[:km]រដ្ឋាភិបាលនឹងបន្តជំរុញការកាត់បន្ថយតម្លៃដឹកជញ្ជូនដើម្បីជំរុញសេដ្ឋកិច្ច[:]

February 1, 2019

[:km]

ដោយស៊ីវ ម៉េង

ភ្នំពេញ : រដ្ឋាភិបាលនឹងបន្តកែទម្រង់លើវិស័យសំខាន់ៗជាច្រើនទៀត ពិសេសកាត់បន្ថយតម្លៃនៃការដឹកជញ្ជូន និងកាត់បន្ថយការិយាធិបតេយ្យនានា ដើម្បីជំរុញលើកកំពស់ធុរកិច្ច ក្នុងន័យបង្កើនសេដ្ឋកិច្ចកម្ពុជា។

ឧបនាយករដ្ឋមន្រ្តី អូន ព័ន្ធមុនីរ័ត្នរដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ឲ្យដឹងក្នុងវេទិកាសាធារណៈកាលពីថ្ងៃទី៣០ មករាកន្លងមកថា រាជរដ្ឋាភិបាលនឹងមានវិធានការធំៗមួយចំនួនទៀត ក្នុងនោះក្រសួងសាធារណការ និងដឹកជញ្ជូន ត្រូវរៀបចំកិច្ចប្រជុំជាបន្ទាន់ជាមួយកំពង់ផែ ក្រុមហ៊ុនដឹកជញ្ជូន ក្រុមហ៊ុននាវាចរសមុទ្រធំៗ នឹងមន្ទីរអង្គភាពពាក់ព័ន្ធ ដើម្បីពិនិត្យលទ្ធភាពបញ្ចុះថ្លៃសេវាការដឹកតាមកុងទីន័រ និងការនាំចេញនាំចូល។

លោកបន្តថា រដ្ឋាភិបាលនឹងពិចារណាកាត់បន្ថយថ្លៃសេវា និងការបង្កើនប្រសិទ្ធភាពរបស់កំពង់ផែរធំៗ ការធ្វើវិសោធនកម្មច្បាប់ស្តីពី ការវិនិយោគ និងច្បាប់ស្តីពីតំបន់សេដ្ឋកិច្ចពិសេស ការពិនិត្យ និងសិក្សាលទ្ធភាពច្របាច់បញ្ចូលគ្នានូវដំណើរការ និងសម្រួលការចុះបញ្ជីអាជីវកម្ម នៅតាមស្ថាប័ពាក់ព័ន្ធ ការពិនិត្យ និងរៀបចំជាបញ្ជីស្ថាប័ន និងពេលវេលា សម្រាប់ការចុះត្រួតពិនិត្យនៅតាមរោងចក្រ ការធ្វើការសិក្សាអំពីអត្រាភាគទានផ្នែករបបសោធន ការបន្តសិក្សាលទ្ធភាពការបញ្ចុះថ្លៃអគ្គិសនីបន្ថែមទៀត។

នៅថ្ងៃដដែលនេះ ទេសរដ្ឋមន្រ្តី រដ្ឋមន្រ្តីក្រសួងសាធារណៈការនិងដឹកជញ្ជូន លោកស៊ុន ចាន់ថុលក៏បានជួបជាមួយថ្នាក់ដឹកនាំកំពង់ផែ និងក្រុមហ៊ុនកប៉ាល់ដឹកជញ្ជូន ដើម្បីសុំសមានចិត្ត ជួយបញ្ចុះតម្លៃលើការដឹកជញ្ជូនផងដែរ។

លោកវ៉ាស៊ីម សូរិយាអ្នកនាំពាក្យក្រសួងសាធារណៈការ និងដឹកជញ្ជូនបានមានប្រសាសន៍ឲ្យដឹងតាមទូរស័ព្ទនារសៀលថ្ងៃទី៣១ មករានេះថា កាលពីថ្ងៃម្សិលម៉ិញឯកឧត្តមទេសរដ្ឋមន្រ្តីពិតជាបានជួបជាមួយថ្នាក់ដឹកនាំកំពង់ផែ និងក្រុមហ៊ុនកប៉ាល់ ហើយជាលទ្ឋផល ពួកគេសន្យាបញ្ចុះតម្លៃជូនកម្ពុជា ប៉ុន្តែការបញ្ចុះតម្លៃក្នុងកម្រិតណា លោកមិនទាន់ដឹងនៅឡើយទេ។

លោកបន្តថា “ខាងក្រុមហ៊ុនដឹកជញ្ជូន ពិបាកក្នុងការបញ្ចុះតម្លៃ ដោយសារទំហំនៃការដឹកជញ្ជូនរបស់យើង ប៉ុន្តែពួកគេសន្យាសិក្សានិងដាក់ឯកសារជូនក្រសួង មុនពេលបញ្ជូនទៅសម្តេចតេជោនាយករដ្ឋមន្រ្តី”។លោកបន្តថា “លើសពីនេះ ក្រសួងនឹងសហការជាមួយដៃគូអភិវឌ្ឍន៍ ដើម្បីរៀបចំសវនកម្មកំពង់ផែ ដើម្បីធ្វើយ៉ាងណាឲ្យប្រតិបត្តិការរបស់ផែមានប្រសិទ្ឋភាពខ្ពស់”៕

[:]

