រដ្ឋាភិបាលកូរ៉េកំពុងចាត់វិធានការកាត់បន្ថយពន្ធលើម្ចាស់ផ្ទះ ខណៈតម្លៃលំនៅដ្ឋានបន្តធ្លាក់ចុះ

ដោយ: គង់ លាងហួរ

សេអ៊ូល: ប្រទេសកូរ៉េខាងត្បូង បានបន្ទាបតម្លៃលំនៅដ្ឋានយោង(reference housing prices) សម្រាប់ឆ្នាំនេះ ដែលនឹងបណ្តាលឱ្យមានការធ្លាក់ចុះខ្លាំង នៃពន្ធសម្រាប់ម្ចាស់ផ្ទះ ខណៈរដ្ឋាភិបាលបាននិងកំពុងព្យាយាមទប់ស្កាត់ ការដាំក្បាលចុះនៃតម្លៃអចលនទ្រព្យ។

ក្រសួងហិរញ្ញវត្ថុបានឱ្យដឹង នៅថ្ងៃពុធ ទី២២ ខែមីនានេះថា “តម្លៃយោង ដែលពន្ធលើអចលនទ្រព្យ ត្រូវបានគណនាត្រូវបានកំណត់១៨,៦ភាគរយ ទាបជាងឆ្នាំមុនជាមធ្យម ដែលជាការធ្លាក់ចុះលឿនបំផុតចាប់តាំងពីប្រព័ន្ធនេះ ត្រូវបានដាក់ឱ្យប្រើក្នុងឆ្នាំ២០០៥ ។

ក្រសួងហិរញ្ញវត្ថុកូរ៉េខាងត្បូងបានអះអាងថា “ជាលទ្ធផលពន្ធអចលនទ្រព្យ លើម្ចាស់ផ្ទះទំនងជានឹងត្រូវកាត់បន្ថយ ក្នុងចន្លោះពី២៩ភាគរយ ទៅ៣៩ភាគរយធៀបនឹងឆ្នាំមុន”។

ក្រសួងដដែលបានឱ្យដឹងទៀតថា ការធ្លាក់ចុះនៃតម្លៃយោងគឺជាផ្នែកមួយនៃលទ្ធផលតម្លៃលំនៅដ្ឋាន ដែលធ្លាក់ចុះនាពេលថ្មីៗនេះ ដោយទិន្នន័យផ្លូវការបង្ហាញថា តម្លៃបានធ្លាក់ចុះក្នុងរយៈពេល៩ខែជាប់ៗគ្នាមកហើយ ចំពេលមានការកើនឡើង នៃអត្រាអតិផរណា និងការធ្លាក់ចុះនៃសេដ្ឋកិច្ច។

រដ្ឋាភិបាលកូរ៉េបានចាត់វិធានការជាបន្តបន្ទាប់ ដើម្បីទប់ទល់នឹងការធ្លាក់ចុះនៃតម្លៃលំនៅឋាន ដើម្បីបញ្ចៀសការដាំក្បាលចុះខ្លាំងពេកនៃទីផ្សារអចលនទ្រព្យនៅក្នុងប្រទេសរបស់ខ្លួន។

កាលពីដើមឆ្នាំ២០២៣នេះ ប្រទេសកូរ៉េខាងត្បូងបានចាប់ផ្តើមដាក់ចេញនូវវិធានការណ៍ គោលនយោបាយជាច្រើន ដើម្បីគាំទ្រដល់តម្លៃអចលនទ្រព្យ ដែលធ្លាក់ចុះយ៉ាងខ្លាំង រួមទាំងការបន្ធូរបន្ថយបទប្បញ្ញត្តិហិរញ្ញវត្ថុលើអ្នកទិញផ្ទះនៅក្នុងស្រុក ដែលភាគច្រើននៅរដ្ឋធានីសេអ៊ូល។

ទីផ្សារអចលនទ្រព្យរបស់ប្រទេសកូរ៉េខាងត្បូង បានទទួលរងនូវការធ្លាក់ថ្លៃខ្លាំងបំផុត នៅក្នុងរយៈពេលយ៉ាងហោចណាស់២ទសវត្សរ៍ និងចំពេលមានការដំឡើងអត្រាការប្រាក់ដ៏ខ្លាំងក្លា បំផុតរបស់ធនាគារកណ្តាលកូរ៉េ ដើម្បីទប់ទល់នឹងអត្រាអតិផរណា៕

ក្រុងប៉ាកសេ របស់ឡាវ នឹងសម្រុកសាងសង់ផ្សាររាត្រី និងផ្លូរថ្មើរជើងដើម្បីទាក់ទាញភ្ញៀវទេសចរ

ដោយៈ សុខុម

ប្រទេសឡាវ: ទីក្រុងប៉ាកសេ (Pakse) នៃប្រទេសឡាវ នឹងសម្រុកសាងសង់ផ្សាររាត្រី និងផ្លូវថ្មើរជើងថ្មីៗក្នុងទីក្រុងនេះ នៅពាក់កណ្តាលឆ្នាំ២០២៣ ដើម្បីទាក់ទាញភ្ញៀវទេសចរជាតិ និងអន្តរជាតិកាន់តែច្រើន។

យោងតាមសារព័ត៌មាន Laotian Times ចុះផ្សាយនៅថ្ងៃពុធ ទី២២ ខែមីនា នេះឱ្យដឹងថា ជុំទី១ នៃការសាងសង់ផ្សាររាត្រី និងផ្លូវថ្មើរជើងថ្មីៗនេះ នឹងចាប់ផ្ដើមពីចំណុចបណ្តោយផ្លូវធំ ក្បែរប្រាសាទវត្តហ្លួង (Wat Luang Temple) លើច្រាំងទន្លេសេដន (SeDon) និងស្ពានសុផានុវង្ស (Souphanouvong Bridge)។

ទីភ្នាក់ងារព័ត៌មានឡាវ (Lao News Agency) បានចុះផ្សាយថា ក្រុមមន្ត្រីមកពីមន្ទីរឧស្សាហកម្ម និងពាណិជ្ជកម្មក្រុងប៉ាកសេ បានទៅពិនិត្យមើលផ្សាររាត្រី និងផ្លូវថ្មើរជើងក្នុងរដ្ឋធានីវៀងចន្ទន៍ ក្រុងសាវ៉ាន់ណាខេត (Savannakhet) និងក្រុងហ្លួងព្រះបាង ដើម្បីសង្កេតមើល និងរៀបចំផែនការសម្រាប់ការសាងសង់ នៅទីក្រុងប៉ាកសេ។

