ភ្នំពេញៈ តើកុមារភាពរបស់អ្នកមានលក្ខណៈបែបណាទៅ? ទិដ្ឋភាពពីកុមារភាពរបស់អ្នកអាចនឹងផុស ឡើងនៅក្នុងការគិតរបស់អ្នក ហើយអ្នកនឹងចងចាំច្បាស់បំផុតនូវផ្ទះដែលអ្នកបានធំធាត់ឡើង។ ការចងចាំជាច្រើនដែលពាក់ព័ន្ធជាមួយនឹងទីកន្លែង និងពេលវេលា តើផ្ទះណាដែលអ្នកអបអរសាទរ ថ្ងៃកំណើតរបស់ខ្លួន? តើផ្ទះណាដែលអ្នកអាចរីករាយនឹងរត់លេងកម្សាន្តជាមួយនឹងក្មេងៗជិតខាង? កន្លែងដែលយើងបានធំធាត់ និងលេងកម្សាន្តមានសារៈសំខាន់ណាស់នៅក្នុងជីវិតរបស់យើង។

ពេលនេះ តើអ្នកចង់ឲ្យកូនៗធំធាត់នៅក្នុងបរិស្ថានបែបណា? សាកស្រម៉ៃថាអ្នកអាចនាំបុត្រធីតា ទៅលេងនៅសួនសត្វដែលមានចម្ងាយត្រឹមតែ 5 នាទីពីគេហដ្ឋាននៅព្រឹកថ្ងៃអាទិត្យ ហើយរៀនហែល ទឹក ឬលេងបាល់ទាត់នៅពេលល្ងាច នេះគឺជាពេលវេលាជាមួយក្រុមគ្រួសារដែលមនុស្សគ្រប់គ្នាស្រម៉ៃ ចង់បាន។
តើអ្នកគិតថាអាចទៅរួចឬទេ? សាកគិតមើលថា បើយើងធ្វើការក្នុងថេរវេលាប្រហែល 8 ម៉ោង ក្នុងមួយថ្ងៃ ឬជាប់រវល់ មិនគួរនឹងបញ្ឈប់អ្នកពីការធ្វើនូវសកម្មភាពដែលអ្នកស្រឡាញ់ ឬផ្អាកមិនឲ្យអ្នក មានពេលវេលាផ្ទាល់ខ្លួននោះទេ។ ផ្ទះបន្ទាប់ទៀតរបស់អ្នកគួរតែស្ថិតនៅក្នុងបរិស្ថានដ៏ល្អបំផុតសម្រាប់ ឲ្យបុត្រធីតារបស់លោកអ្នក ព្រមទាំងអាចឲ្យអ្នករីករាយជាមួយនឹងសកម្មភាពផ្សេងៗផងដែរ។

គេហដ្ឋានដ៏ស្រស់ស្អាតព្រមជាមួយនឹងបរិក្ខាររស់នៅ ចម្ងាយត្រឹមតែ 5 នាទីពីកន្លែងដែល អ្នករស់នៅអាចគិតថាជារឿងដែលមិនអាចទៅរួច ក៏ប៉ុន្តែបុរី ណាឌីជឿជាក់ថានេះជារឿងដែលយើងអាច ធ្វើបាន។ បុរី ណាឌីបានជ្រើសរើសនូវទីតាំងដ៏មានប្រជាប្រិយភាពបំផុតសម្រាប់ការអភិវឌ្ឍគម្រោង លំនៅឋាន ដែលរួមមានទាំងការបង្កើតនូវហេដ្ឋារចនាសម្ព័ន្ធថ្មីៗផង និងត្រូវបានព្យាករណ៍ថានឹងក្លាយ ជាតំបន់ពាណិជ្ជកម្មដូចជាខណ្ឌបឹងកេងកងនាពេលអនាគតផង។

