មន្រ្តីជាន់ខ្ពស់ CDC លើកឡើងពីកត្តាវិជ្ជមានជាច្រើនរបស់កម្ពុជា ដែលធ្វើឲ្យប្រទេសនេះស្ថិតក្នុងគៅលំហូរ FDI

ដោយៈ និស្ស័យ

ភ្នំពេញៈ អង្គភាពFDI Intelligence នៃកាសែតFinancial Times កាលពីឆ្នាំ២០២៤ បានដាក់ពិន្ទុជា “គោលដៅវិនិយោគផ្ទាល់បរទេសឈានមុខក្នុងឆ្នាំ២០២៤” ក្នុងចំណោមប្រទេសនាំមុខ៥០ លើសកលលោក។

នេះជាការលើកឡើងេបស់លោកជា វុទ្ឋីអគ្គលេខាធិការក្រុមប្រឹក្សាអភិវឌ្ឍន៍កម្ពុជាកាលពីចុងសប្តាហ៍មុន។

លោកបញ្ជាក់ទៀតថា កម្ពុជាមានទស្សនវិស័យ វិនិយោគផ្ទាល់បរទេសដ៏ស្វាហាប់ ដូចជា ការបន្តរក្សាសន្តិភាព ស្ថិរភាពនយោបាយ សណ្តាប់ធ្នាប់សង្គម និងស្ថិរភាពម៉ាក្រូសេដ្ឋកិច្ច ក៏ដូចជាការគ្រប់គ្រងអតិផរណា ភាពសម្បូរពលកម្មវ័យក្មេងនិងមានជំនាញ។ ទីតាំងយុទ្ធសាស្រ្តស្ថិតនៅចំកណ្តាល នៃមហាអនុតំបន់មេគង្គ និងតំបន់អាស៊ីអាគ្នេយ៍។

លើសពីនេះកម្ពុជា ក៏មានសក្តានុពលក្នុងការតភ្ជាប់ជាមួយនឹងទីផ្សារអន្តរជាតិ តាមរយៈកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគី ការឆ្លើយតបយ៉ាងរហ័សរបស់រាជរដ្ឋាភិបាលក្នុងគ្រាមានវិបត្តិ និងយន្តការកិច្ចសន្ទនា ដ៏មានប្រសិទ្ធភាពរវាងរាជរដ្ឋាភិបាល-ផ្នែកឯកជន ការបន្តពង្រីកនិងកសាងហេដ្ឋារចនាសម្ព័ន្ធតភ្ជាប់ និងការបន្តដាក់ចេញនូវវិធានការគាំទ្រផ្សេងៗ សំដៅធ្វើការកែលម្អបរិយាកាសវិនិយោគនិងធុរកិច្ច៕លោកជា វុទ្ឋីបញ្ជាក់ឲ្យដឹង៕

អគ្គនាយិការវ័យក្មេង នៃបុរីភូមិសាគូរ៉ា ទទួលពានរង្វាន់លំដាប់អន្តរជាតិ ជាមួយសហគ្រិនឆ្នើមមកពី២៦ប្រទេសផ្សេងទៀត

ភ្នំពេញ ៖ កញ្ញា ជាម ស៊ូគាវ អគ្គនាយិការ នៃបុរីភូមិសាគូរ៉ា បានទទួលពានរង្វាន់ Asia Prestige “50 Under 50 CEO Excellence Award 2025 ជាមួយនឹងសហគ្រិនឆ្នើមចំនួន៥០រូប មកពីប្រទេសចំនួន២៦ផ្សេងទៀត ។

ពានរង្វាន់នេះ មិនមែនជារឿងដែលងាយស្រួលសម្រាប់សហគ្រិនដែលចង់បាននោះទេ គឺត្រូវការទាំងបទពិសោធន៍និងការដឹកនាំ ប៉ុន្តែកញ្ញាជាម ស៊ូគាវ ជាអ្នកដឹកនាំវ័យក្មេងមួយរូប ដែលមានបទពិសោធន៍ ក្នុងការរស់នៅ និងបានបញ្ចប់ការសិក្សាថ្នាក់បរិញ្ញាបត្រនៅចក្រភពអង់គ្លេស និងបញ្ចប់ថ្នាក់អនុបណ្ឌិតនៅប្រទេសអូស្ត្រាលី រួចក៏វិលត្រឡប់មកមាតុប្រទេសវិញជាមួយនឹងចក្ខុវិស័យដើម្បីនាំយកស្តង់ដាររបៀបរស់នៅអន្តរជាតិដល់សហគមន៍ក្នុងស្រុក។

បន្ថែមពីនេះ ក្នុងវ័យត្រឹមតែ ៣០ ឆ្នាំប៉ុណ្ណោះ កញ្ញា ជាម ស៊ូគាវ បានធ្វើនូវអ្វីដែលអ្នកដឹកនាំធុរកិច្ចភាគច្រើនស្រមើស្រមៃចង់បាន ដូចអ្វីដែលកញ្ញាកំពុងធ្វើ គឺការបើកដំណើរការគម្រោងអចលនទ្រព្យខ្នាតធំដែលមានទីតាំងនៅភាគខាងត្បូងរាជធានីភ្នំពេញ ចំងាយត្រឹម 5នាទីពី Aeon 3 និង 10នាទី ពី អាកាសយានដ្ឋានអន្តរជាតិតេជោ ដែលកំពុងមានអតិថិជនរស់នៅក្នុងបុរីភូមិសាគូរ៉ាជាច្រើនក្រុមគ្រួសារដែលទំហំគម្រាងសរុបជិត 20 ហិចតា ។

