ដោយៈ គង់ សូរិយា

       ភ្នំពេញៈ អ្នកជំនាញអចលនទ្រព្យកម្ពុជា បានមើលឃើញលើមូល    ដ្ឋានខុសៗគ្នា ទាក់ទងនឹងស្ថានភាពអចលនទ្រព្យ នាឆ្នាំ២០២៣ខាងមុខនេះ។

អគ្គនាយិកាក្រុមហ៊ុនPropNex Cambodia អ្នកស្រីអាន សុធីតាបានមានប្រសាសន៍ឲ្យដឹងតាមទូរស័ព្ទ នារសៀលថ្ងៃទី២០ ធ្នូកន្លងមកថា វាពិតជាពិបាកក្នុងការលើកឡើងពីបញ្ហានេះថា ស្ថានភាពវាមានសភាពដូច ម្តេច ព្រោះស្ថានភាពជំងឺកូវីដ១៩ នៅមានបញ្ហានៅប្រទេសមួយចំនួន និងបញ្ហាសង្រ្គាមរវាងរុស្ស៊ី និងអ៊ុយក្រែន មិនមានភាពច្បាស់លាស់ថា នឹងមានបញ្ហាអ្វីកើតឡើងឬបញ្ចប់។

អ្នកស្រីបន្តថា “យើងពិបាកក្នុងការព្យាករណ៍ ទាក់ទងនឹងបញ្ហានេះ វាមានសភាពមិនច្បាស់លាស់ទាំងអស់គ្នា ហេតុនេះវាឆាប់ពេក ក្នុងការនិយា​យពីស្ថានភាពទីផ្សារជាក់លាក់”។

យ៉ាងណាអ្នកស្រីអាន សុធីតានៅតែមើលឃើញថា វិស័យមួយចំនួននឹងមានកំណើនល្អប្រសើរ ដូចជា ការវិនិយោគផ្នែកសណ្ឋាគារ បុរី ការវិនិយោគដីធ្លីជាដើម។

ជាមួយគ្នានេះ លោកឧកញ៉ា ឃាង ពុទ្ឋីប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា បានបដិសេធមិនអត្ថាធិប្បាយ ដោយគ្រាន់តែលើកឡើងស្ថានភាព ស្ថិតក្នុងសភាពផុយស្រួយ និងមិនទាន់ច្បាស់លាស់ផងដែរ។

នៅពេលលើកឡើងថា ស្ថានភាពនឹងដាច់បានឬយ៉ាងណា លោកឃាង ពុទ្ឋីបានដាក់ស្ទីកគ័រសើច។

លើសពីនេះប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានមានប្រសាសន៍ថា ទីផ្សារពិតជាមានសភាពលំបាកនៅចុងឆ្នាំនេះ និងអាចអូសបន្លាយដល់ដើមឆ្នាំ២០២៣ ប៉ុន្តែអ្វីៗនឹងមានសភាពប្រសើរឡើង សម្រាប់អនាគតឆាប់ៗខាងមុខ ព្រោះការលំបាកនេះ នឹងមានក្នុងរយៈពេលខ្លីប៉ុណ្ណោះ។

លោកបានលើកទឹកចិត្តអ្នកមានលុយ គួរវិនិយោគលើដីធ្លី បើទោះមានផលចំណេញទាប ប៉ុន្តែស្ថានភាពនឹងប្រសើរ និងផ្តល់ផលចំណេញខ្ពស់សម្រាប់រយៈពេលមធ្យមខាងមុខ។

ជាមួយគ្នានេះ លោកឧកញ៉ាបណ្ឌិតគីម ហ៊ាងប្រធានKW Cambodiaបានមានប្រសាសន៍ថា ស្ថានភាពអចលនទ្រព្យឆ្នាំ២០២៣​នឹងមានសភាពល្អប្រសើរឡើងវិញ ប៉ុន្តែទាមទារឲ្យអ្នកវិនិយោគសិក្សាពីទីផ្សារឲ្យបានច្បាស់លាស់ និងប្រុងប្រយ័ត្នជាងមុន។

លោកឧកញ៉ាបានបន្តថា “ក្នុងស្ថានភាពបច្ចុប្ប​ន្ន មានតែអ្នកខ្លាំងទេ ទើបអាចរស់ និងឈរជើងលើទីផ្សារបាន”៕

TAIPEI : Taiwan wants progress to be accelerated on a long-stalled bilateral investment agreement with the European Union, the island’s President Tsai Ing-wen said on Tuesday.
The EU included Taiwan on its list of trade partners for a potential bilateral investment agreement in 2015, the year before Tsai became Taiwan’s president, but it has not held talks with Taiwan on the issue since.
While they are Taiwan’s largest source of foreign investment, the EU and its member states do not have formal diplomatic ties with the democratically ruled island due to objections from China, which considers Taiwan one of its provinces.