នៅក្នុងបុរី ណាឌី លោកអ្នកនឹងទទួលបាននូវភាពរីករាយ ជាមួយនឹងបរិក្ខាររស់នៅធម្មជាតិដ៏ សម្បូរបែបប្រកបដោយឯកជនភាពដូចជា សួនផ្កាសាគូរ៉ាបែបខ្មែរ សាលកញ្ចក់ សួនឯកជន អាគារ សិក្សា និងធ្វើការងារ ក្លឹបហោសណាឌី និងកន្លែងហាត់ប្រាណណាឌីជាមួយនឹងអាងហែលទឹកដ៏ ស្រស់ស្អាត។ លោកអ្នកអាចធ្វើការហាត់ប្រាណនាពេលព្រឹកមុនពេលទៅបំពេញការងារ ឬបណ្ដើរ សត្វចិញ្ចឹមជាមួយនឹងទេសភាពដ៏ស្រស់បំព្រង និងរចនាឡើងដើម្បីផ្សារភ្ជាប់ធម្មជាតិឲ្យក្លាយជាផ្នែក មួយនៃការរស់នៅប្រចាំថ្ងៃរបស់អ្នក។

ក្លឹបហោស ណាឌីគឺជាបរិបទថ្មីដែលលោកអ្នកមិនធ្លាប់បានឃើញនៅក្នុងគម្រោងអភិវឌ្ឍបុរី ផ្សេងទៀត លោកអ្នកអាចប្រើប្រាស់នូវបរិក្ខាររស់នៅដែលធ្លាប់បានឃើញតែនៅក្នុងគម្រោងខុនដូ លំដាប់ខ្ពស់តែប៉ុណ្ណោះ។ ក្លឹបហោស ណាឌីផ្ដល់នូវទីតាំងសម្រាប់សកម្មភាពកម្សាន្តក្នុងអាគារដូចជា កន្លែងលេងហ្គេម បណ្ណាល័យ កន្លែងសិក្សា និងធ្វើការងារ និងសាលទទួលភ្ញៀវសម្រាប់អ្នកស្នាក់នៅក្នុង បុរីទាំងអស់។ សាលកញ្ចក់ គឺជាទីតាំងដ៏ល្អឥតខ្ចោះសម្រាប់ពិធីជប់លៀងផ្សេងៗដូចជា ពិធីមង្គលការ ពិធីខួបកំណើត ឬក៏ពិធីជួបជុំផ្សេងៗដែលអាចផ្ដល់ផាសុកភាពសម្រាប់គេហដ្ឋានរបស់អ្នក។

សួនហាត់ប្រាណ និងសួនផ្កាសាគូរ៉ាបែបខ្មែរនឹងក្លាយជាទីតាំងដ៏សំខាន់សម្រាប់ឲ្យបុត្រធីតា របស់លោកអ្នកបង្កើតនូវ ការចងចាំដែលមិនអាចបំភ្លេចបានជាមួយនឹងសកម្មភាពខាងក្រៅជាច្រើន ជួបជាមួយនឹងមិត្តភក្ដិថ្មី ដើរកម្សាន្តជាមួយនឹងធម្មជាតិ និងចំណាយពេលវេលាជាមួយនឹងក្រុមគ្រួសារ នៅក្នុងបរិវេណសុវត្ថិភាព នៃបុរី ណាឌី។ ខណៈពេលដែលបុរី ណាឌីផ្ដល់ជូននូវបរិក្ខាររស់នៅដ៏សម្បូរ បែបសម្រាប់អ្នកស្នាក់នៅ ក្នុងបុរី ណាឌីហើយ អ្នកក៏កំពុងតែរស់នៅក្នុងសង្កាត់ដ៏មានភាពរស់រវើកបំផុត ក្នុងទីក្រុងភ្នំពេញផងដែរ។

