Resort កោះក្របីមិនសូវមានអ្នកស្គាល់តែតម្លៃស្នាក់នៅនិង សេវាកម្មមិនចាញ់កោះសង្សារ

ដោយៈ វឌ្ឈនៈ

ព្រះសីហនុៈ កោះក្របីដែលស្ថិតក្នុងខេត្តព្រះសីហនុ មិនសូវមានអ្នកស្គាល់ប៉ុន្មាន ប៉ុន្តែកោះនេះ ទទួលបានការអភិវឌ្ឍពីក្រុមហ៊ុនបរទេសមួយកាលពីមុនវិបត្តិកូវីដ១៩ បានចាប់ផ្ដើមដាក់ដំណើរការទទួលភ្ញៀវទេសចរក្រោយវិបត្តិកូវីដ។

ការស្នាក់នៅក្នុងរីសតនៃកោះមួយនេះ មានតម្លៃមិនចាញ់កោះសង្សារប៉ុន្មាននោះទេ ដោយបន្ទប់តម្លៃដល់ទៅរាប់ពាន់ដុល្លារក្នុងមួយយប់។

លោកAteeb Shrestha អ្នកគ្រប់គ្រងទូទៅរីសតកោះក្របីបានឱ្យដឹងកាលពីដើមសប្តាហ៍នេះថា កោះនេះត្រូវបានចាប់ផ្ដើមអភិវឌ្ឍន៍ជាផ្លូវការ ក្នុអអំឡុងឆ្នាំ២០១៨ទៅ២០១៩ ពោលគឺនៅមុនវិបត្តិកូវីដ១៩ ។ ពេលយើងចាប់ផ្ដើមសាងសង់វីឡា និងហេដ្ឋារចនាសម្ព័ន្ធលើកោះនេះ វិបត្តិកូវីដ១៩ក៏ចាប់ផ្ដើមចូលមកដល់ ពេលនោះយើងក៏បានផ្អាកដំណើរការ មិនទទួលភ្ញៀវទេសចរនោះទេ។

លោកបន្តថា “រហូតដល់រដ្ឋាភិបាលកម្ពុជា បានប្រកាសបើកប្រទេសវិញ ក៏យើងមិនបើកភ្លាមៗដែរ រហូតដល់ខែធ្នូឆ្នាំ២០២២ ទើបក្រុមហ៊ុនបានចាប់ផ្ដើមបើកដំណើរ និងទទួលភ្ញៀវទេសចរមកសម្រាកនិងកម្សាន្ត”។

លោកបន្តថា តម្លៃជាមធ្យមសម្រាប់ភ្ញៀវទេសចរ មកស្នាក់នៅលើកោះនេះ ក្នុងមួយយប់ទាបបំផុត៥០០ដុល្លារ ពោលគឺនៅថ្ងៃធម្មតា ហើយបើក្នុងរដូវមានភ្ញៀវច្រើន បន្ទប់ធម្មតាហក់ឡើងដល់២០០០ដុល្លារ ទៅ៤០០០ដុល្លារអាមេរិកក្នុងមួយយប់ ដែលតម្លៃនេះមិនខុសគ្នាប៉ុន្មានពីកោះសង្សារនោះទេ”។

លោកបន្តទៀតថា ការអភិវឌ្ឍកោះខុសពីការអភិវឌ្ឍ នៅលើដីគោក។ ឧទារណហ៍ថាបើសិនជាយើង ចំណាយថវិកាអភិវឌ្ឍន៍វីឡាមួយនៅលើកោះ យើងអាចយកថវិកានោះ ទៅអភិវឌ្ឍន៍វីឡាលើដីគោកបាន៣ឯណោះ ពីព្រោះថាការដឹកជញ្ជូនសម្ភារៈសាងសង់ នៅលើកោះចំណាយច្រើនជាង ការដឹកជញ្ជូននៅលើគោក និងមានភាពពិបាក ។

លោក Ateeb បានឱ្យដឹងថា បច្ចុប្បន្នកិត្តិនាមកោះក្របី បានចាប់ផ្ដើមសាយភាយបណ្ដើរៗហើយ ដោយមានភ្ញៀវទេសចរក្នុងស្រុក និងអន្តរជាតិមកស្នាក់នៅ និងកម្សាន្តនៅលើកោះនេះកាន់តែច្រើន និងរំពឹងថាមានកំណើនកាន់តែច្រើនបន្ថែមទៀត ។

រីសតលើកោះក្របី បានផ្ដល់ឱកាសការងារ ដល់ប្រជាពលរដ្ឋប្រមាណ១០០កន្លែងទាំងខ្មែរ និងបរទេស ហើយរីសតនេះដែរគឺផ្ដោតលើបរិស្ថានជាកត្តាចំបង ដោយរាល់សម្ភារៈប្រើប្រាស់មិនមានប្លាស្ទីកឡើយ។ សូម្បីតែដបទឹក ក៏ត្រូវប្រើដបទឹកអាចប្រើប្រាស់ឡើងវិញបាន ។ ក្នុងនោះដែរជុំវិញកោះ ក៏មិនអនុញ្ញាតឱ្យភ្ញៀវទេសចរស្ទូចត្រីឡើយ។

អភិបាលនៃគណៈអភិបាលខេត្តព្រះសីហនុ លោកគួច ចំរើនបានមានប្រសាសន៍ថា ការអភិវឌ្ឍកោះក្របីនេះ គឺមានសារសំខាន់ណាស់ និងបានចូលរួមចំណែក ក្នុងវិស័យទេសចរណ៍ក្នុងប្រទេសកម្ពុជានិយាយជារួម និងវិស័យទេសចរណ៍ក្នុងខេត្តព្រះសីហនុនិយាយដោយឡែក។

លោកបន្តថា “វាគឺជាផលិតផលទេសចរណ៍ថ្មីមួយ សម្រាប់កម្ពុជាក្នុងការផ្ដល់ជូនភ្ញៀវទេសចរក្នុងនិងក្រៅប្រទេស”។