ដោយសារតែគម្រោងខាងលើនេះមានភាពជោគជ័យ ពេលនេះ កញ្ញា ជាម ស៊ូគាវ ទទួលបានការទទួលស្គាល់ជាអន្តរជាតិ និងទទួលបានពានរង្វាន់លំដាប់អន្តរជាតិគឺ ពានរង្វាន់ Great Leadership Excellence ក្នុងកម្មវិធី Asia Prestige “50 Under 50 CEO Excellence Award 2025” ។

តាមរយៈពានរង្វាន់ដែលកញ្ញា ជាម ស៊ូគាវ ទទួលបាននៅពេលនេះ មិនត្រឹមតែជាមុខមាត់នៅពីក្រោយបុរី ភូមិសាគូរ៉ា ដែលជាសហគមន៍លំនៅដ្ឋានដែលរីកចម្រើនលឿនបំផុតមួយរបស់កម្ពុជាប៉ុណ្ណោះទេ ប៉ុន្តែក៏បានធ្វើឱ្យកញ្ញា បានក្លាយជានិមិត្តរូបនៃសហគ្រិនកម្ពុជាជំនាន់ក្រោយ ។

គួរបញ្ជាក់ថា បុរី ភូមិសាគូរ៉ា ជាសហគមន៍នៃក្តីស្រឡាញ់ ពោរពេញដោយស្នាមញញឹម ភាពកក់ក្តៅ សម្រាប់គ្រួសារខ្មែរទាំងអស់គ្នាដែលមានការយកចិត្តទុកដាក់យ៉ាងខ្លាំងទៅលើគុណភាពសំណង់ គ្រឿងបរិក្ខារស្តង់ដាខ្ពស់ ការរចនាដោយគិតគូរពីផាសុខភាព សួនធម្មជាតិ ធំទូលាយ និងបរិយាកាសស្ងប់ស្ងាត់សម្រាប់អតិថិជន។

ឥឡូវនេះ បុរី ភូមិសាគូរ៉ា កំពុងមានការផ្តល់ជូនយ៉ាងពិសេសគឺ Mid-Year Mega Sale ជូនដល់អតិជន ទៅលើ៤ប្រភេទផ្ទះ៖

វីឡាភ្លោះ តម្លៃ $ 249,000 បញ្ចុះត្រឹម $231,888
វីឡាកូនកាត់ តម្លៃ $ 157,400 បញ្ចុះត្រឹម $149,888
ផ្ទះអាជីវកម្ម តម្លៃ $ 145,000 បញ្ចុះត្រឹម $134,888
ផ្ទះអាជីវកម្ម ខ្នាតធំ តម្លៃ $188, 000 បញ្ចុះត្រឹម $ 174,888

បុរីភូមិសាគូរ៉ាផ្តល់ជូនការបង់ប្រាក់ដល់អតិថិជនយ៉ាងងាយស្រួលនិងមានភាពបត់បែន កក់មុនត្រឹម10% អាចចូលរស់នៅបានភ្លាមៗ!

កុំខកខានណ៎ា! សល់តែ ៥ផ្ទះទៀតតែប៉ុណ្ណោះ! ទិញរស់នៅក៏បាន ទិញវិនិយោគកាន់តែល្អ

បុរី ភូមិសាគូរ៉ា ភាពរីកចម្រើននៃការរស់នៅប្រកបដោយសុភមង្គល ៕

ទីក្រុងរណបជ្រោយចង្វារ របស់ក្រុមហ៊ុន OCIC ត្រៀម ប្រកាសបើកលក់ដីឡូតិ៍ខ្នាតវីឡា និងខ្នាតអាជីវកម្ម ជាប់ផ្លូវរដ្ឋ នៅក្នុងគម្រោងជ្រោយចង្វារ ហ្គាដិន ក្នុងពេលឆាប់ៗនេះ

ក្រុមហ៊ុនអចលនទ្រព្យឈានមុខគេនៅកម្ពុជា Overseas Cambodian Investment Corporation (OCIC) ត្រៀមប្រកាសបើកលក់ជាផ្លូវការ ដីឡូតិ៍ខ្នាតវីឡា និងដីឡូតិ៍ខ្នាតអាជីវកម្ម ជាប់នឹងផ្លូវរដ្ឋ ក្នុងពេលឆាប់ៗនេះ។ ដីឡូតិ៍គម្រោងជ្រោយចង្វារហ្គាដិន ដែលស្ថិតក្នុងគម្រោងទីក្រុងរណបជ្រោយចង្វារ មានតម្លៃចាប់ពី $8x,xxx (ប្រាំបីម៉ឺនដុល្លារ) ជាងឡើងទៅ។ សម្រាប់អតិថិជន ២០នាក់ ដំបូង នឹងទទួលបានប្រូម៉ូសិនពិសេស រួមទាំងកាដូថែមជូនជាច្រើនពីក្រុមហ៊ុនផងដែរ។

