ដោយៈ ជេស៊ីកា

       ភ្នំពេញៈ គំរោងអភិវឌ្ឍន៍ដែលបានរៀបចំឡើង តាមបរិបទនៃការរស់នៅបែបទីក្រុង និងបរិបទសម័យថ្មីបាន និងកំពុងបង្ហាញរូបរាងនៅតំបន់ទីប្រជុំជនស្រុកស្វាយអន្ទរ ខេត្តព្រៃវែងជាតំបន់ ដែលមានការអភិវឌ្ឍយ៉ាងលឿន។

អ្នកអភិវឌ្ឍន៍បុរី ដែលផ្តោតលើសេវាកម្មរស់នៅចម្រុះ សម្រាប់ការកំសាន្តផង និងអាចប្រកបអាជីវកម្មផង បានសម្តែងសុទិដ្ឋិនិយមពីការរីកចម្រើននៅក្នុងតំបន់ ស្របពេលគំរោងហេដ្ឋារចនាសម្ព័ន្ឋជាច្រើន បាននិងកំពុងតភ្ជាប់ទៅកាន់តំបន់នេះ។

លោកឌិន សុមេធារិទ្ឋអ្នកអភិវឌ្ឍន៍៍គំរោងបុរីមង្គលវីឡា ដែលបាននិង​កំពុងអភិវឌ្ឍន៍លើផ្ទៃដីប្រមាណ៥០ហិកតា បានមានប្រសា​សន៍ឲ្យដឹងតាមបណ្តាញតេឡេក្រាម នាព្រឹកថ្ងៃទី៣០ មករានេះថា ការីក​ចម្រើន នៃជីវភាពរបស់ប្រជាពលរដ្ឋនៅក្នុងតំបន់ ក៏ដូចជាប្រជាពលរដ្ឋនៅតំបន់នេះ បានធ្វើ ឲ្យយើងសម្រេចចិត្តវិនិយោគបុរីនេះឡើង ដើម្បីផ្តល់សេវាកម្មរស់នៅតាមបែបលក្ខណៈទីក្រុង សម្រាប់ប្រជាពលរដ្ឋនៅតំបន់នេះ ក៏ដូចជាប្រជាពល​រដ្ឋដែលចង់រស់នៅ ប្រកបអាជីវកម្ម និងផ្ទះលំហែរនៅតំបន់ជាយរាជធានី។

លោកបន្តថា “គំរោងនេះមានលក្ខណៈពិសេស ដោយស្ថិតនៅចំណុច៤ប្រសព្វគ្នា គឺពីព្រែកតាមាក់តាមផ្លូវជាតិលេខ៨ មកពីស្រុកពារាំង មកពីខេត្តព្រៃវែង អូរាំងឪ មកពីអ្នកលឿង ពិសេសអ្នកធ្វើដំណើរទៅកាន់ខេត្តក្រចេះ រតនៈគិរី មណ្ឌលគិរីសុទ្ឋតែជិះកាត់តំបន់នេះ”។ លោកបន្តថា “នៅតំបន់នេះ ប្រជាពលរដ្ឋរស់នៅតាមផ្លូវ រស់នៅតាមបែបប្រពៃណី ហេតុនេះទើបយើងវិនិយោគបុរីនេះឡើង ដើម្បីឲ្យប្រជាពលរដ្ឋអាចរស់នៅ ប្រកបអាជីវកម្ម មានភាពសុខភាព ក្នុងការរស់នៅ ទើបយើងបង្កើតគំរោងនេះជា​មួយផ្លូវភ្លោះធំៗ និងមានសេវាកម្មកំសាន្តលំហែរអារម្មណ៍ជាច្រើនទៀត”។