លោកបន្តថា រាជរដ្ឋាភិបាលបានអនុម័ត ឱ្យក្រុមហ៊ុនឯកជាវិនិយោគ និងអភិវឌ្ឍន៍តាមបណ្ដាកោះ នានាក្នុងខេត្តព្រះសីហនុ ហើយមកដល់ពេលនេះកោះចំនួន២០ ត្រូវបានអនុម័តឱ្យអភិវឌ្ឍន៍ដោយក្រុមប្រឹក្សាអភិវឌ្ឍន៍កម្ពុជា និងកំពុងមានសកម្មភាពអភិវឌ្ឍន៍ជាបន្តបន្ទាប់ផងដែរ៕

ចំនួនភ្ញៀវស្នាក់នៅសណ្ឋាគារក្នុងទីក្រុងម៉ាកាវហក់ឡើង ជាង១៦៤ភាគរយនៅក្នុងខែមីនា

ដោយ: គង់ លាងហួរ

ម៉ាកាវ: នាយកដ្ឋានស្ថិតិនៃតំបន់រដ្ឋបាលពិសេសម៉ាកាវ (SAR) បានឱ្យដឹងកាលពីថ្ងៃព្រហស្បតិ៍ថា ភ្ញៀវសរុបចំនួន៩៧២.០០០នាក់បានចូលស្នាក់នៅ ក្នុងសណ្ឋាគាររបស់ទីក្រុងម៉ាកាវ នៅក្នុងខែមីនា កើនឡើង១៦៤,៤ភាគរយពីមួយឆ្នាំទៅមួយឆ្នាំ។

យោងរបាយការណ៍ចុងក្រោយបំផុតពីសេវាកម្មស្ថិតិ និងជំរឿនបានបង្ហាញថា ភ្ញៀវមកពីចិនដីគោក និងតំបន់រដ្ឋបាលពិសេសហុងកុងបានកើនឡើង១៥៦,៩ភាគរយ និង៩៣៣,៧ភាគរយពីមួយឆ្នាំទៅមួយឆ្នាំ រហូតដល់៦៩៤.០០០នាក់ និង១៨៦.០០០នាក់រៀងៗគ្នា។

របាយការណ៍ដដែលបានបង្ហាញថា អត្រាស្នាក់នៅជាមធ្យមនៃបន្ទប់ភ្ញៀវក្នុងខែមីនា បានកើនឡើង៤.៦៣០ពិន្ទុមូលដ្ឋាន ពីមួយឆ្នាំទៅមួយឆ្នាំរហូតដល់៧ញភាគរយ។

ចំនួនភ្ញៀវដែលមកដល់ ក្នុងដំណើរកម្សាន្តជាកញ្ចប់សរុបមានចំនួន៩៣.០០០នាក់ក្នុងខែមីនា។ ទន្ទឹមនឹងនេះ អ្នកស្រុកម៉ាកាវសរុបចំនួន៣០.០០០នាក់ បានទិញសេវាចេញក្រៅប្រទេស តាមរយៈភ្នាក់ងារទេសចរណ៍ ដែលកើនឡើង៨៩២,៦ភាគរយពីមួយឆ្នាំទៅមួយឆ្នាំ។

សណ្ឋាគារសរុបចំនួន១២៦ បានផ្តល់សេវាស្នាក់នៅដល់សាធារណជនក្នុងខែមីនា ហើយក្រៅពីនេះ ចំនួនបន្ទប់ទទួលភ្ញៀវបានកើនឡើង០,៧ភាគរយរហូតដល់៣៩.០០០បន្ទប់។

ទីក្រុងម៉ាកាវ ក៏ដូចជាហុងកុងដែរ គឺជាតំបន់រដ្ឋបាលពិសេស (SAR) ស្ថិតក្រោមប្រទេសចិន ដែលប្រតិបត្តិការក្រោមគោលការណ៍ “ប្រទេសមួយ ប្រព័ន្ធពីរ”។

ស្រដៀងទៅនឹងទីក្រុងហុងកុងដែរ គោលនយោបាយប្រទេសមួយ ប្រព័ន្ធពីរ អនុញ្ញាតឱ្យម៉ាកាវមានស្វ័យភាព ទូលំទូលាយ ប៉ុន្តែមានកម្រិតនៅក្នុងសកម្មភាពគ្រប់គ្រង និងសេដ្ឋកិច្ចភាគច្រើនរបស់ខ្លួន៕

រដ្ឋបាលខេត្តព្រះសីហនុគ្រោងបង្កើតសារមន្ទីរសង្គ្រាមដ៏ធំមួយនៅបាតសមុទ្រដើម្បីទាក់ទាញភ្ញៀវទេសចរ

ដោយ: គង់ លាងហួរ

ភ្នំពេញ: អាជ្ញាធរខេត្តព្រះសីហនុ កំពុងសហការជាមួយនឹងក្រសួងបរិស្ថាន និងក្រុមហ៊ុនខ្មែរដាយគ្រុប (Khmer Dive Group) ដើម្បីសិក្សាលទ្ធភាព បង្កើតសារមន្ទីរសង្គ្រាមបាតសមុទ្រ នៅជិតមូលដ្ឋានកងទ័ពជើងទឹករាម សម្រាប់ទេចរណ៍មុជទឹកចុះទៅទស្សនា យុទ្ធបករណ៍សង្គ្រាមនៅទីនោះ។

គម្រោងថ្មីនេះ ត្រូវបានបញ្ជាក់ប្រាប់អ្នកសារព័ត៌មាន ក្នុងកំឡុងពេលដែលក្លិបអ្នកកាសែតកម្ពុជា (CCJ) ដឹកនាំអ្នកសារព័ត៌មានប្រមាណ៣០នាក់ មកពី១៨ស្ថាប័ន ជាលើកដំបូងមកធ្វើទស្សនកិច្ចនៅខេត្តព្រះសីហនុ រយៈពេល៣ថ្ងៃចាប់ពីថ្ងៃទី២៥ ដល់ថ្ងៃទី២៧ ខែមេសា ក្រោមការគាំទ្រពីក្រសួងទេសចរណ៍ និងរដ្ឋាបាលខេត្តព្រះសីហនុ។

លោក ឡុង ឌីម៉ង់ អភិបាលរងខេត្តព្រះសីហនុ បានប្រាប់ក្រុមអ្នកសារព័ត៌មានថា នៅប្រជុំកោះតាគាវ ដែលស្ថិតនៅក្បែរមូលដ្ឋានកងទ័ពជើងទឹករាម មានយុទ្ធបករណ៍សង្គ្រាម ដែលមួយចំនួនជាយុទ្ធបករណ៍ តាំងពីសម័យសង្គ្រាមលោកលើកទី២។

