Marriot International plans Asia-Pacific expansion

Marriott International Inc on Tuesday announced plans to expand its portfolio across Asia Pacific, aiming to open its 1,000th property in the region by late 2022.

The company said in a press statement that it expects to open nearly 100 properties in the region this year.

Craig S Smith, Group President, International for Marriott International, said the firm is signing an average two new development deals per week, with deals clinched in 13 different markets across the region.

“This year, we expect to continue to drive demand and growth, which is a testament to our talented teams committed to operational excellence, and the relationships we have with the customers we’re privileged to serve and the developers, owners, franchisees and partners we’re honoured to do business with,” Smith said.

Greater China remains an engine for Marriot International’s growth, as it accounts for more than half of the company’s anticipated luxury openings in Asia Pacific in 2022.

Ritz-Carlton Reserve anticipates expanding its highly curated portfolio in Greater China, debuting its first rare estate in the historic Jiuzhaigou valley later this year. Additional expected luxury openings in 2022 include JW Marriott Hotel Changsha and W Macau-Studio City, the company said.

Research by the World Travel & Tourism Council (WTTC) suggests that leisure travel demand is now booming at an accelerating rate. Marrriot said it was poised to strengthen its presence across several leisure destinations as leisure demand continues to outpace business travel this year. In South Korea, the company expects to bring its JW Marriott brand to Jeju with the opening of JW Marriott Jeju Resort & Spa in May 2022. Meanwhile, the scheduled opening of W Sydney in late 2022 will mark the third W hotel in Australia.

With wellness and well-being remaining a continued priority for many travellers, the company’s leading wellness brand, Westin Hotels & Resorts, is due to celebrate two new debuts in Japan’s Yokohama and Vietnam’s Cam Ranh in 2022.

Marriott’s select service portfolio is driving momentum for growth, providing a wide range of amenities and offerings across well-established brands such as Courtyard by Marriott, Fairfield by Marriott, Four Points by Sheraton, AC Hotels and Moxy Hotels. In Greater China, the openings of select service hotels will further expand consumers’ travel choices, bringing guests a diverse range of experiences in emerging Chinese destinations. Four Points by Sheraton expects to continue its growth with five planned openings throughout the year, while Moxy Hotels anticipates continuing to share its playful spirit in destinations such as Suzhou and Xi’an.

Outside of Greater China, the company expects to debut its AC Hotels brand in South Korea with AC Hotel Seoul Gangnam and in Australia with AC Hotel Melbourne Southbank. In Japan, Fairfield by Marriott expects to continue to strengthen its presence with six new properties planned to open across Nara, Hokkaido and Hyogo along “Michi-no-Eki” roadside stations aimed at revitalising the country’s local sightseeing spots and well-hidden rural destinations, the press statement said.

Source: Nation Thailand

Singaporean bank considers Việt Nam key beneficiary of RCEP

HÀ NỘI: Việt Nam is likely to be a key beneficiary of the Regional Economic Comprehensive Partnership (RCEP) regarding tariff reductions and foreign direct investment, Singapore’s leading consumer bank DBS said in a recent report.

According to the report, Việt Nam’s average effectively applied tariffs on intra-RCEP trade are middle of the pack at 1.2 per cent, lower than that of the Republic of Korea, at 4.8 per cent, or China, at 2.8 per cent. It noted that Việt Nam is among the ASEAN economies likely to benefit somewhat from tariff reduction, given its high trade openness.

Meanwhile, the report pointed out that trade integration between Việt Nam and the RCEP members is already high, and should grow as companies tap RCEP benefits. Việt Nam consistently imported a significant amount of goods from RCEP partners.

The report also noted that RCEP gives Việt Nam the opportunity to increase exports to its partners. In addition, the pact also brings benefits to Việt Nam in increasing foreign direct investment (FDI). It said: “Even though Singapore continues to receive the lion’s share of FDI inflows, inflows into Việt Nam have been trending higher, and have ranked among the top three recipients within ASEAN-6.”

Việt Nam continues to boast multiple advantages to attract foreign investors, the report said.

Signed in November 2020 and taking effect on January 1, 2022, RCEP brings together 10 ASEAN member states, along with China, Japan, the Republic of Korea, Australia and New Zealand, covering 30 per cent of the global gross domestic product (GDP) worth US$26.2 trillion.

It forms a market with 2.2 billion consumers, and becomes the largest free trade area in the world in terms of population. It will eliminate tariffs on as much as 92 per cent of goods traded between its signatories eventually, expand market access for investment, harmonise rules and regulations, and strengthen the supply chains within the massive free trade zone. — VNS

ក្រុម​ហ៊ុន​ Marriot International គ្រោងបើកសណ្ឋាគារជិត១០០សាខាទូទាំងអាស៊ី-ប៉ាស៊ីហ្វិក ក្នុងឆ្នាំនេះ

ដោយ សុខុម

បាងកក: ម៉ាកយីហោ ឬ ប៊្រែនសណ្ឋាគារអន្តរជាតិដ៏ល្បីល្បាញ Marriott International Inc កាលពីថ្ងៃអង្គារ ទី១៥ កុម្ភៈ បានប្រកាសផែនការពង្រីកអាជីវកម្មទ្រង់ទ្រាយធំទូទាំងតំបន់អាស៊ី-ប៉ាស៊ីហ្វិក ដោយមានបំណងបើកដំណើរការសាខាទី១.០០០របស់ខ្លួនក្នុងតំបន់នៅចុងឆ្នាំ២០២២ នេះ។