លោកឌិន សុមេធារិទ្ឋបានបន្តថា យើងបានរៀបចំសួន និងបឹង ដែលមានទំហំរហូតដល់១០ហិកតា ដែលវានឹងក្លាយជាឧទ្យានមួយ សម្រាប់អ្នករស់នៅតំបន់ស្វាយអន្ទរ និងអ្នក​រស់នៅតំបន់ជុំវិញ ព្រោះការធ្វើដំណើរពីតំបន់នេះទៅស្រុកពារាំង ទៅស្រុកអូរាំងឪ ទៅតំបន់អ្នកលឿង និងតំបន់មួយចំនួនទៀតត្រឹម១៥ ទៅ២០នាទីប៉ុណ្ណោះ។ លោកបន្តទៀតថា  ជាមួយនឹងផ្ទៃបឹងធម្មជាតិ និងសប្ប​និម្មិតនេះ យើងនឹងរៀបចំជាខ្ចូសទទួលទានអាហារ ទូក ទូកកាយ៉ាក់ កាណូតជិះកំសាន្ត មានសាលប្រជុំ ភោជនីយដ្ឋាន និងបឹងហ្កាឡូ ដែលអាចឲ្យភ្ញៀវស្នាក់នៅបាន។

ជាមួយគ្នានេះ យើងនឹងបង្កើតផ្សារដ៏ធំមួយ ដែលអនុញ្ញាត្តឲ្យប្រជាពលរដ្ឋអាចលក់ដូរ និងមានកន្លែងកុមារលេងកំសាន្តផងដែរ។

លោកឌិន សុមេធារិទ្ឋបានបន្តថា ជាមួយនឹងទស្សនទាននៃការអភិវឌ្ឍ​តាមបែបស៊ីវិល័យ និងសមស្របនឹងការប្រែប្រួលអាកាសធាតុ ទើបគំរោងនេះបានរៀបចំបឹង ដែលនឹងផ្តល់បរិយាកាសរស់នៅត្រជាក់ និងមានខ្យល់អាកាសបរិសុទ្ឋ សម្រាប់អ្នករស់នៅមានភាពមនោរម្យ និងផាសុខភាព។ លោកបន្តថា ក្រុមហ៊ុនបាននិងកំពុងសាងសង់ផ្ទះអាជីវកម្ម ផ្ទះវីឡាតូចៗ ផ្ទះ

បែបបឹងហ្គាឡូ និងផ្ទះដែលបានរចនាប្រកប ដោយប្រណីតភាពជាច្រើនទៀត ដែលសមស្របនឹងជីវភាព របស់ប្រជាពលរដ្ឋនៅក្នុងតំបន់ ក៏ដូចជាអ្នកចង់ស្វែងរកការលំហែរ ពីរាជធានីភ្នំពេញផងដែរ ព្រោះនាពេលបច្ចុប្បន្ន​នេះ ប្រជាពលរដ្ឋមានជីវភាពធូរធារបាន និងកំពុងចាប់អារម្មណ៍ និងកក់ផ្ទះ​វីឡារបស់យើង ដែលនឹងសាងសង់នាពេលឆាប់ៗខាងមុខនេះ៕

ដោយៈ សហការី

       ក្រុងតាខ្មៅៈ ក្នុងគោលដៅលើកទឹកចិត្តអតិថិជន ក្រុមហ៊ុន អឹមអិល មង្គល រៀលធីឯ.ក បានរៀបចំកម្មវិធីចាប់ឆ្នោតផ្សងសំណាង ជូនអតិថិជនគម្រោង អឹមអិល ធារ៉ា និងប្រគល់រង្វាន់ធំរថយន្តម៉ាក Ford Ranger Wildtrack ស៊េរីឆ្នាំ២០២២ ចំនួន២គ្រឿង ជូនដល់អតិថិជនដែលជាម្ចាស់ផ្ទះដែលបានទិញផ្ទះក្នុងគម្រោង អឹមអិល ធារ៉ា ដែលកម្មវិធីនេះបានប្រារព្ធធ្វើនៅថ្ងៃទី២៩ ខែ​មករា កន្លងមកនេះ។

