តំបន់ភ្នំ​ប្រ​សិ​ទ្ឋ​នឹង​កាន់តែ​រីកចម្រើន​ខណៈ​វត្តមាន​បុរី​កាន់តែច្រើន​ជាមួយនឹងកំនើន​តម្លៃ​ដីធ្លី

ដោយ​គង់ សូរិយា

ភ្នំពេញៈ តំបន់ភ្នំ​ប្រ​សិ​ទ្ឋ ដែល​ស្ថិតនៅ​ភាគ​ខាងជើង​រាជធានី​ភ្នំពេញ កំពុងមាន​ការអភិវឌ្ឍ​យ៉ាង​លឿន​ជាមួយនឹង​កំនើន​តម្លៃ​ដីធ្លី ដោយសារ​ផែនការអភិវឌ្ឍន៍​រប​ស់​រដ្ឋាភិបាល និង​វិស័យ​ឯកជន​បាន​ផ្តោត​កាន់តែច្រើន​នៅ​តំបន់​នេះ។

ទីប្រឹក្សា​សមាគម​អចលនទ្រព្យ​សកល លោក​យិន លាង​គង់ បាន​មានប្រសាសន៍​ឲ្យ​ដឹង​កាលពី​រសៀល​ថ្ងៃទី១៦ វិច្ឆិកា​កន្លងមក​ថា ដោយសារ​ការរីកចម្រើន​នៃ​ហេ​ដ្ឋា​រចនា​ស​ម្ព័​ន្ឋ កំនើន​ប្រជាសាស្ត្រ និង​ការលេចចេញ​នូវ​ព៌​ត​មាន​ពី​គំរោង​ផ្លូវ​ក្រវ៉ាត់​ក្រុង​ទី៤ បានធ្វើ​ឲ្យ​តំបន់​ខាងលើនេះ​មានការ​រីកចម្រើន​លឿន ហើយ​តម្លៃ​ដីធ្លី​កំពុង​កើនឡើង​ផងដែរ។

លោក​បន្តថា “ដោយសារ​មាន​ទីតាំង​កៀក​នឹង​រាជធានី​ភ្នំពេញ បានធ្វើ​ឲ្យ​អ្នក​សាងសង់​បុរី សំណង់ផ្ទះ​ល្វែង​ជាច្រើន​ឆ្ពោះទៅកាន់​តំបន់​នេះ ដោយសារ​ដី​តំបន់​នេះ​ទោះបី​ឡើងថ្លៃ ប៉ុន្តែ​ស្ថិតនៅក្នុង​កម្រិត​សមស្រប​នៅឡើយ” ។ លោក​បន្តថា “នាពេល​អនាគត​ខាងមុខនេះ តំបន់​នេះ​អាច​នឹង​កាត់​ចូល ក្នុង​ដែន​រដ្ឋបាល​រាជធានី​ភ្នំពេញ ដែល​វា​ជា​ចក្ខុវិស័យ​របស់​រដ្ឋាភិបាល ដើម្បី​ពង្រីក​ការអភិវឌ្ឍ​កាន់តែ​ឆាប់រហ័ស” ។

លោក​យិន លាង​គង់ បាន​បន្តថា ជាមួយគ្នានេះ​រដ្ឋបាល​រាជធានី​ភ្នំពេញ ក៏បាន​រៀបចំ​តំបន់ភ្នំ​ប្រ​សិ​ទ្ឋ និង​ភ្នំ​រាប​ជា​តំបន់​ទេសចរណ៍​បៃតង ដើម្បី​ផ្តល់​ចំណូល​ដល់​ប្រជាជន​នៅ​មូលដ្ឋាន ក៏ដូចជា ជំរុញ​ឲ្យ​មាន​តំបន់​ទេសចរណ៍ កាន់តែ​សម្បូរបែប​នៅ​តំបន់​ជាយក្រុង។

ជាមួយគ្នានេះ​លោក​ឧកញ៉ា​បណ្ឌិត​គីម ហ៊ាង ប្រធាន KW Cambodia ធ្លាប់បាន​មានប្រសាសន៍ថា ការវិនិយោគ​ដីធ្លី​គួរ​ធ្វើឡើង​នៅ​តំបន់​ជុំវិញ​រាជធានី​ភ្នំពេញ ចម្ងាយ​ចន្លោះ​ពី២០ទៅ៣០គីឡូម៉ែត្រ ព្រោះ​វា​ជា​តំបន់​ដែល​ងាយ​រង​ឥ​ទ្ឋិ​ពល​ពី​កណ្តាល​រាជធានី ពិសេស​មាន​ហេ​ដ្ឋា​រចនា​ស​ម្ព័​ន្ឋ​ល្អប្រសើរ ប្រជាជន​រស់នៅ​ច្រើន និង​ងាយ​ចូលមក​កាន់​ទីក្រុង។

ការពិត​តំបន់ភ្នំ​ប្រ​សិ​ទ្ឋ ប្រសិនជា​ធ្វើដំណើរ​ចេញពី​រដ្ឋបាល​រាជធានី​ភ្នំពេញ គឺ​ចំណាយ​ពេលវេលា​ត្រឹម​ប្រមាណ៥នាទី​ប៉ុណ្ណោះ ដែល​តំបន់​នេះ​មាន​រមណីយដ្ឋាន​ធម្មជាតិ​ដូចជា​ភ្នំ​ប្រ​សិ​ទ្ឋ​ជើង ត្បូង តំបន់ភ្នំ​រាប ដែលមាន​ប្រាសាទ​សាងសង់ឡើង​នៅ​ដើម​សតវត្សរ៍​ទី២១ដ៏​ស្រស់ស្អាត និង​មាន​ក្បូរក្បាច់​រចនា​រស​រវើក ដែល​នឹង​ក្លាយជា​បេ​តិក​ភ័​ណ្ឌ​ជាតិ​នាពេលខាងមុខ​ផងដែរ៕

មហា​យក្ស​ចិន​បន្ត​នាំមុខ​ពិភពលោក​ជាមួយនឹង​ការអភិវឌ្ឍន៍​គម្រោង 5G

ដោយ ហ្សូ​លី

ប៉េកាំងៈ ទិន្នន័យ​ផ្លូវការ​បានបង្ហាញ​ថា ប្រទេស​ចិន​បាន​សាងសង់​ស្ថានីយ៍​5G ចំនួន​ជិត ៧០០,០០០ទីតាំង ដែល​ច្រើនជាង​ចំនួន​ពីរដង នៃ​ការតំឡើង​សរុប​នៅក្នុង​ពិភពលោក។