គម្រោងដីឡូតិ៍នេះ អភិវឌ្ឍឡើងដើម្បីបំពេញតម្រូវការទីផ្សារអចលនទ្រព្យ ដែលផ្តល់នូវភាពបត់បែន តម្លៃល្អ និងឱកាសពិសេសសម្រាប់អតិថិជនទទួលបានគេហដ្ឋានក្នុងក្តីសុបិន។ លើសពីនេះអតិថិជនក៏អាចទទួលគោលការណ៍បង់ប្រាក់ជាច្រើនជម្រើសជាមួយធនាគារកាណាឌីយ៉ា ភីអិលស៊ី ដែលផ្តល់ភាពងាយស្រួលក្នុងបរិបទសេដ្ឋកិច្ចកំពុងផ្លាស់ប្តូរនាពេលបច្ចុប្បន្ន។

អតិថិជននឹងទទួលបានជម្រើសដីឡូតិ៍សម្រាប់សង់ផ្ទះវីឡា ផ្ទះអាជីវកម្ម ឫ សង់ជាទីតាំងការិយាល័យ រួមផ្សំជាមួយនឹងការគាំទ្រផ្នែកហិរញ្ញវត្ថុ ការប្រឹក្សាយោបល់ និងសេវាកម្មសំណង់ប្រកបដោយជំនាញ ដើម្បីជួយអតិថិជនសម្រេចបាននូវចក្ខុវិស័យរបស់ខ្លួន។

ជាទីតាំងដ៏ល្អនៅក្នុងតំបន់ជ្រោយចង្វារ ដែលកំពុងមានការរីកចម្រើនយ៉ាងឆាប់រហ័សទីតាំងជាប់ផ្លូវរដ្ឋ គម្រោងនេះផ្សារភ្ជាប់ទៅផ្លូវ ព្រែកតាសេក ឆ្ពោះត្រង់ទៅផ្លូវ សម្តេច ជាស៊ីម និងវិមានឈ្នះឈ្នះ ដែលផ្ដល់នូវភាពងាយស្រួលក្នុងការធ្វើដំណើរ និងភ្ជាប់ទៅកាន់ទីតាំងសំខាន់ៗក្នុងតំបន់។ មិនត្រឹមតែប៉ុណ្ណោះទីតាំងគម្រោងប្រមូលផ្តុំដោយ ផ្សារ សាលារៀនជាតិ-អន្តរជាតិ មន្ទីរពេទ្យ ស្ថាប័នឯកជន និងស្ថាប័នរដ្ឋធំជាច្រើនផងដែរ។

លក្ខណៈពិសេសនៃគម្រោងដីឡូតិ៍ជ្រោយចង្វារហ្គាដិន រួមមាន:

ដីឡូតិ៍ខ្នាតវីឡា៖ ផ្ដល់ជូននូវទំហំដីធំទូលាយ ស័ក្តិសមបំផុតសម្រាប់ការសាងសង់លំនៅឋានប្រណិត វីឡាប្រណិតៗ ដែលផ្ដល់នូវបរិយាកាសស្ងប់ស្ងាត់ និងផាសុកភាពសម្រាប់ការរស់នៅដល់អតិថិជន។
ដីឡូតិ៍ខ្នាតអាជីវកម្ម៖ មានទីតាំងអំណោយផលសម្រាប់សាងសង់ផ្ទះអាជីវកម្ម ហាងទំនិញ សាលារៀន ឬការិយាល័យ ដែលឆ្លើយតបទៅនឹងតម្រូវការទីផ្សារបច្ចុប្បន្ន។
ហេដ្ឋារចនាសម្ព័ន្ធទំនើប៖ គម្រោងនេះនឹងបំពាក់ដោយហេដ្ឋារចនាសម្ព័ន្ធពេញលេញ រួមមាន ប្រព័ន្ធផ្លូវថ្នល់ដែលមានគុណភាពខ្ពស់ ប្រព័ន្ធលូបង្ហូរទឹក ប្រព័ន្ធអគ្គិសនី និងប្រព័ន្ធទឹកស្អាត ដែលធានាបាននូវភាពងាយស្រួលសម្រាប់ការរស់នៅ និងប្រតិបត្តិការអាជីវកម្ម។
ទីតាំងយុទ្ធសាស្ត្រ៖ ស្ថិតនៅក្នុងបេះដូងនៃទីក្រុងរណបជ្រោយចង្វារ ដែលជាតំបន់អភិវឌ្ឍ មានសក្ដានុពលខ្ពស់ ព្រមទាំងមានគម្រោងធំៗ ជាច្រើនកំពុងលេចចេញជារូបរាង ជាពិសេសតភ្ជាប់ទៅផ្លូវជាតិ 6A។