ក្រុមហ៊ុនបដិសណ្ឋារកិច្ចអាមេរិក មួយនេះបានចេញសេចក្តីថ្លែងការណ៍ថា ខ្លួនរំពឹងថានឹងបើកដំណើរការសណ្ឋាគារថ្មីរហូតដល់ទៅជិត១០០សាខាក្នុងតំបន់នៅឆ្នាំនេះ។ នេះបើយោងតាមសារព័ត៌មាន The Nation ចុះផ្សាយកាលពីថ្ងៃព្រហស្បតិ៍ ទី១៧ កុម្ភៈ។

លោក Craig S Smith ប្រធានក្រុមហ៊ុន Marriott International បានគូសបញ្ជាក់ថា ក្រុមហ៊ុននឹងចុះកិច្ចព្រមព្រៀងអភិវឌ្ឍន៍ថ្មីចំនួន២ក្នុងមួយសប្ដាហ៍ៗ ដោយសរុបមានកិច្ចព្រមព្រៀងជាច្រើនក្នុងទីផ្សារចំនួន១៣ផ្សេងគ្នានៅទូទាំងតំបន់។

មហាយក្សចិន ឬ Greater China (រួមបញ្ចូលប្រទេសចិន ក្រុងហុងកុង ម៉ាកាវ និងកោះតៃវ៉ាន់) នៅតែជាក្បាលម៉ាស៊ីនសម្រាប់ជំរុញកំណើនរបស់ក្រុមហ៊ុន Marriot International ព្រោះវាគ្របដណ្ដប់ដល់ទៅជាងពាក់កណ្តាល នៃផែនការបើកដំណើរការសណ្ឋាគារប្រណីតរបស់ក្រុមហ៊ុននេះនៅអាស៊ី-ប៉ាស៊ីហ្វិក ក្នុងឆ្នាំ២០២២ នេះ។

នៅកូរ៉េខាងត្បូង ក្រុមហ៊ុននេះរំពឹងថានឹងបើកដំណើរការសាខាមួយដែលមានឈ្មោះថា JW Marriott Jeju Resort & Spa នៅខែឧសភា ឆ្នាំ២០២២។ ទន្ទឹមនេះក្រុមហ៊ុនក៏គ្រោងបើកដំណើរសាខាមួយមានឈ្មោះថា W Sydney ដែលជាសាខាទី៣ នៅប្រទេសអូស្ត្រាលី ផងដែរ។

ក្រៅពីនេះ ក្រុមហ៊ុនក៏គ្រោងអបអរសាទរការបើកដំណើរការសាខាថ្មី២នៅប្រទេសជប៉ុន និងប្រទេសវៀតណាម នៅក្នុងឆ្នាំ២០២២ នេះផងដែរ៕

ធនាគារសិង្ហបុរី៖ វៀតណាមទទួលផលធំជាងគេពីកិច្ចព្រមព្រៀង RCEP

ដោយសុខុម

ហាណូយ: ធនាគារឈានមុខគេរបស់សិង្ហបុរី DBS Bank បានលើកឡើងតាមរយៈរបាយការណ៍មួយកាលពីពេលថ្មីៗនេះថា ប្រទេសវៀតណាម ទំនងជាអ្នកទទួលផលប្រយោជន៍ធំជាងគេពីកិច្ចព្រមព្រៀង “ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់” (RCEP) ទាក់ទិនការកាត់បន្ថយពន្ធគយ និងការវិនិយោគផ្ទាល់ពីបរទេស (FDI)។

យោងតាមរបាយការណ៍ដដែលបង្ហាញថា អត្រាពន្ធគយជាមធ្យមដែលវៀតណាម ត្រូវបង់សម្រាប់ពាណិជ្ជកម្មក្នុងតំបន់ដែលកិច្ចព្រមព្រៀង RCEP គ្របដណ្ដប់ គឺស្ថិតក្នុងអត្រាទាបត្រឹមតែ១,២%ប៉ុណ្ណោះ ខណៈប្រទេសចិន បង់២,៨% ហើយកូរ៉េខាងត្បូង បង់រហូតដល់ទៅ៤,៨%។

របាយការណ៍នេះគូសបញ្ជាក់ថា វៀតណាម ទំនងជាទទួលបានផលប្រយោជន៍ធំជាងគេក្នុងចំណោមបណ្ដាប្រទេសជាសមាជិកអាស៊ាន ពីការកាត់បន្ថយពន្ធគយដោយសារពាណិជ្ជកម្មក្នុងប្រទេសនេះមានលក្ខណៈបើកចំហខ្លាំង។

