Korea to ease set of tax regulations in property market

Korea’s finance ministry said Wednesday it plans to revamp a set of tax regulations on the property market to ease the financial burden of people amid soaring borrowing costs.

Under the plan, Korea will allow owners of two homes to pay less taxes if they dispose of one of them during an extended period amid a slump in the home market, according to the Ministry of Economy and Finance.

Such homeowners will not be subject to heavier taxation if they offload one of the two homes within three years. The ministry earlier extended the period from one to two years in May 2022.

The government plans to extend the deadline for multiple home owners to avoid a heavier transfer income tax when they sell their properties in the speculative districts by one year until May 2024 as well.

The country also vowed to offer tax credits on monthly rents for homes valued at 400 million won ($322,000) and below, up from the current ceiling of 300 million won, the finance ministry added.

Korea will have the revisions approved by the Cabinet and officially announce them at the end of next month.

The latest sets of measures come in line with efforts to add vitality to the housing market hurt by the soaring borrowing costs.

Last week, the Bank of Korea raised the benchmark seven-day repo rate from 3.25 percent to 3.5 percent, the highest level since 2008.

Source: Yonhap

អ្នកឧកញ៉ាគួច ម៉េងលីៈបើមិនចង់ខូចអនាគតសូមកុំចូលរៀនវគ្គ ជោគជ័យមួយចំនួនអី

ដោយៈ ម៉ាលីនណា

ភ្នំពេញៈ អ្នកឧកញ៉ាវេជ្ជបណ្ឌិតគួច ម៉េងលី ដែលជាបុគ្គលមានឥទ្ឋិពលដ៏សំខាន់មួយរូបបានថ្លែងថា បើមិនចង់ខូចអនាគត សូមកុំចូលរៀនវគ្គ ជោគជ័យមួយចំនួនអី។

អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិនបានសរសេរលើបណ្តាញទំនាក់ទំនងសង្គមកាលពីថ្ងៃទី១៧ មករាថា “រាល់ថ្ងៃនេះ ខ្ញុំឃើញអ្នកជោគជ័យរីកដូចផ្សិត។ ប៉ុន្តែមិនមែនផ្សិតហូបបានទេ គឺផ្សិតពុល”។

អ្នកឧកញ៉ាបានពន្យល់ថា អ្នកជោគជ័យខ្លះ ប្រៀបដូចជាមាសជ្រលក់ថ្នាំ ហើយដើរបោកប្រាស់គេសឹងតែគ្រប់គ្នា។ អ្នកខ្លះឃើញសម្បកគេហ៊ឹកហ៊ាក់ ក៏ជ្រួលជ្រើមចង់ជោគជ័យដូចគេដែរ ទាំងដែលខ្លួនឯងមិនដឹងថា គេនោះ មានបានដោយសារសមត្ថភាពពិតឬក្លែងក្លាយឡើយ។ នៅពេលគេបើកវគ្គជោគជ័យស្អីមួយ អ្នកខ្លះក៏ផ្អើលទៅដូចគោដាច់កន្លុះ។

អ្នកឧកញ៉ាគួច ម៉េងលីបានបន្តថា កន្លែងខ្លះ ពេលទៅចូលរៀនម្តងៗសុទ្ធតែបង់លុយ ហើយក្រោយពីរៀនចប់ គេក៏ផ្លុំត្រចៀកឱ្យយកលុយទៅវិនិយោគនេះ វិនិយោគនោះ។ ចុងក្រោយម្នាក់ៗទឹកភ្នែក ជូតក្បាលជង្គង់ក៏មាន។ អ្នកខ្លះ អត់ហ៊ានប្រាប់គេឱ្យដឹងទេ ព្រោះខ្លាចខ្មាសគេ។ ដល់អ្នកក្រោយគ្នាអត់ដឹង ក៏បុកទៅមួយខ្យល់ទៀត ទឹកភ្នែកលើសដើម។ ចំណែកអ្នកខ្លះវិញ ខ្លួនឯងចាញ់បោកគេហើយ នៅអូសបងប្អូន សាច់ញាតិ មិត្តភក្តិឱ្យចាញ់បោកគេទៀត។ នេះពិតជាគ្រោះថ្នាក់មែនទែន។

អ្នកឧកញ៉ាបានផ្តាំថថា “អ៊ីចឹង បើក្មួយៗមិនចង់ខូចអនាគតទេ សូមកុំចូលរៀនវគ្គជោគជ័យមួយចំនួនអី ព្រោះភាគច្រើនគេបំផុសបំផុល ឱ្យក្មួយពុះកញ្ជ្រោលស្លឈាម”។ អ្នកឧកញ៉ាបន្ថែមថា “ក្មួយខ្លះ ពេលទៅអង្គុយស្តាប់គេ ក៏បែកគំនិតចង់ជោគជ័យផ្លូវកាត់ ហើយលែងចង់រៀនសូត្រតែម្តង។ នេះនឹងធ្វើឱ្យក្មួយៗ ខូចអនាគតពាក់កណ្តាលទីហើយ”។

