តម្រូវការអចលនទ្រព្យនៅប្រទេសម៉ាឡេស៊ីរំពឹងស្ទុះងើបឡើងវិញនៅក្នុងឆមាសទីពីរ

ដោយ: សហសេវិក
អន្តរជាតិ: ទីផ្សារអចលនទ្រព្យរបស់ប្រទេសម៉ាឡេស៊ីត្រូវបានគេរំពឹងថា នឹងមានស្ថានភាពល្អប្រសើរនៅឆមាសទីពីរ ឆ្នាំ២០២៦ ខណៈអ្នកអភិវឌ្ឍន៍ចាប់ផ្តើមដាក់ឱ្យដំណើរការគម្រោងថ្មីៗបន្ថែមទៀត។

ក្រុមអ្នកវិភាគរំពឹងថា តម្រូវការនឹងត្រូវបានគាំទ្រដោយស្ថិរភាពសេដ្ឋកិច្ចរបស់ប្រទេសម៉ាឡេស៊ី ទីផ្សារការងាររឹងមាំ កំណើនប្រាក់ចំណូល ជំនួយពីរដ្ឋាភិបាល អត្រាការប្រាក់មានស្ថិរភាព និងការរំពឹងទុកអត្រាការប្រាក់គោលចំនួន២,៧៥ភាគរយពេញមួយឆ្នាំ២០២៦។

លំនៅឋានដែលមានតម្លៃសមរម្យ គម្រោងទីក្រុងធំៗ និងទីផ្សារអចលនទ្រព្យឧស្សាហកម្ម ត្រូវបានគេរំពឹងថា នឹងនៅតែជាផ្នែកដែលមានស្ថានភាពល្អប្រសើរបំផុត។

ចំណែក ទីផ្សារលំនៅឋានប្រណីតអាចចំណាយពេលយូរជាងមុនដើម្បីទាក់ទាញអ្នកទិញ ខណៈដែលអ្នកប្រើប្រាស់បន្តផ្តល់អាទិភាពដល់លទ្ធភាពសម្រាប់ទិញ និងតម្លៃផ្ទះ។

ស្របពេលជាមួយគ្នានេះ ការអភិវឌ្ឍឧស្សាហកម្ម និងគម្រោងមជ្ឈមណ្ឌលទិន្នន័យ ត្រូវបានគេរំពឹងថា នឹងនៅតែជាកម្លាំងចលករកំណើនដ៏សំខាន់សម្រាប់វិស័យអចលនទ្រព្យ។

ទីក្រុង Johor ត្រូវបានគេរំពឹងថា នឹងនៅតែជាច្រករបៀងកំណើនដ៏សំខាន់មួយ ដោយមានការគាំទ្រពីកាតាលីករដូចជា តំបន់សេដ្ឋកិច្ចពិសេស Johor-Singapore (JS-SEZ) ការតភ្ជាប់ប្រព័ន្ធរថភ្លើង Johor Bahru-Singapore (RTS) និងការពង្រីកជាបន្តបន្ទាប់នៃវិស័យឧស្សាហកម្ម និងមជ្ឈមណ្ឌលទិន្នន័យ៕

Public and Private Sectors to Restore Confidence, Revive International Tourist Arrivals to Cambodia

By MoT

Phnom Penh. Progress Review Meeting of the Tourism Working Group (Working Group “B”) under the Government-Private Sector Forum.

H.E. HUOT Hak, Minister of Tourism, presided over the Progress Review Meeting of the Tourism Working Group (Working Group “B”) under the Government-Private Sector Forum, an important mechanism for strengthening the partnership between the Royal Government and the private sector. The meeting aimed to jointly review work progress, address challenges, respond to requests from the private sector, and identify key measures to restore and strengthen the resilience of Cambodia’s tourism sector.

This important meeting was attended by Oknha Luu Meng, Co-Chair of the Tourism Working Group (Working Group “B”); H.E. Excellencies representing relevant ministries and institutions; senior officials of the Ministry of Tourism; representatives of the private sector, the Cambodia Chamber of Commerce, tourism industry associations, tourism operators, as well as national and international distinguished guests, totaling approximately 150 participants.

Speaking at the meeting, H.E. Minister emphasized that the meeting was both important and timely, particularly as Cambodia’s tourism sector has faced a noticeable decline in international tourist arrivals during the first half of 2026. This situation has been influenced by several challenges, including negative publicity and technology-enabled scam crimes, issues along the Cambodia-Thailand border, as well as tensions and conflicts in the Middle East, which have contributed to higher fuel prices and affected international travel.

Against this challenging backdrop, H.E. Minister highlighted that the Royal Government of Cambodia has continuously introduced a series of intervention measures to support the private sector. At the same time, he stressed that strong public-private partnership is an indispensable force for transforming challenges into opportunities and restoring momentum in Cambodia’s tourism sector.

The meeting also acknowledged and highly appreciated the efforts of representatives from the public and private sectors and all relevant stakeholders, which have produced notable positive results. A total of 22 measures have now been fully implemented. The two most recently completed measures are:(1) the development of the Phnom Kulen area as a nature-based tourism destination; and (2) the development of a Green Belt, through the signing of a Memorandum of Understanding between the Ministry of Tourism and the Ministry of Agriculture, Forestry and Fisheries on cooperation to promote Green Belts in tourism areas and strengthen the efficiency of agricultural production value chains, signed on 1 August 2026.

Oknha Luu Meng, Co-Chair of the Tourism Working Group (Working Group “B”)

The meeting also reviewed and discussed 11 requests from the private sector, including, among others: visa exemptions for priority target markets; the establishment of a tourism development fund to support destination branding, marketing and overseas tourism promotion; upgrading major national events to international-level events and expanding their promotion; improving domestic air connectivity between tourism destinations; creating a more favorable environment for investment and business activities in the tourism sector; and other related requests.

In parallel, discussions also focused on proposals to increase direct air connectivity from key target markets, which will require in-depth coordination and dialogue among the tourism sector, civil aviation authorities, airlines, and the private sector.

As an outcome of the meeting, participants proposed a set of urgent and concrete key measures that are practical and realistic, focusing on restoring Cambodia’s reputation and positive image on the international stage; strengthening confidence among international travelers; intensifying tourism marketing and promotional activities; attracting and bringing more major international events to Cambodia; and further stimulating domestic tourism movements.

