អ្នកជំនាញធំៗអះអាងថា ទីផ្សារអចលនទ្រព្យឆ្នាំនេះចាប់ផ្តើម មានសញ្ញាប្រសើរហើយ

ដោយៈ ជេស៊ីកា

ភ្នំពេញៈ អ្នកជំនាញអចលនទ្រព្យជើងចាស់ពីររូប បានលើកឡើងស្រដៀងគ្នាថា ទីផ្សារអចលនទ្រព្យនៅអំឡុងដើមឆ្នាំនេះ បាននិងកំពុងបង្ហាញសញ្ញាវិជ្ជមានច្រើន បើធៀបនឹងរយៈពេលដូចគ្នានឹងឆ្នាំ២០២២។

លោកឧកញ៉ាបណ្ឌិតគីម ហ៊ាងប្រធានKW Cambodiaបានមានប្រសាសន៍ឲ្យដឹងនាព្រឹកថ្ងៃទី២១ មិនាថា ទីផ្សារអចលនទ្រព្យនៅកម្ពុជាចាប់ផ្តើមមានសញ្ញាល្អប្រសើរ បើទោះបីជាអ្នកវិនិយោគចិន និងអ្នកវិនិយោគមកពីប្រទេសដទៃ មិនបានផ្តោតខ្លាំងលើវិស័យនេះក្តី ប៉ុន្តែនៅពេលពួកគេមកដល់ នឹងធ្វើឲ្យចរន្តលុយដើរហើយ។

លោកឧកញ៉ាបន្តថា “នៅពេលអ្នកវិនិយោគចូលមក ពួកគេត្រូវការសណ្ឋាគារ អាផាតម៉ិន ពួកគេត្រូវការការធ្វើដំណើរ ពួកគេត្រូវការអាហារ ហេតុនេះនឹងធ្វើឲ្យសកម្មភាព ក្នុងសេដ្ឋកិច្ចមានភាពរសរវើក”។លោកបន្តថា “កុំផ្តោតតែលើវិស័យអចលនទ្រព្យ យើងត្រូវមើលសេដ្ឋកិច្ចទាំងមូល នៅពេលអ្នកទេសចរណ៍ អ្នកធុរកិច្ចមកដល់ មានន័យថា ពួកគេបានយកលុយមកចាយនៅកម្ពុជាហើយ”។

លោកឧកញ៉ាបណ្ឌិតគីម ហ៊ាងបានបន្តថា ប្រសិនជាពួកគេមកដល់ ពួកគេទិញដីសាងសង់រោងចក្រ សហគ្រាសនានា ក៏បានផ្តល់ការងារ ប្រាក់ចំណូលដល់ប្រជាពលរដ្ឋ ហើយនៅពេលប្រជាពលរដ្ឋមានប្រាក់ចំណូល ពួកគេនឹងស្វែងរកលំនៅដ្ឋាន ដីឡូត៍បណ្តើរៗ ហេតុននេះទីផ្សារដីឡូត៍ នឹងដំណើរការឡើងវិញ ប៉ុន្តែអាស្រ័យលើម្ចាស់គំរោងចេះរៀបចំឬអត់។

ជាមួយគ្នានេះ លោកសន សៀបប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឲ្យដឹងផងដែរថា នៅឆ្នាំ២០២៣នេះ មានលំហូរភ្ញៀវទេសចរណ៍ និងអ្នកវិនិយោគចិនត្រលប់មកវិញ ដែលបានធ្វើឲ្យទីផ្សារចាប់ផ្តើម កំរើកឡើងវិញបណ្តើរៗ ធៀបនឹងឆ្នាំមុន។

លោកបន្តថា “ភ្ញៀវទេសចរណ៍ និងអ្នកវិនិយោគចិនបានទៅមើលគំរោងរបស់ពួកគេ នៅក្រុងព្រះសីហនុ ពួកគេចាប់ផ្តើមរកឱកាសវិនិយោគ ប៉ុន្តែសកម្មភាពជាដុំកំភួន ឬការវិនិយោគធំៗមិនទាន់បានចាប់ផ្តើមនៅឡើយទេ”៕

ក្រុមហ៊ុនអាមេរិកស្វែងរកឱកាសវិនិយោគនៅកម្ពុជា

ដោយៈ គង់ ម៉ាលីនណា

ភ្នំពេញៈ ក្រុមហ៊ុនអាមេរិក បានបង្ហាញចំណាប់អារម្មណ៍ចង់វិនិយោគនៅកម្ពុជា ខណៈប្រទេសនេះកំពុងមានកាលានុវត្តន៍ភាពច្រើន ដែលផ្តល់ឲ្យអ្នកធុរកិច្ចនានា នូវបរិយាកាសវិនិយោគកាន់តែប្រសើរ។

រដ្ឋលេខាធិការក្រសួងពាណិជ្ជកម្ម លោកបួន សារៈមុនី បានជួបពិភាក្សាការងារជាមួយគណៈប្រតិភូ វិនិយោគិនសហរដ្ឋអាមេរិក ដើម្បីស្វែងយល់ពីកាលានុវត្តភាពវិនិយោគនៅកម្ពុជា កាលពីល្ងាចថ្ងៃទី២១ មិនាកន្លងមកនេះ។