លោកបានបញ្ជាក់ថា “នៅទីនោះមានយន្តហោះចម្បាំងមួយចំនួន កាលពីសម័យសង្គ្រាមលោកលើកទី២ បានធ្លាក់លិចចុះទៅបាតសមុទ្រ”។ លោកបន្តថា “ដូច្នេះប្រសិនជាមានការគាំទ្រ អាជ្ញាធរខេត្តនេះនឹងប្រែក្លាយទីកន្លែងនោះ ជាសារមន្ទីរសង្គ្រាមបាតសមុទ្រដ៏សំខាន់មួយសម្រាប់អ្នកទេចរណ៍ ដែលមានបំណងទស្សនាកម្សាន្តនៅបាតសមុទ្រ”។

លោកបន្តថា “ការបង្កើតសារមន្ទីរនេះនៅបាតសមុទ្រ គឺមានសារៈសំខាន់ខ្លាំង ហើយសម្រាប់ខ្ញុំផ្ទាល់ក៏ជាអ្នកចូលចិត្តដាយ (Dive) ម្នាក់ផងដែរ”។លោកបន្តថា “ខ្ញុំសូមអំពាវនាវដល់ប្រជាពលរដ្ឋខ្មែរទាំងអស់អាចហាត់រៀនដាយវីង ដើម្បីចុះទៅទស្សនានូវអ្វីដែលយើងបានស្រាវជ្រាវរកឃើញនៅបាតសមុទ្រ បន្ទាប់ពីរមណីយដ្ឋានឬឧទ្យានជាតិនៅលើគោក”។

លោកឡុង ឌីម៉ង់បានអះអាងថា “នៅទីនោះមានយុទ្ធបករណ៍ ដូចជាយន្តចម្បាំង រថក្រោះ និងយុទ្ធបករណ៍ផ្សេងៗមួយចំនួនទៀតដែលបានលិចទៅបាតសមុទ្រ នៅទីនោះដោយយើងរក្សាវាក្នុងស្ថានភាពដដែល ហើយយើងនឹងរៀបចំរចនាសម្ព័ន តាមបច្ចេកទេសដែលគិតគូរ ដល់សុវត្ថិភាពទេសចរជាមួយនឹងដៃគូពាក់ព័ន្ធ”។

ទោះយ៉ាងណាក្តី ទំហំថវិកា និងរយៈពេលវេលានៃការរៀបចំបង្កើតសារមន្ទីរនេះ លោក ឡុង ឌីម៉ង់ នៅមិនទាន់អាចបញ្ជាក់បាននៅឡើយទេ ព្រោះវាកំពុងស្ថិតនៅក្នុងគម្រោង ដែលត្រូវពិភាក្សាជាមួយក្រសួង ស្ថាប័ន និងដៃគូពាក់ព័ន្ធដទៃទៀត។

ម្យ៉ាងទៀត គឺត្រូវធ្វើសំណើដាក់ជូនរដ្ឋាភិបាល ដើម្បីអនុម័តអំពីការកំណត់ទីតាំងជាក់លាក់មួយ ព្រោះសារមន្ទីរដែលគ្រោងនឹងបង្កើតឡើងនេះ នៅក្បែរមូលដ្ឋានកងទ័ពជើងទឹករាម។

ខេត្តព្រះសីហនុ មានឥទ្ធិពលទេសចរណ៍ដ៏សំខាន់មួយ ដោយសារតែខេត្តនេះ មានចំនួនកោះរហូតដល់៣២កោះ ហើយផ្នែកដ៏សំខាន់មួយទៀត ដែលមនុស្សគ្រប់គ្នាមិនសូវចាប់អារម្មណ៍ ឬមើលរំលងនោះ គឺរមណីយដ្ឋានបាតសមុទ្រ ដែលគេសំដៅដល់វិស័យទេចរណ៍បាតសមុទ្រ។

រមណីយដ្ឋាននេះ គឺសម្រាប់ទេសចរចុះដាយ (Dive)ដើម្បីទស្សនាផ្កាថ្ម ត្រីកម្រ និងជីវចម្រុះសំខាន់ផ្សេងៗទៀត ដែលមាននៅទីនោះ ខណៈធនធានធម្មជាតិទាំងអស់មាន ដោយកម្រនៅប្រទេសដទៃពីកម្ពុជា។

លោក ឡង់ ឌីម៉ង បានមានប្រសាសន៍ថា ទាក់ទងនឹងទេសចរណ៍បាតសមុទ្រនាពេលបច្ចុប្បន្ន មិនទាន់មានអ្នកចាប់អារម្មណ៍ច្រើននៅឡើយទេ ព្រោះប្រហែលជាពួកគេមិនទាន់បានដឹង ហើយការផ្សព្វផ្សាយពីសក្កានុពលទៀតសោត នៅមិនទាន់បានទូលំទូលាយផងដែរ។

លោកបញ្ជាក់ថា នៅកោះរ៉ុង និងនៅតាមកោះផ្សេងទៀតសុទ្ធតែមានប្រជុំដោយផ្កាថ្មស្អាតៗ ហើយរដ្ឋបាលខេត្តព្រះសីហនុ កំពុងរៀបចំអភិរក្សជីវចម្រុះជុំវិញកោះ ដើម្បីបញ្ចៀសការប៉ះពាល់ខូចខាតដោយការនេសាទ។

លោកបានលើកឡើងទៀតថា បច្ចុប្បន្នក្នុងខេត្តព្រះសីហនុមានក្រុមហ៊ុនខ្មែរដាយគ្រុប(Khmer Dive Group) និងសមាគមដទៃទៀត ដែលកំពុងធ្វើការផ្សព្វផ្សាយ ជួយថែរក្សាជីវៈចម្រុះ និងជំរុញទេសចរមកលេងរមណីដ្ឋាននៅបាតសមុទ្រ ប៉ុន្តែទេសចរដែលមានបំណងមកទស្សនានៅបាតសមុទ្រ គឺត្រូវហ្វឹកហាត់ដាយវីង (Diving) ជាមុនសិន។

