តើអ្វីជាចំណុចលេចធ្លោរ និងខុសប្លែកពីគេរបស់បុរីវិមានសំណាង?

ដោយៈ គង់ សូរិយា

ភ្នំពេញៈ ជំទាវឧកញ៉ា គង់ សំណាង បានលើកឡើងពី កត្តាធំៗ៣ដែលបុរី វិមានសំណាង ត្រូវបានអតិថិជនគាំទ្រ និងសរសើរមិនដាច់ពីមាត់។

ចំណុចពិសេស និងលេចធ្លោទាំងនោះរួមមានដូចជា ទី១ បុរី វិមានសំណាង ស្ថិតនៅតំបន់ដែលមានសក្កដានុពលខ្ពស់ ខាងជើង ក្រសួងរៀបចំដែនដី នគរូបនីយកម្ម និងសំណង់២៥០០ម៉ែត្រ ដែលនៅជុំវិញហុំព័ទ្ធទៅដោយ ផ្សារទំនើបអ៊ីអនម៉ល សែនសុខ ផ្សារទំនើបម៉ាក្រូ សែនសុខ និងតំបន់អភិវឌ្ឍន៍បឹងតាមោក ដែលយើងបានឃើញថាក្រសួងជាច្រើនបានផ្លាស់ប្តូរទីតាំងមក។

ទី២ បុរី វិមានសំណាង មានម៉ូតវីឡាប្រណិតចំនួន៣គឺ វីឡាឃីង វីឡាឃ្វីន និងវីឡាព្រីន ដែលបានរចនាម៉ូតតាមបែបក្លាសិក ដោយបានបញ្ចូលនូវការឌីស្សាញនូវម៉ូតបង្អួចធំៗ ដើម្បីស្រូបយកពន្លឺធម្មជាតិចូលទៅក្នុងផ្ទះ។

សម្រាប់វីឡាទោលបែបបារាំង ឬបែបក្លាសិកនេះត្រូវបានបំពាក់ទៅដោយល្បាក់ជ្រី និងក្បាច់រចនា ដែលបានបង្ហាញពីកិត្យានុភាពនៃការរស់នៅ ជាពិសេសការសាងសង់បែបនឹងមានតម្លៃថ្លៃ ប៉ុន្តែយើងចង់ផ្តល់បទពិសោធន៍ នៃការរស់នៅថ្មីដល់អតិថិជនទាំងអស់គ្នា។

ទី៣ បុរី វិមានសំណាង បានបន្តការសាងសង់ជារៀងរាល់ថ្ងៃ ជាពិសេសយើងបានប្រគល់ផ្ទះ ជូនទៅដល់អតិថិជនជាបន្តបន្ទាប់។ លោកជំទាវឧកញ៉ា បានបន្ថែមទៀតថា ចំណុចដែលយើងពិសេសជាងគេនោះគឺ គ្រប់ប្រភេទវីឡាទោលដ៏ប្រណិត របស់យើងទាំងអស់សុទ្ធតែមានប្លង់កម្មសិទ្ធិ ដែលធ្វើឲ្យអតិថិជនមានទំនុកចិត្តខ្លាំងមកលើ បុរី វិមានសំណាង។

សម្រាប់អតិថិជនដែលចាប់អារម្មណ៍ លើវីឡាប្រណិតណាមួយនៃបុរី វិមានសំណាង សូមទំនាក់ទំនងមកក្រុមការងារលក់តាមរយៈលេខទូរស័ព្ទ 011 62 6789៕

កម្ពុជារងការវាយប្រហារតាមប្រព័ន្ឋអ៊ីនធើណេតជាង៤៥១លានដងក្នុងរយៈពេលមិនដល់១ឆ្នាំ ជម្រុញឲ្យជប៉ុនជួយដល់មជ្ឈមណ្ឌលប្រតិបត្តិការសន្តិសុខសាយប័រ

ដោយៈ និស្ស័យ

ភ្នំពេញៈ ក្រសួងប្រៃសណីយ៍ និងទូរគមនាគមន៍បានឲ្យដឹងថា គិតចាប់ពីខែឧសភា ឆ្នាំ២០២៥ មកដល់បច្ចុប្បន្ន ការវាយប្រហារDDoS មកលើក្រសួង ស្ថាប័ន មានរហូតដល់ទៅ៤៥១.៧ លានដង ប៉ុន្តែមជ្ឈមណ្ឌលSOC មានសមត្ថភាពការពារពីការវាយប្រហារDDoS នេះស្ទើរតែ១០០%។

ឆ្លើយតបនឹងបញ្ហាប្រឈម ជាមួយកង្វល់នេះ ភាគីក្រសួងប្រៃសណីយ៍ និងទូរគមនាគមន៍ និងភាគីមិត្តជប៉ុនបានបើកដំណើរការ ដាក់ឱ្យប្រើមជ្ឈមណ្ឌល ប្រតិបត្តិការសន្តិសុខសាយប័រ។

ថ្លែងក្នុងពិធីនេះ លោករដ្ឋមន្រ្តី និងឯកអគ្គរាជទូតជប៉ុន បានសម្ដែងនូវការប្តេជ្ញាចិត្តរួមគ្នា ក្នុងការលើកកម្ពស់កិច្ចសហប្រតិបត្តិការលើផ្នែកបច្ចេកវិទ្យាឌីជីថល និងការបណ្តុះបណ្តាលមូលធនឌីជីថលដើម្បីជំរុញការធ្វើបរិវត្តកម្មឌីជីថលឱ្យកាន់តែល្អប្រសើរ។

មជ្ឈមណ្ឌលSOC ត្រូវបានបង្កើតឡើង ក្រោមគម្រោងការអភិវឌ្ឍសេដ្ឋកិច្ច និងសង្គមនៃជំនួយរដ្ឋាភិបាលជប៉ុន ក្នុងគោលបំណងពង្រឹងប្រព័ន្ធគ្រប់គ្រងនិងការពារសន្តិសុខឌីជីថល នៃហេដ្ឋារចនាសម្ព័ន្ធព័ត៌មានជាតិ ដើម្បីកសាងភាពធន់ និងភាពជឿទុកចិត្តលើប្រព័ន្ធរដ្ឋាភិបាលឌីជីថល។

មជ្ឈមណ្ឌលនេះ មានបំពាក់នូវសម្ភារបរិក្ខារបច្ចេកទេស និងប្រព័ន្ធសុវត្ថិភាពសន្តិសុខសាយប័រ សម្រាប់តាមដាន ត្រួតពិនិត្យ ទប់ស្កាត់ និងឆ្លើយតបទៅនឹងការវាយប្រហារ តាមប្រព័ន្ធអ៊ីនធឺណិតមកលើហេដ្ឋារចនាសម្ព័ន្ធឌីជីថល ប្រព័ន្ធប្រតិបត្តិការ និងបច្ចេកវិទ្យាឌីជីថលស្នូលរបស់ក្រសួង ស្ថាប័ន នៅក្នុងក្របខណ្ឌរាជរដ្ឋាភិបាល៕