លោក Liu Liehong អនុរដ្ឋមន្ត្រី​ក្រសួង​ឧស្សាហកម្ម និង​បច្ចេកវិទ្យា​ព័ត៌មាន​របស់​ចិន​បាន​មានប្រសាសន៍ថា ចំនួន​ឧបករណ៍​ស្ថានីយ ដែល​ភ្ជាប់​ទៅ​បណ្តាញ​មាន​លើសពី ១៨០លាន​គ្រឿង ខណៈ​ហេដ្ឋារចនាសម្ព័ន្ធ ដែលមាន​ការអភិវឌ្ឍ​ល្អ​ជួយ​សម្រួល​ដល់​ការប្រើប្រាស់​កម្មវិធី​5Gបន្ថែមទៀត។ ក្នុង​រយៈពេល​បី​ឆ្នាំ​ខាងមុខ ប្រទេស​នេះ​ត្រូវបាន​គេ​រំពឹងថា នឹង​ស្ថិតនៅ​ដំណាក់កាល​នៃ​ការផ្តើម​អភិវឌ្ឍន៍​5G ដូច្នេះ​វា​ចាំបាច់​ត្រូវធ្វើ​ការផ្លាស់ប្តូរ​យ៉ាងសកម្ម​នៅក្នុង​វិស័យ​សំណង់។

បណ្តាញ 5G កំពុង​ដើរតួនាទី​យ៉ាងសំខាន់ ជាពិសេស​ក្នុង​ស្ថេរភាព​វិនិយោគ​ជំរុញ​ការប្រើប្រាស់ និង​ជំរុញ​ការអភិវឌ្ឍ​សេដ្ឋកិច្ច។ ក្នុង​រយៈពេល១០ខែ​ដំបូង ការដឹកជញ្ជូន​ទូរស័ព្ទ​ចល័ត 5G បាន​ឈានដល់​ចំនួន១២៤លាន​គ្រឿង ដែលមាន​ម៉ូ​ដែល​ថ្មី​សរុប​ចំនួន ១៨៣ត្រូវបាន​ដាក់លក់។

ក្រសួងពាណិជ្ជកម្ម​ចិន​បាន​គូសបញ្ជាក់ថា ការវិនិយោគ​ផ្ទា​ល់ពី​បរទេស (FDI) នៅក្នុង​ប្រទេស​ចិន​ដី​បាន​កើនឡើង១៨,៣ ភាគរយ​ពីមួយ​ឆ្នាំទៅ​មួយឆ្នាំ​ដល់៨១,៨៧ ពាន់​លាន​យន់ (ប្រហែល១២,៤ ពាន់​លាន​ដុល្លារ) នៅក្នុង​ខែតុលា។

ការវិនិយោគ​បរទេស នៅក្នុង​ឧស្សាហកម្ម​សេវាកម្ម​មាន​ចំនួន ៦២៥,៨ ពាន់​លាន​យ័ន ក្នុងអំឡុងពេល​ពី​ខែមករា ដល់​ខែតុលា​គឺ​កើនឡើង១៦,២ ភាគរយ​ពីមួយ​ឆ្នាំទៅ​មួយឆ្នាំ ខណៈដែល​នៅក្នុង​វិស័យ​សេវាកម្ម​បច្ចេកវិទ្យា​ខ្ពស់ បាន​កើនឡើង២៧,៨ ភាគរយ។

ទំហំ​ពាណិជ្ជកម្ម​ក្រោម​កម្មវិធី​ភ្ជាប់​បណ្តាញ របស់​ប្រទេស​ចិន​នៅក្នុង​ខែតុលា​បាន​ឈានដល់២៧៣,៧ពាន់​លាន​យ័ន (៤១,២៩ ពាន់​លាន​ដុល្លារ) នេះ​បើ​យោងតាម​របាយការណ៍​ប្រចាំខែ​ចេញផ្សាយ ដោយ​ក្រុមហ៊ុន Bond Connect Co Ltd ៕ Asia Times៕

ខេត្តកោះកុង​នៅតែ​ទាក់ទាញ​គម្រោង​វិនិយោគ​លើ​វិស័យសំខាន់ៗចំនួន២

ដោយ ​វុត្ថា

កោះកុងៈ នៅក្នុង​អំឡុងពេល​នៃ​វិបត្តិ​ជំងឺ​កូ​វីដ១៩ រហូតមកដល់​ពល​នេះ ខេត្តកោះកុង​ហាក់​មាន​ស្ថានភាព​ស្ងាប​ស្ងាត់​បន្តិច ចំពោះ​វិនិយោគិន​ដែលមាន​ចំណាប់អារម្មណ៍​វិនិយោគ​នៅក្នុង​ខេត្ត​មួយ​នេះ ក៏ប៉ុន្តែ​សម្រាប់​គម្រោង​វិ​ន​និ​យោគ​លើ​វិស័យ​វិស័យ​កសិកម្ម និង​កំពង់ផែ​នៅតែមាន​កំណើន​ខ្ពស់​នៅ​ទទួលបាន​ការចាប់អារម្មណ៍។

លោកស្រី​មិថុនា  ភូ​ថង អភិបាលខេត្ត​កោះកុង បាន​ប្រាប់​ឲ្យ​ដឹង​តាម​ទូរស័ព្ទ​កាល​នៅ​ថ្ងៃទី១៦ ខែវិច្ឆិកា ឆ្នាំ ២០២០​កន្លងមក​បានឱ្យដឹង​ថា សម្រាប់​ខេត្តកោះកុង គឺមាន​ស្ថានភាព​ស្ងប់ស្ងាត់​បន្តិច ប៉ុន្តែ​មាន​វិនិយោគិន​នៅក្នុង​អំឡុង​ពេលនេះ ចាប់អារម្មណ៍​លើ​ការវិនិយោគ​លើ​ដំណាំ​កសិកម្ម និង​កំពង់ផែ​នៅក្នុង​ខេត្ត។

