[:km]ដោយវុត្ថា
ភ្នំពេញ៖ សម្តេចតេជោហ៊ុន សែននាយករដ្ឋមន្រ្តីនៃព្រះរាជាណាចក្រកម្ពុជាបានចេញ អនុក្រិតជាផ្លូវការដើម្បីបញ្ចប់តួនាទីរបស់អគ្គនាយកដ្ឋានកាំកុងត្រូល នៅតាមប ណ្តា​មាត់ច្រកព្រំដែន និងតាមដែនកំណត់នានា។

រាជរដ្ឋាភិបាលបានសម្រេចកែសម្រួលស្ថាប័ន មានសមត្ថកិច្ចត្រួតពិនិត្យទំនិញនាំចេញ-នាំចូលដើម្បីសម្រួលពាណិជ្ជកម្ម និងពង្រឹងភាពប្រកួតប្រជែងកម្ពុជា។

យោងតាមអនុក្រឹតលេខ​២៧ អនក្រ.បក​ដែលចុះហត្ថលេខា ដោយសម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជាកាលពីថ្ងៃទ២៨ ខែមករា​ឆ្នាំ២០១៩ កន្លងមកនេះបានបញ្ជាក់ថា “ត្រូវបានបញ្ចប់តួនាទី និងភារកិច្ចពិនិត្យទំនិញនាំចូល-នាំចេញ របស់អគ្គនាយករដ្ឋកម្ពុជាត្រួតពិនិត្យទំនិញនីហរ័ណ អាហរ័ណ និងបង្ក្រាបការក្លែងបន្លំ (កាំកុងត្រូល) នៃក្រសួងពាណិជ្ជកម្ម ពីច្រកទ្វារអន្តរជាតិ ច្រកទ្វារព្រំដែនអន្តរជាតិ ច្រកទ្វាទ្វារព្រំដែនទ្វេភាគី ច្រកទ្វារតំបន់ព្រំដែន ច្រកទ្វារកំពង់ផែសមុទ្រ តំបន់សេដ្ឋកិច្ចពិសេស ទីកន្លែងសន្និធិគយបណ្តោះអាសន្ន និងទីកន្លែងត្រួតពិនិត្យទំនិញនាំចេញ-នាំចូលផ្សេងៗទៀត នៅទូទាំងព្រះរាជាណាចក្រកម្ពុជា”។

សម្តេចបន្តថា អគ្គនាយកដ្ឋានគយ និងរដ្ឋករកម្ពុជា នៃក្រសួងសេដ្ឋកិច្ច និងហិរញ្ញវត្ថុ គឺជាស្ថាប័នតែមួយគត់មានសមត្ថកិច្ច ក្នុងការត្រួតពិនិត្យទំនិញនំាចេញ-នាំចូលនៅច្រកទ្វារអន្តរជាតិ ច្រកទ្វាទ្វារព្រំដែនទ្វេភាគី ច្រកទ្វារតំបន់ព្រំដែន ច្រកទ្វារកំពង់ផែសមុទ្រ តំបន់សេដ្ឋកិច្ចពិសេស ទីកន្លែងសន្និធិគយបណ្តោះអាសន្ន និងទីកន្លែងត្រួតពិនិត្យទំនិញនាំចេញ-នាំចូលផ្សេងៗទៀត។

​
យោងតាមអនុក្រិតដដែលបានឲ្យដឹងថា ក្នុងករណីចាំបាច់ត្រូវការជំនាញឯកទេសជាក់លក្ខក្នុងការត្រួតពិនិត្យ ស្របតាមគោលការណ៍គ្រប់គ្រប់គ្រងហានីភ័យ អគ្គនាយកដ្ឋានគយ និងរដ្ឋករកម្ពុជា អាចស្នើរសុំកិច្ចសហការពីស្ថាប័នឯកទេសផ្សេងទៀត ក្នុងការត្រួពិនិត្យទំនិញនាំចេញ-នាំចូលស្របតាមការកំណត់នៃលិខិតបទដ្ឋានជាធរមាន៕

[:]

[:km]​ដោយរ៉ាវី
​ភ្នំពេញ៖ យ៉ាងហោចណាស់ក្នុង១ថ្ងៃ កម្ពុជាត្រូវការបន្លែសរុបប្រមាណ៦០០តោន ដើម្បីផ្គត់ផ្គង់តម្រូវការចំណីអាហារនៅទូទាំងប្រទេស ដែលមានទីផ្សារណាត់បន្លែចំនួន ១៨ នៅក្នុងរាជធានីភ្នំពេញ និងតាមបណ្តាខេត្ត ចំនួន ៨ ផ្សេង ជាទីតាំងចែកចាយបន្ត។