ជំនួបមន្រ្តីជាន់ខ្ពស់បានបង្ហាញពីទំនាក់ទំនងរវាងកម្ពុជា អាមេរិកកាន់តែកក់ក្តៅ

ដោយៈ សម័យ

ភ្នំពេញៈ លោកវង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្ដីការគណៈរដ្ឋមន្ត្រី បានទទួលជួបពិភាក្សាការងារជាមួយលោកជំទាវ Aleksandra Zittle ភារធារីស្តីទីនៃស្ថានទូតសហរដ្ឋអាម៉េរិកប្រចាំកម្ពុជា នៅទីស្តីការគណៈរដ្ឋមន្ត្រី។

ក្នុងជំនួបនោះ លោកឧបនាយករដ្ឋមន្ត្រីប្រចាំការ វង្សី វិស្សុត មានប្រសាសន៍អបអរសាទរ ចំពោះការរៀបចំពិធីរំលឹកខួបលើកទី២៥០ ឆ្នាំ នៃទិវាឯករាជ្យជាតិសហរដ្ឋអាម៉េរិក ប្រកបដោយជោគជ័យ កាលពីថ្ងៃទី១ ខែកក្កដា កន្លងមកនេះ។

ឧបនាយករដ្ឋមន្ត្រីប្រចាំការបន្តថា ដោយផ្អែកលើបទពិសោធន៍របស់អាម៉េរិកកាលពី២៥០ឆ្នាំមុន គឺការកសាងជាតិមួយឱ្យរឹងមាំ មិនអាចពឹងផ្អែកតែទៅលើកត្តាប្រវត្តិសាស្ត្រ និងវប្បធម៌នោះទេ ប៉ុន្តែក៏ត្រូវផ្អែកលើគុណតម្លៃរួមមួយចំនួនផងដែរ។ ជាក់ស្តែង ដូចករណីសិង្ហបុរី ដែលជាប្រទេសតូច និងគ្មានប្រវត្តិសាស្ត្រនិងវប្បធម៌រួមគ្នា ប៉ុន្តែពឹងផ្អែកលើការចែករំលែកនូវគុណតម្លៃរួម ដោយចាប់ផ្តើមពីក្រុមតូច ហើយក្លាយជាគុណតម្លៃរួម និងវេញត្របាញ់គ្នាជាធ្លុងមួយដ៏រឹងមាំក្នុងសង្គមទាំងមូលតែម្តង។

កម្ពុជាដែលមានប្រវត្តិសាស្រ្តជាង២ពាន់ឆ្នាំ ក៏អាចរៀនសូត្រពីមេរៀនបទពិសោធនេះ នៅក្នុងដំណើរការនៃការកសាងជាតិរបស់ខ្លួន ដើម្បីសម្រេចបាននូវចក្ខុវិស័យឆ្នាំ២០៥០ ក៏ដូចជាការកសាងជាតិកម្ពុជាឱ្យបានរឹងមាំសម្រាប់រយៈពេល១០០ឆ្នាំទៅមុខទៀត។

លោកជំទាវ Aleksandra Zittle បានបង្ហាញក្តីសោមនស្សរីករាយ ដែលបានមកបំពេញបេសកកម្មការទូតនៅកម្ពុជា ជាលើកទីពីរ។ លោកជំទាវបានបង្ហាញនូវការប្តេជ្ញាចិត្តខ្ពស់ ក្នុងការពង្រឹងចំណងមិត្តភាព និងកិច្ចសហប្រតិបត្តិការលើគ្រប់វិស័យ រវាងប្រទេសទាំងពីរ ឱ្យកាន់តែស៊ីជម្រៅ។

លោកជំទាវបានគូសរំលេចអំពី កិច្ចសហប្រតិបត្តិការដ៏លេចធ្លោក្នុងវិស័យអាកាសចរណ៍ តាមរយៈការចុះហត្ថលេខាលើកិច្ចព្រមព្រៀងបើកចំហជើងមេឃ (Open Skies Agreement) និងការចូលជារដ្ឋសមាជិកនៃអនុសញ្ញាស្តីពី ប្រាតិភោគជាអន្តរជាតិចំពោះឧបករណ៍ចល័ត (Cape Town Convention)របស់កម្ពុជា។

លោកជំទាវ ក៏បានលើកឡើងអំពីចំណាប់អារម្មណ៍ ពាក់ព័ន្ធនឹងដំណើរទស្សនកិច្ច របស់គណៈប្រតិភូក្រុមប្រឹក្សាធុរកិច្ច សហរដ្ឋអាម៉េរិក-អាស៊ាន (USABC) ដ៏ធំបំផុតមិនធ្លាប់មាននាពេលថ្មីៗនេះ បានឆ្លុះបញ្ចាំងពីទំនុកចិត្ត និងសក្តានុពលរបស់កម្ពុជា ដែលជាគោលដៅវិនិយោគរបស់វិនិយោគិនអាម៉េរិក។

លោកឧបនាយករដ្ឋមន្ត្រីប្រចាំការ វង្សី វិស្សុត បានវាយតម្លៃខ្ពស់ចំពោះសម្ទុះវិវត្តន៍ ជាវិជ្ជមាននៃទំនាក់ទំនង មិត្តភាពរវាងកម្ពុជានិងសហរដ្ឋអាម៉េរិក ក៏ដូចជាវឌ្ឍនភាពនៃកិច្ចសហប្រតិបត្តិការ លើគ្រប់វិស័យនាពេលកន្លងមក ពិសេសក្នុងវិស័យពាណិជ្ជកម្ម និងវិនិយោគ មានការកើនឡើងគួរឱ្យកត់សម្គាល់។

លោកបញ្ជាក់ថា “សហរដ្ឋអាម៉េរិក មិនត្រឹមតែជាទីផ្សារនាំចេញធំបំផុតរបស់កម្ពុជាប៉ុណ្ណោះទេ ប៉ុន្តែទេសចរអាម៉េរិក ក៏ស្ថិតក្នុងចំណោមក្រុមភ្ញៀវទេសចរលំដាប់ខ្ពស់ (Top list)ដែលបានមកលេងកម្សាន្តនៅកម្ពុជាផងដែរ។

លោកក៏បានកត់សម្គាល់នូវតួនាទី និងការចូលរួមយ៉ាងសកម្មរបស់សភាពាណិជ្ជកម្មអាម៉េរិកប្រចាំនៅកម្ពុជា (AmCham) និង USABC ដោយសង្កត់ធ្ងន់ថា វត្តមានរបស់ក្រុមហ៊ុនអាម៉េរិក ពិតជាបានរួមចំណែក ក្នុងការលើកស្ទួយកិច្ចសហប្រតិបត្តិការ រវាងប្រទេសទាំងពីរ ពិសេសការជួយពង្រឹងមូលដ្ឋានគ្រឹះ នៃទំនាក់ទំនងរវាងប្រទេសទាំងពីរ។

