​ដោយ​ ​គង់​ ​សូ​រិយា​

​ភ្នំពេញ​៖​ ​រដ្ឋមន្ត្រី​ក្រសួង​កសិកម្ម​ ​រុក្ខាប្រមាញ់​ ​និង​នេសាទ​ ​លោក​ ​វេង​ ​សា​ខុន​ ​បាន​​ថ្លែង​ឱ្យ​ដឹង​ថា​ ​នៅ​ឆ្នាំ២០១៨ផ្ទៃដី​ដាំដុះ​កៅស៊ូ​សរុប​នៅ​កម្ពុជា​ ​បាន​កើន​ដល់​ជាង៤៣៦ពាន់​ហិ​ក​តា​ ​ខណៈ​តម្លៃ​កៅស៊ូ​នៅ​កម្ពុជា​។​

​ក្នុង​ឱកាស​អញ្ជើញ​ចូលរួម​សន្និបាត​ស្ដីពី​ ​លទ្ធផល​វិនិយោគ​ដាំ​ដំ​ណាំ​កសិ​ឧស្សាហកម្ម​របស់​ក្រុមហ៊ុន​ជាស​មា​ជិ​ក​សម្ព័ន្ធ​ឧស្សាហកម្ម​កៅស៊ូ​វៀតណាម​ ​កាលពី​ថ្ងៃទី​ ​២៨​ ​ខែកុម្ភៈ​ ​ឆ្នាំ​ ​២០១៩កន្លងមក​ ​លោ​ក​វេង​ ​សា​ខុន​បាន​ថ្លែង​ថា​ ​ផ្ទៃដី​ដាំដុះ​កៅស៊ូ​សរុប​នៅ​កម្ពុជា​បាន​កើន​ពី​ជាង​ ​៣៥៨ពាន់​ហិ​ក​តា​នៅ​ឆ្នាំ​ ​២០១៤​ ​ដល់​ជាង៤៣៦ពាន់​ហិ​ក​តា​ ​នៅ​ឆ្នាំ​ ​២០១៨​ ​កើនឡើង​ប្រមាណ២២ភាគរយ​ ​ក្នុង​នោះ​ផលិតផល​កៅស៊ូ​សរុប​បាន​កើន​ពី​ ​៩៧ពាន់​តោន​នៅ​ឆ្នាំ២០១៤​ ​ដល់២២០ពាន់​តោន​នៅ​ឆ្នាំ២០១៨​ ​កើន​ប្រមាណ​ ​១២៧ភាគរយ​។​

​លោក​បន្ត​ថា​ ​“​ការនាំចេញ​កៅស៊ូ​បាន​កើនឡើង​ពី១០០ពាន់​តោន​នៅ​ឆ្នាំ​ ​២០១៤​ ​ដល់​ជាង​ ​២១៧ពាន់​តោន​នៅ​ឆ្នាំ២០១៨​ ​គឺ​មានការ​កើនឡើង​រហូតដល់១១៧ភាគរយ​ ​បើ​ធៀប​នឹង​ឆ្នាំ២០១៤​”​។​ ​“​រចនាសម្ព័ន្ធ​ផលិតកម្ម​កៅស៊ូ​នៅ​ឆ្នាំ២០១៨​ ​គឺ​ចំការ​កៅ​ស៊ូ​កសិ​ឧស្សាហកម្ម​មាន​ចំនួន៥០ពាន់​ហិ​ក​តា​ ​ស្មើនឹង​ ​១២ភាគរយ​ ​នៃ​ផ្ទៃដី​កៅស៊ូ​សរុប​។​ ​

ចំការកៅស៊ូ​ដីសម្បទាន​សេដ្ឋកិច្ច​មាន​ប្រមាណ ២៤៤,៥ពាន់​ហិ​ក​តា​ ​ស្មើនឹង ៥២ភាគរយ​ ​និង​កៅស៊ូ​គ្រួសារ​មាន​ចំនួន ១៦១ពាន់​ហិ​ក​តា​ ​ស្មើនឹង៣៦ភាគរយ​”​។​

