លោកឧបនាយករដ្ឋមន្រ្តីជា សុផារ៉ានឹងអញ្ជើញបើកការដ្ឋានសាងសង់ពុទ្ឋបដិមាកំពស់១០៨ម៉ែត្រនៅលើភ្នំបូកគោនាថ្ងៃទី៤មករាខាងមុខនេះ

ដោយៈ ជេស៊ីកា

ភ្នំពេញៈ លោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់នឹងអញ្ជើញបើកការដ្ឋានសាងសង់ពុទ្ឋបដិមាខ្ពស់ជាងគេលើពិភពលោក នៅថ្ងៃទី៤ មករា ឆ្នាំ២០២៣ខាងមុខនេះ។

លោកឧបនាយករដ្ឋមន្រ្តីជា សុផារ៉ានឹងអញ្ជើញចូលរួម ក្នុងនាមតំណាងដ៏ខ្ពង់ខ្ពស់របស់សម្តេចតេជោហ៊ុន សែននាយករដ្ឋមន្រ្តីនៃកម្ពុជា។

អ្នកឧកញ៉ាសុខ គង់ប្រធានក្រុមហ៊ុនសុខាអូតែលបានមានប្រសាសន៍ឲ្យដឹងកាលពីចុងសប្តាហ៍មុនថា ពុទ្ឋបដិមានេះមានកំពស់១០៨ម៉ែត្រ ទ្រង់ភ្នែន ដែលកំពស់នេះគិតចាប់តាំងពីបល្លាំងខាងក្រោម រហូតដល់ចុងកេសារបស់ពុទ្ឋបដិមា។ អ្នកឧកញ៉ាបានបន្តថា ពុទ្ឋបដិមាដ៏ធំនេះ នឹងចំណាយរយៈពេលសាងសង់ចំនួន៤ឆ្នាំ ដើម្បីបញ្ចប់ការសាងសង់ និងចំណាយប្រាក់ចន្លោះពី៣០ទៅ៤០លានដុល្លារអាមេរិក។

អ្នកឧកញ៉ាបានបន្តថា អ្នកឧកញ៉ាសុខ គង់បានបន្តថា គោលបំណងនៃការសាងសង់ រូបសំណាកព្រះពុទ្ឋបដិមាដ៏ធំនេះ ដើម្បីជាទីសក្ការៈដ៏ថ្លៃថ្លាឧត្តុងឧត្តម សម្រាប់បងប្អូនប្រជាពលរដ្ឋខ្មែរយើង និងដើម្បីឧទ្ទិសសុំសេចក្តីសុខ សេចក្តីចម្រើនរុងរឿង និងសុខសន្តិភាពជានិច្ចនិរន្តរ៍ ដល់ប្រជាពលរដ្ឋយើងទាំងអស់នៅក្នុងតំបន់នេះ ក៏ដូចជានៅទូទាំងព្រះរាជាណាចក្រកម្ពុជាទាំងមូល។

អ្នកឧកញ៉ាបានបន្ថែមថា ម្យ៉ាងវិញទៀត ព្រះពុទ្ឋបដិមាដ៏ធំស្កឹមស្កៃនេះ ក៏ជាការជួយរួមចំណែកទ្រទ្រង់ ដល់វិស័យព្រះពុទ្ឋសាសនា និងការអភិវឌ្ឍទេសចរណ៍វប្បធម៌ ហើយជាពិសេសទៀតនោះ គឺជាការទាក់ទាញយ៉ាងធំធេងដល់ភ្ញៀវទេសចរជាតិ និងអន្តរជាតិរាប់លាននាក់ក្នុងមួយឆ្នាំៗ ឱ្យមកកាន់តំបន់នេះយ៉ាងច្រើនកុះករ ហើយក៏ជាប្រភពចំណូលយ៉ាងធំ ដែ លនឹងទទួលបានពីភ្ញៀវទេសចរទាំងនោះ៕

តើកិច្ចសន្យា៨ប្រភេទនេះ មានសារៈសំខាន់បែបណណាសម្រាប់ប្រើប្រាស់សម្រាប់វិស័យអចលនទ្រព្យ?

ដោយៈ ជេស៊ីកា

ភ្នំពេញៈ កិច្ចសន្យាលើការទិញ លក់ ជួលអចលនទ្រព្យមានច្រើនប្រភេទ និងមានន័យផ្សេងៗគ្នា ទៅតាមគោលបណងនៃនិមួយៗរបស់វា និងតាមពេលវេលាខុសៗគ្នា។

តើកិច្ចសន្យា និងលិខិតបទដ្ឋានទាំងនោះមានអ្វីខ្លះ សូមអាននូវអត្ថបទនេះ។

១ លិខិតប្រគល់សិទ្ធិកាន់កាប់អចលនទ្រព្យ

លិខិតប្រគល់សិទ្ធិកាន់កាប់អចលនទ្រព្យ ការទិញលក់អចលនទ្រព្យ ជាសកម្មភាពសំខាន់ ក្នុងវិស័យអចលនទ្រព្យ ហើយវាជាប់ពាក់ព័ន្ធ នឹងសិទ្ធិកាន់កាប់របស់អ្នកទទួលសិទ្ធិតែម្តង។ ជាធម្មតា ការធ្វើលិខិតនេះបញ្ជាក់ច្បាស់ពីឈ្មោះ និងបុគ្គលដែលជាអ្នកផ្ទេរសិទ្ធិ និងបុគ្គលជាអ្នកទទួលសិទ្ធិ ហើយវាគឺជាការធានាការផ្ទេរសិទ្ធិ កាន់កាប់របស់ម្ចាស់សិទ្ធិទៅកាន់បុគ្គលផ្សេងទៀតតាមការព្រមព្រៀង។