លោកវង្សី វិស្សុត ក៏បានគូសបញ្ជាក់អំពីការប្តេជ្ញាចិត្តរបស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំង និងបោសសម្អាតការឆបោកតាមប្រព័ន្ធបច្ចេកវិទ្យា (Online scams) ឱ្យអស់ពីកម្ពុជា ដោយមិនបន្ធូរដៃ ព្រោះរាជរដ្ឋាភិបាលកម្ពុជា មិនបានទទួលផលប្រយោជន៍អ្វីពី Online scams នេះឡើយ ប៉ុន្តែវាបានបង្កផលប៉ះពាល់អវិជ្ជមានជាច្រើនដល់សង្គមជាតិ និងជាពិសេសធ្វើឱ្យខូចកេរ្តិ៍ឈ្មោះរបស់ប្រទេស៕

ខណ្ឌចំនួន៥នៅរាជធានីភ្នំពេញមានឱកាសវិនិយោគអចលនទ្រព្យសម្រាប់រយៈពេលមធ្យម

ដោយៈ ចំណាន

ភ្នំពេញៈ សម្រាប់ទស្សនវិស័យឆ្នាំ ២០២៦-២០៣០ ទីផ្សារអចលនទ្រព្យនៅរាជធានីភ្នំពេញ មានឱកាសរីកចម្រើនកម្រិតមធ្យម ដែលគាំទ្រជាអាទិភាពដល់តំបន់ដែលគាំទ្រ ដោយហេដ្ឋារចនាសម្ព័ន្ធ កំណើនការងារ និងការពង្រីកចំនួនប្រជាជន ជាជាងការទិញដោយសារតែតម្លៃបានកើនឡើងរួចហើយ។
តំបន់វិនិយោគកំពូលៗនៅភ្នំពេញ(២០២៦-២០៣០)

១. ភាគខាងត្បូងនៃភ្នំពេញ

ល្អបំផុតសម្រាប់៖ ដីធ្លី គម្រោងប្រើប្រាស់ចម្រុះ អចលនទ្រព្យពាណិជ្ជកម្ម និងផ្ទះវីឡា។ នេះគឺជាច្រករបៀងកំណើនរយៈពេលវែងខ្លាំងបំផុត ដោយសារតែអាកាសយានដ្ឋានអន្តរជាតិតេជោ ផ្លូវថ្មី និងតំណភ្ជាប់ដឹកជញ្ជូន តម្រូវការភស្តុភារ និងឃ្លាំង សណ្ឋាគារការិយាល័យ និងអាជីវកម្មគាំទ្រ សហគមន៍លំនៅដ្ឋានថ្មីត្រូវបានគេរំពឹងទុកក្នុងរយៈពេលប៉ុន្មានឆ្នាំខាងមុខ។

២. ខ័ណ្ឌកំបូល

ខ័ណ្ឌនេះមានឱកាសល្អបំផុតសម្រាប់ ធនាគារដីធ្លី និងលំនៅដ្ឋានដែលមានតម្លៃសមរម្យ។

តើអ្វីជាមូលហេតុ? ចម្លើយគឺការពង្រីកទីក្រុងភ្នំពេញភាគខាងលិច។ ការតភ្ជាប់ផ្លូវកាន់តែប្រសើរ កំណើនប្រជាជនក្នុងស្រុក ការអភិវឌ្ឍឧស្សាហកម្ម និងលំនៅដ្ឋាន។

អ្នកវិភាគជាច្រើនរំពឹងថា “ខ័ណ្ឌមួយនេះ នឹងទទួលបានអត្ថប្រយោជន៍នៅពេលដែលទីក្រុងពង្រីកទៅខាងក្រៅ”។

៣. ខណ្ឌដង្កោ

ខ័ណ្ឌដង្កោ ជាតំបន់ល្អបំផុតសម្រាប់ គម្រោងដីលំនៅដ្ឋាន និងលំនៅឋាន។

ចំណុចខ្លាំងរបស់ខ័ណ្ឌមួយនេះ? មានដូចជា នៅជិតច្រករបៀងអាកាសយានដ្ឋាន។ ការកើនឡើងនៃការវិនិយោគហេដ្ឋារចនាសម្ព័ន្ធ
តម្រូវការកើនឡើងពីអ្នកទិញផ្ទះក្នុងស្រុក និងមានសក្តានុពលល្អសម្រាប់ការកើនឡើងតម្លៃរយៈពេលមធ្យម។

៤. ច្បារអំពៅ

តំបន់នេះ មានសក្តានុពលល្អបំផុតសម្រាប់ លំនៅឋានតម្លៃមធ្យម និងអចលនទ្រព្យពាណិជ្ជកម្ម ដោយសារគុណសម្បត្តិជាច្រើនដូចជា ការចូលទៅកាន់ស្ពាន និងផ្លូវកាន់តែប្រសើរឡើង មានតម្លៃសមរម្យជាងកណ្តាលទីក្រុងភ្នំពេញ និងអត្ថប្រយោជន៍ពីការពង្រីកទីក្រុងភាគខាងត្បូង។

៥. សែនសុខ / ទួលគោក

ខ័ណ្ឌមួយនេះមានឱកាសល្អបំផុតសម្រាប់ ប្រាក់ចំណូលពីការជួល និងការអិវឌ្ឍខុនដូ ដែលបច្ចុប្បន្នតំបន់នេះមានរួចហើយលើសកម្មភាពអាជីវកម្ម និងពាណិជ្ជកម្មដ៏រសរវើកដូចជា ការដើរទិញឥវ៉ាន់ និងលក់រាយខ្លាំង សាលារៀនអន្តរជាតិ តម្រូវការជនបរទេស
សហគមន៍លំនៅដ្ឋានចាស់ទុំ៕

ក្រុមហ៊ុនជប៉ុនបង្ហាញឆន្ទៈពង្រឹងកិច្ចសហប្រតិបត្តិការលើវិស័យសំណង់ក្នុងខេត្តសៀមរាប

ដោយៈ និស្ស័យ

សៀមរាបៈ លោក យុន លីនណេ អភិបាលរងខេត្ត នៃគណៈអភិបាលខេត្តសៀមរាប បានអនុញ្ញាតឱ្យលោក Masashi Oba ប្រធាន និងជានាយកប្រតិបត្តិក្រុមហ៊ុនវិស្វកម្ម Fukudome Co., Ltd. នៃប្រទេសជប៉ុនចូលជួបសម្ដែងការគួរសម និងពិភាក្សាការងារ ក្នុងគោលបំណង ដើម្បីពង្រឹងកិច្ចសហប្រតិបត្តិការ លើវិស័យសំណង់ក្នុងខេត្តសៀមរាបឱ្យកាន់តែល្អប្រសើរជាងមុន។