ប្រតិភូវិនិយោគិនសហរដ្ឋអាមេរិក ដឹកនាំដោយលោកហួត គីមឆា អគ្គកុងស៊ុលកិត្តិយសកម្ពុជា ប្រចាំទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិក។

លោកហួត គីមឆា ថ្លែងអំណរគុណយ៉ាងខ្លាំងចំពោះ លោករដ្ឋលេខាធិការ ដែលបានស្វាមគមន៍ និងទទួលជួបគណៈប្រតិភូរបស់លោកនាឱកាសនេះ ដើម្បីអោយគណៈប្រតិភូលោកបានស្វែងយល់បន្ថែមពីកាលានុវត្តភាពវិនិយោគនៅកម្ពុជា។

ជាមួយគ្នានេះ គណៈប្រតិភូសហរដ្ឋអាមេរិក ក៏បានសរសើរពីកិត្យានុភាពកម្ពុជា ពិសេសផលិតផលកសិកម្ម ដូចជា ផលិតផលអង្ករកម្ពុជា ដែលទទួលបានចំណាត់ថ្នាក់លេខ១ ក្នុងរយៈពេល៥ឆ្នាំជាប់គ្នា។

លោករដ្ឋលេខាធិការ ក៏បានថ្លែងអំណរគុណចំពោះគណៈប្រតិភូវិនិយោគិនសហរដ្ឋអាមេរិក និងបានសម្តែងនូវសុទិដ្ឋិនិយមចំពោះទំហំពាណិជ្ជកម្មរវាងកម្ពុជា និងសហរដ្ឋអាម៉េរិក ដែលមានការកើនឡើងគួរអោយកត់សម្គាល់ បើទោះជាមានវិបត្តិកូវីតយ៉ាងណាក៏ដោយ។

បន្ថែមពីនេះ លោករដ្ឋលេខាធិការ ក៏បានលើកទឹកចិត្តខ្ពស់ចំពោះក្រុមហ៊ុនសហរដ្ឋអាមេរិក ដែលមានបំណងមកបណ្តាក់ទុនវិនិយោគនៅកម្ពុជា ក៏ដូចជា ការសហការវិនិយោគជាមួយដៃគូ ក្នុងស្រុកផងដែរ ដើម្បីអភិវឌ្ឍន៍សេដ្ឋកិច្ចកម្ពុជា។

លោកសារៈមុនី ក៏បានជម្រាបជូនអំពីស្ថានភាព បរិយាកាសវិនិយោគដ៏ល្អរបស់កម្ពុជា ក៏ដូចជានីតិវិធីផ្សេងៗ ក្នុងការស្នើសុំបង្កើតក្រុមហ៊ុន រោងចក្រ ធនាគារ និងលើកទឹកចិត្តខ្ពស់ចំពោះការវិនិយោគលើវិស័យសុខាភិបាលនៅកម្ពុជា ដែលមានតម្រូវការខ្ពស់ និងទីផ្សារល្អ។

ទន្ទឹមនឹងនេះដែរ តំណាងក្រុមហ៊ុន Singpoli Group សហរដ្ឋអាម៉េរិកក៏បានធ្វើបទបង្ហាញជូន លោករដ្ឋលេខាធិការ អំពីប្រតិបត្តិការ, ផលិតផលរបស់ក្រុមហ៊ុន និងពានរង្វាន់ដែលក្រុមហ៊ុនទទួលបាន និងជាពិសេសនោះគឺ បានបង្ហាញពីការចាប់អារម្មណ៍ខ្ពស់ ក្នុងការចាប់យកឱកាសវិនិយោគនៅកម្ពុជាតែម្តង៕

DHL forecasts growth in international trade to stall

International trade growth is forecast to stagnate this year as countries have raised interest rates to combat surging inflation, leading to a worldwide economic slowdown, says global logistics company DHL.

According to the Global Connectedness Index 2022, the global trade volume in goods reached 10% above the pre-pandemic level in the middle of last year, despite advanced decoupling between the US and China.

“The decoupling between these two countries has not yet led to a broader fragmentation of global flows between rival blocs of countries,” the report noted.

John Pearson, chief executive of DHL, said the index data clearly debunks the perception of globalisation reversing as international flows have been resilient amidst headwinds, such as the pandemic and the Russia-Ukraine conflict.

A recent forecast by the International Monetary Fund indicated trade volumes would grow only 2.4% in 2023, down from a pre-war prediction of 4.9%. S&P Global projected real trade growth in goods at 0.6%, with positive trade growth during the second half of the year.

“The slower trade growth is largely caused by countries raising interest rates to combat a surge in inflation.

Other factors that weighed on trade growth include high energy costs and Covid-19 outbreaks in China, which led to some supply disruptions,” according to the report.