លោក ថោង ខុន រដ្ឋមន្ត្រីក្រសួងទេចរណ៍ បានលើកឡើងថា “ទេសចរណ៍បាតសមុទ្រ មានសក្តានុពលខ្លាំងណាស់ ក្នុងការទាក់ទាញទេសចរណ៍ ហើយនៅពេលពួកគេធ្វើដាយវីង (Diving) ចុះទៅទស្សនានៅបាតសមុទ្រ គឺត្រូវបានឆ្មាំចុះទៅជាមួយ ដើម្បីបង្ការពួកគេកាច់ផ្កាថ្ម និងដើម្បីត្រៀមជួយសង្គ្រោះ ពេលដែលពួកគេវង្វេងផែនទី”៕

គម្រោងសិក្សាផ្លូវល្បឿនលឿនភ្នំពេញ សៀមរាប គ្រោងបញ្ចប់ការសិក្សានៅខែក្រោយនេះ

ដោយៈ វឌ្ឍនៈ

ភ្នំពេញៈ ការសិក្សាគម្រោងអភិវឌ្ឍន៍ផ្លូវល្បឿនលឿន ភ្នំពេញ សៀមរាប គ្រោងបញ្ចប់នៅខែឧសភា ឆ្នាំ ២០២៣នេះ ហើយក៏មានពន្លឺកាន់តែច្បាស់ អំពីគម្រោងអភិវឌ្ឍន៍ផ្លូវល្បឿនលឿនមួយនេះ ។

នេះបើតាមការឲ្យដឹងពីលោកទេសរដ្ឋមន្រ្តីស៊ុន ចាន់ថុលរដ្ឋមន្ត្រីក្រសួងសាធារណការ និងដឹកជញ្ជូន ដែលបានថ្លែងក្នុងសន្និសីទស្ដីពីការលើកកម្ពស់ការតភ្ជាប់ ការដឹកជញ្ជូនក្នុងតំបន់ សម្រាប់អាស៊ីកណ្ដាល និងអាស៊ីអាគ្នេយ៍ កាលពីថ្ងៃទី២៨ មេសា ២០២៣ ។

លោកស៊ុន ចាន់ថុលបានមានប្រសាសន៍ថា កម្ពុជា បាននិងកំពុងអភិវឌ្ឍន៍ ផ្លូវល្បឿនលឿនជាបន្តបន្ទាប់។ ជាក់ស្ដែង ផ្លូវល្បឿនលឿនភ្នំពេញ ក្រុងព្រះសីហនុ បានសាងសង់ និងបានដាក់ដំណើរការហើយ ហើយផ្លូវល្បឿនលឿនទី២ ពីរាជធានីភ្នំពេញ ទៅកាន់ក្រុងបាវិត គ្រោងនឹងបើកការដ្ឋាននៅថ្ងៃទី៧ មិថុនាឆ្នាំ២០២៣ ក្រោមអធិបតីភាព សម្ដេចអគ្គមហាសេនាបតីតេជោហ៊ុន សែន ។

លោកស៊ុន ចាន់ថុល បន្ថែមថា ជាមួយគ្នានេះ យើងក៏បានសិក្សា ផ្លូវរថភ្លើង ដែលបច្ចុប្បន្នមានល្បឿនយឺត ឱ្យទៅជាផ្លូវរថយន្តភ្លើងមានល្បឿនលឿនពីភ្នំពេញ ទៅកាន់ក្រុងប៉ោយប៉ែត ខេត្តបន្ទាយមានជ័យ ហើយពីភ្នំពេញទៅកំពង់ផែ ស្វយ័តខេត្តព្រះសីហនុ ជាមួយគ្នានឹងការសិក្សាគម្រោងដឹកជញ្ជូន តាមផ្លូវទឹកពីទន្លេបាសាក់ ទៅកាន់សមុទ្រនៅខេត្តកែប ក៏បានបញ្ចប់ផងដែរ។

លោកបញ្ជាក់ថា នៅមានគម្រោងជាច្រើនទៀត ទាំង តូច ទាំងធំ ក្នុងនោះ ក៏មានគម្រោងផ្លូវល្បឿនលឿនទី៣ សៀមរាប ភ្នំពេញ ហើយក៏អាចមានផ្លូវល្បឿនលឿនទី៤ ទី៥ ទី៦ ជាបន្តទៀត ។

គម្រោងផ្លូវល្បឿនលឿនភ្នំពេញ សៀមរាប នឹងត្រូវចាប់ផ្ដើមពីរាជធានីភ្នំពេញ កាត់តាមខេត្តកណ្ដាល កំពង់ចាម ខេត្តកំពង់ធំ និងខេត្តសៀមរាប ។ គម្រោងផ្លូវនេះដែរ នឹងជំរុញឱ្យសៀមរាបមានសក្ដានុពលមួយកមម្រិតទៀត ស្របនឹងព្រលានយន្តហោះអន្តរជាតិថ្មី នៅខេត្តសៀមរាប ក៏គ្រោងនឹងដំណើរការហោះហើរ សាកល្បងនៅពេលឆាប់ៗនេះផងដែរ៕

Asian stocks surge ahead of BOJ policy decision

SINGAPORE : Asian stocks rallied on Friday as strong corporate earnings helped lift sentiment even as worries over economic weakness lingered, while investors were also waiting on a policy decision from the Bank of Japan.

MSCI’s broadest index of Asia-Pacific shares outside Japan was 0.94 per cent higher but remained on course to end the month 1.4 per cent lower. Japan’s Nikkei rose 0.51 per cent while Australia’s S&P/ASX 200 index gained 0.33 per cent.

U.S. stocks closed sharply higher on Thursday thanks to upbeat results from bellwether tech firms, with Meta Platforms Inc, Microsoft Corp and Alphabet Inc soaring after reporting results.

China shares eased, while Hong Kong’s Hang Seng index was 0.5 per cent higher. Geopolitical tensions along with worries over the global economic outlook have crimped investor sentiment in recent weeks.

Data overnight showed the U.S. economy slowed more than expected in the first quarter, even as price growth came in hotter than economists had projected.

Taylor Nugent, an economist at National Australia Bank, said the data showed “an unhappy combination” of softer-than-expected growth and stronger-than-expected prices increases in first quarter.

The core PCE data, one of the measures of inflation tracked by the Federal Reserve, caught markets’ attention, Nugent said.

The core PCE price index jumped at a 4.9 per cent rate after advancing at a 4.4 per cent pace in the prior quarter.