មន្រ្តីមន្ទីររំពឹងថា “ផ្សាររាត្រី និងផ្លូវថ្មើរជើងទាំងនេះ នឹងលើកកម្ពស់ ព្រមទាំងជួយគាំទ្រដល់ផលិតផលក្នុងក្រុងនេះ ក៏ដូចជាផលិតផលឡាវ និងបង្កើតប្រាក់ចំណូលសម្រាប់អ្នកក្នុងស្រុក”។

ផ្សាររាត្រី និងផ្លូវថ្មើរជើងក្នុងរដ្ឋធានីវៀងចន្ទន៍ តែងតែក្លាយជាតំបន់ទេសចរណ៍ទាំងសម្រាប់អ្នកស្រុក និងភ្ញៀវទេសចរដែលរីករាយដើរទិញអីវ៉ាន់ និងចំណីអាហារដូចជាភ្លាកំពឹសរស់ សាច់ក្រពើ និងស្រាបៀរ Voun ដែលជាស្រាបៀរចាហួយមួយប្រភេទជាដើម។

ថ្វីបើពេញនិយមយ៉ាងណាក្ដី ក៏ផ្លូវថ្មើរជើងក្នុងរដ្ឋធានៅវៀងចន្ទន៍ នៅតែមានយានយន្តយ៉ាងច្រើន បើកបរឆ្លងកាត់យ៉ាងអាណាធិបតេយ្យ។ ទោះជាយ៉ាងណា សមត្ថកិច្ចបានដាក់កុងត្រូល ដើម្បីចាំហាមឃាត់មិនឱ្យយានយន្តធ្វើដំណើរ តាមដងផ្លូវថ្មើរជើងទាំងទៀតឡើយនៅពេលល្ងាច៕ Laotian Times៕

ទីផ្សារអចលនទ្រព្យខេត្តព្រៃវែងនឹងមានការរីកចម្រើនលឿន បន្ទាប់ពីផ្លូវល្បឿនលឿនភ្នំពេញបាវិតបញ្ចប់ការសាងសង់

ដោយៈ គង់ សូរិយា

ព្រៃវែងៈ ជាទឹកដីដែលអ្នកអភិវឌ្ឍន៍អចលនទ្រព្យ មិនសូវគិតដល់ អ្នកជំនាញបានសម្លឹងឃើញឱកាស ពីការវិនិយោគនៅក្នុងខេត្តនេះ ស្របពេលការសាងសង់ផ្លូវល្បឿនលឿនភ្នំពេញ បាវិតនឹងសាងសង់កាត់ទីរួមខេត្តនេះ។

លោកទេសរដ្ឋមន្រ្តីស៊ុន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូន បានមានប្រសាសន៍ឲ្យដឹងកាលពីពេលថ្មីៗនេះថា ការសាងសង់ផ្លូវល្បឿនលឿនភ្នំពេញ បាវិតនឹងត្រូវអូសកាត់ទីរួមខេត្តព្រៃវែង ប្រយោជន៍ដើម្បីជម្រុញការលើកកំពស់សេដ្ឋកិច្ច និងអភិវឌ្ឍន៍ខេត្តមួយនេះឲ្យមានសក្តានុពលបន្ថែមទៀត។

ជាមួយគ្នានេះ លោកឌិន សុមេធារិទ្ឋប្រធានគំរោងមង្គលវីឡា ព្រៃវែងបុរី ដែលបាននិងកំពុងបោះទុន រាប់លានដុល្លារសាងសង់បុរី និងរមណីយដ្ឋាន ផ្សារសហគមន៍ និងផ្សារបែបពាក់កណ្តាលទំនើបនៅស្រុកស្វាយអន្ទរ ខេត្តព្រៃវែង ដោយសារលោកមើលឃើញថា សេដ្ឋកិច្ចប្រជាពលរដ្ឋនៅក្នុងខេត្តនេះ កំពុងមានការរីកចម្រើនខ្លាំង ហើយវាជាបំណងដ៏មុតស្រួចរបស់លោក ក្នុងការប្រែក្លាយខេត្តនេះជាតំបន់ទាក់ទាញមួយ និងផ្តល់ឲ្យប្រជាពលរដ្ឋមូលដ្ឋាននូវស្តង់ដារស់នៅប្រកបដោយផាសុខភាព និងស៊ីវិល័យ ដូចនៅរាជធានីភ្នំពេញផងដែរ។

លោកបន្តថា “យើងបាននិងកំពុងសាងសង់ផ្ទះ រៀបចំរមណីយដ្ឋាន សាងសង់ផ្សារ ដើម្បីបំពេញតម្រូវការរបស់ប្រជាពលរដ្ឋនៅទីរួមស្រុកនេះ”។ លោកបន្តថា “ប្រសិនជាគិតពីទីរួមស្រុកអូរាំងឪ ពីទីរួមស្រុកពារាំង ពីតំបន់ប្រជុំជនអ្នកលឿង មកកាន់គំរោងរបស់យើង មិនមានចម្ងាយឆ្ងាយឡើយ”។

លោកឌិន សុមេធារិទ្ឋបានបន្តថា ទីរួមស្រុកស្វាយអន្ទរ ជាតំបន់ពិសេសមួយ ដែលចំនួនប្រជាពលរដ្ឋបានកើនឡើងជាប់ជាប្រចាំ និងជាតំបន់ដែលប្រជាជនចូលចិត្តជីវិតទាន់សម័យ និងស្វែងរកអ្វីដែលថ្មី សម្រាប់ជីវិតរបស់ពួកគេ។

ភ្នាក់ងារអចលនវត្ថុមួយរូបប្រចាំខេត្តព្រៃវែង លោកម៉ៅ មុន្នីរតនា បានមានប្រសាសន៍ឲ្យដឹងផងដែរថា កាលពីមុន តម្លៃដីធ្លីនៅខេត្តព្រៃវែងមានកម្រិតទាប នៅលើយតែក្រោយមកក៏ហក់ឡើងខ្ពស់ ជាពិសេសនៅតាមតំបន់នៃច្រកព្រំដែនកម្ពុជា វៀតណាម និងមានការចាប់អារម្មណ៍ វិនិយោគពីសំណាក់វិនិយោគិនជាតិជាច្រើន ប៉ុន្តែដោយសារតែស្ថានភាពនៃវិបត្តិ ទើបធ្វើឱ្យការវិនិយោគ នៅក្នុងខេត្តព្រៃវែងបានស្ងប់ស្ងាត់បន្តិច។