​បច្ចុប្បន្ន​នេះ​ ​ក្រុមហ៊ុន​វិនិយោគ​សម្បទាន​ដី​សេដ្ឋកិច្ច​ទូទាំង​ប្រទេស​ ​ដែល​ត្រូវ​បាន​រាជរដ្ឋាភិបាល​កម្ពុជា​ ​បន្ត​ការអនុញ្ញាត​ឱ្យ​វិនិយោគ​លើ​វិស័យ​កសិកម្ម​មាន​ចំនួន​សរុប​ ​២២៩គម្រោង​ ​លើ​ផ្ទៃដី​ចំនួន​ជាង១លាន​ហិ​ក​តា​ ​និង​មានផ្ទៃ​ដី​អាច​ធ្វើអាជីវកម្ម​បាន​ចំនួន​ជាង​ ​៩៥១​ ​ពាន់​ហិ​ក​តា​ ​ស្ថិត​ក្នុង​ខេត្ត​ចំនួន ១៩​៕​

​ដោយ​ ​រ៉ា​វី​

​ភ្នំពេញ​៖​ ​បច្ចុប្បន្ន​ការ​ធ្វើអាជីវកម្ម​ ​ដោយ​ជ្រកនៅ​ក្រោម​ម៉ាក​សញ្ញា​ល្បី​ ​Franchise​ ​នៅ​លើ​ទីផ្សារ​កម្ពុជា​ ​ហាក់​កំពុង​មានការ​ចាប់អារម្មណ៍​ ​ពីសំណាក់​បណ្តា​អ្នក​វិនិយោគ​មួយចំនួន​ ​ប៉ុន្តែ​ការទិញ​ ​Franchise​ ​មក​កម្ពុជា​ ​មិន​ប្រាកដ​ថា​ទទួល​បាន​ជោគជ័យ​នោះ​ទេ​។​ ​