នៅមិនឆ្ងាយប៉ុន្មានពីបុរី ណាឌី មានមជ្ឈមណ្ឌលពាណិជ្ជកម្មជាច្រើនដែលកំពុងធ្វើការអភិវឌ្ឍ និងត្រូវបានព្យាករណ៍ថានឹងបញ្ចប់នៅពេលដែលលោកអ្នកចូលទៅស្នាក់នៅក្នុងបុរី ណាឌី។ គេហដ្ឋានថ្មីរបស់អ្នកនឹងមានចម្ងាយត្រឹមតែ 10 នាទីពីទីតាំងដ៏មានប្រជាប្រិយភាពក្នុងទីក្រុងភ្នំពេញ ដូចជា ភ្នំពេញសាហ្វារី ពហុកីឡដ្ឋានមរតកតេជោ សួនទឹកហ្កាដិនស៊ីធី និងកន្លែងវាយកូនហ្គោល ហ្កាដិនស៊ីធី។

ជ្រើសរើសនូវពេលវេលាកុមារភាពដ៏ល្អបំផុតសម្រាប់បុត្រធីតារបស់លោកអ្នក ជ្រើសរើសបុរី ណាឌី។ សូមអញ្ជើញមកទទួលយកការផ្ដល់ជូនយ៉ាងពិសេសពីបុរី ណាឌីនៅក្នុងឱកាសនៃកម្មវិធី សម្ពោធការដ្ឋានសាងសង់គម្រោងបុរី ណាឌី។

សម្រាប់ព័ត៌មានបន្ថែមអំពីបុរី ណាឌីសូមចូលទៅកាន់គេហទំព័រហ្វេសប៊ុក របស់យើង៖
BOREY NADI BY GC CITY : https://www.facebook.com/NADIBYGCC
Phone Number/ Telegram: 096 606 6688
បញ្ចប់
ក្រុមហ៊ុន GCC គឺជាក្រុមហ៊ុនវិនិយោគ ដែលមានទីស្នាក់ការកណ្ដាលនៅទីក្រុងហុងកុង ដែលមានជំនាញលើ វិស័យ អភិវឌ្ឍអចលនទ្រព្យ វិនិយោគដីធ្លី និងសេវាកម្មហិរញ្ញវត្ថុ (trust and fund management)។ ចក្ខុវិស័យដ៏ធំបំផុតនៃ GCC គឺក្លាយជាអ្នកអភិវឌ្ឍអចលនទ្រព្យ ផ្តល់ជូនសេវាកម្មពេញលេញ 360० នៅក្នុងប្រទេសកម្ពុជា។ បច្ចុប្បន្ននេះ GCC មានក្រុមហ៊ុនបុត្រសម្ព័ន្ធចំនួន 7 ទៀត រួមមាន GC City, GC Land, GC Empire, GC Realty, GC Design, GC Management និង GC Credit ។ គម្រោងបច្ចុប្បន្នរបស់ GCC រួមមាន៖ បុរី ណាឌី ដោយជីស៊ី ស៊ីធី, CEO Wyndham Residence ផ្សារជីស៊ី អូរឫស្សី GC Reside

ដោយៈ វឌ្ឍនៈ

ភ្នំពេញៈ ក្នុងពេលបច្ចុប្បន្ននេះ ការលក់លំនៅដ្ឋានដោយផ្ដោតលើការបង់រំលស់កាន់តែមានភាពទូលំទូលាយ និងពេញនិយម ហើយស្ទើរតែគ្រប់គម្រោងអភិវឌ្ឍន៍គឺសុទ្ធតែផ្ដោតលើការបង់រំលស់ជូនអតិថិជនដោយផ្ទាល់ ឬបង់រំលស់ជាមួយធនាគារដែលជាដៃគូរបស់ម្ចាស់គម្រោងអភិវឌ្ឍន៍។

ស្របពេលការបង់រំលស់លំនៅដ្ឋាននៅកាន់តែមានភាពទូលំទូលាយ និងពេញនិយម អ្នកជំនាញបានពន្យល់ពីគុណសម្បត្តិ និងគុណវិបត្តិនៃការបង់រំលស់លំនៅដ្ឋាន ដល់អ្នកបង់រំលស់ ឬអ្នកមានបំណងចង់ទិញ តាមរយៈការបង់រំលស់ជាមួយម្ចាស់គម្រោង និងធនាគារជាដើម។