លោកបានសម្តែងសុទិដ្ឋិនិយមថា “ទីផ្សារអចលនទ្រព្យក្នុងខេត្តនេះ នឹងមានសភាពល្អប្រសើរវិញនៅពេលចប់វិបត្តិ និងជាពិសេសនៅពេលគម្រោងផ្លូវល្បឿនលឿនភ្នំពេញ បាវិតចាប់ផ្ដើមបើកការដ្ឋាន”៕

វិភាគៈភ្នំពេញបួនទសវត្សរ៍មុន និងបច្ចុប្បន្នកំពុងធ្វើដំណើរយ៉ាងដូចម្តេចលើមូលដ្ឋាននៃកំណើនសេដ្ឋកិច្ច និងប្រជាសាស្រ្ត

ដោយៈយិន លាងគង់ៈ ស្ថាបនិកនិងជាអគ្គនាយកគេហទំព័រ Propertyarea.asia

ភ្នំពេញៈ កាលពី៤៤ឆ្នាំមុន វាជាទីក្រុងខ្មោច ដែលមានមនុស្សប៉ុន្មានម៉ីននាក់ប៉ុណ្ណោះ បានចូលមករស់នៅទីក្រុងនេះ ប៉ុន្តែបច្ចុប្បន្នទីក្រុងនេះ បានរីកទំហំដល់ជិត៧០០គីឡូម៉ែត្រការ៉េ ជាមួយនឹងកំនើនប្រជាជនកើនឡើងដល់ប្រមាណ៣លាននាក់។

ជាទីក្រុងដែលមនុស្សជាច្រើន មិនចង់ចូលមករស់នៅបន្ទាប់ពីរបបអាវខ្មៅ ប៉ុន្តែពេលនេះទីក្រុងនេះ ទទួលលំហូរប្រជាពលរដ្ឋចូលមករស់នៅកើនឡើង ប្រមាណ២០ម៉ឺននាក់ជារៀងរាល់ឆ្នាំ និងប្រជាពលរដ្ឋប្រមាណ២០ម៉ឺននាក់ បានចេញចូលមកធ្វើការ មកប្រកបអាជីវកម្មប្រចាំថ្ងៃ។

ដំណើរចាកចេញពីអតីតកាល

ពីមួយឆ្នាំទៅមួយឆ្នាំ ក្រោមការដឹកនាំរបស់សម្តេច អគ្គមហាសេនាបតីតេជោ ហ៊ុន សែនជានាយករដ្ឋមន្ត្រី និងការដឹកនាំផ្ទាល់របស់ក្រុមប្រឹក្សា ក៏ដូចគណៈអភិបាលរាជធានីភ្នំពេញ តែងបានខិតខំបំពេញ កសាង និងអភិវឌ្ឍន៏ធ្វើអោយរាជធានីភ្នំពេញ ដែលជាបេះដូងនៃប្រទេសជាតិកាន់តែមានភាពរីកចំរើន និងស៊ីវិល័យជាបន្តបន្ទាប់។

ទន្ទឹមនឹងការរីកចំរើនមិនឈប់ឈរបែបនេះ រាជធានីភ្នំពេញ ក៏បានពង្រីកខ្លួនរហូតមកដល់ឆ្នាំ២០២១នេះ មានកំណើនទ្វេរដងរាប់ទាំងផ្ទៃដី និងចំនួនប្រជាពលរដ្ឋ។

យោងតាមរបាយការណ៍របស់រដ្ឋបាល រាជធានីភ្នំពេញបានឱ្យដឹងថា រាជធានីភ្នំពេញ គឺជារាជធានីមួយ ក្នុងចំណោមរាជធានី ខេត្ត សរុប២៥ ជាមជ្ឈមណ្ឌលនយោបាយ សេដ្ឋកិច្ច សង្គមកិច្ច ទេសចរណ៍ វប្បធម៍ និងការទូត ដែលមានការអភិវឌ្ឍលើគ្រប់វិស័យ។

រាជធានីភ្នំពេញស្ថិតនៅភាគខាងត្បូង នៃប្រទេសកម្ពុជា ត្រង់ទន្លេចតុមុខ ជាចំណុចប្រសព្វរវាង ទន្លេមេគង្គលើ ទន្លេមេគង្គក្រោម ទន្លេសាប និងទន្លេបាសាក់ ដែលមានព្រំប្រទល់ខាងលិចទល់នឹងស្រុកអង្គស្នួល ខាងកើតទល់ នឹងស្រុកគៀនស្វាយ ខាងជើងទល់នឹងស្រុកមុខកំពូល ខាងត្បូងទល់នឹងស្រុកកណ្តាលស្ទឹង ខេត្តកណ្តាល។

រយៈពេល២៣ឆ្នាំពង្រីករហូតដល់៨លើក

ឆ្លើយតបនឹងកំនើននគររូបនីយកម្ម កំនើនប្រជាពលរដ្ឋ កំនើននៃផែនការប្រជាសាស្រ្ត និងផែនការពង្រីកទីក្រុងកាន់តែមានទំហំធំ ដើម្បីពង្រីកសក្តានុពលរាជធានីរបស់ខ្លួន ភ្នំពេញបានពង្រីផ្ទៃដី និងមូលដ្ឋានខ័ណ្ឌ សង្កាត់យ៉ាងលឿនស្ទើរមិនគួរឲ្យជឿ។

នៅក្នុងឆ្នាំ២០០៦ រាជធានីភ្នំពេញមានផ្ទៃដីសរុប៣៧៥ គីឡូម៉ែត្រការ៉េ មានខណ្ឌចំនួន៧ សង្កាត់ចំនួន៧៦ ប្រជាពលរដ្ឋសរុបចំនួន១.០៥០.៦១៦នាក់។