លោកយុន លីនណេ អភិបាលរងខេត្តសៀមរាប បានថ្លែងអំណរគុណយ៉ាងជ្រាលជ្រៅ ដល់រដ្ឋាភិបាលជប៉ុន ដែលតែងតែសហការជាមួយរដ្ឋបាលខេត្តសៀមរាប តាមរយៈទីភ្នាក់ងារកិច្ចសហប្រតិបត្តិការអន្តរជាតិរបស់ជប៉ុនJICA និងអង្គការធំៗផ្សេងទៀត ដើម្បីគាំទ្រដល់វិស័យអប់រំ វិស័យសាធារណការ និងដឹងជញ្ជូន គម្រោងទីក្រុងឆ្លាតវៃ ហេដ្ឋារចនាសម្ព័ន្ធ និងផ្លូវថ្នល់ និងវិស័យជាច្រើនទៀតដែលបម្រើដល់ផលប្រយោជន៍ប្រជាពលរដ្ឋ ក្នុងខេត្តនាពេលកន្លងមក។

ជាមួយគ្នានោះដែរ លោកនាយកប្រតិបត្តិ បានបង្ហាញនូវការយកចិត្តទុកដាក់ដោយក្ដីសោមនស្សចំពោះរដ្ឋបាលខេត្ត ជាពិសេសលើកិច្ចសហប្រតិបត្តិការប្រកបដោយផ្លែផ្កា រវាងរដ្ឋបាលខេត្តជាមួយនឹងក្រុមហ៊ុន និងទីភ្នាក់ងារនានារបស់ជប៉ុននាពេលកន្លងមក ហើយលោកនាយកប្រតិបត្តិ បានបង្ហាញពីបច្ចេកវិទ្យា ក្នុងវិស័យសំណង់ដោយប្រើប្រាស់បច្ចេកវិទ្យា DX (Developer Experience) ដ៏ទំនើបប្រកបដោយគុណភាព ប្រសិទ្ធភាព និងសុវត្ថិភាពខ្ពស់ដើម្បីអនុវត្តក្នុងគម្រោងសាងសង់នានា។

លោកអភិបាលរងខេត្ត ក៏បានស្នើឱ្យមានកិច្ចសហប្រតិបត្តិការបន្តជាមួយក្រុមហ៊ុន Fukudome Co., Ltd. លើបច្ចេកវិទ្យាវិស្វកម្ម DX នេះតាមរយៈកិច្ចសម្របសម្រួលពីទីភ្នាក់ងារកិច្ចសហប្រតិបត្តិការអន្តរជាតិរបស់ជប៉ុនJICA ដោយឈរលើចក្ខុវិស័យ នៃការអភិវឌ្ឍវិស័យសំណង់ក្នុងខេត្តសៀមរាបឱ្យកាន់តែទំនើប រឹងមាំ និងជឿនលឿនទៅមុខបន្ថែមទៀត៕

រដ្ឋ-ឯកជន រួមកម្លាំងដាក់ចេញវិធានការគន្លឹះបន្ទាន់ ដើម្បីស្តារទំនុកចិត្ត និងជំរុញកំណើនទេសចរអន្តរជាតិ

ដោយៈ គង់ សូរិយា

ភ្នំពេញៈ ក្រុមមន្រ្តីរដ្ឋាភិបាល និងវិស័យឯកជនបាននិងកំពុងដាក់ចេញវិធានការណ៍ជាបន្ទាន់ ដើម្បីស្តារទំនុកចិត្ត និងជម្រុញកំណើនទេសចរំណ៍អន្តរជាតិ មកទស្សនាកម្ពុជាឡើងវិញ ដើម្បីពង្រឹងភាពធន់នៃវិស័យទេសចរណ៍កម្ពុជា។

ព័ត៌មាននេះត្រូវបានលើកឡើង ក្នុងឱកាសលោកហួត ហាក់ រដ្ឋមន្ត្រីក្រសួងទេសចរណ៍ បានអញ្ជើញជាគណៈអធិបតីដឹកនាំកិច្ចប្រជុំត្រួតពិនិត្យវឌ្ឍនភាពការងារ របស់ក្រុមការងារផ្នែកទេសចរណ៍ (ក្រុម “ខ”) នៃវេទិការាជរដ្ឋាភិបាល-ផ្នែកឯកជន ដែលជាយន្តការដ៏មានសារៈសំខាន់ ក្នុងការពង្រឹងភាពជាដៃគូរវាងរាជរដ្ឋាភិបាល និងវិស័យឯកជន ដើម្បីរួមគ្នាពិនិត្យវឌ្ឍនភាពការងារ ដោះស្រាយបញ្ហាប្រឈម ឆ្លើយតបសំណូមពររបស់វិស័យឯកជន និងកំណត់វិធានការគន្លឹះសម្រាប់ស្តារ និងពង្រឹងភាពធន់នៃវិស័យទេសចរណ៍កម្ពុជា។

កិច្ចប្រជុំដ៏មានសារៈសំខាន់នេះ មានការអញ្ជើញចូលរួមពីឧកញ៉ា លូ ម៉េង សហប្រធានក្រុមការងារផ្នែកទេសចរណ៍ (ក្រុម “ខ”) ឯកឧត្តម លោកជំទាវ តំណាងក្រសួង ស្ថាប័នពាក់ព័ន្ធ ថ្នាក់ដឹកនាំក្រសួងទេសចរណ៍ តំណាងផ្នែកឯកជន សភាពាណិជ្ជកម្មកម្ពុជា សមាគមក្នុងឧស្សាហកម្មទេសចរណ៍ ប្រតិបត្តិករទេសចរណ៍ ព្រមទាំងភ្ញៀវកិត្តិយសជាតិ និងអន្តរជាតិ។

ថ្លែងក្នុងកិច្ចប្រជុំ លោករដ្ឋមន្ត្រីបានបញ្ជាក់ថា “កិច្ចប្រជុំនេះមានសារៈសំខាន់ និងទាន់សភាពការណ៍ ជាពិសេសក្នុងបរិបទដែលវិស័យទេសចរណ៍កម្ពុជា កំពុងប្រឈមនឹងការធ្លាក់ចុះ គួរឱ្យកត់សម្គាល់នៃភ្ញៀវទេសចរអន្តរជាតិក្នុងឆមាសទី១ ឆ្នាំ២០២៦ ដែលរងឥទ្ធិពលពីកត្តាប្រឈមជាច្រើន រួមមានព័ត៌មានអវិជ្ជមាន និងបទល្មើសឆបោកតាមប្រព័ន្ធបច្ចេកវិទ្យា បញ្ហាព្រំដែនកម្ពុជា-ថៃ ក៏ដូចជាភាពតានតឹង និងសង្គ្រាមនៅមជ្ឈិមបូព៌ា ដែលបានជំរុញឱ្យថ្លៃប្រេងឥន្ធនៈកើនឡើង និងប៉ះពាល់ដល់ការធ្វើដំណើរអន្តរជាតិ”។

