ក្រុមហ៊ុនថៃធំមួយគ្រោងសាងសង់វិទ្យាស្ថានបណ្ដុះបណ្ដាលបច្ចេកវិទ្យាបដិវត្តន៍ឧស្សាហកម្មទី៤នៅកម្ពុជា

ដោយ : សុផារី

ភ្នំពេញៈ ក្រុមហ៊ុនធំមួយរបស់ប្រទេសថៃ SNC Former Public Company Ltd គ្រោងបង្កើតវិទ្យាស្ថានបច្ចេកវិទ្យា លក្ខណៈស្តង់ដារស្វ័យប្រវត្តិទំនើបមួយនៅកម្ពុជា។

គំរោងវិនិយោគនេះ ធ្វើឡើងដើម្បីបំពាក់បំប៉នជំនាញផលិតឧបករណ៍ និងគ្រឿងអេឡិចត្រូនិកដល់យុវជនកម្ពុជា សម្រាប់គាំទ្រការវិនិយោគពង្រីកទីផ្សាររបស់ក្រុមហ៊ុននាពេលអនាគត។

បើយោងតាមសេចក្តីប្រកាសព័ត៌មាន ពីស្ថានទូតកម្ពុជាប្រចាំប្រទេសថៃ ចុះផ្សាយនៅថ្ងៃទី១៣ ខែសីហាម្សិលមិញ។

លោក អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ បានស្វាគមន៍ ផែនការបង្កើតវិទ្យាស្ថានបណ្ដុះបណ្ដាល បច្ចេកវិទ្យាកម្រិតខ្ពស់ ដើម្បីគាំទ្របដិវត្តន៍ឧស្សាហកម្មទី៤.០ នៅកម្ពុជា ដែលផ្តួចផ្តើមដោយសាជីវកម្ម SNC Former Public Company Ltd ដោយសារគម្រោងនេះ អាចជួយអភិវឌ្ឍធនធានមនុស្ស និងបង្កើនភាពប្រកួតប្រជែងរបស់កម្ពុជា ក្នុងការទាក់ទាញវិនិយោគផ្ទាល់ពីបរទេស។

ក្រុមហ៊ុនសាជីវកម្ម SNC Former Public Limited Company Ltd បង្កើតឡើងដំបូងក្នុងឆ្នាំ១៩៩៤ ហើយបច្ចុប្បន្នបាន និងកំពុងធ្វើប្រតិបត្តិការធុរកិច្ច ដោយប្រើប្រាស់រ៉ូបូតភាគច្រើន ដើម្បីផលិតគ្រឿងបន្លាស់ម៉ាស៊ីនត្រជាក់សម្រាប់គេហដ្ឋាន និងរថយន្ត ទូទឹកកក និងទូរទស្សន៍ សម្រាប់លក់ផ្ទាល់ ជូនអតិជនដែលជាម្ចាស់ម៉ាកយីហោល្បីៗនៅក្នុងប្រទេសថៃ និងតំបន់អាស៊ី។

លោក អ៊ូក សោភ័ណ បានឱ្យដឹងថា គម្រោងបង្កើតវិទ្យាស្ថានបណ្ដុះបណ្ដាលបច្ចេកវិទ្យាកម្រិតខ្ពស់នេះ ដើរតួនាទីសំខាន់សម្រាប់សេដ្ឋកិច្ចកម្ពុជា ពីព្រោះវាមានសង្គតិភាព ជាមួយផែនការអភិវឌ្ឍន៍ឧស្សាហកម្ម (IDP) ឆ្នាំ២០១៥-២០២៥ និងមានសក្តានុពលធ្វើឱ្យសម្រេចនូវ ចក្ខុវិស័យកម្ពុជាឆ្នាំ២០៣០ ក្លាយជាប្រទេសមានប្រាក់ចំណូលមធ្យមកម្រិតខ្ពស់ និងឆ្នាំ២០៥០ ក្លាយជាប្រទេសមានប្រាក់ចំណូលកម្រិតខ្ពស់។

លោកបណ្ឌិត Somchai Thaisa-nguanvorakul ស្ថាបនិក និងជាអគ្គនាយកក្រុមហ៊ុន SNC Former Public Company Ltd បានបញ្ជាក់ថា ក្រុមហ៊ុនធ្លាប់បានសិក្សាលើវិស័យជាច្រើននៅកម្ពុជា រាប់តាំងពីការគ្រប់គ្រងកាកសំណល់ (Waste management) រហូតដល់ថាមពលកកើតឡើងវិញ (Renewable energy) ហើយឥឡូវក៏មានបំណងបង្កើតវិទ្យាស្ថានបច្ចេកវិទ្យា លក្ខណៈស្តង់ដារស្វ័យប្រវត្តិទំនើបមួយ ដើម្បីបំពាក់បំប៉នជំនាញផលិតឧបករណ៍ និងគ្រឿងអេឡិចត្រូនិកដល់យុវជនកម្ពុជា សម្រាប់គាំទ្រការវិនិយោគ ពង្រីកទីផ្សាររបស់ក្រុមហ៊ុននាពេលអនាគត៕

ក្នុងវិបត្តិអតិផរណា តើគួរវិនិយោគមួយណាល្អបំផុតរវាង សន្សំធនាគារ ទិញស្តុក ទិញមាស ឬទិញអចលនទ្រព្យ?