នៅឆ្នាំ២០០៩រាជធានីភ្នំពេញ បានពង្រីកបន្ថែម ដែលកាត់ទាំងដី និងប្រជាពល រដ្ឋពីខេត្តកណ្តាល គឺមានផ្ទៃដីសរុប៣៧៧,៤៦ គីឡូម៉ែត្រការ៉េ ចំនួនខណ្ឌ៨ ចំនួនសង្កាត់៧៦ ចំនួនប្រជាពលរដ្ឋសរុប១.៣២៧.៦១៦នាក់។

នៅឆ្នាំ២០១២រាជធានីភ្នំពេញ បានពង្រីកបន្ថែមដែលមានផ្ទៃដីសរុប៦៧៨,៤៦ គីឡូម៉ែត្រការ៉េ ចំនួនខណ្ឌ៩ ចំនួនសង្កាត់៩៦ ចំនួនប្រជាពលរដ្ឋសរុប១.៥០១.៧២៥នាក់។

នៅឆ្នាំ២០១៧រាជធានីភ្នំពេញ បានពង្រីកបន្ថែមដែលមានផ្ទៃដីសរុប៦៩២,៤៦ គីឡូម៉ែត្រការ៉េ ខណ្ឌកើនដល់ចំនួន១២ មានចំនួនសង្កាត់១០៥ ចំនួនប្រជាពលរដ្ឋសរុប១.៤៦១.៨៥៣នាក់។

នៅឆ្នាំ២០១៩ រាជធានីភ្នំពេញមានផ្ទៃដី ទំហំសរុប៦៩២,៤៦ គីឡូម៉ែត្រការ៉េ ចំនួនខណ្ឌ១៤ ចំនួនសង្កាត់១០៥ ចំនួនប្រជាពលរដ្ឋសរុប២.១២៩.៣៧១នាក់ ដែលជាឆ្នាំបំបែកខណ្ឌ។

ឆ្នាំ២០១៩កន្លងមកនេះ រាជធានីភ្នំពេញមានផ្ទៃដីទំហំសរុប៦៩២,៤៦ គីឡូម៉ែត្រការ៉េ ចំនួនខណ្ឌ១៤ ចំនួនសង្កាត់១០៥ ចំនួនភូមិ១០៥ ចំនួនគ្រួសារ៣៩៩.២០៣ ចំនួនប្រជាពលរដ្ឋសរុប២.១២៩.៣៧១នាក់ ចំនួនស្រី្តសរុប១.០៩០.១៧៩នាក់។ នេះជារបាយការណ៍ជំរឿនឆ្នាំ២០១៩។

នៅឆ្នាំ២០២០រាជធានីភ្នំពេញ មានផ្ទៃដីសរុប៦៩២,៤៦គីឡូម៉ែត្រការ៉េ មានខណ្ឌចំនួន១៤ ចំនួនសង្កាត់១០៥ ចំនួនគ្រួសារ៣៩៩.២០៣ ចំនួនប្រជាពលរដ្ឋសរុប២.២៨១.៩៥១នាក់។

នៅឆ្នាំ២០២១ រាជធានីភ្នំពេញ អាចមានកំណើនផ្ទៃដីដល់ទៅ ៦៩៥,៤៦ គីឡូម៉ែត្រការ៉េ ចំណែកប្រជាពលរដ្ឋ ក៏មានការកើនឡើងទៅតាមនោះដែរ។

របួសផ្លុវចិត្ត ត្រូវព្យាបាលដោយសុខសន្តិភាព

ពីសម្លេងហ៊ោរកញ្ចៀវ បន្ទាប់មកក្លាយជាស្ទឹងទឹកភ្នែក ថ្លុកឈាម។ ធ្លាប់ជាទីក្រុងដែលគ្មានទឹកស្អាត គ្មានអគ្គិសនី គ្មានរថយន្តទំនើបលើដងផ្លូវ និងមានតែម៉ូតូ និងកង់មួយៗសម្រាប់ធ្វើដំណើរ។ ប្រជាជនមានទឹកមុខស្លោកស្រពោន បាក់ស្បាត កែវភ្នែកល្អក់កករ ពោរពេញដោយទុក្ខសោក ភាពបាក់ស្បាតរបស់ប្រជាពលរដ្ឋ ប្រជាពលរដ្ឋរស់នៅរាជធានីភ្នំពេញពេលនេះ បានបំភ្លេចអតីតកាលហើយ។

របូសផ្លូវចិត្ត ត្រូវបានព្យាបាលដោយសុខសន្តិភាព របួសផ្លូវចិត្តត្រូវបានព្យាបាលដោយស្នាមញញឹម និងការលើកទឹកចិត្តពីរដ្ឋាភិបាល ដែលបាននិងកំពុងគិតគូយ៉ាងខ្លាំង ដល់ការរក្សាបាននូវសុខសន្តិភាព នូវការអភិវឌ្ឍ និងទាក់ទាញលំហូរទុនវិនិយោគពីបរទេសឲ្យបានកាន់តែច្រើន ដើម្បីសម្រេចចក្ខុវស័យរបស់ប្រមុខរដ្ឋាភិបាល ក្នុងការរុញប្រទេស ទៅកាន់ប្រទេសមានប្រាក់ចំណូលមធ្យម កម្រិតខ្ពស់នៅឆ្នាំ២០៣០ និងប្រទេសមានប្រាក់ចំណូលខ្ពស់នៅឆ្នាំ២០៥០។

ទីក្រុងដែលវិនិយោគិនអន្តរជាតិមិនអាចមើលរំលងបាន

បំភ្លេចចោលចុះ រឿងអាគារចាស់ទ្រុឌទ្រោម និងគ្មានទឹកស្អាត និងអគ្គិសនី ប៉ុន្តែពេលនេះ យើងទាំងអស់គ្នាគួរតែទះដៃអបអរសាទរ ជាមួយនឹងសមិទ្ឋផលជាច្រើន ពិសេសវត្តមានមជ្ឈមណ្ឌលពាណិជ្ជកម្មលំដាប់អន្តរជាតិជាច្រើន បានបង្ហាញរួបរាង និងត្រៀមបង្ហាញរូបរាងនាពេលអនាគត។

ជាមួយនឹងការវិវត្តទៅមុខឥតឈប់ឈរ រាជធានីនេះបានក្លាយជាមជ្ឈមណ្ឌលពាណិជ្ជកម្ម លំដាប់អន្តរជាតិបណ្តើរៗហើយ ដោយសារវត្តមានវិនិយោគិនអន្តរជាតិ (ពិសេសវិនិយោគិនចិន) និងអ្នកវិនិយោគបរទេសដទៃទៀត បាននិងកំពុងស្វះស្វែង និងបង្កើតនូវឱកាស ដើម្បីទាញផលចំណេញពីការវិនិយោគរបស់ពួកគេ។