​
​លោក​ឧកញ៉ា​ ​ចិត្រ​ ​សេរី​សុ​ភ័ក្ត្រ​ ​អគ្គនាយក​ក្រុមហ៊ុន​ ​Luxury​ ​Smiles​ ​Group​ ​បាន​មានប្រសាសន៍​ឲ្យដឹង​ថា​ ​ការទិញ​ម៉ាក​សញ្ញា​ ​ឬ​ ​Franchise​ ​ជា​ការ​ធ្វើអាជីវកម្ម​មួយ​ដែល​មិនសូវ​ជួប​ភាព​ប្រថុយប្រថាន​ ​ដូច​កាលដែល​ចាប់ផ្តើម​បង្កើត​អាជីវកម្ម​ ​ដោយ​ការ​កសាង​កេរ្តិ៍ឈ្មោះ​ពី​ចំណុចសូន្យ​ឡើង​មក​នោះ​ទេ​។​ ​
​
​ភាគច្រើន​ ​នៅពេល​ដែលគេ​ចំណាយ​ទុន​ស្នើសុំ​ម៉ាក​សញ្ញា​ ​អ្នក​វិនិយោគ​គឺ​បាន​សិក្សា​ ​និង​ស្គាល់​ពី​គុណភាព​ ​វិសាលភាព​នៃ​ម៉ាក​សញ្ញា​ទាំងនោះ​រួចជាស្រេច​ ​ទើប​ចំណាយ​ទុន​ទិញ​ ​រហូត​មាន​អ្នកខ្លះ​មាន​ទុន​ស្នើ​ទិញ​ហើយ​ ​បែរជា​ម្ចាស់​ម៉ាក​សញ្ញា​មិនព្រម​លក់​សិទ្ធិ​ឱ្យ​ក៏​មាន​ ​ខណៈ​ដែល​ម្ចាស់​ម៉ាក​សញ្ញា​សិក្សា​រក​ឃើ​ ​ញថា​ ​អ្នកស្នើ​សុំ​មាន​ប្រវត្តិ​អាជីវកម្ម​មិនសូវ​ល្អ​ ​ឬ​ទីតាំង​ស្នើសុំ​ប្រកប​អាជីវកម្ម​ ​ក្រោម​ម៉ាក​សញ្ញា​របស់​ខ្លួន​មិន​អំណោយផល​។​ ​
​
​លោក​ឧក​ញ៉ាប​បន្ត​ថា​ ​“​ការទិញ​ម៉ាក​សញ្ញា​ ​ឬ​ការទិញ​សិទ្ធិ​អាជីវកម្ម​បន្ត​វា​គឺជា​រឿង​ដែល​ល្អ​ចំពោះ​អ្នក​វិនិយោគ​ ​ដែល​មាន​គម្រោង​ច្បាស់លាស់​ ​មាន​ចក្ខុវិស័យ​ ​និង​គោលដៅ​ច្បាស់លាស់​ ​ជាពិសេស​យុទ្ធសាស្ត្រ​ក្នុង​ការគ្រប់គ្រង​ធនធានមនុស្ស​ ​និង​ដំណើរ​ប្រតិបត្តិ​ការ​អាជីវកម្ម​ពិតប្រាកដ​”​។​ ​
​
​លោក​បន្ត​ថា​ ​“​បើ​ទោះជា​ម្ចាស់​ម៉ាក​សញ្ញា​បាន​យល់ព្រម​ផ្តល់​សិទ្ធិ​ឱ្យធ្វើ​អាជីវកម្ម​បន្ត​យ៉ាងណាក៏ដោយ​ ​ប៉ុន្តែ​អ្នកទទួល​សិទ្ធិ​វិនិយោគ​បន្ត​ក៏​ត្រូវតែ​មានការ​ព្យាយាម​ជាមួយ​អាជីវកម្ម​របស់​ខ្លួន​ដែរ​”​។​
​
​អ្នកជំនាញ​រូប​នេះ​បាន​បន្ត​ថា​ ​មុន​ពេល​សម្រេចចិត្ត​ចំណាយ​ទុន​ទិញ​ម៉ាក​សញ្ញា​មក​បន្ត​អាជីវកម្ម​ ​អ្នក​វិនិយោគ​ដែល​ជា​ម្ចាស់់​ទុន​ត្រូវ​សួរ​ខ្លួនឯង​ជាមុន​សិន​ថា​ ​តើ​អាច​គ្រប់គ្រង​អាជីវកម្ម​ដែល​ខ្លួន​ទិញ​មក​បន្ត​បាន​ឬទេ​ ​មានចំណេះ​ដឹង​ពាក់ព័ន្ធ​ទៅ​នឹង​អាជីវកម្ម​ដែល​ខ្លួន​មាន​គម្រោង​ធ្វើ​នោះ​ទេ​?​ ​
​
​វា​ជា​ការពិត​ ​នៅពេល​ម្ចាស់​ម៉ាក​សញ្ញា​យល់ព្រម​ប្រគល់​សិទ្ធិ​ ​ឬ​ផ្តល់​ម៉ាក​សញ្ញា​របស់​ខ្លួន​ ​គឺ​គេ​ផ្តល់​ការគ្រប់គ្រង​ ​និង​ការ​បំពាក់បំប៉ន​ទាំងអស់​រាប់ទាំង​ផ្នែក​បម្រើសេវា​កម្ម​ផង​ដែរ​ ​ដែល​និយាយរួម​វា​ស្ទើរតែ​ ​៧០​-​៩០​ ​ភាគរយ​ទៅ​ហើយ​។​ ​ប៉ុន្តែ​ចំពោះ​អ្នក​វិនិយោគ​បន្ត​ ​ដែល​ក្រៅពី​មាន​ដើមទុន​ ​និង​មាន​គោលបំណង​ច្បាស់លាស់​ ​រួម​ជាមួយនឹង​ចក្ខុវិស័យ​ ​ក៏ដូចជា​មាន​ទីតាំង​ល្អ​ហើយ​នោះ​ ​អ្នក​វិនិយោគ​ក៏​ត្រូវតែ​មាន​ក្ដី​អំណត់​ ​និង​ព្យាយាម​ក្នុង​ការដឹកនាំ​ ​ដំណើរការ​អាជីវកម្ម​របស់​ខ្លួន​ ​ឱ្យ​អស់ពី​លទ្ធភាព​ទើប​អាច​ទទួល​បាន​ផ្លែផ្កា​បាន​ ​បើមិនដូច្នោះទេ​ភាព​បរាជ័យ​នឹង​កើតមាន​ដូចគ្នា​ជាក់ជា​មិនខាន​៕​

ដោយ​ ​វុត្ថា

​ភ្នំពេញ​៖​ ​ក្រុមប្រឹក្សា​អភិវឌ្ឍន៍​កម្ពុជា​ ​(​CDC​)​ ​បាន​អនុម័ត​គំរោង​វិនិយោគ​របស់​ក្រុមហ៊ុន​ចំនួន៤​ ​ដែល​មាន​ទុន​វិនិយោគ​តម្លៃ​​ប្រមាណ​ជាង ​១៩លាន​ដុល្លារ​អាមេរិក​។​ ​