Meeting a delegation from the European Parliament’s Committee on International Trade, Tsai said Taiwan and the EU should build a “resilient democratic alliance”.
“Taiwan seeks to enhance bilateral economic and trade exchanges, strengthen supply chain security and accelerate progress on the Taiwan-EU bilateral investment agreement, which would instil confidence in businesses on both sides to expand investments,” she told the group, in comments carried live by the presidential office.
“The EU recognises that our partnership in trade and investment with Taiwan is a strategic relationship with geopolitical implications,” Asimakopoulou said.
“My colleagues and I in the European Parliament have called on the (European) Commission to launch without delay an impact assessment, a public consultation and a scoping exercise for the bilateral investment agreement between the EU and Taiwan,” she added.
TSMC, the world’s largest contract chipmaker and Asia’s most valuable listed company, flagged last year that it was in the early stages of reviewing a potential expansion into EU member Germany but there appears to have been no substantive progress since then.
Source: Reuters

ដោយ៖ សុផារី

សៀមរាប៖  ទោះបីទីផ្សារអចលនទ្រព្យទទួលរងព្យុះពីវិបត្តិជាបន្តបន្ទាប់នៅក្នុងរយៈពេល៣ឆ្នាំចុងក្រោយ ក្តី តែទីផ្សារនៅក្នុងខេត្តសៀមរាបនៅបន្តឈរជើងបាន និងរក្សាស្ថានភាពលក់ដូរបានល្អប្រសើរច្រើន។ អ្នកជំនាញមូលដ្ឋានបានបង្ហាញសុទិដ្ឋនិយមចំពោះឆ្នាំ២០២៣ ដែលជារបត់ថ្មីមួយ ក្នុងការឈានជើងទៅកាន់ចំណុចកំពូលនៃទីផ្សារអចលនទ្រព្យឡើងវិញ។

លោក ស៊ា សុផល ទីប្រឹក្សាអចលនទ្រព្យជាន់ខ្ពស់ប្រចាំក្រុមហ៊ុន KW ប្រចាំខេត្តសៀមរាប បានមានប្រសាសន៍ប្រាប់ តាមប្រព័ន្ធទូរស័ព្ទនៅថ្ងៃទី២០ ខែធ្នូ ឆ្នាំ២០២២នេះថា នៅក្នុងឆ្នាំ២០២៣ សម្រាប់អចលនទ្រព្យក្នុងខេត្តសៀមរាបគឺជាឆ្នាំដ៏ល្អប្រសើរបំផុត ដោយហេតុផលថាសៀមរាបបានឆ្លងកាត់ដំណាក់កាលដ៏លំបាកបំផុតរួចមកហើយ ក្នុងរយៈពេលប៉ុន្មានឆ្នាំចុងក្រោយនេះ។

លោកមានប្រសាសន៍ថា ប្រសិនបើទីផ្សារណាមួយអាចបន្តដំណើរឆ្លងកាត់ឆ្នាំ២០២២ បាននោះឆ្នាំ២០២៣ ជាឆ្នាំដែលមានភាពងាយស្រួលហើយ។ លោកថា “ប្រសិនបើអាចបន្តដំណើរការបាន ក្នុងឆ្នាំ២០២២បាន នោះឆ្នាំ២០២៣ អចលនទ្រព្យក៏មិនមានការសង្ស័យទៀតដែរ”។

លោកគូសបញ្ជាក់ថា ឆ្នាំ២០២៣ សកម្មភាពអាជីវកម្មនឹងត្រលប់មកមានសកម្មភាពជាធម្មតាវិញ។ លោកថា “ឆ្នាំ២០២៣ គឺជាឆ្នាំដ៏ល្អមួយ សម្រាប់ការចាប់ផ្តើមដំណើរការលើគ្រប់វិស័យទាំងអស់ នៅក្នុងខេត្តសៀមរាប ជាពិសេសគឺអចលនទ្រព្យតែម្តង”។