កន្លងមក មានអ្នកស្តាយក្រោយមិនតិចទេ ឥឡូវចង់បកក្រោយក៏ហួសពេលដែរ។ ក្មួយត្រូវគិតគូរឱ្យមែនទែន ព្រោះអ្នកបំផុសបំផុលខ្លះ គឺជាមេបោកប្រាស់យ៉ាងស្ទាត់ជំនាញ ប៉ុន្តែមិនមែនថា វគ្គជោគជ័យទាំងអស់សុទ្ធតែមិនល្អទេ គ្រាន់តែវាមានតិចតួចបំផុត។ អ្នកឧកញ៉ាបញ្ជាក់។

អ្នកឧកញ៉ាគួច ម៉េងលីបានបន្តថា អ៊ីចឹងក្មួយត្រូវចាំថា លុយក្នុងហោប៉ៅយើង បើយើងមិនឱ្យគេ គ្មានអ្នកណាមកយកបានទេ។ ក្បាលនៅនឹងកយើង បើយើងមិនឱ្យគេជាន់ ក៏គ្មានអ្នកណាគេហ៊ានជាន់ដែរ។ បើក្មួយដើរផ្លូវខុស គឺខុសហើយ។ អ្វីដែលលោកគ្រូនិយាយនេះ គ្រាន់តែចង់បំភ្លឺផ្លូវនេះឱ្យភ្លឺ ដើម្បីកុំឱ្យក្មួយៗមួយចំនួនដើរទៅផុង ដើរទៅជាន់បន្លា ឬក៏ត្រូវខ្លាចាប់ហែកសាច់ស៊ីតែប៉ុណ្ណោះ៕

រដ្ឋាភិបាលអនុម័តទុនវិនិយោគជាង៨១លានដុល្លារត្រឹមរយៈពេល២ សប្តាហ៍ដើមឆ្នាំ២០២៣

ដោយៈ ច្រាយ ចំណាន

ភ្នំពេញៈ រដ្ឋាភិបាលតាមរយៈក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគចំនួន៧ ដែលមានទឹកប្រាក់សរុប៨១,៤លានដុល្លារ និងបង្កើតការងារ២១,១៧៣កន្លែង។

យោងតាមបណ្តាញសង្គមហ្វេសប៊ុកផ្លូវការរបស់CDC បានឱ្យដឹងថា គិតពីដើមខែមករាដល់ថ្ងៃទី ១៦ ខែមករា ឆ្នាំ ២០២៣ ក្រុមប្រឹក្សាអភិវឌ្ឍន៍កម្ពុជា បានចេញវិញ្ញាបនបត្រចុះបញ្ជី ឱ្យគម្រោងវិនិយោគចំនួន៧ ដែលរួមមាន៥ ជាប្រភេទវាយនភណ្ឌ និងចំនួន២ ស្ថិតនៅក្នុងផលិតកម្មអំពូលភ្លើងអគ្គិសនី។

អ្នកសេដ្ឋកិច្ចនៅរាជបណ្ឌិត្យសភាកម្ពុជា លោក ហុង វណ្ណៈ បានមានប្រសាសន៍ឲ្យដឹងថា កំណើននៃការចូលមកបណ្តាក់ទុន កើតចេញពីហេតុផលចម្បងចំនួន២ ដូចជាទី ១ ការខិតខំរបស់រដ្ឋាភិបាល តាមរយៈការកែសម្រួលច្បាប់វិនិយោគឱ្យកាន់តែទាក់ទាញ ការបង្កើនកិច្ចសហការជាមួយប្រទេសនៅក្នុងតំបន់ និងពិភពលោកដើម្បីជំរុញការនាំចេញទំនិញ ការចូលជាធរមាន នៃកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគី ព្រមទាំងការកសាងហេដ្ឋារចនាសម្ព័ន្ធផ្លូវថ្នល់ កំពង់ផែ និងព្រលានយន្តហោះសម្រាប់ការធ្វើដំណើរ និងដឹកជញ្ជូនទំនិញ និងទី២ ការខិតខំរបស់ផ្នែកឯកជនក្នុងការធ្វើឱ្យកេរ្តិ៍ឈ្មោះ និងគុណភាពផលិតផលកម្ពុជា ត្រូវបានទទួលស្គាល់កាន់តែច្រើនលើពិភពលោក៕

លោកជំទាវឧកញ៉ាគង់ សំណាងលើកឡើងពីផែនការពង្រីកទីផ្សារ នៅឆ្នាំ២០២៣

ដោយៈ គង់ សូរិយា

ភ្នំពេញៈជាអ្នកអភិវឌ្ឍន៍ដែលផ្តើមចេញ ពីភ្នាក់ងារអចលនទ្រព្យសាមញ្ញមួយរូប លោកជំទាវឧកញ៉ាគង់ សំណាងបានចូលដល់ជម្រៅចិត្តអតិថិជន និងយល់ពីរសនិយមរបស់ពួកគេ។

អគ្គនាយិកាបុរីវិមានសំណាងរូបនៅ កំពុងបង្ហាញសុទិដ្ឋិនិយមសម្រាប់ឆ្នាំ២០២៣នេះ ស្របពេលការសាងសង់ផ្ទះគំរូវីឡាឃីង និងវីឡាឃ្វីនបានត្រៀមបញ្ចប់ ជាមួយនឹងលទ្ឋផលការលក់ សម្រេចបាន៤០ភាគរយ នៅក្នុងគំរោងដំណាក់កាលទី១។