Source: Reuters

កម្ពុជាស្នើដល់ភាគីចិនឱ្យបង្កើនជើងហោះហើរត្រង់រវាងប្រទេសទាំង២ឲ្យបាន៣០០ជើងក្នុងមួយសប្តាហ៍

ដោយ: គង់ លាងហួរ

អន្តរជាតិ: ផែនការនៃការបង្កើនចំនួនជើងហោះហើរ រវាងកម្ពុជា និងចិន នឹងជួយទាក់ទាញភ្ញៀវទេសចរចិន កាន់តែច្រើនបន្ថែមទៀត ស្របពេលប្រទេសទាំង២ កំពុងខិតខំជំរុញបង្កើនចំនួនជើងហោះហើរត្រង់ឡើងវិញ ឱ្យបានយ៉ាងតិច៣០០ជើងក្នុង១សប្តាហ៍។

កាលពីពេលថ្មីៗកន្លងទៅ លោក ម៉ៅ ហាវណ្ណាល់ រដ្ឋមន្ត្រីទទួលប្រតិភូអមនាយករដ្ឋមន្រ្តី បន្ទុករដ្ឋលេខាធិការដ្ឋានអាកាសចរស៊ីវិលកម្ពុជា និងលោក Song Zhiyong ប្រធានរដ្ឋបាលអាកាសចរស៊ីវិលចិន បានចុះហត្ថលេខាលើកិច្ចព្រមព្រៀង កិច្ចសហប្រតិបត្តិការស្តីអំពីការពង្រឹងសុវត្ថិភាពហោះហើរជាមួយប្រទេសចិន។

លោក ម៉ៅ ហាវណ្ណាល់ បានស្នើដល់ភាគីចិនឱ្យជួយជំរុញការផ្តល់អាទិភាពក្នុងការស្តារ និងបង្កើនចំនួនជើងហោះហើរត្រង់ឡើងវិញរវាងប្រទេសទាំង២ ឱ្យបានយ៉ាងហោច៣០០ជើង ក្នុង១សប្តាហ៍ ដែលជើងហោះហើររវាងប្រទេសទាំង២ នឹងជួយសម្រួលដល់ការដឹកអ្នកដំណើររវាងប្រទេសទាំង២ ស្របពេលប្រទេសចិន បានបើកដំណើរការសេដ្ឋកិច្ចរបស់ខ្លួនឡើងវិញ។

លោកបានថ្លែងទៀតថា “ប្រទេសចិនធ្លាប់បានប្រកាសថា កម្ពុជាជាប្រទេសមួយ ក្នុងចំណោមប្រទេសដំបូង ដែលនឹងទទួលភ្ញៀវទេសចរចិន ព្រមទាំងផ្តល់អាទិភាពក្នុងការស្តារ និងបង្កើនចំនួនជើងហោះហើរត្រង់ផងដែរ”។

លោក ម៉ៅ ហាវណ្ណាល់ និងថ្នាក់ដឹកនាំនៃរដ្ឋលេខាធិការដ្ឋានអាកាសចរស៊ីវិល ព្រមទាំងសហគ្រាសឧស្សាហកម្ម អាកាសចរស៊ីវិលបានបញ្ជាក់ជាថ្មី នូវការស្វាគមន៍យ៉ាងកក់ក្តៅដល់ប្រទេសចិន និងការបេ្តជ្ញាផ្តល់សេវាកម្ម និងសន្តិសុខនៃអ្នកដំណើរ តាមផ្លូវអាកាសទៅមករវាងចិន-កម្ពុជា ប្រកបដោយគុណភាព។

លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកកម្ពុជា បានមានប្រសាសន៍ថា គិតរហូតមកទល់នឹងពេលនេះ លំហូរភ្ញៀវទេសចរចិន ចូលមកកាន់កម្ពុជាកំពុងមានភាពល្អប្រសើរ ប៉ុន្តែកំណើននេះ នៅពុំទាន់ដូចរដូវកាលមុនវិបត្តិកូវីដ-១៩ នៅឡើយនោះទេ។

លោកបន្ថែមថា “ចាប់តាំងពីប្រទេសចិន បើកសេដ្ឋកិច្ចឡើងវិញ ដែលអនុញ្ញាតឱ្យប្រជាជនខ្លួន អាចធ្វើដំណើរកម្សាន្តទៅក្រៅប្រទេសឡើងវិញ យើងសង្កេតមើលឃើញថា លំហូរភ្ញៀវទេសចរចិនចាប់ផ្តើមមានភាពល្អប្រសើរហើយ ទោះបីចំនួននេះហាក់ពុំទាន់ខ្ពស់យ៉ាងណាក្តី”។ លោកបន្តថា “ហេតុនេះ ផែនការនៃការបង្កើនជើងហោះហើរនឹងក្លាយជាកត្តាមួយដ៏សំខាន់ ក្នុងការផ្តល់ជម្រើសកាន់តែច្រើនដល់ភ្ញៀវទេសចរចិនមកកម្ពុជា”។

យោងតាមរបាយការណ៍ របស់ក្រសួងទេសចរណ៍បានបង្ហាញថា នៅក្នុងខែមករាដល់ខែកុម្ភៈ ឆ្នាំ២០២៣នេះ កម្ពុជាទទួលបានភ្ញៀវអន្តរជាតិ៨៣៧.៤៤៦នាក់ ពោលគឺកើន៧៧៨,៦ភាគរយ បើ ធៀបនឹងរយៈពេលដូចគ្នាកាលពីឆ្នាំ២០២២៕

Macao’s hotel guest number leaps 164.4 pct year on year in March

A total of 972,000 guests checked in Macao’s hotel establishments in March, leaping 164.4 percent year on year, the Macao Special Administrative Region’s (SAR) statistics department said on Thursday.

The latest report from the Statistics and Census Service showed that guests from the Chinese mainland and the Hong Kong Special Administrative Region jumped by 156.9 percent and 933.7 percent year on year to 694,000 and 186,000,
respectively.

The average occupancy rate of guest rooms in March rose by 46.3 percentage points year on year to 77.0 percent, showed the report.

The number of visitors arriving on package tours totaled 93,000 in March. Meanwhile, a total of 30,000 Macao residents purchased outbound services through travel agencies, an uplift of 892.6 percent year on year.