ទីក្រុងនេះ ដែលកាលពី៤៤ឆ្នាំមុន គ្មានអាគារកំពស់លើសពី១០ជាន់ បច្ចុប្បន្នរាជធានីនេះ មានអាគារកប់ពពកជាច្រើន ដែលបាននិងកំពុងសាងសង់ និងបញ្ចប់ការសាងសង់ ដោយគិតរហូតមកទល់ពេលនេះ សំណង់អាគារកំពស់ពី៥ ជាន់ដល់៦០ជាន់មានប្រមាណ១៧០០អាគាររួចហើយ។

សមិទ្ឋផលធំធេង មិនអាចកាត់ថ្លៃបាននេះ មិនអាចកើតឡើងដោយចៃដន្យឡើយ ប៉ុន្តែវាកើតឡើងដោយសារការដឹកនាំដ៏វាងវៃ និងប៉ិនប្រសព្វបំផុត របស់សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃកម្ពុជា ដែលបានដាក់ចេញនូវផែនការ ចក្ខុវិស័យ ដោយបានដាក់ចេញនូវគោលនយោបាយ ច្បាប់បទដ្ឋានគតិយុត្តិនានា ដើម្បីលើកទឹកចិត្តផង ទាក់ទាញការវិនិយោគពីបរទេសផង តាមរយៈការធ្វើឲ្យប្រសើរឡើង នូវបរិយាកាសវិនិយោគនៅកម្ពុជា។

លិខិតបទដ្ឋានគតិយុត្តិ

គ្មានវិនិយោគិន មកពីប្រទេសជាមួយចូលមកកម្ពុជា ឬប្រទេសដទៃទៀត ព្រោះតែមិត្តភាព និងទំនាក់ទំនងល្អរវាងមេដឹកនាំរបស់ប្រទេស និងប្រទេសនោះទេ ប៉ុន្តែការរៀបចំគោលនយោបាយច្បាស់លាស់ ច្បាប់បទដ្ឋានគតិយុត្តិគ្រប់គ្រាន់ បានធ្វើឲ្យកម្ពុជាទាក់ទាញលំហូរទុនវិនិយោគ ទំហំរាប់ពាន់លានដុល្លារអាមេរិកជារៀងរាល់ឆ្នាំ

កត្តាទាំងអស់នេះហើយ ទើបសេដ្ឋកិច្ចកម្ពុជាសម្រេចបានកំនើនជាមធ្យមជាង៧ភាគរយ ក្នុងរយៈពេលជាងពីរទសវត្សរ៍ចុងក្រោយនេះ(លើកលែងអំឡុងវិបត្តិកូវីដ១៩)។ ជាលទ្ឋផលបានធ្វើឲ្យកម្ពុជា ក្លាយជាប្រទេស មានប្រាក់ចំណូលមធ្យមកម្រិតទាប នៅឆ្នាំ២០១៥ (ការចាត់ចំណាត់ថ្នាក់របស់ធនាគារពិភពលោក) ហើយកម្ពុជាត្រូវបានធនាគារអភិវឌ្ឍន៍អាស៊ី ប្រសិទ្ឋនាមឈ្មោះថ្មី “កម្ពុជា ខ្លាសេដ្ឋកិច្ចថ្មីនៅអាស៊ីនៅឆ្នាំ២០១៥”។

វត្តមានអាគារខុនដូ អាគារពាណិជ្ជកម្ម កប់ពពកជាច្រើន បានកើតចេពីច្បាប់សហកម្មសិទ្ឋ ដែលរាជរដ្ឋាភិបាលបានអនុម័តនៅឆ្នាំ២០១០។

ច្បាប់ដ៏សំខាន់ និងបានធ្វើឡើងប្រកប ដោយភាពប្រាកដនិយម នៃគោលនយោបាយជាតិ ដើម្បីលើកកំពស់សេដ្ឋកិច្ច បានធ្វើឲ្យកម្ពុជាទាក់ទាញលំហូរទុនវិនិយោគ រាប់ពាន់លានដុល្លារក្នុងមួយឆ្នាំៗ ដោយសារមួយផ្នែក គឺការទាញបានផលប្រយោជន៍ ពីច្បាប់នេះ ដែលអនុញ្ញាត្តឲ្យជនបរទេស អាចទិញផ្ទះបានពីជាន់ទី១ឡើងទៅនៅកម្ពុជា ពិសេសលើអាគារសហកម្មសិទ្ឋឬខុនដូ។

ទីតាំងប្រៀបដូចជាអេប៉ុងមិនទាន់ជ្រាបទឹកពេញ

អ្នកវិនិយោគអន្តរជាតិជាច្រើន បានប្រៀបប្រដូចកម្ពុជា ពិសេសរាជធានីភ្នំពេញប្រៀបដូចជា អេប៉ុងស្នោ ដែលមិនទាន់ជ្រាបទឹកពេញនៅឡើយ។

មានន័យថាទីក្រុងនេះ នៅមិនទាន់ឆ្អែកក្នុងការវិនិយោគនៅឡើយ ជាក់ស្តែង វត្តមានហាងអាហារល្បីៗ ក្រុមហ៊ុនអន្តរជាតិល្បីៗ ជាច្រើនពីជុំវិញពិភពលោក បានចូលខ្លួនមកកាន់កម្ពុជា ទោះបីប្រទេសនេះ និងពិភពលោកកំពុងជាប់ផុងក្នុងវិបត្តិជំងឺកូវីដក្តី។

រាជធានីនេះនៅតែស្វាគមន៍ និងត្រៀមស្វាគមន៍នូវលំហូរទុនវិនិយោគរាប់ពាន់លានដុល្លារអាមេរិកបន្ថែមទៀត បើទោះជាវិស័យអចលនទ្រព្យ បានទាក់ទាញលំហូរទុនរហូត ដល់៦០ពាន់លានដុល្លារអាមេរិករួចហើយក៏ដោយ ក៏ប្រទេសនេះនៅតែទទួលផលចំណេញខ្ពស់ពីការវិនិយោគដដែល ធៀបជាមួយបណ្តាប្រទេសក្នុងតំបន់៕