យោងតាមអ្នកជំនាញមូលដ្ឋានរូបនេះ ខេត្តទេសចរណ៍មួយនេះក៏គ្រោងរៀបចំព្រឹត្តិការណ៍ទេសចរណ៍ និងវប្បធម៌ធំៗ ជាច្រើន ដូចជា ព្រឹត្តិការណ៍អង្គរសង្ក្រាន្តឆ្នាំ២០២៣ដ៏អស្ចារ្យ បន្ទាប់ពីបានខកខានច្រើនឆ្នាំ។ បន្ថែមលើសនេះ ប្រព័ន្ធហេដ្ឋារចនាសម្ព័ន្ធរូបវន្តជាច្រើនត្រូវបានរៀបចំរួចរាល់ជាស្រេចសម្រាប់ការទាក់ទាញភ្ញៀវទេសចរ និងវិនិយោគមកកាន់ខេត្តសៀមរាបឡើងវិញ។ រាល់ព្រឹត្តិការណ៍ទាំងនេះ និងគម្រោងអភិវឌ្ឍន៍ទាំងអស់នេះ នឹងជំរុញឱ្យសកម្មភាពអាជីវកម្មអចលនទ្រព្យផ្នែកសណ្ឋាគារ អូតែល ដំណើរការល្អប្រសើរឡើងវិញច្រើន។

លោកបន្តថា “សៀមរាបបានតែងខ្លួន និងត្រៀមខ្លួនរួចរាល់អស់ហើយ នៅរង់ចាំតែចេញដំណើរទៅមុខទេ មិនយឺតដូចមុនទៀតទេ។ ឆ្នាំ២០២៣ ជាឆ្នាំចុងក្រោយបំផុត ហើយក៏ជាឆ្នាំចាប់ផ្តើមចេញដំណើរឡើងវិញដែរ”៕

ដោយ៖ វឌ្ឍនៈ

ភ្នំពេញ ៖ ប្រៀបធៀបទៅនឹងឆ្នាំ២០២០ និងឆ្នាំ២០២១កន្លងទៅ ឆ្នាំ២០២២នេះជាឆ្នាំមួយ ដែលចាត់ទុកថាប្រសើរសម្រាប់សេដ្ឋកិច្ច និងអចលនទ្រព្យរបស់កម្ពុជា។ នៅឆ្នាំ២០២៣ខាងមុខនេះបណ្ដាខេត្តតាមព្រំដែនកម្ពុជាក៏រំពឹងថា នឹងមានកាន់តែភាពល្អប្រសើរ។

លោក ថា ថេង ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តស្វាយរៀង ដែលជាខេត្តជាប់ព្រំដែនកម្ពុជាវៀតណាម បានមានប្រសាសន៍ថា តំបន់ជាប់ព្រំដែនកម្ពុជាវៀតណាម នៅក្នុងខេត្តស្វាយរៀង នារយៈពេលចុងឆ្នាំនេះ ហាក់មានសញ្ញានៃការងើបឡើងវិញច្រើន។ ជាពិសេស ក្រោយមានកិច្ចប្រជុំកំពូលអាស៊ានរួចមកហើយ ឃើញមានគម្រោងអភិវឌ្ឍន៍មួយចំនួន ដែលរដ្ឋាភិបាលបានចុះហត្ថលេខាជាមួយដៃគូវិនិយោគ ដែលធ្វើឱ្យវិនិយោគិនក្នុងស្រុក បានបង្ហាញពីការចាប់អារម្មណ៍លើការវិនិយោគ ជាពិសេសដីធ្លី។

លោកបន្តថា មួយរយៈចុងក្រោយនេះ ឃើញម្ចាស់គម្រោង ដែលបានត្រៀមខ្លួនក្នុងការវិនិយោគនៅក្នុងខេត្តស្វាយរៀង បានចុះមកមើលទីតាំងវិនិយោគរបស់ខ្លួន និងសិក្សាពីផែនការរបស់ខ្លួន ដើម្បីត្រៀមនឹងចាប់ផ្ដើមនៅឆ្នាំ២០២៣ខាងមុខនេះ។ អ្វីដែលពិសេសគម្រោងផ្លូវល្បឿនលឿនភ្នំពេញ ក្រុងបាវិតក៏បានចុះហត្ថលេខារួចរាល់ ដែលជាសញ្ញាកាន់តែប្រសើរ សម្រាប់ការនាំយកវិនិយោគិន មកកាន់ទឹកដី នៃតំបន់ព្រំដែនកម្ពុជាវៀតណាម។