ដោយៈ សុផារី

ភ្នំពេញៈ ការវិនិយោគ វាជាជម្រើសរបស់លោក អ្នក ប៉ុន្តែការទទួលបានព៌តមាន និងចំណេះដឹងគ្រប់គ្រាន់ នឹងជួយអ្នកកាត់បន្ថយបាននូវហានិភ័យ និងរកបានផលចំណេញ។

នៅចុងខែកក្កដា ឆ្នាំ២០២២ Global Data បានបង្កើនការព្យាករណ៍អត្រាអតិផរណា នៅក្នុងពិភពលោក សម្រាប់ដំណាច់ឆ្នាំ២០២២ ពី២,៧ភាគរយ ទៅដល់៧,៥ភាគរយ។ ការព្យាករណ៍នេះជំរុញដោយ កំណើនតម្លៃនៃការរស់នៅ ការកើនឡើងថ្លៃប្រេងឥន្ធនៈ និងថាមពល និងការរំខានសង្វាក់ផ្គត់ផ្គង់ពិភពលោក ដែលបណ្តាលមកពីសង្គ្រាមរុស្ស៊ី-អ៊ុយក្រែន។

សម្រាប់ប្រទេសកម្ពុជា យោងតាមធនាគារជាតិនៃកម្ពុជា បានបង្ហាញថា នៅឆមាសទី១ ឆ្នាំ២០២២ អតិផរណាជាមធ្យមនៅកម្ពុជា មានកម្រិត៦,៥% ខ្ពស់ជាងឆមាសទី២ ឆ្នាំ២០២១ ដែលមានអត្រា៣,៤% និងឆមាសទី១ ឆ្នាំ២០២១ ក្នុងកម្រិត២,៥%។

ក្នុងស្ថានភាពនេះ រវាងការដាក់សន្សំក្នុងធនាគារ វិនិយោគស្តុក វិនិយោគមាស និងវិនិយោគអចលនទ្រព្យ ក្នុងវិបត្តិអតិផរណា តើជម្រើសណាមួយជាជម្រើសល្អបំផុត?

ជាទស្សនៈវិនិយោគរបស់លោក ខន គង្គា អគ្គនាយកក្រុមហ៊ុនអចលនទ្រព្យ ERA ឱ្យដឹងថា ស្របពេលប្រឈមនឹងអតិផរណាខ្ពស់ នាពេលបច្ចុប្បន្ន ការវិនិយោគលើអចលនទ្រព្យ “ជាជម្រើសល្អបំផុត” រវាងជម្រើសទាំងបួនខាងលើ។

លោកបញ្ជាក់ថា “ក្នុងកាលៈទេសៈអតិផរណានេះ អ្នកវិនិយោគវៃឆ្លាតដឹងច្បាស់ណាស់ថា ត្រូវធ្វើអ្វីហើយ ហើយនេះក៏ជាពេលវេលា ដែលធ្វើឱ្យអ្នកមានកាន់តែមាន អ្នកក្រក្លាយជាអ្នកមាន និងធ្វើឱ្យអ្នកក្រកាន់តែក្រផងដែរ”។
លោកបន្តទៀតថា ក្នុងកាលៈទេសៈដែលមានអតិផរណា កើតមានឡើង នៅក្នុងប្រទេស និងក្នុងពិភពលោក អ្នកវិនិយោគនឹងពិចារណាលើបីចំណុច ដើម្បីរក្សាអំណាចនៃការទិញរបស់លុយរបស់គាត់បាន រវាងការយកលុយដាក់ធនាគារ ទិញមាស ទិញស្តុក និងទិញអចលនទ្រព្យ។

ជម្រើសទី១ ក្នុងករណីអ្នកវិនិយោគយកលុយដាក់ធនាគារ លោកគង្គា បញ្ជាក់ថា ជាទូទៅតម្លៃលុយធ្លាក់ចុះ ការយកលុយដាក់ធនាគារមិនបានប្រយោជន៍អ្វីនោះទេ ព្រោះការប្រាក់ ចំពោះ Fix Deposit បានចន្លោះ៣ទៅ៤ភាគរយ ខណៈអត្រាអតិផរណា នាពេលបច្ចុប្បន្ននៅកម្ពុជាក្នុងខែសីហា ឆ្នាំ២០២២ ស្ថិតនៅចន្លោះ៧ភាគរយ។ នោះតម្លៃទាំងដើម ទាំងការប្រាក់ នឹងអស់ផលចំណេញហើយ។

ជម្រើសទី២ គឺការទិញស្តុក។ លោកចោទសួរថា តើគួរទិញស្តុកដែរឬទេ? ក្នុងកាលៈទេសៈមានសង្គ្រាមរវាងរុស្ស៊ី និងអ៊ុយក្រែន បញ្ហានយោបាយតំបន់អាស៊ី នោះតម្លៃស្តុកមិនមានភាពទៀងទាត់ទេ អាចមានការចុះ ឡើងជានិច្ច។
ជម្រើសទី៣ គឺ ការទិញមាសទុកទុក។ លោកគង្គាលើកឡើងថា អាចជាជម្រើសមួយ តែភាគច្រើនសម្រាប់អ្នកវិនិយោគធំៗ មិនជ្រើសរើសការស្តុកទុកមាសសុទ្ធទេ តែជ្រើសរើសទិញតាមអនឡាញ ដែលភាគច្រើនជាការជួញដូរនៅបរទេស។ សម្រាប់ប្រទេសកម្ពុជា ភាគច្រើនជាការស្តុកទុកផ្ទាល់ ប៉ុន្តែអាចប្រឈមថាតើមានសុវត្ថិភាព។ លោកចោទជាសំណួរថា “តើយើងអាចជួលមាសបានទេ? នៅក្នុងមាសបានទេ?”។

លោកថា “ជម្រើសល្អបំផុត នៅក្នុងកាលៈទេសៈអតិផរណានេះ គឺវិនិយោគលើអចលនទ្រព្យ ដោយសារទី១ ស្របពេលទំនិញគ្រប់មុខឡើងថ្លៃ ដីឡើងថ្លៃ នោះអ្នកអភិវឌ្ឍន៍មិនអាចលក់ អចលនទ្រព្យថោកបានឡើយ”។
លោកបញ្ជាក់ថា “ជាទូទៅ តម្លៃអចលនទ្រព្យនឹងកើនឡើងខ្ពស់ជាងអតិផរណា”។

