ដោយ៖ សហការី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាប្រធានអាស៊ាន នៅព្រឹកថ្ងៃចន្ទ ទី១២ ខែកញ្ញា ឆ្នាំ២០២២នេះ បានអញ្ជើញជាអធិបតី ក្នុងពិធីបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ ព្រមទាំងប្រកាសបើកជាផ្លូវការ  “ក្លឹបសេដ្ឋកិច្ចអាស៊ាន”។

វេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ សហការរៀបចំដោយវិទ្យាស្ថានយុទ្ធសាស្ត្រដើម្បីអាស៊ី-ប៉ាស៊ីហ្វិក (KSI) វិទ្យាស្ថានចក្ខុវិស័យអាស៊ី (AVI) ក្រុមប្រឹក្សាធុរកិច្ចអាស៊ាន (ASEAN-BAC) និងសភាពាណិជ្ជកម្មកម្ពុជា។

វេទិកានេះ នឹងប្រារព្ធធ្វើឡើងក្រោមប្រធានបទ “ភាពជាដៃគូស្អិតរមួត និងការឆ្លើយតបរហ័សរបស់អាស៊ាន” ដោយមានការអញ្ជើញចូលរួមពីឥស្សរជន ថ្នាក់ដឹកនាំស្ថាប័នអ្នករៀបចំខាងលើ ស្ថាប័នធុរកិច្ច ក្រុមហ៊ុន វិនិយោគិន ធនាគារ វិទ្យាស្ថានសិក្សាស្រាវជ្រាវ និងតំណាងអង្គទូតនានា។

ក្រៅតែពីការប្រកាសបើកវេទិកាភាពជាអ្នកដឹកនាំ និងភាពជាដៃគូអាស៊ានឆ្នាំ២០២២ហើយនោះ ក៏មានការប្រកាសបើកជាផ្លូវការ  “ក្លឹបសេដ្ឋកិច្ចអាស៊ាន” ដែលបង្កើតឡើងដោយវិទ្យាស្ថានយុទ្ធសាស្ត្រដើម្បីអាស៊ី-ប៉ាស៊ីហ្វិក (KSI) ផងដែរ៕

ដោយៈ គង់ ម៉ាលីនណា

       ភ្នំពេញៈ រដ្ឋមន្ត្រីក្រសួងប្រៃសណីយ៍ និងទូរគមនាគមន៍ លោកជា វ៉ាន់ដេតបានមានប្រសាសន៍ថា គោលដៅរួមនៃ គ.រ.ឌ. គឺសម្រេចចក្ខុវិស័យ “ការកសាងរដ្ឋាភិបាលឌីជីថល ដើម្បីលើកកម្ពស់គុណភាពជីវិត និងទំនុកចិត្តប្រជាពលរដ្ឋ តាមរយៈការបម្រើសេវាសាធារណៈឱ្យកាន់តែល្អប្រសើរ។

លោកបន្តថា គោលយោបាយនេះ ធ្វើឡើងស្របតាមការចង្អុលបង្ហា​ញ ក្នុងគោលនយោបាយរដ្ឋាភិបាលឌីជីថល ២០២២-២០៣០។ ដើម្បីសម្រេចបានគោលនយោបាយនេះ គោលដៅជាយុទ្ធសាស្ត្រចំនួន៤ រួមមាន ទី១ ការលើកកម្ពស់ការអភិវឌ្ឍ ហេដ្ឋារចនាសម្ព័ន្ធរដ្ឋាភិបាលឌីជីថល ទី២ ការកសាងអភិបាលកិច្ច និងសេវាសាធារណៈឌីជីថល ទី៣ ការកសាងសមត្ថភាពនិងនវានុវត្តន៍ឌីជីថល និងទី៤ ការលើកកម្ពស់កិច្ចសហការនិងភាពជាដៃគូវាងរដ្ឋនិងឯកជន៕

HANOI : U.S. business groups warned on Friday a new regulation in Vietnam that will make technology firms store data locally and set up a local office was creating uncertainty and could have a “considerable impact” on investment.

In a joint letter to Prime Minister Pham Minh Chinh, the U.S. Chamber of Commerce, the American Chamber of Commerce Hanoi and the Asia Internet Coalition, said the new regulation would make it impossible for companies to accurately assess the cost of doing business in Vietnam.

“The wording of certain articles/clauses…is ambiguous and creates uncertainty as to what compliance actions are necessary,” according to the letter.

The business associations requested in the letter that the government provide more detailed guidance on the interpretation of the regulation.