​យោង​តាម​សេចក្តី​ប្រកា​សព៌​ត​មាន​របស់​ ​CDC​ ​បាន​ឲ្យដឹង​កាលពី​ល្ងាច​ថ្ងៃទី២៨​ ​កុម្ភៈ​កន្លងមក​ថា​ ​តប​តាម​សំណើសុំ​វិនិយោគ​របស់​ក្រុមហ៊ុន​ ​គណៈកម្មាធិការ​វិនិយោគ​កម្ពុជា​ ​នៃ​ក្រុមប្រឹក្សា​អភិវឌ្ឍន៍​កម្ពុជា​ ​បានសម្រេច​ចេញ​វិញ្ញា​បន​ប័ត្រ​ចុះបញ្ជី​ជាស្ថាពរ​ជូន​ដល់​ក្រុមហ៊ុន​ដូចជា​ ​ទី១​-​“​NEWCOMER​ ​LUGGAGE​ ​AND​ ​BAGS​ ​(​CAMBODIA​)​ ​MANUFACTURING​ ​CO​.​,​LTD​.​”​ ​គម្រោង​បង្កើត​រោងចក្រ​ផលិត​កាបូប​គ្រប់​ប្រភេទ​ ​ដែល​មាន​ទីតាំង​វិនិយោគ​ស្ថិតនៅ​ផ្លូវជាតិ​លេខ៤​ ​ភូមិ​រំដួល​ ​ឃុំ​ត្រពាំងគង​ ​ស្រុក​សំរោងទង​ ​ខេត្ត​កំពង់ស្ពឺ​ ​មាន​ទុន​វិនិយោគ​ប្រមាណ ២,៨លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន១.២៥០កន្លែង​។​

​ទី២​-​“​ANDERSEN​ ​INDUSTRIES​ ​CO​.​,​LTD​.​”​ ​គម្រោង​បង្កើត​រោងចក្រ​កាត់ដេរ​សម្លៀកបំពាក់​ពេទ្យ​ ​ដែល​មាន​ទីតាំង​វិនិយោគ​ស្ថិតនៅ​ភូមិ​ស្រះ​សង្គម​ ​ឃុំ​ពើក​ ​ស្រុក​អង្គស្នួល​ ​ខេត្តកណ្តាល​ ​មាន​ទុន​វិនិយោគ​ប្រមាណ ៩លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន១.៩៥២កន្លែង​។​ ​ទី៣​-​“​HAO​ ​MAI​ ​(​CAMBODIA​)​ ​GARMENT​ ​CO​.​,​LTD​.​”​ ​គម្រោង​បង្កើត​រោងចក្រ​កាត់ដេរ​សម្លៀកបំពាក់​ ​ដែល​មាន​ទីតាំង​វិនិយោគ​ស្ថិតនៅ​ផ្លូវជាតិ​លេខ៤​ ​ភូមិ​បុស្ស​តា​នៃ​ ​ឃុំ​កាហែង​ ​ស្រុក​សំរោងទង​ ​ខេត្ត​កំពង់ស្ពឺ​ ​មាន​ទុន​វិនិយោគ​ប្រមាណ​ ​៣,៤លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន​ ​១.៧១១កន្លែង​។​

​៤​-​“​YUN​ ​LAI​ ​GARMENT​ ​CO​.​,​LTD​.​”​ ​គម្រោង​បង្កើត​រោងចក្រ​កាត់ដេរ​សម្លៀកបំពាក់​ ​ដែល​មាន​ទីតាំង​វិនិយោគ​ស្ថិតនៅ​ភូមិ​ដំណាក់​ធំ៣​ ​សង្កាត់​ស្ទឹងមានជ័យ​ទី៣​(​អតីត​ភូមិ​ទ្រា​ ​សង្កាត់​ស្ទឹងមានជ័យ​)​ ​ខណ្ឌមានជ័យ​ ​រាជធានី​ភ្នំពេញ​ ​មាន​ទុន​វិនិយោគ​ប្រមាណ ៤លាន​ដុល្លារ​អាមេរិក​ ​និង​អាចប​ង្កើត​ការងារ​បាន​ចំនួន១.៩២៤កន្លែង​៕​