ស្ថិតក្នុងបរិបទប្រឈមខាងលើ លោករដ្ឋមន្ត្រី បានគូសបញ្ជាក់ថា រាជរដ្ឋាភិបាលកម្ពុជាបាន និងកំពុងដាក់ចេញនូវវិធានការអន្តរាគមន៍ជាបន្តបន្ទាប់ ដើម្បីគាំទ្រវិស័យឯកជន។ ជាមួយគ្នានេះ ភាពជាដៃគូរវាងរដ្ឋ និងឯកជន គឺជាកម្លាំងដ៏ចាំបាច់ ក្នុងការប្រែក្លាយបញ្ហាប្រឈមទៅជាឱកាស និងជំរុញការស្តារវិស័យទេសចរណ៍ឱ្យមានសន្ទុះឡើងវិញ។

អង្គប្រជុំ ក៏បានកត់សម្គាល់ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់តំណាងភាគី រដ្ឋ ឯកជន និងគ្រប់ភាគីពាក់ព័ន្ធទាំងអស់ ដែលសម្រេចបាននូវលទ្ធផលការងារវិជ្ជមាន គួរជាទីកត់សម្គាល់ ដោយវិធានការចំនួន២២ សម្រេចបានពេញលេញទាំងអស់ ដោយវិធានការដែលយើងទើបសម្រេចបានចុងក្រោយ មានចំនួន២វិធានការ៖ (១) ការអភិវឌ្ឍតំបន់ភ្នំគូលែន ជាតំបន់ទេសចរណ៍ធម្មជាតិ (២) ការអភិវឌ្ឍខ្សែក្រវាត់បៃតង ដោយក្រសួងទេសចរណ៍ និងក្រសួងកសិកម្ម រុក្ខាប្រមាញ់ និងនេសាទ បានចុះអនុស្សរណៈ នៃការយោគយល់គ្នាស្តីពី កិច្ចសហប្រតិបត្តិការជំរុញខ្សែក្រវាត់បៃតង នៅតំបន់ទេសចរណ៍ និងពង្រឹងប្រសិទ្ធភាពខ្សែច្រវាក់ផលិតកម្មកសិកម្ម កាលពីថ្ងៃទី១ ខែសីហា ឆ្នាំ២០២៦។

ជាមួយគ្នានេះ អង្គប្រជុំ ក៏បានពិនិត្យពិភាក្សាលើសំណូមពរទាំង១១របស់វិស័យឯកជន ដែលមានជាអាទិ៍៖ ការស្នើសុំលើកលែងទិដ្ឋាការសម្រាប់ទីផ្សារគោលដៅ មូលនិធិអភិវឌ្ឍន៍ទេសចរណ៍ ដើម្បីកសាងម៉ាកសញ្ញា និងជំរុញការផ្សព្វផ្សាយទេសចរណ៍ ទៅក្រៅប្រទេស (Branding, marketing and promotion) ការតម្លើងកម្រិតព្រឹត្តិការណ៍ជាតិធំៗ ទៅកម្រិតអន្តរជាតិ និងការផ្សព្វផ្សាយឱ្យបានទូលទំលាយ ការតភ្ជាប់ផ្លូវហោះហើរក្នុងស្រុក ឱ្យកាន់តែងាយស្រួលពីគោលដៅទេសចរណ៍១ទៅ១ទៀត។ ការបង្កបរិយាកាសអនុគ្រោះបន្ថែមទៀតដល់ការវិនិយោគ និងធុរកិច្ចក្នុងវិស័យទេសចរណ៍, ព្រមទាំងសំណូមពរផ្សេងៗទៀត។

ទន្ទឹមនេះ កិច្ចពិភាក្សា ក៏បានផ្តោតលើសំណើក្នុងការជំរុញផ្លូវហោះហើរត្រង់ឱ្យបានច្រើន ពីទីផ្សារគោលដៅសំខាន់ៗ ដែលទាមទារឱ្យមានការពិភាក្សាស៊ីជម្រៅរវាងទេសចរណ៍ អាកាសចរណ៍ស៊ីវិល ក្រុមហ៊ុនអាកាសចរណ៍ និង ផ្នែកឯកជន។

ជាលទ្ធផល អង្គប្រជុំបានស្នើដាក់ចេញ នូវវិធានការចាំបាច់បន្ទាន់ និងវិធានការគន្លឹះជាក់លាក់ ប្រកបដោយភាពជាក់ស្តែង និងប្រាកដនិយម ដោយផ្តោតលើការស្តារកិត្តិនាម និងរូបភាពវិជ្ជមានរបស់កម្ពុជាលើឆាកអន្តរជាតិ ពង្រឹងទំនុកចិត្តរបស់ភ្ញៀវទេសចរអន្តរជាតិ ជំរុញការផ្សព្វផ្សាយទីផ្សារទេសចរណ៍ឱ្យកាន់តែសកម្ម ទាក់ទាញ និងនាំយកព្រឹត្តិការណ៍អន្តរជាតិសំខាន់ៗ មករៀបចំនៅកម្ពុជាឱ្យបានកាន់តែច្រើន ព្រមទាំងជំរុញចលនាទេសចរណ៍ ក្នុងស្រុកឱ្យកាន់តែផុលផុស៕

ឧកញ៉ា លូ ម៉េង សហប្រធានក្រុមការងារផ្នែកទេសចរណ៍ (ក្រុម “ខ”)

សន្ទុះទីផ្សារលំនៅឋានរបស់ទីក្រុងហុងកុងរំពឹងថយចុះនៅឆមាសទី២

ដោយ: សហសេវិក
អន្តរជាតិ: សន្ទុះនៃទីផ្សារលំនៅឋានរបស់ទីក្រុងហុងកុងត្រូវបានគេរំពឹងថា នឹងថយចុះនៅក្នុងរយៈពេលប៉ុន្មានខែខាងមុខ បន្ទាប់ពីតម្លៃផ្ទះនៅឆមាសទី១ បានកើនឡើងខ្ពស់បំផុតមិនធ្លាប់មានក្នុងរយៈពេល៧ឆ្នាំ។

ទោះបីជាទីផ្សារមានការងើបឡើងវិញយ៉ាងខ្លាំងនាពេលថ្មីៗនេះ ប៉ុន្តែក្រុមអ្នកវិភាគបានព្រមានថា ទំនុកចិត្តលើទីផ្សារភាគហ៊ុនថយចុះ និងវិធានការកាន់តែតឹងរ៉ឹងរបស់ទីក្រុងប៉េកាំងលើការគ្រប់គ្រងលំហូរមូលធនចេញពីចិនដីគោក នឹងទប់ស្កាត់ការកើនឡើងនៅឆមាសទីពីរ។