លោកជំទាវមិថុនា ភូថងលើកឡើងពីភាពជោគជ័យរបស់កម្ពុជាក្រោមការដឹកនាំរបស់សម្តេចតេជោ

ដោយៈ គង់ សូរិយា

កោះកុងៈ អភិបាលនៃគណៈអភិបាលខេត្តកោះកុង លោកជំទាវមិថុនា ភូថងបានលើកឡើងនូវភាពជោគជ័យជាច្រើន ចំណុចរបស់រដ្ឋាភិបាល កាលពីឆ្នាំ២០២២ ក្រោមការដឹកនាំរបស់សម្តេចតេជោ។

លោកជំទាវបានថ្លែងក្នុងពិធីបើកសន្និបាតការងារ ឆ្នាំ២០២២ និងលើកទិសដៅសម្រាប់ឆ្នាំ២០២៣កាលពីថ្ងៃទី២២ មិនាថា ចំណុចសំខាន់ៗ ដែលរាជរដ្ឋាភិបាលក្រោមការដឹកនាំ របស់សម្តេចតេជោ សម្រេចបានរួមមាន ទី -ការរក្សាបានសុខសន្តិភាព និងស្ថេរភាពនយោបាយ ទី-ការរៀបចំការបោះឆ្នោត ជ្រើសរើសក្រុមប្រឹក្សាឃុំ សង្កាត់ បានល្អប្រកបដោយសេរី យុត្តិធម៌និងគ្មានអំពើហិង្សា។

ទី៣-ការគ្រប់គ្រងជំងឺកូវីដ-១៩បានយ៉ាងល្អ តាមរយៈវិធានសុខាភិបាល និងការចាក់ ស្រោចវ៉ាក់សាំង តាមរយៈយុទ្ធសាស្ត្រផ្ការីក និងប្រភពផ្គត់ផ្គង់វ៉ាក់សាំង។ ទី៤ -ការគ្រប់គ្រងសេដ្ឋកិច្ចបានល្អប្រសើរ ជម្នះនឹងវិបត្តិកូវីដ-១៩ និងវិបត្តិសង្គ្រាមនៅ អ៊ុយក្រែន។

ទី៥-ការអនុវត្តនយោបាយការបរទេស ឈរលើភាពឯករាជ្យ ដោយផ្អែកលើច្បាប់អន្តរជាតិ និង ការដឹកនាំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធក្នុងឆ្នាំ២០២២ ប្រកបដោយភាពជោគជ័យ គួរជាទីមោទកៈបំផុត។

លោកជំទាវមិថុនា ភូថងបានបន្តថា ដោយឡែកសម្រាប់ឆ្នាំ២០២៣នេះ ប្រទេសកម្ពុជានឹងមានព្រឹត្តិការណ៍ សំខាន់ៗចំនួន២
ទី១៖ ការត្រៀមខ្លួនធ្វើជាម្ចាស់ផ្ទះ សម្រាប់ការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ដែលសម្តេចតេជោ មានបំណងរៀបចំទទួលស្វាគមន៍ភ្ញៀវជាតិ និងអន្តរជាតិ ប្រកបដោយភាពកក់ក្តៅ បដិសណ្ឋារកិច្ចល្អ និងសេវាល្អសម្រាប់គ្រប់ប្រតិភូកីឡា និងភ្ញៀវ ជាតិ-អន្តរជាតិ ដើម្បីទទួលបានបទពិសោធន៍ល្អបំផុត ក្នុងការចូលរួមការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣នេះ។

គិតត្រឹមថ្ងៃទី២២ ខែមីនា ឆ្នាំ២០២៣នេះ គឺនៅសល់ តែ៤៤ថ្ងៃទៀតប៉ុណ្ណោះ នឹងឈានដល់ព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេម លើកទី១២ ដែលនឹងប្រារព្ធពិធីបើកការប្រកួតនាថ្ងៃទី៥ ខែឧសភា ឆ្នាំ២០២៣ ដែលកម្ពុជា ធ្វើជាម្ចាស់ផ្ទះ។

ទី២ ការត្រៀមលក្ខណៈសម្រាប់ការរៀបចំ ការបោះឆ្នោតដ៏សំខាន់មួយទៀតនោះគឺ ការបោះឆ្នោតជ្រើសតាំងតំណាងរាស្ត្រ នីតិកាលទី៧ ដែលនឹងប្រព្រឹត្តទៅនៅ ថ្ងៃអាទិត្យ ទី២៣ ខែកក្កដា ឆ្នាំ២០២៣ខាងមុខ។ ពាក់ព័ន្ធទៅនឹងកិច្ចការងារ ដ៏មានសារសំខាន់សម្រាប់បងប្អូនប្រជាពលរដ្ឋ ចូលរួមបោះឆ្នោតនាពេលខាងមុខដ៏ខ្លីនេះ៕

US ties important for Cambodia’s growth, says Devin

Despite the political strains, economic ties between Cambodia and the United States remained strong over the years with the latter having the largest share of Cambodian exports hovering around 40 percent. The American Chamber of Commerce in Cambodia (AmCham) has played a key role in strengthening these ties which its new President Devin Barta called as ‘something very important for Cambodia.’

In an exclusive interview with Khmer Times, Devin said this relationship has helped Cambodia to grow economically. “This 40 percent (export share) helped create numerous jobs for Cambodian people and it also shows that the US remains an open market for Cambodian goods and services,” he said.

Devin, who is also the Managing Director of AHF Products, wanted to see more American companies come in and expand business in the Kingdom with their investment. “We hope to work with the Cambodian government for a business-friendly operating environment,” he said.

Interestingly, this market share of the US in Cambodia’s exports is despite the non-renewal of the Generalized System of Preferences (GSP) by the US Congress. The renewal of GSP could even further boost the trade between the two countries.

Devin agreed that GSP is an important incentive for companies that export from Cambodia to the US. He hoped that it will get renewed. “We are in a ‘wait and see’ position right now (regarding the GSP renewal),” he said.

Regarding the investment climate in Cambodia, Devin said that overall, from an American business perspective, it remains good with caveats. “The new investment law has many attractive components and I was able to advocate for Cambodia to several companies interested in investing here based on the structure of that law during a recent trade event in Bangkok,” he said.