Source: Bangkok Post

ធនាគារហត្ថាជាប់ចំណាត់ថ្នាក់លេខ១១ជាសហគ្រាសបង់ពន្ធច្រើនជាងគេ និងទទួលបានលិខិតសរសើរពីសម្ដេចតេជោ

ភ្នំពេញ ៖ ធនាគារ ហត្ថា ម.កបានជាប់ចំណាត់ថ្នាក់លេខ១១ជាសហគ្រាសដែលបង់ពន្ធជូនរាជរដ្ឋាភិបាលច្រើនជាងគេក្នុងឆ្នាំ២០២២កន្លងទៅ ហើយក៏ទទួឡបានលិខិតសរសើរពីសម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាផងដែរ ។

យោងតាមសេចក្ដីប្រកាសព័ត៌មានរបស់ធនាគារហត្ថាបានឱ្យដឹងថា ធនាគារហត្ថាជាធនាគារដែលមានបណ្តាញសាខាប្រតិបត្តិការធំជាងគេលំដាប់ទី២ ក្នុងព្រះរាជាណាចក្រកម្ពុជា មានសេចក្តីសោមនស្សរីករាយក្រៃលែងដែលបានទទួលលិខិតថ្លែងអំណរគុណ និងកោតសរសើរពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងនាមជាសហគ្រាសដែលជាប់ចំណាត់ថ្នាក់លេខ ១១ ក្នុងចំណោមសហគ្រាសដែលបង់ពន្ធជូនរដ្ឋច្រើនជាងគេ និងទទួលបានអនុលោមភាពសារពើពន្ធប្រភេទមាស ក្នុងឆ្នាំ ២០២២។

នេះជាទីមោទនា របស់ធនាគារ ហត្ថា ដែលបានរួមចំណែកក្នុងការបំពេញកាតព្វកិច្ចបង់ពន្ធជូនរដ្ឋ និងជាកម្លាំងចលករមួយចំណែកក្នុងការចូលរួមអភិវឌ្ឍ និងលូតលាស់នៃសេដ្ឋកិច្ច និងសង្គមជាតិកម្ពុជា។

សូមរំលឹកថា ក្នុងឆ្នាំ ២០២២កន្លងទៅ អគ្គនាយកដ្ឋានពន្ធដាររកចំណូលបានប្រមាណជាង៣,៤ពាន់លានដុល្លារអាមេរិក ឬស្មើនឹងប្រមាណ១២១,៩៣ភាគរយនៃផែនការប្រចាំឆ្នាំ ២០២២ ។ ចំណូលនេះ បានមកពីការចូលរួមរបស់អ្នកជាប់ពន្ធនិងសហគ្រាសក្នុងស្រុកនានា រួមទាំងបណ្ដាគ្រឹះស្ថានធនាគារ មីក្រូហិរញ្ញវត្ថុ និងសហគ្រាសគ្រប់ធុន ជាក់ស្ដែងដូចជាធនាគារហត្ថា ម.កជាដើម ៕

ព្រះមហាក្សត្រនិងសម្តេចតេជោយាងនិងអញ្ជើញចូលរួមព្រះរាជាពិធីសុំព្រះអគ្គីអាទិទេពកីឡា

ដោយៈ សូរិយា

សៀមរាបៈ ព្រះរាជាពិធីសុំព្រះអគ្គីអាទិទេពកីឡា សម្រាប់ព្រឹត្តិការណ៍ស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ នៅកម្ពុជា បានបញ្ចប់ដោយជោគជ័យ ដែលប្រារព្ធធ្វើឡើងក្រោមព្រះរាជាធិបតីភាពដ៏ខ្ពង់ខ្ពស់បំផុតរបស់ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅប្រាសាទរអង្គរវត្ត ក៏ដូចជា ពិធីដង្ហែជុំវិញវង់តូចប្រសាទអង្គរវត្ត នៅព្រឹកថ្ងៃទី២១ ខែមីនា ឆ្នាំ២០២៣។

ក្រោយព្រះរាជពិធីខាងលើ ព្រះអគ្គីអាទិទេពកីឡា នឹងត្រូវរក្សាក្នុងចង្កៀងពិសេសមួយ នៅវត្តរាជបូណ៌ ខេត្តសៀមរាប ដើម្បីរង់ចាំពិធីដង្ហែទៅកាន់បណ្ដាប្រទេសតំបន់អាស៊ាន និងទីម័រខាងកើត ចាប់ពីថ្ងៃទី២២ ខែមីនា ដល់ថ្ងៃទី២៧ ខែមេសា ឆ្នាំ២០២៣ ខាងមុខ ដោយនឹងត្រូវចេញពីខេត្តសៀមរាប នាល្ងាចថ្ងៃទី២២ ខែមីនា ឆ្ពោះទីក្រុងហាណូយ ប្រទេសវៀតណាមមុនគេ ហើយដង្ហែឆ្លងកាត់ប្រទេសជាបន្ដបន្ទាប់ រហូតដល់ប្រទេសឡាវក្រោយគេ មុនត្រឡប់ចូលមកកម្ពុជាវិញ។