លោកបន្តថា ហេតុផលសំខាន់ទី២ ដែលអ្នកវិនិយោគគួរជ្រើសរើសវិនិយោគអចលនទ្រព្យ ព្រោះអចលនទ្រព្យប្រភេទផ្ទះឬខុនដូ អាចឱ្យអ្នកវិនិយោគរស់នៅបាន និងជួលបានទៀតផង។

លោកសង្កត់ធ្ងន់ថា “អចលនទ្រព្យមានលក្ខណៈពិសេស ល្អជាងស្តុក ល្អជាងមាស ល្អជាងប្រេង ហើយអាចរក្សាតម្លៃ Value របស់លុយបានទៀតផង មិនឱ្យធ្លាក់ចុះ តែអាចឱ្យកើនឡើងបាន”៕

សេដ្ឋកិច្ចម៉ាឡេស៊ី ហក់ឡើងខ្ពស់ជាងការព្យាករជាមួយនឹងកំណើនដល់ទៅ៨,៩%ក្នុងត្រីមាសទី២ ឆ្នាំនេះ

ដោយសុខុម

គូឡាឡាំពួ: សេដ្ឋកិច្ចនៃប្រទេសម៉ាឡេស៊ី ដែលជាសមាជិកមួយរបស់អាស៊ាន បានហក់ឡើងក្នុងល្បឿនលឿនបំផុតមិនធ្លាប់មានក្នុងត្រីមាសទី២ ឆ្នាំ២០២២ សារកំណើនតម្រូវការក្នុងស្រុក និងភាពធន់ទ្រាំនៃការនាំចេញ។

ទោះជាយ៉ាងណា ការធ្លាក់ចុះកំណើនសេដ្ឋកិច្ចពិភពលោកត្រូវបានរំពឹងថានឹងបង្កហានិភ័យដល់ទស្សនវិស័យសេដ្ឋកិច្ចសម្រាប់ឆ្នាំ២០២២ ទាំងមូល។ នេះបើយោងតាមការចុះផ្សាយរបស់សារព័ត៌មាន Aljazeera កាលពីថ្ងៃសុក្រ ទី១២ ខែសីហា។

ធនាគារកណ្តាលម៉ាឡេស៊ី បញ្ជាក់ថា ផលទុនជាតិសរុប (GDP) របស់ប្រទេសនេះក្នុងខែមេសា ដល់ខែមិថុនា បានហក់ឡើង៨,៩%បើធៀបនឹងឆ្នាំ២០២១។ កំណើននេះគឺខ្ពស់ជាងការព្យាករកំណើន៦,៧%នៅក្នុងការស្ទង់មតិរបស់ទីភ្នាក់ងារព័ត៌មាន Reuters ហើយកើនឡើងពី៥%ក្នុងត្រីមាសទី១។

កំណើននេះក៏ខ្ពស់ជាងក្នុងត្រីមាសទី២ ឆ្នាំ២០២១ ផងដែរ ដោយពេលនោះ GDP របស់ប្រទេសនេះសម្រេចបានកំណើន ១៦,១%បើធៀបនឹងឆ្នាំ២០២០។

សេដ្ឋកិច្ចរបស់ប្រទេសម៉ាឡេស៊ី បានស្ទុះងើបឡើងយ៉ាងរឹងមាំ ចាប់តាំងពីប្រទេសបានបើកព្រំដែនឡើងវិញកាលពីខែមេសា ក្រោយការបិទខ្ទប់កូវីដ-១៩ អស់រយៈពេលយ៉ាងយូរ៕ Aljazeera៕

ទីផ្សារអចលនទ្រព្យវៀតណាម មានសន្ទុះហក់ឡើង និងមានតុល្យភាពជាងមុនក្នុងត្រីមាសទី២ ឆ្នាំនេះ

ដោយសុខុម

ហាណូយៈ ទីផ្សារអចលនទ្រព្យនៅប្រទេសវៀតណាម បានបង្ហាញសញ្ញាស្ទុះងើបឡើងវិញ និងការអភិវឌ្ឍដែលមានតុល្យភាពជាងមុនជាវិជ្ជមានក្នុងត្រីមាសទី២ ឆ្នាំ២០២២ ដោយចំនួនប្រតិបត្តិការទិញលក់អាផាតម៉ិន ផ្ទះ និងដីធ្លីបានកើនឡើងច្រើនគួរសម។ នេះយោងតាមរបាយការណ៍របស់ក្រសួងសំណង់វៀតណាម។

យោងតាមសារព័ត៌មាន Vietnam News ចុះផ្សាយកាលពីថ្ងៃសៅរ៍ ទី១៣ ខែសីហា ឱ្យដឹងថា អត្រាតម្រូវការនេះគឺខ្ពស់ណាស់ ខណៈការផ្គត់ផ្គង់ថ្មីៗស្ទើរតែគ្មាន ហើយអត្រាការិយាល័យ និងអគារពាណិជ្ជកម្មដែលនៅទំនេរសម្រាប់ជួលបានធ្លាក់ចុះជាលំដាប់។

ក្រសួងដដែលនិយាយថា អាផាតម៉ិនដែលមានតម្លៃសមរម្យចាប់ពី១.០៧០ដុល្លារ ទៅ១.២៨០ដុល្លារ ក្នុង១ម៉ែត្រការ៉េគឺស្ទើរតែគ្មាននោះទេក្នុងគម្រោងលំនៅដ្ឋាននានានៅកណ្ដាលក្រុង។ អាផាតម៉ិនដែលមានតម្លៃខ្ទង់ប៉ុណ្ណេះមានតែនៅក្នុងគម្រោងមួយចំនួនតូចនៅតាមតំបន់ ដែលឆ្ងាយពីកណ្ដាលក្រុងប៉ុណ្ណោះ។