លោកស្រី​ថ្លែងថា “បើ​ទោះ​មាន​អ្នកវិនិយោគ ចាប់អារម្មណ៍​លើ​វិស័យ​ទាំងពីរ​នេះ  ប៉ុន្តែ​សម្រាប់​ខេត្តកោះកុង គឺ​ចង់បាន​វិនិយោគិន​វិនិយោគ​លើ​វិស័យ​អេកូ​ទេសចរណ៍​ច្រើនជាង ព្រោះ​ខេត្ត​មាន​សក្តានុពល​ខ្ពស់​លើ​វិស័យ​មួយ​នេះ” ។

លោកស្រី​ប្តេជ្ញា​បន្ថែមថា  “នៅពេល​បញ្ចប់​ស្ថានភាព​កូ​វីដ១៩នៅ​ក្នុ​ង្រ​ទេស ខេត្តកោះកុង នឹង​បង្កើន​ការ​ការ​ទាក់​វិនិយោគិន​ជាតិ និង​អន្តរជាតិ​ឱ្យមក​ចូលរួម​អភិវឌ្ឍន៍​ខេត្ត​កាន់​ច្រើន​ថែមទៀត ខណៈដែល​ខេត្ត​បាន និង​កំពុង​ត្រៀម​រួចរាល់​ហើយ នូវ​កិច្ចសហការ​ទាំង​ផ្នែក​ច្បាប់ និង​សម្របសម្រួល​ធ្វើយ៉ាងណា ឱ្យ​ទទួលបាន​ផលប្រយោជន៍​ទាំង​វិនិយោគិន និង​ប្រជាពលរដ្ឋនៅក្នុង​ខេត្ត” ។

លោក​ច្រឹ​ក សុខ​នី​ម ប្រធាន​សមាគម​វាយតម្លៃ និង​ភ្នាក់ងារ​អចលនវត្ថុ​កម្ពុជា បានឱ្យដឹង​ដែរ​ថា នៅក្នុង​ខេត្ត​ជាប់​សមុទ្រ​កម្ពុជា​ដូចជា​ខេត្ត​ព្រះសីហនុ ខេត្តកំពត ខេត្ត​កែប និង​កោះកុង  បាន​ទាក់ទាញ​គម្រោង​វិនិយោគ​លើ​វិស័យ​ជាច្រើន ប៉ុន្តែ​ដោយសារ​បញ្ហា​ជំងឺ​កូ​វីដ ១៩ បានធ្វើឱ្យ​មានការ​ធ្លាក់​ចុះ​លើ​ការវិនិយោគ​ពី​ក្រៅ​ស្រុក។

លោក​យល់ឃើញថា “ខេត្តកោះកុង​នៅតែមាន​សក្តានុពល​ខ្ពស់ ចំពោះ​សេដ្ឋកិច្ច និង​ទៅខាង​មុខ​ទៀត ដោយសា​តែ​ខេត្ត​នេះ នឹងមាន​ព្រលានយន្តហោះ​អន្តរជាតិ និង​គម្រោងធំៗជាច្រើន​បាន​នឹង​កំពុង​កើតឡើង​នៅ​ទីនោះ” ។

លោក​ច្រឹ​កសុខ នី​ម បញ្ជាក់ទៀតថា នៅពេលណា​លំហូរ​វិនិយោគ​បរទេស​ចូលមក​កាន់​ខេត្តកោះកុង​នេះ​កាន់តែច្រើន នឹង​ជំរុញឱ្យមាន​ចរន្ត​នៃ​ការទិញ លក់​ដីធ្លី​កាន់តែច្រើន ហើយ​តម្លៃ​ដី​ក៏មាន​តម្លៃ​ថ្លៃ​ដូច​ខេត្ត​ព្រះសីហនុ​ផងដែរ៕

តំបន់សេដ្ឋកិច្ចពិសេសខេត្តព្រះសីហនុដាក់ដាក់ចេញយុទ្ឋសាស្រ្តថ្មី ដើម្បីទាក់ទាញក្រុមហ៊ុនអន្តរជាតិបន្ថែម

ដោយ គង់ សូរិយា

ភ្នំពេញៈ តំបន់សេដ្ឋកិច្ចពិសេសខេត្តព្រះសីហនុបាននិងកំពុងដាក់ចេញយុទ្ឋសាស្រ្តថ្មីដើម្បីទាក់ទាញក្រុមហ៊ុនអន្តរជាតិបន្ថែមទៀតតាមរយៈការចូលផ្សារហ៊ុនកម្ពុជាដែលជាផ្នែកដ៏សំខាន់នៃការធ្វើឲ្យក្រុមហ៊ុននេះមានតម្លាភាព។

លោក ឈិន ជាំងកាង (CHEN JIANGANG) ប្រធានតំបន់សេដ្ឋកិច្ចពិសេសក្រុងព្រះសីហនុបានមានប្រសាសន៍ឲ្យដឹង ក្នុងជំនួបជាមួយលោកឧបនាយករដ្ឋមន្រ្តីហោ ណាំហុងនាព្រឹកថ្ងៃទី១៦ ខែវិច្ឆិកា ឆ្នាំ២០២០នេះថា តំបន់សេដ្ឋកិច្ចពិសេសក្រុងព្រះសីហនុ កំពុងរៀបចំឯកសារចុះបញ្ជីផ្សារភាគហ៊ុនកម្ពុជា ដើម្បីបង្កើនការទាក់ទាញវិនិយោគបន្ថែ​មពីអន្ដរជាតិ ពិសេសនៅតំបន់អឺរ៉ុប និងសហរដ្ឋអាមេរិក សំដៅប្រមូលធនធានអន្ដរជាតិ យកមកកសាងអភិវឌ្ឍបន្ថែម។

លោកក៏បានស្នើសុំឧបនាយករដ្ឋមន្ត្រី ហោ ណាំហុង ជួយគាំទ្រការចុះបញ្ជីក្នុងទីផ្សារភាគហ៊ុនកម្ពុជានេះផងដែរ ដើម្បីជំរុញឱ្យតំបន់សេដ្ឋកិច្ចពិសេស ក្រុងព្រះសីហនុក្លាយទៅជាឧទ្យានអន្តរជាតិរបស់សម្ដេចតេជោ ហ៊ុន សែន។

លោកឈិនបានបន្តថា បន្ទាប់ពីចុះបញ្ជីក្នុងផ្សារភាគហ៊ុនកម្ពុជា រួចរាល់ហើយ តំបន់សេដ្ឋកិច្ចពិសេសក្រុងព្រះសីហនុ នឹងបន្តរៀបចំចុះបញ្ជីក្នុងផ្សារភាគហ៊ុននៅតំបន់រដ្ឋបាលពិសេសហុងកុង នៃសាធារណរដ្ឋប្រជាមានិតចិន ថែមទៀតផង។