លោក យ៉ែន សុខលីន អគ្គនាយក នៃក្រុមហ៊ុន អឹមអិល មង្គល រៀលធី ឯ.ក បានមានប្រសាសន៍ក្នុងពីធីខាងលើកាលពីថ្ងៃចុងសប្តាហ៍មុនថា ការផ្តល់ជូនជាពិសេស “ទិញផ្ទះ ឈ្នះឡាន” គឺជាការផ្តល់ជូនដ៏អស្ចារ្យ និងធំបំផុតរបស់ក្រុមហ៊ុន អឹមអិល មង្គល រៀលធី សម្រាប់អតិថិជនដែលជាម្ចាស់ផ្ទះក្នុងគម្រោង អឹមអិល ធារ៉ា និងដើម្បីជាការថ្លែងអំណរគុណ ចំពោះការផ្តល់ទំនុកចិត្ត និងការគាំទ្ររបស់អតិថិជននាពេលកន្លងមក។

លោកបានបន្តថា “ខ្ញុំសូមចូលរួមអបអរសាទរដល់អតិថិជន ដែលជាម្ចាស់រង្វាន់ធំរថយន្តម៉ាក Ford Ranger Wildtrack ស៊េរីឆ្នាំ ២០២២ ក៏ដូចជា ម្ចាស់រង្វាន់ផ្សេងទៀតទាំង៣០រូប និងសូមអរគុណដល់អតិថិជនទាំងអស់ដែលបានអញ្ជើញចូលរួម ក្នុងពិធីចាប់ឆ្នោតផ្សងសំណាងជូនអតិថិជនគម្រោងអឹមអិល ធារ៉ា នាសៀលនេះផងដែរ”។

លទ្ធផលពីការចាប់ឆ្នោតផ្សងសំណាង បានរកឃើញម្ចាស់រង្វាន់ធំរថយន្តម៉ាក Ford Ranger Wildtrack ស៊េរីឆ្នាំ ២០២២ ទាំង២​រូបរួមមានឈ្មោះ លោកស្រី ឆាយ ណាលីន ជាម្ចាស់ផ្ទះលេខ១៧ ផ្លូវលេខ ០១ ប្រភេទផ្ទះ វីឡាព្រីនស៍A​ និងឈ្មោះ លោក ទីវ សុងអុង ជាម្ចាស់ផ្ទះលេខ ៤៤ ផ្លូវលេខ ០៧ ប្រភេទផ្ទះ វីឡាព្រីនស៍ B​ ក្នុងគម្រោង អឹមអិល ធារ៉ា។

ក្រៅពីរង្វាន់ធំរថយន្តម៉ាកFord Ranger Wildtrack ស៊េរីឆ្នាំ ២០២២ ចំនួន២គ្រឿង គម្រោងអឹមអិល ធារ៉ា ក៏មានរង្វាន់ជាច្រើនផ្សេងទៀតចំនួន ៣០ រង្វាន់​ ជូនដល់អតិថិជនរួមមាន៖

• ទូរស័ព្ទដៃម៉ាក iPhone 14 Pro Max ចំនួន ៥ រង្វាន់
• ទូរទឹកកក ចំនួន ៥ រង្វាន់
• ទូរទស្សន៍ 65” ចំនួន ៥ រង្វាន់
• ម៉ាស៊ីនបោកសម្លៀកបំពាក់ ចំនួន ៥ រង្វាន់
• ម៉ាស៊ីនបឺតផ្សែង ចំនួន ៥ រង្វាន់
• ម៉ាស៊ីន Microwave ចំនួន ៥ រង្វាន់

ក្រុមហ៊ុន អឹមអិល មង្គល រៀលធី ឯ.ក | ML Mongkul Realty Co., Ltd. គឺជាក្រុមហ៊ុនឯកជនទទួលខុសត្រូវមានកម្រិត ដែលបានចុះបញ្ជីពាណិជ្ជកម្មក្នុងឆ្នាំ២០១៨ ហើយអាចទទួលយកព័ត៌មានផ្សេងៗ និងទំនាក់ទំនងតាមរយៈបណ្តាញសង្គមដូចជា៖

• ​គេហទំព័រ៖ http://MLmongkulRealty.com
• ទំព័រហ្វេសប៊ុក៖ https://www.facebook.com/mlmongkulrealty
• តេឡេក្រាម៖ https://t.me/mlmongkulrealty