ក្រសួងនេះបានឱ្យដឹងទៀតថា តម្លៃលំនៅដ្ឋានពេលនេះខ្ពស់ជាងដំណាច់ឆ្នាំ២០២១ ប៉ុន្តែអត្រាកំណើនបានបង្អង់ល្បឿនជាងមុន។

នៅក្នុងត្រីមាសទី២ មានប្រតិបត្តិការទិញលក់ជាង៦៩.០០០ប្រតិបត្តិការ ហើយផ្ទះថ្មីៗដែលត្រូវបានផ្គត់ផ្គង់នៅលើទីផ្សារមានចំនួនត្រឹមតែ២៧.១៦០យូនីត៕ Vietnam News៕

កំនើនប្រជាសាស្រ្តកំពុងជះឥទ្ឋិពលដល់់លំហូរនិងកំនើនកកស្ទះចរាចរណ៍យ៉ាងអាក្រក់នៅរាជធានីភ្នំពេញ

ដោយៈ គង់ សូរិយា

ភ្នំពេញៈ កំនើនកើនឡើងនៃអត្រាប្រជាសាស្រ្ត នៅរាជធានីភ្នំពេញ បាននិងកំពុងហុចផលវិជ្ជមានផង និងអវិជ្ជមានផង ហើយចំណុចអវិជ្ជមាន ដែលគេមើលឃើញច្បាស់ជាងគេ គឺកំនើននៃការកកស្ទះចរាចរណ៍។

លំហូរនៃជំនន់ចរាចរណ៍នៅទីក្រុងភ្នំពេញ បានចាប់់ផ្តើមបង្កការកកស្ទះខ្លាំងបណ្តើរៗហើយ ខណៈប្រជាពលរដ្ឋមានត្រឹម ប្រមាណ៣លាននាក់ ប៉ុន្តែនៅឆ្នាំ២០៣០ខាងមុខ ចំនួនប្រជាពលរដ្ឋរស់នៅក្រុងភ្នំពេញ នឹងកើនដល់៤,៥ ទៅ ៥លាននាក់។

យោងតាមការសិក្សារបស់ក្រុមហ៊ុន Urban Living Solution បានឲ្យដឹងថា នៅពេលចំនួនមនុស្សរស់នៅ កើនឡើងដល់៥លាននាក់ ប្រជាពលរដ្ឋនឹងសម្រេចចិត្ត រស់នៅតាមខុនដូកាន់តែច្រើន ដោយសារហេតុផលមួយចំនួន។

ប៉ុន្តែជាក់ស្តែងតាមការសង្កេតជាទូទៅ គឺបច្ចុប្បន្ននេះប្រជាពលរដ្ឋខ្មែរបានចាប់ផ្តើមរស់នៅតាមខុនដូ កាន់តែច្រើនបណ្តើរៗហើយ ដោយនិន្នាការនេះបាន និងកំពុងផ្លាស់ប្តូរបែបផែនជីវិតរស់នៅរបស់ប្រជាពលរដ្ឋខ្មែរ។
ជាមួយគ្នានេះ ក្រសួងរៀបចំដែនដី នគរូបនីយកម្មនិងសំណង់បានរកឃើញថា ប្រជាជនរស់នៅទីក្រុង និងតាមទីប្រជុំជននានា នឹងកើនដល់៧លាននាក់នៅឆ្នាំ២០៣០ខាងមុខ។

តាមរបាយការណ៍របស់ក្រសួងរៀបចំដែនដី នរគរូបនីយកម្ម និងសំណង់ ដែលបានចេញផ្សាយកាលពីកំឡុងឆ្នាំ២០១៧ កន្លងមកបានឲ្យដឹងថា បើគិតចាប់ពីឆ្នាំ២០១៥ ដល់ឆ្នាំ២០៣០ ចំនួនប្រជាជននៅតាមទីប្រជុំជន និងទីក្រុងធំៗ និងកើនពី៤ ទៅ ៧លាននាក់។ កំណើនប្រជាសា ស្ត្រនេះ នឹងទាមទារឲ្យមានការផ្តត់ផ្គង់លំនៅដ្ឋាន ដ៏ច្រើនរហូតដល់ ៨៥ម៉ឺនខ្នងដល់ឆ្នាំ២០៣០ ពោលគឺការផ្គត់ផ្គង់ប្រចាំឆ្នាំត្រូវមានប្រមាណជាង ៥ម៉ឺនខ្នង។

ការសិក្សារបស់ក្រុមហ៊ុន Urban Living Solution កាលពីឆ្នាំ២០១៨ ក៏បានរកឃើញផងដែរថា ប្រជាពលរដ្ឋរស់នៅក្រុងភ្នំពេញ នឹងកើនដល់ ៤,៥លាននាក់ទៅ៥លាននាក់ ជាពេលវេលាដែលធ្វើឲ្យប្រជាជនកាន់តែច្រើន នឹងរស់នៅតាមខុនដូ ដោយសារទី១ កំនើនប្រជាសាស្ត្រធ្វើឲ្យមានការកកស្ទះចរាចរណ៍ខ្លាំង ទី២ តម្លៃអចលនទ្រព្យ ពិសេសលំនៅដ្ឋាននឹងមានតម្លៃខ្ពស់ ដែលប្រជាពលរដ្ឋថ្នាក់កណ្តាល មិនមានលទ្ឋភាពទិញលំនៅដ្ឋាននៅក្នុងទីក្រុងបាន តែពួកគេអាចទិញនៅជាយក្រុង ដែលលំបាកក្នុងការធ្វើដំណើរ។