ប្រធានគ្រប់គ្រងផ្នែកលក់ជាន់ខ្ពស់គម្រោងទីក្រុងជ្រោយចង្វារ ជឿជាក់យ៉ាងមុតមាំថា គម្រោងដីឡូតិ៍ជ្រោយចង្វារហ្គាដិន នឹងក្លាយជាជម្រើសដ៏ល្អបំផុតសម្រាប់អតិថិជនដែលកំពុងស្វែងរកដីសម្រាប់ការវិនិយោគ សាងសង់លំនៅឋាន ឬពង្រីកអាជីវកម្ម ដោយសារតែតម្លៃសមរម្យ ទីតាំងល្អបំផុត និងមានសក្ដានុពល ជាពិសេសអតិថិជនអាចសាងសង់សំណង់ទៅតាមតម្រូវការអតិថិជន។

ទំនាក់ទំនងសម្រាប់ព័ត៌មានបន្ថែម៖ 011 885 865, 089|093 822 009

តម្លៃហាងឆេងមាសបានធ្លាក់ថ្លៃចុះនៅថ្ងៃពុធនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានធ្លាក់ថ្លៃចុះក្នុងការជួញដូរនៅព្រឹកថ្ងៃពុធនេះ ក្រោយពេលមានការបន្ធូរបន្ថយភាពតានតឹងពាណិជ្ជកម្មរវាងសហរដ្ឋអាមេរិក និងសហភាពអឺរ៉ុប ខណៈក្រុមអ្នកវិនិយោគកំពុងរង់ចាំមើលរបាយការណ៍ស្តីពីការចំណាយលើការប្រើប្រាស់ផ្ទាល់ខ្លួនរបស់ពលរដ្ឋអាមេរិក។

តួយ៉ាង តម្លៃមាស Spot Gold បានធ្លាក់ចុះ០,០៧ភាគរយមកនៅត្រឹម៣២៩៧,១៦ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,១១ភាគរយដល់៣២៩៦,៩០ដុល្លារក្នុងមួយអោនគិតត្រឹមម៉ោង១០:៥៣នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៩៧,៩ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់ឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី១៨ ខែមិថុនាខាងមុខនេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹយងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់៩៩,៧៦ពិន្ទុនៅព្រឹកថ្ងៃពុធនេះ បន្ទាប់ពីបានបិទការជួញដូរត្រឹម៩៩,៥២ពិន្ទុកាលពីថ្ងៃអង្គារម្សិលមិញ។

ចំណែក តម្លៃលោហៈធាតុប្រាក់ Spot silver បានងើបឡើង០,២២ភាគរយដល់៣៣,៣៨ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,៣១ភាគរយដល់១.០៧៦ដុល្លារក្នុងមួយអោន ហើយតម្លៃ palladium បានធ្លាក់ចុះ០,២៧ភាគរយដល់៩៧៦,៥ដុល្លារក្នុងមួយអោនគិតត្រឹមម៉ោង១០:៥៥នាទីព្រឹក៕

តើផ្លូវជាតិលេខ៧១C តភ្ជាប់ពីតំបន់ណាទៅតំបន់ណា?

ដោយៈ និស្ស័យ

ភ្នំពេញៈ ផ្លូវជាតិដ៏សំខាន់នេះ ទើបបានបើកសម្ភោធជាផ្លូវការកាលពីពេលថ្មីៗនេះ ដោយសម្តេចមហាបវរធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា។

តើផ្លូវជាតិនេះ ដើរតួនាទីសំខាន់បែបណាក្នុងចរន្តសេដ្ឋកិច្ចជាត? យោងតាមក្រសួងសាធារណៈការ និងដឹកជញ្ជូនបានឲ្យដឹងថា ផ្លូវជាតិលេខ៧១C គឺជាខ្សែផ្លូវយុទ្ធសាស្ត្រ ប្រទាក់ក្រឡាយ៉ាងសំខាន់ និងបានតភ្ជាប់ជាមួយបណ្តាញខ្សែផ្លូវជាតិ និងផ្លូវមួយចំនួន ដូចជា ផ្នែកខាងកើត តភ្ជាប់ជាមួយផ្លូវជាតិលេខ៧ ផ្លូវជាតិលេខ៧៣ និងខ្សែផ្លូវនានានៅក្នុងតំបន់នេះ ក្នុងទិសដៅទៅកាន់ទីតាំង ភូមិសាស្ត្រផ្សេងៗក្នុងខេត្តត្បូងឃ្មុំ ខេត្តក្រចេះ និងច្រកព្រំដែនកម្ពុជា- វៀតណាម និងផ្នែកខាងលិចវិញ តភ្ជាប់ជាមួយផ្លូវជាតិលេខ៧១ ផ្លូវលេខ២៧៧ និងខ្សែផ្លូវផ្សេងៗ ក្នុងទិសដៅទៅកាន់ខេត្តកំពង់ចាម ខេត្តកំពង់ធំ និងតំបន់ផ្សេងៗ។