លោកង៉ែត ជូនសេដ្ឋវិទូមួយរូបបានមានប្រសាសន៍កាលពីថ្មីៗនេះថា ការទិញផ្ទះដោយបង់រំលស់វាក៏បានផ្ដល់គុណសម្បត្តិ និងគុណវិបត្តិផងដែរ ដោយគុណសម្បត្តិនោះ អ្នកទិញមិនចាំបាច់មានប្រាក់គ្រប់ចំនួននៃតម្លៃផ្ទះក៏អាចទិញផ្ទះរស់នៅបានសមរម្យ ដោយធ្វើការបង់រំលស់ជាប្រចាំខែទៅកាន់ម្ចាស់គម្រោងលំនៅដ្ឋាន ឬបង់ទៅធនាគារ ដែលជាដៃគូរបស់ម្ចាស់គម្រោងលំនៅដ្ឋាន។

លោកបានថ្លែងបន្តថា បើទោះបីជាពួកគេមានប្រាក់គ្រប់គ្រាន់ក្ដី តែពួកគេក៏អាចយកប្រាក់នោះទៅរកស៊ីឬបង្កើតជាអាជីវកម្មផ្សេង ហើយមួយចំនួនសម្រាប់បង់ផ្ទះដែលទិញបង់រំលស់។ លោកបានបន្តថា ការទិញផ្ទះដោយបង់រំលស់នេះដែរ ក៏មានគុណវិបត្តិផងដែរ បើសិនជាអ្នកទិញនោះមានប្រាក់ចំណូលមិនថេរ ឬមិនបានគិតគូរពីស្ថានភាពហិរញ្ញវត្ថុរបស់ខ្លួនមុនសម្រេចចិត្តទិញ។

លោកបានថ្លែងថា “ការទិញផ្ទះបង់រំលស់រយៈពេលយូរ មិនគួឱ្យលើសពី៣០ភាគរយនៃប្រាក់ចំណូលប្រចាំខែនោះឡើយ។ ឧទាហរណ៍ថា អ្នកមានប្រាក់ចំណូល១០០០ដុល្លារក្នុងមួយខែ ដូច្នេះអ្នកទិញផ្ទះដោយបង់រំលស់ត្រឹមមួយខែ៣០០ដុល្លារបានហើយ ហើយ៧០០ដុល្លារទៀតគឺទុកសម្រាប់ចំណាយប្រចាំខែ ទៅលើចំណីអាហារ សម្លៀកបំពាក់ ថ្លៃកូនរៀន និងមស្រាប់បង្ការពេលមានការឈឺថ្កាត់ជាដើម”។

លោកសំ សុខនឿនប្រធានសមាគមអចលនទ្រព្យសកល ក៏បានឱ្យដឹងថា ការលក់លំនៅដ្ឋាននៅក្នុងប្រទេសកម្ពុជាបច្ចុប្បន្ននេះ គឺភាគច្រើនផ្ដល់សេវាកម្មបង់រំលស់ដល់អតិថិជន ហើយក៏មិនបានសិក្សាលំអិតពីប្រាក់ចំណូលរបស់អតិថិជនដែរ ដូច្នេះហើយទើបយើងឃើញថាមានអតិថិជនមួយចំនួនទិញផ្ទះបានតែរយៈពេល២ឬ៣ឆ្នាំក៏ចាប់ផ្ដើមជួបបញ្ហាហិរញ្ញវត្ថុ និងលក់ផ្ទះនោះវិញទាំងខាតស្ទើរតែពាក់កណ្ដាលក៏មាន។