ក្រុមហ៊ុន អឹមអិល មង្គល រៀលធី ឯ.ក មានការិយាល័យកណ្តាលរបស់ខ្លួនស្ថិតលើផ្លូវ១១៥ ភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល និងមានគម្រោងធំៗចំនួន ៥ ដូចជា៖

១. គម្រោង អឹមអិល វិមាន មង្គល ដែលមានអាសយដ្ឋានស្ថិតក្នុងខណ្ឌកំបូល រាជធានីភ្នំពេញ ផ្តល់ជូនជាប្រភេទផ្ទះល្វែងកូនកាត់ និងលីងហៅស៍។

២. គម្រោង ដឹ អឹមអិល ផាក ដែលមានអាសយដ្ឋានស្ថិតក្នុងស្រុកអង្គស្នួល ខេត្តកណ្តាល ផ្តល់ជូនជាប្រភេទផ្ទះ      ល្វែងកូនកាត់ និងដីឡូត៍។

៣. គម្រោង ដឹ អឹមអិល វីឡា ដែលមានអាសយដ្ឋានស្ថិតក្នុងខណ្ឌដង្កោ រាជធានីភ្នំពេញ ផ្តល់ជូនជាប្រភេទផ្ទះប្រណិត វីឡាព្រីនស៍ វីឡាទោល វីឡាភ្លោះ និងហ្សបហៅស៍។

៤. គម្រោង អឹមអិល ធារ៉ា ដែលមានអាសយដ្ឋានស្ថិតក្នុងក្រុងតាខ្មៅ ខេត្តកណ្តាល ផ្តល់ជូនជាប្រភេទផ្ទះប្រណិត           វីឡាឃ្វីន វីឡាព្រីនស៍ A វីឡាព្រីនស៍ B វីឡាទោល ហ្សបហៅស៍ និងលីងហៅស៍។

៥. គម្រោង អឹមអិល ហ្រ្គីន​ លែន ដែលមានអាសយដ្ឋានស្ថិតក្នុងខណ្ឌដង្កោ រាជធានីភ្នំពេញ ផ្តល់ជូនជាប្រភេទផ្ទះប្រណិត វីឡាព្រីនស៍ A វីឡាទោល និងហ្សបហៅស៍៕

 ដោយៈ វឌ្ឍនៈ

ភ្នំពេញៈ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA)លោក សន សៀប ដែលទើបជាប់ឆ្នោតកាលពីពេលថ្មីៗនេះ បានមានប្រសាសន៍ថា ក្នុងអាណត្តិរបស់លោកអចលនវត្ថុ លោកនឹងប្ដេជ្ញាថានឹងបំពេញបន្ថែមនូវចំនុចខ្វះខាតកាលពីមុន ពីព្រោះថាប្រធានអាណត្តិមុនសុទ្ធតែបានបំពេញការងារយ៉ាងល្អសម្រាប់ការដឹកនាំ។

លោកបន្តថា សម្រាប់អាណត្តិនេះ អ្វីដែលលោកបានគិត និងត្រូវធ្វើនោះគឺ ពង្រឹងខាងក្នុងពង្រីកខាងក្រៅ ធ្វើយ៉ាងណាឱ្យវិស័យអចលនទ្រព្យកម្ពុជាកាន់តែមានភាពរឹងមាំ និងមានទីផ្សារមិនត្រឹមតែក្នុងប្រទេសប៉ុណ្ណោះទេ តែនឹងនាំអចលនវត្ថុកម្ពុជា ទៅកាន់ទីផ្សារអន្តរជាតិផងដែរ ។

សមាគមនឹងបន្តធ្វើការយ៉ាងជិតស្និតបន្ថែមទៀត ជាមួយដៃគូទាំងក្នុងស្រុកនិងក្រៅស្រុក ក្នុងនោះយើងបានសហការរួច ជាមួយប្រទេសនៅអាស៊ាន សហរដ្ឋអាមេរិកនិងបណ្ដាប្រទេសជាច្រើនទៀត។

