រដ្ឋាភិបាលអនុម័តគំរោងវិនិយោគថ្មីៗចំនួន៤ តម្លៃជាង១៦លានដុល្លារ

ដោយៈ សុផារី

ភ្នំពេញៈ ក្រុមប្រឹក្សាអភិវឌ្ឍន៍កម្ពុជា (CDC) ទើបតែអនុម័តគម្រោងវិនិយោគថ្មីៗចំនួន៤ទៀត សរុបទុនវិនិយោគជាង១៦លានដុល្លារ និងអាចបង្កើតការងារបានជាច្រើនកន្លែង។

យោងតាមការប្រកាសផ្លូវការរបស់ CDC បានចុះផ្សាយនៅថ្ងៃទី២៦ ខែធ្នូ នេះថា តាមសំណើសុំវិនិយោគរបស់ក្រុមហ៊ុន គណៈកម្មាធិការតំបន់សេដ្ឋកិច្ចពិសេសកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជី ជាគម្រោងវិនិយោគ ជូនដល់ក្រុមហ៊ុនដូចខាងក្រោម៖

ទី១ ក្រុមហ៊ុនQUAN MING SHUN (CAMBODIA) NEW MATERIALS CO., LTD. គម្រោងបង្កើតរោងចក្រផលិតក្តារប៉ាកេ និងក្តារបន្ទះ ដែលមានទីតាំងវិនិយោគស្ថិត នៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ ក្នុងទុនវិនិយោគប្រមាណ៦,៦លានដុល្លារអាមេរិក និងអាចបង្កើតការងារបានចំនួនប្រមាណ៣០០នាក់។

ទី២ ក្រុមហ៊ុនCHUANGJU PLASTICS (CAMBODIA) CO., LTD. គម្រោងបង្កើតរោងចក្រផលិតថង់ប្លាស្ទិក ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ ក្នុងទុនវិនិយោគប្រមាណ៦,១លានដុល្លារអាមេរិក និងអាចបង្កើតការងារបានចំនួនប្រមាណ៣០០នាក់។

ទី៣ ក្រុមហ៊ុនTB PACKAGING (CAMBODIA) CO., LTD. គម្រោងបង្កើត រោងចក្រផលិតផលិតផលធ្វើពីក្រដាស ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ ក្នុងទុនវិនិយោគចំនួន២លានដុល្លារអាមេរិក និងអាចបង្កើតការងារបានចំនួនប្រមាណ៨០នាក់។

ទី៤ ក្រុមហ៊ុនVP PRINTING AND PACKAGING CO., LTD. គម្រោងបង្កើតរោងចក្របោះពុម្ព និងផលិតផលិតផលវិចខ្ចប់ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស រ៉ូលយ៉ាល់ គ្រុប ភ្នំពេញ រាជធានីភ្នំពេញ ក្នុងទុនវិនិយោគប្រមាណ១,៦លានដុល្លារអាមេរិក និងអាចបង្កើតការងារបានចំនួនប្រមាណ៦០នាក់៕

ការជួលអចលនទ្រព្យនៅក្នុងប្រទេសកម្ពុជានឹងអាចវិលទៅរកស្ថានភាព មុនកូវីដក្នុងរយៈពេលពីរទៅបីឆ្នាំខាងមុខ

ដោយៈ វឌ្ឍនៈ

ភ្នំពេញៈ នៅក្នុងអំឡុងនៃវិបត្តិកូវីដ១៩ កាលពីឆ្នាំ២០២០ និងឆ្នាំ ២០២១ ស្ថានភាពនៃវិស័យអចលនទ្រព្យ ជាពិសេសការជួលអចលនទ្រព្យឃើញថា បានថមថយទាំងតម្លៃនិងសកម្មភាព ប៉ុន្តែនៅក្រោយពេលរដ្ឋាភិបាលបានបើកប្រទេសកាលពីចុងឆ្នាំ ២០២១ឃើញថាស្ថានភាពបានប្រសើរឡើងវិញ។

នៅក្នុងឆ្នាំ២០២២នេះឃើញថា ការជួលក៏មានភាពប្រសើរច្រើន និងអាចបន្តកើនឡើងនៅឆ្នាំក្រោយបន្តទៀត ហើយវាត្រូវការពេលប្រមាណពីរទៅបីឆ្នាំ ដើម្បីបានវិលទៅរកស្ថានភាពមុនកូវីដ១៩។

អ្នកជំនាញនៃវិស័យអចលនទ្រព្យកម្ពុជាបានបង្ហាញថា ថ្វីត្បិតតែសកម្មភាពនៃការជួលអចលនទ្រព្យ នៅក្នុងប្រទេសកម្ពុជាមានភាពប្រសើរជាងឆ្នាំ២០២១ និង២០២០ក្ដីតែតម្លៃ នៅមិនទាន់បានប្រសើរឡើងនៅឡើយទេ ជាពិសេសនៅមិនទាន់បានវិល ទៅរកស្ថានភាពដូចមុនកូវីដ១៩នៅឡើយ ។