លោកឈិន ជាំងកាង បានថ្លែងឲ្យដឹងផងដែរថា រោងចក្រថាមពលអគ្គិសនីធ្យូងថ្ម របស់តំបន់សេដ្ឋកិច្ចពិសេសក្រុងព្រះសីហនុ គ្រោងនឹងបញ្ចប់ការសាងសង់ នាពេលខាងឆាប់ៗខាងមុខ ហើយលោកថែមទាំងបានអញ្ជើញឧបនាយករដ្ឋមន្ត្រី ហោ ណាំហុង ចូលរួមក្នុងពិធីសម្ពោធរោងចក្រនេះផងដែរ។

លោកឧបនាយករដ្ឋមន្ត្រីហោ ណាំហុង បានបង្ហាញការជឿជាក់ថា តំបន់សេដ្ឋកិច្ចពិសេសក្រុងព្រះសីហនុ នឹងកាន់តែមានការអភិវឌ្ឍខ្លាំង នាពេលខាងមុខ ក្រោយពីចូលទីផ្សារមូលបត្រកម្ពុជា និងនៅហុងកុង។ លោកបន្តថា លោកនឹងចូលរួមពិធីសម្ពោធរោងចក្រអគ្គិសនីធ្យូងថ្ម នៅតំបន់សេដ្ឋកិច្ចពិសេសក្រុងព្រះសីហនុ ដើម្បីកុំឱ្យរាំងស្ទះដំណើការរោងចក្រ ដោយសារការដាច់អគ្គិសនីម្ដងៗ។

បច្ចុប្បន្ននេះ តំបន់សេដ្ឋកិច្ចពិសេសក្រុងព្រះសីហនុ មានក្រុមហ៊ុនវិនិយោគសរុបទាំងអស់១៦៥ក្រុមហ៊ុន ដែលបានបង្កើតឱកាសការងារដល់កម្មករ និយោជិតប្រមាណ ៣០,០០០កន្លែង។ ក្រុមហ៊ុនក៏បានកសាងអគារស្នាក់នៅចំនួន៦ខ្នង សម្រាប់ឱ្យកម្មករនិយោជិតប្រមាណ៣,០០០ នាក់ស្នាក់នៅផងដែរ។

យោងតាមរបាយការណ៍របស់តំបន់សេដ្ឋកិច្ចពិសេសនេះ ចាប់ពីខែមករាដល់ខែតុលាក្នុងឆ្នាំ២០២០ ទំហំទឹកប្រាក់នៃការនាំចេញ និងនាំចូលរបស់តំបន់សេដ្ឋកិច្ចពិសេសក្រុងព្រះសីហនុ មានចំនួនសរុប ១,៣០០ លានដុល្លារអាមេរិក បានកើនឡើងចំនួន ៣១ ភាគរយ បើប្រៀបធៀបរយៈពេលដូចគ្នាក្នុងឆ្នាំ២០១៩៕

ការធ្វើដំណើរតាមវិស័យអាកាសចរណ៍ដាំក្បាលចុះគួរឲ្យបារម្ភ

ដោយ ៖ រ៉ាណេត

ភ្នំពេញ ៖ នៅក្នុងរយៈពេល១០ខែ ឆ្នាំ២០២០កន្លងទៅនេះ ចំនួននៃអ្នកធ្វើដំណើរតាមជើងហោះហើរចេញ ចូលកម្ពុជា មានត្រឹមជាង ២លាននាក់តែប៉ុណ្ណោះ ដែលចំនួននេះមានការធ្លាក់ចុះប្រមាណ៨០ភាគរយ ធៀបទៅនឹងរយៈពេលដូចគ្នាកាលពីឆ្នាំ២០១៩កន្លងទៅ។

របាយការណ៍ផលប៉ះពាល់នៃកូវីដ១៩ លើវិស័យអាកាសចរស៊ីវិលកម្ពុជា រៀបចំដោយលោក ស៊ីន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរស៊ីវិល រសៀលថ្ងៃទី១៦ ខែវិច្ឆិកា ឆ្នាំ២០២០នេះបញ្ជាក់ថា នៅរយៈពេល១០ ខែឆ្នាំ២០២០នេះ អ្នកដំណើរតាមផ្លូវអាកាសចេញចូលកម្ពុជា មានចំនួន ២ ០៩៩ ៨១២នាក់ ធ្លាក់ចុះ៧៨ភាគរយ បើធៀបនឹងរយៈពេលដូចគ្នា ឆ្នាំ២០១៩ មានរហូតដល់ ៩ ៦៨៩ ៩៣៤នាក់។

របាយការណ៍បានបញ្ជាក់ថា ក្នុងរយៈពេល១០ខែ ឆ្នាំ២០២០ អាកាសយានដ្ឋានអន្តរជាតិទាំង៣របស់កម្ពុជា ទទួលអ្នកដំណើរធ្លាក់ចុះយ៉ាងគំហុក ដោយជំងឺកូវីដ១៩។ ក្នុងនោះរួមមាន៖ អាកាសយានដ្ឋានអន្តរជាតិភ្នំពេញ ទទួលអ្នកដំណើរបាន១ ២៧១ ២៤៥នាក់ ធ្លាក់ចុះ ៧៤ភាគរយ, អាកាសយានដ្ឋានអន្តរជាតិសៀមរាប ទទួលអ្នកដំណើរ ៦១៨ ៤៥៩នាក់ ធ្លាក់ចុះ៨១ភាគរយ និងអាកាសយានដ្ឋានអន្តរជាតិព្រះសីហនុ ទទួលអ្នកដំណើរចំនួន ២១០១០៨នាក់ ធ្លាក់ចុះ៨៦ភាគរយ។

កាលពីឆ្នាំ២០១៩ កម្ពុជាទទួលបានអ្នកដំណើរតាមផ្លូវអាកាសចេញ-ចូល ជាង១១លាននាក់មកពី បណ្ដាគ្រប់ប្រទេសនានាលើសកលលោកជាមួយនឹងអត្រាកំណើន១៣ភាគរយ។ កម្ពុជាមានអាកាសយានដ្ឋានអន្តរជាតិ តាមស្តង់ដារអន្តរជាតិចំនួន៣ និងបានទទួលការវិនិយោគ អាកាសយានដ្ឋានអន្តរជាតិថ្មី២ បន្ថែមទៀត៕