នាពេលបច្ចុប្បន្ន ផ្លូវជាតិលេខ៧១C បាន និងកំពុងបម្រើដល់ការតភ្ជាប់ទំនាក់ទំនងសកម្មភាព ពាណិជ្ជកម្ម និងទេសចរណ៍ ជាពិសេសការធ្វើដំណើររបស់បងប្អូន ប្រជាពលរដ្ឋដែលរស់នៅខេត្ត ត្បូងឃ្មុំ ខេត្តកំពង់ចាម និងខេត្តជាប់ព្រំប្រទល់គ្នាផ្សេងៗទៀត ព្រមទាំងសម្រួលដល់ដល់ការដឹក ជញ្ជូនពូជដំណាំ ផលិតផលកសិកម្ម និងកសិ-ឧស្សាហកម្ម ឱ្យកាន់តែរហ័ស កាត់បន្ថយការចំណាយ និងចំណេញពេលវេលា។

ផ្លូវជាតិលេខ៧១C មានប្រវែង ១១៤,៦២គីឡូម៉ែត្រ តភ្ជាប់ចាប់ពីផ្លូវជាតិលេខ៧ ចំណុច PK150+700 ក្នុងខេត្តត្បូងឃ្មុំ រហូតទៅដល់ផ្លូវជាតិលេខ៧១ ចំណុច PK30+400 ក្នុងខេត្តកំពង់ចាម ត្រូវបានបើកសម្ពោធដាក់ឱ្យប្រើប្រាស់ ជាផ្លូវការនៅថ្ងៃទី១២ ខែមេសា ឆ្នាំ ២០២៥៕

លោកឌិត ចណ្ណាៈ ស្ថានភាពទីផ្សារអចលនទ្រព្យមានសកម្មភាពច្រើនជាងគេនៅភាគខាងត្បូងរាជធានី

ដោយៈ គង់ សូរិយា

ភ្នំពេញៈ អ្នកជំនាញបានលើកឡើងថាស្ថានភាពទីផ្សារអចលនវត្ថុម្ពុជាបាននិងកំពុងមានសភាពប្រសើរឡើង ពិសេសតំបន់ភាគខាងត្បូងរាជធានីភ្នំពេញ។

អគ្គនាយកក្រុមហ៊ុនLucky Realty លោកឌិត ចណ្ណាបានមានប្រសាសន៍ឲ្យដឹងកាលពីចុងសប្តាហ៍មុនថា ទីផ្សារអចលនទ្រព្យចាប់ផ្តើមងើបឡើងវិញបណ្តើរៗ ពិសេសតំបន់ភាគខាងត្បូងរាជធានីភ្នំពេញ ដោយមានអ្នកវិនិយោគទាំងខ្មែរ និងបរទេស ពិសេសជនជាតិចិនបានឆ្ពោះទៅកាន់តំបន់នោះ។

លោកបញ្ជាក់ថា “មូលហេតុដែលតំបន់ភាគខាងត្បូងរាជធានីមានសកម្មភាពគួរឲ្យចាប់អារម្មណ៍ជាងគេ ដោយសារជាតំបន់ព្រលានថ្មី ដែលបើកដំណើរការឆាប់ៗនេះ ជាតំបន់ដែលមានហេដ្ឋារចនាសម្ព័ន្ឋល្អប្រសើរ”។ លោកបន្តថា “ការជីកព្រែកហ្វូណនតេជោ និងការបើកដំណើរការព្រលានយន្តហោះថ្មី នឹងធ្វើឲ្យលំនៅដ្ឋាន រផងចក្រ សហគ្រាសកាន់តែច្រើនរីកទៅកាន់តំបន់នោះ”។

លោកឌិត ចណ្ណាបានបន្តថា ទោះជាយ៉ាងណា តម្លៃដីធ្លីមិនទាន់ហក់ឡើងនៅឡើយទេ វាត្រូវការពេលវេលាបន្ថែមទៀត ប៉ុន្តែប្រសិនជាសកម្មភាពទិញ ដូរកាន់តែសកម្ម ស្ថានភាពតម្លៃដីធ្លី និងអចលនទ្រព្យ នៅភាគខាងត្បូង នឹងមានសញ្ញាវិជ្ជមានកាន់តែច្រើនបន្ថែមទៀត៕

សមាគមចិនធំមួយនឹងរួមចំណែកទាក់ទាញអ្នកធុរកិច្ចចិនមក វិនិយោគនៅកម្ពុជា

ដោយៈ គង់ សូរិយា

ភ្នំពេញៈ សមាគមពាណិជ្ជករហ៊ូប៉ីឈូនៅកម្ពុជា បាននិងកំពុងគាំទ្រគោលនយោបាយរបស់រាជរដ្ឋាភិបាលកម្ពុជា និងចូលរួមទាក់ទាញអ្នកធុរកិច្ចចិន មកវិនិយោគនៅកម្ពុជាឲ្យបានកាន់តែច្រើន។

ព័ត៌មាននេះ ត្រូវបានបង្ហាញក្នុងពេលលោកជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានចូលរួមថ្លែងសុន្ទរកថា ក្នុងពិធីសម្ពោធជាផ្លូវការសមាគមពាណិជ្ជករហ៊ូប៉ីឈូនៅកម្ពុជា នៅសាលសន្និបាត និងពិព័រណ៍កោះពេជ្យ។