លោកនាក់ សមសែន នាយកប្រតិបត្តិនៃក្រុមហ៊ុនRent Kh បានមានប្រសាសន៍ឲ្យដឹងនៅថ្ងៃទី២៦ ធ្នូ២០២២នេះ ថា បើយើងក្រលេកទៅមើលស្ថានភាពអចលនទ្រព្យទាំងមូល នៅក្នុងប្រទេសកម្ពុជា ឃើញថាទីផ្សារមានភាពល្អប្រសើរជាងមុនហើយ ប៉ុន្តែស្ថានភាពទីផ្សារវាមិនទាន់ដូចអ្វីនៅគ្រាមុនកើតកូវីដ១៩នៅឡើយទេ ។

លោកបន្តថា ការផ្គត់ផ្គង់អចលនទ្រព្យ នៅក្នុងប្រទេសកម្ពុជានៅតែបន្តទោះបីជាមានកូវីដ១៩ក្ដី ជាក់ស្ដែងក្នុងអំឡុងនោះការសាងសង់នានានៅតែបន្ត ខណៈការតម្រូវការបានថមថយ ធៀបនឹងមុនកូវីដ១៩ ហើយមកដល់បច្ចុប្បន្ននេះ បានកើនឡើងបន្តិច តែក៏ស្ថិតនៅក្រោមមុនវិបត្តិដដែល”។

លោកបន្តទៀតថា ស្ថានភាពអចលនទ្រព្យការជួលអចលនទ្រព្យ ដូចជាខុនដូ អាផាត់មិន គឺពឹងលើសេដ្ឋកិច្ចសកលលោក រួមទាំងសេដ្ឋកិច្ចកម្ពុជាផងដែរ ។ បើសិនសេដ្ឋកិច្ចសកលលោក បានប្រសើរឡើងលឿននោះ ទីផ្សារជួលអចលនទ្រព្យ ក៏នឹងឡើងលឿនវិញដែរ ប៉ុន្តែបើតាមការប្រមើល មើលរបស់លោកអាចថា ក្នុងរយៈពេលពីរទៅបីឆ្នាំខាងមុខ ទីផ្សារមួយនេះនឹងអាចដូចមុនកូវីដ១៩វិញហើយ ។

ជាមួយគ្នានេះ លោកខន គង្គា អគ្គនាយកក្រុមហ៊ុនERA Cambodia បានលើកឡើងនាពេលថ្មីៗនេះថា ស្ថានភាពទិញលក់ខុនដូ ក៏ដូចជា ការជួលនោះ ហាក់មានភាពប្រសើរឡើងវិញហើយ ហើយវាក៏ជាសញ្ញាវិជ្ជមានសម្រាប់ទីផ្សារមួយនៅក្នុងឆ្នាំ ២០២៣ខាងមុខ។ អ្វីដែលពិសេសនោះ ជនបរទេសចូលមកកម្ពុជា ក៏ចាប់ផ្ដើមមានជាបន្តបន្ទាប់ បើទោះបីជាមិនច្រើនដូចមុនកូវីដ១៩ក៏ដោយ ។

លោកបន្តថា ជាទស្សនរបស់លោកផ្ទាល់ ទីផ្សារមួយនេះបើសិនជាងើបឡើងវិញ អាចនឹងងើបឡើងខ្លាំងជាមុនកូវីដ១៩ទៅទៀត ព្រោះថារយៈពេលជាង២ឆ្នាំមកហើយ ដែលទីផ្សារនេះនៅទ្រឹង។ ដូច្នេះនៅពេលមានសកម្មភាពវានឹងស្ទុះខ្លាំងតែម្ដង៕

សម្តេចតេជោៈ ការចូលជាសមាជិកRCEPជាមោទនភាពរបស់កម្ពុជា

ដោយៈ គង់ សូរិយា

ភ្នំពេញៈសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានលើកឡើងថា ការចូលជាធរមាន នៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (RCEP) ដែលមានប្រទេស១៥ចូលរួម គឺជាមោទនភាពមួយរបស់កម្ពុជា ក្រោមការផ្តួចផ្តើមរបស់សម្តេចកាលពី១០ឆ្នាំមុន ក្នុងពេលដែលកម្ពុជាធ្វើជាប្រធានអាស៊ាន។

សម្តេចបានលើកឡើងដូច្នេះក្នុងពិធីបើកការដ្ឋានលើកកំពស់គុណភាពផ្លូវលេខ៤១នាព្រឹកថ្ងៃទី២៦ ធ្នូនេះ។