​ដោយ​ ​គង់​ ​សូ​រិយា​

​ភ្នំពេញ​៖​ ​មន្រ្តី​ជាន់ខ្ពស់​ក្រសួងសេដ្ឋកិច្ច​ ​និង​ហិរញ្ញវត្ថុ​បាន​អះអាង​ថា​ ​តាម​ការព្យាករណ៍​របស់ក្រ​សួង​សេដ្ឋកិច្ច​ ​និង​ហិរញ្ញវត្ថុ​ ​នៅក្នុង​ឆ្នាំ២០១៩​ ​នេះ​ ​កំណើន​សេដ្ឋកិច្ច​របស់​កម្ពុជា​ ​នឹងអាច​រក្សា​បាន​ក្នុងរង្វង់៧ភាគរយ​ ​ដែល​គាំទ្រ​ដោយ​កំណើន​រឹងមាំ​ ​នៃ​វិ​ស័យ​ធំៗ​ ​ដូចជា​វិស័យ​សំណង់​ ​កាត់ដេរ​ ​កសិកម្ម​ ​វិស័យ​ទេសចរ​ ​និង​ការ​លក់ដុំ​-​លក់រាយ​ជាដើម​។​

​រដ្ឋលេខាធិការ​ក្រសួងសេដ្ឋកិច្ច​ ​និង​ហិរញ្ញវត្ថុ​លោកជំទាវ​ ​ងួន​ ​សុខា​ ​បាន​មានប្រសាសន៍​ក្នុង​ពិធី​បើក​សិក្ខាសាលា​ស្តី​ពី​ ​“​ដំណើរ​វិវឌ្ឍន៍​នៃ​បច្ចេកវិទ្យា​ហិរញ្ញវត្ថុ​”​នា​ព្រឹក​ថ្ងៃទី២៨កុម្ភៈ​នេះ​ថា​ ​នៅក្នុង​អំឡុង​ពេល​ជាង២ទស្ស​វត្ស​ចុងក្រោយ​នេះ​ ​ស្ថានភាព​ម៉ាក្រូ​សេដ្ឋកិច្ច​កម្ពុជា​មាន​លក្ខណៈ​ល្អ​ប្រសើរ​ ​គឺ​ធ្វើឲ្យ​សេដ្ឋកិច្ច​កម្ពុជា​សម្រេច​បាន​ ​កំណើន​ក្នុងរង្វង់៧ភាគរយ​ ​ប្រកប​ដោយ​បរិ​យា​ប័ន្​ន​ ​និង​សមធម៌​ ​ក្នុង​នោះ​ថែមទាំង​សម្រេច​បាន​ជា​ប្រវត្តិ​សាស្រ្ត​ ​ដោយធ្វើ​ឲ្យ​កម្ពុជា​បាន​ឆ្លង​ពី​ឋានៈ​ប្រទេស​មាន​ចំណូល​ទាប​ ​ទៅជា​ប្រទេស​មាន​ចំណូល​មធ្យម​កម្រិតទាប​នៅក្នុង​ឆ្នាំ២០១៥​ ​និង​ទាំង​ធនាគារ​អភិវឌ្ឍន៍​អាស៊ី​បាន​ចាត់ទុក​កម្ពុជា​ ​“​ជា​ខ្លា​សេ​ដុ្ឋ​កិច្ច​ថ្មី​ក្នុង​អាស៊ី​”​នៅ​ឆ្នាំ២០១៦ផង​ដែរ​។​

​លោកជំទាវ​បន្ត​ថា​ ​“​នៅក្នុង​ដំណើរការ​អភិវឌ្ឍន៍​សេដ្ឋកិច្ច​ ​រាជរដ្ឋាភិបាល​ទទួលស្គាល់​ថា​ ​វិស័យ​ធនាគារ​ ​និង​វិស័យ​ ​ហិរញ្ញវត្ថុ​មិនមែន​ធនាគារ​ ​មាន​តួនាទី​យ៉ាង​សំខាន់​ជាពិសេស​ក្នុង​ការបង្កើត​កំណើន​សេដ្ឋកិច្ច​”​។​លោក​បន្ត​ថា​ ​វិស័យ​នេះ​បាន​បំពេញ​តួនាទី​របស់​ ​ខ្លួន​កាន់តែ​ប្រសើរ​ថែមទៀត​ ​ប្រសិនបើ​វិស័យ​នោះ​អាច​ចាប់​យក​នូវ​កាលានុវត្តន៍​នៃ​បច្ចេកវិទ្យា​ទំនើប​”​។​ ​