ក្រុមហ៊ុន ណាហ្គា ខប នឹងសាងសង់តំបន់ទេសចរណ៍កម្សាន្តតម្លៃ ៣៥០លានដុល្លារ ក្នុងទឹកដីអង្គរ

ដោយ ហ្សូលី

ភ្នំពេញ៖ ក្រុមហ៊ុន ណាហ្គាខប ដែលជាម្ចាស់និងប្រតិបត្តិករណាហ្គាវើលក្នុងរាជធានីភ្នំពេញ បានបង្ហាញផែនការអភិវឌ្ឍរមណីយដ្ឋានមិនមានល្បែង ក្នុងទំហំទឹកប្រាក់វិនិយោគចំនួន ៣៥០ លានដុល្លារ នៅខេត្តសៀមរាបក្នុងគោលបំណងលើកកម្ពស់តំបន់ប្រាសាទអង្គរវត្ត ដែលបានចុះបញ្ជីជាបេតិកភណ្ឌពិភពលោក។

រដ្ឋាភិបាលកម្ពុជាបានផ្តល់សិទ្ធិឲ្យក្រុមហ៊ុន NagaGroup Global Limited ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុនណាហ្គា ដោយជួលរយៈពេល ៥០ ឆ្នាំ លើផ្ទៃដី ៧៥ ហិកតា ដែលមានចម្ងាយតែ ៥០០ ម៉ែត្រពីភាគខាងត្បូងតំបន់ហាមឃាត់ខាងក្រៅជុំវិញប្រាសាទអង្គរវត្ត។

យោងតាមសេចក្តីប្រកាសនៅយប់ថ្ងៃទី ១៥ វិច្ឆិកា ឆ្នាំ ២០២០ បានឱ្យដឹងថា ការអភិវឌ្ឍថ្មីលើគម្រោងនេះអាចនឹងត្រូវបញ្ចប់នៅឆ្នាំ ២០២៥ ពោលគឺមុនពេលគម្រោងណាហ្គាវើល ៣ តម្លៃ ៣.៥០០ លានដុល្លារ។ គម្រោងនេះមានឈ្មោះជាផ្លូវការថា Angkor Lake of Wonder នៅលើផ្ទៃដី ៧៥ ហិកតា ធំជាងទំហំរួមនៃ កន្លែងកម្សាន្តខ្នាតអន្តរជាតិ Disneyland និង Disney California ផ្សងព្រេងនៅ Los Angeles រួមបញ្ចូលសណ្ឋាគារលំដាប់ខ្ពស់ ឧទ្យានទឹក សួនឧទ្យាន បច្ចេកវិទ្យា កន្លែងកម្សាន្តតាមដងទឹក និងកន្លែងប្រជុំធ្វើសន្និសីទ និងតាំងពិព័រណ៍។

មិនតែប៉ុណ្ណោះ ក៏មានកន្លែងកម្សាន្តមួយឈ្មោះថា Siem Reap China Town ផ្តល់ជូននូវអាហារតាមចិញ្ចើមថ្នល់ Street Food ហាងស្រា តន្រ្តី និងដើរទិញឥវ៉ាន់ ដែលនឹងត្រូវបានរួមបញ្ចូលជាមួយនឹងសួនច្បារ និងត្រូវបានការពារដោយគម្របដំបូលអាកាសធាតុ ដែលជួយលើកកម្ពស់មិនប៉ះពាល់ដល់បរិស្ថាន។

ក្រុមហ៊ុនណាហ្គាខបបានឱ្យដឹងថា ការអភិវឌ្ឍន៍នេះនឹងបម្រើដល់គោលបំណងជាច្រើនដូចជា ការបង្កើនដំណើរទស្សនកិច្ចរបស់ភ្ញៀវទេសចរទៅកាន់ខេត្តសៀមរាប ស្របពេលណាហ្គាវើលអនុវត្តយុទ្ធសាស្ត្រធ្វើដំណើរថ្មីភ្ជាប់ខេត្តសៀមរាបនិងភ្នំពេញ។ ក្រុមហ៊ុននេះមានបំណងអនុវត្តយុទ្ធសាស្រ្តធ្វើការជាមួយភ្នាក់ងារទេសចរណ៍តាមអ៊ិនធឺរណែត និងភ្នាក់ងារទេសចរណ៍ប្រទេសចិន និងកន្លែងផ្សេងទៀត ដើម្បីផ្តល់ជូននូវដំណើរកម្សាន្តដោយផ្អែកលើមូលដ្ឋានពេញលេញក្នុងខេត្តសៀមរាបនិងភ្នំពេញ។

គម្រោង Angkor Lake of Wonder បានរចនាឡើងដោយក្រុមហ៊ុន US-Based Steelmen Partners មានមូលដ្ឋាននៅសហរដ្ឋអាមេរិក ដែលជាក្រុមហ៊ុនឌីហ្សាញនៅពីក្រោយណាហ្គាវើលដ៍ មានផែនការមេផ្អែកលើគំនិតបង្កើតភាពសប្បាយរីករាយក្នុងរមណីយដ្ឋាន។

ណាហ្គាខបរំពឹងថា គម្រោងបង្កើតរមណីយដ្ឋានមិនមែនជាកន្លែងលេងល្បែង និងកាស៊ីណូ អាចនៅរួមគ្នាផ្តល់ផលប្រយោជន៍ទៅវិញទៅមក។ នៅពេលដែលតំបន់សៀមរាបអង្គរ Angkor Lake of Wonder និងគម្រោង NagaWorld Complex បង្ហាញលទ្ធផលវិជ្ជមានមួយចំនួន នោះក្រុមហ៊ុននឹងបន្តស្វែងរកឱកាសអភិវឌ្ឍន៍ដែលអាចទទួលបាននិងចំណេញនៅក្នុងខេត្តព្រះសីហនុវិញម្តង៕

មួយខែបង់ត្រឹមតែជាង២០០ដុល្លារប៉ុណ្ណោះ នឹងក្លាយជាម្ចាស់លំនៅដ្ឋានក្នុងបុរីខេស៊ីព្រែកព្នៅ