ទន្ទឹមនេះ របាយការណ៍នេះចង្អុលបង្ហាញថា សមាហរណកម្មពាណិជ្ជកម្មរវាងប្រទេសវៀតណាម និងបណ្ដាប្រទេសជាសមាជិកកិច្ចព្រមព្រៀង RCEP មានកម្រិតខ្ពស់រួចទៅហើយ ហើយវានឹងរីកកាន់តែធំ នៅពេលក្រុមហ៊ុននានាទាញយកអត្ថប្រយោជន៍ពីកិច្ចព្រមព្រៀង RCEP។ ប្រទេសវៀតណាម បាននាំចូលទំនិញយ៉ាងច្រើនសន្ធឹកសន្ធាប់ពីបណ្ដាប្រទេសជាដៃគូ RCEP។

របាយការណ៍ក៏បានកត់សម្គាល់ផងដែរថា កិច្ចព្រមព្រៀង RCEP ផ្តល់ឱ្យវៀតណាម នូវឱកាសបង្កើនការនាំចេញទៅកាន់បណ្ដាប្រទេសជាដៃគូរបស់ខ្លួន។ លើសពីនេះ កិច្ចព្រមព្រៀងនេះក៏បាននាំមកនូវផលប្រយោជន៍ជាច្រើនដល់វៀតណាម ផងដែរនៅក្នុងការបង្កើនការវិនិយោគផ្ទាល់ពីបរទេស (FDI)។

របាយការណ៍នេះអះអាងថា “ទោះបីជាសិង្ហបុរី នៅតែបន្តទទួលបានចំណែកនៃរំហូរចូល FDI ក្ដី ក៏រំហូរ FDI ចូលក្នុងប្រទេសវៀតណាម មានអត្រាខ្ពស់ជាង ហើយបានជាប់ចំណាត់ថ្នាក់ក្នុងចំណោមប្រទេសទទួលផលប្រយោជន៍ច្រើនជាងគេទាំង៣ក្នុងតំបន់អាស៊ាន”។

ធនាគារ DBS Bank និយាយថា ប្រទេសវៀតណាម បន្តអួតសរសើរពីការផ្ដល់អត្ថប្រយោជន៍ជាច្រើនដើម្បីទាក់ទាញវិនិយោគិនបរទេស។

ចុះហត្ថលេខានៅខែវិច្ឆិកា ឆ្នាំ២០២០ និងចូលជាធរមាននៅថ្ងៃទី០១ ខែមករា ឆ្នាំ២០២២ កិច្ចព្រមព្រៀង RCEP មានការចូលរួមពីប្រទេសជាសមាជិកទាំង១០របស់អាស៊ាន រួមជាមួយនឹងប្រទេសចិន ជប៉ុន
កូរ៉េខាងត្បូង អូស្ត្រាលី និងនូវែលសេឡង់ ដែលគ្របដណ្តប់រហូតដល់ទៅប្រមាណ៣០%ស្មើនឹង២៦,២ទ្រីលានដុល្លារអាមេរិក នៃ GDP របស់ពិភពលោក។

កិច្ចព្រមព្រៀងនេះបង្កើតបានជាទីផ្សារមួយដែលមានអ្នកប្រើប្រាស់ដល់ទៅ២,២ពាន់លាននាក់ ហើយបានក្លាយជាតំបន់ពាណិជ្ជកម្មសេរី (FTA) ធំបំផុតក្នុងពិភពលោកទាក់ទិននឹងចំនួនប្រជាជន។ កិច្ចព្រមព្រៀងនេះនឹងលុបចោលពន្ធគយរហូតដល់ទៅ៩២% នៃទំនិញដែលធ្វើពាណិជ្ជកម្មរវាងបណ្ដាប្រទេសជាម្ចាស់ហត្ថលេខីនៃកិច្ចព្រមព្រៀងនេះ ពង្រីកលទ្ធភាពចូលទៅកាន់ទីផ្សារសម្រាប់ការវិនិយោគ ធ្វើសុខដុមនីយកម្មវិធាន និងបទប្បញ្ញត្តិនានា ហើយពង្រឹងខ្សែសង្វាក់ផ្គត់ផ្គង់នៅក្នុងតំបន់ពាណិជ្ជកម្មសេរីដ៏ធំធេងនេះ៕

កត្តាសំខាន់ៗចំនួនពីរ​រួមចំណែក​ធ្វើឱ្យទីផ្សារលំនៅឋានបន្តរីកចម្រើនក្នុង​ឆ្នាំ២០២២នេះ​

ដោយ៖ វឌ្ឍនៈ​

ភ្នំពេញ ៖ ការសាងសង់លំនៅឋានក្នុងប្រទេសកម្ពុជាគេឃើញថានៅតែមានភាពល្អប្រសើរ ដោយក្រុមហ៊ុនអភិវឌ្ឍន៍ជាច្រើននៅតែអនុវត្តន៍គម្រោងរបស់ខ្លួនក្នុងឆ្នាំ២០២១កន្លងទៅនិងឆ្នាំ២០២២នេះ។ កត្តាមួយចំនួនដែលមើលឃើញថាបានធ្វើទីផ្សារនៅតែមានភាពស្ថិតស្ថេររួមមានការផ្ដល់កម្ចីទៅលើអចលនទ្រព្យពីធនាគារ និងកំណើននៃប្រាក់ចំណូលរបស់យុវជនកម្ពុជាកាន់តែច្រើនឡើងជាដើម។