Source: Khmer Times

China huge market for Cambodia, other ASEAN countries: PM

China is an enormous market for Cambodia and other member states of the Association of Southeast Asian Nations (ASEAN), Cambodian Prime Minister Samdech Techo Hun Sen said here on Wednesday.

Cambodia and the rest of ASEAN have stood to gain from the Chinese market through the Cambodia-China Free Trade Agreement (CCFTA), ASEAN-China Free Trade Area (ACFTA), and the Regional Comprehensive Economic Partnership (RCEP) agreement, the prime minister said.

“China is a huge market that has provided a lot of benefits to all ASEAN countries,” he said in a speech during a graduation ceremony of some 4,700 students at the Vanda Institute in Phnom Penh, adding that ASEAN’s export to China is bigger than the export
in a reverse direction.

Hun Sen said Cambodia and other ASEAN countries also expect a huge influx of Chinese tourists after the world’s second-largest economy optimized its anti-COVID-19 strategy and resumed outbound group tours earlier this year.

Joseph Matthews, a senior professor at the BELTEI International University in Phnom Penh, said China has been the largest trading partner of ASEAN for more than a decade and that China-ASEAN ties have brought about economic, social, technological, and infrastructural development to the region.

“The ASEAN’s economic future is connected with the Chinese economic outlook and growth,” he told Xinhua.

“China will remain a key contributor to the ASEAN’s economic growth and prosperity in the post-COVID-19 pandemic era.”

ASEAN groups Brunei, Cambodia, Indonesia, Laos, Malaysia, Myanmar, the Philippines, Singapore, Thailand and Vietnam.

Source: Xinhua

សម្ដេចតេជោបញ្ជាក់ពីលក្ខណៈសម្បត្តិរបស់លោកហ៊ុន ម៉ាណែតដែលអាចធ្វើជានាយករដ្ឋមន្ត្រីនៅពេលអនាគត

ភ្នំពេញ ៖ សម្ដេចអគ្គមហាសេនាបតីតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងនៅក្នុងពិធីប្រគល់សញ្ញាបត្រជូននិស្សិតនៃវិទ្យាស្ថានវ៉ាន់ដានៅព្រឹកថ្ងៃទី២២ មីនា ២០២៣បានឱ្យដឹងថា ហ៊ុនម៉ាណែត គឹមានលក្ខណៈសម្បត្តិគ្រប់គ្រាន់ក្នុងការធ្វើជានាយករដ្ឋមន្ត្រីនៃព្រះរាជាណាចក្រកម្ពុជានៅពេលអនាគត ។
សម្ដេចតេជោបន្តថា ហ៊ុន ម៉ាណែតជាពលរដ្ឋកម្ពុជាដែលមានសិទ្ធិគ្រប់គ្រាន់ក្នុងការឈរឈ្មោះធ្វើជានាយករដ្ឋមន្ត្រី ហើយរដ្ឋធម្មនុញ្ញហាមតែអ្នកដែលជាប់គុក ឬអ្នកដែលតុលាការហាមឱ្យធ្វើនយោបាយ និងមួយទៀតគឺអ្នកមិនមែនជាសមាជិករដ្ឋសភា ពីព្រោះក្នុងរដ្ឋធម្មនុញ្ញបានចែងច្បាស់ថា នាយករដ្ឋមន្ត្រីត្រូវតែជាសមាជិករដ្ឋសភា ។

សម្ដេចតេជោហ៊ុនសែនបន្តទៀតថា បើសិនជាហ៊ុន ម៉ាណែតចេញឃោសនារកសម្លេងឆ្នោត គឺត្រូវឈប់ពីកងទ័ពជើងគោកឬក៏ត្រូវមានអ្នកមកជំនួសជាស្តីទី ។ នៅពេលដែលម៉ាណែតត្រូវកាន់តួនាទីជានាយករដ្ឋមន្ត្រីម៉ាណែតត្រូវលាចេញពីកងទ័ពហើយមកធ្វើជាសមាជិករដ្ឋសភា តែបើសិនជាមិនទាន់ក្លាយជានាយករដ្ឋមន្ត្រី ម៉ាណែតអាចលាចេញពីសមាជិកសភា ទៅកាន់ការងារជាមេបញ្ជាការកងទ័ពជើងគោកវិញ ។
សម្ដេចតេជោបន្ថែមថា លក្ខខណ្ឌទាំងនេះបានធ្វើឱ្យលោកហ៊ុនម៉ាណែតមានលក្ខណៈសម្បត្តិគ្រប់គ្រាន់ហើយក្នុងការក្លាយជានាយករដ្ឋមន្ត្រី ហើយបើសិនជាម៉ាណែតមិនមានលក្ខណៈសម្បត្តិគ្រប់គ្រាន់តើមានអ្នកណាទៀតដែលអាចស័ក្ដិសមឬក៏មានតែក្រុមប្រឆាំងទេដែលស័ក្ដិសម ?

ដំណឹងល្អ: សម្ដេចតេជោអះអាងថា ជើងហោះហើរពីចិននឹងកើនឡើងដល់៣០០ជើងក្នុងមួយសប្ដាហ៍

ដោយ: វឌ្ឍនៈ
ភ្នំពេញ: ថ្លែងនៅក្នុងពិធីប្រគល់សញ្ញាបត្រជូននិស្សិតនៃវិទ្យាស្ថានវ៉ាន់ដា កាលពីព្រឹកថ្ងៃទី២២ ខែមីនា ឆ្នាំ២០២៣ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ថា បន្តិចទៀត ជើងហោះហើរពីប្រទេសចិនមកម្ពុជានឹងកើនឡើងដល់៣០០ជើងក្នុងមួយសប្ដាហ៍ក្រោយពីចិនបានបើកប្រទេសឡើងវិញ ។

សម្ដេចតេជោមានប្រសាសន៍បន្តថា កម្ពុជាជាប្រទេសទី១ ដែលចិនបើកឡើងវិញ និងអនុញ្ញាតឱ្យទេសចរកម្ពុជាចូលទៅប្រទេសចិន និងអនុញ្ញាតឱ្យចិនមកកម្ពុជា ហើយបើតាមគម្រោងបន្តិចទៀតគឺមួយសប្ដាហ៍៣០០ជើងហោះហើរ ដូច្នេះយើងរំពឹងថាកំណើនភ្ញៀវទេសចរចិនមកកម្ពុជានឹងកាន់តែច្រើន ។ បើសិនជាក្នុងមួយឆ្នាំកម្ពុជាទទួលបានតែទេសចរ៤ទៅ៥លាននាក់ក្នុងមួយឆ្នាំ គឺវាជាការល្អ ។