យោងតាមទិន្នន័យបានបង្ហាញថា តម្លៃផ្ទះឯកជននៅក្នុងទីក្រុងហុងកុងបានកើនឡើង០,៣ភាគរយនៅក្នុងខែមិថុនា ឆ្នាំ២០២៦ បើធៀបនឹងខែឧសភា ដោយបន្តកើនឡើងរយៈពេល១៣ខែជាប់ៗគ្នា។

សន្ទស្សន៍តម្លៃផ្ទះរបស់ទីក្រុងហុងកុងបានកើនឡើង ៧,៩ ភាគរយក្នុងរយៈពេល៦ខែដំបូងនៃឆ្នាំ ២០២៦ ដែលជាកំណើនខ្ពស់បំផុតនៅឆមាសទី១ ចាប់តាំងពីឆ្នាំ ២០១៩។

តួលេខចុងក្រោយបំផុតបង្ហាញថា ទីផ្សារសម្រេចបានកំណើនស្របតាមការរំពឹងទុកនៅឆ្នាំនេះ ដោយអ្នកវិភាគរំពឹងថា តម្លៃផ្ទះនឹងមានស្ថេរភាពជាជាងបន្តកើនឡើងក្នុងល្បឿនដដែល។

លោក Eddie Kwok នាយកប្រតិបត្តិផ្នែកវាយតម្លៃ និងសេវាកម្មប្រឹក្សាយោបល់នៅ CBRE Hong Kong បានអះអាងថា តម្លៃផ្ទះបានកើនឡើងជាង៧ភាគរយរួចហើយនៅឆ្នាំនេះ ដូច្នេះមានឱកាសតិចតួចសម្រាប់ការកើនឡើងបន្ថែមទៀតនៅក្នុងឆមាសទី២។

លោករំពឹងថា ទីផ្សារនឹងថយចុះ និងមានស្ថិរភាព នៅពេលដែលអ្នកទិញ និងអ្នកលក់សម្របខ្លួនទៅនឹងការកើនឡើងនៃតម្លៃផ្ទះកាលពីឆមាសមុន៕

លោកឧកញ៉ាបណ្ឌិតគីម ហ៊ាងលើកឡើងពីការវិវត្តសំខាន់ៗនៃការបោះផ្សាយលក់មូលបត្រកម្មសិទ្ធជាសាធារណលើកដំបូង

ដោយៈ ចំណាន

ភ្នំពេញៈ ជាមួយការប្រកាសបើកលក់ មូលបត្រសាធារណជាលើកដំបូង(IPO) លោកឧកញ៉ាបណ្ឌិតគីម ហ៊ាងស្ថាបនិកបុរីវិមានសំណាងបានលើកឡើង ពីដំណើរវិវត្តន៍គួរឲ្យចាប់អារម្មណ៍មួយចំនួន។

លោកឧកញ៉ាបណ្ឌិតបានមានប្រសាសន៍ឲ្យដឹង តាមបណ្តាញតេឡេក្រាមនាព្រឹកថ្ងៃទី៤ សីហានេះ ដោយលើកឡើងនូវចំណុចសំខាន់ៗចំនួន៣ រួមមានទី១ ក្រុមហ៊ុនបុរី វិមានសំណាង ម.ក កំពុងដាក់លក់មូលបត្រកម្មសិទ្ធិជាសាធារណះលើកដំបូង (IPO) ចាប់ពីថ្ងៃទី ០២ កក្កដា ដល់ថ្ងៃទី ០៩ កញ្ញា ២០២៦ (៦៨ថ្ងៃ) ដោយរំពឹងថាអាចបានលុយ១០លានដុល្លារ ពីអ្នកវិនិយោគទុន៣៣៣៣នាក់ ឬ៣ពាន់ដុល្លារ ពីអ្នកវិនិយោគទុនម្នាក់។

ទី២ គិតត្រឹម ៣២ថ្ងៃដំបូង មានអ្នកវិនិយោគទុនជាងមួយពាន់នាក់ បានវិនិយោគចាប់ពី៣០ដុល្លារ ដល់៩៩,៩៩៩ដុល្លារ តែគិតជាធម្យមបានត្រឹម ១២៣៤ដុល្លារ ដោយសារតែអ្នកវិនិយោគធំ ចាប់ពី១០០,០០០ដុល្លារឡើងទៅ ភាគច្រើនត្រូវចាំដល់ដើមខែ កញ្ញា ២០២៦ទើបសម្រេចចិត្ត។

ទី៣ បើស្រលាញ់ ទុកចិត្ត និងចង់ជួយអោយផែនការអាជីវកម្ម ២៥ឆ្នាំដំបូង (2001-2026) របស់ខ្ញុំបាទ គីម ហ៊ាង បានជោគជ័យ នោះសូមលោក អ្នកជួយទម្លាក់លុយមកវិនិយោគ ទៅលើមូលបត្រកម្មសិទ្ធិជាសាធារណះលើកដំបូង (IPO)របស់ក្រុមហ៊ុនបុរី វិមានសំណាង ម.ក នៅថ្ងៃនេះ ទោះក្នុងទឹកប្រាក់ប៉ុន្មានក៏បាន ដើម្បីអោយខ្ញុំបាទ គីម ហ៊ាង មានពេលវេលាគ្រប់គ្រាន់ធ្វើផែនការអាជីវកម្ម ៣០ឆ្នាំបន្ទាប់ (2026-2056)អោយបានល្អបំផុត ដើម្បីជោគជ័យទាំងអស់គ្នា!
ទូរសព្ទ័លេខ: 012 96 2000
Email: [email protected]
Website: www.bvs.com.kh៕

UNESCO គាំទ្រលើការអភិវឌ្ឍសេដ្ឋកិច្ចបែបច្នៃប្រឌិតនៅកម្ពុជា

ដោយៈ ចំណាន

ភ្នំពេញៈ រដ្ឋាភិបាលកម្ពុជាបានបើកដំណើរការ គម្រោងថ្នាក់ជាតិជាលើកដំបូង ដើម្បីរៀបចំគោលនយោបាយជាតិ សម្រាប់ឧស្សាហកម្មវប្បធម៌ និងច្នៃប្រឌិត (Cultural and Creative Industries – CCI)។

លើសពីនេះកម្ពុជាក៏បង្កើតមជ្ឈមណ្ឌលគាំទ្រគំរូ សម្រាប់អ្នកប្រកបវិជ្ជាជីវៈក្នុងវិស័យនេះ ដែលជាជំហានសំខាន់មួយក្នុងការប្រែក្លាយវិស័យវប្បធម៌ ឱ្យក្លាយជាកម្លាំងជំរុញកំណើនសេដ្ឋកិច្ច ការបង្កើតការងារ និងនវានុវត្តន៍។