និយាយយ៉ាងខ្លី លិខិតប្រគល់សិទ្ធិកាន់កាប់អចលនទ្រព្យនេះ គឺជាភស្តុងតាងមួយ ដើម្បីបញ្ជាក់ពីការប្រគល់សិទ្ធិកាន់កាប់ ដោយព្រមព្រៀងលើអចលនទ្រព្យមួយ។

២ កិច្ចសន្យាពីការការពារប្រាក់កម្រៃជើងសារ

កិច្ចសន្យាពីការការពារប្រាក់កម្រៃជើងសារ ប្រាក់កម្រៃជើងសារជាថ្លៃរត់ការ ឬធ្វើកិច្ចការងារអ្វីមួយ។ កិច្ចព្រមព្រៀងប្រភេទនេះ បញ្ជាក់ពីការព្រមព្រៀងគ្នា រវាងភាគីពាក់ព័ន្ធនឹងលក្ខខណ្ឌផ្សេង ដែលភាគីទាំងពីរត្រូវតែបំពេញ ដែលលក្ខខណ្ឌទាំងនោះអាស្រ័យ តាមការព្រមព្រៀងរបស់គូភាគីទាំងសងខាង។

នៅឆ្នាំ២០១៧ ក្រសួងសេដ្ឋកិច្ច និងហិរញ្ញវត្ថុបានចេញប្រកាសថ្មីស្តីពី“ថ្លៃសេវានិងកម្រៃជើងសារ វិជ្ជាជីវៈសម្រាប់ការផ្តល់សេវាវាយតម្លៃ និងសេវាកម្មអចលនវត្ថុ ដែលបានកំណត់យកថ្លៃសេវាកម្ម៣% ។

៣ កិច្ចសន្យារក្សាការសំងាត់ និងការមិនលូកលាន់ការងារ

កិច្ចសន្យារក្សាការសំងាត់ និងការមិនលូកលាន់ការងារ កិច្ចសន្យាប្រភេទនេះជាកិច្ចសន្យាពិសេស ដែលយើងមិនសូវឃើញ ក្នុងការរស់នៅជាក់ស្តែងនោះទេ ដោយសារតែវាពាក់ព័ន្ធនឹងការកំណត់ លក្ខខណ្ឌរបស់ភាគីទាំងសងខាង ក្នុងការរក្សាការសម្ងាត់នូវរឿងអ្វីមួយ ដែលទាក់ទងនឹងការងារពាណិជ្ជកម្មរបស់ភាគីទាំងសងខាង។

ក្នុងគោលការណ៍នៃច្បាប់ កិច្ចសន្យាប្រភេទនេះ មិនអាចធ្វើទៅបានទេ ប្រសិនបើលក្ខខណ្ឌដែលកំណត់ក្នុងកិច្ចសន្យា “ជាការបង្ខំ” ជាការធ្វើអ្វីដែលខុសច្បាប់ ឬជាសកម្មភាពដែលប៉ះពាល់ដល់ប្រពៃណី និងសណ្ដាប់ធ្នាប់សាធារណៈ។

៤ កិច្ចសន្យាស្ដីពីកិច្ចសហប្រតិបត្តិការទិញ លក់ដី ឬផ្ទះ

កិច្ចសន្យាស្ដីពីកិច្ចសហប្រតិបត្តិការទិញ លក់ដី ឬផ្ទះ ដែលមានភាពស្រដៀងគ្នាទៅនឹងកិច្ចសន្យា ប្រគល់សិទ្ធិកាន់កាប់អចលនទ្រព្យដែរ កិច្ចសន្យាស្តីពីការទិញលក់ដីឬផ្ទះ សំដៅទៅលើការព្រមព្រៀងគ្នាទិញ ឬលក់ដី ឬផ្ទះ។ ចំណុចដែលខុសគ្នានោះគឺ កិច្ចសន្យាប្រគល់សិទ្ធិកាន់កាប់អចលនទ្រព្យ មានកម្មវត្ថុ ជាសិទ្ធិកាន់កាប់ផ្ទាល់ ដែលខុសពីកិច្ចសន្យាស្តីពីការទិញលក់ មានកម្មវត្ថុជាដីឬផ្ទះ។

ជាធម្មតា ក្នុងកិច្ចសន្យាទិញលក់ ច្រើន ភា្ជប់ជាមួយនឹងការផ្ទេរសិទ្ធិកាន់កាប់ ឬកម្មសិទ្ធិពីអ្នកលក់ទៅអ្នកទិញ ដែលត្រូវធ្វើជាលាយល័ក្ខអក្សរ។

កិច្ចសន្យាប្រភេទនេះ ធានាគុណភាពនៃផ្ទះ និងដី ការប្រគល់ផ្ទះ និងដីពីអ្នកលក់ទៅអ្នកទិញ។ ប៉ុន្តែកិច្ចសន្យាប្រភេទនេះ មិនអាចបញ្ជាក់ថាអ្នកទិញ នឹងក្លាយជាម្ចាស់កម្មសិទ្ធិលើអចលនទ្រព្យនោះទេ លុះត្រាតែអ្នកទិញយកដីនោះទៅចុះបញ្ជី ប្រសិនបើមានការកំណត់តាមច្បាប់។

៥ កិច្ចសន្យាកក់ប្រាក់ (កក់ប្រាក់ទ្រនាប់ដៃ)