យោងតាមរយៈរបាយការណ៍ របស់អគ្គនាយកដ្ឋានកសិកម្មបានបង្ហាញថា ចំនួនបន្លែដែលត្រូវផ្គត់ផ្គង់នៅក្នុងប្រទេស គឺមានចំនួនច្រើនលើសលប់ ដែលក្នុងនោះបន្លែក្នុងស្រុកមានចំនួន៤00តោន និងនាំចូលបន្ថែមពីបណ្តាប្រទេសជិតខាងមានចំនួន១៧០តោ​ន ដែលនាំចូលមកពីប្រទេសវៀតណាម ថៃ និងប្រទេសចិនជាដើម។

អគ្គនាយកនៃអគ្គនាយកដ្ឋានកសិកម្ម នៃក្រសួងកសិកម្មរុក្ខាប្រមាញ់ និងនេសាទលោកងិន ឆាយបានមានប្រសាសន៍ឲ្យដឹងក្នុងពិធីបើកដំណើរការផ្សារបន្លែនៅក្នុងខេត្តកណ្តាលនាព្រឹកថ្ងៃទី១ កុម្ភៈនេះថា ជាការលើកស្ទួយដល់វិស័កសិកម្ម នៅកម្ពុជា និងកាត់បន្ថយការនាំចូលបន្លែពីក្រៅស្រុក តាមរយៈក្រសួងកសិកម្ម រុក្ខាប្រមាញ់ និងនេសាទ រាជរដ្ឋាភិបាល បានដាក់ចេញនូវគោលការណ៍ អនុវត្តគម្រោងស្តីពីការជំរុញផលិតកម្មស្បៀងនៅទូទាំងខេត្តគោលដៅ ជាពិសេសខេត្តកណ្តាល។

លោកបន្តថា “គម្រោងនេះបានទទួលថវិកាឧបត្ថម្ភចំនួនទឹកប្រាក់២០,២៥ លានដុល្លារពីរាជរដ្ឋាភិបាលកម្ពុជា យកមកអនុវត្តក្នុងខេត្តគោលដៅចំនួន១១ មានខេត្តតាកែវ កណ្តាល ព្រៃវែង កំពង់ស្ពឺ កំពង់ធំ កំពង់ចាម ពោធិសាត់ កំពង់ឆ្នាំង បាត់ដំបង សៀមរាប និងខេត្តត្បូងឃ្មុំ”។

រដ្ឋមន្រ្តីក្រដូងកសិកម្ម រុក្ខាប្រមាញ់ និងនេសាទ លោកវេង សាខុនបានមានប្រសា​សន៍ឲ្យដឹងនៅព្រឹកថ្ងៃដដែលនេះថា ដោយសារកំណើនសេដ្ឋកិច្ច កំនើនប្រជាជន និងកកំនើនភ្ញៀវទេសចរណ៍ និងកម្រិតជីវភាពកាន់ល្អប្រសើរ ធ្វើឱ្យនិន្នាការនៃការបរិភោគបន្លែចាំបាច់ត្រូវមានការប្រែប្រួល ដោយស្វ័យប្រវត្តិពីអសុវត្ថិភាព ទៅជាបន្លែមានសុវត្ថិភាព គុណភាព និងអនាម័យ ដើម្បីសុខភាព។

ជាមួយគ្នានេះលោករដ្ឋមន្រ្តីបានផ្តាំផ្ញើរ ឲ្យអគ្គនាយកដ្ឋានកសិកម្ម អនុវត្តន៍លើការងារសំខាន់ៗជាច្រើន ដើម្បីជំរុញឲ្យអ្នកផលិត អាជីវករ និងអ្នកបរិភោគ ឱ្យយកចិត្តទុកដាក់ និងខិតខំធ្វើការងារសំខាន់ៗមួយចំនួនទៀតទាក់ទងនឹងការដាំដុះ គុណភាព និង​សុវត្ថិភាពបន្លែ ដើម្បីធានាឲ្យបាននូវសុខភាពរបស់ប្រជាពលរដ្ឋ៕[:]

[:km]​ដោយគង់ សូរិយា
​ភ្នំពេញ៖​ មន្រ្តីជាន់ខ្ពស់ក្រសួងពាណិជ្ជកម្មបានថ្លែងថា ការធ្វើពាណិជ្ជកម្មរួមរវាងកម្ពុជា-ថៃ នឹងមានទំហំកើនឡើងដល់១៥ពាន់លានដុល្លារអាមេរិកនៅឆ្នាំ២០២០ តាមការរំពឹងទុក ខណៈទំទាក់ទំនងនៃប្រទេសទាំងពីរកាន់តែល្អប្រសើរ ជាពិសេសការចរន្តផ្នែកពាណិជ្ជកម្ម។