រដ្ឋាភិបាលនឹងសិក្សាលើការកាត់បន្ថយចំនួនថ្ងៃឈប់សំរាកប្រចាំឆ្នាំ

January 31, 2019

0

[:km]ដោយ គង់ សូរិយា

ភ្នំពេញ៖ មន្ត្រីជាន់ខ្ពស់នៃរដ្ឋាភិបាលកម្ពុជាបានអះអាងថា រដ្ឋាភិបាលនឹងពិនិត្យ ពិភាក្សាឡើងវិញ អំពីចំនួនថ្ងៃឈប់សំរាកប្រចាំឆ្នាំឡើងវិញ នាពេលឆាប់ៗខាងមុខនេះ។

ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុលោកអូន ព័ន្ឋមុនីរ័ត្នបានមានប្រសាសន៍ក្នុងកិច្ចប្រជុំ កាលពីថ្ងៃទី៣០ មករា កន្លងមកថា រដ្ឋាភិបាលនឹងពិនិត្យ និងពិភាក្សាឡើងវិញអំពីថ្ងៃឈប់សម្រាកឡើងវិញនាពេលខាងមុខនេះ។ ទោះជាយ៉ាងណាលោកមិនបញ្ជាក់ពីព៌តមានលំអិតថា ពេលណាដែលកិច្ចពិភាក្សានឹងត្រូវរៀបចំឡើងនោះទេ។

យោងតាមប្រតិទិនឈប់សំរាកប្រចាំឆ្នាំរបស់កម្ពុជា កាលពីឆ្នាំ២០១៩ កម្ពុជាមានថ្ងៃបុណ្យ ដែលត្រូវឈប់សំរាកប្រចាំឆ្នាំរបស់កម្ពុជាមានចំនួន២៨ថ្ងៃ ដែលចំនួននេះមិនទាន់រាប់បញ្ចូលថ្ងៃសៅរ៍ ឬអាទិត្យឬថ្ងៃបន្ថែមនោះទេ។

លោកឧកញ៉ាលឹម ហេងអនុប្រធានសភាពាណិជ្ជកម្មកម្ពុជាបានថ្លែងថា ទាក់ទងបញ្ហាថ្ងៃឈប់សំរាកនេះ សភាពាណិជ្ជកម្ម និងក្រសួងការងារបានលើកពីបញ្ហានេះទៅកាន់ឯកឧត្តមឧបនាយករដ្ឋមន្ត្រីអូន ព័ន្ឋមុនីរ័ត្នរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ហើយឯកឧត្តមបានឯកភាពនឹងទទួលយកទៅសិក្សា ដែលនេះជាសញ្ញាភ្លើងខៀវមួយសំរាប់កម្ពុជា។

លោកបន្តថា “ការកាត់បន្ថយថ្ងៃឈប់សំរាក ជាការចូលរួមកាត់បន្ថយថ្លៃដើមក្នុងការផលិត ហើយនៅកម្ពុជាមានបញ្ហារឿងថ្ងៃឈប់សំរាកច្រើនជាងគេ ដោយមួយឆ្នាំមានចំនួន២៨ថ្ងៃនៅឆ្នាំ២០១៩នេះ។លោកបន្តថា “បើថ្ងៃឈប់សំរាកចំថ្ងៃសៅរ៍ឬអាទិត្យហើយលើកថ្ងៃទៀត គឺជាបញ្ហាដែលធ្វើឲ្យមានការស្ទះសង្វាក់ផលិតកម្មមួយចំនួន។

លោកឧកញ៉ាលឹម ហេងបានបន្តថា ប្រាក់ខែគោលរបស់កម្មករ និយោជិតខ្ពស់ហើយ ហេតុនេះគួរកាត់បន្ថយថ្ងៃឈប់សំរាកខ្លះ ហើយលោករំពឹងថាសម្តេចតេជោលោកនឹងពិចារណាលើរឿងនេះ៕[:]

Oknha Lim Heng: The policy of institutional mitigation will make the private sector prosper

January 31, 2019

0

[:km]By Siv Meng

Phnom Penh: A senior official of the Cambodia Chamber of Commerce expressed appreciation for the Royal Government’s policy of reducing the relevant institutions and implementing various procedures, which will help accelerate the private sector and provide more convenient, especially attract more investors.

Okhna Lim Heng, vice president of CCC, said at the meeting of the Legal and Corporate Governance Tax and Governance Working Group Meeting of Government Forum in the morning of January 30, 2019 that, of course, relevant institutions and other enforcement procedures is the cause the loss of state revenue, and it has joined the largest contribution in the private sector and helps accelerate, provide easiness, and especially attract domestic and foreign investors.

“The meeting today has got a great result, so what the appreciation is that the government has put in place a number of policies that are part of helping the private sector to make a living, regardless of whether you are foreign or domestic investor,” Okhna Lim Heng said. In this regard, he said it is the best news for the private sector.

Deputy Prime Minister, Minister of Economy and Finance, Dr. Aun Porn Moniroth, said recently Samdech Techo Prime Minister has laid out a plan in the past and in the present, reforming two major parts to make friend inside and outside countries to strengthen Cambodia’s competitiveness as a way to promote and facilitate the ongoing practice.