យោងតាមការសិក្សារបស់ក្រុមហ៊ុនអចលនទ្រព្យកម្ពុជាជាច្រើនបានបង្ហាញថា ស្ថិតនៅក្នុងវិបត្តិនៃកូវីដ១៩យ៉ាងនេះ តែបណ្ដាធនាគារពាណិជ្ជធំៗ នៅតែបន្តផ្ដល់កម្ចីទៅដល់អតិថិជនក្នុងទិញអចលនទ្រព្យដូចជាការផ្ដល់កម្ចីសម្រាប់ទិញលំនៅឋានជាដើម។

ការសិក្សារបស់ក្រុមហ៊ុន Century 21 Zillion Holding បានបង្ហាញថាក្នុងឆ្នាំ២០២០កម្ចីសម្រាប់ទិញផ្ទះពីប្រព័ន្ធធនាគារមានតែជាង៥ពាន់លានដុល្លារអាមេរិក តែគិតត្រឹមដំណាច់ឆ្នាំ ២០២១ កម្ចីទិញផ្ទះបានកើនឡើងដល់៦,៤ពាន់លានដុល្លារអាមេរិកដែលមានកំណើនជិត៣០ភាគរយ ។ កំណើននៃកម្ចីក្នុងវិស័យអចលនទ្រព្យនេះបានឆ្លុះបញ្ចាំងយ៉ាងច្បាស់ពីទំនុកចិត្តរបស់គ្រឹះស្ថានធនាគារ និងហិរញ្ញវត្ថុចំពោះទីផ្សារអចលនទ្រព្យនៅកម្ពុជា។

លោក ឡុង គឹមសួគ៌ អ្នកជំនាញនៃវិស័យអចលនទ្រព្យមួយរូបបានបញ្ជាក់ថា ទីផ្សារលំនៅឋានក្នុងប្រទេសកម្ពុជា ថ្វីត្បិតតែមានបញ្ហាមែន តែវាមិនប៉ះពាល់ធ្ងន់រហូតដល់ផ្អាកគម្រោងទាំងស្រុងនោះទេ។ ម្ចាស់គម្រោងខ្លះនៅតែបន្តគ្រាន់តែចំនួននៃការអនុវត្តបានថយចុះ ជាមួយបរិមាណផ្ទះដែលត្រូវសាងសង់ជាដើម។

លោកបន្ត ការផ្ដល់កម្ចីពីធនាគារនិងការសម្រួលលក្ខខណ្ឌនៃការបង់រំលស់ផ្ទះពីម្ចាស់គម្រោងបានធ្វើឱ្យការសាងសង់និងការផ្គត់ផ្គង់នៅក្នុងប្រទេសនៅតែបន្តរីកចម្រើន ហើយកំណើននៃប្រាក់ចំណូលរបស់ពលរដ្ឋជាពិសេសយុវជនដែលទើបរៀបការហើយច្រើន គឺមានតម្រូវការផ្ទះសម្រាប់ស្នាក់នៅក្នុងនោះដែរ ការសាងសង់លំនៅឋានតម្លៃសមរម្យក៏មានអាទិភាពក្នុងទីផ្សារដែរ។

គម្រោងអភិវឌ្ឍន៍លំនៅឋានក្នុងរាជធានីភ្នំពេញ ត្រូវបានមើលឃើញថាមានការរីកទៅកាន់តំបន់ជាយក្រុង ដោយសារតែតំបន់ជាយក្រុងតម្លៃនៅទាប ដែលអាចឱ្យវិនិយោគិនអាចទិញដីសង់ផ្ទះលក់បានចំណេញតែបើសិនជានៅកណ្ដាលក្រុងវិញ តម្លៃដីខ្ពស់មិនអាចទិញហើយសង់ផ្ទះជាន់ផ្ទាល់ដីនោះទេ។ ភាគច្រើនអ្នកទិញដីកណ្ដាលក្រុងគឺទុកអភិវឌ្ឍន៍ជាអគារខ្ពស់ៗ ជាអគារការិយាល័យ អគារខុនដូ អាផាត់មិនជាដើម៕

អ្នកអភិវឌ្ឍន៍ដីឡូតិ៍ចាប់ផ្តើមប្រែខ្លួនជាអ្នកអភិវឌ្ឍន៍លំនៅដ្ឋានបណ្ដើរៗហើយ

ដោយ: សុផារី

ភ្នំពេញៈ និន្នា​ការ​នៃ​ការទិញ​ លក់​​ដីឡូតិ៍​ធ្លាប់​មាន​សកម្ម​ភាព​មមាញឹក​យ៉ាងខ្លាំង​ ប៉ុន្តែ​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​ អ្នក​ជំនាញ​នៃ​វិស័យ​អចលនទ្រព្យ​មើល​ឃើញ​ថា អាជីវកម្ម​នេះ​ចាប់​ផ្តើម​មាន​សភាព​ស្ងប់ស្ងាត់ទាំង​អ្នក​អភិវឌ្ឍន៍និង​អតិថិជន ហើយ​កើតមាន​នូវ​និន្នាការ​ថ្មី​មួយ​ទៀត គឺ​​អ្នក​អភិវឌ្ឍន៍ដីឡូតិ៍​វិវត្ត​ខ្លួន​ទៅ​ជា​អ្នកអភិវឌ្ឍលំនៅឋាន​វិញ។​