សម្តេចបញ្ជាក់ថា “ភាពជាដៃគូសេដ្ឋកិច្ចគ្រប់ជ្រុងជ្រោយ (RCEP) ដែលមាន១៥ប្រទេសចូលរួម ក៏បានចូលជាធរមាននៅក្នុងឆ្នាំ២០២២ ហើយនេះ ក៏ជាមោទនភាពរបស់កម្ពុជាផងដែរ ដែលការប្រកាសការចរចានៃកិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយនេះត្រូវបានប្រកាសដោយខ្លួនខ្ញុំផ្ទាល់ ក្នុងឋានៈជាប្រធានអាស៊ានឆ្នាំ២០១២ ហើយវាក៏បានចូលជាធរមាននៅឆ្នាំ២០២២”។

សម្តេចតេជោ ហ៊ុន សែន ក៏បានសម្តែងនូវភាពរីករាយផងដែរ ដែលកម្ពុជាបានចុះកិច្ចព្រមព្រៀងពាណិជ្ជកម្មសេរីជាមួយចិន និងកូរ៉េខាងត្បូង។

កិច្ចព្រមព្រៀង RCEP បានចូលជាធរមាន នៅថ្ងៃទី១ ខែមករា ឆ្នាំ២០២២ ដោយនឹងក្លាយជាកម្លាំងចលករដ៏សំខាន់ ក្នុងការជំរុញកំណើនពាណិជ្ជកម្ម ទំនិញ សេវាកម្ម និងវិនិយោគ កាន់តែធំជាងមុន ជាពិសេសផ្តល់ទីផ្សារបន្ថែមលើមុខទំនិញថ្មី ចំនួនរាប់រយមុខបន្ថែមទៀត សម្រាប់ការនាំចេញពីកម្ពុជា។

ជាមួយគ្នានេះ ក៏បានបន្ថែមពីលើការផ្ទេរបច្ចេកវិទ្យា ចំណេះដឹង ចំណេះធ្វើ និងជំនាញថ្មីៗ ពីការវិនិយោគបរទេសផ្ទាល់ (FDI) និងការងារថ្មីៗ ជូនប្រជាពលរដ្ឋផងដែរ។

RCEP មានការចូលរួមប្រទេសចំនួន១៥ រួមមានប្រទេសជាសមាជិកអាស៊ានទាំង១០ និងដៃគូពាណិជ្ជកម្មសេរីចំនួន៥ទៀត មានអូស្ត្រាលី ចិន ជប៉ុន កូរ៉េខាងត្បូង និងណូវែលហ្សេឡង់ ដែលបានចាប់ផ្តើម បង្កើតដំបូងនៅ ឆ្នាំ២០១២ នៅភ្នំពេញ។

RCEP ជាកិច្ចព្រមព្រៀងពាណិជ្ជកម្មធំ នៅក្នុងពិភពលោកដោយមានប្រជាជនប្រមាណ២២០០លាននាក់ ឬ៣០ភាគរយនៃប្រជាជនពិភពលោក និងមានទំហំពាណិជ្ជកម្ម ២៨ភាគរយ នៃទំហំពាណិជ្ជកម្មពិភពលោក។

ទំហំពាណិជ្ជកម្មរបស់កម្ពុជា និងតំបន់ RCEP ក្នុងរយៈពេល៩ខែ ឆ្នាំ២០២២នេះ មានទឹកប្រាក់២៤ ០៦៦លានដុល្លារ កើនឡើង១១ភាគរយ៕

Korea’s housing prices fell most among 56 major nations

While housing prices continued to rise in many countries during the third quarter this year, Korea turned out to be the country that posted the biggest fall globally in average housing prices during the period.

According to U.K.-headquartered real estate company Knight Frank’s quarterly “Global House Price Index” published for Q3 this year, Korea’s housing prices fell by 7.5 percent in nominal terms during the quarter, compared to a year ago. It is the largest loss ratio logged among 56 countries and territories that the real estate company surveyed.

The Global House Price Index published quarterly by Knight Frank tracks the movement of mainstream residential prices across 56 countries and territories worldwide. The index tracks nominal prices of housing prices, using official statistics, in local currencies.Out of the 56 surveyed, only six countries and territories ― Korea, mainland China, Hong Kong, Peru, New Zealand and Morocco ― posted a nominal fall in their average housing prices during the third quarter, compared to 12 months earlier.

Twenty-one countries of the 56 surveyed logged double-digit growth in their average nominal housing prices. Turkey topped the chart with a 189.2 percent increase, followed by Estonia’s 27.3 percent jump, Hungary at 23.7 percent and both Czech Republic and Iceland at 22.6 percent.