He said that Samdech Techo’s measures include reducing electricity costs, canceling CO issuance for the country, cutting the role of the General Department of Camcontrol, cancellation of the KAMSAB Unit, solving private sector concerns and the introduction of the Ministry of Economy and Finance to The General Department of Taxation on the Online System for the Management of VAT. For the above procedures, the Royal Government has been implementing and preparing, in addition to the reforms that have been implemented, and subsequent adjustments.[:]

ក្រុមហ៊ុនអាកាសចរណ៍ជាតិកម្ពុជាអង្គរអ៊ែរប្រកាសបង្កើនជើងហោះហើរ ទៅប្រទេសចិន

January 31, 2019

0

[:km]ដោយស៊ីវ ម៉េង
ភ្នំពេញ៖ ក្រុមហ៊ុនអាកាសចរណ៍ជាតិកម្ពុជាអង្គរអ៊ែរបានអះអាងថា ក្រុមហ៊ុននេះនឹងពង្រីកសេវាកម្មរបស់ខ្លួន តាមរយៈការបង្កើនជើងហោះហើរទៅកាន់ប្រទេសចិន សំរាប់ទីផ្សារចំបងរបស់ខ្លួន។
អគ្គនាយយករងក្រុមហ៊ុនអាកាសចរណ៍ជាតិ Cambodia Angkor Air លោកលឹម កៅ បានអោយដឹងកាលពីព្រឹកថ្ងៃទី៣០ មករាកន្លងមកថា ដើម្បីសម្រួលការធ្វើដំណើរកម្សាន្ត ទៅមករបស់ភ្ញៀវទេសចរណ៍ចិន ក្រុមហ៊ុនCambodia Angkor Air កំពុងរបៀបចំការហោះហើទៅកាន់ខេតផ្សេងៗទៀតរបស់ប្រទេសចិន ព្រមទាំងបង្កើនការហោះហើត្រង់ទៅមកអោយបានកាន់តែច្រើនបន្ថែមទៀត។

លោកបន្តថា “ក្នុងឆ្នាំ២០១៨កន្លងទៅថ្មីនេះ អាកាសយានដ្ឋានអន្តរជាតិភ្នំពេញ ទួលភ្ញៀវទេសចរណ៍អន្តរជាតិប្រមាណ១០លាននាក់ ក្នុងនោះភ្ញៀវទេសចរណ៍ចិនមានចំនួនច្រើនជាងគេ”។ លោកបន្តថា “ការកើនឡើងចំនួនភ្ញៀវទេសចរណ៍បរទេសមកកាន់កម្ពុជា ធ្វើអោយកម្ពុជាអង្គរអ៊ែទទួលបានចំណូលកាន់តែច្រើនផងដែរ”។

ការហោះហើរត្រង់របស់កម្ពុជាអង្គរអ៊ែទៅកាន់ប្រទេសចិន បច្ចុប្បន្នមានការហោះពីភ្នំពេញទៅ គ័ងចូវ ភ្នំពេញទៅសៀងហៃ សៀមរាបទៅប៉េកាំង និងក្រៅពីនោះក៏មានការហោះហើរ ហើយដែលត្រូវបានជួលផ្តាច់ពីបណ្តាភ្នាក់ងារទេសសចរណ៍នៅតាម បណ្តាខេត្តរបស់ប្រទេសចិន។ ក្រុមហ៊ុននេះក៏មានការហោះទៅកាន់ខេត្តស៊ីនចិន ណាននីង និងបណ្តាទីក្រុងនិងខេត្តផ្សេងៗទៀត។

ក្រមហ៊ុនអាកាសចរណ៍កម្ពុជាអង្គរអ៊ែ ត្រូវបានប្រសិទ្ធិនាមដោយក្រសួងទេសចរណ៍ថា ជាក្រុមហ៊ុនអាកាសចរណ៍ល្អបំផុតនៅកម្ពុជា សំរាប់ឆ្នាំ២០១២ ២០១៤ និងឆ្នាំ ២០១៨។ បច្ចុប្បន្នក្រុមហ៊ុនកំពុងបម្រើសេវាកម្មហោះហើយប្រចាំប្រទេសកម្ពុជា ក៏ដូចជាគោលដៅយុទ្ធសាស្រ្ត នៅក្នុងប្រទេសវៀតណាម និងចិន។

យោងតាមរបាយការណ៍របស់ក្រសួងទេសចរណ៍បានឲ្យដឹងថា កាលពីឆ្នាំ២០១៨កន្លងមកនេះ កម្ពុជាទទួលបានភ្ញៀវទេសចរណ៍អន្តរជាតិចំនួន៦,២លាននាក់ ក្នុងនោះភ្ញៀវទេសចរណ៍ចិនមានចំនួន១,៩លាននាក់ ហើយតាមការព្យាករណ៍កម្ពុជានឹងទទួលបានភ្ញៀវទេសចរណ៍ចិន៥លាននាក់នៅឆ្នាំ២០២៣ និង៩លាននាក់នៅឆ្នាំ២០៣០ខាងមុខនេះ៕[:]

មន្រ្តីជំនាញថាប្លង់គោលហេដ្ឋារចនាសម្ព័ន្ធមានសារៈសំខាន់ដើម្បីធានាការអភិវឌ្ឍ

January 31, 2019

0

[:km]ដោយគង់ សូរិយា
ភ្នំពេញ៖ មន្រ្តីជំនាញនៃមន្ទីររៀបចំដែនដី នគរូបនីកម្ម និងសំណង់ ខេត្តកណ្តាលបានអះអាងថា ការរៀបចំប្លង់គោលសម្រាប់ប្រព័ន្ធហេដ្ឋារចនាសម្ព័ន្ធ មានសារៈសំខាន់ណាស់ដើម្បីធានាការអភិវឌ្ឍប្រកបដោយចីរភាព។