លោកជំទាវឧកញ៉ាគង់ សំណាងបានមានប្រសាសន៍ឲ្យដឹងកាលពីសប្តាហ៍មុនថា ដោយសារយើងបានសិក្សាពីរសនិយមអតិថិជន បុរីវិមានសំ ណាងបានធ្វើឲ្យអ្នកមានជីវភាពធូរធារ មានការកោតសរសើរទៅលើម៉ូតផ្ទះ បែបក្លាសិក ដែលជារចនាបទសហសម័យ ជាមួយនឹងការរចនាផ្នែកខាងក្នុងស័ក្តិសមនឹងតម្លៃ និងកម្រិតជីវភាពរបស់អ្នកមាន។

លោកជំទាវបន្តថា “សូម្បីតែខ្ញុំក៏ពេញចិត្តនឹងអ្វី ដែលយើងបានធ្វើនិងកំពុងបង្ហាញនៅផ្ទះគំរូបរបស់យើងបណ្តើរៗដែរ ហេតុនេះអតិថិជននឹងអាចទស្សនាផ្ទះគំរូឆាប់ៗនេះ”។ លោកជំទាវបន្តថា “បុរីខ្លះធ្វើផ្ទះគំរូផ្សេង ប៉ុន្តែបុរីរបស់យើង ធ្វើផ្ទះពិតមានភាពពិសេសលើស ពីផ្ទះគំរូអតិថិជនរបស់យើង ដែលបានទិញ ជាក់ស្តែងអតិថិជនរបស់យើង ពួកគេពិតជាសម្បាយចិត្តនៅពេលបានដឹងពីអ្វីដែលយើងនឹងផ្តល់ជូនពួកគេ”។

បុរីវិមានសំណាងបាន និងកំពុងគិតគូរជាចម្បងលើការរៀបចំហេដ្ឋារចនាសម្ព័ន្ឋ ដូចជាផ្លូវធំទូលាយ ដាំដើមឈើខៀវស្រងាត់ និងស្រស់បំព្រង មានព្រែកធម្មជាតិ ដែលលំអរដោយសួនច្បារ ដែលអ្នករស់នៅអាចដើរហាត់ប្រាណ ស្ទូចត្រី និងអាចអង្គុយជជែកគ្នា នៅតាមហាងកាហ្វេក្នុងបុរីផងដែរ។

លោកជំទាវឧកញ៉ាគង់ សំណាងបានមានប្រសាសន៍ឲ្យដឹងផងដែរថា អ្វីដែលយើងអភិវឌ្ឈន៍ គឺផ្តល់នូវរសនិយម និងការបត់បែនតាមសម័យកាលរបស់អតិថិជន ហេតុនេះយើងមិនផ្តោតលើប្រាក់ចំណេញ ជាអាទិភាពទេ ប៉ុន្តែយើងផ្តោតលើការកសាងទំនុកចិត្ត និងការកសាងសហគមន៍ពោរពេញ ដោយភាពរសរវើក និងចូលរួមជាមួយរាជរដ្ឋាភិបាល ក្នុងការកសាងលំនៅដ្ឋានសម្រាប់ប្រជាពលរដ្ឋ ក៏ដូចជាចូលរួមលើកស្ទួយសេដ្ឋកិច្ចជាតិផងដែរ៕

ខេត្តព្រះសីហនុចាប់ផ្ដើមមានការចាប់អារម្មណ៍បណ្ដាក់ទុនវិនិយោគគម្រោងធំៗក្រោយផ្លូវល្បឿនលឿនដាក់ដំណើរការ

ដោយៈ វឌ្ឍនៈ

ភ្នំពេញៈ ចាប់តាំងពីផ្លូវល្បឿនលឿនទី១របស់កម្ពុជា បានដាក់ដំណើរការជាផ្លូវការ កំណើនភ្ញៀវទេសចរក្នុងស្រុក និងអន្តរជាតិ បានធ្វើដំណើរកម្សាន្តទៅ កាន់ខេត្តព្រះសីហនុ តាមផ្លូវល្បឿនលឿន ដោយសារតែការធ្វើដំណើរប្រើរយៈពេលខ្លី និងងាយស្រួលក្នុងការបើកបរផងដែរ។

តាមរយៈកំណើននៃភ្ញៀវទេសចរ និងវត្តមានផ្លូវល្បឿនលឿនភ្នំពេញ ក្រុងព្រះសីហនុនេះដែរ បាននិងកំពុងជំរុញឱ្យខេត្តព្រះសីហនុ កាន់តែមានភាពទាក់ទាញនិងមានគម្រោងវិនិយោគថ្មីៗនិងធំៗផងដែរ។

កាលពីពេលថ្មីៗនេះដែរ ក្រុមបរទេសមួយបានបង្ហាញ ពីចំណាប់អារម្មណ៍របស់ខ្លួន ក្នុងការដាក់ទុនវិនិយោគ លើគម្រោងអភិវឌ្ឍន៍ខ្សែរ៉កជិះកម្សាន្តមើលទេសភាព នៅក្នុងខេត្តព្រះសីហនុ ហើយគម្រោងនេះក៏ត្រូវបានទទួលការសាទរពីរដ្ឋបាលខេត្តព្រះសីហនុ ក៏ដូចជារដ្ឋាភិបាលនិងបានជំរុញឱ្យសិក្សាក្នុងការអភិវឌ្ឍន៍ គម្រោងដ៏ធំមួយនេះនៅកម្ពុជា ។