Source:Korea Times

ទីផ្សារអចលនទ្រព្យនៅខេត្តចំនួន៣របស់ប្រទេសថៃកំពុងជាប់គាំង

ដោយ: លាងហួរ

អន្តរជាតិ: ទីផ្សារអចលនៈទ្រព្យនៅក្នុងខេត្តចំនួន៣ ស្ថិតនៅច្រករបៀងសេដ្ឋកិច្ចភាគខាងកើត(EEC) បានជាប់គាំង ទោះបីជាតម្រូវការបានកើនឡើងបន្តិចយ៉ាងណាក្តី។ នេះបើយោងតាមមជ្ឈមណ្ឌលព័ត៌មានអចលនទ្រព្យរបស់ធនាគារលំនៅដ្ឋានរដ្ឋ(REIC)។

យោងតាមការស្ទង់មតិរបស់ REIC បានរកឃើញថា លំនៅដ្ឋានចំនួន៥៤.១១៦យូនីត ត្រូវបានដាក់លក់ក្នុងតម្លៃសរុប១៨៤,៩ពាន់លានបាត

(ប្រហែល៥,៣១ពាន់លានដុល្លារ) ក្នុងត្រីមាសទី៣ នៃឆ្នាំ២០២២នេះនៅក្នុងខេត្ត ឈុន បុរី ខេត្ត រ៉ាក់យ៉ង និងខេត្តឆាឆឿងសៅ។ តួលេខនោះបង្ហាញពីការធ្លាក់ចុះ៩,៩ភាគរយ នៅក្នុងការផ្គត់ផ្គង់សរុប ធៀបនឹងត្រីមាសទី២។

ចំនួនខុនដូ ដែលដាក់លក់បានធ្លាក់ចុះ១០,២ភាគរយ ហើយចំនួនផ្ទះបានធ្លាក់ចុះ៨,៦ភាគរយ នៅក្នុងត្រីមាសទី៣។

ទោះជាយ៉ាងណាក៏ដោយ លំនៅដ្ឋានថ្មីចំនួន៤.១១៧យូនីត ត្រូវបានផ្គត់ផ្គង់បន្ថែមទៅក្នុងទីផ្សារ នៅក្នុងរយៈពេលដូចគ្នា ពោលគឺកើនឡើង១៦,៩ភាគរយ ក្នុងតម្លៃសរុប១២,៥ពាន់លានបាត។

នៅក្នុងចំណោមខេត្ត EEC ទាំង៣ ក្នុងនោះខេត្តឆាឆឿងសៅ ទទួលបានគម្រោងអចលនទ្រព្យថ្មីៗច្រើនជាងខេត្ត ឈុន បុរីនិងខេត្តរ៉ាក់យ៉ង។ នេះបើយោងតាមការស្ទង់មតិរបស់ REIC ។

អគ្គនាយកស្តីទី REIC លោក Vichai Viratkapan បានមានប្រសាសន៍ថា ចំនួនខុនដូកាន់តែច្រើន កំពុងដាក់លក់នៅខេត្តឈុនបុរី ខណៈផ្ទះថ្មីៗជាច្រើនត្រូវបានដាក់លក់នៅ ខេត្តរ៉ាក់យ៉ង និងខេត្តឆាឆឿងសៅ។

លោក Vichai បានកត់សម្គាល់ថា ទីផ្សារអចលនទ្រព្យរបស់ EEC បានជួបប្រទះនឹង ការធ្លាក់ចុះនៃតម្រូវការ ក្នុងឆ្នាំ២០២១ ហើយចំនួនយូនីតលំនៅដ្ឋានថ្មីៗ ស្ថិតក្នុងកម្រិតទាបបំផុត ក្រោយជំងឺកូវីដ-១៩ នៅក្នុងត្រីមាសទី៣នៃឆ្នាំ២០២២នេះ៕

គេហទំព័រPropertyareaតែងតាំងលោកឡោ វិចិត្រជាឧត្តមទីប្រឹក្សា

ដោយៈ ស៊ីវ ម៉េង

ភ្នំពេញៈ លោកយិន លាងគង់សហស្ថាបនិក និងជាអគ្គនាយកគេហទំព័រPropertyarea.asia បានសម្រេចតែងតាំង លោកឡោ វិចិត្រជាឧត្តមទីប្រឹក្សាគេហទំព័រនេះ។

លោកឡោ វិចិត្របច្ចុប្បន្នមានតួនាទី ជាអនុប្រធានសមាគមពាណិជ្ជកម្មកម្ពុជា ចិន និងជាសមាជិកក្រុមប្រឹក្សាភិបាល សភាពាណិជ្ជកម្មកម្ពុជា ម៉ាឡេស៊ី និងជាស្ថាបនិកនៃក្រុមអ្នកបង្កើតភាពអច្ឆរិយៈសំរាប់កម្ពុជាផងដែរ។