លោក​ឧកញ៉ា នួន រឹទ្ធី អគ្គនាយក​ក្រុមហ៊ុន KFA បានមានប្រសាសន៍ប្រាប់​ Property Area Asia កាល​ពី​សប្តាហ៍មុនថា វិស័យដីឡូត៍នៅក្នុងប្រទេសកម្ពុជានាពេលបច្ចុប្បន្ននេះមានកម្រិតថមថយហើយ ហើយ​អ្នកអភិវឌ្ឍន៍ដីឡូតិ៍មួយចំនួនធំបានប្រែខ្លួនក្លាយទៅជាអ្នកអភិវឌ្ឍបុរីអស់ហើយ។

បើតាម​លោក​ឧកញ៉ា ភាពធ្លាក់ចុះថមថយនេះ ដោយសារភាពបត់បែននិងការអនុគ្រោះរបស់រាជរដ្ឋាភិបាទៅលើអ្នកអភិវឌ្ឍន៍និងអាជីវកម្មអភិវឌ្ឍន៍ដីឡូតិ៍មិនសូវមានទៀតឡើយ។

លោក​ឧកញ៉ា មាន​ប្រសាសន៍ថា “ជាក់ស្តែងអ្នកអភិវឌ្ឍន៍ដីឡូតិ៍ត្រូវសុំច្បាប់និងលិខិតអនុញ្ញាតអាជីវកម្មនានាពីរដ្ឋាភិបាលជាមុនសិនមុននឹងអាចមានសិទ្ធិក្នុងការពុះដីឡូលក់។ អ្នកអភិវឌ្ឍន៍ដីឡូតិ៍ចាំបាត់ត្រូវរៀបចំនូវហេដ្ឋារចនាសម្ព័ន្ធនៅក្នុងគម្រោងរបស់ខ្លួន។ លើសពីនេះ ដីពុះឡូតិ៍ទំាងនោះត្រូវមានប្លង់គោលច្បាស់លាស់ ក៏ជាចំណែកកំណត់ដោយច្បាប់ផងដែរ។ ជាពិសេស ប្រព័ន្ធសម្រួលភាពងាយស្រួលផ្សេងៗទៀតដូចជាប្រព័ន្ធលូ ប្រព័ន្ធទឹក ប្រព័ន្ធភ្លើង ត្រូវតែរៀបចំជូនអតិថិជន”។

លិខិត​ជូនដំណឹង​របស់​ក្រសួង​សេដ្ឋកិច្ច​និង​ហិរញ្ញវ​ត្ថុ ចុះ​ថ្ងៃទី៨ ខែមេសា ឆ្នាំ​២០២០នេះ បាន​តម្រូវ​ឲ្យ​អ្នក​ពុះដី​ឡូត៍​ទាំងអស់ ត្រូវ​ស្នើ​លិខិត​អនុញ្ញាត​អាជីវកម្ម​អភិវឌ្ឍ​ដីឡូត៍ ពីមន្ទីរសេដ្ឋកិច្ច​និង​ហិរញ្ញ​វត្ថុ​រាជ​ធានី​-ខេត្ត សម្រាប់ដីឡូត៍៍​ដែលមាន​ទំហំ​ក្រោម ០១ហិកតា ឬ ១ម៉ឺន​ម៉ែត្រ​ការ៉េ។

ចំណែក​ឯ​ដីឡូត៍​ដែល​ទំហំ​ចាប់​ពី ១ម៉ឺន​ម៉ែត្រ​ការ៉េ ឬ​ ០១ហិកតា ឡើងទៅ ត្រូវ​តម្រូវ​ឲ្យ​ស្នើសុំ​អាជ្ញាប័ណ្ណ​អភិវឌ្ឍ​ដីឡូត៍ ពីក្រសួង​សេដ្ឋកិច្ច​ និងហិរញ្ញវត្ថុ។

លោកឧកញ៉ាបញ្ជាក់ថា “មិនអាចធ្វើដូចមុនទៀតបានទេ ដោយគ្រាន់តែយកដីមកចាក់ហើយពុះជាដីឡូតិ៍សំរាប់លក់បានឡើយ។ ហើយត្រូវមានប្លង់បំបែកក្បាលដីទៀត មិនអាចចេះតែពុះឡូតិ៍ៗ ហើយមិនដឹងថាប្លង់ធំនៅឯណាបាននោះទេ”។

លោកឧកញ៉ាព្យាករណ៍ថាក្នុងឆ្នាំ២០២២នេះ អាជីវកម្មអភិវឌ្ឍន៍ដីឡូត៍ពុះលក់និងមានការធ្លាក់ចុះមួយចំនួនធំ។ យ៉ាងណាក៏ដោយសម្រាប់អ្នកអភិវឌ្ឍន៍លើវិស័យដីឡូតិ៍ពុះលក់ធំៗ នៅតែបន្តសកម្មភាពដោយសារក្រុមហ៊ុនធំៗទាំងនោះអភិវឌ្ឍអាជីវកម្មដីឡូតិ៍ស្រដៀងទៅនឹងអាជីវកម្មនៅឋានប្រភេទបុរី ដោយប្រកបដោយប្លង់រឹង កន្លែងកម្សាន្តសួនឧទ្យាននានា។