លោក លឹម ចាន់សូភី ប្រធាមន្ទីររៀបចំដែនដី នគរូបនីកម្ម និងសំណង់ ខេត្តកណ្តាលបានថ្លែងក្នុងកិច្ចប្រជុំពិគ្រោះយោបល់ អំពីផែនទីប្លង់គោលសម្រាប់ប្រព័ន្ធហេដ្ឋារចនាសម្ព័ន្ធ នៅថ្ងៃទី៣០ ខែមករា ឆ្នាំ២០១៩កន្លងមកថា ដោយមើលឃើញពីសារៈសំខាន់ ពីផែនទីប្លង់គោល សម្រាប់ប្រព័ន្ធហេដ្ឋារចនាសម្ព័ន្ធនេះ មន្ទីរបានខិតខំធ្វើផែនទី ដើម្បីកំណត់នូវនិយាមការឲ្យបានច្បាស់លាស់ ព្រោះការរៀបចំប្លង់គោលសម្រាប់ប្រព័ន្ធហេដ្ឋារចនាសម្ព័ន្ធ គឺមានសារៈសំខាន់ណាស់ ក្នុងការអភិវឌ្ឍន៍នៅមូលដ្ឋាន កាលណានៅតាមមូលដ្ឋានមានប្រព័ន្ធផ្លូវថ្នល់ធំ វាអាចជួយសម្រួលដល់ការរស់នៅ និងការធ្វើអាជីវកម្មផ្សេងៗ ជាពិសេសការធ្វើអាជីវកម្មលើបញ្ហាដីធ្លី និងការជួយដល់ដល់ករណី ដែលកើតមានឡើងជាយថាហេតុ និងជាទស្សនៈគិតគូរវែងឆ្ងាយ ដើម្បីធានាការអភិវឌ្ឍន៍ដែនដី និងនគរូបនីយកម្ម ប្រកបដោយចីរភាព។

លោកបន្តថា “កន្លងមកឯកឧត្តមជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីកម្ម និងសំណង់ បានដាក់ចេញលិខិតហាមឃាត់ដល់មេឃុំ សង្កាត់ មិនឲ្យចុះហត្ថលេខានៅលើលិខិត ប្រគល់សិទ្ធទៀតនោះឡើយ”។លោកបន្តថា “ការផ្ទេសិទ្ធត្រូវមានប្លង់យាមការណ៍ ចេញដោយការិយាល័យរៀបចំដែនដីក្រុង ស្រុក ទើបការចុះហត្ថលេខានេះមានប្រសិទ្ធភាព មិនឲ្យមានវិវាទដីធ្លីនេះតទៅទៀត”។

លោកលឹម ចាន់សូភីបានបន្តថា ការអភិវឌ្ឍ និងការអនុវត្តហេដ្ឋារចនាសម្ព័ន្ធ មិនថានៅទីណា ឬមូលដ្ឋានណានោះឡើយ ពិតជាចៀសមិនផុតប្រតិកម្មពីសាធារណៈជន ដូច្នេះនៅពេលចាប់ផ្តើមគូរប្លង់គោល សម្រាប់ការស្ថាបនាផ្លូវ ជាពិសេសការចុះអនុវត្តន៍ សូមឲ្យប្រជាពលរដ្ឋជយយសម្រួល និងត្រូវគិតគូរអំពីផលប៉ះពាល់ ព្រោះការកសាងហេដ្ឋារចនាសម្ព័ន្ធប្រព័ន្ធផ្លូវ គឺជាការគិតគូដល់ផលប្រយោជន៍យើងទាំងគ្នា និងជាការគិតគូរដល់កូនចៅជំនាន់ក្រោយៗជាបន្តទៀត និងទុកជាកេរមរតកទៅតាមសម័យកាល៕[:]

រដ្ឋមន្ត្រីសេដ្ឋកិច្ច៖ វិស័យឯកជនចំណេញជាង៥០លានដុល្លាអាមេរិកពីការលុបចោលស្ថាប័នបីធំៗ

January 31, 2019

0

[:km]ដោយ គង់ សូរិយា

ភ្នំពេញ៖ មន្ត្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុបានអះអាងថា ការកាត់បន្ថយស្ថាប័ន និងការអនុវត្តន៍នីតិវិធីផ្សេងៗមួយចំនួន របស់រាជរដ្ឋាភិបាល ជាពិសេសការលុបចោលអង្គភាពធំៗចំនួន៣របស់រដ្ឋ នឹងធ្វើឲ្យវិស័យឯកជនទទួលនូវប្រាក់ចំណេញជាង៥០លានដុល្លារ តែធ្វើឲ្យរាជរដ្ឋាភិបាល នឹងបាត់បង់ចំណូលក្នុងទំហំដ៏ធំផងដែរ។