​ការជំរុញ​កំណើន​សេដ្ឋកិច្ច​ ​វិស័យ​ហិរញ្ញវត្ថុ​បែប​ទំនើប​ ​ដែល​ពឹងផ្អែក​លើ​បច្ចេកវិទ្យា​ ​បាន​ដើរតួ​នាទី​យ៉ាង​សំខាន់​ ​ក្នុង​ការ​ជួយ​ជំរុញ​កំណើន​សេដ្ឋកិច្ច​ជាតិ​ ​ប៉ុន្តែ​វិស័យ​នេះ​នៅ​ជួប​ការ​លំបាក​ដោយសារ​ ​ចំណេះដឹង​ផ្នែក​បច្ចេកវិទ្យា​ ​ចំណេះដឹង​ពាក់ព័ន្ធ​នឹង​ហិរញ្ញវត្ថុ​ឌីជីថល​ ​និង​ការយល់​ដឹង​ ​របស់​អតិថិជន​នៅ​មានកម្រិត​ ​ព្រមទាំង​ភាព​ ​ស្មុគស្មាញ​នៃ​ប្រតិបត្តិ​ការ​ហិរញ្ញវត្ថុ​បែប​ទំនើប​ជាដើម​ ​ដែល​ជា​មូលហេតុ​ចម្បង​ជំរុញ​ឱ្យ​រាជរដ្ឋាភិបាល​គិតគូរ​ឡើងវិញ​ ​ក្នុង​ការ​អភិវឌ្ឍ​វិស័យ​ហិរញ្ញវត្ថុ​បែប​ទំនើប​ ​ដែល​ជា​បដិវត្តន៍​ឧស្សាហកម្ម​ទី៤.០នៅ​កម្ពុជា​ ​ឱ្យ​មានការ​រីក​ចំរើន​ ​តាមរយៈ​យុទ្ធ​សាស្រ្ត​ ​ចតុកោណ​ដំណាក់កាល​ទី៤​ ​និង​យុទ្ធ​សាស្រ្ត​អភិវឌ្ឍន៍​វិស័យ​ហិរញ្ញវត្ថុ​ឆ្នាំ២០១៦​-​២០២៥​ ​និង​ឯកសារ​ទស្សនាទាន​ ​ស្តី​ពី​ ​សារពើពន្ធ​អេឡិចត្រូនិក​ ​ដើម្បី​ជួយ​គាំទ្រ​ដល់​វិស័យ​ហិរញ្ញវត្ថុ​បែប​ទំនើប​ក្នុង​ការពង្រីក​អា​ជី​កម្ម​ ​និង​លើកទឹកចិត្ត​ការបង្កើត​ថ្មី​ ​(​Startup​)​ ​ផង​ដែរ​៕​

​ដោយ​ ​វុត្ថា​

​ភ្នំពេញ​៖​ ​កិច្ចប្រជុំ​កំពូល​រវាង​មេដឹកនាំ​កូ​រ៉​ខាងជើង​ ​លោ​ក​គីម​ ​ជុង​អ៊ុន​ ​និង​ប្រធានា​ធិ​តី​សហរដ្ឋអាមេរិក​ ​លោក​ដូ​ណា​ ​ត្រាំ​ដែល​រៀប​ត្រូវ​បាន​រៀបចំ​ធ្វើ​នៅក្នុង​ទីក្រុង​ហាណូយ​ ​ប្រទេស​វៀតណាម​ ​ត្រូវ​បាន​បញ្ចប់​ដោយ​ពុំ​ទទួល​បាន​កិច្ច​ព្រមព្រៀង​អ្វីមួយ​ឡើយ​។​

​យោង​តាម​ការ​ចុះផ្សាយ​របស់​សារព័ត៌មាន​ ​BBC​ ​ដោយ​បាន​ដក​ស្រង​សេចក្តី​ថ្លែងការណ៍​របស់​សេតវិមាន​ ​ដែល​ចុះ​ហត្ថលេខា​ដោយ​លោក​ ​Sarah​ ​Sanders​ ​អ្នកនាំពាក្យ​សេតវិមាន​ ​បាន​គូស​បញ្ជាប់​ ​គ្មាន​កិច្ច​ព្រមព្រៀង​ណាមួយ​ ​ត្រូវ​បានសម្រេច​នៅក្នុង​កិច្ចប្រជុំ​នា​ពេលនេះ​ទេ​ ​ប៉ុន្តែ​ភាគី​ទាំងពីរ​នឹង​បន្ត​មាន​កិច្ចប្រជុំ​លើកក្រោយ​ទៀត​ ​នា​ពេល​អនាគត​ខាងមុខ​។​