បន្ទាប់ពីព្រះអគ្គីអាទិទេពកីឡា ចូលដល់ទឹកដីកម្ពុជា តំណាង CAMSOC និងរដ្ឋបាលខេត្តស្ទឹងត្រែង នឹងត្រូវទទួលព្រះអគ្គីកីឡា ហើយដង្ហែ តាមរថយន្ដឆ្ពោះមកខេត្តស្ទឹងត្រែង ហើយសម្រាកនៅទីនោះមួយយប់ មុនបន្ដដំណើរមកកាន់រាជធានីភ្នំពេញ នៅថ្ងៃទី២៨ ខែមេសា។

ដូច្នេះរាល់ការឈប់សម្រាកនៅប្រទេស ឬរាធានី-ខេត្តនីមួយៗ ចង្កៀងព្រះអគ្គីអាទិទេពកីឡា នឹងត្រូវរក្សានៅស្ថានទូត ឬទីវត្តអារាម យ៉ាងត្រឹមត្រូវបំផុត ។

ក្រោយបញ្ចប់ពិធីដង្ហែព្រះអគ្គីកីឡា នៅបណ្ដាប្រទេសតំបន់អាស៊ាន និងទីម័រខាងកើត គឺជាពេលវេលារៀបចំពិធីដង្ហែព្រះអគ្គីកីឡា តាមបណ្ដាខេត្ត ជាប់បឹងទន្លេសាបវិញម្ដង ដោយចេញដំណើរពីរាជធានីភ្នំពេញ ឆ្ពោះទៅខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប កំពង់ធំ កំពង់ចាម ចាប់ពីថ្ងៃទី២៩ ខែមេសា រហូតដល់ល្ងាចថ្ងៃទី៥ ខែឧសភា ខ្ទង់វេលាម៉ោង៨,៣០នាទីយប់ ចំពេលប្រារព្ធពិធីបើកការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជាជាផ្លូវការ ។

កម្ពុជាមានមោទនភាព ក្នុងការធ្វើម្ចាស់ផ្ទះការប្រកួតកីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ ដែលជាឱកាសដ៏វិសេសវិសាលមួយក្នុងការផ្ដួចផ្ដើមព្រះរាជពិធី បួងសួងសុំព្រះអគ្គីអាទិទេពកីឡា ពីព្រះអាទិត្យ នៅប្រាសាទអង្គរវត្តដ៏ល្បីល្បាញ ពាសពេញពិភពលោក ក៏ដូចជារៀបចំពិធីដង្ហែនៅក្នុងប្រទេស និងទៅកាន់បណ្ដាប្រទេសនានា ក្នុងតំបន់អាស៊ាន និងទីម័រខាងកើត ។

ពិធីដង្ហែព្រះអគ្គីអាទិទេពកីឡានេះ មិនត្រឹមតែជាពិធីមួយ ដែលជានិមិត្តរូបតំណាងឲ្យការប្រកួតកីឡាស៊ីហ្គេម- អាស៊ានប៉ារ៉ាហ្គេម ឆ្នាំ២០២៣ នោះទេ ប៉ុន្ដែក៏ជាការបង្ហាញពីភាពរឹងមាំ មោះមុត ការរីកចម្រើន និងការអភិវឌ្ឍលើគ្រប់វិស័យក្នុងប្រទេសកម្ពុជា ក្រោមដំបូងសន្ដិភាព ។

លើសពីនេះ ព្រះអគ្គីកីឡា ដែលដង្ហែគ្រប់បណ្ដាប្រទេសក្នុងតំបន់ គឺជាការពង្រឹងសាមគ្គីភាព ចំណងមិត្តភាព ភាពចុះសម្រុងគ្នា និងសុខដុមរមនា តាមរយៈការប្រកួតកីឡា ដែលជាប្រជាជាតិអាស៊ានតែមួយ មានទស្សនៈតែមួយ អត្តសញ្ញាណតែមួយ សហគមន៍តែមួយ រស់នៅក្នុង “សហគមន៍សន្ដិភាព និងវាសនាតែមួយ”៕

Thai firm keen to invest in oil, gas in Cambodia-Thailand OCA

A Thai firm Onshore Logistics Services Co Ltd (OLS) has expressed its strong desire in investing in the development of oil and gas in the Overlapping Claims Area (OCA) between Cambodia and Thailand, according to a release by the Royal Embassy of Cambodia in Bangkok.

The oil and gas development investment project was disclosed during a meeting between Cambodian diplomatic officials led by Thuch Dalin, Chargé d’Affaires of The Embassy of Cambodia in Bangkok and OLS’s delegation led by its CEO Phakin Pataradittakul at the embassy on Friday last week, said the release.

“The chargé d’affaires expressed his appreciation on the project and asked the delegation to prepare and submit an application for investment to Cambodian authorities through the embassy in Thailand,” the release pointed out. However, the release did not provide any technical explanation of the project.

During the meeting, Pataradittakul presented the project to the Cambodia diplomatic officials, saying that OLS has developed a project to develop oil and gas in the form of a Multi-Client Seismic 3D Survey (MC3D) in OCA that covers a total area of approximately 26,000 kilometres between Cambodia and Thailand.