វិស័យឯកជន និងអូស្រ្តាលី មានមហិច្ឆតាជួយជំរុញឱ្យកម្ពុជាក្លាយជាបណ្តុំនៃការបណ្តុះបណ្តាលវីជ្ជាជីវៈលើវិស័យយានយន្តកម្រិតអាស៊ាន

ដោយៈ ម៉ាលីនណា

ភ្នំពេញៈ ក្រុមហ៊ុនRMA Cambodia វិទ្យាស្ថានBendigo Kangan Institute (BKI) របស់ប្រទេសអូស្ត្រាលី និងមជ្ឈមណ្ឌលឧត្តមភាពយានយន្តនៅកម្ពុជា មានមហិច្ឆតាប្រែក្លាយកមម្ពុជា ជាក្លាយជាបណ្តុំ នៃការបណ្តុះបណ្តាលវីជ្ជាជីវៈ លើវិស័យយានយន្តកម្រិតអាស៊ាន។

ព័ត៌មាននេះត្រូវបានលើកឡើងក្នុងពេលលោក ឧបនាយករដ្ឋមន្រ្តី វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានទទួលជួបពិភាក្សាការងារ ជាមួយគណៈប្រតិភូក្រុមហ៊ុន RMA Cambodia វិទ្យាស្ថានBendigo Kangan Institute (BKI) របស់ប្រទេសអូស្ត្រាលី និងមជ្ឈមណ្ឌលឧត្តមភាពយានយន្តនៅកម្ពុជា (Automotive Centre of Excellence in Cambodia – ACEC) ដឹកនាំដោយលោកស្រីBridget Collier អនុប្រធានបេសកកម្មទូត នៃស្ថានទូតអូស្រ្តាលីប្រចាំកម្ពុជា ដើម្បីពិភាក្សាអំពីគំនិតផ្តួចផ្តើមរបស់មជ្ឈមណ្ឌលACEC។

កិច្ចពិភាក្សាកាលពីព្រឹកថ្ងៃទី២០ វិច្ឆិកាកន្លងមកនេះ ក៏ពិនិត្យលទ្ធភាព ក្នុងការផ្សារភ្ជាប់កិច្ចការងាររបស់មជ្ឈមណ្ឌលACEC ទៅនឹងការផ្តល់អនុសាសន៍ និងតាមដាននិងវាយតម្លៃគោលនយោបាយ ក្រោមយន្តការគណៈកម្មាធិការតាមដាន ត្រួតពិនិត្យ និងវាយតម្លៃការអនុវត្តយុទ្ធសាស្ត្របញ្ចកោណ ដំណាក់កាលទី១ (គ.យ.ប.) នៃទីស្តីការគណៈរដ្ឋមន្ត្រី។

លោកឧបនាយករដ្ឋមន្ត្រីប្រចាំការ វង្សី វិស្សុត បានលើកឡើងថា

គម្លាតនៃប្រភេទជំនាញ និងគុណភាពជំនាញ នៅក្នុងទីផ្សារជាមួយនឹងតម្រូវការ ជំនាញជាក់ស្តែង ទាំងក្នុងវិស័យផលិតយានយន្ត ក៏ដូចជាវិស័យដទៃទៀត គឺជាបញ្ហាប្រឈមសំខាន់មួយ ដល់ការអភិវឌ្ឍ និងការជំរុញកំណើនសេដ្ឋកិច្ចកម្ពុជា។

លោកបន្តទៀតថា រាជរដ្ឋាភិបាលក្រោមការដឹកនាំដ៏ប៉ិនប្រសប់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកការលើកកម្ពស់ជំនាញ ដែលជាផ្នែកមួយនៃការកសាងមូលធនមនុស្ស ជារបៀបវារៈគោលនយោបាយដ៏សំខាន់ ដើម្បីលើកកម្ពស់ ផលិតភាពនៃកម្លាំងពលកម្ម និងបង្កើនភាពប្រកួតប្រជែង ក៏ដូចជាការលើកកម្ពស់ប្រាក់ចំណូល និងជីវភាពរបស់និយោជិត។

តំណាងគណៈប្រតិភូបានបញ្ជាក់ថា មជ្ឈមណ្ឌលACEC ជាគម្រោងភាពជាដៃគូរវាងរដ្ឋ និងឯកជន ដោយផ្តោតលើការរៀបចំឱ្យមានការបណ្ដុះបណ្ដាល និងបំពាក់បំប៉នជំនាញ ជូនដល់យុវជនកម្ពុជាលើវិស័យយានយន្ត (TVET in Automotive Sector) ក្រោមកិច្ចសហការរវាងក្រុមហ៊ុន RMA Cambodia វិទ្យាស្ថានBKI របស់ប្រទេសអូស្ត្រាលី និងក្រសួងការងារ និងបណ្តុះបណ្តាលវិជ្ជាជីវៈ ហើយនិទានកម្មនៃការបង្កើតមជ្ឈមណ្ឌលACEC នេះឡើងគឺដោយសារ ការមើលឃើញពីភាពមានកម្រិត ក្នុងការបណ្តុះបណ្តាលវិជ្ជាជីវៈ លើវិស័យយានយន្តនៅកម្ពុជា ដែលធ្វើឱ្យក្រុមហ៊ុនជួបបញ្ហាប្រឈមជាប្រចាំ ក្នុងការរក្សាបាននូវបុគ្គលិកជំនាញ ក្នុងរយៈពេលវែង ស្របពេលដែលតម្រូវការជំនាញក្នុងវិស័យនេះ មានការកើនឡើងជាបន្តបន្ទាប់។

មជ្ឈមណ្ឌលនេះ ត្រូវបានរៀបចំដោយផ្អែកលើគំរូ អនុវត្តន៍របស់មជ្ឈមណ្ឌលAutomotive Centre of Excellence (ACE) របស់ប្រទេសអូស្ត្រាលី ដោយប្រើប្រាស់ប្រព័ន្ធកម្មសិក្សាវិជ្ជាជីវៈ (Apprenticeship System) ដែលអាចអនុញ្ញាតឱ្យសិស្សនៅមជ្ឈមណ្ឌលទទួលបានការបណ្តុះបណ្តាល និងការអនុវត្តការងារក្នុងពេលតែមួយ។

គំនិតផ្តួចផ្តើមនេះ មានមហិច្ឆតាជួយជំរុញឱ្យកម្ពុជា ក្លាយជាបណ្តុំនៃការបណ្តុះបណ្តាលវីជ្ជាជីវៈលើវិស័យយានយន្ត (Hub for Automotive Vocational Training) នៅតំបន់អាស៊ីអាគ្នេយ៍ ព្រមទាំងមានផែនការបណ្តុះបណ្តាល ជាលក្ខណៈអន្តរជាតិលើវិស័យផ្សេងទៀតផងដែរនាពេលអនាគត។