លោកបន្តថា “សមាគមនេះនឹងមានបេសកកម្ម រួមចំណែកជាមួយរាជរដ្ឋាភិបាលកម្ពុជា ក្នុងការកៀរគរធុរជន និងវិនិយោគិនមកពីខេត្តហ៊ូប៉ី ក៏ដូចជា ខេត្តផ្សេងៗទៀតនៃសាធារណរដ្ឋប្រជាមានិតចិន ឱ្យមកបណ្តាក់ទុនវិនិយោគនៅព្រះរាជាណាចក្រកម្ពុជា”។

លោកអគ្គលេខាធិការបានលើកឡើង ពីចំណងមិត្តភាពដែកថែបរវាងកម្ពុជា និងចិន ហើយដែលបច្ចុប្បន្ន កម្ពុជា-ចិន បានឈានដល់កម្រិត ក្របខណ្ឌកិច្ចសហប្រតិបត្តិការត្បូងពេជ្យ ដែលជាក្របខណ្ឌកិច្ចសហប្រតិបត្តិការកម្រិតកំពូលមួយ។

ជាមួយគ្នានេះ លោកជា វុទ្ឋីបានជម្រាបជូនអង្គពិធីពីស្ថានភាពល្អប្រសើរនៃការវិនិយោគនៅកម្ពុជា ដែលបានឆ្លុះបញ្ចាំងតាមរយៈកំណើនវិនិយោគដ៏គំហុគក្នុងឆ្នាំ២០២៤ និងក្នុងរយៈពេល៤ខែនៃឆ្នាំ២០២៥។

ទន្ទឹមនឹងនេះ បានលើកទឹកចិត្តដល់សមាគម ក្នុងការបន្តចែករំលែកនូវបទពិសោធន៍ជោគជ័យ របស់បណ្តាក្រុមហ៊ុនមកខេត្តហ៊ូប៉ីដែលបានវិនិយោគនៅកម្ពុជា កន្លងមកឱ្យបានទូលំទូលាយ ដើម្បីបង្ហាញពីសក្តានុពលសេដ្ឋកិច្ចកម្ពុជា ដែលពោរពេញទៅដោយថាមវន្ត និងភាពប្រកួតប្រជែងខ្ពស់។

លោកអគ្គលេខាធិការបានអំពាវនាវ ដល់វិនិយោគិនចិនដទៃទៀតដែលមិនទាន់មកកម្ពុជា សូមអញ្ជើញមកកម្ពុជា ដើម្បីសិក្សាស្វែងយល់បន្ថែមអំពីសក្តានុពលដ៏សម្បូរបែប និងកាលានុវត្តភាពជាច្រើន ព្រមទាំងសម្រេចចិត្តជាយុទ្ធសាស្រ្ត ដើម្បីទាញយកអត្ថប្រយោជន៍ជាអតិបរមាពីកិច្ចសហប្រតិបត្តិការ ដ៏ស្អិតល្មួតនៃប្រទេសទាំងពីរកម្ពុជា-ចិន៕

ក្រុមហ៊ុនផលិតរថយន្តដឹកប្រេងឥន្ធនៈចាក់យន្តហោះរបស់ថៃ BAFS គ្រោងពង្រីកខ្លួនមកកាន់កម្ពុជា

ដោយ: គង់ លាងហួរ
បាងកក: ក្រុមហ៊ុន Bangkok Aviation Fuel Services (BAFS) ដែលមានជំនាញខាងសេវាកម្មឥន្ធនៈអាកាសចរណ៍ និងហេដ្ឋារចនាសម្ព័ន្ធថាមពលរបស់ថៃគ្រោងពង្រីកខ្លួននៅក្រៅប្រទេស ដែលក្នុងនោះអាកាសយានដ្ឋានអន្តរជាតិថ្មីរបស់កម្ពុជា ជាទីផ្សារគោលដៅបន្ទាប់របស់ខ្លួនក្នុងតំបន់អាស៊ាន។

លោក ML Nathasit Diskul ប្រធានក្រុមហ៊ុន BAFS បានអះអាងថា ក្រុមហ៊ុនកំពុងពង្រីកខ្លួនយ៉ាងសកម្មទៅក្នុងទីផ្សារអន្តរជាតិ ដោយផ្តល់រថយន្តដឹកប្រេងឥន្ធនៈសម្រាប់ចាក់យន្តហោះចំនួន៧គ្រឿង និងរថយន្តជំនួយដល់អាកាសយានដ្ឋានថ្មីរបស់កម្ពុជា ដោយសំដៅលើអាកាសយានដ្ឋានអន្តរជាតិតេជោក្រុងតាខ្មៅ”។

ក្រុមហ៊ុន BAFS បានបើកដំណើរការអាជីវកម្មរថយន្តដឹកប្រេងឥន្ធនៈចាក់យន្តហោះនៅបរទេសតាមរយៈក្រុមហ៊ុនបុត្រសម្ព័ន្ធ Bafs Intech Co.។ក្រុមហ៊ុន BAFS Intech មានជំនាញក្នុងការរចនា ផលិត និងការផ្គុំរថយន្តដឹកប្រេងចាក់យន្តហោះ និងរថយន្តជំនួយសម្រាប់ប្រតិបត្តិការអាកាសយានដ្ឋាន។