លោកឧកញ៉ាថា “អ្នកអភិវឌ្ឍន៍ធំៗលោកនៅតែអាចធ្វើបានព្រោះអ្វីដែលគាត់ធ្វើជារចនាសម្ព័ន្ធមួយដូចបុរីអញ្ចឹង។ គាត់មានប្លង់រឹង កន្លែងកម្សាន្ត សួនឧទ្យាន ជាដើម។ តែបើអ្នកពុះតូចតាចទៅមិនរួចទេ ព្រោះត្រូវប្រឈមមុខនឹងផ្លូវច្បាប់ច្រើន”៕

រដ្ឋាភិបាលបណ្តុះបណ្តាលមន្រ្តីដើម្បីអនុវត្តន៍បច្ចេកទេសទាក់ទងនឹងច្បាប់សំណង់

ដោយៈគង់ សូរិយា

ភ្នំពេញៈ រដ្ឋាភិបាលតាមរយៈក្រសួងរៀបចំដែនដី នគរូបនីយកម្ម និងសំណង់បានរៀបចំវគ្គបណ្តុះបណ្តាលមន្រ្តី ដើម្បីពង្រឹងការអនុវត្តលើបញ្ហាបច្ចេកទេសសំណង់។

វគ្គបណ្តុះបណ្តាលនេះ ធ្វើឡើងរវាងក្រសួង សហការជាមួយទីភ្នា​ក់ងារ​ JICA បានរៀបចំកម្មវិធី បណ្តុះបណ្តាលមន្ត្រីជំនាញចំនួន២៥រូប ស្ដីច្បាប់សំណង់ថ្មី។

តាមព៌តមានបានឲ្យដឹងថា វគ្គបណ្តុះបណ្តាលនេះ ធ្វើឡើងជា២ដំណាក់កាល។ ដំណាក់កាលបឋមបានធ្វើឡើងតាមប្រព័ន្ធអនឡាញ ចាប់ពីថ្ងៃទី៧ ដល់ថ្ងៃទី ១៤ ខែកុម្ភៈ ឆ្នាំ ២០២២ ហើយដំណាក់កាលគោលនឹងចាប់ពីខែកក្កដា ដល់ខែកញ្ញា ឆ្នាំ ២០២២ ខាងមុខ។

ក្រោយបញ្ចប់ការបណ្ដុះបណ្ដាល មន្រ្តីទាំង២៥រូបនេះ នឹងទទួលបន្ទុ​កអនុវត្តបទដ្ឋានបច្ចេកទេសនៃច្បាប់សំណង់  ក៏ដូចជា ធ្វើពិសោធន៍សម្ភារៈសំណង់រួមគ្នា ជាមួយនឹងស្ថាប័នសំខាន់ៗរបស់ជប៉ុន។

វគ្គបណ្តុះបណ្តាលនេះ ជាជំនួយការអភិវឌ្ឍន៍ផ្លូវការ របស់រដ្ឋាភិបាលជប៉ុន ក្រោមកម្មវិធីបង្កើតជាមួយគ្នានូវចំណេះដឹង (JICA Knowledge Co-Creation Program (KCCP)៕

ក្រុមហ៊ុនលំដាប់យក្សសឹង្ហបុរីឈានជើងចូលទីផ្សារកម្ពុជាជាមួយភាពសុទិដ្ឋិនិយម

ដោយៈជេស៊ីកា

ភ្នំពេញៈ ក្រុមហ៊ុនអចលនទ្រព្យលំដាប់់យក្សឈ្មោះ Frasers Hospitality នៃប្រទេសសិង្ហបុរី បានឈានជើងចូលទីផ្សារកម្ពុជា ដោយត្រៀមអភិវឌ្ឍន៍សាងសង់ គម្រោងអគារអាផាតម៉ិនចំនួន៣កន្លែង នៅទីក្រុងភ្នំពេញ។

យោងតាមសេចក្តីប្រកាសព័ត៌មាន ដែលបានចេញផ្សាយកាលពីពេលថ្មីនេះបានឲ្យដឹងថា គម្រោងទី១របស់ក្រុមហ៊ុននេះ គឺការសាងសង់អគារ Capri by Fraser ដែលមាន៨៨យូនីត ដោយនឹងបើកដំណើរការនៅខែតុលា ឆ្នាំ២០២២ចុងឆ្នាំនេះ។

ចំណែកគម្រោងទី២ គឺក្រុមហ៊ុននេះនឹងសាងសង់អគារCapri by Fraser មួយទៀត មានចំនួន៧៨យូនីត ដែលគំរោងនេះនឹងបញ្ចប់ការសាងសង់នៅឆ្នាំ២០២៤។

ដោយឡែក នៅឆ្នាំ២០២៦ អគារអាផាតម៉ិន Fraser Residence Sen Sok ដែលមានចំនួនរហូតដល់២០០យូនីត ក៏នឹងបញ្ចប់ការសាងសង់ និងបើកដំណើរការផងដែរ។

លោកស្រី Tonya Khong ប្រធានផ្នែកអាស៊ីប៉ាស៊ីហ្វីកនៃក្រុមហ៊ុន Frasers Hospitality បានលើកឡើងថា ក្នុងមួយទស្សវត្សរ៍ចុងក្រោយនេះ រាជធានីភ្នំពេញ បានវិវត្តន៍ទៅជាទីក្រុងដែលរីកចម្រើន និងប្រកប​ដោយភាពរស់រវើក។