លោកបញ្ជាក់ថា តាមរយៈសកម្មភាពទាំងនេះ បានបញ្ជាក់ពីសញ្ញាកាន់តែវិជ្ជមាន សម្រាប់តំបន់ព្រំដែនកម្ពុជា ហើយក៏ជាឱកាស សម្រាប់វិនិយោគិន ក្នុងការចាប់យក ដើម្បីរកប្រាក់ចំណេញ នៅពេលអនាគតដ៏ខ្លីខាងមុខនេះ។

លោក ហេង តុងហៃ ប្រធានសាខានៃ Century 21 ប្រចាំខេត្តប៉ៃលិនក៏បានឱ្យដឹងថា សកម្មភាពទិញលក់ដីធ្ល នៅក្នុងខេត្តប៉ៃលិន។ ជាពិសេស នៅច្រកព្រំដែនកម្ពុជាថៃ ក្នុងរយៈពេលចុងឆ្នាំ បានបង្ហាញសញ្ញាល្អច្រើន និងជាសញ្ញា ដែលនឹងបង្ហាញពីការវិលទៅរកស្ថានភាពដូចមុនកូវីដ១៩បណ្ដើរៗ។ អ្វីដែលពិសេសតម្លៃដីធ្លី នៅតាមតំបន់ជាប់ព្រំដែនកម្ពុជា-ថៃ ទោះបីក្នុងវិបត្តិកូវីដ១៩ក្ដីតែនៅរក្សាតម្លៃបានល្អ ដដែល គ្រាន់តែការទិញលក់មានសកម្មភាពថមថយ។

លោកបន្តថា បច្ចុប្បន្នឃើញមានការទិញលក់ក៏មានភាពប្រសើរបន្តិចតែមិនទាន់មានច្រើនទេ។ យ៉ាងណាក្ដី តាមរយៈសកម្មភាពនេះ ក៏អាចនឹងជំរុញឱ្យសកម្មភាពឆ្នាំក្រោយបានប្រសើរឡើងវិញដែរ។

អ្នកជំនាញនៃវិស័យអចលនទ្រព្យ ប្រចាំប្រទេសកម្ពុជាមួយចំនួន ក៏បានបង្ហាញផងដែរ ពីសុទិដ្ឋិនិយមខ្ពស់ចំពោះស្ថានភាពអចលនទ្រព្យនៅក្នុងប្រទេសកម្ពុជា នៅឆ្នាំ២០២៣ ដោយលើកឡើងពីសក្ដានុពលមួយចំនួន ក្នុងនោះផ្នែកមួយចំនួននៃវិស័យអចលនទ្រព្យរំពឹងថា នឹងមានសន្ទុះជាងមុនកូវីដទៅទៀត៕

ដោយ៖ វឌ្ឍនៈ

ភ្នំពេញ ៖ តំបន់ផ្លូវ៥១កំពុងទទួលបានចាប់អារម្មណ៍លើការបណ្ដាក់ទុនវិនិយោគពីសំណាក់វិនិយោគិនក្នុង និងក្រៅប្រទេស ជាពិសេសការវិនិយោគលើរោងចក្រឧស្សាហកម្មនៅតាមបណ្ដោយផ្លូវនេះ។ជាក់ស្ដែង រោងចក្រផលិតកេសកាតុង តម្លៃប្រមាណ៥,៤លានដុល្លារ ត្រូវបានក្រុមប្រឹក្សាអភិវឌ្ឍន៍កម្ពុជាអនុម័តឱ្យវិនិយោគជាផ្លូវការ នៅតាមបណ្ដោយផ្លូវជាតិលេខ៥១ ក្នុងស្រុកអង្គស្នួល ខេត្តកណ្ដាល។

យោងតាមសេចក្ដីប្រកាសព័ត៌មាន របស់ក្រុមប្រក្សាអភិវឌ្ឍន៍កម្ពុជា នៅព្រឹកថ្ងៃទី២០ ខែធ្នូ ឆ្នាំ២០២២នេះ ឱ្យដឹងថា រោងចក្រផលិតកេសកាតុងនេះវិនិយោគ ដោយក្រុមហ៊ុន DAY SEN PACKAGE CO., LTD នឹងបង្កើតការងារបានប្រមាណ៧៨០នាក់។