កិច្ចសន្យាកក់ប្រាក់ (កក់ប្រាក់ទ្រនាប់ដៃ) កិច្ចសន្យាកក់ប្រាក់នេះ ច្រើនកើតមានមុនការធ្វើកិច្ចសន្យាទិញលក់។ ប៉ុន្តែគេក៏អាចដាក់បញ្ចូលលក្ខខណ្ឌប្រាក់កក់នេះ នៅក្នុងកិច្ចសន្យាទិញលក់ផងដែរ។ ដូចគ្នាទៅនឹងគោលការណ៍ព្រមព្រៀងគ្នារវាងគូភាគី ប្រាក់កក់ដែលតម្រូវស្របតាមការព្រមព្រៀងរបស់ភាគី។

កិច្ចសន្យាប្រភេទនេះ អាចធានាប្រាក់កក់របស់អ្នកទិញ ប្រសិនបើអ្នកលក់ចង់បញ្ឈប់ការលក់នោះ អ្នកលក់អាចសងការខូចខាតចំនួន២ដងនៃប្រាក់កក់នោះដល់អ្នកលក់។

ប៉ុន្តែត្រង់ចំណុចនេះ មិនមានន័យថា ការសងរបស់អ្នកលក់ត្រូវធ្វើ ក្នុងកម្រិត២ដងនៃប្រាក់កក់នោះទេ វាអាចធ្វើក្នុងកម្រិតច្រើនជាងនេះ តាមការព្រមព្រៀង។ ប៉ុន្តែការកំណត់នេះ គឺជាកម្រិតនៃការសងអប្បបរមារបស់អ្នកលក់។

៦ លិខិតប្រគល់និងទទួលប្រាក់

លិខិតប្រគល់និងទទួលប្រាក់ លិខិតប្រគល់ និងទទួលប្រាក់ គឺជាលិខិតធានាឬបញ្ជាក់ថា ភាគីទាំងសងខាងបានប្រគល់ និងទទួលប្រាក់ហើយ។ ប៉ុន្តែវាមិនមានការតម្រូវឲ្យធ្វើដោយច្បាប់ជាលាយល័ក្ខអក្សរនោះទេ

ជាគុណសម្បត្តិនៃលិខិតនេះ សម្រាប់ការទិញលក់អចលនទ្រព្យ វាជួយបញ្ជៀសបញ្ហាផ្សេងៗ ដែលអាចកើតមានឡើង ដោយបំណងមិនល្អរបស់គូភាគី ទាក់ទងនឹងការប្រគល់ប្រាក់។

៧ កិច្ចព្រមព្រៀងរួមស្តីអំពីការអនុញ្ញាតិឲ្យសាច់ញាតិលក់ដី

កិច្ចព្រមព្រៀងរួមស្តីអំពី ការអនុញ្ញាតិឲ្យសាច់ញាតិលក់ដី កិច្ចព្រមព្រៀងនេះ ជាកិច្ចសន្យា ដែលធ្វើដោយបុគ្គលតែម្នាក់ ដែលជាអ្នកផ្តល់ឲ្យ។ ការចាត់ចែងទិញលក់ដី អាចធ្វើទៅបានសម្រាប់តែអ្នកមានកម្មសិទ្ធិតែប៉ុណ្ណោះ លុះត្រាតែមានការអនុញ្ញាតិដោយម្ចាស់កម្មសិទ្ធិ។

កិច្ចសន្យាប្រគល់សិទ្ធិឲ្យសាច់ញាតិ ក្នុងការចាត់ចែង អាចធ្វើបានដោយឲ្យសិទ្ធិមួយភាគ ឬទាំងអស់ទៅសាច់ញាតិនោះ។

៨ លិខិតបញ្ជាក់បំណងទិញអចលនទ្រព្យ (សម្រាប់អ្នកទិញ)

លិខិតបញ្ជាក់បំណងទិញអចលនទ្រព្យ (សម្រាប់អ្នកទិញ) លិខិតនេះ ជាការព្រមព្រៀងបញ្ជាក់ពីបំណង ក្នុងការទិញអចលនទ្រព្យមួយរបស់អ្នកទិញ។ ក្នុងបរិបទនៃច្បាប់ ដើម្បីបង្កើតឲ្យបានកិច្ចសន្យាមួយ អ្នកទិញត្រូវបញ្ជាក់ ពីការចង់បានរបស់ណាមួយពីអ្នកលក់ ដែលគេហៅថាជាសំណើ។

នៅពេលដែលមានការបញ្ជាក់បែបនេះ អ្នកលក់អាចយល់ព្រមលក់ ឬមិនលក់តាមចិត្តចង់របស់គេ។ ដូច្នេះលិខិតនេះ ជាការបញ្ជាក់ពីការចង់ទិញអចលនទ្រព្យនោះ៕

ប្រទេសចិនផ្តល់ជំនួយ២ពាន់លានដុល្លារដល់កម្ពុជាកសាងផ្លូវថ្នល់ចំនួន៣០ខ្សែហើយផ្លូវចំនួន៣ខ្សែកំពុងសាងសង់គ្រោងចំណាយ៥០០លានដុល្លារ

ដោយ៖ សុផារី

ភ្នំពេញ៖ គិតរហូតមកដល់ពេលនេះ ប្រទេសចិនបានផ្តល់ជំនួយឥតសំណង និងកម្ចីមកដល់កម្ពុជា ក្នុងការកសាងនូវផ្លូវថ្នល់ចំនួន៣០ខ្សែ គិតជាថវិកាចំនួន២ពាន់លានដុល្លារអាមេរិក និងស្ពានចំនួន៩ខ្សែ។ ចំណែក ផ្លូវចំនួន៣កំពុងសាងសង់ ដែលចំណាយប្រមាណ៥០០លានដុល្លារអាមេរិក។