លោកបណ្ឌិត អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងលើកឡើងនៅក្នុងកិច្ចប្រជុំក្រុមការងារ ផ្នែកនីតិកម្ម ពន្ធដារ និងអភិបាលកិច្ច នៃវេទិការរាជរដ្ឋាភិបាល និងផ្នែកឯកជនកាលពីថ្ងៃទី៣០ ខែមករា ឆ្នាំ២០១៩កន្លងមកថា ចំពោះការលុបចោលស្ថាប័នធំៗទាំង៣ រួមមាន ការលុបចោលការចេញ C.O សម្រាប់ប្រទេស ការបញ្ចប់តួនាទីអគ្គនាយកដ្ឋានកាំកុងត្រូល និងការលុបចោលអង្គភាពកាំសាប ក្នុងនោះចំពោះការលុបចោលការចេញ C.O សម្រាប់ប្រទេស រួមមានកម្រៃផ្សេងៗទៀត តាមការប៉ានស្មានជាបថមនៅក្នុងវិស័យកាត់ដេរ សម្លៀកបំពាក់និងស្បែកជើង នឹងអាចទទួលបានប្រាក់ចំណេញជាទឹកប្រាក់ ក្នុងទំហំប្រមាណប្រហែលជាង១៣ លានដុល្លាអាមេរិក។

រីឯការបញ្ចប់តួនាទីអគ្គនាយកដ្ឋានកាំកុងត្រូល ពីមាត់ច្រកអន្តរជាតិព្រំដែនគោក អាកាសយានដ្ឋាន និងកំពង់ផែ រួមជាមួយការត្រួតពិនិត្យទំនិញនាំចេញ តាមការប៉ានស្មាន វិស័យឯកជននឹងទទួលបានប្រាក់ចំណេញប្រមាណជាង៤០លានដុល្លាផងដែរ។ដោយឡែកការលុបចោលអង្គភាពកាំសាប នឹងចូលរួមចំណែកកាត់បន្ថយថ្លៃនៃសេវាមួយចំណែកទៀត ដែលធ្វើឲ្យក្រុមនាវាចរនឹងមានលទ្ធភាព ពិនិត្យពិចារណា បញ្ចុះថ្លៃនូវសេវាដឹកជញ្ជូនរបស់ខ្លួនផងដែរ ។

លោកអូន ព័ន្ឋមុនីរ័ត្នបានបន្តឲ្យដឹងផងដែរថា វិធានការចង្អុលបង្ហាញរបស់សម្តេចតេជោដ៏ខ្ពង់ខ្ពស់រួមមាន ការកាត់បន្ថយថ្លៃអគ្គិសនី ការលុបចោលការចេញ C.O សម្រាប់ប្រទេស ការបញ្ចប់តួនាទីអគ្គនាយកដ្ឋានកាំកុងត្រូល ការលុបចោលអង្គភាពកាំសាប និងការដោះស្រាយកង្វល់វិស័យឯកជន ក្នុងនោះមានអង្គភាពធំៗចំនួន៣ នឹងបានជួយដល់វិស័យឯកជន ក្នុងការរកស៊ីទទួលទានកាន់តែប្រសើរឡើង៕[:]

CVEA ចាប់ផ្តើមពង្រីកការចងសម្ព័ន្ឋការងារជាមួយសមាគមពាក់ព័ន្ឋដើម្បីលើកកំពស់វិស័យនេះ

January 31, 2019

0

[:km]ដោយ ស៊ីវ ម៉េង

ភ្នំពេញ៖ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA)បាននិងកំពុង ពង្រីកការចងសម្ព័ន្ឋភាព និងសហការជាមួយសមាគមពាក់ព័ន្ឋក្នុងវិស័យនេះ ដើម្បីពង្រីកបណ្តាញទីផ្សារ ក៏ដូចជារួមគ្នាដើម្បីលើកកំពស់ការអភិវឌ្ឍក្នុងវិស័យនេះ។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី៣១ មករានេះថា ការជួបជាមួយថ្នាក់ដឹកនាំសមាគមពាក់ព័ន្ឋ ធ្វើឡើងក្នុងគោលដៅសុំសិក្សារៀនសូត្រពីរៀមច្បង ក្នុងវិស័យនេះ ក៏ដូចជា ដើម្បីបង្កើនទំនាក់ទំនង និងបណ្តាញការងារ ដើម្បីជួយសមាជិកសមាគមអាចធ្វើការជាមួយអ្នកអភិវឌ្ឍន៍នានា ដែលអាចនាំយកមកនូវផលប្រយោជន៍ទៅវិញទៅមក។

កាលពីសប្តាហ៍មុន និងសប្តាហ៍នេះ ថ្នាក់ដឹកនាំនិងសមាជិកសមាគម CVEA បានជួបជាមួយលោកឧកញ៉ា លី ហួរ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជា និងជួបជាមួយអ្នកឧកញ៉ា ពុង ឃាវសែ ប្រធានសមាគមអ្នកសាងសង់កម្ពុជា។

លោកបន្តថា “ការជួបជាមួយថ្នាក់ដឹកនាំសមាគមនានា ក៏ដើម្បីរឹតចំណងសាមគ្គីភាពរវាងសមាគមនិងសមាគម ព្រោះសមាគមទាំងនោះបាននិងកំពុងធ្វើការក្នុងវិស័យនេះដូចគ្នា តែក្នុងផ្នែកជំនាញខុសៗគ្នា។លោកបន្តថា “យើងនឹងចុះអនុស្សរណៈរួមគ្នានាពេលខាងមុខនេះជាមួយសមាគមអ្នកសាងសង់កម្ពុជា និងសមាគមអ្នកអភិវឌ្ឍន៍លំនៅដ្ឋានកម្ពុជា ដើម្បីពង្រឹងចំណងទាក់ទងការងារកាន់តែប្រសើរឡើង។