ក្រៅពីគម្រោងមួយនេះ នៅរយៈពេល៥ឆ្នាំឬលើសនេះតិចតួច នៅខេត្តព្រះសីហនុ នឹងមានអាកាសយានដ្ឋានថ្មីមួយទៀត នៅលើកោះរ៉ុង ដែលវិនិយោគដោយក្រុមហ៊ុនក្នុងស្រុក រ៉ូយ៉ាល់គ្រុប ។ វត្តមានព្រលានយន្តហោះនេះដែរ នឹងនាំភ្ញៀវទេសចរជាពិសេសទេសចរអន្តរជាតិ ទៅកាន់ទឹកដីនៃខេត្តព្រះសីហនុបន្ថែមទៀត ហើយក៏ធ្វើឱ្យខេត្តមាត់សមុទ្រមួយនេះ កាន់តែសំបូរបែបលើផ្នែកហេដ្ឋារចនាសម្ព័ន្ធ។

លើសពីនេះ ក្រុមហ៊ុនPrince Real Estate Groupនិងដៃគូបានចាប់ផ្តើមសាងសង់គំរោងទីក្រុងពាណិជ្ជកម្មលំដាប់ពិភពលោកឈ្មោះBay of The Light លើទំហំដីជាង៨០០ហិកតា នៅតំបន់រាម ស្ថិតក្នុងស្រុក ព្រៃនប់ ខេត្តព្រះសីហនុផងដែរ។

រាជរដ្ឋាភិបាល ក៏បានជំរុញឱ្យពន្លឿនការសិក្សា គម្រោងផ្លូវរថភ្លើងល្បឿនលឿនពីភ្នំពេញ ទៅកាន់ក្រុងព្រះសីហនុផងដែរ។ ដូច្នេះខេត្តព្រះសីហនុនឹងមានទាំងផ្លូវល្បឿនលឿន ផ្លូវទឹក (កំពង់ផែអន្តរជាតិ ) ផ្លូវអាកាស(ព្រលានយន្តហោះកងកេង )និងផ្លូវដែក ដែលសុទ្ធតែសក្ដានុពលសំខាន់ ក្នុងការទាក់ទាញវិនិយោគិននិងទេសចរ ទៅកាន់ក្រុងព្រះសីហនុ ។

កាលពីចុងសប្ដាហ៍កន្លងទៅនេះ រាជរដ្ឋាភិបាលក៏បានបើកកិច្ចប្រជុំពេញអង្គគណៈរដ្ឋមន្ត្រី និងបានលើកយកពីការប្រើប្រាស់ដីធ្លី នៅក្នុងក្រុងព្រះសីហនុមកជជែក ដែលមានន័យថារដ្ឋាភិបាល ក៏បាននិងកំពុងយកចិត្តទុកដាក់ចំពោះការអភិវឌ្ឍដីធ្លី នៅក្នុងតំបន់សមុទ្រមួយនេះផងដែរ។

ទន្ទឹមនឹងរដ្ឋបាលខេត្តព្រះសីហនុផ្ទាល់ ក៏បាននិងកំពុងរកដំណោះស្រាយបន្តដំណើរការអគារ ដែលជាប់គាំងនៅក្នុងក្រុងព្រះសីហនុ ទាំងជាង១០០០អគារផងដែរ ។

អ្នកជំនាញនៃវិស័យអចលនទ្រព្យជាច្រើន បានបង្ហាញនូវសុទិដិ្ឋនិយមចំពោះតំបន់មួយនេះ ហើយរំពឹងថានៅពេលស្ថានភាពសេដ្ឋសកលបានប្រសើរឡើងវិញ វិនិយោគិនបរទេសកាន់តែច្រើន នឹងចូលមកកម្ពុជាហើយបន្តទៅកាន់ខេត្តព្រះសីហនុដើម្បី ស្វែងរកការវិនិយោគនានានិងអាចស្ទុះឡើងកាន់តែខ្លាំងបន្ថែមទៀត។

សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានមានប្រសាសន៍ឲ្យដឹងកាលពីចុងសប្តាហ៍មុនថា ក្នុងដំណើរទស្សនកិច្ចរបស់សម្តេចតេជោចាប់ពីថ្ងៃទី៩ដល់១១ កុម្ភៈខាងមុខ សម្តេចនឹងលើកឡើងនូវសំណើរមួយចំនួនពីមិត្តចិន ដើម្បីអភិវឌ្ឍន៍កម្ពុជា ពិសេសគំរោងផ្លូវរថភ្លើងល្បឿនលឿនភ្នំពេញ ព្រះសីហនុ ដែលបច្ចុប្បន្នយើងមានផ្លូវរថភ្លើង ចាស់ស្រាប់រួចទៅហើយ៕

ការបញ្ចប់និងដាក់ឲ្យដំណើរការផ្លូវក្រវ៉ាត់ក្រុងទី៣នឹងទាក់ទាញមនុស្ស និងការអភិវឌ្ឍកាន់តែច្រើន