លោកយិន លាងគង់ អគ្គនាយកគេហទំព័រPropertyarea.asiaបានមានប្រសាសន៍ឲ្យដឹងនាព្រឹកថ្ងៃទី២៦ ធ្នូនេះថា ការសម្រេចដំឡើងឋានៈ លោកឡោ វិចិត្រ ពីទីប្រឹក្សាជាន់ខ្ពស់ មកជាឧត្តមទីប្រឹក្សារបស់គេហទំព័រនេះ ដោយសារកន្លងមក លោកឡោ វិចិត្របានចូលរួមជួយលើកកំពស់កិត្តនាមរបស់គេហទំព័រនេះ ក៏ដូចជាស្វែងរកប្រភពចំណូលដល់គេហទំព័រនេះផងដែរ។

លោកបន្តថា “ការរីកចម្រើន និងភាពជាដៃគូដោយភាពស្មោះត្រង់ និងជួយគ្នាទៅវិញទៅមក ពិតជាមានសារៈសំខាន់ណាស់ ដើម្បីឲ្យអាជីវកម្មមួយមានភាពរីកចម្រើន”។លោកបន្តថា “លោកឡោ វិចិត្របានក្លាយជាបុគ្គលលេចធ្លោ ក្នុងសកម្មភាពជំនួញនិងការជួយដល់សង្គមជាតិ ដែលនេះជាគុណវុឌ្ឈិសំខាន់មួយ ដែលអ្នកនៅក្នុងពិភពជំនួញ បានផ្តល់តម្លៃដល់លោក”។

លោកយិន លាងគង់បានបន្តថា ការតែងតាំងនេះ ក៏ជាផ្នែកមួយនៃការចូលរួមលើកកំពស់ទំនុកចិត្ត ការពង្រីកការផ្សព្វផ្សាយ និងលើកកំពស់កិត្តិនាមគេហទំព័រPropertyarea.asia និងFacebook Page ឈ្មោះ Property Area Asia ឲ្យកាន់តែលេចធ្លោលើឆាកជាតិ អន្តរជាតិផងដែរ៕

លោកឡោ វិចិត្របានមានប្រសាសន៍ថា គេហទំព័រPropertyareaបានដើរតួនាទីសំខាន់ ក្នុងការផ្សព្វផ្សាយព៌តមានអចលនទ្រព្យ និងសេដ្ឋកិច្ចក្នុង និងក្រៅប្រទេសទៅដល់អ្នកអានជាតិ អន្តរជាតិ និងជនបរទេស ដោសារតែគេហទំព័រនេះ បានផ្សព្វផ្សាយព៌តមានជាភាសាខ្មែរ និងអង់គ្លេស។លោកបន្តថា យើងអាចតាមដានព៌តមានរបស់គេហទំព័រនេះ តាមរយៈវេបសាយ , Facebook Page, Telegram និងមានការចែកចាយព៌តមានយ៉ាងទូលំទូលាយពីសាធារណៈជន។

លោកបន្តថា “គេហទំព័រនេះបានដើរតួនាទី ជាដៃគូរបស់រដ្ឋាភិបាល ក្នុងការផ្សព្វផ្សាយព៌តមានពិត ដែលអាចជឿទុកចិត្តបាន ក្នុងការផ្សព្វផ្សាយព៌តមានទាក់ទងនឹងអចលនទ្រព្យ សំណង់ និងទិដ្ឋភាពទូទៅនៃសេដ្ឋកិច្ចកម្ពុជា”។ លោកបន្ថែមថា “ជាមួយគ្នានេះ គេហទំព័រនេះបានជួយផ្សព្វផ្សាយព៌តមានទាក់ទងនឹងការអប់រំ ការអភិវឌ្ឍន៍ថ្មីៗរបស់វិស័យឯកជន និងរដ្ឋាភិបាលយ៉ាងសកម្ម ដើម្បីបង្កើតនិងផ្តល់ព៌តមានមានលក្ខណៈវិជ្ជមាន ជួយដល់សង្គមជាតិ”។

លោកឡោ វិចិត្របានបន្តថា ការចូលរួមផ្សព្វផ្សាយឲ្យសាធារណៈជជនមានការជ្រួតជ្រាប ពីសារៈសំខាន់នៃព៌តមាន ពីការអភិវឌ្ឍន៍កម្ពុជាឲ្យមានការអភិវឌ្ឍ និងទាក់ទាញទំនុកចិត្តដល់វិនិយោគិនជាតិ អន្តរជាតិប្រកបដោយមូលដ្ឋានវិជ្ជាជីវៈ ពិតជាមានសារៈសំខាន់ ដែលតាមរយៈនេះគេហទំព័រដើរតួនាទីជាស្នូលនៅក្នុងការងារនេះ។

លោកបន្តថា គេហទំព័រPropertyarea.asia ក៏បានសហការជាមួយក្រសួងរៀបចំដែនដី នគរូបនីយកម្ម និងសំណង់ លើការផ្សព្វផ្សាយច្បាប់ បទដ្ឋានគតិយុត្តិនានារបស់ស្ថាប័ននេះ ដែលសាធារណៈជនអាចទាញយកទៅប្រើប្រាស់បានផងដែរ។