អ្នកអភិវឌ្ឍន៍អចលនទ្រព្យ នៅតាមបណ្ដោយផ្លូវជាតិលេខ៥១ បានមើលឃើញថា មួយរយៈចុងក្រោយនេះ មានក្រុមហ៊ុនវិនិយោគតូចធំបានដាក់ទីតាំងវិនិយោគរបស់ខ្លួន នៅលើផ្លូវ៥១ ដែលធ្វើឱ្យតំបន់នៅតាមបណ្ដោយផ្លូវនេះកាន់ តែមានភាពទាក់ទាញ។

លោក ផូន សុអុនដែន ប្រធានផ្នែកទីផ្សារនៃក្រុមហ៊ុន KH Land បានលើកឡើងថា “ក្នុងឆ្នាំ២០២២ យើងឃើញមានក្រុមហ៊ុនវិនិយោគិនធំៗ ដែលមានដីនៅតាមបណ្ដោយផ្លូវជាតិលេខ៥១ បានចាប់ផ្ដើមបញ្ចេញសកម្មភាព នៃការវិនិយោគលើរោងចក្រឧស្សាហកម្ម ដែលសកម្មភាពទាំងនេះបង្ហាញថាតំបន់ផ្លូវលេខ៥១ មានភាពទាក់ទាញខ្លាំងលើរោងចក្រឧស្សាហកម្ម”។

លោកបន្តថា “ទន្ទឹមនឹងមានការវិនិយោគលើរោងចក្រឧស្សាហកម្មនេះដែរ ក៏មានក្រុមហ៊ុនអភិវឌ្ឍន៍លំនៅឋានមួយចំនួនចូល ទៅកាន់តំបន់នោះអភិវឌ្ឍន៍ ផ្គត់ផ្គង់បំពេញតម្រូវការបច្ចុប្បន្ន និងនៅពេលអនាគត ហើយលោកជឿជាក់ថា នៅពេលឆាប់ៗនេះតំបន់ផ្លូវ៥១នឹងដូចផ្លូវកប់ស្រូវ នាពេលបច្ចុប្បន្ននេះអញ្ចឹងដែរ”។

លោក សន សៀប នាយកក្រុមហ៊ុន ឃី រៀលអ៊ីស្ទេត បានមានប្រសាសន៍ថា បើគេនិយាយពីការវិនិយោគរោងចក្រឧស្សាហកម្ម មួយចំនួនផ្ដោតលើតំបន់ប៉ែកខាងលិចរាជធានីភ្នំពេញ ដូចជា នៅតាមបណ្ដោយផ្លូវ៤២ ផ្លូវ៤១ និងផ្លូវ៥១ជាដើម ពីព្រោះតំបន់នេះជាតំបន់ ដែលងាយស្រួលក្នុងការដឹកជញ្ជូនទំនិញចេញ និងចូលទីតាំងផលិត៕

ដោយ៖ សុផារី

កំពង់ចាម៖ គម្រោងលើកកម្ពស់គុណភាពផ្លូវជាតិលេខ៧ ពីស្គន់ដល់ក្រុងកំពង់ចាម ដែលគ្រោងប្រើថវិកាជិត១១៥លានដុល្លារក្រោមកម្ចីរបស់ចិន នឹងបើកការដ្ឋានសាងសង់នៅថ្ងៃទី០៩ ខែមករា ឆ្នាំ២០២៣ខាងមុខនេះ ដោយមានការចូលរួមបើកការដ្ឋានក្រោមអធិបតីភាពសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

នេះបើយោងតាមការបញ្ជាក់របស់លោក ស៊ុន ចាន់ថុល​ ទេសរដ្ឋមន្ត្រី រដ្ឋមន្រ្តីក្រសួងសាធារណការ​ និង​ដឹក​ជញ្ជូន​ នៅក្នុងពិធី​សម្ពោធ​មណ្ឌល​ត្រួតពិនិត្យ​លក្ខណៈ​បច្ចេកទេសយានយន្តផ្សារដីហុយ នៅថ្ងៃទី២០ ខែធ្នូនេះ។

លោកបាន​បញ្ជាក់ថា​ ពេលវេលាពិតប្រាកដ នៃការ​បើក​ការដ្ឋាន​សាងសង់​ និង​ពង្រីក​ផ្លូវ​ជាតិ​​លេខ៧ ពី​ស្គន់​ទៅ​ក្រុង​កំពង់ចាម នឹង​ចាប់ផ្តើមធ្វើឡើង​នៅ​ថ្ងៃ០៩ ខែ​មករា ​ឆ្នាំ២០២៣ខាង​មុខ​នេះ។