ទី៣ ការរីកចម្រើនបច្ចេកវិទ្យា នឹងធ្វើឲ្យគុណភាពជីវិតប្រសើរឡើង ដោយអ្នករស់នៅតាមខុនដូ ឬលំនៅដ្ឋាននានាអាចកុំម៉ង់អាហារ យកមកទទួលទានកាន់តែងាយស្រួល និងទី៤ លក្ខខ័ណ្ឌកន្លែងការងារ ដែលប្រជាពលរដ្ឋមិនចង់រស់នៅឆ្ងាយពីការងារ ហើយពួកគេងាកមករស់នៅខុនដូ ដែលស្ថិតនៅជិតកន្លែងការងាររបស់ពួកគេ។
យោងតាមការសិក្សារបស់អង្គការអន្តរជាតិខាងការងារ (ILO)បានប ង្ហាញថា ក្នុងមយឆ្នាំៗប្រជាជនកម្ពុជាចន្លោះពី២៣ ទៅ៣០ម៉ឺននាក់បានចូលមករស់នៅទីក្រុងភ្នំពេញ។

អតីតៈនាយិកាប្រចាំប្រទេសនៃក្រុមហ៊ុន CBRE Cambodia លោកស្រីអាន សុធីតាបានមានប្រសាសន៍ថា ប្រជាពលរដ្ឋរស់នៅក្រុងភ្នំពេញ មិនមានចំនួនច្រើននោះទេ គឺមួយគីឡូម៉ែត្រមានតង់ស៊ីតេត្រឹមជាង ២០០០នាក់ ប៉ុន្តែបញ្ហាកកស្ទះចរាចរណ៍មានការកើនឡើងខ្ពស់ ខុសពីបណ្តាប្រទេសក្នុងតំបន់ដូចជាទីក្រុងបាងកក ប្រទេសថៃ ទីក្រុងហូជីម៉ិញប្រទេសវៀតណាមដែលមានប្រជាជនរស់នៅ ចន្លោះ៤០០០ ទៅ ៥០០០នាក់ក្នុងមួយគីឡូម៉ែត្រ តែបញ្ហាចរាចរណ៍ហាក់មិនអាក្រក់ណាស់ណានោះទេ។

អ្នកនាងបន្តថា “រដ្ឋាភិបាលគួរចាត់វិធានការណ៍ ទៅលើបញ្ហាសណ្តាប់ធ្នាប់ចរាចរ ណ៍ តាមរយៈការដាក់ចេញវិធានការណ៍អប់រំ និងជំរុញឲ្យអ្នកបើកបរគោរពច្បាប់ តាមរយៈការធ្វើយ៉ាងណា ឲ្យពួកគេយល់ដឹងពីច្បាប់។

យ៉ាងណាតាមការសង្កេតជាក់ស្តែង ការធ្វើចរាចរណ៍របស់ប្រជាលរដ្ឋខ្មែរនៅតាមដងផ្លូវនានា ទាំងក្នុងរាជធានីភ្នំពេញ និងតាមបណ្តាខេត្តពិតជាមិនសូវមានរបៀបរៀបរយ និងមិនសូវគោរពច្បាប់ចរាចរណ៍ផងដែរ ដែលបានធ្វើឲ្យស្ថានភាព នៃការធ្វើដំណើរតាមដងផ្លូវ កំពុងកកស្ទះយ៉ាងខ្លាំងនាពេលបច្ចុប្បន្ននេះ ពិសេសផ្លូវជាតិសំខាន់ៗ ចូលមកកាន់រាជធានីកំពុងកកស្ទះយ៉ាងខ្លាំងដូចជា ផ្លូវជាតិលេខ១ ផ្លូវជាតិលេខ២ ផ្លូវជាតិលេខ៣ និងផ្លូវជាតិលេខ៤។

អ្នកជំនាញផ្នែកនគរូបនីយកម្ម និងរៀបចំផែនការអភិវឌ្ឍន៍ទីក្រុង លោកបណ្ឌិតវ៉ាន់ វ៉ាតបានមានប្រសាសន៍ឲ្យដឹងនាពេលកន្លងមកថា ដំណោះស្រាយសម្រាប់កាត់បន្ថយភាពកកស្ទះចរាចរណ៍ សម្រាប់រយៈពេលវែង មិនមែនយើងត្រូវសាងសង់ស្ពានអាកាស តាមការនឹកឃើញ និងធ្វើតាមអ្វី ដែលមើលឃើញជាក់ស្តែង ហើយធ្វើដើម្បីដោះស្រាយ សម្រាប់រយៈពេលខ្លី នោះទេ ប៉ុន្តែរដ្ឋបាលរាជធានីភ្នំពេញ ក៏ដូចជារដ្ឋាភិបាលត្រូវគិតគូររៀបចំផែនការមេលំអិត ដើម្បីដោះស្រាយបញ្ហាសម្រាប់រយៈពេលវែង។

លោកបន្តថា “ផែនការប្រើប្រាស់ដីធ្លីលំអិត នៅរាជធានីភ្នំពេញ គួររៀបចំធ្វើឡើង ដើម្បីអាចបែងចែកហ្សូនច្បាស់លាស់ ដើម្បីងាយស្រួលរៀបចំផែនការអភិវឌ្ឍន៍”។ លោកបន្តថា “ការរៀបចំផែនការប្រើប្រាស់ដីលំអិតនឹងជួយសម្រួល ដល់ការរៀបចំហេដ្ឋារចនាសម្ព័ន្ឋ រៀបចំផែនការអភិវឌ្ឍន៍បានត្រឹមត្រូវ ដែលនឹងដោះស្រាយបញ្ហាសង្គម បរិស្ថាន និងលំហូរចរាចរណ៍ផងដែរ”៕

តំបន់ស្ថិតក្នុងគំរោងផ្លូវក្រវ៉ាត់ក្រុងទី៤បាននិងកំពុងលេចចេញគំរោងវិនិយោគផ្ទះលំហែរកាយបណ្តើរៗ

