគេ។ ការបង្វែរប្រាក់សងតាមកាលកំណត់ គឺមិនត្រឹមតែជួយលើកមុខមាត់ប្រទេសប៉ុណ្ណោះទេ ប៉ុន្តែក៏បង្ហាញពីភាពរឹងមាំ នៃសេដ្ឋកិច្ចកម្ពុជាផងដែរ ព្រោះបើសេដ្ឋកិច្ចដំណើរការមិនល្អ រដ្ឋប្រាកដជាគ្មានប្រាក់យកទៅសងគេ តាមកាលកំណត់ទេ។លោកប្រាប់ទៀតថា “ការសងនេះ ក៏បង្ហាញពីភាពប៉ិនប្រសប់របស់រាជរដ្ឋាភិបាល ជាពិសេសក្រសួងសេដ្ឋកិច្ច និងហិរញ្ញវត្ថុក្នុងការប្រមូលថវិកា និងសន្សំសំចៃចំណូលជាតិក្នុងកាលៈទេសៈ ដែលពិភពលោកកំពុងជួបវិបត្តិ ជាបន្តបន្ទាប់ក្នុងរយៈពេលជាង៣ឆ្នាំកន្លងមកនេះ។

លោកបន្តថា “បច្ចុប្បន្នកម្រិតនៃការលេចជ្រាបថវិការដ្ឋ ក៏ត្រូវបានកាត់បន្ថយច្រើនដែរ តាមរយៈការរឹតបន្តឹងប្រព័ន្ធច្បាប់ និងការសម្រួលនីតិវិធីមួយចំនួន តាមរយៈប្រព័ន្ធព័ត៌មានវិទ្យា”។លោកបន្តថា “ ទោះបីស្ថានភាពសេដ្ឋកិច្ចពិភពលោកពេលនេះ កំពុងជួបនឹងភាពមិនច្បាស់លាស់ កំណើនអតិផរណា និងការវិនិយោគធ្លាក់ចុះ ប៉ុន្តែកម្ពុជា គឺនៅតែគោរពខ្ជាប់ខ្ជួន នូវការសងប្រាក់ទៅម្ចាស់បំណុល”។

យោងតាមព្រឹត្តិបត្រស្ថិតិបំណុលសាធារណៈកម្ពុជា គឺនៅក្នុងឆ្នាំ ២០២២ រដ្ឋាភិបាលកម្ពុជាបានសងបំណុល ប្រមាណ៤៦៤,២២ លានដុល្លារអាមេរិក កើនឡើងប្រមាណ២១ភាគរយ បើធៀបឆ្នាំ២០២១៕

ធនាគារដ្ឋវៀតណាមសម្រេចកាត់បន្ថយអត្រាការប្រាក់៤លើកជាប់ៗគ្នាដើម្បីជំរុញសេដ្ឋកិច្ចជាតិ

ដោយ: គង់ លាងហួរ
ហាណូយ: ធនាគាររដ្ឋវៀតណាម (SBV) កំពុងកាត់បន្ថយអត្រាការប្រាក់សំខាន់ៗជាបន្តបន្ទាប់ចន្លោះពី០,២៥%ទៅ០,៥% ចាប់ពីថ្ងៃទី១៩ ខែមិថុនា ដែលនឹងធ្វើឱ្យមានផលទ្វេរដងទៅលើសេដ្ឋកិច្ច ដោយសារសកម្មភាពឥណទានកាន់តែរឹងមាំ និងសាច់ប្រាក់ងាយស្រួលខ្ពស់ជាងមុន។