នេះបើយោងតាមការថ្លែងរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងឱកាសអញ្ជើញជាអធិបតីបើកការដ្ឋានស្តារ និងលើកកម្រិតគុណភាពផ្លូវជាតិលេខ៤១ ដែលតភ្ជាប់ពីផ្លូវជាតិលេខ៤ ត្រង់ថ្នល់ទទឹង រហូតដល់ផ្លូវជាតិលេខ៣ ខេត្តកំពត នៅព្រឹកថ្ងៃទី២៦ ខែធ្នូ ឆ្នាំ២០២២នេះ។

សម្តេចតេជោ បានមានប្រសាសន៍ថា “មកដល់ពេលនេះ មិត្តចិនបានជួយសាងសង់ផ្លូវយើងចំនួន៣០ខ្សែ ដែលមានប្រវែងជាង៣ពាន់គីឡូម៉ែត្រ ចំណាយថវិកាអស់ចំនួនជិត២ពាន់លានលានដុល្លារ។ ហើយកំពុងសាងសង់មាន៣ខ្សែ ដែលត្រូវចំណាយថវិកាចំនួន៥០០លាន”។

សម្តេចតេជោបានបន្តថា “ចំណែក ស្ពានធំៗមានចំនួន៩ ដែលបានកសាងរួច និងបាននិងកំពុងសាងសង់។ នៅថ្ងៃទី២ មករាខាងមុខនេះ ខ្ញុំនឹងទៅបើកការដ្ឋានសាងសង់ស្ពានឆ្លងទន្លេមេគង្គ នៅខេត្តក្រចេះ”។

សម្តេចតេជោបន្តទៀតថា “ជោគវាសនារួមរវាងភាពជាដៃគូរវាងកម្ពុជាចិន បានបង្កើតនូវការជឿទុកចិត្តគ្នា ហើយមិត្តចិន ក្រៅពីការផ្តល់ជំនួយឥតសំណង ក៏នៅបានផ្តល់នូវឥណទានសម្បទានសម្រាប់ការអភិវឌ្ឍកម្ពុជាផងដែរ”៕

លោក ពូទីនចោទប្រកាន់ចំៗ និងធ្ងន់ៗថា លោកខាងលិចមានបំណងហែកបំបែកប្រទេសរុស្ស៊ី

ដោយៈ សុខុម

មូស្គូ: ប្រធានាធិបតីរុស្ស៊ី លោក វ្ល៉ាឌីមៀ ពូទីន បានរិះគន់ចំៗ និងធ្ងន់ៗថា លោកខាងលិចបានព្យាយាម “ហែកបំបែក” ប្រទេសរុស្ស៊ី អំឡុងបទសម្ភាសន៍មួយ ដែលចាក់ផ្សាយតាមទូរទស្សន៍ជាតិ កាលពីថ្ងៃអាទិត្យ ទី២៥ ខែធ្នូ។

ប្រធានាធិបតី ដែលមានរហស្សនាមបុរសខ្លាំងរូបនេះ បានចោទប្រកាន់លោកខាងលិចថា “វាសុទ្ធតែជាគោលនយោបាយ របស់គូប្រជែងផ្នែកភូមិសាស្ត្រនយោបាយរបស់យើង ដែលមានគោលបំណងហែកបំបែកប្រទេសរុស្ស៊ី”។លោកបន្ថែមទៀតថា “ពួកគេតែងតែព្យាយាម ‘ហែកបំបែក និងយកជ័យជម្នះមកលើយើង ខណៈយើងមានគោលដៅផ្សេងនោះគឺគោលដៅបង្រួបបង្រួមប្រជាជនរុស្ស៊ី”។

លោក ពូទីន តែងតែទាញទឡ្ហីករណ៍ថា បើយោងតាមប្រវត្តិសាស្ត្រដ៏យូរលង់របស់រុស្ស៊ីបង្ហាញថា ដើមឡើយប្រជាជនអ៊ុយក្រែន និងប្រជាជនរុស្ស៊ី គឺជាប្រជាជនរួមសាច់ឈាមតែមួយ។ ដោយសារតែចងចិត្តបែបនេះហើយ ទើបលោកមិនទទួលស្គាល់អធិបតេយ្យភាពរបស់អ៊ុយក្រែន ហើយបានសម្រេចចិត្តបញ្ឆេះសង្គ្រាម ចូលឈ្លានពានអ៊ុយក្រែន នៅថ្ងៃទី២៤ ខែកុម្ភៈ ដើមឆ្នាំនេះរហូតមកទល់ពេលបច្ចុបប្បន្ន។

លោកអះអាងថា “យើងកំពុងធ្វើសកម្មភាព ក្នុងទិសដៅដ៏ត្រឹមត្រូវ គឺយើងកំពុងការពារផលប្រយោជន៍ជាតិរបស់យើង និងផលប្រយោជន៍របស់ពលរដ្ឋយើង”។

លោក ពូទីន បានអះអាងម្តងហើយម្តងទៀតថា រដ្ឋាភិបាលក្រុងមូស្គូ បានត្រៀមខ្លួនជាស្រេច ក្នុងការចរចាជាមួយគ្រប់ភាគី ចូលរួមពាក់ព័ន្ធទាំងអស់ ក្នុងដំណើរការស្វែងរកដំណោះស្រាយ ដែលអាចទទួលយកបាន ដើម្បីបញ្ចប់ជម្លោះនេះ ឱ្យបានឆាប់តាមដែលអាចធ្វើទៅបាន។