រដ្ឋលេខាធិការក្រសួងពាណិជ្ជលោកឈួន ដារ៉ាបានមានប្រសាសន៍ឲ្យដឹងក្នុងពិធីបើកសម្ពោធពិរព័ណពាណិជ្ជកម្មថៃTop Thai Brands 2019 នៅទីក្រុងភ្នំពេញនាថ្ងៃទី៣១ ខែមករា ឆ្នាំ២០១៩កន្លងមកថា ការរៀបចំព្រឹត្តិ​​ការ​ណ៍ប្រចាំឆ្នាំដ៏សំខាន់នេះ ជាការលើកកម្ពស់កិច្ចសហប្រតិបត្តិការសេដ្ឋកិច្ច និងពាណិជ្ជកម្ម​សម្រាប់ប្រទេសទាំងពីរ ដើម្បីគាំទ្រដល់អ្នកជំនួញទាំងអស់ និងអ្នកពាក់ព័ន្ឋពាក់ព័ន្ធក្នុងការតាំងពិពណ៌នេះ ជាពិសេសផ្តល់ឱកាសរកដៃគូ ធ្វើអន្តរកម្មជាមួយអត្ថប្រយោជន៍ពាណិជ្ជកម្មទៅវិញទៅមក ដើម្បីជម្រុញការលើកកម្ពស់ផ្នែកអាជីវកម្ម និងការធ្វើពាណិជ្ជ កម្មរវាងប្រទេសទាំងពីរឲ្យកាន់តែមានតម្លាភាព។

ឯកឧត្តមបន្តថា“ក្រោយនៃកិច្ចប្រជុំគណៈរដ្ឋមន្រ្តីរួមគ្នា នាយករដ្ឋមន្រ្តីប្រទេសទាំង​ពីរ បានដាក់គោលដៅជំរុញការធ្វើពាណិជ្ជកម្មទ្វេភាគី ឲ្យកើនឡើងដល់១៥ពាន់លានដុល្លារអាមេរិកនៅឆ្នាំ២០២០”។លោកបន្តថា “ដោយឈរលើគោលការណ៍កាន់តែរឹងមំា ទាំងផ្នែកទំនាក់ទំនងពាណិជ្ជកម្ម និងការវិនិយោគរវាងប្រទេសកម្ពុជានិងប្រទេសថៃ ដូច្នេះសន្ទុះការធ្វើពាណិជ្ជកម្មនេះ នឹងអាចកើនឡើងដល់ការកំណត់ ទៅតាមការរំពឹងទុកជាមិនខាន”។

យោងតាមរបាយការណ៍របស់ក្រសួងពាណិជ្ជកម្មបា​នបង្ហាញថា ទំហំពាណិ​ជ្ជកម្មរួមរវាងកម្ពុជា-ថៃ នៅឆ្នាំ២០១៨ កន្លងមកនេះ មានទំហំកើនឡើងជាង៨ពាន់លានដុល្លារអាមេរិក កើនឡើង៣៥ភាគរយធៀបនឹងឆ្នាំ២០១៧ ក្នុងនោះការនាំចូលពីប្រទេសថៃមានទំហំជាង៧ពាន់លានដុល្លារ និងការនាំចេញពីកម្ពុជាទៅថៃ មានទំហំប្រមាណ៧៦៨លានដុល្លារអាមេរិក៕[:]

[:km]​ដោយគង់ សូរិយា
​ភ្នំពេញ៖​ ប្រជាពលរដ្ឋកម្ពុជារាប់ចាប់តាំងពីប្រជាកសិករ រហូតដល់អ្នកជំនួញតូច ធំបានខ្ចីប្រាក់ ឬទទួលឥណទានពីស្ថាប័នហិរញ្ញវត្ថុនានាកាលពីឆ្នាំមុន មានទំហំទឹកប្រាក់រហូតដល់២៤,៥ពាន់លានដុល្លារអាមេរិក។នេះបើយោងតាមរបាយការណ៍របស់ធនាគារជាតិនៃកម្ពុជាកាលពីឆ្នាំមុន។