លោកច្រឹក សុខនីមបានបន្តថា ការសហការជាមួយសមាគមខាងលើ ក៏ដើម្បីធ្វើយ៉ាងណាឲ្យសមាជិកសមាគមមានឳកាសបានស្គាល់ និងធ្វើការជាមួយអ្នកអភិវឌ្ឍន៍នានា ដើម្បីផ្លាស់ប្តូរព៌តមានគ្នា និងបំពេញឲ្យគ្នាទៅវិញទៅមក ពិសេសធ្វើយ៉ាងណាឲ្យសមាជិកសមាគមអាចធ្វើការងារជាមួយអ្នកអភិវឌ្ឍន៍នានា ដើម្បីអាចទទួលបានគំរោងអភិវឌ្ឍន៍មួយចំនួនយកមកលក់ និងទទួលបានផលកម្រៃ ដែលវាជាយុទ្ឋសាស្ត្រឈ្នះ ឈ្នះទាំងអស់គ្នា៕

[:]

២០១៨ ជាឆ្នាំមាសសម្រាប់ខេត្តព្រះសីហនុ ដែលមានការអភិវឌ្ឍន៍យ៉ាងគំហុក

January 31, 2019

0

[:km]ដោយ វុត្ថា

ភ្នំពេញ៖ មន្ត្រីជាន់ខ្ពស់នៃខេត្តព្រះសីហនុបានឲ្យដឹងថា រយៈពេលពេញមួយឆ្នាំ២០១៨ ខេត្តព្រះសីហនុមានការអភិវឌ្ឍយ៉ាងគំហុក ដោយមានការសាងសង់អគារពាណិជ្ជកម្ម ខុនដូរ សណ្ឋាគារ រោងចក្រ សហគ្រាស និងហេដ្ឋារចនាសម្ព័ន្ធនានាត្រូវបានកសាងឡើងជាបន្តបន្ទាប់។

ថ្លែងនៅក្នុងជំនួបជាមួយប្រតិភូគណៈកម្មាការទី៩ នៃរដ្ឋសភា កាលពីថ្ងៃទី ៣០ ខែមករា ម្សិលមិញនេះ លោកស្រី ហៀក ហ៊ីមិល្លី អភិបាលរងខេត្តព្រះសីហនុ បានបញ្ជាក់ថា ទន្ទឹមនឹងការអភិវឌ្ឍរីកចម្រើន ក៏នៅមានបញ្ហាប្រឈមមួយចំនួនដូចជា ក្នុងរដូវវស្សា ឆ្នាំ២០១៨ ភ្លៀងធ្លាក់ជាបន្តបន្ទាប់ធ្វើឱ្យហេដ្ឋារចនាសម្ព័ន្ធផ្លូវថ្នល់ ប្រពន្ធ័លូរ មានការខូចខាត យ៉ាងច្រើន ក៏ប៉ុន្តែរដ្ឋបាលខេត្តបានធ្វើការជួសជុល និងដោះស្រាយជាបណ្ដើរធ្វើអោយ ហេដ្ឋារចនាសម្ព័ន្ធក្នុងក្រុង មានភាពល្អប្រសើរឡើងវិញ។

លោកស្រីបន្តថា នៅឆ្នាំ២០១៨ កន្លងមក កំណើនភ្ញៀវទេសចរមានការកើនឡើងពី១០ទៅ១៥ភាគរយ ហើយភ្ញៀវទេសចរចិន និងអ្នកវិនិយោគចិននាំមុខគេសម្រាប់ខេត្តព្រះសីហនុ។រដ្ឋបាលខេត្តបានអនុវត្តគោលនយោបាយយុទ្ធសាស្ត្រ របស់រាជរដ្ឋាភិបាលក្នុងការគៀងគរភ្ញៀវទេសចរ និងអ្នកវិយោគមកកាន់ខេត្តព្រះសីហនុបន្តទៀត។

លោកស្រីអភិបាលរងខេត្តបានបន្ថែមថា រដ្ឋបាលខេត្តបានអនុវត្តនូវគោលការណ៍ចំនួន៣ដូចជា ទី១ ពង្រឹងការអនុវត្តច្បាប់ ទី២ ការដោះស្រាយវិវាទដីធ្លី និងទី៣ ជំរុញការងារបរិស្ថាន សណ្ដាប់ធ្នាប់សាធារណៈ និងសុវត្ថិភាពសាធារណៈជូនភ្ញៀវទេសចរណ៍ក៏ដូចជាប្រជាពលរដ្ឋ ពិសេសកម្លាំងសមត្ថកិច្ចទាំង៣ ប្រភេទបានអនុវត្តតួនាទី ភារកិច្ច និងធ្វើជាសេនាធិការឱ្យរដ្ឋបាលខេត្ត ដើម្បីដោះស្រាយបញ្ហាសំណើ និងសំណូមពរផ្សេងៗរបស់ប្រជាពលរដ្ឋបានទាន់ ពេលវេលា ។

លោកស្រីនិន សាផុន ប្រធានគណៈ កម្មការទី៩ នៃរដ្ឋសភា បានកោតសរសើររដ្ឋបាលខេត្តបានអនុវត្តការងារបានល្អប្រសើរ ធ្វើឲ្យអ្នកវិនិយោគ និងភ្ញៀវទេសចរណ៍ មានទំនុកចិត្តមកធ្វើការវិនិយោគនៅខេត្តព្រះសីហនុ មានការកើនឡើង និងរំពឹងថា សម្រាប់ឆ្នាំ ២០១៩ នេះ ខេត្តព្រះសីហនុ នឹងមានការរីកចម្រើនបន្ថែមទៀត៕[:]