ដោយៈ គង់ ម៉ាលីន

ភ្នំពេញៈ កាន់តែផ្តល់ជូននូវឱកាសដ៏ល្អនិងភាពងាយស្រួលដល់អតិថិជនដែលចង់ក្លាយជាម្ចាស់លំនៅដ្ឋានបែបទាន់សម័យនៅក្នុងបុរីខេស៊ីដោយលោកអ្នកគ្រាន់តែទិញដោយការបង់រំលោះប្រចាំខែត្រឹមតែជាង២០០ដុល្លារតែប៉ុណ្ណោះ។

សម្រាប់តែតំបន់ព្រែកព្នៅ ដែលស្ថិតនៅប៉ែកខាងជើងរាជធានីភ្នំពេញ បច្ចុប្បន្ននេះមានគម្រោងអភិវឌ្ឍន៍លំនៅដ្ឋានតូច ធំ មិនក្រោម២០ទីតាំងនោះ ដែលកំពុងដំណើរការសាងសង់ដើម្បីបំពេញតម្រូវការទីផ្សាររបស់ខ្លួន និងបានជួយកែប្រែតំបន់ជាយក្រុងមួយនេះ ក្លាយទៅជាបណ្តុំលំនៅដ្ឋានបែបទាន់សម័យ ស្របពេលដែលវិស័យហេដ្ឋារចនាសម្ព័ន្ធរបស់រដ្ឋាភិបាល ដូចជាផ្លូវថ្នល់បានបញ្ចប់ការអភិវឌ្ឍន៍ជាច្រើន។

បុគ្គលិកផ្នែកលក់គម្រោងបុរី ខេស៊ី ព្រែកព្នៅ កញ្ញាឡេង ម៉ាឡា បានប្រាប់ឱ្យដឹងថា ខណ្ឌព្រែកព្នៅពេលនេះ បានក្លាយទៅជាគោលដៅវិនិយោគ និងអភិវឌ្ឍន៍លំនៅដ្ឋានតម្លៃសមរម្យមិនចាញ់តំបន់ភាគខាងលិចរាជធានីភ្នំពេញនោះឡើយ។

កញ្ញាបានបញ្ជាក់ថា “តាមខ្ញុំដឹងពេលនេះមានគម្រោងតូច ធំសាងសង់លំនៅដ្ឋានមិនតិចជាង២០គម្រោងនោះទេ ហើយតម្លៃក៏មានភាពខុសគ្នាផងដែរ អាស្រ័យទៅតាមទីតាំង និងម៉ូដផ្ទះនៅក្នុងគម្រោង”។ កញ្ញាបន្តថា “យ៉ាងយូរត្រឹម១ឆ្នាំ ឬ២ឆ្នាំទៀត តំបន់ព្រែកព្នៅ អាចនឹងក្លាយទៅជាក្រុងថ្មីមួយទៀត ចំណុះឱ្យរាជធានីភ្នំពេញ ដោយសារតែកំណើនប្រជាជនមករស់នៅកាន់តែច្រើន ហើយហេដ្ឋារចនាសម្ព័ន្ធនានា ដូចជា អគារពា​ណិជ្ជកម្ម ផ្លូវថ្នល់សំខាន់ៗមានច្រើនខ្សែ ងាយស្រួលក្នុងក្នុងធ្វើដំណើរចេញចូលក្រុង និងចេញទៅតាមបណ្តាខេត្តផ្សេងៗ”។

លំនៅដ្ឋានក្នុងបុរីKC បានផ្តល់នូវអត្ថប្រយោជន៍ជាច្រើន ដល់អតិថិជនរបស់ខ្លួន ដែលក្រៅពីមានតម្លៃសមរម្យ ថែមទាំងផ្តល់ជូននូវលក្ខខណ្ឌបង់ប្រាក់ងាយស្រួល ត្រឹមតែជាង២០០ដុល្លារក្នុងមួយខែប៉ុណ្ណោះ ជាពិសេសអតិថិជនបង់ប្រាក់លើកដំបូងត្រឹមតែ១០០០ដុល្លារ នឹងក្លាយជាម្ចាស់លំនៅដ្ឋានក្នុងបុរីស្របច្បាប់។

បុរីខេ ស៊ី អំណោយផលដល់ការរស់នៅ និងប្រកអាជីវកម្មគ្រប់ប្រភេទ ដោយសារតែស្ថិតនៅជាប់ផ្លូវធំទំហំ៣០ម៉ែត្រ ជាផ្លូវតភ្ជាប់រវាងផ្លូវជាតិលេខ៥និងមហាវិថីឈ្នះ ឈ្នះ នៃទីក្រុងមរតកសម្ដេចតេជោ ឆ្ពោះទៅកាន់ផ្លូវជាតិលេខ៤។ បន្ថែមពីនេះ ទីតាំងរបស់បុរី ខេ ស៊ី មានហ៊ុព័ទ្ធទៅដោយទីប្រជុំជនជាច្រើន ដូចជា ខាងក្រោយមានផ្សារព្រែកព្នៅចាស់ នៅខាងមុខជាប់ផ្លូវ មានផ្សារព្រែកព្នៅ សាលារៀនរដ្ឋ និងឯកជន មណ្ឌលសុខភាព គ្លីនិកឯកជន និងបណ្តាញហេដ្ឋារចនាសម្ព័ន្ធផ្លូវថ្នល់ខ្វាត់ខ្វែងជាច្រើន បន្ថែមដោយគម្រោងអភិវឌ្ឍបឹងតាម៉ោក និងតំបន់អភិវឌ្ឍរមណីយដ្ឋានគំរូ នៅតំបន់ជាយក្រុងនៃភ្នំប្រសិទ្ធិ ដែ​លជាគម្រោងអាទិភាពរបស់រដ្ឋបាលរាជធានីភ្នំពេញផងដែរ។

សម្រាប់ព័ត៌មានបន្ថែម លោក អ្នកអាចទំនាក់ទំនងបានតាមរយៈទូរស័ព្ទលេខ ០៩៣ ៦៦១ ១៥០ / ០១៦ ៧៣ ១៦ ៦១ / ០៨៩ ៧៨ ៧៧ ២១៕

ប្រធានសមាគមអចលនទ្រព្យសកល លោក សំ សុខនឿន លើកឡើងពីការប្រែប្រួលនិន្នាការទិញដីឡូតិ៍ ក្នុងកិច្ចសម្ភាសពិសេសថ្ងៃនេះ