ផ្លូវជាតិលេខ៧ ពីស្គន់ដល់ក្រុងកំពង់ចាម ដែល​មានប្រវែងជាង៤៥គីឡូម៉ែត្រ ត្រូវ​ពង្រីក​ជា​ផ្លូវ​៤​គន្លង គឺពីរ​គន្លង​ទៅ​ពីរ​គន្លងមក។ ផ្លូវនេះ​​ប្រើប្រាស់​ថវិកា​ជិត១១៥លាន​ដុល្លារ​ គ្រោង​ចំណាយពេលសាងសង់ប្រមាណ៣៦ខែ និងអនុវត្តការងារ​សាងសង់ដោយក្រុមហ៊ុនសាជីវកម្ម​ស្ពាននិងថ្នល់​ចិន​ (CRBC)​៕

ដោយ: លាងហួរ

បាងកក: លោក Chamroen Phothiyod អគ្គនាយកដ្ឋានរតនាគារបានមានប្រសាសន៍ថា តម្លៃដីនៅតំបន់ Huai Khwang កណ្តាលទីក្រុងបាងកក បានកើនឡើងខ្ពស់បំផុតបើយោងតាមការវាយតម្លៃថ្មីមួយ។

តម្លៃដី ដែលបានវាយតម្លៃថ្មីទូទាំងប្រទេស នឹងត្រូវប្រើប្រាស់ចាប់ពីថ្ងៃទី០១ខែមករា ឆ្នាំ២០២៣ រហូតដល់ថ្ងៃទី៣១ ខែធ្នូ ឆ្នាំ២០២៦។

តម្លៃដីនៅទូទាំងប្រទេសថៃ កើនឡើង៨,៩៣ភាគរយ ធៀបនឹងតម្លៃដែលបានប្រើប្រាស់ ក្នុងអំឡុងឆ្នាំ២០១៦ ដល់ឆ្នាំ២០១៩។

លោក Chamroen បានមានប្រសាសន៍ថា នៅក្នុងទីក្រុងបាងកក តម្លៃដីនៅតំបន់Huai Khwang បានកើនឡើង២១,៥ភាគរយ ធៀបនឹងតម្លៃពីមុន ខណៈតម្លៃដីនៅលើផ្លូវ Wireless ពី Phloenchit ទៅ Khlong Saen Saep កើនឡើងទ្វេរដងដល់១លានបាត (ប្រហែល២៨.៥៨៧ដុល្លារអាមេរិក)ក្នុង៤ម៉ែត្រការ៉េ។

ដីឡូតិ៍ ដែលមានតម្លៃ១លានបាតក្នុង៤ម៉ែត្រការ៉េ នៅទីក្រុងបាងកក រួមមានដីនៅផ្លូវ Silom និងតំបន់ចាប់ពីផ្លូវ Rama IV ទៅ Narathiwat Rajanagarindra Road ដែលនៅតែមិនផ្លាស់ប្តូរ ពីការវាយតម្លៃកាលពីលើកមុន។

ដីឡូតិ៍នៅផ្លូវ Phloenchit ចាប់ពីផ្លូវ Ratchadamri ទៅ Chalerm Maha Nakhon Expressway បានកើនឡើង១១,១ភាគរយដល់១លានបាតក្នុង៤ម៉ែត្រការ៉េ។

តម្លៃដីនៅផ្លូវ Rama I ពីផ្លូវ Ratchadamri ទៅផ្លូវ Phaythai ក៏កើនឡើង១១,១ភាគរយដល់១លានបាតពី៩០០.០០០បាត ខណៈតម្លៃដីនៅលើផ្លូវ Wireless ពីផ្លូវ Rama IV ទៅ Phloenchit Road បានកើនឡើង៣៣,៣ភាគរយដល់១លានបាត កើនឡើងពី៧៥០.០០០បាត។

នៅក្នុងអំឡុងពេលនៃជំងឺរាតត្បាតនេះ នាយកដ្ឋានរតនាគារមិនបានធ្វើការវាយតម្លៃដីថ្មី ដែលត្រូវចាប់ផ្តើមពីឆ្នាំ២០២០នោះទេ  ដោយប្រើប្រាស់តម្លៃដីចាប់ពីឆ្នាំ២០១៦-១៩ ដើម្បីសម្រាលបន្ទុករបស់ម្ចាស់ដី ដែលត្រូវបង់ពន្ធពាក់ព័ន្ធដោយផ្អែកលើតម្លៃដី។