លោកសន សៀបបានបន្តទៀតថា នៅក្នុងអាណត្តិផងដែរ លោកនឹងចាប់ផ្ដើមធ្វើការសិក្សាស្រាវជ្រាវ ជាពិសេសតម្លៃដីធ្លីនៅក្នុងប្រទេសកម្ពុជា រៀងរាល់៦ខែម្ដង ដើម្បីជាទិន្នន័យមូលដ្ឋានមួយ ផ្ដល់ទៅសមាជិកនៃសមាគម សម្រាប់ឱ្យពួកគាត់មានចំណេះ និងមូលដ្ឋានក្នុងអាជីវកម្មរបស់ពួកគាត់។

អ្វីដែលយើងបានគិតគូ បន្ថែមទៀតនោះការបង់ពន្ធ ទៅកាន់រដ្ឋាភិបាលយើង ដូច្នេះយើងត្រូវការដៃគូផ្នែកគណនេយ្យ ដើម្បីសម្រួលដល់ការបង់ពន្ធរបស់ក្រុមហ៊ុនជាសមាជិករបស់យើង។  មួយទៀតនោះយើងក៏ត្រូវការដៃគូផ្នែកច្បាប់ ដើម្បីពង្រឹងផ្នែកខាងក្នុងរបស់យើងដែរ ដើម្បីផ្ដល់ការគាំទ្រដល់សមាជិក តែយើងក៏មិនកាន់ជើង ឬគាំទ្រ ដល់សមាជិកដែលប្រព្រឹត្តិកំហុសឆ្គងដែរ ។

លោកសន សៀបបានបន្ថែមថា ក្នុងអាណត្តិនេះ យើងនឹងបង្កើនការជួបជុំជាមួយសមាជិករៀងរាល់២សប្ដាហ៍ម្ដង ដើម្បីបង្កើនកិច្ចសហការគ្នារវាងសមាជិក និងសមាជិក និងរៀងរាល់២ខែម្ដង ដើម្បីឱ្យសមាជិកទាំងអស់បានជួបជុំគ្នា ជាមួយអ្នកអភិវឌ្ឍន៍ និងអ្នកវិនិយោគអចលនទ្រព្យនៅក្នុងប្រទេសកម្ពុជា ។

លោកសន សៀបបានបន្ថែមទៀតថា កម្ពុជាបានបើកនូវសាលាអចលនទ្រព្យមួយ ក្រោមការគាំទ្រពីក្រសួងសេដ្ឋកិច្ច និងហិរញ្ញវត្ថុ ក្នុងនោះជំនាញដែលមានអ្នករៀនច្រើន គឺជំនាញភ្នាក់ងារអចលនវត្ថុ និងផ្នែកវាយតម្លៃអចលនវត្ថុ ក្នុងនោះដែរការគ្រប់គ្រងអចលនវត្ថុ ហាក់នៅមិនទាន់មានការយល់ដឹងទូលំទូលាយនៅឡើយ។ ជាក់ស្ដែងក្នុងប្រទេសកម្ពុជាយើងត្រូវធនធានមនុស្សផ្នែកនេះច្រើន ហើយអ្នករៀនផ្នែកនេះក៏មានឱកាសច្រើន។

បើតាមលោកឧកញ៉ា ចេង អគ្គនាយកក្រុមហ៊ុន​ស៊ីភីអិល បានមានប្រសាសន៍កន្លងមកថា ការពង្រឹងធនធានមនុស្ស ក្នុងប្រទេសលើវិស័យនេះ នឹងជួយឱ្យវិស័យ​អចលនទ្រព្យកម្ពុជា កាន់តែទទួលបានការអភិវឌ្ឍ​បន្ថែមជាពិសេសនៅពេលវិនិយោគិនបរទេស ចូលមកកម្ពុជានោះ​កម្ពុជាមានធនធានស្រាប់ សម្រាប់ផ្ដល់ជូនពួកគេ​ នឹងជាធនធានមនុស្សដែលមានចំណេះដឹងនិងជំនាញច្បាស់លាស់៕