ដោយៈគង់ សូរិយា

ភ្នំពេញៈ ការសាងសង់ផ្លូវក្រវ៉ាត់ក្រុងទី៣ សម្រេចបានប្រមាណ៨០ភាគរយហើយ ដែលការបញ្ចប់ហេដ្ឋារចនាសម្ព័ន្ឋដ៏សំខាន់នេះ នឹងទាក់ទាញគំរោងអភិវឌ្ឍថ្មីៗ និងចំនួនប្រជាជនចូលទៅរស់នៅតំបន់នេះ កាន់តែច្រើននាពេលអនាគត។

ជាក់ស្តែងបច្ចុប្បន្នប្រជាពលរដ្ឋមួយចំនួន បានចូលទៅរស់នៅផ្ទះអាជីវកម្មនានាក្នុងបុរី GB Residenceរួចទៅហើយ ខណៈដែលកំពុងដំណើរការសាងសង់ និងលក់ជូននូវលំនៅដ្ឋានប្រណីត ជាច្រើនជម្រើសសម្រាប់ការរស់នៅ និងការវិនិយោគល្អបំផុតសម្រាប់អតិថិជន។

គម្រោងនេះ មានទីតាំងស្ថិតនៅក្នុងភូមិស្រុកធំ ឃុំជើងកើប ស្រុកកណ្តាលស្ទឹង ខេត្តកណ្តាល មានចម្ងាយប្រមាណ៥គីឡូម៉ែត្រ ពីព្រលានយន្តហោះអន្តរជាតិភ្នំពេញថ្មី និងមានចម្ងាយប្រមាណ៥គីឡូម៉ែត្រ ពីផ្សារទំនើប AEON Mall៣ ជាគម្រោងមានគុណភាព ដោយមានការសិក្សាយ៉ាងច្បា ស់លាស់ ដោយមានការសាងសងតាមស្តង់ដា បច្ចេកទេសសំណង់ ប្រើប្រាស់សម្ភារៈមានគុណភាពល្អ និងធានាប្រើបានរយៈពេលយូរ និងផ្តល់នូវគេហដ្ឋានរចនាពោពេញដោយគុណភាព ប្រណិតភាព និងស៊ីវិល័យ។

អ្វីជាចំណុចពិសេសរបស់គម្រោងនេះ រួមមាន ទី១ មានទីតាំងអាចប្រកបអាជីវកម្មបាន នាពេលអនាគតខាងមុខ ទី២ បុរីនេះត្រូវបានឌីសាញដោយស្ថាបត្យករ ជំនាញលំដាប់ពិភពលោក ដែលធ្លាប់ឈ្នះពានរង្វាន់ពីទីក្រុងដូបៃ ទី៣ ជាគំរោងដែលគិតពីផាសុខភាពដល់អ្នករស់់នៅ ដោយមានការសាងសង់សួនច្បារនៅចំកណ្តាលគម្រោង ដែលផ្តល់ឲ្យអ្នករស់នៅអាចប្រកដអាជីវកម្ម ហាត់ប្រាណ និងសំរាកលំហែរបាន។

អ្វីកាន់តែពិសេស ហេដ្ឋារចនាសម្ព័ន្ធក្នុងបុរី ផ្លូវថ្នល់ សួនច្បារ ប្រព័ន្ធទឹក ភ្លើង និងរុក្ខជាតិដើមឈើបៃតងខាងមុខផ្ទះ តាមបណ្តោយផ្លូវបុរី យ៉ាងស្រស់បំព្រងតាមបែបធម្មជាតិ។ ប្រព័ន្ធរំដោះទឹក ស្របតាមបទដ្ឋានបច្ចេកទេសត្រឹមត្រូវ ធ្វើអោយចរន្តទន្ទឹមនឹងនេះ បុរីក៏យកចិត្តទុកដាក់លើគ្រប់ចំណុច នៃការសាងសង់ ចាប់ពីផ្នែកមូលដ្ធានគ្រឿងបង្គំ នៃសំណង់រហូតដល់ការងារដេកគ័រ បំពាក់គ្រឿងទាន់សម័យ និងសន្សំសំចៃភ្លើនិងគុណភាព ក៏ដូចជាសោភ័ណភាពដ៏ស្រស់ស្អាត នៃគម្រោងទាំងមូលដែរ។

លោកឧកញ៉ាតាំង គួងហាវអគ្គនាយកបុរីGB Residenceបានមានប្រសាសន៍ឲ្យដឹងកន្លងមកថា លោកសម្រេចចិត្តវិនិយោគបុរីនេះឡើង ដោយផ្តោតលើគុណភាព ប្រណិតភាព និងភាពស៊ីវិល័យ ដោយសារមើលឃើញសក្តានុពល និងភាពរីកចំរើនដ៏ឆាប់រហ័សនៅជុំវិញតំបន់នេះ ជាប់នឹងផ្លូវក្រវ៉ាត់ក្រុងទី៣ ហើយមិនឆ្ងាយពីព្រលានយន្តហោះអន្តរជាតិភ្នំពេញថ្មី និងការកើនឡើងនូវជីវភាពរបស់ប្រជាពលរដ្ឋ។

លោកឧកញ៉ាបានបន្តថា “ជាមួយនឹងការរចនាលំនៅដ្ឋាន មានម៉ូតផ្ទះស្អាត ប្លែក ប្រកបដោយស៊ីវិល័យ ពិសេសផ្តល់ជូនអ្នករស់នៅប្រកបដោយផាសុកភាព”។