ដោយៈ ជេស៊ីកា

កណ្តាលៈ ជាមួយនឹងដងព្រែក បឹង ធម្មជាតិជាច្រើន គួបផ្សំនឹងស្ថានភាពអំណោយផលលើផ្នែកដីចម្ការ អ្នកវិនិយោគជាវច្រើនបាន និងកំពុងចាប់អារម្មណ៍សាងសង់ផ្ទះលំហែរកាយ និងគំរោងវិនិយោគរមណីយដ្ឋានលំហែរបណ្តើរៗហើយ។

មានចម្ងាយត្រឹមប្រមាណ៤០គីឡូម៉ែត្រ ពីរាជធានីភ្នំពេញ គំរោងផ្លូវក្រវ៉ាត់ក្រុងទី៤ ប្រវែងជាង១៩០គីឡូម៉ែត្រ ឆ្លងកាត់ខេត្តកណ្តាល កំពង់ស្ពឺតាកែវ ព្រៃវែង គំរោងផ្លូវនេះត្រូវបានដាក់ឲ្យសិក្សាដោយដ្ឋាភិបាលហើយ និងត្រៀមបញ្ចប់នាពេលខាងមុខ ស្របពេលតម្រុយផ្លូវមួយចំនួន ត្រូវបានបោះបង្គោលបណ្តើរៗហើយផងដែរ។

សហស្ថាបនិក និងជាអគ្គនាយកគេហទំព័រPropertyarea.asia ដែលបានចុះទៅកាន់តំបន់នេះ កាលពីថ្ងៃទី១៤ សីហាបានឲ្យដឹងថា តំបន់ផ្លូវក្រវ៉ាត់ក្រុងទី៤ មានចម្ងាយមិនឆ្ងាយឡើយពីរាជធានីភ្នំពេញ ដែលនេះជាមូលហេតុធ្វើឲ្យដីតំបន់នេះបន្តឡើងថ្លៃ និងមានតម្រូវការច្រើននាពេលបច្ចុ ប្បន្ន។

លោកបន្តថា “ជាក់ស្តែងទោះបីផ្លូវនេះមិនទាន់សាងសង់ក្តី ប៉ុន្តែតម្លៃដីបានហក់ឡើងចន្លោះពី១០ ទៅ២០ដុល្លាររួចទៅហើយក្នុងមួយម៉ែត្រការ៉េ”។លោកបន្តទៀតថា ភាពអំណោយផលនៃដី ទីតាំងភូមិនសាស្រ្ត នឹងប្រែក្លាយតំបន់នេះ ក្លាយជាតំបន់វិនិយោគដីនិងផ្ទះលំហែរកាយ ដ៏ពេញនិយមនាពេលអនាគត”។

លោកយិន លាងគង់បានបន្តថា ទោះបីជាផ្លូវនេះទើបបានបោះបង្គោលកំណត់ព្រំខ្លះៗក្តី ប៉ុន្តែបច្ចុប្បន្ន ផ្ទះលំហែរកាយបានលេចឡើងប ណ្តើរៗហើយ ជាមួយនឹងអ្នកវិនិយោគជាច្រើនបាន និងកំពុងត្រៀមធ្វើការវិនិយោគដីលំហែរកាយ និងរៀបចំរមណីយដ្ឋាន ដើម្បីទាក់ទាញភ្ញៀវទេសចរ ណ៍ផងដែរ។

មន្ត្រីជាន់ខ្ពស់របស់ក្រសួងសាធារណការ និងដឹកជញ្ជូនបានអះអាងថា ផ្លូវខ្សែក្រវាត់ក្រុងទី៤ ដែលក្រសួងបានឱ្យក្រុមហ៊ុនសាជីវកម្មស្ពាន ថ្នល់ចិន សិក្សាតាំងពីឆ្នាំ២០១៨ បានសិក្សាចប់សព្វគ្រប់នៅឆ្នាំ២០២០ ដោយផ្លូវនេះមានប្រវែង១៩៥គីឡូម៉ែត្រ និងឆ្លងកាត់ខេត្តចំនួន៤ គឺខេត្តកំពង់ស្ពី តាកែវ កណ្តាល និងខេត្តព្រៃវែង។

រដ្ឋលេខាធិការក្រសួងសាធារណៈការ និងដឹកជញ្ជូន លោកលីម ស៊ីដេនីនធ្លាប់បានបញ្ជាក់នៅក្នុងសិក្ខាសាលា ពិគ្រោះយោបល់ស្តីពីការជ្រើសរើសផ្លូវក្រវាត់ក្រុងទី៤ ការគ្រប់គ្រង និងការទប់ស្កាត់ការទន្ទ្រានដីចំណីផ្លូវតម្រូវការហេដ្ឋានរចនាសម្ព័ន្ធ នៃប្រព័ន្ធចម្រោះទឹកកខ្វក់ថា ក្នុងចំណោមខេត្តទាំង៤នេះ ដោយឆ្លតកាត់ខេត្តកំពង់ស្ពី ចំនួន៣ស្រុក ខេត្តតាកែវចំនួន១ស្រុកខេត្តកណ្តាល៨ស្រុកនិងខេត្តព្រៃវែង២ស្រុក។

លោកបន្តទៀតថា “ផ្លូវក្រវាត់ក្រុងទី៤ ជាផ្លូវមួយមានសារៈសំខាន់ ដែលនឹងចូលរួមចំណែក កាត់បន្ថយការកកស្ទះចរាចរណ៍ និងជួយសម្រួលដល់ការដឹកជញ្ជូនទំនិញ របស់បងប្អូនប្រជាពលរដ្ឋ ទៅកាន់ផ្លូវជាតិផ្សេងៗ និងទៅកាន់ព្រំដែនប្រទេសវៀតណាម និងប្រទេសថៃ បានកាន់តែលឿន ចំណេញពេលវេលា កាត់បន្ថយការចំណាយបានមួយកំរិតទៀត”៕