ដោយៈ សុផារី

 ភ្នំពេញៈ នៅក្នុងឆ្នាំ២០២៣ គម្រោងអភិវឌ្ឍន៍ ដែលនឹងចុះកិច្ចព្រមព្រៀងឥណទានសម្បទាន ជាគម្រោងវិនិយោគសាធារណៈ ក្នុងវិស័យអាទិភាព រួមមាន ហេដ្ឋារចនាសម្ព័ន្ធរូបវ័ន្ត និងការបង្កើនផលិតភាពសេដ្ឋកិច្ច និងផលិតភាពផលិតកម្ម។

ក្នុងនោះ គម្រោងហេដ្ឋារចនាសម្ព័ន្ធអាទិភាពចំនួន៦ ត្រូវបានដាក់ចេញនៅក្នុងគោលការណ៍ ប្រើប្រាស់កម្ចីរបស់រាជរដ្ឋាភិបាលកម្ពុជា នៅក្នុងឆ្នាំ២០២៣នេះ។

យោងតាមសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២៣ បានឱ្យដឹងថា នៅក្នុងឆ្នាំ២០២៣ រាជរដ្ឋាភិបាលកម្ពុជាគ្រោងនឹងខ្ចីប្រាក់ពីដៃគូអភិវឌ្ឍន៍ ក្នុងកម្រិត១៧០០លានSDR ដែលកើនឡើង១០០លានSDR ធៀបនឹងច្បាប់ថវិកា នៅក្នុងឆ្នាំ២០២២។

របាយការណ៍ដដែលបានឱ្យដឹងថា កម្ចីទាំងនេះ នឹងត្រូវយកមកអភិ​   វឌ្ឍវិស័យសំខាន់ចំនួន០៧ រួមមាន វិស័យថាមពលចំនួន៧គម្រោង ធារាសាស្ត្រចំនួន៥គម្រោង ហេដ្ឋារចនាសម្ព័ន្ធរូបវន្តចំនួន៦គម្រោង សុខាភិបាលចំនួន១គម្រោង អប់រំនិងបណ្តុះបណ្តាលវិជ្ជាជីវៈចំនួន១គម្រោង កសិកម្មចំនួន៣គម្រោង និងអាទិភាពផ្សេងទៀតចំនួន៥គម្រោង។

ហេដ្ឋារចនាសម្ព័ន្ធរូបវន្តចំនួន៦គម្រោងនោះ រួមមាន ទី១ គម្រោងសាងសង់ស្ពានទន្លេបាសាក់(ចាក់អង្រែ ក្រោម-ព្រែកប្រា) ទី២ គម្រោងលើកកម្រិតកំណាត់ផ្លូវជាតិលេខ៣ (គ.ម.លេខ១៨១+១០០ វាលរេញ) ទី៣ គម្រោងរៀបចំច្រកទ្វារអន្តរជាតិស្ទឹងបត់ និងផ្លូវតភ្ជាប់ផ្លូវជាតិលេខ៥ (ជំហានទី២) ។

គម្រោងទី៤ គម្រោងធ្វើឱ្យប្រសើរឡើង នូវកំណាត់ផ្លូវជាតិលេខ៥ ពីធ្លាម្អម ខេត្តពោធិ៍សាត់-ក្រុងបាត់ដំបង និងពីក្រុងសិរី សោភ័ណ-ក្រុងប៉ោយប៉ែត (កញ្ចប់ឥណទានទី៣) ទី៥ គម្រោងកែលម្អការតភ្ជាប់ជនបទ និងទី៦ គម្រោងកែលម្អការតភ្ជាប់ជនបទភូមិភាគឦសាន។

ជាមួយគ្នានេះ រាជរដ្ឋាភិបាលកម្ពុជា ក៏គ្រោងនឹងបោះផ្សាយលក់មូលបត្ររដ្ឋជាលើកទីពីរ ចំនួន២០០លានដុល្លារអាមេរិកបន្ថែមទៀត សម្រាប់សងប្រាក់ដើម នៃការបោះផ្សាយមូលប័ត្រឆ្នាំ២០២២ ចំនួន៤៩លានដុល្លារអាមេរិក និងការគ្រោងថវិកាចំនួន១៥១លានដុល្លារអាមេរិកទៀត សម្រាប់ធ្វើហិរញ្ញប្បទានលើគម្រោងវិនិយោគ៕