លោកឧបនាយករដ្ឋមន្ត្រីប្រចាំការ បានសង្កត់ធ្ងន់អំពីភាពចាំបាច់ក្នុងការរៀបចំប្រព័ន្ធអេកូឡូស៊ី សម្រាប់ការអភិវឌ្ឍជំនាញ និងស្នើឱ្យមានកិច្ចខិតខំប្រឹងប្រែងបន្ថែមទៀត ក្នុងការគិតគូររៀបចំឱ្យមាននូវផែនទីជំនាញ (Skill Mapping) និងក្របខ័ណ្ឌអភិវឌ្ឍន៍ជំនាញច្បាស់លាស់ តាមរយៈការបង្កើនជំនាញ (Upskill) និងការបណ្តុះបណ្តាលជំនាញឡើងវិញ(Reskill) ព្រមទាំងជំរុញការផ្លាស់ប្តូរផ្នត់គំនិតរបស់ប្រជាពលរដ្ឋចំពោះការឱ្យតម្លៃ និងការចាប់យកជំនាញTVET ផងដែរ។

លោកវង្សី វិស្សុតបានបន្តថា គំនិតផ្តួចផ្តើមរបស់ ACEC ពិតជាដើរតួនាទីសំខាន់ ក្នុងការជំរុញTVET នៅកម្ពុជា ឱ្យកាន់តែមានគុណភាព និងប្រសិទ្ធភាព សំដៅទាក់ទាញ និងជំរុញការវិនិយោគវិស័យឧស្សាហកម្មយានយន្ត ហើយក៏ជាមូលដ្ឋានចាំបាច់សម្រាប់វិស័យដទៃទៀត ដែលនឹងរួមចំណែកដល់ការបង្កើតការងារ ការបង្កើនប្រាក់ចំណូល និងការលើកកម្ពស់កំណើនផលិតភាពការងារ ពិសេសការធ្វើពិពិធកម្មមូលដ្ឋាននៃកំណើនសេដ្ឋកិច្ច ដោយផ្អែកលើផលិតភាពការងារ៕

តើវាជាពេលវេលាល្អសម្រាប់វិនិយោគបន្ថែមឬទេ នៅពេលតម្លៃរូបិយប័ណ្ណគ្រីបតូធ្លាក់ចុះរយៈពេលវែង?

ដោយៈ ចំណាន

អន្តរជាតិៈ នៅពេលដែលតម្លៃរូបិយប័ណ្ណគ្រីបតូ ធ្លាក់ចុះក្នុងរយៈពេលវែង វាអាចជាពេលវេលាល្អក្នុងការវិនិយោគ ប៉ុន្តែលុះត្រាតែអ្នកយល់ពីហានិភ័យ និងមានផែនការរយៈពេលវែង។

ប៉ុន្តែអ្នកជំនាញបានលើកនូវ ចំណុចខាងក្រោមនេះជាមូលហេតុ និងពេលណាដែលវាសមហេតុផល សម្រាប់ការវិភាគពិចារណា។

១ ហេតុអ្វីបានជាការធ្លាក់ចុះនៃរូបិយប័ណ្ណគ្រីបតូរយៈពេលវែងអាចជា១.ពេលវេលាល្អក្នុងការវិនិយោគ?

តម្លៃមានការបញ្ចុះតម្លៃ នៅពេលដែលទីផ្សារធ្លាក់ចុះ រូបិយប័

ណ្ណគ្រីបតូដ៏រឹងមាំជាច្រើន (ដូចជា BTC, ETH) កាន់តែមានតម្លៃថោកជាងបើប្រៀបធៀបទៅនឹងតម្លៃពិតរបស់វា។

វាស្រដៀងគ្នាទៅនឹងការទិញមាស ឬអចលនទ្រព្យក្នុងអំឡុងពេលមានវិបត្តិសេដ្ឋកិច្ច។

អ្នកវិនិយោគឆ្លាតវៃ គឺទិញនៅពេលវាមានតម្លៃទាប ហើយរង់ចាំការងើបឡើងវិញ និងលក់ចេញក្នុងតម្លៃខ្ពស់។

២. ទិន្នន័យប្រវត្តិសាស្ត្របង្ហាញពីការងើបឡើងវិញ

ទីផ្សារធ្លាក់ចុះនៃរូបិយប័ណ្ណគ្រីបតូកន្លងមក (ឆ្នាំ២០១៤ ២០១៨ ២០២២) ត្រូវបានបន្តដោយវដ្តកើនឡើងខ្លាំង។

កាក់Bitcoin បានងើបឡើងវិញជាប្រវត្តិសាស្ត្រ បន្ទាប់ពីការធ្លាក់ចុះដ៏សំខាន់នីមួយៗ ហើយបន្ទាប់មកឈានដល់ កម្រិតខ្ពស់បំផុតគ្រប់ពេល។

៣. ហានិភ័យទាបនៃការទិញនៅពេលវាឡើងដល់កំពូល

មនុស្សភាគច្រើនខាតបង់ ព្រោះពួកគេទិញនៅពេលដែលតម្លៃខ្ពស់ (FOMO) និងលក់ដោយភ័យស្លន់ស្លោ នៅពេលដែលវាធ្លាក់ចុះ។

សូមចំណាំៈ ការទិញក្នុងអំឡុងពេលធ្លាក់ចុះ រយៈពេលវែងកាត់បន្ថយឱកាស នៃការទិញនៅជិតចំណុចកំពូល។

៤. វិនិយោគិនឆ្លាតវៃប្រមូលផ្តុំ (“DCA”)

វិនិយោគិនអាជីពប្រើ Dollar-Cost Averaging (DCA) ទិញបរិមាណតិចតួចជាប្រចាំ ជាពិសេសក្នុងអំឡុងពេលធ្លាក់ចុះ។

យុទ្ធសាស្ត្រនេះ បន្ថយថ្លៃដើមជាមធ្យម និងកាត់បន្ថយការសម្រេចចិត្តអារម្មណ៍ ប៉ុន្តែយ៉ាងណាក៏ដោយ វាគ្រាន់តែជាពេលវេលាល្អប៉ុណ្ណោះ ប្រសិនបើអ្នកធ្វើវាបានត្រឹមត្រូវ។