តើតង់ស៊ីតេប្រជាជនរស់នៅរាជធានីភ្នំពេញ មានប៉ុន្មានពាន់នាក់ក្នុងមួយគីឡូម៉ែត្រ

ដោយៈ គង់ សូរិយា

ភ្នំពេញៈ រាជធានីភ្នំពេញ មានដង់ស៊ីតេប្រជាជន ៣ ៣៦១ នាក់/គីឡូម៉ែត្រការ៉េ ស្របពេលដង់ស៊ីតេប្រជាជន គឺជាសន្ទស្សន៍សំខាន់មួយនៃសូចនាករប្រជាសាស្រ្ត។

សូចនាករប្រជាសាស្រ្ត សំដៅដល់ការវាស់វែង នៃការប្រមូលផ្ដុំរបស់ប្រជាជន ដោយគិតជាចំនួនមនុស្សរស់នៅ ក្នុងបរិវេណដីក្នុងមួយគីឡូម៉ែត្រការ៉េ។ គេគណនាដោយយកចំនួនប្រជាជន ចែកនឹងផ្ទៃដីសរុបនៅក្នុងតំបន់ជាក់លាក់មួយ។

យោងតាមជំរឿនប្រជាជនឆ្នាំ២០១៩ ដែលរៀបចំឡើងដោយវិទ្យាស្ថានស្ថិតិនៃក្រសួងផែនការ ដែលចេញផ្សាយជាផ្លូវការកាលពីពេលថ្មីៗនេះ ដង់ស៊ីតេប្រជាជនកម្ពុជានៅទូទាំងប្រទេស មាន៨៧នាក់ក្នុងមួយគីឡូម៉ែត្រការ៉េ កើនឡើង១២នាក់ ពី៧៥នាក់នៅឆ្នាំ២០០៨។

បើគិតទៅតាមភូមិសាស្រ្ត ដង់ស៊ីតេប្រជានជននៅតំបន់វាលទំនាបមានចំនួនខ្ពស់បំផុតគឺមានចំនួន៣០៥នាក់ បន្ទាប់មកតំបន់ទន្លេសាប៧២នាក់ តំបន់ឆ្នេរ៦២នាក់ ខណៈតំបន់ខ្ពង់រាប និងភ្នំ មានដង់ស៊ីតេទាបជាងគេគឺត្រឹម ២៩នាក់។

ចំណែកនៅរាជធានីភ្នំពេញ ដែលជាបេះដូងរបស់កម្ពុជា ដែលជាតំបន់ប្រមូលផ្ដុំមជ្ឈមណ្ឌលពាណិជ្ជកម្ម សេដ្ឋកិច្ច សង្គម និងវប្បធម៌ដែលជាប្រភពទាក់ទាញ ស្រូបយកការធ្វើចំណាកស្រុក ពីបណ្ដាខេត្តផ្សេងៗ។ដូចនេះហើយភ្នំពេញ មានដង់ស៊ីតេខ្ពស់ជាងគេ គឺដល់ទៅ៣ ៣៦១ នាក់ក្នុងមួយគីឡូម៉ែត្រការ៉េ។ រាជធានីមួយនេះ មានប្រជាជន២.២៨ លាននាក់ ដែលរស់នៅលើផ្ទៃដីសរុប៦៧៩ គីឡូម៉ែត្រការ៉េ។

បន្ទាប់មកគឺខេត្តកណ្ដាល តាកែវ ព្រៃវែងកំពង់ចាម ស្វាយរៀង ព្រះសីហនុ ដែលមានដង់ស៊ីតេប្រជាជន យ៉ាងហោចណាស់១៥០នាក់។ ខេត្តកោះកុង និងមណ្ឌលគិរី មានដង់ស៊ីតេទាបជាងគេ១២នាក់ និង៦នាក់ រៀងគ្នាក្នុងមួយម៉ែត្រការ៉េ៕

Property Developers in China’s Hefei Urge Curb on ‘Malicious Protests’

By Clare Jim and Xie Yu

HONG KONG (Reuters) – A group of property developers in the eastern Chinese city of Hefei urged the local government this month to crack down on what they described as “malicious protests” by homebuyers, according to a joint letter reviewed by Reuters.

The letter is one of the first known efforts by developers joining together to push back against a spreading revolt by homebuyers, who have threatened to stop paying mortgages on hundreds of unfinished housing projects.

A growing debt crisis in the real estate sector has led to numerous defaults by developers following government moves to deleverage the sector, leading to projects stalling and raising risks to social instability.

In a letter to the local government of Hefei dated August 2, the developers said it has become a norm for clients to protest during the course of home delivery, or even in earlier stages when a new development was launched.

Developers said the protests included requesting changes in aspects or design of the whole development according to their own liking, refusing to pay service fees and asking for huge compensation when there were small issues with home quality.

“Property developers now not only need to face their own internal pressure, but also unreasonable complaints and protests from some homebuyers,” the letter said.

They urged the local government to crack down on these type of “professional protests”, ban unreasonable posts on the internet and punish “self-media” who published fake reports.

“Government should carefully consider homebuyers’ demand; (if) there is any inclination (in measures), it will lead to a chain effect and trigger large volume of illegal protests, resulting in bigger social conflict.”

One of the developers, who spoke on condition of anonymity due to the sensitivity of the matter, told Reuters local authorities had stepped in after the letter, holding meetings with individual developers and protesters.

The letter showed the company chops, or stamps, of more than 17 developers including local units of major firms such as state-backed China Resources Land and Beijing-based Longfor Group.

China Resources Land, Longfor Group and the Hefei government did not immediately respond to requests for comment.

In an effort to stabilize slumping sales in the property sector, which accounts for a quarter of the country’s economy, local governments have rolled out hundreds of stimulus measures including relaxed down payment rules for home purchases and lower mortgage rates.