Even though the two countries recognise that the OCA holds a huge quantity of natural gas and resources for both countries, the negotiation of sharing benefits has not crossed their minds as the negotiation between the two governments has met with little success so far as it is characterised in both economies—resource development, politics and border.

Meng Saktheara, Secretary of State of the Ministry of Mines and Energy (MME), told Khmer Times recently that Cambodia has not received any feedback from its Thai counterpart regarding the resumption of the negotiation since the government sent a letter to Thailand’s former negotiation working group led by its Ministry of Foreign Affairs.

“They have not responded to us yet as they have not formed a new negotiation team… We are waiting for their response which we have not seen yet since we sent them a letter about a year ago after we formed a new working group. It is impossible to get results if both sides do not sit at the table for negotiation,” Saktheara said.

Kurujit Nakonthap, executive director of the Petroleum Institute of Thailand, has urged the government to work with Cambodia to relieve the impact of global gas price fluctuations in the long term after the cabinet had an informal discussion in January this year about joint development of petroleum resources, the value of which has been estimated at 5 trillion baht.

Source: Khmer Times

កម្ពុជានិងប្រទេស៣ផ្សេងទៀតឯកភាពគ្នាបង្កើតស្តង់ដារួមរបស់សំបុកត្រចៀកកាំសម្រាប់នាំចូលទីផ្សារចិន

ដោយ: គង់ លាងហួរ
ភ្នំពេញ: កម្ពុជា ចិន ម៉ាឡេស៊ី និងឥណ្ឌូណេស៊ី បានព្រមព្រៀងគ្នាបង្កើតស្តង់ដាររួមគ្នាសម្រាប់សំបុកត្រចៀកកាំសម្រាប់ទីផ្សារប្រទេសចិន ក្នុងគោលបំណងកសាងទំនុកចិត្តក្នុងចំណោមអតិថិជន និងជំរុញការនាំចេញ។

លោកស្រី វ៉ា សុជិន ប្រធានសមាគមអ្នកផលិត និងនាំចេញសំបុកសត្វត្រចៀកកាំកម្ពុជា បានមានប្រសាសន៍ថា “កិច្ចព្រមព្រៀងនេះត្រូវបានធ្វើឡើងនៅក្នុងកិច្ចប្រជុំនៅទីក្រុងប៉េកាំងកាលពីសប្តាហ៍មុនជាមួយតំណាងសមាគមសំបុកសត្វស្លាបមកពីប្រទេសម៉ាឡេស៊ី ឥណ្ឌូនេស៊ី កម្ពុជា និងប្រទេសចិន”។

ស្ថានអគ្គកុងស៊ុលកម្ពុជាប្រចាំទីក្រុង Chongqing និងសមាគមអ្នកផលិតចំណីអាហារកម្ពុជា បានដឹកនាំសមាជិក និងពាណិជ្ជករក្នុងឧស្សាហកម្មសំបុកសត្វស្លាបកម្ពុជា ជួបពិភាក្សាជាមួយក្រុមគយចិន និងប្រធានសមាគមសំបុកសត្វស្លាបចិន ម៉ាឡេស៊ី និងឥណ្ឌូនេស៊ី។

លោកស្រីបន្តថា “លទ្ធផលនៃកិច្ចពិភាក្សាគឺកម្ពុជា ចិន ម៉ាឡេស៊ី និងឥណ្ឌូណេស៊ីបានព្រមព្រៀងគ្នាក្នុងការបង្កើតស្តង់ដាររួមសម្រាប់សំបុកត្រចៀកកាំដើម្បីនាំមកកាន់ទីផ្សារចិន និងអាស៊ាន”។

សមាគមនេះបានអះអាងថា “ស្តង់ដារទូទៅត្រូវបានពិនិត្យសម្រាប់កម្រិតសំណើមផលិតផល ការកំណត់អត្តសញ្ញាណផលិតផល និងវិធីសាស្ត្រសម្លាប់មេរោគ ដោយកាលពីមុន ផលិតផលដែលមានអាជ្ញាប័ណ្ណនាំចូលត្រឹមត្រូវ មានការលំបាកក្នុងការប្រកួតប្រជែងជាមួយផលិតផលនាំចូលខុសច្បាប់”។

ប្រទេសចិនបានប្រកាសគាំទ្រដល់ផលិតផលសំបុកសត្វត្រចៀកកម្មកម្ពុជាក្នុងទីផ្សារនាំចូលរបស់ខ្លួន ដោយសារបរិស្ថាននៅកម្ពុជាល្អ និងធានាបាននូវផលិតផលគុណភាពខ្ពស់។

នៅក្នុងអំឡុងពេលស្នាក់នៅក្នុងប្រទេសចិន សមាគមកម្ពុជាក៏បានជួបពិភាក្សាជាមួយក្រុមហ៊ុនចែកចាយផលិតផលសំបុកត្រចៀកដ៏ធំបំផុតនៅក្នុងប្រទេសចិន និងបានចុះហត្ថលេខាលើ MOU ដើម្បីទិញ និងលក់សំបុកត្រចៀកកាំពីកម្ពុជាផងដែរ។