The new rules, announced last month, are expected to take effect on Oct. 1 and apply to technology companies as well as telecommunication operators and data storage providers.

Once the rules are implemented, companies will have to store personal data in the country for at least two years and set up local data storage and a representative office within a year.

Vietnam is run by the Communist Party, which maintains tight media censorship and tolerates little dissent.

It has tightened internet rules over the past few years, culminating in a cybersecurity law that came into effect in 2019 and national guidelines on social media behaviour introduced in June last year.

Vietnam’s foreign ministry did not immediately respond to a request for comment.

Two tech firms contacted by Reuters, Alphabet Inc’s Google and Meta, also did not immediately respond.

ដោយៈ សុខុម

ប៉េកាំង: ស្ពាន Zhoushan-Daishan Bridge ដែលមានប្រវែងរហូតដល់ទៅ២៥,៦គីឡូម៉ែត្រ សម្រាប់តភ្ជាប់កោះចំនួន២ គឺកោះ Zhoushan និងកោះDaishan ស្ថិតក្នុងខេត្តចឺជាំង (Zhejiang) ប្រទេសចិន ត្រូវបានសម្ពោធដាក់ឱ្យដំណើរការ ជាផ្លួវការនៅថ្ងៃទី២៩ ខែធ្នូ ឆ្នាំ២០២១។

ប៉ុន្តែតើទាំងអស់គ្នាដឹងទេថា តើស្ពានឆ្លងសមុទ្រដ៏សែនវែងនេះចំណា​យអស់ទឹកប្រាក់ច្រើនប៉ុនណា និងមានលក្ខណៈអស្ចារ្យបែបណាខ្លះ? តោះ មកស្វែងយល់ត្រួសៗទាំងអស់គ្នាដូចខាងក្រោម!។

យោងតាមការចុះផ្សាយរបស់សារព័ត៌មាន South China Morning Post ឱ្យដឹងថា ដែកថែបរហូតដល់ទៅប្រមាណ៤០០.០០០តោន ត្រូវបានប្រើប្រាស់ នៅក្នុងការសាងសង់ស្ពាននេះ ហើយដំណើរការសាងសង់បានចំណាយពេលដល់ទៅ៤ឆ្នាំ។

សារព័ត៌មានខ្លះបានចុះផ្សាយថា ជាង៨៥%នៃការងារដំឡើងស្ពានតភ្ជាប់កោះ២ខាងលើ ដែលមានប្រជាជនសរុប ប្រមាណ២០០.០០០នាក់នេះ ត្រូវបានធ្វើឡើងដោយយន្តផ្សារស្វ័យប្រវត្តិ ឬ Automatic Welding Robot។

គេហទំព័ររបស់រដ្ឋបាលខេត្តចឺជាំង ww.ezhejiang.gov.cn ឱ្យដឹងថា ការសាងសង់ស្ពាននេះ បានចំណាយប្រាក់រហូត ដល់ទៅ២,៥៦ពាន់លានដុល្លារអាមេរិក។

ទន្ទឹមនេះ ផ្អែកតាមសារព័ត៌មាន CGTN ឱ្យដឹងថា ស្ពាននេះមានទទឹងធំ រហូតដល់ទៅ២៧,៦ម៉ែត្រ ហើយបង្គោលស្ពានមានកម្ពស់រហូតដល់ទៅ១៨០ម៉ែត្រ។

ស្ពាននេះគឺជាផ្នែកមួយ នៃប្រព័ន្ធហេរដ្ឋារចនាសម្ព័ន្ធដឹកជញ្ជូនខ្វាត់ខ្វែងដែលប្រទេសចិន បានសម្រុកសាងសង់ ក្នុងរយៈពេលប៉ុន្មានឆ្នាំចុងក្រោយនេះ ជាមួយនឹងគោលបំណងជំរុញកំណើនសេដ្ឋកិច្ច៕ South China Morning Post៕

ដោយ: លាងហួរ

សេអ៊ូល: ទិន្នន័យធនាគារកណ្តាលបានបង្ហាញ កាលពីថ្ងៃព្រហស្បតិ៍ម្សិលមិញនេះថា ប្រាក់កម្ចីគ្រួសាររបស់ធនាគារកូរ៉េខាងត្បូង បានស្ទុះងើបឡើងវិញនៅក្នុងខែសីហា ដោយសារតម្រូវការខ្ពស់ សម្រាប់ប្រាក់កម្ចីទិញផ្ទះ ។