​កិច្ចប្រជុំ​នេះ​រវាង​មេដឹកនាំ​ទាំងពីរ​នេះ​ត្រូវ​បាន​គេ​រំពឹង​ថា​ ​នឹង​មាន​ផ្លែផ្កា​ខ្លះ​ ​ហើយ​មាន​កិ​ច្ច​ព្រម​ព្រៀម​ជុំវិញ​ ​បញ្ហា​ការរំសាយ​អា​វុធ​នុក្​លេ​អ៊ែ​ររបស់​កូរ៉េខាងជើង​។​

​អ្នកវិភាគ​ឯករាជ្យ​លោ​ក ​យិន​ ​លាង​គង់ ​បាន​សរសេរ​បទ​វិភាគ​មួយ​រួចហើយ​ទាក់ទង​នឹង​កិច្ចប្រជុំ​នេះ​ ​គឺជា​ការប្រជុំ​ដែល​ផ្តោត​លើ​ផលប្រយោជន៍​ ​និង​ភូមិ​សាស្រ្ត​នយោបាយ​ជាជាង​រឿង​រំសាយ​អាវុធ​នុយក្លេអ៊ែរ​ ​ហើយ​ការ​ជ្រើសរើស​វៀតណាម​ធ្វើជា​ម្ចាស់ផ្ទះ​ ​ជា​ការ​ផ្តល់​អំណាច​ ​និង​ផលប្រយោជន៍​ដល់​វៀតណាម​ ​ជា​អ្វី​ដែល​អាមេរិក​បាន​និង​កំពុង​ប្រើប្រាស់​វៀតណាម​ ​ដើម្បី​ទប់​ឥទ្ឋិ​ពល​ចិន​នៅក្នុង​តំបន់​ ​និង​បង្ហាញថា​ ​អាមេរិក​កំ​ពុង​មាន​ឥទ្ឋិ​ពល​នៅ​តំបន់​អាស៊ី​ប៉ាស៊ីហ្វិក​ ​មិនមែន​មានតែ​ចិន​នោះ​ទេ​។​

​លោក​បន្ត​ថា​ ​“​អ្នកទទួល​បានផល​ប្រយោជន៍​ធំ​ពិតប្រាកដ​ពី​កិច្ចប្រជុំ​នេះ​ ​គឺ​វៀតណាម​ ​មិនមែន​អាមេរិក​ ​និង​កូរ៉េខាងជើង​នោះ​ទេ​។​ ​និយាយ​បែបនេះ​មិនមែន​អាមេរិក​ ​និង​កូរ៉េខាងជើង​មិនបាន​ផលប្រយោជន៍​ទេ​ ​តែ​ជា​ការបាន​ផលប្រយោជន៍​ដោយប្រយោល​ ​តា​​មរ​យៈ​ការ​ពង្រីក​ឥទ្ឋិ​ពល​ក្នុង​តំបន់​ ​(​សំរាប់​អាមេរិក​)​ ​និង​កូរ៉េខាងជើង​បានផល​ប្រយោជន៍​ខាង​សេដ្ឋកិច្ច​ ​និង​ការ​បើកចំហ​ជាង​មុន​៕​

ដោយ​ ​នៅ​ ​វឌ្ឍនា​

​ព្រះសីហនុ​៖​ ​អភិបាលខេត្ត​ព្រះសីហនុ​បាន​អះអាង​ថា​ ​ការ​រីកចម្រើន​របស់​ខេត្ត​ព្រះសីហនុ​ ​បាន​ធ្វើ​ឱ្យ​ជីវភាពរស់នៅ​របស់​ប្រជាពលរដ្ឋ​ ​មាន​ជីវភាព​កំរិត​ខ្ពស់៣០ភាគរយ​ ​មធ្យម៥៥ភាគរយ​ ​និង​ទាប ១៥ភាគរយ​ ​បង្កើន​អត្រាកំណើន​សេដ្ឋកិច្ច​ក្នុង​ខេត្ត​ក្នុង​ទំហំ៨.៧ភាគរយ​ ​ធ្វើ​ឱ្យ​អត្រា​ភាព​ក្រីក្រ​ថយ​ចុះ​មក​នៅ​ត្រឹម១០.៧២ភាគរយ​។​ ​