សមាគមនេះនឹងបន្តពិភាក្សាបន្ថែមស្តីអំពីវិធីពន្លឿនការអនុវត្តអាជ្ញាប័ណ្ណនាំចូលទៅកាន់ប្រទេសចិន និងខិតខំប្រឹងប្រែងលើកកម្ពស់ និងអភិវឌ្ឍវិស័យសំបុកត្រចៀកាំកម្ពុជា ដើម្បីបង្កើនកេរ្តិ៍ឈ្មោះផលិតផលរបស់កម្ពុជា៕

ក្រុមហ៊ុនថៃមួយបង្ហាញចំណាប់អារម្មណ៍ក្នុងការវិនិយោគលើប្រេង និងឧស្ម័ននៅតំបន់ទាមទារត្រួតគ្នាកម្ពុជា-ថៃ

ដោយ: គង់ លាងហួរ
បាងកក: ក្រុមហ៊ុនថៃ Onshore Logistics Services Co Ltd (OLS) បានបង្ហាញពីបំណងប្រាថ្នាដ៏មុតមាំរបស់ខ្លួនក្នុងការវិនិយោគលើការអភិវឌ្ឍប្រេង និងឧស្ម័ននៅក្នុងតំបន់ទាមទារត្រួតស៊ីគ្នា (OCA) រវាងកម្ពុជា និងថៃ។ នេះបើយោងតាមការចេញផ្សាយដោយស្ថានទូតកម្ពុជាប្រចាំទីក្រុងបាងកក។

គម្រោងវិនិយោគអភិវឌ្ឍន៍ប្រេង និងឧស្ម័នត្រូវបានលាតត្រដាងក្នុងជំនួបរវាងមន្ត្រីការទូតកម្ពុជាដឹកនាំដោយលោក ធុច ដាលីន និងគណៈប្រតិភូរបស់ក្រុមហ៊ុន OLS ដឹកនាំដោយនាយកប្រតិបត្តិលោក Phakin Pataradittakul កាលពីសប្តាហ៍មុន។

លោក ធុច ដាលីន បានសម្តែងនូវការពេញចិត្តចំពោះគម្រោងនេះ ហើយបានស្នើឱ្យគណៈប្រតិភូរៀបចំ និងដាក់សំណើសុំវិនិយោគដល់អាជ្ញាធរកម្ពុជា តាមរយៈស្ថានទូតកម្ពុជាប្រចាំនៅប្រទេសថៃ។ ទោះជាយ៉ាងណា ការចេញផ្សាយនេះមិនបានផ្តល់ការពន្យល់បច្ចេកទេសណាមួយនៃគម្រោងនេះទេ។

ក្នុងជំនួបនោះ លោក Pataradittakul បានបង្ហាញពីគម្រោងនេះ ដល់មន្ត្រីការទូតកម្ពុជា ដោយលោកបានមានប្រសាសន៍ថា ក្រុមហ៊ុន OLS បានបង្កើតគម្រោងអភិវឌ្ឍន៍ប្រេង និងឧស្ម័ន ក្នុងទម្រង់ Multi-Client Seismic 3D Survey (MC3D) នៅក្នុងតំបន់ OCA ដែលគ្របដណ្តប់លើផ្ទៃដីសរុបប្រមាណ២៦.០០០គីឡូម៉ែត្ររវាងកម្ពុជា និងថៃ។

ទោះបីជាប្រទេសទាំង២ទទួលស្គាល់ថា តំបន់ OCA មានបរិមាណឧស្ម័នធម្មជាតិ និងធនធានដ៏ច្រើនសម្រាប់ប្រទេសទាំង២ក៏ដោយ ប៉ុន្តែការចរចាចែកប្រយោជន៍មិនបានឆ្លងកាត់ការគិតរបស់ពួកគេទេ ខណៈការចរចាររវាងរដ្ឋាភិបាលទាំងពីរបានទទួលជោគជ័យតិចតួចរហូតមកដល់ពេលនេះ។

លោក ម៉េង សក្តិធារ៉ា រដ្ឋលេខាធិការក្រសួងរ៉ែ និងថាមពល (MME) បានអះអាងកាលពីពេលថ្មីៗនេះថា “កម្ពុជាមិនទាន់ទទួលបានការឆ្លើយតបណាមួយពីសមភាគីថៃ ទាក់ទងនឹងការបន្តការចរចានេះនៅឡើយទេ ចាប់តាំងពីរដ្ឋាភិបាលបានផ្ញើលិខិតមួយទៅអតីតក្រុមការងារចរចារបស់ប្រទេសថៃ”។