លោបានថ្លែងថា “ទាំងនេះហើយ ដែលយើងឃើញគម្រោងលំនៅដ្ឋានខ្លះ មានតែផ្ទះតែអត់មានមនុស្សរស់នៅ”។

លោកបន្តថា ការអភិវឌ្ឍលំនៅឋាននាពេលបច្ចុប្បន្ននេះ គួរតែគិតគូរពីទីផ្សារជាក់ស្ដែង ដោយមិនមែនសង់ហើយអត់មានអ្នកនៅទេ ឬសង់ដើម្បីតែលក់ទៅអ្នកដែលមានផ្ទះរួចហើយ ដោយពួកគេទិញដើម្បីតែទុកចំណេញនៅពេលបន្ទាប់។ ការធ្វើបែបនេះក៏អាចធ្វើឱ្យមានបញ្ហាតម្លៃលំនៅដ្ឋាននៅណាមួយផងដែរ។

លោកបានឱ្យដឹងថា ជាការកត់សម្គាល់ នៅជុំវិញរាជធានីភ្នំពេញ នៅពេលនេះ ត្រូវបានមើលឃើញថា វិនិយោគិនបានសម្រុកអភិវឌ្ឍលំនៅដ្ឋាន ទាំងលំនៅដ្ឋានតម្លៃសមរម្យ លំនៅដ្ឋានតម្លៃមធ្យម និងលំនៅដ្ឋានតម្លៃខ្ពស់ជាប្រភេទវីឡាជាច្រើនគម្រោង ហើយគម្រោងខ្លះក៏ទទួលបានការគាំទ្រ គម្រោងខ្លះទៀត ក៏មានបញ្ហាក្នុងការលក់ ផងដែរ៕

ដោយៈ ម៉ាណេត

ភ្នំពេញៈ អចលនទ្រព្យពាណិជ្ជកម្ម សំដៅទៅកាអភិវឌ្ឍន៍អចលនទ្រព្យទាំងឡាយណាដែលប្រើសម្រាប់ការធ្វើអាជីវកម្ម ដែលរួមសណ្ឋាគារ ផ្សារទំនើប អគារការិយាល័យ ហាងលក់ទំនិញដុំ ឬរាយ អគារសេវាកម្មចម្រុះ និងអគារអាផាតមិនជាដើម។

បច្ចុប្បន្ន វិស័យសំណង់អចលនទ្រព្យបានកំពុងរីកដុះដាលយ៉ាងខ្លាំងនៅក្នុងប្រទេសកម្ពុជា ពិសេសទីក្រុងភ្នំពេញ និងក្រុងពះសីហនុ។ ក្នុងរយៈកាលចុងក្រោយនេះ គម្រោងសំណង់អគារបានកើនឡើងយ៉ាងច្រើននៅទីក្រុងភ្នំពេញ។

លោកខន គង្គាអគ្គនាយកក្រុមហ៊ុនភ្នាក់ងារអចលនទ្រព្យអន្តរជាតិ ERA Cambodia បានថ្លែងប្រាប់នៅថ្ងៃទី១២ ខែមិថុនា ឆ្នាំ២០២១នេះ អាគារពាណិជ្ជកម្មបែបចម្រុះ (mixed-use development) មានលក្ខណៈពិសេសជាច្រើន រួមបញ្ចូលទាំងខុនដូ ការិយាល័យ ផ្សារទំនើប និងសេវាកម្មជាច្រើនទៀត។

ទាក់ទងនឹងអាគារពាណិជ្ជកម្មបែបចម្រុះនេះ លោកបានលើកឡើងថា ប្រទេសជិតខាង ដូចជាប្រទេសសិង្ហបុរី និងថៃជាដើមបានអភិវឌ្ឍន៍អាគារពាណិជ្ជកម្មច្រើនរួចទៅហើយ ហើយបច្ចុប្បន្នអ្នកអភិវឌ្ឍន៍បាននាំមកការអភិវឌ្ឍបែបនេះមកកម្ពុជាដែរ ដូចជាគម្រោង Bridge គម្រោង The Peak និងគម្រោងជាច្រើនចាប់ផ្តើមមានការអភិវឌ្ឍន៍ជាអាគារពាណិជ្ជកម្មបែបចម្រុះជាបន្តបន្ទាប់។