អ្វីដែលអ្នកវិនិយោគត្រូវតែប្រុងប្រយ័ត្ន ព្រោះរូបិយប័ណ្ណឌីជីថលអាចចំណាយពេលច្រើនឆ្នាំ ដើម្បីងើបឡើងវិញ។

altcoins មួយចំនួនមិនដែលត្រលប់មកវិញទេ បន្ទាប់ពីការធ្លាក់ចុះដ៏ធំ។ ពិសេសហានិភ័យទីផ្សារ បទប្បញ្ញត្តិ និងស្ថានភាពសេដ្ឋកិច្ចពិភពលោកអាចប៉ះពាល់ដល់ការងើបឡើងវិញ។

របៀបវិនិយោគដោយសុវត្ថិភាព ក្នុងអំឡុងពេលធ្លាក់ចុះរយៈពេលវែង សូមផ្តោតលើកាក់ដ៏រឹងមាំ និងបង្ហាញឱ្យឃើញ

ឧទាហរណ៍៖

Bitcoin (BTC) ឃ្លាំងស្តុកតម្លៃរយៈពេលវែងខ្លាំងបំផុត។
Ethereum (ETH) ជាបណ្តាញកិច្ចសន្យាឆ្លាតវៃធំបំផុត និងជៀសវាងថូខឹនថ្មី ឬមិនស្គាល់នៅក្នុងទីផ្សារធ្លាក់ចុះ។

៥. ប្រើDCA ជំនួសឱ្យការវិនិយោគអ្វីៗគ្រប់យ៉ាងក្នុងពេលតែមួយ

ឧទាហរណ៍៖

វិនិយោគ៥០ដុល្លារ ឬ១០០ ដុល្លារក្នុងមួយសប្តាហ៍ ឬខែ
បន្តទោះបីជាតម្លៃធ្លាក់ចុះក៏ដោយ
តម្លៃជាមធ្យមកាន់តែទាបតាមពេលវេលា និងសូមគិតពីការវិនិយោគរយៈពេលវែង ដែលមានចន្លោះពី២ទៅ៥ឆ្នាំ។

ទីផ្សារធ្លាក់ចុះ អាចមានរយៈពេលច្រើនខែ ឬច្រើនឆ្នាំ។ ប្រាក់ចំណេញពិតប្រាកដកើតឡើង នៅពេលដែលវដ្តកើនឡើងបន្ទាប់ចាប់ផ្តើម។

៦. កុំវិនិយោគប្រាក់ដែលអ្នកត្រូវការឆាប់ៗនេះ

អ្នកវិនិយោគ សូមប្រើប្រាស់ តែប្រាក់ដែលអ្នកអាចកាន់បានយូរគ្រប់គ្រាន់ប៉ុណ្ណោះ។

ឧទាហរណ៍សាមញ្ញ ប្រសិនបើBTC ធ្លាក់ចុះពី60,000 ដុល្លារ ឬឈានដលើ់30,000ដុល្លារក្នុងមួយកាក់ នឹងធ្វើឲ្យមនុស្សជាច្រើនភ័យស្លន់ស្លោ ហើយលក់ចេញ៊

ប៉ុន្តែវិនិយោគិនឆ្លាតវៃប្រមូលផ្តុំ នៅពេលដែលBTC ត្រឡប់ទៅ 60,000ដុល្លារវិញនៅពេលក្រោយ ពួកគេបង្កើនតម្លៃទ្វេរដង៕

គំរោងវិនិយោគផែស្ងួតធំមួយតម្លៃ២០លានដុល្លារត្រៀមលេចឡើងនៅស្រុកកំចាយមារ ខេត្តព្រៃវែង

ដោយៈ ម៉ាលីនណា

ព្រៃវែងៈ លោកជា វុទ្ធី អគ្គលេខាធិការគណៈកម្មការវិនិយោគកម្ពុជា បានដឹកនាំគណៈកម្មការអន្តរក្រសួងស្ថាប័ន ចុះពិនិត្យទីតាំងសំណើសុំវិនិយោគ បង្កើតផែស្ងួតរបស់ក្រុមហ៊ុន S.S.R Co., Ltd. ដែលមានទីតាំងស្ថិតនៅក្នុងឃុំក្របៅ ស្រុកកំចាយមារ ខេត្តព្រៃវែង។

ក្នុងដំណើរបេសកកម្មការងារនេះ ក៏មានវត្តមានចូលរួមពីតំណាងក្រសួងសាធារណៈការនិងដឹកជញ្ជូន ក្រសួងបរិស្ថាន ក្រសួងផែនការ ក្រសួងរៀបចំដែនដី នគរូបនីយកម្ម និងសំណង់ អគ្គនាយកដ្ឋានគយនិងរដ្ឋាករកម្ពុជា និងតំណាងរដ្ឋបាលខេត្តព្រៃវែងផងដែរ។

គម្រោងផែស្ងួតនេះជាគម្រោងទី១ ដែលបាននិងកំពុងរៀបចំបង្កើតឡើងនៅតំបន់នោះ ក្នុងទំហំទុនវិនិយោគប្រមាណ២០លានដុល្លារអាមេរិក លើផ្ទៃដីទំហំប្រមាណជាង១០ហិកតា ដែលសកម្មភាពនេះ នឹងចូលរួមចំណែកយ៉ាងសំខាន់គំាទ្រ ដល់សកម្មភាពដឹកជញ្ជូនទំនិញឆ្លងកាត់ព្រំដែននាពេលខាងមុខ នៅច្រកទ្វារព្រំដែនអន្តរជាតិម៉ឺនជ័យ កម្ពុជា-វៀតណាម និងបង្កើតនូវការងារជាច្រើនកន្លែង សម្រាប់ប្រជាពលរដ្ឋនៅតំបន់នោះ។

ក្នុងទិដ្ឋភាពរួមរបស់គម្រោងផែស្ងួតនេះ នឹងមានការសាងសង់នូវហេដ្ឋារចនាសម្ព័ន្ធចាំបាច់ និងគំាទ្រនានាដែលរួមមាន អគារការិយា ល័យ អគារពាណិជ្ជកម្ម កន្លែងផ្លាស់ប្តូរទំនិញ ទីតាំងតម្កល់កុងតឺន័រ និងឃ្លាំងស្តុកទំនិញជាដើម។

ក្រៅពីបានដឹកនាំក្រុមការងារចុះពិនិត្យ ទីតាំងគម្រោងវិនិយោគខាងលើ ឯកឧត្តមអគ្គលេខាធិការ ក៏បានឆ្លៀតចុះពិនិត្យមើលច្រកទ្វារព្រំដែនអន្តរជាតិអន្តរជាតិម៉ឺនជ័យ កម្ពុជា-វៀតណាម ដើម្បីស្វែងយល់ពីទិដ្ឋភាពរួម នៃការវិវត្តរីកចម្រើននៅតំបន់នោះ និងបានជម្រាបជូនពីការត្រៀមលក្ខណៈ របស់គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ក្នុងការចូលរួមធ្វើការជាមួយ គ្រប់ភាគីពាក់ព័ន្ធ ពិសេសរដ្ឋបាលខេត្តព្រៃវែង ក្នុងការផ្សព្វផ្សាយសក្តានុពលវិនិយោគរបស់តំបន់នេះ ជូនដល់វិនិយោគិនជាតិ និងអន្តរជាតិ៕