ក្រសួងវប្បធម៌ និងវិចិត្រសិល្បៈ បានប្រកាសដាក់ឱ្យដំណើរការគម្រោងនេះ កាលពីថ្ងៃទី៣១ ខែកក្កដា ដោយមានការគាំទ្រពីមូលនិធិអន្តរជាតិសម្រាប់ភាពចម្រុះវប្បធម៌ (International Fund for Cultural Diversity – IFCD) របស់អង្គការ UNESCO ក្រោមអនុសញ្ញាឆ្នាំ២០០៥ ស្ដីពីការការពារ និងលើកកម្ពស់ភាពចម្រុះនៃការបញ្ចេញមតិផ្នែកវប្បធម៌។

គម្រោងនេះមានចំណងជើងថា “ការពង្រឹងប្រព័ន្ធអេកូឡូស៊ីសេដ្ឋកិច្ចច្នៃប្រឌិតកម្ពុជា៖ ការរៀបចំគោលនយោបាយជាតិ ឧស្សាហកម្មវប្បធម៌ និងច្នៃប្រឌិត និងការបង្កើតមជ្ឈមណ្ឌលគាំទ្រគំរូសម្រាប់CCC។

ក្រសួងបានឱ្យដឹងទៀតថា “វិស័យឧស្សាហកម្មវប្បធម៌ និងច្នៃប្រឌិត គឺជាកម្លាំងដ៏សំខាន់មួយ ក្នុងការជំរុញកំណើនសេដ្ឋកិច្ច ការបង្កើតការងារ នវានុវត្តន៍ និងការដាក់បញ្ចូលសង្គម ព្រមទាំងមានតួនាទីយ៉ាងសំខាន់ ក្នុងការអភិរក្សបេតិកភណ្ឌវប្បធម៌ និងលើកកម្ពស់ការបញ្ចេញមតិតាមរយៈសិល្បៈ”។

ទោះជាយ៉ាងណា វិស័យនេះនៅតែប្រឈមនឹងបញ្ហាប្រឈមជាច្រើន រួមមានការយល់ដឹងនៅមានកម្រិត អំពីសេដ្ឋកិច្ចច្នៃប្រឌិត កង្វះទិន្នន័យ និងព័ត៌មាន ក៏ដូចជាការសម្របសម្រួល នៅមិនទាន់មានប្រសិទ្ធភាពរវាងស្ថាប័នរដ្ឋ វិស័យឯកជន និងអង្គការសង្គមស៊ីវិល។

ដើម្បីដោះស្រាយបញ្ហាទាំងនេះ គម្រោងត្រូវបានរៀបចំឡើងដោយផ្អែកលើសសរស្តម្ភសំខាន់ពីរ។

សសរស្តម្ភទីមួយ គឺការរៀបចំ គោលនយោបាយជាតិឧស្សាហកម្មវប្បធម៌ និងច្នៃប្រឌិត ជាលើកដំបូងរបស់កម្ពុជា។ ការងារនេះរួមមានការសិក្សាប្រៀបធៀបគំរូគ្រប់គ្រងCCI នៅក្នុងតំបន់ និងអន្តរជាតិ ការធ្វើផែនទីធនធានវប្បធម៌ សហគ្រាស និងហេដ្ឋារចនាសម្ព័ន្ធពាក់ព័ន្ធទូទាំងប្រទេស ការបង្កើតមូលដ្ឋានទិន្នន័យ សម្រាប់រៀបចំគោលនយោបាយ និងការសម្រេចចិត្តវិនិយោគ ព្រមទាំងការពង្រឹងសមត្ថភាពមន្ត្រីរដ្ឋាភិបាលលើការស្រាវជ្រាវ ការធ្វើផែនទី និងការរៀបចំគោលនយោបាយ។

សសរស្តម្ភទីពីរ គឺការបង្កើត មជ្ឈមណ្ឌលគាំទ្រឧស្សាហកម្មវប្បធម៌ និងច្នៃប្រឌិត ដំបូងបង្អស់របស់កម្ពុជា នៅសាកលវិទ្យាល័យភូមិន្ទវិចិត្រសិល្បៈ ក្នុងរាជធានីភ្នំពេញ។

មជ្ឈមណ្ឌលនេះនឹងដំណើរការជាវេទិកាទាំងផ្ទាល់ និងឌីជីថល ដោយផ្ដល់ទីធ្លាធ្វើការរួម ស្ទូឌីយោ បន្ទប់ហាត់សម និងបរិក្ខារច្នៃប្រឌិតរួម។ លើសពីនេះ វានឹងផ្ដល់សេវាប្រឹក្សាដោយឥតគិតថ្លៃពាក់ព័ន្ធនឹងកម្មសិទ្ធិបញ្ញា ការចុះបញ្ជីអាជីវកម្ម ពន្ធដារ ហិរញ្ញវត្ថុ និងការចូលទៅកាន់ទីផ្សារ។

មជ្ឈមណ្ឌលក៏នឹងរៀបចំវគ្គបណ្ដុះបណ្ដាល លើការធ្វើសហគ្រិនភាព ការអភិវឌ្ឍអាជីវកម្ម ការគ្រប់គ្រងកម្មសិទ្ធិបញ្ញា និងការបង្កើតប្រាក់ចំណូល ព្រមទាំងជំរុញកិច្ចសហការ នវានុវត្តន៍ និងការកសាងបណ្ដាញក្នុងចំណោមសហគមន៍ច្នៃប្រឌិតនៅកម្ពុជា។

ក្រសួងបានបញ្ជាក់ថា“គម្រោងនេះក៏ផ្ដោតសំខាន់ លើការពង្រីកឱកាសសម្រាប់ស្ត្រី និងយុវជន តាមរយៈការបង្កើនលទ្ធភាពទទួលបានធនធាន ការពង្រឹងជំនាញ និងការលើកកម្ពស់ការគាំទ្រផ្នែកស្ថាប័ន ដើម្បីកសាងសេដ្ឋកិច្ចច្នៃប្រឌិតដែលមានបរិយាបន្ន និងសមធម៌កាន់តែប្រសើរ”។

ក្រសួងបានអំពាវនាវឱ្យសិល្បករ អ្នកអនុវត្តការងារវប្បធម៌ សហគ្រិនច្នៃប្រឌិត គ្រឹះស្ថានអប់រំ អង្គការសង្គមស៊ីវិល ដៃគូអភិវឌ្ឍន៍ និងវិស័យឯកជន ចូលរួមគាំទ្រគម្រោងនេះ។

ក្រសួងវប្បធ៌ម និងវិចិត្រសិល្បៈបានបញ្ជាក់ថា “រួមគ្នា យើងអាចកសាងប្រព័ន្ធអេកូឡូស៊ីច្នៃប្រឌិតដ៏រស់រវើកមួយនៅកម្ពុជា ដែលជំរុញនវានុវត្តន៍ អភិរក្សបេតិកភណ្ឌវប្បធម៌ បង្កើតការងារប្រកបដោយគុណភាព និងរួមចំណែកដល់ការអភិវឌ្ឍជាតិប្រកបដោយចីរភាព”។