ដោយ ហ្សូលី

ភ្នំពេញ៖ គេហទំព័រ Propertyarea.asia នៅថ្ងៃនេះនឹងមានចាក់ផ្សាយនូវកិច្ចសម្ភាសពិសេសជាមួយប្រធានសមាគមអចលនទ្រព្យសកល លោក សំ សុខនឿន។ លោកនឹងពន្យល់យ៉ាងក្បោះក្បាយ ផ្គួបផ្សំនឹងចំណុចសំខាន់ជាច្រើនពីវិស័យអចលនទ្រព្យក្នុងប្រទេសកម្ពុជា រួមទាំងលើកឡើងពីបម្រែបម្រួលនិន្នាការពីការទិញដីឡូតិ៍ផងដែរ។

ចង់ដឹងលម្អិតបែបណាខ្លះ សូមរង់ចាំតាមដានទស្សនាកិច្ចសម្ភាសន៍នេះ ដែលចេញផ្សាយនៅម៉ោង៧ល្ងាច ថ្ងៃទី ១១ វិច្ឆិកា ឆ្នាំ ២០២០នេះ ធ្វើឡើងដោយគេហទំព័រ Propdertyarea.asia និង Cambodiafinancialtimes.com ផ្តាច់មុខ។

កិច្ចសម្ភាសនេះនឹងមានផ្សាយនៅលើទំព័រហ្វេសប៊ុកផេក Property Area Asia ,Cambodia Financial Times និងផេក អ្នកជំនាញលក់អចលនទ្រព្យ។

កម្មវិធីនេះបានទទួលបានការឧបត្ថម្ភពី គម្រោងខុនដូ Urban Village ធនាគារហត្ថា ក្រុមហ៊ុន KW Sam SN ក្រុមហ៊ុន CEA និងក្រុមហ៊ុន Khmer Foundation Appraisal៕

ទីក្រុងរណបជ្រោយចង្វារតម្លៃ៣៦០០លានដុល្លារនឹងមានអាគារខ្ពស់កាន់តែច្រើននាពេលខាងមុខ

ដោយស៊ីវ ម៉េង

ភ្នំពេញៈ ទីក្រុងរណបជ្រោយចង្វារ ដែលគ្រោងអភិវឌ្ឍន៍ជាទីក្រុងបៃតងឆ្លាតវៃ(Smart City) នឹងមានអាគារខ្ពស់ៗកាន់តែច្រើននាពេលខាងមុខនេះ ខណៈវិបត្តិសេដ្ឋកិច្ច បានបណ្តាលឲ្យគំរោងជាច្រើនត្រូវបានពន្យាពេល។

អគ្គនាយករងក្រុមហ៊ុនOCIC លោកទូច សំណាងបានមានប្រសាសន៍ឲ្យដឹងកាលពីចុងសប្តាហ៍មុនថា ផែនការអភិវឌ្ឍន៍ទីក្រុងនេះ បាននិងកំពុងដើរតាមផែនការមេរបស់ខ្លួន ដោយយើងនឹងអភិវឌ្ឍន៍ជាទីក្រុងបែបSmart City ដែលមានការរៀបចំហេដ្ឋារចនាសម្ព័ន្ឋយ៉ាងត្រឹមត្រូវ ដើម្បីដើរតាមទស្សនទាននៃការអភិវឌ្ឍរបស់យើង។ លោកបន្តថា ទីក្រុងរណបនេះនឹងរៀបចំអភិវឌ្ឍន៍ដូចតំបន់ពាណិជ្ជកម្ម ស្ថិតនៅលើមហាវិថីព្រះមុនីវង្ស។

លោកបន្តថា“ទីក្រុងនេះ នឹងមានអាគារខ្ពស់កាន់តែច្រើននាពេលខាងមុខ ហើយ អាគារទាំងនោះបានពន្យាពេលសាងសង់ ដោយសារវិបត្តិសេដ្ឋកិច្ច ដែលបណ្តាលមកពីជំងឺរាតត្បាតកូវីដ១៩”។លោកបន្តថា “បច្ចុប្បន្នការសាងសង់ស្ពានយោងដោយខ្សែកាប កំពុងដំណើរការយ៉ាងរលូន ដែលវានឹងជួយសម្រួលចរាចរណ៍រវាងផ្លូវជាតិលេខ៥ និងផ្លូវជាតិលេខ៦”។

ទីក្រុងរណបនេះបច្ចុប្បន្នទើបមានអាគារខ្ពស់មួយគឺការិយាល័យកណ្តាលរបស់ក្រុមហ៊ុនOCIC ដែលមានកំពស់២១ជាន់។ ទីក្រុងរណបជ្រោយចង្វារ ត្រូវបានដាក់ឈ្មោះទីក្រុងនៃអនាគត។

លោកទូចសំណាងបានបន្តថាហេដ្ឋារចនាសម្ព័ន្ឋធំៗក្នុងទីក្រុងនេះបានបញ្ចប់រួចរាល់ហើយនៅតែផ្លូវតូចៗមួយចំនួនដែលបាននិងកំពុងរៀបចំជាបន្តបន្ទាប់។

ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាលោកច្រឹកសុខនីមធ្លាប់បានមានប្រសាសន៍ថាការអភិវឌ្ឍទីក្រុងនេះនឹងជួយជំរុញកំនើនសេដ្ឋកិច្ចកម្ពុជាពិសេ​សទីតាំងរបស់ទីក្រុងនេះមានសក្តានុពលខ្ពស់ ដោយសារទីតាំងមានចម្ងាយកៀកបំផុតនឹងមជ្ឈមណ្ឌលកណ្តាលរបស់រាជធានីភ្នំពេញ ពិសេសហេដ្ឋារចនាសម្ព័ន្ឋមានភាពសមស្រប និងបានផ្តល់នូវលំហូរចរាចរណ៍ងាយស្រួលដល់ប្រជាពលរដ្ឋធ្វើដំណើរ។

លោកបន្តថា“ជាមួយស្ពានតភ្ជាប់ជាច្រើន ទីក្រុងនេះក៏មានភាពអំណោយផលលើបរិស្ថាន ដោយសារមានទន្លេព័ទ្ឋជុំវិញ ដែលជួយផ្តល់បរិយាកាសរស់នៅប្រកបដោយភាពសុខដុម”៕

ដីទំហំ១៤ហិកតា ក្នុងតំបន់ទីប្រជុំជន ខេត្តសៀមរាប ក្បែរផ្សារម៉ាក្រូ ត្រូវបានប្រកាសលក់ក្នុងតម្លៃក្រោមទីផ្សារ