លោកស្រីបន្ថែមថា “គួបផ្សំជាមួយនឹងកំនើនសេដ្ឋកិច្ច ដែលមានមនុ​ស្សវ័យក្មេងច្រើន និងវិធានការស្តារសេដ្ឋកិច្ច ពីវិបត្តិកូវីដក៏មានប្រសិទ្ធភាព ក្រុមហ៊ុនជឿជាក់ ក្នុងការនាំចូលម៉ាកយីហោ បដិសណ្ឋារកិច្ច Frasers មកកម្ពុជា”។

គំរោងអចលនទ្រព្យទាំង៣ នឹងត្រៀមខ្លួនជាស្រេច ដើម្បីសម្រួលដល់ការវិលត្រឡប់នៃអ្នកដំណើរ ពិសេសព្រឹត្តិការណ៍កីឡាអាស៊ីអាគ្នេយ៍ឆ្នាំ ២០២៣ និង RCEP ជាដើម។

ក្រុមហ៊ុន Frasers Hospitality សមាជិកនៃក្រុមហ៊ុន Frasers Property Group។

ក្រុមហ៊ុន Frasers Property គឺក្រុមហ៊ុនអចលនទ្រព្យរបស់ប្រទេសសិង្ហបុរី ដែលអភិវឌ្ឍ កាន់កាប់ និងគ្រប់គ្រងអចលនទ្រព្យនៅទូទាំងពិភពលោក៕

សម្តេចតេជោសម្តែងក្តីបារម្ភពីការឆ្លងកូវីដអូមីក្រុង និងស្នើឲ្យស្ថាប័នពាក់ព័ន្ឋស្រាវជ្រាវរកឱសថមានប្រសិទ្ធភាពក្នុងការព្យាបាល

ដោយៈគង់ សូរិយា

ភ្នំពេញៈ សម្ដេចតេជោ ហ៊ុន សែននាយករដ្ឋមន្រ្តីនៃកម្ពុជាបានបង្ហាញនូវការបារម្ភពីឆ្លងរាលដាលនៃជំងឹកូវីដ-១៩ អូមីក្រុង ក្នុងសហគមន៍កម្ពុជា ដោយណែនាំដល់ក្រសួងស្ថាប័នពាក់ព័ន្ធ និងពលរដ្ឋចូលរួមអនុវត្តន៍វិធានការសុខាភិបាល ទៅចាក់វ៉ាក់សាំង អប់រំផ្សព្វផ្សាយ ស្វែងរកថ្នាំព្យាបាលឱ្យគ្រប់គ្រាន់ និងលើទឹកចិត្តឱ្យកាត់បន្ថយការជួបជុំគ្នាច្រើន។

ក្នុងសារាចរណែនាំនៅយប់ថ្ងៃទី១៧ នេះ សម្ដេចតេជោ ហ៊ុន សែន បានលើកឡើងថា ការធ្វើបែបនេះ គឺដើម្បីធានានូវសកម្មភាពសេដ្ឋកិច្ច-សង្គមពេញលេញលើគ្រប់វិស័យ និងដើម្បីបន្តធានាបាននូវប្រសិទ្ធភាពនៃការអនុវត្តវិធានការប្រយុទ្ធ និងទប់ស្កាត់ការ ឆ្លងរាលដាលនៃមេរោគកូវីដ-១៩ពិសេស មេរោគបំប្លែងថ្មី ប្រភេទអូមីក្រុង។

សម្ដេចក៏បញ្ជាឱ្យស្វែងរក យន្តការដែលមានការពាក់ព័ន្ធ ត្រូវបន្តខិតខំស្រាវជ្រាវស្វែងរក ដើម្បីទទួលបាននូវឱសថដែល មានប្រសិទ្ធភាពក្នុងការព្យាបាលជំងឺកូវីដ-១៩ ទាំងកម្រិតស្រាលនិងមធ្យម ទាំងកម្រិតធ្ងន់ និងត្រូវធានាថា ឱសថមាននៅក្នុងស្តុកគ្រប់គ្រាន់ ដើម្បីឆ្លើយតបបានទាន់ពេលវេលា ព្រមទាំងធានាឱ្យមាននូវការផ្គត់ផ្គង់ និងចែកចាយឱសថដែលមានប្រសិទ្ធភាព ក្នុងការព្យាបាលជំងឺកូវីដ-១៩ឱ្យបានគ្រប់គ្រាន់ និងទូលំទូលា​យ ក្នុងតម្លៃសមរម្យ ដល់សាធារណជន។

ទន្ទឹមនេះ យន្តការដែលមានការពាក់ព័ន្ធ ត្រូវរៀបចំឱ្យមាននូវការណែ​នាំ ច្បាស់លាស់ និងផ្សព្វផ្សាយឱ្យបានទូលំទូលាយ អំពីការប្រើប្រាស់ឱសថព្យាបាលជំងឺកូវីដ-១៩ ដើម្បីធានាបាននូវប្រសិទ្ធភាព និងសុវត្ថិភាពនៃការប្រើប្រាស់ឱសថទាំងនោះ។