​លោក​ ​យន្ត​ ​មីន​ ​អភិបាលខេត្ត​ព្រះ​ ​ថ្លែង​នៅក្នុង​ពិធី​បើក​សន្និបាត​បូកសរុប​លទ្ធផល​ការងារ​ឆ្នាំ២០១៨​ ​និង​លើក​ទិសដៅ​ការងារ​ឆ្នាំ២០១៩​ ​នា​ព្រឹក​ថ្ងៃទី២៨​ ​ខែកុម្ភៈ​ ​ឆ្នាំ២០១៩​ ​បាន​គូសបញ្ជាក់​ថា​ ​ឈរ​លើ​គោលនយោបាយ​របស់​រាជ​រដ្ឋា​ ​ភិបាល​អាណត្តិ​ទី៦​ ​រដ្ឋបាល​ខេត្ត​ព្រះសីហនុ​ ​សម្រេច​បាន​នូវ​សមិទ្ធផល​ជាច្រើន​លើ​គ្រប់​វិស័យ​ ​មាន​ជាអាទិ៍​ ​ប្រព័ន្ធ​ផ្លូវថ្នល់​ ​ផ្លូវ​ប្រប​ឆ្នេរសមុទ្រ​ ​ប្រព័ន្ធ​លូ​ ​សួនច្បារ​ ​ឆ្នេរសមុទ្រ​ ​និង​ប្រព័ន្ធ​ការពារ​បរិស្ថាន​ ​ដោះស្រាយ​ទំនាស់​បាន​ជា​បន្ត​ ​បន្ទាប់​ ​។​ ​ពង្រីក​ការ​អភិវឌ្ឍ​កំពង់ផែ​សមុទ្រ​ ​ព្រលា​នយន្​ត​ហោះ​អន្តរជាតិ​ ​ខេត្ត​ព្រះ​ ​សីហនុ​ ​(​កងកេង​)​ ​ជំរុញ​ការងារ​វិនិយោគ​ក្នុង​វិស័យ​កសិកម្ម​ ​ពាណិជ្ជកម្ម​ ​ឧស្សាហកម្ម​ ​និង​ទេសចរណ៍​។​

​លោក​បន្ត​ថា​ ​រដ្ឋបាល​ខេត្ត​បាន​ថែទាំ​ផ្លូវជាតិ​ ​ផ្លូវ​ខេត្ត​ចំនួន៥ខ្សែ​ ​ក្នុង​នោះ​ផ្លូវ​ក្រាល​កៅស៊ូ​ប្រភេទ AC​ ​ប្រវែង ៦៤.១៤ គីឡូ​ម៉ែត្រ​ ​ផ្លូវ​ក្រាល​កៅស៊ូ​ប្រភេទDBSTប្រវែង​ ​៨០.៧៧៥​ ​គីឡូម៉ែត្រ​ ​ស្ពានបេតុង​ ​១.៦៩៦​ ​គីឡូម៉ែត្រ​ ​និង​លូ​គ្រប់​ប្រភេទ​ ​២.៩៤៥គីឡូម៉ែត្រ​ ​។​ ​ជួសជុល​ផ្លូវ​បន្ទាន់​ ​មានផ្លូវ​ក្រាល​កៅស៊ូ​ ​AC​ ​ប្រវែង​ ​០.៤៨០​ ​គីឡូម៉ែត្រ​ ​ផ្លូវ​ក្រាល​កៅស៊ូ​ ​DBST​ ​១.៨៦០គីឡូម៉ែត្រ​ ​និង​ផ្លូវ​ក្រាល​បេតុង​ ​០.៣១១គីឡូម៉ែត្រ​ ​សាងសង់​ថ្មី​ ​ផ្លូវ​ក្រាល​បេតុង​ ​១.០០០គីឡូម៉ែត្រ​។​ ​

​លោក​យន្ត​ ​មីន​បាន​បន្ត​ថា​ ​ទន្ទឹម​នឹង​ការ​រីកចម្រើន​ ​ក៏​មាន​បញ្ហា​ប្រឈម​មួយចំនួន​ ​ដែល​យើង​ត្រូវ​ចាត់វិធានការ​អនុវត្ត​បន្ត​ឲ្យ​ ​បាន​ជោគជ័យ​ក្នុង​ឆ្នាំ២០១៩​។​ ​គោលដៅ​អាទិភាព​ក្នុង​ឆ្នាំ២០១៩​ ​បន្ត​អនុវត្ត​គោល​មន​យោ​បាយ​ ​និង​លិខិត​បទដ្ឋាន​គតិយុត្តិ​របស់​រា​ជរ​ ​ដ្ឋា​ភិបាល​ ​និង​ក្រសួងមហាផ្ទៃ​ឲ្យ​ទទួល​បាន​ជោគជ័យ​៕​