យោងតាមអ្នកជំនាញបានឱ្យដឹងថា ហេតុផលសំខាន់ៗចំនួន៤នៅពីក្រោយការសម្រេចចិត្តរបស់ធនាគារវៀតណាមនេះ (SBV) គឺការបញ្ចប់ការដំឡើងអត្រាការប្រាក់របស់ធនាគារកណ្តាលអាមេរិក Fed និន្នាការធ្លាក់ចុះនៃអតិផរណាចាប់តាំងពីខែកុម្ភៈ តម្រូវការរូបិយប័ណ្ណក្នុងស្រុកមានស្ថេរភាព និងសាច់ប្រាក់ងាយស្រួលជាងមុននៃប្រព័ន្ធធនាគារ ព្រមទាំងការធ្លាក់ចុះនៃការនាំចេញ និងការវិនិយោគក្នុងផលិតកម្មឧស្សាហកម្មនៅក្នុងខែឧសភា។នៅក្នុងទីផ្សារក្នុងស្រុក សម្ពាធលើអត្រាការប្រាក់ និងអត្រាប្តូរប្រាក់ត្រូវបានបន្ធូរបន្ថយយ៉ាងខ្លាំង។ ជាក់ស្តែង កម្រិតអត្រាការប្រាក់នៅប្រទេសវៀតណាមបានធ្លាក់ចុះពី១% ទៅ១,៥% ហើយអត្រាប្តូរប្រាក់ USD/VND ថែមទាំងបានធ្លាក់ចុះបន្តិច០,៥៧% បើធៀបនឹងដើមឆ្នាំ។

លោកបណ្ឌិត Nguyen Huu Huan មកពីសកលវិទ្យាល័យសេដ្ឋកិច្ចទីក្រុងហូជីមិញបានមានប្រសាសន៍ថា សេចក្តីសម្រេចរបស់ធនាគារ SBV នឹងបង្កើតការជំរុញសេដ្ឋកិច្ច ដោយផ្តល់លក្ខខណ្ឌអំណោយផលសម្រាប់ប្រជាជន និងអាជីវកម្មក្នុងការទទួលបានដើមទុនក្នុងអត្រាការប្រាក់ទាប។ ចំណែក លោកសាស្ត្រាចារ្យ Dinh Trong Thinh បានចាត់ទុកថា ការកាត់បន្ថយអត្រាការប្រាក់របស់ធនាគារ SBV ចំនួន៤ដងជាប់ៗគ្នាក្នុងរយៈពេលត្រឹមតែ៤ខែនឹងអាចអនុញ្ញាតឱ្យធនាគារពាណិជ្ជនានាកាត់បន្ថយការប្រាក់បញ្ញើ និងអត្រាការប្រាក់កម្ចីរបស់ពួកគេ។

លោក Tran Duc Nghia អគ្គនាយកក្រុមហ៊ុន Delta International បានលើកឡើងថា ចំណាត់ការរបស់ធនាគារវៀតណាម SBV ដើម្បីកាត់បន្ថយអត្រាការប្រាក់ជាលើកទី៤ជាប់ៗគ្នាពិតជានឹងធ្វើឱ្យអត្រាការប្រាក់កម្ចីធ្លាក់ចុះ ដោយហេតុនេះ វានឹងជួយកាត់បន្ថយថ្លៃដើមកម្ចីសម្រាប់អាជីវកម្ម។ ជាពិសេស នេះគឺជាការកាត់បន្ថយអត្រាការប្រាក់ប្រតិបត្តិការ មិនមែនជាការកាត់បន្ថយអត្រាការប្រាក់តែមួយដោយធនាគារពីរបីនោះទេ ដែលមានន័យថាអាជីវកម្មទាំងអស់នឹងទទួលបានអត្ថប្រយោជន៍។

លោក Nghia បានគូសបញ្ជាក់ថា លើសពីនេះ មិនត្រឹមតែអាជីវកម្មប៉ុណ្ណោះទេ អតិថិជនម្នាក់ៗក៏នឹងទទួលបានអត្ថប្រយោជន៍ពីការកាត់បន្ថយអត្រាការប្រាក់ប្រាក់កម្ចីផងដែរ ដែលនឹងលើកទឹកចិត្តដល់ការប្រើប្រាស់ ផលិតកម្ម និងសកម្មភាពអាជីវកម្ម ដែលបណ្តាលឱ្យមានផលទ្វេរដងទៅលើសេដ្ឋកិច្ច។