ទាក់ទងនឹងការជួបជុំវិញ សម្ដេចតេជោ លើកទឹកចិត្តដល់ប្រជាជនទូទៅ និងអ្នករៀបចំការជួបជុំមនុស្ស ឬសកម្មភាពសង្គមដទៃទៀត ជាអាទិ៍ កម្មវិធីសាសនា កម្មវិធីប្រពៃណី កម្មវិធីកីឡា ឬកម្មវិធីកំសាន្ត ឱ្យធ្វើការកាត់បន្ថយចំនួនអ្នកចូលរួមក្នុង កម្មវិធីនានាឱ្យនៅកម្រិតអប្បបរមា ដើម្បីធានាបាននូវការអនុវត្តវិធាន គម្លាតសុវត្ថិភាពបុគ្គល និងសង្គម ស្របតាមស្ថានភាពជាក់ស្តែងនៃទីតាំងកម្មវិធីនីមួយៗ។

ទន្ទឹមនេះ អ្នករៀបចំការជួបជុំមនុស្ស ឬសកម្មភាព សង្គមនានា ក៏ដូចជាអ្នកចូលរួមកម្មវិធីទាំងអស់ ត្រូវបានលើកទឹកចិត្តឱ្យប្រើប្រាស់ ឧបករណ៍តស្ករហ័សក មេរោគកូវីដ-១៩ និងការត្រួតពិនិត្យលើបណ្ណ ចាក់វ៉ាក់សាំងកូវីដ-១៩ មុនចូលរួមកម្មវិធីនានា ដើម្បីជាវិធានការបង្ការ និងទប់ស្កាត់ការឆ្លងរាលដាលនៃមេរោគកូវីដ-១៩។

កាលពីល្ងាចថ្ងៃនេះទី១៧ ខែកុម្ភៈ នេះសម្ដេចតេជោក៏បានសម្រេចបញ្ជាឱ្យមានយុទ្ធនាការចាក់វ៉ាក់សាំង ដល់កុមារអាយុពី៣ ដល់៥ឆ្នាំផងដែរ បន្ទាប់ពីសម្ដេចបានសំដែង នូវការបារម្ភពីផលប៉ះពាល់ នៃសុខភាពសាធារណៈដោយជំងឹកូវីដ-១៩ អូមីក្រុងនៅកម្ពុជា៕

ដំណឹងល្អៈ សម្តេចតេជោប្រកាសចាក់វ៉ាក់សាំងបង្ការជំងឺកូវីដ១៩ ដល់កុមារអាយុ ៣ដល់ ៥ឆ្នាំ ដែលមានជាង ៧០ម៉ឺននាក់

ដោយៈជេស៊ីកា

ភ្នំពេញៈ នាយករដ្ឋមន្ត្រីកម្ពុជា សម្តេចតេជោហ៊ុន សែនបានសម្រេចដាក់ចេញយុទ្ធនាការចាក់វ៉ាក់សាំងកូវីដ-១៩ ដល់កុមារដែលមានអាយុពី៣ដល់៥ឆ្នាំ និងអំពាវនាវដល់មាតាបិតាអាណាព្យាបាល ចូលរួមយកកូនចៅរបស់ខ្លួនទៅចាក់ឱ្យបានគ្រប់គ្នា។

ក្នុងសារពិសេសនាយប់ថ្ងៃទី១៧ ខែកុម្ភៈ ឆ្នាំ២០២២នេះ សម្ដេចតេជោបានលើកឡើងថា​ មូលហេតុនៃការសម្រេចចិត្តបែបនេះ ដោយសារតែសង្កេតឃើញថា ចាប់ផ្ដើមពីអូមីក្រុងចាប់ផ្ដើមរុករាន មកប្រទេសរបស់យើង ចំនួនកុមារអាយុក្រោម៥ឆ្នាំ មានប្រមាណជា២០ភាគរយ ដែលទទួលនូវជំងឺនេះ។

សម្តេចបន្តថា “និយាយដោយត្រង់សូម្បីតែចៅទី២១ របស់ព្រះករុ​ណា​ខ្ញុំ ដែលទើបតែមានអាយុ២ខួប ក៏ទទួលការឆ្លងផងដែរ”។

ដោយបារម្ភពីផលប៉ះពាល់ដល់សុខភាពសាធារណ សម្ដេចតេជោបានបញ្ជាឱ្យគណៈកម្មការចាក់វ៉ាក់សាំង និងអាជ្ញាធរនានាខិតខំសម្របសម្រួលយុទ្ធនាការនេះ ឱ្យបានឆាប់និងមានសុវត្ថិភាពបំផុតដល់កុមារ។

សម្ដេចបានអំពាវដល់ឪពុកម្ដាយ អាណាព្យាបាលទាំងអស់យកកូនចៅ ដែលមានអាយុពី៣ដល់៥ឆ្នាំ ទៅចាក់វ៉ាក់សាំងឱ្យបានគ្រប់គ្នា។

សម្ដេចតេជោបានឲ្យដឹងផងដែរថា កុមារដែលមានអាយុចាប់ពី៣ ដល់៥ឆ្នាំនៅក្នុងប្រទេសកម្ពុជា បច្ចុប្បន្នមានជាង៧០ម៉ឺននាក់៕