លោក Kurujit Nakonthap នាយកប្រតិបត្តិនៃវិទ្យាស្ថានប្រេងរបស់ប្រទេសថៃបានជំរុញឱ្យរដ្ឋាភិបាលថៃធ្វើការជាមួយកម្ពុជា ដើម្បីកាត់បន្ថយផលប៉ះពាល់នៃការប្រែប្រួលតម្លៃឧស្ម័នពិភពលោកក្នុងរយៈពេលវែង បន្ទាប់ពីគណៈរដ្ឋមន្ត្រីធ្លាប់បានពិភាក្សាក្រៅផ្លូវការកាលពីខែមករាអំពីការអភិវឌ្ឍរួមគ្នានៃធនធានប្រេង៕

វិនិយោគិនបីជាតិសាសន៍ ស្វែងយល់ពីសក្ដានុពលនិងឱកាសវិនិយោគនៅខេត្តសៀមរាប

ភ្នំពេញ ៖ វិនិយោគិនកម្ពុជាមួយក្រុម បានដឹកនាំវិនិយោគិនបរទេសដែលជាជនជាតិចិន និងជនជាតិជប៉ុនធ្វើដំណើរទស្សនកិច្ចនិងសិក្សាពីសក្ដានុពលវិនិយោគនៅក្នុងខេត្តសៀមរាប ស្របនឹងស្ថានភាពនៃវិបត្តិកូវីដ១៩ នៅលើពិភពលោកបាននិងកំពុងផុតរលត់បន្តិចម្ដងៗ ជាមួយនឹងការរំពឹងថាវិបត្តិនៃជំងឺរាតត្បាតនេះនឹងចប់ទាំងស្រុងនៅក្នុងឆ្នាំ ២០២៣នេះ ។

ដំណើរទស្សនកិច្ចនេះ ត្រូវបានរៀបចំធ្វើឡើងនៅថ្ងៃចុងសប្ដាហ៍កន្លងទៅនេះ ដែលដឹកនាំដោយក្រុមហ៊ុន អចលនទ្រព្យធំមួយមានប្រតិបត្តិការនៅក្នុងប្រទេសកម្ពុជា ។ ដំណើរទស្សនកិច្ចនេះបានឆ្លុះបញ្ជាំងពីទំនុកចិត្ត និងការវិលត្រលប់មកវិញនៃវិនិយោគិនបរទេស បន្ទាប់ពីកម្ពុជាអាចគ្រប់គ្រងស្ថានភាពជំងឺកូវីដ-១៩យ៉ាងល្អប្រសើរ ដោយបានស្វាគមន៍ភ្ញៀវទេសចរអន្តរជាតិ និងវិនិយោគិនបរទេសពីគ្រប់ទិសទី ។

លោកសំ សីហា ប្រធានសាខានៃក្រុមហ៊ុនCentury 21 Zillion Holding ប្រចាំខេត្តសៀមរាប បានមានប្រសាសន៍ថា ចាប់តាំងពីរាជរដ្ឋាភិបាលកម្ពុជាបានប្រទេសឡើងវិញ បើកឱ្យដំណើរការសេដ្ឋកិច្ចទូលំទូលាយឡើងវិញនោះឃើញថាមិនទាន់ជាមានគម្រោងធំៗណាចូលមកបណ្ដាក់ទុនវិនិយោគនៅក្នុងខេត្តសៀមរាបទេ ទោះបីជាសក្ដានុពលនៅក្នុងខេត្តសៀមរាបដូចជាផ្លូវចំនួន៣៨ខ្សែ ព្រលានយន្តហោះអន្តរជាតិអង្គរថ្មីនឹងបញ្ចប់នៅពេលឆាប់ៗនេះក្ដី ។

លោកបន្តថាយ៉ាងណាយើងរំពឹងថា វិនិយោគិនជាតិនិងអន្តរជាតិនឹងចាប់អារម្មណ៍លើការបណ្ដាក់ទុនវិនិយោគនៅក្នុងខេត្តសៀមរាប ពីព្រោះថាតាមគម្រោងរបស់រាជរដ្ឋាភិបាលមានគម្រោងធំៗជាច្រើននៅក្នុងខេត្តសៀមរាប ដូចជាផ្លូវល្បឿនល្បឿនភ្នំពេញ សៀមរាប ផ្លូវតភ្ជាប់ពីបាត់ដំបងមកកាន់ខេត្តសៀមរាបជាដើម ។

សៀមរាបជាប៉ូលសេដ្ឋកិច្ចដ៏សំខាន់មួយរបស់រាជរដ្ឋាភិបាល ហើយសៀមរាបក៏ជាតំបន់ដែលមានទាក់ទាញខ្លាំងលើការអភិវឌ្ឍដោយមានគម្រោងអភិវឌ្ឍន៍អចលនទ្រព្យជាច្រើនបានចូលទៅកាន់ខេត្តនេះ និងកំពុងអភិវឌ្ឍន៍គម្រោងរបស់ខ្លួនយ៉ាងមមាញឹកផងដែរ ។