មកដឹងពីសារប្រយោជន៍នៃផ្លែល្ហុង ជាផ្លែឈើមានតម្លៃទាប តែមានតម្លៃមិនគួរឲ្យជឿ

ដោយៈ ចំណាន

ភ្នំពេញៈ ផ្លែល្ហុងជាប្រភេទផ្លែឈើងាយរក និងមានតម្លៃទាបនៅក្នុងទីផ្សារ ប៉ុន្តែផ្លែឈើប្រភេទនេះល្អសម្រាប់សុខភាពណាស់ ព្រោះវាសម្បូរទៅដោយវីតាមីន អង់ស៊ីមរំលាយអាហារ សារធាតុប្រឆាំងអុកស៊ីតកម្ម និងជាតិសរសៃ។

សូមអានចំណុចសំខាន់ៗខាងក្រោមនេះ ជាការវិភាគច្បាស់លាស់ និងសាមញ្ញអំពីមូលហេតុដែលផ្លែល្ហុងមានសុខភាពល្អ។

១ អត្ថប្រយោជន៍សុខភាពរបស់ផ្លែល្ហុង

១. ជួយរំលាយអាហារ

ផ្លែល្ហុងមានផ្ទុកអង់ស៊ីមមួយហៅថាpapain ដែលជួយបំបែកប្រូតេអ៊ីន និងធ្វើអោយការរំលាយអាហារប្រសើរឡើង។

ផ្លែឈើប្រភេទនេះ មានចំណុចល្អ សម្រាប់អ្នកដែលមានអាការៈហើមពោះ ទល់លាមក ឬរំលាយអាហារមិនបានល្អ។

២. សម្បូរវីតាមីនC ខ្ពស់

ផ្លែល្ហុងទំហំមធ្យមមួយផ្លែ ផ្តល់វីតាមីនC ច្រើនជាង១៥០% នៃតម្រូវការរាងកាយប្រចាំថ្ងៃ។

វីតាមីនCជួយ៖

ពង្រឹងប្រព័ន្ធភាពស៊ាំ
ធ្វើអោយប្រសើរឡើងនូវសុខភាពស្បែក
ការពាររាងកាយរបស់អ្នកពីការឆ្លងមេរោគ

៣. ល្អសម្រាប់សុខភាពបេះដូង

ដោយសារផ្លែល្ហុងមានផ្ទុក៖

ជាតិសរសៃ វាបន្ថយកូឡេស្តេរ៉ុលអាក្រក់
ប៉ូតាស្យូម វាជួយគ្រប់គ្រងសម្ពាធឈាម
សារធាតុប្រឆាំងអុកស៊ីតកម្ម ដែលអាចការពារកោសិកាបេះដូង។

ការញ៉ាំផ្លែល្ហុងជាប្រចាំ អាចកាត់បន្ថយហានិភ័យនៃជំងឺបេះដូង។

៤. ល្អសម្រាប់ស្បែក និងប្រឆាំងភាពចាស់

ផ្លែល្ហុងសម្បូរទៅដោយ៖

វីតាមីនអា
វីតាមីនស៊ី
លីកូពីន (សារធាតុប្រឆាំងអុកស៊ីតកម្មដ៏មានឥទ្ធិពល)៕

សារធាតុចិញ្ចឹមទាំងនេះជួយ៖

កាត់បន្ថយស្នាមជ្រួញ
ធ្វើអោយស្បែកភ្លឺថ្លា
ព្យាបាលស្បែកដែលខូចដោយសារពន្លឺព្រះអាទិត្យ

ផលិតផលថែរក្សាស្បែកជាច្រើនប្រើសារធាតុចម្រាញ់ពីផ្លែល្ហុងសម្រាប់ហេតុផលនេះ។

⸻

៥. ជួយកាត់បន្ថយការរលាក

ផ្លែល្ហុងមានសមាសធាតុប្រឆាំងការរលាកដ៏រឹងមាំ ដែលអាចជួយមនុស្សដែលមាន៖

ឈឺសន្លាក់
រលាកសន្លាក់
ហើម

⸻

៦. គាំទ្រដល់សុខភាពភ្នែក

ផ្លែល្ហុងមានផ្ទុកវីតាមីនអា លូទីន និងហ្សេអាសាន់ទីន ដែលការពារភ្នែក និងកាត់បន្ថយហានិភ័យនៃ៖

ជំងឺភ្នែកឡើងបាយ
ការបាត់បង់ការមើលឃើញទាក់ទងនឹងអាយុ

⸻

៧. ជំរុញភាពស៊ាំ

ដោយសារតែវាមានវីតាមីនស៊ីខ្ពស់ និងសារធាតុប្រឆាំងអុកស៊ីតកម្ម ផ្លែល្ហុងជួយរក្សាប្រព័ន្ធភាពស៊ាំរបស់អ្នកឱ្យរឹងមាំ ជាពិសេសក្នុងអំឡុងពេលផ្តាសាយ ឬរដូវត្រជាក់។

⸻

⭐ តើអ្នកណាគួរញ៉ាំផ្លែល្ហុង?

ល្អសម្រាប់៖

អ្នកដែលមានបញ្ហារំលាយអាហារ
លើសឈាម
កូឡេស្តេរ៉ុលខ្ពស់
បញ្ហាស្បែក
ភាពស៊ាំចុះខ្សោយ

⸻

⚠️ តើអ្នកណាគួរប្រុងប្រយ័ត្ន?

ស្ត្រីមានផ្ទៃពោះមិនគួរបរិភោគផ្លែល្ហុងទុំច្រើនពេកទេ ព្រោះវាអាចបណ្តាលឱ្យមិនស្រួលក្រពះ។
អ្នកដែលមានអាឡែស៊ីជាមួយជ័រកៅស៊ូអាចមានប្រតិកម្មទៅនឹងផ្លែល្ហុង។

⸻

ប្រសិនបើអ្នកចង់ ខ្ញុំក៏អាចប្រាប់អ្នកពីពេលវេលាដ៏ល្អបំផុតដើម្បីបរិភោគផ្លែល្ហុងដើម្បីទទួលបានអត្ថប្រយោជន៍ច្រើនបំផុត។

ទីក្រុងហាណូយគ្រោងដំឡើងតម្លៃដីធ្លីនៅឆ្នាំ២០២៦ ខណៈក្រុមអ្នកជំនាញព្រមានពីហានិភ័យចំពោះទីផ្សារ