លោកឡោ វិចិត្របានបន្តថា “គេហទំព័រPropertyarea.asiaបានក្លាយជាវេទិកាមួយ ដែលផ្សព្វផ្សាយព៌តមានពិត លឿនរហ័ស ប្រកបដោយមូលដ្ឋានវិជ្ជាជីវៈ និងអាចទុកចិត្តបានសម្រាប់សាធារណៈជនជាតិ អន្តរជាតិ”៕

Trat, trade and tourism Lucrative border crossing, travel spot rolled into one

After facing a slump for almost three years, economic activity in several border provinces is getting back on track, especially in Trat — which is a major tourist destination and a gateway to Cambodia.
Travellers use the Ban Hat Lek border checkpoint in Trat’s Khlong Yai district to reach Cambodia’s Koh Kong province which is also famous for natural and cultural attractions as well as outdoor activities.
Provincial authorities organised a Thai-Cambodian friendship cycle tour in late July this year to deepen the relationship between the countries in mutual tourism destinations with more than 500 participants.

In addition to tourism, border trade in the area has also flourished.
Before the pandemic, annual border trade had risen to between 30 billion and 40 billion baht. Now that the virus curbs have been rolled back, the outlook for trade with the neighbouring country is bright and Thai businesses are being urged to prepare for massive opportunities.
Cambodia’s economic growth and infrastructure development over the past 10 years have been remarkable. Development in Koh Kong province has made a leap following the launch of the Koh Kong Industrial Estate.
Inaugurated on Dec 17, 2012 and operated by Koh Kong SEZ under the LYP Group, the industrial estate has attracted more than 5 billion baht from four foreign companies including KKN Apparel of Thailand.
Located about 45 kilometres from Khlong Yai district, the aim is to attract foreign direct investment and create jobs for Cambodians. Currently about 12,000 workers are employed.Impressive growth
Thitidej Tongpatara, vice-president of Koh Kong SEZ, said Cambodian people have high purchasing power due to the economic growth spurred by foreign investments including Chinese investors who pour money into sectors such as hotel and property development.
Minimum wages in Koh Kong are US$192 per month, or 7,100 baht, but together with living allowances and overtime payments, Cambodian workers should be paid $258-$259 or 9,583 baht per month.
The young workforce is looking for jobs in Koh Kong because of the better wages and new job openings, he added.

With a stable source of income and the strengthening of the dollar, Cambodian people have more spending power and demand for Thai products is expected to increase in tandem. This can deliver a positive effect for the economy, he said.
“People in Koh Kong cross the border to Thailand more since the lifting of Covid-19 restrictions. They come here to travel, shop, see doctors and a lot more. Some go shopping for brand-name products at a mall in Chanthaburi. Local businesses are back to life,” he said.
Also, facilities at Ban Hat Lek border checkpoint were improved and paperwork handling streamlined to handle demand for travel and the movement of goods, he said.
Koh Kong has also invested in the development of public utilities, infrastructure and transport links over the past several years, he said. It now has its own local power supply, instead of depending on imports from Thailand.
Work is underway to connect Road No.48, which has been in use for a long time, to Road No.4, which has been upgraded as an expressway linking Phnom Penh and Sihanoukville.
More piers are being developed for passenger and fishing vessels while an airport construction project is in the preparation stage.
The Dara Sakor project, with Chinese enterprises as investors, is underway. The investments have made a positive contribution to the socio-economic development of Koh Kong, he said.
Mr Thitidej said he also hoped Thai-Cambodian talks on the development of energy resources in the oil-rich overlapping claims area in the Gulf of Thailand will make progress and both countries will find ways to cooperate.source:Bangkok Post

“ឋានសួគ៌លំហែរ”បន្ថែមជាមួយហេដ្ឋារចនាសម្ព័ន្ឋ និងផ្កាលឿងរាជ

ដោយៈ គង់ សូរិយា

ភ្នំពេញៈ ជាមួយនឹងផែនការកសាងនូវគំរោងមួយ ដែលមានភាពទាក់ទាញ និងក្លាយជាទីលំហែរពិតប្រាកដមួយ ក្រុមហ៊ុនYoungsia Real Estateនឹងដាំផ្កាលឿងរាជជាង២០០០ដើម នៅក្នុងគំរោងឋានសួគ៌លំហែរនាពេលខាងមុខនេះ។

ស្ថិតនៅទីតាំងមួយក្បែររមណីយដ្ឋានកែច្នៃ និងធម្មជាតិជាច្រើនគំរោងដីលំហែរ “ឋានសួគ៌លំហែរ” បាននិងកំពុងទទួលបានការចាប់ពអារម្មណ៍ខ្លាំងពីអតិថិជន បន្ទាប់ពីហេដ្ឋារចនាសម្ព័ន្ឋ ក្លោងទ្វារ ផ្លូវបាននិងកំពុងសាងសង់យ៉ាងសកម្ម។