ជាមួយគ្នានេះ ក្រសួងបានបញ្ជាក់ថា មូលនិធិIFCD របស់ UNESCO បានដើរតួនាទីយ៉ាងសំខាន់ ក្នុងការលើកកម្ពស់ឧស្សាហកម្មវប្បធម៌ និងច្នៃប្រឌិតនៅកម្ពុជា តាមរយៈការគាំទ្រដល់ការរៀបចំគោលនយោបាយ ការពង្រឹងសមត្ថភាព និងការលើកកម្ពស់ភាពអង់អាចរបស់យុវជន និងស្ត្រី។

មូលនិធិIFCD របស់UNESCO មានតួនាទីសំខាន់ក្នុងការលើកកម្ពស់ឧស្សាហកម្មវប្បធម៌ និងច្នៃប្រឌិតនៅកម្ពុជា។ ការគាំទ្រនេះមិនត្រឹមតែជួយអភិរក្សបេតិកភណ្ឌវប្បធម៌ប៉ុណ្ណោះទេ ប៉ុន្តែថែមទាំងបង្កើតការងារ ជំរុញនវានុវត្តន៍ និងប្រែក្លាយវិស័យវប្បធម៌ឱ្យក្លាយជាកម្លាំងជំរុញថ្មីនៃសេដ្ឋកិច្ចជាតិ។

លោក Flavio Bonetti តំណាងអង្គការ UNESCO ប្រចាំកម្ពុជា បានថ្លែងថា អង្គការUNESCO មានមោទនភាពដែលបានគាំទ្រក្រសួងវប្បធម៌ និងវិចិត្រសិល្បៈ ក្នុងការពង្រឹងអភិបាលកិច្ចវប្បធម៌ តាមរយៈមូលនិធិ IFCD។

លោកបានថ្លែងថា “ការពង្រឹងសមត្ថភាពស្ថាប័ន ក្នុងរយៈពេលវែង និងការគាំទ្រប្រកបដោយចីរភាព សម្រាប់ឧស្សាហកម្មវប្បធម៌ និងច្នៃប្រឌិត គម្រោងនេះនឹងដាក់មូលដ្ឋានគ្រឹះ សម្រាប់វិស័យច្នៃប្រឌិតដែលមានភាពរស់រវើក ភាពធន់ និងបរិយាបន្នកាន់តែខ្លាំងនៅកម្ពុជា”។

គម្រោងនេះឆ្លុះបញ្ចាំង ពីការទទួលស្គាល់កាន់តែច្បាស់ថា វិស័យវប្បធម៌ និងច្នៃប្រឌិត មិនត្រឹមតែជួយអភិរក្សអត្តសញ្ញាណជាតិប៉ុណ្ណោះទេ ប៉ុន្តែក៏អាចក្លាយជាវិស័យសេដ្ឋកិច្ចថ្មី ដែលបង្កើតការងារ ជំរុញការបង្កើតថ្មី និងរួមចំណែកដល់ការអភិវឌ្ឍ ប្រកបដោយចីរភាពរបស់កម្ពុជាផងដែរ៕

ក្រុមហ៊ុនជីប ម៉ុងចូលរួមថែររក្សាខឿនអរិយធ៌មជាតិនៃកម្មវិធី ”មរតកមនុស្សរស់”

ដោយៈ ចំណាន

ភ្នំពេញៈ លោកជំទាវ ឡងឌី សាន់ណារ៉ា រដ្ឋលេខាធិការ ក្រសួងវប្បធម៌និងវិចិត្រសិល្បៈ អញ្ជើញចូលរួមកម្មវិធី “សប្តាហ៍មរតកមនុស្សរស់”។

លោកជំទាវឡងឌី សាន់ណារ៉ា រដ្ឋលេខាធិការ តំណាងដ៏ខ្ពង់ខ្ពស់ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានអញ្ជើញចូលរួមកម្មវិធី “សប្តាហ៍មរតកមនុស្សរស់” ព្រមទាំងទទួលថវិកាឧបត្ថម្ភ ពីក្រុមហ៊ុនកូនខ្មែរជីបម៉ុងដែលបានឧបត្ថម្ត ដល់ក្រសួងវប្បធម៌និងវិចិត្រសិល្បៈ ចំនួន៥០,០០០ដុល្លារអាមេរិក ក្នុងមួយឆ្នាំ(រយៈពេល៥ឆ្នាំ)។

កម្មវិធីនេះបានប្រព្រឹត្តទៅនៅ “ភូមិខ្មែរអ្នកធ្វើ” នៅទីតាំងផ្សារទំនើបជីបម៉ុង២៧១មេហ្គាម៉ល។

លោកជំទាវបានមានប្រសាសន៍បញ្ជាក់ថា ការចូលរួមឧបត្ថម្ភថវិកា ពីសំណាក់ ក្រុមហ៊ុនកូនខ្មែរជីបម៉ុង សរបញ្ជាក់យ៉ាងច្បាស់ពីទឹកចិត្តសប្បុរស និងស្មារតីទទួលខុសត្រូវចំពោះសង្គម ។ នេះគឺជាការគាំទ្រយ៉ាងសំខាន់ដល់ការអភិរក្ស លើកកម្ពស់ និងអភិវឌ្ឍវិស័យវប្បធម៌ជាតិ ព្រមទាំងជាគំរូដ៏ល្អ នៃភាពជាដៃគូរវាងវិស័យឯកជន និងស្ថាប័នរដ្ឋក្នុងការរួមចំណែក ដើម្បីផលប្រយោជន៍ជាតិ និងប្រជាជន។

ឆ្លៀតក្នុងឱកាសនោះដែរ លោកជំទាវបានរំលេចពីសកម្មភាពការងារ និងការជួយជ្រោមជ្រែងយ៉ាងសកម្ម របស់ក្រុមហ៊ុនកូនខ្មែរ ជីប ម៉ុង ក្នុងវិស័យវប្បធម៌ ដែលបានឆ្លុះបញ្ចាំងយ៉ាងច្បាស់ ពីការយកចិត្តទុកដាក់ចំពោះការអភិរក្ស លើកតម្កើង និងអភិវឌ្ឍបេតិកភណ្ឌវប្បធម៌ជាតិ ហើយក៏ជាគំរូដ៏ល្អមួយដែលបង្ហាញថា ភាពជោគជ័យក្នុងអាជីវកម្មអាចដើរទន្ទឹមគ្នា ជាមួយការរួមចំណែកដល់សង្គម និងប្រទេសជាតិ៕