ដោយ: សហសេវិក
អន្តរជាតិ: ក្រុមអ្នកជំនាញបានជំរុញឱ្យមានការពិចារណាយ៉ាងប្រុងប្រយ័ត្នចំពោះសំណើរបស់ទីក្រុងហាណូយក្នុងការដំឡើងតម្លៃដីធ្លីនៅក្នុងរដ្ឋធានី ដោយព្រមានថា ចំណាត់ការនេះអាចធ្វើឱ្យទីផ្សារអចលនទ្រព្យកាន់តែឡើងកំដៅខ្លាំងបន្ថែមទៀត(overheat)។

អាជ្ញាធរទីក្រុងហាណូយបានបញ្ចប់សេចក្តីព្រាងក្របខ័ណ្ឌតម្លៃដីធ្លីដែលត្រូវអនុវត្តចាប់ពីថ្ងៃទី១ ខែមករា ឆ្នាំ២០២៦ ដែលស្នើឱ្យមានការដំឡើងតម្លៃដីនៅក្នុងតំបន់ភាគច្រើន។ ក្រោមសេចក្តីព្រាងនេះ តម្លៃដីនៅតំបន់កណ្តាលទីក្រុងនឹងកើនឡើងប្រហែល២ភាគរយ ខណៈតម្លៃដីនៅតំបន់ជាយក្រុងនឹងកើនឡើង២៦ភាគរយ។

អាជ្ញាធរបានឱ្យដឹងថា ក្របខ័ណ្ឌតម្លៃដីធ្លីបម្រើជាមូលដ្ឋានសម្រាប់គោលនយោបាយទាក់ទងនឹងដីធ្លី និងការទាក់ទាញការវិនិយោគ។ ការដំឡើងនេះមានគោលបំណងបង្រួមគម្លាតរវាងតម្លៃដីធ្លីផ្លូវការ និងតម្លៃទីផ្សារជាក់ស្តែង និងធ្វើឱ្យមានសុខដុមនីយកម្មដល់អត្ថប្រយោជន៍រវាងរដ្ឋ អ្នកប្រើប្រាស់ដីធ្លី និងអ្នកវិនិយោគ។

ទោះជាយ៉ាងណា ក្រុមអ្នកជំនាញបានព្រមានថា សំណើនេះអាចធ្វើឱ្យទីផ្សារអចលនទ្រព្យកាន់តែឡើងកំដៅខ្លាំងបន្ថែមទៀត ស្របពេលមានការកើនឡើងយ៉ាងគំហុកនៃតម្លៃលំនៅឋាននៅក្នុងរដ្ឋធានីហាណូយក្នុងរយៈពេលប៉ុន្មានឆ្នាំចុងក្រោយនេះ។

ក្រុមអ្នកជំនាញទទួលស្គាល់ថា ការកែសម្រួលក្របខ័ណ្ឌតម្លៃដីធ្លីជារឿងចាំបាច់ដើម្បីឆ្លុះបញ្ចាំងពីតម្លៃទីផ្សារឱ្យបានកាន់តែប្រសើរ។ ប៉ុន្តែ កង្វះនៃការគ្រប់គ្រង និងផែនទីបង្ហាញផ្លូវច្បាស់លាស់សម្រាប់ការអនុវត្តអាចធ្វើឱ្យស្ថានការណ៍កាន់តែអាក្រក់ទៅៗ។

ការដំឡើងតម្លៃដីធ្លីផ្លូវការដោយរដ្ឋនឹងជំរុញឱ្យបណ្តាអ្នកអភិវឌ្ឍន៍អចលនទ្រព្យត្រូវចំណាយដើមទុនខ្ពស់ជាងមុន ដែលនឹងជំរុញឱ្យតម្លៃលំនៅឋានកើនឡើង និងធ្វើឱ្យអ្នកស្វែងរកផ្ទះភាគច្រើនមិនមានលទ្ធភាពគ្រប់គ្រាន់ក្នុងការទិញលំនៅឋាន៕ប្រភព: Vietnam News៕

ក្រុមហ៊ុនផលិតដែកដ៏ធំរបស់ចិនបង្ហាញចំណាប់អារម្មណ៍ វិនិយោគនៅកម្ពុជា

ដោយៈ ម៉ាណា

ប្រទេសចិនៈ លោក Huang Xinliang អគ្គនាយករងក្រុមហ៊ុន Hangxiao Steel Structure ដ៏ធំរបសចិនបានបង្ហាញចំណាប់អារម្មណ៍វិនិយោគនៅកម្ពុជា។

ព័ត៌មាននេះត្រូវបានលើកឡើងនៅពេល លោកយក់ ឧសភា អនុព័ន្ធពាណិជ្ជកម្មអមស្ថានឯកអគ្គកុងស៊ុល បានចូលរួមអម លោកអគ្គកុងស៊ុលកម្ពុជា និងសហការី ទទួលជួបសម្តែងការគួរសម និងពិភាក្សាការងារជាមួយថ្នាក់ដឹកនាំក្រុមហ៊ុននេះ។

ក្នុងជំនួបនោះ លោកHuang បានសម្តែងអារម្មណ៍សប្បាយរីករាយ និងបានរៀបរាប់អំពីប្រវត្តិរបស់ក្រុមហ៊ុនរបស់លោក ព្រមទាំងបានបង្ហាញពីចំណាប់អារម្មណ៍ អំពីឱកាសវិនិយោគនៅប្រទេសកម្ពុជា និងបានឯកភាព លើការបន្តជួបភាគីកម្ពុជានៅខែបន្ទាប់ និងបានអញ្ជើញភាគីកម្ពុជាទៅទស្សនកិច្ចសិក្សា នៅក្រុមហ៊ុនរបស់លោកនៅទីក្រុងហានចូវ ខេត្តជឺជាង ក្នុងពេលខាងមុខផងដែរ។

ជាការឆ្លើយតប លោកអគ្គកុងស៊ុលកម្ពុជាប្រចាំទីក្រុងសៀងហៃបានបង្ហាញនូវការគាំទ្រ និងលើកទឹកចិត្តដល់ក្រុមហ៊ុនរបស់លោក Huang ដែលមានបំណង ចង់ទៅវិនិយោគនៅប្រទេសកម្ពុជា ព្រមទាំងបានលើកឡើង អំពីចំណុចលើកទឹកចិត្តមួយចំនួន ដែលមានចែងក្នុងច្បាប់វិនិយោគថ្មីនៃព្រះរាជាណាចក្រកម្ពុជា និងបន្តណាត់ជួបក្រុមហ៊ុនរបស់លោក Huang បន្ថែមទៀត ដើម្បីបន្តនូវវឌ្ឍនភាព និងឈានទៅដល់កិច្ចសហប្រតិបត្តិការ ក្នុងពេលខាងមុខឆាប់ៗនេះ។