លោកCooler Tanអគ្គនាយកក្រុមហ៊ុនYoungsia Real Estateបានមានប្រសាសន៍ឲ្យដឹងកាលពីសប្តាហ៍មុនថា ការរីកចម្រើនសេដ្ឋកិច្ច និងជីវភាពរបស់ប្រជាពលរដ្ឋ បាននិងកំពុងធ្វើឲ្យប្រជាពលរដ្ឋផ្លាស់ប្តូរការគិត ដោយពីមុនគិតតែហូបឆ្អែត និងមានផ្ទះស្នាក់នៅ ប៉ុន្តែបច្ចុប្បន្នពួកគេមានហូបឆ្អែត មានផ្ទះស្នាក់នៅរួចហើយ ពួកគេត្រូវការទីតាំងលំហែរបន្តទៀត។

លោកបន្តថា “ហេតុនេះទើបខ្ញុំសម្រេចចិត្តវិនិយោគ គំរោងជាច្រើន ដើម្បីឆ្លើយតបនឹងតម្រូវការរបស់ប្រជាពលរដ្ឋ ដែលចង់បានដីលំហែរ ពិសេសអ្នកទិញដីគំរោងថ្មីនេះ គឺបង់ប្រាក់ត្រឹម៥០ដុល្លារប៉ុណ្ណោះក្នុងមួយខែ”។លោកបន្តថា ជាទីតាំងស្ថិតនៅចន្លោះរមណីយដ្ឋានត្រីមាស និងកំពូលពេជ្រ គំរោងឋានសួគ៌លំហែរ នឹងផ្តល់នូវទស្សនទានអភិវឌ្ឍន៍ថ្មី ដែលមានភាពទាក់ទាញជាមួយទេសភាពជាប់ជើងភ្នំ មានការដាំដើមក្ងោក៤០០ដើម មានសួនទឹកកំសាន្ត និងហេដ្ឋារចនាសម្ព័ន្ឋទាក់ទាញជាច្រើនទៀត”។

បច្ចុប្បន្នការសាងសង់ក្លោងទ្វារ ក្នុងគំរោងនេះសម្រេចបានប្រមាណ៦០ភាគរយហើយ ខណៈផ្លូវចូលក្នុងគំរោងនេះ កំពុងសម្រេចបានវឌ្ឍនភាពយ៉ាងប្រសើរផងដែរ។

លោកCooler Tanបានបន្តថា យើងរៀបចំផែនការអភិវឌ្ឍន៍តាមស្តង់ដាបុរី និងស្តង់ដារមណីយដ្ឋាន ដើម្បីឲ្យអ្នកទិញគំរោងនេះ មានសុវត្ថិភាព១០០ភាគរយ ដោយក្រុមហ៊ុននឹងផ្តល់ជូននូវសេវាសន្តិសុខ២៤ម៉ោង មានសេវាកម្ម និងការរៀបចំផ្សារភ្ជាប់ជាមួយធម្មជាតិដ៏ស្រស់បំព្រង ដែលអាចឲ្យអ្នកទិញដីក្នុងគំរោងនេះ ទទួលអារម្មណ៍ស្រស់ស្រាយ និងរីករាយជាមួយធម្មជាតិនៅជុំវិញខ្លួន៕

គេហទំព័រPropertyareaតែងតាំងលោកឡោ វិចិត្រជាឧត្តមទីប្រឹក្សា

ដោយៈ ស៊ីវ ម៉េង

ភ្នំពេញៈ លោកយិន លាងគង់សហស្ថាបនិក និងជាអគ្គនាយកគេហទំព័រPropertyarea.asia បានសម្រេចតែងតាំង លោកឡោ វិចិត្រជាឧត្តមទីប្រឹក្សាគេហទំព័រនេះ។

លោកឡោ វិចិត្របច្ចុប្បន្នមានតួនាទី ជាអនុប្រធានសមាគមពាណិជ្ជកម្មកម្ពុជា ចិន និងជាសមាជិកក្រុមប្រឹក្សាភិបាល សភាពាណិជ្ជកម្មកម្ពុជា ម៉ាឡេស៊ី និងជាស្ថាបនិកនៃក្រុមអ្នកបង្កើតភាពអច្ឆរិយៈសំរាប់កម្ពុជាផងដែរ។

លោកយិន លាងគង់ អគ្គនាយកគេហទំព័រPropertyarea.asiaបានមានប្រសាសន៍ឲ្យដឹងនាព្រឹកថ្ងៃទី២៦ ធ្នូនេះថា ការសម្រេចដំឡើងឋានៈ លោកឡោ វិចិត្រ ពីទីប្រឹក្សាជាន់ខ្ពស់ មកជាឧត្តមទីប្រឹក្សារបស់គេហទំព័រនេះ ដោយសារកន្លងមក លោកឡោ វិចិត្របានចូលរួមជួយលើកកំពស់កិត្តនាមរបស់គេហទំព័រនេះ ក៏ដូចជាស្វែងរកប្រភពចំណូលដល់គេហទំព័រនេះផងដែរ។