លោកបានមានប្រសាសន៍បន្ថែមថា ចំនួនដីឡូត៍នៅទូទាំងប្រទេសបានកើនឡើងដល់៣៣,៤លានឡូតិ៍ ពីចំនួន៣១លានឡូតិ៍កាលពីមុននេះ ដោយសារម្ចាស់ដី បានបែងចែកដីរបស់ពួកគេទៅជាឡូត៍ជាច្រើន៕

ដោយ: លាងហួរ

ភ្នំពេញ: វិស័យកាត់ដេរនៅកម្ពុជាត្រូវបានជំរុញ ខណៈក្រុមហ៊ុនកាត់ដេរធំៗរបស់ជប៉ុនមួយ ចំនួនកំពុងផ្លាស់ប្តូរទីតាំងផលិតកម្ម និងលទ្ធកម្មពីប្រទេសចិនមកកម្ពុជា និងវៀតណាម ដោយសារការកើនឡើងថ្លៃដើម និងគោលនយោបាយសូន្យកូវីដរបស់រដ្ឋាភិបាលចិន។

ដំណឹងនេះ ត្រូវបានបង្ហាញកាលពីពេលថ្មីៗនេះ ដោយលោក ជា វុទ្ធី អគ្គលេខាធិការរងនៃក្រុមប្រឹក្សាអភិវឌ្ឍន៍កម្ពុជា (CDC) ខណៈពេលលោកចូលរួមព្រឹត្តិការណ៍មួយ ដើម្បីសម្ពោធផលិតផលកាត់ដេរ ស្បែកជើង និងការធ្វើដំណើរ (GFT) ‘Sector Brief’ នៅក្នុងរាជធានីភ្នំពេញ។

ក្រុមហ៊ុនសម្លៀកបំពាក់ធំៗដូចជា ក្រុមហ៊ុនAdastria ក្រុមហ៊ុនAoyama Trading និងក្រុមហ៊ុនផ្គត់ផ្គង់Uniqlo នឹងផ្លាស់ប្តូរមូលដ្ឋានផលិតកម្មរបស់ពួកគេមួយចំនួន ពីប្រទេសចិនទៅកាន់បណ្តាប្រទេសជាសមាជិក ដូចជា កម្ពុជា និងវៀតណាម ដើម្បីទាញយកអត្ថប្រយោជន៍ពីការលើកលែងពន្ធនាំចូលវាយនភណ្ឌ។

លោក ជា វុទ្ធី បានមានប្រសាសន៍ថា “ការកើនឡើងថ្លៃពលកម្ម និងគោលនយោបាយសូន្យកូវីដរបស់រដ្ឋាភិបាលចិន បានបង្ខំឱ្យក្រុមហ៊ុនផលិតរបស់ជប៉ុនផ្លាស់ប្តូរផលិតកម្ម មកកាន់ប្រទេសអាស៊ីអាគ្នេយ៍ ដូចជា កម្ពុជា និងវៀតណាម”។

យោងតាមអង្គការពាណិជ្ជកម្ម ខាងក្រៅរបស់ប្រទេសជប៉ុនបានឱ្យដឹងថា ប្រាក់ខែជាមធ្យមប្រចាំខែរបស់កម្មកររោងចក្រ នៅទីក្រុងក្វាងចូវនៃប្រទេសចិន ថ្មីៗនេះបានកើនឡើងដល់ប្រហែល៦៧០ដុល្លារ ពោលគឺកើនស្ទើរតែទ្វេដង នៃប្រាក់ខែកម្មករជាមធ្យមនៅក្នុងប្រទេសកម្ពុជា។

ចំណែកកត្តាផ្សេងទៀត ដូចជា ការធ្លាក់ថ្លៃនៃប្រាក់យ៉េន និងការកើនឡើងថ្លៃដើមនៃវត្ថុធាតុដើមនៅក្នុងប្រទេសចិន ក៏ត្រូវបានគេលើកឡើងថាជាហេតុផលនៅពីក្រោយ ការសម្រេចចិត្តរបស់ក្រុមហ៊ុន ផលិតសម្លៀកបំពាក់ជប៉ុនក្នុងការចាកចេញផងដែរ។

ជាក់ស្តែងក្រុមហ៊ុនAdastria ដែលកំពុងប្រតិបត្តិការហាងលក់រាយក្រោមម៉ាកយីហោចំនួន២៦ បានបង្កើនផលិតកម្មរួចទៅហើយ នៅក្នុងប្រទេសកម្ពុជា និងវៀតណាមក្នុងឆ្នាំ២០២២នេះ។