ក្រុងសៀមរាបនៃខេត្តសៀមរាប ក៏ត្រូវបានដាក់ក្នុងផែនការ អភិវឌ្ឍន៍ជាទីក្រុងឆ្លាតវៃនៅពេលអនាគតផងដែរ ហើយក៏រំពឹងថាក្រោយពេលក្រុងសៀមរាប អភិវឌ្ឍន៍ទៅជាក្រុងឆ្លាតវៃនឹងកាន់តែទាក់ទាញដល់ការវិនិយោគលើវិស័យអចលនទ្រព្យបន្ថែមជាមួយគម្រោងរបស់រដ្ឋជាច្រើនក៏នឹងចាប់ផ្ដើមអភិវឌ្ឍន៍ជាបន្តបន្ទាប់ផងដែរ ៕

ដំណឹងល្អ! លោក ស៊ី ជីនពីង និងលោក ពូទីន ដាក់ចេញផែនការដើម្បីឈានទៅបញ្ចប់សង្គ្រាម រុស្ស៊ី អ៊ុយក្រែន

សុខុម

អន្តរជាតិ: លោក វ្ល៉ាឌីមៀ ពូទីន បញ្ជាក់ថា លោកនឹងពិភាក្សាអំពីផែនការសន្តិភាព១២ចំណុចរបស់លោក ស៊ី ជីនពីង ដើម្បី “ដោះស្រាយវិបត្តិដ៏ស្រួចស្រាល់នៅអ៊ុយក្រែន” អំឡុងដំណើរទស្សនកិច្ចរបស់ប្រធានាធិបតីចិន រូបនេះទៅកាន់ទីក្រុងមូស្គូ។

លោក ពូទីន លើកឡើងថា “យើងតែងតែបើកទ្វារចំហស្វាគមន៍ដំណើរការចរចា” ខណៈមេដឹកនាំកំពូលទាំង២បានហៅគ្នាទៅវិញទៅមកថា “មិត្តសម្លាញ់”។ នេះបើយោងតាមសារព័ត៌មាន BBC ចុះផ្សាយនៅថ្ងៃអង្គារ ទី២១ ខែមីនា នេះ។

ប្រទេសចិន បានបញ្ចេញផែនការបញ្ចប់សង្រ្គាមនៅអ៊ុយក្រែន កាលពីខែមុន ដែលផែនការនោះរួមបញ្ចូលទាំង “ការបញ្ឈប់យកគ្នាធ្វើជាសត្រូវ” និងការបន្តការចរចាសន្តិភាពផងដែរ។

ទោះជាយ៉ាងណា កាលពីថ្ងៃសុក្រ សប្ដាហ៍កន្លងទៅ សហរដ្ឋអាមេរិក បានព្រមានថា ផែនការសន្តិភាពដែលផ្ដួចផ្ដើមឡើងដោយមហាយក្សចិន ជា “យុទ្ធសាស្ត្រជាប់គាំង”។

រដ្ឋមន្ត្រីការបរទេសអាមេរិក លោក Antony Blinken ថ្លែងថា “ពិភពលោកមិនគួរចាញ់បោកឧបាយកលយុទ្ធសាស្ត្រណាមួយរបស់រុស្ស៊ី ដែលគាំទ្រដោយប្រទេសចិន ឬប្រទេសផ្សេងទៀតដើម្បីបញ្ឈប់សង្រ្គាមដោយលក្ខខណ្ឌផ្ទាល់ខ្លួននោះឡើយ”។

លោកបានបន្ថែមទៀតថា “ការអំពាវនាវឱ្យមានបទឈប់បាញ់ដែលមិនរាប់បញ្ចូលការដកកងកម្លាំងរុស្ស៊ី ចេញពីទឹកដីអ៊ុយក្រែន គឺស្មើនឹងជួយគាំទ្រដល់សំណើរបស់រុស្ស៊ី”។

ផែនការសន្តិភាព១២ចំណុចរបស់ប្រទេសចិន មិនបានបញ្ជាក់ថា រុស្ស៊ី ត្រូវតែដកទ័ពចេញពីទឹកដីអ៊ុយក្រែន នោះឡើយ ខណៈអ៊ុយក្រែន ទទូចថា មុននឹងឈានដល់ការចរចាណាមួយ រុស្ស៊ី ត្រូវតែដកទ័ពចេញពីទឹកដីរបស់ខ្លួនជាមុនសិន។

ផែនការរបស់ចិន គ្រាន់តែនិយាយអំពី “ការគោរពអធិបតេយ្យភាពរបស់ប្រទេសទាំងអស់” ហើយថា “ភាគីទាំងអស់ត្រូវមានហេតុផល និងរក្សាភាពអត់ធ្មត់” និង “សម្រាលស្ថានការណ៍បន្តិចម្តងៗ” តែប៉ុណ្ណោះ។

ផែនការរបស់ចិន នេះក៏បានថ្កោលទោសចំពោះការប្រើប្រាស់ “ទណ្ឌកម្មជាឯកតោភាគី” ផងដែរ ដែលគេមើលឃើញថាជាការរិះគន់ឥតលាក់លៀមចំពោះលោកខាងលិច ដែលជាសម្ព័ន្ធមិត្តរបស់អ៊ុយក្រែន៕ BBC៕

1...1,1231,1241,125...3,382 Page 1,124 of 3,382