ក្រុមហ៊ុនគ្រោងនឹងវាយលុកទីផ្សារអន្តរជាតិឱ្យកាន់តែខ្លាំងក្លា តាមរយៈការផលិតរថយន្តដែលមានសមត្ថភាពខ្ពស់ ស្របតាមតម្រូវការអាកាសយានដ្ឋាននានានៅតំបន់អាស៊ី។ លោក ML Nathasit បានមានប្រសាសន៍ឱ្យដឹងថា “យើងមានបំណងពង្រីកទៅកាន់ប្រទេសវៀតណាម ម៉ាឡេស៊ី ហ្វីលីពីន និងសិង្ហបុរី ក្នុងរយៈពេល៥ឆ្នាំខាងមុខ”។

ក្រុមហ៊ុន BAFS បានដាក់ក្តីរំពឹងថា ការលក់ប្រេងឥន្ធនៈរបស់ខ្លួននៅប្រទេសថៃនឹងកើនឡើង៨ភាគរយ នៅឆ្នាំនេះដល់ចំនួន៥,៤ពាន់លានលីត្រ ដែលនឹងត្រូវបានជំរុញដោយកំណើនរបស់វិស័យទេសចរណ៍ និងភាពល្អប្រសើរឡើងនៃហេដ្ឋារចនាសម្ព័ន្ធនៅតាមព្រលានយន្តហោះ៕

សន្ទុះនៃការលក់ក្នុងទីផ្សារលំនៅដ្ឋាននៅសិង្ហបុរីបង្ហាញសញ្ញានៃការធ្លាក់ចុះ

ដោយ: គង់ លាងហួរ
អន្តរជាតិ: គោលនយោបាយពន្ធគយរបស់សហរដ្ឋអាមេរិកត្រូវបានគេរំពឹងថា នឹងជះផលប៉ះពាល់លើការលក់លំនៅដ្ឋានរបស់ក្រុមហ៊ុនអភិវឌ្ឍន៍ឯកជននៅប្រទេសសិង្ហបុរីនារយៈពេលប៉ុន្មានខែខាងមុខនេះ។ នេះបើយោងតាមរបាយការណ៍ស្រាវជ្រាវនៅខែឧសភាចេញផ្សាយដោយក្រុមហ៊ុន Savills Singapore ។

លោក Alan Cheong នាយកប្រតិបត្តិផ្នែកស្រាវជ្រាវ និងប្រឹក្សាយោបល់នៅក្រុមហ៊ុន Savills Singapore បានលើកឡើងថា “ខណៈសង្រ្គាមពន្ធបានបង្កើនភាពមិនច្បាស់លាស់ដល់បរិយាកាសសេដ្ឋកិច្ច អ្នកទិញផ្ទះអាចមានការប្រុងប្រយ័ត្ន មុនពេលសម្រេចចិត្តទិញផ្ទះ” ។

លោក Alan Cheong បានមានប្រសាសន៍ឱ្យដឹងបន្តថា “ការប្រុងប្រយ័ត្ននេះអាចនឹងនាំឱ្យការលក់លំនៅដ្ឋានរបស់ក្រុមហ៊ុនអភិវឌ្ឍន៍ឯកជនធ្លាក់ចុះនាពេលខាងមុខ”។

សន្ទុះនៃការលក់នៅក្នុងទីផ្សារលំនៅដ្ឋានឯកជនរបស់សិង្ហបុរីបានធ្លាក់ចុះរួចទៅហើយ នៅមុនពេលលោកប្រធានាធិបតីអាមេរិក ដូណាល់ ត្រាំ ប្រកាសអត្រាពន្ធបដិការកាលពីខែមេសា។ តួយ៉ាង ការបើកដំណើរការលក់ផ្ទះថ្មីបានធ្លាក់ចុះ៨,៤ភាគរយក្នុងត្រីមាសទី១ ឆ្នាំ២០២៥ ខណៈពេលដែលការលក់ផ្ទះថ្មីបានធ្លាក់ចុះ១,៣ភាគរយធៀបនឹងត្រីមាសទី៤ ឆ្នាំមុន។

ស្របពេលជាមួយគ្នានេះ ការលក់ផ្ទះប្រភេទទី២ បានថយចុះ២ត្រីមាសជាប់ៗគ្នា ដោយបានធ្លាក់ចុះ៣,២ភាគរយបន្ថែមទៀតក្នុងត្រីមាសទី១ ឆ្នាំ២០២៥។ ក្រុមហ៊ុន Savills បានកត់សម្គាល់ថា ស្របពេលដែលការលក់ផ្ទះថ្មី និងការលក់ផ្ទះប្រភេទទី២បានធ្លាក់ចុះ ការលក់លំនៅដ្ឋានមិនជាប់ដី (Non-landed) ក៏បានធ្លាក់ចុះជាលើកដំបូងផងដែរ បន្ទាប់ពីកើនឡើង៣ត្រីមាសជាប់ៗគ្នា។