លោកបន្តថា “ការរីកចម្រើន និងភាពជាដៃគូដោយភាពស្មោះត្រង់ និងជួយគ្នាទៅវិញទៅមក ពិតជាមានសារៈសំខាន់ណាស់ ដើម្បីឲ្យអាជីវកម្មមួយមានភាពរីកចម្រើន”។លោកបន្តថា “លោកឡោ វិចិត្របានក្លាយជាបុគ្គលលេចធ្លោ ក្នុងសកម្មភាពជំនួញនិងការជួយដល់សង្គមជាតិ ដែលនេះជាគុណវុឌ្ឈិសំខាន់មួយ ដែលអ្នកនៅក្នុងពិភពជំនួញ បានផ្តល់តម្លៃដល់លោក”។

លោកយិន លាងគង់បានបន្តថា ការតែងតាំងនេះ ក៏ជាផ្នែកមួយនៃការចូលរួមលើកកំពស់ទំនុកចិត្ត ការពង្រីកការផ្សព្វផ្សាយ និងលើកកំពស់កិត្តិនាមគេហទំព័រPropertyarea.asia និងFacebook Page ឈ្មោះ Property Area Asia ឲ្យកាន់តែលេចធ្លោលើឆាកជាតិ អន្តរជាតិផងដែរ៕

សម្តេចតេជោលើកឡើងពីអតុល្យភាព៤យ៉ាងដែលកម្ពុជាធ្លាប់ជួបប្រទះនៅអតីតកាល

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន បានថ្លែងថា កាលពីទសវត្សរ៍៨០ កម្ពុជាមានអតុល្យភាពចំនួន៤ រួមមាន ទី១ អតុល្យភាព រវាងសេចក្តីត្រូវការ និងការផ្គត់ផ្គង ទី២ អតុល្យភាពរវាងចំណាយ និងចំណូល ទី៣ អតុល្យភាពរវាងការនាំចេញ និងនាំចូល ទី៤ អតុល្យភាពប្រាក់ចំណូល និងការទិញ។

នេះបើយោងតាមសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសអញ្ជើញជាអធិបតីបើកការដ្ឋានស្តារ និងលើកកម្រិតគុណភាពផ្លូវជាតិលេខ៤១ ដែលតភ្ជាប់ពីផ្លូវជាតិលេខ៤ ត្រង់ថ្នល់ទទឹង រហូតដល់ផ្លូវជាតិលេខ៣ ខេត្តកំពត នៅព្រឹកថ្ងៃទី២៦ ខែធ្នូ ឆ្នាំ២០២២នេះ។

សម្តេចតេជោ ហ៊ុន សែនបានលើកឡើងថា “អតុល្យភាពទី១ គឺរវាងសេចក្តីត្រូវការ និងការផ្គត់ផ្គង់ គឺវាមានភាពខុសគ្នាពីពេលនេះត្រង់ថា សេចក្តីត្រូវការ និងការផ្គត់ផ្គងនៅពេលនោះ មានតែប៉ុន្មានមុខសំខាន់ទាក់ទងនឹងស្បៀង។ ប្រជាជនកើនឡើង តែស្បៀងមិនកើន ដែលតម្រូវឱ្យជំរុញការផលិតស្បៀង ដើម្បីបំពេញតម្រូវការប្រជាជនយើង។ បើកំណើនប្រជាជន១ភាគរយ នោះស្បៀងកើន៣ភាគរយឯណោះ”។

សម្តេចតេជោ បានបន្តថា “អតុល្យភាពទី២ គឺរវាងចំណាយ និងចំណូលថវិកាជាតិ ដែលកាលនោះ យើងមានតម្រូវការចំណាយច្រើន តែចំណូលមានតិច។ ហើយអតុល្យភាពទី៣ គឺ រវាងការនាំចេញ និងនាំចូល ដែលការនាំចេញតិចតួចណាស់។ អតុល្យភាពទី៤ គឺអតិផរណា ដែលអកម្លាំងទិញនៃប្រាក់រៀលមានតិច”។

សម្តេចតេជោ បានបញ្ជាក់ថា បច្ចុប្បន្ននេះ អតុល្យភាពទាំងនោះត្រូវបានលុបបំបាត់ហើយ ហើយជំនួសមកវិញនូវតម្រូវការថ្មីផ្សេងទៀត ដូចជា តម្រូវការនៃការសាងសង់ផ្លូវថ្នល់ ដើម្បីបំពេញតម្រូវការប្រើប្រាស់ផ្លូវថ្នល់ តម្រូវការស្វែងរកទីផ្សារសម្រាប់ការនាំចេញនូវផលិតផល ជាដើម៕