លោកបានថ្លែងថា មូលហេតុដែលអ្នកអភិវឌ្ឍន៍ធ្វើការអភិវឌ្ឍពាណិជ្ជកម្មបែបចម្រុះបែបនេះ គឺដោយសារ វាមានភាពងាយស្រួលសម្រាប់អ្នកធ្វើការ អ្នករស់នៅ និងអ្នកប្រកបអាជីវកម្មនៅកន្លែងគម្រោងអាគារពាណិជ្ជកម្មតែម្តង។ វាថែមទាំងជួយសន្សំពេលវេលា។
លោកបានឱ្យដឹងទៀតថា “ឧទាហរណ៍ បើសិនជាយើងធ្វើការ ឬរកស៊ី យើងស្នាក់នៅ និងធ្វើការក្នុងអាគារ ដែលមានសេវកម្មចម្រុះនៅនឹងមួយកន្លែងតែម្តង ដូច្នេះវាធ្វើឱ្យយើងចំណេញពេលវេលាក្នុងការធ្វើដំណើរ។

លោកបានបន្តថា គោលបំណងរបស់អ្នកអភិវឌ្ឍន៍អាគារពាណិជ្ជកម្មបែបចម្រុះគឺដើម្បីបម្រើសេវាកម្មដល់ទាំងអ្នកធ្វើការ និងអ្នករស់នៅក្នុងគម្រោងរបស់ខ្លួន។

ក្នុងរយៈពេល១០ឆ្នាំចុងក្រោយនេះ គេអាចសង្កេតឃើញមានវត្តមានអគារពាណិជ្ជកម្មជាច្រើន កំពុងត្រូវបានសាងសង់ និងលេចជារូបរាងបណ្ដើរៗ តួយ៉ាងដូចជា អាគារ The Prince Happiness Plaza អគារ The Peak និង អគារ Prince International Plaza ជាដើម៕

ដោយៈវឌ្ឈនៈ

ភ្នំពេញ: តើម៉ាកយីហោ (Brand) នៃសណ្ឋាគារ Rosewood មានប្រភពចេញពីទីណា មានប្រវត្តិបែបណា ហើយនរណាជាម្ចាស់? កុំឱ្យខាតពេកយូរ មកស្វែងយល់ទាំងអស់គ្នា។

*ប្រវត្តិ
លោកស្រី Caroline Rose Hunt ដែលជាជនជាតិអាមេរិក បានបង្កើតម៉ាកយីហោ Rosewood នៅក្រុង Dallas រដ្ឋតិចសាស សហរដ្ឋអាមេរិក ក្នុងឆ្នាំ១៩៧៩ ដោយចង់បង្កើតសណ្ឋាគារប្រណីត ដើម្បីផ្ដល់សេវាកម្មពិសេស ដែលមានការយកចិត្តទុកដាក់ខ្ពស់ចំពោះភ្ញៀវ។ មួយឆ្នាំក្រោយមក លោកស្រី Caroline Rose Hunt បានប្រែក្លាយភូមិគ្រឹះរបស់លោក Sheppard King ដែលជាមហាសេដ្ឋីរកស៊ីខាងកប្បាស ទៅជាសណ្ឋាគារ Rosewood ដំបូងបង្អស់ដោយដាក់ឈ្មោះថា The Mansion on Turtle Creek មានទីតាំងស្ថិតនៅតំបន់ Turtle Creek ក្នុងរដ្ឋ Pennsylvania។