ប្រាក់កម្ចីរបស់ធនាគារ ដល់គ្រួសារមានចំនួន១០៦០,៨ពាន់ពាន់លានវ៉ុន (ប្រហែល៧៦៧,៤ពាន់លានដុល្លារអាមេរិក) នៅចុងខែសីហា កើនឡើង ៣០០ពាន់លានវ៉ុន (ប្រហែល២១៧លានដុល្លារ) ពីមួយខែមុននេះបើយោងតាមធនាគារកូរ៉េ (BOK) ។

វាបានកើនឡើង បន្ទាប់ពីធ្លាក់ចុះ៣០០ពាន់លានវ៉ុន(ប្រហែល២១៧លានដុល្លារ) ក្នុងខែមុនដោយសារតែតម្រូវការខ្ពស់ សម្រាប់ប្រាក់កម្ចីទិញ ផ្ទះ។

ប្រាក់កម្ចីទិញផ្ទះដល់គ្រួសារ បានកើនឡើងពី១,៦ពាន់ពាន់លានវ៉ុន (ប្រហែល១,១៦ពាន់លានដុល្លារ) ដល់៧៩២,៦ពាន់ពាន់លានវ៉ុន(ប្រហែ ល៥៧៣,៥ពាន់លានដុល្លារ)  ប៉ុន្តែប្រាក់កម្ចីឥណទាន បានធ្លាក់ចុះ១,៣ពាន់ពាន់លានវ៉ុន(ប្រហែល ៩៤១លានដុល្លារ) ចំពេលមានអត្រាការប្រាក់ខ្ពស់ជាង។

ធនាគារកូរ៉េ BOK បានដំឡើងអត្រាគោលនយោបាយរបស់ខ្លួន ដោយ២៥ចំណុចមូលដ្ឋាន ដល់២,៥ភាគរយនៅក្នុងខែសីហា។

ប្រាក់កម្ចីសាជីវកម្មរបស់ធនាគារ បានកើនឡើង៨,៧ពាន់ពាន់លានវ៉ុន (ប្រហែល៦,៣ពាន់លានដុល្លារ) ពីមួយខែមុនដល់១១៤៦,១ពាន់ពាន់លានវ៉ុន (ប្រហែល៨២៩,៤ពាន់លានដុល្លារ) នៅចុងខែសីហា។ប្រាក់កម្ចីសាជីវកម្មបានបន្តកើនឡើង សម្រាប់រយៈពេលប្រាំបីខែជាប់ៗគ្នា៕

 ដោយៈ គង់ ម៉ាលីនណា

សៀមរាបៈ កិច្ចប្រជុំរដ្ឋមន្រ្តីសេដ្ឋកិច្ចអាស៊ានលើកទី៥៤ និងកិច្ចប្រជុំពាក់ព័ន្ធក្នុងឆ្នាំ២០២២ នឹងប្រារពនៅខេត្តសៀមរាប ចាប់ពីថ្ងៃទី១១ ដល់១៨ កញ្ញាខាងមុខនេះ។

ក្រសួងពាណិជ្ជកម្មកម្ពុជា ដែលជាតំណាងជាតិ សម្រាប់ក្រុមប្រឹក្សាសហគមន៍សេដ្ឋកិច្ចអាស៊ាន នឹងទទួលធ្វើជាម្ចាស់ផ្ទះ​រៀបចំកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤និងកិច្ចប្រជុំពាក់ព័ន្ធ ដែលនឹងប្រារព្វទ្បើងចាប់ពីថ្ងៃទី១១ ដល់ថ្ងៃទី១៨ ខែកញ្ញា ឆ្នាំ២០២២ នៅសណ្ឋាគាររីសត និងមជ្ឈមណ្ឌល សន្និបាតសុខាសៀមរាប ខេត្តសៀមរាប ប្រទេសកម្ពុជា។

កិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ នឹងប្រព្រឹត្តទៅនៅថ្ងៃទី១៤ និង​ថ្ងៃទី១៥ ខែកញ្ញា ឆ្នាំ២០២២ ដែលក្នុងអំឡុងពេលនោះ សម្តេច​​​​​អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃ​កម្ពុជា នឹងផ្តល់​កិត្តិយសដ៏ខ្ពង់ខ្ពស់​ធ្វើជាអធិបតី ក្នុងពិធីបើកនៃកិច្ចប្រជុំនៅថ្ងៃទី១៤ ខែកញ្ញា ឆ្នាំ២០២២។