ក្រុមថ្នាក់ដឹកនាំធនាគារដ្ឋវៀតណាម SBV បានអះអាងថា ការកាត់បន្ថយអត្រាការប្រាក់សម្រាប់កម្ចីជាលុយដុងរយៈពេលខ្លីនឹងបង្កើតលក្ខខណ្ឌអំណោយផលសម្រាប់អាជីវកម្ម និងប្រជាជនក្នុងការទទួលបានកម្ចីតម្លៃទាបសម្រាប់ប្រកបផលិតកម្ម និងអាជីវកម្មនៅក្នុងវិស័យអាទិភាព និងផ្នែកសំខាន់ៗដែលដើរតួជាកម្លាំងជំរុញកំណើនសេដ្ឋកិច្ច ស្របតាមគោលនយោបាយរបស់រដ្ឋាភិបាល។

លោក Nguyen Xuan Thanh សាស្ត្រាចារ្យជាន់ខ្ពស់នៃសាកលវិទ្យាល័យ Fulbright បានអះអាងថា ទោះបីជាអត្រាប្រតិបត្តិការត្រូវបានកាត់បន្ថយចំនួន៤ដងហើយយ៉ាងណាក្តី ក៏វាមិនទាន់គ្រប់គ្រាន់ដើម្បីបង្កើតផលដល់សេដ្ឋកិច្ចដែរ ដោយសារការចំណាយមូលធនរបស់ធនាគារនានានៅតែមានកម្រិតខ្ពស់។

ក្រុមថ្នាក់ដឹកនាំធនាគាររដ្ឋវៀតណាម (SBV) បានបញ្ជាក់ថា ធនាគារនឹងបន្តយកចិត្តទុកដាក់ក្នុងការដោះស្រាយសម្ពាធអតិផរណា ព្រមទាំងតាមដានស្ថានការណ៍ក្នុងស្រុក និងសកលលោក ដើម្បីណែនាំដល់ស្ថាប័នឥណទាននានាក្នុងការកាត់បន្ថយថ្លៃដើម និងកាត់បន្ថយអត្រាការប្រាក់កម្ចី ដើម្បីគាំទ្រដល់អាជីវកម្មនានានៅក្នុងអំឡុងដំណើរការស្តារ និងអភិវឌ្ឍសេដ្ឋកិច្ច។

ទោះជាយ៉ាងណាក្តី អ្នកជំនាញបានចាត់ទុកថា ការកាត់បន្ថយអត្រាការប្រាក់មិនមែនជាគន្លឹះសកល ដើម្បីដោះស្រាយឥណទាន ជំរុញលំហូរសាច់ប្រាក់ ការប្រើប្រាស់ឡើងវិញ និងជំរុញកំណើនសេដ្ឋកិច្ចនោះទេ។ ផ្ទុយទៅវិញ អ្នកជំនាញបានចង្អុលបង្ហាញពីតម្រូវការគោលនយោបាយសារពើពន្ធកាន់តែរឹងមាំដើម្បីលើកទឹកចិត្តដល់ការប្រើប្រាស់ និងផលិតកម្ម ក៏ដូចជាការពន្លឿនការវិនិយោគសាធារណៈ ដើម្បីគាំទ្រដល់អាជីវកម្ម និងសេដ្ឋកិច្ច៕

CCC និងEU Germanនឹងរៀបចំគំរោងធុរកិច្ចរួមគ្នានាពេលខាងមុខ

ដោយៈ និស្ស័យ

ភ្នំពេញៈ សភាពាណិជ្ជកម្មកម្ពុជា(CCC) និងក្រុមការងារជំនាញប្រឹក្សាយោបល់អន្តរជាតិនៃ EU-German នឹងរៀបចំគម្រោងធុរកិច្ចនាពេលខាងមុខ ក្នុងគោលបំណងសម្រួលធុរកិច្ច តាមច្រកព្រំដែន E-Commerce សម្រួលការនាំចេញ-នាំចូល និងជំរុញការនាំចេញរបស់សហគ្រាសធុនតូច និងមធ្យម (SME)។