*ការទិញយកដោយក្រុមហ៊ុន Rosewood Hotel Group
ក្រុមហ៊ុនបដិសណ្ឋារកិច្ច Rosewood Hotel Group ដែលមានមូលដ្ឋាននៅក្រុងហុងកុង (កាលពីមុនមានឈ្មោះថា New World Hospitality ហើយបានប្ដូរឈ្មោះថ្មីថា Rosewood Hotel Group នៅខែឧសភា ឆ្នាំ២០១៣) គឺជាបុត្រសម្ព័ន្ធនៃក្រុមហ៊ុន Chow Tai Fook Enterprises។

កាលពីមុន Rosewood Hotel Group គឺជាក្រុមហ៊ុនគ្រប់គ្រងសណ្ឋាគារ នៃក្រុមហ៊ុនបុត្រសម្ព័ន្ធ New World China Land របស់ New World Group។ ក្រុមហ៊ុននេះបានប្រកាសនៅខែមិថុនា ឆ្នាំ២០១១ថា ខ្លួនបានចុះកិច្ចព្រមព្រៀងទិញលក់ ដើម្បីទិញយកក្រុមហ៊ុន Rosewood Hotels & Resorts ពីក្រុមហ៊ុន Rosewood Corp និងក្រុមហ៊ុន Maritz, Wolff & Co។

កិច្ចព្រមព្រៀងទិញលក់នោះ ត្រូវបានបញ្ចប់សព្វគ្រប់នៅខែកក្កដា ឆ្នាំ២០១១ ដោយក្រុមហ៊ុន Rosewood Hotel Group បានលើកឡើង តាមរយៈសេចក្ដីប្រកាសព័ត៌មានថា Rosewood នឹងធ្វើប្រតិបត្តិការជាម៉ាកយីហោប្រណីត នៃអាជីវកម្មរបស់ខ្លួន ហើយក្រុមហ៊ុនកំពុងសម្លឹងចាប់ឱកាស ពង្រីកខ្លួនទ្វេដងក្នុងរយៈពេល៥ឆ្នាំ។

Rosewood Hotels & Resorts ត្រូវបានបង្កើតឡើងនៅក្រុង Dallas រដ្ឋតិចសាស ក្នុងឆ្នាំ១៩៧៩ ដោយលោកស្រី Caroline Rose Hunt ដែលជាកូនស្រីរបស់លោក H. L. Hunt ដែលជាមហាសេដ្ឋីប្រេង និងជាសកម្មជននយោបាយ មកពីគណបក្សសាធារណ រដ្ឋ។

ក្រុមហ៊ុននេះ ត្រូវបានក្រុមហ៊ុន Rosewood Corp និងក្រុមហ៊ុន Maritz, Wolff & Co លក់ក្នុងឆ្នាំ២០១១ ឱ្យទៅក្រុមហ៊ុន New World Hospitality ក្នុងតម្លៃ២២៩លានដុល្លារ រួមជាមួយសណ្ឋាគារ៥ ទីតាំងទៀតដែលលក់ក្នុងតម្លៃ៥៧០លានដុល្លារ។

បច្ចុប្បន្នក្រុមហ៊ុនសណ្ឋាគារ និងរីហ្សតប្រណីតអន្តរជាតិមួយនេះ ធ្វើប្រតិបត្តិការសណ្ឋាគារចំនួន២៨ ទីតាំងនៅក្នុងប្រទេសចំនួន១៦ ដូចជា៖