ការទិញលំនៅដ្ឋានមិនជាប់ដី ដូចជា ខុនដូ ដោយប្រជាជនសិង្ហបុរីបានធ្លាក់ចុះ២,៦ភាគរយធៀបនឹងត្រីមាសទី៤ ឆ្នាំមុនមកនៅត្រឹម៥.៦៩៩យូនីតក្នុងរយៈពេល៣ខែដើមឆ្នាំ២០២៥ ខណៈការទិញលំនៅដ្ឋានមិនជាប់ដីដោយជនបរទេសបានដាំក្បាលចុះ១៧,៦ភាគរយមកនៅត្រឹមតែ៧០យូនីតប៉ុណ្ណោះក្នុងអំឡុងពេលដូចគ្នានេះ៕ប្រភព: Edgeprop៕

អ្នកវិនិយោគចិនបណ្តាក់ទុនទិញអគារខុនដូនៅក្នុងទីក្រុងដ៏ធំមួយនៅតំបន់មជ្ឈិមបូព៌ា

ដោយ: គង់ លាងហួរ
អន្តរជាតិ: ទីផ្សារអចលនទ្រព្យនៅតំបន់មជ្ឈិមបូព៌ា ជាពិសេសនៅក្នុងទីក្រុងឌូបៃ និងទីក្រុងអាប៊ុយដាប៊ីរបស់ប្រទេសអេមីរ៉ាត់អារ៉ាប់រួម (UAE) កំពុងទាក់ទាញចំណាប់អារម្មណ៍ និងលំហូរដើមទុនវិនិយោគកាន់តែច្រើនពីបណ្តាអ្នកវិនិយោគនៅក្នុងប្រទេសចិន។

ក្រុមហ៊ុន Gaw Capital ដែលមានមូលដ្ឋាននៅទីក្រុងហុងកុងបានបោះទុនជាង១៥០លានដុល្លារអាមេរិកលើអគារលំនៅដ្ឋានមួយកន្លែងក្នុងទីក្រុងអាប៊ុយដាប៊ីកាលពីពេលថ្មីៗនេះ។ក្រុមហ៊ុនចិន Black Spade Capital ក៏បានបោះទុនក្នុងក្រុមហ៊ុនឈ្មួញជើងសារអចលនទ្រព្យ IFCX ដោយផ្តោតលើការអភិវឌ្ឍន៍ទីផ្សារអចលនទ្រព្យ រួមទាំងនៅតំបន់មជ្ឈឹមបូព៌ាផងដែរ។

ទន្ទឹមនឹងនេះ ការសាកសួររបស់អតិថិជនចិនចំពោះការទិញអចលនទ្រព្យនៅប្រទេសអេមីរ៉ាត់អារ៉ាប់រួមបានហក់ឡើង២៨ភាគរយនៅក្នុងត្រីមាសទី១ ឆ្នាំ២០២៥ ធៀបនឹងឆ្នាំមុន។នេះបើយោងតាមទិន្នន័យពីក្រុមហ៊ុនបច្ចេកវិទ្យាអចលនទ្រព្យ Juwai IQI ។

ប្រភពទិន្នន័យខាងលើបានបង្ហាញថា បណ្តាវិនិយោគិនបរទេសបានទិញអចលនទ្រព្យក្នុងទំហំទឹកប្រាក់សរុបជាង២ពាន់លានដុល្លារអាមេរិកក្នុងទីក្រុងអាប៊ុយដាប៊ី (Abu Dhabi) ក្នុងឆ្នាំ២០២៤ ហក់ឡើង១២៥ភាគរយធៀបនឹងឆ្នាំ២០២៣។ ក្រុមហ៊ុន Juwai IQI បានបញ្ជាក់ថា ប្រទេសចិនជាប្រភពដើមទុនវិនិយោគកំពូល រួមជាមួយនឹងសហរដ្ឋអាមេរិក អង់គ្លេស បារាំង កាហ្សាក់ស្ថាន និងប្រទេសរុស្ស៊ី។

ក្រុមហ៊ុន Gaw Capital បានបោះទុនវិនិយោគដើម្បីទិញអគារខុនដូមួយនៅក្នុងគម្រោងមានដង់ស៊ីតេទាប “Mamsha Gardens”ស្ថិតនៅលើកោះ Saadiyat នៅក្នុងទីក្រុងអាប៊ុយដាប៊ី ដែលគម្រោងនេះមានអគារខុនដូសរុបទាំងអស់ចំនួន៧។

លោក Kashif Ansari សហស្ថាបនិក និងជានាយកប្រតិបត្តិក្រុមហ៊ុន Juwai IQI បានអះអាងថា ក្រុមហ៊ុន Gaw Capital បានទិញអគារនោះពីក្រុមហ៊ុន Aldar ដែលជាអ្នកអភិវឌ្ឍន៍ធំជាងគេនៅទីក្រុង Abu Dhabi៕ប្រភព: SCMP៕

1...232233234...3,256 Page 233 of 3,256