សម្ដេចតេជោបន្តទៀតថា សព្វថ្ងៃនេះថៃគេប្រឹងប្រែងទាក់ទាញទេសចរចិនឱ្យបាន១០លាននាក់ សិង្ហបុរីក៏ប្រឹងទាក់ទាញ ប្រទេសណាក៏គេខំទាក់ទាញភ្ញៀវទេសចរចិន ដូច្នេះសូមកុំបន់ឱ្យចិនខ្សោយ បន់ចិនខ្សោយ បន់ឱ្យវៀតណាមខ្សោយហើយក៏កុំបន់ឱ្យអាមេរិកខ្សោយ ពីព្រោះប្រទេសទាំងអស់ត្រូវប្រកួតប្រជែងប្រកបដោយភាពឈ្នះឈ្នះទើបមានការលូតលាស់ទាំងអស់គ្នា ។

លោកបណ្ឌិតគី សេរីវឌ្ឍន៍ អ្នកវិភាគសេដ្ឋកិច្ចមួយរូបនៅកម្ពុជាបានលើកឡើងថា ចិនជាទេសចរមួយរូប ដែលប្រទេសណាក៏ចង់បានចិនដែរ ពីព្រោះទេសចរចិនជាទេសចរមួយមានការចាយវាយខ្ពស់ ធៀបនឹងបណ្ដាប្រទេសជាច្រើនទៀត ជាក់ស្ដែងទេសចរចិនមកកម្ពុជាជាមធ្យមគេចាយ១២០០ទៅ១៥០០ដុល្លារអាមេរិកក្នុងម្នាក់ ខណៈអឺរ៉ុបចាយតែប្រមាណ៥០០ដុល្លារអាមេរិកប៉ុណ្ណោះ ក្នុងអំឡុងស្នាក់នៅក្នុងប្រទេសកម្ពុជា ។

លោកបណ្ឌិតបន្តថា ទោះយ៉ាងណាក៏មានប្រជាជនកម្ពុជាមួយចំនួនមានការមិនពេញចិត្តចំពោះឥរិយាបថរបស់ជនជាតិចិននៅកម្ពុជា តែមិនថាតែកម្ពុជាឬប្រទេសណាទេ គឺអាស្រ័យលើការគ្រប់គ្រងរបស់អាជ្ញាធរនិងសមត្ថកិច្ចកម្ពុជា ៕

មជ្ឈមណ្ឌលហោះហើរអាកាសយានហាត់ត្រាប់អន្តរជាតិនៅកម្ពុជាបានបើកដំណើរការហើយ

ដោយ: គង់ លាងហួរ
ភ្នំពេញ: សាកលវិទ្យាល័យ Lanmei ដែលមានមូលដ្ឋាននៅទីក្រុងភ្នំពេញកាលពីម្សិលមិញនេះបានបើកដំណើរការមជ្ឈមណ្ឌលហោះហើរហាត់ត្រាប់ប្រភេទ Airbus A320 ក្នុងប្រទេសកម្ពុជា ដើម្បីផ្តល់ជំនាញបណ្តុះបណ្តាល និងមធ្យោបាយផ្សេងៗទៀត។

ការសម្ពោធជាផ្លូវការនេះត្រូវបានធ្វើឡើងក្រោមវត្តមានរបស់លោក Li Kun ប្រធានក្រុមហ៊ុនអាកាសចរណ៍ Lanmei Aviation Group ដែលមានមូលដ្ឋាននៅប្រទេសចិន លោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល ឯកអគ្គរដ្ឋទូតចិនប្រចាំកម្ពុជា លោក Wang Wentian និងមន្ត្រីរាជការឯទៀតផងដែរ។

លោក Li បានមានប្រសាសន៍ថា មជ្ឈមណ្ឌលហោះហើរអាកាសយានហាត់ត្រាប់អន្តរជាតិ ដែលមានទីតាំងនៅជិតអាកាសយានដ្ឋានអន្តរជាតិភ្នំពេញនឹងរួមចំណែកដល់ការកសាងសមត្ថភាពធនធានមនុស្សក្នុងឧស្សាហកម្មអាកាសចរណ៍ស៊ីវិលនៅកម្ពុជា។

លោក Li បានអះអាងថា ក្រុមហ៊ុនមេ Lanmei Aviation Group បានទទួលការគាំទ្រផ្នែកហិរញ្ញវត្ថុពីក្របខណ្ឌកិច្ចសហប្រតិបត្តិការឡានឆាង-មេគង្គ(MLC)។

លោក Li បានមានប្រសាសន៍ថា “មជ្ឈមណ្ឌលហោះហើរអន្តរជាតិនេះនឹងចូលរួមចំណែកក្នុងការកសាងធនធានមនុស្សនៅកម្ពុជា និងថែមទាំងជួយលើកកម្ពស់ដល់ការតភ្ជាប់ផ្លូវអាកាសនៅក្នុងតំបន់ផងដែរ”។

លោក ម៉ៅ ហាវណ្ណាល់ បានចាត់ទុក “ការបើកមជ្ឈមណ្ឌលនេះថាជាព្រឹត្តិការណ៍ដ៏សំខាន់មួយក្នុងការអភិវឌ្ឍន៍វិស័យអាកាសចរណ៍ និងធនធានមនុស្សនៅកម្ពុជា”។

លោកបានបន្ថែមថា “ក្នុងនាមជាអ្នកផ្តល់ការបណ្តុះបណ្តាលមួយសម្រាប់ក្រុមហ៊ុនមេ–Lanmei Aviation Group សាកលវិទ្យាល័យ Lanmei នៃកម្ពុជានឹងដើរតួនាទីយ៉ាងសំខាន់ក្នុងការអប់រំ ការកសាងសមត្ថភាពធនធានមនុស្ស និងគាំទ្រតម្រូវការសម្រាប់អាកាសចរណ៍ ដោយសារការយល់ដឹងអំពីសកម្មភាពអាកាសចរណ៍ និងលំហអាកាសកើនឡើងក្នុងចំណោមយុវជនកម្ពុជា”៕

1...1,1211,1221,123...3,382 Page 1,122 of 3,382