A total of 126 hotel establishments offered accommodation services to the public in March, an increase of six year on year.

Besides, the number of available guest rooms grew by 0.7 percent to 39,000, showed the report.

Source: xinhua

តម្លៃទំនិញដឹកជញ្ជូនតាមរថភ្លើងចិន -អឺរ៉ុបកើនដល់ទំហំទឹកប្រាក់ជាង៣០០ពាន់លានដុល្លារ

ដោយ: គង់ លាងហួរ

ប៉េកាំង: ក្រសួងការបរទេសចិនបានឱ្យដឹងថា រថភ្លើងដឹកទំនិញចិន -អឺរ៉ុបបានដឹកជញ្ជូនទំនិញ ដែលមានតម្លៃជាង៣០០ពាន់លានដុល្លារនៅចុងឆ្នាំ២០២២ ដែលជាការជំរុញកំណើនសេដ្ឋកិច្ច នៅអឺរ៉ាស៊ី ក្រោមគំនិតផ្តួចផ្តើមខ្សែក្រវ៉ាត់ និងផ្លូវ (BRI) របស់ប្រទេសចិន។

លោកស្រី Mao Ning អ្នកនាំពាក្យរបស់ក្រសួងការបរទេសចិន បានថ្លែង នៅក្នុងសន្និសីទសារព័ត៌មាន ជាទៀងទាត់មួយកាលពីថ្ងៃព្រហស្បតិ៍ម្សិលមិញនេះថា រថភ្លើងដឹកទំនិញចិន-អឺរ៉ុបចំនួនជាង៦៥.០០០ខ្សែ បានដឹកជញ្ជូនទំនិញច្រើនជាង៦លានTEUs ទៅកាន់ទីក្រុងចំនួន២០០ ក្នុងប្រទេសចំនួន២៤នៅអឺរ៉ុប។

លោកស្រី Mao Ning បានបន្តទៀតថា“ចាប់តាំងពីគម្រោង BRI ត្រូវបានដាក់ឱ្យដំណើរការកាលពី១០ឆ្នាំមុន ផ្លូវរថភ្លើងចិន-អឺរ៉ុប Express បានក្លាយជាផ្លូវពាណិជ្ជកម្មដ៏សំខាន់មួយ នៅទូទាំងទ្វីបអឺរ៉ាស៊ី និងជាសរសៃឈាមនៃកិច្ចសហប្រតិបត្តិការ BRI ។ វាជារទេះដែកដែលអាចជំរុញការឯកភាពគ្នា និងធ្វើឱ្យមានភាពរឹងមាំនៅទូទាំងទ្វីបអឺរ៉ាស៊ី”។

ជាក់ស្តែង នៅក្នុងត្រីមាសទីមួយ នៃឆ្នាំ២០២៣នេះ ពាណិជ្ជកម្មបរទេសរវាងប្រទេសចិន និងបណ្តាប្រទេសនៅតាមបណ្តោយគម្រោងBRI បានកើនឡើងរហូតដល់ទៅ១៦,៨ភាគរយ ពីមួយឆ្នាំទៅមួយឆ្នាំ។

លោកស្រី Mao Ning បានកត់សម្គាល់ថា “រថភ្លើងដឹកទំនិញចិន-អឺរ៉ុបនឹងនាំមកនូវឱកាសកិច្ច សហប្រតិបត្តិការបន្ថែមទៀតដល់បណ្តាប្រទេសស្ថិតក្រោមគម្រោង BRI ហើយក៏បង្ហាញពីការប្តេជ្ញាចិត្តរបស់ប្រទេសចិន ចំពោះការបើកចំហកម្រិតខ្ពស់ផងដែរ”៕

គម្រោងវិនិយោគកន្រ្តកយោងខ្សែរ៉កដំបូងគេនៅកម្ពុជាកំពុងស្ថិតក្នុងដំណាក់កាលសិក្សា

ដោយៈ វឌ្ឍនៈ

ភ្នំពេញៈ គម្រោងវិនិយោគខ្សែរ៉កក្រោមការវិនិយោគ របស់វិនិយោគិនអូទ្រីស នៅក្នុងខេត្តព្រះសីហនុ កំពុងស្ថិតនៅក្នុងដំណាក់កាលនៃការសិក្សានៅឡើយទេ ដោយមិនទាន់កំណត់ពេលវេលាក្នុងការចាបផ្ដើមអភិវឌ្ឍន៍នៅឡើយទេ។

គម្រោងនេះ នឹងត្រូវអភិវឌ្ឍនៅ ក្នុងគម្រោង Bay Of Light របស់ក្រុមហ៊ុន Canopy Sands Development ជាបុត្រសម្ព័ន្ធរបស់ Prince Holding ។

លោក David Richard នាយកផ្នែកបដិសណ្ឋារកិច្ចនិងទេសចរណ៍នៃក្រុមហ៊ុន Canopy Sands Development បានមានប្រសាសន៍ឱ្យដឹងកាលពីដើមសប្តាហ៍នេះថា គម្រោងអភិវឌ្ឍន៍ជិះខ្សែរ៉កដំបូងគេ នៅក្នុងខេត្តព្រះសីហនុ គឺគ្រោងនឹងតភ្ជាប់ពីផ្លាកខ្មែរធ្វើបាន ទៅកាន់ទីក្រុងរាមស៊ីធី នៃរបស់គម្រោង Bay Of Light ហើយបច្ចុប្បន្ននេះ គម្រោងវិនិយោគខ្សែរ៉កនេះដែរ មិនទាន់ច្បាស់លាស់ពីកាលបរិច្ឆេទនៃការសាងសង់នៅឡើយទេ ។

លោកបន្តថា ”ពេលនេះ ក្រុមហ៊ុនវិនិយោគមកពីអូទ្រីស បាននិងកំពុងសិក្សា ពីលទ្ធភាពរបស់ខ្លួនក្នុងការអភិវឌ្ឍ ដោយមានអ្នកជំនាញនៃក្រុមហ៊ុនអភិវឌ្ឍន៍ទាំងនោះ បានមកសិក្សាបន្ថែមយ៉ាងលំអិតរួចហើយ ” ។