ទោះជាយ៉ាងណា ប្រទេសអ៊ុយក្រែន និងបណ្ដាប្រទេសជាសម្ព័ន្ធមិត្តមានមន្ទិលសង្ស័យថា វាគ្រាន់តែជាល្បិចពន្យារពេលរបស់រុស្ស៊ី ខណៈទាហានរុស្ស៊ី យ៉ាងច្រើនបានស្លាប់ និងរបួស និងបានដកថយពីសមរភូមិជាបន្តបន្ទាប់៕ Arab News៕

សកម្មភាពសេដ្ឋកិច្ចរវាងព្រំដែនកម្ពុជា និងថៃ កំពុងដំណើរឡើងវិញ ក្រោយធ្លាក់ចុះជិត៣ឆ្នាំ

ដោយ: លាងហួរ

អន្តរជាតិ: ក្រោយពីប្រឈមនឹងការធ្លាក់ចុះ អស់រយៈពេលជិត៣ឆ្នាំ សកម្មភាពសេដ្ឋកិច្ច នៅតាមខេត្តជាប់ព្រំដែនមួយចំនួន កំពុងដំណើរការឡើងវិញ ជាពិសេសនៅខេត្តត្រាត នៃប្រទេសថៃ ដែលជាគោលដៅទេសចរណ៍ដ៏សំខាន់ និងជាច្រកចូលមកកាន់ប្រទេសកម្ពុជា។

ក្រុមអ្នកធ្វើដំណើរបានប្រើប្រាស់ច្រកព្រំដែន Ban Hat Lek ក្នុងស្រុក ខ្លងយ៉ៃ ខេត្តត្រាត ដើម្បីធ្វើដំណើរទៅដល់ ខេត្តកោះកុង របស់ប្រទេសកម្ពុជា ដែលមានភាពល្បីល្បាញខាង ទេសចរណ៍ធម្មជាតិ វប្បធម៌ ក៏ដូចជាសកម្មភាពកំសាន្ត ផងដែរ។

នៅមុនពេលមានជំងឺរាតត្បាត ទំហំពាណិជ្ជកម្មតាមព្រំដែនប្រចាំឆ្នាំបានកើនឡើង ចន្លោះពី៣០ពាន់លាន ទៅ៤០ពាន់លានបាត។

កំណើនសេដ្ឋកិច្ច និងការអភិវឌ្ឍហេដ្ឋារចនាសម្ព័ន្ធ របស់ប្រទេសកម្ពុជាក្នុងរយៈពេល១០ឆ្នាំកន្លងមកនេះ មានភាពគួរឱ្យកត់សម្គាល់ ជាពិសេសការអភិវឌ្ឍនៅក្នុងខេត្តកោះកុង បានកើនឡើង បន្ទាប់ពីការដាក់ឲ្យដំណើរការនៃតំបន់ឧស្សាហកម្មខេត្តកោះកុង។

ដោយបានបើកសម្ពោធ កាលពីថ្ងៃទី១៧ ខែធ្នូ ឆ្នាំ២០១២ និងដំណើរការ ដោយតំបន់សេដ្ឋកិច្ចពិសេសកោះកុង ក្រោម ការគ្រប់គ្រង របស់ក្រុមហ៊ុន LYP Group ឧស្សាហកម្មនេះ បានទាក់ទាញទំហំទឹកប្រាក់វិនិយោគជាង៥ពាន់លានបាត ពីក្រុមហ៊ុនបរទេសចំនួន៤ រួមទាំងក្រុមហ៊ុន KKN Apparel របស់ប្រទេសថៃផងដែរ។

លោក Thitidej Tongpatara អនុប្រធានតំបន់សេដ្ឋកិច្ចពិសេសកោះកុង បានមានប្រសាសន៍ថា ប្រជាជនកម្ពុជាមានអំណាចនៃការទិញខ្ពស់ ដោយសារតែកំណើនសេដ្ឋកិច្ច ដែលជំរុញដោយលំហូរវិនិយោគពីបរទេស រួមទាំងវិនិយោគិនចិន ដែលបោះទុនចូលវិនិយោគ ទៅក្នុងវិស័យផ្សេងៗដូចជា ការអភិវឌ្ឍន៍សណ្ឋាគារ និងអចលនទ្រព្យ។

ប្រាក់ឈ្នួលអប្បបរមា នៅខេត្តកោះកុងមានចំនួន១៩២ដុល្លារអាមេរិកក្នុងមួយខែ ប៉ុន្តែរួមជាមួយនឹង ប្រាក់បំណាច់ការរស់នៅ និងប្រាក់បន្ថែមម៉ោង កម្មករកម្ពុជាអាចទទួលបានប្រាក់ខែ ចន្លោះពី២៥៨ ទៅ២៥៩ដុល្លារ នៅក្នុងមួយខែ។

កាលពីថ្ងៃទី៩ ខែធ្នូ កន្លងទៅ ព្រឹត្តិការណ៍ផ្គូផ្គងធុរកិច្ចមួយ ត្រូវបានរៀបចំឡើង នៅស្រុកMuang ខេត្តត្រាត ដោយមានការចូលរួមពី អ្នកធុរកិច្ចថៃ នៅតំបន់ភាគខាងកើត និងដៃគូដ៏មានសក្តានុពលមកពីប្រទេសកម្ពុជា និងវៀតណាមផងដែរ។