អ្នកជំនាញអចលនទ្រព្យសុទ្ឋតែសុទិដ្ឋិនិយមចំពោះតំបន់នេះ ដោយសារផែនការអភិវឌ្ឍន៍ហេដ្ឋារចនាសម្ព័ន្ឋរបស់រដ្ឋាភិបាល។

អ្នកស្រីអាន សុធីតាអគ្គនាយិកាក្រុមហ៊ុនPropNeX Cambodiaបានមានប្រសាសន៍ឲ្យដឹងថា ការអភិវឌ្ឍន៍ហេដ្ឋារចនាសម្ព័ន្ឋរបស់រដ្ឋាភិបាលពិតជាបានជួយច្រើន ដល់អ្នកអភិវឌ្ឍន៍ដែលអាចពង្រីកទីតាំងអភិវឌ្ឍន៍របស់ពួកគេទៅតំបន់ជាយក្រុង ដែលមានសក្តានុពល។

អ្នកស្រីបន្តថា “ការរីកចម្រើនហេដ្ឋារចនាសម្ព័ន្ឋទាំងនេះ បានជួយលើកកំពស់តម្លៃដីធ្លី និងជំរុញទីផ្សារលំនៅដ្ឋាន កាន់តែរីកចម្រើនថែមទៀត”៕

ក្រសួងសាធារណៈការគ្រោងរៀបចំរថយន្តក្រុងអគ្គិសនីដើម្បី ដឹកអ្នកដំណើរ

ដោយៈ គង់ សូរិយា

ភ្នំពេញៈ លោកឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក នៃក្រសួងសាធារណៈការ និងដឹកជញ្ជូន បានដឹកនាំកិច្ចប្រជុំ ដើម្បីជំរុញការប្រើប្រាស់រថយន្តក្រុងអគ្គិសនី។

កិច្ចប្រជុំដែលបានធ្វើឡើងកាលពីថ្ងៃទី១៨ ខែមករា ឆ្នាំ២០២៣ ដឹកនាំដោយលោកឈួន វ៉ន់ អគ្គនាយក នៃអគ្គនាយកដ្ឋានដឹកជញ្ជូនផ្លូវគោក បានអញ្ជើញដឹកនាំកិច្ចប្រជុំ ជាមួយសមាគមដឹកជញ្ជូនអ្នកដំណើរផ្លូវគោកកម្ពុជា និងបណ្តាក្រុមហ៊ុននាំចូល យានយន្តអគ្គិសនីនៅកម្ពុជា ដើម្បីពិភាក្សាពីការជំរុញការប្រើប្រាស់ រថយន្តក្រុងអគ្គិសនីនៅកម្ពុជា សម្រាប់មធ្យោបាយដឹកជញ្ជូនសាធារណៈ។

គោលដោនេះ ធ្វើឡើងស្របតាមអនុសាសន៍ណែនាំ ដ៏ខ្ពង់ខ្ពស់របស់លោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន ដែលបានជួបពិភាក្សាការងារជាមួយ សមាគមដឹកជញ្ជូនអ្នកដំណើរផ្លូវគោកកម្ពុជា កាលពីថ្ងៃទី ១១ ខែ មករា ឆ្នាំ២០២៣ កន្លងទៅ ដោយកិច្ចប្រជុំនេះ មានការចូលរួមពីលោកប្រធាន អនុប្រធាននាយកដ្ឋានដឹកជញ្ជូនសាធារណៈក្រុង និង លោក លោកស្រីប្រធាន អនុប្រធានការិយាល័យ និងមន្រ្តីពាក់ព័ន្ធផងដែរ។

នៅក្នុងកិច្ចប្រជុំពិភាក្សានេះ បានផ្ដោតសំខាន់លើការលើកទឹកចិត្តក្រុមហ៊ុនផ្គត់ផ្គង់យានយន្តអគ្គិសនី នាំចូលយានយន្តក្រុងអគ្គិសនី សម្រាប់ធ្វើមធ្យោបាយដឹកជញ្ជូនអ្នកដំណើរ ដើម្បីបំពេញតម្រូវការរបស់សមាគមដឹកជញ្ជូនអ្នកដំណើរ និងបណ្ដាក្រុមហ៊ុនដឹកជញ្ជូន អ្នកដំណើរមួយចំនួនផងដែរ។

ជាពិសេស លើកទឹកចិត្តវិស័យឯកជន សហការដំឡើងស្ថានីយបញ្ចូលថាមពលយានយន្តអគ្គិសនី នៅតាមបណ្ដាខេត្ត និងតំបន់សំខាន់ៗ មួយចំនួន។

ទន្ទឹមគ្នានេះដែរ ក្រុមហ៊ុនផ្គត់ផ្គង់យានយន្តអគ្គិសនី បានស្នើសុំរាជរដ្ឋាភិបាល កាត់បន្ថយពន្ធនាំចូលយានយន្តអគ្គិសនី ឱ្យបានកាន់តែទាបតាមដែលអាចធ្វើបាន៕

ការសាងសង់អាកាសយានដ្ឋានអន្តរជាតិតេជោក្រុងតាខ្មៅ សម្រេចបានជិត៥០ ភាគរយហើយនិងចំណាយអស់ជាង៦០០លានដុល្លារ