ដោយ ៖ រ៉ាណេត

សៀមរាប ៖ ដីទំនេរដែលស័ក្ដិសមទៅនឹងគម្រោងអភិវឌ្ឍន៍ធំៗក្នុងតំបន់ទីប្រជុំជន នៅជាប់ផ្លូវជាតិលេខ៦ និងមានផ្លូវហ៊ុមព័ទ្ធជុំវិញ ក្នុងភូមិគោកត្នោត ឃុំកណ្តែក ស្រុកប្រាសាទបាគង ខេត្តសៀមរាប ក្បែរផ្សារទំនើបម៉ាក្រូត្រូវបានប្រកាសដាក់លក់នៅក្នុងតម្លៃក្រោមទីផ្សារ ដែលផ្តល់ឱកាសដល់បណ្តាអ្នកអភិវឌ្ឍន៍ទទួលបានចំណេញច្រើនពីការវិនិយោគបន្ត។

លោកស្រី ជិន លក្ខិណា តំណាងក្រុមហ៊ុនអភិវឌ្ឍន៍អចលនទ្រព្យ សៀមរាបអង្គរ បានមានប្រសាសន៍នៅព្រឹកថ្ងៃទី១៦ ខែវិច្ឆិកា ឆ្នាំ២០២០នេះថា នៅក្នុងតំបន់ទីប្រជុំជនក្នុងស្រុកប្រាសាទបាគង ជាពិសេសស្ថិតនៅជាប់ផ្លូវជាតិលេខ៦ មិនសូវមានដីទំនេរទំហំធំៗនោះទេ ហើយតម្លៃដីក៏បានឡើងខ្ពស់ផងដែរ។

លោកស្រីបានមានប្រសាសន៍បន្តថា “សម្រាប់ដីដែលក្រុមហ៊ុនទទួលបានសិទ្ធិក្នុងការលក់ទំហំ១៤ ហិកតា ស្ថិតនៅទីតាំងដូចបានបញ្ជាក់ខាងលើនេះ អាចនិយាយបានថា ជាដីដែលមានទំហំធំ និងមានសក្ដានុពលក្នុងតំបន់ ព្រោះក្រៅពីនៅជាប់ផ្លូវជាលេខ៦ (ក្បាលដីខាងមុខ) នៅខាងក្រោយទីតាំងដីជាប់ផ្លូវរដ្ឋទំហំ២២ម៉ែត្រ ហើយនៅចំហៀងដី មានផ្លូវភូមិទំហំ១០ម៉ែត្រ និងនៅក្បែរផ្លូវក្រវាត់ក្រុងទំហំ៤០ម៉ែត្រ ដែលផ្តល់ភាពងាយស្រួលចរាចរណ៍ និងដឹកជញ្ជូន”។

លោកស្រីបញ្ជាក់ថា “ក្រៅពីមានផ្លូវជាច្រើននៅហ៊ុមព័ទ្ធជុំវិញ ទីតាំងដីក៏ស្ថិតនៅជិតផ្សារម៉ាក្រូ ផ្សារស្វាយធំ មានសាលារៀនរដ្ឋ មណ្ឌលសុខភាពរដ្ឋ និងឯកជន ស្ថាប័នរដ្ឋ (មន្ទីរសាធារណការ និងដឹកជញ្ជូន) គ្រឹះស្ថានហិរញ្ញវត្ថុឯកជន មានគម្រោងអភិវឌ្ឍន៍បុរីលំនៅដ្ឋាជាច្រើន និងជាតំបន់ដែលមានការប្រកបអាជីវកម្មចម្រុះ ដែលទាំងអស់នេះសុទ្ធតែជាកត្តាសំខាន់ដែលជំរុញមានសក្ដានុពលកាន់តែខ្លាំង”។

ពាក់ព័ន្ធទៅនឹងការដាក់លក់ដីដែលមានទំហំធំមួយនេះ លោកស្រី ជិន លក្ខិណា បានមានប្រសាសន៍បញ្ជាក់ថា “តម្លៃដីដែលត្រូវបានដាក់លក់នៅពេលនេះគឺស្ថិតក្នុងកម្រិតទាបជាងទីផ្សារ ពោលគឺត្រឹម១៦០ដុល្លារក្នុងមួយម៉ែត្រការ៉េ ប្លង់រឹង ដែលផ្តល់ឱកាសចំណេញច្រើនសម្រាប់អ្នកទិញទុកវិនិយោគបន្ត ក៏ដូចជាអ្នកទិញសម្រាប់គម្រោងអភិវឌ្ឍន៍ផ្សេងៗជាពិសេសគម្រោងអភិវឌ្ឍន៍ជាបុរី ឬបណ្តុំលំនៅដ្ឋានតម្លៃសមរម្យ”។

លោកស្រីបានបង្ហើបប្រាប់ថា “តាមខ្ញុំដឹក នៅក្បែរទីតាំងដីខាងលើនេះ មានក្រុមហ៊ុនអភិវឌ្ឍន៍របស់ចិនដ៏ធំមួយដែលគ្រោងនឹងចូលមកអភិវឌ្ឍន៍អចលនទ្រព្យ បង្កើតជាក្រុងថ្មីមួយ ដែលមានឈ្មោះថា China Town នៅទំហំទឹកប្រាក់វិនិយោគរាប់រយលានដុល្លារ ហើយប្រសិនគមរោងអភិវឌ្ឍន៍មួយនេះលេចចេញជារូបរាង វានឹងជំរុញឱ្យតម្លៃដីទាំងក្នុងតំបន់អភិវឌ្ឍន៍ ទាំងដីនៅតំបន់ក្បែរខាងឡើងថ្លៃខ្ពស់ជាក់ជាមិនខាន។ ដូច្នេះសម្រាប់ការទិញដីនៅតំបន់នេះក្នុងពេលបច្ចុប្បន្ន គឺជាឱកាសដ៏ល្អបំផុត ខណៈដែលនៅមានកម្រិតនៅឡើយ”។

សម្រាប់ព័ត៌មានលម្អិតពីការលក់ដី អាចទាក់ទងតាមរយៈទូរស័ព្ទលេខ ៖ 077 27 99 99 / 088 27 99 999

[youtube https://www.youtube.com/watch?v=rKuhdj0a_EE]