កិច្ចប្រជុំរដ្ឋមន្ត្រីសេដ្ឋកិច្ចកម្ពុជា-ឡាវ-មីយ៉ាន់ម៉ា -វៀតណាម និង​កិច្ចប្រជុំពិគ្រោះយោបល់ដទៃទៀត រវាងរដ្ឋមន្ត្រីសេដ្ឋកិច្ចអាស៊ាន និង​ដៃគូសន្ទនាអាស៊ាន នឹងប្រព្រឹត្តទៅ​ចាប់ពីថ្ងៃទី១៦ ដល់ថ្ងៃទី១៨ ខែកញ្ញា ឆ្នាំ២០២២។

កិច្ចប្រជុំពិគ្រោះយោបល់ រវាងរដ្ឋមន្ត្រី​សេដ្ឋកិច្ច​អាស៊ាន និង​ដៃគូសន្ទ​នាអាស៊ាន រួមមាន៖ កិច្ចប្រជុំ​ពិគ្រោះ​យោបល់ រដ្ឋមន្ត្រីសេដ្ឋកិច្ចអាស៊ាន​និង​ប្រទេស​​​ឥណ្ឌា រដ្ឋមន្ត្រីសេដ្ឋកិច្ចអាស៊ាន និង​សហព័ន្ធរុស្ស៊ី រដ្ឋមន្ត្រីសេដ្ឋកិច្ចអាស៊ាននិង​ប្រទេស​កាណាដា រដ្ឋមន្ត្រីសេដ្ឋកិច្ចអាស៊ាន​ និងប្រទេស​អូស្ត្រាលីនិង​ណូវែល​សេឡង់ រដ្ឋមន្ត្រីសេដ្ឋកិច្ចអាស៊ាន និងសាធារណៈរដ្ឋកូរ៉េ រដ្ឋមន្ត្រី សេដ្ឋកិច្ចអាស៊ាន​និងប្រទេសចិន រដ្ឋមន្ត្រីសេដ្ឋកិច្ចអាស៊ីបូព៌ា (រដ្ឋមន្ត្រីសេដ្ឋកិច្ច អាស៊ានបូកនឹង៨ប្រទេស) រដ្ឋមន្ត្រី​សេដ្ឋកិច្ច​អាស៊ាន​បូក​នឹង​៣ប្រទេស រដ្ឋមន្ត្រីសេដ្ឋកិច្ច​អាស៊ាន​ និង​ហុងកុង​​​​​នៃប្រទេសចិន រដ្ឋមន្ត្រីសេដ្ឋកិច្ច អាស៊ាននិងប្រទេសជប៉ុន រដ្ឋមន្ត្រី​សេដ្ឋកិច្ច​អាស៊ាន និងចក្រភពអង់គ្លេ​ស, រដ្ឋមន្ត្រីសេដ្ឋកិច្ចអាស៊ាននិង សហរដ្ឋអាមេរិក រដ្ឋមន្ត្រីសេដ្ឋកិច្ចអាស៊ាននិង​សហភាពអឺរ៉ុប និងកិច្ចប្រជុំរដ្ឋមន្ត្រី​អាសិប (RCEP)។

កិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ និង​កិច្ចប្រជុំពាក់ព័ន្ធនឹងពិភាក្សាលើវឌ្ឍនភាព នៃ​សមាហរណកម្ម​សហគមន៍ សេដ្ឋកិច្ចអាស៊ាន ដែលរួមបញ្ចូលទាំង សមិទ្ធផលសេដ្ឋកិច្ចអាទិភាពរបស់កម្ពុជា ការងើប​ឡើងវិញ​នៃ​សេដ្ឋកិច្ចក្រោយពីជំងឺកូវីដ១៩ ទំនាក់ទំនងសេដ្ឋកិច្ចក្រៅតំបន់របស់អាស៊ាន ការស្នើសុំ​​​​​ចូលជា​សមាជិក​អាស៊ាន របស់ប្រទេសទីម៉រខាងកើត និង​បញ្ហាពហុភាគីនិង​តំបន់ផ្សេងៗទៀត ជាដើម។