លោកបន្តថា នៅពេលគម្រោងខ្សែរ៉កនេះ សាងសង់រួច នឹងធ្វើឱ្យខេត្តព្រះសីហនុ ក្លាយជាតំបន់ទេសចរណ៍ ទាក់ទាញកាន់តែខ្លាំង ហើយរំពឹងថា ភ្ញៀវទេសចរមកពីគ្រប់ទិសទី នឹងចូលមកកាន់ខេត្តព្រះសីហនុ ស្របនឹងគម្រោងអភិវឌ្ឍន៍ Bay Of Light របស់យើងក៏កំពុងតែសម្រុកក្នុងការអភិវឌ្ឍ ទៅតាមដំណាក់កាលជាបន្តបន្ទាប់ ។

បើតាមលោក Ian Tan អ្នកគ្រប់គ្រងទូទៅនៃក្រុមហ៊ុន Canopy Sands Development បានឱ្យដឹងថា បើតាមការរំពឹងរបស់ក្រុមហ៊ុនវិនិយោគ គម្រោងអភិវឌ្ឍន៍ខ្សែរ៉កនេះ នឹងអាចចាប់ផ្ដើមសាងសង់នៅ រយៈ៥ឆ្នាំខាងមុខ តែបើសិនមានអ្វីប្រែប្រួល វាអាចនឹងពន្យារពេលបន្តិច ឬក៏អាចឆាប់ៗដូច្នេះហើយ ទើបយើងបានអាចកំណត់ពីកាលបរិច្ឆេទច្បាស់លាស់។

លោកឡុង ឌីម៉ង់ អភិបាលរងខេត្តព្រះសីហនុ ក៏បានមានប្រសាសន៍ផងដែរថា ការសិក្សាគម្រោងវិនិយោគខ្សែរ៉កនេះ មិនមែនជាការសិក្សាលេងៗនោះទេ គឺក្រុមហ៊ុនបានតាំងចិត្តមកសិក្សា និងតាំងចិត្តក្នុងការវិនិយោគពិតៗ ហើយក៏កំពុងសិក្សាឱ្យបានចប់សព្វគ្រប់និងឈានទៅដល់ការចាប់ផ្ដើមអភិវឌ្ឍន៍នៅពេលឆាប់ៗនេះ៕

ធនាគារឈានមុខមួយ និងViettel CambodiaចុះMOUលើកិច្ចសហប្រតិបត្តិការក្នុងការផ្តល់សេវា និងយុទ្ធសាស្ត្រទីផ្សារ

ដោយៈ សូរិយា វង្ស

ភ្នំពេញៈ ធនាគារហត្ថា ដែលជាធនាគារមួយក្នុងចំណោមធនាគារពាណិជ្ជឈានមុខគេនៅកម្ពុជា បានចុះហត្ថលេខាលើអនុស្សរណៈនៃការយោគយល់គ្នា(MOU) ជាមួយក្រុមហ៊ុន វៀតធេល ខេមបូឌា (Metfone) ដែលជាក្រុមហ៊ុន ប្រតិបត្តិករទូរស័ព្ទចល័តឈានមុខគេនៅកម្ពុជា។

តាមរយៈអនុស្សរណៈ នៃការយោគយល់គ្នានេះ ភាគីទាំងពីរនឹងធ្វើសហប្រតិបត្តិការក្នុងការផ្តល់សេវា និងយុទ្ធសាស្ត្រទីផ្សារសម្រាប់គ្នាទៅវិញទៅមក ក្នុងគោលបំណងផ្តល់ផលប្រយោជន៍ ជូនដល់អតិថិជន និងបុគ្គលិកនៃភាគីទាំងពីរ។ លើសពីនេះ ភាគីទាំងពីរក៏យល់ព្រម ក្នុងលក្ខណៈសហប្រតិបត្តិការបង្កើត មូលដ្ឋានសុច្ឆន្ទៈសម្រាប់កិច្ចខិតខំប្រឹងប្រែងរួមគ្នា នាពេលអនាគត ដើម្បីផ្តល់ប្រយោ ជន៍ជាច្រើនទៀតជូនដល់អតិថិជនខ្លួន និងប្រជាពលរដ្ឋកម្ពុជាផងដែរ។

លោកឧកញ៉ា ហួត អៀងតុង ប្រធានអគ្គនាយកធនាគារហត្ថា បានមានប្រសាសន៍ ក្នុងពិធីចុះហត្ថលេខាកាលពីថ្ងៃទី២៧ មេសាថា “ការសហការគ្នារវាង ធនាគារហត្ថា និងក្រុមហ៊ុនវៀតធេល ខេមបូឌា (Metfone) ក្នុងថ្ងៃនេះ ពិតមានសារៈសំខាន់ និងផ្តល់អត្ថប្រយោជន៍ជាច្រើនដល់អតិថិជន និងបុគ្គលិករបស់ធនាគារហត្ថា។

លោកបន្តថា បុគ្គលិក និងអតិថិជនរបស់យើង នឹងអាចបង់ថ្លៃសេវាអ៊ីនធឺណេតតាមរយៈ Hattha Mobile ទទួលបានតម្លៃពិសេសនៃកញ្ចប់ទិន្នន័យអ៊ីនធឺណេត (eGift Service) ទទួលបានកញ្ចប់ពិសេសនៃសេវាអ៊ីធឺណេត សម្រាប់ប្រើប្រាស់នៅគេហដ្ឋាន (Internet Home Package ) ទទួលបានតម្លៃពិសេសសម្រាប់កញ្ចប់សេវាផ្ញើសារ (SMS Brand and E-Connect) ទទួលបានការគាំទ្រការផ្សព្វផ្សាយសេវាកម្ម របស់ធនាគារហត្ថានៅលើអែប CamID ព្រមទាំងសេវាកម្មផ្សេងៗជាច្រើនទៀត ដែលបុគ្គលិក និងអតិថិជនរបស់ ធនាគារហត្ថា នឹងទទួលបានពីកិច្ចសហការគ្នានេះ”។