ក្រុមហ៊ុន Hangxiao Steel Structure បានបង្កើតឡើងនៅឆ្នាំ ១៩៨៥ រហូតមកដល់ពេលនេះ ជាក្រុមហ៊ុនមួយដែលមានការបោះសម្លេងក្នុងប្រទេសចិន ដែលវិនិយោគលើវិស័យរចនាសម្ព័ន្ធដែក ផ្លូវដែក ស្ពាន មជ្ឍមណ្ឌលពាណិជ្ជកម្ម ព្រលានយន្តហោះ ការរចនាម៉ូតគម្រោង ការផលិតនិងសាងសង់៕

ការសិក្សាថ្មី: ការវិនិយោគលើទីផ្សារអចលនទ្រព្យនៅឥណ្ឌូនេស៊ីកំពុងងាកទៅរកផ្នែកមជ្ឈមណ្ឌលទិន្នន័យ

ដោយ: សហសេវិក
អន្តរជាតិ: ការវិនិយោគលើទីផ្សារអចលនទ្រព្យនៅប្រទេសឥណ្ឌូនេស៊ីកំពុងងាកទៅរកផ្នែកមជ្ឈមណ្ឌលទិន្នន័យ ស្របពេលសេដ្ឋកិច្ចឌីជីថលកំពុងរីកចម្រើនយ៉ាងឆាប់រហ័ស និងកំណើននៃតម្រូវការហេដ្ឋារចនាសម្ព័ន្ធបញ្ញាសិប្បនិម្មិត (AI)។

គេអាចសម្លឹងមើលឃើញនិន្នាការនេះច្បាស់បំផុតនៅក្នុងទីក្រុងហ្សាការតា ខណៈក្រុមហ៊ុននានាកំពុងប្រណាំងប្រជែងគ្នាដើម្បីធានាសុវត្ថិភាពមជ្ឈមណ្ឌលទិន្នន័យនៅជិតអ្នកប្រើប្រាស់ ដើម្បីជំរុញការតភ្ជាប់លឿនជាងមុន និងភាពជឿជាក់កាន់តែខ្លាំង។

ប៉ុន្តែ ទន្ទឹមនឹងកំណើនយ៉ាងឆាប់រហ័សនេះ គេក៏សង្កេតឃើញមានបញ្ហាប្រឈម ដូចជាកំណើននៃតម្រូវការថាមពលកាន់តែខ្ពស់ ដែលអាចធ្វើឱ្យការផ្គត់ផ្គង់ថាមពលជួបកង្វះខាត រហូតដល់ហានិភ័យទាក់ទងនឹងទឹក ដូចជាទឹកជំនន់ និងការប្រកួតប្រជែងលើធនធានទឹក ព្រោះទឹកមានសារៈសំខាន់ក្នុងការបន្ថយសីតុណ្ហភាពមជ្ឈមណ្ឌលទិន្នន័យ។

យោងតាមការស្រាវជ្រាវថ្មីចុងក្រោយបំផុតពីក្រុមហ៊ុនប្រឹក្សាយោបល់អចលនទ្រព្យ Jones Lang LaSalle (JLL) បានបង្ហាញថា និន្នាការវិនិយោគនៅក្នុងវិស័យអចលនទ្រព្យរបស់ប្រទេសឥណ្ឌូនេស៊ីបានផ្លាស់ប្តូរពីទីផ្សារការិយាល័យឆ្ពោះទៅរកផ្នែកផ្សេងទៀត ដោយក្នុងនោះរួមមានទាំងមជ្ឈមណ្ឌលទិន្នន័យផងដែរ។

ទីផ្សារការិយាល័យរបស់ប្រទេសឥណ្ឌូនេស៊ីកំពុងជួបប្រទះនឹងការផ្គត់ផ្គង់លើសតម្រូវការ ដោយជំរុញឱ្យអ្នកវិនិយោគងាកទៅរកផ្នែកថ្មីៗដូចជា ភស្តុភារកម្ម មជ្ឈមណ្ឌលទិន្នន័យ និងលំនៅឋានមានតម្លៃសមរម្យ។

បណ្តាអ្នកអភិវឌ្ឍន៍កំពុងសម្របខ្លួនទៅនឹងការប្រែប្រួលនៃតម្រូវការ ដោយរួមបញ្ចូលការរចនាទំនើប ភាពអាចបត់បែនបាន និងនិរន្តរភាព ដើម្បីបំពេញតម្រូវការចង់បានរបស់អ្នកប្រើប្រាស់ និងបណ្តាអ្នកវិនិយោគ៕ប្រភព: The Jakarta Post៕

មន្រ្តីជាន់ខ្ពស់រដ្ឋាភិបាលនិងធនាគារពិភពលោកកំពុងរៀបចំផែនការឆ្ពោះទៅចក្ខុវិស័យកម្ពុជាឆ្នាំ២០២៥០

ដោយៈ គង់ សូរិយា

ភ្នំពេញៈ លោកឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី លោក វង្សី វិស្សុតនិងជាប្រធានក្រុមការងារតម្រង់ទិសតំណាងរាជរដ្ឋាភិបាល សម្រាប់កិច្ចសហការជាមួយធនាគារពិភពលោក ដើម្បីរៀបចំរបាយការណ៍ចក្ខុវិស័យកម្ពុជា ឆ្នាំ២០៥០ ដើម្បីបន្ដពិនិត្យ និងពិភាក្សាវឌ្ឍនភាពនៃការរៀបចំ របាយការណ៍ចក្ខុវិស័យកម្ពុជាឆ្នាំ២០៥០។

កិច្ចប្រជុំកាលពីថ្ងៃទី១៩ ខែវិច្ឆិកា ឆ្នាំ២០២៥នេះ មានការចូលរួមពីលោកសុខ សារាវុឌ្ឍ រដ្ឋមន្ត្រីប្រតិភូអមនាយករដ្ឋមន្ត្រី ឥស្សរជនជាន់ខ្ពស់របស់រាជរដ្ឋាភិបាល ដែលជាសមាជិកនៃក្រុមការងារតម្រង់ទិស និងក្រុមការងាររបស់ធនាគារពិភពលោក ដែលដឹកនាំដោយលោកស្រី ថាញ៉ា មេយ័រ (Tania Meyer) នាយកប្រចាំប្រទេសនៃធនាគារពិភពលោកប្រចាំកម្ពុជា អមដោយសេដ្ឋវិទូជាន់ខ្ពស់ប្រចាំតំបន់និងសកល ដោយបានផ្ដោតការពិភាក្សាលើប្រធានបទចំនួន ២ សំខាន់ៗគឺ៖ (១) ការបណ្តុះបណ្តាលជំនាញ និងការបង្កើតការងារ និង (២) ការកែទម្រង់ស្ថាប័ន។