យោងតាមរបាយ​ការណ៍​របស់​ធនាគារជាតិនៃកម្ពុជា ដែលPropertyarea.asiaទទួលបានកាលពីព្រឹកថ្ងៃទី៣១ មករាកន្លងមកបានឲ្យដឹងថា​ ទំហំ​កម្ចី​នៅ​ក្នុង​វិស័យ​ហិ​រញ្ញវត្ថុ​កម្ពុជា​ដែល​រួម​បញ្ចូល​ទាំង​កម្ចី​ ពី​ធនាគារ និង​មីក្រូ​ហិរញ្ញវត្ថុ​មាន​ចំនួន​សរុបរហូតដល់​២៤,៥​ពាន់​លាន​ដុល្លារ​នៅ​ត្រឹម​ដំណាច់​ឆ្នាំ២០១៨ ​កើន​ឡើង​១៩ភាគរយធៀបរយៈពេលដូចគ្នាកាលពីឆ្នាំ២០១៧​។ ចំណែកទំហំ​ប្រាក់​បញ្ញើ​​វិញមានទឹកប្រាក់​​សរុប​២២,១ ពាន់​លាន​ដុល្លារ​ គឺ​កើន​ឡើង​ ១៥,៣ ​ភាគរយ​។

របាយការណ៍ដដែលបានឲ្យដឹងថា បើគិត​ត្រឹម​ដំណាច់​ឆ្នាំ ២០១៨ វិស័យ​ហិរញ្ញវត្ថុ​ទាំង​មូល​មាន​ទ្រព្យ​សកម្ម​សរុប៤០ពាន់​លាន​ដុល្លារ​ កើន​ឡើង​១៩,៤ភាគរយធៀបនឹង​ឆ្នាំ២០១៧។ របាយការណ៍ដដែលបាន​បន្ត​​ថា ​វិស័យ​ធនាគារ​ត្រូវ​បាន​ធ្វើ​ទំនើបកម្ម​ ស្រប​តាម​ការ​រីក​ចម្រើន​នៃ​បច្ចេកវិទ្យា​ហិរញ្ញវត្ថុ​ ដោយ​បាន​លើក​កម្ពស់​ហេដ្ឋា​រចនា​សម្ព័ន្ធ​ហិរញ្ញវត្ថុ​ និង​សេវា​ទូទាត់​អេឡិច​ត្រូនិក។​

បច្ចុប្បន្ន​​ប្រទេស​កម្ពុជា មាន​ធនាគារ​ពាណិជ្ជ៤៣ ធនាគារ​ឯកទេស១៤ គ្រឹះស្ថាន​​មីក្រូ​​ហិរញ្ញវត្ថុ​ទទួល​ប្រាក់​បញ្ញើ​រ៧ ​និង​គ្រឹះស្ថាន​មីក្រូ​​ហិរញ្ញវត្ថុ៧៣​​ស្ថាប័ន។

​លោកឧកញ៉ាហួត អៀងតុងប្រធានសមាគមីក្រូហិរញ្ញវត្ថុកម្ពុជាបានមានប្រសាស​ន៍ថា សុខភាពក្នុងវិស័យមីក្រូហិរញ្ញវត្ថុឆ្នាំ២០១៨មានសញ្ញាល្អប្រសើរ ដោយទំហំឥណ
ទាន និងប្រាក់បញ្ញើរបានកើនឡើង ស្របតាមស្ថានភាពនយោបាយ និងសេដ្ឋកិច្ចរបស់​ប្រទេស ហើយយើងសង្កេតឃើញថាវិស័យសេដ្ឋកិច្ចកម្ពុជានៅតែមានកំនើនរ៉ឹងមាំ។

លោ​កបន្តដោយសម្តែងសុទិដ្ឋិនិយមថា វិស័យនេះនៅឆ្នាំ២០១៩នេះ នឹងបន្តកំនើនល្អប្រសើរ​បន្ថែមទៀត ដោយសារកត្តាសុខសន្តិភាព ស្ថេរភាពនយោបាយនៅកម្ពុជា ដែលនៅតែមានភាពល្អប្រសើរ។

​ប្រធានស្តីទីសមាគមធនាគារកម្ពុជាលោកឆារស៍ វ៉ាន់បានមានប្រសាសន៍ឲ្យដឹងផងដែរថា វិស័យធនាគារនៅឆ្នាំ២០១៨កន្លងមក មិនមានវត្តមានធនាគារអន្តរជាតិច្រើនចូលមកកម្ពុជានោះទេ តែវាមិនបង្ហាញពីបញ្ហាប្រឈមណាមួយឡើយ ដោយសារចំនួនធនាគារនៅកម្ពុជាមានចំនួនច្រើនរួចទៅហើយ។
លោកបន្តថា “ទោះជាមានការប្រកួតប្រជែ​ងកើនឡើងក្នុងវិស័យនេះ តែស្ថានភាពមិនអាក្រក់នោះទេ គឺសុខភាពក្នុងវិស័យនេះ​នៅតែមានភាពល្អប្រសើរ”៕[:]