ដោយៈ ជេស៊ីកា

ភ្នំពេញៈ ទិន្នន័យបច្ចុប្បន្នភាពបានបង្ហាញថា ការសាងសង់អាកាសយានដ្ឋានអន្តរជាតិ តេជោក្រុងតាខ្មៅ សម្រេចបានជាង៤៣ភាគរយហើយ គិតត្រឹមដំណាច់ឆ្នាំ២០២២។

យោងតាមទិន្នន័យរបស់រដ្ឋលេខាធិការដ្ឋានអាកាសចរណ៍ស៊ីវិល ដែលផ្តល់ជូនដោយលោកស៊ិន ចាន់់សិរីវុត្ថាបានឲ្យដឹងកាលពីល្ងាចថ្ងៃទី១៧ មករាកន្លងមកថា លទ្ឋផលការងារសាងសង់ដំណាក់កាលទី១ សម្រេចបាន៤៣ភាគរយ គិតត្រឹមដំណាច់ថ្ងៃទី៣១ ធ្នូឆ្នាំ២០២២។

ការសាងសង់ព្រលានយន្តហោះនេះ បានចាប់នផ្តើមបើកការដ្ឋានសាងសង់ នៅឆ្នាំ២០១៩ និងគ្រោងបញ្ចប់ដំណាក់កាលទី១ នៅពាក់ឆ្នាំ២០២៤។

របាយការណ៍ដដែលបានបង្ហាញថា គិតត្រឹមដំណាច់ខែធ្នូ ឆ្នាំ២០២២ អាកាសយានដ្ឋានអន្តរជាតិកម្ពុជាទាំងអស់ ទទួលបានជើងហោះហើរ ពីក្រុមហ៊ុនអាកាសចរណ៍អន្តរជាតិចំនួន២៧ គឺស្មើនឹង៦០ភាគរយ បើធៀបនឹងឆ្នាំ២០១៩ និងទទួលបាន អ្នកដំណើរសរុបចំនួន២,៣៨២,០០០នាក់ កើនឡើង៩០០ភាគរយ បើធៀបនឹងរយៈពេលដូចគ្នាកាលពីឆ្នាំ២០២១៕

ទេសចរណ៍ផ្សារភ្ជាប់កីឡាៈ កីឡាករ កីឡាការិនីមកពីប្រទេសចំនួន៦ចូលរួមប្រកួតកីឡាប្រណាំងយានយន្តអន្តរជាតិនៅខេត្តមណ្ឌលគិរី

ដោយៈ គង់ សូរិយា

ភ្នំពេញៈ ព្រឹត្តិការណ៍ “ការប្រណាំងយានយន្តសន្តិភាពខេត្តមណ្ឌលគិរីឆ្នាំ២០២៣” មានរយៈពេល៣ថ្ងៃ ចាប់ពីថ្ងៃទី១៣-១៥ ខែមករា ឆ្នាំ២០២៣ ដោយមានការចូលរួមពីក្រុមកីឡាករ កីឡាការិនីជាតិ និងអន្តរជាតិចំនួន ១១៥នាក់។

កីឡាករ កីឡាការិនីទាំងនោះ បានមកពីប្រទេស ចំនួន០៦ រួមមាន៖ ប្រទេសកម្ពុជា ថៃ ឡាវ វៀតណាម កូរ៉េ និងបារាំង។ ការប្រកួតមានវិញ្ញាសារចំនួន ០៣ ប្រភេទ ផ្សេងៗគ្នា ដែលរួមមាន ទី១. ការប្រណាំងរថយន្តឆ្លងកាត់ឧបសគ្គ Off Road មានចំនួន៣ក្រុម ដែលមានរថយន្តសរុបចំនួន ៦៧គ្រឿង ក្នុងនោះរួមមាន Class A សម្រាប់កីឡាករជំនាញ (Hard Core) Class B កីឡាករមធ្យម (Light Core) និង Class C សម្រាប់កីឡាករចូលរួមដំបូង (Overland)។

២. ការប្រណាំងរថយន្ត OFF ROAD RALLY មានរថយន្តសរុប ២០ គ្រឿង និងទី៣.ការប្រណាំងម៉ូតូមានម៉ូតូសរុបចំនួន១២១គ្រឿង ដែលត្រូវបានបែងចែកជា៥ ក្រុម ក្នុងនោះ រួមមាន៖ CLASS A, CLASS B, CLASS C, CLASS VIP និង CLASS Kids។

លោកហោ សារុន រដ្ឋលេខាធិការក្រសួងទេសចរណ៍ បានថ្លែងអំណរគុណយ៉ាងជ្រាលជ្រៅ ចំពោះវត្តមានអញ្ជើញចូលរួមរបស់លោក លោកជំទាវ លោក លោកស្រី នាងកញ្ញាទាំងអស់ ជាពិសេសកីឡាករ កីឡាការិនី ដែលមក ពីប្រទេសកម្ពុជា ថៃ ឡាវ វៀតណាម កូរ៉េ និងបារាំង និងសូមថ្លែងអំណរគុណដល់រដ្ឋបាលខេត្តមណ្ឌលគីរី ក្លឹបរថយន្តគោព្រៃខេត្តមណ្ឌលគីរី សហព័ន្ធកីឡាយានយន្តកម្ពុជា ទីលានប្រណាំង១២ម៉ូតូផាក គណៈកម្មការ រៀបចំការប្រកួត កងកម្លាំងសន្តិសុខ ក្រុមការងារសុខាភិបាល និងភាគីពាក់ព័ន្ធទាំងអស់ដែលបានលះបង់ កម្លាំងកាយ កម្លាំងចិត្ត និងពេលវេលាចូលរួមរៀបចំព្រឹត្តិការណ៍ប្រកួតនេះប្រកបដោយជោគជ័យ។