ក្នុងឱកាសនេះ ឧបនាយករដ្ឋមន្ត្រីប្រចាំការ បានសម្តែងនូវការស្វាគមន៍ ចំពោះសមាជិកនៃក្រុមការងារតម្រង់ទិស និងលោកស្រីនាយកប្រចាំប្រទេស នៃធនាគារពិភពលោកប្រចាំកម្ពុជា ព្រមទាំងក្រុមការងារធនាគារពិភពលោក ដែលបានចូលរួមចែករំលែកនូវព័ត៌មាន ទស្សនៈ និងបទពិសោធន៍ ពាក់ព័ន្ធប្រធានបទទាំងពីរក្នុងកិច្ចប្រជុំនេះ ដែលជាផ្នែកនៃរបាយការណ៍ ចក្ខុវិស័យកម្ពុជាឆ្នាំ២០៥០ របស់ធនាគារពិភពលោក ហើយរបាយការណ៍នេះ នឹងក្លាយជាធាតុចូលយ៉ាងសំខាន់ សម្រាប់កម្ពុជាក្នុងការរៀបចំចក្ខុវិស័យកម្ពុជាឆ្នាំ២០៥០។

លោកស្រី ថាញ៉ា មេយ័រ នាយកប្រចាំប្រទេសនៃធនាគារពិភពលោកប្រចាំកម្ពុជា បានសម្តែងនូវសេចក្តីសោមនស្សរីករាយ ដែលបានចូលរួមកិច្ចប្រជុំពិភាក្សានេះ សំដៅរួមចំណែកដល់ការរៀបចំចក្ខុវិស័យកម្ពុជាឆ្នាំ២០៥០ ប្រកបដោយគុណភាព។

ពាក់ព័ន្ធនឹងប្រធានបទទាំងពីរនេះ លោកស្រីក៏បានបំផុសនូវចំណុចសម្រាប់ការពិភាក្សា ៣ រួមមាន (១) ការកសាងភាពធន់របស់កម្ពុជា ស្ថិតក្រោមភាពមិនច្បាស់លាស់ នៃស្ថានភាពសេដ្ឋកិច្ចតំបន់ និងសកល (២) ការទាញប្រយោជន៍ពីកម្លាំងពលកម្មកម្ពុជា ដែលជាយុវជន និង (៣) ការគិតគូរទាំងលើទិដ្ឋភាពបរិមាណ និងគុណភាពនៃការងារដែលត្រូវបង្កើត។

ជំនាញការអន្តរជាតិរបស់ធនាគារពិភពលោកបានបង្ហាញថា កម្ពុជាសម្រេចបាននូវវឌ្ឍនភាព គួរឱ្យកត់សម្គាល់សម្រាប់ការបណ្តុះបណ្តាលជំនាញ និងការបង្កើតការងារក្នុងរយៈពេលកន្លងមក។ ក៏ប៉ុន្តែ ដើម្បីសម្រេចបាន នូវចក្ខុវិស័យកម្ពុជាឆ្នាំ២០៥០ កិច្ចខិតខំប្រឹងបន្ថែមមានភាពចាំបាច់ ដែលត្រូវផ្តោតលើ ការជំរុញការផ្លាស់ប្តូរអត្រាការងារក្នុងវិស័យកសិកម្ម ទៅក្នុងវិស័យឧស្សាហកម្មនិងសេវាកម្ម ការពង្រីកទំហំអត្រាការងារផ្លូវការ និងការបង្កើនផលិតភាពការងារ ដែលមានភាពផ្សារភ្ជាប់នឹងបរិយាកាសអាជីវកម្ម ផងដែរ។

ក្នុងន័យនេះ កម្ពុជាត្រូវផ្តោតលើកិច្ចការកែទម្រង់សំខាន់ចំនួន ៥ រួមមាន ការបន្តកែទម្រង់វិស័យអប់រំ ការពង្រីកការអភិវឌ្ឍជំនាញ ការធ្វើសមាហរណកម្ម កម្លាំងពលកម្មចំណាកស្រុក ដែលត្រឡប់មកកម្ពុជាវិញ ការពង្រឹងប្រព័ន្ធគាំពារសង្គមនិងបរិយាបន្ន និងការកាត់បន្ថយ និងបន្សាំនឹងការប្រែប្រួលអាកាសធាតុ សំដៅបង្កើនកម្លាំងពលកម្មបៃតង (Green Workforce)។

លោកឧបនាយករដ្ឋមន្រ្ដីបានគូសបញ្ជាក់ថា ការជំរុញការបណ្តុះបណ្តាលជំនាញ និងការបង្កើតការងារ ទាមទារឱ្យមានការគិតគូរជាប្រព័ន្ធ ប្រកបដោយភាពប្រទាក់ក្រឡា ដោយម្ខាងផ្តោតលើផ្នែកផ្គត់ផ្គង់ និងម្ខាងទៀតក៏ត្រូវពិនិត្យលើផ្នែកតម្រូវការផងដែរ។ ទន្ទឹមនេះ ការបន្តកែទម្រង់ស្ថាប័នជាផ្នែកដ៏សំខាន់ ដែលចាំបាច់ត្រូវមានការរៀបចំក្រប ខ័ណ្ឌអនុវត្តឱ្យបានច្បាស់លាស់ ជាពិសេសគឺការអនុវត្តជាក់ស្តែង ដោយផ្តោតលើការធ្វើឱ្យមានការផ្លាស់ប្តូរ នូវវប្បធម៌របស់ស្ថាប័ន បញ្ហាធនធាន (មនុស្ស ហិរញ្ញវត្ថុ និងបច្ចេកវិទ្យា) គណនេយ្យភាព និងការធ្វើទំនាក់ទំនងជាប្រចាំ រវាងថ្នាក់ដឹកនាំ និងអ្នកអនុវត្តការងារ។

ជាមួយគ្នានេះ ឧបនាយករដ្ឋមន្រ្ដីប្រចាំការ បានថ្លែងអំណរគុណដល់ក្រុមការងារធនាគារពិភពលោក ដែលបានខិតខំប្រឹងប្រែងស្រាវជ្រាវ និងចែករំលែកនូវព័ត៌មាន បទពិសោធន៍ និងឧត្ដមានុវត្ដន៍
សំខាន់ៗ ព្រមទាំងបានផ្តល់ការណែនាំដល់ក្រុមការងារតម្រង់ទិស ឱ្យបន្តសហការជាមួយ ក្រុមការងារនៃធនាគារពិភពលោក ធ្វើការសិក្សាលើប្រធានបទទាំងនេះ ឱ្យកាន់តែស៊ីជម្រៅបន្ថែមទៀត និងកំណត់នូវទិសដៅ ការងារអាទិភាព សម្រាប់ជាប្រយោជន៍ដល់ការរៀបចំចក្ខុវិស័យកម្ពុជាឆ្នាំ២០៥០៕

1...219220221...3,376 Page 220 of 3,376