ក្រោមមូលបទ “អាស៊ានរួមគ្នាធ្វើ – ដោះស្រាយបញ្ហាប្រឈមទាំងអស់គ្នា” (ASEAN A.C.T.: Addressing Challenges Together) កម្ពុជាត្រៀមខ្លួនជាស្រេច ក្នុងការធ្វើការយ៉ាងជិតស្និទ្ធ ជាមួយបណ្តារដ្ឋសមាជិកអាស៊ានទាំងអស់ ដៃគូនានារបស់អាស៊ាន និងលេខាធិការដ្ឋានអាស៊ាន ដើម្បីជំរុញកិច្ចខិតខំប្រឹងប្រែងបន្ថែមទៀត ក្នុងដំណើរការកសាងសហគមន៍សេដ្ឋកិច្ចអាស៊ាន និងពន្លឿនការស្តារសេដ្ឋកិច្ចឡើងវិញ ជំនះរាល់បញ្ហា ដែលអាស៊ានកំពុងប្រឈម និងឆ្ពោះទៅមុខប្រកបដោយ ភាពរឹងមាំ សាមគ្គីភាព និងមិត្តភាព ស្របតាមស្មារតីស្នូលរបស់អាស៊ានគឺ៖ “ចក្ខុវិស័យតែមួយ អត្តសញ្ញាណតែមួយ សហគមន៍តែមួយ”៕

ដោយ: លាងហួរ

ប្រទេសចិន: ប្រធានាធិបតីចិន លោកស៊ី ជីនពីងបានអំពាវនាវឱ្យមានការខិតខំប្រឹងប្រែង ដើម្បីលើកកម្ពស់ការច្នៃប្រឌិតសហគ្រាស និងជំរុ​ញសហគ្រាសធុនតូច និងមធ្យម (SMEs) បន្ថែមទៀតដែលមានឯកទេស និងច្នៃប្រឌិត។

លោកស៊ី ជីនពីង អគ្គលេខាធិការនៃគណៈកម្មាធិការ មជ្ឈិមបក្សកុម្មុយនិស្តចិន (CPC) និងជាប្រធានគណៈកម្មាធិការ យោធាមជ្ឈិមបានធ្វើការកត់សម្គាល់ នៅក្នុងលិខិតអបអរសាទរ ទៅកាន់សន្និសីទមួយទាក់ទងនឹងការអភិវឌ្ឍន៍សហគ្រាសទាំងនេះ ដែលបានបើកកាលពីថ្ងៃព្រហស្បតិ៍ ទី៨ ខែកញ្ញានៅទីក្រុងណានជីង ខេត្តជាំងស៊ូ ភាគខាងកើតប្រទេសចិន។

លោកស៊ី ជីនពីង បានហៅសហគ្រាសធុនតូច និងមធ្យមថាជាកម្លាំងដ៏សំខាន់ សម្រាប់ការលើកកម្ពស់ការច្នៃប្រឌិត បង្កើតការងារ និងការលើកកម្ពស់ជីវភាពរស់នៅរបស់ប្រជាជន លោកបានសម្តែងក្តីសង្ឃឹមថា ក្រុមហ៊ុនឯកទេស និងច្នៃប្រឌិតអាចផ្តោតលើអាជីវកម្ម ចម្បងរបស់ពួកគេ និងខិតខំប្រឹងប្រែង ក្នុងការបណ្តុះជំនាញរបស់ពួកគេ ដើម្បីរួមចំណែកកាន់តែច្រើនក្នុងការធ្វើឱ្យមានស្ថិរភាពឧស្សាហកម្ម និងខ្សែសង្វាក់ផ្គត់ផ្គង់ ក៏ដូចជាការជំរុញការអភិវឌ្ឍន៍សង្គម និងសេដ្ឋកិច្ច។

លោកស៊ី ជីនពីង បាននិយាយថា រដ្ឋាភិបាលគ្រប់លំដាប់ថ្នាក់គួរតែបង្កើតបរិយាកាសអំណោយផល និងបង្កើនការគាំទ្រ សម្រាប់សហគ្រាសធុនតូច និងមធ្យម ពង្រឹងទំនុកចិត្តរបស់សហគ្រាសក្នុងការអភិវឌ្ឍន៍ លើកទឹកចិត្តសហគ្រាសឱ្យមានភាពច្នៃប្រឌិត និងពង្រឹងការការពារកម្មសិទ្ធិបញ្ញា។

លិខិតរបស់លោកស៊ី ជីនពីង ត្រូវបានអានដោយលោក Liu He ឧបនាយករដ្ឋមន្ត្រីចិន និងជាសមាជិកការិយាល័យនយោបាយ នៃគណៈកម្មាធិការកណ្តាលCPC ដែលបានចូលរួមក្នុងពិធីបើកសន្និសីទ តាមរយៈតំណភ្ជាប់វីដេអូ៕