សិក្ខាសាលាពាណិជ្ជកម្មនេះគឺជាផ្នែកមួយនៃ កិច្ចខិតខំប្រឹងប្រែង ដើម្បីលើកកម្ពស់សេដ្ឋកិច្ចមូលដ្ឋាន នៅភាគខាងកើត និងតភ្ជាប់ច្រករបៀងសេដ្ឋកិច្ចភាគខាងកើត (EEC) របស់ប្រទេសថៃទៅនឹងកំណើនពាណិជ្ជកម្មឆ្លងព្រំដែននៅក្នុងតំបន់។

ថ្លែងក្នុងពិធីនោះ លោកស្រី Jiranan Wongmongkol អតីតទីប្រឹក្សារដ្ឋមន្ត្រីក្រសួងពាណិជ្ជកម្ម ការិយាល័យកិច្ចការពាណិជ្ជកម្ម ស្ថានទូតថៃប្រចាំនៅកម្ពុជា បានជំរុញឱ្យ ក្រុមហ៊ុនថៃចាប់យកឱកាសអាជីវកម្ម នៅកម្ពុជា ដែលជាប្រទេសមានសេដ្ឋកិច្ច ដ៏រស់រវើកបំផុតនៅក្នុងតំបន់។

លោកស្រី Jiranan បានមានប្រសាសន៍ថា ក្រុមហ៊ុនថៃ ដែលស្វែងរកឱកាសអាជីវកម្មរបស់ពួកគេ នៅក្នុងប្រទេសកម្ពុជា ចាំបាច់ត្រូវយល់ពី របៀបរស់នៅខុសៗគ្នារបស់ប្រជាជនកម្ពុជា និងអំណាចនៃការទិញរបស់ពួកគេ៕

សម្តេចតេជោអញ្ជើញបើកការដ្ឋានស្តារផ្លូវលេខ៤១នាព្រឹកថ្ងៃនេះ

ដោយៈ គង់ សូរិយា

កណ្តាលៈ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជានាព្រឹកថ្ងៃទី២៦ ធ្នូនេះ នឹងអញ្ជើញជាអធិបតីបើកការដ្ឋានស្តារ និងលើកកម្រិតគុណភាពផ្លូវជាតិលេខ៤១។

ផ្លូវជាតិលេខ៤១ តភ្ជាប់ពីផ្លូវជាតិលេខ៤ ត្រង់ថ្នាល់ទទឹង (ព្រំប្រទល់ស្រុកសំរោងទង ខេត្តកំពង់ស្ពឺ និងស្រុកអង្គស្នួល ខេត្តកណ្តាល) រហូតដល់ផ្លូវជាតិលេខ៣ ក្នុងស្រុកជុំគិរី ខេត្តកំពត។ ផ្លូវជាតិមួយខ្សែនេះ បានសាងសង់រួចម្តងមកហើយកាលពីឆ្នាំ២០១១ ជាប្រភេទផ្លូវក្រាលកៅស៊ូពីរប្រទាប់ (DBST) មានទទឹងតួផ្លូវពី៧ម៉ែត្រ ដល់១១ម៉ែត្រ។ ជាទូទៅប្រភេទផ្លូវនេះ មានអាយុកាលជាមធ្យមពី៥ឆ្នាំ ទៅ៨ឆ្នាំ ប្រសិនបើមានការថែទាំត្រឹមត្រូវតាមលក្ខណៈបច្ចេកទេស។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថា ដោយសារផ្លូវនេះ ជាខ្សែផ្លូវសំខាន់មួយ តភ្ជាប់ទៅផ្លូវជាតិលេខ៣ និងផ្លូវជាតិលេខ៤ និងតំបន់សំខាន់ៗមួយចំនួន ដែលធ្វើឱ្យទំហំចរាចរណ៍ និងការដឹកជញ្ជូនមានការកើនឡើងជាគំហុក ក្នុងរយៈពេលប៉ុន្មានឆ្នាំចុងក្រោយនេះ គួបផ្សំនឹងស្ថានភាពផ្លូវមានកម្រិតទាប និងតែងតែទទួលរងការខូចខាត និងទ្រុឌទ្រោម ដោយជំនន់ទឹកភ្លៀង រៀងរាល់រដូវវស្សា និងគ្រោះធម្មជាតិ ទើបរាជរដ្ឋាភិបាល សម្រេចសាងសង់ពង្រីក និងលើកកម្រិតគុណភាពឡើងវិញ ដើម្បីសម្រួលដល់ការធ្វើចរាចរណ៍ ដឹកជញ្ជូនទំនិញ កសិផល និងការធ្វើដំណើររបស់បងប្អូនប្រជាពលរដ្ឋ និងភ្ញៀវទេសចរ។

លោកទេសរដ្ឋមន្ត្រីបានឱ្យដឹងថា គម្រោងសាងសង់ផ្លូវជាតិលេខ៤១ មានប្រវែងសរុបជាង៩៥គីឡូម៉ែត្រ នឹងត្រូវសាងសង់លើកកម្រិតគុណភាព ជាប្រភេទផ្លូវក្រាលបេតុងកៅស៊ូAC កម្រាស់៥សង់ទីម៉ែត្រ និងពង្រីកទទឹងតួផ្លូវរហូតដល់១២ម៉ែត្រ តាមស្ដង់ដារចិនកម្រិត២។