*ប្រតិបត្តិការនៅទ្វីបអាមេរិក
សហរដ្ឋអាមេរិក ប្រទេសម៉ិកស៊ិក កោះ British Virgin Islands កោះបាហាម៉ា និងប្រទេសប្រេស៊ីល។
*ប្រតិបត្តិការនៅទ្វីបអឺរ៉ុប
ប្រទេសអង់គ្លេស ប្រទេសអ៊ីតាលី ប្រទេសបារាំង
*ប្រតិបត្តិការនៅតំបន់មជ្ឈិមបូព៌ា
ប្រទេសអារ៉ាប៊ីសាអូឌីត និងប្រទេសអារ៉ាប់រួមមេរីរ៉ាត
*ប្រតិបត្តិការនៅទ្វីបអាស៊ី
ប្រទេសចិន ប្រទេសថៃ ប្រទេសឡាវ ប្រទេសមីយ៉ាន់ម៉ា និងប្រទេសកម្ពុជា។
*នាយកប្រតិបត្តិបច្ចុប្បន្នរបស់ Rosewood Hotel Group
យោងតាមគេហទំព័រcnbc.com ឱ្យដឹងថា ស្ត្រីវ័យក្មេងឈ្មោះSonia Cheng ដែលជានិស្សិត បានបញ្ចប់ការសិក្សាពីសាកលវិទ្យាល័យ Harvard University ដ៏ល្បីល្បាញមកពីគ្រួសារមហាសេដ្ឋីចិនហុងកុងមួយ ដែលមានទ្រព្យសម្បត្តិ២០ពាន់លានដុល្លារ។ គ្រួសារនេះ រកស៊ីខាងគ្រឿងអលង្ការ និងអចលនទ្រព្យ។

ស្ត្រីវ័យក្មេង Sonia Cheng បានគ្រប់គ្រងក្រុមហ៊ុន Rosewood Hotel Group ចាប់តាំងពីឆ្នាំ២០១១ មក ហើយបានក្លាយជានាយកប្រតិបត្តិ នៃក្រុមហ៊ុននេះនៅអាយុ៣០ឆ្នាំរហូតមកទល់បច្ចុប្បន្ន។

បង្ហាញវត្តមាននៅទីណានៃរាជធានីភ្នំពេញ
Rosewood Phnom Penh ជាសណ្ឋាគារប្រណីតលំដាប់ផ្កាយ៥ ដែលមានទីតាំង ស្ថិតនៅចំចំណុចបេះដូង នៃរាជធានីភ្នំពេញ។

ដោយមានកម្ពស់ផុតពីផ្ទៃដី១៨៨ម៉ែត្រ សណ្ឋាគារនេះកាន់កាប់ជាន់កំពូលចំនួន១៤ជាន់ នៃអគារកញ្ចក់ Vattanac Capital Tower ដែលជាសំណង់ស្ថាបត្យកម្មថ្មី ដ៏ល្បីល្បាញនៅក្នុងរាជធានី និងជានិមិត្តរូបនៃប្រទេសកម្ពុជានាសម័យទំនើប។

ចំណុចពិសេសដាច់គេ
សណ្ឋាគារលំដាប់ផ្កាយ៥ ដ៏មានសក្តានុពលនេះ មានចំណុចពិសេសលើសគេនោះគឺ ទឹកអប់ និងសាប៊ូសម្រាប់លាងសំអាតរាងកាយ ត្រូវបានផលិតដោយយកចេញពីរុក្ខជាតិ ផ្កា និងភាពល្អឯកនៃធនធានធម្មជាតិរបស់ប្រទេស ដែលពួកគេទៅបោះទុនវិនិយោគ។

ជាក់ស្តែងសណ្ឋាគារ Rosewood ស្ថិតនៅអាគារវឌ្ឈនៈភ្នំពេញ បានជ្រើសរើសយកអ្នកផលិតទឹកអប់ល្បីឈ្មោះបំផុតពីប្រទេសបារាំង ដើម្បីមកផលិតទឹកអប់សំរាប់ប្រើប្រាស់ក្នុងសណ្ឋាគារនេះ។

អ្នកផលិតទឹកអប់ដ៏ជាញជ័យ បានជ្រើសរើសយកផ្កាព្រៃ នៅឧទ្យានជាតិកុសុមៈគិរីរម្យ និងឧទ្យានជាតិវីរៈជ័យ នៅខេត្តរតនៈគិរី ដើម្បីយកមកផលិតទឹកអប់សំរាប់ដាក់ប្រើប្រាស់ជាប្រចាំក្នុងសណ្ឋាគារនេះ៕