ជាងនេះទៅទៀត ក្រុមហ៊ុននេះក៏មានគម្រោង ពង្រីកតំបន់ផលិតកម្ម រួមទាំងនៅប្រទេសឥណ្ឌូណេស៊ី បង់ក្លាដែស និងបណ្តាប្រទេសផ្សេងៗទៀត និងបង្កើនផលិតកម្ម នៅក្នុងតំបន់អាស៊ីអាគ្នេយ៍ រហូតដល់៥០ភាគរយនៅឆ្នាំ២០២៦៕

ដោយ: លាងហួរ

សេអ៊ូល: ប្រទេសកូរ៉េខាងត្បូងបានព្រមាន ពីការធ្លាក់ចុះនៃសេដ្ឋកិច្ចកាន់តែជ្រៅ ជាងការរំពឹងទុកនៅឆ្នាំ២០២៣ ដោយប្រទេសនេះកំពុងពន្យារការផ្អាកយកពន្ធ លើការលក់ផលិតផលប្រេងឥន្ធនៈមួយចំនួន និងរថយន្តដឹកអ្នកដំណើរក្នុងរយៈពេលពី២ទៅ៣ខែ។

រដ្ឋមន្ត្រីក្រសួងហិរញ្ញវត្ថុលោក Choo Kyung-ho បានមានប្រសា​សន៍ក្នុងកិច្ចប្រជុំ ជាមួយថ្នាក់ដឹកនាំគណបក្សកាន់អំណាចថា “កំណើនសេដ្ឋកិច្ចរបស់យើងត្រូវបានគេរំពឹងថា នឹងថមថយចុះនៅឆ្នាំក្រោយ ដោយសាររងឥទ្ធិពលពីការធ្លាក់ចុះនៃសេដ្ឋកិច្ចពិភពលោក”។ លោកបានបន្ថែមថា សេដ្ឋកិច្ចរបស់កូរ៉េខាងត្បូង បានធ្លាក់ចុះក្នុងល្បឿនលឿនជាងការរំពឹងទុករួចទៅហើយ”។

រដ្ឋាភិបាលកូរ៉េខាងត្បូង គ្រោងប្រកាសពីយុទ្ធសាស្ត្រគោលនយោ​បាយសេដ្ឋកិច្ចរបស់ខ្លួន សម្រាប់ឆ្នាំ២០២៣ ដែលនេះនឹងក្លាយជាសេចក្តីថ្លែងការណ៍សម្រាប់ពេញមួយឆ្នាំ ជាលើកដំបូងសម្រាប់រដ្ឋបាលរបស់លោកប្រធានាធិបតី Yoon Suk-yeol។

សេដ្ឋកិច្ចរបស់ប្រទេសកូរ៉េខាងត្បូង ដែលជាសេដ្ឋកិច្ចធំជាងគេទី៤នៅអាស៊ី ពឹងផ្អែកយ៉ាងខ្លាំងលើការនាំចេញ ចាប់ពីរថយន្ត និងនាវា រហូតដល់បន្ទះឈីប និងស្មាតហ្វូន។

កាលពីខែវិច្ឆិកាកន្លងទៅ ធនាគារកណ្តាលកូរ៉េបានបន្ទាបការព្យា​ករណ៍កំណើនសេដ្ឋកិច្ចរបស់ប្រទេសនេះ​ មកត្រឹម១,៧ភាគរយ ធ្លាក់ចុះពី២,១ភាគរយសម្រាប់ឆ្នាំ២០២៣ ដោយលើកឡើងពីការធ្លាក់នៃការនាំចេញ និងការថយចុះនៅក្នុងការវិនិយោគសាជីវកម្ម។

សេដ្ឋកិច្ចរបស់កូរ៉េខាងត្បូង ត្រូវពឹងផ្អែកលើការប្រើប្រាស់ ក្នុងស្រុកកាន់តែច្រើន ដើម្បីទូទាត់តម្រូវការនាំចេញដែលធ្លាក់ចុះ។

ចំណែកក្រសួងហិរញ្ញវត្ថុ ក៏បានបន្តការបន្ធូរបន្ថយពន្ធរហូតដល់៦ខែលើផលិតផលប្រេងឥន្ធនៈ និងការលក់រថយន្តដឹកអ្នកដំណើរផងដែរ៕