ក្រុមហ៊ុនយក្សចិន Prince Real Estate បើកផ្សារទំនើបទី៤ នៅក្រុងភ្នំពេញ

January 31, 2019

0

[:km]ដោយ គង់ សូរិយា

ភ្នំពេញ៖ ក្រុមហ៊ុនអចលនទ្រព្យលំដាប់យក្សមកពីប្រទេសចិន បានបើកសម្ភោធផ្សារPrince Supper Market ជាផ្សារទំនើបទី៤ដែលផ្តោតលើមុខទំនិញជិត៣ពាន់មុខ នៅទីក្រុងភ្នំពេញ ដែលអំណាចនៃការទិញរបស់ប្រជាជនក្នុងទីក្រុងនេះកំពុងកើនឡើង។

លោក ឈិន ចិពីង នាយកប្រតិបត្តិផ្សារទំនើប Prince Super Market បានមានប្រសាសន៍ឲ្យដឹងក្នុងពិធីសម្ភោធផ្សារទំនើបនេះកាលពីថ្ងៃទី៣០ មករាកន្លងមកថា វត្តមានផ្សារទំនើបទី៤របស់ Prince Supper Market នៅក្នុងទីតាំងនេះជាការឆ្លើយតបនឹងតម្រូវការនៃការទិញទំនិញប្រើប្រាស់ អាហារប្រចាំថ្ងៃ បន្លែផ្លែឈើ និងទំនិញសំខាន់ផ្សេងៗទៀត ដែលមានលក់ក្នុងផ្សារទំនើបថ្មីនេះ ជាមួយនឹងការថែមជូនពិសេសនូវ ប្រមូសិន រហូតដល់៣០ភាគរយ ទៅតាមមុខទំនិញផ្សេងៗ រហូតដល់បំណាច់ពិធីបុណ្យចូលឆ្នាំចិន។

លោកបន្ថែមថា ផ្សារទំនើបទី៤ Prince Supper Market នេះ មានទំនិញចំរុះជាច្រើនពាន់មុខ ដោយទំនិញទាំងនោះប្រមាណជា៣៥ភាគរយ ជាផលិតផលរបស់ខ្មែរ និងក្រៅពីនោះជាផលិតផលនាំចូលពីក្រៅប្រទេសដូចជា ចិន ថៃ និងជប៉ុន ជាដើម។ ផ្សារទំនើបនេះ មានគោលការណ៍រួម៤យ៉ាងគឺ សេវាកម្ម ផលិតផល តម្លៃ ភាពស្រស់នៃទំនិញ សម្រាប់ប្រជាជនកម្ពុជា ដែលមានជីវភាពមធ្យម អាចទិញទំនិញប្រកបដោយគុណភាពល្អ ការបញ្ចុះតម្លៃ។

នៅទីក្រុងភ្នំពេញចំនួនផ្សារទំនើបបាន និងកំពុងកើនឡើងជាបន្តបន្ទាប់ ដោយកាលពីឆ្នាំ២០១៨ ផ្សារទំនើបចំនួន១៣គ្រោងបើកដំណើរការ ប៉ុន្តែផ្សារខ្លះបានពន្យាពេលបើកដំណើរការ ដោយសារការសាងសង់មិនទាន់ពេលវេលា។

អ្នកនាង អាន សុធីតា នាយិកាប្រចាំប្រទេសនៃក្រុមហ៊ុន CBRE Cambodia បានថ្លែងថា ចំនួនផ្សារទំនើបនៅកម្ពុជាពិតជាបានកើនឡើងច្រើន ប៉ុន្តែមិនទាន់លើសតម្រូវការនោះទេ ដោយសារផ្សារទំនើបទាំងនោះបានចាប់យកចំណែទីផ្សារខុសៗគ្នា និងតំបន់ខុសៗគ្នា ប៉ុន្តែបើសិនជាផ្សារទំនើបបន្តកើនឡើងខ្លាំង នឹងធ្វើឲ្យទីផ្សារនេះកាន់តែប្រកួតប្រជែង និងអាចលើសតម្រូវការ។

អ្នកនាងបន្តថា “ផលិតផលនៅតាមបណ្តាផ្សារទំនើបនានាននៅកម្ពុជា ដែលទទួលបានការគាំទ្រជាងគេ គឺប្រភេទអាហារ ភេសជ្ជៈ និង Fashion”៕[:]

កម្ពុជា-ចិន បើកសម្ពោធឆ្នាំទេសចរណ៍ និងវប្បធម៌ជាលើកដំបូង

January 31, 2019

0

[:km]ដោយ វុត្ថា

ភ្នំពេញ៖ ប្រទេសកម្ពុជា និងចិនបានបើកសម្ពោធឆ្នាំទេសចរណ៍ និងវប្បធម៌ជាលើកដំបូង ដែលបានប្រព្រឹត្តទៅសាលសន្និសីទចតុមុខ កាលពីរាត្រីថ្ងៃទី ៣០ ខែមករា ឆ្នាំ២០១៩កន្លងមកនេះ ក្រោមអធិបតីភាព លោក ឧបនាយករដ្ឋមន្ត្រី ហោ ណាំហុង តំណាងដ៏ខ្ពស់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងមានការចូលរួមពីក្រសួងស្ថាប័នពាក់ព័ន្ធ ប្រតិបត្តិករទេសចរណ៍ និងផ្នែកឯកជននៃប្រទេសទាំងពីរ។