អនុប្រធានសភាពាណិជ្ជកម្មកម្ពុជា លោកឧកញ៉ាលឹម ហេង បានមានប្រសាសន៍ឱ្យដឹងនៅថ្ងៃទី១៨ ខែមិថុនា ថា សភាពាណិជ្ជកម្ម បានអនុញ្ញាតឱ្យក្រុមការងារជំនាញ ប្រឹក្សាយោបល់អន្តរជាតិនៃ EU-German សម្រាប់តៀមរៀបចំគម្រោងធុរកិច្ច ចូលជួបពិភាក្សាការងារ ដែលក្រុមការងារជំនាញអន្តរជាតិនេះ មានបំណងស្នើសុំផ្តល់ធាតុចូលមួយផងដែរ។

លោកបន្ថែមថា ការស្នើសុំយោបល់របស់ EU-German គឺពាក់ព័ន្ធ នឹងកិច្ចសម្របសម្រួលធុរកិច្ចតាមច្រកព្រំដែន ពាណិជ្ជកម្មតាមអេឡិចត្រូនិក (E-commerce) កិច្ចសម្រួលពាណិជ្ជកម្មនានាសម្រាប់ការនាំចេញ-នាំចូល ការជំរុញការនាំចេញរបស់សហគ្រាសធុនតូច និងមធ្យម (SME) និងបញ្ហាជាច្រើនទៀត ត្រូវបានពិភាក្សា ដូចជា កម្ចីហិរញ្ញប្បទានសម្រាប់ SMEs ជាដើម។

លោកបានថ្លែងថា “EU-Germanបានផ្តល់ការគាំទ្រលើការរៀបចំសិក្ខាសាលា ការបង្រៀនជំនាញផ្សេងៗទាក់ទងនឹងវិស័យ SMEs ដើម្បីជួយជំរុញកំណើនសេដ្ឋកិច្ចកម្ពុជាយើងច្រើនដែរ”។ លោកបន្តថា “ដូចនេះយើងបានជួបពិភាក្សាគ្នាហើយ ក្នុងគោលបំណងដើម្បីជាគម្រោងសម្រាប់អាណត្តិក្រោយទៀត ក្នុងការជួយដល់វិស័យឯកជនយើងនេះ ជាពិសេសវិស័យ SMEs”។

គម្រោង ARISE Plus Cambodia ដែលកំពុងត្រូវបានអនុវត្តក្រោមកិច្ចសហប្រតិបត្តិការ ជាមួយក្រសួងពាណិជ្ជកម្ម គ្រោងនឹងបញ្ចប់នៅខែមីនា ឆ្នាំ២០២៤។ ដូច្នេះហើយ ក្រសួងសហប្រតិបត្តិការ និងអភិវឌ្ឍន៍សេដ្ឋកិច្ចសហព័ន្ធអាល្លឺម៉ង់ (BMZ) និងសហភាពអឺរ៉ុប កំពុងរៀបចំផែនការគម្រោងធុរកិច្ចថ្មី ដែលគ្រោងនឹងចាប់ផ្តើមនៅខែមេសា ឆ្នាំ ២០២៤ខាងមុខ។

សម្រាប់គម្រោងនេះ ក្រុមអ្នកប្រឹក្សាអន្តរជាតិ នឹងធ្វើបេសកកម្មវាយតម្លៃគម្រោង ដើម្បីពិភាក្សា និងពិគ្រោះយោបល់ជាមួយដៃគូសំខាន់ៗ ដូចជា វិស័យឯកជន និងអ្នកទទួលផលអំពីតម្រូវការ ក្នុងតំបន់ទាំងនោះជាដើម៕