គម្រោងនេះនឹងសាងសង់បន្ថែមសំណង់សិល្បការ រួមមាន ពង្រីកស្ពានចាស់មួយកន្លែង ប្រវែងសរុប២០០ម៉ែត្រ ដាក់លូគ្រប់ប្រភេទចំនួន ៣១៥កន្លែង បំពាក់កាមេរ៉ាត្រួតពិនិត្យល្បឿនចំនួន៨កន្លែង រួមទាំងបំពាក់ផ្លាកសញ្ញា គំនូសសញ្ញា បង្គោលគីឡូម៉ែត្រ និងបង្គោលសុវត្ថិភាពផងដែរ។

លោកទេសរដ្ឋមន្ត្រី ស៊ុន ចាន់ថុលបានឲ្យដឹងថា គម្រោងនេះ នឹងត្រូវអនុវត្តការសាងសង់ ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេស ដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើរយៈពេលសាងសង់ចំនួន៤០ខែ នឹងបញ្ចប់នៅអំឡុងឆ្នាំ២០២៦។ គម្រោងស្តារ និងលើកកម្ពស់កម្រិតគុណភាពផ្លូវមួយខ្សែនេះ គ្រោងចំណាយថវិកាសរុបប្រមាណ៦៧លានដុល្លារអាមេរិក ដែលជាឥណទានសម្បទានពីរដ្ឋាភិបាលចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ និងពន្ធអាករផ្សេងៗ។

បន្ថែមពីលើនេះ ផ្លូវជាតិលេខ៤១នេះ ក៏នឹងចូលរួមលើកកម្ពស់ការអភិវឌ្ឍតំបន់ទេសចរណ៍សំខាន់ៗ ដូចជា តំបន់ឧទ្យានជាតិព្រះមុនីវង្សបូកគោ កោះទន្សាយ តំបន់ឆ្នេរ និងតំបន់មាត់សមុទ្រធម្មជាតិផងដែរ។ ផ្លូវមួយខ្សែនេះ ក៏នឹងជួយសម្រួល និងបញ្ចៀសការកកស្ទះនៅលើផ្លូវជាតិលេខ៣ និងផ្លូវជាតិលេខ៤បានមួយកម្រិតបន្ថែមទៀត៕

អ្នកជំនាញ: ពេលនេះជាឱកាសល្អសម្រាប់ការវិនិយោគដីធ្លីសម្រាប់ ការអភិវឌ្ឍរយៈពេលវែង

ដោយ: សុផារី

ភ្នំពេញ: តម្រូវការប្រើប្រាស់ដីធ្លីនៅតែបន្តមានជាហូរហែ ខណៈតម្រូវការអភិវឌ្ឍន៍នៅបន្តមាន។ អ្នកជំនាញបង្ហាញទស្សនៈថា ពេលនេះជាពេលវេលាស័ក្តិសមសម្រាប់ការវិនិយោគដីធ្លី ដើម្បីត្រៀមរៀបចំសម្រាប់ការវិនិយោគ និងអភិវឌ្ឍនៅក្នុងរយៈពេលវែងនៅថ្ងៃក្រោយ។

លោក ង៉ែត ជូ អ្នកជំនាញខាងសេដ្ឋកិច្ចនិងវិនិយោគ បានលើកឡើងនៅថ្ងៃទី ២៥ ខែធ្នូនេះថា ពេលនេះជាឱកាសល្អ ក្នុងការវិនិយោគដីធ្លីសំរាប់បង្កើតជាចំណូល និងបំរើដល់ការរីកលូតលាស់នៃសេដ្ឋកិច្ច ក្នុងរយៈពេល១០ឆ្នាំខាងមុខ។

លោកសរសេរថា “តាមការប្រមើមើលរបស់អ្នកជំនាញឃើញថា លើសពី១០ឆ្នាំទៅមុខទៀត ការវិនិយោគលើដីធ្លី ដោយគ្រាន់តែទិញទុកលក់យកចំណេញ នឹងមិនសូវមានផលចំណេញខ្ពស់ទៀតទេ”។ លោកបានបន្តថា “ដោយហេតុថា ដូចប្រទេសអ្នកមានដទៃទៀតដែរ ទីផ្សារកាន់តែមានភាពចាស់ទុំ តម្លៃដីធ្លីនឹងកាន់តែថ្លៃខ្លាំង និងសេដ្ឋកិច្ចកាន់តែមានភាពរីកចម្រើន ដែលមានទំនោរទៅរកការប្រើប្រាស់ដីធ្លី ដើម្បីបម្រើដល់សកម្មភាពសេដ្ឋកិច្ចពិតប្រាកដ”។

អ្នកវិភាគសេដ្ឋកិច្ចរូបនេះ អះអាងថា ពេលនេះជាឱកាសវិនិយោគទាន់ស្ថានភាពសេដ្ឋកិច្ចមិនសូវល្អ តម្លៃដីធ្លីនៅមានថ្លៃទាប និងអាចប្រែក្លាយដីធ្លីទាំងនោះ ដើម្បីបង្កើតជាចំណូលអកម្ម តាមរយៈការជួល ឬអភិវឌ្ឍជាគម្រោងនានានាពេលអនាគត៕

Govt earmarks additional Rp 15 trillion for five priority-tourism destination developments

The government will disburse an additional budget of Rp 15 trillion (US$963 million) to develop five priority-tourism destinations in the next two years.

Tourism and Creative Economy Minister Sandiaga Uno said that with additional budget, the government aimed to complete development in tourism-destinations Lake Toba in North Sumatra, Borobudur in Central Java, Labuan Bajo in East Nusa Tenggara, Mandalika in West Nusa Tenggara and Likupang in North Sulawesi.