លោកឧកញ៉ាហួត អៀងតុងបានបន្តថា “ក្នុងយុគសម័យឌីជីថលនេះ សេវាអ៊ីនធឺណេតដើរតួយ៉ាងសំខាន់ ក្នុងការធ្វើប្រតិបត្តិការហិរញ្ញវត្ថុ តាមរយៈម៉ូបាលប៊ែងឃីង និងលើប្រព័ន្ធអនឡាញផ្សេងទៀត ហេតុដូច្នេះ ធនាគារ ហត្ថា មានជំនឿជាក់លើ ក្រុមហ៊ុន វៀតធេល ខេមបូឌា (Metfone) ក្នុងការផ្តល់ជូននូវសេវាអ៊ីនធឺណេតដ៏ល្អ និងកញ្ចប់តម្លៃសមរម្យ ជូនដល់អតិថិជនរបស់ ធនាគារហត្ថា ដែលប្រើប្រាស់សេវា Metfone។

បន្ថែមពីលើនេះ លោកមានជំនឿជាក់ថា ការសហការរវាង ធនាគារ ហត្ថា និង ក្រុមហ៊ុន វៀតធេល ខេមបូឌា (Metfone) នឹងផ្តល់ភាពងាយស្រួលដល់អតិថិជនរបស់ ធនាគារ ហត្ថា ដែលប្រើសេវា Metfone ព្រមទាំងកាត់បន្ថយការចំណាយ របស់ពួកគាត់មួយចំណែកផងដែរ។”

ចំណែកលោក Cao Manh Duc អគ្គនាយកក្រុមហ៊ុន វៀតធេល ខេមបូឌា បានមានប្រសាសន៍ថា “ការចុះហត្ថ លេខាលើកិច្ចព្រមព្រៀងសហប្រតិបត្តិការ ជាយុទ្ធសាស្ត្រនៅថ្ងៃនេះ រវាងក្រុមហ៊ុនរបស់យើងទាំងពីរមិនត្រឹមតែរំពឹងថា នឹងពង្រឹងទំនាក់ទំនងរវាងមិត្តហ្វូន និងធនាគារហត្ថាប៉ុណ្ណោះទេ ប៉ុន្តែវាក៏ជាចំណុចរបត់មួយ ក្នុងការពង្រីកកិច្ចសហប្រតិបត្តិការ លើវិស័យជាច្រើនលើការបំលាស់ប្តូរឌីជីថលនិងទូរគមនាគមន៍សម្រាប់ ឧស្សាហកម្មធនាគារជូនអ្នកប្រើប្រាស់នៅកម្ពុជា។”

អំពីធនាគារ ហត្ថា គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានប្រែក្លាយជា ធនាគារពាណិជ្ជជាផ្លូវការក្នុងនៅ ខែសីហា ឆ្នាំ ២០២០ បន្ទាប់ពីបានផ្តល់សេវាហិរញ្ញវត្ថុក្នុងប្រទេសកម្ពុជាអស់រយៈពេលជិត៣០ឆ្នាំ។

គិតត្រឹមខែមីនា ឆ្នាំ ២០២៣ ធនាគារ ហត្ថា មានការិយាល័យសាខាសរុបចំនួន ១៧៧ ការិយាល័យ ATM ចំនួន ១៤៣ ទីតាំង និងគណនីរបស់អតិថិជនជាង៦៤៣ពាន់គណនី ដែលមានផលប័ត្រសរុបជាង១.៩ ពាន់លានដុល្លារ និងផលប័ត្រសន្សំសរុបជាង១.៣ ពាន់លានដុល្លារ។

ធនាគារហត្ថា បានផ្តល់សេវាកម្មហិរញ្ញវត្ថុ យ៉ាងទូលំទូលាយសម្រាប់អតិថិជន រួមមានប្រាក់កម្ចី ប្រាក់បញ្ញើសន្សំ សេវាផ្ទេរប្រាក់ក្នុងស្រុក សេវាផ្ទេរប្រាក់ឆ្លងធនាគារ ទៅកាន់ធនាគារក្នុងស្រុក សេវាផ្ទេរប្រាក់ឆ្លងប្រទេស សេវាអេធីអឹម សេវាធនាគារចល័ត (Hattha Mobile) សេវាបើកប្រាក់បៀវត្សរ៍ ក៏ដូចជាភ្នាក់ងារធានារ៉ាប់រង និង សេវាកម្មហិរញ្ញវត្ថុជាច្រើនទៀត។

ធនាគារហត្ថា គឺជាក្រុមបុត្រសម្ព័ន្ធរបស់ធនាគារ Krungsri Bank ដែលជាធនាគារពាណិជ្ជធំជាងគេទីប្រាំ នៅក្នុងព្រះរាជាណាចក្រថៃ និងជាសមាជិកនៃក្រុម Mitsubishi UFJ Financial Group (MUFG) ដែលជាក្រុមហិរញ្ញវត្ថុ ដ៏ធំបំផុតរបស់ប្រទេសជប៉ុន ហើយក៏ជាសម្ព័ន្ធសេវាកម្មហិរញ្ញវត្ថុដ៏ធំបំផុតមួយ នៅក្នុងពិភពលោកផងដែរ។

អំពីក្រុមហ៊ុន វៀតធេល ខេមបូឌាៈ ក្នុងរយៈពេល 14 ឆ្នាំនៃប្រតិបត្តិការអាជីវកម្ម មិត្តហ្វូន បច្ចុប្បន្នគឺជាប្រតិបត្តិករទូរគមនាគមន៍ធំជាងគេ ក្នុងប្រទេសកម្ពុជា ដែលមានអតិថិជនប្រើប្រាស់ជាង 9លាននាក់។ ទោះបីជាឧស្សាហកម្ម ទូរគមនាគមន៍ ពិភពលោកមានការកើនឡើងក៏ដោយ មិត្តហ្វូននៅតែបន្តរក្សាសន្ទុះកំណើនរបស់ ខ្លួនទាក់ទងនឹង ប្រាក់ចំណូល ដែលបច្ចុប្បន្នក្រុមហ៊ុនមានតម្លៃរហូតដល់ 1 ពាន់លានដុល្លារអាមេរិក។ កិច្ចខិតខំប្រឹងប្រែងប្រកបដោយភាពច្នៃប្រឌិតឥតឈប់ឈររបស់មិត្តហ្វូន គឺជាចក្ខុវិស័យនៃការអភិវឌ្ឍ ប្រកបដោយនិរន្តរភាព ដោយបន្តបញ្ជាក់ពីជំហររបស់ខ្លួន ក្នុងនាមជាម៉ាកយីហោត្រួសត្រាយផ្លូវនៅក្នុង វិស័យបច្ចេកវិទ្យា៕