ដោយ Donald Lee
បាងកកៈ រដ្ឋាភិបាលថៃនឹងបញ្ចូលទឹកប្រាក់ជាង១០ពាន់លានដុល្លារ ទៅក្នុងសេដ្ឋកិច្ចថៃ ដែលកំពុងធ្លាក់ចុះដើម្បីជួយកសិករ និងកម្មករដែលមានប្រាក់ចំណូលទាប។
ក្រសួងហិរញ្ញវត្ថុថៃ បានបង្ហាញកញ្ចប់ថវិកាជំរុញសេដ្ឋកិច្ចកាលពីថ្ងៃសុក្រ ដែលស្មើនឹងជិត២ភាគរយ នៃផលិតផលក្នុងស្រុកសរុបរបស់ប្រទេសនេះ។
រដ្ឋមន្ត្រីក្រសួងហិរញ្ញវត្ថុប្រទេសថៃលោក Uttama Savanayana បានសរសេរនៅក្នុងបណ្តាញសង្គមហ្វេសប៊ុកថា “ក្រសួងបង្ហាញនូវវិធានការបន្ទាន់ ក្នុងគោលបំណងជំរុញការប្រើប្រាស់ក្នុងស្រុក និងចរាចរលុយ ក្នុងចំណោមសាធារណជនតាមដែលអាចធ្វើទៅបាន។
កញ្ចប់ជំរុញសេដ្ឋកិច្ចនេះ នឹងរួមបញ្ចូលទាំងប្រាក់កម្ចីសម្រាប់ធ្វើជាទុន និងប្រាក់ឧបត្ថម្ភសម្រាប់កសិករ។
សេដ្ឋកិច្ចថៃរងផលប៉ះពាល់យ៉ាងខ្លាំង ពីសេដ្ឋកិច្ចពិភពលោកដែលកំពុងធ្លាក់ចុះ ការប៉ះទង្គិច នៃសង្គ្រាមពាណិជ្ជកម្មរវាងអាមេរិក និងចិន និងការពង្រឹងប្រាក់បាតដែលធ្វើឱ្យខូចខាតដល់វិស័យទេសចរណ៍យ៉ាងធ្ងន់ធ្ងរ។
អត្រាកំណើនផលិតផលក្នុងស្រុកសរុបនៅពីរត្រីមាសមុន គឺជាអត្រាមួយទាបបំផុតក្នុងរយៈពេលប៉ុន្មានឆ្នាំចុងក្រោយនេះ៕
មន្ត្រីជាន់ខ្ពស់ថៃ៖ រយ:ពេល ២ ឬ៣ឆ្នាំទៀត កម្ពុជានឹងក្លាយជាប្រទេសស៊ីវីល័យ
បច្ចុប្បន្ននេះ ខណ្ឌដែលជាចំណុះរបស់រដ្ឋបាលសាលារាជធានីភ្នំពេញ បានបង្កើនឡើងរហូតដល់ចំនួន១៤ ដោយបំបែកខណ្ឌចំនួន២ គឺខណ្ឌបឹងកេងកង (ចេញពីខណ្ឌចំការមន) និងខណ្ឌកំបូល (ចេញពីខណ្ឌពោធិ៍សែនជ័យ និងខណ្ឌដង្កោ) ដែលកំពុងតែមានសក្ដានុពលលើវិស័យដីធ្លី និងលំនៅដ្ឋានកម្រិតមធ្យម និងក្រោមមធ្យម។