តាមរយៈការរៀបចំបើកសម្ពោធឆ្នាំទេសចរណ៍ និងវប្បធម៌ កម្ពុជា-ចិន លើកដំបូងនេះ នឹងជួយជម្រុញដ់ការស្រូបទាញកំណើនទេសចរ និងវិនិយោគិនចិនមកកម្ពុជាកាន់តែច្រើនថែមទៀត ពិសេសនឹងពង្រឹងបន្ថែមទៀតនូវមូលដ្ឋានទំនាក់ទំនង និងកិច្ចសហការផ្នែកទេសចរណ៍ និងវប្បធម៌ កាន់តែរឹងមាំ ជិតស្និទ្ធ និងផ្សារភ្ជាប់បេះដូង ដួងចិត្តនិងមនោសញ្ចេតនារវាងប្រជាជននៃប្រទេសទាំងពីរកាន់តែរឹងមាំ និងស៊ីជម្រៅ សំដៅចូលរួមចំណែកដល់ការបង្កើតសហគមន៍រួមដែលមានវាសនាតែមួយ។

លោកឧបនាយករដ្ឋមន្ត្រី ហោ ណាំហុង បានមានប្រសាសន៍ក្នុងពិធីខាងលើថា ឆ្នាំវប្បធម៌-ទេសចរណ៍កម្ពុជា-ចិននាឆ្នាំ២០១៩នេះ នឹងធ្វើឱ្យទំនាក់ទំនង និងកិច្ចសហប្រតិបត្តិការវប្បធម៌-ទេសចរណ៍កម្ពុជា-ចិន កាន់តែរីកចម្រើន និងស៊ីជម្រៅ ថែមទៀតនាពេលអនាគត ចាប់ពីពេលនេះ។

លោកបន្ថែមទៀតថា «តាងនាមសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ខ្ញុំមានសេចក្តីសោមនស្សរីករាយក្រៃលែង ដែលបានចូលរួមក្នុងពិធីសម្ពោធទិវា ឆ្នាំវប្បធម៌-ទេសចរណ៍កម្ពុជា-ចិន ដែលជាកម្មវិធីដ៏អធិកអធម រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន ក្នុងវិស័យវប្បធម៌ និងទេសចរណ៍។

លោកហោ ណាំហុងបានបន្តថា នៅឆ្នាំ២០១៨កន្លងទៅ កម្ពុជានិងចិន បានប្រារព្ធពិធីអបអរសាទរខួបអនុស្សាវរីយ៍ លើកទី៦០នៃការបង្កើតទំនាក់ទំនងការទូត រវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន ដែលមានសកម្មភាពវប្បធម៌ និងសកម្មភាពផ្សេងៗទៀតជាច្រើន ដើម្បីអបអរសាទរខួបអនុស្សាវរីយ៍នេះ»។

ប្រទេសចិន និងកម្ពុជាមានប្រវត្តិទំនាក់ទំនងមិត្តភាព និងសហប្រតិបត្តិការផ្នែកសេដ្ឋកិច្ច នយោបាយ ពាណិជ្ជកម្ម វប្បធម៌ និងប្រវត្តិសាស្ត្រដ៏យូរលង់ណាស់មកហើយ។ តាមរយៈចម្លាក់លើជញ្ជាំងប្រាសាទអង្គរវត្ត បានបង្ហាញពីទិដ្ឋភាពដ៏រស់រវើកនៃការប្រាស្រ័យទាក់ទងគ្នារវាងប្រជាជនចិន និងកម្ពុជាតាំងពី ១ពាន់ឆ្នាំមុន។ ប្រទេសទាំងពីរ ជាប្រទេសជិតខាងល្អ មិត្តល្អ ដៃគូល្អ និងបងប្អូនល្អ។

លោកឧបនាយករដ្ឋមន្ត្រីបានបញ្ជាក់ថា “ការអភិវឌ្ឍរីកចម្រើនរបស់កម្ពុជា គឺមិនអាចកាត់ផ្តាច់ បានពីការជួយឧបត្ថម្ភគាំទ្រគ្រប់បែបយ៉ាង ពីរដ្ឋាភិបាល និងប្រជាជនចិន។អនាគតនៃវិស័យទេសចរណ៍កម្ពុជា មិនអាចកាត់ផ្តាច់ចេញពីការស្រូបទាញកំណើននៃលំហូរទេសចរ និងវិនិយោគិនចិនបានទេ។

កម្ពុជាពិតជាមានសុទិដ្ឋិនិយម និងគាំទ្រយ៉ាងពេញទំហឹងនូវការដាក់ចេញនូវយុទ្ធសាស្ត្រ ខ្សែក្រវ៉ាត់ និងវិថីរបស់លោកប្រធានាធិបតីចិន ស៊ី ជីនពីង ដែលនឹងធ្វើអោយប្រទេសតាមបណ្តោយផ្លូវសូត្រ រួមទាំង អាស៊ាន និងកម្ពុជា ទទួលបាននូវវិបុលភាព និងការរីកចម្រើនលើគ្រប់វិស័យ៕

[:]