“ព្រឹត្តិការណ៍ប្រណាំងយានយន្តសន្តិភាព ខេត្តមណ្ឌលគីរីឆ្នាំ២០២៣” ដែលបានបញ្ចប់ការប្រកួត ប្រកបដោយជោគជ័យ នៅទីលានប្រកួត “១២ម៉ូទ័រផាក” ដែលជាទីលានលំដាប់ថ្នាក់អន្តរជាតិមួយ ដំបូងគេ បង្អស់នៅកម្ពុជាក្នុងខេត្តមណ្ឌលគីរី។

លោកហោ សារ៉ុនបានចាត់ទុកការប្រសិទ្ធនាម “ព្រឹត្តិការណ៍ប្រណាំងយានយន្តសន្តិភាពខេត្តមណ្ឌលគីរី ឆ្នាំ២០២៣” នេះ គឺជាការប្រសិទ្ធនាមដ៏ល្អមួយដែលឆ្លុះបញ្ចាំង ឲ្យឃើញពីការផ្តល់តម្លៃ និងការដឹងគុណចំពោះ “សន្តិភាព” ដែលជាម្លប់ដ៏ត្រឈឹងត្រឈៃ សម្រាប់យើងទាំងអស់គ្នា។ ម្លប់នៃសន្តិភាពដែលយើងកំពុងមាននាពេលបច្ចុប្បន្ននេះ បានកើតចេញពីការលះបង់ និងការដឹកនាំដ៏ត្រឹមត្រូវ ឈ្លាសវៃ ប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លោកបញ្ជាក់ថា “វិស័យកីឡា ក៏មិនខុសពីវិស័យដទៃទៀតដែរ អាចមានការរីកចម្រើនឥតឈប់ឈរ លុះត្រាតែមាន”សន្តិភាព” ប្រៀបបីដូចជាពាក្យស្លោកកីឡាមួយឃ្លាថា “កីឡារស់ក្នុងសន្តិភាព”។

លោកបញ្ជាក់ថាវិស័យកីឡា និងវិស័យទេសចរណ៍ គឺជាវិស័យពីរដែលមានទំនាក់ទំនងគ្នា ជាក់ស្តែងព្រឹត្តិការណ៍ប្រណាំងយានយន្តសន្តិភាពខេត្តមណ្ឌលគីរីឆ្នាំ២០២៣នេះ នឹងចូលរួមផ្សព្វផ្សាយវិស័យ កីឡាទេសចរណ៍ និងបង្ហាញពីគោលដៅទេសចរណ៍កម្ពុជា ជាគោលដៅទេសចរណ៍សុវត្ថិភាព ស្អាត និងបៃតង ជាពិសេស ខេត្តមណ្ឌលគិរីតែម្តង ដែលជាគោលដៅអេកូទេសចរណ៍ ប្រកបដោយភាពទាក់ទាញ ជាមួយធម្មជាតិដ៏ស្រស់បំព្រង និងអាកាសធាតុត្រជាក់ជាទីមនោរម្យ។ លើសពីនេះ ព្រឹត្តិការណ៍ប្រកួតនេះ គឺជាភាពច្នៃប្រឌិតនៃការធ្វើពិពិធកម្ម កីឡាទេសចរណ៍ដែលជាផលិតផលទេសចរណ៍ដ៏ល្អ និងស័ក្តិសមបំផុតជាមួយខេត្តមណ្ឌលគីរី៕

Tourism, housing sectors on recovery path

The tourism and housing industries in Cambodia are showing signs of recovery this year, according to the ASEAN+3 Regional Economic Outlook.

Answering questions from Khmer Times at a virtual press briefing yesterday, AMRO Chief Economist Hoe Ee Khor said the country’s garment industry is likely to face a setback due to the slowdown in its major export markets.

“Cambodia is a major garment exporter and a lot of such exports go to the US and Europe. However, due to the slowdown in those areas, Cambodia’s garment industry will take a hit. It will be weaker than the previous year,” he said.

However, the Kingdom is expected to offset such setbacks due to the recovery in the tourism and housing industries, Khor pointed out.

“Because of the recovery in China, the tourism sector in Cambodia is getting a big boost. We expect tourism to recover in Cambodia this year and that would help offset the setback in the garment industry,” he said, adding: “We are hopeful about the housing industry, which was down because of the Covid-19 pandemic for several years, is coming back again.”

He said the ongoing resumption of tourism — especially with the return of Chinese tourists — will provide a much-needed boost to growth in ASEAN.
“With recession risks still haunting the United States and Europe, China’s economic reopening cannot come at a better time for the region,” Khor observed.
The economist also pointed out the revival in the fortunes of several other sectors in the country.

Source: Khmer Times

1...1,2081,2091,210...3,382 Page 1,209 of 3,382