“With this additional fund, we expect that the development [at the five destinations] will be completed in the next two years,” Sandiaga said at a national coordination meeting in Toba, North Sumatra, on Wednesday.

The meeting was also attended by Coordinating Maritime and Investment Affairs Minister Luhut Panjaitan, Administrative and Bureaucratic Reform Minister Abdullah Azwar Anas and National Development Planning Minister Suharso Monoarfa.

The tourism development is part of the minister’s pledge to focus on reviving the pandemic-stricken tourism industry. Sandiaga has been developing the nation’s five “super-priority” tourist destinations – sometimes called the “five new Balis” – at the behest of President Joko “Jokowi” Widodo.

The Tourism Ministry has targeted 1.2-1.4 million domestic tourist visits in 2023 by planning more tourism events.

Minister Luhut predicted that tourism activities will increase as the Indonesian economy is expected to grow by more than 5 percent next year.

“[We] can suggest additional collective leaves before or after the national holidays or during hari kejepit,” he said, referring to days that fall between a weekend and a public holiday.

Source: The Jakarta Post

China’s FDI inflow up 9.9 pct in first 11 months

BEIJING — Foreign direct investment (FDI) into the Chinese mainland, in actual use, expanded 9.9 percent year on year to nearly 1.16 trillion yuan in the first 11 months of the year, the Ministry of Commerce said Friday.

In U.S. dollar terms, the inflow went up 12.2 percent year on year to 178.08 billion U.S. dollars.

The service industry saw FDI inflow increase by 0.9 percent year on year to 842.61 billion yuan, while that of high-tech industries jumped by 31.1 percent from a year earlier, data from the ministry showed.

Specifically, FDI in high-tech manufacturing surged 58.8 percent from the same period a year ago, while that in the high-tech service sector rose 23.5 percent year on year.

During the period, investment from the Republic of Korea, Germany, Britain and Japan climbed by 122.1 percent, 52.6 percent, 33.1 percent, and 26.6 percent, respectively.

FDI flowing into the country’s central region reported a year-on-year increase of 28.6 percent, followed by 24.6 percent in the western region and 7.7 percent in the eastern region.

Source: Xinhua

លំហូរ FDI ចូលប្រទេសចិនហក់ឡើងជិត១០ភាគរយ នៅក្នុងរយៈពេល១១ខែដំបូង

ដោយ: លាងហួរ

ប៉េកាំង: ក្រសួងពាណិជ្ជកម្មចិនបានឱ្យដឹង កាលពីថ្ងៃសុក្រ ទី២៣ ខែធ្នូ ថា លំហូរវិនិយោគផ្ទាល់ពីបរទេស (FDI) ចូលប្រទេសចិន បានកើនឡើង៩,៩ភាគរយដល់ជិត១,១៦ពាន់ពាន់លានយ័ន(ប្រហែល១៦៦,០៣ពាន់លានដុល្លារ) នៅក្នុងរយៈពេល១១ខែដំបូង នៃឆ្នាំ២០២២នេះ។

នៅក្នុងលក្ខខណ្ឌប្រាក់ដុល្លារអាមេរិក លំហូរចូលបានកើនឡើង១២,២ភាគរយ ពីមួយឆ្នាំទៅមួយឆ្នាំ រហូតដល់១៧៨,០៨ពាន់លានដុល្លារអាមេរិក។

ទិន្នន័យពីក្រសួងបានបង្ហាញថា លំហូរ FDI ចូលឧស្សាហកម្មសេវាកម្ម កើនឡើង០,៩ភាគរយ ពីមួយឆ្នាំទៅមួយឆ្នាំ រហូតដល់៨៤២,៦១ពាន់លានយ័ន(ប្រហែល១២០,៦១ពាន់លានដុល្លារ) ខណៈដែលលំហូរចូលឧស្សាហកម្មបច្ចេកវិទ្យាជាន់ខ្ពស់ បានកើនឡើង៣១,១ភាគរយធៀបនឹងឆ្នាំមុន។

ជាពិសេស លំហូរ FDI នៅក្នុងការផលិតបច្ចេកវិទ្យាជាន់ខ្ពស់ បានកើនឡើង៥៨,៨ភាគរយ ធៀបនឹងរយៈពេលដូចគ្នាកាលពីឆ្នាំមុន ខណៈវិស័យសេវាកម្មបច្ចេកវិទ្យាជាន់ខ្ពស់បានកើនឡើង២៣,៥ភាគរយ ពីមួយឆ្នាំទៅមួយឆ្នាំ។

នៅក្នុងអំឡុងពេលនោះ ការវិនិយោគពីសាធារណៈរដ្ឋកូរ៉េ អាល្លឺម៉ង់ អង់គ្លេស និងជប៉ុន បានកើនឡើង១២២,១ភាគរយ ៥២,៦ភាគរយ ៣៣,១ភាគរយ និង២៦,៦ភាគរយរៀងៗគ្នា។

លំហូរវិនិយោគផ្ទាល់ពីបរទេស ចូលតំបន់កណ្តាល របស់ប្រទេសចិនបានរាយការណ៍ថា មានការកើនឡើង២៨,៦ភាគរយពី តាមពីក្រោយដោយ២៤,៦ភាគរយ នៅតំបន់ភាគខាងលិច និង៧,៧ភាគរយ នៅតំបន់ភាគខាងកើត៕

1...1,1221,1231,124...3,260 Page 1,123 of 3,260