Source: Reuters

រដ្ឋាភិបាលចិន នឹងព្យាយាមបំពេញតម្រូវការហិរញ្ញប្បទានរបស់ក្រុមហ៊ុនអភិវឌ្ឍន៍អចលនទ្រព្យដើម្បីសម្រាលវិបត្តិ

សុខុម

ប៉េកាំង: និយ័តករធនាគារ និងធានារ៉ាប់រងរបស់មហាយក្សចិន នឹងចេញសេចក្ដីណែនាំឱ្យបណ្ដាធនាគារពង្រីកការផ្ដល់ប្រាក់កម្ចីដើម្បីជួយដល់គម្រោងលំនៅដ្ឋានជាប់គាំងនានា ដែលមិនទាន់បានបញ្ចប់ ហើយនឹងព្យាយាមបំពេញតម្រូវការហិរញ្ញវត្ថុសមស្របរបស់បណ្ដាក្រុមហ៊ុនអភិវឌ្ឍន៍អចលនទ្រព្យ ក្នុងគោលបំណងសម្រាលវិបត្តិ។

កាសែតចិន 21^st Century Business Herald បានចុះផ្សាយកាលពីថ្ងៃសុក្រ ទី១២ ខែសីហា ថា ក្រុមមន្ត្រីនៅគណៈកម្មការនិយ័តកម្មធនាគារ និងធានារ៉ាប់រងចិន បានលើកឡើងអំឡុងសន្និសីទសារព័ត៌មានមួយថា ក្រុមហ៊ុនគ្រប់គ្រងទ្រព្យសកម្មហិរញ្ញវត្ថុចំនួន៥បានសហការជាមួយអាជ្ញាធរថ្នាក់មូលដ្ឋានដើម្បីប្រគល់ផ្ទះជិត២៧.០០០យូនីតដល់អតិថិជនជាអ្នកទិញ។

កាលពីខែមុន អ្នកទិញផ្ទះទូទាំងប្រទេសចិន បានផ្ទុះការតវ៉ា និងគំរាមផ្អាកបង់ប្រាក់កម្ចីទិញផ្ទះ (បង់រំលស់) បន្ទាប់ពីគម្រោងសាងសង់ផ្ទះជាច្រើនត្រូវបានពន្យារពេល ឬជាប់គាំងពាក់កណ្ដាលទីដោយសារតែក្រុមហ៊ុនអភិវឌ្ឍន៍ទាំងនោះមានបញ្ហាហិរញ្ញវត្ថុ ឬជាប់គាំងលុយ។

ការធ្វើពហិការផ្អាកបង់ប្រាក់កម្ចីទិញផ្ទះនេះ បានធ្វើឱ្យកាន់តែជ្រួលច្របល់នៅក្នុងទីផ្សារអចលនទ្រព្យប្រទេសចិន ដែលកំពុងជួបវិបត្តិធ្ងន់ធ្ងរស្រាប់ទៅហើយ។

វិបត្តិទាំងនោះរួមមានដូចជាវិបត្តិបំណុលក្នុងចំណោមបណ្ដាក្រុមហ៊ុនអភិវឌ្ឍន៍ អ្នកទិញផ្ទះបាត់បង់ទំនុកចិត្ត ហើយការលក់ផ្ទះធ្លាក់ចុះខ្លាំង ឬស្ងាត់ដូចចោរលួចសេះ៕ Reuters៕

ក្រុមហ៊ុនទេសចរណ៍ចិនគ្រោងចំណាយជាង២ពាន់លានដុល្លារ ដើម្បីទិញស្តុកធំបំផុតក្នុងទៅក្រុងហុងកុង

ដោយ: លាងហួរ

ចិន: ក្រុមហ៊ុនទេសចរណ៍ចិន China Tourism Group Duty Free Corp គ្រោងបង្កើនទំហំទឹកប្រាក់រហូតដល់២,១៦ពាន់លានដុល្លារ តាមរយៈការទិញស្តុក នៅក្នុងទីក្រុងហុងកុង។

នេះបើយោងតាមសារព័ត៌មាន Reuters ចុះផ្សាយនៅក្នុងថ្ងៃទី១២ ខែសីហានេះ។

ក្រុមហ៊ុនទេសចរណ៍ចិន ដែលបានចុះបញ្ជី នៅក្នុងទីក្រុងសៀងហៃ គ្រោងនឹងលក់ភាគហ៊ុនចំនួន១០២,៧៦លានហ៊ុន ដែលមានតម្លៃចន្លោះពី១៤៣,៥ដុល្លារហុងកុង ទៅ១៦៥,៥ដុល្លារហុងកុង ក្នុងមួយហ៊ុន។

ការចាប់ផ្តើម នៃកិច្ចព្រមព្រៀងលក់ភាគហ៊ុននេះធ្វើឡើង ចំពេលដែលកោះហៃណាននៅភាគខាងត្បូងនៃប្រទេសចិន ដែលជាកន្លែងទេសចរណ៍ចិន និងដែលមានហាងលក់ទំនិញសំខាន់ៗជាច្រើន នៅតែស្ថិតនៅក្រោមការរឹតបន្តឹងយ៉ាងតឹងរ៉ឹង ដោយសារតែការផ្ទុះឡើងនៃជំងឺកូវីដ១៩។

ការលក់ភាគហ៊ុនហុងកុង របស់ក្រុមហ៊ុនចុះបញ្ជីក្នុងប្រទេសចិន ត្រូវបានផ្តល់ជូនជាធម្មតា ក្នុងការបញ្ចុះតម្លៃ ដើម្បីទាក់ទាញអ្នកវិនិយោគឱ្យទិញភាគហ៊ុន ប៉ុន្តែការបញ្ចុះតម្លៃនៃក្រុមហ៊ុនទេសចរណ៍ចិន គឺខ្ពស់ជាងធម្មតា៕

1...1,4191,4201,421...3,382 Page 1,420 of 3,382